Dab pojtxoog tsis yog neeg tuag mus txia ua

DAB POJ NTXOOG TSIS YOG NEEG TUAG MUS TXIA UA



Txheej thaum ub , tib neeg yeej ntshai rwg tsam ntsib dab poj ntxoog, vim tib neeg xav tias dab poj ntxoog yog neeg tuag mus ua.

Dab poj ntxoog tsis yog neeg tuag mus ua tab sis yeej yog txwm txwm cov dab ntxoog (démon) thaum ub tus thawj coj dab ntxwj nyoog (satan) ntxias poob saum ntuj mus rau hauv dab phem teb (dab phem teb nyob hauv nruab nrab lub plawv ntiaj teb , twb muaj ib co scientifiques twb mus ntsuas tau cov neeg suab quaj qw nyob hauv nruab piv txwv nruab plawv lub ntiaj teb ) lawv nce hauv cov qhov dej thiab cov qhov tsua tawm tuaj saum daim av, lwm haiv neeg hu ua "Abîme"

Cov dab ntxoog ( démon ) lawv yeej yog tseem dab qus dab hav zoov , lawv tawm hmo ntuj thiab nyob tej qho chaw kom tsaus ntuj kom neeg txhob pom txog lawv ( yog muab hais los yog peb tso siab rau Huab Tais Yesxus cov dab poj ntxoog tseem ntshai peb dua peb ntshai lawv ) Cov dab ntxoog hais tias " Leej twg yog peb li mas peb zoo li tus tsov ntxhuav yuav tom nws li cas tuaj los tau, leej twg yog Tswv Ntuj li mas peb zoo li cov yoov ya mus ntsauv nws mus mus los los xwb"

Thaum cov neeg tsis paub Yesxus thiab teev lwm yam dab, lawv tuag lawv lub cev tsis muaj Tshiab pov hwm vim lawv yeej tsis thov kom Tswv Ntuj pov hwm lawv lub cev, lawv tseem yuam qees kom tus ntsuj plig kav tsij mus tsuag tsuag lawm hauv ntuj txias teb tsaus; tuag tas dab poj ntxoog thiaj li mus qhib qhov ntxa mus mooj cov neeg tuag lub cev sawv , cov neeg ntsib cov tuag sawv los mus kev thiaj zoo li tus neeg qauj doj qauj de, plaub hau ntev sua niab rau qhov tus neeg tuag sawv rov los vim dab poj ntxoog mooj lub cev xwb ( possession)tus neeg tus ntsuj plig tiag dab poj ntxoog twb muab cab mus ntuj txias teb tsaus coj mus tsim txom.

Cov dab ntxoog kuj txia tau ua tej tus pojniam zoo zoo nkauj, thaum lawv mooj tau nej lawm lawv tseem muab nej tom tau nqus ntshav "lwm haiv neeg hu cov dab ntxoog ntawv ua ( vampire ) "

Cov neeg paub Tswv Ntuj txawm tuag lawm los lub cev muaj Ntuj cov Tshiab pov hwm, cov dab ntxoog mus mooj tsis tau vim dab ntxoog tsis tau kev tso cai ntawm Tswv Ntuj thiab dab ntxoog ntxub Ntuj cov Tshiab txawm dab ntxoog xav ua phem rau tus neeg tuag ntseeg Tswv Ntuj lub cev los dab ntxoog yuav kov tsis yeej Tswv Ntuj cov Tshiab. Li no cov neeg lawb dab thiab tau mus coj Ntuj kev cai, thiaj tsis muaj leej twg pom nws txheeb ze ua dab sawv rov qab los.

Dab poj ntxoog yeej hem tau cov neeg ntseeg Ntuj tib yam yog Tswv Ntuj tso cai tiam sis lawv hem tsis tau ntev , thaum tus neeg ntseeg Ntuj paub tias muaj dab phem nyob ze nws ces nws teev ntuj ,kuj pab tau nws siab loj, nws tiv tau dab phem txoj kev ntxias thiab phem.

Cov neeg coj kev cai poj koob yawm txwv tseem teev poj koob yawm txwv, lawv kuj muaj tej tus siab loj siab tawv ntiab tau dab poj ntxoog thaum lawv paub tias yog raug dab poj ntxoog zes thiab ua phem . Cov no feem coob yog cov txiv neeb thiab cov txawj khawv koob, tiam sis lawv kho ntiab tsis ntev ,dab poj ntxoog mus ib ntus rov qab los zes tau thiab tseem ua heev tshaj qub, ces thiaj li muaj ua zaj tas ua zaj tuaj, pauj tas pauj dua, kho tas kho dua, tej thaum dab poj ntxoog tseem kom tus txiv neeb txiv khawv koob ntiav noj ntiav haus tus dab mam tso tseg ib ntus.

Ntawm tus neeg Ntseeg Tswv Ntuj yog nws ntseeg tiag nws tsis mus cuag lwm tus kom pab nws, tsuav nws hu txog Yesxus Pleev lub npe xwb dab poj ntxoog tso tseg tam sim ntawv. Muaj tej txhia neeg ntseeg siab me, lawv ntseeg tsis txaus lawv hu Yesxus Pleev pab lawv tiam sis pab tsis tau , ces kuj tau mus cuag Txiv Plig kom pab lawv ntiab dab. Thaum ib tug Txiv Plig uas tau txais lub cim txoj cai ntiab dab phem ntiab mas yeej ntiab tau tus dab phem tsis rov los, vim muaj kev cog lus ntau yam nrog Tswv Ntuj rau tus tib neeg raug dab.( Exorcisme)

Yog nej leej twg tseem ntseeg tias peb tib neeg thaum tuag muaj tus mus ua poj ntxoog thiab sawv tau los hem neeg, nej yuam kev deb heev lawm, phoojywg txhua tus kuv thov Tswv Ntuj pab foom koob hmoov thiab tso Leej Tswv Yim Ntshiab los qhib nej qhov muag kom nej paub tias dab poj ntxoog tsis yog peb niam peb txiv tsis yog peb poj koob yawm txwv tuag mus ua. Dab poj ntxoog yog dab qus yog dab phem yog dab hav zoov.

Thov kom Tswv Ntuj pub txiaj ntsim rau nej rau hnub Monday yuav tuaj no 24/05/2010 ( Lundi) uas yog la Pentecote, Leej Tswv Yim Ntshiab hnub nqis los.

[color=blue]

Nyob zoo Maypajlug,

Zoo kawg May, koj tham tau meej kawg li. Ntshe yuav yog li koj hais lawm, ntau zaus pheej xav tias ntshe Poj Ntxoog yog neeg mus ua no. Raws li kuv paub mas Poj Ntxoog nyob tsis txawj tuag li, tsuas ntshe raug tua mas thiaj tuag xwb. Ntshe yog Ntxwg Nyug cov tes taw es thiaj nyob tsis txawj tuag tiag.

May,

Pentecôte tsis yog Monday, yog Hnub Chiv, taig kis ntag. Tab sis nyob Fab Kis teb lawv cia cov tub Dej Num so hnub Monday, vim hnub Chiv ces s d yeej so lawm.
[/color

Mp,

Hahaha...ua cas koj qhov muag yuav pom tseeb ua luaj li os???? Kuv saib 4/5 lwm kuv mam pom qhov koj hais os, xyov yog neeg hla kev xwb po los.....

XH. Npuagtub wrote:Mp,

Hahaha...ua cas koj qhov muag yuav pom tseeb ua luaj li os???? Kuv saib 4/5 lwm kuv mam pom qhov koj hais os, xyov yog neeg hla kev xwb po los.....

XH NpuagTub.......hehehe! koj sim saib seb puas yog neeg xwb los mas, neeg hla kev es nim pom khab seeb lug thiab ceev cuag ya nrog thiab os los?....muaj ib txhia yeej hais tias cov neeg yees daim yeeb yaj kiab no twb tsis pom li thiab, tiam sis thaum luam tau lawm sawv daws mam faj, mam li ua zoo saib na yees tau dab hla kev tiag tiag li

Maiv Paj Lug e,

Ua cas koj ho mus nrhiav tau os, puas yog tias lawv ua li ntawd es poj ntxoog xav tias muaj tuag tiag no es nws los saib na has tsis muaj nws ntshai heev es nws khiav ceev heev tsam neeg tsuj nws no.

Bao X Mary wrote:Maiv Paj Lug e,

Ua cas koj ho mus nrhiav tau os, puas yog tias lawv ua li ntawd es poj ntxoog xav tias muaj tuag tiag no es nws los saib na has tsis muaj nws ntshai heev es nws khiav ceev heev tsam neeg tsuj nws no.

Niamlaus Bao X Mary.... twb yog Maiv Tooj xub qhia kuv mus saib na, nws hais tias lawv yees tau poj ntxoog hla kev rau daim movie nyuam qhuav tawg tshiab xyoo no, ces kuv mus saib , kuv thiaj coj los tso rau ntawm no kom sawv daws pom dab phem hla kev.

Kuv xav mas tej zaum lawv ua movie li ntawv ces dab phem yeej ncig tsis deb ...li no thaum lawv yees thiaj yees tau...ua li peb Hmoob hais os, yog muaj ib tug tuag tiag tiag ces luag twb muab tus ntsuj plig cab quaj quaj mus lawm, tshuav lub cev lam pw rau neeg qhov muag pom xwb ...yog tso yus lub siab tag nrho rau Tswv Ntuj lawm yeej tsis nsthai cov dab phem .