Qhia tso duab & video rau hauv forum

Nyob zoo os xh NpuagTub , MP ,MT , Mim , Thiab tag nrho cov phooj ywg sawv daws

Oh tau ntev lawm uas kuv tsis tau tuaj nrog nej tham ,xav lawm hais tias nej sawv daws puav leej noj qab nyob zoo raws li lub xyoo tshiab no thiab yuad !! Ua li cas es nej yuav tham muaj siab ua luaj li laub.............!! yuad
Kuv ces tsis khoom tuaj nrog nej kawm li es yuav ua li cas nrog nej txawj ma lod , Kuv kuj xav txawj kawg li thiab tiag , Cia kuv li mam sim seb kuv kawm puas tau li nej hais os mog , Vim hais tias zaum no ces niag hlwb twb qauj tag li lawm tiag , ntshe yuav nyuaj heev thiab lauv !! yom !!!

Mam ntsib nej dua os

Maivxis .

Nyob zoo cov phooj ywg sawv daws,

Maiv Xis,

Zoo siab pom nws rov tuaj xyuas peb.

Kuv yuav qhia nws mus nrhiav Ntawv Ntshiab, yog thaum nws xav sau zaj, thiaj muaj tswv yim no. Pheej tsis khoom qhia nws ces hnub no kuv yuav muab qhov chaw rau nws. Nws mam mus nrhiav. Tsis yog nyob hauv Web es kuv yuav muab tau Lien ncaj qha mus, yog nyob hauv Microsoft xwb ces nws mam mus nrhiav nws nawb.

HmongRPA

http://hmongrpa.org/

Ntawv Ntshiab:

http://hmongrpa.org/pdf/?pdf=KosLisNthosTsabIb.pdf


1/Nws nkag tau rau hauv Txhiaj Vwj lub Website Hmong RPA,
2/nws nqes mus rau ib nrab phab,
3/ nyob ntawm sab lauj,
4/ nws pom ib lub qhov rai "NTAWV NTSHIAB"
5/ Nws nyem mus hauv, ces nws nkag rau hauv Ntawv Ntshiab lawm.
6/ Xav siv qhov twg ces ===>Sélectioner ( ua kom dub plooj)
===>Copie
===> coj los Coller rau hauv nws qhov Poste Reply ces tau lawm.

Mim,

Nws ua siab loj, tsis yog dab thawj, neeg tsim neeg txawj xwb yeej yuav paub xwb. Qhov nyuaj mas yog nej li cab sab tshwm As Mes Liv Kas hom, peb li ho yog Fab Kis zaj ces peb thiaj tsis pom tshwm zoo ib yam, thiaj sib qhia nyuaj. Thiab nej muaj nej cov Jargon, peb muaj peb li jargon ces thiaj tsis yooj yim xwb. Tab sis koj saib cov duab uas Admin tso zoo zoo ces koj yuav to taub xwb. Kuv twb muab cov duab kho kom me tag lawm, koj ho puas pom tseeb dua tuaj lawm? Hais qhia kuv paub.

Yog koj muaj Phone ntawm koj (yog koj tham koj tsis them nyiaj), koj muab rau kuv, thaum twg kuv pom koj tuaj hauv Hmong Catholique nov, kuv yuav hu tuaj nrog koj tham, qhia koj kov tej zaud yuav yooj yim dua. Txawm wb ua li Tsov thiab Plis ib tug hais ib tug tsis to taub los tej zaud yuav yooj yim dua uas qhia raws duab thiab ntawv hauv nov. Xov tooj tim peb ntau DAWB xwb, luag hu tuaj rau yus los yus tsis tau them, yus hu mus rau luag los hu dawb xwb. Peb muaj tshaj 60 lub teb chaws nyob ntiaj teb nov hu dawb xwb. Hahahah...Li nov, peb xav tham nrog cov nyob Thaib, Nplog, Australie, USA, Canada, Guyane, Suav ...thc...Los tsuav peb muaj caij xwb...Thiaj muaj kev sib hnov moo thiab lub siab lub tswv yim nyob ze ze...Tsuav lub cev ntaj ntsug thiaj nyob deb xwb.


Mim, Kuv twb sau E_mail rau koj thiab sau PM rau koj, zoo li txiv Suav Nus twb sau thiab. Ntshe koj tsis pom, koj tsis paub, koj thiaj tsis teb wb.

-Thaum koj Login tag, koj saib sab lauj ntawm koj lub npe,
-Koj pom ­You have no1,2,3 new messages ==> nrog rau ib lub hnub qub ci laim laim. Ces yog muaj neeg sau Private Message tuaj rau koj li sau E_mail.
- Koj Click ntawm qhov Message ces koj nkag mus rau hauv koj lub Box Private Message lawm. Koj mam qheb li qheb E_mail xwb mas....Sim saib puas tau mog.

Ua tsaug os tais Tooj e.....
Koj mas twb siv zog tuaj pab qhia kuv kawg li los zoo li kuv yeej dig muag tas li xwb os... Tos kuv tsis tuaj teb koj hauv PM los, kuv xam tsis pom ib qho PM nyob qhov twg li na... ho tsis paub mus xyuas qhov hnub qub ntsais ntsais li koj hais li thiab nawj... Hais txog siv computer mas kuv mas ruam thiab dig muag tiag tiag li os... Qhov kuv paub siv mas yog kuv cov me nyuam taw rau kuv tas ces kuv mam paub txij li ntawd xwb...ntshai ntshai mus taum ub taum no li thiab, vim taum tsis yog ces xyov nws tawm nws ntau ntau yam los, cia li ntshai tsam puas lawm thiab, ces tsis muaj peev xwm kiag lia....
Nag hmo kuv cov me nyuam ua ib qho cadeau rau kuv no, lawv muab kuv lub computer hloov rau lawm, lawv hloov lub CPU tshiab thiab hloov program tshiab ua Windows 7 rau lawm. Xyov ntshai kuv tseem yuav xyaum ib nyuag ntu thiab mam paub siv qhov tshiab no thiab os... Ntshai yuav tuaj sau tej yam yooj yim xwb.
Lub lis piam tas no thaum tseem tsis tau hloov kuv lub PC, kuv tuaj sim tso ib daim duab uas kuv siv Microsoft Word los kos tau thiab kuv ntaus ib co ntawv rau ntawm daim duab piav txog tias yog dab tsi. Kuv muab copy tuaj tso rau, tawm cov ntawv thiab daim duab mas... tiam sis daim duab nws txawv tag lawm hos cov ntawv ces nyob phis phais lais tshooj saum daim duab xwb, tsis tawm li uas yus ua tau li. Ces cia li muab nws delete tas xwb.
Kuv to taub txog hais tias nej muaj nej cov jargons, peb muaj peb cov jargons, tiam sis muaj tej yam nej hais mas zoo li kuv pheej muaj tsis zoo li nej piav li xwb... ces kuv twb saib ib step zuj zus ua raws nraim li nej piav los pheej tsis tawm li xwb... los ntshai yog kuv txawj dhau lawm xwb thiab?.....Yog tias kuv sim kawg kev ua tsis tau no ces kuv mam xa hauv email tuaj rau koj pab muab tso xwb os nawb....

Nyob zoo os Maivtooj ,

Ua tsaug ntau nawb mog , Kuv tus me nyab siab zoo , Koj tseem pab qhia koj kuv mus nrhiav tau thiab ,
Kuv zoo siab heev li os , Cia kuv li mam sim seb kuv mus nrhiav tau li cas os mog , Ua koj tsaug os lod ,

Maivxis .

Nyob zoo Bao XMary thiab XH.Npuag Tub,

Bao,

Hais rau koj paub, kuv muab koj lub Topic Hmong Catholique of Greenbay tshem lawm, tseg lub uas XH.Npuag Tub ua nov xwb. Vim ob lub yog tib yam ces cia ib lub xwb thiaj li tsis cov.

Hais txog kev tso duab, peb twb tham ntau yam nyob huav lub Topic no lawm, koj saib nias qhov nov mus siab, yog qhov twg tsis to taub no peb mam sib tham hauv xov tooj thaum koj tab tom nyob ntawm koj lub Hlwb Haul kuj tau. Peb yeej txeev sib qhia li nov los.

https://hmongcatholique.forumdediscussions.com/t246-qhia-tso-duab

Bao, koj mus saib, koj tib zoo saib Post #1 thiab #2, ces koj yuav tso tau duab ntawm koj lub pc mus rau hauv vas sab lawm. Cov duab peb ua hauv nov, txawv cov tam sim nov nyob hauv Vas Sab no, vim lub hauv paus hloov lawv cov forum me ntsis lawm. Tab sis yeej tseem yog tib tug lwj lwm.

*Thawj thawj qhov Admin qhia, pom tsis tseeb, yog thaum koj qhov post Reply uas koj tab tom yuav sau ntawv rau hauv nov, koj saib saum hau, qhov chaw uas koj sau ntawv. Koj yuav pom ib cov logo,, koj suav sab lauj tuaj yog lub 15, uas yog ob lub carré sib tshooj, koj nias lub ntawd ces yuav tshwm cov uas peb qhia saud rau koj.


Yog koj xav muab duab hauv cab sab los tso kuj yooj yim heev. Tab sis qhov zoo mas koj pom ib daim duab cab sab, koj muab copy rau hauv koj lub pc, koj mam rov tso dua tuaj mus rau hauv vas sab nov mas thaum lawv tshem tom lawv los yus daim thiaj nyob. Yog koj cia li muab nqa ncaj qha los tso rau hauv nov mas thaum luag tshem luag daim ces yus daim yuav ploj thiab. Peb tuaj sau hauv nov, peb tsis yog tuaj ua si laug hnub, peb tuaj khaws txuj thiab tshaj Ntuj Lus, mas peb tsis xav kom cov duab uas peb dhos ploj, peb thiaj li tsis tso duab ncaj qha.
Dua li yog koj muab duab tso rau hauv Photobocket los yog tso rau Picturetrail los yog lwm yam, koj yuav cia daim duab nyob nws qhov qub chaw txhob hloov chaw li mas thiaj li; yog koj muab koj daim duab hloov chaw, tso rau lub album tshiab ces daim uas koj copy los tso rau hauv vas sab no yuav ploj lawm.


Txhob ua siab kub, siab deb, peb tuaj ua kev nov yeej yog sib coj kawm xwb. Kuv tus kheej kiag los kuv yeej tseem nug lwm tus tas zog. Vim yus tsuas paub yam uas yus niaj hnub siv xwb, luag ua tau civ tov civ yam ces yus paub tsis txhua.

XH.Npuag Tub, ua tsaug uas nws kub siab tuaj tu vaj tu tsev thiab coj peb kom sov siab.
Kuv lam hais nws seb nws puas xav siv qhov fram tso duab nov yooj yim dua qhov nws siv ntawd. Cia li tso xwb, cov ntawv mam nyob raws li nws yuav ntim tau, yus tsis tas yuav tso qhov kaw table rau nram cov ntawv qab li. Nws "quote" thiaj pom qhov frame, yog xav kom daim duab loj me ces hloov cov zauv ntawm: "width=... & height=..." xwb.

xeebzeejkim wrote:

Maivtooj.
daim duab no yog thaij puag thaum lub 7/2010 uas kuv mus California lawm. lub caij ntawd peb mus lig lig es tshav ntuj kub kub lawm thaij tau tsis zoo lawm.

ab zoo li kv twb ua tsi tau li as vim tiam kv tseem ua tsi tau lo lub chaw qhib ntawd li ne eg xyov rau hauv los yeej tsi muaj koj n1 no li as .

Nyob zoo XH.Ntxoov Tsab,

Yog koj tuaj sau tau ntawv rau hauv nov mas koj yuav tsum muaj qhov N°1 xwb. Koj saib ntawm qhov chaw koj sau ntawv, saum hau xwb mas. Kiag saum hau uas koj sau xwb.

Niam hlob koj ua koj tsau uas koj tau qhia wb og, tiam sis thov nug tias: yog yus sau tau ntawv rau lub forum lawm, es yus rov tso duab rau hauv lub forum mas puas yuav rov xyeem sau npes duab thiab sau tus ntawv qhib dua ib zaug maj?. Thiab koj hais li es kuv saiv ntawm lub chaw sau ntawv saum toj muaj ntau ntau lub xwm fab xwm meem li xyov yog lub twg? Thiab puas yog cov kuv hais ntawd nav? Los yog cov uas zoo xws li tej tus me kab npauj nyob rau sab lauj og. N hlob wb tseem tsi tau txawj es ua rau tab kaum nej lub sij ham xwb los, thov nej ho pab qhiv thiab og,

Txawj Tuam,

Thaum koj Login ( Nkag npe) tag, koj ua li koj yuav sau ntawv hauv Forum kiag mas koj thiaj li pom cov cheeb xwm fab xwm meem uas kuv qhia koj nov. Koj nias lub uas kuv qhia koj N°1 ces koj mam mus nrhiav koj cov duab hauv koj lub xov tooj seb koj tso rau qhov twg. Thaum koj nkag koj lub npe tag ces pom zoo li daim duab nov, koj saib cov kuv xub qhia saum toj ces koj yeej yuab tsum tso tau duab xwb.

Nyob zoo sawv daws. Vim li cas kuv twb nkag tau hauv lub cheeb xwm fab xwm meem kuv twb tso tau duab rau hauv lawm. Tiam sis vim li cas kuv ho Copy tsi tau daim duab tshwm li. Thaum kuv "N 1" mus txog rau "N 5" ces tsis pom muaj 3 kab ntawv nej hais li. Thiab thau kuv tso tau duab rau hauv lawm mas kuv tshem tsi tau daim phiaj uas roos kuv qhov sau Post li, los yog kuv Copy tsi tau duab rau hauv es thiaj tshem tsis tau daim phiaj ntawd ploj og? Niam Hlob kuv yeej pom xws li koj tau qhia N 1 mus txog rau N 5 tiam sis thaum kuv N 2 thiab N 3 tas ces kuv N 4 mus xaiv tau daim duab tas ces kuv tsi paub N 5 xyov yog li cas, thiab kuv tsi pom 3 kab ntawv uas muaj ib kab xiav ntawd li xyov yog li cas? Tiag

Nyob zoo Txawj Tuam,

Cas kuv sau PM rau koj, zoo li koj tsis pom li?

Kuv rov kho qhov tso duab ntawm N°6 ntxiv lawm, seb koj tso puas tau. Qhov nyuaj me ntsis rau koj mas yog koj siv xov tooj xwb ces seb qhov "copy" yog koj yuav ua lu cas thiaj copy tau xwb.

[/center]

Zoo siab tau pom nej cov duab haib kawg heheh
yog cu cev kom muag xwb tsi yog lem ceg nawb yog nej tau pom tus puav zoo li lem lem ceg nas hehehe
vim ua ntej peb yuav mus taug kev peb yuav tsum ua meme sport mam li mus..

Nyob zoo N hlob, vim li cas kuv ho tsi pom cov qhov rais uas yus nias mus tso duab lawm ne?
Puas yog nej muab tshem tso twg lawm og?
Ob hnub no lub forum sib heev lawm, khiav nrawm kawg li, kuv xav nkag rov sim tso duab tiam si tsi pom cov qhov rais lawm.
Xyov yog tim li cas?

Yog tias muaj tej tug tibneeg uas tau muab kuv li duab coj los tso hauv no es kuv twb tsis tau tso cai rau lawv tso... Yuav ua li cas kuv thiaj taug xaiv tau?

Nyob zoo Maiv,

Zoo siab koj tuaj txog peb lub tsev "Ntseeg Ntuj sib Fiv Txuj",
Muaj ntau daim duab hauv nov, kuv tsis tau kev tso cai ntawm tus tswv, kuv cia li muab tso tawm hauv nov. Thov zam txim thiab.

Kuv cov duab tso tawm hauv nov muaj ntau lub hom phiaj xws li nram no:

1/ Yog duab keeb kwm, yuav khas cia ua keeb kwm rau Tsoom Hmoob mus tsis muaj caij kawg. Vim Ntawv Hmoob Thoob Teb tshwm sim tshiab, peb yog cov pom kiag ntawm qhov muag, peb yuav tau khaws tag puas tsav yam uas peb paub thiab tau los cia ua puav pheej kom HMOOB lub npe nyob tsis muaj caij kawg, li nov thiaj li tso cov duab uas muaj feem nrog kev tsim Ntawv Hmoob Thoob Teb.

2/ Cov duab kuv tso tawm, qhov ntau yog kuv mus nrhiav tau hauv cov Txiv Plig cov tsev khaws txuj Hmoob uas peb tus kheej twg tsis muaj, kuv thiaj li muab tso tawm kom tus tswv duab ho tuaj pom, ho tau khaws mus tau saib, coob leej tsis au pom dua lawv niam lawv xiv uas twb dua toj lawd los lawv tseem tuaj nrhiav tau lawv niam lawv txiv tus neeg tias zoo li cas rau li cas.

3/ Cov duab qub, kuv mua ntau qhov chaw los, kom pom tias Peb Hmoob lub neej thaum ub zoo li cas rau li cas, yog kuv paub tus tswv duab, kuv yeej tso tus tswv duab lub npe rau tias yog muab qhov twg los, yog kuv tsis paub ces kuv tsuas tso daim duab rau hauv nov xwb kom tau ua puav pheej rau Haiv Hmoob Thoob Teb xwb.

Ntau tus tub txawj ntxhais ntse, sau txog keeb kwm Hmoob ua tej phau ntawv los yog yuav piav ib qho keeb kwm rau ib lub tsev kawm ntawv loj xws li University los lawv yeej tuaj nug kuv kev tso cai rau lawv coj mus siv.

Li no yog koj muaj ib daim duab uas koj tsis xav pub kuv tso hauv nov los koj muab qhov link page ntawd thiab daim duab los qhia kuv rau hauv nov ces kluv tshem tawm xwb tsis muaj teeb meem dab tsi. Vim peb tsim lub vas sab nov yog tsim los sib coj kev hlub kev nyiam kev haum xeeb kev vam meej xwb. Peb tsis yog tsim los ua ncauj ua lus. Li no vam thiab cia siab tias koj yuav zoo siab txog peb lub vas sab nov txoj kev muaj nuj nqes rau peb tsoom Hmoob thoob ntiaj teb.

Thov ua tsaug rau koj kev thoob tsib.

Ua tsaug, Maiv Tooj

Tsis yog tias kuv muaj teeb meem tias koj muab daim duab coj los tso hauv no. Kuv zoo siab tias koj tseem muaj interest rau kuv daim duab. Kuv tsuas xav kom koj hais rau kuv paub thiab. Yog xav paub ntxiv, kuv yeej tsis muaj abtsi. Kuv yeej nyiam tuaj saib koj cov duab qub rau hauv no thiab. Kuv ua koj tsaug. Thank you.

Jenny

Nyob zoo Maiv,

Yog koj ho muaj cov duab nyob hauv nov es kuv tsis tau hais rau koj paub ua ntej kuv yuav coj los tso los ntshe yog kuv tsis pom koj npe es kuv thiaj li tsis tau hais rau koj paub ua ntej xwb mog, vam tias koj yuav zam lub txheej rau kuv.

Yam tom ntej, yog koj ho muaj tej duab qub, duab keeb kwm los peb zoo siab yuav txais tos koj kev siab dawb faib rau peb sawv daws saib thiab.

Ua tsaug ntau.