Hmoob Catholique Sacramento, USA

Sau los ntawm Xib Hwb Yaj Zoov Ntxheb. Tim 24/11/2012.

Xyoo 2006, Kuv tuaj txog lub nroog Sacramento Cali fonias UAS teb cov neeg ntseeg muaj li 300 tawm leej li leej ntseeg Yes Xus lub moo zoo raws Ka tau liv tus Vaj Qhia Zam Paj Lug ob ua tus thawj coj.
Lub nroog no muaj ob tug Leej Tsob Hwb:
Xib Hwb Vam Tub Muas thiab Xib Hwb Nyiaj kaub Yaj.
Lub 3 hlis tim 26 xyoo 2010 Leej Tsob hwb Nyiaj kaub tau tso lub ntiaj teb no tseg lawm. Tam sim no kuv kuj tseem pab Xib Vam Tub Muas ncig xyuas tsoom kwv tij Hmoob nyob Sacramento no.
Thaum kuv tuaj txog tus Tswv qhia nyob Sacramento tau txais kuv los pab cov ntseeg nyob hauv lub nroog no.
Xyoo 2006 los txog rau xyoo 2012 no cov neeg ntseeg nyob lub nroog no nce txog 820 leej neeg, Hos cov yim neeg muaj 110 yim neeg rau lub 11-15 -2012 no.
Cov neeg los ntxiv yog cov zoo li nram no:
Ib co yog cov neeg txais kev ntseeg nyob tim los tsuas teb txais kev ntseeg nyob hauv cov yeej thoj nam nyob Thaib teb uas tuaj txog rau USA teb no ces lawv ploj lawm tau nees nkaum tawm xyoo mam rov los ntseeg dua. Ib co lawv los ntawm tej pab pawg neeg ntseeg ntawm cov ncaim ntawd los. Kuj muaj ib feem yog neeg ntseeg tshiab.
Qhov uas lawv los ntseeg li no mas lawv pom tias lawv tus Xib Hwb nws tau muab nws pub rau lawv kom lawv tau kev vam txog, los paub Tswv Ntuj tej lus nyiam thiab hlub neeg. Thiab to taub Yes Xus zaj lus ua neeg thoob tsib mus taug kev ncaj ncees, kom tau nyob kaj siab lug.
Nyob hauv ib pab neeg twg yog lawv muaj ib tug Xib Hwb los ib tug leej Choj txawj coj mas pab neeg ntseeg ntawd vam meej sai lawv txawj nrog Leej Tswv Yim Ntshiab sib tham thiab sib sab laj hais lus mus raws cov neeg thoob tsib zaj tswv yim nqes saum ntuj los. Lawv tsis yoog raws li keb thoob tsib uas kawm ntawm cov tsiaj txhu los siv.
Txoj kev thoob tsib uas yoog raws li cov tsiaj txhu:
Yog kev khav theeb, kev ncauj ntau, kev sib twv saib leej twg lub zog loj zog ncav ntaus yeej los ua xaiv lus yeej xwb.
Ib pab kwv tij nyob ua ke yog lawv txawj sib haum mas lawv vam meej sai, Lawv nrog lawv tus Xib Hwb ua ib npoj. Co niam tsev tsiv tsev lawm nyiam yoog lawv tus Xib Hwb tab yog lawv kawm tsis tau tau los ua Xib Hwb mas lawv twb nrog lawv tus Xib Hwb ua ib pab thwj tim xib hwb pib mus pab qhia luag tej lawm. Lawv khaub zig lawv tus Xib hwv mus li kom txhob mus deb dhau rau tej yam tsis muaj tseeb.
Pab neeg ntseeg nyob Sacramento no muaj cov niam tsev txiv tsev ua neeg thoob tsib thiab siab ncaj Lawv nquag mus pab neeg rau tej tsev neeg muaj me nyuam yug los tshiab, muaj kev ua plig txhawb siab, muaj kev noj haus rau saum tshoob kos los kev ib siab ob qig.
Lawv tau ua tej txoj hauj lwm zoo kawg:
Lawv ua lawv tus Xib Hwb tes taw, qhov ntsej qhov muag, thiab lub ncauj hais lus. Qhov Xib hwb mus tsis txog lawv tau mus txog, yam Xib Hwb tsis pom tsis paub los lawv tau pom thiab paub tas. Ib pab neeg nyob li no mas sawv daws nyob tau yam kaj siab lug. Niaj hnub chiv lawv sib faib Ntuj los lus sib nres ua siab loj nyob ze Yes Xus txoj kev ua thwj tim, tshaj lub Moo Zoo.
Cov txiv tsev mas lawv nquag, cov niam tsev muaj ntau leej lawv nyob ze yim neeg ntshiab raws Mab Liab thiab Yes Xus qab pab thov Ntuj rau tej tus neeg muaj kev kho siab,los mob nkeeg, lawv muaj kev tso siab tseeb kawg.

Nyem no txoj kev tshaj ntuj lus nyob Mis kuj teb tsis zoo li yav ntuj thaud kev tshaj ntuj lus nyob rau Los Kuj, thiab Thaim kuj teb lawm. Uas hmoob nyob ua tej lub zos muaj li 100 yim neeg mus rau 200 yim xwb ib tug Xib Hwb nws yauv saib thiab kav tau, Nyob rau Mis Kuj los Fuaj Kuj teb sawv daws nyob hauv ib lub nroog ua ke, tsis kav nws muaj tej ncua kev deb li 10- los 15 mais kev los tshaj ntawd, cuag li nyias nyob muaj nyias zos los nroog.
Nws kuj ua rau tus Xib hwb los tus Leej Choj khiav kev tsis yooj yim. Ob peb xyoo muaj tej yam hloov tshiab. Cov neeg ntseeg ntxov kuj paub tsis txog, cov neeg ntseeg tshiab los kuj qhia tsis cuag ncua.

Txij no mus yav tom ntej peb yuav ua mus raws tus txheej txheem no:
Cov neeg ntseeg ntev tau kaum xyoo los nees nkaum peb caug xyoo, Tus Xib Hwb yuav coj lawv nrog Xib Hwb los leej choj ua ib pab, ua tub tshaj ntuj lus ua ke.
Xib Hwb thiab Leej choj yuav coj lawv,nrog lawv sib fim kom tuab ntws, ua ke sib faib Ntuj tej los lus kom cov neeg sib pab tau ntau dua yav tas los lawd. Xyaum ua Yes Xus thwj tim mus ncig zej zog pab cov nyob ze yus, kom lawv txawj teev Leej txiv nyob hauv txoj kev tseem ceeb. Mus xyuas,mus coj luag pab qhia kom paub tej zaj teev ntuj, paub Tswv Ntuj cov cim ntshiab nqa txiaj ntsim pub rau neeg ntiaj teb, paub txais Yes Xus tej zaj lus nyob hauv ntawv ntshiab kom tsim nyog.
Txij li thaum tsoom Hmoob raug ua neeg thoj nam, tau tsiv mus nyob puv lub qab ntuj no. Mas neeg tig los ntseeg txog Tswv Ntuj coob tiam sisHmoob tsis txawj txais Tswv Ntuj lo lus thiab nws cov txiaj tsim,lawv tau txua tej yam tsis tshua tsim nyog nyob hauv ntxiv rau. Sawv dawd yog ib pwag neeg ntseeg xwb tsis kav peb hnov lawv hais lus tsis sib xwb thiab, tej tus hais tshaj zog tsis muaj li ntawv ntshiab qhia. Hos tej tus ho tsis paub tias musj dab tsi li.
Cov neeg ntseeg yog lawv ua tej pab los sib faib Tswv Ntuj lo lus xyaum coj tej yam tseem ceeb nyob nrog Tswv Ntuj sib haum xeeb kom txawj teev Leej Txiv nyob hauv txoj kev tseem ceeb mas yog yam uas Tswv Ntuj nyiam thihab nws niaj hnub tos txog ntag,

Xib Hwb Yaj Zoov Ntxheb.