Puas tau muaj zaum puav Tswv Ntuj sim nej siab?

Hnub no Tswv Ntuj tau sim kuv siab.

Thaum kuv lawb work, kuv tsis los tsev, kuv ncaj qha mus shoping, thaum kuv mus txog tom tab laj chaw nres tsheb, kuv tsis muaj ib lub nyiaj seem nyob qhov twg coj mus ntsaws hauv lub laub kom cab tau lub laub mus ua kuv cov shop. Kuv muaj ib lub pièce ntshaw laub tiam sis kuv tsis nco qab nyob tom tsev lawm thiab, kuv xav li cas los xeeb txob kuv dhau , meem meem txom kuv li, kuv tsis xav mus nug fab kis seb lawv puas muaj nyiaj ntsaws laub.

Kuv txawm seev ib suab hauv kuv lub siab tias :' Tswv Ntuj kheev lam muaj ib lub nyiaj nyob qhov twg rau kuv cab laub mas !'.

Ua ciav kuv cia li pom ib lub pièce ntsaws daig ntawm ib lub laub uas neeg tsis nco qab nqa , kuv cia li rub tau lub laub mus yuav kuv cov khoom. Kuv zoo siab thiab ua Tswv ntuj tsaug.

Tiam sis, Tswv ntuj kuj sim kuv siab thiab laid! thaum kuv yuav kuv cov khoom tas, kuv coj lub laub mus ntsaws cia, txawm muaj ob niam tub fab kis lawv kuv qab, nkawv txawm thov kuv tias :" koj puas muaj nyiaj Euros pauv rau wb tau ntsaws laub mus tab laj ?" , kuv teb tias kuv tsis muaj, kuv saib na ob niam tub meem txom npaum li kuv ua ntej thiab, ces kuv cia li hais tias : " Neb tsis muaj nyiaj cab laub, tsis muaj pièce ntsaws laub li thiab no ces neb cia li yuav kuv lub pièce hauv kuv lub laub xwb los mas, kav liam os kuv tsis yuav , kuv twb muaj ntau ntau tom tsev."

Nkawv txais kiag kuv lub laub, nkawv zoo siab hlo, nkawv ua kuv tsaug, kuv twb los txog tsev kuv mam xav txog 'Ntshe Tswv Ntuj sim kuv siab' Tswv Ntuj pab kuv tas, Tswv Ntuj ho sim seb kuv puas pab lwm tus tib yam.