HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


XH. Yaj Zoov Ntxheb lub Tsev THOOB TSIB Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


4 posters

    XH. Yaj Zoov Ntxheb lub Tsev THOOB TSIB

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty XH. Yaj Zoov Ntxheb lub Tsev THOOB TSIB

    Post  Maiv Tooj 29th June 2010, 6:19 am


    LUS NTUAS KEV UA NEEJ
    Sau xyoo2007
    tu sau
    XH. Yaj Zoov Ntxheb



    Yog ib zaj pab rau cov neeg sib sau los nyob ua txij ua nkawm.


    Lub keeb kwm ntuj tsim teb raug qaum ntuj tsim peb tus poj yawm txwv koob. Yeej muaj raws li ntawv faj lem uas lub Koom Txoos Ka Tos Liv hais hauv phau ntawv cog qub lus.Ntuj xub tsim tus txiv neej tas nws mam xeeb tus poj niam ntawm tus txiv neej los.

    Peb Hmoob yeej muaj ib lo lus tias Tus txiv ua tus chiv , hos tus nyab ua tus pab.Txoj kev sib ntseeg siab nyob hauv ob tug txij nkawm txoj kev ua lub neej nyob rau hauv lub sim ceeb no. Ua yam twg los xij, Txhua yam uas yuav nyob tau khov kho mas yuav yog xav thiab ua tawm hauv yus lub nruab siab los.
    Yam uas yus yuav pib tawm ntawm yus mus kom muaj tseeb: Mas yus txhob rov dag rau yus tus kheej. Yog yus dag yus ces yus dag tas nro neeg ntiaj teb, thiab yus tseem tau dag rau tus Tswv xeeb teb xeeb chaw (uas yog Tswv Ntuj.}
    Nco ntsoov peb ua neeg nyob ntiaj teb no mas peb xav tias yog ib yam me, tab sis yog ib yam loj tshaj. Koj dag luag ces dag peb zaug koj txaj muag. Hos koj rov dag koj mas koj dag yam tsis txaj muag li , koj tseem twv txog lub ntu lub teb los hnov.
    Yus dag yus mas dag dag plawb hau dawb tas los yus tseem dag qees thiab. Nyob hauv ib hnub mas yus twb rov dag yus tshaj peb zau lub hnub twb tsis tau poob qho.

    XH. Yaj Zoov Ntxheb lub Tsev THOOB TSIB Family10

    Nyob hauv ib lub neej muaj txij nkawm, nkawd ua neej npua nuj npaum li cas. Yog koj paub txog mas muaj nuj nqes zoo heev:
    Thawj tug txiv neej yus yuav los thawj yug poj yus tau nws yog tus muaj 80% yog yam zoo , tshuav 20% uas nws kawm thiab paub tsis tau txog xwb .
    Yog koj xav nyob ua ib nkawm niam txiv nyob nplua nuj. Koj nco ntsoov them nws li nuj nqi.=Yog muab kev hlub, kev qhuas kev pab. Los them. Yuav them mus li kom thaum txog hnub ob leeg tau nce hauv toj lqawm mam li as.
    Nplua nuj tiag: Yog koj nyiam thiab koj hlub nws , Koj muaj kev zoo siab, koj rau siab ua hauj lwm nquag plias, mus kev koj tsav tsheb ncaj ke koj maj mus maj rov los . Tus nyob hauv tsev pov hwm tus tawm rooj mus ua hauj lwm los ua num tsis muaj tee meem nkawd ua neej muaj hmoo khwm yam twg los nce tes . Nyiaj txiag muaj txaus siv me tb me nyuam muaj txaus txib tus qoob loo muaj txaus noj tus ncauj lus muaj txaus hais rau tas neeg tsoom txheeb ze tau kev vam khom ua ib hauv tshuaj tuav pov hwm.
    Tus txiv neej los poj niam Yog thawj lub pov haum uas zoo tshaj te pov haum nab
    Los pov haum zaj, pov haum laum kiav tshooj

    Cov txiv neej los poj niam lawv nyiam nrauj lawv tus txij nkawm, muaj tej tus neeg nws pom lwm tus txiv neej los poj niam uas nws txawj ua tej yam nyob hauv nees 20% uas nws tus tsis txawj los tsis tau paub, ces nws xav tias tus tshiab no paub dua. Nws muab tus qub no tso tseg Nws mua yuav tus tshiab. Yog zaum no lauj Nws poob 80% .Nws rov tau 20% lawm xwb.
    Zaj lus no peb poj koob yawm txwv yeej ib txwm paub ntxov ntxov los lawm :Xws li yog zaj dab neeg Niam nkauj Zuag Paj thab niam nkauj Kub Kaws nkawd.

    Ob tug niam txiv sib sau los nyob ua ke no yuv tau paub txog lub tiaj ntsim nyob hauv tus txiv neej thiab tus poj niam. Ib leeg muaj 7 yam uas nws nyiam.


    Xya yam uas uas Txiv neej nyiam.


    1=Txiv neej nyiam kom hwm nws ua tus thawj los tus tswv
    2=Nws xav kom poj niam txais yuav thiab mloog nws ua tus thawj.
    3=Nws nyiam kom poj niam tuav txoj kev zoo nkauj kom phim nws lub meej mom rau
    tus txiv.
    4= Nws nyiam kom poj niam hais lus nrog kev hlub kom tsim nyog rau nws.
    5=Nws xav kom poj niam txaus siab rau kev nyob ua ke thiab tes hauj lwm.
    6=Nws xav kom nyiam thiab qhuas txog tus txiv tus yam ntxwv.
    7=Poj niam yuav tsum paub thiab to taub tias tus txiv yog neeg muaj nqis.

    Xya yam uas poj niam nyiam thiab tos ntawm tus txiv:

    1=Nws nyiam kom tus txiv muaj ib txoj kev ntseeg hauv lub neej ruaj ntseg.
    2=Nws xav paub tias nws puas ua hau tus txiv siab kom nws txawj kho nws tus kheej.
    3=Nws kuj xav paub tias nws puas muaj nq rau tus txiv .
    4=Tus txiv puas to taub tias poj niam lub zog tab dua, thiab nws lub pee xwm luj li cas.
    Xwb.
    5=Tus txiv puas txaus siab qee ib lub caij los nrog poj niam tham txog kev nyuaj siab
    Los kev zoo siab.
    6=Tus txiv puas nco ntsoov tias poj niam nyob ze nws txhua lub caij.
    7=Tus txiv puas muab nws lub neej cog rau nws poj niam tseeb.

    Cov txij nkawm txawj pom tej yam no mas lawv muaj zoo pov haum, lawv muaj hmoo, nplua nuj, lawv ua neej nyob muaj txoj siantev dhawv.
    Zaj no yog yuav piav mas tseem
    tshuav ntau pua los lus zoo ntxiv.


    XH. Yaj Zoov Ntxheb lub Tsev THOOB TSIB Lphny310



    KEV XEEB ZEEJ TSHWM LOS.

    Neeg xeeb los sib txawv xws l nyias muaj nyias qhov chaw tuaj.
    Cov txiv neej zoo l lawb xeeb nyob hauv lub plawv yis ntuj los, Hos cov poj niam lawv xeeb nyob sab qaum ntuj pej tuaj.
    Ob leeg tuaj sib ntsib nyob rau hauv lub sim ceeb no.
    Nyias coj nyias qhov zoo thiab hwj chim tuaj. Tus txiv neej nws coj hwj chim peev xwm nrog nws tuaj.
    Hos poj niam nws coj kev zoo nkauj kev nyiam nrog nws tuaj. Nkawd tuaj sib ntsib nyob hauv lub ntiaj teb no.Ib leeg txaus siab rau ib leeg txog yam nkawd muaj.
    Txiv neej thiab poj niam sib xav tswv yim txawv me ntsis.Txiv neej nyiam ua tus muaj hwj chim, nyiam kav, nyiam kho. Thaum muaj ib leeg twg los sis poj niam piav tej yam rau txiv neej mas nws cia li muab kho sai sai rau tus piav ntawd tseem tsis tau yog lubcaij uas nws xav kom kho.Tus txiv neej mas nws xav tias twb yog teeb meem lawm ces nws kho.Muaj ntau zaus txiv neej thiab poj niam tsis sib haum nyob hauv tej no.

    Poj niam nws tuaj nws coj kev zoo nkauj los kev nyiam tuaj, mas poj niam nws nyiam tej yam zoo nkauj: Xws li nyiam paj ntaub nyiam paj xyoob paj ntoo nyiam me nroj tsuag tej yam zoo nkauj ntawd.

    Zaj yog ib zaj xav txog neeg lub neej nyob ntiaj teb uas neeg tus yam ntxwv coj.

    Yaj Xib Hwb Zoov Ntxheb.6-22 -2010.



    Last edited by Maiv Tooj on 29th February 2012, 10:11 am; edited 2 times in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Paj Lug 29th June 2010, 9:59 am

    Wow!!!.......XH Zoov Ntxheb mas cas thoob tsib thiab txawj qhuab qhia niam txiv ua neej kom nto ntsis ua luaj! Kheev lam peb muaj coob leej ntau tus neeg thoob tsib qhuab qhia me tub me nyuam ua neej tuaj sau tej yam zoo zoo tseg txhob muab mus ntim cia hauv nws lub siab mas yuav pab tau peb tej me tub me nyuam thiab tej niam txiv kom thim xav thiab kom txawj sib haum xeeb heev li lau. Zoo kawg li nawb Maiv Tooj, koj tseem khaws tau XH Zoov Ntxheb tej puav pheej no cia hauv Peb lub vas sab , yog peb khaws tej yam zoo thiab muaj nqis li no mas sawv daws yuav pom qab tuaj nrhiav kev hlub sib pab sib qhia lawm tiag tiag. Kuv zoo siab heev thiab ua Tswv ntuj tsaug tseem pub peb muaj lub peev xwm txawj khaws tej yam lus zoo zoo no tseg rau sawv daws. o)
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 30th June 2010, 10:01 am



    Nyob zoo Maypajlug,

    Yog kawg, XH. Zoov Ntxheb yog ib tug laus neeg thoob tsib heev, yog nws muaj caij sau nws tej txuj rau peb khaws cia mas yuav muaj nqes heev rau Peb Hmoob lub neej tom ntej. Kuv vam tias nws yuav muab lub caij sau yam puav ntxiv rau peb.
    Peb twb sau ntau yam lawm, zaum no kuv yuav muab kuv lub caij mus tshawb tej qub xov xwm seb yam twg zoo coj tuaj tso rau peb lub Vas Sab nov, kuv yuav coj tuaj tso kom tau khaws tseg. Vim phaum laus laus zuj zus lawm, tsam cov hluas tsis paub txog keeb kwm thiab lub neej qub.
    avatar
    Invité
    Guest


    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Invité 6th July 2010, 5:39 pm

    Nyob zoo Mt.Thaib Mp,
    Kuv pom neb tso XH. Zoov Ntxheb cov lus zoo heev.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 7th July 2010, 1:52 am



    Nyob zoo XH. Nom Pov,

    Yog kawg, XH. Zoov Ntxheb cov lus nov thoob tsib heev. Yog nws muaj fwv tsam sau ntau zaj rau peb mas yuav zoo heev. Kuv zoo siab uas koj tuaj koom peb lawm thiab, kuv vam tias koj yuav tuaj sau tej zaj zoo zoo li nov kom tau qhuab qhia Peb Hmoob ras xeev. Xav kom cov Xib Hwb thiaj cov Laus Neeg tuaj coob ntxiv, kom peb tau cov lus thoob tsib thiab muaj kuab nyeem ntau dua nov.


    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Npuagtub 7th July 2010, 2:37 am

    Nyob zoo Mt, Mp, XH Nompov thiab cov phooj ywg,

    Yog kawg kuv los kuj xav ib yam li Mt. hais thiab, nej cov XH. muaj kev thoob tsib, kev ntseeg tob, peb xav kom nej tuaj pab sau txog nej tej kev txawj qhuab qhia rau peb tsoom hmoob kom sawv daws tsim ras sawv los ua lub neej raws lub ntiaj teb, saib yav neej pem suab no peb haiv neeg hmoob puas zoo li luag lwm haiv neeg.

    XH. Nom Pov, thaum pom koj tuaj tswm hauv no ua rau peb txhua tus lub zog loj, thaum pom koj lo lus tias hlub hmoob peb txhua tus lub siab zoo. Thov koj coj koj txoj kev hlub tuaj tseb pub rau peb thiab os nawv. Ua Tsaug.


    Photobucket



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 7th July 2010, 9:01 am



    Ob niam txiv lub neej

    Thaum ua nkauj ua nraug nyob, nkawd leej twg kuj hais txwm kwv txhiaj tias: Plees nkauj nraum zoo luaj no...Thaum nkawd daj dee sib tau rov tag nrho, khaws nkaus txwm kwv txhiaj los xaus: Chim laj xeeb nqis yuav tuag...Leej niam cem leej txiv los ib yam li leej txiv cem leej niam: Niag zoo li koj xav kom tuag ntsaub qab ke mus...Thaum rov zoo siab tuaj ces ho hais tias: Ab! Koj niam...! Ab! Koj txiv...Tav nov me tub me nyuam cuag zog tag lawm ces lam ua cav lwj sib ib nyob. Cas muaj hnub ntuj tsis nqus tes hos teb nqus taw. Leej niam tuag tag nrho, leej txiv quaj suab dhas rhuam tias: Kuv niam nkauj nog, kuv me niam nquag haus zaub muag...Cas muaj ib hnub ntuj tsis nqus tes hos teb nqus taw, leej txiv tuag tag nrho, leej niam quaj suab dha rhuam tias: Kuv txiv zoo nraug, kuv me txiv nraug suav txiav taws qhuav...


    Tus sau: XH. Yaj Zoov Ntxheb.
    Xov xwm: Ntseeg Ntuj Sib Fi Txuj 1989
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 12th July 2010, 9:52 am


    COV TXHEEJ NOOB NEEJ.



    NOOB NEEJ TXHEEJ 1

    Thaum ntuj tsim teb raug, pib xeeb muaj lub ntuj lub teb no.
    Yog lub zim txwv uas Ntuj tsim Noob Neej uas peb tsoom Hmoob hais tias: Ntuj tsim nkauj Iab nraug Oo nkawd. Hauv ntawv faj lem cov neeg Catholicques ntseeg txog Yes Xus pleev (Vaj Yes Xus.) hais tias Tswv Ntuj tsim As Das thiab ES Vas nkawd, los txog rau lub caij peb tus Txoov yawg Koob Nom Hes. Yog Noob Neej txheej ib, Lub caij no tsis tau muaj cov dab nyob ntiaj teb no. Nws tsis muaj tus phem nyob.

    Tus phem no, nws yog Ntuj ib tug tshiab, uas Ntuj txib nws tuaj xa xov rau Noob Neej ntiaj teb neeg. Nws pom tias Noob Neej tau ib lub meej mom zoo phim nws lub cev ntaj ntsug thiab kav txhua yam Ntuj tsim los cia rau saum lub ntiaj teb.Ces nws xav ua tswv kav lub ntiaj teb no. Tus phem no nws txiav siab ncaim ntawm Ntuj, Nws ntxias Noob Neej kom ncaim ntawm Ntuj neeg thiaj li tau ua ib tug loj xws li tus Tswv xeeb teb xeeb chaw.Ces neeg yaj ceeb tau mloog tus phem zaj tswv yim noob neej ncaim tsis nrog Ntuj sib haum xeeb. Ntuj cov tshiab lawv yog tej leej tswv yim xws li Tswv Ntuj.Ntuj tau tsim lawv los kom tau tsob hwb Ntuj tej hauj lwm thiab pab noob neej nrog Ntuj tu lub sim ceeb.Ntuj tsim lawv ua tej leej tshiab siab zoo.
    Ces nws ntxias ob tug niam txiv hauv paus kom txhob hwm Ntuj. Neeg mam li ncaim tsis nrog Ntuj sib haum xeeb nyob ua ke.Txij lub caij no mus ces tsuas muaj tus phem no cob Noob neej sawv daws kom ua txoj kev phem kev qias.Neeg ntiaj teb txhua tus ntshaw ua tus loj kav sawv daws. Peb leeg kwv tij niam txiv yug los ib la nyob tsis taus ua ke. Ib leeg yuav tsum mus nyob ib lub roob.
    Cov Noob Neej no nyob huaj vam tuaj coob. Neeg sawv daws tsuas hais txog kev sib twv ua yam phem loj zuj zus mus, tsis phim lub meej mom ua neeg rau ntiaj teb. Ntuj thiaj tshau lub ntiaj teb no ib zaug: Yog lub caij dej nyab ntiaj teb.
    Ces Ntuj thiaj tau qhia peb tus Txoov yawg koob Nom Hes txua lub nkoj lo sis zoj lub nruas daj, thiab xaiv ib hom ib nkawm cia tau yeej noob tseg yog cov zoo.

    XH. Yaj Zoov Ntxheb lub Tsev THOOB TSIB Noe_rainbow

    NOOB NEEJ TXHEEJ 2

    Txij li Nom Hes los rau Txoov Siv Yis, Phus Thas thiab Yes Xus pleev rau peb tiam neeg no yog neeg txheej ob.
    Nom Hes cov xeeb ntxwv coob tuaj lawv muaj ntau hom tsos: ws li dub, daj dawb Neeg txheej ob no huaj vam coob muaj ntau vam vam leej sawv daws ri mus puv lub qab ntuj khwb no.Leej tib neeg muaj txiab nkeeg txiab xeeb lwj liam, neeg muaj kev kho siab, seev txog kev tu siab ntau tsav ntau yam.
    Ntuj li muab hwj huam, muaj kuab tsuag rau Txoov Siv Yis coj tuaj kho ntiaj teb neeg. Cov txuj Siv Yis coj tuaj yog muaj kuab tsuas thiab cwj neeb cwj yaig. Tus cwj neeb yog ib hom lus nrog lub ntuj lub teb sib cog lus, los vam txog Ntuj thiab tej poj yawm txwv nyob muaj meej nto moo, los ntxiv siav ntxiv zog, pab rau neeg tau noj qab nyob zoo.
    Thaum tus phem no paub txog Txoov Siv Yis cov txuj ci no, Ces tus phem tuaj qhia Siv Yis tias lub ntiaj teb no muaj ob sab: xws li Yaj ceeb yog ib sab, hos yeeb ceeb kuj yog ib sab thiab .
    Yaj ceeb li teb chaws yog neej nyob txoos. Yeeb ceeb li teb chaws yog ntsuj dab nyob. Dab kuj muaj mob muaj tuag sib xws li neej thiab, kom Siv Yis mus kho dab thiab. Tus phem nws tau fiv Siv Yis mus rau yeeb sab, nws ua 9 phaj yim ntim rau Siv Yis noj , noj 9 hnub 9 hmo tsis paub tas li . Tus phem tuaj muab Siv Yis poj niam tua tuag, muab Siv Yis tub yees ua nyuj laug tua rau Siv yis poj niam lawm thiab. Zaum no nqaij luag noj tas, ntshav luag haus tas. Siv Yis feeb Yeeb ceeb nruab teb los rau yaj ceeb nruab ntug, ces nws poj niam me nyuam tuag tas. Nws xav cawm nws tub los tshuav maum nyuj tub thiab. Muab hais los kuj yog ib lub plaub ntug loj. Siv Yis muaj kev tu siab, nws muab nws li cwj neeb cwj yaig hauv muaj kuab tsuas nrom rau qab roob qab ha nrom rau qab zeb qab ca., Ces nws rov rau Nyiaj yig Koo tsua (rov pem ntuj).
    Siv Yis qhia ntiaj teb neeg tsis tau tas, nws tseem hluas heev.
    Txij thaum no los neeg ntiaj teb muab tus phem no hu ua Dab Ntxswj Nyoog. Muab tus Tswv xeeb teb xeeb chaw hu ua Dab xeeb teb xeeb chaw.
    Li tis muaj dab hnub dab hli, dab roob dab hav, dab qhov zeb qhov cav ntev los niam txiv tuag muab hu ua dab niam dab txiv li no mus tsi muaj chaw xaus. Yam xav tau nyob nruab tswv yim txawv zog uas pom tsis tau paub meej raug tis npe hu ua dab txhij txhua li. Txij li ntawd los neeg tau swb cov npe hu ua dab, Yog cog lus rau dab lawm mas neej yuav tau them.
    Hom dab uas Noob Neej tau tis npe hu ua dab no lawv tsis yog cov dab plhom sij (dangereux ) Tsuas muaj tus phem xwb lwm cov dab tsis phem tshaj neej. Muaj ib lo lus tias: Yeeb ceeb li yuav ib 1000. Hos yaj ceeb li mas yuav 100. Yeeb ceeb li 1000 nws muaj nqi txog 1.euro. yaj ceeb li 100 yuav tsum yog tus xam phaj nyob txwm. Neej hais tias koj tau hais rau kuv ces kuv li tau hais rau dab lawm. Yog dab tso koj los dab yuav tsis tso kuv yuav tau them kom txwm li tus tsiaj xam phaj tau hais tseg.

    XH. Yaj Zoov Ntxheb lub Tsev THOOB TSIB Gong

    PHUS THAS TUAJ

    Yav ntuj uas Phus Thas tuaj nyob ntiaj teb no mas leej tib neeg twb huaj vam nyob puv lub qab ntuj khwb no lawm. Neeg vam meej thiab twb muab av faib nyob muaj ciam dej ciam av tas.. Twb muaj cov vaj nto moo ntau tus.
    Hais txog lub ntuj lub teb mas yuav tsis muaj hnub kawg li, noob neej yuav huaj vam mus ntxiv kom coob heev. Qaum ntuj tso Phus Thas los nyob. Phu Thas nws coj ntuj li lus tuaj qhia neeg ntiaj teb, kom muaj kev sib hlub sib raug zoo,cawm cov pluag neeg saib tsis taus. Hwm tsiaj txhu xyoob ntoo, txhob muab txov pov tseg yam tsis muaj nuj nqi.Neeg thiaj muaj siv mus yav tom ntej. Thaum Phus thas pib ua Qaum ntuj li hauj lwm, neeg Yaj ceeb hais tias yog Phus Thas yuav txeeb tus uam vaj ua. Yog cov Vaj muab phus Thas lom tuag. Phus Thas cov thwj tim muab nws hu ua Huab tais.
    Cov txuj Phus Thas txais ntawm Ntuj los yog ib co txuj zoo kawg. Phus Thas pib sawv kev mus tshaj kev thoob tsib nws tuag, nws qhia tsis tau thoob.
    Ces muaj ib hom dab tawm los Cov dab no tsis hu ua dab , yog tej lub pov haum li no. Cov pov haum no tawm ntawn cov Hauj Sam tuaj Xws li pov haum Zaj, pov haum Nab los pov haum laum kiav tshooj pov haum roob ris. Pov haum khoos pov haum nplua nuj
    Kaus npua foob kub kauv qaib lwm yam kub ntxiv.
    Cov no plhom sij dua cov dab los ua Siv Yis qab cov no qho tsis muaj nqi mas twb yog 300 li nyiaj nws muaj nqi mus txog 1000 rau 30 000 li

    XH. Yaj Zoov Ntxheb lub Tsev THOOB TSIB Bouddha

    YES XUS TAWM TUJ.

    Zaum no tus Xeeb teb xeeb chaw pom tau tias Neeg ntiaj teb muaj kev thoob tsib thiab kev vam meej ntau lawm, txij no mus neeg ntiaj teb yuav txais thiab mloog tau cov lus Ntuj yuav xa tuaj rau ntiaj teb neeg, Ces tus xeeb teb xeeb chaw nws rov qee nws ua lo lus tuaj yuav neeg noob neej ntiaj teb lub meej mom kom tau xeeb los ua neeg muaj kev to taub, kev mob siab li ib tug neeg uas Ntuj tau tsim los ntxov ntxov thaud lawm. Tus no Cov neeg ntseeg txog Yes xus lub Koom Txoos Catholicques Lawv hu ua Yes Xus Pleev. (Pleev txhais tias Vaj.)
    Yes Xus tuaj tshaj tias Ntuj yeej ib txwm nyiam thiab hlub neeg Noob Neej ua ntu zus los puag thaum xeeb lub ntuj ub teb los Nws txib neeg ua nws cov Yaj Saub hais nws tej lus thaum nws pib qhia tus Txoo yawg Koob Nom Hes, sib txuas zws los txog Yes Xus Pleev tuaj.
    Yes Xus Pleev nws tshaj txoj kev hu neeg rov los nrog tus Tswv Ntuj xeeb teb chaws sib haum xeeb Txij thaum ntuj tsim teb raug los txog lub zwj ceeb no Tus tswv Xeeb teb xeeb chaw no tau txuag Noob Neej tiam dhau tiam los lawm Noob Neej tsis muaj tus suav thiab txheeb tau li.

    Lub caij Yes Xs Pleev tuaj nws nthuav Qaum Ntuj tej lo lus uas nws nyiam thiab hlub neeg nyob hauv lub sim ceeb no Noob Neej tsis paub Ntuj Tab sis Ntuj nws paub noob neej zoo. Noob Neej tuaj ua neeg nyob rau lub ntiaj teb no, mas nws yuav hla tsis dhau lub sim ceeb. Noob neej yuav tig los yuav lub siab tshiab kom tau rov nrog tus Tswv xeeb teb Xeeb chaw no sib haum xeeb dua, ua ib tug leej tib neeg yuav hwm tus Tswv xeeb teb xeeb chaw thiab nyiam hlub lwm tus neeg ib yam li yus rov nyiam thiab hlub yus.
    Qaum ntuj yog ib lub teb chaws nplua nuj tsim nyog rau neeg ntiaj teb mus nyob. Lub caij Yes Xus Pleev hais tej lus zoo nkauj thiab meej li no Tus phem nws tuaj haub Noob Neej dua ib zaug loj kawg. Nws tau qhia noob neej tias Koj tus Pleev ko Koj yog leej twg koj thiaj muaj cuab kav hais meej tias koj yuav coj leej tib neeg hla lub sim ceeb no tau?

    Yes Xus hais tias kuv yog Tus Tswv xeeb ntuj xeeb teb leej tub . Kuv yog nws lo lus nqis lo nyob ntiaj teb no. Ces Noob Neej hais tias Tus no nws thuam Ntuj thiab tsis hwm cov tuam Vaj nto moo nyob ntiaj teb no’ Neeg yaj ceeb tau txiav txim muab nws tua rau saum ntoo cuam los ntoo khaub lig ua daj tes tuag.
    Nws muaj yeej, hnub peb nws sawv hauv cov tub tuag rov los nyob rau yaj ceeb neeg pom, nws tseem hais ntau los lus tseg rau neeg Yaj ceeb hnov.
    Yes Xus uas yog Leej Pleev nws hais tias yog kuv mus mas zoo dua rau neeg Yaj Ceeb Nws yuav xa Leej Tswv Yim tuaj nrog Neeg yaj ceeb nyob Tus Leej Tswv Yim no yuav qhia Noob Neej txhua tus txij li thaum ntuj tsim teb raug los.Thaum no Noob Neej ntiaj teb yuav hais tias muaj tshaj li peb tug Yes Xus. Ib pab lawv tus Yes Xus yog tus nyob saum cov huab, hos lwm pab lawv tus Yes Xus tawm hauv hiav txwv dej tuaj. Tseem muaj dua lwm pab hais tias lawv tus nyob tim qhov tsua tuaj
    Tus Leej Tswv Yim no yuav qhia txhua tus neeg kom los nrog Tswv Ntuj sib hawm xeeb.
    Zaum no yog lub caij uas peb yuav tau mloog nws li lus , Nws yuav qiv peb lub ncauj los hais nws tej lus pub txoj sia rau Noob Neej. Hnub no nws qiv kuv li ncauj lus tes taw los ua nws tes dej num , tag kis nws yuav qiv koj li los pab ,lwm hnub nws yuav qiv lwm tus neeg los ua. Nws kuj yuav qiv tej tus me nyuam yaus los hais nws tej lus kom cov neeg muaj txuj lawv tau kawm siab tsis to taub txog kuj muaj.
    Tsis hais leej twg yog hnub Leej lo Lus tau qiv peb leej twg mas yuav txhob yig. Yam meej thiab tseeb mas peb yuav tsis txhob txua kev cai lij choj los rau lwm tus neeg coj.Qhia raws nraim li nws qhia rau yus li nruab siab. Yog peb leej twg lam cuab thiab txua cai lij choj mas yuav muaj teeb meem nrog kev kub ntxhov ntau yam: Cov neeg no yog cov plhom sij tshaj. Cov no yog cov lawv yuav hlawv lub ntiaj teb no kom kub nyhiab tas tsis muaj seem li Cov no lawv yuav tau kev xam khib, kev muab hlob, kev khav theeb, kev nplua nuj ntshaw ua tus loj los ris lawv yuav faib rau lawv pab pawg ris nplawg ntia ua ke. Ces lawv txiav neeg kev sib haum xeeb tsis pub mus sib saib xyuas tsis pub pab, tsis pub noj lwm pab neeg qav.Lawv tau nqos ib co kua toj taug iab iab rau hauv lawv lub plab, lawv ua pa xwb los neeg yaj ceeb dhuav lawv lawm
    Hais mus ntxiv lawv yuav muaj ntau tus lees tias lawv tseem yog Tswv Ntuj Leej tub .Leej lo Lus uas nws lub npe hu ua Yes Xus tseem tsis tau yog tus tseeb.Lawv li Tswv Ntuj nyuam qhuav xa lawv los tshiab tshiab no tus tseem mas yog nws thiaj yog tus tseeb.
    Lo lus xaus zaj lus no.
    Kuv yog ib tug Xib Hwb kuv yuav xaus li kuv tau ua los lawm.
    Cov Xib Hwb thiab cov thawj coj tej npoj neeg ua yus li pej xeem, yog peb tsis ceev faj mas lwm hnub yog tas nrho cov Xib Hwb mus hauv ntuj tawg. Vim peb txua cai lij choj rau tsoom ntseeg yuav tso rau lawv ris. Peb ua cai tsis nrog noob neej sib haum xeeb, txiav tsis ua phooj ywg txiv tub, kwv tij, Peb qhuab qhia lawv coj Tswv Ntuj 10 lo lus nruj peb sau lawv se ntau peb tsis muaj se them , peb ua Xib Hwb peb muaj cai hla ntuj li lus vim kuv xav tias kuv yog Ntuj tus tub txib.
    Hnub peb yuav hla lub sim ceeb no mus rau Ntuj Ceeb Tsheej. Yus li cov pej xeem lawv tau ris tej lub nra loj hnyav hnyav. Muaj neeg yuav nug tias me tub thiab me ntshais leej twg muab lub nra ko rau neb ev Law sawv daws yuav teb tias yog Xib Hwb muab los. Tus neeg nug ntawd yusv hais tias Kuv me tub thiab me ntxhais Tso rau ntawm no mog yog Xib Hwb li. Peb qaum ntuj nyob nplua nuj heev peb siv tsis txog tej no Tos hnub puav ces Xib Hwb los txog thiab, Luag yuav nug tias Xib Hwb nyob ntiaj teb koj ua neej muaj koj xav yuav ntau yam cov nra no yog koj li koj yuav kom tas huv si peb qaum ntuj tsis siv cov ko yog thiab koj txua, cov nra ntawd muaj puv peb lub roob peb lub hav ntim cia , yog cai lij choj nyiaj thiab kub yog hom tsis txawj lwj los yaig Ces Xib Hwb yuav tau zov nws lub cuab tam no.
    Tus neeg muaj thiab tus ncos yuav hla lub qhov koob qab xov no yog tus ncos. ( Tus ncos = yog tus Camal.)

    Tus sau: Tub Tsob Hwb Yaj Zoov Ntxheb.
    lub 6 hli 2010


    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Paj Lug 12th July 2010, 10:19 am

    Maiv Tooj,

    Hnub no kuv muab XH Yaj Zoov Ntxheb cov lus mus hais rau kuv ib tug phoojywg ua hauj lwm nrog kuv mas nws zoo siab hlo thiab nws quaj quaj lawm tiag.

    Kuv tus phoojywg pojniam ntawv nws twb muaj 48 xyoo lawm, peb ua hauj lwm ua ke , nws tus txiv kuj ua hauj lwm nyob hauv peb lub entreprise thiab tiam sis kuv tus phoojywg ntawv nws tus txiv yog ib tug chef saib neeg ua hauj lwm, ces muaj coob tus pojniam tuaj ua hauj lwm nrog peb, muaj ib tug poj niam fab kis daj hau zoo nkauj tsawm tsawv tuaj ua hauj lwm cia li tuaj tham kuv tus phoojywg tus txiv.......2 tus ntawv cia li nyiag kev mus sib deev tau ntev los sawv daws tsis paub li. Txij nkawv coj tau txawv heev ces sawv daws mam paub, peb tus Patron thiaj muab kuv tus phoojywg tus txiv thiab tus pog daj hau ncaws tawm hauv peb lub entreprise lawm, vim hais tias nkawv ua li ntawv puas rau kuv tus phoojywg thiab tsis zoo nkauj rau peb lub tsev hauj lwm.

    Kuv tus phoojywg nyuam qhuav ua ntawv sij nrauj tiav, nws rov qab tuaj ua hauj lwm ces kuv hais XH Yaj Zoov Txheeb cov lus rau nws, kuv hais tias muaj ib tus XH hais tau ib qho proverbe hais tias :

    " Ib tug txiv neej pom nws tus pojniam zoo li 80% xwb, nws mus pom lwm tus pojniam uas muaj qhov 20% uas nws tus pojniam tsis muaj, nws tso nws pojniam tseg mus yuav tus muaj qhov 20% ntawv thaum kawg tus txiv neej ntawv poob tag nrho 80% nws tsuas tau 20% rov qab lawm xwb."

    Kuv tus phoojywg zoo siab heev, nws cia li luag ib suab thiab nws quaj quaj khawm lias kuv tias kuv hais tau ib qho lus zoo rau nws dhau lawm mas zaum no nws yuav muab sau tseg thiab nws yuav nco ntsoov kluv lo lus ntawv mus nplij nws lub neej, vim nws ua ntaub ntawv sib nrauj tas nws tau vaj tau tsev thiab nws tseem tau nws 3 tug me nyuam tib si nrog nws.

    Kuv tus phoojywg tus txiv ces cia li tau pog daj hau nkaus lawm xwb, vaj tse los plam tas nro...hnub no peb kuj hnov xov tias pog daj hau tham tau ib tug txiv neej tshiab lawm thiab mas ua rau peb pab kuv tus phoojywg tus txiv khuv xim nkawv lub neej kawg
    O:
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 22nd July 2010, 5:36 am


    THAWJ TSOB TSHUAJ.


    XH. Yaj Zoov Ntxheb lub Tsev THOOB TSIB _miao_11

    Thawj tsob tshuaj kho neeg tus mob zoo, los yog tsob tshuaj lom neeg tuag. Yog neeg tus nplaig.

    Leej tib neeg tus nplaig, yog ib yam uas me me kawg, tab sis nws ua tau tej yam loj tas nrho.
    Nws me li lub txim taws tiam sis nws hlawv tau kom kub tas 99 lub roob los rau ib tog nroog kom kub nyhiab tas. Nws muaj peev xwm rhuav yus lub neej pov tseg tas kiag, los rhuav tas nrho ib tsoom kwv tij neej tsa kom ploj mus.

    Nyob ntiaj teb no neeg sawv daws txawj pwv cov tsiaj qus kom seej: xws li pwv cov nab muaj taug, cov noog kom txawj hais lus lwm yam tsiaj kom seej. tab sis tsis muaj neeg pwv tau leej neeg tus nplaig kom seej.

    Koj yog ib tug neeg loj los neeg laus,koj txhob cem, txhob hem los dag ib tug neeg me dua koj. Yog koj cem hem dag nws, ces nws yuav tau tuag mus li xwb. Nws tsis tau kev ua nws lub neej nyob ntiaj teb no.ntxiv mus. Vim nws muaj kev tu siab nws noj hno tsis poob plab haus dej tsis poob cev nws lub hlwb kaw cia tsis qhib. Nws tsis paub txog ntiaj teb kev ua neej. Zaum no nws lub zog swb tej sab foob khaub thuas. Nws ris kev mob nkeeg ib ob xyoos ces nws nrog kev tuag sib tw nce toj nws txoj sia nyob tsis ntev.


    Yog koj qhuas nws,nyiam nws, hlub nws mas nws yuav muaj txoj sia nyob ntev dhawv ntev niaj ntau xyoo. Nws yuav hloov tau ua ib tug neeg paub tab, muaj kev thoob tsib txawj ntse nrog rau kev vam meej yuav coj thiab pab tau ntau vam tus tib neeg ua lub neej sib nyiam sib hlub raws cuag ntiaj teb kev vam meej. Nws ua tau lub neej nyob kaj lug, tsis muaj txiab xeeb. Nws zoo puav tam li tus tib neeg muaj hmoo nplua nuj muaj nqis, muaj txiaj ntsin pub rau tsoom txheeb txheeb ze ze qab zej hauv zos sawv daws siv.Tos nws hloov tau li no vim muaj tus neeg loj los neeg laus no tau qhuas txog nws.

    Tus nlaig no nws muaj kuab, muaj toj taug heev.Hmoob thiaj siv nws los foom koob hmoov hais foom kom rau tej tub ki kom ua neej nyob huaj txhaij tsav vam ua neeg muaj txiaj npua nuj, ciaj nom ciaj tswv.

    Thaum luag foom tas mas luag thiaj cim ib lo los tseg tias:Txhob rov taw tuam ntuj tsam nej tus Faj Tim Huab tais tshais neev pluj, txhob rov taw tuam teb tsam Faj Tim Huab Tais tshais neev feb.
    Txoj kev rov taw tuam ntuj no: Yog koj li kev ua neeg Khav theeb, ua neeg muab hlob,kev ntxub luag tej kev cib nyeej rau luag yus pheej xav tias luag sawv daws puav leej yog tib neeg phem.
    Thaum ib tug laus foom ib co lus rau koj mas koj yeej tau txais tiag.
    Tos koj tsis pom tias tsis tau dab tsi li thaum nws los koj tsis kam txais nws nyob nrog koj tus kheej Xws luag thov los vam txog koj ua ib yam dab tsi koj teb tias kuv tsis txawj kuv tsis paub , koj tawv zog ob peb zaug ces kev txawj ntse kev muaj koob meej kev ua neeg thoob tsib tshais neev pluj los feb lawm luag tsis thov koj ib zaug ntxiv li lawm muaj kev saib koom haum los kev ua tus thawj coj pab pawg los ua nom tswv luag tsis pov ntawv rau koj ces koi tsi tau. Peb leej tib neeg txhua tus thaum Ntuj tsim peb los ua neeg txoos rau lub ntiaj teb no Ntuj yeej saib tias zoo thiab tsim nyog lawm. Qhov peb ua poob tas yog peb ua neeg tub nkeeg tsis xav pab luag, los peb tawv zog , peb tsis nyiam luag ,peb thiaj tsis xav lees pab peb muab kev tab kaum los lwv tias peb tsis khoom. Yog thaum no ntag peb yuav ua neeg ruam mus tsis ntev ces peb kaw peb lub twv yim , lub ntiaj teb mus deb npaum li cas los peb raws tsis cuag paub tsis txog.

    Koj nco ntsoov yog koj hais tias koj pluag ces koj tsis muaj siab khwv ces koj khwv nyiaj tsis nce tes ces koj cia li pluag mus.
    Koj hais tias koj tsis txawj ces luag tsis thov koj dag zog ces koj cia li ua neeg ruam mus li vim twb tsis muaj neeg paub thiab qhuas koj li..
    Koj tsis muaj txiaj txaus siv los koj txhob mus seev rau luag lwm tus tias kuv pluag pluag tsis muaj txiaj siv,koj seev rau luag los luag yeej tsis muab txiaj pub koj siv. Luag tsuas hais rau koj tias ua siab loj mog mus tsev rau siab noj mov kom muaj zog, twb tsis tau pub ib yam rau koj coj los noj kom muaj zog li. Koj tsis muaj hnav los twb tsis muab ib daim khaub tsho rau koj hnav nws tsuas hais tau tias txhob tus siab mus tsev es mus nte taws kom sov sov mog no xwb.

    Yam uas yuav pab tau koj kom yeej hlo, mas koj yuav xav tias koj yog ib tug neeg xws li zeej tsoom, koj yog neeg tsim txiaj koj yog qaum ntuj ib tug me nyuam xws luag lawm.thaum no koj cia li yog neeg zoo, muaj hmoo hmoov ntiaj hmoov nyiaj hmoov kub laj lim tswv yim nws txawj poob saum ntuj los roos koj koj cia li zoo xws li qaum ntuj me nyuam muaj txoj hmoo zoo nrog koj nyob.
    Taug kom zoo,cov kws txiv xaiv thaum lawv foom yeej tau tseeb li lawv hais> tsis tau tus loj los yeej tau tus me. Kev ua tus thawj yuav tsum tau paub tias koj tau ua tus kav ib tug leej neeg los yog tus loj lawm mus txog tus kav ib vam los pua pua txhiab vam leej los kav tas ntiaj teb neeg sawv daws. Puav leej yog nom tswv tas huv si.

    XH. Yaj Zoov Ntxheb lub Tsev THOOB TSIB 74611010

    Koj muaj ob feem hauj lwm mus li no:
    A=cov ua ib txoj kab xwm kav saib txij ib tug neeg rov saud lawm, mus txog tus mayor,tus Governor kawg rau tus President.Cov nom no lawv li hawj lwm saib xyuas sab cev nqaij daim tawv rau leej tib neeg kom tau noj qab nyob zoo: Xws li ua rau kom sawv saws muaj laj kam, hauj lwm ua ,muaj vaj tsev nrog luag nyob muaj nyiag txiag txaus siv, muaj kev txawj ntse caum tau lub ntiaj teb kev vam meej nyob sib txig. Sab no ;lawv yuav tsum ua kom txog 70%. Tshuav li 3% yog pab rau leej tib neeg tus tus ntsuj plig.
    B=Cov hauj lwm pab sab ntsuj plig: Koj yuav ua siab ntev rau cov neeg zwm rau koj,koj mloog lawv tej lus nug koj los tej lus lawv thov yam ub yam no ntawm koj tas xhua yam lus zoo lus nplij lawv. Koj ua li no ces koj tau pab lawv tus ntsuj plig zoo. Lawv muaj kev zoo siab lawv rov zoo siab rau lawv tus kheej lawv xav ua neej nyob ntiaj teb no ntxiv, lawv yeej kev mob nkeeg. Lawv tau ua lub neej kaj siab luag.
    C=Cov Xib Hwb, Paster, cov Leej Choj, cov Tswv Qhia, cov txwj Laus tuav xam. Lawv kuj yog nom tswv.
    Pab no lawv hauj lwm 70% yog saib rau sab ntsuj plig kom neeg muaj lub siab dawb huv ua ncaj ncees coj kev sib nyiam sib hlub haum xeeb nyob nro nrog ntiaj teb neeg thiab lub ntuj.
    D=Lawv kuj muaj 30%. Pab neeg lub cev nqaij daim tawv: xws li lawv pom tej tus neg tsis paub khwv kom muaj noj hnav los tsis muaj dej num ua, lawv yuav cob qhia los nug tej lub tsev tuam los pav yog muaj hauj lwm pub rau cov ntawd ua kom lawv muaj mov noj txwm hnub.
    E= Pab no muaj tej tus tsis ceev faj lawv xav mus kov tseem hwv cov political50% los tshaj zog thiab.
    Lo lus saus.
    Koj txhob seev txog kev pluag los kev ruam rau leej twg hnov ib zaug li.Muaj neeg txhob koj tias pab yuav yam khoom no mas yuas. Koj tsis muaj nyiaj koj txhob hais tias: Xav yuav kawg tsis muaj nyiaj. Koj hais li los luag yeej tsis hais rau koj tias tsis muaj nyiaj , kuv mam muab pub rau koj mas. Koj yuav teb tias nyiam tsis tas no ces txaus lawm tsis muaj neeg paub tias koj pluag, tsis muaj tus xyav koj lub moo thiab.


    XH. Yaj Zoov Ntxheb lub Tsev THOOB TSIB S10
    Tus sau: Tub Tsob Hwb Yaj Zoov Ntxheb
    lub 5hlis 2010

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 23rd September 2010, 11:52 pm


    LUS NTUAS KEV TXWJ NKAWM
    Sau lub 9hlis2010
    tu sau
    XH. Yaj Zoov Ntxheb



    KEEB KWM PAJ CAI..

    Yav ntuj thaum ub kuv tau sau zaj dab neeg keeb kwm Pal Cais no los ntawm Yaj Txooj Tsawb . Nws tau hais tias lub caij uas Paj Cai sawv ntawd yog lub caij uas yaj yeeb muaj nqi siab heev nyob ntiaj teb no. Cov neeg Aws Los Pas tuaj xeeb tsov rog nyob rau As Xias teb yam loj yog cov lag luam yaj yeeb no.
    Lub npe yaj yeeb yog hu los ntawm cov Aas Kiv thiab cov Fab Kis los: Fab Kis nyob rau sab ntuj kaj Aas Kiv nws nyob rau sab ntuj tsaus. Faj Kis yog Yaj teb. Aas Kiv yog Yeeb teb. Nyob rau Tsoob Kuj teb chaws tsoom Hmoob tseem hais tias hais lus Yeeb thiab nyob rau Yeeb teb. (Yog Aas Kiv.) Hais lus Yaj yog lus Fab Kis. ( Fuaj Kuj. )
    Cov yeeb no yog cov neeg Yaj thiab cov neeg Yeeb coj tuaj coj tuaj rau Suav cog.
    Tsoom Hmoob nyob Los Tsuas ciam teb npuas rau Suav teb los cov nyob Suav teb sib ze ntawd lawv teem hu cov Fab Kis ua neeg Yaj no.

    Xyoo 19 60 Kuv mus nyob rau sab Luang Nam tha cov phom uas Fab kis coj tuaj nrog Zim Pee thiab Nyab Laj ua rog ntawd Hmoob hu ua Yaj phom.


    Hais txog Paj Cai li keeb kwm nws sawv thaum lub caij tsov rog zaum ob nyob As Xias teb: yam li Cambo dia, Vietnam, Laos.Fab Kis tuaj kav.
    Ib qho kuj yog los ntawm cov nom tswv sau se yaj yeeb siab heev Muaj coob leej ntau tus Hmoob them tsis taus cov se ntawd.
    Cov neeg txom nyem lawv xav nrhiav kev tiv thaiv, ces muaj zoo sij hawm muaj ib tug neeg As Las Maas tuaj txog Paj Cai tsev nws nrog Paj Cai tham txog tej nuj nqis se yaj yeeb no. Ces nws muab tswv yim me tsis rau Paj Cai tias: Nws pab ib co ris tsho rau Paj Cai , tom ntej yog muaj zoo caij nyoog nws kuj yuav pab tau ob peb rab phom thiab. Cov ris tsho Paj Cai lawv hnav yog ib co ris tsho ntsuab. Tsis muaj pes tsawg hli tom qab no ces tus Hmoob hu ua niam txiv pem ntuj tuaj hais tias tso tseg cov hauj lwm hloov tas lawm.
    Tus Paj Cai nws paub tej lus thiab tej xwm ntawd zoo. Nws kom cov Hmoob tso tseg. Tab sis nws cov neeg tsis to taub , cov Hmoob hais tias peb muaj peev xwm npaum no peb yuav tsis swb li ua muas xwb. Yog cov Hmoob tsis kam tso tseg ces lawv pheej tua cov Fab Kis ces Fab Kis thiaj tuaj ntes Paj Cai thiab cov Hmoob coj mua txog Xeev Kham Cov Fab Kis no twb tau muab ntau leej Hmoob tua lawm Tus Txiv Plig nyob Suav teb ze rau Los Tsuas teb Thiaj tau tuaj huj cov tsov rog Hmoob no tias yog Hmoob vwm xwb kom cov Fab Kis tsos tseg, muab cov Hmoob no tso rov mu Tus Txiv Plig no nws tuaj nws xav coj ib tug hmoob hawj tuaj nrog nws. Hmoob muaj kev sib khib me ntsis ces pab hmoob nyob thawj lub zos hais tias: tus txwj laus hmoob hawj tsis nyob lawm. Tus nrog Txiv Plig tuaj huj rog rau cov hmoo nyob Xeev Kham teb ntawd ces yog yawg Tswv Xyas ua tus nrog Txiv Plig tuaj..

    Lo lus xaus:
    Hmoob li keeb kwm mas yog tas tsoom hmoob lawv muaj kev tso siab rau tus tsis paub npe lawv hu ua niam txiv hmoob pem ntuj , ces txhua zaus hmoob ua tau dhau zog lawm
    Qhov kuv tsis tau sau rau hauv phau ntawv ntawd tsuas tshuav cov lus no xwb.

    Tus sau: Tub Tsob Hwb Yaj Zoov Ntxheb lub 9 hlis 2010


    Last edited by Maiv Tooj on 3rd February 2011, 8:49 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 24th September 2010, 1:55 am


    LUS NTUAS KEV TXWJ NKAWM
    Sau lub 9hlis2010
    tu sau
    XH. Yaj Zoov Ntxheb




    DAB NEEG TXOOV YAWG.

    Zaj dab neeg no yog yawg Yaj Zam Nob hais. Nws tsis tau qhia tias Txoov Yawg yog lub xeem Hmoob dab tsi. Raws li kuv xav mas nws yuav yog tas nrho peb tsoom Hmoob tus yawg koob. Vim tias nyob hauv peb tsoom Hmoob li keeb kwm thaum hmoob ua dab ua qhua sawv daws tuav txog nws cov tub lawv cov npe.

    Txoov Yawg nws yug tau plaub leej tub. Tus hlob hu ua,Los Tuam, Los Lwm, Los Xab, thiab Los Xwm lawv. Nws yug tau ib leej ntxhais. Tus ntxhais hu ua Xyo Lij Leem.
    Plaub leej kwv tij no thaum lawv loj hlob tiav neeg tas , mas lawv yog neeg thoob tsib, muaj zog thiab nrawm heev. Thiab lawv kuj yog neeg muaj hwj chim kawg.
    Lawv leej txiv Txoov Yawg xav noj tus tsiaj, los hom tsiaj twg mas lawv twb muaj peev xwm mus ntes tau rau lawv txiv noj.

    Txoov Yawg thaum nws laus lawm, muaj ib hnub nws hais rau nws cov tub tias: Los Tuam, koj thiab koj cov kwv nej mus ntes Xob los tua rau kuv noj saib. Nws quaj nrov heev tej zaum nws yuav muaj nqaij ntau!
    Los Tuam thiab nws peb leej kwv nrog Xyo Lij Leem, lawv tuav ib dab ncuav nplaum coj mus txawb rau nram tiaj. Ces lawv kom tus muam Xyo Lij Leem ua tau ib tshob kua ntxhai coj mus tsuag rau nram dab ncuav. Xob xav tias; Xyo Lij Leem tsuag kiag ib pas rau ces Xob quaj nrov ntwg, ntwg laim liab vog saum dab ncuav. Xyo Lij Leem tsuag kiag ib pas tom qab, ces Xob ua nrov rheb tuaj ces Los Tuam lawv plaub kwv tij nyob plaub sab ib txij tib tsaug dauj rau hauv dab ncuav. Ces Xob nti nti hauv, lawv thiaj muab Xob pav tes pav taw tau. Ces lawv coj Xob los txog tsev. Lub caij ntawd yog poob rau lub sij hawm txom nyem, lawv tsis muaj ntsev noj . Lawv muab Xob los dai rau saum lub tsuav ntxaij kom Xob tsis muaj zog. Los tuam , nws peb leej kw , thiab Xyo Lij Leem lawv mus yuav ntsev dua tom Mab zos lawm. Ces Los Tuam hais rau Nkauj Muam thiab nraug nus nkawd tias: Neb nyob neb tsis txhob ua dej ntub rau Xob nyob ntawm qhov cub od! Ces lawv sawv kev mus lawm. Tshuav nkauj Muam (Mim) thiab nraug Nus nkawd zov tsev. Nkauj Mim thiab nraug Nus nkawd xav tau tias: Los Tuam hais tias txhob ua dej ntub Xob no, yog li cas tiag ned. Nkauj Mim hais rau nraug Nus tias wb sim tsuag me me dej rau saib zoo li cas yom. Ces nkauj Mim mus ce tau ib ntim dej los tsuag kiag rau Xob ces Xob quaj ntwg ntwg qeeg nkaws. Nkauj Mim hais tias nrov zoo mloog kawg os!

    Ces Xob hais rau nkauj Mim tias yog neb xav mloog mas neb hliv kiag kom tas nrho ib thoob dej rau kuv ces kuv ua rau neb mloog. Nkauj Mim nraug Nus ob tug xav hnov Xob nroo ces nkawd mus nqa kiag ib thoob dej los hliv rau Xob, ces Xob nws xob vog luaj kiag tus txiv nyuj, ua rau cov hlua khi Xob tu tas nro, ces Xob quaj rheb ntwg ya nto plaws ntuj lawm.
    Ces Xob mus qhib rooj ntug, Xob daws dej sis so los rau ntiaj teb ua rau dej nag sis laub sis lug los. Ces ib tee dej nag luaj lub taub dag poob los teg rau Los Tuam hauv pliaj. Ces Los Tuam hais rau nws peb leej kwv thiab Xyo Lij Leem tias: Tsis tsum lawm lauj tom tsev muaj xwm lawm. Peb rov mus tsev tam sim no lauj!

    Los Tuam lawv los txog ces lawv zoj kiag ib lub nruas daj, lawv mus nyob hauv. Xob mas rau siab ntso daus dej tas zog kom dej los nyab ntiaj teb.Lawv lub nruas ntab yuj yeev mus nto plaws rau lub hauv ntuj, Xob tseem rau siab ntso daws dej Xob tsis pom. Los tuam tsawv nkaus tau Xob ces yuav muab Xob tua. Xob thiaj thov tias Zaum no kuv swb nej lawm! Cia ua li no, thov nej txhob tua kuv cia kuv nyob nruab nrab . nej plaub leeg kwv tij nej ua nom nyob plaub ceg kaum ntuj. Kuv ua nej tus tub txib nej kom kuv ua dab tsi mas kuv ua rau nej lauj!

    Ces zaum no yog plaub leeg kwv tij no nyob rau plaub ceg kaum ntuj no, Neej sab dab sab los yog lawv kav tas nro.
    Thaum peb tsoom Hmoob yuav fiv yeem ntuj fiv yeem dab los Hmoob tuav txog, Los Tuam Xab Kub Tsab Xwm Kub Thawj thiab Xyo lij Leem lawv cov npe. Kom tuaj nrog pab nrog pov, kom muaj yeej mam li pauj raws li lo lus tuaj yeem fiv ntawd.

    LO LUS XAUS ZAJ.

    Txij li ntuj pem suab los txog lub zwj ceeb no thiab yav tom ntej mus ntxiv. Peb cov Hmoob yeej ntseeg tias: Yog Los Tuam,.Los Lwm ,Los Xab, Los Xwm, thiab Xyo Lij Leem lawv, yog plaub tug txoov vaj kav plaub ceg kaum ntuj.
    Hmoob hu txog thaum Hmoob muaj teeb meem plaub ntug yuav fiv yeem los pab. Hmoob kuj hais txog, yog thaum Hmoob hais zaj foom kom kawg tias: Plaub ceg kaum ntuj muaj plaub tug huab tais tuav. Plaub ceg kaum teb muaj plaub tug vaj nres: ib tug ces yog nej tsev txoos npoj xyom cuab, ib tug ces yog teej lag tub hais xaiv wb tub sawv los mus ua.
    Plaub ceg kaum ntuj ces muaj plaub tug huab tais nres. Plaub ceg kaum teb ces muaj plaub tug vaj tuav, ib tug ces yog nej, ib tug ces yog tau teej lag tub hais xaiv wb tub sawv los mus nres no.

    Zaj foom kom siab tshaj plaws mas Hmoob foom txog ntawm plaub kwv tij no los xwb.
    Lawv yog cov neeg muaj koob meej tsis zoo lam hu txog lub caij tsis muaj nuj nqi. Hmoob tsuas hu lawv thaum Hmoob muaj teeb meem: xws li muaj plaub ntug, los yog muaj txiab nkeeg hnyav, thiab thaum foom kom hais rau caj ces neeg nyob muaj meej lawv tej tub ki xwb.

    Yaj Xib Hwb Zoov Ntxheb..
    Lub 9hlis 2010


    Last edited by Maiv Tooj on 3rd February 2011, 8:48 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 24th September 2010, 2:22 am


    LUS NTUAS KEV TXWJ NKAWM
    Sau lub 9hlis2010
    tu sau
    XH. Yaj Zoov Ntxheb



    KEEB KWM PAJ CAI..

    Yav ntuj thaum ub kuv tau sau zaj dab neeg keeb kwm Pal Cais no los ntawm Yaj Txooj Tsawb . Nws tau hais tias lub caij uas Paj Cai sawv ntawd yog lub caij uas yaj yeeb muaj nqi siab heev nyob ntiaj teb no. Cov neeg Aws Los Pas tuaj xeeb tsov rog nyob rau As Xias teb yam loj yog cov lag luam yaj yeeb no.
    Lub npe yaj yeeb yog hu los ntawm cov Aas Kiv thiab cov Fab Kis los: Fab Kis nyob rau sab ntuj kaj Aas Kiv nws nyob rau sab ntuj tsaus. Faj Kis yog Yaj teb. Aas Kiv yog Yeeb teb. Nyob rau Tsoob Kuj teb chaws tsoom Hmoob tseem hais tias hais lus Yeeb thiab nyob rau Yeeb teb. (Yog Aas Kiv.) Hais lus Yaj yog lus Fab Kis. ( Fuaj Kuj. )
    Cov yeeb no yog cov neeg Yaj thiab cov neeg Yeeb coj tuaj coj tuaj rau Suav cog.
    Tsoom Hmoob nyob Los Tsuas ciam teb npuas rau Suav teb los cov nyob Suav teb sib ze ntawd lawv teem hu cov Fab Kis ua neeg Yaj no.

    Xyoo 19 60 Kuv mus nyob rau sab Luang Nam tha cov phom uas Fab kis coj tuaj nrog Zim Pee thiab Nyab Laj ua rog ntawd Hmoob hu ua Yaj phom.


    Hais txog Paj Cai li keeb kwm nws sawv thaum lub caij tsov rog zaum ob nyob As Xias teb: yam li Cambo dia, Vietnam, Laos.Fab Kis tuaj kav.
    Ib qho kuj yog los ntawm cov nom tswv sau se yaj yeeb siab heev Muaj coob leej ntau tus Hmoob them tsis taus cov se ntawd.
    Cov neeg txom nyem lawv xav nrhiav kev tiv thaiv, ces muaj zoo sij hawm muaj ib tug neeg As Las Maas tuaj txog Paj Cai tsev nws nrog Paj Cai tham txog tej nuj nqis se yaj yeeb no. Ces nws muab tswv yim me tsis rau Paj Cai tias: Nws pab ib co ris tsho rau Paj Cai , tom ntej yog muaj zoo caij nyoog nws kuj yuav pab tau ob peb rab phom thiab. Cov ris tsho Paj Cai lawv hnav yog ib co ris tsho ntsuab. Tsis muaj pes tsawg hli tom qab no ces tus Hmoob hu ua niam txiv pem ntuj tuaj hais tias tso tseg cov hauj lwm hloov tas lawm.
    Tus Paj Cai nws paub tej lus thiab tej xwm ntawd zoo. Nws kom cov Hmoob tso tseg. Tab sis nws cov neeg tsis to taub , cov Hmoob hais tias peb muaj peev xwm npaum no peb yuav tsis swb li ua muas xwb. Yog cov Hmoob tsis kam tso tseg ces lawv pheej tua cov Fab Kis ces Fab Kis thiaj tuaj ntes Paj Cai thiab cov Hmoob coj mua txog Xeev Kham Cov Fab Kis no twb tau muab ntau leej Hmoob tua lawm Tus Txiv Plig nyob Suav teb ze rau Los Tsuas teb Thiaj tau tuaj huj cov tsov rog Hmoob no tias yog Hmoob vwm xwb kom cov Fab Kis tsos tseg, muab cov Hmoob no tso rov mu Tus Txiv Plig no nws tuaj nws xav coj ib tug hmoob hawj tuaj nrog nws. Hmoob muaj kev sib khib me ntsis ces pab hmoob nyob thawj lub zos hais tias: tus txwj laus hmoob hawj tsis nyob lawm. Tus nrog Txiv Plig tuaj huj rog rau cov hmoo nyob Xeev Kham teb ntawd ces yog yawg Tswv Xyas ua tus nrog Txiv Plig tuaj..

    Lo lus xaus:
    Hmoob li keeb kwm mas yog tas tsoom hmoob lawv muaj kev tso siab rau tus tsis paub npe lawv hu ua niam txiv hmoob pem ntuj , ces txhua zaus hmoob ua tau dhau zog lawm
    Qhov kuv tsis tau sau rau hauv phau ntawv ntawd tsuas tshuav cov lus no xwb.

    Tus sau: Tub Tsob Hwb Yaj Zoov Ntxheb lub 9 hlis 2010
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 3rd February 2011, 9:36 am


    TXIV NTSHAW HWM NIAM NTSHAW HLUB
    Sau 4 hlis 2000
    tu sau
    XH. Yaj Zoov Ntxheb



    Peb tsoom niam txiv Hmoob yeej muaj txoj kev sib nyiam sib hlub; tab sis ntau zaus tsis txawj muab txoj kev sib hlub los siv. Qhov hais tawm ntawm lub ncauj, yog lo lus mob siab, ntsim siab xwb. Hauv ob niam txiv, tus niam thiab tus txiv yuav tau los sib tuav xamtias yuav ua li cas, coj li cas thiaj yuav zoo, yuav haum kwv tij neej tsa. Tus niad yuav tsum paub tias tus txiv xav kom nws coj tus yam ntxwv li cas thiaj yuav haum kwv haum tij. Tus txiv yuav muaj hwj chim koob meej, yuav tsum yog tus niam pab txhawb. Yog tus txiv txawj ntse npaum li cas, los yog tus niam tsis txhawb, mas tus txiv yuav tssi muaj nuj nqes dab tsi. Yog tus txiv hais tau tej los lus los ua tej yam luag tej ob cag qhuas; tab sis, tus niam tseem tias: "Nyuag nyob li xwb, ua cas nej ho qhuas ua dab tsi?" Yog ua li ntawd mas tus txiv yuav poob hwj chim thiab poob koob meej tas mus li.Txawm hais tias tus poj niam ho ntse dua tus txiv, los yuav tau tuav xam nrog tus txiv tias: "Wb ua li no mas ntshe yuav yog qhov zoo dua". Tus txiv yuav txawj teb tias: "Ua li." Twb yog tus poj niam luv tswv yim, los tseem hais tias: "Yog koj txiv, cia wb yuav li koj hais." Qhov no, luag tias txiv neej nyiam hwm.

    Poj niam mas nyiam kom hais lus mos lus muag: Poj niam mus ib qho qhov twg los, yus tus ua txiv yuav tsum hais tej los lus qab zib lus muag : "Kuv hlub koj." no mas nws thiaj yuav zoo siab. Taj thaum poj niam ua tau zaub mov tsis tshua qab, los yus tus ua txiv yuav tsum tau qhuas tias: "Qab kawg." Lwm zaud poj niam haj yam muaj siab ua qab dua.
    Tiam sis ntau zaus, mas twb ua tau qab kawg los tseem hais tias: "Tsis qab kiag li." Ua rau poj niam tsis tuaj zog yuav los npaj noj npaj haus ntxiv.

    Ntau zaus ntawm peb cov niam txiv, tsuas muab lo lus tsiv siav hais tawm xwb: Thaum tus niam los tus txiv mus ib qho qhov twg los, twb sib sib nco los hais tej los lus tias: "Xav tias tuag lawm no, tseem los txog thiab!" Ua rau lub siab tig lees, tu siab nrho. Tus txiv los tus niam tos los lus qab zib, tos txog hnub tuag los yeej tsis tau li. Tos txog thaum tus niam los tus txiv mus ua poj ntxoog kiag lawm. Thaum ntawd mam li quaj qhia rau lub teb chaws paub tias: "Kuv txiv nquag, kuv txiv txiav taws qhuav, los yog kuv niam nkauj nog txawj ua mov noj". Vim li cas thaum ua neej nyob ib tug twb tsis hais zoo rau ib tug, ib tug twb tssi pab ib tug.
    Hmoob mas ntau zaus tsuas hais tias: Lam nyob ua ke vim muaj tej me nyuam; yuav ua li cas los tssi tau, lam nyob ua ke." Lam ua cav lwjsib ib. Qhov tiag twb nco nco niag pog, niag yawg ; tab sis los lus zoo yeej muab hais tsis tau tawm los.

    XH. Yaj Zoov Ntxheb lub Tsev THOOB TSIB Uci_se10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 28th January 2012, 7:33 pm


    XH. Yaj Zoov Ntxheb lub Tsev THOOB TSIB 13278110



    Ntuj yav pem suab, uas Tswv ntuj tsim lub ntuj lub teb, mas nws zoo nkauj dua lub ntuj nyiam no. Lub caij uas muaj neeg nyob puav lub ntiaj teb no mas zoo nkauj tiag. Lub caij ntawd txheej laus thaum lauv tsis paub Tswv Ntuj zoo, tab sis lawv paub txog kev khaum. Lawv tej kev ntxub neeg lawv cia nyob hauv lawv nruab siab. Lawv tsis ua tawm los rau neeg pom. Tej uas lawv ntshais kev khaum kev npam no, kuj muaj ib feem yog kev hwm Ntuj nyob hauv. Mas thiaj hais tau tias ntuj yav pem suab zoo nkauj dua lub ntuj tam sim no.

    Nyiam no zoo li lub ntuj khaum hlab tas los muaj tej yam tsuas rau lub ntuj ua kom lub ntuj thiab lub ntiaj teb no tsis huv, muaj ntau yam phem tuaj lo los pleev tsuas rau.



    Muaj ob peb txhej lus ua kuv yuav piav nyob hauv no rau tas tsoom Hmoob tau paub txog:



    -Cov neeg siab dawb muaj tsawg! Cov Leej Choj, cov As Cas, Cov Xib Hwb nyiam no lawv kav tsis tau ib puas leej lawm. Yuav muaj ib co niam toj los txiv toj sawv los hais Ntuj tej lus nyob hauv lawv vaj ts, los tom tej kev tshuam, thiab nyob rau tej lub tsv puam. Lawv yuav tsishais nyob hauv cov tsev teev hawm:xws li cov tsev teev ntuj, los hauv Church. Lawv tsis yogi b pab Saub, Ntuj qiv lawv los ua Ntuj tej hauj lwm, qhia neeg ua ncaj ncees hloov siab los ua tib neeg zoo kom muaj neeg coob leej rov los nrog Tswv Ntuj sib haum xeeb cheem kev tsov rog, kev sib ntxub ntxaug nyob ntiaj teb no xwb.

    Cov uas lawv sawv los ua Saub mas ib lub teb chaws los ib pab neeg mas tsuas sawv nyog li ib leeg los ib tug xwb.



    Tas nro tej tib neeg uas Ntuj xaiv thiab hu lawv suav tas nro. Cov Leej Choj, cov As Cas, Cov Xib Hwb, Cov niam toj txiv toj no huv si, Muaj Peb yam uas lawv yuv poob Ntuj lub txiaj ntsim:

    -Lub ib yog kev khav theeb xav ua tus loj, muaj tej tej tus yuav lees ua Ntuj cov tub nws yog tus nqis saum ntuj los ua Ntuj hauj lwm. Thaum nws xav tau li no lawm mas nws poob iblub txiaj ntsim lawm tshuav ob lub xwb.

    -Lub ob txog rau thaum nws pib ntshaw nyiaj, nws ua tej hauj lwm nrhiav nyiaj txiag, nws pib qhib lus kom tej neeg nqa nyiaj tuaj pub rau nws tshaj tus kev cai, lawm ces nws poob lub txiaj ntsim ob lawm, nws tshuav ib lub txiaj ntsim lawm xwb.

    Lub peb nws ua ib tug neeg paub tej kev seev txog neeg ntiaj teb tej kev mob nkeeg, thaum nws kov raug ib tug neeg lub cev, tus neeg ntawd tej mem tes dhia haum nws , ces nws pib nyiam ib tug neeg ntawd, nws muab ntau yam lus qab zib los hais ntxeev tau tus neeg ntawd tej nplooj siab tias nkawd ntawv niam txiv yeej raug tau pem ntuj nqis los lawm. Nws pib taug kev ua plees yi. Thaum no nws peb lub txiaj ntsim Ntuj muab rau ces poob tas nro mus. Nws tsis tshuav dab tsi li lawm.- Thaum peb pib pom tej yam zoo li no lawm, mas peb yuav to taub tias lub ntiaj teb no yeej muaj tsov rog tsaus nti puv kaus nkaus lub ntiaj teb lawm.

    Tej tsov rog no, muajnyob tas qhov txhia chaw. Nws pib miaj nyob hauv ib yim neeg ntawm nkawd ob tug txij nkawm, ob kwv tij, los ob tug viv ncaus. Mam sib kis mus txog tsoom kwv tij,rau tsoom neej tsa, dhau li no mas txav mus txog lub zos los lub teb chaws. Lub caij kawg thiaj xeeb muaj tsov rog rau lwm teb chaws.

    Tas nro peb sawv daws yuav tau tiv cov kob tsov rog no mus tas peb lub neej.

    Peb yuav hla tsis dhau cov kob tsov rog no li, peb yuav tsum ua rog: Tab sis yog peb ua rog mas peb txhob tab meeg mus saum yaj no mus. Peb yuav tau mus nruab yeeb mus xwb:

    -Mus saum yaj mus xws li koj mloog lus xaiv lus ncua tsis tau muaj tseeb koj twb muab ua tseeb lawm, tsis tau meej koj twb hais tias meej lawm, luag hais ze koj xwb twb tub qaug koj law Nej ua neeg ncauj pauv ncauj nrig pauv nrig, nej muag xaiv lus, uav plaub ntug. Txoj no yog txoj kev ua tsov rog mus saum yaj mus.

    -Txhua txhua zaus yuav mus ntaus tsam rog , mas mus nruab yeeb mus xwb; Yam li koj yuav ua siab ntev zam rau luag, hwm luag , saib taus luag. Saib luag yog neeg muaj nuj nqis ib yam li yus thiab. Thaum muaj teeb meem koj thov ntuj rau luag thov Ntuj pab pab kom thaum koj mus txog luag ces luag zoo siab mloog tej lus koj hais ces koj thiaj li daws tau sawv daws tej teeb meem muaj los lawm. Ob txoj kev hais los no nws sib txawv deb li no.



    -Kev cheem tsov rog thiab ua kom lub ntiaj teb no nyob tiaj tus, mas cov thawj neeg yuav coj li no:

    Cov thawj neeg xws li cov niam tsev, cov txiv tsev, cov nom tswv, los rau cov Leej Choj As Cas, Cooc Xib Hwb, lawv yuav coj thiab saib tias lawv yog Qauj Ntuj cov thawj neeg los Qaum Ntuj Cov Leej Choj Thiab Qaum Ntuj cov Xib Hwb.

    Cov Nom Tswv, lawv yuav ua lawv tej hauj 70% los pab neeg lub cev nqaij daim tawv.Pab neeg ntiaj teb kom muaj kev vam meej sib npaug zos, muaj txaus siv, muaj mov txaus noj txwm hnub pub rau txhua tus nyob kaj lug.

    Hos lawv tseem yuav ua 30% los pab neeg tus ntsuj plig kom muaj txoj sia ntev: Ua lub siab ntev saib cov neeg nyob qis dua nws, mloog lawv tej kev txom nyem siab ntsws daws lawv tej teeb meem kev iab kev khwv kom lawv tau nyob kaj siab lug.

    Cov Leej Choj, Cov Xib Hwb, lawv yuv tau ua lawv li hauj lwm 70 los 50% los pab sab ntuj plig: Qhia kon neeg muaj kev ncaj ncees, sib hwm, sib pab, sib qhuas, sib zam, kom neeg muaj kev zoo siab ua lawv lub neej nyob ntiaj teb no.

    Hos lawv tseem yuav siv 50-los 30 % los pab sab cev nqaij daim tawv: Yog koj pom ib tug neeg tsis paub ua hauj lwm, koj yuav pab qhia, los coj nws mus nrhiaqv tom muaj hauj lwm ua. Pab kom nws muaj nyiaj los siv thiab muaj mov txaus noj txwm hnub. Nws thiaj tsis muaj kev tu siab, nws yuav muaj txoj sia nyob ntev dhawv. Nco ntsoov tej no yog cov Thawj neeg li hauj lwm.



    -Kev phem kev dag tuaj thiab tawm qhov twg los?

    Peb yuav tsum paub tias Dab phem nws tsis tau yaum peb, muab nraub qaum tig ua xub ntiag hos muab xub ntiag tig ua nraub qaum! Tus dab no nws tsuas ntxias koj xwb saib puas yaum kev. Zoo li nws muab ob daim iav rau koj saib saib koj yuav xaiv daim liab los daim ntsuab. Koj xaiv tau daim zoo ces koj ua neeg zoo. Hos koj xaiv tau daim phem ces koj ua neeg phem thiab koj ua neeg txhaum neeg phem mus xwb.

    Kev dag mas yog ib yam phem heev koj tsis paub koj hais tias koj txawj dag kawg, nws yog yam tsis zoo kiag li: Thaum koj tau dag rau ib tug neeg, mas tsis yog dag rau tus neeg ntawd xwb!

    Ib- koj dag rau ib tug neeg. Ob koj tau dag rau dab lawm tias yog raug dab ntxsias koj. Peb koj twb tau dag rau Ntuj tias muaj tseeb Ntuj ua tim khawv hnov. Plaub koj rov dab rau koj tias koj hais tseeb. Yus dag rau ib tug neeg los ib pab neeg mas yus dag peb zaug ces yuas txaj muag, yus tsis dag ntxiv lawm. Hos yus rov dag yus mas dag tsis muaj caij tas li, Yus dag dag plaub hau dawb tas los yus tseem dag qees ntxiv. Ua hnub ua hmo dag mus lis txog hnub yus lub cev ntaj ntsug tsis muaj txoj sia nyob lawm mas thiaj li tsis muaj kev dag ntxiv.



    -Yam kawg mas kuv xav hais txog Peb Hmoob li txuj ci.

    Peb haiv Hmoob muaj txij ci ntau, thiab yog yam muaj nuj nqis loj rau Hmoob kawg. Txoj kev ntseeg uas tuaj ntawm Tswv Ntuj nws loj thiab dav heev. Ib tug neeg muaj ib txoj kev ntseeg, yog nws saib kiag ntawm kev ntseeg xwb mas tab yog nws kiav xeem mus ua Mab Sua los tau, vim yog ib yam yooj yim heev rau nws tus kheej. Tsis tas yuav saib tias Hmoob yog yus Haiv neeg, Tsis txhob siv nkauj Hmoob los tej suab kwv txhiaj paj ntsha lus taum hmoob kom tau paub Hmoob li keeb kwm thaum Ntuj tsim teb raug los. Yus txiav ntau yam pov tseg lawm.

    Hmoob txuj ci muaj:

    1-Txuj ci hais lus.2- Txuj ci sib hwm.3- Txuj ci qua ntxhais, muab nyab.4- Txuj ci txais kwv tij neej tsa.5-Txuj ci saib tej laus nce hauv toj.6- Txuj ci teev haum Tswv Ntuj los poj koob yawm txwv…

    Tas nro tej no puav leej tsis yog dab kev cai. Dab tsis tau qhia ib yam kev cai rau neej, dab tsuas yog ntxias saib neej puas yuam kev los ua tej yam kom tub qaug rau Ntuj thiab rau neeg xwb. Txhua yam tsis zoo yog noob neej ua tus txua thiab tsim los rau neeg coj. Peb haiv Hmoob paub Ntuj lus tsis zoo, los tsis tas peb cia li hais tias yog Dab kev cai. Qhov tseeb Dab tsis muaj kev cai. Yog neeg los haiv ntawd lawv kev cai.

    Vim li no mas Hmoob cov poj yawm txwv koob muaj hawj chim loj uas muaj zoo meej mom thiaj tsis muaj ib tug raug Hmoob los lwm haiv neeg sau lawv lub npe tseg nyob nyiaj teb no, xws li luag zeej tsoom haiv neeg. Tsuas hnov tej lub npe nyob hauv tej zaj dab neeg Hmoob xwb tsis muaj paus muaj ntsis li.

    Yog koj tsem nco tias muaj Hmoob thiab koj yog ib tug Hmoob mas koj yuav tau maj mam yoog kom sawv daws mus tau ua ib ke maj mam sawv mus sib raws, kom sib haum.



    Lo lus xaus zaj lush nub no yog:

    Peb sawv daws yuv xav tias Ntuj tsim peb los ua neeg nyob ntiaj teb no, peb txhua tus Hmoob yog tib neeg muaj nuj nqs thiab tsim txiaj sib xws li pej kuj haiv neeg Mab Sua, Tus hu ua Hmoob sawv daws puav leej tsim txiaj thiab muaj nuj nqi loj. Thaum Ntuj tsim peb los Ntuj yeej saib tias yog neeg zoo lawm Ntuj mam cia peb xeeb los ua neeg.

    Qhov tsis zoo: Yog yus ua neeg tub nkeeg los xam khib, ces luag thov yus dag zog tsis tau ces yus tsis muaj siab pab luag luag tsis thov yus lawm luag thiaj tsis muaj kev hwm yus, tej no yog yus ua cov neeg thaub qab mus kev koj ua li no ib ntus ces koj cia li ua tus neeg ruam. Ntuj txiaj ntsim tsis nqis los rau koj, neeg kev thoob tsib los koj txais tsis tau. Xws li koj muab koj lub hlwb kaw cia tsis muaj yej yam zoo nyob hauv . Tus neeg coj thiab zoo li no, tab nws ntse los lub puv xyoo xwb ces nnws cia li ua neeg ruam tsis muaj yam zoo nyob hauv nws.


    Yaj Xib Hwb Zoov Ntxheb [/b][/size]

    Ntuj yav pem suab, uas Tswv ntuj tsim lub ntuj lub teb, mas nws zoo nkauj dua lub ntuj nyiam no. Lub caij uas muaj neeg nyob pua lub ntiaj teb no mas zoo nkauj tiag. Lub caij ntawd txheej laus thaum lauv tsis paub Tswv Ntuj zoo, tab sis lawv paub txog kev khaum. Lawv tej kev ntxub neeg lawv cia nyob hauv lawv nruab siab. Lawv tsis ua tawm los rau neeg pom. Tej uas lawv ntshais kev khaum kev npam no, kuj muaj ib feem yog kev hwm Ntuj nyob hauv. Mas thiaj hais tau tias ntuj yav pem suab zoo nkauj dua lub ntuj tam sim no.

    Nyiam no zoo li lub ntuj khaum hlab tas los muaj tej yam tsuas rau lub ntuj ua kom lub ntuj thiab lub ntiaj teb no tsis huv, muaj ntau yam phem tuaj lo los pleev tsuas rau.

    Muaj ob peb txheej lus ua kuv yuav piav nyob hauv no rau tas tsoom Hmoob tau paub txog:

    -Cov neeg siab dawb muaj tsawg! Cov Leej Choj, cov As Cas, Cov Xib Hwb nyiam no lawv kav tsis tau ib puas leej lawm. Yuav muaj ib co niam toj los txiv toj sawv los hais Ntuj tej lus nyob hauv lawv vaj tsev, los tom tej kev tshuam, thiab nyob rau tej lub tshav puam. Lawv yuav tsis hais nyob hauv cov tsev teev hawm: xws li cov tsev teev ntuj (Church). Lawv tsis yog ib pab Saub, Ntuj qiv lawv los ua Ntuj tej hauj lwm, qhia neeg ua ncaj ncees hloov siab los ua tib neeg zoo kom muaj neeg coob leej rov los nrog Tswv Ntuj sib haum xeeb cheem kev tsov rog, kev sib ntxub ntxaug nyob ntiaj teb no xwb.

    Cov uas lawv sawv los ua Saub mas ib lub teb chaws los ib pab neeg mas tsuas sawv nyog li ib leeg los ib tug xwb.

    Tas nro tej tib neeg uas Ntuj xaiv thiab hu lawv suav tas nro. Cov Leej Choj, cov As Cas, Cov Xib Hwb, Cov niam toj txiv toj no huv si, Muaj Peb yam uas lawv yuav poob Ntuj lub txiaj ntsim:


    -Lub ib: Yog kev khav theeb xav ua tus loj, muaj tej tej tus yuav lees ua Ntuj cov tub nws yog tus nqis saum ntuj los ua Ntuj hauj lwm. Thaum nws xav tau li no lawm mas nws poob ib lub txiaj ntsim lawm tshuav ob lub xwb.

    -Lub ob: Txog rau thaum nws pib ntshaw nyiaj, nws ua tej hauj lwm nrhiav nyiaj txiag, nws pib qhib lus kom tej neeg nqa nyiaj tuaj pub rau nws tshaj tus kev cai, lawm ces nws poob lub txiaj ntsim ob lawm, nws tshuav ib lub txiaj ntsim lawm xwb.

    -Lub peb: Nws ua ib tug neeg paub tej kev seev txog neeg ntiaj teb tej kev mob nkeeg, thaum nws kov raug ib tug neeg lub cev, tus neeg ntawd tej mem tes dhia haum nws, ces nws pib nyiam ib tug neeg ntawd, nws muab ntau yam lus qab zib los hais ntxeev tau tus neeg ntawd tej nplooj siab tias nkawd ntawv niam txiv yeej raug tau pem ntuj nqis los lawm. Nws pib taug kev ua plees yi. Thaum no nws peb lub txiaj ntsim Ntuj muab rau ces poob tas nro mus. Nws tsis tshuav dab tsi li lawm.

    - Thaum peb pib pom tej yam zoo li no lawm, mas peb yuav to taub tias lub ntiaj teb no yeej muaj tsov rog tsaus nti puv kaus nkaus lub ntiaj teb lawm.


    Tej tsov rog no, muajnyob tas qhov txhia chaw. Nws pib miaj nyob hauv ib yim neeg ntawm nkawd ob tug txij nkawm, ob kwv tij, los ob tug viv ncaus. Mam sib kis mus txog tsoom kwv tij,rau tsoom neej tsa, dhau li no mas txav mus txog lub zos los lub teb chaws. Lub caij kawg thiaj xeeb muaj tsov rog rau lwm teb chaws.

    Tas nro peb sawv daws yuav tau tiv cov kob tsov rog no mus tas peb lub neej.


    Peb yuav hla tsis dhau cov kob tsov rog no li, peb yuav tsum ua rog; Tab sis yog peb ua rog mas peb txhob tab meeg mus saum yaj no mus. Peb yuav tau mus nruab yeeb mus xwb:


    -Mus saum yaj mus xws li koj mloog lus xaiv lus ncua tsis tau muaj tseeb koj twb muab ua tseeb lawm, tsis tau meej koj twb hais tias meej lawm, luag hais ze koj xwb twb tub qaug koj lawm. Nej ua neeg ncauj pauv ncauj nrig pauv nrig, nej muaj xaiv lus, uav plaub ntug. Txoj no yog txoj kev ua tsov rog mus saum yaj mus.

    -Txhua txhua zaus yuav mus ntaus tsam rog , mas mus nruab yeeb mus xwb; Yam li koj yuav ua siab ntev zam rau luag, hwm luag , saib taus luag. Saib luag yog neeg muaj nuj nqis ib yam li yus thiab. Thaum muaj teeb meem koj thov ntuj rau luag thov Ntuj pab pab kom thaum koj mus txog luag ces luag zoo siab mloog tej lus koj hais ces koj thiaj li daws tau sawv daws tej teeb meem muaj los lawm. Ob txoj kev hais los no nws sib txawv deb li no.


    -Kev cheem tsov rog thiab ua kom lub ntiaj teb no nyob tiaj tus, mas cov thawj neeg yuav coj li no:

    Cov thawj neeg xws li cov niam tsev, cov txiv tsev, cov nom tswv, los rau cov Leej Choj As Cas, Cov Xib Hwb, lawv yuav coj thiab saib tias lawv yog Qaum Ntuj cov thawj neeg los Qaum Ntuj Cov Leej Choj Thiab Qaum Ntuj cov Xib Hwb.

    -Cov Nom Tswv, lawv yuav ua lawv tej hauj 70% los pab neeg lub cev nqaij daim tawv.Pab neeg ntiaj teb kom muaj kev vam meej sib npaug zos, muaj txaus siv, muaj mov txaus noj txwm hnub pub rau txhua tus nyob kaj lug.

    -Hos lawv tseem yuav ua 30% los pab neeg tus ntsuj plig kom muaj txoj sia ntev: Ua lub siab ntev saib cov neeg nyob qis dua nws, mloog lawv tej kev txom nyem siab ntsws daws lawv tej teeb meem kev iab kev khwv kom lawv tau nyob kaj siab lug.

    -Cov Leej Choj, Cov Xib Hwb, lawv yuav tau ua lawv li hauj lwm 70 los 50% los pab sab ntsuj plig: Qhia kon neeg muaj kev ncaj ncees, sib hwm, sib pab, sib qhuas, sib zam, kom neeg muaj kev zoo siab ua lawv lub neej nyob ntiaj teb no.

    Hos lawv tseem yuav siv 50-los 30 % los pab sab cev nqaij daim tawv: Yog koj pom ib tug neeg tsis paub ua hauj lwm, koj yuav pab qhia, los coj nws mus nrhiav kom muaj hauj lwm ua. Pab kom nws muaj nyiaj los siv thiab muaj mov txaus noj txwm hnub. Nws thiaj tsis muaj kev tu siab, nws yuav muaj txoj sia nyob ntev dhawv. Nco ntsoov tej no yog cov Thawj neeg li hauj lwm.

    -Kev phem kev dag tuaj thiab tawm qhov twg los?

    Peb yuav tsum paub tias Dab phem nws tsis tau yaum peb, muab nraub qaum tig ua xub ntiag hos muab xub ntiag tig ua nraub qaum! Tus dab no nws tsuas ntxias koj xwb saib puas yuam kev. Zoo li nws muab ob daim iav rau koj saib saib koj yuav xaiv daim liab los daim ntsuab. Koj xaiv tau daim zoo ces koj ua neeg zoo. Hos koj xaiv tau daim phem ces koj ua neeg phem thiab koj ua neeg txhaum neeg phem mus xwb.


    Kev dag mas yog ib yam phem heev koj tsis paub koj hais tias koj txawj dag kawg, nws yog yam tsis zoo kiag li: Thaum koj tau dag rau ib tug neeg, mas tsis yog dag rau tus neeg ntawd xwb!


    Ib
    koj dag rau ib tug neeg.
    Ob koj tau dag rau dab lawm tias yog raug dab ntxsias koj.
    Peb koj twb tau dag rau Ntuj tias muaj tseeb Ntuj ua tim khawv hnov.
    Plaub koj rov dag rau koj tias koj hais tseeb.

    Yus dag rau ib tug neeg los ib pab neeg mas yus dag peb zaug ces yuas txaj muag, yus tsis dag ntxiv lawm. Hos yus rov dag yus mas dag tsis muaj caij tas li, Yus dag dag plaub hau dawb tas los yus tseem dag qees ntxiv. Ua hnub ua hmo dag mus lis txog hnub yus lub cev ntaj ntsug tsis muaj txoj sia nyob lawm mas thiaj li tsis muaj kev dag ntxiv.


    -Yam kawg mas kuv xav hais txog Peb Hmoob li txuj ci.


    Peb haiv Hmoob muaj txuj ci ntau, thiab yog yam muaj nuj nqis loj rau Hmoob kawg. Txoj kev ntseeg uas tuaj ntawm Tswv Ntuj nws loj thiab dav heev. Ib tug neeg muaj ib txoj kev ntseeg, yog nws saib kiag ntawm kev ntseeg xwb mas tab yog nws kiav xeem mus ua Mab Sua los tau, vim yog ib yam yooj yim heev rau nws tus kheej. Tsis tas yuav saib tias Hmoob yog yus Haiv neeg, Tsis txhob siv nkauj Hmoob los tej suab kwv txhiaj paj ntsha lus taum hmoob kom tau paub Hmoob li keeb kwm thaum Ntuj tsim teb raug los. Yus txiav ntau yam pov tseg lawm.

    Hmoob txuj ci muaj:

    1-Txuj ci hais lus.
    2- Txuj ci sib hwm.
    3- Txuj ci qua ntxhais, muab nyab.
    4- Txuj ci txais kwv tij neej tsa.
    5-Txuj ci saib tej laus nce hauv toj.
    6- Txuj ci teev haum Tswv Ntuj los poj koob yawm txwv…


    Tas nro tej no puav leej tsis yog dab kev cai. Dab tsis tau qhia ib yam kev cai rau neej, dab tsuas yog ntxias saib neej puas yuam kev los ua tej yam kom tub qaug rau Ntuj thiab rau neeg xwb. Txhua yam tsis zoo yog noob neej ua tus txua thiab tsim los rau neeg coj. Peb haiv Hmoob paub Ntuj lus tsis zoo, los tsis tas peb cia li hais tias yog Dab kev cai. Qhov tseeb Dab tsis muaj kev cai. Yog neeg los haiv ntawd lawv kev cai.

    Vim li no mas Hmoob cov poj yawm txwv koob muaj hawj chim loj uas muaj zoo meej mom thiaj tsis muaj ib tug raug Hmoob los lwm haiv neeg sau lawv lub npe tseg nyob ntiaj teb no, xws li luag zeej tsoom haiv neeg. Tsuas hnov tej lub npe nyob hauv tej zaj dab neeg Hmoob xwb tsis muaj paus muaj ntsis li.

    Yog koj tsem nco tias muaj Hmoob thiab koj yog ib tug Hmoob mas koj yuav tau maj mam yoog kom sawv daws mus tau ua ib ke maj mam sawv mus sib raws, kom sib haum.

    Lo lus xaus zaj lus hnub no yog:

    Peb sawv daws yuv xav tias Ntuj tsim peb los ua neeg nyob ntiaj teb no, peb txhua tus Hmoob yog tib neeg muaj nuj nqes thiab tsim txiaj sib xws li pej kum haiv neeg Mab Sua, Tus hu ua Hmoob sawv daws puav leej tsim txiaj thiab muaj nuj nqi loj. Thaum Ntuj tsim peb los Ntuj yeej saib tias yog neeg zoo lawm Ntuj mam cia peb xeeb los ua neeg.


    Qhov tsis zoo: Yog yus ua neeg tub nkeeg los xam khib, thaum luag thov yus dag zog tsis tau, yus tsis muaj siab pab luag luag tsis thov yus lawm luag thiaj tsis muaj kev hwm yus, tej no yog yus ua cov neeg thaub qab mus kev koj ua li no ib ntus ces koj cia li ua tus neeg ruam. Ntuj txiaj ntsim tsis nqis los rau koj, neeg kev thoob tsib los koj txais tsis tau. Xws li koj muab koj lub hlwb kaw cia tsis muaj yam zoo nyob hauv . Tus neeg coj thiab zoo li no, tab nws ntse los lub puav xyoo xwb ces nnws cia li ua neeg ruam tsis muaj yam zoo nyob hauv nws.


    Yaj Xib Hwb Zoov Ntxheb
    USA. Lub 1hlis 2012
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Paj Lug 29th January 2012, 7:03 am

    Wow.....Ua tsaug os XH Zoov Ntxheb,

    Peb zoo siab tau nyeem koj cov lus qhuab qhia thiab lus ntuas ua neeg zoo, tsim nyog muab kaw ua lus mloog nyob video...ib txhia tub ntxhais txheej tiam no twb tsis paub ntaub paub ntawv Hmoob, cia yog kuv muaj caij mam li los muab nyeem nthuav ua pm3 kom cov tsis paub nyeem ntawv kom tau hnov.

    Yog ib yam txuj ci zoo tshaj qhia tau tej lus zoo no cia, tsim nyog muab khaws tseg. Ua tsaug ntau J: .
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 30th January 2012, 8:54 am



    Nyob zoo Maiv Paj Lug,

    Yog kawg, muaj ntau yam uas sawv daws tuaj sau hauv nov sau tau zoo heev. Yog thaum twg nws khoom no xav kom nws muab ua Video rau peb sawv daws tau mloog thiab saib. Tshua tej keeb kwm, tej kwv huam, tej paj huam thiab cov Leej Ntshiab lub neej uas kuv xav kom muab ua Video. Tsis tag li ntawd tseem xav kom Nkauj Mog Mim neb hais ib cov kwv txhiaj thiab nkauj rau peb tau mloog thiab.

    Ua tsaug rau nws lub tswv yim zoo.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 26th February 2012, 8:02 pm


    KAUM THOOB TSHUAJ.

    XH. Yaj Zoov Ntxheb lub Tsev THOOB TSIB Potion10Kaum thoob tshuaj uas Ntuj muab rau txhua tus neeg coj los siv ua neej nyob rau ntiaj teb no:

    1-G; Yog Tswv Ntuj li kev nyiam kev hlub los ywg rau yus.
    2-P: Yog niam thiab txiv txoj kev nyiam kev hlub los ywg rau yus.
    3- F: Yog kev nyiam kev hlub los ntawm yus tsev neeg txhua tus los
    Txhawb nqa yus.
    4-P: Tsoom ntsuab ze kev nyiam kev hlub nrog rau cheeb tsam yus
    Nyob txhawb nqa.
    5-S: Yus li kev txhawb nqa los pub rau lwm tus neeg.
    6-R: Tej phooj ywg, thiab kev neej kev tsav kev txhawb nqa los rau
    Yus
    7-D: Yus li kev nyiam kev hlub los pab rau tus uas nws tsis muaj peev
    xwm yuav pab tau nws tus kheej: Xws li yus tej me nyuam…
    8-C : Nrog pab paug nyob ua ke sib yoog tus yam ntxwv.
    9-W: Nco txog lub sim ceeb teej tug.Yuav them nuj nqis rau lub sim . ceeb no.
    10-G:Tshuav Ntuj li hauj lwm,Yuav paub tias Ntuj muab hauj lwm rau
    Yus ua los pab lub sim ceeb no.

    Tas nrho neeg tuaj nyob ntiaj teb no, nyias muaj nyias kaum thoob tshuaj coj los ua neej. Yog cov tshuaj kho yus tus kheej, thiab pab cawm luag txhua tus. Yus yuav tsum siv yus cov thoob tshuaj no. Yog yus siv ib thoob tas mas nco ntsoov sam rau, yus sam thoob yus siv puv lawm nws txawj phwj ntws mus puv ntxiv rau lwm thoob kom puv sib xws, yus txhob cia luag siv los pab rau yus xwb.
    Cov tshuaj no yog tshuaj pov haum, tshuaj muaj hmoo, tshuaj kem dab txhua yam huv si, tshuaj siav ntev puas tsav yam nyob tas nrho hauv.

    LTH. Yaj Zoov Ntxheb.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 27th February 2012, 6:40 am



    LUB KOOM TXOOS KA TAU LIV.


    XH. Yaj Zoov Ntxheb lub Tsev THOOB TSIB 16827211

    *- Lub Koom Txoos Ka tau Liv Hmoob ntseeg ntuj muaj teeb meem rau Haiv Hmoob. Tas nrho cov phiaj neeg, xws li cov laus, cov hluas, thiab cov me nyuam yaus:

    A – Haiv Hmoob pib ntseeg Ntuj, Yog lub caij Los Tsuas teb pib xeeb muaj tsov rog. Cov Leej Choj mus tsis tau  pem toj siab, muaj zos Hmoob. Tsuas yog Cov Xib Hwb thiaj mus tshaj tau kev ntseeg ntuj rau Hmoob tej zej zos.
    Lub zim txwv ntawd , cov Xib Hwb tseem tsis tau yog ib co Xib Hwb thoob tsib heev. Lawv pib kawm txog xyoo plaub los rau hauv xwb, puav leej tseem yog ib co neeg hluas, nyuam qhuav  muaj cuab yim tas. Ces lawb pib ua txoj hauj lwm tshaj ntuj lus.
    Lub teb chaws muaj kev kub ntxhov,  Hmoob raug ua neeg thoj nam tsiv qaum teb rau qab teb qhov ub qhov no ua ntu zus muaj kaum tsib lub xyoo. Cov qhia los tsis cuag ncua, Cov kawm los tib yam tsis tau kev kawm kom paub tseeb. Lawb tsua kawm txaus txais lub Cim Ntxuav ntau xwb.

    B – Cov hluas lawv muaj qav num tab kaum ntau, lawv kuj kawm tsis tas. Paub tsis zoo. Thaum lawv ua lawv lub neej,  mas lawv kuj tsis pom qab yuav ua zoo li cas. Ntawm txoj kev ntseeg. Lawv tau ua ib lub neej raws lub siab xav, los lub muag pom, lub ntsej hnov xwb. Kev ntseeg loj hlob tsis txaus.

    C – Cov me nyuam ib txwm los, tsis muaj chaw kawm, los kuj pluag neeg qhia,  niam txiv kuj tsis muaj caij coj mus kawm kev ntseeg. Tsis muaj kev pab cuam  txaus. Lawv txais lub Cim Ntxuav thaum yau. Muaj hnub nyoog loj zog pub lub Cim Yug rau. Tiav hluas lawv kuj nkees mus teev Ntuj Hnub Chiv, thaum lawv tiav neeg lawv tsis paub kev ntseeg yog dab tsi li. Tsis paub tias kev ntseeg muaj nuj nqes zoo li cas. Lawv lam raws niam thiab txiv mus teev Ntuj,  nyob hauv lawv nruab siab tsis muaj kev ntseeg.
    Cov me nyuam no yuav tau muab kev ntseeg cog rau lawv thaum lawv tseem yau yau los, yav loj thiaj muaj kev ntseeg,
    txaus tuaj nruab siab.

    d – Kev poob qab. Nyob rau teb chaws vam meej, muj kev txhawj xeeb txog cov hluas thiab cov me nyuam yaus!
    Lawv yuav poob qab, vim lawv tsis paub Ka Tos Liv txoj kev ntseeg zoo. Lwm txoj los tsis tau kawm dua thiab. Lawv yuav ua ib lub neej tsis muaj kev cob cuab. Raws pab twg los raws tsis tau. Tej tus yuav xyaw ntau yam rau lawv lub neej, hos tej tus yuav hloov mus ua lwm yam.
    Cov me nyuam no yuav tau muab siab rau, yog tsis pab lawv thaum yau, kom muaj txoj kev thoob tsib nqes saum ntuj los, ces lawv yuav yoog tej kev thoob tsib xws li tej tsiaj txhu:
    Khav lub zog loj, los kub ntev, kaus ntse xwb.
    Txij no mus yav tom ntej cov me nyuam yau yog cov tseem ceeb tshaj uas yuav muab siab rau saib lawv: Lub ntuj los yog lawv yuav nres , lub teb los yog lawv yuav kav. Yog lawv paub Ntuj zoo npaum li cas lawv yuav coj tau ntiaj teb neeg muaj kev ncaj ncees haum xeeb zoo npaum li ntawd.

    *--Haiv Hmoob nws muaj zoo txuj ci nyob nrog HAIV txhua fab:
    (*-Txuj ci txais neeg.
    *-Txuj ci sib hwm.
    *- Txuj ci sib caw noj haus, txog dej txog cawv.tsab yeeb tsab tshuaj
    *- Txuj ci muab nyab, qua ntxhais.
    *- Txuj ci, saib tej laus nce hauv toj.
    *-  Txuj ci teev hawm Ntuj los poj koob yawm txwv.)

    Cov Xib Hwb, cov Leej Choj, lawv yog ib co thawj neeg yuav hais ntuj tej lus thoob tsib los tshaj txoj kev ntseeg. Lawv yuav tau kawm Hmoob txuj ci kom paub txaus ua ib tug neeg thoob tsib tshaj Ntuj lus nrog Yes Xus lub moo zoo, thiaj hais haum Hmoob  txoj kev thoob tsib. Nws muaj kev ncaj ncees nyob hauv ntau rau cov thawj neeg, lub tswv yim paub tab, paub cai.

    Ib tug thawj neeg nyob rau tom Hmoob hauv ntej hais lus rau Hmoob mloog. Yog nws tau kawm yus xeem cov dab qhua, kawm ua tau txiv tuam meej koob, kawm sawv qab nteeg tau, kawm kom paub ua neeb nce thaj nqes. Nws yuav paub meej tias neej lus muaj li cas. Dab lus ne tshuav npaum li cas thiab.
    Ntuj qhia npaum li cas, dab hos ntxi li cas rau.

    Cov ua thawj neeg nws tsis kawm ces nws yuav hais tias yog dab ua, dab qhia tas txhua yam. Nws yuav txua ib co cai lij choj ntau ntau rau cov neeg ntseeg ris. Cov ntseeg leej twg tau ntseeg lawm yuav muaj nra ris hnyav nkag qees. Tsuas yog tus Xib Hwb thiab cov txwj laus lawv thiaj tau nra sib.

    *- Haiv Hmoob nyob puv lub qab ntuj khwb no lawm, Hmoob muaj teb chaws dav kawg. Cov xib hwb xav tshaj Ntuj lus rau Haiv Hmoob mas yuav yoog raws Hmoob.
    Lub Yeem loj tuaj saud mas hu ua HMOOB QAB NTUJ no. Lub yeem me sab hauv mas hu ua:
    *HMOOB TSOOB KUJ (Roob Kuj, Suav teb).
    *HMOOB LOS KUJ (Nplog teb).
    * HMOOB THAIM KUJ (Thaib teb).
    *HMOOB FUAJ KUJ(Fab Kis teb).
    * HMOOB MIS KUJ (Mes Kas teb) thc..
    Hmoob tis zoo li ib lub Xis dim nyob pem toj los nram hav xwb nyias twb muaj nyias tus cai kav tswj nyias lub tsev lawm. Neeg qab ntuj muaj coob li coob, ntau li ntau haiv neeg. Ib tug xib hwb tsis yoog Haiv Hmoob cov txuj ci.
    Mas nws kiav xeem kiav neeg kiav lus mus ua Mab Sua mas yooj yim dua rau nws, Vim nws nrauj Hmoob txuj ci. Ua li nws puas paub zoo tias Mab Sua cov txuj ci puav leej yog cov nqes saum ntuj los xwb puas yog! Vim li cas Hmoob yog ib haiv neeg,  muaj txuj ci, muaj kev ncaj ncees ib yam li pej kum haiv. Lawv cov txuj ci ho tuaj ntawm dab tuaj! Leej twg yog tus hais tias yog tseeb! Cov neeg tsis muaj teb chaws Hmoob thiaj yog Haiv muaj cai nyob puv qab ntuj.

    *-Tej yam zoo uas twb muaj los lawd:
    A- Thawj pab neeg ntseeg ua ntej twb tsim tau ntau yam zoo xws li:
    Cov zaj teev Ntuj, Nkauj Paj nruag, cov zaj hu nkauj, zaj cav txiaj ntsim hauv lub thaj Txi Ntuj.
    Hmoob txuj ci Noj Tsiab Noj Txhu, kev cai mus muab nyab,qua ntxhais  kab mob kev tuag, haum li tus cai  Rooj Ncauj Lus Vas Tis Kaas Ob tso lus rau nyias Haiv neeg siv nyias cov txuj los cav thiab teev tiam Tswv Ntuj. Haiv Hmoob lub siab twb kaj los tau ib tiam neeg.
    B- Lub Koom Txoos Kas Tos Liv uas yog Vaj Qhia kav tau pom zoo kom txhua haiv neeg me yuav tsum ceev lawv hom lus thiaj tej kab lis kev cai tseg thiab coj los ua kev teev hawm Tswv Ntuj. Yog txhua haiv neeg me tsis ceev lawv cov lus, cov txuj ci nrog rau kev teev hawm Tswv Ntuj mas ntev mus, cov haiv neeg me yuav ploj hauv lub qab ntuj no mus. Vim lawv tsis paub lawv hom lus, lawv tssi muaj kev cai, tsis muaj txuj ci lawm ces lawv yuav tssi yog ib haiv neeg lawm. Ib yam li txoj kev ntseeg Mus Xis Lis, lawv tua rog txog qhov twg, tseev kom cov neeg yuav tsum teev lawv tus huab tais thiab hais lus As Lav xwb, thiaj li ua rau ntau haiv neeg Khej Dawb me ploj lawm.

    *- TP. Nyiaj Pov tshawb nrhia, nws kawm tau tsib caug tawm xyoo los tshawb nrhiav Hmoob lus, Hmoob txuj ci, hnub nws nce hauv toj nws thiaj txiav siab ua ib lub zoo ntees Hmoob rau nws, coj mus qhia rau rau Ntuj tias:
    Haiv Hmoob cov txuj ci, yog qaum Ntuj li lus xws zeej tsoom Mab Sua sawv daws.

    LTH. Yaj Zoov Ntxheb.

    XH. Yaj Zoov Ntxheb lub Tsev THOOB TSIB Tshwj_10


    Last edited by Maiv Tooj on 4th November 2014, 6:11 am; edited 1 time in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Paj Lug 27th February 2012, 10:25 am

    Wow....XH Yaj Zoov Ntxheb cov lus zoo ua luaj, thov kom nws pab sau ntxiv tuaj nawb Maiv Tooj, vim tej lus nyiaj lus kub no laj laj tshawb fawb tau los kawm li lawm, yog haj tseem muaj tus sau tseg ces peb Hmoob tej txuj tseem tsis tau ploj....kuv nyiam tuaj nyeem XH Yaj Zoov Ntxheb cov lus heev o) .
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 29th February 2012, 10:21 am



    ZAJ 3 DAB NTXIAS NEEG.

    Dab tsuas ntxias neeg xwb, nws tsis yuam neeg.Neeg xub tuaj nyob saum lub sim ceeb no ua dab ntej. Qaum ntuj xub tau tsa neeg ua thawj tug tswv nyob hauv lub ntiaj teb no.
    Lub caij nyoog Ntuj muab meej mom hwj chim rau neeg, dab tseem nrog Ntuj nyob, vim dab nws yog tswv yim xws li ntsuj plig. Thaum lub keeb dab yog Ntuj ib lo lus ntxhe tuaj txog neeg pob ntseg. (xa lus) yog neeg thiab Ntuj txoj kev sib txuas lus, nyob haum xeeb mus li.
    *Dab kuj xav tias yuav tau lub ntiaj teb yooj yim ua dab tug, ces dab yuav tau ua tus loj luaj li Ntuj ib nrab. Dab mam ntxias kom neeg rov taw los mus tuam Ntuj saib lub ntuj puas qaij, los puas vau, cia txhob mloog Ntuj li lus. Dab thiaj li tau ua tus Tswv saib neeg nyob ntiaj teb no.
    *Tab sis dab tsis tau yuam kom neeg txob mloog Ntuj lus, dab tsuas yog ntxias kom neeg txhob mloog xwb. Thaum twg neeg yuam kev lawm ces ces yog neeg nws ua tus xaiv ntawm neeg tus kheej.
    *Tswv Ntuj yog tus Siab zoo tshaj plaws Leej twg nyob rau qaum ntuj mas lom zem nyob kaj siab lug mus li. Thaum dab tau ntxias neeg yuam kev lawm ces Ntuj tsim nruab yeeb rau dab nyob Neej thiaj nyob rau yaj ceeb. Neej tseem muaj tug, hos dab tsis muaj tug. Thaum twg yog neej muaj mob muaj nkeeg tau kev nyuaj siab vim raug dab ntxias lawm, mas neeg thiaj muab nyiaj txiag xyab ntawv, tsiaj txhu qaib noog los pauj rau dab, saib neeg siab puas kaj nyob puas zoo.
    *Niaj hnub nyiam no kuj tseem zoo tib yam li, Dab yeej tsis tau yuam peb, nws tsua ntxias peb kom peb yuam kev mus ua yam phem xwb :Dab muab ob daim iav rau peb xaiv saib peb nyiam daim liab los daim ntsuab. Peb xaiv tau tsos liab ces peb xaiv tau qhov phem. Hos peb xaiv tau tsos ntsuab ces peb xaiv tau yam zoo lawm. Kev phem nrog kev zoo yog yus ua tus xaiv yus tus khej. Peb hais tsis tau tias yog dab yuam peb peb thiaj tau kev txom nyem. Kev phem thiab kev zoo tsis yog dab muab los rau peb. Yog peb ua peb, peb nyias tsim nyias txoj kev phem tawm los rau nyias siv nyias xwb , nyia txua nyias cov cai lij choj los sai leej twg txoj nto moo los phem. Cov kws txuj thoob tsib kuj tsim tau tej txoj cai thoob tsib xws li yog cov cai nqes saum ntuj los, hos cov uas lawv tsim los tsis haum kev thoob tsib yog lawv tsim raws li tsiaj txhu kev thoob tsib xwb.…

    LTH. Yaj Zoov Ntxheb.



    XH. Yaj Zoov Ntxheb lub Tsev THOOB TSIB Diable10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 1st March 2012, 7:36 pm


    ZAJ 4: DAB SIV COV NEEG NTUJ NYIAM.


    *Dab siv cov neeg uas Ntuj nyiam los tawm tsam rau Ntuj.
    Muaj ib yam tseem ceeb uas peb ntiaj teb neeg yuav to taub kom zoo: Cov thawj neeg, cov tuav kab xwm tuav hauj lwm hauv tej Koom Haum los mus txog cov niam tsev txiv tsev uas Ntuj nyiam, peb yuav ceev faj lub neej txoj kev ua hauj lwm. Cov txawj ua los ua tau zoo,dab yuav siv los qiv peb kom peb los mus tawm tsam rau Ntuj:

    *Ob tug niam txiv nyob ua ke, ob txiv tub, ob viv ncaus, ob tug phooj ywg ua hauj lwm ua ke, ob tug nom tswv tuav hauj lwm sib nres. Los mus rau Cov Leej Choj cov Xib Hwb sawv daws tib si. Dab yuav ntxias peb cov thawj neeg no kom lawv tsis muaj kev sib haum xeeb, nyob hauv ib thaj chaw ua Tswv Ntuj tes hauj lwm los tej kab xwm los mus sib pab sib nres. Tej niam tub txiv tub los viv ncaus tsis sib raug zoo, sawv daws muaj lus xaiv lus ncua fee duj das ib leeg tsis xav tsa zaj muag los ntsia ib leeg. Muaj kev sib ntxub, nyias muaj nyias kev tu siab tias luag tsis nyiam kuv. Thaum no Koj puas thov Ntuj rau kuv, los kuv puas thov Ntuj pab koj. Koj thov ru koj, kuv kuj thov rau kuv peb tsis muaj kev hloov siab, yus kho yus tus kheej. Ntuj lub txiaj ntsim nqes los tsis tau txog, koj twb hais koj, kuv kuj hais kuv tias: thov thov Ntuj los Ntuj cav tsis pab, ces puam chawj ntshais tsis niam muaj Ntuj, Ntuj thiaj tsis niam pab cia luag muab yus tsawm ua luaj li no, yeej tsi muaj Ntuj. Ces koj nyiam taug kev ua plees ua yi koj mus ua koj yam. Kuv yog neeg nyiam muaj koob meej hwj chim, kuv mus taug kuv kev ua luag tus thawj nom thawj tsw, Ob leeg tso Ntuj pov tseg, Tus tu siab yog Ntuj vim Ntuj tsim ob leeg los ua kwv ua tij sib haum xeeb nyob nrog Ntuj ob leeg nyias xia nyias ntse ua neeg khav theeb rov taw tuam lub ntuj lub teb.Lub teb chaws txawm dav ib sab kaj ntug, ib sab tsaus ntuj los lub teb chaws ntawd yuav tsis txaus rau nkawd ob leeg nyob, ib tug yuav tsum mus nyob dai npoo rau sab toob fab ( hnubbtuaj) ho sib tug kuj yuav mus nyob dai npoo hiav txwv rau sab xib fab (hnub poob).
    Tej yam sawv daws pom li no ces twb yog dab qiv, los siv peb tawm tsam rau Ntuj ntag,

    Xib Hwb Yaj Zoov Ntxheb.


    XH. Yaj Zoov Ntxheb lub Tsev THOOB TSIB Homme-10

    Lub ntuj dav,
    Lub teb tsis txaus kav.
    Lub ntuj loj,
    Lub teb tsis txaus nyob.

    Yog koj ua siab loj,
    Wb sib faib nyob.
    Yog kuv ua siab dav,
    Wb sib faib kav.

    Ces peb nyob nyab xeeb,
    Peb muaj kev thaj yeeb.
    Ces peb nyob kaj lug,
    Peb muaj kev sib hlub.

    Ces peb nto koob meej,
    Ces peb tau Ntuj Ceeb Tsheej.
    Ces peb tau koob hmoov,
    Ces peb tsim nyog yug ua ib zaug HMOOB....Nas lawv...!
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 5th March 2012, 11:25 am



    ZAJ 5- COV THAWJ NEEG.

    *Cov thawj neeg lawv yuav saib tias lawv yog Ntuj cov thawj neeg. Kom xwv lub ntiaj teb los lub sim ceeb no tau nyob thaj yeeb, nyob nyab xeeb , nrog Ntuj sib haum xeeb.

    *Cov thawj neeg no, suav txij li tus niam tsev los txiv tsev mus rau cov tub ua hauj lwm kav saib xyuas ib los ob tug neeg mus txog 10, 50, 100, los sis txhiab txhiab vam vam plhom, kawg rau tus kav ib nrab neeg nyob ntiaj teb no:
    Txhua tus thawj neeg no nyias yuav saib tias nyias yog Ntuj tus Nom, los Ntuj tus thawj tub txib.Lub ntiaj teb neeg lub cev thiab tus ntsuj plig thiaj tau nyob thaj yeeb, kaj siab lug.
    Cov thawj neeg no muaj ob pab los sis ob npoj neeg ua Ntuj cov hauj lwm los mus sib nres:
    *1-Cov ua Nom ua Tswv, lawv yuav saib tias lawv yog Qaum Ntuj tus Nom Tswv. Lawv yuav ua cov hauj lwm pab neeg lub cev nqaij daim tawv 70%: Xws li pab kom tsoom pej xeem huab hwm lawv muaj mov txaus noj txwm hnub, muaj nyiaj txaus siv xws luag kom sawv daws nyob vam meej sib xws. Yam no yog pab sab cev nqaij daim tawv.
    Lawv kuj yuav tau ua 30% los pab neeg sab ntsuj plig: Ua siab ntev mloog luag kev txom nyem, zoo siab txais luag cov ua hauj lwm nrog yus, pab daws sawv daws tej teeb meem uas muaj nyob hauv tej tus neeg ntawd. Kom luag tau lub chaw vam khom. Pab sab ntsuj plig mas neeg txoj sia thiaj nyob ntev…
    *2-Cov ua Leej Choj, cov As cas, Cov Xib Hwb lawv kuj yuav saib tias lawv yog Qaum Ntuj cov thawj neeg los Ntuj li tub txib. Lawv muaj ob feem hauj lwm ua xws li cov Nom Tswv tib yam thiab:
    Cov no lawv yuav ua 70, los 50% pab sab ntsuj plig, xws li cob qhia coj tus yam ntxwv raws kev ncaj ncees rau luag tau kev tso siab. Qhia kev ncaj ncees kev dawb huv kom tej me nyuam neeg paub kev hwm Ntuj Hwm neeg, kom lub ntiaj teb neeg cog kev sib haum xeeb nrog Tus Tswv tsim ntuj tsim teb haum xeeb nyob mus li. Ces lub ntiaj teb thiaj yuav rov tshiab tuaj ua rau neeg sawv daws tau nyob kaj lug.
    Lawv kuj yuav ua 50 los 30% los pab rau sab cev nqaij daim tawv:
    Thaum lawv ntsib los pom ib tug neeg twg tsis paub kev khwv noj haus los yug lawv lub cuab lub yig. Los tsis muaj lub koom haum twg txais lawv ua hauj lwm, los tsis paub ua. Mas yuav tau pab mus qhia kom txawj los paub ua hauj lwm. Tej tus mas yuav tau mus pab nrhiav los thov cov tswv Koom Haum muab hauj lwm pub rau ua kom muaj nyiaj los mus muas noj txwm hnub li luag zeej tsoom sawv daws. Thiab raws tau luag kev vam meej.

    Lub ntiaj teb neeg no tsis muaj xav txog tej hais no mas yuav muaj cov duab zoo li no tawm los saib:

    *Cov thawj neeg lawv ua neeg muaj hwj chim muab hlob lawv yuav qias cov neeg me neeg pluag, yuav tsw ntxhiab rau lawv.
    Hos cov me neeg thiab pluag, lawv ntshai cov thawj neeg tsis kam mus ze muaj me ntsis kev ntxub, nyiam tsis tas. Tej no yog tus cag uas tsis muaj zog, txoj kev siav luv yuav tawm ntawm tej no los lauj.
    Cov lus no kuj tsis zoo heev Tiam sis cov thawj neeg yuav tau hwm cov lus no kom ua yus txoj hauj lwm mus nto qib nto quas.
    *Hmoob muaj ib lo lus tias:
    Luag txawj hais ces luag muab nplooj dia los hais nqaij, muab ko diav los hais ntxuag. Kuv tsis txawj hais ces kuv ua rau nej ib tsoom npoj laus sawv daws luag ib tsaug no yuas.


    Xib Hwb Yaj Zoov Ntxheb.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 9th March 2012, 11:28 am



    ZAJ 6; TXOJ KEV MUS NRUAB YEEB.


    *Txoj kev mus nruab yeeb mas nws yeej tas txhua yam:
    Nyob ntiaj teb hauv lub sim ceeb no mas muaj kev xeeb tsov rog ntau yam , loj cov kem tsuab suav tsis txheeb li. Yus yuav tau tawm tsam tiv thaiv cov kob tsov rog no.
    Kev xeeb kom muaj tsov rog, mas xub xeeb nyob hauv yus lub vaj lub tsev mus. Mam li kis mus rau yus tej kwv tej tig ces mus txog rau cov neej cov tsav, mam mus kub rau zej rau zos, txog rau lub teb lub chaw. Sawv daws teb chaws mam li tau tsim ua tsov rog loj. Tib neeg roj ntsha ncuav ntws hauv av tus npua muaj tsib cheej hla tsis dhau. Nws tus cag tuaj ntawm ob niam txiv, los ob kwv tij, ob viv ncaus, los ob pab neeg, lawv tsis sib saib kom meej. Tsis sib to taub, hais lus xaiv, cog kev sib ntxub. Ib txeeb hwj chim loj, sib txeeb nyiaj txiag cuav tam.
    *Yog thaum pom tias yuav muaj, los yuav xeeb ua tsov rog mas yus yuav mus sab nruab yeeb mus thiaj li yeej tau. Txoj kev mus nruab yeeb mus mas:
    Ua siab ntev zam rau nws, hlub nws tsis txhob cib nyeej rau, thov Ntuj pab nws kom to taub thov tej poj koob yawm txwv nres nws kom nws txhob mus deb dhau tsam muaj kev puas tsuaj rau nws. Thaum koj yuav mus nrog nws tham, Koj thov Ntuj pab koj kom thaum koj mus hais nws ua siab ntev mloog koj cov lus txiaj lus ntsim muaj nuj nqes ntawd.
    Koj thiaj li tau zoo ib txoj kev qhia yam zoo raws kev thoob tsib rau nws. Koj coj li no yog txoj kev mus ua tsov rog mus sab nruab yeeb mus mas koj thiaj yeej.
    *Txoj kev mus saum yaj mus mas, zoo li yog ncauj pauv ncauj nrig pauv nrig, zog pauv zog. Tam sim ntawd kub kub koj hais ces sib cav sib ceg sib ntaus, tam sim ntawd ib leeg zam tsis taus rau ib leeg, ces muaj teeb meem tawm tuaj. Muaj plaub ntug ntau hais tsis tas, yuav nce mus txog tej nom tswv, kuj yuav poob nyiaj txiag ntau, tseem muaj kev tus siab tsis sib saib xyuas, muaj kev khib nrhiav teeb meem sib cuab ntxiab tos nws kev, ua tsis muaj caij tas li.

    Xib Hwb Yaj Zoov Ntxheb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Maiv Tooj 13th March 2012, 8:45 am


    ZAJ 7: YUS ROV NTSUAM YUS.

    XH. Yaj Zoov Ntxheb lub Tsev THOOB TSIB Cacao111*Yus rov ntsuam yus tus khej:

    Yog koj xav nrog tsoom txheeb ze sawv daws nyob taus ua ke mus ib sim neej, mas koj yuav rov ntsuam xyuas koj tus kheej. Saib koj puas yog ib tug neeg muaj nuj nqes rau zeej tsoom. Yus yuav ua ib tug neeg muaj nuj nqe, mas tsis yog yus muaj nuj nqes rau yus tus kheej. Tus nws xav tias nws muaj nuj nqes rau nws tus kheej xwb mas tab yog nws nyob nrog Mab sua los yeej tau lawm.

    *Yus yuav ua neeg muaj nuj nqe pub rau yus tsoom txheeb ze mas yuav tau coj li nram no:
    -Yus yuav kho yus kom tsim nyog rau luag hwm los luag saib taus yus.
    -Yus yuav hwm luag tsom sid, saib taus lawv.
    -Coj tus yam ntxwv kom luag tso siab rau yus, thiab cia luag qhuas yus.
    -Qhuas txog luag yog neeg muaj nuj nqe thiab tsim txiaj xws li yus.
    -Yus txoj kev nyiam thiab hlub luag yuav hlub puag hauv yus nruab siab tawm tuaj.
    -Yus tsis txhob lam ua tus neeg hlub mos mos, hlub tsis ti txha. Ib sab tes hlub ib sab tes de.
    -Yus ua txoj hauj lwm twg los ua kom muaj chaw chiv thiab muaj chaw xaus, saib tias cov hauj lwm yus ua yog qaum Ntuj li hauj lwm ua rau Qaum Ntuj me nyuam tau siv. Yuav ua dawb ua huv.
    -Hais lus yuav saib taus Ntuj hais kom ncaj ncees phim Ntuj kev thoob tsib – Txhob ua neeg khav theeb yuam cai hla luag tej poj niam kom xeeb tub.

    * Tas puas tsav yam kev tsim txiaj. Keb thoob tsib, kev ncaj ncees nrog kev nyiam kev hlub mas Qaum Ntuj muab rau peb muaj npaum nplooj peb twb tsis tau muab los siv pub rau leej twg li. Peb tseem mus qee los txeeb luag tug los yuav dawb xwb. Yus puas yuav tsim nyog xeeb los ua neeg nyob nrog zeej tsoom txheeb ze. Yus yua ua neej nyob xws li tsob ntoo nyob ze ntug dej, kom nplooj ntsuab txiv los qab zib kom neeg txhua tus nyiam noj.

    Xib Hwb Yaj Zoov Ntxheb.


    Sponsored content


    XH. Yaj Zoov Ntxheb lub Tsev THOOB TSIB Empty Re: XH. Yaj Zoov Ntxheb lub Tsev THOOB TSIB

    Post  Sponsored content


      Current date/time is 18th March 2024, 3:06 pm