Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 16th March 2012, 6:28 am


    ZAJ 8.

    YUAV IB TXHIJ SAIB KEV NTSEEG THIAB HAIV HMOOB TXUJ CI.

     


    1=Kev ntseeg yog ib yam tseem ceeb. Zaj kev ntseeg uas Yes Xus qhia yog kev ntseeg nqes saum Ntuj los. Txhua yam kev ntseeg nyob ua ntej,  kuj yog Ntuj tshoj kom muaj tej tus neeg tshaj tawm  los Cov kev ntseeg ntawd Ntuj tau qhia tej tus neeg hais Ntuj Zaj txuj ci teev hawm mus taug kev thoob tsib.  Tsuav yog pab rau neeg kom muaj kev ntseeg ua neeg ncaj ncees hwm Ntuj hwm neeg  nyob taus ua npoj. Mas kuj suav tau tias txhua yam kev ntseeg puav leej tuaj saum ntuj tas nrho.

    Tas nrho txhua haiv neeg los npoj neeg nyob ntiaj teb no, tsuav yog nws muaj ib txoj kev ntseeg lawm mas nws kuj yog ib tug neeg zoo. Neeg tseem ceeb muaj nuj nqes  vim nws hwm nws txoj kev ntseeg.

    Yog ib tug neeg nws tsis muaj kev ntseeg , nws yuav rov tsa nws ua tus loj:  Nws tus Huab Tais ces yog nws lub plab:
    Thaum nws tshaib plab mas nws siv zog ua hauj lwm. Nws siv zog mus kev, siv zog tho luag tej qhov vaj qhov tsev, nws rau siab ua kom tau rau nws lub plab. Yog nws tsau plab lawm, mas nws tsis pub nws lub cev ua ib txoj hauj lwm li, Nws cia nws lub cev pw tsaug zog tas ib hnub.

    Kev ntseeg yog ib yam kev dawb huv thiab tseem ceeb tiag. Yog peb muaj kev ntseeg lawm peb yuav hwm peb txoj kev ntseeg.
    Peb yuav txhob txua tej kev cai lij choj los yuam cov ntseeb los txiav kev kwv kev tij, noj cais neej cais tsav. Txhua yam kev ntseeg,  Ntuj tsis tau qhia tej no tseg rau hauv.  Yes Xus tau hais zoo thiab tseeb kaug tseg:
    Yes Xus Hais tias Kuv tuaj kuv tsis rhua ntiaj teb neeg txoj cai, Kuv qhia ntxiv yam ntiaj teb neeg tau  paub thiab qhia kom zoo dua xwb. Yam li nyob hauv cov txwm ntawv, lub qhov muag dub dub nyob saum tus tsiaj ntawv  ( i) ntawd mas kuv nco ntsoov txog.
    Hmoob li txuj ci, thiab kev cai tsis yog dab tuaj qhia rau Hmoob kom Hmoob paub ua tej txuj ci ntawd. Peb hloov kev ntseeg peb muab txiav tawm tas mas peb kuj tsis yog Hmoob lawm. Peb kiav neeg, kiav lus, kiav xeem  mus ua Mab ua Suav los  lawv yeej pab tau yus lawm, yus yog neeg ntseeg ces lawv yuav tsis muab yus pov tseg li. Nco ntsoov , yog koj mus coj kev ntseeg koj txiav Hmoob txuj ci, noj cais neej cais tsav mas, thaum koj kho siab tuaj, koj yuav caiv tsis txhob hais kwv txhiaj, hu nkauj mloog Hmoob cov yas suab txhob mus yuav, Hmoob tej ka xev vis de aus los txhob saib.  Yus nrauj ces nrauj kom tas, yus yuav saib ib yam li tej no yog dab tuaj qhia tas nrho rau  Hmoob thiab.

    2=Hmoob li txuj ci muaj nuj nqes thiab tseem ceeb rau Hmoob kawg. Cov txuj ci nyob hauv Hmoob kab lis kev cai, yog ib txoj kev cai Ntuj yeej qhia ntxov ntxov los rau Hmoob lawm. Yog yam lus uas nws laus heev laum yog Hmoob yuav kho kom los phim rau phaj neeg tam sim no, uas lawv nyob rau hauv kev vam meej,  Kom Hmoob txuj ci plhis thiab hlob mus raws li txheej tshiab kev vam meej thiab kev thoob tsib.  Kom Hmoob cov kws txuj Hmoob  yog neeg muaj nuj nqes neeg tseem ceeb.

    Hmoob txuj ci muaj ntau yam xws li:
    -Txuj ci hais lus.
    -Txuj ci kev sib hwm. Txuj ci txais  kwv tij phooj ywg.
    -Txuj ci kev muab nyab qua ntxhais.
    -Txuj ci saib tej laus nce hauv toj.
    -txuj ci teev hawm Ntuj los teev hawm poj koob yawm txwv.

    Cov txuj no piav mas txaus ua ib phau ntawv loj thiah tuab heev.  Puav leej yog Ntuj tshoj qhia los rau Hmoob ua neej kom tsim nyog ib haiv neeg..


    Last edited by Maiv Tooj on 4th November 2014, 6:19 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd March 2012, 9:34 am


    ZAJ 9. TSWV NTUJ ZOO LI LUB O.

    *Neeg ntiaj teb feem coob lawv tsis paub Tswv Ntuj, Lawv saib Tswv zoo li lub O. Nyob hauv lub O no mas yog tus ua twb zoo saib, mas nws muaj ntau ntau yam zoo tas nrho, muaj nuj nqes nplua nuj kawg:
    Dhau ntawm lub O no mus mam muaj tus tsiaj xam phaj 1- mus txog 9. 10-100, …Txhiab mus txog vam vam, plhom mus suav tsis txheeb yog roob roob lawm xwb.
    Tsom Tswv Ntuj sab mas hauv lub O no Tswv Ntuj yog tus nplua nuj tshaj tas nrho li:
    Nws muaj kev ncaj ncees, kev nyiam kev hlub, kev pab, kev pov hwm neeg, tsiaj txhu, me kab me ntsaum, xyoob ntoo nroj tsuag txhua txhua yam uas suav tsis txheeb pom tsis tau. Nws ib txhij saib thiab pov hwm txhua yam ua ke tau tas nrho.
    Nyob hauv cov av no los nplua nuj tas nrho li thiab:
    Nws muaj zoo chiv yug qoob loo nroj tsuag. Muaj pov haum kob zeb liag, zeb dub, zeb ntsuab…Muaj kub, nyiaj, tooj txhuas , hlau, siv yeej, dej…
    Tswv Ntuj yog tus tseem ceeb thiab nplua nuj tshaj. Tej kev ncaj ncees, kev nyiam kev hlub los txhawb nqa yus thiab cov txheeb ze yus mas Ntuj muab ntau tas zog rau peb los ua neej nyob ntiaj teb no.Yam Ntuj muab rau peb mas muaj npaum nplooj. Peb xav muab los siv rau yus tej txheeb ze, kwv tij neej tsa, phooj ywg nyob thoob qab ntuj los peb tsis muaj pluag li.
    Muaj tus puav neeg mas xws li nws ua neej nyob nws pluag pluag kev nyiam kev hlub, ib sim neej tsis txawj hlub thiab nyiam leej twg li. Tsis pab tsis xyuas leej twg li nws nyob zoo li neeg twm zeej tsis muaj neeg nrog nws nyob. Nws saib tej neeg ib yam li tej tsiaj txhu. Peb ua neeg nyob hauv lub sim ceeb no tej kev ncaj ncees, kev thoob tsib,nrog kev nyiam kev hlub,kev pab, pub kev thaj yeeb, kev kaj siab rau luag.
    Txog hnub kawg peb ua lub neej nyob ntiaj teb no kawg, Ntuj kuj yuav nug peb tias: Kuv muab ntau yam kev thoob tsib nplua nuj nrog txhua yam rau koj kom zeem muaj kwv muaj tig nrog koj. Koj puas muaj kwv tij neej tsa txheeb ze nrog koj los, cov ua ntej cov lawv qab muaj coob li cas?
    Koj yuav teb li cas rau Ntuj. Peb yuav tau xav txog thiab. Yog yus mus dab teb los tsis muaj neeg nrog yus mus. Hos mus saum ntuj los kuj tsis muaj neeg raws yus mus thiab. Tsam yus mus txog tsis txaus luag saib luag tsis rub rooj rub tog rau yus nyob los zaum. Ntshai yus yuav nyob ntawm luag tus puab rooj los puab ntsa. Luag noj los luag tsis nco pom yus, neeg coob npaum nplooj dua kev los luag tsis saib yus.
    Yaj Xib Hwb Zoov Ntxheb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 28th March 2012, 9:19 am



    ZAJ 10. TXIV NEEJ THIAB POJ NIAM.



    Txiv neej thiab poj niam sib txawv, xws li nyias tuaj nyias ib sab ntuj tuaj.
    Muaj tej tus kws txuj tau ntsuam yuas txiv neej thiab poj niam lub siab sib txawv xws li nyias tuaj nyias ib sab Ntuj tuaj:
    = Cov txiv neej lawv nqes saum lub plawv yis yis ntuj los. Txiv neej nws coj hwj chim thiab kev ua luag tus thawj neeg tuaj.
    =Hos poj niam mas xws li lawv tuaj sab qaum ntuj ped tuaj xws li sab muaj lub hnub qub pej nyob ntawd tuaj.
    Poj niam nws tuaj nws coj kev zoo nkauj , nws thiaj nyiam paj xyoob paj ntoo. Ua paj ntaub nrhia xov tej ntawd.
    Txiv neej thiab poj niam tuaj sib ntsib nyob rau hauv lub ntiaj teb no. Nkawd ib leeg pom ib leeg nyob zoo nkauj , zoo nraug nkawd sib nyiam sib hlub ces nkawd mam sib qaws ua neej nyob ua ke, tau daws teeb meem kev kho siab.
    Cov txiv neej thaum nws tuaj nws coj hwj chim, thiab kev ua luag tus thawj neeg tuaj. Txiv neej nws nyiam nyiam daws teeb meem
    Thiab kho.
    Txiv neej nyiam kom luag hwm, thiab saib nws ua neeg muaj nuj nqes siab. Zeej tsood txawm hwm nws tsis zoo los tsuav yog tus poj niam hwm, mas nws twb txaus siab lawm.
    Cov txiv neej sawv daws lawv muaj ib tug cuj pwm nyiam kho neeg tej teeb meem daws plaub ntug.
    Ob tug niam txiv nyob ua ke nkawd muaj teeb meem yog tej yam los li hais saum no los:
    Tej zaum mas poj niam hnov teeb meem ces nws piav rau tus txiv neej mloog xwb los txiv neej xav tias yog teeb meem lawm ces nws twb muab kho lawm. Hos ntawm tus poj niam mas tseem tsis tau hais txog qhov yuav kho. Ces muaj teeb meem rau nkawd ib tug hais kom paub xwb ib tug twb muab kho lawm.
    Ob tug niam txiv nyob ua ke, tab yog tus txiv neej tsis thoob tsib npaum li tus poj niam los xij, poj niam yog tus coj ntug los poj niam hwm tus txiv neej, yog yus uav tau los yus yuav hais lo lus hwm tias koj pab thiaj ua tau ces txaus siab lawm nkawd yuav nyob tau kaj siab dua. Yog poj niam pib thuam tus txiv neej lawm mas nws yuav tau ib tug txiv ruam ua tsis tau luag tus thawj neeg. Nws cia li xav tias poj niam tsis hwm nws lawm cev tsis tas yuav ua neeg thoob tsib coj kev txawj ntse nws kaw nws lub hlwb tsis kaws leej twg li txuj ci tsis hais lus rau leej twg ces nyob ua neeg tu siab los ruam, thaum zoo li no lawm yuav tsob hwb nws xws li neeg muaj mob.

    Xya yam uas txiv neej nyiam:

    1-Yuav hwm nws ua tus tswv.
    2- Yuav mloog thiab saib nws ua tus thawj.
    3-Tus poj niam yuav tuav nws qhov kev zoo nkauj rau tus txiv mus li.
    4-Hais lus nrog kev hlub kom tsim nyog rau nws.
    5-Yuav txaus siab rau tus txiv tej hauj lwm thiab nws tus yam ntxwv.
    6-Qhuas txog tus yam ntxwv, nrog nws lub meej mom.
    7- Yuav paub tias tus txiv muaj nqi dua yus.

    Xya yam uas poj niam nyiam:


    1-Poj niam nws ntshaw kom muaj ib txoj kev ntseeg ruaj kho nyob hauv yus lub neej.
    2- Poj niam xav paub tias,puas ua tau li tus txiv lub siab nyiam kom nws rov kho tau nws tus kheej.
    3-Puas saib tias poj niam muaj nqes thiab.
    4-Yuav to taub tias poj niam lub zog me dua.
    5-Tus txiv puas txaus siab qee ib lub caij los nrog poj niam tham.
    6- Puas nco tias poj niam nyob ze yus txhua lub caij.
    7-Puas muab yus lub neej cog rau poj niam.

    Tas txhua yam no yeej muaj tej lo lus tawm hauv Hmoob cov lus los tias: Tus txiv yog tus chiv, tus nyab yog tus pab. Txij no mus peb yuav nco ntsoov tias cov niam txiv ua txij nkawm hluas hluas nyias nco ntsoov them nyias cov nqi tshoob nqi kos. Tsis yog pob nyiaj them rau niam tais yawm txiv. Nkawd yuav rov sib them nkawd: Muab kev nyiam, kev hlub kev pab, kev qhuas los isb them, yuav them kom tas yus sim neej. Txiv them rau niam, niam them rau txiv niaj hnub sib them, ib tug yuav cav lus zoo rau ib tug tej kev nyiam kev hlub, kev nquag kom daws tau tej kev sab lim ua yus khwv khwv tas ib hnub ntawd. Tus coj thiab ua raws li tej lus hais saum no mas nws kuj cog tau tsob zoo tshuaj tua lub txim tawm ntawm tib neeg tus nplaig los.

    Xib Hwb YajZoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 3rd April 2012, 8:33 am



    ZAJ, 11 NTUJ LUB TXIAJ NTIM.


    Lub txiaj ntsim Ntuj hu neeg ua Yaj Saub. Thiab qee tus thawj neeg. Muaj peb lub cim, nrog txiaj ntsim los roos lawv:
    1* Tus nyiam ua neeg ntshaw hwj chim loj txua cai lij choj yuam neeg siv tsis haum Ntuj tus cai.
    2* Tus nws nyiam kev nplua nuj,muaj cuab tam ntau. Sau nyiaj, los qhia luag coj toob xib tuaj pub rau nws.
    3* Tus nyiam kev ua plees ua yi, tsis hwm txiv neej los poj niam lub cev, hais txog ntawv nyiaj keeb puaj txwm, ntawv niam txiv sib raug puag qaum ntuj nqis, tias koj thiab kuv mas yog tseem ntawv niam txiv Ntuj tso los. Thaum txog zaj lus xev no lawm mas cov cim txiaj ntsim coj pem qaum ntuj los poob tas nrho. Txawm cuab sab twg tuaj los tsis leej li lawm.
    *- Yav ntuj thaud, muaj cov neeg siab dawb huv, ncaj ncees muaj coob. Mas ntuj hu cov neeg los ua luag tus thawj neeg ntau dua, cov uas hu los ua Yaj Saub, ib haiv neeg los ib pab neeg no. Ntuj hu leej puv xwb.

    *-Cov thawj neeg, tsam nej tsis paub tias yog cov twg! Cov thawj neeg yog :
    Cov Nom Tswv. Cov Txwj Laus. Cov tuav kab xwm ub no, nrog cov Xib Hwb, Leej Choj, los Cov As Cas huv si.

    *- Los rau ob xyoos no cov neeg dawb huv mas muaj tsawg,zuj zus lawm. Vim tias neeg muaj cov hais tias ntuj yuav tas teb yuav kawg. Thaud tej laus hais tias ntuj Fav Teb Lam. Lub ntuj tsis txawj fav hos lub teb kuj tsis txawj lam. Yog neeg lwj neeg liam lawm. Txij Ntuj tsim teb xeeb los muaj pes tsawg txhiab vam xyoo los txog lub zim txwv no. Lub hnub lub hli nws zoo nws li qub. Xyoob ntoo nroj tsuag tsis txawj txawv nyias hom noob nws txi nyias hom txiv. Thiab tseem muaj nws tus ntxhiab, xws li qub.
    *- Yes Xus uas yog tusTswv Ntuj pleev nws, mas Yes Xus yeej hais meej tias:
    Lub caij ntuj yuav kawg, ob tug poj niam zom zeb ua ke, xwv txheej raug ib tug tseg lwm tus. Hos ob tug txiv neej laij liag ua ke xwv txheej nphav ib tug tseg lwm tus
    Nyem no peb Hmoob hnov thiab paub tias saub sawv coob coob. Tej no yog dab tsis tiag:
    Ob xyoos no, muaj neeg lwj neeg liam ntau, nyob puv toj puv pes. Neeg tsis muaj kev ncaj ncees. Cov thawj neeg tsuas kav tau ob peb leeg xwb. Cov Leej Choj As Cas, Xib Hwb lawv kav tsis tau ib puas leej lawm. Ntuj yuav hu cov NIAM TOJ, TXIV TOJ no pab coj cob qhia neeg ntiaj teb kom sawv daws hloov siab hloov ntsws los taug kev ncaj ncees rov nyob nrog Ntuj sib haum Xeeb ua ke. Cov no lawv tsis yog ib pab saub,lawv yog Ntub pab niam toj txiv toj.
    Cov no lawv txais Ntuj lus tuaj ncaj qha rau lawv, Cov Xib Hwb cov Leej Choj lawv txais Ntuj lus tuaj ntawm ib tug choj tuaj:
    Yog cov neeg siab dawb nyob nrog Ntuj sib haum xeeb txais los qhia..Cov Leej Choj Xib Hwb lawv kawm hauv cov tsev qhia txuj tawm los. Lawv yuav tshaj Ntuj cov lus nyob hauv lawv tsev, los hauv cov tsev txoos.

    Cov niam toj txiv toj no lawv txais ncaj qha ntawm Ntuj tuaj, mas lawv yuav tshaj nyob hauv lawv tsev thiab ntawm tej kev tshuam los tom tshav puam.
    Peb txhob sib tiv.Cov Leej Choj Xib Hwb los rau cov niam toj txiv toj no, nyias muaj nyias lub txiaj ntsim pab roos nyias lub meej mom nrog rau nyias tus ntsuj plig.
    *- Peb lub cim txiaj ntsim hais saum toj ntawd puav leej yog kev caus ntxiab tos tas nrho txhua tus:
    -Tus kov kiag lub cim txiaj ntsim nyiam ntshaw hwj chim muaj koob meej, ua neeg muab hlob,mas nws poob lawm ib theem. Tshuav ob theem lawm xwb.
    - Nws kov ntxiv kev ntshaw nyiaj ua neeg nplua nuj. Muaj cuab tam ntau. Nws poob mus txog theem ob lawm. Nws tshuab ib nqi lawm xwb.
    - Qhov kawg Nws kov kiag kev plees kev yi ntxiv ces, nws tsis tshuav ib yam dab tsi los ua pov thawj tias nws yog Ntuj tus thawj neeg los Ntuj tus niam toj txiv toj zoo lawm.
    Peb yuav paub tias muaj neeg siab dawb coob npaum li cas. Mas dab kuj coob npaum li ntawd thiab. Dab yuav ntxias kom cov neeg luag hu ua siab dawb sib tog los sib pleev kom tug dug xws tug. Dab nyiam qiv cov neeg nyob ze Ntuj los tawm tam rau Nyuj, kom dab muaj plhus.
    *- Peb yuav cim ntsoov,Tsis hais kuv los koj, peb sawv daws yog ib tug twg nws tsis ceev faj, leej twg xub raug ces leej twg xub ploj ua ntej.
    Cov npoj neeg uas Ntuj Xaiv nyias yuav ceev nyias lub npe thiab txuag lub hwj chim, meej mom zoo, kom dab qiv tsis tau leej twg los tawm tsam rau Ntuj. Tswv Ntuj twb yog tus nplua nuj uas muaj kev ncaj ncees nyob puv lub qab ntuj, nrog kev nyiam kev hlub, kev kaj siab txhua txhua yam, tshaj cov cim txiaj ntsim hais los saum toj no ntau npaug. Peb yam hais los ntawd yog dab kev cuab ntxiab caus cav kom mag cov neeg tshaw txog thiab nyiam.

    *-Kuv sau zaj lus no, kuv xav tau li ntawd kuv lam sau xwb, kuv tsis yog ib tug saub

    Xib Hwb Yaj Zoov Ntxheb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 9th April 2012, 10:55 am



    ZAJ 12. LEEJ NTSHIAB YAS KOS ZAJ LUS.




    Leej Ntshiab Yas Kos hais tias:
    *- Neeg tus nplaig yog ib yam uas me me kawg nkaus. Nws kuj khav tias nws ua tau tej yam loj kawg:
    Neeg tus nplaig zoo li ib lub txim taws me me. Tab sis nws muaj peev xwm kub tau ib lub hauv toj muaj cuaj lub roob. Kub tas cov teb chaws muaj neeg nyob. Neeg tus nplaig yog dab phem chaw zes taws. Ua kom lub ntiaj teb no muaj kev kub txhov. Nws txawj rhuav, yus lub neej kom tas du lug.

    Nyob ntiaj teb no muaj cov neeg lawv txawj pwv, cov nab, los tej tsiaj qus kom seej. Tab sis tsis muaj leej twg yuav pwv tau neeg tus nplaig no seej.Nyob hauv neeg tus nplaig muaj cov toj taug lom neeg tuag tau.
    Peb ntiaj teb neeg nyob hauv lub sim ceeb no, yog peb muab tus nplaig muaj toj taug no los cav txog Tus Tswv Ntuj siab zoo, muaj hwj huam hwj chim, txawj hlub neeg, txawj zam rau neeg raws kev ncaj ncees, nrog Ntuj kev nyiam kev hlub, mas lub ntiaj teb yuav tau nyob tiaj tus, thaj yeeb mus li. Coj neeg ntiaj teb nrog Ntuj sib haum xeeb mas zoo dua uas peb siv los kom tau tawm tsam rau Ntuj, thiab zeej tsoom uas yog Ntuj li me nyuam.
    Neeg lub zog thiab neeg lo lus nws tawm hauv tib lub qhov los. Neeg kev thoob tsib los kev cuav mas sib txawv deb heev.

    Muaj ob yam kev thoob tsib:
    *- Kev thoob tsib cua.
    *- Kev thoob tsib tseem.
    = Kev thoob tsib cuav, yog hom neeg uas, nws paub kev xam khib. Paub txog ntau yam luag ua tub qaug rau nws. Txoj kev thoob tsib no tsis yog nqes saum ntuj los.
    Nws yog ib txoj kev thoob tsib uas neeg ntiaj teb, yoog raws li cov tsiaj txhu, zoo li tej lo lus Hmoob uas tej laus hais tias:
    -Tsiaj pwm xia tsiaj pwm kub kawb, los heev pwj kuj xia heev pwj kub zuag. Tej no yog dab phem cov hauj lwm.

    - Txoj kev thoob tsib nqes saum ntuj los:
    Yog kev thoob tsib dawb huv, xws li kev thoob tsib tseb kev thaj yeeb rau neeg ntiaj teb txhua leej txhua tus taug.
    Leej Ntshiab Yas Kos yog Yes Xus ib tug thwj tim ua Yes Xus tus hauv paus xa lus mus rau sab hnub tuaj. Nyob sab toob ntawd cov neeg siab dawb lawv paub Yas Kos zaj lus no zoo, thiab lawv hwm los txog niaj hnub no.

    Xib Hwb Yaj Zoov Ntxheb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 11th April 2012, 9:17 am



    ZAJ 13. TUS NEEG SIAB DAWB.


    *-Tus neeg siab dawb,nws hais nws cov lus pub txoj sia nyob ntev dhawv rau lwm tus.
    *- Tus neeg siab dawb, thaum nws hais nws cov lus, txhawv hauv nws lub ncauj los: Xws li ib zaj khawv koob daws dab, ua kom dab nyob tsis taus ze cov neeg vam txog nws.
    *- Tus neeg siab dawb siab huv,nws hais nws cov lus txhawv hauv nws lub siab los. Muaj nqes xws li ib hauv muaj kuab tsuas kho neeg lub cev zoo hlo.
    *- Tus neeg siab huv, nws tes hauj lwm zoo npaum li tsob ntoo txi txiv qab qab zib uas neeg noj tsis dhuav.
    *- Tus neeg twg, hnov tus neeg siab dawb siab huv hais lus.Mas nws pom kev xws li muaj ib lub teeb tsom thooj, pom kev hmo ntuj.
    *- Cov neeg siab dawb, xws li lawv yuav tau ib lub tsho los hnav. Ua kom lawv tsis txawj tuag thiab lwj mus.
    *- Cov neeg siab dawb mas lawv ncov ntsoov tias,kev ua txhaum mas nws swb txoj cai. Txoj cai, yeej kev ua txhaum. Vim txhua yam tshwm sim los ntawm tus muaj hwj chim, Yes Xus Pleevlos.
    *- Nyob hauv lub sim ceeb no, yam yuav pab kom yus hla dhau; Yog yus yuav kho yus tus kheej kom zoo.
    *-Hnub twg yus kho yus zoo lawm, mas yus yuav zoo li cov txiv ntoo txi txiv qab qab zib. Cov tuam los pav hauv cov Koom Haum toob xib lawv yuav kheev nqi rau yus.

    Xib Hwb Yaj Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th April 2012, 1:10 am



    ZAJ 14. YUS TSIS NCO HLUB TUS NYOB ZE YUS.


    Zaj no yog lus sab sij huam. Yus tsi nco hlub tus nyob ze yus:
    Muaj ib hnub, kuv tau mus tom lub khw uas lawv muag zaub noj. Kuv maj nroos mus. Muaj ib tug txiv neej hmoob, nws kuj maj nroos los, ces nws phoom kiag kuv. Ua rau wb nyias thim nyias fee hlo. Kuv hais rau nws tias:
    Thov txim kuv tau phoom koj lawm. Nws hais tias: Yog kuv phoom koj. Wb nyias mus nyias lawm. Kuv yuav tau zaub ces kuv los tsev. Txog tsev kuj yog lub sij hawm ua zaub ua mov noj. Kuv maj nroos mus ua zaub. Lub yias nyob saum qhov cub kuj kub lawm,kuv tseem suam cov zaub kom mos mos, mam muab kib. Lub yias kuj kub, cov zaub kuj muaj dej nrog si tsis tau tas. Kuv ntshai hluav taws. Kuv thim zoj li peb ruam rov tom qab, kuv tus me ntxhais los kuv tsis nco pom. Kuv phoom kiag nws, ces nws tau ntog da luam rau hauv pem teb. Kuv cia li cem kuv tus me ntxhais tias:
    Niag tsw ntxhiab! Ua cas tseem los phoom kuv thiab lauj! Nws maj mam sawv mus tom txaj lawm, nws mus kauv pam pw twj ywm lawm.

    Ib me ntsis kuv mam tig ntsia na has, kuv pom peb lub paj:
    I blub yog lub paj liab zoo zoo nkauj, ib lub yog lub paj dawb dawb, hos ib lub yog lub paj xiav tsam xem liab doog zoo zoo nkauj thiab. Ces kuv khaws tau kuv mam mus xyuas kuv tus me ntxhais, kuv hais tias:
    Me ntxhais ua cas lawm koj cia los pw kauv pam li no?

    Nws teb kuv tias:
    Kuv txiv kuv saib koj yog peb ib lee txiv zoo. Kuv nyiam koj, kuv hlub koj, kuv saib koj yog ib leej txiv muaj nuj nqes rau peb, kuv nqa cov paj no los cav txog ib lo lus zoo rau koj, kuv los ces kuv cia li los phoom koj lawm. Kuv thiaj los pw lawm xwb.

    Kuv mam li nco tias:
    Yus tsis tau hlub tus nyob ze yus. Twb yog yus phoom los yus tseem cem nws ua niag tsw ntxhiab nws tau tu siab lawm.

    Xib Hwb Yaj Zoov Ntxheb.


    Last edited by Maiv Tooj on 11th December 2012, 9:39 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 14th April 2012, 6:36 pm



    ZAJ 15. CUAJ NTSUG KEV KHAUB LIG.


    *- Cuaj ntsug kev khaub lig no, ntuj thaum ub yav pem suab, tsuas yog hnov cov txiv neeb hais xwb. Cuaj ntsug kev khaub lig cov txiv neeb hais, mas lawv ua txoj lus, piav rau sab ntsuj plig kev mob kev nkeeg.

    *- Zaum no hais txog cuaj ntsug kev khaub lig rau peb lub cev thiab lub siab, uas niaj hnub peb pom muaj nyem no:
    Nyob hauv cov teb chaws vam meej xws li Fuaj kuj teb, Mis Kuj los lwm cov teb chaws vam meej mas muaj ib cov kev sib tshuam ob peb txheej kev nyob hauv plawv nroog, cov no yog rau neeg sawv daws mus ua num thiab tsham zej zog teb chaws xwb.

    *- Cov kev peb hu ua cuaj ntsug kev Khaub lig nyob hauv peb lub cev los lub siab, uas niaj hnub peb sawv daws xav taug thiab cov twb tau taug lawd yog cov kev no:
    *- Muab piv li cov teb chaws vam meej nyob rau As Mes Lis Kas, koj yug tau cuaj leeg tub, koj tso lawv mus kawm txuj mas cuaj leeg tub ntawd puav leej kawm tiav tas nrho cuaj txoj kev kawm:
    =Tus ib nws mus kawm ua Nom nws kawm tiav log.

    =Tus ob nws mus kawm ua txhab rau nyiaj rau teb chaws sawv daws muaj kev tso nyiaj los siv nyiaj mus deb mus ze los rub tau nyiaj los siv.
    =Tus peb nws mus kawm ua tsheb, ua dav hlau mus nruab a, ya nruab ntug kuj tau.
    =Tus plaub nws mus kawm ua peeb zeej ua rau teb chaws kev tso siab.
    =Tus tsib nws mus kawm ua tuam los pav tsim toob xib los muag toob xib puas tsav yam…
    = Tus rau Nws mus kawm cog qoob cog loo kom muaj noj muaj haus.
    = Tus xya nws mus kawm mus kawm nrog luag tua ntaj, rag txuj dhia taw tes huam koob ncha lag.
    = Tus yim nws mus kawm mus kawm mus kawm yees siv, paiv suab kho siab zim txhawb neeg lub siab ua neej muaj hwj chim.
    = Tus cuaj nws mus kawm tom xub tsuag, kawm dag nom dag tswv kom tau noj tau haus, kawm ua plees ua yi xyaum ua poj nrauj txiv fav,
    kawm tho luag qhov vaj qhov tsev ua niag tuam tub sab…., kawm txuj tsab mob, ceg tawv thov nyiaj noj dawb, xyaum haus dej haus cawv, haus yeeb haus tshuaj, kawm rau tej laus yug hlob tas ho yug kom laus, kawm thov khawv, kawm khav theeb, kawm huab noj huab haus, …


    Xib Hwb Yaj Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 20th April 2012, 8:23 am



    ZAJ 16 KEV NYIAM KEV HLUB.



    Kev nyiam kev hlub ntawm ib tug txiv neej, los ib tug poj niam. Muaj peb yam xws li:
    *-Thawj yam,txiv neej los poj niam, kev sib nyiam, Tsis pom los twb nyiam ua ntej lawm.
    *- Nkawd sib nyiam raws lub cev nqaij daim tawv.
    *- Nkawd sib nyiam nyob hauv tus ntsuj plig.

    1-Nyob hauv ib tug txiv neej los poj niam nruab siab, tsis tau pom los twb nyiam los hlub nws ua ntej lawm. Yus xav xav mus pom sai, saib nws lub meej mom zoo li cas.
    Thaum yus tau pom kiag lawm mas yus lub siab nqig kiag. Yus tsis nyiam tsis hlub, thiab tsis nco txog lawm, yus nyob tau tus tus. ( Hlub raws mental love)

    2-( Physical love)Txoj kev sib hlub sib nyiam raws li cev nqaij daim tawv:
    Yus nyiam, vim nws zoo nkauj, los zoo nraug xwb. Laus zuj zus mas yus kuj ntxub zuj zus tuaj. Yus nyiam vim nws kawm txuj siab. Lwm hnub pom muaj coob leej kawm txuj siab, yus kuj ntxub. Saib nws yog neeg npua nuj thaum nws pluag zus , yus kuj ntxub zus tuaj.Yus saib tias yog txheeb ze yuav lwm hnub muaj xaiv muaj lus yus ntxub thiab…

    Hmoob lo lus hais tias lam ua cav lwj sis ib nyob,mas yog tawm qhov no los. Yus xaiv sab cev nqaij daim tawv thaum yus laus lawm yus pheej hnov cov lus hais tias niag laus tsw ntxhiab. Tsis nyob ua ke los tej me nyuam tsis muaj niam muaj txiv hu. Nyob los ua cav lwj sis ib nyob xwb.
    Cov tsis muaj me tub me nyuam nrog hais lus mas lawv ua neej kho siab khuav. Yav ntuj thaud, peb cov hmoob ntshe yog cov no 70% Vim lawv tsis tshua tau xaiv lawv tus hlub. Lub ntuj tshiab no cov hluas muaj cai xaiv ywj siab. Lawv ho xai cais tau cov zoo ntawm lawm, lawv tau cov nyob twb tsis txog 50 xyoo lawv twb ho ua tsis tau cav lwj sis ib nyob. Lawv mus ua luag tus puab rooj puab ntsa nyob, voj hmab voj hlua nyob ze caj dab kawg. Cov no lawv muaj paj ntsha lus taum suab seev mus deb kawg thoob plaws cov teb chaws muaj hmoob nyob.

    3- (Spiritual love) Txoj kev sib yuav nyob hauv sab ntsuj plig.
    Cov no lawv tus ntsuj plig yeej xub sib yuav lawm. Tab yog tus txiv los tus niam ib tug lub meej mom zoo, tshaj lwm tus los nkawd zoo siab sib hlub mus kom nqaj nto ntuj ploog mus nto ntsis. Ib leeg paub hwm ib leeg. Ib tug qhuas txog ib tug, ob leeg, koj daws kuv teeb meem kuv daws koj li teeb meem.
    Nkawd ua lub neej nyob kaj siab lug. Hom zoo li no mas tsuas muaj li 10% los li cas xwb. Leej twg los ntshaw txoj kev no kawg tab sis tsis muaj tus txawj muab thiab txawj yuav.


    Xib Hwb Yaj Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 24th April 2012, 6:41 am



    ZAJ 17,HMOOB TXUJ CI.

    Hmoob txuj ci mas muaj ntau yam. Muab ib co piv txwv tso rau peb saib:
    1 – Txuj ci hais lus.
    2 - Txuj ci sib hwm.
    3 - Txuj ci muab nyab, qua ntxhais.
    4 - Txuj ci txais kwv tij neej tsa.
    5 - Txuj ci saib tej laus nce hauv toj.
    6 - Txuj ci teev hawm Ntuj, los tej poj koob yawm txwv.

    Piav me ntsis xws li:
    1 – Txuj ci hais lus. Yuav hais lus rau ib tug neeg twg, mas hais kom tsim nyog, kev nyiam, kev hlub nrog nws lub meej mom.

    2 – Txuj ci sib hwm. Pom muaj neeg tuaj, los ntsib ib tug neeg. Yuav hu tias: Koj tuaj los, mus dab tsi, yuav ntsib leej twg? Koj puas nyob zoo.?

    3 – Txuj ci muab nyab los qua ntxhais. Ntxhais hlob tiav nkauj, tub hlob tias nraug. Xav taug Liaj lwg Rhwv Yis Mws tus cag txuj. Yuav tham rau niam txiv, tej laus yuav pab yus ntsuam xyuas caj ces, yam ntxwv puas yog neeg tij lim kwm dab qhua ua noj haus…Niam txiv mam nrog yus mus taij tshoob fi kos. Zeem poj cuas yawm cuas, tuam choj rau kev neej kev tsav, ntsuab ze taug. Nrhiav neeg paub ncauj xai ncauj lus los mus txuas tis txuas tw, ua ntsuab ze…

    4 - Txuj ci txais kwv tij neej tsa. Muaj ob peb yam:
    a-Muaj kwv tij neej tsa tuaj tsis hais yuav txheeb ze li cas. Txum yim hu lo lus mos nrog kom tsim nyog ib lub meej mom neeg, rau luag. Yog neeg dua kev los tawm rooj, mus los tuaj. Hu los tsev,rub rooj tog rau zaum los nyob, tsab yeeb tshuaj rau haus ,rau mov noj, ntim su, xa lus zoo tuav pov hwm nwg taug kev.
    b-Kwv tij ntsuab ze tuaj poob, los mus caw tuaj. Muab saib rau saum lub sam xeeb. Tua tsiaj txhu sib pub noj:
    = Ntev niaj ntau xyoo duav kev tuaj txog. Muaj tsiaj tsis hais qaib noog los tsiaj plaub txhais tes taw. Cheem nyob noj nqaig noj hno mas rov.
    =Nkauj muam nraug nws ntsuab ze txhob twm hu tuaj rau saum kev sib hlub. Tuaj txo dej txo cawv, Tos tuaj nrhiav npe txwj npe laus, los kev noj sib hlub haus sib ce, mas muaj txheej txheem dej caw, muaj neeg txwj neeg laus tuaj txhawb sam koob sam hmoov nyob ua luag txwj, zaum ua luag laus…Noj yuav feb haus yuav rov…

    5 – Txuj ci saib tej laus nce hauv toj.
    Kwv tij nkauj muam nraug nus ua neej nyob, xov xeeb koom caj ces hlav, noj sib hlub haus sib ce, tsis ua nqaij daig dab , cawv daig nru.Thaum nyob puv niaj mus puav xyoo txwm 120 xyoo lawm. Yuav tuaj noj plua su kawg, thaum nkawd tsoj Liaj Lwg qab taug Rhwv Yis Mws lw. Uas niam txiv cej huam, me plaub qaib plaub npau, los plaub nyug. Coj los ua neej, thiaj muaj mus qaij nws lub kaus dub kaus ci, rau nws coj mus roos hnub roos hli, rau ntuj ceeb tsheej rov pem ub, pem i.

    6 - Txuj ci teev hawm Ntuj los poj koob yawm txwv.
    A –Teev hawm Ntuj. Coj kev ncaj ncees rau lub ntuj lub teb. Hwm txhua yam muaj nuj nqes saum lub sim ceeb no. Ntseeg thiab tso siab tias Ntuj yog tus muaj peev xwm thiab nplua nuj tshaj. Yus yuav taij thov los pov hwm nres kev txhawj xeeb muaj nyob ib ncig ntawm yus los tsoom neeg txheeb ze…

    B –Teev hawm poj koob yawm txwv. Saib yus yog neeg muaj nuj nqes, nyob muaj caj ces, muaj meej zoo, nco txog tej laus los tuav pov hwm yus ua neej, kom zam dhau vij sub vij sw, hniav ntaj hniav riam. Tsis raug zeb ntaus cav luam, los ua dab ntub npau suav phem.

    Cov txuj ci no Yog Saub qhia. Yam uas yog Saub qhia mas puav leej yog Ntuj qhia los tas nrho.
    Dab tsis muaj kev cai,dab tsis tau qhia ib yam txuj rau neeg li.

    Dab li mas dab tsuas yog niaj hnub ntxias saib neeg puas mus ua txoj phem xwb. Tab yog txoj kev phem no kuj yog neeg ua tus txua tawm los. Thaum neeg xaiv tau lawm ces neeg txua raws li neeg nyiam thiab neeg ua kom nws muaj yeej. Ces neeg hais tias yog dab ua. Dab nws tsis yuam neeg kom neeg ua. Dab tsis tau cai ntawm Ntuj los yuam neeg. Dab tsuas ntxias kom neeg yuam kev. Thaum neeg ua txhaum lawm mas yog neeg ua tus xaiv nws tus kheej. Peb leej twg ua txhaum ua phem, ua qias, peb liam tsis tau rau dab. Liam los yog peb lam liam xwb, yog muab tej kev liam no los ua plaub ntug hais, mas peb yuav tsis yeej dab. Dab tau ntxias, peb,dab tsis tau yuam peb, muab nraub qaum tig ua xub ntiag, hos xub ntiag tig ua nraub qaum.

    Dab li dab tsis muaj teej muaj tug. Thaum Hmoob pauj dab Hmoob muab yam twg los pauj los dab yeej kam yuav. Tsuas yog hais tau ib lo lus kem khiab ces dab tsis cav lawm.

    Yam tsis zoo yog neeg hais qhia rau dab tias :
    Tsis yog, yuam kev lawm. Lo lus no nkag dab pob ntseg zoo, dab hnov tau yooj yim thiab zoo li tseeb rau dab kawg.

    Peb Hmoob hais kam tias dab kev cai. Peb tsis paub peb lam hais lawm dab tsis muaj kev cai.
    Txhua yam nkauj paj nqeeg paj nruag yog neej li, neeg tsim los cav lus zoo nyob hauv neeg nplooj siab, los hwm nom hwm tswv, tshab ncauj xaiv ncauj lus lus thaum muaj kev cov nyom tsis sib haum yuav raug cov thawj neeg txiav txim kev ncaj ncees, rau ob tog yua. Nws yog tej yam txuj zoo rau haiv Hmoob.

    Kuv kuj yog ib tug me nyuam neeg xwb. Kuv xav tias Cov thawj neeg txiav txiav Hmoob txuj ci kev cai tawm, ma sib hnub tom ntej nws yuav khuv xim. Yog nws muaj hmoo ua neej nyob ntev mas nws rov pom nws tus kheej tias nws ua neeg tsis muaj nuj nqes rau haiv Hmoob.

    Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th May 2012, 9:13 am



    ZAJ 18. TSWV NTUJ YOG TUS NTO MEEJ NTO MOO.

    Yaj Faiv Ntxhos sau zaj no, ze xyoo 2000 ntawd. Tsis yog ua ntej ces ua qab xwb.
    Tswv Ntuj yog tus nto meej nto moo, muaj kev nyiam kev hlub nrog kev thaj yeeb loj tas nrho:

    1 – Lub pob roj hmab nyob ntawm kuv txhais tes, nws muaj nqi li $6.00 daus las xwb.
    Hos lub pob roj hmab nyob ntawm Mcquire txhais tes muaj nqes li $19. phom daus las.

    2 – Ib rab pas nyob ntawm kuv txhais tes, tsuas lawv tau ib tug tsiaj ntawm kuv xub ntiag xwb.
    Hos rab pas nyob ntawm Mais Xes txhais tes, muaj peev xwm faib tau lub hiav txwv ua ob sab dej qhuav kiag.

    3 – Txoj hlua nyob ntawm kuv txhais tes, tsuas zoo rau me nyuam yaus ua si xwb.
    Hos txoj hlua nyob ntawm Das Vis txhais tes, yog ib rab ntaj tua yeej tsov rog.

    4 – Ob tug ntses thiab tsib lub ncuav mov nyob ntawm kuv txhais tes, nws kuj tseem yog ob tug ntses thiab tsib lub ncuav mov li qub xwb.
    Hos ob tug ntses thiab tsib lub ncuav mov nyob ntawm Yes Xus ob txhais tes. Tsib txhiab leej neeg noj tas tseem seem kaum ob tawb mov.

    5 – Ob tug ntsia hlau nyob ntawm kuv ob txhais tes, nws tsuas txaus khuam kub lub mom thiab kuv lub tsho xwb.
    Hos ob tug ntsia hlau nyob ntawm Yes Xus ob txhais tes,npo tas lub sim ceeb neeg hauv qab ntuj khwb. Kom muaj txoj sia nyob nrog Tswv Ntuj.
    Ua cas Tswv Ntuj kev nyiam kev hlub kev thaj yeeb yuav muaj zog npaum li no.

    Xib Hwb Yaj Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 8th May 2012, 5:25 am


    ZAJ 19,KEV HWM NTUJ SAIB NEEG.


    Neeg yaj ceeb sawv daws ua neej nyob rau ntiaj teb. Nyias muaj nyias lub meej mom nrog nyias tus yam ntxwv zoo, raws li Ntuj foom pub rau sawv daws muaj.
    Ib tug neeg nws muaj ib yam zoo, nrog nws lub peev xwm thiab kev ncaj ncees:
    Muaj ib tug ua neeg thoob tsib los muaj lwm tus ua neeg to nrog. Muaj ib tug txawj hais, los kuj muaj ib tug txawj mloog. Muaj tug paub tab los kuj muaj tug hno xaiv. Muaj tug paub txuj los kuj muaj lwm tus paub ci. Muaj ib tug txawj los kuj muaj ib tug ntse.Muaj tus pib los , muaj tus xaus. Muaj tug cob los muaj tug qhia….
    Tas nrho neeg nyob ntiaj teb sawv daws muaj ntsis sib xws. Nyias paub nyias, li nyias xav tawm los.
    Ib tug tau kawm, lwm tus tau hnov, Ib tug nws paub,txog hos lwm tus nws txawj ua.Ib tug mas paub txiav, hos lwm tus nws kuj paub ntsuas.

    Sawv daws, tsis txhob xav tias yus yog tua zoo tshaj pua feem pua.
    Tej laus hais tias:
    Tub txawg los tshuav ib txub, nkauj txawg los tshuav ib rau, muaj tug khav theeb los tshuav tug xyuam xim, muaj tug tawv ncauj, los tshuav tug mloog lus, muaj tug siab phem, los tshuav tug siab zoo. Yuav vam txog luag pab qhia.

    *1- Muab ob tug neeg muaj lub meej mom sib txawv los tsom ua kev:
    Ib tug yog huab tais. Lwm tus yog tub qhev:
    Muaj ib hnub huab tais yuav tawm rooj mus kev deb, huab tais coj tub qhev ua luag ris nra. Nkawd mus ntsib ib pab tub sab yog huab tais cov yeeb ncuab tsib caug leej. Huab tais hais rau tub qhev tias, koj kav tsij mus tua kom tuag tas nrho. Tub qhev hais rau huab tais tias, Txiv huab tais xam cia wb qiv kauv txhais tso wb thiaj yuav yeej cov yeeb ncuab no.

    Ces nkawd qiv kauv txhais ces nkawd mus npaj tau ib puas leej tuaj muab cov yeeb ncuab no ntaus ntshai, tawg tas khiav tas, poos tsis tau nploj lawm. Zaj lus no lub ntsiab qhov meej yog ob tug neeg no. tus ib ua huab tais, yog nom loj. Tus ob yog tus nom ua qhev. Nkawd ob lub npe tsis sib txig, tab sis ob lub meej mom tswv yim loj sib xws. Tus ua qhev cawm tau tus ua huab tais.

    *2-Muab peb tug nom laj kam tsis sib xws los piv ua ke:
    -Thawj tug yog nom kav teb chaws.
    - Tus ob yog tub qoob loo, tsim tej txhiam xws noj.
    - Tus peb yog tub nchuav tooj hlau, tsim cuab yeej.

    Muab Peb tug uas lawv cov meej mom sib txawv deb li no los sib piv, leej twg yog tus tseem ceeb dua:
    1-Tus nom kav teb chaws, nws muaj hwj chim thaum nws kav teb chaws hais lus tsim txoj cai rau pej xeem huab hwm siv. Kom muaj kev thaj yeeb, sib raug zoo, kom nyob taus ua ke nrog kev vam meej. Txhob muaj kev ua yeeb ncuab hauv teb chaws, los tej pab pawg neeg. Tsim muaj kev kawm txuj kom raws tau luag, los ua luag ntej.
    Yog neeg sawv daws tsis hwm thiab mloog mas lub teb chaws nyob tsis tiaj tus, muaj kev kub ntxhov ua rau sawv daws tsis tsim nuj nqi dab tsi hlo.

    2- Tus nom ua teb. Nws muaj hwj chim nws tsim muaj qoob loo lub teb chaws muaj noj muaj haus sawv daws hwm thooj av yus nyob yog teb chaws nplua nuj, neeg ntsej muag tshiab.
    Yog tsis hwm tus nom ua teb tsim kom muaj qoob loo no. Yog nws muab yawm sij kaw los xauv txhab nplej. Los sis tshaj kev ceeb toom muag qoob loo rau lwm teb chaw tas nrho. Teb chaws zej zog muaj kev tshiab nqhis, kev ua lub neej pluag caum tsis tau luag lwm haiv neeg. Tas teb chaws ua neeg poob qab tsis xws luag.

    3- Tus nom kws hlau. Nws muaj nqes loj vim nws txawj nchuav tooj nchuav hlau, los tsim cuab yeej txhim kho, pab teb chaws:
    Kom muaj txiaj siv muaj tshuab thoov kev tiaj tus rau neeg taug. Neeg tawm rooj kev deb los mus txog sai. Coj tau lub teb chaws nce qib vam meej ua neej nyob yam txaus siab hlo.
    Peb tug nom no lub meej mom hwj chim muaj sib txawv. Laj lim tswv yim yog nom loj sis luag zoo sib xws.

    *3- Muab ib lub ntees ploj tuag los ntsuam xyuas cov neeg mus ua thawj lwm tub ncig. Txheeb kev neej kev tsav, coj kev noj haus saum lub ntees, lawv tus peev xwm kev thoob tsib muaj li cas.
    -Tus thawj xyom cuab, nws sawv tas nrho tsev xyom cuab ua ncauj ua lus hais lawv kev tu siab kev txiaj ntim muaj hlob los yau, kom cov thawj lwm tub ncig nrog xyom cuab muaj kev haum xeeb sib hlub, nta lub ntees kom dhau mus.

    - Tus kav xwm, yog tus thawj tub ncig, coj tas nrho npoj tub ncig ua qav ua num saum pluas noj pluas haus, thiab txheeb kev neej kev tsav tus txiaj ntsim kev hlub ntawm kev txheeb kev ze. Qhuab xyom cuab kev ua neej sib hlub.Kom nyob muaj meej zoo.
    - Tus tshwj kab yog tus tub ua zaub ua qhov hauj lwm hnyav.
    - Niam ua mov npaj kom muaj mov txaus rau kev neej kev tsav txheeb ze sawv daws tau noj.
    - Niam diaj zeb tuav cov, txhuv tsis txaus siv yuav mus tuav cos zom zeb kom muaj txhuv txaus ua noj.
    -Tub kwv dej txiav taws dej taws tsis txaus siv kuj yuav mus kwv dej txiav taws tau ua zaub ua mov noj.
    Tas nrho cov neeg no lawv nyias ua nyias txoj hauj lwm sib haum los ua kev rau xyom cuab tau lub ntsej lub muag kaj.

    Sawv daws nyias muaj nyias txuj ci tuaj ua hauj lwm sib koom.
    Tas huv si zaj no cov ntsiab muaj nuj nqes tseem ceeb nyob hauv lawm.
    Thiaj hais tias yog kev hwm Ntuj thiab saib neeg. Ntuj yog neeg ntiaj teb tus Txoov Huab Tais. Neeg yog tus Txoov Huab Tais cov me nyuam. Yeej muaj tseeb tej laus Hmoob ib txwm hu li ntawd los tau ntau txhiab xyoo lawm tias sawv daws yog Ntuj me nyuam.
    Yog muab tag cov zaj los ntxiv mast seem tshuav ntau heev.

    Xib Hwb Yaj Zoov Ntxheb.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th May 2012, 7:47 am



    ZAJ 20.TUS NEEG MUAJ HMOO XWS LI HMOOV PHEM.


    Muaj ib zaj dab neeg los ntawm ob tug kwv tij ntsuag no. Lub npe yog Yawg hlob, thiab Yawg yau.
    Zaj dab neeg no hais tias neeg Muaj Hmoo, xws li neeg Hmoov Phem.

    Lub caij cov neeg Fuaj Kuj tsis tau tuaj rau teb chaws Los Tsuas. Mas tsoom Hmoob tsis tau muaj leej twg,yuav xav tias mus kawm ntawv hauv tej nroog nyob chaw qis, teb tiag teb tus. Lub caij nyoog cov neeg Fuaj Kuj tseem kav Los Tsuas teb. Xyoo 1954, muaj ib tug neeg Fuaj Kuj tuaj txog ib lub zos Hmoob toj siab. Nws xav coj ib co me nyuam Hmoob mus kawm ntawv nyob rau nruab nroog. Cov muaj niam muaj txi, lawv tsis tau pom zoo rau lawv tej tub mus rau nruab tiag. Nws tos tau ob xyoos, yog xyoo 54 ntawd. Nws mam ntsib ob tug me nyuam ntsuag ntawd. Lawv tsev neeg muaj rau leej kwv tij. Yawg hlob thiab Yawg Yau, nkawd yog ob tug yau, tsis tau yog tus ntxawg. Tus neeg Fuaj Kuj no nug tias:
    Yawg hlob thiab Yawg Yau neb puas xav mus kawm ntawv nram nroog qhov chaw muaj tsev kawm ntawv? Nkawd tau teb tias, wb xav mus kawg, tsis paub tias puas mus tau, thiab yuav kawm li cas. Wb tsis paub lus Los Tsuas. Tus neeg Fuaj Kuj mus nug nkawd tus tij laug hlob, nws tso cai pub mus kawm ntawv.Ces tus Fuaj Kuj thiaj coj nkawd mus. Tom qab nkawd mus lawm, cov kwv tij ntawm nkawd txiv phaj, thiab cov neej tsa ntawm niam sab, lawv tuaj ua ib lub plaub ntug rau nkawd tus tij laug tias:
    Vim li cas koj muab koj ob tug kwv, Yawg Hlob thiab Yawg Yau nkawd muag rau tus neeg Fuaj Kuj coj mus rau Nyav noj lawm! Koj cia li mus thim kom tau rov los. Koj yug tsis taus, los tshuav peb cov kwv tij, cov neej tsa no, dawv daws mam yug kom loj hlob tiav neeg, mam muab poj muab sev rau yuav.
    Nkawd tus tij laug yog neeg thoob tsib thiab paub tab, nws hais tias:
    Nkawd yog mus kawm ntawv xwb, yog ib xyoos los tsis txog tsev mas nej sawv daws rov tuaj ntawm no. Kuv yuav hle ris hle tsho cia rau nej muab kuv hlais ib daig zuj zus, tus xav hlais sab twg tuaj los tau li.
    Lub plaub ntug no muab khuam tseg cia.
    Tos tau ib xyoos tom qab txwm xyoo,tus neeg Fuaj Kuj coj nkawd rov los xyuas tsev, thiab xyuas nkawd cov kwv tij. Cov kwv tij thiab tsoom neej tsa tuaj pom nkawd. Cov kwv tij ntawm lawv cov niam tsev tuaj pom, lawv hais tias: Vuag! Ua cas Yawg Hlob thiab Yau nkawd, thaud txom txom nyem li, ua cas zaum no nkawd yuav zoo cuag li cov me nyuam nom, thiab cov me nyuam los pav nyob hauv nroog lawm xwb lauj. Lub plaub ntug ntawd tsis muaj ib tug yuav hais los txog lub caij no li lawm.

    Txij thaum ntawd los cov tub ntxhais, cia li nyiam thiab saib taus nkawd lo. Sawv daws caum thiab yoog raws nkawd tus yam ntxwv kev kawm txuj. Cov niam tsev lawv mus thov tus Fuaj Kuj kom coj lawv tej tub ntxhais mus kawm ntawv kom zoo li ob tug me nyuam tsis muaj niam muaj txi li Yawg Hlob thiab Yawg Yau nkawd.
    Xyoo 1959, Yawg Hlob twb kawm tiav kev qhia ntawv txheej qis. Nws tau mus ua ib tug Xib Hwb qhia ntawv nyob sab qaum teb hauv ib lub zos Hmoob nyob toj siab. Hos Yawg Yau nws tseem kawm ntawv ntxiv mus rau lub xyoo tom qab. Nws kawm yuav luag txog bac. Nws mam los ua ib tug Xib Hwb qhia ntawv rau zej zog Hmoob tom qab.

    Tus Yawg Hlob no nws pib mus qhia ntawv, nws cov tub kawm ntawm nws tsis yog ib co me nyuam, muaj li xya yim xyoo xwb.
    Nws cov tub ntawv yog cov neeg twb ua luag li thawj neeg lawm lawv tuaj kawm,muaj cov hluas tsa cuab yim tas tuaj kawm,cov hluas tsis tau muaj txij nkawm tuaj kawm. Vim li cas yog cov thawj neeg thiab cov hlob lawm ho tuaj coob? Yog muaj ib yam xwm tshiab uas nyob lub teb chaws ntawd lawv nyuam qhuav tau hnov:
    Niam Txiv Vaj Hmoob yuav nqes saum ntuj los, lawv tab tom tos tus Huab Tais Hmoob no. Tos Yawg Hlob ho tau mus qhia ntawv nyob sab qaum teb, thiab cov tub ntawv yog ib pab neeg laus tuaj kawm. Yog los lus no.(Niam Txiv Vaj Hmoob yuav nqes pem ntuj los pab Hmoob.)
    Thaum Yawg Hlob mus txog lawv twb ua tsev kawm ntawv tiav tas lawm. Muaj tib neeg xa moo rau Yawg Hlob lub tsev kawm ntawv. Ces cov neeg Fuaj kuj cia li xa Yawg hlob nram tsev kawm ntawv ncaj qha mus txog lub zos. Nws tau qhia peb xyoos txuj nyob hauv lub zos toj siab ntawd. Teb chaws Los Tsuas muaj kev kub ntxhov muaj kev tsov rog thoob teb chaws. Neeg Hmoob pib ua neeg thoj nam tsiv rau qab teb qaum teb puv ntia. Yawg hlob nyob tsis taus hauv Hmoob cov zos pem toj siab. Nws mam hloov chaws los mus nyob rau cov nroog loj, xws li lub tuam ceeb nroog nyob Los Tsuas teb.
    Nws tau ntsib kev phem kev zoo sib npaug zos hauv nws lub neej:
    Hauv lub ntsiab zaj no thiaj sau tias,tus neeg muaj hmoo, xws li tus neeg hmoov phem. Vim nws lub neej yav yau nws tau ua me nyuam tub ntsuag ib zaug lawm. Raug lub teb chaws lawv tej tub muaj niam muaj txiv saib nws tsis muaj nuj nqis.
    Lawv tej tub los nws cov phooj ywg,mas lawv kuj tsis yog ib cov neeg muaj txuj siab, sawv daws kuj sib piv tau tsis siab tsis qis sawv daws sib xws. Tab sis lawv yog hom neeg txawj xam khib, thiab paub ntau yam ua tub qaug lawv:
    Muaj tej tus,hnov Yawg Hlob hais lus zoo dua, hais tau tej laus lus piv sab sij huam, los hais cov lus phim kev thoob tsib, nyoh hauv kab tshoob kev kos, txiv xaiv foom kom, los hais tau tej muaj ntsis xws li paj lug Hmoob, los sis hais tej zaj txhiaj txhais zoo zog xwb. Los niam zoo li twb tub qaug rau lawv lawm. Muaj kev xam khib ntau ntau. Lawv twb tau hais tias tus Yawg Hlob ntawd tej lus mas yog dab qhia xwb, nws thiaj li hais tau. Nws cov lus mas yog lus dab tas nrho.
    Ib tug neeg zoo npaum li cas los yog pheej muaj tej tus neeg hiam li ntawd, mas zeej tsoom tsis tso siab rau nws. Sawv daws pheej mloog cov lus tsis muaj nuj nqes, tsis tseem ceeb ntau, ntev mus lawv txawm saib tus neeg ncaj ncees ntawd zoo li nws tsis yog neeg tsim txiaj li.
    Tus Yawg Hlob ntawd nws yeej ib txwm hais tias: Nws xub mus txoj kev twg mas yeej yog txoj zoo. Hos yog nws xub ua yam twg lawm mas yeej muaj qhov tseeb xwb. Tab sis nws muaj kev txom nyem ntau tas nrho. Yog piv rau kev tawm tsam ua tsov rog mas xub pib ntawm nws taw mus mam li kis rau lub zej lub zos, mus saus rau lub teb chaws. Thaum kawg nkaus nws kuj tsis ntau lub siab me. Nws cov phooj ywg nyob rau txhaim toj ub txhaim toj no. Qab teb qaum teb, sab hnub tuaj, rau hnub poob, kuj muaj pua,pua leej txhawb nqa, thiab cav lus zoo txog nws, ces nws kuj ua tau lub neej nyob nto moo lug. Cov neeg zoo li tus Yawg Hlob no mas yeej yog Ntuj pab nws lawm xwb.
    Tsis yog neeg muaj hmoo es ho yog neeg hmoov phem. Tus muaj hmoov yeej yog neeg zoo, hos tus hmoov phem yeej yog neeg phem.

    Xib Hwb Yaj Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 15th May 2012, 9:06 am



    ZAJ 23. NYIAJ POOB SAUM NTUJ LOS.


    Yog ib zaj lus ntsuam lub tswv yim ua neeg thoob tsib muaj kev ncaj ncees, tsim tej txoj hauj lwm.

    *Tus neeg thoob tsib txawj hais lus. Mas nyiaj poob saum ntuj los. Yuav tawm ob yam li no:
    *A Kev thoob tsib nqes saum ntuj los. Raws li kuv xav yog yus ua neeg thoob tsib txawj hais lus zoo, mas cov neeg nplua nuj muaj coob leej kuj yog neeg siab dawb.

    *B Ntiaj teb kev thoob tsib. Tus neeg thoob tsib tsis txawj hais lus, mas ua rau cov neeg nplua nuj, qia dub cuaj khaum tuaj.

    *Tus muaj kev thoob tsib hais lus ncaj ncees. Neeg siab dawb nyob ntiaj teb no muaj coob leej, tsis hais neeg nplua nuj los neeg txom nyem. Thaum nws xav tsim ib yam los pab rau cov neeg txom nyem tseem sawv tsis tau tau. Luag yuav zoo siab pab yus ua tej txoj hauj lwm pab neeg kom sawv tau ua lawv tej hauj lwm kom lawv rov pab tau lawv. Saib yog hom hauj lwm zoo rau ib leeg los zoo rau coob leej. Cov neeg nplua nuj lawv sau tej daim sev li 100 txhiab mas lawv hais rau yua tias yam peb muab rau koj no yog ib yam plua av lo saum rooj xwb. Koj ua tiav hais rau peb paub thiab.

    * Hos cov neeg siv ntiaj teb kev thoob tsib mas luag cov neeg nplua nuj lawv pab yuam kev rau yus ib zaug xwb ces luag tsis muaj pab lawm. Vim cov neeg nplua nuj lawv kuj muaj tej txoj kev thoob tsib nqes saum ntuj los thiab.

    Cov kwv tij peb muaj ntau leej paub tej txoj kev yuav tsim kho yus pab pawg neeg kom loj hlob caum raws cuag luag lwm pab lwm paug. Mas peb yuav nrhiav tej txoj kev thoob tsib nqes saum ntuj los taug, ces yeej yuav muaj tej tus neeg siab dawb uas lawv ua neeg npluaj nuj yeej yuav pom yus tes hauj lwm zoo xwb, txhob rawm ntaus siab me.

    *Ntiaj teb vam meej qhib tej txoj cai rau neeg pej xeem tsa muaj Koom Haum sib pab txhawb nqa tej txoj hauj lwm muaj nuj nqis rau ntau leej siv yog los ua tej hauj lwm dawb huv no xwb. Tej Koom Haum mus tsis taus. Nws poob mus rau tej yam zoo li no! Yam li:

    *Yus tus tuav Koom Haum tsis pom deb yus tau ua tej yam tsis tsim nyog, ces tsis muaj neeg txhawb nqa ntxiv.
    *Yus tau tsa tej tus cai tsis raws li Luag cov nplua nuj pom zoo.
    *Yus tsis nco qab saib tias lub Koom Haum tus peev ntawd yog sawv daws ntiag tug, Yus siv xws li yus yog tus tswv nyiaj. Ces muaj xaiv muaj lus. Tsis muaj kev sib tso siab.
    *Tus cai tswj tuav hauj lwm yog co neeg nplua nuj pab yus txhawb txhim tsim tau mas yus ua tau yam twg mus txog qhov twg mas yus yuav xa mus rau luag saib kom luag pom yus tes hauj lwm no tawg paj txi tau txiv mas yog yuav nqis peev ntau los yeej yuav muaj tej tus neeg siab dawb pab yam xws li muaj nuj nqis siab.
    *Thaum kawg mas yog lub Koom Haum yuav ua tus loj tsa kom muaj kev pab cuam tuaj ntawm lub Koom Haum tuaj txhawb yus tej neeg kom sawv daws loj hlob mus sib xws.

    Tseem tshuav ntau yam uas tsim nyog yuav muab piav rau sawv daws paub thiab.


    Xib Hwb Yaj Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 23rd May 2012, 10:49 am



    ZAJ 24 YOG IB ZAJ TSEEB.


    Kuv yog Xib Hwb Yaj Zoov Ntxheb. Xyoo 1974 ua ntej lub teb chaws Los Kuj yuav tawg. Muaj ib lub lis piam hauv lub xyoo ntawd, tsis nco lub hli thiab lub hnub nyoog lawm.
    *Muaj ib zaj lus tawm los zoo li no:
    Yog ib hnub chiv kuv mus ua lub txoos teev ntuj nyob lav tsib caug ob.(km52.)Hauv Lis Txhiaj Tswb tsev.
    Thaum peb tab tom ua lub txoos teev ntuj ntawd. Muaj ib tug muam hmoob Yaj tuaj saib peb teev ntuj. Nws yog niam Lis Phiab.
    Thaum peb xaus lub txoos teev ntuj tas, kuv tseem tu kuv tej khoom teev ntuj. Tus muam niam Lis Phiab no cia li los hais rau kuv tias, Xib Hwb kuv thov koj saib kuv saib! Kuv txoj hmoov phem los hmoov zoo? Ua rau kuv poob siab tag. Nws hais tias: Saub Xib Hwb thov koj saib kuv, kuv tu siab yuav tuag li, tsis paub ua neeg lawm.
    Kuv teb nws tias, kuv tsis yog saub, kuv yog ib tug Xib Hwb tuaj teev Ntuj xwb. Nws rov hais ntxiv tias yog koj tsis saib kuv mas kawg tuag xwb, kuv tsis paub nyob li lawm. Ua rau kuv haj yam poob siab dua lawm thiab. Nws rov hais ib zaug ntxiv tias, Kuv yeej paub! Koj yog ib tug Yaj saub, koj hais koj cov lus twb poob hauv kuv nruab siab lawm. Thov koj saib kuv mas kuv siab thiaj nqig.
    Thaum ntawd zoo li muaj dab tsi nyob hauv kuv nruab siab, kuv cia li xav tau tias yuav nplij tus muam no.
    Kuv teb nws tias, Kuv yuav tsis saib koj ib leeg xwb, yog kuv saib mas kuv yuav saib neb ob leeg ua ke.
    Tus muam niam Lis Phiab no, hais rau kuv tias:
    Kuv tus txiv yog tus zaum tom qhov rooj tod. Kuv tig mus ntsia tus yawm yij Lis Phiab no ib plia thiab, kuv pom nws zoo.
    Kuv lub tswv yim cia li nco txog Hmoob ib zaj kwv txhiaj plees nkauj nraum. Kuv cia li muab zaj kwv txhiaj no los txhais rau nkawd ob leeg tias:
    Kuv saib kuv pom neb hais ib zaj kwv txhiaj ntev ntev li, yam li:Neb neb pib hais, ces neb hais tias, plees nkauj nraum daj dee zoo luaj no neb zaj kwv txhiaj no ua hnub ua hmoo hais ntev heev. Thaum neb hais mus ces neb ntxia kiag ua ib tsob ntoo ntaw kaus hlab nplooj tawg paj txi txiv muaj ib lub txiv siav siav. Tsis muaj dab tsi noj, neb txia ua ob tug noog xib los noj. Noj tas neb muaj kev zoo siab heev, ces neb ya mus yuj thaum neb ya siab siab lawm, neb mus tsis taus, Neb plhis ua dav dub dav yeev ya mus nto plawm rau qaum ntuj. Zaum no niam txav zog pem ntuj txiv yom yees ti niam ntsuj. Txiv txav zog pem suab los niam yom yees mus ti txiv duab. Ces neb muab zaj kwv txhiaj no xaus tias, chim lub laj xeeb los yuav tuag. Raws li kuv pom mas neb khaws txwm kwv txhiaj xaus no los ua neej xwb.
    *Ces Niam Lis Phiab tsa loo tes los hawm tias :
    Saub e yog li koj hais lawm. Nws mam li piav tas nrho nkawd lub neej ua nkauj ua nraug los txog ntua lub caij nws tuaj saib Saub no rau kuv mloog tias:
    Nkawd sib hlub heev, nkawd yuav sib qaws los nyob ua txij ua nkawm. Tab sis nkawd ob tog niam txiv laws tau noj dua nqaij daig dab, hos haus dua cawv daig nru lawm. Ces lawv tsis pub nkawd sib yuav. Nkawd tau teem caij mus dhia tsua, dhia dej kom tuag. Ob tog niam txiv paub qhov ntawd, lawm lawv thiaj tau tso cai pub nkawd sib yuav. Thaum sib yuav tas, nkawd muaj ib tug me nyuam. Ces lub teb chaws muaj tsov rog tuaj ti lawv lub zos, laws tau khiav nyob hav zoov hav tsuag tau (7) xya lub xyoo. Lawv noj cov mov dav hlau tso poob saum ntuj los xwb, ntxuag kaus xyoob kaus tauj tau xya xyoo leej niam roj ntsha qhuav tas xeeb tsis tau tub lawm.
    *Lawv khiav los txog Lav 52 xyoo 1974 no.Tus Yawm yij Lis Phiab no pib mus tham hluas nkauj yuav yuav niam yau. Kom muaj tub ki.Thiaj ua rau tus muam niam Lis Phiab no yuav ciaj yuav tuag mus li xwb.
    Thaum no kuv hais rau nkawd tias:
    Kuv pom mas neg yuav muaj tub muaj ki coob;
    Neb yuav muaj 9 *leeg tub *8 leej ntxhais, neb cov mem nyuam yuav ua neeg tsim txiaj nyob saum txhiaj, thiab yuav tau ua nom ua tswv muaj koob nto npe. Vim peb cov Hmoob Yaj Ncuab yog cov Yaj nto moo.( tus muam no yog nkauj hmoob yaj.) Cov Lis Cuab yog Lis tuav cai, Neb tej tub tej ntxhais puav leej yog Pov Haum nyiaj Pov Haum kub tas nrho.
    *Kuv tau txhaj ib koob tshuaj vitamine B12 pub, thiab kuv muab 50 kip rau nkawd coj mus yuav hmoob ib khij nqaij npuas coj mus ua nkawd noj ib pluag.
    Txij hnub ntawd los Lis Phiab tsis mus tham hluas nkauj, hos niam Lis Phiab ntsej muag rov nce ntshav tuaj plhu liab ntsej tshiab. Nkawd rov muaj tub muaj ki coob leej tuaj.
    Nkawd muab kuv hu ua Saub los txog niaj hnub no. Peb ib leeg mus ib qho, kuv kuj tsis paub tias nkawd mus txawv teb chaws los nkawd tseem nyob rau Los Kuj teb.

    Xib Hwb Yaj Zoov Ntxheb.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 25th May 2012, 6:27 am




    ZAJ 25. KEV MOB NKEEG.




    *-Kev mob nkeeg muaj tsawg yam mob?
    *-Nws muaj 4 hom mob. Uas niaj hnub no muaj tuaj raug peb neeg ntiaj teb lub cev:

    1-Tus mob riam raug nqaij ntuag ntshav nrog.
    Yam mob me, mus nrhiav tshuaj los pleev. Yam loj yuav coj mus ntsib cov kws tshuaj muab ntxiv rau,ces muab tshuaj pleev mas zoo lawm.

    2-Yam raug tsoo, ntaus doog ntshav o lov txha, yuav muab tej daim ntoo yias ncaj ncaj los pav rau kom txha txhob txav. Muab tshuaj los qhwv, ces nws kuj yuav zoo.

    3-Mob plab dias hau, ua khaub thuas, ua kub ua no. Yuav mus cuag cov kwv tshuaj,yuav tshuaj noj los txhaj tshuaj ces zoo lawm.

    4-Mob ntsuj plig. Hmoob hais tias raug dab:
    *-Hom mob no yog hom mob uas Hmoob tshai thiab txhawj tshaj dua ntais lwm yam mob huv si:
    Nws yog mob, muaj kev tu siab,los tau ntshai, ceeb lawm. Hom mob no mas yuav yog neeg kho thiaj zoo! Tshuaj mas siv tsawg li siv tau xwb.Cov neeg no yuav yog leej twg ua cov kho?

    Yog yus tsev neeg, co thawj neeg nrog nws nyob ua ke sawv daws kho mas thiaj zoo:
    Sawv daws yuav to taub txog nws tus mob. Thov Ntuj rau sab mob thiab sab neeg tsis mob ua ke, kom lawv sib nres tau. Yuav tau, kawm cov lus Psychology los nplij tus neeg mob ntawd ntau li ntau tau:
    Zam rau nws, nyiam thiab hlub nws,ua ceeb rau, xws li nchos ceeb, khaws ceeb, xais ceeb, ua tej pluas mov ua plig rau kom nws muaj kev zoo siab tias nws cov neeg hlub nws. Coj nws mus tawm rooj kom pom tej yam nws zoo siab. Yog tsis kho no mas ntev mus nws laus zus siab luv zus tuaj. Nws muaj npau taws sai thiab npau tuaj mas npau heev. Yuav ua rau nws ntshav nce taub hau tau. Yuav muaj teeb meem rau nws:

    Yog tsis tuag, ces tuag npab tuag ceg, los tsis txawj hais lus. Los zaum saum laub xwb. Nws yuav txom nyem, tsev neeg kuj txom nyem nrog nws.Cov neeg nyiam nws yuav muaj tsawg, cov ntxub yuav muaj coob. Thaum no tus neeg mob yuav ntaus nqi tias sawv daws tsis nyiam nws lawm. Nws tsis muaj kev tso siab, yuav tos leej twg kev nyiam kev hlub li. Thaum ntawd cov ua neej nyob yuav muaj tej tus hais tawm tias paub li mas!( Lo lus no tsis muaj leej twg yuav txhais tau! Paub li yog tuag ntxov mus los, paub li ua kom nws txhob mob thaum ub mas!)
    Zaj no tsuas muaj ib lub me nyuam ntsiab lus tias muaj tsawg hom mob uas neeg raug. Thaum raug lawm txhob txhawj thiab ntshai heev. Yog yus ntshai heev ces yus rov muab yus hem, ces qhov hem no ua rau sawv daws mob sib npaug zos li. Ob tog sib tw ntshai. Sawv daws siab tsis kaj.

    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 29th May 2012, 10:32 am




    ZAJ 26. NEEG THIAB TXOJ CAI.



    *-Leej tib neeg thiab txoj cai, leej twg yog tus hlob?
    *-Leej tib neeg yog tus hlob tshaj txhua yam. Thaum neeg yug los tsis tau muaj txoj cai.
    Thaum neeg paub tab lawm, mam muaj cov tsis tsis mloog lus. Nws lha Ntuj lus, thiab tsis hwm tsis mloog neeg lus. Neeg mam tsim kom muaj txoj cai tom qab, los rau neeg coj.

    Cov neeg yug los lawv paub tias lawv hlob txoj cai,mas lawv hwm Ntuj thiab mloog lus.
    Cov yug los lawv txhob txwm ua neeg tsis paub tab,mas lawv yug los yau txoj cai tas nrho. Lawv tsis kam mloog Ntuj lus tsis yuav neeg cai. Lawv ua tub qaug rau Ntuj thiab neeg:
    Lawv ua tub sab tub nyiag, ua neeg dag rau lub ntuj lub teb. Txoj cai thiaj yuam lawv mus nyob txim hauv tej tsev loj cuj.

    Zoo li Hmoob tej laus hais cov neeg yug los lawv hlob rheeb thiab txhais mas rheeb thiab txhais tsis tom lawv. Hos cov neeg yug los yau rheeb thiab txhais mas tab yog lawv mus rau sab cua tuaj seem los xwb los txhais yeej tom kom ua mob lig tas. (Rheeb thiab txhais yog ib hom ntoo tom neeg ua pob khaus ces mob li mob lig. Tus neeg yug thaum tsis tau hlav nplooj ces nws xub yug dua ntoo, ntoo tsis tom nws, hos tus neeg yug los nploj twb hlav tuaj teeb tas lawm mas nws yau ntoo, cua tuaj seem txog tsw xwb mas nws twb raug txab ntoo tom lawm.)
    Peb ua neeg nyob ntiaj teb no mas nco ntsoov tias yus hlob txoj cai, Thiab hlob rheeb thiab txhais, yus thiaj tsis muaj kev txhaum yus lub meej mom hwj chim thiaj nto moo zoo.
    Yog ib zaj hais saib yus puas xav tias yus yuav ua neeg zoo xwb.



    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st May 2012, 6:04 pm




    ZAJ 27,NIAM TXIV KEV COB TUB KI.



    *- Lo lus peb muab cov me nyuam hu ua Laib. Yog cov ua niam ua txiv muab 50% rau mas lawv mam mus ua Laib:
    *-Cov niam txiv lawv tsis paub tias yog lawv tau muab qhov 50% rau lawv cov me nyuam ces lawv cov me nyuam mam li mus ua Laib. Muab siab rau nyeem cov lo lus nram qab no:

    1-Yus yog niam yog txiv, 2-Niam txiv yog thawj tug xib hwb xub qhia hais lus rau me nyuam.3-Niam txiv yog thawj tus txiav txim rau me nyuam tias nws txhaum los tsis txhaum. 4-Niam txiv yog tus tswv muab nyiaj rau siv, muab mov rau noj.Yus ua niam ua txiv yus muaj cai npaum no. Tshuav ib yam uas niam txiv tsis nco paub txog.

    *-Yog nrog me nyuam ua nws tus phooj ywg. Koj ua nws tus phooj ywg kom zoo tshaj mas nws mam kam qhia tej yam nws xav los nws tau ua rau koj.Koj tsis yog nws phooj ywg ces nws yeem mus qhia nws cov phooj ywg sab nraud. Tus phooj ywg yog kev tso siab loj tshaj plaws.

    *-Lo lus hais tias cov niam txiv muab 50% rau me nyuam, nws mam mus ua Laib:
    Koj tus me nyuam yug los yam zoo nyob hauv nws twb muaj li 70% qhov zoo lawm. 30% ntawd, yog nws tsis tau kawm paub, los nws tsis tau hnov txog tias muaj dab tsis yuav los txog nws tus kheej. Me nyuam muaj phooj ywg nws mus kawm tau 20% ntawm nws cov phooj ywg los. Ces nws mam muaj 50% qhov tsis zoo, Tab sis tsis paub tseeb tias nws puas tau nyiam thiab ua li ntawd. Hmoob lo lus hais tias:Luag tsaj ces lam nrog luag tsaj kom yus tsis txhob txaj xwb. Yus cov ua niam ua txiv yus cia li liam tias nws ua Laib, tej lus no ua kom me nyuam tsis txaus siab. Me nyuam xav tias nws twb phem lawm ces nws tsis muaj nqi dab tsi li. Nws tsis xav kho nws ntxiv.

    2-Koj tus me nyuam pom nws tej phooj ywg muaj tej yam nws xav yuav, los sis nyob tom tsev kawm ntawv lub tsev txoj cai kom cov me nyuam rau tej hom khau los hnav tej hom tsho kom sib xws. Yus tsis yuav rau luag tej yog nws phooj ywg muaj nws tsis muaj nws tu siab, tsis muaj siab kawm ntawv. Cov ua niam ua txiv pheej hais tias nws tub nkeeg tsis xav kawm ntawv.

    Koj ua li no ces me nyuam lam nrog luag mus kawm ntawv xwb nws tsis nkag hauv lub tsev ntawv, nws mus dhau kiag lub tsev ntawv nws tei phooj ywg tawm los nws kuj mam los thiab. Luag tej mus kawm ntawv hos yus tus me nyuam nws mus kawm tau dab ntub, kawm kab ntsaum nroj tsuag tej xwm. Vim yus cov ua niam ua txiv, yus tsis pab tsis qhuas tej me nyuam. Ces lawv tas kev cia siab lawm.

    *- Thaij hais tias thaum me nyuam mus ua laib ntawd ces yog yus cov ua niam ua txiv muab qhov 50%rau nws. Nws muaj30% tsis zoo, uas nws tsis tau paub txog ntawd, nws kawm tau 20% ntawm nws cov phooj ywg. Yus yog niam txiv muab 50 % rau nws, ces nws mam muaj 100%. Nws thiaj txiav txim siab mus ua Laib.

    3-Koj tus me nyuam, Thaum koj coj nws mus kawm ntawv, koj qhia kom nws mus zaum lub rooj ob los lub peb kom ze tus xib hwb me ntsis xwb thiaj zoo:
    Nws pom tus xib hwb zoo, nws pom ob peb leeg nyob ntawm nws hauv ntej xwb mas nws kawm tau tej yam phem uas nws cov phooj ywg ua kom tsawg me ntsis, kom nws paub txog xwb mas thiaj zoo.
    *Yog nws zaum lub ib mas pom tus xib hwb xwb kuj zoo tsis txaus.nws tsis pom lwm yam, cuag li nws ruam dhau lawm thiab.

    *-Koj cia nws mus zaum lub rooj kawg ces nws kawm tau tas nrho tej yam cov phooj ywg sawv daws ua:
    Tus hlev nplaig los tus ntxi muag , tus zij ncaug, tus hom khauj tsiav, tus tsa nrig, tsa taws huv si ces nws tsis pom tus xib hwb thiab hnov cov lus xib hwb hais zoo. Ib tsam nws ua nws cov hauj lwm [ de voir, los homework] tsis tau vim nws twb sab tas rau tej nws pom ntawd nws tej kev kawm tsis nyob hauv nws nruab siab li. Tas txhua yam yuav pab tus me nyuam los ntawm cov ua niam ua txiv los , mas cov me nyuam thiaj mus txog qhov lawv xav mus. Yog cov niam txiv tsis nrog ua cov me nyuam no ua phooj ywg mas lawv yuav coj txawv li niam txiv xav,cuag li lawv tsis yog yus xya lo.

    Lawv tsis muaj lub siab tawv rau sab kev thoob tsib, lawv tawv rau sab tsis mloog lus, Vim ib twm tsis yog phooj ywg yus cob qhia tsis tau. Yam zoo yus hais nws saib zoo li yus yuam nws ua tej yam nws tis nyiam thiab phim txaj muag, nws lub siab tsis nyob ntawd, nws txaj muag ua tej yam zoo, Nws yuav swb lwm tus me nyuam cov neeg ua neej nyob txheej qis lawv ntshaw ua zoo li cov neeg nyob txheej siab. Ces Hmoob lo lus no thiaj muaj nyob mus li:
    Tub nom yog tub mlom. Tub qhev ua tub ntse.

    Cov yog niam yog txiv sawv daws lam yoog li kuv piav no saib kom muaj ib hnub twg, Cov tub Hmoob yog cov tub ntse tas nrho sawv daws tib si. Thaum muaj tej no lawm mas yus tsis txhob cem. Yus ua nws phooj ywg, yus nrog nws saib yam tsis zoo yus maj mam tig yuav yuav siv ntau lub xyoo los tig thiaj dhau. Koj tig tam sis ntawd tsis tau.Neb yuav rov ua yeeb ncuab viam koj twb txiav txim rau nws tias nws yog tus phem lawm.

    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 4th June 2012, 10:00 am




    COV TUB TSHAJ NTUJ LUS.



    Yuav tsa ib pab tub tshaj Ntuj lus tshiab.Pab tub tshaj ntuj lus tshiab no, thiaj li yuav ua Yes Xus cov thwj tim nyob tas qhov txhia chaw. Rau peb Haiv Hmoob.Yuav ntsuam xyuas cov neeg yuav ua tau tub tshaj Ntuj lus. Tus txiv neej los poj niam puav leej ua tau Xib Hwb qhia kev ntseeg txog Yes Xus Lub Moo Zoo.
    Yav tas los Lub Koom Txoos tau xaiv tsa cov tub tshaj Ntuj lus hu lawv ua xib hwb,coj lawv mus kawm txuj me ntsis tau qhia lub moo zoo, rau lawv, plaub xyoo, los yim xyoo ces xa lawv mus pab Hmoob paub Tswv Ntuj. Zoo kawg lawm twb muaj nuj nqis rau Hmoob los tau 40 xyoo lawm.
    Txij no mus yuav tau hloov dua ib lub hom phiaj tshiab kom cov Xib Hwb tshaj Ntuj lus no coob dua, thiab tseeb dua kom Tswv Ntuj kev nyiam, kev hlub, kev thaj yeeb, tuaj nyob txawm hauv peb haiv Hmoob.
    Peb Haiv Hmoob kev vam meej tseem nyob qis, Hmoob nyiam lub ntiaj teb kev vam meej tsis tau txaus, lawv lub siab tseem dai dhuam rau ntiaj teb lub cuab tam. Yog cob ib co tub tshaj Ntuj lus li yav tas los mas tsis yooj yim. Lawv tso siab tsi tau rau Lub Koom Txoos:
    Thaum lawv pom kev zog ces lawv xav caum kom tau ntiaj teb kev vam meej sai. Lawv saib lawv lub neej tsis muaj nuj nqis, lawv rov saib zoo li kev tshaj Ntuj lust sis tseem ceeb. Lawv mus ua tej yam lag luam cuav, txhaum Ntuj kev cai, kuj txhaum Nom tswv kev cai, Ces lawv tsis muaj ib lub meej mom tsim nyog lawv lub npe Xib Hwb rau teb chaws saib. Lawv tau txaj muag. Nyob zoo li ib tug neeg tsis tau paub dua Ntuj los.
    Zaj tshiab no yuav coj thiab qhia mus li no saib puas zoo. Yam li pev yuav rub Cov tub ntxhais Hmoob,muaj txuj muaj hauj lwm ntawm Cov nom tswv. Los ua tub tshaj Ntuj lus:
    *Cov nteeg ua tub qhia txuj hauv cov tsev qhia txuj rau me nyuam yaus, Cov tub kawm tiav ua kws tshuaj kho mob, cov tub ntxhais ua tej txoj kab xwm tseem ceeb lawm.Cov txiv tsev, cov niam tsev hauv zej zog ua neeg paub tab tau coob npaum li cas mas zoo npaum li ntawd los ua tub tshaj Ntuj lus ,txhawb cov qub Xib Hwb kom sawv daws ua ib pab muaj mog nyob hauv kev ntseeg, tso siav rau Tswv Ntuj Tej me nyuam yau hlob tuaj lawv mam pom tias, kev ntseeg yog yam tseem ceeb nyob nrog yus lub neej.
    *Cov tub qhia txuj, cov kws tshuaj, lawv tau kev tshaj kev ntseeg nyob hauv tej chaw lawv ua hauj lwm. Rau cov tub kawm, cov neeg mob. Lwm tus ua hauj lwm lawv muaj cov meeg uas lawv ua hauj lwm rau, mas muaj kev tshaj ntu lus ntau kawg.Cov txiv tsev niam tsev lawv tau kev sib ntsib ntau heev lawv sib tham tsheej hnub mas kev tshaj ntuj lus dav tas nrho.
    *Lub Koom Txoos yuav cob qhia kom meej tseeb rau lawv, kom lawv paub ib hnub lawv qee ib teev ntsuam kev ntseeg ua lawv tau ua los lawm, los sis muaj neeg xav kawm kev ntseeg tshiab los txais cov cim nqa txiaj ntsim hauv lub Koom Txoos. Thiab muab Tswv Ntuj hnub los coj neeg nruab zog teev hawm Tswv Ntuj ua ntej tas mam ua lwm yam, saum kev phooj ywg. Lub Koom Txoos tsuas tau pub Yes Xus lub Moo Zoo rau nws npoj Xib Hwb xwb ces lub Koom Txos thiaj tsis muaj kev txawj xeeb rau lawv lub neej Fab kev siv nyiaj txiag. Cov Xib Hwb tshiab no yuav muaj lub npe hu ua Xib Hwb Tuaj Yeem rau Tswv Ntuj kev nyiam.
    * Lub koom Txoos yuav pov hwm leej puav Xib Hwb muaj cai saib hauj lwm puag ncig txog cov npoj Xib Hwb no, tus muaj kev ntsuam xyuas thiab coj kom haum li lub Koom Txoos tus cai coj. Thiab nrog cov Tswv qhia kawm tej yam tshiab raws ntiaj teb kev vam meej phim neeg kev thoob tsib.
    *Cov Xib Hwb ib hnub qee ib teev pub rau Tswv Ntuj ua txoj hawj lwm tshaj Ntuj lus Thaum luag khoom mas yus kuj khoom muaj sij hawm ua yus txoj kev nyiam Ntuj pub rau Ntuj tej me nyuam.
    Ib paug neeg ntseeg los ob peb pawg muaj ob tug Leej Choj los ib tug Xib Hwb xwb ntev mus cov neeg ntseeg siab txias zujzus lawm. Kev ntseeg yuav tsis muaj qab hau. Vim ntiaj teb kev vam meej hloov mus txwv deb ntawm kev ua xis Tswv Ntuj lub. siab tos.
    Yog nyob twj ywm tos li no mas tab yog cov Leej Choj los lawv kuj qaug zog, yam li ib tug Leej Choj tsis muaj tus yuav txhawb nws lub zog, ua lub neej tsis lom zem.

    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 13th June 2012, 9:38 am



    LUB TXOOS COG LUS UA TXIJ UA NKAWM.

    *Ntawv Npes Xis Las. 26:1-4.
    -Tus txiv tau ib tug poj niam zoo. Nws txoj hmoov zoo. Nws yuav nyob ob npaug ntxiv.Tus poj niam zoo (mas nws ua xis tus txiv lub siab) nws ua rau nws tus txiv chaw sov siab,nws lub siab kaj.
    Ib tug tau poj niam zoo,yog ib lub txiaj ntsim pov haum uas Ntuj pub rau cov neeg hwm Ntuj. Tab yog nws txawm pluag, los nws lub siab hom khaj. Nws lub ntsej muag nyob luag ntxhi.

    *K.thiab M. Hnub no neb tau sib qaws los nyob ua txij ua nkawm, ua neb lub neej.
    Thaum tseem tshiab tshiab li hnub no. Muaj Tswv Ntuj nrog rau niam txiv tom ub tom no, Cov tub tshoob tub kos, tsoom kev neej kev tsav, qhua tshoob qhua kos, tuaj txhawb nqa neb lub tshoob.

    *Yog ib lub txiaj ntsim muaj nuj nqis loj kawg,sawv daws tuaj txhawb kom neb tsaus muaj kev vam meej, kev neej kev tsav phooj ywg coob ua npoj ntws li hnub no. Kom neb tau ua ib lub neej zoo mus, ib nqaj nto ntuj, ploog mus nto ntsis.

    *Hnub no yog neb hnub, kuj yog Ntuj Niam Ntuj Txi hnub, uas nws foom pub rau neb los nyob ua txij ua nkawm. Kom tau sib hlub, sib nyiam,sib pab, sib nres, ua neb lub neej thaum muaj kev zoo siab los kev tu siab. Neb nco ntsoov tias muaj Ntuj muaj neeg txhawb neb lub zog ua neej.

    *Ntuj cov lus nyob hauv ntawv Npes Xis Las, yeej muaj tseeb. Nyob hauv peb Hmoob cov lus, uas tej poj koob yawm txwv coj ua los kuj hais muaj tias:
    -Lag luam ces zoo thawj ntsug. Hos yuav poj yuav sev, yuav txiv ces zoo thawj tug. Tej laus ntawd lawv yeej hais meej lawm. Lawv tsis txhais lub ntsiab.
    *Thawj tug poj niam los thawj tug txiv neej yus yuav ntawd, qhov zoo yog 80%.Qhov nws tsis zoo, tsua muaj 20% xwb.Yam 20% no yog nws tsis tau paub los kawm tsis tau txog.
    Yob neb kawm Ntuj zaj txuj ci, mas neb thiaj yuav to taub tias, tus txiv neej thiab tus poj niam nkawd muaj nqis npaum li cas.
    *Tus poj niam nws yog tus txiv neej thawj lub pov haum. Tus txiv neej kuj yog tus poj niam no thawj lub pov haum. Nws tseem zoo tshaj tej pov haum zaj, pov haum nab, pov haum roob ris, los pov haum laum kiav tshooj.Nws tseem zoo tshaj cov kob zeb xob hnia ci.(Diman).

    *Nws yeej zoo tshaj tiag:
    Muab daim duab no los rau neb tsom saib neb thiaj yuav paub meej,( Ob leeg muaj kev sib tso siab, sib nyiam, sib hlub , neb muaj kev sib nco.) Tsis hais leej twg. Ib tug mus qhov twg lawm, nws maj mus maj los,vim neb kev sib hlub cog ruaj kho. Mus kuj tsav tsheb kom ncaj kev, los kuj saib kev zoo, mus los tsis muaj teeb meem. Vim neb tej kev nyiam kev hlub ua rau koj pov hwm kuv ces kuv ho pov hwm koj.
    *Yog neb mus kawm neeg li cov txuj ci. Ces neb yuav mus ntsib tau cov pov haum cuav. Cov pov haum cuav ces yog pov haum zaj,nab, roob ris, los laum kiav tshooj.

    Cov pov haum no nyob hauv yus nruab siab mas, yus yeej xav tias,qhov zoo nws yuav yog 100% lawm, tab sis nws tsuas yog 20% xwb.Zoo li koj mus hnov ib tug neeg nws hais thiab ua yam koj tus poj niam los koj tus txiv tsis tau ua rau koj ntawd, ces koj txaus siab kiag tias tus no lauj, nws muaj kiag 100 % zoo tas huv si lawm. Koj mus lo nkaws rau, ces tam sim no koj pluag kiag mus ntag. Nws yuam qhuav muaj 20% no xwb.Tus no ntag, nws txawj ua xom lees, tsab zag, npuav piam thaj qab zib, kom qhov ncauj tsw qab xwb. Thaum koj yuav noj nchos cev los txhuv twb tsis poob los li ned! Koj yuav tau noj hno tuav kev tshaib zias mus li lod!

    Neb yuav nco ntsoov tias ib leeg yuav pov hgwm leeg thiaj muaj koob meej hwj chim nrog luag ua neej. Koj tsis pov hwm, koj thuam koj tus txiv ces nws ua neeg ruam,koj tau ib tug txiv ruam rau teb chaws nrog koj thuam hod!
    Tus txiv tsis qhuas nws tus poj niam, nws tus poj niam tsis ua neeg ntse.Nws lam hais tej lus kom puav ncauj xwb. Hais tej yam uas luag twb hnov dhau los tau ib ob xyoos lawm. Ua neej raws tsis cuag luag.
    Vim li cas ho hais tias ruam tsis ntse? Koj tsis ntseeg, koj sim saib. Koj tus txiv yog neeg thoob tsib nws hais lus lub zej zog yuav tas nrho, Koj thuam nws tias:
    Koj mus hais lus niam ua rau hmoob rua ncauj u yoov nkag qhov ncauj tshai twb tsis hnov yoov auj! Koj tus txiv nws tus siab nws kaw nws lub siab, tsis nrhiav kev thoob tsib mus ntxiv, nws yuav tsis txawj hais lus zoo ntxiv lawm, nws ruam yog vim muaj tej qhov chaws dawm nws taw li no ntag. Poj niam kuj ib yam nkaus. Hnub no koj qhuas xwb , tag kis xwb twb hloov tau lawm vim poj niam nws nyiam yam qhuas thaib yam zoo nkauj…

    *Lo lus kawg uas zaum no kuv yuav hais rau neb, kom neb coj tau lub neej khov kho mus, neb nco ntsoov mog:
    Neb yuav nco ntsoov them neb tus nqi tshoob nqi kos mus li tas ib sim neej. Cov nyiaj tshoob nyiaj kos niam txiv tau sau ntawd nws yog niam txiv li nqi tu iab tu khwv. Tshuav neb li tsis tau them:
    *Neb li yuav niaj hnub them mus li. Muab neb kev nyiam kev hlub, kev qhuas, kev pab los them. Ib hnub no nco ntau kuj them ntau, nco tsawg kuj them tsawg. Yuav niaj hnub them,thiaj muaj kev hom khaj, kev kaj siab mus li.Yam no, yog koj them kuv nqi tshoob, kuv them koj me nqi kos.

    *Vauv K thiab me nyab M. Niam txiv hais tias tej no ces yog lus nyiaj lus kub no.Kuv muab lus nyiaj lus kub npaum li no rau neb yog neb tsis khaws zoo cia tuaj nruab siab ces neb tau, Tsam cov qhua tshoob qhua kos no lawv khaws tau tab lawv lub cev twb laus muaj 80 xyoo lawm los lawv tseem yuav hloov tau lawv lub siab kom rov hluas li neb lub hnub no thiab hod. Ib pliag tso kuv yuav hais ib zag, zaj tshoob los foom hmoov zoo pub rau neb thiab.


    Xib Hwb Yaj Zoov Ntxheb.
    (tim 17 /2/ 2012.)




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 21st June 2012, 10:03 am



    ZAJ 30.XAV UA TUS LOJ MLOOG DAB COJ.

    Dab phem kev cob neeg ua txhaum.

    Muaj ib tug txiv muam neej raug dab phem ntxias nws tias:
    *-Koj ua ib tug txiv Muam koj paub ntau yam zoo kawg lawm. Tiam sis Tswv Ntuj tsis pub kom koj paub tshaj nws. Yog koj xav ua tus paub tshaj Tswv Ntuj, mas koj mloog kuv ces kuv yuav qhia kom koj paub ntau npaum li Ntuj, los paub ntau tshaj Ntuj. Tiam sis koj yuav cog lus rau kuv tias koj yuav mloog kuv! Kuv yuav muab peb yam rau koj xaiv. Koj yuav tau Xaiv ib yam mas kuv qhia tas huv si rau koj:
    1-Koj yuav mus tua neeg!
    2-Koj yuav mus ua tub sab nyiag luag nyiaj!
    3-Koj yuav mus haus cawv kom qaug qaug!

    *Txiv Muam xav ua tus loj paub txuj ci tshaj Tswv Ntuj.
    Nws los mus xaiv:
    1-Mus tua neeg, yog txhaum loj lawm, kuv yuav tsis mus tua neeg.
    2-Mus ua tub sab tub nyiag. Kuv ntshais tsam luag ntes tau thiab tua, kuv tsis ua.
    3-Mus haus cawv kom qaug qaug, Kuv lam xaiv qhov me me no. Txiv Muam hais rau dab phem tias:
    Kuv xaiv qhov peb uas koj hais ntawd. Kuv cog lus tias kuv yuav mloog koj. Cog lus lawm mas koj qhia kom kuv paub npaum li Tswv Ntuj los paub ntau tshaj.
    *Ces txiv Muam mus haus cawv qaug qaug, nws feeb tsis tshua meej lawm. Nws los pw,nws feeb tsis meej nws tsis paub nws kem tsev pw. Nws nkag los pwv hauv nws niam nws txiv txaj. Nws pom nws niam, yog ib tug poj niam. Nws muab nws niam txhom. Nws txiv pom, nws txiv tsis txaus siab rau nws, Nws muab nws txiv tua tuag. Nws niam tsis zoo siab rau nws thiab, ces nws muab nws niam tua tuag lawm thiab.
    *-Saib txiv Muam nws twb hais tias nws lam xaiv yam me tshaj kom txhob tau ua txhaum. Zaum no nws xaiv tau yam loj tshaj, uas luag hais tias,tua ib hnee chob ob tus noog.
    Dab phem tsis ruam li neeg xav tias yuav dag tau dab.
    Peb los lus no dab niaj hnub tseem siv, twb siv ntau txhiab xyoo los lawm, los tseem yuav siv mus ntxiv yav tom ntej pes tsawg vam xyoo thiab. Peb puas pom qhov neej nrog dab cog lus ntawd, txiv Muam puas tau paub txuj ci tshaj Tswv Ntuj li sib cog lus.Txiv Muam lub tswv yim yuav nce mus siab txog txheej twg.
    Leej twg txawj txhais mas nej txhais ntxiv mus. Kuv hais tau kuv txhais tsis tau.

    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 12th July 2012, 9:26 am



    HMOOB VAM MEEJ.

    Hmoob lub npe vam meej;
    Hmoob lo lus muaj nuj nqis,Hmoob lub meej mom saum txhiaj. Hmoob yam ntxwv paub tab,Hmoob ncauj lus thoob tsib. Hmoob keeb kwm ua nom ua tswv. Hmoog nyiam yog luag tus thawj neeg.

    Txij li thaum Ntuj xeeb hmoob los nyob ntiaj teb no, tej yam no yeej cog muaj nyob rau hmoob nruab siab. Hmoob lub sim xeeb sawv daws yeej nyiam tas nrho tsis hais leej twg puav leej nyiam raug tas hiv si.
    Haiv neeg Hmoob yog ib haiv neeg muaj txuj ci siab. Hmoob hais, Hmoob lo lus tuaj saum paj lug, txhais ntsiab.
    Suav txij thaum yug los mus txog lub caij ncaim lub ntiaj teb. Hmoob muaj zoo txuj ci txheem txhawb nqa kom lub neej nyob tig rau sab zoo kom khov ko ruaj nreb.

    A*- Thaum yug los niam txiv, hu kwv hu tij neej tsa txheeb ze tuaj muab qaib muab qe hu nws lub zoo npe. Kom loj hlob tuaj ua neeg paub tab txawj tuav hmoob tus ncej dab.

    B*- Tiav nkauj nraug, yuav poj yuav sev rau, muaj mej koob mej zeeg mus txuas kev neej kev tsav. Tuam choj tshoob choj kos sib hlub taug txoj kev dav.

    C*- Laus txog caij nce hauv toj,mus cuag Nyuj los mus cuag poj cuag yawm, Muaj txheeb kwv txheeb tij, kev neej kev tsav, muam Phauj txiv dab laug, me cuas nyab cuas ntxhais tuaj noj nws laus pluas mov kawg.
    Txhawb nqa tsev xyom cuab me tub ntsoj ntxhais ntsuag kom rov muaj lub ntsej muag luag. Ua tau lawv lub neej mus ntxi dua, kom ntuj pom los Ntuj hlub, neeg pom los kom neeg qhuas. Ua lub neej nqaj nto ntuj ploog mus nto ntsis, kom tau nyob dawb nyob huv mus li.

    *- Hmoob vam meej muaj txuj ci siab, thiab zoo npaum li no:
    Nyian no, ntshai ruj rwg tsam kee tas. Txhua yam ua Hmoob vam meej lub npe roos ntawd ploj mus:
    Yam li lub hnub lub hli twb yuav poob qho mus, nws twb dai dhuam tim npoo ntuj lawm! Tshuav hlauv qhov lawm xwb.

    *- Hmoob muaj ib lo lus hais tias: Ntuj yav pem suab thaum ub, muaj hnub muaj hli ntau lub. Hmoob tsis tau zoo ua neej:
    Kaj ntug ces tsis paub tsaus ntuj.tsaus ntuj lawm tsis paub kaj ntug. Ces txiv nraug Nuj Sis Loob, los Nuj Yob Kaub. Xuas xub hneev nti tua, ces hnub hli thiaj poob tas, tshuav nkauj Hnub ib lub, nraug Hli ib tug xwb. Nkawd thiaj ntshai tsis tawm tuaj.

    *- Hmoob rov tsis paub ua neej. Ces Hmoob tso tsiaj tso txhuv mus hu nkauj Hnub nraug Hli nkawd kom tawm tuaj, ci rau lub ntuj ziab rau lub teb.
    Tso nyuj mus hu los nyuj ua nruj, tso nees mus hu los nees ua heev.Nkauj hnub nraug hli tsis kam tawm tuaj. Mam li tso me nkauj Qaib nraug Lau mus ces muab lub zuag rau nkawd ntoo. Nkawd mam ua twb zoo hu ua lus muag lus mos hu ces nkauj Hnub nraug Hli nkawd mam tawm los.
    Nkauj Hnub nraug Hli Kav ntuj kav teb los txog niaj hnub no. Hmoob vam meej lub npe txuj ci thiaj tseem nto.

    *-Nyob hauv Hmoob txuj ci, tshoob kos, Muaj lo lus hais tias:
    Peb muab ruj rau tsis nyog ruj, peb noj tshoob haus kos, peb tseem yuav taug li nraim Liaj Lwg, Rhwv yis Mws tus cag txuj.
    Muab neev rau tsis nyog neev, peb noj tshoob haus kos peb tseem yuav taug li nraim Liaj Lwg thiab Rhwv Yis Mws tus cag peev. Tej no tas nrho twb yog Hmoob li txuj ci.

    *- Nyiam no peb Hmoob li txuj ci, yuav raws tau nkauj Hnub thiab nraug Hli qab. Nraim tsis rov tawm tuaj. Peb cov Txiv muam thiab cov Xib hwb, lawv yog Nuj Yob Kaub, los txiv Nuj Sis Loob lawv pheej xus hneev nti los tua ces txuj ci yuav khiav mus deb ntawm Hmoob. Tos me ntsis ntxiv Hmoob cov me nyuam tsis paub txog Hmoob li txuj ci leej twg xav siv los nrhiav tsis tau lawm.
    Cov ntseeg Ntuj lawv muab txiav tas ua tsis tau vim ua ces txhaum ntuj. Hos cov txiv muam Hmoob txua ntau yam ua nyuaj rau tej hluas kawm tsis tau. Xws li kab tshoob kev kos, los ntees ploj tuag muab ua cov dhau lawm muaj xaiv lus xyaw uas noj dua nqaij dag dab, haus dua cawv daig nru lawm, Cov hluas lawv nyiam taug kev do kom txhob muaj tej yam los dawm lawv taw Hmoob txuj ci yuav poob mus rau kab no.
    Saib Hmoob teb chaws vam meej li Mis Kuj. Fuaj Kuj, lawv twb tsis txawj hais kwv txhiaj lawm. Tseem tshuav ces yog Cov neeg laus xwb.
    Cov hluas lawv xib rau sab nkauj paj nruag. Hmoob txuj ci sab paj nruag muaj ntau heev. Lawv twb pib mus muab Paj nruag Mas Sua los siv ua Hmoob txuj ci los muaj lawm.
    Thaum peb txuj ci nkaum mus lawm yuav tso nyuj mus hu los nyuj yuav ua nruj, tso nees mus hu los nees yuav ua heev rau. Peb twb tsis muaj nkauj qaib txiv nraug lau los mus hu ces yuav tsis tawm tuaj li lawm. Sawv daws nco txog lo lus no thiab.

    *- Cov yuav cawm tau Hmoob cov txuj ci no yog:
    A- Cov txiv muam, lawv yog peb cov thawj coj ntug sab Hmoob kab lis kev cai txhua fab ntawm Hmoob li txuj ci.
    B- Cov Xib hwb coj kev ntseeg tshiab, tsis hais hom twg li tias yuav muaj lub npe hu ua li cas. Raug rau nej saws daws tib si los pab kho.
    C- Lwm pab cov muaj lub npe hu ua Xib Hwb nyob ze cov hluas:
    Xws li cov tub muaj txuj hais tias lawv yog kws ntawv qhia me nyuam Hmoob txhua lub tsev ntawv.

    *- Cov pab neeg no yog lawv tsis kawm Hmoob txuj ci los qhia me nyuam Hmoob mas lawv muaj ib feem nyob hauv cov muab Hmoob txuj ci uas txo kom plam poob mus thiab.

    *-Nyiam no txog lub caij lawm peb yuav hloov los ua nkauj Qaib nraug Lau coj lo lus mos lus muag mus hu Hmoob cov txuj ci kom tawm tuaj, ziab ci rau lub npe Hmoob vam meej, kom nws nyob tsheej.

    *- Peb Hmoob lub npe zoo, lub cev ntaj ntsug yog neeg sawm txhiaj, nws muaj tsim ib yam li neeg ntiaj teb Mab Sua tsim txiaj. Hmoob muaj txuj ci thoob tsib to nrog, nrog Mab sua ua nom ua tswv los yeej tsim nyog. Tus ua nom nrog Mab Sua los luag yeej hwm, tus ua pej xeem nyob nrog npoj los luag yeej kwm.

    *- Tsuas muaj ib yam uas Hmoob nyob tsis haum, yam no muaj ntau txheej ntau tis los lawm yam no mas daws nyuaj dua cov. Yuav muab rab teev los hais. Tsis muaj teev los luj los hais tias tsis haum pheej. Muaj teev nyob ntawd los luj los hais tias niam muab teev muab tsi los luj,ua li mas hnyav dhau lawm thiab:
    Saib ib lub neej Hmoob zoo li cas. Tsis muaj hmoob nyob, yus kuj tsis xav nyob. Ho muaj Hmoob nyob los Hmoob phem dhau lawm, muaj xai muaj lus dhuav Hmoob siab kawg. Zoo li yog Hmoob tsis hwm Hmoob,Hmoob kuj tsis hlub Hmoob .Vim li cas Hmoob ho tseg tsis tau Hmoob li thiab. Hmoob nco Hmoob tuaj, mas quaj kua muag los. Tiam sis kev ua phem mas ho ua rau Hmoob xwb. Mab Sua hmoob txawj hlub tas nrho! Yog muaj dab tsis yam ua rau hmoob mas zam tas nrho rau Mab Sua. Hmoob ho hais zoo tias, yog Mab Sua tus Cai lawm. Ncauj lus tsis muaj hais, cia li tso ncauj dawb lus do mus. Tsis hais yuav muaj teev muaj tsi los luj li lawm. Hmoob pab yus los tsis muaj qhuas, Hmoob ua zoo los tsis txawj hlub, Hmoob hwm yus los tseem hais tias Hmoob ruam. Hmoob yuam kev ua siab yus los hais tias, Hmoob saib tsis taus yus th...

    *- Muaj xaiv lus hais dab plig paug rau Hmoob pob ntseg txog pab ub pab no tsis zoo. Yog Hmoob nkhaus, Hmoob phem xwb. Yog Hmoob hwm hmoob li hwm Mab Sua mas hmoob tsis muaj kev kho siab li cuag li nqhis dej.

    *- Cov tau nyeem zaj no thov kom nej txhob xav li cas Tej zaum tus sau no, nws txawj hais los nws tsis txawj txhais lub ntsiab tsis raug siab lawm los yog lus tshab ib kab me nyuam xov qhia pub paub xwb.
    *- Kev ntseeg nws muaj nws kev ncaj ncees, Hmoob txuj ci nws muaj nws kev thoob tsib. Koj yog ib tug Hmoob, koj yuav hwm hmoob txij ci koj mam ua neeg ncaj ncees los neeg thoob tsib tau. Yog peb sawv daws saib tias Hmoob txuj ci yog kev txhaum. Ua li peb poj koob yawm txwv ned,lawv ntuj tsim los puav leej yog neeg txhaum laum peb yuav hloov tsis tau, Hnub peb tuag mus kiag muaj ib tug neeg hais ib lo lus rau peb tias nws tuag nws phem phem li cov neeg dab tuag Peb kuj lo nkaus lo lus ntawd, Peb ciaj dab tam sid ntawd lawm thiab

    *-Hmoob tej txuj ci no tsis yog dab qhia, Peb mus txheeb saib muaj pes tsawg, lo lus uas dab tau qhia rau peb tej poj koob yawm txwv lawv. Yam uas lawv txua tau coj los siv ua rau neeg siab tiaj tus, mas yog nqes pem ntuj los xwb.Yog Ntuj qhia.

    *- Dab li mas dab tsis tau qhia ib yam rau neeg. Dab nws tsuas ntxias saib koj puas ua yuam kev xwb. Thaum koj yuam kev lawd, mas yog koj xaiv koj qhov yuam kev ntawd. Dab nws ntxias xwb nws kuj tsis tau yuam koj thiab. Yog yus liam ntau rau dab tsam dab ua plaub tuaj yus swb dab. Lam muab daim iav no los tsom!( Dab tsis tau tom yus, los hais tias yog dab tom. Dab tsis tau hais tias dab yuav noj, yus hais tias yog lawm dab yuav noj xwb.) Tej laus muaj lo lus no tias:
    Neej tsawg, dab ntau, tsam muaj neeg mus txia ua dab, ces neej thiaj tsawg hos dab thiaj ntau.

    *- Peb muaj cov neeg paub txuj ci raws txheej tshiab no kev vam meej ntxiv rau Hmoob cov kws txuj kab lis kev cai,thiab cov Xib hwb coj kev ncaj ncees tsim nyog sawv daws yuav nqis tes tsa muag los saib pab txuag Haiv Hmoob cov txuj ci no. Thaum Yes Xus tuaj nws hais ib lo lus zoo li no tseg tias:
    Kuv tsis tuaj rhuav ntiaj teb neeg tus cai. Kuv tuaj kho kom meej thiab zoo dua xwb. Tab yog lub qhov muag dub dub nyob saum tus tsiaj ntawv i no lub taub hau mas kuv nco ntsoov.

    *- Peb sawv daws yuav pib kho kom sai li sai tau rau me nyuam Hmoob kom muaj kawm tau paub zoo mus. Paub hu muaj lub npe los mus tuav nkaub rau txhua tus uas yog Hmoob tau paub. Hu kom muaj nkaub los mus tuav npe rau Hmoob khaws tseg.

    Xib Hwb Yaj Zoov Ntxheb.














    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 19th July 2012, 9:07 am



    DAB NEEG LIV KUS..

    Zaj dab neeg Liv Kus no, lawv niam lawv txiv yug tau lawv cuaj leeg tub ua ke. Liv Kus yog tus Cuaj.

    Thaum lawv loj hlob tas lawm. Cov tij, lawv yog cov hlob,ces lawv mus ua laj kam,thiab ua lag luag tas lawm lawv tseg lawv tus kwv Cuaj nyob zov lawv niam lawv txiv rau hauv tsev. Nyob nyob ces lawv niam kuj tuag tso lawv tseg. Cov tij kuj tsis pom lawv niam tuag. Leej txiv thiab Cuaj muab lawv niam pam tas , tshua Cuaj nrog Cuaj txiv nyob. Ntev mus Cuaj txiv tuag lawm thiab. Ces Cuaj hu tau cov tij los txog. Lawv muab lawv txiv pam tas. Cov tij yuav muab lawv txiv lub cuab tam faib rau lawv. Cuaj tsis kam lawv faib li. Pab kwv tij hais tsis sib haum. Cov tij muab Cuaj pav kwv Cuaj mus khaum saum roob rau ib tsob ntoo kom Cuaj tuag mus. Ces lawv cov tij muab lawv txiv lub cuab tam faib tas rau lawv yim leej tij ntawd.
    Thaum lawv muab Cuaj khaum tas ces lawv rov los tsev lawm. Cuaj nti nti ces Cuaj poob los, ntoo nqe ib toom hlua tu lawm. Cuaj muab daws tas nws tsis pom qab los tsev, nws lam taug ib tug dej nqis los mus. Ces nws ntsib ib tug ntxhais tuaj ntxhua khaub ncaws. Nug nug tus ntxhais ntawd tias: Koj tuaj ntxhua khaub ncaws ntawm no? Ua li koj puas paub txoj kev mus tim peb zos thiab? Tus txhais teb Cuaj tias kuv paub mas! Koj nrog kuv mus txog peb tsev ces kuv qhia koj. Peb tsev nyob sab roob nraud xwb.
    Nws nrog tus ntxhais los no ua cas cia li los txog ib lub pas dej lawm xwb lauj! Cuaj nug tias, nej tsev nyob qhov twg? Tsis muaj kev mus lawm? Tus ntxhais hais tias:
    Peb tsev nyob hauv lub pas dej no ntag.Koj nrog kuv mus saib peb tsev tas ces kuv mam qhia koj kev mus tim nej lub zos rau koj! Zaum no Cuaj paub tau tias nws yog nkauj Zag lawm. Nkauj Zag tias kuv coj koj mus saib peb tsev tso. Nkauj Zag muab tes pos Cuaj qhov muag ces nkawd twb mus txog Zaj tsev lawm. Nkauj Zag coj Cuaj mus nyob tau 9-5 -14, hnub ces Zaj Laug paub lauj! Zaj Laug yuav muab Cuaj tua ua ntxuag cawv, tso muab Nkauj Zag tua pov tseg no lauj! Ces Puj Zag hais tias:
    Koj yog Zaj ntxwg Zaj Laus koj tua tsis tau Xob yuav paub. Cia kuv muab nkawd xa mus rau daj noj teb kom tas xwb thiaj tsis muaj neeg paub!
    Zaj Laug tau tso cai rau Puj Zag xa mus.Ces zaum no Puj Zag muab Nkauj Zag ntim rau lub kaus, muab lub kaus ntawd rau Cuaj nqa mus. Hais rau Cuaj tias kuv muab koj tis dua npe tshiab hu ua Liv Kus no. tsam koj mus txog ces koj cov tij laug paub lawv rov coj koj mus khaum dua ces tsis muaj neeg pab koj ces koj yuav tau tuag mus xwb. Leej twg nug koj tias koj npe hu li cas no koj hais tias, koj yog Liv Kus no mog.
    Ces Liv Kus los txog tsev nws muab lub kaus nthuav no ua cas Nkauj Zag poob hauv lub kaus los. Cuaj saib no ua cas yog Nkauj Zag tus uas Cuaj pom tuaj ntxhua khaub ncaws tom tus dej me ntawd. Cuaj yuav Nkauj Zag los ua poj niam. Nkawd thiaj ua neej nyob hauv zos. Zej zog thiaj paub ces zej zog niaj hnub tuaj thov kom Liv Kus coj nws lub kaus mus pab yuav nyab los muab lub kaus no roos ntsuj nyab los tsev, kom dab tsis pom thiab tsis ntsib tom kev.
    Ntev los mus Liv Kus laus lawm nws mus tsis taus nws hais tias kub mus tsis taus ces nej coj kuv lub kaus mus xwb los tau lawm kuj zoo li kuv mus lawm thiab yeej zoo xwb.
    Ces peb Hmoob mus yuav nyab thiaj pheej nqa kaus mus mas yog los ntawm tus Liv Kus no los.
    Peb muas yuav poj yuav sev peb thiaj npaj kom muaj lub kaus no coj mus. Tahum peb hais tshoob cov zaj lus ntawd peb thiaj pib hais tias:
    Hais zoo Liv Kus, xyoo no kuv niam kuv txiv ntxhais hlob tiav nkauj, tub hlob tiav nraug ces nws yuav phwb tshoob los mus phwb kos no, nws thiaj thov txog lawm lag yaus wb lub zog no.( Yog zoo liv kus. Tsis yog zoo li kuv no ov.)
    Mas txog caij ua tshoob ua kos thiaj hais cov zaj tshoob tias zoo Liv Kus. Thiab thiaj yuav tsum muaj lub kaus no coj mus ua tshoob mus li. Lub kaus mas yog roos kom dab tsis pom, tsis ntsib nyob tom kev, tsam dab muab txeeb ua ntej los yuav txog tsev no. Los txog tsev ces muaj cov dab zoo pov hwm lawm, yog cov dab niam dab txiv, dab poj dab yawm nrog tus dab xeeb teb xeeb chaw. Cov no yog dab zoo. Nws tsis yog dab phem.( Dab Xeeb teb xeeb chaw, yog Tswv Ntuj tswv teb, Dab niam dab txiv, dab poj dab yawm. Yog cov Leej ntshiab nrog neeg nyob pov hwm neeg kom ua zoo rau Ntuj.

    Xib Hwb Yaj Zoov Ntxheb






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 26th July 2012, 8:57 am



    TXHUA YAM KEV NTSEEG.

    Nyob ntiaj teb no muaj ntau yam kev ntseeg.Tas cov kev ntseeg puav leej muaj qhov zoo. Tab sis nws qhov zoo nws kuj sib txawv, tsis sib xws.

    *1-Kev ntseeg muaj tseem ceeb nrog rau kev ncaj ncees, zwm rau Ntuj niam Ntuj txi.
    Yog ib txoj kev tseem ceeb zwm rau tus tsim ntuj tsim teb. Tas txhua txoj kev ntseeg ncau faib ntawm txoj niam kev ntseeg no mus ua ntau txoj raws li neeg faib tawm mus. Tab twb yog txoj niam kev ntseeg no xwb, nws twb faib mus hais ntau yam lus lawm thiab. Dej kuj yog ib co dej xwb kuj muaj tej ntu ua dej ntshiab, tej ntu kuj yog dej nro:

    A-Thawj hom neeg ntseeg tiag lawv ntseeg raws kev tseem ceeb, muaj kev ncaj ncees lawv hwm tus tsim lub ntuj lub teb. Lawv saib tias neeg ntiaj teb sawv daws yog qaum ntuj me nyuam tas nrho txhua tus. Lawv nyiam lawv hlub, lawv pab. Lawv saib tias neeg lub cev yog Ntuj tsim los ua neeg. Muaj tus ntsuj plig nrog lub cev ua neeg. Muaj nuj nqis loj, vim txawj muaj kev zoo siab nrog kev tu siab. Tus ntseeg txoj kev no nws txawj zam rau luag, nws tsis xam khib thiab tsis nco qab paub kev luag ua tub qaug rau yus.

    B- Hom neeg ob, mas lawv ntseeg, kom lawv tau tuaj nyob ze rau cov neeg uas Ntuj nyiam xwb, lawv tuaj nyob ze kom tau muab txoj kev ntseeg tseem ceeb no rhuav pov tseg:
    Lawv tuaj kawm kom paub ces lawv muab tej lus ncaj ncees thiab kev tseem ceeb los ua ib xub vos tua cov neeg Ntuj xaiv. Hom no lawv tuaj ntseeg txog Yes Xus kom tau rov txiv txim rau Yes Xus tias Yes Xus cov neeg tsis ncaj ncees rau Ntuj tej me nyuam sawv daws. Lawv siv ntiaj teb lub cuab tam los liam, los pleev tej tus neeg kom raug neeg ntiab teb ntxub thiab txiav txim rau kom txhob tau ua lub neej nyob ntiaj teb no ntev. Hom no lawv yog ib co neeg tuaj lawb dab, lawv tsis txais kev ntseeg kom ncaj ncees. Lawv tuaj tiv Ntuj thiab dag rau Ntuj xwb.

    C-Muaj ib hom neeg lawv khaws tas ib puas tsav yam lus los zoo, yam ntxwv, cuj pwm nrog neeg kev thoob tsib, kev sib hwm los puab ua ib tug Huab tais, muab tis tib lub npe hu ua Tswv Ntuj no thiab sau ua ib txoj kev ntsee. Lawv kuj qiv Yes Xus cov lus los hais kom zoo li yog pab neeg ntawd yog Yes Xus ua tus tsim lawv los. Hom no lawv tsis muaj ib tug cag tob. Thiab nrhiav tsis tau qhov tseeb tiag. Cov neeg tsis thoob tsib koj ua ib tug neeg koj caum raws luag mus ib ntu koj caum tsis tau koj tso tseg ho caum dua lwm pab li ntawd ib sim neej koj raws tsis tau qhov tseeb mas ntshai koj yuav qaug zog heev.

    *2-Kev ntseeg dab, ntseeg cov dab tsis muaj txoj sia thiab lub cev , yus muab yus txoj sia zwm rau dab. Thiaj muaj kev ntshai, kev txhawj, saib neeg yog tus me dua, loj tsis cuag dab. Xav tau nyob nruab siab tias yuav tsum ua kom haum li dab siab tas mus li xwb neeg thiaj nyob tau. Cov dab no yus tsuas ceev faj rau lub caij yus teev tiam nws ntawd xwb kom txhob hais lus yuam kev. Dhau ntawd lawm dab tsis nyob ze yus lawm ua kev txhaum tsis muaj tub qaug rau dab lawm. Tsuas yog tub qaug rau neej, tus neeg koj ua tub qaug ntawd xwb. Koj tsi tau nrog dab hais cai, tsuas yog nrog neej hais cai lawm xwb. Yuav tau nrog neeg hais kom haum, tsam neeg ho hu txog dab ces dab yuav tau kom yus them se rau dab dua. Hom neeg ntseeg li no lawv txom nyem lawv tuaj ua lub neej nyob ntiaj teb lawv tsis tau nyob tiaj tus.

    *3-Txoj kev ntseeg tuaj ntawm tej tus neeg tsim tau los raws li dab neeg. Ntseeg raws li tej tus tsiaj muaj hwj xyeej los muaj txuj ci, tsav hwj chim loj, tsis muaj kev ncaj ncees,nrog rau kev nyiam kev hlub. Tsis txawj txuag lub ntiaj teb teej tug yam muaj nuj nqis rau neeg siv. Txoj kev ntseeg no zoo li tsuas txawj qhia, thiab txawj hais xwb nws tsis txawj teeb thiab txawj txhais. Nws muab Qaum ntuj lub npe coj los tis tsa tej poj koob yawm txwv ua muaj koob meej, hwj chim txheej thaud los ntau tus coj los tsa ua Faj Tim Huab Tais,teev hawm tau cav txog neeg muaj zog muaj lub peev xwm ib yam li Ntuj tus tsim lub ntuj lub teb.Coj los qhia teev hawm, xyaw cov neeg caij thiab neeg tuag nrog rau Qaum ntuj ua kev. Hom no lawv yuav coj me nyuam neeg poob mus ua neeg dig muag taug kev tsis tsis ncaj ncees. Yuav ua rau ntiaj teb pej kum haiv saib neeg Hmoob tsis muaj nuj nqis, luag pej kum cuab yuav tau zoo kev xeeb plaub ntug rau me nyuam hmoob. Txaus hlub, vim cov paub tab lawv txawj hais lawv tsis txawj txhais, ces cov tsis paub tab yuav ris kev iab kev khwv, lawv yuav quaj hu txog lub ntuj lub teb. Vim lawv tuaj ua ib zaug neeg rau ntiaj teb lawv tsis tau nyob thaj yeeb. Cuag li yog Ntuj tsim lawv los theej luag txhoj tiv kev txom nyem. Ua li ca Ntuj ho tsis pab. Kuv yog lawv tus Txiv Muam kuv yuav ua li cas thiaj them tau lawv cov ntsuj plig tus nqi. Ua cas kuv tsis mus nrhiav tus uas neeg ntiaj teb sawv daws hu nws ua Ntuj Niam NtujTxiv no los ntseeg, twb yog tus pub txoj sia thiab lub cev ua neeg kom tsheej xeeb tau rau neeg.
    Peb ua neej nyob yam zoo tshaj, ces yog Koj mus saum ntuj los luag lawv koj qab mus. Koj mus dab teb los luag raws koj qab mus ces koj siab thiaj kaj..
    Kuv li kuv tsuas ntshai tsam kuv mus saum ntuj lawm los luag tsis lawv kuv qab tuaj. Hos kuv mus rau dab teb los tsis muaj neeg raws kuv mus ces kuv laj laj nyob tas ib sid li.

    *4-Txoj kev ntseeg raws li tej zaj dab neeg, tuaj ntawm tej tus neeg thoob tsib muaj kev ncaj ncees, thiab muaj hwj chim koob meej tuaj. Xws li tej pog koob yawg koob, pog suab yawg suab ntuj ntxov thaum ub xws li:
    Los Tuam, Xab Kub Tsab, Xwm Kub Thawj, Xyo Lij Leem lawv ,Yawg nom kws hlau, Yaj Txiv Yawg, Vwj Paj Yig. Huab Tais Vam Khib, Yawg Tswb Tshoj Nkauj Ntsuab Nraug Nab Yawg Paj Cai, Lauj Kiab Toom, Yawg Tub Npis Lis Foom Yawg hlob Lwj Txheeb Vaj Pov lawv no.
    Sau tas nrho lawv co ntsuj plig los puab ua kev kom tsheej ib tug Faj Tim Tswv rau Hmoob teev hawm. Kom Hmoob los koom ua ib lub siab Hmoob rov hlub rov nyiam rov pab Hmoob kom Qaum ntuj ho hlub hmoob ib zaug ntxiv.
    Cov neeg xav hais tias lawv teev hawm cov npe saum no mas lawv kuj yuav muaj zoo tus cawm seej coj lawv kev tawm mus ntsib tus zoo tswv vim cov thawj neeg saum no lawv yeej ib txwm teev hawm tus xeeb teb xeeb chaw los lawm. Qaun Ntuj tau pab pov hwm lawv ua lawv tej hauj lwm tiav tas. Cov Nom Huab Tais niam txiv Vaj Hmoob no Dab thiab neeg, pej kum cuab yeej swb lawv tas nrho.Tab sis lawv tau swb lub npe hu ua hmoob no lawm. Yog lub npe Hmoob muab lawv muag rau pej kum cuab neeg, ces lawv thiaj swb ncauj swb lus, swb cev rau luag tas nrho lawm. Tshuav lawv txoj dab neeg lawm xwb, rau peb nyob pe hawm.

    Cov kev ntseeg tau hais los saum no puav leej zoo. Nyias zoo muaj nyias tug tsis sib xws thiab. Yeej yog ncau los ntawm ib lub hauv paus los, Nyias cov Txiv Muam nyias txawj txawj txua nyias thiaj hais tias sib txawv.
    Cov kev ntseeg no muaj nuj nqes 100% tej hom lawv cov neeg coj tau zoo 90% tej hom muaj coj tau zoo 50% nyob hauv. Tej hom lawv coj tau zoo 30 % nyob hauv. Tej hom coj tau10% zoo nyob hauv.
    *-Yam tsis sib xws los sib txawv mas yeej txawv deb tiag:
    -Cov neeg ntseeg Ntuj lawv taij thov kom lawv tau mus pom lawv tus Tswv Ntuj, tuag los zoo siab tuag mus.
    -Hos cov neeg teev dab, mas lawv ntshai tsam lawv tau pom dab. Yog lawv tau pom dab lawm, ces yuav tuag mus ua dab. Lawv tsis xav tuag kom txhob tau mus ua dab li.

    *- Cov tsis muaj kev ntseeg thiab coj tsis tau zoo. Mas lawv tus Huab tais nyob txawm hauv lawv nrog cev:
    Lawv tus Huab Tais ces yog lawv lub plab lawm xwb. Thaum lawv tsis tshaib plab mas lawv nyob thiab coj xws li ib tug neeg siab dawb. Thaum plawv tshaib plab tuaj mas lawv ua plab qhev. Lawv siv zog mus kev, siv zog mus tho qhov vaj qhov tsev, lawv tsis hwm neeg. Tej zaum lawv ua tej txoj hauj lwm muaj nuj nqi li ib tug neeg mus noj ib pluas mov nyob hauv kiab khwv xwb lawv twb tua tej tus neeg los pauv ib qho nuj nqis siab li ntawd xwb los kuj muaj lawm thiab.
    Kuv hais tej no tsis yog paub leej twg ib tug sib txawv li cas, es hais kon tau noj nkaub tuav npe.Yog ib zaj xav rau leej tib neeg tau ntsuam xyuas tsom nyob hauv lub tswv yim kom pom tau tias lub ntuj loj li cas, lub teb dav li cas xwb.
    Xws li kuv txawj nthuav txawj hais, kuv ho tsis txawj teeb thiab txawj txhais, Yog nej leej twg tau nyeem tas lawm, kuv muab pub rau nej coj mus txhais. Kom meej tshaj kuv thiab mog.



    Xib Hwb Yaj Zoov Ntxheb






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd August 2012, 6:04 am



    TSWV NTUJ LUB TSWV YIM.


    Leej Txiv, Leej Tub, thiab Leej Tswv Yim Ntshiab nrog rau nws kev nyiam kev hlub los pab ntiaj teb neeg.

    1-Thawj yam yog los pab kom neeg dim ntawmn kev ua txhaum.
    -Nws tau zam rau neeg sawv daws, thaum Leej tub dai saum tus ntoo cuam. Lub caij ntawd Leej tub Yes Xus lub hwj chim cawm tas nrho ntiaj teb neeg.

    2-Tswv Ntuj zoo siab zam rau cov neeg muaj kev txhaum, uas lawv tu siab rau tej yam lawv tau ua tsis zoo dhau los lawd.
    -Ces lawv rov muaj lub hwj chim raws li lawv tau txiav txim siab los ua ib tug neeg dawb huv.

    3-Yog tias yus muaj kev tso siab los koom siab yam tseeb, vam txog Tswv Ntuj lub zog thiab nws kev nyiam kev hlub los thov dab tsi ntawm Tswv Ntuj mas nws nyob nruab nrab, mloog sawv daws zaj lus thov.

    4-Thawj yam uas peb ntiaj teb neeg yuav xub thov, ntawd mas yog kev zam txhaum. Kom peb hla dhau mus taug kev ncaj ncees.

    5-Yog tias yus nyob rau saum kev ncaj ncees lawm, mas tej kev mob nkeeg yuav maj mam xam ploj mus.xws li cov pa ncho mus thiab cov dej nro rov ntshiab tuaj.

    6-Ib tug neeg yog nws tso kev ua txhaum pov tseg lawm nws rov muaj koob meej thiab ua neeg thoob tsib tuaj dua. -Ces nws mam yuav paub Ntuj lub Tswv yim thiab nws zaj lus thoob tsib tob mus. Nws mam txawj qog tau Leej Tswv Yim lub suab thiab cov zaj lus zoo.

    7-Tswv Ntuj,nrog nws Leej tub thiab Leej Tswv Yim Nws nyiam lub ntiaj teb neeg cov uas lawv txo lawv lub meej mom los ua neeg me. Nws xav coj lawv ua neeg thoob tsib los paub kev hwm Ntuj.

    8-Tswv Ntuj Leej Tswv Yim nws nyob txawm rau hauv neeg nruab siab, kom nws qiv tau neeg lub ncauj los tej tes taw muaj nqis los pab ua nws tej hauj lwm pab tu lub ntiaj teb neeg kom rov zoo nkauj tuaj.
    -Cov neeg uas lawv muaj txuj ci los qhuab qhia neeg, thiab siv cov txuj thoob tsib ncaj nees ntawd puav leej yog Ntuj li lus tas nrho.

    9-Xeem lus thiab yam txuj qhuab qhia neeg mus raws li kev ncaqj ncees puav leej yog Tswv Ntuj li lus huv si.
    -Tsis muaj lub npe, los lwm tus neeg yuav tuaj twv yeej nrog Tswv Ntuj tau ntxiv lawm.

    10-Tas nrho txua yam kev ntseeg txawm teev lub npe twg los puav leej yog txhawv tawm ntawm Tswv Ntuj los tas nrho.
    -Tsuas yog neeg ntiaj teb tau tis lub npe rau xwb. Ces mas li tau muab tsa ua Huab Tais los yog Tswv.
    -Cov tseeb tiag lawv yog ib tug neeg uas Tswv Ntuj tau txib lawv tuaj ua ib txoj hauj lwm pab neeg ntiaj teb ib zaug lawd. Xws li:
    a- Hmoob tus Siv Yis Tooj Nhai. Los (Tooj Ncai Siv yis.)
    Coj neeb yaig tuaj ua neeg kho Hmoob tej mob nkeeg ntawd.
    b- Phuv Thas. Los tus(Phab Phus Thab Caub.) uas Cov Hauj Sam coj thiab teev tiam ntawd.
    c- Tas nrho cov kev ntseeg Ntuj uas ncau ntawm Yes Xus lub Moo Zoo, ua ntiaj teb hu ua cov Ka Tau Liv. Sawv daws ntseeg txog Tswv Ntuj tiam sis nyias muaj nyias npe txawv thiab.
    d- Tas nrho lwm yam teev dab txaw txawv, teev Xob, los teev tus Zaj loj los tej tus neeg muaj koob meej no. Puav leej nyob hauv qab Tswv Ntuj tas nrho.
    -Tsis muaj ib tug twg yuav los nyob siab tshaj Tswv Ntuj li lawm.
    e- qhov tseeb yog lub Koom Txoos Ka Tau Liv uas Yes Xus tau tsa ib tug neeg hu ua Pob Zeb los coj kav, thiab muaj cov Vaj Qhia sib hloov txuas zws los ua tus coj tuav nyob ntiaj teb no los txog rau lub ntuj tas sim no tseem nyob ruaj.

    11- Tswv Ntuj lub npe nrov tuaj txog neeg ntiaj teb no tej pob ntseg sib txawv, xws li:
    1-Haiv Hmoob lawv hu ua tus Dab Xeeb teb xeeb chaw. Tus no nws kuj tsis yog Ntxwj Nyoog los ib tug dab dab tsi li.
    2-Pab neeg ntseeg ntuj Ka Tau Liv lawv hu ua Tswv Ntuj los Huab Tais Ntuj.Yog tus tsim ntuj tsim teb tsim tas puas tsav yam.
    -Lawv hus raws li nws yog tus loj loj luaj li lub ntuj.
    3- Cov Protestant ntau pab ntau pawg. Lawv hua ua Vaj Tswv los Yawm saub no.
    -Vaj Tswv yog tus Tswv, kuj yog tus tswv tsim ntuj tsim teb.
    Yawm Saub, nws kuj zog tus qhia txhau yam txog lub ntuj lub teb.
    -Tas nrho sawv daws tsuas yog tis lub npe rau kom zoo cev Nws lo lus thoob tsib thiab ncaj ncees raws li Ntuj kev nyiam kev hlub ntiaj teb neeg kom hais tau qhov meej tseeb xwb.

    12-Neeg ntiaj teb tus Tswv Ntuj mas nws tsis tau qhia nws lub npe rau ib tug neeg dua li.
    -Thaum Tswv Ntuj txib nws tus tub Mais Xes los mus coj Haiv neeg His Xas Lais tawm ntawm Hais Nkws Tos teb los hla teb chaws suab puam Mais nug nws lub npe ntau zaus . Nws qhia rau Mais Xes tias:(KUV YOG TUS NYOB THIAB YUAV NYOB MUS LI NO XWB.)

    13-Lwm cov npe uas neeg tej pab tej pawg lawv hu ua Huab Tais. Tsis yog Huab tais ua cas ho pab neeg tau thiab thaum neeg vam txog ho pab tau no yog vim li cas.
    Vim nws yog Tswv Ntuj ib tug neeg uas Ntuj tau txib dua ib zaug los lawm. Nws muaj Ntuj lub txiaj ntsim los Ntuj tej koob hmoov dhau los lawd. Thiab nws yog ib tug neeg ncaj ncees. Ntiaj teb neeg tsis paub txog tus nyob siab, ces tsuav paub txog nws lub npe xwb los nws yog Ntuj tus neeg lawm ces Ntuj yeej pab kom hla dhau teeb meem rau kev mob nkeeg mus.
    Xws li cov neeg ntseeg uas lawv tau tuav txog cov Leej ntshiab lub npe los tuav kev pov hwm rau tej neeg vam txog ntawd xwb.( Zoo li Pob Zeb thiab Paj Lug lawv,)

    14-Nyob nruab yeeb los yaj ceeb, nyob ntiaj teb mus nto qaum ntuj, kawg muaj tib tug thiaj yog tus tseem TSWV NTUJ xwb. (nws yog tus nyob thiab yuav nyob mus li.)

    15-Yog muaj tseeb tias, muaj ntau tus Huab Tais Tswv Ntuj raws li neeg ntiaj teb no lawv cov Tswv xeeb teb xeeb chaw no mas lub ntuj lub teb no thiab lub hnub lub hli ua li Hmoob hais . Ntshai lub ntuj twb npau lub teb twb ntxeev tas lawm, tsis tos txog niaj hnub no li lawm.

    16-Tas nrho ntiaj teb neeg cov huab tais los tus tswv uas lawv teev hawm, feem coob yog ib co neeg muaj koob meej los tau ua Qaum Ntuj ib zaug hauj lwm los lawd.
    -Yog lub hauv ntuj no khav tas nrho sawv daws cov huab tais nyob rau hauv lub qab ntuj khwb no xwb.

    17- Cov Huab Tais uas neeg teev hawm lawv kuj txawj tuag thiab tuag tas lawm. Tshuav lawv lub npe lub yeej huam nyob rau neeg teev hawm lawm xwb.
    -Tsis muaj ib tug uas poob saum ntuj los los nws cia li taw qhov twg los li.
    - Hais tau tias cov huab tais no puav leej nyob rau hauv tus Tswv Ntuj tsim ntuj tsim teb nws xib teg tas nrho.

    19- Cov uas tsis muaj neeg paub tias yug lus zoo li cas, Thiab tuag mus li cas yog:
    1-Tus xeb teb xeeb chaw.
    2-Tus Tswv Ntuj tsim lub ntuj lub teb.
    3-TusVaj Tswv kav ntuj kav teb.
    4-Tus Yawm Saub qhia lub ntuj lub teb.
    5Tas nrho cov npe no Nws yog tib tug Tswv Ntuj los tib tug Huab Tais xwb.

    20- Txij no mus tseem yuav muaj neeg tis tej lub npe rau Tswv Ntuj ntxiv thiab. Tsis paub tias lawv yuav tis hu li cas li.

    21-Qhov tseeb tsuas muaj ob tug xwb:
    -Tus zoo, thiab tus phem. Tswv Ntuj, los Dab phem.
    Huab Tais Ntuj los Ntxwg Nyoog.
    -Tswv Ntuj yog tus tsim thiab coj mus rau qhov zoo.Dab Ntxwg Nyoog yog tus ntxub thiab rhuav kev zoo kom noob neej poob rau kev txom nyem kom sab ntsuj plig raug kev ploj tuag mus ntsib tsis tau Tus Tswv Ntuj tsim neeg tuaj nyob ntiaj teb no.

    22-Dab tsuas tuaj ntxias neeg xwb. Dab kuj tsis muaj cai yuav yuam kom neeg ua qhov phem.Nws muab ob daim phiaj rau koj saib. Xws li daim phiaj liab thiab ntsuab. Rau koj xaiv koj, yog koj xaiv tau daim ntsuab ces koj ua qhov zoo lawm, Hos koj xaiv tau daim liab ces koj xaiv tau qhov phem.
    -Thaum koj ua phem mas yog zoo li koj xaiv koj thiab koj uav koj, Dab tsis tau yuam koj ua.
    Yog koj ua plaub rau dab mas koj yog tus swb rau dab ntag,

    Xib Hwb Yaj Zoov Ntxheb.




    Sponsored content

    Re: XH. Yaj Zoov Ntxheb lub Tsev THOOB TSIB

    Post  Sponsored content Today at 3:39 am


      Current date/time is 10th December 2016, 3:39 am