Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH. Yaj Zoov Ntxheb lub Tsev THOOB TSIB

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 1st October 2012, 9:38 am



    DAB TSIS TSO NEEJ TSEG.


    *Kuv, Xib Hwb Yaj Zoov Ntxheb, tau kawm lub Koom Txoos liv xwm los lawm. Suav txij thaum Ntuj tsim teb raug los,mas Dab tsis tso neej tseg. Dab siv zog ntxias cov neeg zoo uas lawv muaj lub siab dawb kom tawm tsam rau Tswv Ntuj mus li. Tab nyiam no los dab kuj siv zog tas nrho los ntxias cov neeg ntseeg txog Tswv Ntuj kom ncaim mus deb.
    Cov neeg uas lawv mloog Yes Xus zaj lus qhia uas tuaj ntawm Leej Txiv tuaj thiab coj ua raws nraim li Leej Txiv lub sim xeeb qhia, mas dab yuj tas zog raws kom tau txiav lawv txoj kev sib cuag txhob nyob haum xeeb nrog Tswv Ntuj.
    *Dab phem tsis yog nyuam qhuav ntxias kom neeg ncaim ntawm Tswv Ntuj lub zim txwv no xwb.
    *Dab phem nws yeej xub ntxias neeg txij thaum nws pom thiab paub tias Tswv Ntuj tau tsim ob tug niam txiv hauv paus los xws li: As Das thiab Es Vas ntawd.

    1-Dab phem ntxias ob tug niam txiv hauv paus ntuj
    yav pem suab uas yog As Das thiab Es Vas nkawd. Kom txhob mloog Tswv Ntuj lus, ces nkawd thiaj yuav paub tas pus tsav yam li Tswv Ntuj.
    -Zaum no neeg poob rau kev txom nyem lawm. Neeg tau txais kev mob kev nkeeg, kev ploj tuag, los ntawm kev tsis mloog lus los.
    -Tau ntau tiam neeg los lawm, neeg muaj txiab mob nkeeg, muaj kev ploj tuag, muaj kev ntshai poob siab nrog kev tu siab. Ces Tswv Ntuj hlub txog neeg thawj zaug. Ces Tswv Ntuj thiaj li tso Siv Yis los cawm neeg ntiaj teb.

    2-Siv Yis nqes los. Siv Yis nws yog ib tug leej tib neeg xws li zeej tsoom, los yog ib tug Ntuj xaiv los xws li tsoom Yaj Saub.
    Tswv Ntuj pub hwj chim, hwj huam rau Siv Yis kom nws paub hauv kuab muaj tsuas, paub neeb yaig los tuav tseev neeg sab ntsuj plig thiab lub cev nqaij daim tawv kom txhob muaj txiab xeeb ntau. Tswv Ntuj kheev kom Yaj Saub Siv Yis qiv Ntuj li lus los hais nplij neeg lub siab kom tau nyob tiaj tus. Kom noob neej nyob txwm li ib puas nees nkaum xyoo.

    3-Thaum Dab phem nws paub tias Ntuj pub tswv yim hwj huam rau Siv Yis
    cawm ntiaj teb neeg tej mob nkeeg thiab nplij neeg lub siab lawm.
    -Ces Dab siv tom txwv los ntxias Txoov Siv Yis tias dab koom nrog neej nyob ua paug, dab neej nyob sib xyws, neej dab nyob ua ke dab neeg nyob sib nce. Dab hais tias,kuj muaj mob muaj tuag li neej thiab. Ces dab mooj Siv Yis mus rau deb teb tau cuaj hnub cuaj hmo, dab los ua mob ntsaj rau Siv Yis poj niam tuag lawm. Dab kuj muab Siv Yis tub yees ua nyuj rau yaj ceeb neeg tau muab tua rau Siv Yis poj niam lawm thiab. Dab mam cia Siv Yis feeb rov los rau yaj ceeb. Zaum no Siv Yis poj niam me nyuam tuag tas. Siv Yis xav cawm nws tub los kuj tshuav maum nyuj tub, nqaij los luag muab noj tas, ntshav los luag haus tas, yog ib txoj kev yuav rov cawm los nyuaj heev rau Siv Yis, cawm tsis tau lawm.
    Ces Siv Yis muab nws me cwj neeb cwj yaig, hauv kuab muaj tsuas nro rau qab roob qab ha, rau qab zeb qab ca tas nws rov mus rau Nyiaj Yig Koo Tsua lawm(tuag mus).

    Siv Yis tsis tau qhia Siv Yis cov txuj rau ntiaj teb neeg. Neeg ntiaj teb tsuas khaws tau Siv Yis lub yeej huam los ua lawm xwb, hauv muaj kuab tsuas thiaj li txawm nyob rau qab roob qab ha. Tas txhua yam tseeb thiab cuav tawm los ntawm dab kev haub ntxias los, yam cuav muab ua tau tseeb, yam tseeb kuj muab ua tau cuav rau neeg siv niaj hnub no.

    4-Tswv Ntuj tau tshoj tej tus tib neeg kom sawv los ua Yaj Saub.
    (Ua Saub.) xws li Ntuj kheev kom nws qiv Ntuj li lus los hais. Yam tseeb Ntuj txib nws los pab neeg sab ntsuj plig kom txhob ua kev txog kev txhaum ntau dhau rau Ntuj thiab rau neeg. Kom neeg ntiaj teb zam dhau kev mob kev nkeeg, nrog kev tus siab kom muaj txoj sia nyob ntev. Saib hmoov los nplij neeg kom yeej txoj kev tuag nyob txog zim txwv tso.
    -Tas nrho cov npe uas neeg muab hu ua dab no mas lawv tawm los ua Txoov Siv Yis qab.Thiaj mam muaj dab ntuj dab teb, dab hnub dab hli, dab roob dab hav, dab dej dab xob los rau tej dab hauv toj hauv pes nrog rau tej dab vaj dab tsev, dab qhov cub qhov txos th...
    -Yog lub caij ntawm no Neeg kuj tau muab tus Tswv Ntuj Tswv teb no tis npe hu ua Dab Xeeb Teb Xeeb Chaw.
    Lub zwj ceeb ntawd neeg ntiaj teb tsis muaj txuj ntau thiab nyob tsis tau ruaj hauv ib thaj av kom khov, neeg txav mus txav los rau sab pej sab naj los mus rau sab toob los sab xib. Cov keeb lus no neeg ntiaj teb tau zwm rau ntau txhiab xyoo los lawm. Tseem ua ntej Yes Xus yug los lawm ntau txhiab xyoo.
    -Vim li no mas neeg ntiaj teb thiaj tsis paub tias, tus loj tshaj cov yog leej twg. Neeg tsuas hais tias Dab yog tus loj tshaj, dab tom leej twg ces leej twg tuag xwb.
    -Txij thaum muaj neeg tsim tau plaub hom tsiaj ntawv xws li: Ntawv Hes Nplaws, Ntawv Hes Los (Grec), Ntawv Pas Lis, Ntawv Suav. Neeg pib muaj txuj los rau lub caij Yes Xus yug los, muaj Tswv Ntuj los lus tawm tuaj ntawm Yes Xus uas yog Tswv Ntuj lo lus muaj txoj sia.
    -Tab txawm yog niaj hnub no los cov pab neeg tsis tau muaj txuj lawv tseem tso siab tias dab yog tus loj tshaj. Yuav tau ua dab thov kom dab pab mas thiaj zoo.
    Dab yeej paub zoo tias muaj cov neeg ntseeg txog Tswv Ntuj los ntseeg txog ib txoj kev cai tuaj ntawm tej tus neeg tuaj, los dab yeej siv nws lub tswv yim los ntxias kom txhob ua tau qhov zoo raws lis tus neeg tsim txoj kev ncaj ncees ntawd.
    -Neeg txawm coj hom cai dab tsis los xij dab haub kom nws coj ntau yam sib xyaws uas neeg hnov nrov hauv pob ntseg, los ntawm lwm tus neeg lub ncauj los.
    -Dab siv txoj kev muab hlob xav ua tus thawj neeg, kev nplua nuj muaj cuab tam ntau, kom muaj hwj chim rau neeg sawv daws hwm los cuab phiaj kom mag tau kev ntxias yooj yim, kom kev ncaj ncees txhob nplaum nyob hauv neeg nruab siab.

    5-Thaum tshuav li ob txhiab xyoo Yes Xus yuav tawm tuaj tshaj Tswv Ntuj los lus muaj txoj sia, mas Tswv Ntuj twb xaiv thiab hu tus yawg koob Has Nplas los ua thawj tus neeg ntseeg txog Tswv Ntuj lawm.
    -Tswv Ntuj xub npaj ib haiv neeg tseem ceeb kom los txais tau Ntuj lub Tswv Yim, lub zog los nyob txawm hauv neeg nruab siab kom mloog tau Tswv Ntuj los lus:
    -Yog Cov Yaj Saub sau Nws zaj lus nrog rau yim neeg ntshiab: Yos Xes, Mab Liab uas tuaj yeem txais Tswv Ntuj Leej Tub tus cawm Seej Yes Xus Pleev nqe los ua neeg. Ua qab lub caij Tswv Ntuj hu yawg Has Nplas tas. Ces Tswv Ntuj tso kom muaj Phus Thas yog ib tug caj ces Vaj nyob sab toob fab yug los ua Ntuj hauj lwm, kom Cov Vaj txhob muab lub ntiaj teb neeg rhuav ua ntej Leej Pleev yug los.

    6-Phus Thas tawm tuaj.
    -Phus Thas yog cov Hauj Sam lawv tus Huab Tais. Nws yog ib tug neeg xws li zeej tsoo neeg nyob ntiaj teb no. Nws yug los ntawm ib caj ces noob Vaj kav teb chaws. Nyob rau Indias teb.
    -Lub zim txwv ntawd Tswv Ntuj yuav tsum xaiv ib tug neeg nyob hauv cov caj ces noob Vaj, kom tau muaj hwj chim sib xws. Vim Phus Thas yuav coj Tswv Ntuj ib co lus thoob tsib tuaj rau ntiaj teb neeg coj kav yoog mus, raws li kev tuav pov hwm lub sim ceeb no:
    -Kev paub hwm Ntuj, hawm neeg, hwm tsiaj txhu, me kab noog txhua yam. Hwm xyoob ntoo nroj tsuag txhij toob puaj yam. Tu kom lub ntiaj teb zoo nkauj nyob mus kav ntau txheej ntau tis.Lub caij nyoog no tsoom vaj kav tej thaj av nyob ntiaj teb no, lawv tsab ua tus loj ib yam li tej tus huab tais. Lawv nqhuag hu kom tsoom pej xeem tuaj teev pe hawm lawv xws li lawv yog ib tug huab tais. Yog tus neeg twg tsis kam pe hawm tus vaj, mas kuj yuav raug muab tua pov tseg los tau.
    -Tsom Vaj muaj koob meej hnov Phus Thas txoj cai tshaj tawm ua neeg ncaj ncees. Ces lawv muab tshuaj los lom Phus Thas kom tuag.
    Lawv ntshai tsam Phuas Thas yuav los ua tus tuam vaj loj kav tas tsoom vaj nyob ntiaj teb no.
    -Thaum Phu Thas tuag lawm ces Phus Thas covthwj tim muab Phus Thas hu ua Huab Tais. Ces thiaj li muaj lub npe hu ua ( Phab Phuv Tha Caub.) yog lus Los Tsuas, txhais tias yog huab tais.
    *Qhov tseeb Phus Thas yeej yog ib tug neeg ncaj ncees thiab dawb huv uas Tswv Ntuj xaiv nws ua Tswv Ntuj txoj hauj lawm pub rau ntiaj teb neeg. Nws los tshaj txoj kev hwm Ntuj hwm neeg nrog Ntuj kev thoob tsib, kom haum txhua yam Ntuj tsim los nyob ntiaj teb no.

    7-Tswv Ntuj yeej ib txwm nyiam thiab hlub neeg.
    Yeej muaj ib co neeg uas Tswv Ntuj xai lawv ua ntu zus los sib xws:
    -Zoo li cov Yaj Saub, kom tau ntuas neeg nrog Tswv Ntuj sib haum xeeb. Thiab txob muab lub ntiaj teb no rhuav kom piam sij mus. Cov Yaj Saub no mas lawv mloog Ntuj lus, Tab sis cov yaj Saub no mas lawv raug dab ntxias lawv heev kawg li thiab. Dab siv cov neeg tsis nyiam mloog Ntuj lus los hiam cov Yaj Saub kom lawv raug kev txom nyem loj, saib lawv puas yuav tso Tswv Ntuj pov tseg. Ua li mas leej twg yog neeg siab dawb mas lawv tau ib lub neej txom nyem. Hos sab ntuj plig mas Tswv Ntuj pov hwm lawv kom muaj txoj sia nyob mus li. Lawv lub cev nqaij xws yog neeg cov yeeb ncuab.
    -Cov dab phem mas lawv yeej paub zoo tias cov Yaj Saub no lawv tshaj Tswv Ntuj kev ncaj ncees, tho txoj kev nrog Tswv Ntuj nsib haum xeeb.
    Dab phem ntxias kom cov Yaj Saub xaiv txoj kev ua neeg muaj hwj chim, nplua nuj thiab nyiam kev plees yi kom lub txiaj ntsim ua Yaj Saub tshaj Ntuj lus poob mus ua yam tsis tseeb, thiab muaj kev txhaum ntau nyob nrog cov yaj saub no lawv lub neej. Kuj muaj ib feem raug dab ntxias ces lawv poob lub txiaj ntsim ua Yaj Saub no kuj muaj thiab.

    8-Zaum no caij nyoog sij hawm los txog. Tswv Ntuj hu ib co Yaj Saub los coj nws haiv neeg Ntuj xaiv thiab txuag lawv los tau ob txhiab xyoo ua ntej Yes Xus yug los. kom sau tej zaj lus ceeb toom txog tus Vaj Pleev yuav tuaj. Mas tas tsoom Vaj muaj hwj chim hwj huam no Ntuj yuav tso nyob hauv Tus Vaj Pleev nws qab xib taws
    Tswv Ntuj tus Pleev nws yuav nyob siab dua txhua yam. Lub ntiaj teb yuav yog nws lub rooj tiag taw. Lub ntuj yog nws qhov chaw zaum.
    Lo lus "Pleev" yav thaud lawv tsa ib tug neeg ua vaj mas lawv muab ib co roj tsw qab los pleev rau nws lub cev thoob plaws. Tus pleev yog tus vaj.
    -Tswv Ntuj nyiam lub ntiaj teb neeg, nws thiaj muab nws lo lus nyob txawm hauv Leej Pleev tuaj tshaj rau lub sim ceeb no.
    -Yes Xus nws ib txhij yog Tswv Ntuj, thiab ua Tswv Ntuj tus pleev. Yes Xus yog Tswv Ntuj lo lus nws tuaj yuav ib lub cev neeg kom tau hais Tswv Ntuj cov lus qhuab qhia rau ntiaj teb neeg.
    -Dhau lub sij hawm Yes Xus xa Leej Tswv Yim Ntshiab tuaj nyob ntiaj teb no nrog tsoom neeg lawm, mas Tswv Ntuj thiaj qiv neeg ntiaj teb lub ncauj los pab nws hais lus, hos qiv neeg lub cev los ua Ntuj tes hauj lwm. Vim yog Tswv Ntuj Leej Tswv Yim Ntshiab tuaj nyob ntxawm huav neeg nruab siab lawm.
    -Thawj tus neeg Ntuj kom nws saib Ntuj txoj hauj lwm nyob ntiaj teb no, Yog Xis Moos Pob Zeb.
    Thiab kaum leej Thwj Tim uas Yes Xus tau hu lawv.
    -Tswv Ntuj tau saib tias, cov neeg mloog Tswv Ntuj lus mas Ntuj tso siab tias yuav ua ncaj ncees. Tswv Ntuj yog peb Leej Txiv Nws nrog nws cov me nyuam neeg ua phooj ywg. Leej Lo Lus thiaj hais rau Pob Zeb tias: Kuv muab Ntuj tus yawm sij rau koj. Koj daws yam twg nyob ntiaj teb no mas kuv daws nyob saum Ntuj.Koj khi yam twg nyob ntiaj teb no mas kuv khi nyob saum Ntuj.
    Tswv Ntuj nyiam neeg ntiaj teb txhua tus, Nws thiaj tso Leej Pleev tuaj ua lus.Thiab cia Leej Tswv Yim coj neeg nrog neeg nyob. Cov neeg ntshiab huv mas nws coj lawv hais lus, thaum lawv hais cov lus hwm Ntuj thiab hwm neeg.

    9- Thaum dab phem pom muaj cov neeg siab dawb huv no ua Tswv Ntuj tes hauj lwm,
    mas Dab Phem haj yam siv zog ntxias neeg yaj ceeb no, kom muaj neeg coob leej tawm tsam rau Tswv Ntuj.
    -Dab Phem muab kev sib ntxub, kev npau taws, kev txawj xam khib, kev muab hlob kev ua neeg siab ceev los cuab phiaj kom neeg mus mag txhua yam, kom txhob nrog Tswv Ntuj sib haum xeeb.
    -Kom neeg nyiam kev muab hlob, ntshaw ua tus loj, muaj cuab tam ntau. Sawv daws sib txeeb hwj chim, saib yog leej twg thiaj yuav ua tus muaj peev xwm loj.
    - Dab phem siv cov thawj neeg xws li:
    Cov nom tswv, cov tuam los pav, cov thawj coj kev ntseeg, xws li cov xib hwb, cov txiv muam coj dab qhuas, kom sawv daws sib tiv, sib xyav moo pleb txog tus ub tus no, los tej pab pawg ub no uas lawv coj sib txawv me ntsis ntawd.
    -Cov neeg ntseeg tsis hais pab twg li, dab muab siab rau ntxais thiab dab txav los ze lawv dua lwm pab pawg.
    -Thaum Yes Xus Pleev muaj hnub nyug peb caug xyoo mas dab phem twb ntxias Yes Xus peb zaug.

    10-Lub sim xeeb uas dab phem tuaj ntxias Yes Xus.

    *Dab phem ntxias Yes Xus nyob teb chaws saub puam:
    Xws li nws ntxias neeg nyob ntiaj teb no, lub caij neeg muaj kev iab kev khwv, kom neeg ntshaw muaj noj muaj haus. Ua txhua yam kom poob rau kev ua txhaum, raug neeg lub cev nqaij daim tawv li nws kev ntshaw.
    *-Dab phem ntxias Yes Xus nyob saum lub tuam tsev teev ntuj, xws li ntxias saib neeg puas yuav ua neeg khav theeb, muab hlob thiab qhuas tias yus yog neeg muaj peev xwm ua dab tsi los Ntuj yeej pab kom tsis raug xeev txheej li.
    *-Dab phem ntxias Yes Xus nyob saum lub roob siab muaj hwj chim. Kom pe thiab teev hawm dab phem, ces dab phem tso yus ua tus thawj loj tshaj txhua yam. Ua tus saib tas nrho lub ntiaj teb no. Kom yus muaj koob meej.
    -Pej txoj kev uas dab phem ntxias Yes Xus.
    Niaj hnub no dab phem ntxias ntiaj teb cov thawj neeg txhua fab, nws tseem siv tib lo lus no los ntxias neeg:
    -Cov ua nom ua tswv, cov txwj laus saib yam ub yam no, cov tuam los pav ua neeg nplua nuj, cov thawj neeg tuav hauj lawm txhua fab.
    - Nyob hauv fab kev ntseeg kuj ib yam. Cov thawj neeg txheej siab nqis los rau txheej qis huv si, los poob rau cov Xib Hwb thiab pab neeg ntseeg sawv daws tas nnrho.
    -Nyob hauv Tswv Ntuj lub Koom Txoos mas Ntuj txuag thiab pov hwm txua lub caij nyoog. Tab Tswv Ntuj txuag zoo npaum no los tseem muaj cov neeg uas dab phem tso tuaj tawm tsam rau lawv mus li thiab.
    -Cov txiv muam coj dab qhuas los kuj sib xws. Dab phem coj kom sawv daws sib tawg mus ua ntau pab ntau paug. Kom tias tej dab qhuas tsis sib thooj, cia nyias nyob nyias kom txhob koom tau ua ib pab.
    Txij li thaum Yes Xus tsa Xis Moos Pob Zeb saib Lub Koom Txoos Ka Tos Liv nyob ntiaj teb no, mas dab phem yeej ntxias mus li komuaj neeg tawm tsam los txog ntua lub zwj ceeb no tsis tu ncua li.
    -Nyob hauv cov neeg ntseeg xwb los kuj muaj cov neeg
    Sib tawm tsam txog Leej Pleev cov lus tias,tej yam yog hos tej yam tsis yog.

    Lo lus xaus. Cov neeg ntseeg mas lawv yuav tsum hlob tiav, nyob hauv Leej Tswv Yim Ntshiab, mloog Leej Tswv Yim ua tus coj, tso siab rau Leej Pleev tuav txog Yes Xus lub npe los ua Tswv Ntuj tsaug uas Ntuj pab yus txhua lub caij nyoog thaum dab phem tuaj ntxias yus. Thiab thov kev nyob haum xeeb nrog Tswv Ntuj nyob mus li.
    Sawvv daws nco ntsoov tias dab yeej yuav tsis tso neej tseg yooj nyim.

    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 10th November 2012, 4:04 am



    DAB NEEG 120 XYOO.

    Zaj dab neeg puv ib puas nees nkaum xyoo yog muaj los li no:
    -Ntuj yav pem suab thaud, muaj ib tug vaj hu ua Xob Yij Leem. Nws ua neej nyob txog 100 xyoo, ces nws tuag.
    Nws cov tub muab nws pam tau xya hnub,mam kwv nws coj mus faus. Thaum kwv mus tawm rooj, cia cov xeeb ntxwv ua cov kwv tawm rooj. Cov xeeb ntxwv no lawv tsis xyuam xim. Thaum lawv kwm mus txog ntawm lub qhov rooj tag, ces lawv txawm dawm lub qhov rooj, ces lawv yawg sawv rov los.Nws rov ua neej nyob ntxiv kaum xyoo. Nws rov tuag dua. Cov tub rov muab nws pam li qub, txog hnub kwv nws mus tawm rooj, cov xeeb ntxwv rov qab phoom lub qhov rooj dua, ces nws sawv rov qab los, nws rov ua neej nyob ntxiv kaum xyoo ntxiv thiab, nws mam rov tuag. Nws tau ua neej nyob txog 120 xyoo.
    -Zaum peb no, nws hais rau cov tub cov xeeb ntxwv tias:
    Zaum no yog thaum nej kwv kuv mus txog ntawm qhov rooj tag mas nej ua twb zoo kom txhob dawm los phoom lub qhov rooj tag ntawd. Lub qhov rooj tag ntawd nws txawj ua hwj huam yees ntxwv los yog ua tau yees siv. Yog nej phoom ces kuv yuav rov sawv rov los ua neej nyob dua ntxiv, zaum no kuv qhia nej.
    -Zaum peb nws tuag, nws cov tub muab nws pam ua lub ntees tas lawv kwv mus tawm rooj, ces lawv thiaj ua twb zoo kom txhob phoom lub qhov rooj tag ntawd, ces lawv txiv thiaj li tuag mus tiag lawm.
    -Peb haiv Hmoob thiaj tau siv lo lus no tias nyob puv 120 xyoo,Ces yog tuag tiag lawm.
    Thaum muaj ib tug neeg tso lub ntiaj teb no tseg lawm mas tab yog nws txawm hluas los laus. Muaj hnub nyug ib ob xyoos nees nkaum peb caug xyoo xwb los peb hais tias, nws tau puv ib puas nees nkaum xyoo rau hnub nws tuag ntawd lawm.

    Zaj dab neeg no luag pej kum haiv neej kuj muaj tej haiv neeg paub txog xws li haiv Hmoob thiab.
    Zaj no kuv tau hnov los ntawm Muas Xib Hwb Vam Tub.

    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 12th November 2012, 8:29 am



    SAWV UA NIAM TOJ TXIV TOJ.


    Txij li xyoo 2000, los rau lub zim txwv no mus rau yav tom ntej. Yuav muaj ib co neeg sawv los ua NIAM TOJ TXIV TOJ. (Lo lus niam toj txiv tij no yog) Sawv ua saub.

    Tus sawv los ua yaj saub tiag mas nws tau txais ib lub txij ntsim tuaj ntawm Tswv Ntuj tuaj.
    _Yav ntuj pem suab dhau los mas Ntuj yeej xaiv tej tus neeg ua yaj saub kom tau cev Ntuj lo lus ncaj ncees rau ntiaj teb neeg.
    Ntuj pub txiaj ntsim hwj chim rau tus ua saub no kom pab tau Tswv Ntuj ua nws tes hauj lwm qhia kev thoob tsib thiab kev ncaj ncees pub rauneeg yaj ceeb tau hnov. Kom sawv dawsmuajkev ncaj ncees rau lub ntuj thiab daim av no. Hwm neeg lub cev ntaj ntsug nrog rau tus ntsuj plig. Saib ntxhua yam Ntuj tsim los muaj nuj nqis
    -Kev ua yaj saub mas ib lub teb chaws, los sis ib pab neeg Qaum ntuj tsuas xa ib ob leeg xwb.
    Ze ntawm xyoo 2000 los rau nyiam no mus rau yav tom ntej yuav muaj neeg cco leej sawv los hais lus li cov yaj saub thaud.
    Cov no mas luag tsis hu lawv ua saubno lawm. Cov no yog cov uas lawv hu ua niam toj txiv toj no. Cov no Ntuj kuj pom zoo rau lawv sawv los pab lub ntiaj teb neeg.
    -Vim tias lub zim txwv no, cov thawj neeg coj sawv daws los ua neeg nyob kom haum txoj kev ncaj ncees lawv kav tsis tau 100 leej lawm. Viam tias kev haub ntxias neeg kom ntshaw txog ntiaj teb tej cuab tam loj tshaj, tseem muaj kev tsav hwj chim nrog thiab. Thaum muaj tej no los laum leej tib neeg lub siab lawm, ces neeg lub siab dawb tsis txaus.
    Covthawj neeg no lawv kuj hais tau tej lus tseem ceeb kawg, tab sis hais tau xwb yoog tsis tau ua rau ntau txhiab vam leej neeg pom xyeem qhov tsis zoo nkauj. Kev ua txhaum yeej kev ncaj ncee, thiab muab kev ncaj ncees vov tas lawm.
    -Ces cov niam toj txiv toj no thiaj sawv los pab tshaj Ntuj cov lus ncaj ncees, thiab ua neeg thoob tsib.
    Cov thawj neegxws li:
    Cov Xib Hwb, cov paster, cov txiv muam coj neeg kev teev hawm tej ntawd.
    Vim dab phem lub tswv yim nts tshaj neeg lub, Dab phem xav ntxias kom neeg ntiaj teb xaiv kev ua txhaum los tawm tsam rau Tswv Ntuj tiv thaiv cov neeg siab dawb thiab lawv tej ntsuj plig kom mus cuag tsis tau Tswv Ntuj. Kom muaj neeg txaus siab ua hauj lwm rau dab phem xws li muab kev ncaj ncees zais deb neeg. Kom tsis muaj neeg nyiam kev hawm ntuj.

    -Hais tas nro cov thawj neeg.
    Tsis hais hom neeg coj kev ntseeg dab tsi li.
    Cov thawj neeg xws li cov Xib Hwb. Cov txiv muam txhua fab kev ntseeg. Puv leej yog Ntuj hu lawv thiab pub kev thoob tsib paub txog Ntuj zaj txuj ci los qhia rau neeg ntiaj teb.
    Tas nrho cov thawj neeg nyob ntiaj teb no yuav ceev faj txog peb daim phiuaj muaj hwj chim dai nyob tom lawv hauv ntej:
    1-Daim phiaj ntshaw ua neeg nplua nuj.
    2-Daim phiaj nyiam ua neeg muaj hwj chim, yus rov tsa yus ua tus loj,muaj koob meej nrog lub hwj chim.
    3-Daim phiaj rub yus mus qaug rau sab kev ua plees ua yi. Paub paub thiab pom daim ntawv nyiaj keeb puaj txwm ntawv ua niam txiv raug puag pem ntuj nqis los. Tsis hais lua tubluag ntxhais los luag li poj sev los niam yog yus li txij nkawm raug thaum ub los.

    Yus txua tej lus los hais ua kom neeg tsis to taub xws li yus txawj nrog Ntuj los nrog dab sib txuas tau lus. Los nrog tej neeg tuag sib txuas lus tau.
    Thaug ib tug thawj neeg, ib tug Xib hwb, ib tug yaj saub, los ib tug niam toj txiv toj li no lawm. Yog lawv mag peb rooj ntxiab no lawm mas lawv cov txiaj tsim hais lus thiab ua yaj saub poob tas nrho lawm, lawv hais lus los tsuas siv cov qub luslos hais xwb, tsis muaj txiaj ntsim thiab kev thoob tsib nqes saum ntuj los pab lawv lawm.
    Yam uas yuav xyuam xim thiab ceev faj feev:
    Yuav txhob coj ib pab neeg ncaim ntawm Tswv Ntuj kev nyiam kev hlub nrug mus deb Tswv Ntuj. Yog yus coj Ntuj ib pab me nyuam ncaim mus deb Tswv Ntuj mas txaus tu siab. Vim yus rov muab yus muag rau dab kom dab tau siv yus los tawm tsam rau Ntuj.

    Dab phem nws ntse heev, dab tsus ntxias yus xwb, dab tsis yuam leej twg li. Dab muab ob daim iav rau yus saib, saib yus xaiv daim twg xwb. Xws li lub teeb liab teeb ntsuab nram kev, yog xaiv tau lub ntsuab ces tsis raug tub ceev xwm nplua, xaiv lub liab ces tub ceev xwm yeej nplua xwb.
    Thaum koj txhaum lawm mas yog koj xaiv koj, dab tsis tau muab koj yuam kom nraub qaum ua xub ntiag, hos xub ntiag tig mus ua nraub qaum.
    Yog koj ua plaub rau dab mas koj yeej swb dab xwb, vim dab tsuas ntxias xwb, dab tsis tau yuam koj.
    Hais txog txuj ci los tej zaj lus neeg ntiaj teb siv mas yog nqes saum ntuj los xwb yog Ntuj qhia rau cov poj kob yawm txwv thiab rau yus xwb.
    Dab tsis tau qhia ib yam dab tsi rau neeg li txij thaum ntuj tsim teb raug los txog niaj hnub no. Cov lus hais thiab txuj ci, kev thoob tsib mas puav leej yogTswv Ntuj li xwb.
    Yav no yog kuv xav li ntawd:
    Cov niam toj txiv toj zaj lus tawm qhov twg los?
    25%Cov txiaj ntsim ntsim nrog kev thoob tsib yeej yog Tswv Ntuj ua tus muab pub rau lawv.
    25% Tuaj ntawm nws kev siab dawb kev nyiam kev hlub nyob nrog pab pawg tuaj.
    25% Tuaj ntawm nws tej kev npau suav ntuaj qhia los cov zajnpau suav tej poj yawm txwv koob qhia los.
    25%Tuaj ntawd tej zaj dab neeg los kwv huam uas tej laus hais los sis tau ua xyeem rau qhov muag pom lawd los,

    Muab sau los ua ib zaj mas kuj muaj lub zeem muag xws li ib txoj kev cai yuav zoo ntseeg txog thoab.
    Peb ua neej nyob peb tsis txhob ua rog rau ib tug leej tib neeg twg lub cev ntaj ntsug thiab tus ntsuj plig. Peb ua rog rau nws yog nws tuag hnub twg ces peb nrog nws tuag. Vim tias neeg paub tias yus tiv ib tug neeg lawm ces sawv daws tsis ua phooj ywg rau yus lawm yus tsis tau ua zoo los ua phem rau leej twg ntxiv lawm.
    Txaus tu siab, tshuav koj ib leeg lawm xwb, koj txawm mus saum ntuj los tsis muaj neeg lawv qab tuaj, Hos koj mus rau dab teb los kuj tsis muaj neeg lawv qab los thiab
    Koj mus saum ntuj los mus dab teb,koj mus ib leeg tsis muaj neeg raws koj mus, thaum koj mus txog luag hais tias koj tuaj lawm tos kom muaj neeg tuaj txaus peb mam rub rooj rau nej nyob, Luag tuaj luag tuaj tsheej pab rub rooj rub tog rau luag nyob puv lawm, luag tsis nco qab txog yus li,

    Xib Hwb Yaj Zoov Ntheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 26th November 2012, 7:28 am



    NEEG NTIAJ TEB LI TEEB MEEM.

    Cov Vaj los cov Nom Tswv muaj hwj chim no. Yog lawv lub caij nyoog tswj teb kav chaw, nyob ntev ntev hauv lawv lub hwj chim tswj teb kav chaw li qub mas yuav tsis zoo rau tsoom pej xeem.

    Cov teeb meem yuav tawm tuaj xws li:
    Lawv coj thiab tuav lub tswv yim ua huab tais, ua nom ua tswv tswj lub teb chaws nyob ntau tiam. Ces tsoom pej xeem muaj tej tus tub txawj ntse, nrog rau nws kev thoob tsib tswv yim zoo los sawv tsis taus los sib pab.

    Cov nom tswv no mas lawv ntshai tsam tsoom pej xeem ho paub txog lawv kev nyiam ntiaj teb lub cuab tam los paub txog cov ntsuag nyiaj ntsuag kub nyob qhov twg muaj. Ces lawv thiaj tsim tej txoj cai lij choj los tswj kav kom tsis tau cai mas ua tsis tau ib yam kom pom ntsuag nyiaj ntuag kub hlav tawm tuaj. Kom tsoom pej xeem zwm rau lawv, tau ua twm rau lawv laij liag, los tau ua liaj rau saum neeg nraub qaub qaum.

    Ntiaj teb lub cuab tam uas cov huab tais cov nom tswv lawv ntshaw, yog:
    Nyiaj, kub, pov haum, roj a, nplej qib txhuav ntsuas tsiaj txhu,nroj tsuag, xyoob ntoo dej av zeb tsuas. Tej no yog ntiaj teb tej cuab tam muaj nuj nqis, mam los xaus rau neeg lub meej mom hwj chim.

    Lub cuab tam no yog neeg ntiaj teb sawv daws tug. Li ntawd lub sim ceeb no thiaj muaj kev sib xeeb ua tsov rog nyob tas qhov txhia chaw. Muaj tsov rog nyob hauv lub cuab yim, los nrog rau vaim kuj teb, cov neeg tsis tau muaj zog.( Vaim kuj= pej kum teb.)
    Cov neeg muaj hwj chim lawv kheev tuaj muab tej haiv neeg tsis muaj zog fab ua ob pab kom tej kwv tij txiv tub tsis sib haum kwv tij tua kwv tij neej tsa tua neej tsa, ib caj ces ib tug poj yawm yug los hais ib hom lus muab faib ua ob lub teb chaws sawv daws sis ntxub.
    Lub teb chaws uas tej nom tswv coj li no, lawv kuj zais ntau yam, xws li:
    a-Lawv zais tej yam txuj ci kom cov neeg txom nyem kawm tsis txog.
    Hos cov tub nom mas lawv xa mus kawm kom tiav kev ua nom tswj teb kav chaw.
    b-Nyob hauv cov meeg txom nyem txawm muaj tej tus ua neeg thoob tsib txawj ua tej yam zoo muaj nuj nqis siab lo ua tsis tau dab tsi pab. Vim cov thawj neeg no lawv tau tsim tej txoj cai tsi pub hla:
    Tsim tau tej yam cuab yeej raug nuj nqis siab los tsim nyiaj tsim kub, tsim toob xib los tsim tau dej tshuaj siv kho neeg txoj sia.
    Luag tau tsim tej txoj cai tias:
    Koj kawm tsis tau nto qib mas koj ua tsis tau tej yam ub yam no. Yog koj paub mas koj qhia los rau peb:
    1-Koj muag lub tswv yim ntawd rau ib tug neeg kawm nto qib nto quas los ua thiaj tau.
    2- Los sis koj cia li tso tseg twj ywm txhob ua dab tsi mus ntxiv lawm.
    3-Yog tsis mloog hla dhau ob theem no lawm, tshuav ib txoj kev lawm xwb yam li yuav raug mus nyob txim. Vim koj kawm tsis tau nto qib nto quas los, koj tsis tau muaj cai tsim ub tsim no mus ntxiv.

    Coc uas lawv xub muab cov vaj, cov nom tswv tej cai lij choj no rhuav Yog haiv neeg Suav. Mam ua sib txuas zws mus yuav thoob qab ntuj khwb no.
    Tsis hais cov huab tais, los cov vaj txheeb txoov tswv tim coj teb kav chaw raws keeb kwm kev ua vaj zais txuj ci ntshaw ntiaj teb lub cuab tam. Mas tsoom pej xeem yuav muaj kev txom nyem ntev li 200 xyoo. Mas Tsoom pej xeem mam li sawv los hloov tau,huab tais nom tswv tej kev cai lij choj ntawad. pej xeem tsis tso siab rau cov thawj neeg nrog huab tais.

    Nyob li Thaim Kuj teb,Los kuj, Cob Tsib thiab ntau lub teb chaws nyob hauv qab kev vam meej tab tom poob raug rau zaj lus piav los saum no ntag.
    Tus Vaj thiab nws cov xov thawj ua vaj txheeb lwj txeeb lawv tseem tsis tau txawj hlub txog tej haiv neeg me Cov neeg txom nyem tsis tau muaj cai kawm txuj li tej tub nom tub tswv.
    Cov haiv neeg me los cov txom nyem lawv yuav ris kev iab kev khwv mus txog lub caij sawv daws dhuav thiab tsis tso siab rau tej nom tswv ntawd lawm neeg pej xeem hloov tau mas mam li tau zoo.

    Nyiaj txiag yog ib yam muaj zog tiag , yan li nyiaj pab koj ua nom ua tswv tau. Sawv tsheej tau ua huab tais. Tab sis nyiaj txiag muab tsis tau txoj sia rau neeg, pab tsis tau kom neeg tus ntsuj plig kom nyob dawb huv.
    Ib tug neeg ua huab tais los ua nom tswv loj nws yeej tau ntau txhiab vam leej neeg.
    Tab sis nws yuav swb txoj kev sib ntxub. Txoj kev sib ntxub no txav ti nws lub hwj chim ua huab tais ua nom tswv loj hnub twg ces txoj kev sib ntxub muab nws txoj sia coj mus zwm nrog rau nws tus phooj ywg tuag nyob ua ke tsis sawv rov los li lawm. Cov nyiaj cov kub los ntiaj teb lub cuab tam loj muaj nuj nqes pab tsis tau.
    Yog koj mua txaus koj siv thiab pab me ntsis rau cov phooj ywg nyob ze koj xwb thiaj zoo.

    Tas lub ntiaj teb no lub hwj chim ua ntiaj teb tus vaj los sim ceeb cov nom tswv loj. Tam sim no yog Mis kuj teb tau ua luag cov thawj neeg ntev dua lwm cov huv si. Twb yuav ze li 200 xyoo los lawm. Tsis paub tias nws yuav ua sawv daws txiv mus txog thaum twg los tiam twg li thiab.

    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 29th November 2012, 8:48 am



    KEV UA NEEJ NYOB LAUS NKOOS.

    Kev ua neej nyob ntiaj teb no, nyias muaj nyias phaj, los phaum neeg. Sawv daws tsis sib xws, los sib phim.
    Cov laus uas lawv muaj hnub nyoog 60 – mus txog80 xyoo, cov txiv neej feem coob lawv nyiam ib tug txij nkawm los nrog nws nyob hluas dua nws li kaum los nees nkaum xyoo. Nyob nrub siab mas lawv nyiam cov poj niam muaj lub hnub nyoog 15- mus rau 25 xyoos li ntau.
    Kuv nug 100 leej 80 leej tau teb zaj hais saum no ntag.

    Kuv hais ib lo lus txuas nram qab no hais tias:
    Tus neeg laus thiaj li phim neeg laus,lub tswv yim thiab lub siab thiaj xav ib yam sib xws.
    Hos tus hluas dua yus lawm, mas lub ncauj hais tsis tau lubcev nrog yus, tiam sis lub siab nws tsis cog rau yus tus laus no li.
    Yus tus laus mas txaus siab hlo, tab sis tus hluas ntawd nws nyob ua lub neej tsaus ntuj nti. Zoo li nws lub siab tsis muaj duab tshav ntuj ci tuaj rau nws Hl0 li.
    Cov poj niam hluas nrog rau ib tug txiv neej laus nyob tau, vim muaj tej xwm cuam tshuam txog lawv lub neej:

    a-Lawv tsis muaj kev xaiv lawm.
    b-Lawv raug lwm tus yuam.
    c-Lawv tau txais ib lub neej poob tsag dua los lawm.
    d-Lawv tau swb lus rau tus laus ib zaug lawm.
    e-Cov laus muaj teeb meem tshuav lug nuj nqes nram ntej nram ntxov lawm.
    f-Los sis lawv tsis muaj tsev neeg, tu ncua los ntawm tsis muaj tus txhawb zog. Th..

    Tiam neeg los phaj neeg nrog yus nyob ua ib tiam mas nyob ua ke zoo dua:
    Nyob tau kaj siab lug, ob leeg sib paub xam caij nyoog ib yam, siab ntsws xav tau sib dhos zoo dua. Ob leeg paub txog lub ntuj lub teb txhua yam npe nroj tsuag me kab noog nrog rau dej nag huab cua, tsis laj hais lus.

    Raws lis tej laus Hmoob hais tias nyob puv 120 xyoo mas yog qhov zoo tshaj li lawm.
    Yog muaj ib tug neeg nyob txog 200 xyoo, mas nws yuav kho siab heev:
    Nws tsis muaj phooj ywg, nws noj nqaig haus cawv los tsis muaj neeg koom nrog nws. Tsis muaj neeg xav nrog nws tham, nws hais lus luag tsis paub,luag hais lus los nws tsis to taub.
    Tej xeeb ntxwv puag tom qab lawv xav tias yawg laus yawg ruam lawm , lawv saib yus tsis muaj nqes. Lawv yuav mus qhov twg lawv tsi ua suab sab rau yus paub.
    Lawv mus tsheej hli, tsheej xyoo los lawv tsis fi ib tsab xov rau yus tus laus li. Yus nco lawv los lawv tsis muaj qhov nco yus lawm.
    Yus tus laus tham los lawv tsis mloog, lawv tham los yus tsis paub. Nyias muaj nyias tiam neeg sib txawv.
    Mas peb yuav thov nyob 120 xyoo xwb txhob thov nyob mus txog 200 xyoo. Tsam muaj kev kho siab tsis muaj neeg paub.
    Yus nyob ntev ces ua li Hmoob Sib hais nyob ntev ces raug luag tshev, luag tsis hlub yus lis tus ntsuag nyiaj ntsuag kub lawm.
    Cov laus muaj lub hnub nyoog 60- 80 xyoo thiaj yog cov lawv hais tias:
    Lawv tseem hlub thiab tshua, tseem yog neeg muaj txuj muaj ci ua neeg thoob tsib to nrog.
    Ib tug neeg laus nyob tshaj 100 xyoo rov saud lawm nws pluag kev phooj ywg, kev txheeb ze tsis muaj. Lam nyob ua lub neej kho siab khuav xwb. Tsis muaj neeg txib yus kuj tsis muaj neeg qhuas lawm. Yus zoo li tus mlom luag muab tso rau saum tej rooj tog lawm xwb, tso rau ntawd los luag pom luag twb tsis qhuas li. Nyob hauv yus tiam neeg tseem muaj tej tus nyob los luag tuaj saib tsis tau yus, hos yus los mus xyuas tsi tau luag thiab. Tus me nyuam mos ab luag tseem txhawj tias tsam tshaib plab, nqhis mis. Hos tus laus ces luag hais tias txog caij mam muab rau noj yeej tsis tuag taus .

    Xib Hwb Yaj Zoov Ntxheb.

    [




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 17th December 2012, 9:06 am



    KEV ZAM TXIM.

    Yog koj xav muab txoj kev zam txim rau lwm leej lwm tus neeg, mas koj yuav tau xyaum hais cov lus nram no:
    Thaum koj hais lus rau ib tug txiv neej, los ib tug poj niam, los sis hais rau ib tub phooj ywg.
    Mas koj yuav hais los lus tawm ntawm koj lub ncauj los, kom tsim nyog hwm nws lub npe, lub meej mom lub hwj chim kom zoo tsim nyog.
    Koj yuav txhob hais cov lus loj loj uas nrov tsis zoo rau nws pob ntseg hnov.
    Lo lus hais thiab thiab lo lus teb. Lo twg los yuav hais thiab teb, nco ntsoov hais kom tsim nyog hwm nws lub meej mom thiab saib taus nws.

    Peb sawv daws yuav xav tias, ib tug neeg twg mas thaum nws yug los ua tib neeg. Mas Qaum Ntuj yeej tsim nws zoo tiav lawm. Tsis muaj ib tug neeg yug los uas nws tsis tiav li. Nyias muaj nyias qhov zoo sib xws. Vim Ntuj yeej faib kom nyias muaj nyias yam zoo muaj nuj nqes loj.
    Tus muaj lub ntsej muag du lug xws li tus mlom nchuav tawm los, lub cev yiag ntxiag xwb los, thaum nw luag ntxhi los, nws qhov zoo nkauj tsis tawm los nyob hauv. Hos tus xeeb los nws ib ntus loj ib ntus me kuj xij. Thaum nws luag ntxhi los, mas nws qhov zoo nkauj tawm plaws los, ces nws kuj zoo tiav tib yam nkaus thiab.

    Nws qhov zoo nkauj los zoo nraug mam tawm los, ces nws kuj zoo nkauj los zoo nraug txaus nyiam, los txaus hlub kawg. Tas nro neeg tej kev zoo nkauj, zoo nraug mas tawm los nrog nws lub meej mom raws li tus neeg muaj kev zoo siab los kev chim.
    Cov kev zoo nkauj zoo nraug tawm los ntawm ntau yam;
    a-Tawm los ntawm tus neeg kev luag ntxhi.
    b-Tawm los ntawm tus neeg hais lus lub sub nrov los.
    c-Tawm los ntawm kev tsa zaj muag saib ib tug neeg.
    d- Tawmlos ntawm nws kev hais lus.
    e-Tawm los ntawm nws kev ua qav ua num los.
    f-Tawm los ntawm nws lub siab txawj nyiam thiab hlub neeg los. Th...

    Thaum koj pom tej no tas mas koj thiaj paub tias neeg qhov zoo nkauj zoo nraug nws nyob tob los nyob ntiav. Mam lis txaus hlub thiab txaus nyiam, txaus qhuas txog tiag.
    Tus tsis paub ntsuam xyuas, nws xaiv qhov kev zoo nkauj zoo nraug los ntawm lub meej mom cev yiag ntxiag los xwb, lwm hnub nws paub tau mas nws khuv xim tias nws yob neeg ruam dua lwm tus.

    Vim nws muaj tas txhua yam hais saum no mas, yus thiaj yuav xyuam xim kom tau nrhiav kev sib zam txim, rau cov neeg nyob deb los nyob ze.
    Cov nyob deb, lawv tsis nrog yus muaj kev txhaum ntau. Lawv tsis hnov yus cov lus xaiv lus cua nrog kev hais lus dab plig.
    Kev zam txim rau luag. Yog zam rau cov nyob ze koj:
    1-Zam rau yus tus txij nkawm. Tus txiv los tus poj niam.
    2- Zam rau yus tus zoo phooj ywg los zoo kwv luag.
    3-Zam rau yus niam, yus txiv, los tej tub tej ntxhais.
    4-Zam rau tsoom txheeb ze, qab zej hauv zos nrog rau tus yus paub.

    Txoj kev zam loj tshaj thiab tseeb mas yog nco ntsoov zam rau yus tus txij nkawm. Pab neeg xaiv ua txij nkawm, tsim nyog lawv yuav paub zoo.
    Kev xeeb muaj tsov rog ua kom neeg nyob tsis tiaj tus feem ntau mas tawm hauv cov neeg muaj txij nkawm los. Yog Lawv cov teeb meem li ntau, yam li:
    Hais tej niag lo lus loj loj ib lo lus xwb twb txaus ib tug txiv nyuj los txiv nees thauj lawm. Yog pheej hais tej niag lo lus hnyav li no mas tsis ntev ces nplaig ntse npaum li ntaj, los ncauj nrov npaum li rab phom, ces tes taw sawv ua tub rog, lo lus ua xov tooj cua xa lub moo sib ntxub mus thoob qab ntuj. Ua rau kev neej kev tsav tsis sib to taub. Txiav choj lov kev tu, tsis sib nug moo. Ntiaj tog qaum pes lawv nrog yus hlub, tsis kav yus yeej tsis nrauj txoj kev ntxhub li. Nyob hauv lub vaj lub tsev, rooj kuj txawj tuaj tis, tog kuj txawj tuaj tw, nws txawj ya mus rau qab plaj, hauv plag ntxhua nrho. Tej qub lus haum vam tuaj. Hais ib lo lus tuag nyob tug qaib los tug npua, Dab tsov nyob nruab zoov nruab tsuag los txawj los tsev huv si lawm. Nyob hauv tsev los dab hem koj, tawm nraum zoov los tsov tom koj.

    Ces kawg yeej yuav xeeb muaj tsov rog. Cov kob tsov rog ua yog tawm ntawm cov txij nkawm los yog ib co kob tsov rog nyuaj tshaj ua tsis txawj tas. Vim yuav tau ua tsov rog tiv thaiv ob sab:
    a-Tiv thaiv sab cev nqaij daim tawv kom txhob muaj nqaij ntuag ntshav nrog, los txhob lov tes lov taw.
    b-Tiv thaiv sab ntsuj plig. Kom txhob ceeb txhob ntshai, txhob muaj kev tu siab hloov ua neeg vwm tuag mob tuag ntsaj nyob rau kev ua txhaum rau lub ntuj lub teb.
    c- Ib nkawm niam txiv twg, yog nyob ua ke lawm yuav tau xaiv lus los hais. Hais lus yuav saib taus tus txiv los tus poj niam lub meej mom zoo thiab tsim nyog qhuas txog. Tsis hais tus txiv neej los poj niam li, nws yeej zoo txaus. Yam tsis zoo ua rau luag tsis nyiam, mas tuaj ntawm yus tus kheej tuaj xwb xws li nws kev zij ncaug ntxi muag rau luag pom, nws tsis yog los nrog kev xeeb ua neeg los li.

    Thaum Ntuj tsim neeg nws teej tsim tau zoo txaus lawm. Qhov zoo yeej yog 80% . Tshuav yam puav tsis zoo tsuas yog 20% li xwb.Yam ntawd sawv daws ua neeg nyob yuav tau sib kawm sib qhia, sib yoog. Vim tias thaum yug los nws tsis tau hnov los tsis tau paub txog. Yog sawv daws zoo tas 100% lawm mas neeg tsis muaj hauj lwm ua lawm.
    Yam tsis muaj nuj nqes:
    Yog yus tus kheej ua neeg khav theeb, pheej xev thiab txua rau tias yus zoo tshaj lwm tus,los yus thoob tsib dua luag. Nco qab ntsoov tej laus hais tias:
    Nraug txawj los nws tshuav ib qib, hos nkauj txawg los nws tshuav ib rau. Yeej paub tsis tas li.
    Yog thaum koj ua neeg khav teeb lawm mas koj yuav pluag lus los hais. Thiab pluag kev thoob tsib, ces koj yuav tig rov mus nyob li ib tug neeg ruam, tsis tau kawm dua txuj ci. Kev kawm txuj ci, kawm kom tiav koj thiaj txawj hais tau tus lus mos lus muag txaus neeg sawv daws nyiam. Koj tau kawm txhua ces koj txawj hais tau tus lus mos lus muag txaus rau lub teb lub chaw qhuas.

    Kev yuav kho tib neeg lub meej mom ntsej muag kom rov zoon kauj tuaj.nws tsis yog cov kws tshuaj kho. Yuav tsum yog yus tus kheej rov kho yus mas thiaj li zoo tiav. Nws tsis yog kho daim tawv thiab tus caj xwb.Yuav kho nrog neeg nplooj siab thiab lo lus ua ke. Ib nkawm niam txiv twg yuav kho kom zoo tiav, mas yuav tau xyaum hais lo lus mos lus muag sib pub rau tus niam los tus txiv, uas tsim nyog rau nws lub npe thiab lub meej mom txaus hwm ntawd.
    Thaum los pem ntuj los nws yeej nqa yam zoo xwb. Yus tsis txhob muab sib pleev kom dub tas, thaum dub lawm yus thiab nws tau ceb muag ib yamn kaus.

    Ob tug txij nkawm Koj yuav hwm nws, nws kuj yuav saib taus koj thiab.
    Tus kev kauj nyem tsiv siab ntawd saib los qhov twg los! Thiaj tsis haum siab:
    Tim kev plees kev yi los kev tawm rooj ua si ntau dhau zog laum. Tim kev haus dej haus cawv, quav yeeb quav tshuaj los ua neeg loj leeb tsis poob tse. Txib tsis tau, ua tsis pab, Qhov twg mas hais qhov ntawd xwb.
    Hais ncaj nraim tias tim li no kuv thiaj tau chim ces kuv tau rhuav koj rau tej phooj ywg mloog, thiab paub lawm.Kuv zam txim rau koj lawm yus rov kho yus tus khej mog. Sib hais kom to taub li no mas yog kev ncaj ncees. Tus tsis phua lub ntsiab yws tas mus li, lam hais los lus tias kuv zam rau koj, tab sis pheej khaws cia rau nruab siab, lwm hnub rov hais dua, los khaws cia ua lus cib nyeej mas tsis yog kev ncaj ncees.
    Txhob mus xyav nws lub npe rau tej phooj ywg tias:
    Nej tej txiv los nej tej poj niam ho zoo li cas! Kuv niag mas nws zoo li ub li no tiag, Wb lub neej mas xyov li lauj! Kuv tos kom nws mus txog txoj kab liab ces kuv muab nws rhuav kiag saib nws ho yuav muab nwslub ntsej muag mus zais rau qhov twg xwb ntag.
    Tus ua li no, nws txiav nws kev. Nws npuaj teg nws noog ya,nws ntaug taw ces nws nyiaj poob.

    Kev zam txim phim kev ncaj ncees, yam muaj tseeb kuj cia ua tseeb, yam cuav cia ua cuav. Cuav yeej ua tsis tau tseeb li.
    Yuav ceev faj tiag! Lub neej nyob ua txij ua nkawm, mas kev sib hlub thiab kev sib ntxub los sib law sib liag los:
    Tej niam txiv, ib tug muab kev sib hlub los hais, lwm tus muab kev sib ntxub los teb, mas tsov rog yeej tsis muaj chaw sib hais kom tus li.
    Yog kev nyob ua txij nkawm coj tus cuj pwm no, tas nkawd lub neej los tshav ntuj ziab tsis txog lub neej kom ua neej nyob kaj siab lug. Nkawd kev muaj tub muaj ki zoo li tus hma tom tus maum npau maum npua tsis tau tuag hma twb muab hnyuv lauj los loj tas lawm. Maum npua tus siab heev, yus tsis tau tuag muab yus hnyuv noj tas cia li yaim nplaig liav cia xwb tsis muab yus tom dua ib kaug kom yus tuag tso mam noj .
    Thaum poj niam xeeb tub tsis tau dab tsi zoo li tsuas tau tib lo lus TSOV TOM no xwb. Nws tu siab npaum li tus maum npua ntawd ntag

    Kev nyob ua txij nkawd nws muaj qhov tseeb thiab yam zoo kawg nkawd tsis paub muab los siv pab lub neej kom nyob tau nyob tau kaj siab tshav ntuj nrig.
    Nyob ua ib lub neej pos huab nti tsis tsim nyog yus txoj kev los sib xaiv qaws ua txij ua nkawm.
    Nyob hauv cov ntsiab lus tshwm nyob tas hauv cov txwm kwv txhiaj uas Hmoob hais, cov txij nkawm nyiam thiab ntshaw muaj yog zoo li no:
    Tas nrho cov lus haum yus siab , wb yog plees nkauj nraum ua nkauj nyob koomzej, nraug nyob koom zos, nkauj zoo nyiam, nraug zoo lus. Nkauj luag ntxhiav, nraug luag ntxhi. Nkauj swm siab nraug swm plawv.Nkauj tsw qab nraug tsw ha. Nkauj siab dawb, nraug siab huv. Tas nrho tej no puav leej yog yus li xwb. Tsis kav yus xav tau thiab hais tau, yus ho ua tsis tau ces yog yus ruam dhau lawm.
    Yog koj ua tau mas koj tau ib lub neej tshav ntuj nrig, hmo ntuj pom kev npaum nrhuab hnub ntag. Yus tej txij nkawm tshiab tas mus li tsis paub nphob.
    Puas yuav muaj10% tau zaj lus no!

    Nyiam no tab yog nej hnov los paub tau lig lawm los txhob tu siab. yog koj tsem noj mov poob plab, haus dej poob cev ces kav tsij xyaum. Tab yog xyaum tau peb hnub xwb tsis muaj yus txoj pog txoj yawg lawm los kuj yog kev sib zam txim tau lawm thiab.

    Peb kuj yuav ceev faj thiab ntsig mus rau cov phooj ywg.Qhov tseeb yog tus phooj ywg uas yus qhia siab tas nrho rau nws, tej zaum nws nyiam koj cov lus tsis tas, los sis nws nyiam ces nws muab qhuas dhau lawm.Ces nws kuj tham rau nws tus phooj ywg uas nws tso siab tshaj lawm thiab. Ces koj cov lus tawm ntawm nws mus dhau dua tod lawm ces hloov ua ib co lus tshiab tsis zoo li koj tau hais ua ntej ntawd. Ces neb rov ua yeeb ncuab. Qhov tseeb tsis yog nws thuam koj. Nws muab qhuas tshaj lawm.

    Tab txawm yog phooj ywg zoo los txhob tso siab tas nrho rau thiab. Vim tias neeg sawv daws tsis to taub, xav tias yuav tsis mus deb. Yog koj muaj lus phem los lus zoo, koj ntxhi rau luag pob ntseg xwb los luag cia li muab tshaj rau saum ru tsev pub rau neeg sawv daws hnov tau.
    Ces koj tus phooj ywg thiab koj pib npaj xeeb muaj tsov rog kuj tau.
    Ceev faj tsis txhob muab kev chim los ua kev xam khib, thiab ua kev paub tub qaug rau koj thiaj zam dhau. Tsuav yog tus nqaij tsis sem, ntshav tsis txeej. Ces sib zam mus kom tas.
    Phooj ywg yog ib yam nyob txawm rau kev nplua nuj. Thaum koj muaj lub hnub nyoog 60- mus txog 80 xyoo, yog koj tsis muaj phooj ywg ces koj yog neeg pluag heev lawm. Tus muaj phooj ywg nws yeej yog neeg nplua nuj. Nws ua neej nyob los noj tsis tas. Nws ho tuag mus los tej phooj ywg xav raws nws mus thiab.
    Tus neeg nplua nuj sab ntsuj plig, mas nws tuag mus pem ntuj los neeg yuav lawv nws qab mus, hos nws tuag mus rau dab teb los neeg kuj yuav lawv nws qab mus thiab. Tus neeg pluag tsis muaj phooj ywg nws mus saum ntuj los tsis muaj neeg raws nws mus, hos nws ho mus rau dab teb los kuj tsis muaj neeg cawm mus. Nws mtxog chaw los tsis muaj leej twg tos nws. Luag pom luag hais tias, koj tuaj txog nyob ntawm ko tos neeg tuaj txaus peb mas rub rooj rau nej nyob los zaum. Luag tuaj los luag tuaj tsheej pab, thaum rub rooj tog tas tsuas txaus luag pab xwb tshuav koj, ces koj tseem yuav tau tos dua ntxiv. Tsis paub pes tsawg niaj xyoo koj mam tau rooj tog nyob.
    Txhob tsim kev ua tsov rog. Ua rog sab cev nqaij daim tawv mas cov kws tshuaj pab tau. Hos ua rog rau sab ntsuj plig, mas cov neeg yuav pab koj nws nyob deb koj dhau kev cia siab muaj trsawg kawg. Tus neeg raug mob rau sab ntsuj plig mas yuav tsum yog tus zoo txiv muam thiaj li pab tau.

    Xib Hwb Yaj Zoov Ntxheb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 29th December 2012, 7:02 am



    LO LUS FOOM HMOOV ZOO RAU LUB
    XYOO TSHIAB FRESNO.

    Hnub no lub xyoo laus tas, xyoo tshiab tuaj.
    Tus yuav foom lus zoo rau lub xyoo tshiab no:
    Yog tus xeeb teb xeeb chaw, uas peb cov poj yawm txwv koob Hmoob yeej ib txwm paub puag thaum ntuj tsim teb raug los lawd. Nws yog tus xeeb lub ntuj lub teb.

    Cov neeg ntseeg txog Yes Xus, Lub Koom Txoos Ka Tau Liv, lawv hu ua Tswv Ntuj, los Huab Tais Ntuj.
    Lwm cov ntseeg txog Yes Xus lub npeb thiab, lawv hu ua Vaj Tswv, nws yog tus kav lub ntuj lub teb.
    Los hu ua Yawm Saub, yog tus qhia lub ntuj lub teb.
    Tas nrho cov npe no mas nws yog tib tug. Tus no kwv los puaj tiam. Nws tsis txawj tuag, tsis txawj yug, nws yeej ib txwm nyob tawm.
    Tas nrho lub qab ntuj neeg hu ua Ntuj niam Ntuj txiv, Nws yog tus siab dawb uas yuav foom koob hmoov rau peb me nyuam Hmoob xyoo no:

    Kuv Leej Yaj Tsob Hwb Zoov Ntxheb, kuv yog ib tug me nyuam Hmoob li zeej tsoom sawv daws.
    Yog tas nrho peb me nyuam Hmoob koom siab thov ces Ntuj niam Ntuj txiv yuav foom pub rau peb me nyuam Hmoob nyob thoob lub qab ntuj no.
    Peb yuav hu ib zaj nkauj qhuas txog lub xyoo tshiab no tso.
    -Hu txog ...ces hu nkauj...
    Foom Hmoov zoo.
    -Tswv Ntuj Tswv teb, kuv xub ua koj tsaug ua ntej.
    Hnub no xyoo laus tas xyoo tshiab tuaj.
    -Tswv Ntuj xeeb teb xeeb chaw,hnub no peb me nyuam Hmoob noj tsiab noj txhu quas lub niaj lub xyoo. Txais tos lub xyoo tshiab 2013 no. Tswv Ntuj koj yog tus txawj hlub lub ntiaj teb neeg. Koj siab zoo tas nrho.
    -Peb me nyuam Hmoob thov koj muab vij sub vij sw, txhua yam tsis zoo uas yog kev ua txhaum ua tub qaug rau lub ntuj lub teb, tub qaug rau me nyuam neeg ntiaj teb.Sau nrog lub xyoo laus mus.
    -Xyoo tshiab tuaj, thov koj foom lus zoo rau koj cov me nyuam Hmoob nyob thoob qab ntuj khwb no:
    -Hmoob Tuam Tshoj, Tsoob kuj li teb chaws.
    -Hmoob Xov Tshoj,Vietnam , Los Kuj. Thaim Kuj thiab cov teb chaws nyob ib ncig ntawd,
    -Yus Lauj li teb chaws. Fuaj Kuj teb chaws.
    -Mis Kuj teb chaws. Nrog Tuam Tsoom Hmoob nyob yim meem teb chaws,thoob qab ntuj khwb no.
    Dej tshiab los tau haus, qav tshiab los tau noj. Lub xyoo tshiab no kom me nyuam Hmoob txawj sisb nyiam sib hlub ua lub neej dawb huv nrog kev ncaj ncees raws lub xyoo tshiab.
    -KomMab Sua tej nom tej tswv pej xeem huab hwm, nyiam thiab hlub koj cov me nyuam Hmoob nyob thoob qab ntuj khwb no.Kom tsim nyog txais Ntuj txiv los lus foom hnub no.
    -Thov kom Leej Txiv, Leej Tub thiab Leej Tswv Yim Ntshiab foom ib lo lus zoo nqes los rau saum cov me nyuam Hmoob sawv daws. Ua li.

    Lo lus uas Ntswv Ntuj xeeb teb xeeb chaws teb los rau me nyuam Hmoob thoob qab ntuj:
    -Lub xyoo tshiab no tuaj kom me nyuam Hmoob xyaum coj lub siab dawb huv, ua neeg ncaj ncees, Tswv Ntuj los lus foom yuav los ntoo thiab roos me nyuam Hmoob. Kom txawj sib hwm,ib leeg saib taus ib leeg.
    -Cov thawj neeg ua nom ua tswv nrog rau pej xeem huab hwm Mab Sua, yuav nyiam cov me nyuam Hmoob nyob thoob qab Ntuj khwb. Cov thawj neeg ua nom ua tswv yuav coj zoo, cov yau yuav sib mloog, sib yoog mus.
    -Cov ua niam ua txiv, niam ua txiv ib zaug ntej los txiv yuav ua niam ib zaug luag thiab...
    -Cov ua tub ua kiv, tij ua kwv ntej, los kwv yuav ua tij luag lawv qab sib hlub mus...
    -Kom peb Hmoob txawj cob tej tub tej ntxhais, mus kawm txuj kawm ci kom tiav, thiaj txawj hais lo lus mos lus muag txaus lub ntiaj teb neeg nyiam no.
    -Cob tej tub tej ntxhais mus kawm txuj kom txhua, thiaj txawj hais lo lus mos lus muag txaus ntiaj teb neeg qhuas no. Tus Tswv Ntuj xeeb teb xeeb chaw hais tias:
    -Plaub ceg kaum ntuj muaj plaub tug txoov Huab Tais kav,plaub ceg kaum teb muaj plaub tug txoov Vaj los xyuas, Ib tug ces yuav yog cov me nyuam Hmoob lo mus ua no.
    Plaub cxeg kaum ntuj muaj plaub tug txoov Huab Tais tuav, plaub ceg kaum teb muaj plaub tug txoov Vaj los mus xyuas, ib tug ces yuav yog cov me nyuam Hmoob sawv los mus tuav no.

    -Peb yuav noj pluas mov quas lub xyoo laus, txais tos lub xyoo tshiab.
    Yog ntsiav mov yug neeg txoj sia, ntawm lub cev.
    -Tswv Ntuj thov Koj Foom lus zoo rau saum cov mov tshiab no. Kom lub xyoo tshiab tuaj no, me nyuam Hmoob nyob thoob qab ntuj muaj sia muaj zog uav lub neej thaj yeeb kaj lug mus puv niaj puv xyoo.
    Peb hu zaj nkauj noj mov...Tswv Ntuj ntsiav mov...
    -Thov kom Tswv Ntuj xeeb teb xeeb chaw foom lus zoo rau saum cov mov no +Thov kom Leej Txiv Leej Tub thiab Leej Tswv Yim Ntshiab lub npe los foom Hmoov zoo rau saum cov mov no. Ua li.

    Lub xyoo tshiab nationnal Fresno. Tim12-25-2012.

    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 2nd January 2013, 10:46 am



    LUB TUAM TSEV TEEV NTUJ.

    Yes Xus lub tuam tsev teev Ntuj uas cia teev Leej Txiv yog tus tseem ceeb.
    Thaum Yes Xus tuaj txog Yes Lus Xas Les. Nws chaws mus hauv lub Tuam Tsev teev Ntuj.
    Nws ntiab cov tub luam,nws muab cov rooj muag toob xib,muag tsiaj txhu pauv nyiaj ntxeev nchuav pov tseg.
    Yes Xus qhia lawv tias:
    Kuv lub tsev yuav hu ua tsev teev Ntuj. Cia rau tas ib tsoom Haiv neeg. Nej muab kuv txiv lub tsev los ua tub sab tub nyiag qhov chaw nkaum.

    Lo lus Yes Xus hais no, duav tas nrho ntiaj teb neeg,cov thawj neeg,cov Tub tshaj ntuj lus los rau txhua tus txiv muam coj neeg mus rau txoj kev ncaj ncees huv si. Vim tias cov neeg teev npe los saum no, yog Ntuj xaiv lawv los ua Ntuj tus neeg.

    Cov tub tshaj ntuj lus mus taug Leej Pleev Yes Xus txoj kev ncaj ncees dawb huv raws li qhov muaj tseeb.
    a-Txhob nrhiav hwj chim ua tus loj raws li neeg ntiaj tev kev thoob tsib nyob raws lub ntiaj teb.
    b- yuav tshaj txoj kev thoob tsib uas nqes saum ntuj los,txhob muab ntiaj teb neegt kev thoob tsib los txuam rau. Ntiaj teb neeg kev thoob tsib, thiab kev thoob tsib nqes saum ntuj los sib txawv. Vim ib fab yog kev ncaj, hos lwm fab yog kev ncaim.
    Thaum taug tau txoj ncaj, ces pab tau ntau pua leej neeg mus txog chaw so los siav. Hos tus taug tau txoj ncaim, nws kuj coj tau ntau leej yuam kev mus tsis txog chaw.
    Txoj kev thoob tsib nqes saum ntuj los nws coj kev nyiam kev hlub,kev pab kev hwm nrog los.
    Hos kev thoob tsib raws li neeg ntiaj teb coj yog tawm hauv cov tsiaj txhu lub siab los:
    Tus tsiaj pwm xia tsiaj pwm kub ntse, los heev pwj kuj xia heev pwj kub zuag.

    Sab lub cev nqaij daim tawv kuj sib txawv.
    a-Tus taug kev thoob tsib nqes saum ntuj los, nws tsis khaws kev cib nyeej, kev luag ua tub qaug los saib tsis taus yus tseg cia tuajnruab siab.
    b-Tus coj kev thoob tsib raws li ntiaj teb neeg kawm coj ua los. Mas nws paub kev cib nyeej, paub tias luag ua tub qaug nws, paub kev xam khib zam tsis tau rau leej twg.
    Hom neeg no lawv siv hmoov zeb sib los pleev ntsej muag kom sawv daws saib los yog neeg ntse thiab dawb huv. Sab hauv nrog cev dub li thee zas, nws tes hauj lwm liab li ntshav tsuas , neeg ntiaj teb 100 leej tsuas muaj 10 % thiaj mem me ntsis tias zoo li cas xwb. Kawg yog Ntuj thiab dab thiaj paub lub tseem ntsiab thiab tsom tau tshab rau sab tod.

    Cov leej tib neeg tuaj siv Tswv Ntuj lub tuam tsev, yog lawv tsis to tau zoo, mas lawv yuav coj cov tub sab tub nyiag, tuaj nyiag txhua yam hauv lub tuam tsev mus hloov ntau yam kom neeg yuam kev:
    Lawv tuaj nrhiav, hwj chim, nrhiav nyiaj txiag, koob meej, txhua yam taug kev ua neeg nplua nuj nyob hauv lub tsev teev ntuj. Ces lawv yeej yog cov thoob xwm ntawv, cov Fas Lis Xais, cov tub lag luam lub caij Leej Pleev pom ntawd ntag. Lawv muab Tswv Ntuj lub tuam tsev teev ntuj ua tub sab tub nyiag lub chaw nkaum.
    Lawv nyiag txhua yam phim kev ncaj ncees mus ua tsoos tsho hnav, xws li cov neeg dawb huv.
    a-Tswv Ntuj kev thoob tsib uas nqes saum ntuj los lawv muab txiav tawm. Lawv txua ntau yam rau tias yog Tswv Ntuj li lus thiab Ntuj li teej tug.
    b- Lawv qhib lawv lub qhov rooj thiab tej phooj ywg tej qhov rooj rau cov kas, kab mob uav mob ruas, nkag los noj tej yam tseem ceeb muaj nuj nqes uas Ntuj pub rau neeg cog nyob hauv nruab siab kom piam tseem lwj tas.
    Cov kas, kab mob uav mob ruas no, txawm yog neeg tej kev khav theeb, muab hlob, kev xam khib, paub kev luag ua tub qaug rau yus, nrog lub niag tswv yim xav npaj kev xeeb muaj tsov rog rau tej neeg txheeb ze nws. Nyob rau lub cev nqaij daim tawv los rau sab ntsuj plig.

    Tsis hais leej twg li, xam kuv tus kheej nyob rau hauv thiab.
    Cov phiaj tib neeg uas raug Ntuj xaiv los tshaj Ntuj kev thoob tsib, yog lawv nyiam txua tej yam kom muaj koob meej uas tsis nyob ze Tswv Ntuj kev thoob tsib nqes saum ntuj los, mas peb yuav ceev faj muaj ob yam no:
    A- Yog Tswv Ntuj xaiv yus.
    B- Yog yus xaiv Tswv Ntuj./
    Li cas los yeej yog lus tseeb tas, yus cog lus lawm yuav ua raws li kev ncaj ncees. Yam tsis yog txhob txua rau. Yam uas twb yog lawm txob muab txiav tawm.
    Ntuj lauj lwm yog hauj lwm dawb huv. Nws lub hwj chim ntshiab hu.

    Peb yuav hais tsis tau tias:
    Kuv muaj hauj lwm ntau, kus mus saib xyuas cov neeg ntseeg qab zej hauv zos coob kawg kuv tsis muaj caij los tsis khoom mus teev ntuj. Los kuv los coj tsis tau nej, nej nyias nyob nyias lwm zaus tso peb mam teev.

    Yes Xus zaj txi Ntuj tsis yog ib thaj txi ntuj, yeej tsov rog los yeej mob nkeeg mam los ua thaj txi ntuj.
    Yes Xus muab tas nrho nws kev txom nyem peb hnub sib law sau los ua thaj txi ntuj txhiv neeg ntiaj teb kev ua txhaum.xws li, luag liam, luag yuam. Luag ntaus, luag coj mus kev, luag muab ntsia saum ntoo cuam. Luag xuas hmuv nkaug. Tas nrho tej no los cev rau Leej Txiv tias, neeg tsis paub tias neeg ua dab tsi. Txiv koj zam rau lawv.
    *Thaum peb ib tug neeg twg mus ua thaj txi ntuj peb kuj nqa peb kev txom nyem, mus cev rau Ntuj.Xws li kev muaj txiab xeeb kev tsis txawj xav ua tub qaug ntuj los tub qaug neeg nrog kev iab kev khwv tuaj cev rau Ntuj. Kom tshem kev ua txhaum mus deb, thiab faib koob hmoov los rau peb kom peb ua neeg siab dawb huv thiaj tsim nyog cev rau Ntuj lwm zaus ntxiv.

    Tswv Ntuj cov lus tseem ceeb nqes saum ntuj los,uas Leej Pleev ua tus tshaj tawm, mas yeej muab xyaw tsis tau nrog neeg kev thoob tsib yam uas kawm ntawm tej tsiaj txhu los ib zaug li. Uas xws li yus xia yus zog loj zog nchav. Lub tswv yim no yog tuaj ntawm dab phem tuaj.

    Peb yuav ceev faj kawg nkaus rau cov neeg coj lub npe tias:
    Kuv ntseeg txog Tswv Ntuj.Yog dab phem ntxias tau ib tug thawj neeg loj coj ntau pua leej neeg, nws yuam kev ncaim tau ntawm Tswv Ntuj lawm, mas dab phem yuav ua ib lub koob tsheej lom zem lojqhuas txog nws tsheej hli..hos dab ntxias tau ib tugXib Hws los ua txhaum hla Tswv Nuj lus, mas dab yuav ua ib lub koob tsheej loj los cav txog nws tsheej lis piam li. Hos dab ntxias tau ib tug neeg ntseeg kom ncaim ntawm tswv ntuj mas dab ua ib lub koob tsheej los ua nws tsaug li pev hnub.

    Lo lus kawg peb txob siv Tswv Ntuj lub tsev los ua tub sab tub nyiag tej chaw nkaum.
    Tsis tas Tswv Ntuj lub tuam tsev xwb. Peb lub ces ntaj ntsug kuj yog ib lub me nyuam tsev ntshiab cia teev Leej Txiv nyob hauv txoj kev tseem ceeb thiab.

    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 7th January 2013, 8:20 am



    LUS QHUAB.

    Cov lus qhuab kom no, zoo hais rau cov tub ki lub caij nyoog niam txiv puv 120 xyoo.
    Ua nriav lus hais rau tsev xyom cuab.

    1-Nej tsev xyom cuab, nej txiv nws laus mus lawm, tseg nej nyob. Nej yuav sib sib hlub.
    Tus ua tij yuav hlub tus ua kwv, tam li nws tub yug. Hlub kom ti txha, txhob cia tej kwv mus ua luag zej luag zos tus puab ntsa.
    Tej ua kwv yuav mloog thiab hwm tus ua tij zoo. Nej tej kwv tij thiaj yuav tsis muaj kev tu siab mus ua luag zej zog tus puab rooj. Lo no yog nej txiv lus qhia.

    2-Nej yuav sib hlub, sib tuav tes luag ntxhwb ntxhi.Tij ua kwv ib zaug nej los kwv yuav tau ua tij ib zaug luag thiab, xab yij ceeb lub ntuj tshiab. Niaj liab me cuam sib tuav tes los mus hla tsua, luag pom luag thiaj li qhuas.
    -Nej sib hlub tuav tes luag ntxhwb ntxhi, kwv ua tij ib zaug ntej los tij yuav ua kwv ib zaug luag lawv qab. Xab yij ceeb lub ntuj tsha, niaj liab me cuam sib tuav tes los mus hla dej, luag pom luag thiaj li qhuas nej. Nov kuj yog nej txiv lo lus,

    3-Nej yuav ua neeg siab dawb, siab huv, Nej yuav rov sib zam kev ua txhaum. Qhov tseeb cia ua tseeb. Qhov cuav cia yog cuav.
    Nej yuav sib hwm, sib raug zoo. Lub Ntuj lub Teb Faj tim Tswv yuav nrog nej txiv zam rau nej, kom nej tau zoo. Nov kuj yog nej txiv li lus.

    4-Nej txiv mus rau Ntuj ceeb tsheej lawm. Nej ua neej nyob rau ntuj sua teb tom qab. Nej hais lus kom hais tseeb.Nej li ntaub nom ntawv tswv, tus nplej liag qib txhuv ntsuas,hmoov nyiaj hmoov kub yuav ntws sis laub sis lug pem ntuj los rau nej. Mab Sua thiaj tsis nrog nej txeeb.
    -Nej hais lus hais kom meej muaj qib mus muaj quas. Nej li ntaub nom ntawv tswv, tus nplej liag qib txhuv ntsuas, hmoov nyiaj hmoov kub ntws sis laub sis lug pem ntuj los rau nej. Niaj Mab niaj Sua thiaj tsis nrog nej huas no. Lo no yog nej txiv li lus.

    5-Nej ua neej nyob, nej mus kawm txuj kawm ci, kawm kom tiav. Thaum yim meem li ntiaj teb kev nom kev tswv los txog nej thiaj li tau nrog luag khiav no.
    -Kev kawm txuj kawm ci,kawm kom txhua, muaj yim meem neeg nyob ntiaj teb los ua nom ua tswv. Nej thiaj li tau nrog luag ua no.Nov kuj yog nej txiv li lus ntuas.

    6-Nej mus kawm txuj kawm ci, kawm kom thoob. Nej thiaj li tsim nyog tias yog tau xeev txwj xeev laus Hmoob xeem N... nws laus tub nyob tuaj mus sawm koob no.
    Nej thiaj li yuav txawj hais lo lus mos lus muag rau saum peb Haiv Hmoob.
    -Tej ntxhais mus kawm ci kawm kom tiav. Nej thiaj tsim nyog ua Xeev Txwj Xeev laus ntxhais hlob ntxhais ntxawm Hmoob xeem N... ntxhais nyob mus sawm txhiaj no. Nej thiaj li txawj hais lo lus mos lus muag txaus rau niam txiv zeej tsoom Hmoob nyiam no. Nov kuj yog nej txiv li lus.

    7-Nej yuav cob nej tub kom rau siab mus kawm txuj, nej caj nej ces, thiaj yog neeg nyob muaj koob muaj hmoo nrog ntiaj teb neeg li phiaj tub txawj tub ntse mus tsim nuj no
    -Nej cob nej ntxhais mus kawm txuj kawm ci, kawm kom nto ntsis. Nej caj nej ces thiaj nrog yaj ceeb ntiaj teb neeg ntxhais nyob mus tsim nqi no. Nov yog nej txiv li lus

    8-Nej niam nej txiv yug tau nej yeej yog neeg zoo Nej txhob mus xyaum quav dej quav cawv,quav yeeb quav tshuaj. Tus yeeb tshuaj ntawd yuav coj nej mus ntxooj dab vwm cawv. Ces tas nej sim neej nej yuav ua neeg lwj siab ntxhov plawv. Lo lus no yog nej txiv li lus.

    9- Nej tsis txhob mus xyaum ua neeg dag! Dag rau tej nom tej tsw, dag rau ib tug neeg twg!
    Kev dag yog ib yam phem tshaj plaws yus thim tsis tau rov qab. Nws yog kev ua txhaum hnyav.
    Kev dag nws hla mus dhau plaub txheej ntuj siab diam yam li:
    1-Txheej ib koj tau dag rau ib tug neeg los sis ib pab neeg lawm.
    2-Txheej ob, koj tau dag dab lawm tias vim muaj dab ntxias koj.
    3-Txheej peb, koj tau dag rau lub ntuj lub teb.Vim koj twb tau twv ntuj twv teb tias, muaj tseeb Ntuj pom, Ntuj paub, Ntuj hnov koj hais tseeb.
    4- Txheej plaub, koj rov dag rau koj tus kheej lawm, tias koj yeej yog ib tug neeg tsis tseem ceeb thiab tsis muaj nqis hlo li nyob tas koj lub neej. Mus txog hnub tsis muaj koj txoj yawg.

    10-Nej tsis txhob muab nej lub taub hau los ua pov thawj cog lus cuav, Qhov tseeb cia ua tseeb, yam cuav ciav ua cuav. Cuav yeej ua tsis tau tseeb. Nws tsis yog kev ncaj ncees nqes saum ntuj los li.

    11-Nej tsis txhob mus nrog luag twv plaub, twv ntug. Mus twv txiaj yuam pov. Kev yeej kev tau yog feem tsawg, hos kev swb yog feem ntau.Thaum swb lawm, yus yuav ua neeg peem tsheej neeg kob huam xyob txhiaj mus tas yus sim neej, tsis muaj suab npe muaj koob meej xws zeej tsoom neeg ntiaj teb no. Nov yog nej txiv li lus.

    12-Nej yuav ua neeg siab dawb hais lus kom lus yog ibhauv muaj kuab tsuas, cawm tau leej tib neeg txoj sia nyob ntev dhawv. Txoj kev ua neeg siab dawb pom nkev lam lug, li tus neeg muaj lub teeb tsom thooj nws pom kev nruab hnub hmo ntuj ib yam nkaus.
    Nej khaws tau cov lus no tas ces nej yuav zoo li tsob ntoo txawm nyob ze ntug dej. Nej yuav txi ib co txiv qab qab zib uas neeg txhua tus nyiam noj.
    Cov tuam los pav nyob deb nyob ze los luag yuav kheev nqi rau nej cov txiv qab zib ntawd.
    Cov roob nyiaj roob kub uas suav tsis txheeb nyob saum qaum ntuj yuav ntws los ua nej tug,
    Qib no yog nej txiv nws nrom txiaj nrom ntsig los rau nej ntag. Yog nej txawj khaws ces yuav khaws tau coj, tau nqa ,hos tsis txawj khaws ces txawm hais tas nej txiv tsuas ntshai ruj rwg tsam tug khaws tsis tau ces nws ho muab noj nqos mus tas.
    Nej txiv tus txiaj tus ntsim los npaum li no lawm mog.



    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 12th January 2013, 11:25 am



    TXOJ KEV TUAG.



    -Txoj kev tuag yog tus phooj ywg zoo tshaj.
    Thaum peb ntsib txoj kev tuag mas peb tau ntsib tus phooj ywg zoo tshaj lawm. Nws yuav nrog peb nyob mus txog hnub tswv Ntuj yuav tsa peb lub cev nrog tus ntsuj plig nyob mus li.
    -Peb lub cev ntaj ntsug ua neej nyob rau ib sab toj, hos txoj kev tuag no, nws nyob rau ib sab toj.Thaum nkawd los sis ntsib lawm ces nkawd cia li sib puag ua phooj ywg tuag mus li.


    Thaum peb ua neej nyob,lub cev ntaj ntsug no tau cog kev nyiam kev hlub nrog zeej tsoom txheeb ze thiab tsim koob hmoov tseg. Ces txoj kev tuag yuav coj peb mus txais txoj sia tshiab uas Ntuj ceev cia pub rau peb.


    Hos yog peb lub cev ntaj ntsug no nws nyiam kev ua txhaum ntau dua kev ncaj ncees, ces txoj kev tuag kuj yuav coj peb mus qhib tsis tau lub rooj ntug mus txais txoj sia kom tau ciaj nyob mus li thiab.


    Thaum ntawd tus tu siab yog txoj kev tuag uas nws yuav tsis muaj txoj sia tas mus li niaj txhiab me txhis. Txoj kev tuag thiab peb lub cev ntaj ntsug yuav sib puag tuag mus tsis muaj hnub sib ncaim.
    -Kev tsim koob hmoov yog yam muaj nuj nqis loj uas yuav txuas tau txoj sia ciaj nyob mus li tsis muaj caij tag caij kawg. Ua li mas Koob Hmoov yog ib yam muaj nuj nqis heev tiag.

    Xib Hwb Yaj Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 28th January 2013, 7:59 am



    DAB NEEG PEB TIAM.



    Zaj dab neeg no, tiam ib ua neeg, tiam ob mus ua tsiaj, tiam peb rov ua nee dua.

    Puag thaum ub muaj ib nkawm hluas nkauj hluas nraug.
    Tus hluas nraug xeeb los rau ib yim Hmoob txom nyem. Nws niam nws txiv kuj yog ib caj ces neeg zoo muaj lub meej mom txaus nyiam. Tsuas yog tias lawv tsis muaj txiag nplua nuj xwb.
    Hos tus ntxhais no, nws xeeb los rau ib yim neeg muaj txiag nplua nuj, thiab yog ib tug Xeev Laus muaj koob meej. Nyob rau teb chaws Tuam Laj Ceeb.
    Thaum tus tub thiab tus ntxhais no hlob los tiav nkauj tiav nraug. Nkawd sib ntsib, ces nkawd tau sib nyiam raug.
    Xeev Laus xav cia Xeev Laus ntxhais mus yuav cov tub nom tub tswv...Nws cia li muab nws tus ntxhais yuam mus yuav ib tug Xeev Laus nyob pem hauv zos tub tub lawm. Ua rau nkawm tub ntxhais hluas no tsis tau sib yuav.
    Tus tub hluas no nws chim siab, nws kawm ua tub rog tso nws yuav mus ncig ntuj. Tiam sis muaj tub sab muab nws tua tuag lawm. Tsis paub lub paus lub ntsis yog li cas.
    Hos tus ntxhais ces mus ua nyab, txog tom kev xwb nws de tshuaj noj, mus txog tsev xwb nws kuj tuag lawm thiab.

    Tiam ob nkawd los ua tsiaj.
    Zaum no nkawd kuj rov sib nrhiav tau. Nkawd los mus ua ib nkawm noog luv ntsuab. Ces nkawd los ua zes rau ntawm ntxwj nyoog tauv hwj txwv. Muaj ib hnub tus lau mus nrhiab noj, txawm mus ib lub paj nthuav loj thiab dav heev. Hom paj ntawd nruab hnub tawg nthuav tuaj. Hos hmo ntuj ces nws qhaws, kauv lawm. Tus lau noog ntawd nws mus nqus zib tab tom thaum lub paj qhaws mus. Nws tseem nqus zib paj. Lub paj cia li muab nws kauv rau hauv lawm, nws tawm tsis tau los nws nyob ib hmos kaj ntug lub paj mam li nthuav ces nws tawm tau los txog. Tus poj noog cem cem tus lau tias yog nws mus ua hluas nraug lawm xwb. Ces nkawd sib ceg heev, ua rau Ntxwj Nyoog mloog tsis taus ces Ntxwj Nyoog ntiab nkawd tsis pub nkawd ua ze rau ntawm Ntxwj nyoog tauv hwj txwv lawm.
    Zaum no nkawd mus ua zes rau nram roob nqeeb. Ces tsis muaj hmoo Hmoob hlawv toj tuaj kub, nkawd tau hais tias cia wb tuag nrog wb cov me nyuam lauj. Thaum hluav taws tuaj txog kiag ces tus lau hais tias ya lauj tiv tsis tau lawm. Tus lau ya plho ces nplaim taws qhwv nkaus rau tus poj thiab cov me nyuam ces lawv tuag tas nrho. Tshuav tus lau lawm xwb ces nws tsis noj kab li, nws tshaib tshaib ces nws kuj tuag lawm thiab. Tsis puab tias tus poj thiab cov me nyuam mus ua dab tsi li thiab.Tus lau los mus thawj ua Xeev Laus hauv zos tus tub . Tus poj kuj los thawj ua Xeev Laus qab zog tus ntxhais nxtawm thiab. Tus poj no nws nco ntsoov nws cov kev khib tias tus lau siab phem hais kom nkawd ob leeg nrog cov me nyuam tug ua kev. Thaum hluav taws tuaj txog tus lau cia li ya lawm tseg tus poj nrog cov me nyuam tuag tas.
    Ces Nws tsis kam hais lus rau ib tug txiv neej li. Thaum nkawd rov tiav nkauj tiav nraug tas. Cov tub txawg muaj coob. Xeev Laus qab zog tus ntxhais yeej tsis hais lus los teb leej twg ib lo lus li tsuav yog hu ua txiv neej. Tab yog Xeev laus hais los nws yeej tsis teb li. Ces muaj ib hnub Xeev laus qab zog txawm hais cov txiv neej yog leej twg tuaj hais lus yog nws tus ntxhais teb mas nws yuav muab rau yuav ua poj niam. Tas zej zog cov tub txawj tub ntse tuaj hais li cas los nws tsis teb li. Zaum no Xeev Laus hauv zos tus tub hnov li ntawd ces nws tuaj nrog tham. Tham li cas, los tham sab twg los nws tsis teb li. Xeev Laus hauv zos tub txawm hais dab neeg txog nkawm noog luv ntshuab tias:
    Thaud muaj ib nkawm noog luv mus ua zes rau Ntxwj Nyoob tauv hwj txwv tus lau mus nrhiav noj, nws pom ib lub paj nws mus haus paj zib ces lub paj qhaws nws tawm tsis tau kaj ntug nws mam tawm tau los ces tus poj cem tias nws mus tham hluas nkauj lawm xwb. Nkawd sib ceg sib ceg, ces Ntxwj nyoog mloog tsis taus Ntxwj nyoog ntiab nkawd. Nkawd ho mus ua zes rau nram roob nqeeb. Ces Hmoob hlawv toj tuaj nkawd hais haum tias cia nkawd tuag nrog cov me nyuam. Tus poj hais tias, cia kuv tuaj saum toj kub tuaj cis xub kub kuv tso mam kub nej cov txiv tub tom qab no, hluav taws tuaj txog ces tus poj cia li ya plho lawm tseg cov txiv tub tuag tas nrho.
    Ces Xeev Laus qab zog tus ntxhais cia li teb kiag tias tus ntawd ces yog koj ntag.
    Zaum no Xeev Laus qab zog tau muab nws tus ntxhais rau Xeev Laus hauv zos tus tub yuav lawm.
    Ces peb txawm khiav tuaj lawm. Tsis paub tias nkawd tuaj ua lub neej nyob rau lub teb chaws twg li tseem taug tsis tau qab li.
    Zaj dab neeg no yog, Yaj Zam Nob ib zaj dab neeg. Ua peb tiam neej.
    Tus sau.

    Xib Hwb Yaj Zoov Ntxheb.




    DimKajSiab

    Messages : 22
    Date d'inscription : 2010-03-06
    Age : 58
    Localisation : qwjNtses@hotmail.fr

    Re: XH. Yaj Zoov Ntxheb lub Tsev THOOB TSIB

    Post  DimKajSiab on 30th January 2013, 8:51 am




    Waoooooo....koj zaj dab neeg no zoo tiag tiag li os yod...ua li koj pos xav tias muaj tiag li ntawd thiab mas lov...kuv kuj muaj ib zaj dab neeg 3 tiam neeg thiab tiag, tab sis mas tam sis no nkawv rov sib nrhiav tau thiab nkawv tseem muaj pov thawj nrog paub thib tiag...nkawv zaj dab neeg no mloog mas pab tu siab kawg li thiab tus hluas nraug los yog tus Txiv mas txaus hlub kawg li os...yog xav mloog thiab no cia kuv khoo tso kuv mam li tuaj piab nawb...ok.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st January 2013, 5:59 am



    Nyob zoo Dimkajsiab,

    Ua li, yog koj muaj dab neeg thiab no tuaj hais rau peb mloog thiab rau peb tau khaws cia.

    Zoo siab uas yuav tau mloog koj cov dab neeg tom ntej.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 31st January 2013, 6:03 am



    KEV HLUB TUA TAU NEEG.



    Kev hlub nws muaj txuj ci loj. Thiab ua tshuaj muaj kuab muaj taug lom neeg tuag.
    Txoj kev hlub, nws tawg paj rau saum yaj, hos nws txi txiv rau nruab yeeb. Tsis muaj neeg yuav pom nws lub txiv txi los yog zoo li.
    Kev hlub nws txhawv los ntawm ob txoj kev:
    a-Kev hlub ciaj sia nyob mus li.
    b-Kev hlub coj kev tuag los zwm rau neeg.

    Tus neeg coj kev hlub nrog kev thoob tsib nqes saum ntuj los, nws hwm txoj kev hlub mus taug kev ncaj ncees.
    Los kev hlub mus taug ntiaj teb kev thoob tsib xwb. Mas nws kev hlub yog ib hom tshuaj lom neeg,thiab tua neeg muaj zog heev. Siv yooj yim kawg.

    1-Tus neeg muaj kev hlub nqes saum ntuj los, nws kev hlub tawg paj rau saum yaj, txiv txiv rau saum yaj tib si. Ob tug niam txiv txawj sib hlub sib zam tas nkawd lub neej. Nws tsev neeg txawj sib nyiam sib hlub, sib hwm, ua lub neej nyob haum xeeb nrog cuab kwv tij, zej zog sawv daws. Lawv muaj kev sib tso siab. Koom tau nrog Mab Sua los nrog tas nrho ntiaj teb neeg cov xeem lus uas yus kawm thiab paub hais lus tau.
    Txoj no yog kev hlub nqes saum ntuj los. Lawv coj raws li tus tsim ntuj xeeb teb los nws lub siab nyiam.
    Tsis hais seem twg los cov neeg coj kev ntseeg sab twg li. Cov no puav leej yog Qaum Ntuj li neeg los yog Qaum Ntuj me nyuam tas nrho.

    2-Cov neeg uas lawv muaj txoj kev hlub raws li ntiaj teb neeg xwb mas,lawv txoj kev hlub yog kev tsim tsov rog los sib tua,ua rau lub cev nqaij los tus ntsuj plig piam tseem mus ua dab tu caj tu ces tas huv siv.
    Yam li lo lus yuav ua daim duab no rau nej saib.
    Hais ib tug txiv neej tso:
    Koj muab koj txoj kev hlub no los hlub ntau tus phooj ywg poj niam. Koj hlub 5 tug poj niam, lawv sib txeeb koj, yuav muaj ib tug mob siab tuag. Ib tug tsis muaj tswv yim ntau xav tias koj dag nws ces nws tu siab mus dai tuag. Ib tug nws xav tias nws ua neeg ruam lam mloog koj dag siv nws lub cev xwb nws noj tshuaj tuag.Ib tug nws yuam kev rau koj nws txaj muag rau lub teb chaws nws nrauj koj. Tus kawg nws tau swb ncauj ces swb cev rau koj paub tias,tsis ncaj, nws nrog koj ua plaub thaum kawg neb muaj kev ua rau lub teb chaws xyav neb lub npe tsis zoo. Neb pom tias neb tsis muaj nuj nqes/ qhov kawg neb nyias tua nyias tus kheej tuag yam tsis tau tsim koob hmoov pub rau leej twg. Zaum no nej cov me nyuam yog ib co me nyuam muaj ib lub caj ces tsis zoo.
    Li no, tej laus thiaj hais tias, kev sib hlub thiab kev sib ntxub mas los ua ke sib law liag los. Nws tsis yog kev sib hlub los ua ntej ntau xyoo. Kev sib ntxub mam los lawv qab.
    Hos ib tug poj niam, mas nws siv nws txoj kev hlub los tua neeg mas tuag coob tshaj ib tug txiv neej, lawm ob npaug. Koj ib tug poj niam koj hlub txog 10 tus txiv neej, koj tau tua 20 leej neeg tshaj. Yog koj ua rau pab txiv neej ntawd lawv sib ua rog, ib nrab lawv sib tua, koj tua nws, nws ho tua lawv tuag. ib nrab lawv sib ua plaub txeeb koj mus ua neeg raug cuab raug kaw, vim tshuav neej tshuav tsav txheem tw ntxiab nyob tom qab. Lawv txom nyem siab ntsws. Lawv poj tub se muab lawv nrauj los cia li tso lawv pov tseg. Poj niam tsis mloog tom ntej tom qab nws cia li mus yuav txiv tshiab. Ua rau luag puas siab puas ntsws noj tsis qab pw tsis tsaug. Luag ua neeg tsis muaj ib tse neeg nws tua nws tus kheej tuag.los dai caj dab tuag, Ua rau luag me tub me nyuam muaj lub koob npe phem. Tsis muaj niam muaj txiv. Me nyuam caj ces tsis zoo. Ua rau luag me tub me nyuam muaj lub koob phem. Tsis muaj niam muaj txiv. Me nyuam caj ces tsis zoo. Yog vim los ntawm koj txoj kev hlub no ua tshuaj kuab lom neeg coob ntau npaum no.
    Hais tas nrho lus koj txhob xav tias koj tau lub npe zoo nkauj los zoo nraug rau ntiaj teb neeg qhuas no Koj tau ua kev txhaum loj heev hla hlo lub ntuj lub teb lawm.Thaum kawg koj kuj rov tua koj tus kheej.
    Tos hais tias yog kev ua txhaum loj heev, vim kev hlub, nws tua lub cev, thiab tseem tua tus ntsuj plig nrog. Thaum tas koj sim neej nyob ntiaj teb no lawm koj mus rau Ntuj Ceeb tsheej, koj yuav ris ib lub nra loj thiab hnyav heev. Mus txog ntawm rooj ntug tus yuav txheeb ntaub txheeb ntawv los saib xyuas koj lub nra, ces luag yuav tshawb tau koj txoj kev hlub neeg ntau leej ntawd. Txoj kev hlub twg lus muaj hniav riam hniv ntaj. Muaj riam phom, los tshuaj lom neeg. Muaj voj hmab voj hlua nrog muaj kev tus siab, kev txom nyem nrog plaub ntug sib xyaw pes daws nyob hauv. Cov no ntiaj teb neeg yuav caij dav hlau twb hla tsis dhau. Mus rau Ntuj kag puas yuav hla dhau mus rau Ntuj Ceeb tsheej yog lub teb chaws ntshiab huv heev, tej no yeej mus tsis dhau li od!
    Zaj lus no yeej raug txhua tus neeg siv kev hlub raws lub ntiaj teb kev kawm ua.
    Sawv daws yeej yuav tua tau neeg pov tseg xwb li. Koj tua tsis tau luag los koj tua kiag koj tus poj niam los koj tus txiv li lawm. Yog lub Ntuj tsis pab mas ntiaj teb no yeej tsuas tshuav tib co me nyuam ntsuag uas muaj tib co caj ces tsis zoo xwb li nyob.
    Nco ntsoov peb ua ib lub neej muaj cuab muaj yim peb sawv daws nyob ze zaj lus no heev.
    Ceev faj thiab thov kom peb muab kev hlub los kawm kom tseeb kom peb xaiv tau txoj kev hlub zoo los ua neej nyob rau Ntuj qab plab. Ua xis Ntuj lub siab, koj thiaj nyob kaj nyob huv.


    Xib Hwb Yaj Zoov Ntxheb.






    DimKajSiab

    Messages : 22
    Date d'inscription : 2010-03-06
    Age : 58
    Localisation : qwjNtses@hotmail.fr

    Re: XH. Yaj Zoov Ntxheb lub Tsev THOOB TSIB

    Post  DimKajSiab on 31st January 2013, 7:39 am



    Waooooooo...cas koj yuav hais tau raug ua luaj li os lov...yog tiag laud...vim qhov no kuv thiaj li yuav thov los mus nyob hauv Tswv Ntuj thiab nws leej tub Huab Tais Yes Xus lub qab hwj chim thiab thov Huab Tais Yes Xus pab ntxuav tsav txhua yam kev hlub krv phem kev qhias no ntawm kuv dhau los pov tseg kom tas mus es xwv lwm tiam kuv rov yug los ua neeg dua los kom kuv txhob nco qab txog kev mob siab kev cib nyeej mus ntxiv lawm os..kuv ntseeg tau tias ntiaj teb no tsis muaj leej twg yuav tseem tau tej kev hlub kev phem kev qhias no tawm ib zaug li, tsuas yog Tswv Ntuj uas yog Tsim lub ntiaj teb no nrog rau nws leej Tub Yes Xus xwb thiaj li yuav ntxuav tau tej no tawm xwb,tos kuv hais li no los vim yog txoj kev hlub no yog ib txoj kev phem heev rau kuv, kuv tsis xav hnov tsis xav muaj mus ntxiv lawm nas...Kev mob siab yog vim kev hlub xwb, kev hlub yog rab riam uas nkaug yus lub siab mob tshaj plaws li, yog los mad...txoj kev tuag rau txoj kev hlub kuj muaj ntau tus tuag rau kuv txoj kev hlub lawm tiag, tam sis no nws kuj rov los nrhiav tau kuv thiab los tos kuv tiag tiag li...kev hlub....yog ib txoj kev phem kev qias heev..ua li cas tej neeg ho yuav tuag tau rau txoj kev hlub thiab...? hob yau...kuv mas duav dhau lawm os....nws tuag mus los tseem ua dab ntxoog los tos yus thiab...yog vim kev hlub xwb

    thov txm os piav ntau me ntsis lawm .. kuv los zoo siav rov tuaj ntsib cov phooj ywg sawv daws thiab os.XYOO TSHIAB 2013 NO THOV KOM LEEJ TWG LOS NTSIB TXOJ KEV KAJ SIAB NYOB ZOO MUS TAS IB SIM NAWB...TIAM SIS THOV KOM COV PHOOJ YWG SAWV DAWS CEEV FAJ TIAS LUB XYOO 2013 NO YOG IB LUB XYOO PHEM HEEV NAWB MOG;;UA DAB TSI LOS XYUAM XIM NAWB MOG...!!

    DimKajSiab

    Messages : 22
    Date d'inscription : 2010-03-06
    Age : 58
    Localisation : qwjNtses@hotmail.fr

    Re: XH. Yaj Zoov Ntxheb lub Tsev THOOB TSIB

    Post  DimKajSiab on 31st January 2013, 7:50 am



    Waooooooo...cas koj yuav hais tau raug ua luaj li os lov...yog tiag laud...vim qhov no kuv thiaj li yuav thov los mus nyob hauv Tswv Ntuj thiab nws leej tub Huab Tais Yes Xus lub qab hwj chim thiab thov Huab Tais Yes Xus pab ntxuav tsav txhua yam kev hlub krv phem kev qhias no ntawm kuv dhau los pov tseg kom tas mus es xwv lwm tiam kuv rov yug los ua neeg dua los kom kuv txhob nco qab txog kev mob siab kev cib nyeej mus ntxiv lawm os..kuv ntseeg tau tias ntiaj teb no tsis muaj leej twg yuav tseem tau tej kev hlub kev phem kev qhias no tawm ib zaug li, tsuas yog Tswv Ntuj uas yog Tsim lub ntiaj teb no nrog rau nws leej Tub Yes Xus xwb thiaj li yuav ntxuav tau tej no tawm xwb,tos kuv hais li no los vim yog txoj kev hlub no yog ib txoj kev phem heev rau kuv, kuv tsis xav hnov tsis xav muaj mus ntxiv lawm nas...Kev mob siab yog vim kev hlub xwb, kev hlub yog rab riam uas nkaug yus lub siab mob tshaj plaws li, yog los mad...txoj kev tuag rau txoj kev hlub kuj muaj ntau tus tuag rau kuv txoj kev hlub lawm tiag, tam sis no nws kuj rov los nrhiav tau kuv thiab los tos kuv tiag tiag li...kev hlub....yog ib txoj kev phem kev qias heev..ua li cas tej neeg ho yuav tuag tau rau txoj kev hlub thiab...? hob yau...kuv mas duav dhau lawm os....nws tuag mus los tseem ua dab ntxoog los tos yus thiab...yog vim kev hlub xwb

    thov txm os piav ntau me ntsis lawm .. kuv los zoo siav rov tuaj ntsib cov phooj ywg sawv daws thiab os.XYOO TSHIAB 2013 NO THOV KOM LEEJ TWG LOS NTSIB TXOJ KEV KAJ SIAB NYOB ZOO MUS TAS IB SIM NAWB...TIAM SIS THOV KOM COV PHOOJ YWG SAWV DAWS CEEV FAJ TIAS LUB XYOO 2013 NO YOG IB LUB XYOO PHEM HEEV NAWB MOG;;UA DAB TSI LOS XYUAM XIM NAWB MOG...!!

    Auv..hais txog Zaj Dab Neeg 3 tiam lov...nws ntev heev li as...Zaj Dab Neeg no nws tswm sim los rau tiam no lawm, nkawv ob tug hluas nkauj hluas nraug rov sib nrhiav tau rau tiam no thiab yog tam sis no lawm tiag tiag, nkaw los piav 3 tiam dhau los los txog rau tam sis no mas sib dhos tas nrhov..li no cov neeg Laus sawv daws thiaj li ntseeg tau tias 3 tiam yav tas los yeej yog nkawv lawm tiag tiag...vim nkawv muaj chaw cim tiag tiag li, nkawv ib leeg nyob ib sab ntuj tiag..tiam sis thaum nkawv sib nrhiav sib pom duab xwb nkawv ib leeg cia li paub tias ib leeg muaj qhov chaw cim nyob qhov no rau qhov no, thiab piav txog qhov nkawv tuag los mus ntawd muaj dab tsi thiab dab tsi..Zaj Niag Dab neeg no cov laus tseem paub txog tej teeb meem ntawm nkawv ntawd tib si thiab nkawv piav los dhos tas li, yog li no thiaj paub tias nkawv yeej yog ob nkawm nkauj nraug ntawd lamw tiag tiag...qhov no kuv tsuas piav..yog li cas rau li cas xwb..hos Zaj Dab Neeg mas kuv tsis tau piav..cia lwm zaus khoom mam li piav nawb..ua siab ntev tos mloog..!!

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 5th February 2013, 7:26 am

    Nyob zoo Dimkajsiab,

    Ua tsaug rau koj cov lus koob hmoo, thov kom koj tau ntsib ev kaj siab tib yam thiab.

    Yog kawg, XH.Yaj Zoov Ntxheb yog ib tug laus neeg thoob tsib, nws hais ntau yam zoo rau Peb Hmoob coj mus xyaum ua lub neej thaj yeeb nyab xeeb. Yog tsis siv ces tsis muaj nqes yog khaws kiag rau nruab siab xyaum ua neej ces yog lub pov haum khev tshaj.

    Yog koj muaj caij no ho tuaj tham koj cov kwv huam dab neeg rau peb mloog thiab.


    Image du Blog frimousse67.centerblog.net


    MUAJ PEB TXOJ KEV SIB NYIAM.
    Muaj peb txoj kev sib nyiam lo nyob nrog txiv neej thiab poj niam nplooj siab.
    a-Yam li txiv neej thiab poj niam muaj twj ywm ib txoj kev nyiam nyob rau hauv nruab siab. tsis tau pom los twb nyiam lawm. Xav pom kom tau nyiam. Thaum mus pom kiag lawm mas lub siab nqig kiag.
    Ces nws nyob tus, tsis nco thiab tsis nyiam lawm.
    b-Nyiam ntawm lub cev nqaij daim tawv.
    c-Nyiam nrog lub cev nqaij thiab tus ntsuj plig.

    1-Kev nyiam kev ntshaw, ib tug txiv neej los ib tug poj niam, nyob hauv neeg nruab siab mas nco nco, thiab xav xav pom kawg. Kom muaj ib tug rau yus tau saib. Xws li ib tug qhua tshiab tuaj yus xav pom.
    Pom tas ces siab nqig lawm, tsis nco, tsis nyiam lawm. Hmoob sawv saws muaj qhov hais no.

    2-Nyiam ntawm lub cev nqaij daim tawv. Muaj ntau yam cuam tshuam rau:
    -Yam li raug kev yuam los ntawm lwm tus neeg, los tusntawd yog neeg muaj txiag nplua nuj. Los neeg muaj caj ces zoo. Los neeg muaj txuj ci siab. los sib hais lus, tau swb ncaj swb lus ces swb cev rau luag.
    Zaj lus no raws li Hmoob tej laus hais kam tias,noj nceb yuav taug cav. Yuav poj yuav sev, los yuav tub yuav roog yuav taug kev neej kev tsav.
    Zaj lus hais saum no, ob tug sib yuav ua txij ua nkawm nkawd tsis tau txiav txim siab zoo. Nkawd b
    nyoog raws li caj ces niam txiv poj yawm tau ua los lawd, ntau tiam, thaum lub neej nyob pluag kev txheeb kev ze. Thiab ib feem kev sib hmov tshua, ntawm cov niam txivlos.
    Txoj kev no, ua neej yuav nto tsis ces muaj kev sib dhuav:
    Vim laus tuaj tsis zoo nkauj li qub lawm. Laus los kuj tsis ntse tshaj luag thiab. Lub cuab tam kuj tsis txawv lwm leej lwm tus deb. Yam twg los puav leej tsis txaus siab li.
    Ces pib ua ib lub neej muaj tsov rog rau nws tus txij nkawm, Ob leeg txawj mus yug tsov yug dab cia tom neeg. Laus zus dab tso hlob zuj zus muaj ib feem kuj sib nrauj tau thiab.Vim thaum lub hauv paus chiv tsis tau txiav txim siab zoo, yuav raws li kev ntshaw lwm sab uas tsis zoo hais tawm. Txoj kev xav tsis raug li kev ntshaw uas yus tos. Thaum hluas ces lam yoog li tej laus hais tias, los ntawm nkauj muam nraug nus kev sib hmov sib tshua, lawv sib pub tub ntxhais. Cov mus taug txoj kev no, sab phem sab soo muaj sib npaug.

    3-Txoj kev peb, ob tug txij nkawm ntawd nkawd ob tug ntsuj plig yeej sib nyiam sib yuav lawm. Ob tug no mas muaj li tej laus hais tias nkawd ntawv txij nkawm yeej raug tau pem ntuj los lawm. Tsis hais tus txiv los tus niam li. Ib tug muaj lub meej mom zoo nkauj los zoo nraug tshaj los nkawd tsis hais, nkawd txaus siab sib hlub nyob ua ke sib hwm mus ib sim neej. Nkaum niam txiv no thiaj yog tus tseem Txiv Nraug Nab, thiab Niam Nkauj Ntsuab. Ua lub neej nyob ua ke kom nqaj nto ntuj ploog mus nto ntsis.

    Txoj kev sib qaws los ua txij ua nkawm Yog Ntuj muaj los. Ntuj tsim tau ib tug txiv neej los Ntujn yuav tsim ib tug poj niam los thiab kom sawv daws tau kev tsa cuab tsa yim. Leej twg muaj txij muaj nkawm lawm tus zoo los yuav zoo siab txais. Tus ho phem zog los kuj yuav zoo siab txais thiab, tej zaum yus daim ntawv txij nkawm no yeej txaij nraug ntau kab me ntsis los yuav txaus siab lees txais yuav. Yuav xav tias yog ntuj kawg xub zeb teb kawg rau xub ntoo, ua li dab neeg hais tsis muaj leej twg lawm tshuav poj liab los lam yuav, tshuav poj tsov xwb los kuj lam yuav lawm thiab.
    Xav kom sawv daws kawm kom paub nyias ntawv txij ntawv nkawm tas mam sib yuav ua txij ua nkawm, thiaj ua tau lub neej kaj siab lug.
    Ntawv txij nkawm yog Ntuj muab los yuav tau hwm yus daim ntawv txij nkawm no. Cov niam txiv sib nrauj tsis hwm nws daim ntawv txij nkawm, yog sib nrauj tas mas nws yuav nyob tab seeb mas thiaj yog qhov zoo raws li kev ncaj ncees.
    Tus ho txais tau daim ntawv ntuag, ua neej tsis nto ntsis mas ua lwm yam hais, yuav thov Ntuj Niam Ntuj Txiv pab txuas ntawv txij ntawv nkawm kom rov tau lub neej nyob kaj siab lug txuas mus.
    Cov nom tswv, cov thawj neeg hais cov plaub sib nrauj no muab hais los mas lawv nrog rhuav lawv ntawv txij ntawm. Los mus nrog sib kov kom cov
    ntawv ntxij nkawm no, pab ua kom ntuag ntxiv.

    Xib Hwb Yaj Zoov Ntxheb.-


    Image du Blog mamietitine.centerblog.net




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 8th February 2013, 8:17 am



    LUS SAM HWM.

    Muaj ib lo lus sam hwm rau peb cov Hmoob uas peb yog ib caj hlav ib ces ncau, thiab yog Hmoob ib tsob, kev neej kev tsav ib txooj ua ke. Tuaj nyob rau lub ntiaj teb los, lub sim ceeb no.

    Kuv tsis noj leej twg nkaub tuav leej twg lub npe. Tsis hais ib pab los ib pawg twg li lawv lub npe.
    Kuv hais nej thiab kuv ua ke. Tas nrho cov uas thaum lawv yug los ua neeg loj hlob tuaj sawv daws yog ib co neeg thoob tsib,ncaj ncees ua neeg dawb huv, paub Ntuj lus paub ntuj sia. Paub dab lus, nrog dab thiab cov neeg tuag sib txuas lus tau. Los tus hnov lwm tus cov lus, muab los ua yus li lus kom luag suav yus ua ib tug saub paub ntuj li lus.

    Tsis hais cov coj kev ntseeg hom twg los pab pawg twg li. Txawm muaj cuaj caum yim txoj kev ntseeg los tsis muaj ib tug neeg uas yuav paub tau. Yog Ntuj niam Ntuj txiv tsis xub qhia nws ua ntej.Nws tsis muaj tus paub txog cov neeg ciaj lub neej lub neej ua txhaum. Los cov neeg tuag li kev khaum. Thaum ua neej nyob zoo li cas. Thaum tuag mus lawm nws yuav raug kev txom nyem loj li cas. Tsuas yog yus mem tau tias yuav zoo li ub li no xwb. Yog koj mem tau li ub li no xwb mas koj tsis txhob muab txhais meej tias yog Ntuj qhia koj li ntawd. Nco ntsoov tias cov lus koj hais kom txhob txiav txim rau ib tug neeg twg li. Yog peb xyaum hais tej lo lus txiav txim rau tus ub tus no. Peb tsis paub peb hais mus li. Tsam tus phem twb muas tau peb los sib tawm tsam. Rau Ntuj Niam Ntuj Txiv tias, Ntuj cov me nyuam Hmoob yog cov phem tshaj plaws nyob rau ntiaj teb no. Peb tsuas muaj sib thuam peb haiv Hmoob tej kev ntseeg xwb. Koj pab raug kev tshaib kev nqhis tsis muaj nyiaj siv, tsis muaj mov noj. Lwm pab muaj nees caij muaj mov laig dab noj. Muaj dej muaj cawv haus muaj qaib qua nro poj koob yawm txwv. Peb hais cuag li peb yog tus tswv tsim neeg.
    Ua li nyob ntiaj teb no muaj pes tsawg tus uas yog Ntuj niam Ntuj txiv? Muaj tsawg tus dab xeeb teb xeeb chaw. Muaj tsawg tus zaj txwg zaj laug, tsawg tus yawm xob. Tsam me nyuam Hmoob nyob thoob qab ntuj no lawv thov kom peb coj lawv mus xyuas, ces peb ho coj tsis tau, ces cuag li peb los dag. Kom tau tawm tsam rau Ntuj niam Ntuj txiv tias peb paub tshaj Ntuj lawm. Ua li tej Mab Sua ne puav leej yog Ntuj me nyuam tas nrho, peb tsis muaj ib leej twg yuav mus pom Mab Sua tej kev txom nyem kev khaum tsuas pom Hmoob li xwb. No Hmoob thiab Mab Suas nyias muaj nyias tus Tswv tsim, los sawv daws koom ib tug xwb. Cov nraug Mab los cov Nkauj Mab kuj zoo nkauj thiab zoo nraug yog tus mus yuav Mab Sua lawm nws puas muaj kev khaum los kev txom nyem li cov uas yog Hmoob lawv rov sib yuav lawv xwb, thiaj raug cov teeb meem muaj kev txhaum kev khaum ntawd.Kuv yeej txhawj tias. Peb hais tias, peb tsis nyiam dab. Thaum peb ua neej nyob peb yog neeg. Peb tuag mus hnub twg lawm ces peb cia li mus ciaj ua dab. Tsam twb yog dab muas tau peb lawm cov lus peb hais no yog lus dab ntau xwb. Tsam muaj li cov neeg lawv ntseeg Ntuj, lawv hais tias lawv tau txais Leej ntsuj plig. Hos peb ne, tsam peb txais tau leej ntsuj dab ces peb sawv daws thiaj hais dab li lus.

    Dab li lus mas koj tsis nyiam kuv hos kuv tsis nyiam koj li od. Koj ntxub kuv kuv kuj ntxhub lawv tsis muaj chaw tas li laid.

    Kuv mloog cov thawj neeg hais lus los qhia kev thoob tsib. Twb yog kawm ntawm Mab Sua los xwb, Haiv Hmoob tsis txawj xav li mas ntshai yuav tau ua siab ntev rau Haiv Hmoob hlub lawv vim tsis muaj tus thoob tsib paub txog kev ncaj ncees phim yuav Khuv leej haiv Hmoob uas kuj yog qaum Ntuj me nyuam ib yam li tej Mab Sua thiab.

    Koj tsis txhob thawb kuv mus rau ntuj tawg. Kuv tsis txhob thawb koj mus rau yias dej kub dej npau. Tsam thaum kawg peb nyob ua ke hauv hauv tib lub cub tawg uas tsis txawj tuag tsis txawj kug ciaj nyob mus li.
    Txoj kev sib nyiam sib hlub no muaj nqes heev. Vim kev nyiam kev hlub los ntawm, tus uas Hmoob hu ua Ntuj Nim Ntuj txi. Thiab ntawm tus dab xeeb teb xeeb chaw los.Ob lub npe no yeej ib txwm nyob thiab yuav nyob mus li, nws tsis txawj tuag, thiab tsis paub tias nws yug los thaum twg los lawm. Hos lwm lub npe huab Tais lawv yug los nyob ntiaj teb thiab lawv twb tug tas lawm, peb tsuas tau lub npe los hu xwb thiab nws tej txuj ci hwj chim hwj huam lub suab npe, los qhia ua keeb kwm lawm xwb.

    Yog peb tseeb tau tias peb yog qaum ntuj li tub txib, mas peb yuav hais tib co lus uas yog cov kev thoob tsib nqes saum ntuj los hais. Thiab peb yuav sib raug zoo nrog txhua leej txhua tus. Kom phim cov neeg thoob tsib hais lus tseeb qhia rau peb Haiv Hmoob thiab qhia thoob plaws rau Mab sua ua ke. Vim tias tas neeg ntiaj teb sawv daws zoo tib yam thiab muaj siab ntsws sib xws li me nyuam Hmoob. Ntuj Niam Ntuj Txiv, los tus Dab xeeb teb xeeb chaw no yog tib tug xwb. Ob lub npe no tsis yog ob tug. Yog muaj ob tug mas nkawd yeej xub ua rog tas mam li tsim muaj peb me nyuam Hmoob los ua neej rau ntiaj teb no.
    Lub sim ceeb no yeej muaj ob tug xwb:
    Muaj Ntuj niam Ntuj Txiv Los muaj dab Ntxwj Nyoog.

    Hais tau tias muaj tus zoo, thiab tus phem.Yog Tswv Ntuj los dab phem xwb tsis muaj lwm tus lawm.
    Yog muaj ntau tus Huab Tais mas lawv yeej muaj tsov rog ua ntej los lawm ntau xyoo. Tsis txog neeg yuav ua tsov rog li.

    Zaj lus no kuv tsuas yog hais los rau peb Hmoob xav xwb, tsim nyog Hmoob yuav hlub Hmoob Ntuj twb hlub Hmoob ua ntej lawm. Txhob muab Hmoob tis npe hu ua dab los hu ua ub ua no.


    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 18th February 2013, 6:19 am

    [quote="Maiv Tooj"]

    DAB PHEM LUB TSWV YIM.

    Dab phem lub tswv yim uas niaj hnub no, nws ua puas tsav yam los cheem thiab txiav Tswv Ntuj thiab nws lub Koom Txoos kev. Kom neeg ntiaj teb tau ncaim ntawm Tswv Ntuj mus deb li yuav deb tau.
    Los rau lub zim txwv no, mas dab phem siv Ntuj los lus thiab Ntuj tus duab, los yog Ntuj cov neeg los qhia kom neeg ntiaj teb yuam kev sai.
    Dab phem siv lub tswv yim no los ntxeev leej neeg tej siab ntsws, ncauj lus los ua nws cov hauj lwm. Ces nws khaws xyeem Ntuj cov neeg thoob tsib lub ncauj los hais Tswv Ntuj cov lus dawb huv, los ntxias kom ntiaj teb neeg yuam kev, thiab kom tau tawm tsam rau Tswv Ntuj, thiab nws lub Koom Txoos, uas Huab Tais Yes Xus tsa nyob rau ntiaj teb no.
    Dab siv Ntuj cov thawj neeg muaj koob nto npe loj, kom ntiaj teb neeg mloog sai thiab ntseeg txog.
    Peb yuav ceev faj, tsam ib tug ntawd yog yus:
    Dab hom siv, cov tub tshaj Ntuj lus, cov Xib Hwb. Cov Leej Choj, thiab cov thawj neeg ua nom ua tswv los ua ib yam kab xwm muaj lub meej mom siab, nrog rau Hmoob cov txiv muam coj dab qhuas.

    *Thawj pab neeg ntseeg txog Yes Xus yog pab raug teeb meem ntau tshaj:
    Dab phem nws tau xaiv ib co neeg ntseeg txog Yes Xus mus kawm ua Xib Hwb kom tiav kiag. Kom tau rhuav cov Xib Hwb qub ua yog Ntuj Xaiv. Kuj Xaiv tej tus hluas mus kawm ua Leej Choj kom tau rhuav Tswv Ntuj cov Leej Choj dawb huv. Cov no yog cov tawm tsam rau Tswv Ntuj lub Koom Txoos Ntshiab. Lawv los ua rau Tswv Ntuj cov neeg nqa lub Koom Txoos no dawm taw thiab ris ib lub nra hnyav, mus tsis taus.
    Cov neeg raug dab xa tuaj ntawd, lawv hloov tsis tau Yes Xus zaj lus uas tawm ntawm Tswv Ntuj lub Tswv Yim los. Tab sis lawv txua ib co lus tsis haum zaj Yes Xus qhia. Xws li tej kab lis kev coj uas ib txwm txheej thaud Ntuj qhia rau tej poj yawm txwv koob, mus raws li kev sis nyiam sis hlub teev hawm poj koob yawm txwv tus Tswv tsim neeg thaud los.
    Thaum Yes Xus Tuaj nws yeej hais meej thiab tseeb cia tias, Kuv tuaj tsis yog tuaj rhuav neeg ntiaj teb tej kev cai. Kuv tuaj kho kom zoo dua xwb. Tab yog lub qhov muag dub dub nyob saum tus tsiaj ntawv i ntawd los kuv nco ntsoov cia.
    Cov koom txoos ntseeg txog Yes Xus lub npe nyob sab nraud los, dab kuj yuj tas zog rau lawv tej thawj neeg tib yam. Lawv hais tias, tsuav yog ntseeg txog Vaj Tswv thiab Yes Xus xwb ces koj muaj ntuj plig lawm koj ntiab tau dab phem kom txhob nyob nrog neeg tau lawm.Tej zaum lawv ho tau kawm tej yam los ntawm cov Fas Lis Xais ua lawv hais kam tias, tus uas dab mloog nws lus mas nws vam txog tus tuam thawj dab ces dab thiaj mloog nws xwb. Raws li xav mas neeg ntiab tsis tau dab. Phaj neeg thaum ub lawv tsis paub Tswv Ntuj lo lus zoo, ces lawv tau txhais lo lus tias ntiab dab, los lawb dab lo lus ntawd tsis meej pes tsawg. Lam siv los hais kom nkag siab xwb. Lo tseeb mas yog tias txais los coj kev ntseeg tshiab mas yog lo lus meej dua.
    Ntiab tsis tau yam li tus neeg muaj dab tub sab los muaj dab deev luag poj luag sev ntiab dab tas los tus dab ua dev ua npua ntawd, thiab tus dab tub sab tseem nyob nrog nraim nws mus li, tseem ua tub sab li qub.

    *Cov ua nom ua tswv los kuj tib yam, lawv raug teeb meem mus li tsis txawj tas li thiab:
    Dab kuj ntxias tej nom tswv, tsis hais phiaj neeg twg li. Kom muaj tej tus nom sawv los tiv, tawm tsam rau Ntuj tej nom tswv tsis tseg.
    Cov tseem nom tswv yog cov uas pej xeem, los ib pab nom tswv pom zoo tsa nws los ua tus thawj. Cov no yog Qaum Ntuj tus nom. Ntuj tshoj neeg ntiaj teb kom lawv nyiam los lawv xaiv ua lawv tus thawj. Tus txeeb ua yog nws rov tsa nws ua nom mas mus tsis taus los mus tsis deb.
    Tus tawm tsam ntawd nws sawv los hais lus dab plig tsis zoo rau tej qub nom los thuam nws lub meej mom, muab nws tej lus ntxeev ua lus phem. Coj tej pab neeg nrog yus xyav tej nom tswv lub koob meej, nyob hauv nws tus kheej los nws ntiag tug li teeb meem. Kom luag tau poob hwj chim, yus yuav tau ua tus loj los hloov nws chaw.
    Tus neeg no nws txawm ua nom loj los nom me, nws tseem tsis tau paub txog tias cov nom tswv tseem ceeb yog Qaum Ntuj cov nom tswv.

    Cov neeg zoo li no lub caij nws tseem tab tom muaj zog, ntawd Qaum Ntuj tsis quav ntsej txog. Nws txawj npaum li cas, cia nws siv kom tas nws lub peev xwm lub zog los tawm tsam, tseem cia tej pab neeg coob los cav lus zoo txog nws thiab, kom nws tau zoo ua nws tes hauj lwm ntawd kom tiav.
    Nws tes hauj lwm yuav tiav rau hnub tus nws tawm tsam rau ntawd txoj sia tas.
    Thaum tus uas nws tau tawm tsam ntawd tuag lawm, ces tas puav tsav yam tiav log li lauj.
    Tus tuag los tas, hos tus tawm tsam rau tus tuag los tiav meej hlo li.
    Tus tawm tsam rau ib tug neeg uas yog Qaum Ntuj li tus thawj neeg, Ntuj tus neeg tuag thaum twg ces nws tuag hnub ntawd thiab.
    Thaum ntawd, dab los tsis pab, neej kuj tsis pab li thiab. Dab tsuas siv nws los tawm tsam rau tib tug ntawd xwb, neej los xav ntsia nyuj sib nraus xwb tsis qhuas tias yeej ces yog peb tus.
    Neej thiab dab tsuas siv nws ib zaug xwb tsis siv nws mus ua nyuj nrau cuam dua tshiab lawm. Tab yog nws tseem muaj txoj sia nyob los xws li nws hwj chim los tas tuag nrog nws tus yeeb ncuab ua ke lawm.
    Muab hais los mas nws txom nyem siab dua.

    a-Nws tau thuam Ntuj ib tug neeg thiab Ntuj tes hauj lwm uas Ntuj muab rau tus neeg ntawd ua.
    b-Dab muas tau nws yooj yim li tus tsiaj tsis muaj nqes. Ces dab tso nws pov tseg.
    c-Ntiaj teb neeg sawv daws tsuas nyiam saib nyuj sib nraus xwb, neeg yeej nyeem tau hauv tus tawm tsam no tej nplooj siab uas dawb huv paub tas.

    Leej twg ua yam twg, nws yuav tau txais yam ntawd. Thaum koj nrau cuam mas koj yeej xav tias yuav tau txais paj tshab loj tsim nyog rau neeg ntiaj teb qhuas.

    Nrau cuam tas koj tus nqe zog uas luag muab los ntiav koj no yog ib txoj kev hwj chim tas. Ces cia tsheej ib txoj dab neeg tias koj tau nrau cuam nrog tus yawg ntawd.

    Ces ua rau Keeb kwm dab neeg caj ces haiv neeg txoj hmab tsis koom ua ib txoog, txoj hlua kuj tsis koom ib txoj, uas khi rau lub yis plawv Ntuj dauv los mus rau ib haiv neeg nyob rau saum lub sim ceeb no tias lawv zoo sib xws li vaim kuj cuab haiv neeg ib yam li Mab Sua.

    Xib Hwb Yaj Zoov Ntxheb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 21st February 2013, 7:30 am



    KEV NTXUB YOG KEV TUAG.



    Kev sib ntxub yog kev tuag, ib tug neeg uas nws muaj txoj kev sib ntxub no ris rawv nyob hauv nws lub neej. Mas nws npaj ib txoj kev ua tsov rog los tiv thaiv nws lub cev thiab tus ntsuj plig kom tawm tsis tau los ua neeg dawb huv xws li zeej tsoom. Cuag li nws tua nws tuag.

    Ib tug neeg muaj txoj kev sib ntxub no los ris, mas nws ua tsam rog twg los zoo li nws yog tus yeej mus li xwb. Nws yeej tab meeg mus saum yaj mus kom ntiaj teb neeg sawv daws pom thiab paub tias nws yog neeg muaj peev xwm. Nws siv ncauj pauv ncauj, hniav pauv hniav, nrig pauv nrig.
    Ntiaj teb kuj muaj ib feem qhuas tias, nws muaj peev xwm, thiab yog neeg ntse. Feem coob luag paub tias nws ruam ua neeg thoj chim. Lam yuam cai ua yam tsis tseeb li.

    Ib tug neeg ceev txoj kev ntxub no nyob hauv nruab siab. mas nws nyiam ua tub sab, vim nws muaj khib heev tsuas yog nws tsis hais tawm los xwb. Nws tsis nyiam kom leej twg muaj tshaj nws. Ces nws siv lub tswv yim ua tub sab los tsav nws kev nplua nuj. Tab txawm ua npaum li cas los txoj kev ua tub sab, tsis yog kev npua nuj, los tau ntau kuj mus ntau. Los tau tsawg kuj mus tsawg. Tsis muaj chaws kaj siab li.

    Nws nyiam ib lub meej mom loj li cov ua nom siv hwj chim. Nws kev noj, nws nyiam noj xws li ib tug tuam los pav.
    Hom neeg coj kev sib ntxub tsis tsug li mas nws tsev neeg vam meej npaum li cas los nws muab txo kom liam txwv tas:
    Cuag li yus los cob yus tsev neeg sib kawm ua tsov rog. Kawm tiav ces, nws yuav ua rog rau poj niam, los tus txiv,cov me nyuam kom sawv daws tsis sib haum ua kom ib leeg tsis xav mloog leeg. Lawv cov lus yog ib co mus txwv los ntsis riam phom raug leej twg los yeej mob li.
    Muaj ob txoj kev mus:
    a-Tas tsev neeg yuav sib ua rog nyias tawg nyias mus ib ntug tsis taug tug qab. Los sawv daws vwm tas nyob tsis muaj ib tse neeg xws luag.
    b-Tas tsev neeg muab nws pov tseg,lawv ncaim lawv ua ib pab mus tsis saib nws yog thawj neeg los yog niam tsev hauv lub cuab yim neeg ntawd.

    Hom neeg coj nraim kev ntxhub no nws yog hom neeg nyiam taug xai rau luag hnov. Nws muaj ob yam nyob txawm hauv nws nruab siab:
    a-Nws xav kom sawv daws tuaj nws tog los nplij hlub nws, thiab qhuas txog nws.
    b-Nws xav xyav cov tawm tsam nrog nws tias nws yog tus yeej tas nrho. Vim tias lawv yeej yog ib pab neeg phem xwb.

    Nws lub tswv yim mas yeej ua rog tua neeg lub cev thiab tus ntsuj plig kom tuag mus tseg nws tib leeg ua neej nyob rau ntiaj teb no xwb.
    Tus neeg coj li no nws txoj kev ua tsov rog tsis muaj teeb meej loj li tus muab txoj kev hlub los tua neeg. Vim tias hom kev ntxub no, neeg ceev faj txaus neeg sawv daws zam nws kev deb.
    Thiab ib tug neeg nws ua rog rau, cov sab nraud nws tsuas ua tau ib zaug xwb. Cov nws ua ntau yog nws tsev neeg ntau.

    Hom neeg zoo li no, nws nyiam hais lus dag tsis muaj tseeb. Qhov nws dag no, vim nws xav kom luag cov tsis paub qhuas nws. Lwm yam tuaj nws hais kom luag rog nws pab nws ntxub cov uas nws ntxhub kom lawv lub npe nto mus rau sab phem.
    Hnub kawg tus neeg no yog nws ua ntej los yeej tsis muaj neeg lawv nws qab mus li. Hos nws lawv qab los tsis muaj neeg kam tos nws.

    Hom neeg coj kev ntxub nrog nws mas tab nws nyob laus nkoos los nws txoj kev ntshaw, nyiaj los muaj tsis puv hnab, mov noj los yeej tsis puav tais li.
    Poj niam me nyuam, los cov txiv tub muab yus tso pov tseg tas. Phooj ywg luag zam kev tas nrho sawv daws. Luag tsis koom yus kev taug.
    Lub neej tuaj nyob ntiaj teb no ib sim neej nws raws tsis tau leej twg li. Tab yog tsiaj txhu los nws raws tau tawb quav lawv tso thaum lawv dua kev xwb.

    Xib Hwb Yaj Zoov Ntxheb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 22nd February 2013, 9:28 am




    LWJ TXHEEB VAJ POV YOG HMOOB TUS NOM.



    Hmoob thoob qab nyuj cav lus zoo txog Yawg Lwj txheeb Vaj Pov yog yog Hmoob tus huab tais.
    Qhov tseeb yog lawm, tas ntiaj teb Mab Sua tau lees paub tias Vaj Pov yog Hmoob tus nom. Dua li cov mas ntiaj teb paub tias lawv yog Hmoob cov thawj neeg xwb.
    Yawg Lwj txheeb Vaj Pov nws pib sawv ua nom lub caij Los Tsuas teb muaj kev kub ntxhov txog kev ua tsov rog. Vaj Pov tau sawv los tiv thaiv teb chaws Los Tsuas ntawm kob tsov rog nro cov cov Nyaj Laj liab, kom Los Tsuas teb tau nyob thaj yeeb. Thiab coj Haiv Hmoob nce ib qib hauv kev vam meej kom raws tau tej Mab Sua, kom Hmoob sawv daws muaj kev ywj pheej sib xws li neeg nyob qab ntuj no.
    Xyoo 1960 los txog rau xyoo 1975 ntawd. Yawg Vaj Pov nws tsis muaj txuj,xws li ib tug tub kawm txuj los, los nws muaj Hmoob tsoom poj yawm, cov txuj Hmoob thoob tsib nyob rau nruab siab raws li ntuj coj qhia nyob hauv Hmoob keeb kwm cov thawj neeg Hmoob uas tau muaj keeb kwm neeg tau cav txog lawv ua ntu zus los, txij thaum Hmoob thiab Suav muaj kev ua tsov rog los mus muaj ntau tiam.
    Yawg Lwj Txheeb Vaj Pov Nws yeej muaj Qaum ntuj kev thoob tsib nrog. Lub caij nws nce qib ua nom ntawd, nws yog Qum Ntuj ib tug thawj nom. Yog Qaum ntuj tau tshoj Mab Sua siab kom tuaj txawb Vaj Pov ua nom, nrog Mab Sua. Kom tau coj Haiv neeg Hmoob nce ib txheej hauv kev Vam meej kom raws tau tej Mab Sua.
    Hmoob toj siab pib kawm nawv Los Tsuas,ntawv Fuaj Kuj, ntawv Yeeb Kuj,(Mis Kuj.) xyoo 1960 los txog xyoo 1975 ntawd. Twb muaj cov me nyuam Hmoob nrog Cov Mab Sua pej kum neeg ua hauj lwm tau tham sib nkag siab zoo. Nyob hauv 15 lub xyoo ntawd tsoom Hmoob nyob Los Kuj teb,65% paub lus Los Tsuas, feem ntau yog cov tub ntxhais hluas thiab cov txiv neej yawg. Vim muaj hauj lwm rau lawv ua:
    Cov me nyuam yau mus kawm ntawv hauv tej tsev ntawv. Cov tub ntxhais hluas mus ua tub rog los mus ua kws kho mob tau pab niam txiv pej xeem, thiab mus ua tub qhia ntawv rau me nyuab Hmoob nyob zos toj siab. Cov laus muaj cuab yim puav leej mus ua tub rog tas. Thaiv lub teb chaws los pov hwm tej poj niam me nyuam nyob hauv zos.
    Tej zej zog Hmoob pib xyaum ua kev lag luam. Lawv pib ntawm ob peb tug qaib,ob peb lub qe ib ob pob piam thaj qab zib liab ntsuab mus, mam loj zuj zus mus rau tsev ua mov noj, tej kiab khw muag toob xib puaj yam, rau ntaub xov ntawd.
    Xyoo 1975 ntawd twb muaj me nyuam hmoob kawm txuj mus txog txheej Docteur, Ingegneur lawm. Twb muaj cov me nyuam Hmoob tau tawm mus kawm txawv teb chaws coob leej tsis tau suav tias muaj pes tsawg leej. Cov coob lawv tau mus kawm Fuaj Kuj teb, Mis Kuj teb, Canada teb thiab Lav Xias teb.
    Cov tub rog xan hnub qub ib mus txog hnub qub tsib muaj coob leej, lawv kuj muaj zoo meej mom.
    Cov tawv zos, cov tswv kav cheeb tsam, los rau cov tswv nroog uas yog tus Hmoob kav muaj ntau leej tau tus nrog Mab Sua muaj meej mom sib luag sib txig.
    Hauv tej zej zog, tej kev tshuam, muaj kev lag luam txais qhua tawm rooj taug kev muaj chaw noj chaw haus, taug kev tsis tau ntim su nrog.
    Hmoob kev mus tsham kwv tij neej tsa,mus los yooj yim.
    Lub caij Vaj Pov ua Hmoob tus Thawj nom no nws coj kev haum pheej rau txhua lub xeem. Nws tau tsa muaj kev txwj neeg laus los daws poj niam me nyuam kev tsis sib haum xeeb. Nws hwm Hmoob kev cai dab qhua zoo, tsis hais neeg coj kev ntseeg sab twg nws fim tau tas nrho.Cov kev ntseeg muaj nyob ntawd nws cov neeg:
    Muaj kev ntseeg raws li poj koob yawm txwv coj. Muaj cov kev ntseeg Phus Thas,kev ntseeg Ka Tau Liv thiab kev ntseeg Protestan. Nws tsis tau thuam leej twg, nws tsuas kawm saib, pab twg puas ua ncaj ncees raws li Qaum ntuj qhia ua xwb. Nws mus qhiab tas nrho sawv daws tej tsev teev hawm uas neeg nyiam.
    Yawg Lwj Txheeb Vaj Pov tau coj tsoom Hmoob sawv tshais mus ib ruam tom ntej muaj tas nrho tej yam piav saum no los huv tib si. Kuj muaj lwm tus tau pab Hmoob thiab.Yam pej kum haiv neeg pab los yeej muaj txiaj ntsi ntau heev. Tab sis yeej los zwm rau Vaj Pov lub meej mom no ua kev.

    Yam tseeb mas peb yuav hwm. Sawv daws tsis hais leej twg npe tuav leej twg nkaub. Txij no rov yav tom ntej mas peb yuav tsum ua neeg paub tab dua ntuj yav peb suab uas peb hnov tej dab neeg tias, Hmoob cov huab tais thiab Hmoob cov thawj neeg thaud raug hmoob muab muag rau Suav kom Suav tau tsa nws ua hmoob tus thawj nom. Thaum suav tau thawj tug nom hmoob tas ces Suav xa yus lawv qab mus hais plaub rau dab teb. Haiv Hmoob liv xwm los keeb kwm yeej muaj hais li ntawd los nyob Suav teb los mus rau Los Tsuas teb tib yam.
    Cov thawj neeg no, lawv muaj kev txhaum rau ntuj thiab rau neeg. Lawv cov kev txhaum ntawd tuaj ntawm lawv tus kheej tuaj mas tsaus yog 20% li xwb. Yam no zoo li nws paub tsis txog los kawm tsis tau tas. Tshaj saud yog cov txhaum los ntawm nws cov phooj ywg los cov txheeb ze thov kom nws ua, ntau yam nrog kev pub hwj chim pub meej mom koob meej rau lawv. Nws tsis ua los tsis muaj phooj ywg txheeb ze ua los yog kev txhaum. Nws tsis paub txiav txim siab kom haum, mas nws thiaj tau ua tej yam paug rau neeg qhov muag los paug neeg pob ntseg li ub li no. Ntuj kev txiav txim tsis muaj leej twg paub tau yam tseeb. Yus twb tsis paub tias yus ua txhaum loj los yau hnyav los sib yus txhob lam twv tias luag muaj txhaum. Cia lwm tus tuaj twv yus.los lawv yeej hais tias yus muaj txhaum ntau kawg li thiab xwb.

    Tus ua Ntuj hauj lwm kuj xav kom Ntuj hlub, hos tus tau pab neeg kuj xav kom neeg qhuas. Ua hauj lwm rau Ntuj raug Ntuj nplua, ua hauj lwm pab neeg losraug neeg ntxhub mas yuav xaiv txoj twg thiaj zoo.Qaum Ntuj pub txoj hmoov zoo lis cas los txais yuav li ntawd.
    Thaum yus twv tsis yog, kuj ib yam li yus xyav ntuj ib tug neeg lub npe los lub koob meej phem.

    Tseem tshuav tus Vaj Hmoob tsem yuav los tom ntej no thiab. Peb tseem yuav tos thiab kom tau hwm nws zoo. Vim txij no mus Hmoob tsis yog hu ua Hmoob teb chaws lawm. Hmoob yuav hu ua Hmoob qab ntuj no mus yav tom ntej.Tus Vaj Hmoob no tsis yog tus zoo li thaud tej laus xav lawm tias: Nws nqes saum ntuj los, nws yuav nqa ib rab ntaj luaj daim nplooj tsawb. Ris ib lub yias muaj yim daj puag ncig. Muaj ib hnub Nws yuav nqes los tiag. Tus no yeej yog ib tug me nyuam Hmoob so ntswg tav toj li zeej tsoom me nyuam Hmoob. Nws yuav nrog Mab Sua pej kum neeg kawm txuj ci li luag. Thaum nws kawm tiav lawm. Ntuj yuav tshoj tej Mab sua Tuaj pov ntawv rau nws ua Vaj. Tiam sis nws yuav tsis kav Hmoob xwb. Nws yuav kav Mab Sua ua ntej tas, mas nws mam li kav Hmoob nyob tom qab. Vim tsis muaj teb chaws rau Hmoob nyob. Hmoob muaj qab ntuj nyob, Hmoob yuav ua Huab tais kav qab ntuj neeg. Tus duab thiab tes hauj lwm yuav zoo li Vaj Pov thiab. Vaj Pov twb muaj ib feem Kav Mab Suav nrog Hmoob.
    Tus Huab tais yuav los tshiab no, yog kav Hmoob xwb mas peb hnub xwb twb muaj xais lus lawm. Tos peb xyoo ces yuav muaj tsov rog loj, li tej laus hais ntuj thaum ub tias:
    Ntuj yuav ntxeev teb yuav nphau.Tus npua muaj tsib cheej hla tsis dhau tus dej liab. Thaum tus npua muaj tsib cheej no hla dhau tus dej liab mas Hmoob cov seem yog cov mus kiav haiv kiav xeem ua mab sua lawm xwb. Cov tseem Hmoob hais lus coj txuj ci li Hmoob tsis muaj nyob lawm. Hmoob sawv daws rov qab mus thov ntawv thawj thiab dua saum ntuj tas lawm.
    Vim tus Vaj Hmoob no nws tsis paub hmoob txuj ci thiab lub xeem Hmoob thaum nkauj Mim xeeb Hmoob los kheej qas lwb qas lam xws li lub taub, luaj li lub tog ntawd.

    Kuv tus sau cov lus no kuv tau sau Lwj Txheeb Vaj Pov lub npe kom zoo qhib lo lus thiab zaj hais xwb. Nej sawv daws tsis txhob xav li cas. Kuv txawj hais los kuv kuj tsis txawj txhais ho siab leej twg los txhob muab ntaus nqis mus ua lwm yam lus tsis zoo paug rau nruab siab. Kuj zoo cia ua ib zaj me nyuam dab neeg tseg rau tej me xeeb ntxwb yob tom qab paub txog.

    Xib Hwb Yaj Zoov Ntxheb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 26th February 2013, 9:17 am



    KEV NCAJ NCEES NROG KEV NTSEEG.

    Ib tug neeg muaj kev ncaj ncees nyob hauv nws tus kheej. Thiab muaj kev ntseeg nyob txaum rau nruab siab. Nws tus kheej yog neeg tseem ceeb muaj nuj nqes tseeb. Yam nws ua thiab hais mas ua tawm hauv nruab siab los thiaj yog kev ncaj thiab ntseeg tseeb.
    Koj lam ua neeg ncaj ncees, tsis muaj kev ntseeg khov ntseeg ruaj tawm hauv nruab siab los. Koj yog ib tug neeg khav theeb dawb xwb tsis muaj ib yam yog tseeb nyob hauv koj.
    Muaj ntau leej neeg, nws hais lus xws li neeg ncaj ncees, nws tsis muaj ib yam kev ntseeg khov nyob hauv nws nruab siab. Nws lam hais ib co lus rau cua tshuab kom paug luag pob ntseg rau neeg ntiaj teb qhuas dawb do, tsis muaj yam tseeb.

    Neeg ntiaj teb yeej tsis muaj ib tug yuav zoo tas nrho. Nyias yuav tsum kho nyias tus kheej mus li kom sawv daws sib yoog tau.
    Txhob lam ua hom neeg uas lam muab hmoov zeb sib los zas daim tav kom dawb xwb, thaum raug dej ntub ces yuav muaj neeg pom tias, yus tsis yog neeg dawb huv nruab siab nruab txha tuaj.
    Ib tug neeg ncaj ncees muaj kev ntseeg khov. Nws muaj peev xwm. Thaum muaj ib pab muaj kev sib cav sib ceg nws mus nyob nruab nrab tau, nws cheem tau plaub ntug, tu plaub rau luag tau.
    Thaum nws paub tias nws tus txiv los tej thawj neeg muaj kev sib tham tseem ceeb, muaj teeb meem nws txawj cheem nws tus kheej kom muaj caij nyoog nws mam tham, tsis txiav neeg kev sib tham.

    Ib tug neeg muaj kev ncaj ncees thiab kev ntseeg. Mas nws ua yam twg, yog ua rau kom tsev neeg vam meej.Nws muaj kev zam txim rau sawv daws.
    Ob tug niam txiv hais lus tsis tom thawj los tsis ua li cas lees txais yuav.
    Tej Kwv tij, tij ua tsis yog lawm los tsis ua li cas. Kwv ua tau tsis raws lawm los tsis ua li cas.
    Tej laus hais tias:
    Nyuj kub tsis hnyav nyuj hau, nyuj tw nplawm nyuj cev tsis mob. Lo lus no muaj nuj nqe thiab tseem ceeb heev. Sawv daws yuav sib zam txim, sib yoog kom dhau. Ib cuab kwv tij, ib hom roj ntsha, tsis sib hwm. Lawv yog cov neeg tsis muaj kev ncaj ncees kev ntseeg khov nyob hauv lawv li.
    Tus tuav kev ncaj nces muaj kev ntseeg khov nyob hauv nruab siab nruab plawv. Cov yog niam yog txiv, lawv txawj sib zam rau tej tub ki. Cov tub ki, ua tub ua nyab, ua ntxhais ua vauv yuav txawj nyiam txawj hlub cov ua niam pog txiv yawg.
    Noj tsis cais tsum, khoom siv tsis cais chaw. Tsis cais lauj kaub tais diav noj. Ntxuav tais diav tsis txhob ua nrov, nrij nrawj nthij nthaj. Tej laus tsis pom qab nyob

    Kev yuav tau koob hmoov. Yuav tau koob hmoov yog lub caij tseem ua neej nyob xwb. Tsis yog thaum niam txiv puv 120 xyoo. Mam mus thov ib tug neeg laus tuaj ntuas. Yus ntxhos caug pe xyom ces yuav tau koob hmoov. Niam txiv txawm tuag lawm los nws yeej nco ntsoov thaum ua neej nyob tau kev iab kev khwv, kev txom nyem npaum li cas. Nws nco ntsoov cia, tias, tej tub ki muaj kev ncaj ncees nrog lawv kev ntseeg nyob rau nraub siab muaj tseeb los cuav.
    Lub ntuj daim av thiab neeg ntiaj teb yeej muaj kev ua pov thawj txog nws kev ncaj ncees tseg cia tas lawm. Nws tawm los nrog kev tsis txawj sib hwm sib zam. Yuav ua li cas thiaj tau txoj hmoov zoo.
    Yog niam yog txiv, yog kwv yog tij luag tsis nthuav rau leej twg paub. Yog neej yog tsav thiab yog phooj ywg mas luag twb hais tias , lawv noj dua nqaij daig dab los haus dua cawv dig nru lawm.Tus neeg nws tsis muaj kev ncaj ncees, kev ntseeg khov rau nws tus kheej. Ntuj los tsis nyiam. Dab los tsis yuav. Nws yog cov uas tus phem siv ua nws tub teg tub taw los rhuav kev ncaj ncees, txiav txoj kev mus ua neeg zoo dawb huv, kom mus tsis txog Ntuj ceeb tsheej. Tsuas muaj tib txoj kev coj nws mus zwm kev tuag ua dab tu caj tu ces mus li lawm xwb.




    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 5th March 2013, 9:12 am



    PE TSIAB


    Kab ke pe tsiab, yog Hmoob ib yam txuj ci kev teev tiam tej niam tej txiv, tej pog yawg, los tej nom tswv laus tau ua luag thawj neeg tau ntau xyoo los lawd.
    Thaum lub xyoo laus tas, Thawj hnub ntawm hnub xiab ib. Hauv lub xyoo tshiab. Cov tub ki, cov hlob cov yau,nrog tsoom xeeb ntxwv, mus pe tej laus tsiab, rau lub xyoo tshiab.
    Lub sim xeeb mus pe tsiab, yog mus txhawb ntaub noj ntawv haus rau tej laus, kom nyob ntev niaj ntau xyoo, thiab thov koob hmoov ntawm tej niam tej txiv, los pog yawg. Kom tej tub ki ua neej nyob huaj vam. Ua lub neej mus nce qib, nyob mus sawm txhiaj nrog lub xyoo tshiab yuav tuaj no.
    Haiv Hmoob lawv nyiam kom tej laus ua neej nyob laus nkoos, plaub hau dawb paug li xov nyiaj, hwj txwv dawb paug li cag dos.
    Ntuj yav pem suab thaud, tej laus nyob mus txog 80 caum xyoo rov yav saud lawm mus rau 100 xyoo. Mas tsis yog cov tub ki ntawm caj ces xwb thiaj pe tsiab, Luag vaj tsab xeem lis kuj tuaj pe tus laus tsiab, thov koob hmoov ntawm nws. Thov lub ntuj lub teb pov hwm tus laus kom tau nyob dawb nyob huv. Ib qho ntxiv kuj yog thov kom tus laus no foom koob hmoov rau tej tub ki los tej xeeb ntxwv kom tau nyob dawb nyob huv nrog lub xyoo tshiab yauv tuaj no mus.
    Hmoob mas lawv nyiam kom tej laus muaj nyob coob leej, ua neeg txwj nyob ntxoov zej neeg laus nyob ntxoov zos. Tsis hais Hmoob xeem twg li tsuav muaj ib tug laus neeg mas txhua lub xeem yeej tuaj pe nws laus tsiab.
    Yog cov tub ki tsis cuab kom ntxov mas luag Vaj Tsab Xeem Lis tuaj lawm luag xub pe ces luag xub tau koob hmoov lawm. Hmoob suav txij li pom kev dawb vog nraum zoov zeem pom neeg tseeb lawm ces pib mus pe tsiab.
    Yog Vaj Tsab Xeem Lis sab nraud tuaj mas lawv tua phom ceeb toom rau tus laus cov tub ki tias lawv tuaj pe tus laus tsiab. Tus laus cov tub ki kuj yuav tua phom los teb tias tus laus nyob hauv vaj hauv tsev tos lawv tuaj lawm thiab.

    Tus txheej txheem pe tsiab:
    Tuaj txog, cov tub tus paub tab paub cai, los mus tsa niam txiv sawv los zaum.
    Hais dej rau ntxuav muag. Hais cov lus li no:
    a-Xyoo laus tas xyoo tshiab tuaj. Peb tsoom tub tsoom ki, tuaj ntxuav koj tus laus muag. Ntxuav kauv dub kauv doog, ntxuav vij dub vij doog. Ntxhua ntaub noj ntawv haus kom lub xyoo tshiab tuaj koj tus laus noj qab nyob zoo nrog lub xyoo tshiab no mus.
    Mam li rub rooj los rau, rub tus laus los zaum sab pem toj. Ce ob khob cawv txawb ntawm tus laus xub ntiag>Sawv daws txhos caug, hais cov lus no:
    b-Xyoo laus tas, koj tus laus muab ntaub noj ntawv haus noj tas haus tas lawm. Peb tsoom tub tsoom kiv, xeeb leej xeeb ntxwv, tuaj sam laj sam siv, sam ntaub noj ntawv haus rau koj tus laus. Kom lub xyoo tshiab tuaj koj tus laus tau nyob kaj nyob huv dej tshiab los tau haus qav tshiab los tau noj, nyob ua luag Txwj zaum ua luag Laus no, ua neeg Txwj nyob ntxoov Zej, ua neeg Laus nyob ntxoov Zos, Ntxoov tub ki, Xeeb ntxwv, leej hlob leej yau. Kom xyoo tshiab no tuaj sawv daws tau nyob kaj nyob huv no lauj.

    Tus Laus noj me ntsis mov tas, ces nws tsa tsoom tub tsoom kiv sawv, nws hais cov lus no:
    c- Sawv lauj. Cov hluas nej saib kuv tus laus no muaj koob muaj hmoov.
    Zaum no, kuv muab koob muab hmoov, rau nej tsoom tub tsoom kiv, xeeb leej xeeb ntxwv coj mus khwv noj khwv haus ncig mus puv 12 lub niaj, 12 lub hlis. Kom tau noj tau haus, noj tsis kawg paus, haus tsis kawg ntsis no lauj. Noj tsis tas cia tau ntiav dag, huas tsis txog cia tau ntiav zog no lauj. Noj tsis qab los khaws tseg tau pub Mab, Haus tsis txhua los khaws tseg tau pub Suav no ov.
    d-Hnub no kuv tus laus foom rau nej tsoom tub tsoom kiv, Foom plig tub plig ki, plig tsiaj plig txhuv, plig nplej qib txhuv ntsuas los rau nej.
    Kuv foob ntaub noj ntawv haus los rau nruab vag nruab tse, rau nej sawv daws, ua noj ua haus nce toj nqes taug, kom tau noj tau haus mus tsis kawg ntsis mus kawg paus no, noj kav mus ib txhiab haus kav mus ib txhis no lauj.
    Tij ua kwv ib zaug ntej los kwv yuav ua tij ib zaug luag thiab, hos kwv ua tij ib zaug ntej lawm los, tij yuav rov ua kwv ib zaug lus thiab no. Xab yij ceeb lub ntuj tsaug niaj liab mev cuam sib tuav tes los hla tsua luag pom luag thiaj li qhuas.
    Xab yij ceeb lub ntuj tsaug, niaj liab me cuam sib tuav tes rwb rawv los mus hla dej luag pom luag thiaj li qhuas nej no mog.

    Cov tub ki mam los rau mov sawv daws noj nrog tus laus.
    Tus kev cai pe tsiab, yuav tau pe kom mus puv peb xyoos, mam li xaus.
    Yog tus laus no nyob tsis txwm peb xyoo, cov xyoo tom qab yuav tau mus pe tom toj ntxas.
    Xyoo xaus mas cov tub ki yuav tau npaj ib tug npua tsim nyog los mus muab kev pe tsiab xaus cia.
    Yog tus laus ntawd nws tseem nyob hais lus meej pem co ua tub ki tsuas npaj rooj noj rooj haus xwb. Tus laus mam los foom. Hos tus laus ntawd tsis nyob lawm los sis nws tsis meej pem lawm phaj txiv ntawd ib tug yuav los foom, nws txawm hluas los yog lub npe txiv lawm nws foom hloov chaw tau. Tsis muaj li lawm cov tub tus paub tab paub cai, nws yuav sawv los hloov nws txiv tus laus chaw foom xaus mus.



    Xib Hwb Yaj Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 7th March 2013, 8:54 am



    TSWV MTUJ KAUM LO LUS QHIA.



    Tus neeg coj kev ntseeg Ntuj tiag mas, nws yuav coj nraim Huab Tais Ntuj 10 lo lus qhia.
    Ntuj kev cai mas nws nyob tas nrho rau hauv 10 lo lus qhia ntawd.

    *1-Lo lus qhia ib:
    Koj yuav teev Huab Tais ntuj tib leeg xwb thiab nyiam Huab Tais Ntuj tshaj tas ib puas tsav yam.
    -Huab Tais Ntuj yeej yog tib leeg xwb tiag. Tab sis Huab Tais Ntuj lub npe nws dav heev.
    -Huab Tais Ntuj muaj ntau lub npe:
    Thawj lub npe, ntuj yav pem suab, uas peb cov poj yawm txwv koob tau hu los, yog hu ua:
    Qaum Ntuj, Los hu ua Dab xeeb teb xeeb chaw. Dab mas nws tsis txawj xeeb kom muaj lub ntuj lub teb lub chaw, xeeb muaj puas tsav yam. Dab ua tsis tau.
    a-Los lus tias Huab Tais Ntuj, los Tswv Ntuj, yog tus tsim ntuj tsim teb, tsim tas puas tsav yam.
    b-Vaj Tswv, yog tus kav lub ntuj lub teb, kav tas puas tsav yam muaj tuaj nyob.
    c-Yawm Saub, yog tus qhia lub ntuj lub teb, qhia tas puas tsav yam muaj tuaj nyob txawm.

    Tas nrho cov npe no, yog tib leeg los tib tug xwb.
    Ib txheej neeg tis lawm ib lub npe rau Tswv Ntuj. Ib txheej neeg tis dua ib lub npe rau Tswv Ntuj kom tau kev vam khom thiab thov tswv Ntuj tej kev pab cuam rau neeg.
    Huab tais Ntuj lub npe mas tseem dav dua cov npe tau hais los saum no. Yam li Huab Tais Ntuj mas nws kav tas nrho txhua lub zog loj, los txhua yam muaj hwj chim, nrog neeg ntiaj teb kev tso siab,nyob hauv cov lus no:
    -Ntuj aw! Ntuj niam ntuj txi aw! Niam aw!. Txiv aw! Tij aw! Cov me nyuam aw!
    Tswv Ntuj nyob hauv cov npe koj tau hu no. Tab txawm yog ib tug neeg xwb los, yog Tswv Ntuj li neeg, Tswv Ntuj nyob txawm hauv lawv. Koj tau tuav txog cov no npe xwb los Ntuj hnov Ntuj pov hwm koj nyob hauv lawv cov npe no rau koj.

    -Dhau no lawm. Huab Tais Ntuj tseem yog tej yam tawv los ruaj khob ntxiv:
    Koj hu txog nkauj hnub nraug hli tuaj pab. Hu txog ntoo txwj ntoo laus, zeb txwg zeb laug tuaj pab tuaj pov. Vim Tswv Ntuj yog tus tsim tej yam ntawd kom muaj tuaj nyob. Koj hu txog ces Ntuj hnov ntuj pab koj. Qhov tseeb tsis yog tej yam ntawd pab. Hos yeej yog Tswv Ntuj yog tus pab qhov tseeb.
    Neeg lam teev thiab nyiam Tswv Ntuj dog dig xwb, neeg tsis txawj nyiam, tsis txawj teev Tswv Ntuj, haum li kev ncaj ncees. Tswv Ntuj zam tas nrho rau neeg ntiaj teb.

    *2-Lo lus qhia ob.
    Koj yuav hwm Huab Tais Ntuj lub npe. Yog peb teev tswv Ntuj, peb hwm tswv Ntuj, peb tsis nyiam Huab Tais Ntuj, mas peb lam teev thiab nyiam Tswv Ntuj dog dig xwb tsis muaj qab hau rau peb. Peb lam dag rau Tswv Ntuj tias peb teev thiab peb nyiam, peb tsuas hais ntawm peb lub ncauj tawm los tsis yog nyob nruab siab tawm los.
    -Hwm Huab Tais Ntuj lub npe, yog hwm txhua yam uas tsim nyog Huab Tais Ntuj kom peb hwm:
    Koj yuav hwm koj niam koj txiv, hwm koj cov me nyuam, hwm tsoom txheeb ze li koj xav kom luag tej hwm koj. Tas nrho neeg ntiaj teb, yam muaj txoj sia, li koj rau yam muaj nuj nqes yog Tswv Ntuj tsim lawv los. Tswv Ntuj nrog lawv nyob. Koj ua li no, koj thiaj tau hwm Huab Tais Ntuj lub npe.

    *3- Koj yuav caiv Huab Tais Ntuj hnub.
    Caiv li cas? Caiv, txhob muab Tswv Ntuj hnub los mus ua kev txog kev txhaum.
    -Txij li lub hnub tawm tuaj mus txog hnub poob qho. Yuav muab ib lub caij nyoog mus pe hawm Tswv Ntuj. Qhuas thiab cav txog Tswv Ntuj kev nyiam kev hlub ua Ntuj tau pab, tau zam rau yus.
    -Qhov hais tias, koj yuav caiv Huab Tais Ntuj hnub:
    Koj txhob siv Hnub ntawd mus nrhiav kev ua txhaum tub qaug rau ntuj thiab neeg. Vim peb hais tias mus ua si. Thaum koj ua si no koj mus kawm tau kev haus yeeb haus tshuaj, kawm tau xaiv lus, kawm tau kev khib los. Ces koj los txog tsev, koj paub kev npau taws, paub kev ntxub coj los cem cov neeg nyob hauv tsev. Ces koj tau siv Tswv Ntuj hnub los mus ua phem. Coj los dag teb dag chaw, tsim kev lwj siab rau tus ub tus no. Mus haus yeeb haus tshuaj, paub kev mus tho luag qhov vaj qhov tsev. Ntau zau tej kev phem kev qias peb muab Tswv Ntuj hnub coj los mus kawm ua los.

    *4-Koj yuav hwm koj niam koj txiv.
    Tswv Ntuj xav kom peb teev Huab Tais Tswv Ntuj tib leeg thiab nyiam nws tshaj tas ib puas tsav yam:
    Cov neeg ntseeg txog Yes Xus Pleev lub npe, peb yuav sib hwm, sib nyiam li Tswv Ntuj tau nyiam peb. Koj yuav hwm koj tus txij nkawm, hwm koj cov me nyuam, hwm tas nrho tsoom txheeb ze. Ces koj tau hwm koj niam koj txiv thiab tau hwm Huab Tais Tswv Ntuj lawm. Vim tias Tswv Ntuj mas nws nyob txawm hauv tas nrho cov neeg no.
    -Yog koj ntxub niam ntxub txiv los ntxub ib tug kwv tij, los ib tug qhua ces yog koj tau ntxub Tswv Ntuj lawm.
    -Koj tau zam rau cov neeg no ib tug ces koj hwm Ntuj koj tau zam rau Ntuj lawm. Vim tias Tswv Ntuj nws nyob thoob plaws hauv cov neeg ntawd.
    Tas nrho peb sawv daws yog Tswv Ntuj cov neeg, cov ua luag thawj, lawv yog Ntuj cov thawj neeg. Cov tsis ua thawj, lawv yog Ntuj cov me nyuam. Sawv daws yuav sib haum xeeb nyob hauv Tswv Ntuj.

    *5- Los lus qhia tsib.
    Koj tsis txhob tua neeg. Kev tua neeg yog ib yam tsis zoo kiag. Koj tua ib tug neeg, mas koj tau rhuav ib tug neeg txoj sia thiab tus ntsuj plig no pov tseg. Koj ntshaw kom koj muaj txoj sia nyob ntev, Ntuj pub ob txoj sia, koj thiab nws zoo tib yam. Koj puas paub tias tus neeg ntawd thiab koj tau nrog Ntuj sib cog lus cia li cas lawm. Ntawm koj koj xav ua neej nyob ntev kom koj tau ua tus loj los muaj nyiaj ntau, muaj koob meej zoo. Hos nws ne! tsam nws tau cog lus rau Ntuj tias nws yuav los pab ua Ntuj tus thawj neeg cob qhia sawv daws ua neeg thoob tsib txawj nyiam Ntuj hlub neeg. Ntuj tau muab pes tsawg fab txuj ci rau nws los ua Ntuj tej hauj lwm. Thian Ntuj yuav muab txoj sia thiab lub caij nyoog ntev li cas rau nws. Nws ua tsis tiav Leej twg yuav txuas nws txoj hauj lwm mus ntxiv. Tos Tswv Ntuj tau tsim lo lus tias koj txhob tua neeg, tua neeg ces rhuav thiab txiav Ntuj kev ua hauj lwm li tej no ntag. Koj tua neeg, ces koj tau rhuav Ntuj cov lus qhia ib los txog no, thiab cov lus yuav tuaj tom ntej no ntxiv mus tib si.

    *6- Lo lus qhia rau.
    Koj tsis txhob zes luag poj luag sev. Huab Tais Ntuj yeej paub tias ntiaj teb neeg ntshaw ua kev txhaum.
    Thaum Ntuj xeeb teb raug los mas, Tswv Ntuj thiaj hais rau tus yawg Koob As Das tias:
    -Yuav cia As Das nws nyob nws ib leeg li no mas tsis phim. Kuv yuav tsim kom muaj ib tug zoo li nws nrog nws nyob ua nws luag. Thaum Ntuj tsim tau lawm Ntuj coj lus rau As Das yuav,Ntuj foom hmoov zoo rau As Das thia Es Vas tias neb yuav huam vam kom mus puav lub qab ntuj khwb no.
    Tswv Ntuj lo lus mas dav heev:
    Tswv Ntuj ua kom muaj phooj ywg yog txoj kev tso siab. Kom muaj kev sib nyiam sib hlub,thiaj sib pab tau nrog Tswv Ntuj tsim neeg mus nyob thoob lub qab ntuj khwb. Muaj kev sib hlub thiaj ua neeg siab kaj, siab ntshiab tsis mus ua kev txhaum nyob nrog kev tu siab.
    -Thawj tus phooj ywg zoo tshaj, yog yus tus txij nkawm dhau los yog yus cov me nyuam, mas los rau tsoom txheeb ze sawv daws.
    Vim li ntawd Tswv Ntuj thiaj xub tsim lub cuab lub yig no ua ntej tshaj txhua yam, kab xwm, koom haum huv si. Koj yuav tau hwm txhua yam, hwm neeg nyob hauv kev hwm Ntuj ua ke.

    *7-Lo lus qhia xya.
    -Koj tsis txhob ua tub sab tub nyiag. Ib tug neeg ntseeg txog Yes Xus Lub Moo Zoo lawm, koj yuav paub tias, Thawj lo lus qhia, los txog txhob tua neeg, muaj dab tsi txuam yuaj nyob rau hauv?
    Kev ua tub sab yoj kev ua txhaum loj. Thaum Tswv Ntuj tsim neeg nws faib kom sawv daws muaj sib xws:
    Muaj lub cev meej mom zoo, muaj tswv yim, tes taw khov. Nyias yuav khwv kom txaus nyia noj, thiab faib rau tus tsis muaj kev taug. Xws li cov dig muag, ceg tawv, tus caum tsis tau luag, tsis muaj vaj tse nyob, tsis muaj liaj teb ua. Tus neeg raug kwv tij muab tso pov tseg. Kom lawv muaj mov txaus noj txwm hnub.Kev ua tub sab tub nyiag muaj ntau txoj kev ua tub sab tub nyiag! Yam li:
    Koj nyiag luag nyiaj hauv qab nas, nyiag luag qoob tuaj nruab txhab. Nyiag los poj tuaj nruab paig, nyiag txiv neej los poj niam nplooj siab ntawm tej yas kev yas ncua. Tej no puav leej yog kev ua tub sab tub nyiag tas nrho.

    *8-Koj txhob dag rau luag tej.
    -Kev dag tsis yog ib yam me, thiab tsis yooj yim dag li. Kev dag nws ua txhaum loj heev, nws nce mus siab li plaub txheej ntuj diam.
    Koj dag ib tug neeg kom nws raug plaub ntug. Koj rhuav txhua yam zoo uas Ntuj muab rau nws. Kev dag ua kom muaj kev xeeb ua tsov rog loj. Ua rau tej txij nkawm tsis sib to taub muaj xaiv muaj lus kis rau kwv tij neej tsa , zej zog teb chaws. Muaj kev sib cav sib ceg, ua plaub ntug. Muaj kev sib ntxub, tsis sib haum ntawm ob pab neeg. Muaj coob leej ua neeg lwj siab lwj plawv, txom nyem.Txoj kev dag nws yog ib txoj kev koj luam muab nrog dab phem. Rhuav cov neeg zoo lub siab pov tseg coj mus muag rau dab, kom dab muaj tub teg tub taw coob los tawm tsam rau Tswv Ntuj, tias Ntuij tsis hlub neeg.
    a-Koj tau dag rau tus Tswv Ntuj kiag lawm, twb tsis muaj tseeb los koj twv nyob ntawm Ntuj xub ntiag tias, muaj tseeb, Ntuj hnov Ntuj ua tus pom.
    b-Koj kuj tau dag rau dab lawm thiab, tias dab tau ntxias koj koj thiaj txawj dag rau Ntuj.
    c-Koj tau dag rau ib tug neeg ua kom nws npau taws nws mus hu lub ntuj lub teb ua dog dig los foom kom koj muaj kev ploj kev tuag rau lub ntuj lub teb hnov.
    d- Koj tau rov dag koj tias, koj yog ib tug neeg tsis muaj qab hau koj hais tsis tseeb. Koj dag hla mus deb thiab siab li plaub txheej ntuj ces yog qib lus no.

    9+10 Lo lus qhia cuaj thiab kaum no.

    -Koj txhob tso koj lub siab ntshaw zes luag poj luag sev, thiab ntshaw ua tub sab tub nyiag.
    Ob lo lus no, yog cov cag los cov noob coj koj mus zwm rau txhua yam kev ua thaum.uas koj nyiam nyob hauv koj lub neej, los koj ntshaw heev.
    Ob los lus no mas tsim nyog caiv tiag. Dab phem yuav muab ob lo lus no los cuab ntxiab mas mag zoo kawg.
    Yog koj nyiam, koj tsis caiv dab phem yuav qhia txuj ci rau koj kom koj txawj mus cuab ntxiab, ib rooj mag tau ob tug:
    Dab phem hais rau koj tias , yog koj xav tau cov txuj zes luag poj luag sev txawj tua neeg mas koj yuav mus xyaum ua. Kuv mam qhia rau koj kom thoob:
    1- Koj mus txhom lawv tus poj niam tod.
    2-Koj mus tua ib tug neeg.
    3-Los koj puas kam mus haus cawv kom qaug qaug ces los pw xwb.
    -Koj yuav xaiv qhov yooj yim. Ob yam ua ntej mas hnyav hwv lawm. Koj lam xaiv qhov mus haus cawvntawd xwb.
    Zaum no, koj mus haus cawv qaug, qaug lawm koj los pw, koj feeb tsis meej. Koj cia li los nrog koj niam pw, koj pom tias yog poj niam, koj cia li nce nws. Koj txiv pom koj ua li ntawd, koj txiv tsis zoo siab rau koj koj txiv hais koj. Koj cia li muab koj txiv tua tuag lawm. Zaun , koj niam pom koj muab koj txiv tua, koj niam tsis txaus siab rua koj. Koj niam cem koj, koj kuj muab koj niam tua tuag lawm thiab. Qhov no yog dab phem ib rooj ntxiab, mag tau ob tug lawm ne!
    -Ib tug neeg ntseeg txog Yes Xus lub Moo Zoo yauv tau paub Tswv Ntuj kaum lo lus qhia no kom zoo. Kev ntseeg Ntuj lub paus lub ntsis nyob tas nrho hauv 10 lo lus qhia no.

    Yes Xus uas nws yog Tswv Ntuj Leej Tub, thiab tseem yog Tsw Ntuj Lo Lus, mas Yes Xus yeej hais meej tseeb lawm. Yam tsis muaj txhob muab los ua qhov tseeb. Cov ua neeg lam txua rau mas tsis yog Qaum Ntuj li lus lawm.

    Yaj Xib Hwb Zoov Ntxheb.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH. Yaj Zoov Ntxheb lub Tsev THOOB TSIB

    Post  Maiv Tooj on 9th March 2013, 7:58 pm



    TUS NEEG NTSEEG NTUJ SIAB NCAJ.


    Ib tug neeg siab ncaj tab sis nws tsis ntseeg ntuj, zoo lawm. Nws swb tus neeg siab ncaj thiab muaj kev ntseeg Ntuj nrog.
    Ob tug neeg muaj kev sib txawv li no:
    a-Tus neeg ncaj ncees, tsis muaj kev ntseeg ntuj,mas nws twb zoo li ib tug neeg nplua nuj muaj txog li ib roob nyiaj, ib roob kub lawm.
    b-Hos tus ntseeg Ntuj thiab nws muaj kev ncaj ncees, nws zoo li ib tug neeg nplua nuj, muaj txog li peb roob nyiaj peb roob kub, nws nplua nuj kawg.
    *Ib tug neeg yuav loj hlob tiav, mas nws yuav muaj txoj kev ntseeg nyob txawm hauv nws nruab siab, nws thiaj li hlob tiav. Yuav saib cov neeg muaj tej lub npe li yuav sau los nram no:

    1-Yawg Has Npla Has nws ntseeg txog Tswv Ntuj thiab siab ncaj. Tswv Ntuj tsa nws ua thawj Leej txiv ntseeg txog Tswv Ntuj. Tas nrho cov neeg ntseeg nyob ntiaj teb no, txhua hom kev ntseeg txog Tswv Ntuj, los ntseeg tej lub npe neeg tau muab hu ua Huab Tais. Lawv puv leej yog Has Nplas cov xeeb ntxwv. Ib txhia, lawv paub tus tseem Tswv Ntuj hos ib txhia lawv paub txog Tswv Ntuj ib tug tub txib, uas Ntuj tau txib nws ib zaug lawm los muaj. Vim muaj li ntawd Tswv Ntuj thiaj hais rau Has Nplas tias Koj cov Xeeb ntxwv yuav coob npaum li cov hnub qub nyob saum ntuj, coob npaum li cov suab puam nyob tom ntug hiav tswv.
    Tas nrho cov neeg ncaj ncees thiab ntseeg Nuj mas lawv thiaj yog cov hlob tiav zoo tas. Vim lawv muaj Tswv Ntuj kev nyiam kev hlub nrog. Dua li ntawd lawv yog neeg ncaj xwb tseem hlob tsis tau tiav. Lawv tsis tau muaj kev zam txim. Lawv saib tias tus ua thaum lawm yuav tau txais kev raug txim thiaj phim.

    2-Yos Xes, ua yog Yas Kos tus tub ntxawg. Nws siab ncaj tsis poob rau kev plees, tus Vaj Hais Nkws Tos tsa nws ua tsim qoob loo thaum ntuj qhuav tau xya xyoo nws muaj qoob loo txaus yug lub teb chaws. Nws cawm haiv His Xas Lais kom loj hlob ua tsheej ib haiv neeg, pib nyob Hais Nkws Tos teb los.

    3-Mais Xes yog ib tug neeg siab ncaj nws Mloo Tswv Ntuj lus, nws yog thawj tug neeg coj Tswv Ntuj haiv neeg los nyob muaj ib lub teb chaws, kom tsis txhob zwm ua ib pab tub qhe. Rau Haiv neeg Hais Nkws Tos. Tswv Ntuj mloog Masi Xes lus, coj Haiv His Xas Lais hla dej hiav txwv liab, los txais Tswv Ntuj kaum lo lus qhia rau saum lub Roob Xis Nais, thiab cawm Haiv His Xas Lais nyob teb chaws suab puam. Kom muaj dej haus, muaj mov noj plaub caug xyoo.

    4-Tas Tsoom Yaj Saub siab ncaj thiab mloog Tswv Ntuj lus tau coj tsoom His Xas Lais 2000 xyoo, kom muaj kev hwm Ntuj txij lub hauv paus los txog Yes Xus yug los.

    5-Tus Vaj Das Vis siab ncaj thiab hwm Ntuj zoo. Tswv Ntuj tau xaiv nws ua thawj tus tus Vaj His Xas Lais nto moo zoo rau Haiv His Xas Lais. Nws poob ntau zaus hauv kev ua txhaum los Ntuj zam rau nws, vim nws muaj kev them txim txhaum thiab kev tu siav rau tej yam nws ua tsis ncaj.

    6-Zam Ntxuav Plig, yog ib tug neeg siab ncaj, nws npaj txoj kev ncaj kev du rau tus Huab Tais yuav tuaj, nws tshaj txoj kev tig los yuav lub siab tshiab.
    Yes Xus tau hais tias tas cov Yaj Saub tsis tau muaj ib tug loj dua Zam Ntxuav Plig.

    7-Lub caij Yes Xus nyob. Xis Moos Pob Zeb yog ib tug neeg siab ncaj, Yes Xus hais rau Xis Moos tias. Kom yog ib tug tseem His Xas Lais, vim nws yoo raws li tsoom neeg His Xas lis muaj lub ncaj thiab hwm Ntuj.
    Yes Xus tau tsa Pob Zeb ua Thawj tug saib Tswv Ntuj pab Yaj nyob hauv lu sim Ceeb no, Yes Xus muab Ntuj cov yawm sij rau Pob Zeb. Yog Pob Zeb khi yam twg nyob ntiaj teb no, mas Ntuj khi nyob saum ntuj.Hos Pob Zeb daws yam twg nyob ntiaj teb no Ntuj kuj daws nyob saum ntuj.

    8-Ob tug hauv paus xa lus Zam thiav As Nres yog neeg siab ncaj, nkawd tau mloog Zam Ntxuav Plig lus, Nkawd raws Yes Xus qab mus xyuas Yes Xus lub chaw nyob. Nkawd yog ob tug xub tau ntsib Leej Pleev.

    9-Tus hauv paus xa lus Xauv Paj Lug.kuj yog ib tug neeg siab ncaj nws hwm nws cov yawg koob tus Tswv Ntuj, nws thiaj hiam cov neeg ntseeg txog Yes Xus lub Moo Zoo.Ces Yes Xus hu Paj Lug taum nws tab tom caij nees taug kev, kom los ua Yes Xus tus hauv paus xa lus rau cov neeg Teev pej kum dab.

    10-Cov Vaj Qhia hloov Pob Zeb los txog tav no, lawv kuj yog ib pab neeg siab ncaj ntseeg Tsv ntuj zoo, Yes Xus lub Koom Txoos thiaj tau nyob thaj yeeb los txog lub zim txwv no. Kuj muaj tej tus ntawm tej lub caij, uas tau ua chaw dawm taw rau lwm tus ces thiaj muaj chaw sib cais mus ua ntau pab ntau paug. Tiam sis Yes Xus lub Moo Zoo yeej hais tias tus coj luag ncaim mas nws tau ua ib yam tsis zoo. Yam tsis zoo:Nws txiav ib tug ceg mus cog rau ib qhov chaws tshiab, tus ceg ntawd hlob tuaj lub npe nplooj kev yog, cov txab tsis txuas tus kav lawm, cov txiv qab tsis sib xws lawm.
    11-Nyob hauv Haiv neeg Hmoob kuj muaj tej tus siab ncaj hwm NTuj zoo li cov uas tau teev lub npe los saum no thiab. Nws muaj kev ntseeg Ntuj zoo. Tab txawm nws tsis muaj ib yam txuj zoo los ua tus piv txwv, los nws nyob tau yam kaj siab lug, nws tsis ncauj ntau, nws ua yam twg los hais yam twg nws muab siab rau ua raws li luag vam txog ntawm nws. Nws tau vam txog Ntuj pab nws tej lub caij nws ua nws txoj hauj lwm los hais lus rau luag mloog ces luag txaus siab yoog tej yam nws tau ua los kom phim li ib tug neeg nyob raws kev ncaj ncees los kev hwm ntuj. Nws kev ua neeg thoob tsib, muaj koob meej, hwj chim tawm hauv nws kev ntseeg Tswv Ntuj los nre txhua yam kom Haiv Hmoob loj hlob nyob hauv txoj kev ncaj ncees ntseeg txog Tswv Ntuj. Yam uas Tswv Ntuj nyiam yog qhov tias nws mloog lus, ua siab ntev kom Tswv Ntuj lus lus txeem mus txog ntau leej neeg lub siab, thiab muaj txoj sia nyob mus li.
    Tab yog lawv tau swb txoj kev ua txhaum ntau zaus los tsuav yog lau muaj kev ncaj ncees kev ntees khov ces ntxim Tswv Ntuj lub siab lawm. Ntuj tau zam rau lawv, Pov hwm lawv, kom Tswv Ntuj kev nyiam tau hlob mus txog lub sim ceeb.

    Yaj Xib Hwb Zoov Ntxheb.






    Sponsored content

    Re: XH. Yaj Zoov Ntxheb lub Tsev THOOB TSIB

    Post  Sponsored content Today at 3:39 am


      Current date/time is 10th December 2016, 3:39 am