Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    QHIA TEEV TXOJ SAW MAB LIAB

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 15th February 2012, 5:50 am



    Nyob zoo tub Txawj Tuam, Mim thiab Maiv Xis,

    Mim, ua tsaug ntau uas koj tuaj piav kev teev Saw Mab Liab tau ntxaws heev. Ua tsaug ntau.

    Maiv Xis,

    Kev teev Saw Mab Liab no mas qhov ntau yeej yog yus teev yus ib leeg xwb. Teev Saw Mab Liab mas yog thaum twg kuv xyeej kiag ces teev xwb. Li ntawd thiaj yog teev ib leeg ntau dua. Teev coob leej ua ke mas qhov ntau yog thaum mus xyuas ib qhov chaw ntshiab, los yog tej chaw ntshiab uas Niam Mab Liab tau tshwm sim. Tab sis kuj muaj kev teev Saw Mab Liab coob leej ua ke hauv tsev teev Ntuj thiab hauv cov tsev neeg thiab.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 15th February 2012, 2:24 pm

    Maivxis wrote:

    Nyob zoo os Mim .


    Mim hnub no kuv zoo siab heev uas tuaj nyeem koj zaj qhia teev saw Mab Liab no , Ua tsaug nawb mog koj tuaj qhia zoo heev li zaum no kuv mam li to taub hais tias teev saw mab liab yog li cas tiag ,

    Mim , kuv thov nug dua ib lo , Uas li es yog yus teev saw mab liag yus ib leeg ne puas teev ib yam li no thiab los txawv os koj sim ho qhia me ntsis rau kuv seb yuad ... hos ua li koj hais tag los no ua ho yog teev thaum lub caij zoo li cas os , Kuv thov ua tsaug dua ib zaug ntxiv os mog .


    Phauj Maivxis .

    Nyob zoo phauj Maiv Xis,

    Thaum hais txoj Saw mab Liab yus ib leeg, los ob leeg los puas coob leej ua ke yeej hais zoo ib yam ntau xwb mas, thiab yus teev thaum lub caij twg los yeej tau tas, tsuav yog yus muaj sij hawm xwb os. Tiam sis yog koj xav koom nrog lwm tus hias Saw Mab Liab mas yuav tsum tau sib tham kom haum saib thaum twg sawv daws muaj sij hawm thiab saib yuav mus hais rau qhov chaw twg, ces mam teem kom sawv daws tuaj rau thaj chaw ntawd thiab lub sij hawm ntawd xwb. Tiam sis yog yuav niaj hnub mus hais ua ke mas yuav nyuaj vim nyias muaj muaj nyias kev tab kaum, nyob nyob sawv daws mam sib teem tau sij hawm tuaj hais ua ke xwb. Qhov yooj yim zog mas yus muaj sij hawm thaum twg ces yus hais xwb, yus thiaj li tau niaj hnub hais. Tiam sis yog tias sawv daws ho sib teem tau tuaj hais ib ob hlis ib zaug ua ke, los puas ib xyoos ob peb zaug xwb los yeej zoo kawg li thiab.

    Ib qho ntxiv, yog thaum yus hais Saw Mab liab, yus tsis tshua muaj sij hawm ntau mas tsis tas piav lus ntau ntau li, xws li thaum yuav pib hais thawj yas (10 zaj "Koj nyob kaj lug...") Saw Mab Liab mas tsuas hais tias "Peb nco txog tus Tshiab tuaj xa lus rau Mab Liab, peb thov ntuj pab rau..." no xwb ces cia li pib hais "Peb Txiv nyob saum ntuj..." mus xwb.

    Thiab ib qho ntxiv yog koj tsis paub txog cov txiaj ntsim (mysteres) ntawm HT Yes Xus lub neej zoo, ces koj tsis tas hais txog li los kuj tau thiab. Tiam sis qhov zoo tshaj mas yog yuav tsum kawm kom paub es nco txog cov txiaj ntsim ntawd thaum hais Saw mab Liab. Vim txoj Saw Mab Liab yog ib txog kev teev ntuj nco txog HT Yes Xus txoj kev yug los cawm peb tib neeg xwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 15th February 2012, 8:56 pm


    Zaj nkauj Poj Huab Tais



    Poj Huab Tais, koj ua niam hlub peb,
    koj nres peb txoj sia,
    koj ua peb lub neej tsim txiaj,
    koj ua peb lub siab tus.
    Peb tuaj xyuas koj.

    Es Vas tej me nyuam khuam ntiaj teb no,
    Es Vas tej me nyuam poob nram hav puv kua muag no,
    Es Vas tej me nyuam kho siab tag nrho tuaj seev ntawm koj.

    Aib! Niam pab peb puag saum Ntuj, koj dauv ntsej muag los ntsia peb;
    Thaum txog peb lub caij khuam ntiaj teb no tas lawm,
    koj muab koj plab lub txiv tsim txiaj Yes Xus rau peb xyuas.
    Aib! Niam txawj zam txhaum, Niam txawj hlub neeg.
    Mab Liab nkauj tsim txiaj zoo nyiam.

    Mim, nws pab qhia seb zaj nkauj Poj Huab Tais nov lus Fab Kis los Aas Kiv lub npe yog huv li cas?

    Ua tsaug.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 16th February 2012, 3:25 pm

    Tais Tooj,

    Zaj "Poj Huab Tais..." yog txhais ntawm lus Latin los. Thaum ub, lub Koom Txoos yeej ib txwm hais ua lus Latin, ces mam muab txhais ua ntau hom lus lawm xwb.

    Lus Aas Kiv hu ua "Hail, Holy Qween..." no na. Cov lus yog zoo li no:

    Hail, Holy Queen, Mother of Mercy,
    our Life, our Sweetness, and our Hope.
    To Thee do we cry, poor banished children of Eve.
    To Thee do we send up our sighs mourning
    and weeping in this valley of tears.
    Turn then, most gracious Advocate,
    Thine Eyes of Mercy toward us,
    and after this our exile show us the
    Blessed Fruit of thy Womb, Jesus.
    O clement, O loving, O sweet Virgin Mary. Amen

    Pray for us O Holy Mother of God
    That we may be made worthy of the promises of Christ.

    Nyob hauv Mes Kas zaj, mas kuv yeej hnov lawv hais ob kab nram kawg tas mus li nrog:

    Tswv ntuj leej Niad, thov koj thov Ntuj pab peb
    kom peb tsim nyog txais raws li leej pleev tau cog lus tseg.

    Lus Fab Kis:

    Salut, ô Reine, mère de miséricorde, notre vie,
    notre douceur et notre espérance, salut!
    Enfants d'Ève, exilés, nous crions vers vous; vers vous nous soupirons,
    gémissant et pleurant dans cette vallée de larmes.
    Ô vous, notre avocate, tournez vers nous votre regard miséricordieux.
    Et, après cet exil, montrez-nous Jésus, le fruit béni de vos entrailles.
    Ô clémente, ô miséricordieuse, ô douce Vierge Marie.

    Lus Latin:

    Salve Regina

    Salve Regina, mater misericordiae; vita, dulcedo et spes nostra, salve.
    Ad te clamamus, exsules filii Evae.
    Ad te suspiramus, gementes et flentes in hac lacrimarum valle.
    Eia ergo, advocata nostra, illos tuos misericordes oculos ad nos converte.
    Et Iesum, benedictum fructum ventris tui, nobis post hoc exsilium ostende.
    O clemens, o pia, o dulcis Virgo Maria.



    Lub suab Gregoriam no los zoo kawg nkaus li thiab os... Yus mloog cov suab nkauj Gregorian mas zoo li yus lub siab yuj plaws li tiag. Tiam sis nej yuav tau mus mloog hauv You Tube thiaj tau.



    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: QHIA TEEV TXOJ SAW MAB LIAB

    Post  Tub Kawm on 18th February 2012, 3:40 am


    Nyob zoo sawv daws,

    kuv tseg tau 2 3 hnub tsis tau khoom tuaj xyuas lawm. Nej twb tham txog ntau yam kawg li lawm, thov ua tsaug rau nej txhua tus og nawb.

    Mim hais txog ntawv kev hais saw Mab Liab rau ib qho nkaus xwb thiab tuav txoj saw Mab Liab suav cov hlaws mas kuv to taub lawm. Tiam sis tshuav qhov uas yog xav hais txoj saw Mab Liab pab rau ntau ntau yam mas kuv tseem tsi to taub pes tsawg. Kuv thov nug me ntsis xws li hauv qab no.

    Kuv lam piav me ntsis raws li kuv to taub saib puas yog hais ua li no.

    Nqe 1, piv xas li yug mub txoj saw Mab liab los yus tuav tus ntoo cuam "Hu txog leej txiv thiab leej tub leej ntuj plig" mas hais "Zaj kuv ntseeg" tag tsi hais 'peb txiv' thiab peb lub hlaws nyob sib txuas ntawd lawm. cia li tuav lub hlaw tsib uas nyob yuav ti ntawm lub txiaj Mab liab, piav cov txiaj ntsim ais cia li hais cov hlaws saum toj mus xwb puas yog?.

    Nqe 2,
    piv xam li hais yag 1 "nco txog ntuj tus tshiab xav xov rau Mab Liab" tag ces ho rov piav 2 3 lo lus raws li yus piav tau. (Piv li yug yog tus coj teev saw Mab Liab) mas yus hais tias:

    "THOV CAW SAWV DAWS TUAJ NTAWM NO. PEB SAWV DAWS YUAV LOS HAIS TXOJ SAW MAB LIAB LOS PAB RAU LUB NTIAJ TEB KOM NYOB THAJ YEEB"
    yus hais cov lus no tas sawv daws mam li pib hais zaj peb txiv mus rau 10 lwm zaj koj nyob kaj lug Mab Liab tag,
    zaj HT leej Txiv,
    zaj kuv tus Huab tais tas.

    Ces ho rov hais yag 2 rov los thov pab lwm yam.
    Ces hais lub txiaj ntsim 2 " nco txog Mab Liab mus xyuas phauj Es Lis xas npes" tag ces (tus coj) los yus,
    mam li rov piav 2 3 lo lus tas ces.

    hais zaj peb txiv mus rau 10 lwm zaj koj nyob kaj lug Mab Liab tas.
    Hais zaj HT leej Txiv. Kuv Huab tais.

    Txeev hais li no mus kom tas 5 lub txiaj ntsim ntawd thiab txoj saw Mab Liab puas yog?

    Nqe 3, los yog cia li muab txoj saw Mab Liab los ais tuav tus ntoo cuam
    "hu txog leej txiv"
    hais zaj kuv ntseeg"
    hais nco txog cov txiaj ntsim"
    hais zaj peb txiv"
    hais 10 lwm zaj koj nyob kaj lug Mab Liab
    "hais zaj HT Leej txiv" zaj kuv tus huab tais"
    rov piav cov txiaj ntsim" txeev hais li no kom tas txoj saw Mab Liab xwb puas yog?

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 19th February 2012, 10:42 am

    Nyob zoo txawj Tuam,

    Hais Saw Mab Liab rau ib qho nkaus xwb thiab hais rau ntau yam yeej tuav txoj saw suav cov hlaws mus ib yam nkaus tsis txawv li os. Txhua zaus hais Saw Mab Liab ces yeej yuav tsum tuav tus Ntoo Cuam pib “Hu txog leej Txiv, thiab leej Tub thiab leej Ntuj Plig lub npe…” ces “Kuv ntseeg txog Tswv ntuj…” ces tuav lub hlaws 1 hais “Peb Txiv nyob saum ntuj… ces tuav lub hlaws 2, 3, thiab 4 hais “Koj nyob kaj lug Mab Liab…” (3 zaug) tas ces hais “HT Leej Txiv, HT Leej Tub…” “Kuv tus HT Yes Xus…” Cov zaj teev ntuj no ces yeej yog cov zaj uas hais pib txoj Saw Mab Liab niaj zaus li.

    Qhov txawv tsuas yog tias thaum thov ntuj rau ib yam xwb no ces ntau zaus peb muab cov lus hais ua ntej tas ces mam cia li pib hais Saw Mab Liab mus tas nrho txog qhov xaus. Hos yog xav thov ntuj rau ntau yam no ces peb tsis xub pib piav lus, peb tos pib hais Saw Mab Liab mus txog lub hlaws 5 lawm ces mam hais tawm tias “Thawj yas Saw Mab Liab no yog xav thov ntuj rau…” ntxiv rau cov lus piav txiaj ntsim. Thaum txog yas 2, yas 3, yas, yas 5 los ua ib yam li ntawd.

    Txawj Tuad, koj rov mus xyuas ob daig duab kos txoj Saw Mab Liab thiab piav tus kev cai hais Saw Mab Liab saum toj saud. Thawj daim qhia tias xav thov ntuj rau ntau yam ces yuav pib li cas, hais li cas rau thaum twg. Daim 2 qhia hais tias xav thov ntuj rau ib yam xwb ces ho yuav pib li cas hais li cas. Thiab cia kuv muaj sij hawm kuv mam ua lwm yam tuaj piav kom sawv daws to taiub zoo dua.



    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: QHIA TEEV TXOJ SAW MAB LIAB

    Post  Tub Kawm on 20th February 2012, 6:11 pm

    Nyob zoo Mim ua tsaug uas Nws tuaj qhia kuv og, kuv kuj to taub me ntsim lawm thiab tiam sis tseem tshuav ntau yam tsis tau paub, yog muaj caij no rov tuaj qhia kom peb thiaj to taub og. "Ntawm no thov hais rau sawv daws yog nej leej tws paub hais txoj saw Mab Liab 9 hnub sib law, thov tuaj qhia kom cov tsi paub tau kawm. Yam li thawj hnub yog thov li cas rau lia cas? Hnub 2 los 3, 4, 5, 6, 7, 8, 9, mus tas nrho 9 hnub ntawd, 1 hnub ho thov li cas? Thov tuaj qhia rau peb kawm, ua tsaug.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 21st February 2012, 1:00 pm

    Nyob zoo Txawj Tuam,

    Koj xav paub txog txoj kev teev ntuj los yog hais Saw Mab Liab 9 hnub no puas yog? Nws tsis txawv qhov koj hais ib hnub los niaj hnub li os, yeej hais ib yam xwb.

    Thaum peb xav hais Saw Mab Liab los yog lwm zaj teev ntuj 9 hnub sib law los thov ntuj, mas qhov ntau yog thaum peb muaj ib yam tseem ceeb es peb xav thov ntuj pab. Xws li yog kuv muaj ib tug neeg txheeb ze muaj mob loj thiab sab heev, kuv xav ua kev thov ntuj 9 hnub los pab nws, ces kuv txiav txim tias kuv yuav hais txoj Saw Mab Liab pos, los hais Tswv Ntuj txoj kev khuv leej. Ces kuv xyuas saib kuv xav pib hnub twg mus. Yog kuv txiav txim hais txoj Saw Mab Liab, ces kuv cia li pib hais hnub kuv teem ntawd mus. Niaj hnub hais txoj saw Mab Liab los thov ntuj pab kuv tus txheeb ze kom yog Tswv ntuj pom zoo no ces kom nws rov zoo hlo los; yog Tswv ntuj tsis pom zoo los kom nws ua tau lub siab ntev nyiaj nws tus mob mus txog qhov kawg, txhob thim kev ntseeg, txhob ua tej yam yuam kev. Kuv niaj hnub hais txoj Saw Mab Liab li ntawd kom puv cuaj hnub sib law nkaus, ces kuv mam tso tseg xwb. Yog peb ho muaj ib pab koom teev ntuj rau kuv tus txheeb ze los kom sawv daws niaj hnub hais txoj Saw Mab Liab kom puv cuaj hnub thiab xwb. Yog sawv daws ua ke pib tau ib hnub mus mas haj yam zoo, yog nyias ho pib tau nyias ib hnub ob hnub lig lawm los, tsuav kom nws hais kom txwm cuaj hnub xwb.

    Es yog koj tsis to taub qhov twg no los nug dua os nawb.


    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: QHIA TEEV TXOJ SAW MAB LIAB

    Post  Tub Kawm on 22nd February 2012, 12:27 am


    Nyob zoo Mim,

    Ua tsaug rau nws lub sij hawm qhia tas los tseem qhia ntxiv og, vim yog peb cov tsis paub zoo thiaj tau nug txog ntau yam og .

    NTAWV NO KUV ROV THOV NUG ME NTSIS TXOG KEV HAIS TXOJ SAW MAB LIAB, ES PIAV COV TXIAJ NTSIM UAS NCO TXOG YES XUS LUB NEEJ THAUM YAU MUS TXOG RAU THAUM YES XUS SAWV ROV LOS HUV TIB SIB.

    Vim tias muaj plaub ntus cav txog Yes Xus thiab Niam Mab liab lub txiaj ntsim.

    Yam li ntu 1 mas muaj 5 yag. Ntu 2, los muaj 5 yag thiab. Ntu 3 thiab 4 los muaj 5 yag thiab. Ntu 1, "Hais txog Ntuj tus tshiab xa moo tuaj tias Niam Mab Liab mus txog rau thaum Mab liab thiab yos xes nkawd nrhiav tau Yes Xus nyob hauv lub tuam tsev teev ntuj". Ntus no thov rau hnub twg?

    Ntu 2 "hais txog yes xus txais lub cim ntxuav". Ntu no hais raub hnub twg?
    Vim ntu no mas nyob rau peb cov uas nyob deb TP thiab leej phauj mas peb tsis tau teev dua ib zaug li.

    Ntu 3, "yog ntu cav txog yes xus lub neej raug tsim txom" ntu no ho hais rau hnub twg?

    Ntu 4, "cav txog Yes Xus yeej txoj kev Tuag sawv rov los". Ntu no ho hai rau hnub twg?

    Peb tsuas paub hais rau hnub Chiv xwb. Yog nej lej twg paub thov tuaj qhia. Vim tias ib lim piam ntawd muaj 7 hnub. yam li hnub Chiv mus txog hnub 7. Hnub chiv nco txog cov txiaj ntsim twg?
    Hnub 2 hais cov txiaj ntsim twg?
    Hnub 3 los 4, 5, 6, 7, ho hais cov txiaj ntsim twg?

    Yog leej twg pau no ho tuaj qhia peb. kuv nyeem cov uas Maiv paj sau piav txog cov txiaj ntsim saum toj mas zoo li nws twb qhia lawm. Tiam sis yog ua ntawv "Aa kiv" los ntawv "fab kib" xwb es kuv tsis paub. Vim nws sau tias: "cov txiaj ntsim hais rau hnub" ces cia li sau ntawv Fab kis los Aa kiv lawm. yog li kuv tsi paub kuv thiaj nug?. Thiab 1 xyoos ntawd muaj 5 lub caij nyoog teev ntuj yam li Caij T.H Caij Y.X.Y.L, CAIJ PL.C, CAIJ HL. Caij nruab xyoo. Yog li lub caij plaub caug no peb hais Saw Mab Liab ne peb yuav piav nco txo cov txiaj ntsim yes xus rau tsim txom xwb los , peb tseem piav cov txiaj ntsim uas Yes Xus yug los thiab sawv rov los ntawd thiab?

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 22nd February 2012, 7:10 pm



    Nyob tub Txawj Tuam,

    Yog ib qho zoo kawg uas koj tau nug cov nqes lus nov, tsis khoom ces cia ib tsam tawm hauj lwm los, mam li tuaj qhia kom meej rau nws.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 23rd February 2012, 7:38 am




    TEEV SAW MAB LIAB MUAJ 4 QHO TXIAJ NTSIM.




    NROG NIAM MAB LIAB mus rau YES XUS



    TXIAJ NTSIM IB:
    Txiaj ntsim Niam Mab Liab nyob nyab xeeb (Teev Hnub 2 thiab Hnub 7)

    (Les Mystères Joyeux (Dire le Lundi et Samedi)
    - The Joyful Mysteries (said on Mondays and Saturdays)



    TXIAJ NTSIM OB:
    Lub Txiaj Ntsim Pom Kev, Qhib Kom Peb Pom Deb (Teev Hnub 5)


    (-Les Mystères Lumineux (Dire le Jeudi)
    (-The Luminous Mysteries (said on Thursdays)



    TXIAJ NTSIM PEB:
    Txiaj Ntsim Raug Kev Txom Nyem (Teev Hnub 3 thiab Hnub 6)

    - Les Mystères Douloureux (Dire le Mardi et Vendredi)
    - The Sorrowful Mysteries (said on Tuesdays and Fridays)



    TXIAJ NTSIM PLAUB:
    Txiaj Ntsim Nto Koob Meej (Teev Hnub 4 thiab Hnub Chiv)

    - Les Mystères Glorieux (Dire le Mercredi et Dimanche)
    - The Glorious Mysteries (said on Wednesdays and Sundays)





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 23rd February 2012, 8:10 am





    TXIAJ NTSIM IB:



    NROG NIAM MAB LIAB mus rau YES XUS


    Txiaj ntsim Niam Mab Liab nyob nyab xeeb (Teev Hnub 2 thiab Hnub 7)


    1- Txiaj Ntsim tus Tshiab Nkas Nplias xa xov rau Mab Liab

    (tshwm sim ua neeg)

    2- Txiaj Ntsim Mab Liab mus xyuas nws tus viv ncaus Es Lis Xas Npes
    (Kev Hlub luag tej)

    3- Txiaj Ntsim Tswv Ntuj Leej Tub tshwm sim los ua neeg
    (Tswv Yim ua neeg pluag)

    4- Txiaj Ntsim Muab tus me nyuam cev rau Ntuj
    (Mloog lus, dawb huv)

    5- Txiaj Ntsim Nrhiav tau Yes Xus hauv tsev teev Ntuj
    (Nrhiav tswv Ntuj ua ntej txhua yam)








    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: QHIA TEEV TXOJ SAW MAB LIAB

    Post  Maivxis on 23rd February 2012, 9:31 am

    NrhiavTswvNtuj wrote:[color=blue]

    Nyob zoo Mim thiab Maiv Xis,

    Maiv Xis, nws tsis tau txawj teev Saw Mab Liab los tuaj ssaib ib pliag xwb ces yeej txawj xwb. nws tsis muaj ntau zaj hais, yog rov qab hais zaj qub xwb. Teev Saw Mab Liab yog ib qho tau txiaj ntsim zoo.

    Nyob zoo os NrhiavTswvntuj .

    Ua tsaug os ,tau ntev lawm kuv tsis khoom li es twb yog kuv muaj me ntsis hauj lwm lawm na , Oh ua cas hnub no kuv tuaj na cas nej twb tuaj ua tau hauj lwm ntau yam ua luaj li lawm os nsthe caum tsis cuag nej li laus , NrhiavTswv Ntuj,es ua puas yeej yim li ntawd ma .! kuv twb tsis tau teev dua ib zaug li hos , cia kuv li mam xyaum xwb lau ...!


    Maivxis .


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 23rd February 2012, 9:34 am



    TXIAJ NTSIM OB:




    NROG NIAM MAB LIAB mus rau YES XUS


    Lub Txiaj Ntsim Pom Kev, Qhib Kom Peb Pom Deb (Teev Hnub 5)

    1- Hnub Yes Xus txais lub cim ntxuav.
    (Ib lub suab nrov doog diaj hais tias :
    "Tus no yog kuv Leej Tub zoo nyiam, Nej yuav mloog nws!"
    Lus thov Ntuj:
    Tswv Ntuj thov koj lub txiaj ntsim pab kom peb ua raws li
    peb tau cog lus ntawm peb lub Cim Ntxuav.


    2- Rooj tshoob nyob Kas Nas, Yes Xus hloov dej ua cawv:
    “Mab Liab hais rau cov tub txib tias: Nej ua li NWS hais tag nrho”

    Lus Thov Ntuj:
    Nrog Mab Liab, peb xyaum ua neeg tso siab rau Yes Xus
    li cov uas tso siab rau NWS ua hwj huam yees ntxwv thawj zaug.


    3- Yes Xus tshaj Tswv Ntuj lub Tsheej rau ntiaj teb :
    “ Tswv Ntuj lub Tsheej nyob ze ze lawm,
    nej thim xav thiab los ntseeg lub Moo Zoo”

    Lus Thov Ntuj:
    Lub Moo Zoo rau peb thiab lub ntiaj teb neeg,
    Yog Leej Pleev los hloov peb lub siab ntsws.
    Thov kom yav tom ntej peb lub siab hloov thiab kom
    muaj txoj kev sib zam sib hlub rau hauv lub ntiaj teb no.


    4- Yes Xus qhib nws lub hwj chim rau cov thwj tim pom :
    “Yes Xus ci ntsa iab ntawm lawv xub ntiag :
    Nws ntsej muag ci lam lug tam lub hnub”


    Lus Thov Ntuj:
    Huab tais, koj muab koj lub hwj chim rau cov Thwj Tim pom,
    Thov koj ua kom peb cov zaj teev Ntuj ci ntsa iab thiab dawb huv.
    Thov koj pab kom peb ua raws li koj cov lus.


    5- Tsim Lub Cim Yug :
    Thaum noj mov tas, Yes Xus muab lub mov mog
    ntais thiab cev rau cov Thwj Tim hais tias;
    “Txais mus nej noj, ntawm no yog kuv lub cev”

    Lus Thov Ntuj:
    Huab Tais vim muaj koj lub txiaj ntsim Ntshiab txi Ntuj,
    thov kom peb txawj thov Ntuj pab luag tej.
    Thov kom peb muaj peev xwm tshaj
    koj lub koob meej nrog rau lub Cim Yug.










    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: QHIA TEEV TXOJ SAW MAB LIAB

    Post  Maivxis on 23rd February 2012, 9:50 am

    Mim wrote:Nyob zoo os phauj Maiv Xis,

    Tsuav yog koj nyeem es ho pab koj txawj hais Saw Mab Liab cesd kuv twb zoo siab kawg li lawm os. Qhov kuv tso no twb yog xav tias tsam muaj ib txhia tsis paub tias yuav pib li cas tuaj kuv thiaj li tso mas... vim kuv yog ib tug neeg uas toob kam kom muaj ib tug paub yuav tsum tuav rawv kuv tes qhia hais tias "Koj pib mas yuav tsum xub ua qhov no, tas mas mam ua qhov no, ces mam ua li no ntxiv... mas thiaj tau ov.." no na. Yog tsis muaj tus piav li ntawd rau kuv ces lawv hais lus ces ya puag saum kuv taub hau lawm xwb, yeej tsis paub xyov luag hais luag dab tsi li....

    Es zoo siab tsuav yog ho pab tau koj os nawb.

    Nyob zoo os Mim .

    Ua tsaug ntau nawb Mim, kuv zoo siab kawg li os uas koj tuaj qhia li no rau kuv paub os koj qhia tau zoo heev li zoo li kuv kuj to taub lawm thiab os , Kuv nyiam heev li thiab os kuv xav xyaum teev saw Mab Liab no qhia li no mas zoo li kuj to taub zoo nyaj yuav tsis nyuab thiab os yuad ..! Yog kawg os Mim cov kawm tshiab li no mas kuv nyiam kom qhia li koj qhia li no na , kuv ces yog hais txog rau kis no mas yuav tau qhia li qhia me nyuam yaus xwb tiag , Ua tsaug dua ib zaug ntxiv os lod , Thov kom huab tais ntuj tsom kwm koj es kom koj muaj zoo lub tswv yim li no mus li os mog Vim tshuav ntau leej neeg ua tseem xav tau koj txoj kev pab heev li os ....


    Phauj Maiv Xis .

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 23rd February 2012, 10:25 am



    TXIAJ NTSIM PEB:




    NROG NIAM MAB LIAB mus rau YES XUS



    Txiaj Ntsim Raug Kev Txom Nyem (Teev Hnub 3 thiab Hnub 6)

    1- Yes Xus yuav Tuag:

    “Nej zov hmo thiab teev ntuj kom maim dhau kev haub ntxias,
    ntsuj plig heev tiam sis cev qaij muag luav” Mas Kos 14,38

    Lus thov Ntuj:
    Peb nrog Huab Tais zov hmo thiab cev peb lub neej txi rau Huab Tais.


    2- Luag muab Yes Xus ntaus :
    “Cov neeg pom nws, muab nws plawm thiab hnyos nws”

    Lus thov Ntuj:
    Huab Tais, thov koj zam peb tej txhaum rau peb
    thiab kom peb txawj sib zam ib yam li koj.


    3- Muab lub mom pos rau Yes Xus :
    “Kuv loj thiab ntshiab, tiam sis kuv nrog tus raug
    hiam tus qhib nws lub siab lees nws lub txim” His Xais 57,15

    Lus Thov Ntuj:
    Huab Tais, thov koj npo peb ntawm kev muab hlob kev hiam neeg.


    4- Yes Xus Kwv Ntoo Cuam :
    “Nws tus kheej raug lawv lub txim,
    nws ris tas zeej tsoom txim txhaum” His Xais 53,11

    Lus thov:
    Huab Tais Yes Xus, thov koj pub peb muaj koj lub siab hlub neeg li koj.


    5- Yes Xus raug ntsia saum Ntoo Cuam thiab tuag:
    “Koj muab roj ntsha los txhiv tas tib
    neeg txhua xeem lus, txhua haiv neeg thiab teb chaws” QhiYa Tom Ntej 5,9.

    Lus Thov Ntuj:
    Huab Tais, qhib peb lub siab kom pom koj hlub peb loj npaum luaj li no.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 23rd February 2012, 10:50 am





    TXIAJ NTSIM PLAUB:





    NROG NIAM MAB LIAB mus rau YES XUS



    Txiaj Ntsim Nto Koob Meej (Teev Hnub 4 thiab Hnub Chiv)


    1- Yes Xus Sawv rov los :
    “Txhob poob siab, kuv yog tus muaj sia, kuv siav tu,
    saib ziag no kuv ciaj sia nyob txhiab niag tim puas xyoo” QhiY Tom Ntej 1,18

    Lus thov Ntuj:
    Huab Tais, pub kom peb muab zog ntseeg khov kho thiab muaj Yes Xus lub Koob Meej.


    2- Yes Xus mus saum Ntuj :
    “Kuv nce mus cuag kuv Txiv thiab nej Txiv,
    cuag kuv tus Tswv Ntuj thiab nej tus Tswv Ntuj” Zam 20,17

    Lus thov Ntuj:
    Huab Tais, thov pub peb muaj kev vam thiab tso siab rau Yes Xus cov lus.


    3- Leej Ntuj Plig nqes los :
    “Leej Nplij neeg, yog Leej Ntsuj Plig Ntshiab,
    Leej Txiv yuav ua kuv npe xa tuaj,
    yog nws tus yuav qhuab qhia rau nej” Zam 14,26

    Lus thov Ntuj:
    Peb yuav nrog Mab Liab niaj hnub thov
    Leej Ntuj Plig hlub neeg rau lub sim ceeb.


    4- Mab Liab cev ntaj ntsug mus txog saum ntuj lawm :

    “Txawm Mab Liab cev ntaj ntsug mus txog saum ntuj lawm,
    nws hauj lwm tseem muaj ua” Vatican II

    Lus thob Ntuj:
    Mab Liab, koj yog tus choj hlub neeg dauv qaum ntuj thiab rau peb.
    Leej niam, koj dauv muag saib peb lub neej,
    coj peb mus taug txoj kev ntshiab.


    5-Mab Liab ua poj Huab Tais :
    “Ntsuj plig thiab lub cev muaj ntuj Koob Meej…
    Mab Liab yog lub sim ceeb tus poj vaj” Vatcan II

    Lus thov Ntuj:
    Peb hwm Mab Liab yog Leej Niam thiab yog Poj Vaj,
    nws yog lub cim peb pom tau Tswv Ntuj lo lus
    tsheej xeeb saum ntuj thiab nyob ntiaj teb no.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 23rd February 2012, 11:18 am



    COV ZAJ TEEV NTUJ HAUV KEV TEEV SAW MAB LIAB.


    Cov zaj nyob hauv kev teev Saw Mab Liab muaj tag nrho yog zaj xws li:

    1- Ua Ntoo Cuam Lub Cim.
    2- Zaj Kuv ntseeg.
    3- Niam Mab Liab Fas Tis Mas
    4- Kuv tus HT.Yes Xus...
    5- Peb txiv
    6- Koj nyob kaj lug Mab Liab
    7- Huab tais Leej txiv, Huab tais Leej tub...
    8- Poj Huab tais.

    Ua Ntoo Cuam Lub Cim:

    Hu txog leej Txiv thiab leej Tub thiab leej Ntuj Plig lub npe. Ua li.


    Kuv Ntseeg

    Kuv ntseeg txog Tswv Ntuj,
    Yog leej txiv muaj hwj huam tas nrho,
    yog tus tsim ntuj tsim teb.
    Kuv ntseeg txog Yes Xus Pleev,
    yog Tswv Ntuj leej Tub twm zeej, yog peb tus huab tais.
    Leej Tswv Yim Ntshiab ua kom nws xeeb los ua neeg.
    Nws yug ntawm Nkauj Ntshiab mab Liab los.
    Lub caij Pis Las Tos ua nom,
    Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj,
    zaum ntawm Leej Txiv muaj hwj huam tas nrho phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej tswv Yim Ntshiab.
    Ntseeg txog Tsoom Leej Ntshiab sib koom Ntuj Lub Txiaj Ntsim.
    Ntseeg txog kev daws txhaum.
    Ntseeg txog neeg lub cov sawv rov los.
    Ntseeg muaj txoj sia nyob mus li. Ua li.


    Miab Mab Liab fas Tis Mas:

    "Peb thov kom peb muaj txoj kev ntseeg Ntuj zoo,
    txoj kev nyiam Ntuj
    thiab kev tso siab lug rau Ntuj nyob hauv peb.”



    Kuv tus HT.Yes Xus.

    "Kuv tus HT Yes Xus,
    thov koj zam txhaum rau peb,
    thov koj cawm peb dim ntawm dab phem cov hluav taws,
    koj coj kom tas txhua tus ntsuj plig mus txog saum ntuj ceeb tsheej,
    tshwj xeeb yog cov uas koj yuav tsum khuv leej lawv ntau tshaj cov. Ua li"


    Zaj Peb Txiv.

    Peb txiv nyob saum ntuj,
    Peb txiv nyob saum ntuj,
    Koj lub npe ntshiab nto moo lug,
    Koj lub ceeb tsheej los txog,
    Kom muaj raws li koj nyiam nyob ntiaj teb no
    zoo li nyob saum ntuj.
    Thov koj muab mov txaus peb noj hnub no.
    Koj zam txhaum rau peb zoo li peb zam rau luag.
    Koj txhob tso peb raug kev ntxias.
    Koj npo peb dim ntawm kev phem. Ua li.


    Zaj Koj nyob kaj lug Mab Liab:

    Koj nyob kaj lug Mab liab,
    Tus tau txiaj ntsim puv siab.
    Huab Tais Ntuj nrog koj nyob.
    Koj tau koob tau hmoov tshaj ib zej tsoom poj niam tib si,
    thiab koj lub txiv uas koj lub cev txi tau koob tau hmoov.
    Leej Ntshiab mab Liab, Tswv ntuj leej Niad,
    Koj thov Ntuj rau peb cov neeg txhaum,
    Nyem no mus txog thaum peb lub caij dua. Ua li.


    Huab Tais Leej Txiv.

    "Huab Tais leej Txiv,
    HT leej Tub,
    HT leej Ntuj Plig muaj koob meej nto moo lug,
    lub zim txwv no mus txog fab lwm txheej,
    xws li txheej laus thaud los. Ua Li,"


    Poj Huab Tais.

    Zaj qub: Poj Huab Tais, koj ua niam hlub peb, koj nres peb txoj sia, koj ua peb lub neej tsim txiaj, koj ua peb lub siab tus, peb tuaj xyuas koj. Es Vas tej me nyuam khuam ntiaj teb no; Es Vas tej me nyuam poob nram hav puv kua muag no; Es Vas tej me nyuam kho siab tas nrho tuaj seev ntawm koj. Aib! Niam pab peb puag saum ntuj, koj dauv ntsej muag los ntsia peb. Thaum txog peb lub caij khuam ntiaj teb no tas lawm, koj muab koj plab lub txiv tsim txiaj Yes Xus rau peb xyuas. Aib! Niam txawj zam txhaum, Niam txawj hlub neeg, Mab Liab, nkauj tsim txiaj zoo nyiam.



    Txhais dua tshiab:

    Koj nyob kaj lug, Poj Huab Tais tus ntshiab huv, leej Niam muaj txoj kev khuv leej neeg! Koj yog peb txoj sia, koj yog peb qhov chaw zoo siab, koj yog peb qhov chaw tso siab! Peb yog Es Vas cov me nyuam poob tsag, peb quaj hu txog koj. Peb poob rau lub hav los kua muag, peb nroo peb quaj tuaj rau koj. Koj yog tus pab tus tuaj peb tog, thov koj tig koj lub ntsej muag khuv leej neeg los ntsia peb. Thaum txog peb lub caij khuam ntiaj teb no tas, thov koj pub lub txiv txi hauv koj cev, Yes Xus, rau peb pom. Aib! Niam txawj zam txhaum, Niam txawj hlub neeg, Mab Liab, nkauj tsim txiaj zoo nyiam. Tswv Ntuj leej Niam Ntshiab e, koj thov Ntuj rau peb, kom peb tsim nyog tau txais raws li Yes Xus cog lus tseg.





    Tub ntsuag
    Phooj Ywg
    Phooj Ywg

    Messages : 135
    Date d'inscription : 2011-10-06

    Thov nug kev teev saw mab liab.

    Post  Tub ntsuag on 26th February 2012, 1:12 am

    Nyob niam hlob thiab peb txhua tug nej cov uas tau teev saw mab liab cuaj hnub sib law ntawd ne yog tug txheej txheem yog li cas tias vim tam sim no peb nyob rau caij plaug lawm ne yog peb xav teev hais saw mab liab cuaj hnub ntawd thiab eg .vim tseem tob taub tsi tau zoo peg tsawg .vim muaj cov caij nyoog .ib yam li caij tos huab tais mas hais zaj saw mab liab ntawd lub caij ntawd tiam sis yog ua kev teev ntuj cuaj hnub ntawd ne hos pib hais li .hais hmob 2 &7 ntawd hais zaj ntuj tug ntshiab xa xov rau mab laib.hmo peb &hmo 6 hais yag yexu txom nyem .hmo 5 hais zaj ye xus txais kab kev ntxuav tug dej yos las das. Yog teev saw mab liab txhua txhua hnub mas li ntawd tiam sim yog peb xav ua kab ke teev cuaj hnub eg yuav rau yag twg .thiab vim peb nyob lub caij plau caug .mas yog hais txhua txhua hnub mas peb hais zaj yexus txais kev txom nyem .tiam sis yog ua le ne ho yuav pib hais hauv paus muas tas nrho rau plaub yag ntawd os. Li no xwb nyob zoo nej txhua tug .sib ntsib dua.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 26th February 2012, 10:28 am


    XH.Ntxoov Tsab,

    Raws li kuv paub mas txawm yog lub caij twg los kev teev Saw Mab Liab mas yuav teev raws hnub thiaj cov txiaj ntsim ua tau teev cia. Yog nej xav sib koom teev cuaj hnub thiab lub caij no twb yog Caij 40 lawm mas yog nej teev Tswv Ntuj Txoj kev Khuv Leej kuj zoo thiab. Koj mus saib hauv lub Topic nov, yog tsis nkag siab qhov twg los mam rov sib qhia dua.

    http://hmongcatholique.forumdediscussions.com/t373-tswv-ntuj-txoj-kev-khuv-leej-neeg




    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: QHIA TEEV TXOJ SAW MAB LIAB

    Post  Tub Kawm on 27th February 2012, 2:11 pm

    Nyob zoo Niam hlob, thov ua tsaug ntau rau Nws muab tus Link qhia teev Tswv Ntuj txoj kev khuv leej neeg tuaj tso pub rau peb paub og. hais txog zaj Tswv Ntuj txoj kev khuv leej neeg ces Ntxoov Tsab twb tau qhia qhia peb sawv daws thov lawm lawm thiab, tej zaum tob tau lawm, yog hais tias tsi to taub qhov twg no peb mam li nug nej dua og. Niam hlob thiab Mim mus rau sawv daws huv tib si, txhua yam peb tsi txawj puav leej yog nej ua tus qhia xwb peb tau nug tej yam nyuaj kawg zoo li tus me nyuam yau tsi paub dab tsi los thov nej sawv daws pab qhia og nawb. Thov kom Tswv Ntuj lub txiaj ntsim nrog sawv daws nyob.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 27th February 2012, 7:03 pm

    Nyob zoo tub Txawj Tuam,

    Yog ib txoj koob hmoov zoo uas peb sib nug xov tau, sib fim thiab sib txuas lus cuag li peb nyob ib tse. Tsis muaj yam yuav zoo siab tshaj qhov uas ua tau ib yam me me mus pab rau ib tug, yog peb tseem muab tau ib tee lwg los ywg nej tsob paj kom txawj hlob mas peb yuav zoo siab heev. Peb kev ntseeg kuj tsis tob, vim peb xeem pheev, xeem kawm thiab xwb, tsis yog kawm tawm los ces yeej yuav tsis muaj kuab cuag kws; tab sis li cas los peb muaj li cas peb siv li ntawd thiaj yog peb tug. Es nej cov nyob deb, muaj dab tsi khuam siab, txhob ua siab deb yeej meem nug tuaj, yam peb teb tau peb yuav teb nej, yam teb tsis tau peb mam tshawb nrhiav los yog nug cov Leej Choj los yog Tswv Qhia nyob rau peb lub teb chaws. Hnub tim 25/4/2012, no TP.Cwj Vuam Chiv yuav nqes tuaj ntawm peb zos, peb muaj Ntxuav me nyuam Plig thiab hnub 25 Tswv Qhia Liab nyob ntawm Lyon tau caw koj txiv hlob wb mus nrog lawv kawm Ntuj Kev Cai ua ke, zoo li TP.Cwj Vuam Chiv yuav tuaj nrog wb mus thiab no.
    Tub Txawj Tuam, lub neej khwv khwv los peb tseem ncig ntuj sib tuav tes nrhiav Tswv Ntuj thiab mas zoo siab kawg.


    Last edited by Maiv Tooj on 8th March 2012, 5:30 am; edited 1 time in total




    Tub ntsuag
    Phooj Ywg
    Phooj Ywg

    Messages : 135
    Date d'inscription : 2011-10-06

    Re: QHIA TEEV TXOJ SAW MAB LIAB

    Post  Tub ntsuag on 8th March 2012, 4:04 am



    . . .thov txim ntau niam hlob vim hauj lwj ntau thiaj tsi tau khoom tuaj teb koj os nawb .hais raws li zaj tswv ntuj khuv leej neeg ces to taub zog lawm thiab lo mav .vim muaj koj ua tug qhia os nawb. Tiam sis tseem tshuav qhov ib hnub thov ntuj ib yam tseem tsi tau nkas siab zoo xwb os.

    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: QHIA TEEV TXOJ SAW MAB LIAB

    Post  Maivxis on 8th March 2012, 9:29 am

    Mim wrote:Nyob zoo os phauj Maiv Xis,

    Tsuav yog koj nyeem es ho pab koj txawj hais Saw Mab Liab cesd kuv twb zoo siab kawg li lawm os. Qhov kuv tso no twb yog xav tias tsam muaj ib txhia tsis paub tias yuav pib li cas tuaj kuv thiaj li tso mas... vim kuv yog ib tug neeg uas toob kam kom muaj ib tug paub yuav tsum tuav rawv kuv tes qhia hais tias "Koj pib mas yuav tsum xub ua qhov no, tas mas mam ua qhov no, ces mam ua li no ntxiv... mas thiaj tau ov.." no na. Yog tsis muaj tus piav li ntawd rau kuv ces lawv hais lus ces ya puag saum kuv taub hau lawm xwb, yeej tsis paub xyov luag hais luag dab tsi li....

    Es zoo siab tsuav yog ho pab tau koj os nawb.

    Nyob zoo os Mim .

    Thov txim os ua tau 2-3 hnub no kuv tsis tau tuaj teb koj os , Ua tsaug ntau nawb mog uas koj tseem tuaj qhia rau kuv os mog , Ua li os kuv li mam sim kawm ua li koj hais es seb kuv hos puas siv tau os mog Ua tsaug ntau os . Koj tuaj qhia tau ntau yam rau nyob rau hauv no tseem ceeb thiab zoo heev li , Txhob tso tseg nawb mog peb tseem xav xav tau ib tug neeg zoo li koj os mog Thov kom Huab Tais ntuj nrog nraim koj , ua koj lub siab kaj lug nawb .


    Maivxis .


    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: QHIA TEEV TXOJ SAW MAB LIAB

    Post  Maivxis on 8th March 2012, 9:37 am

    NrhiavTswvNtuj wrote:[color=blue]

    Nyob zoo Mim thiab Maiv Xis,

    Maiv Xis, nws tsis tau txawj teev Saw Mab Liab los tuaj ssaib ib pliag xwb ces yeej txawj xwb. nws tsis muaj ntau zaj hais, yog rov qab hais zaj qub xwb. Teev Saw Mab Liab yog ib qho tau txiaj ntsim zoo.



    Nyob zoo os MaivTooj , Tiag lod puas yooj yim li ntawd ma los , kuv xav nrog nej teev kawg li thiab mas tab sis kuv yog neeg tshiab ces kuv tsis tshua txawj na ntshe yuav kawm ntev thiab pob los , MT kuv zoo siab kuv paub lawm tias koj paub thiab no kuv li mam tuaj kawm os nawb , Teev saw Mab Liab yog ib qho tau txiaj ntsim zoo , Thov kom yog li koj hais nawb lod ,Thov kom txhua tus uas teev saw Mab Liab no tau txais Ntuj lub txiaj ntsim li nws teev os nawb lod . Ua koj tsaug Ntau os MT ...



    Maivxis .


    Sponsored content

    Re: QHIA TEEV TXOJ SAW MAB LIAB

    Post  Sponsored content Today at 3:42 am


      Current date/time is 10th December 2016, 3:42 am