Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    QHIA TEEV TXOJ SAW MAB LIAB

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    QHIA TEEV TXOJ SAW MAB LIAB

    Post  Maiv Paj Lug on 25th August 2009, 11:18 pm

    QHIA TEEV TXOJ SAW MAB LIAB ...sau los ntawm Koojziagkabzaug




    TEEV TXOJ SAW MAB LIAB




    CEV LUS

    Tus Nkauj Tsim Txiaj Mab Liab paub Yes Xus lub siab zoo tshaj

    plaws. Tsis muaj lwm tus yuav muaj peev xwm qhia peb zoo
    dua Mab Liab. Li ntawd, txhua zaus peb ntsia Yes Xus lub
    neej, mas Niam Mab Liab pab peb coj tus yeeb yam raws li nws
    tus piv txwv.

    Tus tib neeg ntseeg tus nru lus mas yog: txiav siab nrog nws
    tus Huab Tais koom siab koom ntsws, thiab npuab Huab Tais Yes
    Xus tas siab tas ntsws ntag .

    Tus Hauv Paus Xa Lus Paj Lug hais meej meej tias :
    « Kuv xav paub Leej Pleev, xav paub nws txoj kev sawv rov los
    muaj zog npaum li cas, xav npuab Huab Tais Yes Xus nyob hauv
    nws txoj kev raug txom nyem, thiab kuv xav yoog raws li nws
    tus piv txwv nyob hauv txoj kev tuag, saib kuv puas yuav sawv
    hauv cov tub tuag rov los. » (FLP 3,10).

    «Nej yuav hnav peb tus Huab Tais Yes Xus Pleev »
    ( LM 13,14 + NKLT 3,27).
    Tus Nkauj Tsim Txiaj Mab Liab yog peb niam thiab
    yog lub
    Koom Txoos leej niam. Niam Mab Liab thov Ntuj tsis tu ncua
    rau nws cov me nyuam. Nws thov Ntuj hliv Leej Ntuj Plig
    Ntshiab rau hauv peb lub siab, kom peb ua neeg ntshiab tau.
    Thaum peb hais txoj saw Mab Liab, mas Niam Mab Liab nrog
    peb cav txog nws Leej Tub Yes Xus thiab nrog peb thov Yes Xus.
    Tsev neeg twg teev Ntuj ua ke, mas lawv yuav txawj sib hlub,
    sib pab ris lub neej tej kev nyuaj ntxhov, txawj sib koom siab,
    txawj sib zam txhaum. Tsev neeg twg hais txoj saw Mab Liab
    ua ke, mas thaum lawv raug kev nyuaj, kev txom nyem, Yes Xus
    nrog lawv ris.

    tsev neeg uas lawv sawv daws sib sau los hais Txoj Saw
    Txiv Plig Txhiaj Foom, omi (Fr. Daniel Taillez, omi)



    Txoj saw Mab Liab,

    yog ib txog kev teev Ntuj uas coj peb mus txog

    Huab Tais Yes Xus.




    Thaum peb hais txoj saw Mab Liab, mas yog zoo li peb nce muszaum nyob hauv peb niam lub xub ntiag. Peb niam Mab Liab qhiatxoj kev uas Yes Xus nyob rau peb, thiab pab peb yoog raws li YesXus nyiam.Thaum koj hais txoj saw Mab Liab mas niam Mab Liab nrog koj[color=#0000ff]teev Ntuj, nws nrog koj thov Yes Xus rau tas ib tsoom neeg kom0000ff]sawv daws tig los ntseeg txog Tswv Ntuj.


    Lus qhia: 1 mus txog 20

    Txoj saw Mab Liab, Muaj tej qhov nej pom muaj ib lub hlaws xwb, muaj tej qhov muaj peblub hlaws, tej qhov muaj 10 lub hlaws ua ke. Yog vim li no:
    Ntu uas muaj ib lub hlaws xwb yog hais zaj Peb Txiv.
    Ntu muaj peb lub
    hlaws sib txuas: hais 3 zag koj nyob kaj lug Mab Liab.
    Thaum muaj 10 lub hlaws mas hais 10 zaj koj nyob kaj lug Mab Liab.
    Thaum hais 3 zag los yog 10 zaj koj nyob kaj lug Mab Liab tas mas yuav xaus
    zoo li no:
    "Huab Tais Leej Txiv, Huab Tais Leej Tub, Huab Tais Leej Ntuj Plig,muaj koob meej nto moo lug, lub zim txwv no mus txog fab lwmtxheej, xws li txheej laus thaud los. Ua li."

    Hais zaj no tas, hais Niam Mab Liab lo lus qhia ntxiv:
    “Kuv tus Huab Tais Yes Xus, thov koj zam txhaum rau peb. Koj
    cawm peb kom dim ntawm dab phem cov hluav taws, thov koj
    coj txhua leej txhua tus mus hauv koj lub Ceeb Tsheej, thiab
    thov koj khuv leej cov neeg uas tau ua txhaum loj rau Ntuj.”

    [/center]

    Txoj saw Mab Liab pib li no:  


    1. Ua Ntoo Cuam lub cim.

    Hu txog Leej Txiv, thiab Leej Tub, thiab Leej Ntuj Plig lub npe.
    Ua li.

    2. Zaj kuv ntseeg.

    Kuv ntseeg txog Tswv Ntuj, yog Leej Txiv muaj hwj huam tas nrho, yog
    tus tsim ntuj tsim teb.
    Kuv ntseeg txog Yes Xus Pleev, yog Tswv Ntuj Leej Tub twm zeej,
    yog peb tus Huab Tais.
    Leej Ntuj Plig ua kom nws xeeb los ua neeg.
    Nws yug ntawm Nkauj Ntshiab Mab Liab los.
    Lub caij Pis Las Tos ua nom, Yes Xus raug luag hiam
    thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj, zaum ntawm Leej Txiv phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej Ntuj Plig Ntshiab,
    ntseeg txog lub Koom Txoos Ntshiab cia rau lub qab ntuj neeg,
    ntseeg txog tsoom Leej Ntshiab sib koom Ntuj lub txiaj ntsim.
    Ntseeg txog kev daws txhaum, ntseeg txog leej neeg lub cev kev sawv
    rov los. Ntseeg txog muaj txoj sia nyob mus li. Ua li.

    3. Zaj “Peb Txiv”.

    Peb Txiv nyob saum ntuj,
    Koj lub npe ntshiab nto moo lug.
    Koj lub Ceeb Tsheej los txog.
    Kom muaj raws li koj nyiam nyob ntiaj teb no li nyob saum ntuj.
    Thov koj pub mov txaus peb noj hnub no.
    Koj zam txhaum rau peb, zoo li peb zam rau luag.
    Koj txhob tso peb raug kev ntxias,
    Koj npo peb dim ntawm kev phem. Ua li.

    4. Hais 3 zaug zaj “Koj nyob kaj lug Mab Liab”.

    Koj nyob kaj lug Mab Liab, tus tau txiaj ntsim puv siab.
    Huab Tais nrog koj nyob. Koj tau koob tau hmoov tshaj ib zeej tsoom poj
    niam tib si. Thiab Yes Xus, lub txiv uas koj lub cev txi, tau koob tau
    hmoov.
    Leej Ntshiab Mab Liab, Tswv Ntuj Leej Niam,
    Koj thov Ntuj hlub peb cov neeg txhaum,
    Nyem no mus txog thaum peb lub caij dua. Ua li.

    5. Huab Tais Leej Txiv:
    Huab Tais Leej Txiv, Huab Tais Leej Tub, Huab Tais Leej Ntuj Plig muaj
    koob meej nto moo lug.
    Lub zim txwv no mus txog fab lwm txheej, xws li txheej laus thaud los.
    Ua li.


    Last edited by maypaj on 26th August 2009, 12:45 am; edited 7 times in total

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: QHIA TEEV TXOJ SAW MAB LIAB

    Post  Maiv Paj Lug on 25th August 2009, 11:57 pm





    Mystère Joyeux,

    Txiaj ntsim Kaj siab


    Hais Hnub Ob (Monday) & Hnub Xya (Saturday)





    Kev nyob kaj siab lug lub caij uas Huab Tais Yes Xus tseem me me,
    thiab yav nws tseem yau. Niam Mab Liab tau hlub nws tus tub Yes Xus.
    Thov kom niam Mab Liab pab peb nyiam nws Leej Tub li nws nyiam


    Yag Ib:

    Nco txog Ntuj tus Tshiab Nkas Nplias xa xov rau Mab Liab. Mab Liab
    zoo siab txais cov lus uas Ntuj tus Tshiab xa tuaj rau nws.
    Peb thov Huab Tais Yes Xus pab peb txais Leej Txiv cov lus zoo li Mab Liab.

    Hais zaj “Peb Txiv”.
    kaum zaj “Koj Nyob Kaj Lug Mab Liab”.
    Huab Tais Leej Txiv…
    “Kuv tus Huab Tais Yes Xus, thov koj zam txhaum rau peb.
    Koj cawm peb kom dim ntawm dab phem cov hluav taws.
    Thov koj coj txhua leej txhua tus mus hauv koj lub Ceeb Tsheej,
    thiab thov koj khuv leej cov neeg uas tau ua txhaum loj rau Ntuj.”



    Yag Ob:

    Nco txog Mab Liab mus xyuas nws tus phauj Es Lis Xas Npes.
    Peb thov Mab Liab kom nws thov Ntuj rau peb, kom peb txawj nyiam
    thiab txawj hlub zoo li Mab Liab.

    Hais zaj “Peb Txiv”.
    kaum zaj “Koj Nyob Kaj Lug Mab Liab”.
    Huab Tais Leej Txiv…



    Yag Peb:

    Nco txog Yes Xus yug los.
    Yes Xus xaiv ib yim neeg pluag los ua nws tsev neeg. Tswv Ntuj cia
    nws yug los rau hauv ib lub tsev yug tsiaj, nws pw hauv lub dab zaub nyuj.
    Peb thov Ntuj pab kom peb txawj hlub cov neeg txom nyem, thiab cov ntsuag nos.

    Hais tib yam li Yag ib saud...



    Yag Plaub:

    Mab Liab thiab Yos Xes coj tus me nyuam mos Yes Xus mus cev rau
    Ntuj hauv lub Tuam Tsev Teev Ntuj.
    Peb yuav nco ntsoov ua Tswv Ntuj tsaug thaum nws pub tub ki rau peb.
    Peb yuav niaj hnub muab peb cov me nyuam cev rau Tswv Ntuj, kom
    Tswv Ntuj foom hmoov zoo rau lawv.



    Yag Tsib:

    Mab Liab thiab Yos Xes nrhiav tau Yes Xus nyob hauv lub Tuam Tsev
    Teev Ntuj, vim nws leg Leej Txiv tej hauj lwm.
    Peb thov Yes Xus pab peb kom peb nrhiav Tswv Ntuj, thiab kom peb kub
    siab leg Tswv Ntuj cov hauj lwm.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: QHIA TEEV TXOJ SAW MAB LIAB

    Post  Maiv Paj Lug on 26th August 2009, 12:32 am

    Mystère Douloureux,

    Yes Xus tuaj yeem ris ntiaj teb neeg lub txim txhaum


    Hais Hnub Tuesday & Friday & Saturday








    Peb tu siab rau peb tej txhaum thiab peb lees txhaum. Peb
    zoo siab them peb lub txim txhaum, vim Yes Xus nrog peb ris.
    Vim Yes Xus yeej kev txhaum thiab kev tuag,
    mas peb tsis ntshai qhib peb lub siab xav ua phem rau
    Yes Xus. Thaum peb hais txoj saw Mab Liab no,
    Yes Xus yuav pab peb yeej kev txhaum,
    pab peb nrog nws ris ntiaj teb neeg lub txim txhaum,
    thiab tsa peb sawv hauv kev txhaum los nyob hauv txoj sia.





    Yag Ib:

    Nco txog Yes Xus teev Ntuj nyob hauv lub vaj txiv ntoo roj.
    Yes Xus yeej paub tias nws yuav txais txoj kev tuag, vim nws xav cawm
    ntiaj teb neeg. Yes Xus txoj kev cawm duav txij hnub neeg los nyob
    ntiaj teb no mus txog hnub ntiaj teb kawg.
    Yes Xus hais tias: “Txiv, thov kom lub ntim no txav mus deb ntawm
    kuv puas tau?
    Tab sis, koj txhob ua raws li kuv xav, koj ua raws li koj xav.”
    Peb thov Yes Xus pab peb ua raws li Leej Txiv lub siab, tab yog peb yuav
    tsum raug kev nyuaj siab ntau.



    Yag Ob:


    Nco txog Yes Xus txoj kev txom nyem. Lawv muab nws khi, lawv xuas
    hlua nplawm nws, tsis kav nws tseem thov kom Tswv Ntuj zam rau lawv.
    Peb thov kom Yes Xus pab peb zam rau luag, thiab kom nws txoj kev
    nyiam kev hlub rhuav peb lub siab xav ua phem pov tseg.



    Yag Peb:

    Nco txog luag muab lub kauj pos los rau Yes Xus ntoo, thiab lawv thuam
    Yes Xus.
    Peb thov kom Yes Xus pab peb ua ib tug neeg txawj hlub luag, txawj hais
    lus zoo rau luag, thiab txawj hwm luag.



    Yag Plaub:

    Nco txog Yes Xus kwv ntoo cuam mus rau tom qhov chaw uas lawv yuav
    muab nws dai. Yes Xus raug luag tsim txom npaum li cas, los nws yeej
    hlub peb cov neeg txhaum thiab hlub cov neeg tsim nws mus txog thaum
    nws txoj sia tu.
    Peb thov Huab Tais Yes Xus pab peb ris tej yam nyuaj uas tuaj raug peb,
    pab peb kwv peb tus ntoo cuam lawv nws qab.



    Yag Tsib:

    Nco txog luag muab Yes Xus dai saum ntoo cuam.
    Peb thov Yes Xus pab peb zam rau luag, thiab pab peb nyiam Tswv Ntuj
    tas siab tas ntsws zoo li Yes Xus.



    Txuas ntxiv lwm zaus

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: QHIA TEEV TXOJ SAW MAB LIAB

    Post  Maiv Paj Lug on 26th August 2009, 12:33 am

    Mystère Glorieux,

    Yes Xus sawv rov los muaj hwj chim


    Hais Hnub Wednesday & Sunday








    Txoj saw Mab Liab cav txog Yes Xus yeej kev tuag.

    Txoj saw Mab Liab no coj peb nrog Yes Xus sawv rov los.
    Thaum koj hais txoj saw Mab Liab no, Niam Mab Liab
    yuav thov nws Leej Tub Yes Xus coj koj nrog nws sawv
    hauv kev mob kev ntsaj, kev tsaus ntuj, kev chim siab,
    kev poob ntsej muag, los mus rau hauv txoj kev kaj siab.



    Yag Ib :

    Nco txog Yes Xus sawv hauv cov tub tuag rov los. Kev tuag, yog txoj
    kev uas leej tib neeg ntshai tshaj plaws. Tab sis Yes Xus yog Tswv Ntuj
    Leej Tub tiag, nws thiaj yeej txoj kev tuag.
    Peb thov Yes Xus kom nws pab peb ntseeg txog nws, ntseeg txog nws lub
    hwj huam cawm neeg. Thaum peb ntseeg lawm, peb yuav nrog Yes Xus
    muaj txoj sia.



    Yag 0b:

    Nco txog Yes Xus nce mus saum ntuj, nws zaum ntawm Leej Txiv phab
    xis, muaj hwj huam, muaj koob meej loj kawg.
    Peb thov Yes Xus pab peb ua neeg siab dawb siab huv, tos Yes Xus lub
    hwj chim yuav rov los coj peb mus nrog nws nyob kaj lug.



    Yag Peb:


    Nco txog Leej Ntuj Plig nqes los nyob hauv cov ntseeg txog nws.
    Peb vam Mab Liab thov Leej Ntuj Plig los nyob hauv peb, pab peb lub
    siab lub tswv yim kom ruaj khov, ua Yes Xus tim khawv rau cov nyob ze
    peb.



    Yag Plaub:


    Nco txog Mab Liab nce mus saum ntuj.
    Tswv Ntuj coj Mab Liab lub cev nce mus saum ntuj.
    Tas Mab Liab sim neej, nws tsis nrhiav to taub saib yog vim li cas Tswv
    Ntuj thiaj kom nws ua tej yam uas nws tsis to taub, Mab Liab tsuas
    nrhiav mloog Tswv Ntuj lus xwb.
    Peb thov Mab Liab thov Ntuj rau peb, kom peb nyiam Tswv Ntuj zoo li
    Mab Liab.



    Yag Tsib:

    Tswv Ntuj pub hwj huam rau Mab Liab ua Leej Niam thiab ua Poj Huab
    Tais saib tas ib tsoom neeg nyob ntiaj teb no.
    Peb cev tas lub ntiaj teb neeg, tas ib tsoom neeg txhaum, rau niam Mab
    Liab kom nws coj sawv daws kev mus cuag Tswv Ntuj.




    Txuas ntxiv lwm zaus

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: QHIA TEEV TXOJ SAW MAB LIAB

    Post  Maiv Paj Lug on 26th August 2009, 12:34 am

    Mystère Lumineux,

    TXIAJ NTSIM POM KEV

    Hais Hnub Tsib (Thursday)



    Vaj Qhia Zam Paj Lug II
    (Karol Józef Wojtyla)


    1. Cav txog Yes Xus txais lub Cim Ntxuav hauv dej Yos Las Das.

    2. Cav txog Yes Xus nrog lawv koom noj rooj tshoob nyob Kas Nas.

    3. Cav txog Yes Xus tshaj Ntuj lub Ceeb Tsheej rau sawv daws.

    4. Cav txog Yes Xus lub hwj chim tawm los rau peb tug thwj tim pom.

    5. Cav txog Yes Xus tsim lub Cim Yug hmo uas nws nrog cov thwj tim noj pluas mov kawg.



    POJ HUAB TAIS:
    Poj Huab Tais,
    Koj ua niam hlub peb, koj nres peb txoj sia, koj ua peb lub neej tsim
    txiaj, koj ua peb lub siab tus. Peb tuaj xyuas koj.
    Es Vas tej me nyuam khuam ntiaj teb no,
    Es Vas tej me nyuam poob nram hav puv kua muag no,
    Es Vas tej me nyuam kho siab tas nrho tuaj seev ntawm koj.
    Aib ! Niam pab peb puag saum ntuj.
    Koj dauv ntsej muag los ntsia peb. Thaum txog peb lub caij
    khuam ntiaj teb no tas lawm, koj muab koj plab lub txiv tsim
    txiaj Yes Xus rau peb xyuas.
    Aib ! Niam txawj zam txhaum,
    Niam txawj hlub neeg. Mab Liab nkauj tsim txiaj zoo nyiam.





    Txoj saw Mab Liab yog ib txog kev teev Ntuj muaj nqe kawg.

    Niam Mab Liab tau cog lus pub txiaj ntsim rau tus hais txoj saw Mab Liab



    Cov neeg uas tau xub hais txoj Saw Mab Liab:

    1. Leej Ntshiab Daus Mis Niv (Dominic, 1170)

    Leej Ntshiab Daus Mis Niv yog ib tug Txiv Plig. Nws yug xyoo
    1170 nyob Fab Kis teb. Nws tau tshaj lub Moo Zoo ntau rau
    tsoom neeg. Nws qhuab qhia kom ua neeg mus raws txoj kev
    ntshiab, thiab coj lub Moo Zoo raws li Yes Xus qhia. Tab sis tsis
    muaj leej twg mloog nws hais. Leej Ntshiab Daus Mis Niv thiaj
    muab siab rau teev Ntuj, thiab hais txoj saw Mab Liab. Nws kuj
    qhia kom sawv daws hais txoj saw Mab Liab ces sawv daws
    mloog nws qhia. Lawv thiaj lees txhaum thiab thov txhaum ntawm Tswv Ntuj.
    Txij thaum muaj neeg kub siab teev Ntuj raws li txoj saw Mab
    Liab lawm, ces muaj neeg tig rov los ua zoo, thiab xyaum ua neeg ntshiab.
    Peb kuj yuav mob siab hais txoj saw Mab Liab, rau siab
    thov peb niam Mab Liab, uas nws yog tus tau txais koob
    hmoov ntau tshaj ib tsoom neeg huv tib si.
    Peb yuav vam txog nws pab thov Tswv Ntuj zam txhaum
    rau peb, vim peb yog cov uas niaj hnub poob nyob hauv
    kev txhaum thiab yog vim peb tsis nco hwm Tswv Ntuj uas
    yog peb Leej Txiv Tswv Ntuj siab zoo.

    2. Leej Ntshiab Npes Nas Des (Bernadette, yug Tim 7 lub 1 hlis 1844-1858).

    Leej Ntshiab Npes Nas Des yog ib tug me ntxhais pluag
    pluag, thiab ho muaj mob kawg nyob hauv nws lub neej.
    Nws yog ib tug me nyuam ntxhais uas tsis tau kawm txuj ci
    li luag tej. Nws yog neeg fab Kis.
    Tab sis nws nyiam Tswv Ntuj heev, thiab nyiam niam Mab
    Liab heev. Muaj ib hnub, nws tau pom niam Mab Liab. Nws
    tsis paub hais tias yog niam Mab Liab.
    Nws thiaj nug tus uas nws pom ntawd hais tias: “Koj yog
    leej twg?” Niam Mab Liab teb nws hais tias: “ Kuv yog tus
    yug los tsis lo neeg lub keeb txhaum”. Ces Npes Nas Des
    mam li paub hais tias yog leej twg. Npes Nas Des tseem rov
    pom niam Mab Liab li ntawd ntau ntau zaus kawg. Txhua
    lub caij uas Npes Nas Des pom niam Mab Liab mas nws
    yeej tuav rawv txoj saw Mab Liab ntawm nws txhais tes.
    Niam Mab Liab thiaj qhia Npes Nas Des kom mus qhia rau
    zeej tsoom sawv daws kom muab siab rau hais txoj saw Mab
    Liab los thov Ntuj pab lub ntiaj teb neeg.
    Peb sawv daws thiaj yuav tau muab siab rau hais txoj saw
    Mab Liab thov Ntuj pab peb tiag tiag.



    3. Peb tug me nyuam nyob Fas Tis Mas:
    Tau tsis ntev pes tsawg los lawm, muaj peb tug me nyuam mus
    yug yaj noj zaub. Lawv kuj tau pom niam Mab Liab tawm tuaj
    xyuas lawv thiab. Lawv cov npe hu ua:

    Lus Xias (Lucia) yog ib tug ntxhais
    Fas Ntshis Kaus (Francisco) yog ib tug tub
    Zas Xees Tas (Jacinta) yog ib tug ntxhais.


    Lawv nyob ntawm ib lub me nyuam nroog hu ua Fas Tis Mas,
    nyob hauv teb chaws Pos Tus Nkas (Portugal). Xyoo 1917, muaj
    ib hnub, lawv mus zov lawv cov yaj noj zaub. Ib sij huam, lawv
    tau pom niam Mab Liab sawv luag nyav nyob ze ntawm lawv.
    Lawv pom niam Mab Liab sawv li tus duab hauv qab no. Niam
    Mab Liab tuav rawv txoj saw Mab Liab nyob hauv nws tes. Cov
    me nyuam pom Niam Mab Liab mas lawv tsis tshua zoo siab
    pes tsawg. Niam Mab Liab thiaj hais tias:

    “ Muaj neeg coob kawg tsis tau mus saum ntuj vim tsis muaj neeg thov Ntuj rau lawv”.

    Ces niam Mab Liab hais rau peb tug me nyuam ntawd tias:

    “Kuv cov me nyuad, nej kav tsij niaj hnub hais txoj saw
    Mab Liab thov Ntuj pab txhua leej txhua tus mog. Kuv ua
    nej niam, kuv yuav thov kom Leej Tub Yes Xus hlub nej
    thiab zam txhaum rau nej. Ces yuav muaj neeg coob tau
    mus saum ntuj yog vim nej thov Tswv Ntuj pab”.


    Nyem no cov ntseeg thiaj tau tsa ib lub tsev teev Ntuj rau qhov
    chaw ntawd kom cov ntseeg nyob tas ntiaj teb tau kev tuaj mus
    teev Ntuj nyob ntawd.





    Hais txoj saw Mab Liab nyob hauv peb tsev:

    Peb hais txoj saw Mab Liab nyob hauv tsev teev Ntuj. Thiab hais
    txoj saw Mab Liab ua ke nyob hauv peb tsev, los puas nyob ze
    ntawm Mab Liab tus duab, los qhov chaw twg kuj tau tas tib si.


    COV NQE LUS COG RAU COV NEEG HAIS TXOJ SAW MAB LIAB
    Leej Ntshiab Dominic thiab Alan de la Roche

    (tus txhais : Mim Yaj Xyooj)

    Niam Mab Liab cog lus tias :

    1- Leej twg mob siab hais txoj saw Mab Liab los tsob hwb kuv,
    mas nws yuav tau txais tej yam txiaj ntsim pab nws to taub ntau yam.

    2- Kuv cog lus rau cov neeg hais saw Mab Liab tias kuv yuav ua
    tus pov hwm lawv, lawv yuav txais koob hmoov loj.

    3-Txoj saw Mab Liab yog ib rab ntaj riam muaj hwj huam tiv
    thaiv Dab Phem, nws yuav rhuav tau txoj kev tsis zoo, yuav ua
    kom kev txhaum tsuag zuj zus, thiab yuav ntaus yeej txoj kev yuam kev.

    4- Kev hais saw Mab Liab yuav ua kom neeg dawb huv tuaj, kom
    txoj kev zoo tawg paj txi txiv, thiab neeg yuav tau txais Ntuj txoj
    kev hlub thiab kev zam txhaum ntau tas nrho, yuav rub neeg lub
    siab kom txhob ntshaw ntiaj teb tej kev dag kev cuav, nws yuav
    ntshaw tej yam tsis txawj ploj. Ab! Kheev lam leej tib neeg muab
    txoj saw Mab Liab los ua kev taug, mas lawv yuav dawb huv tuaj.

    5- Tus neeg uas nws muab nws cob rau kuv nyob hauv txoj kev hais
    saw Mab Liab, mas nws yuav tsis poob rau hauv txoj kev tuag mus li.

    6- Leej twg nquag hais txoj saw Mab Liab thiab nco txog tej yam
    tob zais ntshis hauv kuv lub neej, mas nws yuav tsis swb txoj kev
    phem uas txeem los rau hauv nws lub neej. Thaum nws tso ntiaj teb
    tseg, nws yuav tau txais kev pab. Nws yuav nyob hauv Tswv Ntuj
    txoj kev sib raug zoo, thiab yuav tsim nyog txais txoj sia nyob mus li.

    7 – Tus neeg hais txoj saw Mab Liab, nws yuav tau txais lub Koom
    Txoos cov Cim nqa txiaj ntsim pab nws thaum nws tso lub ntiaj teb no tseg.

    8 – Cov neeg niaj hnub hais txoj saw Mab Liab, yuav tau txais
    Tswv Ntuj Qhov Pom Kev, thiab yuav txais txiaj ntsim pab lawv ua
    neej nyob ntiaj teb, thiab pab lawv thaum lawv yuav tso ntiaj teb tseg.
    Thaum lawv dua nra lawd, lawv tseem yuav tau nrog tsoom neeg
    siab Ntshiab nyob saum ntuj sib faib cov leej Ntshiab tej koob
    hmoov uas lawv tau tsim tseg.

    9 – Kuv yuav cawm cov uas niaj hnub hais txoj saw Mab Liab
    kom lawv dim ntawm teb chaws them txim.

    10 – Nej leej twg hais txoj saw Mab Liab los thov dab tsi ntawm
    kuv, mas nej yuav tau txais raws li nej thov.

    11- Tus twg qhia kom muaj neeg coob paub txog kev hais saw
    Mab Liab, mas kuv yuav pab nws thaum nws raug kev nyuaj ntxhov.

    12 – Kuv Leej Tub tso cai rau kuv txib tsoom tub ncig saum ntuj
    kom pab cov neeg nyiam hais txoj saw Mab Liab, thaum lawv
    tseem ua neej nyob ntiaj teb thiab lub caij lawv yuav tso ntiaj teb tseg.

    13 – Txhua leej txhua tus uas hais txoj saw Mab Liab, yog kuv cov
    tub cov ntxhais. Lawv yog kuv leej Tub Twm Zeej Yes Xus Pleev cov kwv cov muam.

    14 – Kev nyiam hais txoj saw Mab Liab, yog lub cim qhia tias Ntuj xaiv nws.






    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 4th October 2009, 8:43 am


    Qhia teev sawv Mab Liab raws li TP. Cwj Vuam Chiv.



    Txiaj Ntsim Nto Koob Meej (Teev hnub 4 thiab hnub chiv, Mer et Dim= Wednesday & Synday)

    Les Mystères Glorieux - The Glorious Mysteries (said on Wednesdays and Sundays)

    1
    The Resurrection. Sawv tsees rov ciaj sia :


    “Txhob poob siab, kuv yog tus muaj sia, kuv siav tau tu, saib ziag no kuv ciaj sia nyob txhiab niag tim puas xyoo” QhiY Tom Ntej 1,18
    Huab Tais, pub kom peb muab zog ntseeg khov kho thiab muaj Yes Xus lub Koob Meej.

    2
    The Ascension. Yes Xus mus saum ntuj :


    “Kuv nce mus cuag kuv Txiv thiab nej Txiv, cuag kuv tus Tswv Ntuj thiab nej tus Tswv Ntuj” Zam 20,17
    Huab Tais, thov pub peb muaj kev vam thiab tso siab rau Yes Xus cov lus.

    3
    The Descent of the Holy Spirit. Leej Ntuj Plig nqes los :


    “Leej Nplij neeg, yog Leej Ntsuj Plig Ntshiab Leej Txiv yuav ua kuv npe xa tuaj, yog nws tus yuav qhuab qhia rau nej” Zam 14,26
    Peb yuav nrog Mab Liab niaj hnub thov Leej Ntuj Plig hlub neeg rau lub sim ceeb.

    4
    The Assumption. Mab Liab cev ntaj ntsug mus txog saum ntuj lawm :


    “Txawm Mab Liab cev ntaj ntsug mus txog saum ntuj lawm, nws hauj lwm tseem muaj ua” Vatican II
    Mab Liab, koj yog tus choj hlub neeg dauv qaum ntuj thiab rau peb. Leej niam, koj dauv muag saib peb lub neej, coj peb mus taug txoj kev ntshiab.

    5
    The Coronation of Mary. Mab Liab ua poj Huab Tais :


    “Ntsuj plig thiab lub cev muaj ntuj Koob Meej…Mab Liab yog lub sim ceeb tus poj vaj” Vatcan II
    Peb hwm Mab Liab yog Leej Niam thiab yog Poj Vaj, nws yog lub cim peb pom tau Tswv Ntuj lo lus tsheej xeeb saum ntuj thiab nyob ntiaj teb no.






    Poj Huab Tais

    Zaj qub:

    Poj Huab Tais,
    koj ua niam hlub peb,
    koj nres peb txoj sia,
    koj ua peb lub neej tsim txiaj,
    koj ua peb lub siab tus,
    peb tuaj xyuas koj.
    Es Vas tej me nyuam khuam ntiaj teb no;
    Es Vas tej me nyuam poob nram hav puv kua muag no;
    Es Vas tej me nyuam kho siab tas nrho tuaj seev ntawm koj.
    Aib! Niam pab peb puag saum ntuj,
    koj dauv ntsej muag los ntsia peb.
    Thaum txog peb lub caij khuam ntiaj teb no tas lawm,
    koj muab koj plab lub txiv tsim txiaj Yes Xus rau peb xyuas.
    Aib! Niam txawj zam txhaum,
    Niam txawj hlub neeg,
    Mab Liab, nkauj tsim txiaj zoo nyiam.



    Txhais dua tshiab:


    Koj nyob kaj lug,
    Poj Huab Tais tus ntshiab huv,
    leej Niam muaj txoj kev khuv leej neeg!
    Koj yog peb txoj sia,
    koj yog peb qhov chaw zoo siab,
    koj yog peb qhov chaw tso siab!
    Peb yog Es Vas cov me nyuam poob tsag,
    peb quaj hu txog koj.
    Peb poob rau lub hav los kua muag,
    peb nroo peb quaj tuaj rau koj.
    Koj yog tus pab tus tuaj peb tog,
    thov koj tig koj lub ntsej muag khuv leej neeg los ntsia peb.
    Thaum txog peb lub caij khuam ntiaj teb no tas,
    thov koj pub lub txiv txi hauv koj cev,
    Yes Xus, rau peb pom.
    Aib! Niam txawj zam txhaum,
    Niam txawj hlub neeg,
    Mab Liab, nkauj tsim txiaj zoo nyiam.
    Tswv Ntuj leej Niam Ntshiab e,
    koj thov Ntuj rau peb,
    kom peb tsim nyog tau txais raws li Yes Xus cog lus tseg.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 13th January 2010, 10:34 pm


    KEV CAI TEEV SAW MAB LIAB



    1/ Hu txog leej Txiv thiab leej Tub thiab leej Ntuj Plig lub npe. Ua li.



    2/ Zaj Ntseeg:


    Kuv ntseeg Tswv Ntuj, yog Leej Txiv tus muaj hwj huam, yog tus tsim ntuj tsim teb.
    Kuv ntseeg Yes Xus Pleev, yog Tswv Ntuj leej tub ib leeg kheej, peb tus Huab Tais. Leej Ntuj Plig Ntshiab ua kom nws xeeb los ua neeg. Nws yug ntawm Nkauj Xwb Mab Liab los, raug hiam thaum Pis Las Tos ua nom, raug dai saum Ntoo Cuam, tuag mus zwm av, mus txog ntuj txias teb tsaus, hnub peb, sawv tsees hauv cov tub tuag rov los, nce mus lawm saum ntuj, zaum ntawm Leej Txiv Tswv Ntuj, tus muaj hwj huam phab xis, yuav rov los txiav lub txim rau tsoom ciaj thiab tsoom tuag.
    Kuv ntseeg Leej Ntuj Plig Ntshiab, ntseeg lub Koom Txoos Ntshiab Kav Tos Liv cia rau lub qab ntuj neeg, ntseeg tsoom leej ntshiab tej txiaj ntsim, ntseeg muaj kev sib zam txhaum, ntseeg neeg nqaij thiab txha yuav sawv tsees los, ntseeg txoj sia nyob mus li. Ua li.

    3/ Peb Txiv

    Peb txiv tus nyob saum ntuj, kom koj lub npe ntshiab nto moo lug, koj kav tuaj kom txog, kom koj siab nyiam li saum ntuj tshwm sim nyob ntiaj teb. Pub peb mov ziag no rau peb hnub no.
    Zam peb nuj nqes rau peb zoo li peb zam rau cov luab peb nuj nqes. Koj txhob tso peb hauv xwv txheej tiam sis npo peb dim ntawm tus phem. Ua li.

    4/ Koj Nyob Kaj Lug

    Zoo siab ntau Mab Liab, tus tau txiaj ntsim puv siab, Huab Tais nrog koj nyob. Koj tau koob tau hmoov tshaj ib zeej tsoom poj niam tib si, thiab koj Leej Tub Yes Xus tau koob tau hmoov.
    Leej Ntshiab Mab Liab, Tswv Ntuj leej niad, thov Ntuj hlub peb cov neeg txhaum, zim txwv no mus txog lub caij dua peb. Ua li.

    5/ Huab Tais Leej Txiv

    Huab Tais leej Txiv, Huab Tais leej Tub, Huab Tais leej Ntuj Plig muaj koob meej nto moo lug, lub zim txwv no mus txog txhiab niag tim pua xyoo. Ua li


    Last edited by Maiv Tooj on 28th November 2016, 10:02 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 13th January 2010, 10:42 pm



    Zaj Teev Ntuj nyob Fatima (13.07.1917)


    Kuv tus Huab Tais Yes Xus, thov koj zam txhaum rau peb, koj cawm peb dim ntawm dab phem cov hluav taws, koj coj kom tas txhua leej mus saum Ntuj ceeb tsheej, tshwj xeeb yog cov koj yuav tsum khuv leej lawv ntau tshaj cov.

    Ntuj Txiaj Ntsim Ua Mab Liab Nyob Nyab Xeeb (Teev Hnub 2 thiab 7, Lun et Sam)
    Les Mystères Joyeux - The Joyful Mysteries (said on Mondays and Saturdays)


    1-
    The Annunciation. Tshiab Nkas Nplias xa xov rau Mab Liab :

    “Koj txhob poob siab, vim koj ntxim Tswv Ntuj nyiam” Lus Kas 1,30
    Cia Mab Liab qhia peb mloog Tswv Ntuj lus thiab txawj ua xis Tswv Ntuj siab.

    2-
    The Visitation. Mab Liab mus saib Es Lis Xas Npes :

    “Mab Liab chaws mus hauv Ntxas Kas Lias tsev xyuas Es Lis Xas Npes” Lus Kas 1,40
    Cia Mab Liab qhia peb sib khiav sib saib, sib xyuas…kev phooj ywg

    3
    The Nativity. Tswv Ntuj Leej Tub tshwm sim los ua neeg :

    “Kuv tshaj qhia nej kev zoo nej siab, hnub no tus cawm seej yug los rau nej” Lus Kas 2,10
    Cia peb nrog Mab Liab thiab cov zov tsiaj qhia kom peb txawj hwm thiab nyiam Ntuj.

    4
    The Presentation.Muab tus me nyuam mos txi rau Ntuj :

    “Nkawd coj tus me nyuam mos mus Yes Lus Xas Les muab cev rau Huab Tais” Lus Kas 2,22
    Peb yoog li Yes Xus, cia Mab Liab, peb Leej Niam muab peb cev rau Tswv Ntuj.

    5
    Finding in the Temple. Nkawd mus nrhiav tau Yes Xus hauv Tuam Tsev teev ntuj…Nws hais tia:

    "kuv yuav tsum nyob hauv kuv txiv tsev” Lus Kas 2,26
    Xav kom peb siab kub lug mloog Tswv Ntuj lus txib peb




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 13th January 2010, 10:45 pm



    Lub Txiaj Ntsim Qhib Kom Peb Pom Deb ( Teev Hnub 5, Le Jeudi)
    Les Mystères Lumineux - The Luminous Mysteries (said on Thursdays)


    1
    The Baptism of the Lord. Hnub Yes Xus txais lub cim ntxuav :

    “Ib lub suab nrov saum ntuj hais tias : Tus no yog kuv Leej Tub zoo nyiam…” Mas Tais 3,16
    Peb nrog Mab Liab raws nws Leej Tub zoo nyiam thiab xyaum coj lub neej tshiab.

    2
    Wedding of Cana. Rooj tshoob nyob Kas Nas :

    “Yes Xus leej niam hais rau cov tub txib : nws txib nej dab tsi ua tag nrho” Zam 2,5.
    Mab Liab, koj ntseeg tias Yes Xus muab dej los ua tau cawv, koj pab peb qhib peb lub siab kom ntseeg mas.

    3 Proclamation of the King-dom. Yes Xus tshaj Tswv Ntuj lub Tsheej rau ntiaj teb :

    “ Tswv Ntuj lub Tsheej nyob ze ze lawm, nej thim xav thiab los ntseeg lub Moo Zoo” Mas Kos 1,15
    Mab Liab, qhia peb coj peb lub neej haum Tswv Ntuj nyiam.

    4
    The Transfiguration. Yes Xus qhib nws lub hwj chim rau cov thwj tim pom :

    “Yes Xus ci ntsa iab ntawm lawv xub ntiag : Nws ntsej muag ci lam lug tam lub hnub” Mas Tais 17,2
    Mab Liab, pub Yes Xus lub hwj chim rau peb pom kav peb lub neej.

    5
    Institution of the Eucharist. Lub Cim Yug :

    “Txais mus nej noj, ntawm no yog kuv lub cev” Mas Tais 26,26
    Mab Liab, qhia rau peb pom Tswv Ntuj nraim hauv lub Cim Yug, hauv mov thiab cawv.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 13th January 2010, 11:01 pm



    Yog koj tsis pom, ntshe koj yuav tsis nco txog
    Yog koj tsis paub, ntshe koj yuav ntseeg tsis tau

    Yog koj qheb..., koj mam pom Yes Xus txoj kev txom nyem
    Yog koj ntsia, koj mam pom Yes Xus txoj kev nyiam



    Txiaj Ntsim Raug Kev Txom Nyem (Teev Hnub 3 thiab 6, Mar et Ven)
    Les Mystères Douloureux - The Sorrowful Mysteries (said on Tuesdays and Fridays)

    1
    Agony in the Garden. “Nej zov hmo thiab teev ntuj kom maim dhau kev haub ntxias, ntsuj plig heev tiam sis cev qaij muag luav” Mas Kos 14,38
    Peb nrog Huab Tais zov hmo thiab cev peb lub neej txi rau Huab Tais.

    1 mystere douloureux agonie jp2



    2
    Scourging at the Pillar. Luag muab Yes Xus nplawm :

    “Cov neeg pom nws, muab nws plawm thiab hnyos nws” Lus Kas 22,63
    Huab Tais, thov koj zam peb tej txhaum rau peb thiab kom peb txawj sib zam ib yam li koj.

    2 mystere douloureux flagellation jp2



    3
    Crowning with Thorns. Yes Xus ntoo lub kauj pos :

    “Kuv loj thiab ntshiab, tiam sis kuv nrog tus raug hiam tus qhib nws lub siab lees nws lub txim” His Xais 57,15
    Huab Tais, thov koj npo peb ntawm kev muab hlob kev hiam neeg.

    3 mystere douloureux couronnement jp2



    4
    Carrying the Cross. Kwv Ntoo Cuam :

    “Nws tus kheej raug lawv lub txim, nws ris tas zeej tsoom txim txhaum” His Xais 53,11
    Huab Tais Yes Xus, thov koj pub peb muaj koj lub siab hlub neeg li koj.

    4 mystere douloureux croix jp2



    5
    The Crucifixion. Yes Xus raug luag muab dai saum Ntoo Cuam :

    “Koj muab roj ntsha los txhiv tas tib neeg txhua xeem lus, txhua haiv neeg thiab teb chaws” QhiYa Tom Ntej 5,9.
    Huab Tais, qhib peb lub siab kom pom koj hlub peb loj npaum luaj li no.


    5 mystere douloureux crusifié jp2

    [/right]





    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 14th January 2010, 1:29 pm

    Tais Tooj,

    Ua koj tsaug uas koj tau muab txoj "kev cai hais Saw Mab Liab" los tso rau hauv no. Kuv paub hais tias koj muab tom aumonerie Hmong los. Kuv twb hais mus rau dab laug TP Cwj Vuam Chiv lawm hais tias yog nws kho tau daim duab uas lawv kos piav txog hais Saw Mab Liab no ces xav kom nws muab kho no, tiam sis tsis hnov nws teb kuv thiab tsis tau pom nws kho. Raws li kuv xav mas zoo li tsis tshua raug pes tsawg. Yog vim li ntawd kuv twb npaj tau ntev los yuav tuaj tso ib daim duab uas kuv tau kos, tiam sis kuv pheej tuaj tso tsis tau ces thiaj pheej tsis tau tuaj qhia txoj kev cai hais Saw Mab Liab kom meej rau sawv daws. Koj twb ho muab tso lawm los kuj zoo kawg. Cia kuv keej me ntsis tso kuv mam li ho tuaj piav ntxiv rau.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 15th January 2010, 8:25 am

    Mim wrote:Tais Tooj,

    Ua koj tsaug uas koj tau muab txoj "kev cai hais Saw Mab Liab" los tso rau hauv no. Kuv paub hais tias koj muab tom aumonerie Hmong los. Kuv twb hais mus rau dab laug TP Cwj Vuam Chiv lawm hais tias yog nws kho tau daim duab uas lawv kos piav txog hais Saw Mab Liab no ces xav kom nws muab kho no, tiam sis tsis hnov nws teb kuv thiab tsis tau pom nws kho. Raws li kuv xav mas zoo li tsis tshua raug pes tsawg. Yog vim li ntawd kuv twb npaj tau ntev los yuav tuaj tso ib daim duab uas kuv tau kos, tiam sis kuv pheej tuaj tso tsis tau ces thiaj pheej tsis tau tuaj qhia txoj kev cai hais Saw Mab Liab kom meej rau sawv daws. Koj twb ho muab tso lawm los kuj zoo kawg. Cia kuv keej me ntsis tso kuv mam li ho tuaj piav ntxiv rau.

    Mim,

    Yog mas, yog kuv muab hauv Aumonerie Hmoob tuaj tso xwb. Yog koj ho npaj tau ib qho thiab los coj tuaj tso es leej twg nyiam hais zoo li cas los thiaj tau kawm thiab. Peb txhua leej yeej nyias ua txawv nyias me ntsis, tab sis tsuav peb txhob ncaim ntawm lub ntsiab deb xwb.

    Mim, kuv pom daim Video N°2 mas ua rau kuv ntshai thiab hlub HT Yes Xus heev...Ua cas tej neeg yuav mus lim hiam tag npaum ntawd, ntau luag mob es ho ntxiv dab tsis rau lawv?




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 15th January 2010, 12:40 pm



    Tais Tooj,

    Qhov kuv hais tias tsis tshua raug, mas yog vim nyob hauv daim duab lawv kos ntawd, lawv tso zaj "HT leej Txiv, HT leej Tub, HT leej Ntuj Plig" rau ntawm lub hlaws loj uas kev cai yog peb hais zaj "Peb Txiv nyob saum ntuj" thiab lawv muab zaj "Peb Txiv nyob saum ntuj" mus nrog 10 zaj "Koj nyob kaj lug Mab Liab" lawm xwb os. Dua li ces kuj tsis muaj dab tsi loj thiab os....

    Yog los mas tais Tooj, yus pom lawv nplawm HT Yes Xus mas yeej txaus ntshai thiab txaus hlub kawg li...Tiam sis zoo li sawv daws twb tsis nco HT Yes Xus tej txiaj ntsim li sub as....

    Thaum ib tug neeg lub siab lim hiam thiab phem tuaj lawm mas zoo li nws tsis yog neeg lawm. Nws tsis paub hlub leej twg li lawm os... Nws pom luag txom nyem mas cav ua rau nws txaus luag xwb.... Kuv xav hais tias thaum ntawd ces nws txia ua ntxwj nyoog lawm xwb no... nws tsis yog neeg lawm... Vim ntxwj nyoog yeej tsis muaj lub siab hlub leej twg, nws tsuas ntxub nkaus xwb... nws ntxub Tswv Ntuj tshaj thiab nws ntxub neeg thiab....

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 15th January 2010, 10:22 pm



    Mim,

    Koj hais yog lawm, lawv yuam kev ib qho ntawm daim duab lawm. Kuv twb pom thaum TP. Chiv muab cov ntawv los faib rau peb. Tab sis maj maj ces cia li tsis hais dab tsi rau nws li. Cov ntawv ces nws twb faib tag lawm, tab sis hauv Cab Sab nov, mam rov kho rau.

    Txoj kev uas HT Yes Xus raug tsim txom, yog tsis rov pom mas yuav xav tsis txog li. Tos cov neeg tau txiaj ntsim txais Stigmate, lawv tej nqaij ntuag, ntshav nrog los ntshe twb piv tsis tau ib feem ib txhiab ntawm HT Yes Xus kev txom nyem dhau los.


    Last edited by Maiv Tooj on 15th February 2012, 4:46 am; edited 1 time in total




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Kev Cai Hais Saw Mab Liab Raws Mim

    Post  Mim on 6th February 2010, 3:26 pm



    Tais Tooj thiab Maiv Paj Lug,

    Neb twb tau muab ntau yam zoo kawg hais txog kev cai hais Saw Mab Liab tso rau hauv no lawm. Kuv ho tuaj tso ntxiv rau thiab. Lub ntsiab yeej zoo ib yam xwb, tiam sis tsuas yog muaj yam puas ntxiv rau xwb.

    Tais Tooj, muaj ib cov duab nrog qhov kuv piav no thiab, tiam sis kuv yeej sim kawg kev lawm kuv ua tsis tau li ces kuv muab xav tuaj koj mam pab muab los tso nrog hauv no xwb os nawb.




    KEV CAI HAIS SAW MAB LIAB I

    Yog yam siv sij hawm luv tshaj. Qhov kev cai I no mas yus tsuas nco txog cov txiaj ntsim koob hmoov uas tuaj ntawm
    Niam Mab Liab thiab Yes Xus lub neej kev zoo siab, kev ci ntsa, kev
    txom nyem, los kev yeej, tuaj rau peb xwb.




    • Tuav Ntoo Cuam, hais:Hu txog leej Txiv… Kuv ntseeg txog…”
    • Tuav thawj lub hlaws uas nyob nrug cov, haisPeb Txiv nyob saum ntuj…”
    • Xub hais tias "Peb thov kom peb muaj txoj kev ntseeg Ntuj zoo, txoj kev nyiam Ntuj thiab kev tso siab
      lug rau Ntuj nyob hauv peb.”
      Suav cov hlaws, hais 3 zag “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, hais saib yus nco txog lub txiaj ntsim twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, hais saib yus nco txog lub txiaj ntsim twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, hais saib yus nco txog lub txiaj ntsim twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, hais saib yus nco txog lub txiaj ntsim twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, hais saib yus nco txog lub txiaj ntsim twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub txiaj, hais “Poj Huab Tais…” ces xaus “Hu txog leej Txiv, thiab leej Tub…”





    KEV CAI HAIS SAW MAB LIAB II

    Qhov kev cai II no mas ntxiv qhov hais tias yus hais saib yus xav thov ntuj pab rau leej twg los yam twg, ces yuav siv sij hawm ib nyuag ntev zog thawj qhov kev cai.



    • Tuav Ntoo Cuam, hais:Hu txog leej Txiv… Kuv ntseeg txog…”
    • Tuav thawj lub hlaws uas nyob nrug cov, haisPeb Txiv nyob saum ntuj…”
    • Xub hais tias "Peb thov kom peb muaj txoj kev ntseeg, txoj kev nyiam thiab kev tso siab nyob hauv peb.” Suav cov hlaws, hais 3 zag “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 1, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 2, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 3, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 4, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 5, hais saib yus xav thov
      dab tsi los thov ntuj rau leej twg thiab hais
      “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub txiaj, hais “Poj Huab Tais…” ces xaus “Hu txog leej Txiv, thiab leej Tub…”



    KEV CAI HAIS SAW MAB LIAB III

    Hauv qhov kev cai III no mas kuj tseem nxiv qhov mus nyeem Ntawv Moo Zoo nrog thiab. Qhov no yog qhov siv sij hawm ntev hauj sim los hais Saw Mab Liab. Tiam sis peb tsis tas niaj hnub yuav nyeem ntawv Moo Zoo nrog. Niaj hnub peb hais raws qhov I thiab qhov II saud xwb los tau. Thaum twg muaj tej yam tshwj xeeb los yog peb muaj sij hawm ntau peb mam siv tus kev cai III no.



    • Tuav Ntoo Cuam, hais:Hu txog leej Txiv… Kuv ntseeg txog…”
    • Tuav thawj lub hlaws uas nyob nrug cov, haisPeb Txiv nyob saum ntuj…”
    • Xub hais tias "Peb thov kom peb muaj txoj kev ntseeg Ntuj zoo, txoj kev nyiam Ntuj thiab kev tso siab lug rau Ntuj nyob hauv peb.” Suav cov hlaws, hais 3 zag “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 1,Nyeem Ntawv Ntshiab, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 2,Nyeem Ntawv Ntshiab, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 3, nyeem Ntawv Ntshiab, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 4, nyeem Ntawv Ntshiab, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub hlaws uas nyob nrug cov, piav zaj txiaj ntsim 5, nyeem Ntawv Ntshiab, hais saib yus xav thov dab tsi los thov ntuj rau leej twg thiab hais “Peb Txiv nyob saum ntuj…”
    • Suav cov hlaws, hais 10 zaj “Koj nyob kaj lug Mab Liab…”
    • Tuav ntawm toom tsis muaj hlaws, hais “HT leej Txiv, HT leej Tub… Kuv tus HT Yes Xus…”
    • Tuav lub txiaj, hais “Poj Huab Tais…” ces xaus “Hu txog leej Txiv, thiab leej Tub…”

    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: QHIA TEEV TXOJ SAW MAB LIAB

    Post  Maivxis on 7th February 2010, 8:59 am



    Nyob zoo os MIM , tau ntev lawm ua kuv tsis tau tuaj ntsib koj lawm os , Vim twb yog tsis khoom li thiab os , Mim , kuv zoo siab ua tuaj pom koj zaj qhia teev Saw mab Liab os , Wow ua li cas es yuav teev tau zoo ua luaj li , Kuv ib txwm yeej tsis paub thiab tsis tau ntev dua li os , Ua tsaug nawb mog , Vim zaum no kuv tuaj pom thiab kawm tau zaj hais Sawmabliab lawm , kuv zoo siab kawg li os txawm kuv tsis tau muab coj los siv los kuv nyeem xwb kuv lub siab twb kaj lawm ntau os , Nws yog ib qho zoo siab rau peb cov ua tsis tau txawj no yuav coj mus siv os mog
    Ua tsaug nawb Mim .


    Maivxis .

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  NrhiavTswvNtuj on 7th February 2010, 9:42 am



    Nyob zoo Mim thiab Maiv Xis,

    Maiv Xis, nws tsis tau txawj teev Saw Mab Liab los tuaj ssaib ib pliag xwb ces yeej txawj xwb. nws tsis muaj ntau zaj hais, yog rov qab hais zaj qub xwb. Teev Saw Mab Liab yog ib qho tau txiaj ntsim zoo.

    Mim,

    Cas koj muaj 6 qhov chaw tso duab diam tab sis kuv tsuas pom 3 daim uas kuv txiav nov xwb. Cov ntawv twb yog cov koj tso ua ntej lawm nev? Yog koj kom kuv nrhiav duab tshiab los tso los yog ua li cas nov?





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 7th February 2010, 10:35 am

    NrhiavTswvNtuj wrote:

    Nyob zoo Mim thiab Maiv Xis,

    Maiv Xis, nws tsis tau txawj teev Saw Mab Liab los tuaj ssaib ib pliag xwb ces yeej txawj xwb. nws tsis muaj ntau zaj hais, yog rov qab hais zaj qub xwb. Teev Saw Mab Liab yog ib qho tau txiaj ntsim zoo.

    Mim,

    Cas koj muaj 6 qhov chaw tso duab diam tab sis kuv tsuas pom 3 daim uas kuv txiav nov xwb. Cov ntawv twb yog cov koj tso ua ntej lawm nev? Yog koj kom kuv nrhiav duab tshiab los tso los yog ua li cas nov?


    Nrhiav Tswv Ntuj e,

    Ua cas lam muaj ib qho txawv ua luaj li.... Kuv tab tom ntaus ntawv teb rau koj no ua cas kuv lub internet window cia li ploj ntais tas li lawm, cia li kaw li lawm... es yog kuv yuam kev qhov twg no mas?... los yog internet txawj cia li kaw nws ib leeg thiab na?...

    Nrhiav Tswv Ntuj, kuv tsuas muaj peb daim duab xwb os. Ua tsaug koj tuaj pab kuv muab tso rau nawb. Kuv yeej sim tas li los kuv yeej ua tsis tau li lawm ces kuv thiaj ua siab muab xa tuaj rau tais Tooj nej pab kuv muab tso rau . Koj muab tso rau ntawd lawm los yeej zoo kawg nawb. Tiag mas thaum kuv sau mas kuv xav tias muab cov duab tso rau saum toj qhov uas kuv sau tias "Tso duab rau nov," qhov uas koj tso ntawd mas tsuas yog kuv xav qhia rau tus tuaj nyeem kom mus saib daim duab nrog no xwb os. Tiam sis tej zaum kuv tso tsi meej, txawm koj tso rau ntawd lawm los yeej zoo kawg li. Tsis ua cas os nawb. Koj puas kam piav saib nej tso li cas mas yuad? Cas kuv yeej ua tsis tau kiag li. Xij lau, ntshai kuv lub hlwb qauj heev lawm es zoo li kuv yeej tsis paub xyov nej hais nej lus dab rau kuv xwb ces yeej tsis pom tsis paub hais tias yuav pib qhov twg tuaj thiaj yuav ua tau li. Thaum kuv xav tso duab li no ces kawg mam kom nej tso rau kuv xwb lau...

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 7th February 2010, 10:46 am

    Nyob zoo os phauj Maiv Xis,

    Tsuav yog koj nyeem es ho pab koj txawj hais Saw Mab Liab cesd kuv twb zoo siab kawg li lawm os. Qhov kuv tso no twb yog xav tias tsam muaj ib txhia tsis paub tias yuav pib li cas tuaj kuv thiaj li tso mas... vim kuv yog ib tug neeg uas toob kam kom muaj ib tug paub yuav tsum tuav rawv kuv tes qhia hais tias "Koj pib mas yuav tsum xub ua qhov no, tas mas mam ua qhov no, ces mam ua li no ntxiv... mas thiaj tau ov.." no na. Yog tsis muaj tus piav li ntawd rau kuv ces lawv hais lus ces ya puag saum kuv taub hau lawm xwb, yeej tsis paub xyov luag hais luag dab tsi li....

    Es zoo siab tsuav yog ho pab tau koj os nawb.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    15 Nqe Cos Lus

    Post  Mim on 9th February 2010, 2:35 pm

    Ntawm no yog 15 nqe lus uas thaum ub Niam Mab Liab tau cog lus rau leej ntshiab Dominic tias nws yuav pub pab rau ncov neeg uas nquag hais txoj Saw Mab Liab.



    The Blessed Virgin Mary promised to Saint Dominic and to all who follow that "Whatever you ask in the Rosary will be granted." She left for all Christians Fifteen Promises to those who recite the Holy Rosary.
    Imparted to Saint Dominic and Blessed Alan

    1. Whoever shall faithfully serve me by the recitation of the Rosary, shall receive signal graces.
    2. I promise my special protection and the greatest graces to all those who shall recite the Rosary.
    3. The Rosary shall be a powerful armor against hell, it will destroy vice, decrease sin, and defeat heresies.
    4. The Rosary will cause virtue and good works to flourish; it will obtain for souls the abundant mercy of God; it will withdraw the hearts of men from the love of the world and its vanities, and will lift them to the desire for eternal things. Oh, that souls would sanctify themselves by this means.
    5. The soul which recommends itself to me by the recitation of the Rosary, shall not perish.
    6. Whoever shall recite the Rosary devoutly, applying himself to the consideration of its sacred mysteries shall never be conquered by misfortune. God will not chastise him in His justice, he shall not perish by an unprovided death; if he be just he shall remain in the grace of God, and become worthy of eternal life.
    7. Whoever shall have a true devotion for the Rosary shall not die without the sacraments of the Church.
    8. Those who are faithful to recite the Rosary shall have during their life and at their death the light of God and the plenititude of His graces; at the moment of death they shall participate in the merits of the saints in paradise.
    9. I shall deliver from Purgatory those who have been devoted to the Rosary.
      10
    10. The faithful children of the Rosary shall merit a high degree of glory in Heaven.
      11
    11. You shall obtain all you ask of me by the recitation of the Rosary.
      12
    12. All those who propagate the Holy Rosary shall be aided by me in their necessities.
      13
    13. I have obtained from my Divine Son that all the advocates of the Rosary shall have for intercessors the entire celestial court during their life and at the hour of death.
      14
    14. All who recite the Rosary are my sons and daughters, and brothers and sisters of my only Son Jesus Christ.
      15
    15. Devotion of my Rosary is a great sign of predestination



    KAUM TSIB NQE COG LUS RAU COV UAS HAIS TXOJ SAW MAB LIAB



    1. Leej twg mob siab hais txoj Saw Mab Liab tsis tseg los tsob hwb kuv, mas nws yuav tau txais tej lub txiaj ntsim qhia rau nws paub ntau yam.
    2. Kuv cog lus tias cov uas hais txoj Saw Mab Liab yuav tau kuv los ua tus pov hwm lawv thiab yuav tau txais cov txiaj ntsim koob hmoov loj tshaj plaws.
    3. Txoj Saw Mab Liab yog ib rab riam phom muaj zog tiv thaiv tau Dab Phem; nws yuav rhuav tau txoj kev ua tsis zoo, yuav ua kom txoj kev ua txhaum tsuag zuj zus, thiab yuav ntaus yeej txoj kev yuam kev.
    4. Nws yuav ua kom txoj kev ua neeg dawb huv ncaj ncees thiab txoj kev ua tej yam zoo tawg paj txi txiv; nws yuav ua kom cov neeg tau txais Ntuj txoj kev hlub kev zam ntau tas nrho; nws yuav rub neeg lub siab kom txhob ntshaw lub ntiaj teb thiab lub ntiaj teb tej kev dag kev cuav, thiab yuav txhawb kom lawv ntshaw tej yam yuav nyob mus li tsis txawj ploj. Aub kheev lam neeg muab txoj saw Mab Liab los ua kev taug mas lawv yuav txawj ua neeg dawb huv tuaj xwb.
    5. Tus neeg uas nws muab nws cob rau kuv vim txoj kev hais Saw Mab Liab yuav tsis poob rau hauv txoj kev ploj kev tuag mus li.
    6. Leej twg nquag hais txoj Saw Mab Liab tsis tseg thiab nco txog tej txiaj ntsim nyob hauv kuv lub neej mas nws yuav tsis swb txoj hmoov phem nyob hauv nws lub neej. Tswv Ntuj txoj kev txiav txim Ncaj Ncees yuav tsis rau txim rau nws; thaum nws tso ntiaj teb no tseg, nws yuav tau txais kev pab, ces nws yuav tsis poob hauv kev
      tuag mus li; yog nws yog neeg ncaj ncees, nws yuav nyob hauv Tswv Ntuj txoj kev sib raug zoo thiab nws yuav tsim nyog tau txoj sia nyob mus li tsis txawj kawg.
    7. Leej twg hais txoj Saw Mab Liab nraim yuav tau txais lub Koom Txoos cov Cim pab nws thaum nws tso ntiaj teb tseg.
    8. Cov uas hais txoj Saw Mab Liab tsis tseg yuav tau txais Tswv Ntuj qhov Pom Kev thiab nws cov txiaj ntsim koob hmoov tas nrho los pab lawv thaum lawv tseem ua neej nyob thiab thaum lub caij lawv dua nras. Thaum lub caij lawv dua nras ntawd, lawv kuj yuav tau nrog tsoom Leej Ntshiab nyob saum ntuj koom sib faib lawv tej
      txiaj ntsim koob hmoov uas lawv tau tsim tseg.
    9. Kuv yuav cawm cov uas niaj hnub hais txoj Saw Mab Liab kom lawv dim ntawm teb chaws them txim.
      10
    10. Kuv cov me nyuam uas hais txoj Saw Mab Liab nraim yuav tau txais ib lub hwj chim loj nyob saum ntuj.
      11
    11. Yog nej hais txoj Saw Mab Liab los thov kuv dab tsi mas nej yuav tau txais raws li ntawd.
      12
    12. Txhua leej txhua tus uas qhia kom muaj neeg coob paub txog txoj Saw Mab Liab mas kuv yuav pab lawv thaum lawv muaj kev nyuaj ntxhov.
      13
    13. Kuv tau txais kev tso cai ntawm kuv leej Tub lawm tias kom cov neeg uas nyiam txoj Saw Mab Liab yuav tau txais kev pab cuam los ntawm tas tsoom tub ncig nyob saum ntuj thaum lawv tseem ua neej nyob thiab thaum lub caij lawv dua nras.
      14
    14. Tas txhua leej txhua tus uas hais txoj Saw Mab Liab yog kuv cov tub cov ntxhais thiab yog kuv tib leeg Tub, Yes Xus Pleev cov kwv tij nkauj muam.
      15
    15. Txoj kev hais kuv txoj Saw Mab Liab yog ib lub cim qhia tias Ntuj xub xaiv nws thaum ntxov los lawm.


    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  NrhiavTswvNtuj on 10th February 2010, 10:20 am


    Mim,

    Ua tsaug rau nws lub laj lim tswv yim tuaj tso ntau yam zoo rau peb paub txog mog. Zoo heev tej nws ua nov.

    Kuv lam tso ob peb daim duab quas nws cov ntawv kom zoo nyeem dua. Seb nws puas nyiam thiab, yog tsis nyiam los hais kuv mam ro tawm xwb...





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 10th February 2010, 1:30 pm

    NrhiavTswvNtuj wrote:
    Mim,

    Ua tsaug rau nws lub laj lim tswv yim tuaj tso ntau yam zoo rau peb paub txog mog. Zoo heev tej nws ua nov.

    Kuv lam tso ob peb daim duab quas nws cov ntawv kom zoo nyeem dua. Seb nws puas nyiam thiab, yog tsis nyiam los hais kuv mam ro tawm xwb...

    Nrhiav Tswv Ntuj,

    Zoo kawg li los mas... uas koj tseem pab kuv muab ib co duab tso rau. Yim muaj duab ntau ces yim zoo xwb os. Kuv nyiam koj cov duab kawg li os... Ua tsaug nawb...Kuv niag tsis tshua keej kov tej PC no pes tsdawg ces yam twg kuv ua tsis tau zoo los nej kav tsij tuaj pab kuv ua rau os nawb...

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: QHIA TEEV TXOJ SAW MAB LIAB

    Post  Tub Kawm on 14th February 2012, 2:45 am

    Nyob zoo Niam hlob, thiab Maiv paj lug, mus rau Mim thiab Maiv xis, nej sawv daws. Thov ua tsaug ntau rau nej txhua tus tuaj qhia peb teev saw Mab liab og. Nyob rau peb sab ntuj no kuj teev saw Mab liab thiab tiam sis tsi tau paub teev xws li nej hais li no. Vim tsis muaj tus qhia peb thiaj li tsis paub, peb tsuas yog hais 50 lub hlaws saud xwb, peb tsi tau paub hais 5 lub hlaws tuaj nram qab uas txog ncua ntawm tus ntoo cuam. Thov ua tsaug uas nej tau muab tso rau hauv cab sab kom sawv daws paub thiab kawm og. (ntawm no yog lus nug) thov nug nej tias: yog xav thov txoj saw Mab Liab pab rau luas lawm tus los yug tus kheej, puas yog yus cev 2 3 lo lus thov ntuj nyob rau ntawm 2 3 kab ntawv ntsuab los thov ntuj pab rau tej yam yus yuav thov, los hais raws li cov kab ntawv ntsuab ntawd maj? Yog thawj kab ntawv ntsuab uas tuav ntoo cuam los"ua ntoo cuam lub cim tas, kuv ntseeg, peb txiv nyob saum ntuj tas" es txog cov kab ntawv ntsuab ntawd. puas yog yus cev 2 3 los lus thov ntuj pab rau tej yam raws li yus xav thov, los hais yuav hais raws li cov lus kab ntawv ntsuab ntawd nav. Thov tuaj qhia kuv kom kuv paub og, li no xwb ua tsaug.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 14th February 2012, 8:08 pm

    TEEV SAW MAB LIAB.


    Nyob zoo Txawj Tuam,

    Piav hauv ntawv mas zoo li nyuaj tob taub hauj sim vim nws muaj ntau yam kev hais Saw Mab Liab, tiam sis cia kuv mam rov piav dua rau koj saib koj puas to taub zoo dua:

    Yog koj xav hais txoj Saw Mab Liab tas nrho los thov ntuj pab rau ib qho xwb no ces koj xub hais rau ntawm no saib koj xav kom thov ntuj rau dab tsi, xws li "Kuv/Peb yuav hais txoj Saw Mab Liab no los thov ntuj pab rau..." Thaum koj hais lus tas lawm ces koj mam pib hais raws li nram no:

    1. Koj tuav tus Ntoo Cuam, ua ntoo cuam lub Cim:
    "Hu txog leej Txiv,
    thiab leej Tub
    thiab leej ntuj plig lub npe. Ua li"

    thiab hais zaj:
    "Kuv ntseeg txog Huab Tais ntuj..."

    2. Koj tuav thawj lub hlaws uas nws nyob nrug deb zog cov, koj hais zaj:
    "Peb Tsiv nyob saum ntuj..."

    Ua ntej koj yuav tuav peb lub hlaws ua nyob sib ti thiab hais 3 zaj:
    "Koj nyob kaj lug Mab Liab...,"


    koj xub hais cov lus ntawm no:
    "Peb thov kom peb muaj txoj kev ntseeg Ntuj zoo,
    txoj kev nyiam Ntuj
    thiab kev tso siab lug rau Ntuj nyob hauv peb.”


    Hais li no tas ces koj cia li pib raws li qhov 3 nram no:

    3. Tuav lub hlaws 1, hais zaj "Koj nyob kaj lug Mab Liab...",
    ces tuav lub hlaws 2, hais "Koj nyob kaj lug Mab Liab..." dua,
    tuav lub hlaws 3, rov hais "Koj nyob kaj lug Mab Liab..."

    4. Tuav ntawm toom tsis muaj hlaws ces hais zaj:
    "Huab Tais leej Txiv,
    HT leej Tub,
    HT leej Ntuj Plig muaj koob meej nto moo lug,
    lub zim txwv no mus txog fab lwm txheej,
    xws li txheej laus thaud los. Ua Li,"


    tas ces hais zaj Niam Mab Liab qhia nyob Fatima:

    "Kuv tus HT Yes Xus,
    thov koj zam txhaum rau peb,
    thov koj cawm peb dim ntawm dab phem cov hluav taws,
    koj coj kom tas txhua tus ntsuj plig mus txog saum ntuj ceeb tsheej,
    tshwj xeeb yog cov uas koj yuav tsum khuv leej lawv ntau tshaj cov. Ua li"


    5. Tuav lub hlaws 5 uas nyob nrug deb cov me ntsis,
    ces piav thawj lub txiaj ntsim ntawm HT Yes Xus thiab Niam Mab Liab lub neej.
    Xws li yog Hnub Ob thiab Hnub Xya (Monday and Saturday) mas peb nco txog nkawd lub neej muaj kev zoo siab.
    Thawj lub txiaj ntsim yog lub txiaj ntsim ntawm tus Tshiab Nkas Nplias tuaj xa lus rau Mab Liab tias nws yuav xeeb tub. Hais ob peb lo lus luv luv piav txog tas ces hais zaj:
    "peb Txiv nyob saum ntuj..."

    6. Tuav 10 lub hlaws nyob sib ti, ces hais 10 zaj: "Koj nyob kaj lug Mab Liab..."

    7. Thaum hais 10 zaj "Koj nyob kaj lug Mab Liab..." tas lawm, ces tuav toom tsis muaj hlaws, rov hais zaj:
    "HT leej Txiv,
    HT leej tub, HT leej Ntuj plig..."
    thiab hais zaj:
    "Kuv tus HT Yes Xus..."

    8. Rov tuav lub hlaws uas nyob nrug deb cov,
    Piav lub txiaj ntsim 2 ntawm nkawd kev zoo siab,
    yog Niam Mab Liab mus xyuas Es Lis xas Npes.
    Piav ob peb los tas ces rov hais zaj "Peb Txiv nyob saum ntuj...", ua li no mus kom thoob txoj Saw Mab Liab.

    9. Thaum hais 10 zaj "Koj nyob kaj lug Mab Liab..." kawg, ces tuav toom tsis muaj hlaws, rov hais zaj :
    "HT leej Txiv, HT leej tub, HT leej Ntuj plig..."
    thiab hais zaj "Kuv tus HT Yes Xus..."

    10. Xaus rau zaj ": Poj Huab Tais..."

    Raws li kuv nyuam qhuav piav tas no mas yog koj tsuas hais txoj Saw Mab Liab los thov ntuj pab rau ib qho nkaus xwb, ces koj xub xub muab hais ua ntej.

    Ntau zaus mas peb xav hais thawj yag (thawj 10 zaj "koj nyob kaj lug Mab Liab...") thov ntuj rau ib qho, hais yas ob thov rau lwm qhov, li no kom tau thov ntuj rau plaub tsib qho sib txawv. Yog thaum xav thov ntuj rau ntau yam, mas peb tsis xub pib hais cov lus ua ntej nqe 1 saud. Cia li pib kiag nqe 1 tuaj mus rau nqe 4.

    Thaum txog nqe 5 mas yuav ntxiv li no:

    Tuav lub hlaws 5 uas nyob nrug deb cov me ntsis, ces piav thawj lub txiaj ntsim ntawm HT Yes Xus thiab Niam Mab Liab lub neej. Xws li yog Hnub Ob thiab Hnub Xya (Monday and Saturday) mas peb nco txog nkawd lub neej muaj kev zoo siab. Thawj lub txiaj ntsim yog lub txiaj ntsim ntawm tus Tshiab Nkas Nplias tuaj xa lus rau Mab Liab tias nws yuav xeeb tub. Hais ob peb lo lus luv luv piav txog tas ces hais saib yus xav thov ntuj rau leej twg los rau dab tsi, ces hais zaj "peb Txiv nyob saum ntuj..."

    Thaum txog nqe 8 saud thiab txhua zaus ua ntej yuav pib zaj "Peb txiv nyob saum ntuj...," mas yuav rov tuav lub hlaws uas nyob nrug deb cov, Piav lub txiaj ntsim 2, los 3, los 4, los 5 ntawm nkawd kev zoo siab.
    Lub txiaj ntsim 3 yog HT Yes Xus yug log ua neeg,
    lub txiaj ntsim 4 yog thaum Niam mab Liab thiab Yos Xes coj tus me nyuam Yes Xus mus fij rau Tswv ntuj,
    lub txiaj ntsim 5 yog thaum Yes Xus muaj 12 xyoos, nws mus ploj rau hauv lub tuam tsev teev Ntuj tau peb hnub.

    Piav ob peb los txog lub txiaj ntsim tas ces hais saib xav kom thov ntuj rau leej twg los rau yam dab tsi,ces rov hais zaj "Peb Txiv nyob saum ntuj...", ua li no mus kom thoob txoj Saw Mab Liab, ces thiaj tau thov ntuj rau plaub tsib yam sib txawv.


    THOV NTUJ NTAU YAM.



    THOV NTUJ RAU IB YAM XWB.


    Kuv tuaj piav li no, yog qhov twg tsis meej los txhob ntshai rov nug dua os nawb.

    Ua tsaug tais Tooj. Kuv xav tias yuav tsum yog koj tuaj tso iob daim duab qhia hais Saw Mab Liab saud xwb. Kuv twb xav tau tias kuv yuav mus nqa los tso rau no, tiam sis kuv tsis tau ua ces koj twb tuaj ua rau lawm. Zoo kawg thiab ua koj tsaug os. Daim duab kos txoj Saw Mab Liab yog kuv ua thaum xyoo 2007-2008 lawm. Thaum ntawd kuv mus nrhiav hauv internet mas yuav sau ua lus Hmoob nyuaj nyuaj li ces kuv thiaj xav tias cia kuv lam kos, thiaj sau tau ua lus Hmoob yooj yim. Txawm tsis zoo pes tsawg los tsuav pab tau kom peb sawv daws to taub zoo dua hais lus nkaus xwb.


    Last edited by Mim on 17th February 2012, 8:12 am; edited 1 time in total

    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: QHIA TEEV TXOJ SAW MAB LIAB

    Post  Maivxis on 15th February 2012, 2:13 am



    Nyob zoo os Mim .


    Mim hnub no kuv zoo siab heev uas tuaj nyeem koj zaj qhia teev saw Mab Liab no , Ua tsaug nawb mog koj tuaj qhia zoo heev li zaum no kuv mam li to taub hais tias teev saw mab liab yog li cas tiag ,

    Mim , kuv thov nug dua ib lo , Uas li es yog yus teev saw mab liag yus ib leeg ne puas teev ib yam li no thiab los txawv os koj sim ho qhia me ntsis rau kuv seb yuad ... hos ua li koj hais tag los no ua ho yog teev thaum lub caij zoo li cas os , Kuv thov ua tsaug dua ib zaug ntxiv os mog .


    Phauj Maivxis .

    Sponsored content

    Re: QHIA TEEV TXOJ SAW MAB LIAB

    Post  Sponsored content Today at 3:42 am


      Current date/time is 10th December 2016, 3:42 am