Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    QHIA TEEV TXOJ SAW MAB LIAB

    Share

    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: QHIA TEEV TXOJ SAW MAB LIAB

    Post  Maivxis on 8th March 2012, 9:42 am

    Maiv Tooj wrote:


    COV ZAJ TEEV NTUJ HAUV KEV TEEV SAW MAB LIAB.


    Cov zaj nyob hauv kev teev Saw Mab Liab muaj tag nrho yog zaj xws li:

    1- Ua Ntoo Cuam Lub Cim.
    2- Zaj Kuv ntseeg.
    3- Niam Mab Liab Fas Tis Mas
    4- Kuv tus HT.Yes Xus...
    5- Peb txiv
    6- Koj nyob kaj lug Mab Liab
    7- Huab tais Leej txiv, Huab tais Leej tub...
    8- Poj Huab tais.

    Ua Ntoo Cuam Lub Cim:

    Hu txog leej Txiv thiab leej Tub thiab leej Ntuj Plig lub npe. Ua li.


    Kuv Ntseeg

    Kuv ntseeg txog Tswv Ntuj,
    Yog leej txiv muaj hwj huam tas nrho,
    yog tus tsim ntuj tsim teb.
    Kuv ntseeg txog Yes Xus Pleev,
    yog Tswv Ntuj leej Tub twm zeej, yog peb tus huab tais.
    Leej Tswv Yim Ntshiab ua kom nws xeeb los ua neeg.
    Nws yug ntawm Nkauj Ntshiab mab Liab los.
    Lub caij Pis Las Tos ua nom,
    Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj,
    zaum ntawm Leej Txiv muaj hwj huam tas nrho phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej tswv Yim Ntshiab.
    Ntseeg txog Tsoom Leej Ntshiab sib koom Ntuj Lub Txiaj Ntsim.
    Ntseeg txog kev daws txhaum.
    Ntseeg txog neeg lub cov sawv rov los.
    Ntseeg muaj txoj sia nyob mus li. Ua li.


    Miab Mab Liab fas Tis Mas:

    "Peb thov kom peb muaj txoj kev ntseeg Ntuj zoo,
    txoj kev nyiam Ntuj
    thiab kev tso siab lug rau Ntuj nyob hauv peb.”



    Kuv tus HT.Yes Xus.

    "Kuv tus HT Yes Xus,
    thov koj zam txhaum rau peb,
    thov koj cawm peb dim ntawm dab phem cov hluav taws,
    koj coj kom tas txhua tus ntsuj plig mus txog saum ntuj ceeb tsheej,
    tshwj xeeb yog cov uas koj yuav tsum khuv leej lawv ntau tshaj cov. Ua li"


    Zaj Peb Txiv.

    Peb txiv nyob saum ntuj,
    Peb txiv nyob saum ntuj,
    Koj lub npe ntshiab nto moo lug,
    Koj lub ceeb tsheej los txog,
    Kom muaj raws li koj nyiam nyob ntiaj teb no
    zoo li nyob saum ntuj.
    Thov koj muab mov txaus peb noj hnub no.
    Koj zam txhaum rau peb zoo li peb zam rau luag.
    Koj txhob tso peb raug kev ntxias.
    Koj npo peb dim ntawm kev phem. Ua li.


    Zaj Koj nyob kaj lug Mab Liab:

    Koj nyob kaj lug Mab liab,
    Tus tau txiaj ntsim puv siab.
    Huab Tais Ntuj nrog koj nyob.
    Koj tau koob tau hmoov tshaj ib zej tsoom poj niam tib si,
    thiab koj lub txiv uas koj lub cev txi tau koob tau hmoov.
    Leej Ntshiab mab Liab, Tswv ntuj leej Niad,
    Koj thov Ntuj rau peb cov neeg txhaum,
    Nyem no mus txog thaum peb lub caij dua. Ua li.


    Huab Tais Leej Txiv.

    "Huab Tais leej Txiv,
    HT leej Tub,
    HT leej Ntuj Plig muaj koob meej nto moo lug,
    lub zim txwv no mus txog fab lwm txheej,
    xws li txheej laus thaud los. Ua Li,"


    Poj Huab Tais.

    Zaj qub: Poj Huab Tais, koj ua niam hlub peb, koj nres peb txoj sia, koj ua peb lub neej tsim txiaj, koj ua peb lub siab tus, peb tuaj xyuas koj. Es Vas tej me nyuam khuam ntiaj teb no; Es Vas tej me nyuam poob nram hav puv kua muag no; Es Vas tej me nyuam kho siab tas nrho tuaj seev ntawm koj. Aib! Niam pab peb puag saum ntuj, koj dauv ntsej muag los ntsia peb. Thaum txog peb lub caij khuam ntiaj teb no tas lawm, koj muab koj plab lub txiv tsim txiaj Yes Xus rau peb xyuas. Aib! Niam txawj zam txhaum, Niam txawj hlub neeg, Mab Liab, nkauj tsim txiaj zoo nyiam.



    Txhais dua tshiab:

    Koj nyob kaj lug, Poj Huab Tais tus ntshiab huv, leej Niam muaj txoj kev khuv leej neeg! Koj yog peb txoj sia, koj yog peb qhov chaw zoo siab, koj yog peb qhov chaw tso siab! Peb yog Es Vas cov me nyuam poob tsag, peb quaj hu txog koj. Peb poob rau lub hav los kua muag, peb nroo peb quaj tuaj rau koj. Koj yog tus pab tus tuaj peb tog, thov koj tig koj lub ntsej muag khuv leej neeg los ntsia peb. Thaum txog peb lub caij khuam ntiaj teb no tas, thov koj pub lub txiv txi hauv koj cev, Yes Xus, rau peb pom. Aib! Niam txawj zam txhaum, Niam txawj hlub neeg, Mab Liab, nkauj tsim txiaj zoo nyiam. Tswv Ntuj leej Niam Ntshiab e, koj thov Ntuj rau peb, kom peb tsim nyog tau txais raws li Yes Xus cog lus tseg.



    Maiv tooj ua tsaug ntau os koj tuaj piav tau zoo kawg li os kuv to taub lawm thiab os Ua tsaug ntau nawb yog li no no kuj tsis nyuaj thiab los mas yom ! zoo kawg li os MT ..


    Maivxis .

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 8th March 2012, 10:49 am


    Nyob zoo XH.Ntxoov Tsab,

    Kev teev Ntuj 9 hnub, mas raws li kuv paub, tsuas muaj teev TSWV NTUJ TXOJ KEV KHUV LEEJ thiaj li muaj cov lus thov txhua hnub sib txawv ua ntu zus mus xwb. Yog teev Saw Mab Liab mas kuv tseem tsis tau pom muaj cov lus yuav thov txhua hnub hauv 9 hnub teev Ntuj ntawd. Seb Mim thiab XH.Npuag Tub nkawd puas paub, ho tuaj qhia peb thiab.

    Kuv xav tias yog nej sib koom teev Saw Mab Liab 9 hnub, mas nyob ntawm nej sib tuav xam ua ntej yuav pib teev, seb 9 hnub ntawd nej thov rau ib yam nkaus xwb los yeej yog ib qho zoo heev. Yog sawv daws muab 9 hnub los sib koom siab es ho daws tau tej qhov teeb meem loj loj mas kuj yog ib lub txiaj ntsim loj heev. Yog nej ho hais tias nej muaj ntau yam, xav kom ib hnub thov rau ib yam los nyob ntawm nej sib tham xwb.

    XH.Ntxoov Tsab, peb yuav tso siab tag nrho rau Tswv Ntuj mog, txawm yuav muaj kev tu siab, nyuaj siab, poob tsag los txhob ntau siab me, Tswv Ntuj yeej ntsia ntsoov peb, yog nws tsis muab hnub no rau peb los nws pom tias lwm hnub tseem yuav zoo tshaj, nws thiaj tsis muab. Yog NWS tsis muab rau hauv ntiaj teb no los yog nws npaj siab yuav muab rau saum Ntuj, li ntawd txhua yam uas hnub no tsis tau li peb lub siab xav los peb txhob tag kev cia siab.

    Kuv zoo siab heev uas pom tias neb muaj txoj kev ntseeg zoo, ruaj khov, kuv zoo siab kawg nkaus, kuv nquag tham txog nej rau kuv tej txheeb ze thiab phooj ywg kwv luag.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 8th March 2012, 6:56 pm

    Nyob zoo nej sawv daws,

    Kuv tsis tuav nej npe li lois nej txhob xav li cas nawb. Tau ob lub lis piam no, kuv cia li tsis tau tuaj nrog nej tham ntau li lawm os... Nej sawv daws tuaj tham ntau yam zoo, tiam sis kuv tsis tau tuaj nrog nej hais zaj li lawm...

    Tais Tooj thiab XH Ntxoov Tsab, kev teev ntuj 9 hnub, raws li kuv paub mas peb xav hais Saw Mab Liab los tau, peb ho xav hais txoj Saw thov Tswv ntuj txoj kev khuv leej los tau li. Yog peb xav hais Saw mab Liab los ua kev thov ntuj 9 hnub rau ib yam tseem ceeb, ces niaj hnub peb hais ib txoj Saw Mab Liab los thov ntuj kom puv 9 hnub xwb. Hos yog peb ho xav hais txoj Saw thov Tswv Ntuj txoj kev khuv leej los peb niaj hnub hais txoj saw ntawd kom puv 9 hnub thiab xwb mas.

    Hais txog Tswv Ntuj txoj kev khuv leej mas nws muaj ob yam nawb:
    - Yam 1) yog Txoj Saw thov Tswv Ntuj txoj kev khuv leej nkaus xwb, uas pev siv txoj saw mab Liab los hais, tiam sis cov zaj txawv txoj saw Mab Liab,
    - Yam 2) yog txoj kev teev ntuj 9 hnub uas pib Hnub 6 Ntshiab mus txog rau Hnub 7 ua ntej Hnub Chiv 2 hauv lub Caij Hla. Txoj kev thov ntuj 9 hnub ntawd mas muaj niaj hnub hais ib txoj Saw thov Tswv ntuj txoj kev khuv leej tas ces mam hais ib co lus thov ntuj rau tej pab neeg sib txawv ua ntu zus mus kom tas cuaj hnub.

    Yog peb xav siv txoj Saw thov Tswv ntuj txoj kev khuv leej los ua kev thov ntuj 9 hnub mas peb cia li hais txoj Saw xwb tsis tas hais cov lus thov ntuj rau tej pab neeg los tau.

    Nej rov mus nyeem hauv no hais txog txoj saw thov Tswv ntuj txoj kev khuv leej neeg:
    http://hmongcatholique.forumdediscussions.com/t373-tswv-ntuj-txoj-kev-khuv-leej-neeg

    Thiab kuv xav hais ib qho ntxiv tias niaj hnub yog peb ua tau mas peb yuav tsum hais ib txoj Saw Mab Liab thiab ib txoj Saw thov Tswv ntuj txoj kev khuv leej. Yog peb ua tau li no mas kuj zoo kawg lawm thiab.

    Thiab kuv tseem xav ntxiv ib qho ntxiv tias yog peb xav niaj hnub thov ntuj pab Txiv Vaj Qhia los haj yam zoo, peb hais ib zaj "peb Txiv nyob saum ntuj..." ib zaj "Koj nyob kaj lug Mab Liab... " thiab ib zaj "HT leej Txiv, HT leej Tub, HT leej ntuj plig..." xwb ces tau lawm. Xws li yog nej leej twg niaj hnub hais txoj saw Mab Liab, ces thaum nej hais zaj "Poj Huab Tais..." tas, nej hais peb zaj no ntxiv rau thaum xaus los thov ntuj pab rau txiv Vaj qhia xwb.




    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: QHIA TEEV TXOJ SAW MAB LIAB

    Post  Tub Kawm on 11th March 2012, 12:09 pm

    Nyob zoo Niam hlob thiab Mim mus rau sawv daws. Mim thov ua tsaug rau nws tuaj teb thiab qhia kuv og. Nws twb tau qhia Teev TXOJ SAW TSWV NTUJ KHUV LEEJ NEEB nyob hauv Lub Tospic no meej heev lawm, kuv twb muab saib ib zaug dhau lawm thiab tiam sis ua cas twb tsi nco qab txog li es kuv thiaj rov nug nyob rau hauv Chav los "Lub Tospic TSWV NTUJ KHUV LEEJ NEEG thiab og. Ntshai me nyuam tsi tau txawj es thiaj niaj hnub ua tab kaum Niam thiab Txiv lub luas hauj lwm xwb los. Thov Niam thiab Txiv ua khwv pab qhia og nawb. Tos kuv hais li los txij hnub kuv ntsib tau nej law ces zoo xws li nej yog kuv niam kuv txiv lawm og. Qhov tws tsij txawj tsi paub los tso phluav rau nej lawm xwb kuv thiaj hais li og. Mam sib ntsib dua

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: QHIA TEEV TXOJ SAW MAB LIAB

    Post  Mim on 11th March 2012, 12:31 pm

    Txawj Tuam,

    Tsis ua cas li os, thiab yeej tsis tab kaum li. Txhob ua siab deb qhov twg tsis to taub zoo yuav tsum tau nug kom to taub. Peb sawb daws tuaj no twb yog tuaj sib pab sib qhia xwb. Yam twg kuv tsis paub los kuv yeej yuav nug nej sawv daws thiab oas nawb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 11th March 2012, 7:19 pm



    Nyob zoo Mim thiab tub Txawj Tuam,

    Tub Txawj Tuam,

    Yog ib txoj koob hmoov zoo uas Tswv Ntuj QAWS peb tuaj sib ntsib, kev sib coj qhia yog kev sib coj kawm; peb yim qhia peb yim paub, peb yim nrhiav peb yim txawj xwb. Muaj dab tsi, peb tsis txhob ua siab deb, yeej meem sib nug kom peb paub lub ntsiab zoo thiaj li yuav tsis yuam kev thiab paub qhov tseeb, qhov meej. Hnub no nej tuaj kawm ib yam ntawm peb, taig kis peb tseem tshua ntau yam yuav kawm ntawm nej cov uas muaj txoj kev ntseeg ruaj khov nrog rau kev txom nyem. Kuv zoo siab peb tau tuaj sib ntsib, sib tham li ib tse neeg. Haj tseem muaj fwv tsam tau ua niam ua txiv rau nej nug, nej tos thiab. Thov Tswv Ntuj tsom kwm peb txhua leej kom peb tsuas muaj kev sib vam sib txhawb lawm yav tom ntej tsis muaj caij kawg.




    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Lub hli MabLiab

    Post  Mas Lias on 25th April 2013, 4:13 am

    LUB KEEB KWM NTAWM LUB HLI MABLIAB



    Nyob zoo phooj ywg,


    Yuav txog lub 5 hlis , yog lub sij hawm teev saw MabLiab, peb yuav tau npaj saib los mus teev ua ke.
    Nej SD yeej paub tias teev saw MabLiab yog thov kev khuv leej ntawm peb Leej Niam Ntshiab los pab peb daws peb txoj kev txhaum thiab txoj kev txom nyem.



    LE MOIS DE MARIE


    Le mois de Marie
    Origine du mois de Marie

    Déjà au XIII° siècle, le roi de Castille, Alphonse X le Sage, avait déjà associé dans un de ses chants la beauté de Marie et le mois de mai ; au siècle suivant, le bienheureux dominicain Henri Suso avait, durant l'époque des fleurs, l'habitude de tresser des couronnes pour les offrir, au premier jour de mai, à Notre-Dame.

    Cependant, c'est au début du 18ème siècle que la dévotion du mois de Marie (mois de mai) est apparue à Rome . Elle s'est répandue d'abord en Italie sous l'influence des jésuites et est arrivée en France à la fin du 18ème siècle. Elle a été approuvée par le pape Pie VII au début du 19 ème (21 novembre 1815) après avoir subi l'opposition des jansénistes.

    Pourquoi c'est le mois de mai qui est devenu le mois de Marie ? Je n'ai pas trouvé la raison. C'est peut être parce que le mois de mai était considéré depuis l'antiquité comme défavorable au mariage. On aurait choisi ce mois pour fêter la vierge.
    Célébration du mois de Marie

    Le mois de Marie était très suivi autrefois. On disait " Faire le mois de Marie ". Actuellement encore dans beaucoup de paroisses durant le mois de mai, on récite le chapelet et on médite le rosaire; on adresse aussi personnellement beaucoup de prières à Marie. - Pendant le mois de Marie on chante chaque jour un chant à la Sainte vierge. Un chant a eu un grand succès : "C'est le mois de Marie, c'est le mois le plus beau...". Le mois de Marie en mai et le mois du Rosaire en octobre sont les temps forts de la piété mariale.




    LUB HLI MABLIAB



    Lub hli MabLiab
    Lub keeb ntawm lub hli MabLiab


    Tiam XIII°, tus huab tais Castille, Alphonse X tus TsheejNcaj, twb tau muab yam zoo nkauj ntawm MabLiab thiab lub sij hawm 5 hlis los mus ua ib zag nkauj ; tiam tom qab, tus kaj lug dominicain Henri Suso, nyob hauv lub caij paj tawg, nws ib txwm muab cov paj ntxia ua ib lub kauj mus hawm Leej Niam, hnub xiab ib lub 5 hlis.
    Yog li ntawd, thaum tiam 18 pib thiaj tig los ua lub hli MabLiab ( lub 5 hlis) tshwm sim nyob rau Rome. Xub pib ua ntej thooj plaws Italie teb, nyob rau hauv pab neeg ntseeg Jésuites ces mam los rau Fabkis teb thaum tiam 18 yuav luag xaus. Tus Txiv Vaj qhia Pie VII thiaj tau tso cai thaum tiam 19 xiab ( tim 21 lub 11 hlis 1815 ) ua qab uas tau raug kev tawm tsam los ntawm cov jansénistes.


    Yog vim li ntawd lub 5 hlis thiaj li los ua lub hli MabLiab ? Tsis paub qhov tseeb. Tej zaum vim txheej tshoj thaum ub pom tias lub 5 hlis tsis zoo los sib sau ua txij nkawm.
    Yog li thiaj xaiv lub hli ntawd los ua hmoov rau leej Ntshiab .
    Thiaj tsa lub hli MabLiab.


    Lub hli MabLiab mas yeej siv heev yav thaum ub. Thiaj tau hais tias « Ua lub hli MabLiab ». Niaj hnub tam sim no nyob hauv ntau lub tsev teev ntuj tseem siv mus tag nrho lub 5 hlis, thiaj hais saw MabLiab thiab teev txoj rosaire ( ib txog rosaire raug = 4 txog saws MabLiab, teev ib yam li saw MabLiab) ; muab yus cov lus thov cev ncaj qha raws li zaj teev ntuj rau MabLiab. – Nyob hauv lub hli MabLiab thiaj niaj hnub yuav tau hu zaj nkauj Leej Ntshiab MabLiab. Yog ib zag nkauj muaj kooj meej : « Yog lub hlis MabLiab, yog lub hlis uas zoo nkauj tshaj plaws…. ». Lub hli MabLiab yog lub 5 hlis hos lub hli Rosaire yog lub 10 hli yog cov sij hawm siv zog thov kev Khuv Leej khom nrog MabLiab.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 4th May 2013, 1:24 am


    MAB LIAB HU NKAUJ.














    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: QHIA TEEV TXOJ SAW MAB LIAB

    Post  Bao X Mary on 2nd October 2013, 8:48 am

    Mim thiab Maiv Tooj

    Hais txog teev saw Mab Liab, kuv noog neb tias ib yam li yus pawg ntseeg los tsev neeg yus tsis khoom los teev txhua hnub sib law, tab sis li ib hlis yus los teev li ob los peb zaug ua ke thiab thaum yus khoom ces yus teev xwb no yus ho yuav teev zaj twg, los yus xaiv tej zaj phim lub sij hawm ntawd es yus teev.

    Neb yeej qhia ntau kawg lawm thiab tab sis yuav noog ntxiv thiab.

    Ua neg tsaug nawb , thov kom Tswv Ntuj nrog neb thiab Maiv Paj nej mus li kom nej nthuav Tswv Ntuj lub Moo Zoo rau peb kawm mus li.

    Bao X

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 2nd October 2013, 9:36 am


    Nyob zoo Bao X Mary,

    Kev teev Saw Mab Liab mas yog haum rau hnub twg ces teev cov zaj rau hnub ntawd.
    Zoo kawg, yog ib qho zoo uas nej pawg ntseeg tseem muab lub caij muaj nqes los teev Saw Mab Liab ua ke thiab.
    Kev teev Saw Mab Liab mas yog ib qho muaj txiaj ntsim ntau heev.

    Yog muaj ib pab neeg ntseeg kub siab mas txawm thaum nej tsis khoom tuaj teev ua ke los nej hais kom sawv daws nyias teev nyias tsev, los yog nyias xaiv lub caij li nyias khoom los teev es thaum twg khoom los sawv daws mam ho sib sau tuaj teev ua ke mas zoo dua. Txhob tsuas teev thaum sawv daws khoom tuaj teev ua ke xwb. Yog tsis khoom, coj lub neej khwv heev los teev taug kev, teev thaum tsav tsheb, teev thaum ua hauj lwm los yeej tau. Txhob hais tias yuav tos kom khoom khoom es txhos caug mam teev xwb. Tswv Ntuj paub hauv yus lub siab, hauv yus lub neej, paub yug txoj kev khwv tag nrho.




    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: QHIA TEEV TXOJ SAW MAB LIAB

    Post  Tub Kawm on 31st October 2014, 7:37 pm

    Niam Hlob thov koj rov mus kho TP C Vuam Chiv cov txiaj ntsim teev saw Mab Liab, vim kuv pom muaj ntau qhov tseem tsi tau zoo sib xws. Koj mam rov nug nws dua. Ua tsaug.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 1st November 2014, 8:55 pm


    Tub Kawm,

    Muaj ib qho yuam kev me me lawm, tab sis cia kuv khoom, kuv mam li tib zoo kho thiab sau cov txiaj ntsim kom meej rau.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 2nd November 2014, 11:09 am



    Txiaj ntsim Kaj siab (Mystère Joyeux)

    Hais Hnub Ob (Monday) & Hnub Xya (Saturday)



    Kev nyob kaj siab lug lub caij uas Huab Tais Yes Xus tseem me me,
    thiab yav nws tseem yau. Niam Mab Liab tau hlub nws tus tub Yes Xus.
    Thov kom niam Mab Liab pab peb nyiam nws Leej Tub li nws nyiam

    Yag Ib:
    Nco txog Ntuj tus Tshiab Nkas Nplias xa xov rau Mab Liab. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Mab Liab zoo siab txais cov lus uas Ntuj tus Tshiab xa tuaj rau nws.
    Peb thov Huab Tais Yes Xus pab peb txais Leej Txiv cov lus zoo li Mab Liab.

    Hais zaj “Peb Txiv”.
    kaum zaj “Koj Nyob Kaj Lug Mab Liab”.
    Huab Tais Leej Txiv…
    “Kuv tus Huab Tais Yes Xus, thov koj zam txhaum rau peb.
    Koj cawm peb kom dim ntawm dab phem cov hluav taws.
    Thov koj coj txhua leej txhua tus mus hauv koj lub Ceeb Tsheej,
    thiab thov koj khuv leej cov neeg uas tau ua txhaum loj rau Ntuj.”

    Yag Ob:
    Nco txog Mab Liab mus xyuas nws tus phauj Es Lis Xas Npes.(Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Peb thov Mab Liab kom nws thov Ntuj rau peb, kom peb txawj nyiam
    thiab txawj hlub zoo li Mab Liab.

    Hais zaj “Peb Txiv”.
    kaum zaj “Koj Nyob Kaj Lug Mab Liab”.
    Huab Tais Leej Txiv…

    Yag Peb:
    Nco txog Yes Xus yug los.(Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Yes Xus xaiv ib yim neeg pluag los ua nws tsev neeg. Tswv Ntuj cia
    nws yug los rau hauv ib lub tsev yug tsiaj, nws pw hauv lub dab zaub nyuj.
    Peb thov Ntuj pab kom peb txawj hlub cov neeg txom nyem, thiab cov ntsuag nos.
    Hais tib yam li Yag ib saud...

    Yag Plaub:
    Mab Liab thiab Yos Xes coj tus me nyuam mos Yes Xus mus cev rau
    Ntuj hauv lub Tuam Tsev Teev Ntuj. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Peb yuav nco ntsoov ua Tswv Ntuj tsaug thaum nws pub tub ki rau peb.
    Peb yuav niaj hnub muab peb cov me nyuam cev rau Tswv Ntuj, kom
    Tswv Ntuj foom hmoov zoo rau lawv.

    Yag Tsib:
    Mab Liab thiab Yos Xes nrhiav tau Yes Xus nyob hauv lub Tuam Tsev
    Teev Ntuj, (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.) vim nws leg Leej Txiv tej hauj lwm.
    Peb thov Yes Xus pab peb kom peb nrhiav Tswv Ntuj, thiab kom peb kub siab leg Tswv Ntuj cov hauj lwm.



    Txiaj Ntsim Pom Kev (Mystère Lumineux)
    CAV TXOG YES XUS LUB HWJ CHIM CI NTSA IAB
    Hais Hnub Tsib (Thursday)



    1. Cav txog Yes Xus txais lub Cim Ntxuav hauv dej Yos Las Das.

    2. Cav txog Yes Xus nrog lawv koom noj rooj tshoob nyob Kas Nas.

    3. Cav txog Yes Xus tshaj Ntuj lub Ceeb Tsheej rau sawv daws.

    4. Cav txog Yes Xus lub hwj chim tawm los rau peb tug thwj tim pom.

    5. Cav txog Yes Xus tsim lub Cim Yug hmo uas nws nrog cov thwj tim noj pluas mov kawg.



    Vaj Qhia Zam Paj Lug II
    (Karol Józef Wojtyla)

    Txiaj ntsim Nyiaj Mob raug txom nyem (Mystère Douloureux)

    Yes Xus tuaj yeem ris ntiaj teb neeg lub txim txhaum
    Hais Hnub Peb (Tuesday )& Hnub Rau (Friday & Saturday)




    Peb tu siab rau peb tej txhaum thiab peb lees txhaum. Peb
    zoo siab them peb lub txim txhaum, vim Yes Xus nrog peb ris.
    Vim Yes Xus yeej kev txhaum thiab kev tuag,
    mas peb tsis ntshai qhib peb lub siab xav ua phem rau
    Yes Xus. Thaum peb hais txoj saw Mab Liab no,
    Yes Xus yuav pab peb yeej kev txhaum,
    pab peb nrog nws ris ntiaj teb neeg lub txim txhaum,
    thiab tsa peb sawv hauv kev txhaum los nyob hauv txoj sia.


    Yag Ib:
    Nco txog Yes Xus teev Ntuj nyob hauv lub vaj txiv ntoo roj.(Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Yes Xus yeej paub tias nws yuav txais txoj kev tuag, vim nws xav cawm
    ntiaj teb neeg. Yes Xus txoj kev cawm duav txij hnub neeg los nyob
    ntiaj teb no mus txog hnub ntiaj teb kawg.
    Yes Xus hais tias: “Txiv, thov kom lub ntim no txav mus deb ntawm kuv puas tau?
    Tab sis, koj txhob ua raws li kuv xav, koj ua raws li koj xav.”
    Peb thov Yes Xus pab peb ua raws li Leej Txiv lub siab, tab yog peb yuav tsum raug kev nyuaj siab ntau.



    Yag Ob:
    Lawv ntau Yes Xus (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Nco txog Yes Xus txoj kev txom nyem. Lawv muab nws khi, lawv xuas
    hlua nplawm nws, tsis kav nws tseem thov kom Tswv Ntuj zam rau lawv.
    Peb thov kom Yes Xus pab peb zam rau luag, thiab kom nws txoj kev
    nyiam kev hlub rhuav peb lub siab xav ua phem pov tseg.

    Yag Peb:
    Lawv muab kauj pos rau Yes Xus ntoo. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Nco txog luag muab lub kauj pos los rau Yes Xus ntoo, thiab lawv thuam Yes Xus.
    Peb thov kom Yes Xus pab peb ua ib tug neeg txawj hlub luag, txawj hais
    lus zoo rau luag, thiab txawj hwm luag.

    Yag Plaub:
    Yes Xus kwv Ntoo Cuam. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Nco txog Yes Xus kwv ntoo cuam mus rau tom qhov chaw uas lawv yuav
    muab nws dai. Yes Xus raug luag tsim txom npaum li cas, los nws yeej
    hlub peb cov neeg txhaum thiab hlub cov neeg tsim nws mus txog thaum nws txoj sia tu.
    Peb thov Huab Tais Yes Xus pab peb ris tej yam nyuaj uas tuaj raug peb,
    pab peb kwv peb tus ntoo cuam lawv nws qab.

    Yag Tsib:
    Muab Yes Xus ntsia saum Ntoo Cuam thiab Yes Xus siav tu. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Nco txog luag muab Yes Xus dai saum ntoo cuam.
    Peb thov Yes Xus pab peb zam rau luag, thiab pab peb nyiam Tswv Ntuj
    tas siab tas ntsws zoo li Yes Xus.





    Txiaj ntsim Nto Koob Meej (Mystère Glorieux)

    Yes Xus sawv rov los muaj hwj chim

    Hais Hnub Plaub (Wednesday) & Hnub Chiv (Sunday)




    Txoj saw Mab Liab cav txog Yes Xus yeej kev tuag.

    Txoj saw Mab Liab no coj peb nrog Yes Xus sawv rov los.
    Thaum koj hais txoj saw Mab Liab no, Niam Mab Liab
    yuav thov nws Leej Tub Yes Xus coj koj nrog nws sawv
    hauv kev mob kev ntsaj, kev tsaus ntuj, kev chim siab,
    kev poob ntsej muag, los mus rau hauv txoj kev kaj siab.


    Yag Ib :
    Yes Xus sawv rov los. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Nco txog Yes Xus sawv hauv cov tub tuag rov los. Kev tuag, yog txoj
    kev uas leej tib neeg ntshai tshaj plaws. Tab sis Yes Xus yog Tswv Ntuj
    Leej Tub tiag, nws thiaj yeej txoj kev tuag.
    Peb thov Yes Xus kom nws pab peb ntseeg txog nws, ntseeg txog nws lub
    hwj huam cawm neeg. Thaum peb ntseeg lawm, peb yuav nrog Yes Xus
    muaj txoj sia.



    Yag 0b:
    Yes Xus mus saum Ntuj. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Nco txog Yes Xus nce mus saum ntuj, nws zaum ntawm Leej Txiv phab
    xis, muaj hwj huam, muaj koob meej loj kawg.
    Peb thov Yes Xus pab peb ua neeg siab dawb siab huv, tos Yes Xus lub
    hwj chim yuav rov los coj peb mus nrog nws nyob kaj lug.

    Yag Peb:
    Leej Ntuj Plig nqes los. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Nco txog Leej Ntuj Plig nqes los nyob hauv cov ntseeg txog nws.
    Peb vam Mab Liab thov Leej Ntuj Plig los nyob hauv peb, pab peb lub
    siab lub tswv yim kom ruaj khov, ua Yes Xus tim khawv rau cov nyob ze peb.

    Yag Plaub:
    Mab Liab mus saum Ntuj. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Nco txog Mab Liab nce mus saum ntuj.
    Tswv Ntuj coj Mab Liab lub cev nce mus saum ntuj.
    Tas Mab Liab sim neej, nws tsis nrhiav to taub saib yog vim li cas Tswv
    Ntuj thiaj kom nws ua tej yam uas nws tsis to taub, Mab Liab tsuas nrhiav mloog Tswv Ntuj lus xwb.
    Peb thov Mab Liab thov Ntuj rau peb, kom peb nyiam Tswv Ntuj zoo li Mab Liab.

    Yag Tsib:
    Tsam Niam Mab Liab ua Poj Huab Tais nyob saum Ntuj. (Thaum teev Ntuj yog yus nco tsis tau sob lus tag nrho ces tsuas hais lub ntsiab li thawj kab no xwb.)
    Tswv Ntuj pub hwj huam rau Mab Liab ua Leej Niam thiab ua Poj Huab
    Tais saib tas ib tsoom neeg nyob ntiaj teb no.
    Peb cev tas lub ntiaj teb neeg, tas ib tsoom neeg txhaum, rau niam Mab
    Liab kom nws coj sawv daws kev mus cuag Tswv Ntuj.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: QHIA TEEV TXOJ SAW MAB LIAB

    Post  Maiv Tooj on 2nd November 2014, 11:20 am


    Lus qhia




    Txoj saw Mab Liab, muaj tej qhov nej pom muaj 1 lub hlaws xwb, muaj tej qhov muaj 3 lub hlaws, tej qhov muaj 10 lub hlaws ua ke. Yog vim li no:
    - Ntu uas muaj ib lub hlaws xwb yog hais zaj Peb Txiv.
    - Ntu muaj 3 lub hlaws sib txuas: hais 3 zag koj nyob kaj lug Mab Liab.
    - Thaum muaj 10 lub hlaws mas hais 10 zaj koj nyob kaj lug Mab Liab.
    - Thaum hais 3 zag los yog 10 zaj koj nyob kaj lug Mab Liab tas mas yuav xaus
    zoo li no:
    "Huab Tais Leej Txiv, Huab Tais Leej Tub, Huab Tais Leej Ntuj Plig,muaj koob meej nto moo lug, lub zim txwv no mus txog fab lwmtxheej, xws li txheej laus thaud los. Ua li."

    Teev txoj Saw Mab Liab tag mas hais Niam Mab Liab lo lus qhia ntxiv:

    "Mab Liab yug los dawb huv, koj thov Ntuj rau peb uas vam txog koj"

    “Kuv tus Huab Tais Yes Xus, thov koj zam txhaum rau peb. Koj
    cawm peb kom dim ntawm dab phem cov hluav taws, thov koj
    coj txhua leej txhua tus mus hauv koj lub Ceeb Tsheej, thiab
    thov koj khuv leej cov neeg uas tau ua txhaum loj rau Ntuj.”





    Txoj saw Mab Liab pib li no:  

    1. Ua Ntoo Cuam lub cim.

    "Hu txog Leej Txiv, thiab Leej Tub, thiab Leej Ntuj Plig lub npe.
    Ua li."

    2. Zaj kuv ntseeg.

    Kuv ntseeg txog Tswv Ntuj, yog Leej Txiv muaj hwj huam tas nrho, yog tus tsim ntuj tsim teb.
    Kuv ntseeg txog Yes Xus Pleev, yog Tswv Ntuj Leej Tub twm zeej, yog peb tus Huab Tais.
    Leej Ntuj Plig ua kom nws xeeb los ua neeg.
    Nws yug ntawm Nkauj Ntshiab Mab Liab los.
    Lub caij Pis Las Tos ua nom, Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj, zaum ntawm Leej Txiv phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej Ntuj Plig Ntshiab,
    ntseeg txog lub Koom Txoos Ntshiab cia rau lub qab ntuj neeg,
    ntseeg txog tsoom Leej Ntshiab sib koom Ntuj lub txiaj ntsim.
    Ntseeg txog kev daws txhaum, ntseeg txog leej neeg lub cev kev sawv
    rov los. Ntseeg txog muaj txoj sia nyob mus li. Ua li.

    3. Zaj “Peb Txiv”.

    Peb Txiv nyob saum ntuj,
    Koj lub npe ntshiab nto moo lug.
    Koj lub Ceeb Tsheej los txog.
    Kom muaj raws li koj nyiam nyob ntiaj teb no li nyob saum ntuj.
    Thov koj pub mov txaus peb noj hnub no.
    Koj zam txhaum rau peb, zoo li peb zam rau luag.
    Koj txhob tso peb raug kev ntxias,
    Koj npo peb dim ntawm kev phem. Ua li.

    4. Hais 3 zaug zaj “Koj nyob kaj lug Mab Liab”.

    Koj nyob kaj lug Mab Liab, tus tau txiaj ntsim puv siab.
    Huab Tais nrog koj nyob. Koj tau koob tau hmoov tshaj ib zeej tsoom poj
    niam tib si. Thiab Yes Xus, lub txiv uas koj lub cev txi, tau koob tau hmoov.
    Leej Ntshiab Mab Liab, Tswv Ntuj Leej Niam,
    Koj thov Ntuj hlub peb cov neeg txhaum,
    Nyem no mus txog thaum peb lub caij dua. Ua li.

    5. Huab Tais Leej Txiv:
    Huab Tais Leej Txiv, Huab Tais Leej Tub, Huab Tais Leej Ntuj Plig muaj koob meej nto moo lug.
    Lub zim txwv no mus txog fab lwm txheej, xws li txheej laus thaud los.
    Ua li.

    https://i39.servimg.com/u/f39/14/29/94/83/chapel11.gif Qhia teev Saw Mab Liab:

    A. Ua ntoo cuam lub Cim,
    B. Teev lub npe cov txiaj ntsim raws li hnub ntawd


    Ua raws li cov xam phaj hauv daim duab:
    1- Hais zaj ntseeg
    2- Hais zaj Peb Txiv
    3- Hais 3 zaug Koj nyob kaj lug Mab Liab
    * Xaus "Huab tais Leej Txiv"

    C. Hais txiaj ntsim hnub ntawd qeb 1
    4-  Hais zaj Peb Txiv)
    5- Hais 10 zaj "Koj nyob kaj lug Mab Liab"
    D. Hais "Huab Tais Leej Txiv".
    E. "Mab Liab yug los dawb huv, koj thov Ntuj rau peb uas vam txog koj"

    “Kuv tus Huab Tais Yes Xus, thov koj zam txhaum rau peb. Koj
    cawm peb kom dim ntawm dab phem cov hluav taws, thov koj
    coj txhua leej txhua tus mus hauv koj lub Ceeb Tsheej, thiab
    thov koj khuv leej cov neeg uas tau ua txhaum loj rau Ntuj.”

    F. Hais txiaj ntsim hnub ntawd qeb 2
    6- Hais zaj Peb Txiv
    5- Hais 10 zaj Koj nyob Kaj Lug Mab Liab
    G. Hais "Huab Tais Leej Txiv".
    H. "Mab Liab yug los dawb huv, ..."
      "Kuv tus Huab Tais Yes Xus, ..."

    I. Hais txiaj ntsim hnub ntawd qeb 3
    6- Hais zaj Peb Txiv
    5- Hais 10 zaj Koj nyob Kaj Lug Mab Liab
    J. Hais "Huab Tais Leej Txiv".
    K. "Mab Liab yug los dawb huv, ..."
      "Kuv tus Huab Tais Yes Xus, ..."

    L. Hais txiaj ntsim hnub ntawd qeb 4
    6- Hais zaj Peb Txiv
    5- Hais 10 zaj Koj nyob Kaj Lug Mab Liab
    M. Hais "Huab Tais Leej Txiv".
    N. "Mab Liab yug los dawb huv, ..."
      "Kuv tus Huab Tais Yes Xus, ..."

    O. Hais txiaj ntsim hnub ntawd qeb 5
    6- Hais zaj Peb Txiv
    5- Hais 10 zaj Koj nyob Kaj Lug Mab Liab
    P. Hais "Huab Tais Leej Txiv".
    Q. "Mab Liab yug los dawb huv, ..."
      "Kuv tus Huab Tais Yes Xus, ..."

    Xaus:
    POJ HUAB TAIS.

    Poj Huab Tais, koj ua niam h1ub peb, koj nres peb txoj sia, koj ua peb lub neej tsim txiaj, koj ua peb lub siab tus. Peb tuaj xyuas koj.
    Es Vas tej me nyuam khuam ntiaj teb no, Es Vas tej me nyuam poob nram hav puv kua muag no, Es Vas tej me nyuam kho siab tas nrho tuaj seev ntawm koj.
    Aib ! Niam pab peb puag saum ntuj, koj dauv ntsej muag los ntsia peb; thaum txog peb lub caij khuam ntiaj teb no tas lawd, koj muab koj plab lub txiv tsim txiaj Yes Xus rau peb xyuas, Aib ! Niam txawj zam txhaum, Niam txawj hlub neeg, Mab Liab, Nkauj tsim txiaj zoo nyiam.


    Ua Ntoo Cuam lub Cim.

    Xaus li no.




    Saib daim duab nov mas yuav yoog yim dua.




    Sponsored content

    Re: QHIA TEEV TXOJ SAW MAB LIAB

    Post  Sponsored content Today at 3:40 am


      Current date/time is 10th December 2016, 3:40 am