Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 10:30 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Peb txoj kev hwm Niam Mab Liab

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Peb txoj kev hwm Niam Mab Liab

    Post  Mim on 2nd May 2010, 9:12 am

    Peb txoj kev hwm Niam Mab Liab

    Nyob hauv Koom Txoos Kas Tos Liv, peb hwm Niam Mab Liab, peb tsis teev nws, peb tsis pe hawm nws zoo li peb pe hawm leej Txiv thiab leej Tub thiab leej Ntuj Plig, uas yog Tswv Ntuj. Peb hwm Niam Mab Liab, vim nws yog HT Yes Xus leej Niam.


    Peb ntseeg hais tias Tswv Ntuj tau xub cawm nws thiab pub kom nws yug los tsis lo neeg lub keeb txhaum los yog As Das thiab Es Vas nkawd lub txhaum. Nws thiaj yog tus Es Vas tshiab uas mloog Tswv Ntuj lus thiab tsuj Ntxwj Nyoog taub hau.

    Nws kuj yog peb tsoom neeg sawv daws leej Niam thiab. Nws yog ib leeg Niam uas hlub peb kawg nkaus. Nws xav kom peb sawv daws ntseeg txog nws leej Tub Yes Xus, tus uas nws tau yug los ua peb tus Cawm Seej. Nws xav kom peb txais HT Yes Xus txoj kev cawm peb. Nws xav kom thaum txog hnub kawg, peb sawv daws tau mus nrog Yes Xus nyob thiab nrog Tswv Ntuj nyob nyob mus li kaj siab lug nyob saum Ntuj Ceeb Tsheej.


    Yog peb vam khom Niam Mab Liab pab, nws yuav nthuav nws lub tsho los thaiv peb.

    Nyob hauv Koom Txoos Kas Tos Liv, peb ntseeg hais tias HT Yes Xus yug los ua neeg yog hla ntawm Niam Mab Liab los, Yog li yog peb xav mus cuag Yes Xus, peb hla ntawm Niam Mab Liab mus mas peb yuav txog Yes Xus sai tshaj thiab, vim nws yog tus uas nyob ze Yes Xus tshaj lwm leej lwm tus. Niam Mab Liab yog tus pab cuam peb cov neeg, nws yog tus tuaj peb tog (our Advocate). Ib yam li thaum ub, nkawd ob niam tub mus noj tshoob nyob Kas Nas, Yes Xus tsis tau npaj siab tias yuav pab ob tug sib yuav tshiab kom nkawd txhob poob ntsej muag vim nkawd cawv tas lawm. Tiam sis Niam Mab Liab pom qhov ntawd, nws thov Yes Xus rau nkawd, Yes Xus thiaj li ua nws thawj qhov hwj huam yees ntxwv muab dej los txia ua cawv.


    Our lady of Perpetual Help/ Leej Niam tus Pab Peb mus li

    Niam Mab Liab yog tus uas pab peb tas mus li. Peb muaj ib lub npe hu nws tias Leej Niam tus Pab Peb Mus Li (Our Lady of Perpetual Help). Yog vim li ntawd, peb thiaj nyiam nws, hwm nws, thiab peb nquag vam khom nws thov nws pab. Zaj teev ntuj uas peb nquag hais los thov nws yog zaj “Koj nyob kaj lug Mab Liab…”. Tsis tas li ntawd xwb, peb tseem hais txoj Saw Mab Liab, uas yog ib txoj kev teev ntuj pab peb nco txog Mab Liab thiab Yes Xus nkawd lub neej, txij thaum Yes Xus tsis tau yug los mus txog thaum Niam Mab Liab twb mus nyob saum ntuj lawm, thiab Tswv Ntuj tau muab nws tsa ua Poj Vaj kav saum ntuj thiab kav ntiaj teb (Queen of Heaven and Earth).

    Peb kuj tseem muaj tej lub caij thiab tej lub hnub nyoog uas peb ua kev nco txog Niam Mab Liab nyob hauv peb lub Xyoo Teev Ntuj.

    Xws li lub 1 hli tim 1, yog hnub peb nco txog Niam Mab Liab yog Tswv Ntuj Niam (Mary, Mother of God). Hais txog lo lus no mas thaum cov neeg uas nyob hauv lwm pab lwm pawg ntseeg hnov, mas lawv hais tias, “Nej hais li ntawd tsis yog. Mab Liab
    yog Yes Xus niam xwb, nws tsis yog Tswv Ntuj niam lis os!” Lo lus no yeej tau ua rau neeg sib cav puag thaum ub los lawm. Lub Koom Txoos tau txiav txim hais tias peb hu tau Mab Liab ua Tswv Ntuj Niam, vim Yes Xus twb yog Tswv Ntuj tiag. Nws tau yuav nws lub cev neeg ntawm Niam Mab Liab, tiam sis yog leej Ntuj Plig Ntshiab ua kom nws xeeb los ua neeg. Nws yog Tswv Ntuj ua neeg nyob hauv Niam Mab Liab plab, thiab yug ntawm Niam Mab Liab los.


    Lub 3 hlis tim 25, peb nco txog tus tshiab Nkas Nplias tuaj xa lus rau Mab Liab (Announciation) tias nws yuav xeeb ib tug tub. Nws yuav tis npe rau hu ua Yes Xus. Niam Mab Liab tau lees ua Yes Xus leej Niam.

    Lub 5 hlis yog ib lub hlis uas muab qee ua Niam Mab Liab hli. Peb nquag hais Saw Mab Liab, nquag thov nws, thiab peb muaj ib hnub uas peb muab paj ntoos los tso rau ib tug mlom Mab Liab taub hau (May Crowning).Qhov peb ua li ntawd, vim peb nyim thiab hwm Niam Mab Liab ua HT Yes Xus Niam, thiab nws kuj yog peb sawv daws Niam. Tsi Tas li ntawd xwb, peb ntseeg hais tias HT Yes yog peb tus Huab Tais, Niam Mab Liab yog peb tus Poj Huab Tais, peb tus Huab Tais leej Niam.


    Lub 8 hli tim 15, peb nco txog Niam Mab Liab mus saum ntuj nrog nws lub cev (Assumption of Mary). Peb ntseeg hais tias Niam Mab Liab tau tuag ib yam li Yes Xus, thiab peb hnub tom qab, nws lub cev tau nce mus saum ntuj lawm, vim yog lub cev dawb huv uas tau xeeb thiab yug HT Yes Xus.

    Lub 9 hlis tim 8, peb nco txog Niam Mab Liab hnub yug los. Tim 15, peb nco txog leej Niam Tu Siab (Our Lady of Sorrows).

    Lub 10 hli yog ib lub hlis peb hais txoj Saw Mab Liab, thiab tim 7, yog hnub peb nco txog leej Niam muaj Txoj Saw (Our Lady of the Rosary).

    Lub 12 hlis tim 8, peb nco txog Mab Liab xeeb los tsis lo lub keeb txhaum (Immaculate Conception)
    ___________________________________________________________________________


    Hnub no twb yog tim 2 lub 5 hlis lawm. Lub 5 hlis no peb cov
    ntseeg yuav tsum rau siab thov Niam Mab Liab uas yog peb leej Niam. Peb yuav
    tsum nquag niaj hnub hais Saw Mab Liab. Yog hauv nej lub church muaj ua May Crowning no los nej
    yeej meem koom thiab. Hauv peb church peb niaj xyoo muaj May Crowning rau hnub Mother’s Day. Xyoo no yog lwm hnub Chiv lub 5 hlis tim 9. Hnub ntawd thaum ua thaj txi ntuj
    tas, txiv plig coj cov ntseeg sawv daws hu nkauj taug kev mus rau ntawm ib tug
    mlom Mab Liab uas nyob nraum zoov. Thaum sawv daws mus txog ntawm tus mlom
    lawm, peb hais ib yag Saw Mab Liab thiab hu ib zaj nkauj ntxiv, ces sawwv daws
    mam li nyias mus nyias tsev.



    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Peb txoj kev hwm Niam Mab Liab

    Post  Mim on 2nd May 2010, 9:57 am


    Nyob hauv daim you tube no, lawv hu zaj nkauj no nq 1 thiab 5, thiab ib nqes ua kuv tsis muaj.

    Hail Holy Queen Enthroned Above


    1. Hail, holy Queen enthroned above, O Maria.
    Hail, Queen of mercy and of love, O Maria.

    Triumph, all ye cherubim, Sing with us, ye seraphim,
    Heaven and earth resound the hymn:
    Salve, salve, salve Regina!

    2. Our life, our sweetness, here below, O Maria!
    Our hope in sorrow and in woe, O Maria!

    Triumph, all ye cherubim, Sing with us, ye seraphim,
    Heaven and earth resound the hymn:
    Salve, salve, salve Regina!

    3. To thee we cry, poor sons of Eve, O Maria!
    To thee we sigh, we mourn, we grieve, O Maria!

    Triumph, all ye cherubim, Sing with us, ye seraphim,
    Heaven and earth resound the hymn:
    Salve, salve, salve Regina!

    4. Turn then most gracious Advocate, O Maria!
    Toward us thine eyes compassionate, O Maria!

    Triumph, all ye cherubim, Sing with us, ye seraphim,
    Heaven and earth resound the hymn:
    Salve, salve, salve Regina!

    5. The cause of joy to men below, O Maria!
    The spring through which all graces flow, O Maria!

    Angels, all your praises bring, Earth and heaven, with us sing,
    All creation echoing:
    Salve, salve, salve Regina!

    from ChantCd.com

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: Peb txoj kev hwm Niam Mab Liab

    Post  Maiv Tooj on 7th May 2010, 3:11 am


    Nyob zoo Mim,

    Ua nws tsaug ntau uas nws nrhiav tau lub ntsiab lus ntawm txoj kev Ntseeg Catholic los tso. Zoo kawg nkaus, yog peb rau siab, ib zaug txhais me ntsis li nov mas ntev mus peb Hmoob yuav muaj teeg tug ib yam li luag tej thiab. Kuv ua nws tsaug mog, nws mas yog ib tug tshaj lij heev ntawm Peb Haiv Hmoob...






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Peb txoj kev hwm Niam Mab Liab

    Post  Maiv Paj Lug on 10th May 2010, 9:53 am

    Zoo siab kawg li nawb niamlaus Mim, kuv yeej lees tias Niam Mab Liab yog Poj Huab Tais, nws yog Tswv Ntuj Niam....yeeb vim yog muaj Niam Mab Liab Kam Lees ua Tswv Ntuj niam es peb thiaj li muaj Huab Tais Leej Tub Yesxus. Yesxus yog Huab Tais, Huab Tais yuav tsum yug los ntawm ib Leej Niam Ntshiab.......li no Leej Twg tsis kam Lees Niam Mab Liab ces nws raws nraim li Satan txoj kev ntshaw.......Satan tseem ntxub Niam Mab Liab tshaj ntxub Tswv Ntuj lawm thiab vim hais tias Niam Mab Liab yeej Satan txhua zaus vim Niam Mab Liab thiaj yog thawj tug mloog Tswv Ntuj lus nyob ntiaj teb ua tsis muaj txhaum hlo li. Niam Mab Liab yog ib tug Pojniam tab sis tseem tau qhov chaw thib ib nyob ntawm Tswv Ntuj ib sab, li no Satan khib heev Satan thiaj ua kom tau noob neej txhob hwm Niam Mab Liab.

    Kuv tu siab kawg ua muaj lwm pab lwm pawg ntseeg Yesxus kawg tab sis lawv tsis nyiam hwm Niam Mab Liab li Tswv Ntuj kom peb txhua tus thiab cov Tshiab nyob saum ntuj hwm.......Satan yog thawj tug tsis kam hwm, li no Satan kuj ntxias tau noob neej coob kawg kom yuam kev txhob hwm Niam Mab Liab tib yam nkaus.

    Txoj kev hwm niam mab liab tsis yog ib qho txhaum, vim tias Tswv Ntuj twb yug los ntawm Niam Mab Liab, yog peb muab Niam Mab Liab txo kom qis qis li noob neej xwb ces kuj zoo li peb hla Tswv Ntuj xwb ntiag mus zaum qhov chaw siab xwb peb tsis kam txo peb lub hwj chim.

    Li no ne? yog peb hla Tswv Ntuj niam mus zaum ntawm Tswv ntuj ib sab kom peb zaum ze ze Yesxus es peb tsis kam tso peb qhov chaw zaum rau Niam Mab Liab " Leej lwg thiaj yuav piv tau Niam Mab Liab nyob hauv ntiaj teb no? " Tsis muaj leej twg kiag li, vim tias Tswv Ntuj hlub nws niam tshaj plaws, Tswv Ntuj niam nrog Tswv Ntuj koom ib lub siab, Tswv Ntuj niam nrog Tswv Ntuj tawm hws ntshav.

    Leej tib neej leej twg xav hla mus zaum ntawm Yesxus xwb ntiag ? tau kawg tiam sis yog nws muab Niam Mab Liab xyeeb ces Tswv Ntuj kuj yuav xyeeb nws tib yam.

    Tswv Ntuj coj Niam Mab Liab mus saum ntuj nrog lub cev thiab tus ntsuj plig , Tswv Ntuj tseem muab ib lub mom kub 12 lub hnub qub rau Niam Mab Liab ntoo .....



    yog li no txhais tau tias Tswv Ntuj twb hwm nws niam, muab Niam Mab Liab tsa ua poj huab tais . Ua li cas peb noob neej tseem muab niam mab liab tsuj ntiag ntawm taw li Satan thiab ? Leej twg xav tias hwm Tswv Ntuj xwb ces Tswv Ntuj yuav nyiam dua qhov hwm Tswv Ntuj niam no mas nws xav yuam kev lawm. Vim Tswv Ntuj tsis muab hlob li peb noob neej.


    HNUB PEB UA HMOOV TXOG NIAM MAB LIAB NCE PEM NTUJ YOG HNUB TIM 15 LUB 8 HLI NTUJ.

    L'Assomption de Marie est pour l'Eglise catholique un dogme,
    c'est-à-dire un moyen de cheminer vers Dieu, résultat de la méditation
    séculaire du peuple de Dieu sur sa foi : on ne croit au dogme que parce
    qu'il va dans le sens de la Foi.
    Avant d'être un dogme, l'Assomption de Marie était donc une croyance
    reposant sur des traditions et non sur des bases scripturaires
    reconnues des premiers temps de l'Église.
    L'Eglise Catholique a considéré que cette tradition était conforme
    au dépôt de la Foi et « longuement mûrie par un siècle de théologie
    mariale omniprésente »depuis la proclamation du dogme catholique de l'Immaculée Conception, dont il n'existe cependant pas trace dans la Bible.

    ------------------------------------------------
    The Assumption of Mary Catholic Church for a dogma, ie a means to move
    toward God, the result of secular meditation of God's people about his
    faith: it is believed that because the dogma that it goes in the direction of the Faith.

    Before becoming a dogma, the Assumption of Mary was therefore a belief based
    on tradition and not on scriptural bases recognized early days of the Church.

    The Catholic Church has held that this tradition was consistent with the
    deposit of faith and "well-considered by a century of Marian theology
    ubiquitous, since the proclamation of the Catholic dogma of the
    Immaculate Conception, which is however not trace in the Bible.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Peb txoj kev hwm Niam Mab Liab

    Post  Mim on 14th September 2010, 2:32 pm

    Tag kis yog tim 15 lub 9 hlis ntuj, peb hawm Niam Mab Liab tus uas muaj txoj kev ntsim siab ntau tshaj plaws (Our Lady of Sorrows).


    Nyob hauv daim duab saum no, lawv ua xya rab ntaj los chob rau nws lub plawv. Xya rab ntaj ntawd yog xya yam kev txom nyem uas tuaj raug nws.

    1. Yam ib, yog thaum Yes Xus nyuam qhuav yug los, Niam Mab Liab thiab Yos Xes coj me nyuam Yes Xus mus fij rau Ntuj, mus ntsib tus yawg laus laus Xis Mes Oos, hais rau Niam Mab Liab tias, "Yuav muaj ib rab ntaj chob nkaus koj lub plawv..."
    2. Yam ob yog thaum Niam Mab Liab thiab Yos Xes yuav tsum coj Yes Xus khiav ntuj teb tag hmo mus lawm Hias Nkws Tos teb, vim muaj neeg phem xav txov nws txoj sia.
    3. Yam peb, yog thaum Yes Xus muaj 12 xyoos nws ploj tau peb hnub Niam Mab Liab thiab Yos Xes mam nrhiav tau nws hauv lub tuam tsev teev ntuj.
    4. Yam plaub, yog Niam Mab Liab tuaj mus ntsib Yes Xus tab tom kwv nws tus ntoo cuam taug kev mus lawm pem roob, luag yuav muab nws ntsia rau saud.
    5. Yam tsib yog thaum lawv muab nws ntsia rau saum ntoo cuam thiab nws txoj sia tu saum ntoo cuam.
    6. Yam rau yog thaum lawv muab nws lub cev txo los rau hauv Niam Mab Liab xub ntiag.
    7. Yam xya yog thaum lawv muab Yes Xus lub cev mus tso rau hauv qhov ntxa.

    Xya lub sij hawm li hais saum no, Niam Mab Liab tau ntsib kev nyuaj kev ntsim siab ntau dua lwm lub sij hawm.

    Lub Koom Txoos muaj ib txoj kev teev ntuj rau peb kom peb siv los nplij Niam Mab Liab. Nws tsis nyuaj li.

    Peb yuav xav txog Niam Mab Liab tej kev ntsim siab ib qho zuj zus. Peb xav txog thawj yam, ces hais ib zag "Koj nyob kaj lug Mab Liab..." Peb ho xav txog yam ob, ces hais ib zag "Koj nyob kaj lug Mab Liab..." Ua li no mus kom tas xya yam kev ntsim siab thiab hais xya zaj "Koj nyob kaj lug Mab Liab..."

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: Peb txoj kev hwm Niam Mab Liab

    Post  Maiv Tooj on 15th September 2010, 10:50 am



    Nyob zoo Mim,

    Txhua hnub koj qhia ib yam tshiab rau peb paub. Yog ib lub txiaj ntsim zoo heev uas qheb peb lub siab, peb qhov muag rau txoj kev ntshiab huv thiab paub tab ntxiv. Kuv zoo siab heev uas ntiaj teb neeg tseem tshuav tej tug neeg thoob tsib thiab tshaj lij zoo li koj no los ua peb niam peb txiv tuav peb lub keeb peb txoj kev taug. Kuv zoo siab tas nrho, kuv thov kom Huab Tais Ntuj txhais tes ua duab ntxoov ntxoo rau koj ib txwd.





    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Peb txoj kev hwm Niam Mab Liab

    Post  Mim on 15th September 2010, 4:46 pm

    Tais Tooj,

    Ua tsaug ntau os... Kuv mas yog ib tug neeg uas NEEDTswv Ntuj thiab Niam Mab Liab pab kuv tshaj plaws li nawb. Yog nej thov Ntuj rau kuv mas kuv tsuas muaj kev zoo siab xwb...

    Thiab kuv zoo siab hais tias tej yam kuv sau no, txawm tsis pab coob los tsuav ho pab tau tus puav ces yog qhov zoo kawg li lawm... Ua tsaug koj tej lus qhuas lus txhawb kuv os.

    Sponsored content

    Re: Peb txoj kev hwm Niam Mab Liab

    Post  Sponsored content Today at 11:33 pm


      Current date/time is 6th December 2016, 11:33 pm