COV ZAJ NYEEM NRUAB LIS PIAM XYOO II 2021-2022

Tim 13 lub 9 Hlis 2022

Hnub Peb Lis Piam Nees Nkaum Plaub Nruab Xyoo ABC Nruab Lis Piam Xyoo II
Lectionary: 444

Yuav Hwm LN John Chrysostom, Tswv Qhia thiabKws cov Txuj Ntshiab

Zaj Nyeem Ib: 1 KLN 12: 12-14, 27-31a

Cov kwv tij nkauj muad:
12 Ib yam li neeg muaj ib lub cev xwb, tab sis lub cev ntawd muaj ntau ces; txhua ces ntawd, txawm tias muaj ntau, tsuas yog ib lub cev xwb. Nyob hauv Leej Pleev kuj zoo ib yam li ntawd thiab.
13 Vim tias peb sawv daws tau txais lub Cim Ntxuav nyob hauv ib tug Leej Ntuj Plig, ces peb koom ua lub Cev xwb. Tsis hais cov Yus Das los cov Hes Las, cov ua qhev los cov twj lij, peb sawv daws puav leej tau haus ib tug Leej Ntuj Plig xwb.
14 Lub cev tsis yog ib yam xwb, lub cev muaj ntau yam.
27 Ntawm nej, mas nej yog Leej Pleev lub cev, nej nyias yog nyias ib yam nyob rau hauv lub cev ntawd.
28 Muaj tej tus neeg mas Tswv Ntuj tsa lawv ua, ib, Hauv Paus Xa Lus nyob hauv lub Koom Txoos, ob, ua Yaj Saub, peb, ua Xib Hwb; kuj tseem muaj cov ua tau hwj huam yees ntxwv, cov tau lub txiaj ntsim kho neeg mob, cov txawj pab luag, cov txawj tuav kev tswj fwm, thiab cov paub ntau xeem lus.
29 Sawv daws puas yog Hauv Paus Xa Lus? Sawv daws puas yog Yaj Saub? Sawv daws puas yog Xib Hwb? Sawv daws puas ua tau hwj huam yees ntxwv?
30 Sawv daws puas tau lub txiaj ntsim txawj kho mob? Sawv daws puas txawj hais ntau hom lus? Sawv daws puas txawj ua tus txhais cov lus?
31 Xav kom nej yuav tsum mob siab rau nrhiav cov txiaj ntsim sab ntsuj plig uas muaj nqis loj dua cov.

NPN 100: 1b-2, 3, 4, 5

Txais: (3) Peb yog nws haiv neeg, peb yog nws pab yaj.

Tas txhua lub teb chaws, nej yuav zoo siab hu nkauj rau HUAB TAIS!
Nej xyiv fab hlo luag ntxhi tsob hwb HUAB TAIS ;
nej hu nkauj zoo siab chaws los ntawm nws xub ntiag

Txais: (3) Peb yog nws haiv neeg, peb yog nws pab yaj.

Nej yuav tsum paub tias HUAB TAIS yog Tswv Ntuj.
Nws tau tsim peb los, peb yog nws tug,
peb yog nws haiv neeg, yog pab yaj nws tu.

Txais: (3) Peb yog nws haiv neeg, peb yog nws pab yaj.

Nej chaws mus hauv nws cov rooj loog, nej ua nws tsaug,
Nej mus hauv nws cov tshav loog, nej cav txog nws ;
nej ua nws tsaug, nej foom lus zoo rau nws lub npe.

Txais: (3) Peb yog nws haiv neeg, peb yog nws pab yaj.

Vim HUAB TAIS muaj lub siab zoo,
nws txoj kev ua zoo yuav nyob mus li,
nws ua siab ncaj rau peb txheej dhau txheej.

Txais: (3) Peb yog nws haiv neeg, peb yog nws pab yaj.

Hla zaj As Les Lus Yas thiab zaj Ntrawv Moo Zoo ntawmn no mus saib nram qab.

As Les Lus Yas: LK 7: 16

Txais: As les lus yas, as les lus yas.

Ib tug yaj saub loj sawv los nyob hauv peb,
Tswv Ntuj tuaj xyuas nws haiv neeg lawm.

Txais: As les lus yas, as les lus yas.

Ntawv Moo Zoo: LK 7: 11-17

11 Yes Xus mus hauv ib lub nroog hu ua Nas Ees. Yes Xus cov thwj tim thiab ib pab neeg coob nrog Yes Xus ua ke mus.
12 Thaum Yes Xus tuaj yuav txog lub qhov rooj loog nkag hauv lub nroog, luag tab tom kwv ib tug tuag tawm tuaj txog ntawd. Yog ib leeg tub twm zeej, hos leej niam yog ib tug poj ntsuam. Ib pab neeg coob hauv nroog nrog leej niam tawm tuaj.
13 Huab Tais pom tus poj ntsuam, Huab Tais khuv leej nws; Huab Tais hais rau nws tias: "Koj txhob quaj."
14 Huab Tais txav los pem hauv ntej los tuav lub hleb, ces cov kwv hleb nres. Ces nws hais tias: "Tus hluas, kuv hais koj, koj cia li sawv!"
15 Ces tus tuag sawv los zaum, thiab nws pib hais lus. Yes Xus muab tus tub hluas ntawd cob rau nws niam.
16 Tas sawv daws ntshai kawg; lawv cav txog Tswv Ntuj, lawv tsa suab qw tias: "Ib tug yaj saub loj sawv los nyob hauv peb lawm,” thiab hais tias: “Tswv Ntuj tuaj xyuas nws haiv neeg lawm."
17 Cov lus no ncha mus thoob tas xeev Yus Das thiab ib ncig lub teb chaws ntawd.

Tim 14 lub 9 Hlis 2022

Hnub Plaub Lis Piam Nees Nkaum Plaub Nruab Xyoo C Nruab Lis Piam Xyoo II

Koob Tsheej Cav Txog Yes Xus tus Ntoo Cuam
Lectionary: 638

Zaj Nyeem Ib: XAM PHAJ 21: 4b-9

4b Nyob Ntawm ib tog kev, cov His Xas Lais npau taws.
5 Lawv cem Tswv Ntuj thiab cem Mais Xes tias: "Vim li cas neb thiaj coj peb tawm Hais Nkws Tos teb los, kom peb los tuag hauv lub teb chaws suab puam no? Tsis muaj mov noj, tsis muaj dej haus li, peb dhuav noj cov niag mov dhuav siab ntawd dhau lawm!"
6 Tswv Ntuj thiaj tso ib cov nab muaj taug hluav taws tuaj tom lawv; cov nab ntawd tom cov His Xas Lais tuag coob leej.
7 Tsoom pej xeem thiaj tuaj hais rau Mais Xes tias: "Peb ua txhaum lawm vim peb tau cem HUAB TAIS thiab cem koj. Koj thov HUAB TAIS kom nws coj cov nab ntawd mus deb ntawm peb." Ces Mais Xes thiaj thov Ntuj rau tsoom pej xeem.
8 HUAB TAIS hais rau Mais Xes tias: "Koj nchuav ib tug nab muaj taug hluav taws, koj muab khuam rau saum ib tug ncej. Leej twg raug nab tom, yog nws tsa muag saib tus nab nchuav ntawd ces nws yuav tsis tuag."
9 Mais Xes thiaj muab tooj dub los nchuav ua ib tug nab, nws muab khuam rau saum ib tug ncej. Yog leej twg raug nab tom, mas nws tsa muag saib tus nab tooj ntawd ces nws tsis tuag.

NPN 78: 1bc-2, 34-35, 36-37, 38

Txais: (7b) Nej yuav nco ntsoov Huab Tais cov hauj lwm loj.

Kuv haiv neeg, nej mloog kuv tej lus qhuab qhia mog;
Nej tig ntsej los mloog cov lus tawm ntawm kuv lub ncauj los.
Kuv yuav qhib ncauj hais ib zag paj lug,
Kuv yuav hais txog tej yam tob uas yeej muaj txheej thaud los lawm.

Txais: (7b) Nej yuav nco ntsoov Huab Tais cov hauj lwm loj.

Thaum Tswv Ntuj rhuav lawv, ces lawv nrhiav nws ;
lawv tig rov los nug txog Tswv Nuj.
Lawv rov nco tias Tswv Ntuj yog lawv lub tsua,
yog tus Tswv Ntuj Nyob Siab tus txhiv lawv.

Txais: (7b) Nej yuav nco ntsoov Huab Tais cov hauj lwm loj.

Tiam sis lawv lam qhuas nws ntawm ncauj xwb,
lawv tus nplaig hais lus dag nws.
Lawv lub siab tsis npuab nws ruaj kiag li,
lawv tsis coj raws cov lus nws tau nrog lawv cog li.

Txais: (7b) Nej yuav nco ntsoov Huab Tais cov hauj lwm loj.

Tab sis, Tswv Ntuj lub siab hlub neeg zam rau lawv qhov txhaum,
nws tsis rhuav lawv pov tseg,
Nws cheem nws lub siab npau taws tsis tseg,
nws tsis pub kom nws lub siab npau ceev tsim dheev los.

Txais: (7b) Nej yuav nco ntsoov Huab Tais cov hauj lwm loj.

Zaj Nyeem Ob: FIS LIS POS 2: 6-11

Cov kwv tij nkauj muad,
6 Yes Xus Pleev yog Tswv Ntuj, tiam sis nws tsis tau saib nws loj ib yam li Tswv Ntuj, yog ib qho uas peb lub tswv yim mem tau nyuaj.
7 Nws muab nws tus kheej tshem tawm, nws hloov ua zoo li ib tug qhev, yug los zoo li tib neeg.
8 Vim luag pom nws yog tib neeg, ces nws txo nws qis qis, nws tuaj yeem mloog lus mus txog qhov tuag, thiab tseem yog tuag nyob saum ntoo cuam.
9 Vim li no, mas Tswv Ntuj thiaj tsa Yes Xus ua tus loj nyob qhov chaw siab dua cov, thiab muab lub npe uas nyob siab dua txhua lub npe rau nws.
10 Kom thaum twg hnov tuav txog Yes Xus lub npe, mas txhua leej txhua tus yuav tsum kim caug hawm, tsis hais nyob saum cov txheej ntuj saud, los nyob ntiaj teb no, los nyob nruab yeeb tib si.
11 Thiab kom txhua xeem lus yuav tsum zeem tseeb tias Yes Xus Pleev yog Huab Tais, ces Leej Txiv Tswv Ntuj thiaj muaj koob meej nto moo lug.

As Les Lus Yas

Txais: As les lus yas, as les lus yas.

Leej Pleev, peb pe hawm koj, thiab peb cav txog txog,
vim koj tau cawm ntiaj teb neeg nyob saum koj tus Ntoo Cuam.

Txais: As les lus yas, as les lus yas.

Ntawv Moo Zoo: ZAM 3: 13-17

Yes Xus hais rau Nis Kos Des Mos tias:
13 “Tsis tau muaj leej twg nce mus saum ntuj dua li, tsuas muaj tus tau nqes saum ntuj los xwb, uas yog Neeg Leej Tub.
14 Ib yam li Mais Xes tsa tus nab nyob teb chaws suab puam, Neeg Leej Tub kuj yuav tsum raug luag tsa nws siab thiab,
15 kom xwv txhua leej txhua tus ntseeg txog nws muaj txoj sia nyob mus li.”
16 Vim Tswv Ntuj nyiam lub qab ntuj neeg npaum no, nws thiaj muab nws Leej Tub twm zeej rau lawv, kom xwv txhua leej txhua tus ntseeg txog nws txhob tuag, tab sis kom muaj txoj sia nyob mus li.
17 Vim Tswv Ntuj tsis tau xa nws Leej Tub tuaj hauv lub qab ntuj kom nws muab txim rau lub qab ntuj neeg, tiam sis kom qab ntuj neeg tau txais kev cawm nyob hauv nws.

Tim 15 lub 9 Hlis 2022

Hnub Tsib Lis Piam Nees Nkaum Plaub Nruab Xyoo ABC Nruab Lis Piam Xyoo II
Lectionary: 446

Yuav Hwm Leej Niam Muaj Kev Tu Siab
Mus saib cov zaj nyeem nyob nram qab

Zaj Nyeem Ib: 1 KLN 15: 1-11

1 Cov kwv tij nkauj muad, kuv rov qab hais kom nej nco ntsoov txog lub Moo Zoo uas kuv tau tshaj rau nej; nej tau txais thiab nej kuj nyob ruaj nreb hauv lub Moo Zoo ntawd.
2 Nyob hauv lub Moo Zoo ntawd, mas nej txais kev cawm yog nej mloog raws nraim li kuv lo lus kuv tau qhia rau nej; tsis li ntawd mas yog nej lam ntseeg dag xwb.
3 Qhov tseem ceeb dua cov uas kuv tau qhia rau nej kuj yog qhov kuv tus kheej tau txais los thiab, yog qhov tias Leej Pleev tuag vim peb cov txhaum, raws li muaj nyob hauv Ntawv;
4 ces lawv muab nws mus zwm rau hauv ntxa; hnub peb, nws sawv rov qab los raws li muaj nyob hauv Ntawv;
5 nws yees tawm tuaj rau Pob Zeb pom, ces nws kuj tawm tuaj rau pab kaum ob leeg pom thiab.
6 Tom qab ntawd, nws tseem yees tawm tuaj rau ib pab kwv tij muaj tsib puas leej ib txhij pom; cov ntawd, cov coob tseem ua neej nyob los txog niaj hnub no, hos muaj qee leej kuj tuag lawm.
7 Tom qab ntxiv, Yes Xus tseem tawm los rau Yas Kos pom, thiab rau tas nws cov Hauv Paus Xa Lus huv tib si pom.
8 Kuv yog tus puag tom tw, kuv zoo xws li ib tug me nyuam yug los tsis haum caij, nws kuj tawm tuaj rau kuv pom thiab.
9 Kuv yog tus me tshaj cov nyob hauv cov Hauv Paus Xa Lus. Kuv tsis tsim nyog hu ua Hauv Paus Xa Lus li, vim kuv tau hiam Tswv Ntuj lub Koom Txoos.
10 Tiam sis Tswv Ntuj lub txiaj ntsim tau ua kom kuv yog tus neeg zoo li tam sis no. Nws lub txiaj ntsim nyob hauv kuv, nws tsis nyob dag. Kuv yog tus tau siv zog ua hauj lwm heev tshaj lawv sawv daws huv tib si. Tab sis tsis yog kuv ua, yog Tswv Ntuj lub txiaj ntsim uas nrog kuv nyob ua cov hauj lwm ntawd.
11 Li ntawd txawm yog kuv los yog lawv kuj xij, peb tshaj li cas rau nej ces nej ntseeg li ntawd.

NPN 118: 1b-2, 16ab-17, 28

Txais: (1) Nej ua HUAB TAIS tsaug, vim nws siab zoo.

Nej ua HUAB TAIS tsaug, vim nws siab zoo,
Nws khuv leej peb tas mus li ib txhiab ib txhis.
Tsev neeg His Xas Lais yuav tsum hais tias :
“Nws khuv leej peb tas mus li ib txhiab ib txhis.”

Txais: (1) Nej ua HUAB TAIS tsaug, vim nws siab zoo.

“HUAB TAIS txhais xis tsim nyog peb qhuas txog!
HUAB TAIS txhais xis ntaus tsam muaj zog loj!”
Kuv yuav tsis tuag, kuv yuav muaj txoj sia nyob,
kuv yuav tshaj txog HUAB TAIS cov dej num.

Txais: (1) Nej ua HUAB TAIS tsaug, vim nws siab zoo.

Koj yog kuv tus Tswv Ntuj, kuv ua koj tsaug.
Kuv tus Tswv Ntuj, kuv cav tas zog txog koj.

Txais: (1) Nej ua HUAB TAIS tsaug, vim nws siab zoo.

As Les Lus Yas: MT 11: 28

Txais: As les lus yas, as les lus yas.

Huab Tais hais tias: “Tas nej sawv daws uas nej khwv thiab ris nra hnyav,
nej tuaj cuag kuv mas, kuv yuav cia nej so los siav.”

Txais: As les lus yas, as les lus yas.

Ntawv Moo Zoo: LK 7: 36-50

36 Muaj ib tug Fas Lis Xais caw Yes Xus mus nrog nws noj mov, Yes Xus chaws mus hauv tus Fas Lis Xais tsev, nws pw xyab ntawm rooj mov.
37 Muaj ib tug poj niam nyob hauv lub nroog ntawd, yog ib tug neeg txhaum, nws hnov tias Yes Xus noj mov hauv tus Fas Lis Xais ntawd tsev, ces nws nqa ib hwj tshuaj tsw qab tuaj.
38 Nws tuaj nyob ntawm Yes Xus sab nraub qaum, nram Yes Xus ko taw, nws quaj ua kua muag poob los ywg Yes Xus ko taw, ces nws muab nws cov plaub hau los so, nws nwj Yes Xus ko taw, thiab muab tshuaj tsw qab los pleev rau.
39 Tus Fas Lis Xais uas caw Yes Xus tuaj, pom li ntawd, nws xav hauv siab tias: "Yog tias tus neeg no yog ib tug yaj saub, mas phim nws yuav tsum paub tias tus poj niam uas kov nws ntawd yog leej twg thiab yog ib tug neeg zoo li cas, vims nws yog ib tug neeg txhaum."
40 Ces Yes Xus tsa ncauj teb rau tus Fas Lis Xais tias: "Xis Moos, kuv muaj ib lo lus xav hais rau koj." Tus Fas Lis Xais teb tias: "Xib Hwb, koj hais mas."
41 “Muaj ob tug neeg tshuav nqi ntawm ib tug tswv qiv nyiaj. Thawj tug tshuav nqi txog tsib puas lub txiaj nyiag; lwm tus tshuav nqi txog tsib caug lub txiaj nyiag.
42 Nkawd tsis muaj dab tsi them rov qab, ces tus tswv qiv nyiaj cia li zam rau nkawd ob leeg. Ob tug ntawd, tus twg yuav nyiam tus tswv qiv nyiaj dua?"
43 Xis Moos teb tias: "Kuv xav mas yog tus uas tus tswv qiv nyiaj zam nuj nqis ntau dua rau." Yes Xus hais rau Xis Moos tias: "Koj txiav raug lawm."
44 Yes Xus tig mus ntsia tus poj niam, nws hais rau Xis Moos tias: "Koj puas pom tus poj niam no? Kuv los hauv koj tsev, koj tsis tau hliv dej los ntxuav kuv ko taw; hos, tus poj niam no, nws muab kua muag los ntxuav kuv ko taw, thiab nws muab plaub hau los so kuv ko taw.
45 Koj tsis tau nwj kuv, hos tus poj niam no, txij thaum kuv chaws los hauv no, mas nws nwj kuv ko taw tsis tseg.
46 Koj tsis tau pleev roj rau saum kuv taub hau, hos tus poj niam no hliv tshuaj tsw qab pleev kuv ko taw.
47 Yog vim li ntawd, mas kuv hais rau koj: tus poj niam no tau ua txhaum ntau, tab sis nws cov txhaum daws tas lawm, vim nws muaj kev nyiam loj kawg nkaus; hos tus uas luag zam rau nws tsawg, mas nws kuj nyiam tsawg thiab."
48 Ces Yes Xus hais rau tus poj niam tias: "Koj cov txhaum daws tas lawm."
49 Cov neeg nrog Yes Xus koom rooj mov, nyias xav nyias twj ywm tias: "Tus ntawd yog leej twg, ua cas nws yuav zam txhaum tau?"
50 Yes Xus hais rau tus poj niam tias: "Koj lub siab ntseeg cawm koj lawm. Koj rov mus nyob kaj siab lug mog."


****************************

TIM 15 LUB 9 HLIS

Yuav Hwm Leej Niam Muaj Kev Tu Siab (Our Lady of Sorrows/Notre Dame des Douleurs)

Lectionary: 639
Hnub no yog xav nyeem zaj Nyeem Ib thiab zaj NPN hauv nruab lis piam rau hnub no los tau, los puas siv cov zaj nram no xwb:

Zaj Nyeem Ib: HES NPLAWS 5: 7-9

7 Thaum Leej Pleev tseem ua neej nyob hauv nws lub cev nqaij, nws tau tsa suab nrov nrov quaj los kua muag thov tus muaj peev xwm cawm tau nws ntawm txoj kev tuag. Leej Txiv mloog nws cov lus thov, vim nws yog tus ua raws li Leej Txiv lub siab nyiam.
8 Txawm tias Leej Pleev twb yog tus Tub cag, tsis kav nws yuav tsum tau kawm kev mloog lus nyob hauv txoj kev raug txom nyem; .
9 Thaum nws ua txhua yam zoo tiav log lawm, nws yog lub hauv paus pub txoj kev cawm kom tau nyob mus li rau cov neeg mloog nws lus.

NPN 31: 2+3B, 3CD-4, 5-6, 15-16, 20

Txais: (17) Huab Tais, koj muaj lub siab zoo, thov koj cawm kuv mas.

HUAB TAIS, kuv khiav tuaj nkaum hauv koj,
thov koj pub kom kuv txhob poob ntsej muag ib zaug li!
Vim koj siab ncaj, thov koj npo kuv kom kuv dim;
tsuag tsuag tuaj cawm kuv mas!

Txais: (17) Huab Tais, koj muaj lub siab zoo, thov koj cawm kuv mas.

Thov kom koj yog kuv lub tsua kuv qhov chaw nkaum,
yog lub ntsa loog zeb thaiv kuv ntawm tej xwv txheej.
Koj yog kuv lub tsua kuv lub yeej ntsa zeb.
Vim koj lub npe, koj yuav tuav kuv tes coj kuv kev.

Txais: (17) Huab Tais, koj muaj lub siab zoo, thov koj cawm kuv mas.

Koj yeej yuav tso kuv dim ntawm lub vas luag cuab tos kuv,
vim koj yog kuv qhov chaw vam khom.
Kuv tso kuv tus ntsuj plig rau hauv koj txhais tes.
HUAB TAIS, tus Tswv Ntu siab ncajj, koj yeej yuav txhiv kuv dim.

Txais: (17) Huab Tais, koj muaj lub siab zoo, thov koj cawm kuv mas.

Kuv tso siab lug rau koj, HUAB TAIS.
Kuv hais tias:" koj yog kuv tus Tswv Ntuj."
Kuv lub hnub nyoog nyob hauv koj txhais tes;
Thov koj npo kuv dim ntawm kuv cov yeeb ncuab
thiab ntawm cov neeg tsim txom kuv txhais tes.

Txais: (17) Huab Tais, koj muaj lub siab zoo, thov koj cawm kuv mas.

Huab Tais, koj muaj lub siab zoo ua luaj,
Koj ua zoo tas nrho rau cov neeg hwm koj.
Koj ua zoo rau txhua leej uas tuaj nkaum hauv koj.
Koj tab meeg ua zoo rau tsoom neeg sawv daws pom.

Txais: (17) Huab Tais, koj muaj lub siab zoo, thov koj cawm kuv mas.

Zaj nkauj Stabat Mater (xav hais los tau tsis hais los tau; tseem tsis tau muab txhais ua lus Hmoob):

1.At the cross her station keeping,
Stood the mournful Mother weeping,
Close to Jesus to the last.
2.Through her heart, his sorrow sharing,
All his bitter anguish bearing,
Now at length the sword had passed.
3.Oh, how sad and sore distressed
Was that Mother highly blessed
Of the sole begotten One!
4.Christ above in torment hangs,
She beneath beholds the pangs
Of her dying, glorious Son.
5.Is there one who would not weep,
‘Whelmed in miseries so deep,
Christ’s dear Mother to behold?
6.Can the human heart refrain
From partaking in her pain,
In that mother’s pain untold?
7.Bruised, derided, cursed, defiled,
She beheld her tender Child,
All with bloody scourges rent

8.For the sins of his own nation
Saw him hang in desolation
Till his spirit forth he sent.

9.O sweet Mother! font of love,
Touch my spirit from above,
Make my heart with thine accord.
10.Make me feel as thou has felt;
Make my soul to glow and melt
With the love of Christ, my Lord.
11.Holy Mother, pierce me through,
In my heart each wound renew
Of my Savior crucified.
12.Let me share with thee his pain,
Who for all our sins was slain,
Who for me in torments died.
13.Let me mingle tears with thee,
Mourning him who mourned for me,
All the days that I may live.
14.By the cross with thee to stay,
There with thee to weep and pray,
Is all I ask of thee to give.
15.Virgin of all virgins blest!
Listen to my fond request:
Let me share thy grief divine.
16.Let me, to my latest breath,
In my body bear the death
Of that dying Son of thine.
17. Wounded with His every wound,
Steep my soul till it hath swoon'd
In His very blood away.

18. Be to me, O Virgin, nigh,
Lest in flames I burn and die,
In His awful Judgment day.

19. Christ, when Thou shalt call me hence,
Be Thy Mother my defence,
Be Thy cross my victory. [this verse does not translate the Latin v. 19]

20. While my body here decays,
May my soul Thy goodness praise,
Safe in Paradise with Thee.


1. Debout, la mère des douleurs se tenait
En pleurs auprès de la croix
À laquelle son Fils était suspendu.

2. Son âme gémissante,
Contristée et douloureuse,
Fut transpercée d’un glaive.

3. Oh ! qu'elle fut triste et affligée
Cette Mère bénie
Du Fils unique !


4. Elle s’affligeait et souffrait,
Cette tendre Mère en voyant
Les épreuves de son auguste Enfant.

5. Quel homme ne pleurerait
En voyant la Mère du Christ
Endurer si grand supplice ?

6. Qui pourrait, sans profonde tristesse,
Contempler la mère du Christ
Souffrir avec son Fils ?

7. Pour les péchés de ses frères,
Elle vit Jésus livré aux tourments
Et subir la flagellation.

8.For the sins of his own nation
Saw him hang in desolation
Till his spirit forth he sent.

9.O sweet Mother! font of love,
Touch my spirit from above,
Make my heart with thine accord.
10.Make me feel as thou has felt;
Make my soul to glow and melt
With the love of Christ, my Lord.
11.Holy Mother, pierce me through,
In my heart each wound renew
Of my Savior crucified.
12.Let me share with thee his pain,
Who for all our sins was slain,
Who for me in torments died.
13.Let me mingle tears with thee,
Mourning him who mourned for me,
All the days that I may live.
14.By the cross with thee to stay,
There with thee to weep and pray,
Is all I ask of thee to give.
15.Virgin of all virgins blest!
Listen to my fond request:
Let me share thy grief divine.
16.Let me, to my latest breath,
In my body bear the death
Of that dying Son of thine.
17. Wounded with His every wound,
Steep my soul till it hath swoon'd
In His very blood away.

18. Be to me, O Virgin, nigh,
Lest in flames I burn and die,
In His awful Judgment day.

19. Christ, when Thou shalt call me hence,
Be Thy Mother my defence,
Be Thy cross my victory. [this verse does not translate the Latin v. 19]

20. While my body here decays,
May my soul Thy goodness praise,
Safe in Paradise with Thee.
(tr. Edward Caswall, Lyra Catholica 1851)

As Les Lus Yas

Txais: As les lus yas, as les lus yas.

Nkauj tsim txiaj Mab Liab, koj tau txoj hmoov zoo;
koj tsis raug luag tua tiam sis koj tau txais lub mom teev kub ua tim khawv,
thaum koj sawv ze ntawm Huab Tais tus Ntoo Cuam.

Txais: As les lus yas, as les lus yas.

Ntawv Moo Zoo: ZAM 19: 25-27

25 Yes Xus niam thiab nws niam tus viv ncaus, hu ua Mab Liab uas yog Khos Pas poj niam,
thiab Mab Liab Mas Ntas Las, lawv sawv ze ntawm tus ntoo cuam.
26 Yes Xus pom nws niam, thiab pom tus thwj tim uas nws nyiam sawv ze nws niam,
ces nws hais rau nws niam tias: "Niad, tus ntawd yog koj tus tub."
27 Thiab Yes Xus hais rau tus thwj tim tias: "Tus ntawd yog koj niam."
Ces txij lub sij hawm ntawd los, tus thwj tim coj Mab Liab mus nyob hauv nws tsev.

Los: LK 2: 33-35

33 Yes Xus niam thiab txiv qhuas cov lus nkawd hnov hais txog tus me nyuam.
34 Xis Mes Oos foom hmoov zoo rau lawv, nws hais rau Mab Liab, tus me nyuam niam tias: "Koj ntsia, tus me nyuam no yuav ua chaw rau ntau leej neeg His Xas Lais ntog thiab ntau leej sawv tuaj. Nws yog ib lub cim ua kom sawv daws muaj lus sib cav.
35 Hos ntawm koj, mas ib rab ntaj yuav hno koj tus plig, kom xwv tej tswv yim uas coob leej xav tuaj nruab siab tawm los rau sawv daws paub.”

Tim 16 lub 9 Hlis 2022

Hnub Rau Lis Piam Nees Nkaum Plaub Nruab Xyoo ABC Nruab Lis Piam Xyoo II
Lectionary: 447

Yuav Hwm LN Cornelius, ua Vaj Qhia, thiab LN Cyprian, ua Tswv Qhia, ob tug Tim Khawv

Zaj Nyeem Ib: 1 KLN 15: 12-20

Cov kwv tij nkauj muad:
12 Yog peb twb tshaj tias Leej Pleev sawv hauv cov tuag rov los lawm, vim li cas, ho muaj tej tus hauv nej hais tias tsis muaj kev sawv hauv cov tuag rov los?
13 Yog cov tuag tsis muaj kev sawv rov los, mas Leej Pleev kuj tsis tau sawv rov los thiab.
14 Yog Leej Pleev tsis tau sawv rov los, mas peb txoj kev tshaj Ntuj Lus kuj tsis muaj qab hau dab tsi li, nej txoj kev ntseeg los kuj yog ib txoj kev tsis muaj qab hau dab tsi li thiab.
15 Ces peb yog ib co tim khawv cuav hais txog Tswv Ntuj, vim peb tau tshaj tias Tswv Ntuj tau tsa Leej Pleev sawv rov los lawm, tiam sis yog tias cov tuag yeej tsis muaj kev sawv rov los li, mas Tswv Ntuj kuj yuav tsis tau tsa Leej Pleev sawv rov los thiab.
16 Yog tias cov tuag yeej tsis sawv rov los tiag, ces Leej Pleev los kuj tsis tau sawv rov los li thiab.
17 Yog Leej Pleev tsis tau sawv rov los, ces nej txoj kev ntseeg kuj tsis muaj nqes dab tsi li, hos nej kuj tseem nyob hauv nej cov txhaum li qub xwb.
18 Thiab cov uas tau mus tsaug zog nyob hauv Leej Pleev lawd, mas lawv kuj ploj mus tag lawm xwb.
19 Ces peb cov uas nyob hauv tiam neej no peb tsuas tso siab rau Leej Pleev nkaus xwb, mas peb yog cov neeg hmoov phem tshaj ib tsoom neeg tas huv tib si.
20 Tab sis Leej Pleev yeej sawv hauv cov tuag rov los lawm tiag tiag; nws yog thawj phaum txiv ntawm ib tsoom neeg uas mus tsaug zog lawd.

NPN 17: 1bcd, 6-7, 8b+15

Txais: (15b) Huab Tais, thaum koj lub hwj chim tawm tuaj,
kuv yuav muaj kev zoo siab puv npo

HUAB TAIS, thov koj mloog ib rooj plaub ncaj ncees;
Koj cuab pom ntseg rau kuv lub suab quaj,
Koj tig ntsej los rau kuv lo lus thov, kuv di ncauj tsis hais lus dag.

Txais: (15b) Huab Tais, thaum koj lub hwj chim tawm tuaj,
kuv yuav muaj kev zoo siab puv nkaus.

Tswv Ntuj, kuv hu txog koj, vim koj yeej yuav teb kuv xwb;
thov koj qaij pob ntseg los rau kuv, thiab mloog kuv lo lus.
Thov qhib koj lub siab muaj kev khuv leej loj rau peb pom,
vim koj yog tus cawm cov neeg khiav los nkaum ntawm koj phab xis,
kom lawv dim ntawm lawv cov yeeb ncuab.

Txais: (15b) Huab Tais, thaum koj lub hwj chim tawm tuaj,
kuv yuav muaj kev zoo siab puv nkaus.

Thov koj zais kuv rau hauv koj phab tis qhov ntxoov,
Kuv yeej yuav tau pom koj lub ntsej muag nyob hauv txoj kev ncaj;
kuv tsim dheev los, kuv yuav zoo siab hlo tau nyob ze ntawm koj.

Txais: (15b) Huab Tais, thaum koj lub hwj chim tawm tuaj,
kuv yuav muaj kev zoo siab puv nkaus.

As Les Lus yas: MT 11: 25

Txais: As les lus yas, as les lus yas.

Txiv, kuv cav lus zoo txog koj, Huab Tais kav lub ntuj lub teb,
vim koj qhib tej yam tob txog lub Ceeb Tsheej rau cov neeg me paub.

Txais: As les lus yas, as les lus yas.

Ntawv Moo Zoo: LK 8: 1-3

1 Yes Xus taug kev ntawm ib lub nroog los ib lub zos mus rau lwm lub, nws qhia thiab tshaj lub Moo Zoo txog Tswv Ntuj lub Ceeb Tsheej rau sawv daws. Pab Kaum Ob leeg nrog Yes Xus mus,
2 thiab tseem muaj ib co poj niam uas Yes Xus tau kho lawv zoo hlo, lawv dim ntawm dab phem thiab dim ntawm lawv tus mob lawm; muaj Mab Liab uas luag hu ua Mas Ntas Las, yog tus uas Yes Xus tau ntiab xya tus dab phem tawm hauv nws mus,
3 muaj Yos As Nas, uas yog Hes Los tus tim xyoob Tshus Xas tus poj niam, muaj Xus Xas Nas thiab coob leej ntxiv. Lawv muab lawv lub cuab tam los tsob hwb Yes Xus thiab cov nrog.

Tim 17 lub 9 Hlis 2022

Hnub Xya Lis Piam Nees Nkaum Plaub Nruab Xyoo ABC Nruab Lis Piam Xyoo II
Lectionary: 448

XHLT: LN Robert Bellarmine, Tswv Qhia thiab Kws cov Txuj Ntshiab

Zaj Nyeem Ib: 1 KLN 15: 35-37, 42-49

Cov kwv tij nkauj muad:
35 Ib txhia yuav nug tias: “Cov neeg tuag yuav sawv rov los li cas? lawv yuav sawv los muaj ib lub cev zoo li cas?”
36 Neeg vwm! Yam koj tseb, yog nws tsis tuag, mas nws yuav tsis rov muaj txoj sia li.
37 Yam koj tseb, tsis tau muaj lub cev zoo li yam uas twb hlob tiav lawm, koj tsuas tseb ib lub noob qhuav xwb, xws li ib lub noob nplej los lwm yam noob xwb.
42 Cov tuag yuav sawv rov los kuj yuav yog zoo li ntawd thiab: thaum tseb mas yog ib yam txawj lwj, thaum sawv rov los mas yog ib yam tsis txawj lwj.
43 Thaum tseb yog ib yam nyob hauv txoj kev poob ntsej muag, thaum sawv rov los, yog ib yam muaj hwj chim. Thaum tseb yog ib yam tsis muaj zog, thaum sawv rov los yog ib yam muaj peev xwm.
44 Thaum tseb yog ib lub cev nqaij tawv, thaum sawv rov los yog ib lub cev nyob sab ntsuj plig. Yog tias muaj ib lub cev nqaij tawv, mas kuj yuav tsum muaj ib lub cev nyob sab ntsuj plig thiab.
45 Muaj lus sau tseg tias: “Thawj tug tib neeg, As Das, yog ib tug xwm zeej tshwm los ciaj sia.” Tus As Das tom qab, yog ib tug ntsuj plig pub tau txoj sia.
46 Tab sis, tsis yog tus neeg sab ntsuj plig xub tawm los; yog tus sab nqaij tawv xub tawm los, ces tus sab ntsuj plig mam tawm los tom qab.
47 Thawj tus tib neeg, nws tawm ntawm av los, nws yog ntiaj teb tug. Hos tus neeg tim ob, nws tuaj saum ntuj tuaj.
48 Tus neeg ntiaj teb zoo li cas, mas cov neeg ntiaj teb kuj zoo li ntawd; hos tus neeg qaum ntuj zoo li cas, mas cov neeg qaum ntuj kuj zoo li ntawd thiab.
49 Ib yam li peb zoo li tus neeg ntiaj teb tus duab, peb kuj yuav zoo li tus neeg qaum ntuj tus duab thiab.

NPN 56: 10c-12, 13-14

Txais: (14) Kuv yuav taug kev ntawm Tswv Ntuj xub ntiag
nyob hauv tsoom neeg ciaj txoj kev kaj.

Zaum no kuv paub lawm tias Tswv Ntuj nrog nraim kuv.
Kuv lub koob meej yog nyob hauv Tswv Ntuj txoj kev cog lus,
Kuv tso siab rau Tswv Ntuj, kuv tsis ntshai;
Leej tib neeg yuav ua tau dab tsi rau kuv?

Txais: (14) Kuv yuav taug kev ntawm Tswv Ntuj xub ntiag
nyob hauv tsoom neeg ciaj txoj kev kaj.

Tswv Ntuj, kuv nco ntsoov cov yeem kuv tau fiv rau koj,
Kuv yuav ua cov thaj cav lus zoo ua tsaug pauj rau koj.
Vim koj tau cawm kuv dim ntawm lub qhov tuag los,
koj tau hwj kuv ko taw kom txhob ntog,
kom kuv tau taug kev ntawm Tswv Ntuj xub ntiag
nyob hauv tsoom neeg ciaj txoj kev kaj.

Txais: (14) Kuv yuav taug kev ntawm Tswv Ntuj xub ntiag
nyob hauv tsoom neeg ciaj txoj kev kaj.

As Les Lus yas: LK 8: 15

Txais: As les lus yas, as les lus yas.

Cov uas muaj lub siab loj siab dav coj Lo Lus, lawv txoj hmoov zoo,
lawv txi txiv vim lawv coj ruaj nreb tsis tso tseg.

Txais: As les lus yas, as les lus yas.

Ntawv Moo Zoo: LK 8: 4-15

4 Thaum ntawd muaj tej pab neeg coob coob tuaj sib sau ua ke, lawv tuaj txhua lub nroog tuaj cuag Yes Xus. Ces nws ua paj lug hais lus li no:
5 "Tus tseb nplej tawm mus tseb nws cov noob nplej. Thaum nws tseb, muaj ib co noob poob rau ntawm txoj kev; cov noob ntawd raug muab tsuj tas, thiab noog ya saum ntuj los muab khaws noj tas huv si lawm.
6 Muaj ib co noob poob rau saum av pob zeb, cov noob ntawd tuaj yub, tab sis cov yub cia li qhuav tas, vim av tsis noo.
7 Muaj ib co noob poob rau hauv cov pos, cov pos nrog cov yub nplej hlob ua ke, tab sis cov pos laum cov nplej tuag tas.
8 Muaj ib co noob poob rau hauv thaj av zoo, cov yub nplej hlob tuaj, cov nplej txi txiv txog pua lub." Yes Xus hais cov lus no tas, nws hais nrov nrov tias: "Leej twg muaj pob ntseg mloog, yeej meem mloog!"
9 Ces Yes Xus cov thwj tim nug nws saib zaj paj lug no lub ntsiab yog dab tsi.
10 Yes Xus hais tias: "Ntuj pub kom nej paub tej txuj ci tob tob txog Tswv Ntuj lub Ceeb Tsheej, tab sis rau luag tej, mas tsuas yog lus ua paj lug hais xwb kom xwv lawv ntsia los lawv tsis pom, lawv hnov los lawv tsis to taub.
11 Zaj paj lug ntawd lub ntsiab yog li no: Cov noob, yog Tswv Ntuj Lo Lus.
12 Cov noob uas poob ntawm txoj kev, yog cov uas tau hnov, tab sis dab phem tuaj ces nws rho Lo Lus tawm hauv lawv lub siab mus, kom lawv txhob ntseeg, thiab txhob tau txais kev cawm.
13 Cov uas poob rau saum pob zeb, yog cov neeg uas thaum lawv hnov Lo Lus, lawv zoo siab hlo txais. Tab sis lawv tsis muaj cag, lawv tsuas ntseeg ib ntus xwb, lub caij lawv raug kev sim siab, lawv cia li tso tseg.
14 Cov noob uas poob rau hauv hav pos, yog cov neeg uas tau hnov Lo Lus, tab sis nyob hauv lawv lub neej, muaj tej kev txhawj xeeb, tej kev nyiam nyiaj txiag, tej kev nyiam ua lom zem kom zoo lub siab lub cev los laum Lo Lus, ces Lo Lus txi tsis taus txiv.
15 Hos cov noob poob hauv thaj av zoo, yog cov uas tau hnov Lo Lus, lawv khaws Lo Lus rau hauv lawv lub siab loj siab dav, ces lawv txi txiv vim lawv coj ruaj nreb raws li lo lus tsis tso tseg li."

Tim 19 lub 9 Hlis 2022

Hnub Ob Lis Piam Nees Nkaum Tsib Nruab Xyoo ABC Nruab Lis Piam Xyoo II
Lectionary: 449

XHLT: LN Januarius, Tswv Qhia tuag ua Tim Khawv

Zaj Nyeem Ib: COV PAJ LUG 3: 27-34

27 Koj tsis txhob yog tus tsis kam ua ib qho zoo rau tus neeg tsim nyog tau yam ntawd, yog tias koj muaj txoj kev yuav ua tau rau nws.
28 Koj tsis txhob hais rau tus nyob ze ntawm koj tias: "Koj rov mus, tag kis koj rov tuaj kuv mam muab rau koj," yog tias koj twb muab tau rau nws tam sis ntawd.
29 Koj tsis txhob nrhiav ua phem rau tus nyob ze ntawm ko,j vim nws twb muaj kev tso siab rau koj.
30 Koj tsis txhob lam taus lam nrog ib tug neeg sib cav sib ceg, yog nws twb tsis tau ua ib qho phem rau koj.
31 Koj tsis txhob ntshaw ua xws li tus neeg phem ua nruj ua tsiv, koj txhob yoog nws tus piv txwv ib zaug li.
32 HUAB TAIS saib tus neeg nkhaus yog ib tug phem kawg nkaus; nws yuav cov neeg siab ncaj los ua nws cov swm phooj ywg.
33 Huab Tais lo lus foom phem poob rau saum tus neeg siab phem lub tsev, tiam sis nws foom lus zoo rau saum cov neeg ncaj lub tsev.
34 Huab Tais ua nruj rau tus neeg saib tsis taus luag tej, nws ua zoo rau tus neeg txo hwj chim.

NPN 15: 2-3a, 3bc-4ab, 5

Txais: (1) Huab Tais, tus neeg ncaj yuav tau nyob saum koj lub roob ntshiab.

Tus uas coj tus yeeb yam tsis muaj chaw xyeej thiab ua ncaj,
Tus uas xav qhov tseeb nyob nruab siab,
Thiab nws tsis cia nws tus nplaig hais lus dag txog luag tej.

Txais: (1) Huab Tais, tus neeg ncaj yuav tau saum koj lub roob ntshiab.

Nws tsis ua phem rau luag,
Nws tsis nrhiav lus rau tus nyob ze nws.
Nws tsis mus poog tus uas poob rau kev txhaum.
Nws hwm cov neeg hwm HUAB TAIS.

Txais: (1) Huab Tais, tus neeg ncaj yuav tau nyob saum koj lub roob ntshiab.

Nws qiv nyiaj txiag nws tsis tsuam paj.
Nws tsis txais luag cov nyiaj xiab
kom muab txim rau tus tsis txhaum.
Leej twg ua li no, mas nws yuav nyob tiaj tus tas mus li.

Txais: (1) Huab Tais, tus neeg ncaj yuav tau nyob saum koj lub roob ntshiab.

As Les Lus Yas: MT 5: 16

Txais: As les lus yas, as les lus yas.

Nej lub teeb yuav tsum ci nyob ntawm zeej tsoom xub ntiag,
kom lawv pom nej cov dej num zoo, ces lawv yuav cav txog nej Txiv nyob saum ntuj.

Txais: As les lus yas, as les lus yas.

Ntawv Moo Zoo: LK 8: 16-18

Yes Xus hais rau tsoom neeg tias:
16 "Tsis muaj leej twg taws tau teeb, yuav muab ib lub thoob los khwb, los yuav muab txawb rau hauv qab txag; nws kawg muab txawb rau saum tus ncej teeb xwb, kom xwv cov neeg los hauv tsev pom kev.
17 Vim tias tsis muaj ib yam zais ntshis uas yuav tsis tshwm los rau qhov muag pom, tsis muaj ib yam npog cia uas yuav tsis qhib los rau sawv daws paub thiab pom.
18 Ua li mas nej yuav ceev faj saib, thaum nej mloog, nej ua li cas mloog. Vim tias tus uas twb muaj lawm, Ntuj yuav pub ntxiv rau nws; hos tus tsis muaj, tab yog qhov nws xav tias nws muaj, mas Ntuj yuav rho ntawm nws mus huv si."

Tim 20 lub 9 Hlis 2022

Hnub Peb Lis Piam Nees Nkaum Tsib Nruab Xyoo ABC Nruab Lis Piam Xyoo II
Lectionary: 450

Yuav Hwm LN AS Nres Kim Tae-gon, ua Leej Choj, Paj Lug Chong Ha-sang, thiab cov tuag ua Tim Khawv

Zaj Nyeem Ib: COV PAJ LUG 21: 1-6, 10-13

1 Tus vaj lub siab zoo puav tam li ib tug dej ntws uas nyob hauv HUAB TAIS lub xib teg,
nws xav kom nkhaus mus li cas los nws ua tau tas.
2 Ib tug neeg saib nws tej kev yeej ncaj tas txhua txoj,
tiam sis HUAB TAIS yog tus yuav luj neeg lub siab.
3 Ua raws li qhov zoo thiab qhov ncaj mas ntxim
HUAB TAIS siab dua muab tsiaj los hlawv txi ntuj rau nws.
4 Lub qhov muag saib tsis taus luag, lub siab muab hlob,
lub teeb taws rau cov neeg phem, tej no yog kev txhaum.
5 Tus neeg mob siab rau, nws npaj yam twg yuav nplua nuj yam ntawd,
txhua tus uas ua qhov twg ua maj maj, yuav tsis tau raws siab xav.
6. Txoj kev siv tus nplaig dag los nrhiav kev nplua nuj,
mas yog ib lub npuas cua thiab yog ib rooj ntxiab coj mus rau kev tuag.
10 Tus neeg siab phem tus ntsuj plig tsuas xav txog kev ua phem xwb;
tus neeg nyob ze ntawm nws nrhiav tsis tau kev khuv leej ntawm nws li.
11 Thaum tus thuam neeg raug txim, mas ua kom tus neeg me thoob tsib tuaj,
Thaum muaj neeg qhia tus neeg thoob tsib, mas nws paub ntau yam tuaj.
12 Tus neeg ncaj ncees saib ntsoov tus neeg phem lub tsev;
nws ua kom tus neeg phem poob rau kev puas ntsoog.
13 Tus neeg uas pos pob ntseg kom txhob hnov tus pluag lub suab quaj,
Nws kuj yuav tau quaj thiab yuav tsis muaj neeg hnov nws ib yam.

NPN 119: 1, 27, 30, 34, 35, 44

Txais: (35) Huab Tais, thov koj coj kuv mus taug kev raws koj cov lus qhia.

Cov tau txoj hmoov zoo yog cov neeg coj tus cwj pwm zoo tsis muaj chaw xyeej,
yog cov ua raws nraim HUAB TAIS Txoj Cai.

Txais: (35) Huab Tais, thov koj coj kuv mus taug kev raws koj cov lus qhia.

Thov koj ua kom kuv to taub txoj kev coj raws koj cov lus qhuab qhia,
kuv yuav xav ntsoov txog koj cov dej num muaj hwj chim.

Txais: (35) Huab Tais, thov koj coj kuv mus taug kev raws koj cov lus qhia.

Kuv tau xaiv txoj kev tseeb taug,
kuv tau muab koj txoj cai tso nyob rawv ntawm kuv hauv ntej.

Txais: (35) Huab Tais, thov koj coj kuv mus taug kev raws koj cov lus qhia.

Thov koj ua kom kuv muaj kev to taub, ces kuv thiaj yuav coj koj Txoj Cai,
thiab kuv yuav muab tas kuv lub siab lub ntsws los mloog koj Txoj Cai.

Txais: (35) Huab Tais, thov koj coj kuv mus taug kev raws koj cov lus qhia.

Thov koj coj kuv kev mus taug raws koj cov lus qhia,
vim kuv txaus siab nyob hauv koj cov lus qhia

Txais: (35) Huab Tais, thov koj coj kuv mus taug kev raws koj cov lus qhia.

Kuv yuav khaws koj Txoj Cai coj tas mus li,
tsis muaj caij tag tsis muaj caij kawg mus li ib txhiab ib txhis.

Txais: (35) Huab Tais, thov koj coj kuv mus taug kev raws koj cov lus qhia.

As Les Lus Yas: LK 11: 28

Txais: As les lus yas, as les lus yas.

Cov muaj txoj hmoov zoo yog cov mloog Tswv Ntuj Lo Lus,
thiab coj raws nraim li ntawd.

Txais: As les lus yas, as les lus yas.

Ntawv Moo Zoo: LK 8: 19-21

19 Yes Xus niam thiab nws cov kwv tij tuaj, tab sis lawv tuaj cuag nws tsis tau vim muaj neeg coob.
20 Muaj neeg hais rau Yes Xus tias: "Koj niam thiab koj cov kwv tij tuaj sawv nraud, lawv xav ntsib koj."
21 Tab sis Yes Xus teb rau lawv tias: "Kuv niam thiab kuv cov kwv tij yog cov uas mloog Tswv Ntuj Lo Lus thiab coj raws nraim li ntawd.”

Tim 21 lub 9 hlis 2022

Hnub Peb Lis Piam Nees Nkaum Tsib Nruab Xyoo C Nruab Lis Piam Xyoo II

Hwm LN Mas Tais, tus Hauv Paus Xa Lus
Lectionary: 643

Zaj Nyeem Ib: ES FES XOS 4: 1-7, 11-13

Cov kwv tij nkauj muad:
1 Kuv uas yog ib tug neeg raug txim nyob hauv Huab Tais, kuv thov txhawb nej kom nej coj ib lub neej phim txoj kev uas Ntuj hu nej los taug.
2 Nej yuav ua neeg tsis muab hlob, ua neeg siab mos siab zoo, thiab nej yuav ua siab ntev ib leeg txhawb ib leeg nyob hauv txoj kev nyiam.
3 Nej yuav siv zog txuag kom nej muaj kev koom siab koom ib tug Leej Tswv Yim xwb nyob hauv txoj kev thaj yeeb,
4 kom tsuas muaj tib lub Cev thiab tib tug Leej Tswv Yim xwb, ib yam li nej raug hu los taug tib txog kev tso siab raws li Ntuj tau hu nej;
5 kom tsuas muaj tib tug Huab Tais, tib txoj kev ntseeg, tib lub cim ntxuav,
6 tib tug Tswv Ntuj ua sawv daws Txiv, tus nyob siab dua sawv daws, nws hla ntawm sawv daws tuaj, thiab nws nyob hauv sawv daws.
7 Peb nyias tau txais txiaj ntsim npaum li Leej Pleev luj pub rau nyias.
11 Nws pub kom ib txhia ua Hauv Paus Xa Lus, ib txhia ua Yaj Saub, ib txhia ua tub tshaj lub Moo Zoo, ib txhia ua tswv zov pab yaj thiab ua xib hwb,
12 kom muaj ntau txoj kev nyob hauv cov ntshiab los leg Tswv Ntuj tes dej num, kom tau txhawb txhim Leej Pleev lub Cev,
13 mus txog thaum peb sawv daws los koom tau ua ib leeg xwb nyob hauv txoj kev ntseeg thiab txoj kev paub Tswv Ntuj Leej Tub, ces peb yuav yog tus tib neeg hlob tiav txiv tiav txuj tiav ci, zoo raws nraim li Leej Pleev lub Cev uas loj hlob tiav log, siab txaus thiab puv ntoob lawm.

NPN 19: 2-3, 4-5

Txais: (5) Lawv lo lus xa moo nrov mus thoob ntiaj teb.

Cov txheej ntuj saud tshaj txog Tswv Ntuj lub hwj chim,
lub qab ntuj khwb tshaj cov hauj lwm nws txhais tes tau tsim.
Nruab hnub hais lo lus rau nruab hnub mloog,
Hmo ntuj qhia rau hmo ntuj kom lub suab haispaub txog.

Txais: (5) Lawv lo lus xa moo nrov mus thoob ntiaj teb.

Tsis muaj ib lo lus los ib zaj lus piav
Uas leej tib neeg yuav tsis hnov lub suab hais txog.
Lawv lub suab yeej ncha puv tas ntiaj teb,
lawv lo lus xa moo nrov txog tim npoo ntiaj teb kawg.

Txais: (5) Lawv lo lus xa moo nrov mus thoob ntiaj teb.

As Les Lus Yas - Te Deum

Txais: As les lus yas, as les lus yas.

Tswv Ntuj, peb cav txog koj,
peb qw tshaj tias koj yog Huab Tais;
Npoj Hauv Paus Xa Lus uas
muaj koob meej lawv cav txog koj.

Txais: As les lus yas, as les lus yas.

Ntawv Moo Zoo: MT 9: 9-13

9 Yes Xus tawm mus, thaum nws tab tom taug kev hla ntawd, nws pom ib tug neeg hu ua Mas Tais, zaum ntawm lub rooj sau se. Yes Xus hais rau nws tias: "Koj raws kuv mus!" Ces tus neeg ntawd sawv tsees raws Yes Xus mus.
10 Thaum Yes Xus zaum noj mov hauv Mas Tais tsev, muaj coob leej neeg sau se thiab neeg txhaum tuaj nrog Yes Xus thiab cov thwj tim noj mov.
11 Cov Fas Lis Xais pom li ntawd, ces lawv hais rau cov thwj tim tias: "Vim li cas nej tus Xib Hwb nrog cov neeg sau se thiab cov neeg txhaum noj mov?"
12 Tab sis Yes Xus twb hnov qhov lawv hais lawm, nws thiaj teb tias: "Tsis yog cov neeg noj qab nyob zoo thiaj yuav vam txog kws kho mob, tsuas yog cov neeg mob thiaj vam txog xwb.
13 Nej yuav tsum mus kawm lo lus no lub ntsiab: 'Qhov kuv xav tau yog txoj kev khuv leej, tsis yog thaj txi ntuj.' Vim kuv tsis yog tuaj hu cov neeg ncaj, hos kuv tuaj hu cov neeg txhaum.”

Tim 22 lub 9 Hlis 2022

Hnub Tsib Lis Piam Nees Nkaum Tsib Nruab Xyoo ABC Nruab Lis Piam Xyoo II
Lectionary: 452

Zaj Nyeem Ib: KOS ES LES 1: 2-11

2 Kos Es Les hais tias: "Yam tsis muaj nqis ntawm tej yam tsis muaj nqis, yam tsis muaj nqis ntawm tej yam tsis muaj nqis! Txhua yam puav leej tsis muaj nqis!
3 Tib neeg tau paj dab tsi ntawm nws txoj kev khwv ciaj khwv tuag, tiv tshav kub hauv lub qab hnub?
4 Ib tiam neeg dhau lawm, lwm tiam tuaj, hos lub ntiaj teb nws nyob nws li qub tas mus li.
5 Lub hnub tawm tuaj, lub hnub poob qho, ces nws maj nroos mus rau qhov chaw uas nws tawm tuaj.
6 Cua nplawm mus rau naj fab, cua tshuab mus lawm pej fab, cua kiv thiab kiv ncig lees, cua rov qab mus pib nplawm ntawm nws qhov qub chaw tuaj.
7 Tus dej twg kuj ntws mus rau hauv hiav txwv, tab sis lub hiav txwv tsis txawj puv li; cov dej kuj ntws tas zog mus rau qhov chaw uas lawv pheej ntws mus rau.
8 Txhua lo lus nyuaj hais tawm; neeg tsis muaj peev yuav hais tau. Qhov muag ntsia ntsoov los yeej ntsia tsis txaus yees, pob ntseg mloog ntsoov los yeej mloog tsis pov khawv.
9 Qhov twb muaj lawm tseem yuav muaj dua tuaj; qhov twb ua lawm tseem yuav ua dua ntxiv. Tsis muaj ib yam tshiab nyob hauv lub qab hnub no li.
10 Muaj tej yam uas yus hais tias: "Qhov no yog ib qho tshiab!" Tab sis yam ntawd twb muaj tau ntau tiam ua ntej yus lawm.
11 Yus tsis nco txog tiam neeg thaum ub li lawm; lwm hnub, cov uas yuav los lawv qab tiam tom ntej no kuj yuav tsis nco txog lawv lawm thiab.

NPN 90: 3-4, 5-6, 12-13, 14+17bc

Txais: (1) Nyob hauv txhua tiam, Huab Tais, koj yog peb qhov chaw nkaum.

Koj muab neeg hloov rov mus ua plua av,
koj hais tias: “Me nyuam neeg, nej rov mus.”
Ib txhiab xyoo rau koj zoo li yog nag hmo xwb,
vim nws dhau mus lawm,
los tsuas zoo li ib lub caij zov keeb thaum hmo ntuj xwb.

Txais: (1) Nyob hauv txhua tiam, Huab Tais, koj yog peb qhov chaw nkaum.

Koj ua kom lawv tas thaum nyob nruab dab ntub,
tag kis sawv ntxov lawv zoo li cov nroj tsuag pib hloov:
thaum hnub tuaj nroj tsuag sawv ntsuab xiab,
tiam sis yav tsaus ntuj nws twb ntsws tas nphob tas.

Txais: (1) Nyob hauv txhua tiam, Huab Tais, koj yog peb qhov chaw nkaum.

Thov koj qhia peb txawj suav peb cov hnub cov hmo kom zoo,
kom peb txawj muaj kev thoob tsib hauv nruab siab.
HUAB TAIS, thov koj rov qab los mas! Yuav tos koj hov ntev?
Thov koj khuv leej koj cov tub txib mas!

Txais: (1) Nyob hauv txhua tiam, Huab Tais, koj yog peb qhov chaw nkaum.

Sawv ntxov tsees, thov koj muab koj txoj kev ua zoo rau peb kom puv npo,
ces peb yuav qw zoo siab hom khaj txhua hnub hauv peb lub neej.
Thov koj ua kom cov hauj lwm peb txhais tes ua vam meej tuaj,
Thov koj ua kom cov hauj lwm peb txhais tes khwv vam meej mus!

Txais: (1) Nyob hauv txhua tiam, Huab Tais, koj yog peb qhov chaw nkaum.

As Les Lus Yas: ZAM 14: 6

Txais: As les lus yas, as les lus yas.

Huab Tais hais tias: "Kuv yog Txoj Kev, yog Qhov Tseeb, thiab yog Txoj Sia.
Tsis muaj leej twg mus cuag Leej Txiv tau, yog nws tsis hla ntawm kuv mus.”

Txais: As les lus yas, as les lus yas.

Ntawv Moo Zoo: LK 9: 7-9

7 Vaj txheeb Hes Los hnov txog txhua yam tshwm sim, nws tsis pom qab xav, vim ib txhia hais tias: "Yog Zam sawv hauv cov tuag rov los lawm."
8 Qee leej hais tias: "Yog Es Lias tawm tuaj." Lwm cov tseem hais tias: "Ib tug yaj saub thaum ub sawv rov los lawm."
9 Tab sis Hes Los hais tias: "Zam, mas kuv kom luag txiav nws caj dab lawm. Ua li tus uas kuv hnov hais tias nws ua tej yam loj li ntawd yog leej twg?" Ces Hes Los nrhiav kom tau kev pom Yes Xus.

Tim 23 lub 9 Hlis 2022

Hnub Rau Lis Piam Nees Nkaum Tsib Nruab Xyoo ABC Nruab Lis Piam Xyoo II
Lectionary: 453

Yuav Hwm LN Pius nyob Pietrelcina (Padre Pio)

Zaj Nyeem Ib: KOS ES LES 3: 1-11

1 Muaj ib lub sij hawm rau txhua tsav thiab ib lub caij rau txhua yam uas nyob hauv lub qab ntuj no.
2 Muaj ib lub caij yug los, thiab ib lub caij tuag; muaj ib lub caij cog, thiab ib lub caij muab rho;
3 muaj ib lub caij muab tua, thiab ib lub caij kho kom zoo; muaj ib lub caij rhuav, thiab ib lub caij txhim tsa;
4 muaj ib lub caij quaj, thiab ib lub caij luag; muaj ib lub caij nyiav, thiab ib lub caij dhia lom zem;
5 muaj ib lub caij txawb pob zeb, thiab ib lub caij khaws pob zeb; muaj ib lub caij sib puag, thiab ib lub caij tsis txhob sib puag;
6 muaj ib lub caij nrhiav, thiab ib lub caij ua ploj; muaj ib lub caij muab khaws cia, thiab ib lub caij muab pov tseg;
7 muaj ib lub caij dua ntaub, thiab ib lub caij xaws ntaub; muaj ib lub caij nyob ntsiag to, thiab ib lub caij hais lus.
8 Muaj ib lub caij nyiam, thiab ib lub caij ntxub; muaj ib lub caij ua tsov ua rog, thiab ib lub caij nyob thaj yeeb.
9 Tus neeg uas siv zog khwv ciaj khwv tuag nws puas tau tus dab tsi tshaj?
10 Kuv tau xav lawm txog txoj hauj lwm uas Tswv Ntuj muab rau tib neeg cov tub kom lawv ua los laug caij laug nyoog.
11 Tswv Ntuj tau ua txhua yam kom zoo phim nyias lub sij hawm; nws muab yam uas tsis muaj caij kawg tso rau hauv neeg nruab siab, tab sis neeg yeej nrhiav tsis tau li tias xyov Tswv Ntuj ua dab tsi txij thaum lub hauv paus mus txog thaum lub ntsis.

NPN 144: 1b+2abc, 3-4

Txais: (1) Thov kom HUAB TAIS, uas yog kuv lub tsua, nto koob meej!

Thov kom HUAB TAIS, uas yog kuv lub tsua, nto koob meej,
Nws yog kuv txoj kev khuv leej kuv, yog kuv lub yeej ntsa zeb,
Yog kuv lub loog ruaj nreb, yog tus cawm kuv dim,
Nws yog kuv daim leem phiaj, kuv tso siab rau nws .

Txais: (1) Thov kom HUAB TAIS, uas yog kuv lub tsua, nto koob meej!

HUAB TAIS, leej tib neeg yog dab tsi koj thiaj saib nws,
neeg leej tub yog dab tsi koj thiaj xav txog nws?
Leej tib neeg ces zoo li ib qho pa xwb,
nws lub neej zoo li tus duab ntxoov ntxoo uas dua mus.

Txais: (1) Thov kom HUAB TAIS, uas yog kuv lub tsua, nto koob meej!

As Les Lus Yas: MK 10: 45

Txais: As les lus yas, as les lus yas.

Neeg Leej Tub tuaj kom tau tsob hwb sawv daws
thiab muab nws txoj sia los ua nqi txhiv coob leej.

Txais: As les lus yas, as les lus yas.

Ntawv Moo Zoo: LK 9: 18-22

18 Muaj ib zaug, Yes Xus mus teev Ntuj nws ib leeg, tsuas muaj nws cov thwj tim nrog nws xwb, Yes Xus nug lawv tias: "Cov neeg hais tias kuv yog leej twg?"
19 Cov thwj tim teb tias: "Ib txhia hais tias yog Zam Ntxuav Plig, ib txhia hais tias yog Es Lias, tseem muaj lwm cov hais tias yog ib tug yaj saub thaum ub sawv rov los lawm."
20 Yes Xus hais rau lawv tias: "Nej ne, nej hais tias kuv yog leej twg?" Pob Zeb teb tias: "Koj yog Tswv Ntuj Leej Pleev."
21 Ces Yes Xus cem thiab txwv lawv kom txhob hais qhov ntawd rau leej twg li.
22 Nws hais tias: "Neeg Leej Tub yuav tsum raug txom nyem loj. Cov txwj laus, cov Thawj Leej Choj, thiab cov Kws Ntawv Ntshiab yuav xyeeb nws pov tseg, ces nws yuav raug luag tua, hnub peb nws yuav sawv rov los."

Tim     24     lub     9     Hlis     2022

Hnub Xya Lis Piam Nees Nkaum Tsib Nruab Xyoo ABC Nruab Lis Piam Xyoo II
Lectionary: 454

Zaj Nyeem Ib:    KOS ES LES 11: 9—12:8

9 Me tub hluas, koj kav tsij muaj kev lom zem thaum koj yav hluas, kav tsij muaj kev zoo siab thaum koj tseem hluas mog. Koj mus raws koj lub siab pus koj mus, koj mus raws koj qhov muag pom, tab sis koj yuav tsum to taub tias Tswv Ntuj yuav coj koj mus txiav txim txog tej ntawd tas tib si.
10 Koj muab kev tu siab tshem tawm hauv koj lub siab mus, muab kev mob nkeeg tshem tawm hauv koj lub cev mus, vim txoj kev hluas thiab lub caij pib ua neej yuav yaj yuav dua mus.
12:  1 Thaum lub caij koj tseem hluas, koj yuav nco txog tus tsim koj los mog, thaum tseem tsis tau muaj cov hnub uas koj raug kev phem, thiab thaum tsis tau txog cov xyoo uas koj hais tias: "Kuv tsis muaj kev zoo siab hauv lub caij ntawd kiag li;"
2 thaum lub hnub thiab qhov pom kev, lub hli thiab cov hnub qub tseem tsis tau tsaus, thaum ntuj los nag tas huab tseem tsis tau rov sawv;
3 thaum txog hnub uas cov tub zov keeb saib lub vaj lub tsev yuav tshee na, cov txiv neej muaj zog ntsos yuav khoov nkoos, cov poj niam zom zeb yuav tseg tsis zom zeb ntxiv vim lawv tsawg dhau lawm; hos cov xauj ntawm qhov rai yuav nyob tsaus ntuj nti;
4 thaum cov qhov rooj qhib mus rau nraum txoj kev yuav raug muab kaw; thaum lub suab zom zeb yuav nrov yau yau; thaum noog lub suab quaj tsa yus sawv, thaum cov ntxhais hu nkauj lub suab ntsiag tas lawm;
5 thaum neeg ntshai nce mus rau qhov siab thiab muaj kev txhawj nyob ntawm kev; thaum tsob ntoo txiv plauj tawg paj; tus kooj txig ya tsis taus ntxiv; thiab cov txiv xyab txob tsuag tas, vim tib neeg yuav tsum mus rau qhov chaw nws yuav mus nyob mus li, hos cov quaj cov nyiav mus ncig taug tej kev;
6 thaum txoj xov nyiaj tseem tsis tau tu nrho, lub ntim kub tsis tau tawg rhe, lub hub ce dej tsis tau ntais ntawm lub qhov dej, lub log hlua rub dej tsis tau puas ntawm lub qhov tim thaj;
7 thaum cov plua av tseem tsis tau rov mus ua av li qhov qub, thiab thaum tus ntsuj plig tseem tsis tau rov mus cuag tus Tswv Ntuj uas yog tus pub nws rau neeg.
8 Kos Es Les hais tias: "Yam tsis muaj nqis ntawm tej yam tsis muaj nqis, txhua yam puav leej tsis muaj nqis!”

NPN    90: 3-4, 5-6, 12-13, 14+17

Txais: (1) Nyob hauv txhua tiam, Huab Tais, koj yog peb qhov chaw nkaum.

Koj muab neeg hloov rov mus ua plua av,
koj hais tias: “Me nyuam neeg, nej rov mus.”
Vim tias ib txhiab xyoo rau koj zoo li
yog nag hmo xwb, vim nws dhau tas lawm,
los tsuas zoo li ib lub caij zov keeb thaum hmo ntuj xwb.

Txais: (1) Nyob hauv txhua tiam, Huab Tais, koj yog peb qhov chaw nkaum.

Koj ua kom lawv tas thaum nyob nruab dab ntub,
tag kis sawv ntxov lawv zoo li cov nroj tsuag pib hloov:
thaum hnub tuaj, nroj tsuag sawv ntsuab xiab,
tiam sis yav tsaus ntuj nws twb ntsws tas qhuav tas.

Txais: (1) Nyob hauv txhua tiam, Huab Tais, koj yog peb qhov chaw nkaum.

Thov koj qhia peb txawj suav peb cov hnub nyoog kom zoo,
kom peb txawj muaj kev thoob tsib hauv nruab siab.
HUAB TAIS, thov koj rov qab los mas! Yuav tos hov ntev?
Thov koj khuv leej koj cov tub txib!

Txais: (1) Nyob hauv txhua tiam, Huab Tais, koj yog peb qhov chaw nkaum.

Sawv ntxov tsees, thov koj muab koj txoj kev hlub rau peb kom puv npo,
ces peb yuav qw zoo siab hom khaj txhua hnub hauv peb lub neej.
Thov kom Huab Tais peb tus Tswv Ntuj txoj kev hlub yog peb tug.
Thov koj ua kom cov hauj lwm peb txhais tes ua vam meej rau peb!
Thov koj ua kom cov hauj lwm peb txhais tes ua vam meej!

Txais: (1) Nyob hauv txhua tiam, Huab Tais, koj yog peb qhov chaw nkaum.

As Les Lus Yas:    2 TM 1: 10

Txais: As les lus yas, as les lus yas..

Peb tus Cawm Seej Yes Xus Pleev tau rhuav kev tuag,
thiab lub Moo Zoo tau ua kom txoj sia nyob mus li ci tawm tuaj.

Txais: As les lus yas, as les lus yas.

Ntawv Moo Zoo:    LK 9: 43b-45

43b Sawv daws yoob tas rau qhov Yes Xus tau ua, ces nws hais rau nws cov thwj tim tias :
44 "Nej ua tib zoo cuab pob ntseg mloog kuv cov lus kuv hais rau nej no: Neeg Leej Tub yuav raug luag muab nws cob rau hauv tsoom neeg txhais tes."
45 Tab sis cov thwj tim tsis to taub lo lus ntawd li. Zoo li muaj dab tsi ntis lub ntsiab lawm kom lawv txhob to taub, tiam sis lawv kuj ntshai nug Yes Xus txog lo lus ntawd thiab.

Tim 26 lub 9 Hlis 2022

Hnub Ob Lis Piam Nees Nkaum Rau Nruab Xyoo ABC Nruab Lis Piam Xyoo II
Lectionary: 455

XHLT: LN Cosmas thiab Damian, tuag ua Tim Khawv

Zaj Nyeem Ib: YOB 1: 6-22

6 Muaj ib hnub Tswv Ntuj cov Tub tuaj nyob ntawm HUAB TAIS xub ntiag, XasTas kuj nrog lawv tuaj thiab.
7 HUAB TAIS hais rau Xas Tas tias: "Koj mus qhov twg lod?" Xas Tas teb tias: "Kuv mus ncig hauv lub ntiaj teb thiab mus taug kev mus mus los los zov lub ntiaj teb los."
8 HUAB TAIS hais rau Xas Tas tias: "Koj puas pom kuv tus tub txib Yob? Nyob ntiaj teb, tsis muaj lwm tus zoo li nws li. Nws yog ib tug neeg ncaj, nws tsis muaj ib qho xyeej thiab nws hwm Tswv Ntuj, nws txav deb ntawm txoj kev ua phem.
9 Ces Xas Tas teb zoj tias: "Puas yog Yob lam hwm Tswv Ntuj dawb dawb xwb?
10 Tsis yog koj twb ua laj kab thaiv ncig nws thiab nws tej vaj tse thiab tas puas tsav yam uas yog nws tug tib si lod? Koj twb foom hmoov zoo rau nws tej hauj lwm, ces nws cov tsiaj thiaj huam vam puv lub teb chaws.
11 Yog zaum no koj tsa tes rhuav nws lub cuab tam tas huv si, mas kuv ntseeg tias nws yeej yuav tab meeg Ntuj nyob ntawm koj lub ntsej muag xwb."
12 HUAB TAIS hais rau Xas Tas tias: "Yog li mas koj xav ua dab tsi rau nws lub cuab tam tas huv si kuj tau nyob ntawm koj siab, tab sis koj tsis txhob kov nws nkaus xwb." Ces Xas Tas tawm ntawm Huab Tais xub ntiag mus lawm.
13 Muaj ib hnub Yob cov tub thiab cov ntxhais tab tom mus noj mov haus cawv tom lawv tus tij laug hlob tsev,
14 txawm muaj ib tug neeg khiav tuaj fi xov rau Yob tias: "Koj cov nyuj tseem tab tom laij teb, cov luj nog zaub nyob ntawm ib sab,
15 ib sij huam cov neeg Xas Npes cia li tuaj puav thiab muab cab mus tas lawm. Lawv xuas ntaj tua koj cov tub txib tas huv si lawm, tshuav kuv ib leeg thiaj dim khiav los hais rau koj xwb."
16 Tus xa xov tseem hais lus, txawm siv muaj lwm tus khiav los txog ntua, nws hais tias: "Tswv Ntuj cov hluav taws poob saum Ntuj los hlawv koj cov yaj thiab cov tub zov yaj kub hnyiab tuag tas lawm, tshuav kuv ib leeg thiaj dim los hais rau koj xwb."
17 Tus ntawd tseem hais lus txawm siv muaj dua ib tug los hais tias: "Muaj ib co neeg Kas Ntes, lawv faib ua peb pab tuaj, lawv tuaj ntes koj cov ntxhuav cab mus tas lawm. Lawv xuas ntaj tua cov tub txib tu cov ntxhuav tuag tas, tshuav kuv ib leeg dim los hais rau koj xwb."
18 Nws tseem hais lus, twb muaj dua ib tug khiav los hais tias: "Koj cov tub thiab cov ntxhais tseem tab tom noj mov haus cawv tom lawv tus tij laug hlob tsev,
19 ib sij huam, txawm muaj ib nthwv cua hlob hlob tuaj tom hav suab puam tuaj cia li tuaj ntsawj plaub ces kaum tsev, ces tsev vau los tsuam cov hluas ces lawv tuag tas lawm, tshuav kuv ib leeg dim los hais rau koj paub xwb."
20 Ces Yob sawv tsees dua rhe nws lub tsho, nws muab plaub hau txiav tas, nws mus txhos caug ntua khoov ti hauv av, nws hais tias:
21 "Kuv tawm hauv kuv niam plab los liab qab, kuv yuav rov mus liab qab. HUAB TAIS pub txhua yam, HUAB TAIS sau txhua yam rov qab, kom HUAB TAIS lub npe nto koob meej!"
22 Yob raug kev txom nyem npaum li no los nws tsis ua txhaum, tsis hais ib lo lus tsis hwm Tswv Ntuj li.

NPN 17: 1bcd, 2-3, 6-7

Txais: (6) Thov koj tig ntsej los mloog kuv lo lus thov koj.

HUAB TAIS, thov koj mloog ib rooj plaub muaj kev ncaj ncees;
Koj cuab pom ntseg rau kuv lub suab quaj,
Koj tig ntsej los mloog kuv lo lus thov ntuj
uas tawm Ntawm cov di ncauj tsis hais lus dag los.

Txais: (6) Thov koj tig ntsej los mloog kuv lo lus thov koj.

Cia koj ua tus txiav txim rau kuv,
vim koj qhov muag pom qhov ncaj!
txawm koj sim kuv siab, koj tsom kuv thaum hmo ntuj,
txawm sim kuv nyob hauv hluav taws,
los koj yuav tsis pom dab tsi phem nyob hauv kuv.

Txais: (6) Thov koj tig ntsej los mloog kuv lo lus thov koj.

Tswv Ntuj, kuv hu txog koj, koj yeej yuav teb kuv xwb;
thov koj qaij pob ntseg los rau kuv, thiab mloog kuv lo lus thov.
Thov koj qhib koj lub siab muaj kev khuv leej loj rau peb pom;
koj yog tus cawm seej rau cov neeg khiav los nkaum
Hauv koj phab xis, kom lawv dim ntawm lawv cov yeeb ncuab.

Txais: (6) Thov koj tig ntsej los mloog kuv lo lus thov koj.

As Les Lus Yas: MK 10: 45

Txais: As les lus yas, as les lus yas.

Neeg Leej Tub tuaj tsob hwb sawv daws
thiab muab nws txoj sia los ua nqi txhiv coob leej.

Txais: As les lus yas, as les lus yas.

Ntawv Moo Zoo: LK 9: 46-50

46 Cov thwj tim muaj lus sib cav tias: Nyob hauv lawv, leej twg yog tus loj dua cov.
47 Yes Xus paub qhov lawv xav hauv nruab siab, nws thiaj rub ib tug me nyuam yaus los tso nyob ze Ntawm nws,
48 ces nws hais rau lawv tias: "Leej twg txais tus me nyuam no vim kuv lub npe, mas yog nws txais kuv. Hos leej twg txais kuv mas yog nws txais Tus xa kuv tuaj. Vim tus me tshaj nyob hauv nej sawv daws yog tus loj dua cov."
49 Zam tsa ncauj teb tias: "Xib Hwb, peb pom ib tug neeg hu txog koj lub npe ntiab dab. Peb tau txwv nws, vim nws tsis nrog peb pab uas raws koj."
50 Yes Xus hais rau Zam tias: "Nej tsis txhob txwv nws, vim tus twg tsis tiv nej, nws yog nej tog.”

Tim 27 lub 9 Hlis 2022

Hnub Peb Lis Piam Nees Nkaum Rau Nruab Xyoo ABC Nruab Lis Piam Xyoo II
Lectionary: 456

Yuav Hwm LN Vincent de Paul, ua Leej Choj

Zaj Nyeem Ib: YOB 3: 1-3, 11-17, 20-23

1 Dhau tej xwv txheej ntawd lawm, Yob qhib ncauj tsawm hnub nws yug los.
2 Nws tsa suab hais tias:
3 "Kheev lam hnub kuv yug thiab hmo uas qhia tias ib tug tub nyuam qhuav xeeb los ploj mus mas.
11 Cas kuv tsis tuag thaum yug los, cas kuv txoj sia tsis tu thaum yug poob nthav?
12 Tim li cas thiaj muaj ob lub hauv caug los cug kuv, ob lub mis los pub rau kuv noj?
13 Yog txhob muaj mas ntshai nyem no kuv twb tau pw ntsiag to, tau zoo tsaug zog tau zoo so lawm;
14 tau nrog ntiaj teb tej vaj ntxwv, tej nom uas pab tswv yim, nyob hauv lawv tej ntxa zeb ntxa tsua uas lawv txhim rau lawv lawm;
15 los tau nrog cov tub huab tais nyob hauv lawv cov ntxa muaj nyiaj muaj kub ntau lawm.
16 Los kheev lam kuv zoo li tus me nyuam uas luag muab ntaus poob, thiab lam zoo li cov me nyuam uas tsis tau pom lub ntuj li, uas luag coj mus zais xwb.
17 Nyob ntawd cov neeg phem tseg tsis ua phem ntxiv, cov neeg zog ntaug tas lawm tau kev so.
20 Tus neeg raug txom nyem loj cas tseem hu nws los pom qhov pom kev? Cov neeg muaj kev tu siab loj cas yuav hu lawv los muaj txoj sia?
21 Xav tuag los tuag tsis taus, ntshaw hnub tuag mas tseem ntshaw tshaj ib thooj kub.
22 Lawv yuav zoo siab tshaj plaws, yuav dhia hom khaj yog thaum twg luag nrhiav tau qua ntxa, lawv yuav tau mus hauv ntxa.
23 Tim li cas thiaj muab txoj sia rau tus neeg uas nrhiav tsis tau kev tawm, uas Tswv Ntuj tsa laj kab kaw ncig nws tas? "

NPN 88: 2-3, 4-5, 6, 7-8

Txais: (3) Huab Tais, cia kuv cov lus thov nce tuaj kom txog koj.

HUAB TAIS, kuv tus Tswv Ntuj, nruab hnub kuv quaj,
hmo ntuj, kuv qw hu koj.
Thov cia kuv cov lus thov nce tuaj txog koj,
thov koj tig ntsej los mloog kuv lub suab hu kom pab.

Txais: (3) Huab Tais, cia kuv cov lus thov nce tuaj kom txog koj.

Vim kev nyuaj tsuam hnyav kawg rau kuv tus ntsuj plig,
kuv txoj sia tshuav yaj mus rau ntuj txias teb tsaus xwb.
Luag suav kuv nrog cov neeg mus nkag qhov av lawm,
Kuv yog tus neeg uas tsis muaj zog ntxiv.

Txais: (3) Huab Tais, cia kuv cov lus thov nce tuaj kom txog koj.

Kuv pw hauv cov tub tuag lub lav,
zoo li tus uas luag muab tua pov rau hauv qhov ntxa lawm,
tus uas koj twb tsis nco qab nws lawm,
vim nws ploj mus deb ntawm koj lawm.

Txais: (3) Huab Tais, thov cia kuv cov lus thov nce tuaj txog koj.

Koj pov kuv mus rau hauv lub qhov tob tob,
hauv lub qhov ntuj tsaus ntuj nti.
Koj txoj kev npau taws tsuam kuv hnyav ua luaj,
koj hliv koj cov dej nphau nphwv los nyab kuv.

Txais: (3) Huab Tais, cia kuv cov lus thov nce tuaj kom txog koj.

As Les Lus Yas: MK 10: 45

Txais: As les lus yas, as les lus yas.

Neeg Leej Tub tuaj tsob hwb sawv daws
thiab muab nws txoj sia los ua nqi txhiv coob leej.

Txais: As les lus yas, as les lus yas.

Ntawv Moo Zoo: LK 9: 51-56

51 Lub sij hawm uas luag yuav coj Yes Xus tawm hauv lub ntiaj teb mus los yuav txog, ces nws ua siab tawv qhawv mus pem Yes Lus Xas Les.
52 Nws xa ib co ua nws ntej mus fi xov. Cov neeg fi xov sawv kev mus, lawv mus hauv ib lub zos Xas Mas Lias kom tau npaj txhua yam rau Yes Xus.
53 Tab sis cov Xas Mas Lias tsis txais Yes Xus, vim Yes Xus yuav mus pem Yes Lus Xas Les.
54 Ob tug thwj tim Yas Kos thiab Zam nkawd pom li ntawd, nkawd hais tias: "Huab Tais, koj puas xav kom peb hu ib co hluav taws nqes saum ntuj los hlawv lawv?"
55 Tab sis Yes Xus tig los cem nkawd.
56 Ces lawv mus ntxiv rau lwm lub zos.

Tim 28 lub 9 Hlis 2022

Hnub plaub Lis Piam Nees Nkaum Rau Nruab Xyoo ABC Nruab Lis Piam Xyoo II
Lectionary: 457

XHLT: LN Lawrence Ruiz thiab cov nrog nws tuag ua Tim Khawv;
LN Wenceslaus, tuag ua Tim Khawv

Zaj Nyeem Ib: YOB 9: 1-12, 14-16

1 Yob teb rau nws cov phooj ywg, nws hais tias:
2 "Kuv paub tias yeej yog li ntawd, tab sis ib tug tib neeg yuav ua li cas nws thiaj yog tus neeg ncaj nyob ntawm Tswv Ntuj xub ntiag?
3 Yog leej twg xav mus nrog Tswv Ntuj sib cav mas ntshai ib txhiab zaus nws twb tsis muaj lus teb tau ib zaug.
4 Tswv Ntuj lub siab thoob tsib, nws lub zog loj, puas muaj leej twg tau nrog nws sib cav dua thiab hais yeej nws lawd?
5 Tswv Ntuj yog tus ua kom tej roob cia li tshais chaw, lawv twb tsis paub; nws yog tus muab lawv nphau thaum nws npau taws.
6 Nws diaj lub ntiaj teb kom txav tawm ntawm nws qhov chaw, ces cov ncej txheem lub ntiaj teb co ua voj ua viag.
7 Nws txwv lub hnub ces lub hnub tsis tawm tuaj; nws khwb cov hnub qub rau kom txhob ci.
8 Nws ib leeg yog tus nthuav lub ntuj kom dav, yog tus tsuj saum cov ntsis nplaim dej ntas nyob hauv hiav txwv.
9 Tswv Ntuj tsim lub hnub qub kaj ntug, thiab tsim txhiaj txiv mim, nws tsim cov hnub qub Ples Yas thiab ntsauv hnub qub nyob sab naj.
10 Nws yog tus tsim tej yam loj tas nrho yus to taub tsis txog, nws tsim ntauj yam zoo tas nrho suav tsis thoob.
11 Ntsia saib, nws hla ntawm kuv, los kuv yeej tsis pom nws; nws mus dhau lawm los kuv yeej tsis paub li.
12 Tab nws txeeb ib yam nqa mus, los tsis muaj leej twg yuav cheem tau, tsis muaj leej twg yuav muaj cuab kav hais tias: ‘koj ua dab tsi li ntawd?’
14 Ntshai kuv yuav tsis yeem teb nws, yuav tsis xaiv ib co lus los hais tiv kom yeej nws.
15 Tab kuv txawm muaj cai npaum twg, los kuv yuav tsis teb dab tsi, kuv tsuas kawg yuav thov tus uas txiav txim rau kuv kom nws hlub kuv xwb.
16 Yog kuv hu txog Tswv Ntuj, es nws teb kuv, mas kuv yuav ntseeg tsis tau tias cas nws tseem mloog kuv cov lus thov thiab."

NPN 88: 10bc-11, 12-13, 14-15

Txais: (3) Huab Tais, cia kuv cov lus thov nce tuaj txog ntawm koj.

HUAB TAIS, kuv niaj hnub hu txog koj,
kuv tsa kuv txhais tes tuaj thov koj.
Koj puas yuav ua hwj huam los pab cov neeg tuag?
Cov duab ntxoov ntxoo puas yuav sawv los ua koj tsaug?

Txais: (3) Huab Tais, thov cia kuv cov lus thov nce tuaj txog ntawm koj.

Nyob hauv qhov ntxa, lawv puas tshaj txog koj lub siab khuv leej neeg?
Cov neeg tuag lawm puas hais txog koj txoj kev ua ncaj?
Nyob hauv qhov tsaus ntuj, lawv puas paub txog tej yam txaus qhuas koj ua?
Hauv teb chaws Tsis Hnov Qab, lawv puas paub txog koj txoj kev ncaj?

Txais: (3) Huab Tais, thov cia kuv cov lus thov nce tuaj txog ntawm koj.

HUAB TAIS, ntawm kuv, mas kuv hu txog koj;
thaum sawv ntxov, kuv vam txog koj nyob hauv kuv zaj teev ntuj.
HUAB TAIS, vim li cas koj xyeeb kuv tawm?
Vim li cas koj zais koj ntsej muag ntawm kuv?

Txais: (3) Huab Tais, thov cia kuv cov lus thov nce tuaj txog ntawm koj.

As Les Lus Yas: FLP 3: 8-9

Txais: As les lus yas, as les lus yas.

Kuv saib tas puas tsav yam tsis muaj nqes dab tsi,
kom kuv thiaj tau Leej Pleev ua kuv tug thiab tau nyob hauv nws .

Txais: As les lus yas, as les lus yas.

Ntawv Moo Zoo: LK 9: 57-62

57 Thaum Yes Xus thiab nws cov thwj tim lawv taug kev nyob ntawm kev, muaj ib tug neeg hais rau Yes Xus tias: "Koj mus qhov twg los kuv yuav raws koj mus."
58 Yes Xus hais rau nws tias: "Hma muaj hma lub qhov nkaum, hos tej noog ya saum ntuj los lawv muaj lawv lub zes. Tab sis Neeg Leej Tub tsis muaj chaw rau ncoo li."
59 Yes Xus hais rau lwm tus neeg tias: "Koj raws kuv mus." Tiam sis tus ntawd hais tias: "Thov koj cia kuv mus faus kuv txiv tso."
60 Yes Xus hais rau nws tias: "Koj cia cov tuag faus lawv cov tuag, hos koj, mas koj mus tshaj Tswv Ntuj lub Ceeb Tsheej."
61 Tseem muaj ib tug hais tias: "Huab Tais, kuv yuav raws koj mus, tab sis thov koj cia kuv rov mus hais ib lo lus yuav sib ncaim rau kuv tsev neeg tso."
62 Yes Xus hais rau nws tias: "Leej twg cev tes tuav rab khais lawm, nws tseem tig ntsia tej yam nws tso tseg rov tom qab, mas nws tsis phim txais Tswv Ntuj lub Ceeb Tsheej."

Tim 29 lub 9 Hlis

Hnub Tsib Lis Piam Nees Nkaum Rau Nruab Xyoo ABC Nruab Lis Piam Xyoo I & II

Koob Tsheej Hwm cov Tuam Tshiab LN Miv Kas (Michael), Nkas Nplias (Gabriel), thiab Las Fais (Raphael)
Lectionary: 647

Zaj Nyeem Ib: DN 7: 9-10, 13-14

9 Kuv ntsia ntsoov:
Pom lawv muab ib co theej kiab los txawb rau ntawd,
ces tus Laus Ib Txwm Nyob los zaum saum nws lub theej kiab;
nws cov ris tsho dawb ci cuag daus,
nws cov plaub hau saum taub hau dawb paug cuag plaub yaj;
nws lub theej kiab yog ib co nplaim taws,
muaj ib co log hluav taws cig liab vog.
10 Muaj ib tug dej hluav taws nyob Ntawm hauv ntej
txhawv ntawm nws xub ntiag los.
Txhiab txhiab leej tsob hwb nws,
vam vam leej sawv ntsug nyob ntawm nws xub ntiag.
Lub rooj txiav txim zaum txhij vog, tej ntaub ntawv twb nthuav tas lawm.
13 Thaum hmo ntuj, kuv tseem yees pom zoo li no:
Tuaj saum cov huab tuaj zoo li yog ib tug Neeg leej Tub.
Nws tuaj mus txog rau ntawm tus Laus Ib Txwm Nyob ,
ces lawv coj nws mus qhia rau tus Laus.
14 Ces tus Neeg Leej Tub txais lub hwj chim tswj kav, lub koob meej thiab kev ua vaj.
Tas txhia haiv neeg, txhia lub kuj cuab, txhia xeem lus yuav tsum tsob hwb nws.
Nws txoj kev tswj kav yog ib txog kev tswj kav nyob mus li yuav tsis txawj kawg.
Nws txoj kev ua vaj yuav tsis muaj leej twg rhuav tau.

Los QYTN 12:7-12ab

7 Muaj ib nthwv rog nyob saum ntuj: yog Miv Kas thiab nws cov Tshiab ua rog ntaus tus Zaj; tus Zaj thiab nws cov dab kuj ua rog tiv lawv thiab.
8 Tab sis tus Zaj thiab nws cov dab tsis yeej, ces lawv tsis tau kev nyob saum ntuj ntxiv.
9 Niag Zaj loj, niag nab txheej thaud uas tseem hu ua Dab Phem thiab hu ua Xas Tas, uas yog tus ntxias tas ntiaj teb neeg , nws raug muab cuam pov rau hauv ntiaj teb thiab nws cov dab kuj raug pov nrog nws huv tib si.
10 Ces kuv hnov ib lub suab nrov nroo ntws nyob saum ntuj tias: “Zaum no, peb tus Tswv Ntuj txoj kev cawm, nws lub hwj huam, thiab nws txoj kev ua vaj los txog lawm, thiab nws leej Pleev txoj kev tswj kav los txog lawm. Vim tus niag uas liam rau peb cov kwv tij raug muab ntiab tawm lawm, nws yog tus liam rau lawv nyob ntawm peb tus Tswv Ntuj xub ntiag nruab hnub hmo ntuj.
11 Lawv tau ntaus yeej nws vim Leej Yaj cov ntshav, thiab vim lawv lo lus ua tim khawv; lawv tsis khuv xim lawv txoj sia lawv tuaj yeem txais kev tuag.
12 Vim li ntawd mas cov txheej ntuj saud thiab tas nej cov uas nyob saum ntuj, nej cia li zoo siab!”

NPN 138:1-2ab, 2cde-3, 4-5

Txais: (1) Huab Tais, kuv yuav cav txog koj nyob ntawm tsoom tshiab xub ntiag.

Kuv yuav ua koj tsaug tas kuv lub siab ntsws, HUAB TAIS,
vim koj tau hnov kuv lub ncauj cov lus thov;
kuv yuav hu nkauj cav txog koj nyob ntawm tsoom tshiab xub ntiag;
kuv yuav tuaj pe hawm koj nyob hauv koj lub tuam tsev ntshiab
thiab yuav ua tsaug rau koj lub npe.

Txais: (1) HUAB TAIS, kuv yuav cav txog koj nyob ntawm cov tshiab xub ntiag.

Vim koj txoj kev ua zoo thiab koj txoj kev tseeb,
koj tau muab koj lub npe thiab koj txoj kev cog lus
ua qhov loj tshaj tas txhua yam.
Thaum kuv hu, koj tau teb kuv,
koj ntxiv zog rau kuv kom kuv muaj zog tuaj.

Txais: (1) HUAB TAIS, kuv yuav cav txog koj nyob ntawm cov tshiab xub ntiag.

HUAB TAIS, tas ib tsoom vaj nyob ntiaj teb yuav ua koj tsaug,
thaum lawv hnov koj cov lus koj lub ncauj tau hais.
Lawv yuav cav lus zoo txog HUAB TAIS tej kev tias:
"HUAB TAIS lub hwj chim loj tas nrho!”

Txais: (1) HUAB TAIS, kuv yuav cav txog koj nyob ntawm cov tshiab xub ntiag.

As Les Lus Yas: NPN 103: 21

Txais: As les lus yas, as les lus yas.

Tas ib tsoom tshiab, nej cav lus zoo txog Huab Tais,
Nej yog nws cov tub khiav dej num ua ywj nws lub siab.

Txais: As les lus yas, as les lus yas.

Ntawv Moo Zoo: ZAM 1: 47-51

47 Yes Xus pom Nas Tas Nais tuaj, nws hais txog Nas Tas Nais tias: "Nej saib, tus ntawd yog ib tug tseem His Xas Lais uas tsis muaj kev dag nyob hauv nws li."
48 Nas Tas Nais hais rau Yes Xus tias: "Ua cas koj paub kuv?" Yes Xus teb rau Nas Tas Nais tias: "Thaum Fis Lis Pos tsis tau hu koj, kuv twb pom koj nyob hauv tsob qab ntoo txiv ncuav pias lawm."
49 Nas Tas Nais teb rau Yes Xus tias: "Las Npis, koj yeej yog Tswv Ntuj Leej Tub! Koj yog His Xas Lais tus Vaj."
50 Yes Xus hais rau nws tias: "Yog vim kuv hais rau koj tias, kuv pom koj nyob hauv tsob qab ntoo txiv ncuav pias, mas koj thiaj ntseeg, puas yog? Koj yuav pom tej yam loj dua no ntxiv."
51 Ces Yes Xus hais rau Nas Tas Nais tias: "Kuv hais qhov muaj tseeb tiag rau nej: Nej yuav pom lub ntuj qhib los, thiab pom Tswv Ntuj cov Tshiab nce mus thiab nqes los nyob saum Neeg Leej Tub.”

Tim 30 lub 9 Hlis 2022

Hnub Rau Lis Piam Nees Nkaum Rau Nruab Xyoo ABC Nruab Lis Piam Xyoo II
Lectionary: 459

Yuav Hwm LN Jerome, ua Leej Choj thiab Kws cov Txuj Ntshiab

Zaj Nyeem Ib: YOB 38: 1, 12-21; 40: 3-5

38: 1 HUAB TAIS nyob hauv nag xob nag cua teb rau Yob tias :
12 “Nyob hauv koj lub neej, koj puas tau hais ib zaug kom sawv ntxov tawm los thiab qhia kom kaj ntug yuav tsum los nyob nws qhov chaw,
13 kom nws tuav lub ntiaj teb tus ntug nchos kom cov neeg siab phem tawm mus?
14 Ces lub ntiaj teb hloov los zoo li cov av luag ntaus thwj rau thiab nws raug muab zas zoo li ib lub tsoos tsho.
15 Tiam sis qhov pom kev yuav tsis ci mus rau cov neeg phem thiab lawv txhais npab uas tsa siab yuav raug muab dam.
16 Koj puas tau mus txog cov hauv dej, uas dej hiav txwv txhawv tawm los, thiab puas tau mus kev yos ncig hauv tej qab thu tob tob?
17 Luag puas tau qhia koj txog cov qhov rooj mus hauv tub tuag teb, los koj puas tau pom cov rooj vag mus hauv teb chaws tsaus ntuj?
18 Koj puas to taub tias lub ntiaj teb dav npaum li cas? Yog koj paub tas tej no, mas koj hais los saib.
19 Qhov pom kev lub chaw nyob yog nyob sab twg, qhov tsaus ntuj lub chaw nyob yog nyob qhov twg ?
20 Koj coj puas tau qhov pom kev thiab qhov tsaus ntuj rov mus rau lawv tej ciam dej ciam av, koj taw puas tau nyias txoj kev rau nyias taug rov mus nyias lub chaw?
21 Koj paub tej ntawd, yog vim koj twb xub yug los dua lawv thiab koj twb nyob tau ntev niaj ntau xyoo kawg li lawm!”
40: 3 Yob teb rau HUAB TAIS tias:
4 "Kuv yog neeg tsis muaj qab hau, kuv yuav teb dab tsi rau koj? Kuv yuav muab tes los pos qhov ncauj xwb.
5 Kuv tau hais lus ib zaug lawm, kuv yuav tsis hais ntxiv. Zaum ob, kuv yuav tsis hais lus ntxiv."

NPN 139: 1-3, 7-8, 9-10, 13-14ab

Txais: (24b) Huab Tais, thov koj coj kuv mus taug txoj kev yuav nyob mus li.

HUAB TAIS, koj ntsia pom tshab hauv kuv, koj paub kuv :
koj paub thaum kuv sawv thiab thaum kuv zaum ;
koj nyob deb tsom pom tas tej kuv xav.
kuv taug kev los kuv pw, koj saib ntsoov,
koj paub txhua txoj kev kuv taug.

Txais: (24b) Huab Tais, thov koj coj kuv mus taug txoj kev yuav nyob mus li.

Kuv yuav mus qhov twg thiaj mus deb koj lub tswv yim?
Kuv yuav khiav lawm ces twg, thiaj nyob deb ntawm koj?
Yog kuv nce mus saum ntuj, koj twb nyob saud lawm!
Yog kuv nqes lawm puag ntuj txias teb tsaus, koj kuj nyob hauv thiab!

Txais: (24b) Huab Tais, thov koj coj kuv mus taug txoj kev yuav nyob mus li.

Yog kuv ya raws lub caij kaj ntug ob phab tis mus,
yog kuv mus nyob puag dej ntuj sab kawg nkaus tim ub,
los tseem yog koj txhais tes coj kuv mus,
yog koj sab tes xis hwj kuv kom kuv nyob ruaj nreb.

Txais: (24b) Huab Tais, thov koj coj kuv mus taug txoj kev yuav nyob mus li.

Koj yeej yog tus tsim kuv tej nruab nrog tiag ;
koj xaws koj ntxiv kuv hauv kuv niam plab.
Kuv ua koj tsaug, vim koj tsim kuv txaus ntshai thiab zoo ua luaj,
koj tej dej num zoo kawg nkaus.

Txais: (24b) Huab Tais, thov koj coj kuv mus taug txoj kev yuav nyob mus li.

As Les Lus Yas: NPN 95: 8

Txais: As les lus yas, as les lus yas.
.
Hnub no, yog nej hnov nws lub suab,
Nej tsis txhob ua nej lub siab tawv ncauj.

Txais: As les lus yas, as les lus yas.

Ntawv Moo Zoo: LK 10: 13-16

Yes Xus tsa suab hais rau lawv tias:
13 “Kos Las Ntxis, koj txoj hmoov phem! Npes Xais Das, koj txoj hmoov phem! Cov hwj huam yees ntxwv uas Ntuj ua nyob hauv neb, lam yog ua nyob Tws Los thiab Xis Doos, mas lawv twb hloov siab thaum ntxov lawm, twb zaum hauv ntaub tsaj thiab hauv plua tshauv lawm.
14 Txog hnub Txiav Txim, Tws Los thiab Xis Doos yuav raug txim sib dua neb.
15 Hos koj, Kas Fas Naus, luag puas yuav muab koj tsa siab txij lub ntuj? Koj ces kawg yuav nqes mus lawm hauv ntuj txias teb tsaus xwb.
16 Leej twg mloog nej, mas yog nws mloog kuv. Leej twg tsais txais nej, mas kuj yog nws tsis txais kuv. Leej twg tsis txais kuv, mas yog nws tsis txais tus xa kuv tuaj."

Tim 30 lub 9 Hlis 2022

Hnub Rau Lis Piam Nees Nkaum Rau Nruab Xyoo ABC Nruab Lis Piam Xyoo II
Lectionary: 459

Yuav Hwm LN Jerome, ua Leej Choj thiab Kws cov Txuj Ntshiab

Zaj Nyeem Ib: YOB 38: 1, 12-21; 40: 3-5

38: 1 HUAB TAIS nyob hauv nag xob nag cua teb rau Yob tias :
12 “Nyob hauv koj lub neej, koj puas tau hais ib zaug kom sawv ntxov tawm los thiab qhia kom kaj ntug yuav tsum los nyob nws qhov chaw,
13 kom nws tuav lub ntiaj teb tus ntug nchos kom cov neeg siab phem tawm mus?
14 Ces lub ntiaj teb hloov los zoo li cov av luag ntaus thwj rau thiab nws raug muab zas zoo li ib lub tsoos tsho.
15 Tiam sis qhov pom kev yuav tsis ci mus rau cov neeg phem thiab lawv txhais npab uas tsa siab yuav raug muab dam.
16 Koj puas tau mus txog cov hauv dej, uas dej hiav txwv txhawv tawm los, thiab puas tau mus kev yos ncig hauv tej qab thu tob tob?
17 Luag puas tau qhia koj txog cov qhov rooj mus hauv tub tuag teb, los koj puas tau pom cov rooj vag mus hauv teb chaws tsaus ntuj?
18 Koj puas to taub tias lub ntiaj teb dav npaum li cas? Yog koj paub tas tej no, mas koj hais los saib.
19 Qhov pom kev lub chaw nyob yog nyob sab twg, qhov tsaus ntuj lub chaw nyob yog nyob qhov twg ?
20 Koj coj puas tau qhov pom kev thiab qhov tsaus ntuj rov mus rau lawv tej ciam dej ciam av, koj taw puas tau nyias txoj kev rau nyias taug rov mus nyias lub chaw?
21 Koj paub tej ntawd, yog vim koj twb xub yug los dua lawv thiab koj twb nyob tau ntev niaj ntau xyoo kawg li lawm!”
40: 3 Yob teb rau HUAB TAIS tias:
4 "Kuv yog neeg tsis muaj qab hau, kuv yuav teb dab tsi rau koj? Kuv yuav muab tes los pos qhov ncauj xwb.
5 Kuv tau hais lus ib zaug lawm, kuv yuav tsis hais ntxiv. Zaum ob, kuv yuav tsis hais lus ntxiv."

NPN 139: 1-3, 7-8, 9-10, 13-14ab

Txais: (24b) Huab Tais, thov koj coj kuv mus taug txoj kev yuav nyob mus li.

HUAB TAIS, koj ntsia pom tshab hauv kuv, koj paub kuv :
koj paub thaum kuv sawv thiab thaum kuv zaum ;
koj nyob deb tsom pom tas tej kuv xav.
kuv taug kev los kuv pw, koj saib ntsoov,
koj paub txhua txoj kev kuv taug.

Txais: (24b) Huab Tais, thov koj coj kuv mus taug txoj kev yuav nyob mus li.

Kuv yuav mus qhov twg thiaj mus deb koj lub tswv yim?
Kuv yuav khiav lawm ces twg, thiaj nyob deb ntawm koj?
Yog kuv nce mus saum ntuj, koj twb nyob saud lawm!
Yog kuv nqes lawm puag ntuj txias teb tsaus, koj kuj nyob hauv thiab!

Txais: (24b) Huab Tais, thov koj coj kuv mus taug txoj kev yuav nyob mus li.

Yog kuv ya raws lub caij kaj ntug ob phab tis mus,
yog kuv mus nyob puag dej ntuj sab kawg nkaus tim ub,
los tseem yog koj txhais tes coj kuv mus,
yog koj sab tes xis hwj kuv kom kuv nyob ruaj nreb.

Txais: (24b) Huab Tais, thov koj coj kuv mus taug txoj kev yuav nyob mus li.

Koj yeej yog tus tsim kuv tej nruab nrog tiag ;
koj xaws koj ntxiv kuv hauv kuv niam plab.
Kuv ua koj tsaug, vim koj tsim kuv txaus ntshai thiab zoo ua luaj,
koj tej dej num zoo kawg nkaus.

Txais: (24b) Huab Tais, thov koj coj kuv mus taug txoj kev yuav nyob mus li.

As Les Lus Yas: NPN 95: 8

Txais: As les lus yas, as les lus yas.
.
Hnub no, yog nej hnov nws lub suab,
Nej tsis txhob ua nej lub siab tawv ncauj.

Txais: As les lus yas, as les lus yas.

Ntawv Moo Zoo: LK 10: 13-16

Yes Xus tsa suab hais rau lawv tias:
13 “Kos Las Ntxis, koj txoj hmoov phem! Npes Xais Das, koj txoj hmoov phem! Cov hwj huam yees ntxwv uas Ntuj ua nyob hauv neb, lam yog ua nyob Tws Los thiab Xis Doos, mas lawv twb hloov siab thaum ntxov lawm, twb zaum hauv ntaub tsaj thiab hauv plua tshauv lawm.
14 Txog hnub Txiav Txim, Tws Los thiab Xis Doos yuav raug txim sib dua neb.
15 Hos koj, Kas Fas Naus, luag puas yuav muab koj tsa siab txij lub ntuj? Koj ces kawg yuav nqes mus lawm hauv ntuj txias teb tsaus xwb.
16 Leej twg mloog nej, mas yog nws mloog kuv. Leej twg tsais txais nej, mas kuj yog nws tsis txais kuv. Leej twg tsis txais kuv, mas yog nws tsis txais tus xa kuv tuaj."

Tim 1 lub 10 Hli 2022

Hnub Xya Lis Piam Nees Nkaum Rau Nruab Xyoo ABC Nruab Lis Piam Xyoo II
Lectionary: 460

Zaj Nyeem Ib: YOB 42: 1-3, 5-6, 12-17

1 Yob teb HUAB TAIS, nws hais tias:
2 "Kuv paub tias koj ua tau tas txhua yam, tsis muaj ib yam uas koj npaj lawm yuav tshwm sim tsis tau.
3 Leej twg yog tus hais tsis meej txog koj zaj tswv yim vim nws tsis paub txog? Kuv ntag tau hais tej yam uas kuv tsis to taub, tej yam loj dhau zoo dhau rau kuv thiab kuv tsis paub txog.
5 Yav tas los, kuv tsuas yog hnov luag tej hais txog koj xwb, tab sis nyem no, kuv tau pom koj kiag ntawm qhov muag lawm.
6 Ua li mas kuv rov tu siab rau tej lus kuv tau hais, kuv mus them kuv lub txim nyob hauv plua av thiab plua tshauv."
12 Ces HUAB TAIS foom hmoov zoo rau Yob lub neej yav laus ntau dua yav hluas. Yob muaj nto kaum plaub txhiab tus yaj, rau txhiab tus ntxhuav, ib txhiab nkawm nyuj thiab ib txhiab tus maum luj.
13 Nws yug tau xya leej tub thiab peb leeg ntxhais.
14 Tus ntxhais hlob nws muab hu ua Ntses Mis Mas(Jemi’mah), tus nrab hu ua Kes Xias(Kezi’ah), tus peb hu ua Kes Les Has Pus(Keren-hap’puch).
15 Nyob thoob hauv lub teb chaws tsis muaj ib tug poj niam zoo nkauj npaum li Yob cov ntxhais li. Lawv txiv kuj faib cuab tam rau lawv ib yam li faib rau lawv cov nus thiab.
16 Tom qab tej no lawm, Yob tseem ua neej ntev txog ib puas plaub caug xyoo, thiab nws tau pom nws cov tub, thiab pom nws tej xeeb leej xeeb ntxwv mus txog phaj plaub.
17 Thaum Yob tuag, nws tau ua neej nyob laus nkoos, tau ntau niaj ntau xyoo ntev txaus nkaus.

NPN 119: 66, 71, 75, 91, 125, 130

Txais: (135) Huab Tais, ua kom koj lub ntsej muag ci tuaj rau kuv.

Thov koj qhia kev thoob tsib thiab kev txawj ntse rau kuv,
vim kuv tso siab rau koj cov lus qhia.

Txais: (135) Huab Tais, ua kom koj lub ntsej muag ci tuaj rau kuv.

Txoj kev txom nyem dhau los yog ib qho zoo rau kuv,
vim nws ua kom kuv kawm tau koj cov cai lij choj.

Txais: (135) Huab Tais, ua kom koj lub ntsej muag ci tuaj rau kuv.

HUAB TAIS, kuv paub tias cov cai koj txiav yog cai ncaj ncees,
thaum koj cia kuv raug txom nyem, yog koj xav ua zoo rau kuv.

Txais: (135) Huab Tais, ua kom koj lub ntsej muag ci tuaj rau kuv.

Tas ib puas tsav yam nyob khov kho los txog tav no,
raws li koj tau teem, vim txhua tsav yam tsob hwb koj.

Txais: (135) Huab Tais, ua kom koj lub ntsej muag ci tuaj rau kuv.

Kuv yog koj tus tub txib, thov koj pub kom kuv txawj to taub,
ces kuv yuav paub txoj cai koj tau txiav.

Txais: (135) Huab Tais, ua kom koj lub ntsej muag ci tuaj rau kuv.

Thaum kuv paub koj cov lus lawm, kuv pom kev tuaj,
koj cov lus ua kom cov neeg me muaj kev to taub.

Txais: (135) Huab Tais, ua kom koj lub ntsej muag ci tuaj rau kuv.

As Les Lus Yas: MT 11: 25

Txais: As les lus yas, as les lus yas.

Leej Txiv, kuv cav lus zoo txog koj, Huab Tais kav lub ntuj lub teb,
vim koj qhib tej yam tob txog lub Ceeb Tsheej rau cov neeg me paub.

Txais: As les lus yas, as les lus yas.

Ntawv Moo Zoo: LK 10: 17-24

17 Pab xya caum ob leeg thwj tim rov qab los txog, lawv zoo siab kawg, lawv hais rau Yes Xus tias: "Huab Tais, tab yog cov dab phem, tsis kav lawv swb rau peb vim koj lub npe."
18 Yes Xus hais rau lawv tias: "Kuv twb pom Xas Tas poob saum ntuj los zoo li ib kab xob laim lawm!
19 Nej saib! Kuv pub hwj huam rau nej kom nej tsuj tau nab, tsuj tau kab lij tshooj, tsuj tau Yeeb Ncuab lub hwj huam tib si, tsis muaj dab tsi yuav ua xwv txheej tau rau nej.
20 Tiam sis nej tsis txhob zoo siab vim cov dab swb rau nej, nej yuav zoo siab vim nej lub npe raug muab sau cia rau saum ntuj lawm.”
21 Lub sij hawm ntawd, Yes Xus zoo siab tas nrho nyob hauv Leej Ntuj Plig Ntshiab, nws hais tias: "Txiv, kuv cav lus zoo txog koj, Huab Tais kav lub ntuj lub teb, koj tau zais tej ntawd ntawm cov neeg thoob tsib thiab cov neeg ntse, koj muab qhib tawm rau cov neeg me paub. Txiv, vim koj yeej nyiam ua li ntawd.
22 Kuv Txiv muab tas ib puas tsav yam rau kuv. Tsis muaj leej twg paub tias Leej Tub yog tus twg, kawg yog Leej Txiv thiaj paub xwb. Tsis muaj leej twg paub tias Leej Txiv yog tus twg, kawg yog Leej Tub thiaj paub xwb, thiab tus uas Leej Tub xav qhia rau kom nws paub."
23 Yes Xus tig los rau nws cov thwj tim, thaum lawv nyob rau ib cag, nws hais rau lawv tias: "Lub qhov muag uas pom tej yam nej pom no tau txoj hmoov zoo kawg!
24 Kuv hais rau nej tias coob tus yaj saub thiab coob tus vaj yav tas los xav pom qhov uas nej pom, tab sis lawv tsis tau pom, xav hnov tej uas nej hnov, tab sis lawv tsis tau hnov."

Tim 3 lub 10 Hli 2022

Hnub Ob Lis Piam Nees Nkaum Xya Nruab Xyoo ABC Nruab Lis Piam Xyoo II
Lectionary: 461

Zaj Nyeem Ib: NKAS LAS TIAS 1: 6-12

Cov kwv tij nkauj muad:
6 Kuv poob siab tas tias cas nej tso tus uas tau hu nej nyob hauv Leej Pleev lub txiaj ntsim pov tseg sai tas npaud, nej cia li mus ntseeg lwm lub moo zoo lawm,
7 txawm tias twb tsis muaj lwm lub moo zoo li, tiam sis yog muaj ib co neeg xav ua kom nej tsis to taub thiab lawv xav muab Leej Pleev lub Moo Zoo hloov xwb.
8 Tab yog peb los yog Ntuj ib tug Tshiab nqes saum ntuj los qhia ib lub moo zoo txawv lub uas peb tau tshaj rau nej lawm, mas thov kom tus ntawd tau hmoov phem.
9 Raws li peb twb tau hais rau nej los lawm, hnub no kuv rov hais dua rau nej tias, yog muaj ib tug neeg qhia ib lub moo zoo txawv lub nej tau txais lawm, mas thov kom tus ntawd tau hmoov phem.
10 Nyem no, kuv puas nrhiav ua kom neeg nyiam kuv, los kom Tswv Ntuj nyiam kuv? Kuv puas nrhiav ua kom xis neeg siab? Yog kuv ua kom xis neeg siab xwb, mas kuv yuav tsis yog Leej Pleev ib tug tub txib li.
11 Cov kwv tij, nej yuav tsum paub tias lub Moo Zoo uas kuv tuaj qhia rau nej, mas tsis yog tuaj ntawm tib neeg tuaj.
12 Vim kuv tsis tau txais thiab tsis tau kawm lub Moo Zoo ntawd ntawm ib tug tib neeg twg los, tiam sis yog Yes Xus Pleev tau yees tawm tuaj qhia rau kuv paub.

NPN 111: 1b-2, 7-8, 9+10c

Txais: (5) Huab Tais yuav nco ntsoov nws cov lus nws tau cog tas mus li.

Kuv yuav ua HUAB TAIS tsaug tas siab tas ntsws
nyob hauv cov neeg ncaj lub rooj sib sau ua lub txoos.
HUAB TAIS cov hauj lwm loj tas nrho,
zoo nkauj zoo ntxim siab kawg nkaus.

Txais: (5) Huab Tais yuav nco ntsoov nws cov lus nws tau cog tas mus li.

Cov hauj lwm nws txhais tes ua yog kev pheej xeeb thiab kev ncaj.
Nws cov lus qhia yog lus meej lus tseeb,
Yog cov lus yuav nyob ruaj mus li ib txhia ib txhis.
xeeb txawm rau hauv kev tseeb thiab kev ncaj ncees.

Txais: (5) Huab Tais yuav nco ntsoov nws cov lus nws tau cog tas mus li.

Nws tuaj pab nws haiv neeg kom lawv tau kev dim,
nws tau ceeb toom kom lo lus nws tau cog nyob mus li.
Nws lub npe ntshiab thiab muaj hwj xyeej tas nrho.
Lo lus cav txog HUAB TAIS yuav nyob tas mus li ib txhis.

Txais: (5) Huab Tais yuav nco ntsoov tas mus li nws cov lus nws tau cog.

As Les Lus Yas: ZAM 13: 34

Txais: As les lus yas, as les lus yas.

Kuv muab ib lo lus qhia tshiab rau nej:
nej yuav sib nyiam sib hlub ib yam li kuv tau nyiam tau hlub nej.

Txais: As les lus yas, as les lus yas.

Ntawv Moo Zoo: LK 10: 25-37

25 Lub sij hawm ntawd, ib tug Kws Lij Choj txawm sawv, nws xav sim Yes Xus ces nws nug tias: "Xib Hwb, kuv yuav ua dab tsi thiaj tau txais txoj sia nyob mus li los ua kuv lub cuab tam?"
26 Yes Xus hais rau nws tias: "Nyob hauv Txoj Cai muaj dab tsi sau tseg? Koj nyeem txog li cas?
27 Tus Kws Lij Choj teb tias: "Koj yuav nyiam Huab Tais, koj tus Tswv Ntuj, tas koj siab ntsws, tas koj tus ntsuj plig, tas koj lub zog, tas koj lub tswv yim, thiab koj yuav nyiam tus nyob ze koj ib yam li koj nyiam koj.”
28 Yes Xus hais rau tus Kws Lij Choj tias: "Koj teb raug lawm. Koj ua li ntawd, ces koj yuav muaj txoj sia."
29 Tab sis tus Kws Lij Choj xav kom nws tau cai ces nws hais rau Yes Xus tias: "Leej twg yog tus nyob ze kuv?”
30 Yes Xus thiaj hais ntxiv tias: "Muaj ib tug neeg nqes ntawm Yes Lus Xas Les mus rau nram Yes Lis Kos, nws ntsib ib pab tub sab. Lawv muab nws tej ris tsho hle, muab nws ntaus sab kawg, ces lawv khiav mus lawm, tso nws tseg tshuav txoj sia xwb.
31 Muaj ib tug Leej Choj taug txoj kev ntawd nqes tuaj tom thawj, nws pom tus raug mob, nws lug kev hla mus lawm.
32 Muaj ib tug Les Vis ho tuaj txog ntawd, nws pom tus raug mob, nws kuj lug kev hla mus lawm thiab.
33 Tab sis ib tug Xas Mas Lias mus tawm rooj tuaj txog ntawd, nws pom tus neeg raug mob, nws hlub kawg nkaus.
34 Nws txav los ntawm tus raug mob, nws hliv roj thiab hliv cawv rau cov qhov txhab, nws muab qhwv rau. Nws tsaws tus raug mob caij nws tus luj, thiab coj nws mus txog tom lub tsev txais qhua, nws tu tus raug mob nyob ntawd.
35 Hnub tom qab, nws rho tau ob lub txiaj nyiag rau tus tswv tsev txais qhua, nws hais tias: ‘Koj tu tus neeg mob no, yog koj siv tshaj lawm, thaum kuv rov qab los, kuv yuav them rov rau koj.’
36 Raws li koj xav, lawv peb leeg no, leej twg yog tus nyob ze tus neeg uas poob rau hauv tub sab txhais tes?"
37 Tus Kws Lij Choj hais tias: "Yog tus uas tau khuv leej tus raug mob." Ces Yes Xus hais rau nws tias: "Koj mus ua ib yam li ntawd thiab."

Tim 4 lub 10 Hli 2022

Hnub Peb Lis Piam Nees Nkaum Xya Nruab Xyoo ABC Nruab Lis Piam Xyoo II
Lectionary: 462

Yuav Hwm LN Francis Assisi

Zaj Nyeem Ib: Nkas Las Tias 1: 13-24

Cov kwv tij nkauj muad:
13 Nej yeej tau hnov lawm tias kuv tau coj li cas thaum kuv tseem nyob hauv cov Yus Das txoj kev ntseeg; tias kuv hiam Tswv Ntuj lub Koom Txoos heev kawg nkaus, thiab kuv tau nrhiav ua kom lub Koom Txoos ploj mus.
14 Kuv tau nce siab nyob hauv txoj kev ntseeg Yus Das tshaj coob leej hauv kuv phaum neeg nyob hauv kuv haiv neeg, vim kuv kub siab lug rau peb cov poj yawm txwv koob tej kab lis kev cai.
15 Tiam sis tus uas tau xaiv kuv txij thaum kuv tseem nyob hauv kuv niam plab los lawm, thiab tau hu kuv nyob hauv nws lub txiaj ntsim,
16 mas nws tau txaus siab cia nws Leej Tub tshwm los rau kuv pom, kom kuv mus tshaj txog nws rau cov neeg teev pej kum dab paub. Tam sim ntawd, kuv tsis tau nrhiav tib neeg muaj nqaij tawv thiab roj ntsha lub tswv yim,
17 kuv tsis mus cuag cov xub ua Hauv Paus Xa Lus dua kuv nyob Yes Lus Xas Les li, kuv ncaj qha mus rau As Las Npias teb, ces kuv mam rov los rau Das Mas dua xwb.
18 Peb xyoos tom qab, kuv thiaj mus pem Yes Lus Xas Les, mus ntsib Pob Zeb. Kuv nrog nws nyob tau kaum tsib hnub.
19 Kuv tsis tau ntsib lwm tus Hauv Paus Xa Lus li, tsuas tau ntsib Yas Kos, uas yog Huab Tais tus kwv tij xwb.
20 Kuv sau cov lus no tuaj rau nej, mas kuv ua taus tim khawv rau ntawm Tswv Ntuj xub ntiag tias kuv tsis dag.
21 Tom qab ntawd kuv mus rau Xis Lias teb, thiab Xis Lis Xias teb.
22 Cov Koom Txoos hauv Yus Das teb, uas nyob hauv Leej PLeev, mas lawv tsis paub kuv li,
23 lawv tsuas yog hnov tias, “tus uas yav thaud hiam peb mas nyem no nws tshaj txoj kev ntseeg uas yav nram ntej nws xav muab rhuav pov tseg.”
24 Ces lawv cav txog Tswv Ntuj vim kuv.

NPN 139: 1b-3, 13-14ab, 14c-15

Txais: (24b) Huab Tais, thov koj coj kuv mus taug txoj kev yuav nyob mus li.

HUAB TAIS, koj ntsia pom tshab hauv kuv, koj paub kuv :
koj paub thaum kuv sawv thiab thaum kuv zaum ;
koj nyob deb tsom paub tas tej kuv xav.
kuv mus kev los kuv pw, koj saib ntsoov,
koj paub txhua txoj kev kuv taug.

Txais: (24b) Huab Tais, thov koj coj kuv mus taug txoj kev yuav nyob mus li.

Koj yeej yog tus tsim kuv sab nruab nrog tib si tiag ;
koj xaws koj ntxiv kuv hauv kuv niam plab.
Kuv ua koj tsaug, vim koj tsim tau kuv txaus ntshai ua luaj, zoo ua luaj,
koj tej hauj lwm zoo kawg nkaus.

Txais: (24b) Huab Tais, thov koj coj kuv mus taug txoj kev yuav nyob mus li.

Koj paub kuv tus ntsuj plig zoo heev,
koj pom kuv cov pob txha tas huv tib si,
thaum uas kuv xeeb los nyob hauv qhov chaw nraim,
thaum kuv raug puab nyob puag hauv nruab a.

Txais: (24b) Huab Tais, thov koj coj kuv mus taug txoj kev yuav nyob mus li.

As Les Lus Yas: LK 11: 28

Txais: As les lus yas, as les lus yas.

Cov uas mloog Tswv Ntuj Lo Lus thiab ua raws li ntawd,
mas lawv txoj hmoov zoo."

Txais: As les lus yas, as les lus yas.

Ntawv Moo Zoo: LK 10: 38-42

38 Thaum lawv taug kev, Yes Xus mus hauv ib lub zos; ib tug poj niam hu ua Mas Tas txais Yes Xus los hauv nws tsev.
39 Nws muaj ib tug niam hluas hu ua Mab Liab, uas zaum rawv ntawm Huab Tais ko taw, nws mloog Huab Tais hais lus.
40 Mas Tas fab taws ntsos ua ntau yam dej num tos txais qhua, ces nws los hais rau Yes Xus tias: "Huab Tais, koj tsis quav ntsej tias kuv tus niam hluas cia kuv ib leeg lis qav lis num xwb lod? Koj hais kom nws pab kuv thiab mas!"
41 Tab sis Huab Tais teb rau Mas Tas tias: "Mas Tas, Mas Tas, koj ua siab fab thiab txhawj txog ntau yam,
42 tsuas muaj ib yam uas yuav tsum xaiv xwb. Mab Liab xaiv tau yam zoo tshaj lawm, yuav tsis txhob muab tshem ntawm nws mus."

Tim     5     lub     10     Hli     2022

Hnub plaub Lis Piam Nees Nkaum Xya Nruab Xyoo ABC Nruab Lis Piam Xyoo II
Lectionary: 463

XHLT:   Tus Tau Hmoov Zoo Francis Xavier Seelos, ua Leej Choj

Zaj Nyeem Ib:    NKAS LAS TIAS 2: 1-2, 7-14

Cov kwv tij nkauj muad:
1 Kaum plaub xyoos tom qab, kuv tau rov mus pem Yes Lus Xas Les dua, nrog Npas Nas Npes thiab kuv kuj coj Tis Tos mus thiab.
2 Kuv mus ped, yog mus raws li ib qho kev yees pom uas kuv tau muaj, ces kuv thiaj mus piav txog lub Moo Zoo uas kuv qhia rau cov pej kum neeg rau lawv paub; kuv coj cov neeg tseem ceeb mus nyob rau ib qho kuv piav tshwj xeeb rau lawv nkaus xwb, kom kuv txhob lam khiav kev los txhob tau khiav kev dag xwb.
7 Lawv thiaj pom tias yog Tswv Ntuj tsa kuv ua tus tshaj lub Moo Zoo rau cov neeg tsis txais lub cim txiav, ib yam li Tswv Ntuj tau tsa Pob Zeb ua tus tshaj lub Moo Zoo rau cov neeg txais lub cim txiav,
8 vim tus ua hauj lwm hauv Pob Zeb los tsa Pob Zeb ua Hauv Paus Xa Lus rau cov txais lub cim txiav, kuj ua hauj lwm ib yam li ntawd hauv kuv thiab tsa kuv ua Hauv Paus Xa Lus rau cov pej kum neeg.
9 Thaum lawv zeem tseeb tias kuv tau txais lub txiaj ntsim ntawd lawm, Yas Kos thiab Pob Zeb thiab Zam, uas lawv yog cov ncej tse tseem ceeb, lawv kuj tuav kuv thiab Npas Nas Npes wb tes ua lub cim tias peb koom siab koom ntsws koom ib txog dej num: wb yuav mus cuag cov pej kum neeg, lawv yuav mus cuag cov txais lub cim txiav.
10 Tsuas muaj ib yam xwb uas wb yuav tsum ua, yog nco ntsoov txog cov pluag xwb; qhov no yog qhov kuv twb yeej muab siab rau ua los lawm.
11 Thaum Pob Zeb tuaj hauv As Nthias Kias, kuv tau tab meeg hais lus tib nws, vim kuv pom tseeb tias nws ua yuam kev.
12 Thaum cov neeg uas nrog Yas Kos nyob tseem tuaj tsis tau txog, mas Pob Zeb nrog cov pej kum neeg noj mov. Tab sis thaum Yas Kos cov neeg tuaj txog lawm, mas Pob Zeb cia li tseg tsis nrog lawv noj mov ntxiv, nws txav deb ntawm cov pej kum neeg, vim nws ntshai cov txais lub cim txiav.
13 Ces cov Yus Das sawv daws yoog li Pob Zeb, lawv ua txoj tsis kam nrog cov pej kum neeg lawm thiab. Ces Npas Nas Npes los kuj cia li ua txoj coj li lawv lawm thiab.
14 Thaum kuv pom lawv ua tsis yog li ntawd, tsis raws li qhov tseeb hauv lub Moo Zoo lawm, mas kuv hais rau Pob Zeb nyob ntawm sawv daws xub ntiag tias: “Koj twb yog ib tug Yus Das, ua cas koj coj xws li cov pej kum neeg, koj tsis coj xws li ib tug Yus Das, koj yuav ua cas muaj peev xwm yuam tau cov pej kum neeg kom lawv coj raws li cov Yus Das ?”

NPN    117: 1bc, 2

Txais: (Mas Kos 16:15) Nej mus kom thoob qab ntuj, nej tshaj lub Moo Zoo rau lawv.

Tas ib tsoom kuj cuab, nej cav lus zoo txog HUAB TAIS.
Tas ib tsoom haiv neeg, nej cav txog nws lub hwj chim.

Txais: (Mas Kos 16:15) Nej mus kom thoob qab ntuj, nej tshaj lub Moo Zoo rau lawv.

Vim nws lub siab, uas xav ua zoo rau peb, nyob ruaj nreb,
ces HUAB TAIS ua ncaj rau peb mus ib txhiab ib txhis.

Txais: (Mas Kos 16:15) Nej mus kom thoob qab ntuj, nej tshaj lub Moo Zoo rau lawv.

As Les Lus Yas:   LOS MAS 8: 15bc

Txais: As les lus yas, as les lus yas.

Nej tau txais ib lub tswv yim ua tub ki tshiab,
thiaj ua kom peb hu Tswv Ntuj tias : ‘As Npas! Txiv!

Txais: As les lus yas, as les lus yas.

Ntawv Moo Zoo:    LK 11: 1-4

1 Muaj ib zaug, Yes Xus teev Ntuj nyob ib qho chaw; thaum nws teev Ntuj tas lawm, nws ib tug thwj tim hais rau nws tias: "Huab Tais, koj qhia peb teev Ntuj xws li Zam qhia nws cov thwj tim thiab."
2 Yes Xus hais rau lawv tias: “Thaum nej teev Ntuj, nej hais li no:
       Txiv, ua kom koj lub Npe ntshiab nto moo lug,
3 kom koj txoj kev ua vaj los txog;
  thov koj pub mov txaus rau peb noj txwm hnub, hnub dhau hnub.
4 Thov koj zam peb cov txhaum rau peb
       ib yam li peb zam rau txhua tus uas tshuav nuj nqes ntawm peb;
       thiab koj txhob cia peb raug txoj kev ntxias thaum kawg.”

Tim     6     lub     10     Hli     2022

Hnub Tsib Lis Piam Nees Nkaum Xya Nruab Xyoo ABC Nruab Lis Piam Xyoo II
Lectionary: 464

XHLT:   LN Bruno, ua Leej Choj; tus Tau Hmoov Zoo Marie-Rose Durocher, Nkauj Tsim Txiaj

Zaj Nyeem Ib:    NKAS LAS TIAS 3: 1-5

Paj Lug sau ntawv tias:
1 Aub! Cov Nkas Las Tias tsis muaj tswv yim aw! Leej twg tuaj mooj tau nej lawm os? Nej twb yog cov uas qhov muag tau pom ntsoov peb tab meeg qhia meej txog tias Yes Xus Pleev raug dai saum ntoo cuam zoo li cas no ne.
2 Kuv tsuas xav nug nej txog qhov no xwb: Nej tau txais Leej Tswv Yim puas yog vim nej coj raws Txoj Cai, los yog vim nej ntseeg txog qhov nej tau hnov?
3 Nej puas ruam npaum li ntawd? Ua cas nej twb pib nyob hauv Leej Tswv Yim, nyem no nej ho xaus nyob hauv lub cev nqaij?
4 Nej puas yog lam tau hnov tau pom ntau yam dag xwb? Yog tias muaj lam hnov lam pom dag tiag.
5 Tus uas coj Leej Tswv Yim tuaj rau nej thiab ua hwj huam yees ntxwv rau nej pom, nws puas ua tau tej ntawd yog vim nws coj Txoj Cai, los yog vim nws ntseeg txog tej yam nws tau hnov?

NPN:    LK 1: 69, 70-71, 72, 73-75

Txais: (68) Kom Huab Tais, His Xas Lais tus Tswv Ntuj nto koob meej,
nws tuaj xyuas nws haiv neeg lawm.

Nws tau tsa ib tug cawm seej muaj zog rau peb,
yug ntawm nws tus tub txib Das Vis tsev neeg los,

Txais: (68) Kom Huab Tais His Xas Lais tus Tswv Ntuj nto koob meej,
nws tuaj xyuas nws haiv neeg lawm.

Nws tau cog lus nyob hauv nws cov yaj saub ntshiab
txij puag thaum ub los lawm tias,
nws yuav cawm peb ntawm peb cov yeeb ncuab,
ntawm cov neeg ntxub peb txhais tes.

Txais: (68) Kom Huab Tais His Xas Lais tus Tswv Ntuj nto koob meej,
nws tuaj xyuas nws haiv neeg lawm.

Nws tau cog lus tias nws yuav khuv leej peb cov yawg koob
thiab yuav nco ntsoov txog nws txoj kev cog lus ntshiab,

Txais: (68) Kom Huab Tais His Xas Lais tus Tswv Ntuj nto koob meej,
nws tuaj xyuas nws haiv neeg lawm.

Nws tau cog lus rau peb txiv Has Nplas Has tias :
nws yuav npo peb dim ntawm peb cov yeeb ncuab txhais tes,
peb thiaj tau kev twj lij tsob hwb nws tsis muaj kev nthsai,
hauv txoj kev ntshiab thiab txoj kev ncaj
nyob ntawm nws xub ntiag tas peb sid.

Txais: (68) Kom Huab Tais His Xas Lais tus Tswv Ntuj nto koob meej,
nws tuaj xyuas nws haiv neeg lawm.

As Les Lus Yas:    HAUJ LWM 16: 14b

Txais: As les lus yas, as les lus yas.

Huab Tais, thov koj qhib peb lub siab
kom peb mloog koj Leej Tub cov lus.

Txais: As les lus yas, as les lus yas.

Ntawv Moo Zoo:    LK 11: 5-13

5 Yes Xus hais rau nws cov thwj tim tias: "Yog nej leej twg muaj ib tug phooj ywg, nej mus cuag nws thaum ib tag hmo thiab hais rau nws tias: 'Phooj ywg, koj txais peb lub ncuav mov rau kuv,
6 vim kuv ib tug npawg mus tawm rooj los so hauv kuv tsev, kuv tsis muaj dab tsi rau nws noj.'
7 Hos tus nyob hauv tsev teb tias: 'Txhob txob txob kuv; lub qhov rooj twb xauv lawm, kuv cov me nyuam peb twb pw tas lawm, kuv sawv tsis taus los muab dab tsi rau koj.'
8 Kuv hais rau nej tias, tab yog nws tsis sawv los muab rau vim nkawd yog phooj ywg, los nws yeej yuav tsum sawv los muab rau tus ntawd raws li nws thov, vim nws pheej taij tsis tseg.
9 Li ntawd, kuv hais rau nej tias: Nej thov, ces luag yuav muab rau nej; nej nrhiav, ces nej yuav ntsib; nej khob, ces lub qhov rooj yuav qhib rau nej.
10 Vim tias leej twg thov, nws yuav tau txais, leej twg nrhiav, nws yuav ntsib, hos leej twg khob, luag yuav qhib qhov rooj rau nws.
11 Nyob hauv nej, leej txiv twg, yog nws tus tub taij ib tug ntses, nws tsis muab ntses rau hos muab ib tug nab rau?
12 Los yog nws tus tub taij ib lub qe, nws yuav muab ib tug kab lij tshooj rau?
13 Yog tias, txawm nej yog neeg phem, tsis kav nej twb txawj pub tej yam zoo rau nej cov me nyuam, ua li mas Leej Txiv nyob saum ntuj haj yam yuav pub Leej Tswv Yim Ntshiab rau cov uas thov nws!"

Tim 7 lub 10 Hli 2022

Hnub Rau Lis Piam Nees Nkaum Xya Nruab Xyoo ABC Nruab Lis Piam Xyoo II
Lectionary: 465

Yuav Hwm Leej Niam muaj Txoj Saw (Memorial of Our Lady of the Rosary)

Zaj Nyeem Ib: NKAS LAS TIAS 3: 7-14

Cov kwv tij nkauj muad:
7 Nej yuav tsum to taub zoo tias, cov neeg muaj kev ntseeg thiaj yog Has Nplas Has cov me nyuam.
8 Ntawv Ntshiab xub pom ua ntej tias Tswv Ntuj yuav ua kom cov pej kum neeg txais kev ntshiab nyob hauv txoj kev ntseeg, ces Ntawv Ntshiab thiaj xub qhia lub Moo Zoo rau Has Nplas Has tias: “Nyob hauv koj txhua haiv neeg yuav tau txoj hmoov zoo.”
9 Li ntawd, txhua leej txhua tus uas muaj kev ntseeg yuav nrog Has Nplas Has, tus muaj kev ntseeg, tau txoj hmoov zoo.
10 Txhua tus neeg uas saib txoj kev coj raws nraim Txoj Cai yog qhov loj, mas lawv yuav tau hmoov phem; vim muaj Ntawv sau cia tias: “Tus tsis mob siab niaj hnub ua raws txhua lo lus sau tseg nyob hauv phau Ntawv Txoj Cai, mas nws yuav raug hmoov phem.”
11 Yeej pom tseeb tias Txoj Cai ua tsis tau kom ib tug neeg ntshiab tuaj nyob ntawm Tswv Ntuj xub ntiag, vim tias “tus uas txoj kev ntseeg ua kom nws ncaj ncees, mas tus ntawd yuav muaj txoj sia nyob.”
12 Nyob hauv txoj Cai mas tsis hais txog kev ntseeg li, txoj cai tsuas qhia tias “tus twg mloog txoj cai mas nws yuav tsum coj raws nraim li txoj cai hais” xwb.
13 Leej Pleev tau txhiv peb dim ntawm txoj hmoov phem uas los ntawm Txoj Cai los lawm, yog thaum nws txia ua tus tau hmoov phem kom tau pab peb, raws li cov lus sau tseg tias: “Tus tau hmoov phem yog tus raug luag muab dai rau saum tus ntoo,”
14 kom nyob hauv Yes Xus Pleev, lo lus foom hmoov zoo rau Has Nplas Has thiaj yuav ri mus txog cov neeg teev pej kum dab, kom yog vim peb ntseeg peb thiaj tau txais Leej Tswv Yim raws li lo lus tau cog lawm.

NPN 111: 1b-2, 3-4, 5-6

Txais: (5) Huab Tais yuav nco ntsoov mus tas ib txhis tias nws tau cog lus.

Kuv yuav ua HUAB TAIS tsaug tas kuv lub siab lub ntsws
nyob hauv tsoom neeg siab ncaj txoj kev sib sau los ua lub txoos.
HUAB TAIS cov hauj lwm loj tas nrho,
zoo saib zoo ntxim siab kawg nkaus.

Txais: (5) Huab Tais yuav nco ntsoov mus tas ib txhis tias nws tau cog lus.

HUAB TAIS cov hauj lwm muaj hwj xyeej thiab muaj hwj chim,
nws txoj kev ncaj yuav nyob ib txhiab ib txhis.
Nws nto koob meej lug vim nws cov hwj huam yees ntxwv ;
HUAB TAIS muaj lub siab zoo thiab khuv leej neeg.

Txais: (5) Huab Tais yuav nco ntsoov mus tas ib txhis tias nws tau cog lus.

Nws muab txhiam xws rau cov hwm nws tau noj.
Nws yuav nco ntsoov mus li txog tias nws tau cog lus.
Nws ua kom nws haiv neeg paub txog nws tej hauj lwm muaj hwj huam,
Nws muab cov haiv neeg lub cuab tam pub rau lawv ua lawv tug.

Txais: (5) Huab Tais yuav nco ntsoov mus tas ib txhis tias nws tau cog lus.

As Les Lus yas: Zam 12: 31b-32

Txais: As les lus yas, as les lus yas.

Huab Tais hais tias: Zaum no, tus tswj lub qab ntuj neeg
yuav raug ncaws tawm, hos thaum luag tsa kuv siab
rau saum ntiaj teb, mas kuv yuav rub tas txhua leej los cuag kuv.

Txais: As les lus yas, as les lus yas.

Ntawv Moo Zoo: LK 11: 15-26

Yes Xus ntiab ib tug dab phem tawm,
15 ces muaj ib txhia nyob hauv cov neeg hais tias: "Nws hu txog tus vaj dab phem Npes Ntxes Npus, nws thiaj ntiab tau dab."
16 Tseem muaj ib txhia xav sim Yes Xus, lawv thov kom Yes Xus ua ib lub cim tawm saum ntuj tuaj.
17 Tab sis Yes Xus paub qhov lawv xav, nws hais rau lawv tias: "Lub teb chaws twg muaj kev sib tawm tsam, mas nws kawg raug kev puas tsuaj; tej vaj tse ib lub yuav vau tsuam ib lub.
18 Yog tias Xas Tas rov tawm tsam Xas Tas, mas nws lub teb chaws yuav ua cas nyob taus ruaj ? Vim nej hais tias kuv hu txog Npes Ntxes Npus los ntiab dab no.
19 Yog tias kuv vam txog Npes Ntxes Npus los ntiab dab tiag, mas nej cov neeg ne lawv ho vam txog leej twg los ntiab dab? Ua li mas, nej cov neeg yuav txiav txim rau nej.
20 Tiam sis yog tias kuv tuav txog Tswv Ntuj tus ntiv tes los ntiab dab, mas yog vim tias Tswv Ntuj lub Ceeb Tsheej los txog nej lawm.
21 Thaum ib tug neeg muaj zog tuav ntaj tuav hmuv zov nws lub tsev vaj loog, mas nws lub cuab tam nyob nyab xeeb.
22 Tab sis, thaum twg lwm tus muaj zog dua nws tuaj ntaus yeej nws, mas tus ntawd yuav txeeb nws cev ris tsho hlau uas yog nws lub chaw tso siab mus, thiab yuav muab nws tej cuab yeej cuab tam los sib faib.
23 Leej twg tsis nrog kuv, mas yog nws tiv kuv. Leej twg tsis nrog kuv muab khaws cia, mas yog nws muab ua kom ploj.”
24 "Thaum dab tsis huv tawm hauv ib tug neeg mus, nws mus ua loj leeb rau hauv tej teb chaws quav poj, nrhiav ib lub chaw so, tab sis nrhiav tsis tau, ces nws hais tias: 'Kuv yuav rov mus nyob hauv lub tsev uas kuv tawm los lawm.'
25 Thaum dab tsis huv rov qab los txog, nws pom lub tsev cheb huv si thiab tu du lug cia.
26 Mas tus dab ntawd mus coj xya tus dab tseem phem dua nws nkag los nyob hauv lub tsev ntawd. Ces thaum kawg, tus neeg ntawd lub neej phem tshaj qhov qub tuaj xwb."

Tim     8     lub    10     hli     2022

Hnub Xya Lis Piam Nees Nkaum Xya Nruab Xyoo ABC Nruab Lis Piam Xyoo II
Lectionary: 466

Zaj Nyeem Ib:    NKAS LAS TIAS 3: 22-29

Cov kwv tij nkauj muad:
22 Ntawv Ntshiab tau muab tas ib puas tsav yam zwm rau hauv txoj kev txhaum lub hwj huam, kom xwv nyob hauv txoj kev ntseeg txog Yes Xus Pleev, cov neeg ntseeg tau txais yam uas muaj lus cog tseg lawm tias yuav pub rau lawv.
23 Thaum ua ntej txoj kev ntseeg tuaj, mas Txoj Cai muab peb kaw nyob hauv nws qab tswj fwm mus txog hnub uas txoj kev ntseeg tawm tuaj.
24 Li ntawd, Txoj Cai yog tus kav tus tswj peb npaj tos Leej Pleev tuaj, kom peb dawb huv tuaj tau nyob hauv txoj kev ntseeg.
25 Nyem no, txoj kev ntseeg tuaj txog lawm, mas peb tsis zwm rau ib tug tswj kav peb nruj nruj ntxiv.
26 Vim txoj kev ntseeg mas nej sawv daws puav leej yog Tswv Ntuj cov me nyuam huv tib si nyob hauv Yes Xus Pleev.
27 Nej sawv daws uas tau txais lub cim ntxuav nyob hauv Leej Pleev, mas nej tau hnav Leej Pleev lawm.
28 Tsis muaj neeg Yus Das los Hes Las, tsis muaj tus qhev los tus twj lij, tsis muaj txiv neej los poj niam ntxiv lawm, vim nej sawv daws koom ua ib leeg xwb nyob hauv Yes Xus Pleev.
29 Yog tias nej yog Leej Pleev neeg, mas nej kuj yog Has Nplas Has tsoom xeeb ntxwv thiab, ces nej yog cov yuav txais lub cuab tam raws li lo lus tau cog tseg lawm.

NPN    105: 2-3, 4-5, 6-7

Txais: (8a) Huab Tais nco ntsoov tas mus li tias nws tau cog lus.

Nej hu nkauj rau nws, nej hu nkauj cav txog nws,
nej tshaj tawm txog tej yam loj nws tau ua.
Nej txais koob meej nyob hauv nws lub npe.
Nej zoo siab mog, nej cov uas muaj lub siab nrhiav HUAB TAIS!

Txais: (8a) Huab Tais nco ntsoov tas mus li tias nws tau cog lus.

Nej vam txog Huab Tais nyob hauv nws lub zog,
nej nrhiav tsob hwb nws txhua lub sij hawm.
Nej nco ntsoov txog cov hwj huam txaus qhuas nws tau ua,
nws cov hauj lwm loj, thiab cov lus txiav txim nws tau hais.

Txais: (8a) Huab Tais nco ntsoov tas mus li tias nws tau cog lus.

Nej Has Nplas Has tsoom xeeb ntxwv, yog nws cov tub txib,
Nej Yas Kos cov tub, yog nws pab neeg nws tau xaiv!
Huab Tais nws yog peb tus Tswv Ntuj,
tas ntiaj teb coj raws nws tej lus nws txiav.

Txais: (8a) Huab Tais nco ntsoov tas mus li tias nws tau cog lus.

As Les Lus Yas:    LK 11: 28

Txais: As les lus yas, as les lus yas.

Cov tau hmoov zoo yog cov mloog Tswv Ntuj lo lus
thiab coj raws nraim li ntawd.

Txais: As les lus yas, as les lus yas.

Ntawv Moo Zoo:    LK 11: 27-28

27 Thaum Yes Xus tseem hais tej lus ntawd, muaj ib tug poj niam nyob hauv nruab nrab tsoom sid tsa suab hais nrov nrov rau Yes Xus tias: "Lub plab uas tau nqa koj thiab lub xub ntiag uas pub mis rau koj tau txoj hmoov zoo !"
28 Tab sis Yes Xus hais tias: "Qhov tseeb, cov tau txoj hmoov zoo mas yog cov uas mloog Tswv Ntuj Lo Lus thiab ua raws li ntawd."

Tim 10 lub 10 Hli 2022

Hnub Ob Lis Piam Nees Nkaum Yim Nruab Xyoo ABC Nruab Lis Piam Xyoo II
Lectionary: 467

Zaj Nyeem Ib: NLT 4: 22-24, 26-27, 31–5:1

Cov kwv tij nkauj muad:
22 Ntawv sau tias Has Nplas Has muaj ob tug tub, ib tug yug ntawm tus ntxhais qhev los, ib tug yug ntawm tus poj niam twj lij los.
23 Tus ntxhais qhev tus tub yug ntawm nqaij tawv los raws li kev cai. Hos tus poj niam twj lij tus tub yug los vim muaj kev cog lus.
24 Ob tug poj niam ntawd yog ib zag paj lug. Nkawd qhia txog ob txog kev cog lus: Ib tug yog txoj kev cog lus nyob saum lub roob Xis Nais, nws yug ib co me nyuam los ua qhev: Yog As Nkas.
26 Tab sis lub tsheej Yes Lus Xas Les saum txheej siab, yog tus poj niam twj lij; nws yog peb niam.
27 Twb muaj ntawv sau txog hais li no tias: “Koj kav tsij zoo siab, poj khab seeb uas tsis tau yug dua me nyuam; koj kav tsij luag ua suab nrov ntas ntua, koj tus tsis tau paub dua kev mob plab yug me nyuam; vim tus poj niam uas luag muab tso pov tseg cov me nyuam coob dua tus poj niam muaj txiv cov.”
31 Cov kwv tij, vim li ntawd peb tsis yog tus ntxhais qhev cov me nyuam, peb yog tus poj niam twj lij cov me nyuam.
5: 1 Leej Pleev tau cawm peb dim kom peb tau txais kev twj lij. Li ntawd, mas nej yuav tsum nyob ruaj nreb tsis txhob rov mus zwm dua rau tus quab ua qhev mog.

NPN 113: 1b-2, 3-4, 5a+6-7

Txais: (2) Thov kom Huab Tais lub npe ntshiab nto moo lug mus li.

HUAB TAIS cov tub txib, nej cav txog nws,
nej cav txog HUAB TAIS lub npe.
Kom HUAB TAIS lub npe ntshiab nto moo lug
txij no mus tsis muaj caij kawg!

Txais: (2) Thov kom Huab Tais lub npe ntshiab nto moo lug mus li.

Txij hnub tawm txog hnub poob,
kom sawv daws cav lus zoo txog HUAB TAIS lub npe.
HUAB TAIS nyob siab tshaj ib tsoom kuj cuab,
nws lub hwj chim nyob siab dua cov txheej ntuj saud.

Txais: (2) Thov kom Huab Tais lub npe ntshiab nto moo lug mus li.

Leej twg thiaj zoo li HUAB TAIS, peb tus Tswv Ntuj?
Nws tsa muag ntsia rau saum lub ntuj,
nws dauv muag ntsia rau hauv lub ntiaj teb.
Nws tsa tus neeg me tawm hauv plua av los,
nws rub tus txom nyem tawm hauv qhov qias los.

Txais: (2) Thov kom Huab Tais lub npe nto ntshiab nto moo lug mus li.

As Les Lus Yas: NPN 95: 8

Txais: As les lus yas, as les lus yas.

Yog hnub no nej hnov nws lub suab,
nej tsis txhob ua nej lub siab tawv ncauj.

Txais: As les lus yas, as les lus yas.

Ntawv Moo Zoo: LK 11: 29-32

29 Thaum neeg tseem tuaj ntxiv tas zog rau hauv pab neeg coob coob nyob ua ke ntawd, Yes Xus hais cov lus no rau lawv tias: "Tiam neeg no yog ib tiam neeg phem. Lawv nrhiav ib lub cim, tab sis yuav tsis muaj ib lub cim rau lawv, lawv tsuas kawg yuav muaj Yos Nas lub cim xwb.
30 Xws li Yos Nas yog ib lub cim rau cov neeg nyob Nis Nis Vas, Neeg Leej Tub kuj yuav yog ib lub cim rau tiam neeg no thiab.
31 Hnub txiav txim, tus poj vaj nyob qab teb yuav nrog cov neeg hauv tiam no sawv rov los, nws yuav muab txim rau lawv, vim nws tuaj puag tim npoo ntiaj teb tuaj mloog Xas Los Moos cov lus thoob tsib, hos nyob ntawm no, twb muaj tus loj dua Xas Los Moos!
32 Hnub txiav txim, cov neeg nyob Nis Nis Vas yuav nrog tiam neeg no sawv rov los, lawv yuav muab txim rau tiam neeg no, vim tias thaum Yos Nas tuaj qhuab qhia lawv, mas lawv thov txhaum, hos nyob ntawm no twb muaj tus loj dua Yos Nas."