HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


PIAV LUB XYOO TEEV NTUJ. Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


    PIAV LUB XYOO TEEV NTUJ.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    PIAV LUB XYOO TEEV NTUJ. Empty PIAV LUB XYOO TEEV NTUJ.

    Post  Maiv Tooj 11th December 2012, 9:55 am



    PIAV LUB XYOO TEEV NTUJ.


    PIAV LUB XYOO TEEV NTUJ. Calend10

    Lub caij tos Huab Tais.
    Lub caij tos Huab Tais , yog lub caij qhib lub Xyoo Teev Ntuj. Nws zoo xws li Hmoob cov caij nyoog nyob hauv ib lub xyoo los mus txwm nkaus rau thaum xyoo tas. Yuav pib txais lub xyoo tshiab mus.

    Hmoob txais lub xyoo tshiab tas, ces pib ua lub caij ntuj qhib tshiab. Ntiaj teb neeg yuav pib npaj cog qoob cog loo. Muaj lub caij rov nroj, nthua nroj, dob nroj ces nrom noob qoob noob loo rau nruab teb.
    Nws muaj lub caij qoob nthaw kaus dauv tw qaib. Nqus yas ua plab nab. Txhawv ziab pag daj plhaub siav ci qab hnab, ua mom ntxhuav liab. Tsam pob rhaws.Ces sau qoob tas noj tsiab noj txhu nqaum paj nqaum nruas txi txij txis nkaum rov pib lub xyoo tshiab dua.

    Lub Koom Txoos Ka Tau Liv nws kuj muaj ib co caij nyoog xws li Haiv Hmoob cov caij nyog ntawd.
    Lub caij tos Huab Tais no. Yog thawj lub caij qhib lub xyoo teev Ntuj. Yam li peb qhib peb lub siab los txais Tswv Ntuj cov txiaj ntsim uas lub xyoo tshiab no yuav tuaj rau peb.
    Npaj siab tos Huab Tais yog tos tus Tswv Ntuj yuav tuaj nyob hauv peb nruab siab. Kom lub xyoo tshiab no tuaj peb txawj xyaum ua ib tug neeg siab dawb tsis muaj chaw xyeej tsim nyog rau Tswv Ntuj tuaj nrog peb nyob, kav lub xyoo tshiab mus.

    Lub caij Yes Xus yog los.
    Yog lub caij Tswv Ntuj yuav ib lub cev neeg tuaj nrob peb nyob. Kom tau cawm neeg ntawm kev ua txhaum,thiab paub neeg kev tu siab los kev zoo siab nrog rau neeg kev mob nkeeg kev txawj xeeb txhua yam.
    Yes Xus Pleev tus muaj lub cev no kuj yog Tswv Ntuj tus duab.Lo lus no Yes Xus hais meej rau nws cov thwj tim tias, nej pom kuv ces nej tau pom Leej txiv laum.
    Lub cev ntaj ntsug meej mom zoo ntawd kuj yog Tswv Ntuj lo lus, uas nrov tuaj txog neeg ntiaj teb lub pob ntseg. Kom lo lus no nyob txawm rau hauv neeg nruab siab.

    Tseem muaj ob peb lub hnub chiv uas lub Koom Txoos hu ua:
    Hwm yim neeg ntshiab.
    Hwm Mab Liab ua Tswv Ntuj niam.


    Hwm lub cim ntxuav.
    Cav txog Tswv Ntuj zam txhaum rau neeg ntiaj teb Ntuj foom hmoov zoo rau tib neeg kom tsim nyog ua Ntuj me nyuam, xws li Yes Xus Pleev uas yog Tswv Ntuj Leej tub.

    Mam rov muaj lub caij nyob nruab xyoo ntxiv,
    Yog tej lub hnub chiv. Los pub rau neeg ntiaj teb ntsuam xyuas kev ncaj ncees, xyaum coj tus yam ntxwv kom nrog tau Tswv Ntuj sib haum xeeb nyob mus li xws li ib tsev neeg, tej niam tub txiv tub nyob tsis muaj kev sib cav sib ceg. Tej txiv tub sib hwm, tej niam tub sib mloog. Tso siab lug rau Ntuj kev cawm seej. Zam dhau kev ua txhaum. Txais tau Ntuj lub cuab tam nplua nuj, muaj txoj sia nyob mus li.

    Lub caij plaub caug.
    Tsuav plaub caug hnub Tswv Ntuj Leej Tub Yes Xus Pleev muab nws txoj sia los ua tus nnqi txhiv neeg ntiaj teb ntawm txoj kev ua txhaum. Kom Tswv Ntuj uas yog Leej Txiv tsob zeem, lees paub tias Leej tub tau cawm tas lub qab ntuj neeg los ua Ntuj me nyuam.

    Lub caij hla.
    Lub caij hla, Yes Xus hla dhau lub ntiaj teb. Nws yeej txoj kev ua txhaum thiab yeej txoj kev tuag. Yeej tus yeeb ncuab coj neeg mus zwm rau kev ua txhaum kev tuag tas nrho. Thiab rov muaj txoj sia nyob mus li ib txwm yog Tswv Ntuj tug. Txij no mus cov neeg ntseeg tsio siab lug tias, Tus ntseeg txog Leej Pleev nws kuj yuav muaj txoj sia nyob mus li rog Leej pleev kev yeej.
    Lawv yus zoo puav tam li Ntuj cov tshiab nyob mus li muaj xeeb los tsis muaj tuag mus lawm. Tas sawv daws yuav sib sau nyob rau Ntuj ceeb tsheej chaw kaj siab lug.
    Ua qab lub caij hla no muaj ob peb lub hnub nyoog, muaj nuj nqes loj xws li:

    Hwm Leej Ntuj Plig nqes los.
    Yes Xus mus saum ntuj lawm, nws xa Leej Tswv Yim Ntshiab tuaj hloov nws nyob ntiaj teb no.
    Leej Tswv Yim Ntshiab, yog Tswv Ntuj lub Twv Yim. Yog Yses Xus tus Plig tuaj nrog ntiaj teb neeg nyob, coj qhia kev thoob tsib rau neeg kom sawv daws txawj sib nyiam sib hlub, sib zam haum xeeb nrog Tswv Ntuj.

    Thiaj muaj Leej Txiv.Leej Tub thiab Leej Tswv Yim ntshiab.
    *Leej txiv yog lub hwj chim meej mom, tsim ntuj tsim teb, tsim tas puas tsav yam.
    *Leej Tub yog Leej txiv los lus tuaj yuav lub cev neeg nrog neeg nyob, nrog neeg koom txais kev iab kev khwv, kev txom nyem. Nrog kev sab lim mob nkeeg. Kev tu siab los kev zoo siab.Thiab yog Tswv Ntuj tus duab.
    *Leej Ntuj Plig, yog Tswv Ntuj lub tswv yim, yog Yes Xus tus plig. Tuaj nyob hauv neeg nruab siab, coj qhia kom neeg paub kev ua neeg thoob tsib txawj hwm Ntuj thiab saib taus neeg uas sawv daws yog Ntuj me nyuam, muaj nqes sib npaug.
    Thiaj hais tias, ib tug Tws Ntuj yog peb leeg.
    Peb leeg yog tib tug Huab Tais. Koom ua ib txog hauj lwm.

    Lub hnub nyog hwm Lub CimYug.
    Txij thaum Yes Xus tsim tau lub CimYug los. Yes Xus tshaj tias nws lub cev thiab nws cov ntshav yog ib co txhiam xws zoo rau neeg noj. Leej twg noj thiab haus, mas tus ntawd yuav muaj txoj siab nyob mus li. Yes Xus nws yog Tswv Ntuj lo lus. Ntuj lo lus nyob hauv ntawv cog lus qub thiab ntawv cog lus tshiab kuj yog ib co txhiam xws zoo noj tas huv sis.
    Cov neeg ntseeg niaj lis piam hnub chiv mus ua thaj txi ntuj cav txiaj ntsim yog lawv mus noj Yes Xus lub cev thiab noj Yes Xus cov lus zoo ua txhiam xws yug neeg txoj sia rau neeg tus ntsuj plig. Kom muaj txoj sia nyob mus li.
    Lo lus no Yes Xus tau hais meej rau nws cov thwj tim tias:
    Tsis yog mov yug txoj sia kom nyob mus li.
    Tseem yuav yuav Ntuj los lus los yug txoj sia thiab.
    Cov neeg mloog tau Ntuj lo lus qhia thiab txawj teev ntuj nyob hauv txoj kev tseem ceeb, mas lawv zoo li cov neeg txawj ua qoob lawv muaj tej txhab qoob txaus noj txwm xyoo, thiab lawv nplua nuj kawg.

    Rov muaj ib lub caij nruab xyoo ntev loo. Cov hnub nyoog no pab rau neeg ntiaj teb, ntsuam xyuas neeg lub neej kom muaj lub caij nyias kho nyias tus kheej. Vim peb yog Ntuj me nyuam tem me nyuam puyas yoog tau tej niam tej txiv tus yam ntxwv puas zoo xws li lawv. Puas yoog tau yus caj yus ces. Rau sab kev thoob tsib, los kev sib kawm txuj ci, kawm tiav puas txawj siv li tej laus, uas ib txwm xyaum raws li tej poj koob yawm txawv coj noj coj ua los mus. Neeg thiaj paub tau txoj kev thoob tsib ncaj ncees nqes saum ntuj los lub paus mus txog lub ntsis.

    Peb Hmoob muaj ib lo lus hais tias:
    Thaum ntuj kawg xub zeb teb kawg xub ntoos, los ntuj tag teb kawg.
    Kom cov neeg ntseeg uas lawv tso siab lug rau Leej Tub tej lus ntawd. Tau tuaj sawv ntsug nyob ntawm Leej neeg tus tub xub ntiag.

    Lub xyoo teev ntuj xaus rau lub hnub nyoog Tsoom Zoo ua lub hnub nyoog hwm Yes Xus ua Vaj.
    Hnub ntawd tas ntiaj teb ib txhij hwm Yes Xus ua Vaj, ua Leej Choj. Nyob mus tas txhiab niag tim puas xyoo.
    Peb lub neej nyob ntiaj teb uas peb tau noj Ntuj tej lus thiab noj Leeg Pleev lub cim yug coj peb mus ua ib pab Yaj Saub, ib pab Leej Choj, ib pab me nyuam vaj. Txawj teev Peb Leej txiv nyob hauv txoj kev tseem ceeb. Kom peb tau ua neeg dawb huv xws li Tswv Ntuj tsoom tshiab nyob saum ntuj Lawv tau nyob kaj siab lug, tsuas muaj xeeb los tsis muaj tuag mus.
    Lub Koom Txoos Ka Tau Liv muaj ib co caij nyoog li no los kav lub xyoo. Tas ib xyoos lawm mam rov pib dua.
    Muaj xyoo A xyoo B thiab xyoo C.
    Ua li no mas ib xyoos tej zaum 30-40% thiaj txais tau thiab to taub. 70- 60 % tseem tsis tau paub zoo thiab to taub. Yuav rov ua dua mus li sib xws ib phaum tas lwm phaum tuaj los kuj paub tsis tawj tas li.

    Xib Hwb Yaj Zoov Ntxheb.

    PIAV LUB XYOO TEEV NTUJ. Articl11
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    PIAV LUB XYOO TEEV NTUJ. Empty Re: PIAV LUB XYOO TEEV NTUJ.

    Post  Maiv Tooj 15th June 2017, 10:06 am


    Cov Caij Teev Ntuj Nyob Hauv Catholic 1




    Cov Caij Teev Ntuj Nyob Hauv Catholic 2


      Current date/time is 18th March 2024, 8:46 pm