XYOO TEEV NTUJ HWM LN YOS XES

Tsaib no, thaum lub 12 hlis 2020, Vaj Qhia(VQ) Francis tau sau ib tsab ntawv hu ua “Patris Corde”, txhais tias: “Muaj Lub Siab Ua Ib Leeg Txiv”. Nyob  hauv tsab ntawv no, Vaj Qhia hais txog tias lub Koom Txoos tau tsa LN Yos Xes ua tus Tswv Saib Xyuas lub Koom Txoos tau 150 xyoo lawm; yog VQ Pis Yus IX (Pius IX) tau ua qhov kev tsa ntawd xyoo 1870 hnub tim 8 lub 12 hlis.
Hnub tim 8 lub 12 hlis, niaj xyoo lub Koom Txoos kuj ua hmoov nco txog Niam Mab Liab xeeb lost sis los neeg lub keeb txhaum thiab.
Yog li ntawd VQ Francis xav ua ib lub koob tsheej nco txog LN Yos Xes, nws thiaj tshaj ib xyoos tshwj xeeb los hwm LN Yos Xes, hu ua “LN Yos Xes Xyoo (Year of St Joseph)”,  pib txij tim 8 lub 12 hlis 2020 rov mus txog tim 8 lub 12 hlis 2021.

VQ tau hais txog tias Yos Xes yog ib tug mloog Tswv Ntuj lus.  Nws tau lees ua ib leeg txiv los saib xyuas Mab Liab thiab Yes Xus. Txawm muaj tej yam uas nws tsis to taub, xws li thaum Mab Liab lub cev cia li xeeb tub lawm, los nws mloog raws li Tswv Ntuj hais, nws tsis yuav li nws lub tswv yim xav. Nws saib xyuas nkawd, nws tu Yes Xus ua nws tus tub, thiab nws kuj nrog Yes Xus koom tes nyob hauv nws txoj hauj lwm cawm ntiaj teb neeg.

Nws yog ib tug neeg tso siab rau Tswv Ntuj tas mus li, thiab ua kom tau raws li Tswv Ntuj nyiam. Nws yog ib tug piv txwv zoo rau cov ua txiv nyob hauv lawv yim neeg. Thaum muaj kev kub ntxhov, kev ntxub ntaug tuaj, nws coj nws tsev neeg khiav kom zam dhau txoj kev hiam ntawd. Nyob hauv lub neej niaj hnub, nws yog ib lub taub hau txiv uas yuav tsum tuav dej num nrhiav noj nrhiav haus, txhawj txog nws cov neeg.  

Vim li no, LN Yos Xes yog ib tug tsim nyog ua tus pov hwm saib xyuas cov ua txiv, thiab cov neeg raug luag ntxub thiab tsim txom, thiab rau cov uas yuav tsum khiav tsiv teb tsaws chaw.

Tiam sis qhov tseem ceeb tshaj yog qhov tias LN Yos Xes yog tus saib xyuas Mab Liab thiab Yes Xus. Yog li no mas nws yuav tsum yog tus saib xyuas lub Koom Txoos thiab. Vim lub Koom Txoos yog leej Niam rau tas ib tsoom neeg ntseeg, thiab lub Koom Txoos kuj yog Yes Xus Pleev lub Cev thiab.

VQ tau xaus nws tsab ntawv nrog ib zaj thov LN Yos Xes zoo li no:

Hail, Guardian of the Redeemer,
Spouse of the Blessed Virgin Mary.
To you God entrusted his only Son;
in you Mary placed her trust;
with you Christ became man.

Blessed Joseph, to us too,
show yourself a father
and guide us in the path of life.
Obtain for us grace, mercy, and courage,
and defend us from every evil.  Amen.

Lus Hmoob (kuv lam sim muab txhais raws li nram no):

Koj nyob kaj lug, tus saib xyuas peb tus Cawm Seej,
Nkauj Ntshiab Mab Liab tus txij nkawm.
Tswv Ntuj tau muab nws Leej Tub tso rau koj tu;
Koj yog tus Mab Liab tso siab lug rau;
Koj yog tus ntis kom Leej Pleev yug los ua neeg.

LN Yos Xes, peb thov koj ua peb ib leeg txiv,
Thiab thov koj coj peb taug txoj kev ua lub neej.
Thov koj thov Tswv Ntuj kom nws pub txiaj ntsim,
pub nws txoj kev khuv leej, thiab kev ua siab loj siab tawv rau peb,
thiab thov koj txuag peb ntawm txhua yam phem.
Ua li.

LUB NTSIAB NTAWM “XYOO TEEV NTUJ HWM LN YOS XES”

Thaum Vaj Qhia tsa ib xyoos cia los teev ntuj tshwj xeeb li no, nws ho muaj lub ntsiab dab tsi?

Nqe 1. Yog xav kom peb tsoom ntseeg sd hwm LN Yos Xes thiab vam khom nws pab peb.

Yav dhau los zoo li LN Yos Xes tsis muaj npe nrov pes tsawg nyob hauv lub Koom Txoos. Lub caij tam sis no, twb muaj li 150 xyoo los no lawm, lub Koom Txoos xav lees paub LN Yos Xes qhov chaw thiab txoj hauj lwm tseem ceeb nyob hauv HT Yes Xus thiab Niam Mab Liab lub neej, thiab nyob hauv lub Koom Txoos lub neej.

Peb yuav xav txog qhov tias Mab Liab yog tus Tswv Ntuj xaiv los ua Yes Xus niam,  yug Yes Xus, muab roj muab ntshav, muab lub cev nqaij daim tawv rau nws; tiam sis Tswv Ntuj kuj xaiv Yos Xes los ua tus pab tu Yes Xus kom loj hlob thiab; tu Yes Xus thaum yug los mos liab da quav da zis mus txog thaum loj lawm. Nws ua leej txiv rau Yes Xus raws li noob neej ntiaj teb. Nws yog leej txiv hauv Yim Neeg Ntshiab, uas muaj leej txiv Yos Xes, leej niam Mab Liab, thiab tus me tub Yes Xus, thiaj tsheej ib yim neeg raws noob neej.

Ntawv Moo Zoo qhia yam puav rau peb paub txog tias Yos Xes yog ib tug neeg zoo li cas. Nws yog tus txiv neej uas tau mus qhaib Mab Liab lawm. Nws yog ib tug neeg ncaj siab dawb siab zoo, vim thaum nkawd tsis tau ua tshoob ua kos sib yuav, nws pom tau tias cas Mab Liab lub cev cia li xeeb tub lawm. Ces nws kuj xav raws li tib neeg xav, nws npaj yuav tso Mab Liab tseg. Tiam sis vim nws lub siab zoo nws tsis xav xyav Mab Liab lub moo, ces nws yuav tso tseg twj ywm xwb. Thaum nws tseem xav tau li no xwb, Tswv Ntuj tus tshiab twb tuaj qhia qhov tseeb rau nws lawm. Nws yog ib tug neeg uas ntseeg thiab mloog Tswv Ntuj zoo. Thaum nws hnov qhov tseeb lawm, nws tsis cav dab tsi li, nws cia li ua raws li Tswv Ntuj hais tam sis ntawd.  Nws mus coj Mab Liab los nyob hauv nws vaj nws tsev kom txhob muaj neeg tau kev xyav Mab Liab lub moo tias muaj me nyuam tsaub.
Thaum txog lub caij Mab Liab yuav daws cev, nws coj Mab Liab mus pem Npes Les Hes, vim nws yuav tsum mus sau npe raws li nom tswv kom ua. Nws thiaj ntsib kev nyuaj siab loj, vim nws nrhiav tsis tau ib qho chaw zoo rau Mab Liab yug nws tus me nyuam li. Nws coj Mab Liab mus so daws cev hauv ib qho chaw rau nyuj nyob xwb. Tiam sis twb muaj Mab Liab nyob ntawd txhawb nws, ces nws ua siab txais txoj kev txom nyem no los rau lub caij Yes Xus yug los.
Thaum Yes Xus muaj li ib xyoos mus ze rau ob xyoos tej, Tswv ntuj tus tshiab kuj rov tuaj hais qhia rau Yos Xes kom coj tus me nyuam nrog nws niam khiav mus rau lwm teb chaws, vim tus vaj Hes Los xav nrhiav nws tua. Yos Xes ua lub siab sib kha sawv tsees tam sis ntawd, hmo ntuj hmo teb nti, coj ob niam tub khiav tsiv teb tsaws chaw. Thaum txog caij txog nyoog nws mam rov coj nkawd los nyob qub teb qub chaw, qub zej qub zos dua.
Peb paub hais tias Yos Xes saib nws txoj hauj lwm nrhiav noj nrhiav haus rau nws tsev neeg tseem ceeb. Tiam sis nws tsis nrhiav ib txog hauj lwm kom nws muaj koob nto npe, nws ua ib tug kws ntoo xwb. Nws coj ib lub neej ua neeg txom nyem neeg me.
Nws yeej ntsib kev nyuaj siab ntxhov plawv nyob hauv txoj kev tu tub tu kiv ib yam li peb neeg ntiaj teb. Peb paub txog li ntawd, vim thaum Yes Xus muaj 12 xyoos, nws coj Yes Xus nrog nkawd ob tug laus mus teev ntuj pem lub tuam tseev teev ntuj pem Yes Lus Xas Les raws li cov neeg Yus das kev cai, thaum rov los, Yes Xus cia li ploj lawm, ces nkawd yuav tsum tau rov qab mus Yes Lus Xas Les; nkawd mus nrhiav tau peb hnub thiaj mam pom nws  nyob hauv lub tuam tsev teev ntuj nrog cov leej choj thiab cov kws ntawv ntshiab sib tham. Yes Xus kuj coj tau ib tug yam ntxwv zoo li peb tej me nyuam tsem tsawv, zoo li tsis quav ntsej niam thiab txiv pes tsawg. Peb hnov Mab Liab lo lus hais nws tus tub xwb: “Ua cas koj ua li ntawd rau wb, koj tsis paub tias wb nyuaj siab kawg nkaus rau koj li?” Kuv xav tias Yos Xes yeej nyob ntawd txhawb Mab Liab cov lus rau Yes Xus thiab nws yeej yuav pab Mab Liab qhia Yes Xus kom ua ib tug tub mloog lus. Vim ntawv Moo Zoo yeej hais tias txij thaum ntawd los Yes Xus los mloog nkawd lus lawm.

Peb tsis paub hais tias Yos Xes tuag thaum twg. Qhov peb paub raws li lub Koom Txoov ib txwm hais los mas Yos Xes tuag ua ntej thaum Yes Xus muaj 30 xyoo thiab nws sawv kev mus tshaj Tswv Ntuj lub Moo Zoo lawm.

Yog li nyob hauv lub xyoo no, peb yuav hwm LN Yos Xes li cas? Peb yuav saib nws lub neej thiab muab nws los ua ib tug piv txwv rau peb xyaum.  Xws li peb yuav xyaum ua neeg hwm luag, txuag luag lub koob lub npe; peb yuav ntseeg thiab tso siab rau Tswv Ntuj nyob hauv peb tej kev txhawj xeeb kev nyuaj; peb yuav ua neeg me tsis txhob ntshaw thiab nrhiav tshuav txoj kev muaj koob nto npe xwb; peb cov ua niam ua txiv yuav tsum txob txhawj txog peb tej me tub me nyuam, thiab qhuab qhia lawv mus rau txoj kev hwm Ntuj thiab mus rau qhov zoo.

Tas lub xyoo no peb yuav nquag teev ntuj thov LN Yos Xes kom nws pab peb, kom nws thov ntuj rau peb.

Mam txuas ntxiv Nqe 2...

Nqe 2. Yog ib xyoos uas peb yuav thov txiaj ntsim them txim txhaum rau peb (Indulgence).

Ib qho tseem ceeb yog peb yuav teev ntuj raws li lub Koom Txoos txoj cai tshwj xeeb rau tej lub xyoo zoo li no. Peb yuav thov txiaj ntsim rau peb tus kheej thiab rau peb cov neeg tau ncaim peb mus lawm. Peb kuj tseem yuav thov ntuj rau lub Koom Txoos thiab rau Txiv Vaj Qhia thiab.

A. Txoj kev thov ntuj no lus Aas Kiv hu tias “indulgence” no, txhais tias thov kev zam nuj nqis ntawm yus cov txhaum. Txoj kev “indulgence” los yog kev zam nuj nqis no yog los ntawm lub Cim Daws Txhaum los.

Yog li ntawd kuv yuav piav me ntsis txog lub Cim Daws Txhaum kom peb thiaj to taub zoo dua txog qhov “indulgence” ntawd.
Lub Koom Txoos qhia tias, thaum peb mus daws txhaum, mas Tswv Ntuj yeej zam peb qhov txhaum rau peb lawm tiag, tiam sis peb tseem tshuav ib qho hauj lwm uas peb yuav tsum ua los them qhov nuj nqis ntawm peb qhov txhaum ntawd thiab. Kuv muab ib qho piv txwv me me rau peb kom peb to taub yooj yim dua:
Xws li ib tug tub hluas, nws ua si pov pob mus raug tus tswv tsev nyob ntawm nws ib sab lub qhov rai tawg tas lawm. Ces nws yuav tsum mus thov txim ntawm tus tswv tsev ntawd; tus tswv tsev ntawd yeej zam txhaum rau nws, tiam sis nws tsis yog cia li dim dawb, nws tseem yuav tsum them tus nqi kho qhov rai rau tus tswv tsev thiab mas thiaj yog.

Qhov kev them nuj nqis ntawd, nyob hauv peb txoj kev ntseeg thiab txoj kev daws txhaum, mas peb cia li muab tis npe hais tias ua kev them txim txhaum no xwb.

Yog vim li ntawd, thaum yus mus daws txhaum, yus hais yus cov txhaum rau TP tas, mas TP yuav hais ib co lus los txhawb yus thiab ntuas yus tas, mas nws yuav hais tias kom yus yuav tsum hais ib zaj teev ntuj los ua kev them txim txhaum (penance), yog los them cov nuj nqis ntawm yus cov txhaum, ces nws mam hais kom yus hais zaj Tu Siab tas, ces nws mam hais HT Yes Xus cov lus zam txhaum rau yus, thiab foom lus zoo rau yus ces yus mam li tawm los.

Peb tsis txhob xav tias peb twb daws txhaum tas lawm ces Tswv Ntuj zam rau peb lawm ces yuav li ntawd xwb, ces cia li los tsev.
Nco ntsoov!!! Qhov no tseem ceeb heev!!! Peb yuav tsum tau ua raws li TP hais rau peb. Saib TP kom peb ua dab tsi: ntau zaus mas yeej yog kom hais ib los ob zaj teev ntuj, saib nws yuav kom hais ib zaug los ob zaug, los peb zaug, los pes tsawg zaus, nyob ntawm nws hais.

Xws li nws yuav hais tias:
“For your penance, say three ‘Hail Mary’, los one ‘Our Father’, los one decade of the Rosary, los one rosary.”
Txhais ua lus Hmoob: “Rau koj qhov kev them txim txhaum, mas koj yuav hais peb zag ‘Koj nyob kaj lug Mab Liab’, los ib zaj ‘Peb Txiv nyob saum ntuj’, los ib yag Saw Mab Liab, los ib txoj Saw Mab Liab,”
los lwm zaj teev ntuj, nyob ntawm TP hais xwb.
Yog peb hnov tsis zoo, mas peb yuav tsis txhob ntshai nug TP kom peb to taub meej meej tias nws yuav kom peb hais zaj teev ntuj twg thiab hais pes tsawg zaus. Muaj qee zaus, tej tug TP tsis kom peb hais ib zag teev ntuj, tiam sis nws kom peb ua ib yam hauj lwm los them txim txhaum.

Nco ntsoov hais tias thaum peb mus daws txhaum, mas txawm Tswv ntuj twb zam peb qhov txhaum rau peb lawm los peb tseem tshuav ib qho nuj nqis uas peb yuav tsum them rau peb qhov txhaum thiab no nawb. Ces zaj teev ntuj los yam hauj lwm uas TP kom peb hais los peb ua mas yog ua los them qhov nuj nqis ntawd ntag; peb hu qhov ntawd tias ua kev them txim txhaum. Li ntawd mas peb yim ua sai yim zoo xwb.

Thaum peb tawm plaws hauv chav daws txhaum los mas peb yuav tsum siv sij hawm los hais cov zaj teev ntuj raws li TP kom hais los them txim txhaum, ces thiaj tas peb hauj lwm. Yog tias yog ib yam hauj lwm uas TP kom peb ua, mas peb yuav tsum nrhiav kev ua yam hauj lwm ntawd kom sai li sai tau, peb thiaj dim peb qhov nuj nqis.

Lub Koom Txoos qhia hais tias, yog peb mus daws txhaum tas lawm tiam sis peb cia li tsis ua qhov kev them txim txhaum ntawd li, ces thaum peb tas sim neej, peb yuav tau mus nyob teb chaws them txim them peb qhov nuj nqis kom tas tso peb mam tau mus saum ntuj.

Yog vim li ntawd lub Koom Txoos thiaj muaj txoj kev teev ntuj thov “indulgence” los yog thov txiaj ntsim los them txim txhaum rau peb cov ntseeg uas xav siv txoj kev teev ntuj no. Niaj zaus thaum ib tug Vaj Qhia tshaj ib xyoo teev ntuj tshwj xeeb zoo li xyoo no, mas yeej muaj txoj kev teev ntuj thov “indulgence” nrog tas mus li.
Xws li xyoo 2008 tim 28 lub 6 hli mus txog xyoo 2009 tim 29 lub 6 hli, VQ Benedict XVI tau tshaj ib xyoo teev ntuj hwm LN Paj Lug hu ua “a Special Jubilee Year to the Apostle Paul”, thiab xyoo 2015 tim 8 lub 12 hlis mus txog xyoo 2016 tim 20 lub 11 hlis, VQ Francis tshaj ib xyoo teev ntuj thov Tswv Ntuj txoj kev Khuv Leej hu ua “the Extraorninary Jubilee Year of Mercy” no.

Thov txim tias thaum ob lub xyoo ntawd kuv tsis tau tuaj tham txog li. Xyoo no kuv mam tuaj tham xwb, los twb lig me ntsis lawm, vim twb pib thaum hnub tim 8 lub 12 hlis 2020 los lawm. Li cas los peb kuj tseem tshuav sij hawm ntev teev ntuj thov LN Yos Xes thiab. Cov xyoo ntawd yeej muaj txoj kev thov txiaj ntsim los them txim txhaum huv tib si nyob hauv.

B. Cov txiaj ntsim ntawd yog muab qhov twg los?

Yog muab ntawm tas ib tsoom neeg ntshiab txoj kev sib koom txiaj ntsim los, lus Aas Kiv hu ua “the Communion of Saints” no. Txoj kev sib koom txiaj ntsim ntawd kuj tseem muaj dua ib lub npe ntxiv hu ua “the treasury of the Church” no thiab.

Lo lus treasury ntawd muab txhais ua lus Hmoob mas yog lub txhab nyiaj txhab kub. Ib yam li ib lub teb chaws twg yeej muaj ib lub “treasury” los yog ib lub txhab nyiaj txhab kub. Tiam sis lub Koom Txoos lub txhab nyiaj txhab kub ntawd mas nws tsis yog ntim nyiaj ntim kub li ntiaj teb tej txhab nyiaj txhab kub. Koom Txoos lub txhab nyiaj txhab kub mas yog ntim txiaj ntsim koob hmoov. Yog li ntawd peb yuav hu tau tias Koom Txoos lub txhab txiaj ntsim koob hmoov.

Ntiaj teb neeg tej txhab nyiaj txhab kub mas neeg suav tau tias muaj pes tsawg million(plhom) nyiaj los pes tsawg plhom kub nyob hauv.

Tiam sis Koom Txoos lub txhab txiaj ntsim mas suav tsis txheeb, vim nws cov txiaj ntsim muaj nqi loj dhau suav tsis tau li (infinite value/une valeur infinie), thiab siv tsis txawj tas li. Yog vim hais tias cov txiaj ntsim koob hmoov nyob hauv lub txhab ntawd yog HT Yes Xus cov txiaj ntsim koob hmoov uas nws tsim los ntawm nws txoj kev yug los ua neeg, kev raug txom nyem tsim txom, kev raug ntsia dai saum ntoo cuam, thiab kev tuag mus zwm ntxa kom tau cawm ntiaj teb neeg.

HT Yes Xus cov txiaj ntsim koob hmoov xwb yeej txaus them tas ntiaj teb neeg tej kev txaug kev txhaum tib si lawm, tiam sis nyob hauv lub txhab ntawd Tswv Ntuj kuj tseem txais tas ib tsoom neeg ntshiab tej txiaj ntsim koob hmoov los tso rau hauv nrog HT Yes Xus cov txiaj ntsim koob hmoov thiab. Xws li muaj Niam Mab Liab cov kev thov ntuj, thiab nws tej hauj lwm zoo uas nws ua los pab rau ib tsoom neeg, thiab kuj tseem muaj tas ib tsoom leej ntshiab thiab ib tsoom neeg siab dawb siab huv, uas ua lawv lub neej raws li Yes Xus qhia, lawv tej kev thov ntuj thiab tej hauj lwm zoo huv tib si nyob rau hauv lub txhab ntawd.

Yog vim li ntawd thiaj hu tau tias lub Koom Txoos lub txhab txiaj ntsim koob hmoov, uas kuj yog tas ib tsoom neeg ntshiab txoj kev sib koom txiaj ntsim thiab.
Tus tswv lub txhab txiaj ntsim ntawd mas yog Tswv Ntuj. Tiam sis nws muab cai rau lub Koom Txoos, uas yog Yes Xus lub cev, ua tus faib cov txiaj ntsim ntawd rau cov neeg uas thov txog. Yog vim li ntawd lub Koom Txoos thiaj tsa muaj txoj cai teev ntuj thov “indulgence” los yog thov txiaj ntsim los them txim txhaum.
Raws li kuv to taub mas peb yog ib tug neeg ntseeg Kas Tos Liv, peb tsuas muaj cai teev ntuj thov txiaj ntsim them txim txhaum rau peb tus kheej thiab rau peb cov neeg tau tas sim neej lawm xwb, peb thov tsis tau rau lwm tus neeg uas tseem muaj txoj sia nyob; txawm yuav yog peb tus me nyuam los peb thov tsis tau yog nws tseem muaj txoj sia nyob, yog nws tas sim neej lawm mas peb thiaj thov tau.

Mam tuaj tso nqe C. ntxiv...

C. Txoj kev cai teev ntuj thov txiaj ntsim los them txim txhaum ntawd yog li cas tiag?

Nyob hauv Koom Txoos Kas Tos Liv, nyob Los Mas hauv Vaj Qhia tsev, muaj ib pab neeg tuav ib lub rooj txiav cai txog txoj kev daws txhaum thiab zam txim txhaum, muaj lub npe hu ua “Apostolic Penitentiary/Pénitencier Apostolique” no.

Niaj zaus thaum ib tug Vaj Qhia tshaj ib xyoos teev ntuj tshwj xeeb zoo li xyoo no, mas lub rooj txiav cai ntawd yuav tshaj ib rab cai tawm rau tsoom ntseeg Kas Tos Liv nyob thoob ntiaj teb, qhia txog tias kom yog leej twg xav teev ntuj thov txiaj ntsim zam txim txhaum, mas nws yuav thov li cas rau li cas.

Nyob hauv Koom Txoos, muaj ib txog kev cai teev ntuj thov txiaj ntsim zam tas nrho yus lub txim los yog cov nuj nqis ntawm yus cov txhaum uas yus twb daws tas lawm, rau yus, hu ua “Plenary Indulgence/indulgence plénière” no. Yog thaum yus yeej teev ntuj thiab tiam sis yus ua tsis txhij tsis txhua kom raws nraim li txoj cai teev ntuj ntawd, mas yus tsuas tau txais kev zam ib feem ntawm yus lub txim los yog ib feem ntawm cov nuj nqis ntawm yus cov txhaum uas yus daws tas lawm xwb; qhov ntawd hu ua “Partial Indulgence/indulgence partielle” no.

Yog li nram no, kuv yuav los piav txog txoj cai teev ntuj thov txiaj ntsim them txim txhaum uas Koom Txoos lub rooj txiav cai “Apostolic Penitentiary” tau teev los rau peb tsoom ntseeg xyoo no.

Txoj cai uas peb yuav tsum taug niaj zaus thaum peb xav teev ntuj thov txiaj ntsim zam peb lub txim txhaum kom tas nrho, mas muaj 3 yam uas peb yuav tsum ua nrog ib zaj teev ntuj:
Xws li peb yuav tsum a)mus daws txhaum, b)mus koom thaj Txi Ntuj txais lub Cim Yug, thiab c)thov ntuj rau yam uas Vaj Qhia teev kom thov rau lub hlis ntawd (pray for the Pope’s intentions), thiab peb yuav tsum ua tas puas yam no nrog ib lub siab dawb huv uas tsis feeb mus rau ib yam txhaum dab tsi li.

Peb yuav ua 3 yam li hais saum no, mus daws txhaum, mus txais lub Cim Yug, thov ntuj pab raws li Vaj Qhia xav kom thov, thia ua ib txog kev teev ntuj raws li hauv qab no; muaj 15 txog kev teev ntuj rau peb siv, saib peb nyiam xaiv txoj twg xwb:
1) Mus koom kev sau siab ib hnub, uas muaj txoj kev teev ntuj xav tswv yim txog LN Yos Xes lub neej.
2) Thov LN Yos Xes kom nws thov ntuj pab cov neeg poob hauj lwm los tsis muaj hauj lwm ua, kom lawv nrhiav tau ib yam hauj lwm ua yug lawv tsev neeg.
3) Hais zaj teev ntuj hu ua “Litany of St Joseph/litanie de st Joseph” los thov ntuj pab cov neeg ntseeg uas raug kev tsim txom kev hiam.
4) Niaj hnub muab yus txoj hauj lwm thiab txhua yam yus ua los tso rau LN Yos Xes ua tus pov hwm.
5) Ua tej yam hauj lwm los pab lwm tus neeg sab nqaij tawv, raws li HT Yes Xus qhia nyob hauv Ntawv Moo Zoo: Pub zaub pub mov, pub dej haus, los puas pub nyiaj txiag rau cov neeg txom nyem tshaib plab kom tau pab daws laws txoj kev tshaib nqhis; muab ris tsho rau tus neeg liab qab tau hnav; nrhiav chaw rau tus neeg tsis muaj tsev nyob tau mus nyob; mus saib cov neeg raug kaw hauj nkuaj; mus xyuas cov neeg mob; muab cov neeg tuag tsis muaj leej twg faus coj mus faus.
6) Ua tej yam hauj lwm los pab lwm tus neeg sab ntsuj plig: xws li muab kev nplig siab rau cov neeg tu siab; pab tswv yim rau cov neeg tsis pom qab yuav txiav txim siab mus rau zaj twg; qhia kom tus neeg tsis paub dab tsi paub los to taub txog ntau yam; qhuab ntuas tus neeg ua txhaum; ua siab ntev nyiaj kev raug luag liam tej yam tsis zoo rau yus; muaj lub siab zam rau lwm tus uas ua tsis zoo rau yus; thiab thov ntuj pab rau cov neeg tseem nyob  thiab cov neeg tuag lawm.
7) Coj yus tsev neeg ua ke teev txoj Saw Mab Liab, kom yus yim neeg muaj kev sib haum thiab sib nyiam sib hlub li Yim Neeg Ntshiab, uas yog Yes Xus, Mab Liab thiab Yos Xes.
8 ) Yog ob tug neeg tab tom sib qhaib lawm, npaj yuav sib yuav, nkawd los koom hais txoj Saw Mab Liab ua ke, nkawd kuj yuav tau txais txiaj ntsim them nkawd lub txim txhaum thiab.
9) Siv sij hawm li 30 fiab los hais zaj “Peb Txiv nyob saum ntuj” thiab los xav tswv yim txog cov lus nyob hauv zaj teev ntuj ntawd, vim LN Yos Xes yog ib leeg txiv, nws yog HT Yes Xus txiv tu nws hlob; HT Yes Xus yeej hwm thiab hlub Yos Xes ua nws txiv tiag. Yog li peb yuav xav tswv yim txog qhov tias ua li peb puas hlub thiab hwm peb Leej Txiv nyob saum ntuj, peb puas nquag teev nws, peb puas muaj lub siab xav ua kom haum raws li nws nyiam.
10) Hais ib zaj teev ntuj thov LN Yos Xes, uas tsis yog yus siv yus lus hais, tiam sis yog ib zaj yeej muaj nyob hauv lub Koom Txoos los lawm; yuav hais zaj teev ntuj ntawd rau Hnub Chiv uas lawv qab kiag hnub Hmoov Yes Xus yug los. Cov ntseeg Kas Tos Liv Byzantine hu hnub ntawd ua “Hnub Chiv rau LN Yos Xes.”
11) Yuav mus teev ntuj hnub tim 19 lub 3 hlis, uas yog hnub ua hmoov hwm LN Yos Xes.
12) Hais ib zaj teev ntuj uas lub Koom Txoos twb pom zoo lawm, los thov LN Yos Xes, niaj lub hlis tim 19 hauv lub hlis.
13) Hais ib zaj teev ntuj uas lub Koom Txoos twb pom zoo lawm, los thov LN Yos Xes, ib Hnub Plaub (a Wednesday)uas yus xaiv, vim Hnub Plaub yog hnub uas peb muaj kev cai hwm LN Yos Xes.
14) Teev ntuj thov LN Yos Xes thaum txog hnub ua hmoov hwm Yim Neeg Ntshiab, uas yog tim 27 lub 12 hlis.
15) Hais ib zaj teev ntuj thov LN Yos Xes tus Neeg ua Hauj lwm (ST Joseph the Worker) hnub tim 1 lub 5 hlis.

Yog nyob hauv ib hnub twg hauv tas lub xyoo no, peb ua ib yam nyob hauv 15 yam saum no, nrog 3 yam uas xub piav ua ntej lawm, mas hnub ntawd peb yuav tau txais txiaj ntsim them tas nrho peb lub txim txhaum. Ib hnub twg peb yuav thov ntuj ntau npaum li cas los yeej tau, tiam sis peb tsuas muaj cai txais ib zaug txiaj ntsim them txim txhaum xwb. Yog li peb muaj cai niaj hnub teev ntuj thov txiaj ntsim them txim txhaum, kom ib hnub tau txais ib zaug.

LN Yos Xes kuj yog tus uas lub Koom Txoos tsa nws ua tus pab cov neeg muaj mob hnyav uas tab tom yuav tas sim neej thiab. Peb cov neeg ntseeg muaj cai hu txog nws pab thaum peb muaj ib tug neeg uas tab tom ua nruj nriaj yuav tas txoj sia.

Muab cov ntsiab lus hauv no los:

https://www.vaticannews.va/en/pope/news/2020-12/pope-francis-proclaims-year-of-st-joseph.html

http://www.vatican.va/archive/ENG0015/_P4G.HTM

https://www.catholicnewsagency.com/news/fifteen-ways-to-gain-an-indulgence-in-the-year-of-st-joseph-81304


Tseem yuav tuaj hais txog lub Koom Txoos cov zaj teev ntuj thov LN Yos Xes ntxiv rau nram no...

Mim,

Ua tsaug koj tseem muab lub sij hawm los txhais cov lus tseem ceeb nov rau peb tsoom hmoob kom paub txog qhov tseem ceeb ntawm lub xyoo no thiab.

Thov Leej Ntshiab Yos Xes pov hwm koj thiab tsev neeg mog.

Ua tsaug os tais Tooj.

Yeej yog tej yam nyuaj txhais hauj sim, tiam sis kuv lam txhais raws li kuv to taub xwb os.

Lub Koom Txoos cov zaj teev ntuj rau Xyoo Hwm LN Yos Xes

The official prayer of the Year of St. Joseph—To you, O blessed Joseph (Ad te, beate Ioseph)—was composed by Pope Leo XIII in his 1889 encyclical, Quamquam Pluries. The Holy Father asked that it be added to the end of the Rosary especially during October, the month of the Holy Rosary. This prayer is enriched with a partial indulgence (Source: USCCB)

Lus Hmoob:
Zaj thov LN Yos Xes uas lub Koom Txoos tis npe hu ua zaj thov LN Yos Xes tshwj xeeb rau xyoo hwm LN Yos Xes no (official prayer fro the Year of St Joseph), yog zaj nram no.
Yos Vaj Qhia Leo XIII sau xyoo 1889 nyob hauv nws tsab ntawv hu ua Quamquam Pluries no.
Vaj Qhia Francis xav kom hais zaj no thaum peb xaus hais txoj Saw Mab Liab, tseem ceeb thaum lub 10 hli uas hu ua lub hlis teev Saw Mab Liab no. Yog peb hais zaj teev ntuj no mas peb yuav tau txais txiaj ntsim zam ib feem ntawm peb lub txim txhaum (qhov no yog hais tawm nyob hauv USCCB).

THE YEAR OF ST. JOSEPH PRAYER /
ZAJ TEEV NTUJ RAU XYOO HWM LN YOS XES .

To you, O blessed Joseph (Ad te, beate Ioseph)
To you, O blessed Joseph, do we come in our afflictions, and having implored the help of your most holy Spouse, we confidently invoke your patronage also.
Through that charity which bound you to the Immaculate Virgin Mother of God and through the paternal love with which you embraced the Child Jesus, we humbly beg you graciously to regard the inheritance which Jesus Christ has purchased by his Blood, and with your power and strength to aid us in our necessities.
O most watchful guardian of the Holy Family, defend the chosen children of Jesus Christ; O most loving father, ward off from us every contagion of error and corrupting influence; O our most mighty protector, be kind to us and from heaven assist us in our struggle with the power of darkness.
As once you rescued the Child Jesus from deadly peril, so now protect God’s Holy Church from the snares of the enemy and from all adversity; shield, too, each one of us by your constant protection, so that, supported by your example and your aid, we may be able to live piously, to die in holiness, and to obtain eternal happiness in heaven. Amen.

https://yearofstjoseph.org/devotions/prayers/


Lus Fab Kis:

Prière du Pape Léon XIII à Saint-Joseph

Voici la Prière en français « Ô Bienheureux Joseph, Gardien très vigilant de la Sainte Famille » composée par le Pape Léon XIII (1810-1903) et jointe à sa lettre Encyclique « Quamquam pluries » du 15 août 1889 sur le patronage de Saint Joseph et de la Sainte Vierge.

La Prière de Léon XIII « Ô Bienheureux Joseph, Gardien très vigilant de la Sainte Famille » :

« Ô Bienheureux Joseph, nous recourons à vous, dans notre tribulation, et, après avoir imploré le secours de votre Très Sainte Épouse, nous sollicitions aussi, en toute confiance, votre patronage.

Au nom de l'affection qui vous a uni à la Vierge Immaculée, Mère de Dieu, au nom de l'amour paternel dont vous avez entouré l'Enfant Jésus, nous vous supplions de jeter un regard propice, sur l'héritage acquis par Jésus-Christ, au prix de Son Sang, et de nous assister de votre puissance et de votre secours dans nos besoins.

Ô Gardien très vigilant de la Sainte Famille, protégez la famille privilégiée de Jésus Christ. Père très aimant, préservez-nous de toute contagion, de la corruption et de l'erreur ; protecteur très puissant, soyez nous secourable et assistez-nous, du haut du Ciel, dans le combat que nous avons à soutenir contre la puissance des ténèbres.

Et de même qu'autrefois vous avez arraché l'Enfant Jésus au péril de la mort, défendez aujourd'hui la Sainte Église de Dieu contre les embûches de l'ennemi et contre toute adversité, et couvrez-nous de votre constante protection, afin que nous puissions, à votre exemple et par votre assistance, vivre saintement, mourir pieusement, et obtenir l'éternelle félicité dans le Ciel. Amen. »

http://site-catholique.fr/index.php?post/PRIERE-a-SAINT-JOSEPH-de-LEON-XIII

Txhais ua lus Hmoob:

Vaj Qhia Leo XIII zaj Teev Ntuj Thov LN Yos Xes

Aub! LN Yos Xes tus tau txoj hmoov zoo, peb tuaj vam txog koj, nyob hauv peb txoj kev txom nyem nyuaj siab; peb twb tau vam txog koj tus txij nkawm uas dawb huv tas nrho lawm, peb tseem muaj kev tso siab lug tuaj vam txog koj txoj kev pab thiab.

Peb vam txog koj txoj kev nyiam kev hlub uas ua kom koj muaj kev koom siab nrog tus Nkauj Tsim Txiaj tsis lo txhaum, uas yog Tswv Ntujj leej Niam, thiab peb vam txog koj txoj kev hlub tus me nyuam Yes Xus xws li ib leeg txiv, peb tsa peb lub siab ua neeg me los thov koj dauv koj lub ntsej muag hlub neeg los saib Yes Xus Pleev lub cuab tam uas nws tau muab nws cov roj ntsha los txhiv; peb thov koj muab koj lub hwj huam thiab koj lub zog los txhawb peb hauv peb txoj kev ntshaw kom muaj tus pab.

Aub! Leej Txiv tus muaj lub siab xyiv fab hlo saib Yim Neeg Ntshiab, peb thov koj txuag Yes Xus Pleev cov me nyuam uas nws tau xaiv los ua nws tug.
Aub! Leej Txiv tus txawj hlub neeg tas nrho, thov koj rhuav tshem tej kev yuam kev thiab tej kev phem uas yuav los kis rau peb, kom txav mus deb ntawm peb.
Aub! Tus tswv pov hwm peb uas muaj hwj huam tas nrho, thov koj ua siab zoo rau peb thiab koj nyob saum ntuj nres peb hauv peb txoj kev tawm tsam lub hwj huam ntawm txoj kev tsaus ntuj.

Xws li txheej thaud, koj tau chua tus me nyuam Yes Xus kom dim ntawm txoj kev tuag los, nyem no, thov koj txuag Tswv Ntuj lub Koom Txoos Ntshiab ntawm yeeb ncuab cov rooj ntxiab thiab ntawm txhua yam kev phem.
Thiab thov koj muab koj lub peev xwm los txuag peb txhua leej txhua tus tas mus li, kom vim peb muaj koj tus piv txwv thiab koj txoj kev pab cuam los txhawb peb, mas peb yuav ua tau lub neej hwm Ntuj zoo, thaum kawg peb thiaj yuav tas txoj sia nyob hauv txoj kev ua neeg ntshiab, ces peb yuav tau txais kev zoo siab mus li nyob saum ntuj. Ua li.

Mam li tuaj tso lwm cov zaj teev ntuj thiab...

Muaj ntau ntau zaj teev ntuj vam txog LN Yos Xes

Kuv yuav muab tej zaj tso rau nram no kom nej leej twg xav siv teev ntuj los tau. Kuv yuav xub tso ua lus Aas Kiv thiab lus Fab Kis ua ntej tso, kom nej tau kev xaiv.
Yog kuv muaj sij hawm kuv mam li tuaj txhais zaj puav ua lus Hmoob; tiam sis xyov puas yuav ua tau, vim tias tsis yooj yim kiag li.  

The Litany of Saint Joseph
Zaj Tuav Txog LN Yos Xes Ntau lub Npee      

Lord, have mercy on us.       R. Lord, have mercy on us.
Christ, have mercy on us.        R. Christ, have mercy on us.
Lord, have mercy on us.         R. Lord, have mercy on us.
Christ, hear us.        R. Christ, graciously hear us.          
God the Father of Heaven,         R.  Have mercy on us.
God the Son, Redeemer of the world,      R. Have mercy on us.
God the Holy Spirit,          R. Have mercy on us.
Holy Trinity, One God,         R. Have mercy on us.
Holy Mary,           R. pray for us .
Saint Joseph,          R. pray for us.
Noble offspring of David,        R. pray for us
Light of Patriarchs,         R. pray for us
Spouse of the Mother of God,         R. pray for us
Chaste guardian of the Virgin,         R. pray for us
Foster-father of the Son of God,        R. pray for us
Zealous defender of Christ,         R. pray for us
Head of the Holy Family,         R. pray for us
Joseph most just,         R. pray for us
Joseph most chaste,         R. pray for us
Joseph most prudent,          R. pray for us
Joseph most courageous,         R. pray for us
Joseph most obedient,         R. pray for us
Joseph most faithful,         R. pray for us
Mirror of patience,         R. pray for us
Lover of poverty,         R. pray for us
Model of workmen,         R.pray for us
Glory of domestic life,          R. pray for us
Guardian of virgins,         R. pray for us
Pillar of families,         R. pray for us
Comfort of the afflicted,         R. pray for us
Hope of the sick,          R. pray for us
Patron of the dying,         R. pray for us
Terror of demons,         R. pray for us
Protector of Holy Church,         R. pray for us

Lamb of God, Who takest away the sins of the world,
R.  Spare us, O Lord.
Lamb of God, Who takest away the sins of the world,
R.  graciously hear us, O Lord.
Lamb of God, Who takest away the sins of the world,
R.  Have mercy on us.
He has made him the lord of His household,        
R.  and prince over all His possessions.

Let Us Pray.
O God, Who, in your loving providence, chose Blessed Joseph to be the spouse of your most Holy Mother, grant us the favor of having him as our intercessor in heaven, whom on earth we venerate as our protector, you who live and reign forever and ever. R. Amen.
http://www.stjosephdayton.org/wp-content/uploads/2012/07/Litany-of-St.-Joseph.pdf


Litanie de Saint Joseph (version 1)

Seigneur, ayez pitié de nous. (bis)
Jésus-Christ, ayez pitié de nous. (bis)
Seigneur, ayez pitié de nous. (bis)

Jésus-Christ, écoutez-nous. Jésus-Christ, exaucez-nous.

Père céleste, qui êtes Dieu,       R. ayez pitié de nous.
Fils, Rédempteur du monde, qui êtes Dieu,      R.ayez pitié de nous.
Esprit Saint, qui êtes Dieu,       R. ayez pitié de nous.
Trinité Sainte, qui êtes un seul Dieu,       R. ayez pitié de nous.

Sainte Marie,        R. priez pour nous.
Saint Joseph,        R. priez pour nous.
Illustre descendant de David,        R. priez pour nous.
Lumière des Patriarches,        R. priez pour nous.
Époux de la Mère de Dieu,        R. priez pour nous.
Chaste gardien de la Vierge,        R. priez pour nous.
Nourricier du fils de Dieu,        R. priez pour nous.
Zélé défenseur de Jésus,        R. priez pour nous.
Chef de la Sainte Famille,        R. priez pour nous.
Joseph très juste,        R. priez pour nous.
Joseph très chaste,        R. priez pour nous.
Joseph très prudent,         R. priez pour nous.
Joseph très courageux,        R. priez pour nous.
Joseph très obéissant,        R. priez pour nous.
Joseph très fidèle,        R. priez pour nous.
Miroir de patience,        R. priez pour nous.
Ami de la pauvreté,        R. priez pour nous.
Modèle des travailleurs,        R. priez pour nous.
Gloire de la vie de famille,        R. priez pour nous.
Gardien des vierges,         R. priez pour nous.
Soutien des familles,         R. priez pour nous.
Consolation des malheureux,        R. priez pour nous.
Espérance des malades,        R. priez pour nous.
Patron des mourants,        R. priez pour nous.
Terreur des démons,         R. priez pour nous.
Protecteur de la Sainte Eglise,        R. priez pour nous.

Agneau de Dieu, qui effacez les péchés du monde,
R.  pardonnez-nous, Seigneur.
Agneau de Dieu, qui effacez les péchés du monde,
R.  exaucez-nous, Seigneur.
Agneau de Dieu, qui effacez les péchés du monde,
R.  ayez pitié de nous, Seigneur.

V. Dieu l'a établi le chef de sa maison.
R. Et l'intendant de tous ses biens.

Prions :
O Dieu, qui, par une providence ineffable, avait daigné choisir le bienheureux Joseph, pour être l'époux de votre Sainte Mère, faites, nous vous en prions, que, l'honorant ici-bas comme protecteur, nous méritions de l'avoir pour intercesseur dans le ciel : Vous qui vivez et régnez dans les siècles des siècles. Ainsi soit-il.

https://site-catholique.fr/index.php?post/Litanies-Saint-Joseph