Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Lub Xyoo Teev Ntuj

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Lub Xyoo Teev Ntuj

    Post  Mim on 21st November 2009, 4:47 am



    Peb Lub Xyoo Teev Ntuj
    (Annee Liturgique/Liturgical year)









    Nyob hauv Koom Txoos Kas Tos Liv, peb muab HT Yes Xus lub neej los ua peb txoj kev pe hawm TswvNtuj ib xyoos puag ncig lees. Tag kis tim 22 lub 11 hlis 2009 yog hnub Chiv kawg hauv peb lub xyoo teev ntuj. Hnub kawg ntawd peb ua kev hawm HT Yes Xus yog peb tus Vaj (Christ Roi/Christ the King). HT Yes Xus hais rau Pis Las Tos hais tias, "Kuv txoj kev ua vaj tsis yog nyob ntiaj teb no." Tiam sis peb paub hais tias nws ua vaj kav saum ntuj thiab kav ntiaj teb tas huv tib si. Nws txoj kev ua vaj yuav tsis raws li neeg ntiaj teb txoj kev ua vaj uas ntau zaus yuam qhi thiab tsuj ntiag tej neeg me. Nws txoj kev ua vaj yog kav neeg nruab siab raws txoj kev ncaj ncees. Yog peb tsis kam nws kav peb, nws yuav tsis yuam qhi los kav peb, yog peb txaus siab thiab caw nws, nws yuav zoo siab hlo kav peb thiab kho kom peb pauv tau ua neeg dawb huv yoog tau raws li nws zuj zus....

    Niaj xyoo hnub Chiv kawg yuav pauv hnub nyoog me ntsis, yuav tsis yog tim 22 lub 11 hlis tas mus li. Tiam sis nyob hauv lub xyoo teev ntuj, yuav muaj tej lub hnub nyoog uas pauv tsis tau, xws li hnub Yes Xus yug los (Noel/Christmas) yuav niaj xyoo raug rau tim 25 lub 12 hlis ntuj. Niaj xyoo lub caij Yes Xus tuag thiab sawv rov los kuj yuav pauv hnub nyoog me ntsis thiab. Kuv yuav tsis txawj piav meej meej hais tias yog vim li cas, tiam sis qhov kuv paub mas yog vim lub Koom Txoos saib lub hnub thiab lub hli los teem lub caij Yes Xus tuag thiab sawv rov los, kom haum rau lub caij cov Yus Das (Jews) lub hnub nyoog Hla (Passover).



    Yog li ntawd, tag kis yog Hnub Chiv kawg thiab lub lis piam tuaj no yog lub lis piam kawg, ces pib Hnub Chiv tim 29 lub 11 hlis 2009 yog thawj hnub hauv peb lub xyoo teev ntuj tshiab. Hnub ntawd kuj yog thawj Hnub Chiv hauv lub Caij Tos Huab Tais (Advent/Avent), uas muaj plaub Hnub Chiv ua ntej HT Yes Xus yug los. Lub caij no peb npaj peb lub siab, hloov peb lub tswv yim lub neej kom peb tsim nyog txais nws yug los. Tiam sis nws twb yug los tau 2 txhiab tawm xyoo no lawm, qhov uas niaj hnub no peb xav tau yog xav kom nws yug los hauv peb nruab siab nruab ntsws, los coj peb ua peb lub neej niaj hnub kom haum li nws nyiam.

    Peb lub Xyoo Teev Ntuj muaj caij nyoog thiab pauv cov xim (colors/couleurs) ris tsho raws cov caij nyoog raws li nram no:



    • Caij Tos Huab Tais: 4 Hnub Chiv los 4 lis piam, tsho xiav tsam xem (blue purple);
    • Caij Yes Xus Yug los: txij hnub Yes Xus yug los mus txog hnub nws txais lub Cim Ntxuav ntawm Zam Ntxuav Plig, hnav tsho dawb;
    • Pib Caij Nruab Xyoos: txij hnub Yes Xus txais Cim Ntxuav mus txog Hnub Plaub Txais Tshauv (Ash Wednesday/Mercredi des Cendres), hnav tsho ntsuab;
    • Caij Plaub Caug los Caij Yoo (Lent/Careme): pib txij Hnub Plaub Txais Tshauv mus txog Hnub Tsib Ntshiab uas yog hnub Yes Xus noj nws pluas mov kawg, yog ib lub caij xyaum tswj yus lub cev thiab lub siab uas coj yus ua kev txaug kev txhaum, lub caij ntawd peb yoo nqaij yoo mov rau Hnub Plaub Txais Tshauv thiab thiab peb caiv nqaij rau niaj lub lis piam Hnub Rau (Every Friday), hnav tsho tsam xem (purple);
    • Caij Hla: pib txij Hnub Tsib Ntshiab (Holy Thursday/Jeudi Saint) mus txog Hnub Leej Ntuj Plig nqes los (Pentecost/Pentecote), hnav tsho dawb, tiam sis hnub Pentecost hnav tsho liab; Hnub Rau Nsthiab (Good Friday/ Vendredi Saint) yog hnub Yes Tuag, peb yoo mov yoo nqaij hnub ntawd, noj tau li ib pluag mov zaub tsuag kom txhgob tshaib dhau xwb.
    • Rov yog Caij Nruab Xyoo dua: txij Leej Ntuj Plig Nqes Los mus txog rau HT Yes Xus ua Vaj, hnav tsho ntsuab.
    Yog li peb pom hais tias peb txoj kev pe hawm Tswv Ntuj yog nyob ncig tej lub caij tseem ceeb hauv HT Yes Xus lub neej, xws li thaum nws yug los, thaum nws tuag thiab sawv rov los, thaum nws xa nws Leej Tswv Yim Ntshiab los.
    Peb cov zaj nyeem Ntawv Ntshiab los yeej teeb kom haum cov caij nyoog, tsis yog tias XH los TP xav nyeem zaj twg ces nws cia li nthuav rau zaj ntawd xwb.


    Hais txog cov zaj nyeem, vim lub Koom Txoos xav kom peb cov ntseeg tau nyeem txhua los yog yuav luag txhua cov ntawv tseem ceeb txog Yes Xus lub neej thiab nws cov lus qhuab qhia, ces lub Koom Txoos teeb cov zaj nyeem sib txawv rau 3 lub xyoo, muaj cov zaj nyeem rau xyoo A (los Xyoo 1), muaj cov zaj nyeem rau xyoo B (los Xyoo 2), muaj cov zaj nyeem rau xyoo C (los Xyoo 3) .... ces rov pib xyoo A dua.... Tag kis peb yuav xaus Xyoo B, hnub Chiv tom ntej, peb yuav pib Xyoo C. Nyob hauv nruab lis piam (weekday) los yeej muaj ib cov zaj nyeem huv tib si thiab. Yog peb leej twg khoom thiab nquag es mus koom thaj txi Ntuj niaj hnub ces nws yeej tau hnov txog Huab Tais Yes Xus cov lus tseem ceeb qhia peb ua neej raws Tswv Ntuj lub siab nyiam.


    Last edited by Mim on 21st November 2009, 3:47 pm; edited 3 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Lub Xyoo Teev Ntuj

    Post  Maiv Tooj on 21st November 2009, 6:03 am



    Nyob zoo Mim,

    Wow...! Nws mas thiaj li muaj zoo tswv yim heev...Zoo kawg li, ua tau meej heev, ua tsaug nawb Mim.










    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Lub Xyoo Teev Ntuj

    Post  Mim on 21st November 2009, 11:27 am

    Ua tsaug os Tais Tooj aw... Kuv tsis paub hais tias peb cov ntseeg puas to taub txog lub Xyoo Teev Ntuj thiab cov caij nyoog es kuv thiaj muab hais rau hauv no os... Vam hais tias nyaj yuav pab tau rau ib txhia thiab no os....

    Saib kuv tso tau cov duab rau nruab nrab lawm tiag puas yog?..... Ua tsaug rau XH Npuag Tub neb ob leeg uas tau qhia qhia kuv nawb. Tiam sis kuv tseem xav nug ib qho ntxiv thiab, neb qhia puas tau tias yuav ua kom daim duab loj tuaj los yau tuaj ne, puas siv qhov code thiab los siv li cas?

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Lub Xyoo Teev Ntuj

    Post  Maiv Paj Lug on 22nd November 2009, 7:29 am

    Niamlaus Mim ua tau zoo heev, ua koj tsaug nawb tus niamlaus tshaj lij, thov Tswv Ntuj txhawb nws lub zog tuaj sau txhua yam thiab qhia txhua yam zoo pub peb tsoom Hmoob Kas Tos Liv.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Lub Xyoo Teev Ntuj

    Post  Maiv Tooj on 22nd November 2009, 9:50 am

    Mim wrote:Ua tsaug os Tais Tooj aw... Kuv tsis paub hais tias peb cov ntseeg puas to taub txog lub Xyoo Teev Ntuj thiab cov caij nyoog es kuv thiaj muab hais rau hauv no os... Vam hais tias nyaj yuav pab tau rau ib txhia thiab no os....

    Saib kuv tso tau cov duab rau nruab nrab lawm tiag puas yog?..... Ua tsaug rau XH Npuag Tub neb ob leeg uas tau qhia qhia kuv nawb. Tiam sis kuv tseem xav nug ib qho ntxiv thiab, neb qhia puas tau tias yuav ua kom daim duab loj tuaj los yau tuaj ne, puas siv qhov code thiab los siv li cas?

    Nyob zoo Maypaj Lug thiab Mim,

    Mim,

    Nws tso tau duab lawm thiab mas nws yuav ua tau ntau yam zoo heev. Kuv zoo siab rau XH. Npuag Tub neb txoj kev tshaj lij thiab thoob tsib.

    Koj hais qhov ua kom duab loj thiab me lov?
    Cia kuv lam qhia koj seb puas tau nawb.
    Koj sau li nov:

    ====> koj sau center no rau hauv nruab nrab ob tug nov < >ces koj sau img src"" width=500 height=350 rau nruab nrab < > ces koj rov sau /center rau nruab nrab < >


    Koj Reply kuv qhov Post nov koj thiaj pom kuv sau cab sab kiag ua ke, koj copy kuv qhov nov mus siv xwb los tau. Koj kho ob tug leb nram kawg xwb. yog koj xav kom loj los me ces koj hloov ob tug leb. Ces koj nyem xis ntawm daim duab uas koj xav coj tuaj tso; koj copy nws qhov adress: http:...los yog koj ua koj cov duab hauv Photo Bucket ces koj copy qhov Adress URL nram qab uas tsis muaj cov [ ]

    ===> http://caoa55.free.fr/chap2/album/photos/aoa0359_2.jpg

    coj los tso rau hauv ob tug "" ces tau lawm xwb.

    ===>


    Exemple:

    ====>




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Lub Xyoo Teev Ntuj

    Post  Mim on 24th November 2009, 2:27 pm

    Ua tsaug os tais Tooj e...

    Kuv mam li sim li koj qhia os... Cas zoo li kuv yeej theej tsis tau tom kuv cov files los tso rau hauv no li na....Kuv twb sim ua li koj qhia tib si tiam sis nws tsis muaj qhov 'envoyer' nram kawg, nws muaj qhov 'host' nram kawg xwb ces pheej tsis tawm li as... Puas yog kuv tsis muaj txhij li nej cov los yog li cas?....

    Sponsored content

    Re: Lub Xyoo Teev Ntuj

    Post  Sponsored content Today at 3:42 am


      Current date/time is 10th December 2016, 3:42 am