Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Maiv Tooj on 8th November 2011, 8:57 am



    Teev Ntuj Noj Peb Caug Hauv Tej Pawg Ntseeg

    (Tsis muaj Leej Choj ua Thaj Txi Ntuj)




    Hu ib zaj nkauj qhib lub Txoos : Tswv Ntuj tsim peb los ua neeg A 16

    Txais : Tswv Ntuj tsim peb los ua neeg, tau nrog luag noj sib luag hnav sib npaug, peb zoo siab hlo cev peb lub neej lub siab los nrog Yes Xus txi Ntuj ua Huab Tais tsaug

    1 - Huab Tais, tas txhia tsav puas yam, huab cua tsiaj txhu qoob loo yog koj feem koj li, koj tso plhuav tuaj ntawm peb ntiag ua peb tug, peb nqa tes txaum yim luag lis ntxhi yuas !

    2 - Huab Tais, peb kev kawm, qhia, tsim, tawg paj txi txiv vim muaj koj nres koj kav.
    Koj cov ntxhais txib tub txuas ntaus tswv yim daws kev nyuaj ntxhov kom thim, peb ua ntaj teg tuaj hawm koj luag lis nyav yuas.

    3 - Huab Tais, koj tso koj Leej Tub tuaj nyob yaj ceeb no, nws raug kev iab kev puas, vim nws yuav siab mloog koj lus. Koj pab nyuj nees nuam zoo siab hlo txais koj nra mloog koj hu yuas.


    Txais : Tswv Ntuj tsim peb los ua neeg, tau nrog luag noj sib luag hnav sib npaug, peb zoo siab hlo cev peb lub neej lub siab los nrog Yes Xus txi Ntuj ua Huab Tais tsaug

    Hu txog Leej Txiv thiab Leej Tub thiab Leej Ntuj Plig lub npe.

    Teb : Ua Li



    Lub Tsiab Peb Caug, yog ib lub zoo sij hawm pov dej ntshiab rau saum cov ntseeg


    Kwv tij neej tsa sawv daws, peb thov Tswv Ntuj foom koob hmoov rau cov dej no, peb yuav txais los ntxuav kom peb ntshiab huv, nco txog cov dej ntxuav sawv daws thaum sawv daws tau txais lub cim ntxuav:
    Thov kom Tswv Ntuj txuag peb hauv Leej Ntuj Plig nws tau muab pub rau peb.

    Yog dej tsis tau foom hmoov zoo, Tus Tsob Hwb ua ntaj teg hais zaj thov ntuj foom hmoov zoo rau dej

    Huab Tais Tswv Ntuj muaj hwj huam,
    Koj yog tus pub kom peb lub cev thiab ntsuj plig ciaj sia, peb thov koj foom koob hmoov + rau cov dej no : peb yuav txais los ntxuav peb cov txhaum pov tseg, thov koj zam rau peb kom peb tsis nyog txais koj cov txiaj ntsim tiv thaiv txuag peb kom maiv dhau vij mob vij ntsaj tas txhia yam phem.
    Huab Tais, koj khuv leej peb npaum luaj no ua kom cov dej ntshiab no txhawv los cawm peb lub cev thiab ntsuj plig, pub kom peb taug kev tuaj cuag tau koj thiab muaj lub siab ntshiab txav los ze koj.
    Peb vam txog peb tus Huab Tais Yes Xus Pleev lo lus thov koj.
    Ua Li


    YOG TIAS TSIS MUAJ TUB TSOB HWB UAS YUAV FOOM HMOOV ZOO TAU RAU DEJ MAS YUAV NCO NTSOOV NPAJ NQA DEJ NTSHIAB (dej Foom Hmoov Zoo) NTAWM COV CHAW UAS MUAJ TXIV PLIG ua ntej.


    Mus pov dej rau tsoom ntseeg.

    Nkauj Paj Nruag 50: A-22

    KOJ LUB SIAB ZOO.


    Txais : Koj lub siab zoo Huab tais koj zam rau kuv, koj lub siab hlub neeg Huab tais koj so kuv cov txhaum.

    1-Kuv ua txhaum rau koj ib leeg xwb,
    muaj tej yam koj ntsia yog tsis zoo kuv twb ua lawm.
    2-Kuv paub kuv cov txhaum kuv tsis zais kuv cia li lees,
    Kuv cov txhaum nyob ntawd kuv xub ntiag tsis tseg.

    Txais : Koj lub siab zoo Huab tais koj zam rau kuv, koj lub siab hlub neeg Huab tais koj so kuv cov txhaum.

    3-Koj ntsia txij thaum kuv niam xeeb kuv los kuv siab dub,
    Koj saib txij thaum kuv yug los kuv muaj txim.
    4-Koj ntxuav kuv kom kuv dawb dua daus,
    Koj muab koj cov dej los yaug kuv kom kuv ntshiab tuaj.

    Txais : Koj lub siab zoo Huab tais koj zam rau kuv, koj lub siab hlub neeg Huab tais koj so kuv cov txhaum.

    5-Kuv lub siab ntxhov hnyo kuv cov pob txha ntsoog lis ntxaws;
    Koj hais tej lo lus zoo rau kuv, kuv lub siab yuav kaj.
    6-Huab Tais, koj tsis txhob ntiab kuv mus deb ntawm koj xub ntiag,
    Koj tsim ib lub siab huv lis si los cog rau kuv.

    Txais : Koj lub siab zoo Huab tais koj zam rau kuv, koj lub siab hlub neeg Huab tais koj so kuv cov txhaum.

    7- Koj cawm kuv mas kuv yuav paub txoj kev lom zem;
    koj pub ib lub siab loj rau kuv mas kuv rov paub txoj kev kaj lug.
    8-Kuv yuav qhia koj txoj kev zam rau cov neeg txhaum;
    Cov neeg yuam kev yuav rov los cuag koj.

    Txais : Koj lub siab zoo Huab tais koj zam rau kuv, koj lub siab hlub neeg Huab tais koj so kuv cov txhaum.

    9-Kuv muab yam twg los txi koj los tsis xis koj lub siab;
    Kuv hlawv yam twg rau koj los koj tsis yeem yuav.
    10- Koj tsis luag ib tug neeg kho siab, koj tsis thuam ib tug neeg lwj plawv,
    Qhov kuv yuav txi rau koj yog koj lub plab plaw lwj.

    Txais : Koj lub siab zoo Huab tais koj zam rau kuv, koj lub siab hlub neeg Huab tais koj so kuv cov txhaum.


    Kev txais dej ntshiab ntxuav yus cov txhaum taj tau zaj kuv lees txhaum thiab Huab Tais koj khuv leej yuam (Tsis tas yuav hais lawm)

    Nyob pem ntuj… Tswv Ntuj nto meej nto moo, nyob yaj ceeb cov neeg siab dawb siab huv nyob kaj lug.-Huab Tais ua Tswv sim ceeb, peb cav lus_zoo txog koj.-Vaj kav lub ntuj,peb hawm koj.-Huab Tais leej txiv muaj hwj huam, peb nco koj txiaj ntsha txiaj ntsim.-Huab Tais Yes Xus Pleev,Huab Tais leej tub twm zeej, Yaj txi Tswv Ntuj, koj yog tus daws qab ntuj neeg txhaum, thov koj hlub peb.-Koj yog tus zaum ntawm Leej Txiv sab xis, thov koj txais peb lo lus vam txog.koj.-Yes Xus Pleev, koj tib leeg nrog Leej Ntuj Plig ua tus Huab Tais ntshiab. -Koj tib leeg yog tus Tswv Ntuj nyob siab tau Leej Txiv lub Hwj chim. Ua Li


    Cov Zaj Nyeem 1 thiab 2

    Zaj Ntawv Moo Zoo

    Peb mloog ib zag nyob hauv…


    Nthuav Tswv Ntuj cov lus qhuab qhia ob peb los, tsis li, caw sawv daws tswm seeb ib ob fiab kom sawv daws khaws cov ntsiab lus hauv ntawv raws li nyias kev to taub lub Moo Zoo.

    Peb nyob hauv lub Koom Txoos Kav Tos Liv, peb ntseeg raws lub Koom Txoos tus txhooj thiab kev qhuab qhia

    Kuv ntseeg txog Tswv Ntuj,
    Yog Leej Txiv muaj hwj huam tas nrho,
    yog tus tsim ntuj tsim teb.
    Kuv ntseeg txog Yes Xus Pleev,
    yog Tswv Ntuj Leej Tub ib leeg kheej,
    yog peb tus Huab Tais Leej Tswv Yim ntshiab ua kom nws xeeb los ua neeg.
    Nws yug ntawm Nkauj Xwb Mab Liab los.
    Lub caij Pis Las Tos ua nom,
    Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, nws sawv hauv cov tub tuag rov los.
    Nws nce mus saum ntuj,
    zaum ntawm Leej Txiv muaj hwj huam tas nrho phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej Tswv Yim Ntshiab,
    Ntseeg txog lub Koom Txoos Ntshiab cia rau lub qab ntuj neeg.
    Ntseeg txog tsoom Leej Ntshiab sib koom Ntuj lub txiaj ntsim.
    Ntseg txog kev daws txhaum;
    Ntseeg txog leej neeg lub cev kev sawv rov los;
    Ntseg txog muaj txoj sia nyob mus li. Ua Li

    Ua Kab ke quas niaj quas xyoo
    Ua Tswv Ntuj tsaug tej txiaj ntsim tau txais hauv lub xyoo laus thiab ua kab ke foom hmoov zoo rau qe thiab mov nplej tshiab thiab thov koob hmoov rau xyoo tshiab


    Huab Tais Leej Txiv Tswv Ntuj muaj hwj huam,
    Ib niag xyoos ntuj zeeg los mus dua toj, koj tau pub koj cov txiaj ntsim nplua mias tuaj rau peb, pov hwm pov yawm peb cov ua niam ua txiv, kwv tij neej tsa thiab phooj ywg muaj txoj sia, roos peb lub luag dej luag num ua qoob los puv txhab, muaj nyiaj puv nas, peb thiaj muaj noj muaj haus tsis tshaib tsis nqhis.
    Vim muaj koj ua tus saib xyuas peb tej me nyuam, yog tus qhia lawv kawm txuj kawm ci, muab lub laj lim tswv yim kav lawv siab ntsws, coj lawv los ua txij ua nkawm, tsav lawv lub neej kom tsheej ib cuab ciaj ib yig. Peb yuav pauj tsis tau koj lub txiaj ntsim hlub neeg. Thov koj mloog peb lo lus qhuav no ua koj tsaug, pe koj thiab cav lus zoo qhuas koj yog peb tus Huab Tais Tswv Ntuj nto koob meej nyob mus li.
    Huab Tais, peb tseem nco koj cov txiaj ntsim hauv lub xyoo laus, cev tes plhws koj haiv neeg, tshem puas tsav yam tsis dawb tsis huv paug siab paug ntsws, xyeeb zog dab phem xas tas kev iab kev daw, kev auv kev ntsawj vij mob vij ntsag, txiab nkeeg, plaub ntug, lus xaiv lus ncua, kev plees kev yis pov tseg ; ua ntaj teg yom thaiv koj haiv neeg maim dhau xas tas txoj xub ke.
    Leej Txiv Tswv Ntuj, xyoo tshiab tawm tuaj, peb tseem yuav thov koj hlub peb tsis tseg, tig ntsej los mloog peb lo lus vam khaub zig koj. Vim koj yog tib neeg txoj sia, yog qhov pom kev lam lug li nkauj hnub, ci qab ntug ntsa kaj nrig sim ceeb kev tsaus ntuj li nraug hli. Thov koj foom lus koob lus hmoov rau peb txhua leej txhua tus, txhawb cov qe ntsuj qe plig thiab cov mov nplej tshiab no, ua txhiam xws huv li si yug peb lub cev ntaj ntsug thiab ntsuj plig, kom xwv peb noj mov poob plab hauj dej poob cev, muaj dag muaj zog, nquag plias nyob dhia rhwb rhees, nyob dawb nyob huv ; ntsuj plig hom khaj nyob nyab xeeb muaj ntsej muag luag ntxhi, pliaj plu luag nyav mus puv lub xyoo tshiab.
    Peb vam txog peb tus Huab Tais Yes Xus lo lus thov koj. Ua Li


    Lus Thov Ntuj

    -Kom tas lub sim ceeb neeg txawj nthuav kev sib haum xeeb.
    -Tsoom neeg mon keeg thiab tej zel zog sawv daws ntsib kev noj qab nyob zoo lub xyoo tshiab.
    -Tej tub ki rau siab kawm txuj ci, muaj dej num ua…



    Yog muaj faib Cim Yug, pua rooj, coj lub ntim los txawb saum Thaj


    Peb Txiv nyob saum Ntuj,
    Koj lub npe ntshiab nto moo lug,
    Koj lub Ceeb Tsheej los txog,
    kom muaj raws li koj nyiam nyob ntiaj teb no li nyob saum ntuj.
    Thov koj pub mov txaus peb noj hnub no,
    koj zam txhaum rau peb zoo li peb zam rau luag,
    koj txhob tso peb raug haub ntxias, koj npo peb dim ntawm yam phem.
    Ua Li


    Yaj Txiv Tswv Ntuj,
    Yaj ris qab ntuj neeg txhaum, koj hlub peb cov ngjg txhaum.
    Yaj txiv Tswv Ntuj, Yaj tuag kom qab ntuj neeg ciaj, koj tuaj yug peb txoj sia.
    Yaj txiv Tswv Ntuj, Yaj ua koj lub cev yog zoo tshuaj, koj tuaj ua peb lub siab kaj lug.

    Coj Yes Xus Lub Cev mus faib rau tsoom ntseeg.


    Huab Tais Ntuj Tuaj Nyob Hauv Cov Neeg sis Hlub : A-29


    Txais:

    Huab Tais Ntuj tuaj nyob hauv cov neeg sis hlub,Huab Tais Ntuj tuaj nyob nruab nrab cov neeg sis nyiam.

    1 - Peb sawv daws nyiam ib tug Huab Tais Yes Xus, peb sawv daws koom ua ib lub siab.

    Txais:
    Huab Tais Ntuj tuaj nyob hauv cov neeg sis hlub,Huab Tais Ntuj tuaj nyob nruab nrab cov neeg sis nyiam.

    2 - Peb tsis txhob kheev peb cov tswv yim sis ncaim, peb yuav tsis txhob muaj lus sib cav sib ceg.

    Txais:
    Huab Tais Ntuj tuaj nyob hauv cov neeg sis hlub,Huab Tais Ntuj tuaj nyob nruab nrab cov neeg sis nyiam.

    3 - Peb sawv daws los koom ua ib pab neeg, peb tus Huab Tais Pleev nws yuav nyob nruab nrab nyob hauv peb.

    Txais:
    Huab Tais Ntuj tuaj nyob hauv cov neeg sis hlub,Huab Tais Ntuj tuaj nyob nruab nrab cov neeg sis nyiam.

    4 - Ua li mas nyob saum ntuj peb tseem yuav nyob ua ke, Huab Tais Pleev peb yuav ua ke ntsia txog koj lub ntsej muag.

    Txais:
    Huab Tais Ntuj tuaj nyob hauv cov neeg sis hlub,Huab Tais Ntuj tuaj nyob nruab nrab cov neeg sis nyiam.

    5 - Peb yuav ua ke nyob kaj lug tsis muaj caij kawg, peb yuav ua ke nyob kaj nrig tsis muaj caij tag.

    Txais:

    Huab Tais Ntuj tuaj nyob hauv cov neeg sis hlub,Huab Tais Ntuj tuaj nyob nruab nrab cov neeg sis nyiam.

    Zaj nkauj xaus lub txoos : Huab Tais Txhob Ncua Ntev A 14

    Txais :
    Huab Tais, txhob ncua ntev, koj tuai kaj cov neeg maub kev tsaus ntuj

    1 - Nej ntsia tus Huab Tais cawm peb tuaj yuav txog. Nyem no txog lub zwj ceeb kawg, Tswv Ntuj tso nws Leej Tub tuaj. Nws tsa nws tus chij coj tas txhia haiv neeg. Nws muaj peev xwm hlob mus li, nws txoj kev thaj yeeb yuas ¬tsis kawg.

    2 - Yes Lus Xas Les Ntshiab, koj tsa muag riaj cov hlua khi koj; tas zeej tsoom hwm Ntuj, nej sawv tsees npaj siab tos Huab Tais. Nej zam lub siab me, nej ntaus lub siab loj, nej ua thawj hlo, nej luag ntxhi mus ce Huab Tais cov dej tshuaj.

    3 - Huab Tais koj tuaj ntxuav His Xas Lais tej txhaum, koj cev tes npo cov neeg khaub zig koj, koj tsa cov neeg tsis muaj txoj sia, koj sau tsoom pej xeem huab hwm nyob thoob qab ntuj los vij koj tus chij.


    Txais :
    Huab Tais, txhob ncua ntev, koj tuai kaj cov neeg maub kev tsaus ntuj

    Hu txog Leej Txiv thiab Leej Tub thiab Leeej Ntuj Plig lub npe.
    Ua Li



    Tus sau: TP.Cwj Vuam Chiv
    Tim 8/10/2011




    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Tub Kawm on 8th November 2011, 2:50 pm

    Thov ua tsaug ntau rau TP CVC tau sau Lub Txoos Teev Ntuj xyoo tshiab uas tsi muaj Leej Choj tuaj tso pub rau peb paub og, yeej yog li TP hais lawm. Peb cov uas nyob deb TP mas tus XH tsi muaj cai ua tau cov Dej Ntshiab ntawd, yog li ib xyoos puas zoj rov los txog thaum ua hmoov Hwm HT Yes Xug los. Los lwm lwm lub caij, mas peb yuav tsum tau mus muab cov Dej Ntshiab ntawd ntawm Txiv Plig los rau peb siv, Txiv Plig thiaj li ua tau xwb. vim tias tus XH tsis muaj cai ua tau cov dej ntawd (los foom hmoov zoo rau cov dej ntawd) yog TP thiab TTH thiaj muaj cai ua xwb. yog li nyob rau ib pawg ntseeg uas yog cov ntseeg Kav Tos Liv mas yuav tsum muaj cov dej no tsis tu ncua yog thaum twg cov Dej Ntshiab no tas lawm, mas yuav tsum qee sij hawm mus muab, ntawm cov Txiv Plig thiab hauv tej lub Tuam Tsev Teev Ntuj loj loj uas muaj TP nyob nraim thiaj li yuav muaj cov dej Ntshiab ntawd. Ntawm no mus kuv tso ib zaj nkauj Teev Ntuj rau peb tau nyeem, yog ib zaj Nkauj peb hu rau thaum lub caij noj tsiab peb caug. Tiam sis kuv tsis tau muaj Lub PC es kuv tso tsis tau lub suab rau sawv daws mloog, yog li kuv muab sau rau peb tau nyeem xwb. vim tias kuv tsis tau txawj tso nkauj rau hauv lub forum xyov yog tso li cas? thiab li cas? Thiab kuv tsuas siv lub xoov tooj xwb, xyov puas yuav tso tau nkauj rau hau lub forum, cia thaum twg kuv muaj lub PC ntawd thiab kuv kawm tau qhov tso nkauj rau hauv lub forum tso. Kuv mam li tso tej zaj rau peb mloog og yuam. Nyem no kuv tsuas sau lub ntsiab lus tso rau hauv peb tau nyeem xwb.



    ZAJ NKAUJ SEEV XYOO TSHIAB.

    "Tswv Ntuj pub lub xyoo tshiab rov los txog,
    lub xyoo tshiab rov qab los.
    Peb sawv daws koom los ua ke peb sawv daws seev qhuas Tswv Ntuj.
    Lub xyoo tshiab xyoo no twb los lawm tiag,
    zoo li txhua yam puav leej tshiab tuaj,
    txhua yam tshiab hawm Tswv Ntuj,
    tsi hais nplooj xyoob paj ntoo, me kab me noog,
    zoo li lawv lom zem kawg, puas yog lawv qhuas Tswv Ntuj.
    Huab Tais kuv lub neej tseem tsis tau tshiab kuv li thov koj,
    pub kuv muaj siab tshiab li tsim nyog nro koj nyob lub xyoo tshiab saum Ceeb Tsheej".


    Last edited by Txawj Tuam on 9th November 2011, 6:41 am; edited 3 times in total

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Npuagtub on 9th November 2011, 5:59 am

    Tshuav peb nyob pem Npam Naj Xees, kuv muaj ib tug niam hluas, nrog kuv ib tug nus npaws sib tawb ces nws luag khiav tig rov qab no ntshe nws khuab ko taw los yog tsuj tau ib qhio qes me ntsis ces nws cia li ntog kiag ntxeev tiaj, puas yog nws lub xwb qwb mus tsoo plag tsev ais nws cia li tuag kiag. Ua ntej yuav tu sia kiag, uas nws dim quav poob nthav ces kuv txiv cia li kom kuv niam muab ib tshob dej rau kuv txiv Ntxuav Plig rau kuv tus niam hluas. Kuv ntsia ntsoov, vim thaum ntawd tseem tab tom yuav noj ntshais. Li no yog tias peb yuav raws txoj cai tias TSUAS MUAJ TUS UAS TAU TXAIS LUB CIM NTXUAV XWB THIAJ LI YUAV NTXUAV TAU PLIG RAU LWM TUS no mas kuj nyuaj heev thiab. Thaum ntawd twb tssi muaj tus uas tau Txais Lub Cim Ntxuav lawd nyob ntawd kom pab tau. Dua li tseem tshuav kuv ib tug Nus uas tau mus kho mob nyob rau Huab Xais, tsis zoo los yog kuv txiv Ntxuav Plig rau nws tib si. Tej yam no peb yuav hais li cas? Puas yuav hais tias yog peb tssi muaj cai ua ces peb yuav cia kom ob tug me nyuam no tsis tau txais Lub Cim Ntxuav los peb ho yuav ua li kuv txiv ua?

    Mt,
    Zoo li kuv twb sau qhia hais txog kev ua lub Cim Ntxuav lawm thiab tiam sis tej zaum nws tsis tau nyeem xwb, cia kuv mam li rov sau dua ntxiv rau qhov no.



    THE MINISTER OF BAPTISM

    Can. 861 §1. The ordinary minister of baptism is a bishop, a presbyter, or a deacon, without prejudice to the prescript of ⇒ can. 530, n. 1.

    §2. When an ordinary minister is absent or impeded, a catechist or another person designated for this function by the local ordinary, or in a case of necessity any person with the right intention, confers baptism licitly. Pastors of souls, especially the pastor of a parish, are to be concerned that the Christian faithful are taught the correct way to baptize.


    WHO CAN BAPTIZE ?

    The ordinary ministers of Baptism are the bishop and priest and also the deacon.
    In case of necessity, anyone, even a non-baptized person, with the required intention, can baptize, by using the Trinitarian baptismal fomula. The intention required is to will to do what the Church does when she baptizes. ( CCC 1256 ).


    LEEJ TWG THIAJ UA TAU LUB CIM NTXUAV ?

    Tus yuav ua lub Cim Ntxuav yog cov Tswv Qhia, Txiv Plig, thiab Tsob Hwb. Tiam sis thaum yog muaj kev tim tsum ceev, mas txhua leej ua tau lub Cim Ntxuav, txawm tus tsis tau txais lub Cim Ntxuav los ua tau. Tsuav yog nws paub ua raws li txoj kab xwm li lub koom txoos ua. ( CCC 1256 )

    Pib xam li koj tsuas thov ntuj me ntsis xwb ces koj cia li muab cov dej los ntxuav tus neeg ntawd hauv pliaj ces koj hais ( Hu txog Leej Txiv, Leej Tub thiab Leej Ntuj Plig lub Npe kuv ntxuav koj ). Tom qab koj ua lub Cim Ntxuav tas koj yuav tau ua tim khawv, thiab coj tus neeg ntawd lub npe los zwm rau ib lub tsev teev ntuj nyob ze ntawm koj paub. Cov dej ntxuav plig tsis tas yuav yog dej ntshiab los ntxuav tau.

    Cov neeg ua lawv ntshaib nqhis txog txoj kev ntseeg, lawv raug tsim txom ua rau lawv tas sim neej, txawm lawv tsis tau txais tau lub Cim Ntxuav nyob hauv dej los lawv tau txais lub Cim Ntxuav nyob hauv lawv cov ntshav, ces lawv kuj tau txais kev cawm nyob hauv Huab Tais Yes Xus lub Npe. ( CCC 1258 )





    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Maiv Tooj on 11th November 2011, 2:07 am



    pajluglis wrote:Nyob zoo Phauj Maiv Tooj.

    Nyob hauv koj tej tsab ntawv uas koj npaj piav koj sawv daws to taub. mas koj ua tau zoo kawg, kuv xav hais ob peb nqes lus zoo li pab rau cov ntseeg uas tsis muaj txiv plig nrog lawv nyob los yog ua thaj txi ntuj rau lawv. yam li;
    1. kuv xav kom koj siv raws nraim li txiv plig nyiaj pov phau ntawv qhia ua lub txoos rau cov XH nyob Los Tsuas teb ua xwb las maj, yog xav hloov qhov XH, mas muab hloov ua TC/ Tus Coj no yeej tau. hos ntawm qhov yuav hloov ua LTH mas nyuaj me ntsis, vim cov teb chaws uas tsis muaj cov LTH coob mas yuav to taub nyuaj me ntsis.
    2. hos hais txog qhov tsa tes Foom Hmoov Zoo rau tej ub tej no mas yeej tsis phim tus ntseeg ua, vim li cas, vim tias lawv tsis tau txais cai los ntawm tus txiv tswv qhia foom hmoov zoo rau lawv ua ntej, tiam sis qhia kom lawv ua ntaj tes, los yog khawm tes thiab nyeem cov lus xwb yeej tau, muaj txiaj ntsis ib yam.
    3. hos hais txog yog tsis muaj txiv plig ua thaj txi Ntuj, kom tus XH los TC mus nqa lub Cim Yug tim tsev Teev Ntuj, qhov no tsis phim pes tsawg, vim lub Cim Yug yog lub Ntshiab, thiab yog tias tsis muaj lub Cim Yug faib mas tsis ua lub txoos teev Ntuj kuj tau, tsuas ua zaj teev Ntuj, hu nkauj, nyeem ntawv Ntshiab, thiab kawm ntawv Ntshiab ua ke mas zoo nkauj dua. qhov kuv hais no, thaum kuv nyob hauv yeej thoj nam tawg rog tsis muaj txiv lig, tsis muaj lub Cim Yug, tab kuv yog XH los kuv yeej ua tsis tau lwm yam uas lub Koom Txoos tsis kheev ua. mas kuv muab lub sij hawm no los rau sawv daws kawm thiab kom sawv daws sib pab xav tswv yim txog tsab ntawv Ntshiab, ces cev cov zaj lus thov Ntuj rau lub ntiaj teb neeg, rau yus pawg ntseeg, rau yus tsev neeg, thiab rau lub koom Txoos xwb,kuv twb siv los lawm muaj txiaj ntsim kawg thiab, zoo li kuv hais ntau dhau lawm, zaum twg kuv tuaj mas yeej tham ntau ntau, li cas los txhob xav li cas mog, peb mam sib ntsib dua lwm zaum. thov kom Tswv Ntuj kev thaj yeeb nrog koj nyob ua koj siab kaj lug.

    LTH. Nyiaj Zoo Lis




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Maiv Tooj on 11th November 2011, 2:22 am



    Nyob zoo me tub LTH.Nyiaj Zoo Lis,

    Ua tsaug rau nws tej lus qhia, yog ib qho zoo kawg uas cov paub thiab pom dua yuav tho txoj kev rau cov tsis tau paub thiab paub tsis meej tau taug. Ntau zaud zoo li peb paub kawg, tab sis tej zaum mas peb kuj tsis paub li lawm. Li ntawd yog ib lub zim txwv zoo uas peb yuav rov tshawb qhov tseeb thiaj meej los rau peb sawv daws kawm kom paub qhov yuav ua thiab qhov tsis ua.

    Me tub LTH, yog li nov nws puas tseem khaws tau cov phau ntawv uas nws hais no, yog nws khaws tau no xav kom nws muab tuaj tso rau peb tau khaws tseg thiab ho tau siv.

    Ua tsaug ntau.





    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Npuagtub on 11th November 2011, 8:24 am

    2. hos hais txog qhov tsa tes Foom Hmoov Zoo rau tej ub tej no mas yeej tsis phim tus ntseeg ua, vim li cas, vim tias lawv tsis tau txais cai los ntawm tus txiv tswv qhia foom hmoov zoo rau lawv ua ntej, tiam sis qhia kom lawv ua ntaj tes, los yog khawm tes thiab nyeem cov lus xwb yeej tau, muaj txiaj ntsis ib yam.
    3. hos hais txog yog tsis muaj txiv plig ua thaj txi Ntuj, kom tus XH los TC mus nqa lub Cim Yug tim tsev Teev Ntuj, qhov no tsis phim pes tsawg, vim lub Cim Yug yog lub Ntshiab, thiab yog tias tsis muaj lub Cim Yug faib mas tsis ua lub txoos teev Ntuj kuj tau, tsuas ua zaj teev Ntuj, hu nkauj, nyeem ntawv Ntshiab, thiab kawm ntawv Ntshiab ua ke mas zoo nkauj dua.


    Leej Tsob Hwb Lis Pej,

    Ua tsaug koj cov lus hais tau meej kawg qhia kom peb sawv daws nkag siab zoo txog kev coj ua tej kab ke teev ntuj thaum peb tsis muaj Leej Choj los yog Leej Tsob Hwb. Yog raws li yus siab xav mas, tej kab xwm no peb txhua leej yeej muaj cai ua vim peb yog neeg ib yam, tiam sis yog muab xyuas koom zoo thiab saib kom tob no ces yuav yog cov muaj feem cuam thiaj tsim nyog ua cov kab xwm, vim lawv tau cog lus thiab paub hwm.

    Yog ib txoj kev ntseeg twg, tsis teeb muaj txoj cai quas, muaj qib siab txog qib qis, muaj tus hlob rau tus me, faib tej hauj lwm kom muaj chaw txawb chaw rau, mas yuav ua rau tsis muaj kev hwm txoj kev ntseeg ntawd, ces zoo li yuav tsis muaj txiaj ntsim thiab. Yog li lub koom txoos thiaj li muab cov hauj lwm hauv lub Koom Txoos thiab cov tub tshaj Tswv Ntuj lub Moo Zoo cais kom muaj chaws txawb chaw rau raws li cov Tswv Qhia theem siab pom zoo. Tab txawm teeb muaj qib muqj quas zoo li no los tseem muaj kev sib dawm tsis tseg nyob huav lub koom txoos.

    Feem ntau peb lub siab nyiam ua li peb xav, vim peb hmoob txoj kev cai dab qhuas tsis muaj lub koom txoos, tsis muaj tus thawj tswj kav, tsis muaj teev nyob rau nruab ntau nruab ntawv, ces feem ntau peb sawv daws nyias ua raw li nyias pog yawg qhia thiab paub, yog li peb txoj kev ntseeg hmoob thiaj li ua tsis sib xws, txawm peb koom ib tug yawg xwb los peb tseem ua sib txawv lawm thiab. Yog li hmoob thiaj muaj ib lo lus hais tias ( Hmoob ua li dev npua cai ). Ntxhais tes peb tsis muaj txoj kev cai lij choj los tswj peb txoj kev ntseeg li lwm haiv neeg.


    Last edited by XH. Npuagtub on 11th November 2011, 11:20 am; edited 2 times in total



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Maiv Tooj on 11th November 2011, 9:23 am


    Feem ntau peb lub siab nyiam ua li peb xav, vim peb hmoob txoj kev cai dab qhuas tsis muaj lub koom txoos, tsis muaj tus thawj tswj kav, tsis muaj teev nyob rau nruab ntau nruab ntawv, ces feem ntau peb sawv daws nyias ua raw li nyias pog yawg qhia thiab paub, yog li peb txoj kev ntseeg hmoob thiaj li ua tsis sib xws, txawm peb koom ib tug yawg xwb los peb tseem ua sib txawv lawm thiab. Yog li hmoob thiaj muaj ib lo lus hais tias ( Hmoob ua li dev npua cai ). Ntxhais tes peb tsis muaj txoj kev cai lij choj los tswj peb txoj kev ntseeg li lwm haiv neeg.

    Nyob zoo XH.Npuag Tub,

    Peb Hmoob ntseeg yeej ua raws li lub Koom Txoos Txiv Vaj Qhia Vas Tis Kas txiav. Yog qhov twg peb ua tau peb muaj kev tso cai mas peb thiaj ua. Yog thaum yus nyob nruab chaw do mas yus kuj muaj ntau txoj cai kav, ntau txoj kev yooj yim taug. Zaum puav uas yus nyob tej qhov chaw ti, dab tsi los tsis muaj mas tej zaud thiaj li yuav tau ua raws li yus ua tau xwb. Peb Hmoob tsis yog Yog li hmoob thiaj muaj ib lo lus hais tias ( Hmoob ua li dev npua cai ). Ntxhais tes peb tsis muaj txoj kev cai lij choj los tswj peb txoj kev ntseeg li lwm haiv neeg. os. Niaj hnub no peb lauj zias peb lub caij nyoog uas peb khwv khwv tuaj tshawb nrhiav thiab tshaj, yog peb Hmoob tseem txom nyem heev, dab tsi los peb muaj tsis txhij tsis txhua, peb thiaj li yuav tuaj sau tag puas tsav yam tseem ceeb kom Peb Hmoob paub zoo, kom txhob yuam kev thiab kaj siab. Txawm yog ntshai rwg txoj kev tsam poob rau Hmoob ua li dev npua cai. Ua li mas yog koj tus ua Xib Hwb muaj lub siab tseem HLUB Hmoob no thov koj muab koj lub caij ib hnub 30 feeb tuaj sau tej cai hauv lub Koom Txoos rau Peb Hmoob tau kawm puas tau. Vim yog peb paub peb tsis qhia ces peb yuav kawg poob rau dev npua cai xwb tiag.

    Peb lub zos Hmoob Catholique no yog ib lub zos coj kawm.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Npuagtub on 11th November 2011, 11:38 am

    Mt,

    Hais rau nws tias tus me nyuam neeg siab kub siab ceev li kuv no mas nws tsuas ua tau txij li Tswv Ntuj pub nws ua xwb. Hnub twg Tswv Ntuj txib ces yeej yuav tawv tsis dhau, tiam sis zoo li tseem tsis tau txog sij hawm. Tej zaum tus yuav tuaj sau tej kev cai lij choj nyob hauv lub Koom Txoos KasTos Liv, tseem pw tsaug zog tsis tau tsim os mog, hahaha...



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Maiv Tooj on 11th November 2011, 11:50 am



    XH.NPuag Tub,

    Tsis ua cas, os nws twb kawm tawm los nws ho tsis xav tuaj sau los tsis ua cas os mog.





    Sponsored content

    Re: Teev Ntuj Noj Peb Caug Hauv Tej Pawg Ntseeg (Tsis muaj Leej Choj ua Thaj Txi Ntuj)

    Post  Sponsored content Today at 3:12 pm


      Current date/time is 10th December 2016, 3:12 pm