Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Leej Ntshiab Gilles noj maum kauv qus mis

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Leej Ntshiab Gilles noj maum kauv qus mis

    Post  Maiv Paj Lug on 13th February 2012, 5:38 am

    Leej Ntshiab Gilles noj maum kauv qus mis



    Leej Ntshiab Gilles nyob tau peb lub xyoo tom hav zoov hav tsuag, nws pe hawm Tswv Ntuj txhua hnub, nws ua txhua yam rau Tswv Ntuj , nws nyob ntev niaj ntau xyoo li ntawv tsis ntsib tib neeg, tsis hnov txog leej tib neej lub moo.

    Leej Ntshiab Gilles tsis tau noj mov tshaj ib txhiab tawm hnub, tsis tau noj ib daim qaij los sis qaij ntses, nws tsuas noj cag ntoo thiab noj nplooj qus cawm siav.

    Muaj ib hnub Leej Ntshiab Gilles muaj mob hnyav heev, tus mob tsis tso nws tseg ces nws hnov nws lub zog ntaug zuj zus.

    Tiam sis Tswv Ntuj cawm nws zoo li nram no:

    Leej Ntshiab Gilles mob mob tsis muaj zog mus nrhiav cag ntoo noj, nws nyob twj ywm hauv lub qhov tsua ,nws muab nplooj los ua zes pw, cas txawm muaj ib hnub hnov khaub nrov xiv xuav los txog ntawm nws, yog ib tug maum kauv qus zoo nkauj du dais, ob lub ntsiab muag huv si, saib ntsoov Leej Ntshiab Gilles yam li paub tias nws mob mob.

    Tus maum kauv qus no tsis nsthai Leej Ntshiab Gilles, txawm los pw nthi ntawm Leej Ntshiab Gilles xub ntiag ua kua mis txeej pes vog ntawm Leej Ntshiab Gilles ko taw, zoo li nws caw Leej Ntshiab Gilles haus nws cov kua mis. Leej Ntshiab Gilles ib txwm yeej paub ntsoov Tswv Ntuj txoj kev saib xyuas nws zoo, paub ntsoov tias yog Tswv Ntuj coj tus maum kauv nod los yug mis rau nws. Leej Ntshiab Gilles khoov los noj maum kauv mis cawm nws txoj sia, maum kauv nyob twj ywg rau nws noj mis txog thaum tsau lawm ces maum kauv mam li sawv mus lawm.

    Txhua txhua hnub tus maum kauv qus tawm mus noj zaub rau sab nraud, tiam sis tsaus ntuj ces nws rov qab los pub mis rau Leej Ntshiab Gilles. Leej Ntshiab Gilles ua ib lub me nyuam chav nplooj qhua rau tus maum kauv los pw txhua hmo hauv lub qhov tsua, lub caij no no tus maum kaus los pw ntawm nws ib sab kom sov.

    Tus maum kauv pub mis rau Leej Ntshiab Gilles ntau lub hli, mus nto ntau lub xyoo los yeej tseem muaj kua mis. Leej Ntshiab Gilles noj mis li ntawv ,tsis tau mus nrhiav cag ntoo los noj. Nws nyob hauv lub qhov tsua ntev xyoo.

    Muaj ib xyoo, Tus tswv Flovent Duc de Provence et de Gascogne, yog ib tug tub huab tais muaj hwj chim nyob rau Fab Kis Teb, kuj yog ib tug neeg ntseeg Yes Xus Pleev thaum yau los , tus tub huab tais xav tau dab tsi mas yuav ua kom tau yam ntawd tas li. Tub huab tais nyiam mus plob hav zoov tua tsiaj qus los noj, txhua txhua hnub tub huab tais cov tub txib yuav tsum mus tua kom tau nqaij hav zoov, nqaij kauv, nqaij mos lwj, nqaij npua teb los ci rau tub huab tais noj, lub caij tub huab tais khoom ces nws tawm rooj mus yos tsiaj qus, tiam sis yog nws tsis khoom ces nws yeej txib nws cov tub txib mus tua kom tau.

    Tub huab tais ciam av tsham hav zoov ntau heev mus txog ntua ib thaj tsam Rhône thiab ti nkaus lub nroog Arles nyob Fab kis teb. Ntau zaus lawv raws tsiaj qus tua mas tus tsiaj qus twg yog raug lawv cov dev raws lawm yeej khiav tsis dim, yuav tsum tua kom tau mam los tsev.

    Thaum ua ntej yuav txog lub caij Tos Huab Tais (ua ntej Hmoov Yes Xus Yug), kuj yuav txog caij rau Fab Kis tso cai tua kauv qus, Tub huab Tais Flovent nyob rau lub nroog Montpellier Fab Kis Teb, caw tag nrho nws cov tub txib tuaj txhij. Nws hais rau lawv tias tag kis kom lawv npaj ntxov yuav mus raws kaus, nws yuav noj nqaij kauv.

    Sawv ntxov hnub tawm, lawv txawm mus raws kauv li tub huab tais hais, tiam sis yos ib hnub nkaus tua tsis tau nqaij kauv, lawv twb tua tau ob tug dais, tua tau ib tug mos lwj loj loj kub nkhaus vos coj los txog rau tub huab tais Flovent. Tiam sis tub huab tais Flovent tsis txaus siab, nws hais tias nws yuav noj nqaij kauv tshiab tshiab xwb, kom tag kis rov mus dua.

    Tag kis cov tub txib rov mus dua, hnub ntawv lawv yos ib hnub tsaus ntuj kiag ntawm qhov muag, yuav luag mus ti Leej Ntshiab Gilles lub qhov tsua. Txawm pom ib tug maum kauv dhia noj zaub rau ub rau no, lawv tso lawv cov dev raws, cov dev mas huas cuag li twb tom tau tus kauv lawm, tiam sis cov dev raws tib pliag xwb ces tus maum kauv ploj, dev hnia hnia taug taug tsis tau maum kauv qab. Lawv txawm plam tus maum kauv ntawv ces tsaus ntuj tsis pom qab mus lawm , cov tub txib los txog, tub huab tais npau taws ceev kawg, hais tias ua cas txhua zaus cov dev twb raws tau, zaum no mas yog lawv tsis tij lim, dev thiaj ua nqaij plam, kom tag kis rov mus tua kom tau tus maum kauv ntawv los rau nws noj.

    Tag kis cov tub txib rov mus dua, nrhiav thaj tsam ntawd ib hnub mam rov pom tus maum kauv tshwm, cov dev rov raws dua, raws raws ib pliag cas tus maum kauv rov ploj lawm thiab, cuag dag uas cov dev hnia tsis tau tus ntxhiab li, ib txhia tub txib pib ntshai, lawv tias tsam yog dab, ib txhia tias tsam yog muaj neeg tso dab tuaj tom lawv.

    Cov tub txib rov los txog tub huab tais, tub huab tais npau taws tshaj qhov qub, tub huab tais thiaj hais tias kom tag kis rov mus dua, tiam sis tub huab tais yuav nrog lawv mus. Yuav tsum tua kom tau tus kauv ntawv xwb xwb li ntag.

    Hnub ntawv yog hnub peb uas tub huab tais tuaj raws tus maum kauv tua, tub huab tais coj 140 tus dev raws nqaij, coj ib co tub txawj tua hneev zoo tshaj uas nyob lub teb chaws mus tib si. Hnub no mas yog hnub lawv ua heev tshaj txhua hnub, aub tom nroo ntws ib sab cuag li xob nroo tuaj mus rau lub hav uas tus maum kauv tawm tuaj noj zaub, zaum no ces lawv cov dev heev dhau, tus maum kauv dhia ceev los cov dev raws tsis tso li , txawm muaj ib tug dev dhia nrawm tshaj cov, raws maum kauv mus yuav luag ti lub qhov tsua uas Leej Ntshiab Gilles nyob, ib tug tub txib tua hneev xuas tib hneev mus raug kiag tus maum kauv, tus tub txib txawm nthe kiag kom tus dev tsum txhob tom, mloog seb puas hnov tus kauv ua zog los ntsaj qhov twg tuaj.

    Mloog mloog tsis hnov rov, tsis hnov ua zog, tub huab tais thiab tag nrho ib tsoom tub yos hav zoov los txog ntawm tus tub txib tua tus maum kauv, lawv sawv daws nrhiav tsis tau tus kauv, tub huab tais thiaj li maj mam mus nkag mus yuav txog lub tsua, nws tshem cov khaub thaiv lub tsua, cas pom toj roob hauv pes tshiab khiv, zoo nkauj cuag li paj twb tawg yuav dua, hnov me txiv hmab txiv ntoo tsw qab ntxiag cuag li lub caij sov twb los txog. Tub huab tais hais xav zoj tias, uas cas nws nyob ntev npaum no ntawm thaj av, nws tsis tau hnov ib zaug tsw qab npaum no, yog tim li cas tiag.

    Tub huab tais pom ib lub qhov rooj nkag mus hauv lub tsua, nws txawm dhia mus tshem kiag cov nplooj thiab lub qhov rooj, ua cia nws pom ib tug yawg thaub laus laus uas yog ib tug Moine, nyob hauv, cov hwj txwv dawb paug tiam sis lub ntsej muag nsthaus ntsho chim chim quaj quaj plhws ntshis tus maum kauv, vim tias hneev tua raug tus maum kauv lub hauv siab sab heev.

    Tub huab tais sawv saib txawm muaj cov tub txi lawv qab tuaj txog, sawv daws yoob tas, ua cas tus kauv no ho paub los nyob hauv lub qhov tsua nrog tus Moine.

    Nyob ntawm pab tub txib tua hneev, muaj ib tug kuj yog Tswv Qhia " Evêque de Montpellier tuaj mus nrog lawv thiab, tus Tswv Qhia thiaj hais rau tub huab tais Flovent hais tias:" Tus Moine no yog Leej Ntshiab, nws hu ua Gilles, zaum no peb paub tseeb tias tos peb tua ntev npaum no peb tua tsis tau tus kauv nod li, vim hais tias tus kauv no nws muaj Huab Tais Ntuj txhais tes roos."



    Tam sim ntawv tub huab tais Flovent cia li kem caug kiag ti av ntawm Leej Nsthiab Gilles, nws quaj nrov nrov tias : " Huab Tais, kuv tsis txhob txwm yuav tuaj ua txhaum rau koj."

    Tiam sis Leej Ntshiab Gilles teb tias : " Koj tsis tuaj ua txhaum rau kuv tiag, tiam sis koj ua txhaum rau tus tsiaj zoo li no, koj xav tias nyob ntiaj teb no ces koj txawm yuav tua pes tsawg tus tsiaj kom tuag tib si ? tub huab tais, kuv tsuas thov koj txhob tuaj tua tej tsiaj ib zaug ntawm thaj chaw no , thiab txhob tua tus tsiaj ua Tswv Ntuj tso los yug kuv txoj sia ntau xyoo."
    Tub huab tais Flovent hnov txog Tswv ntuj lub npe, ces nws tsa suab hlo quaj nrov nrov ntxiv.

    Tub huab tais lub siab nyob tsis tswm, txhua hnub nws rov qab tuaj xyuas tus Leej Ntshiab , nws nrhiav tshuaj tuaj cawm tus maum kauv, thiab tub huab tais Flovent hais rau Leej Ntshiab Gilles tias: " kuv yuav ua li cas Tswv Ntuj thiaj zam txim rau kuv?

    leej Ntshiab Gilles teb tias : " Muab koj tej liaj teb thiab koj tej nyiaj txiaj los tsim ib lub tsev teev ntuj, es tig koj lub siab los rau Huab Tais Yesxus, koj muab txhua yam koj muaj tso tseg rau Tswv Ntuj, muaj ib hnub Tswv Ntuj yuav rov qab muab rau koj."

    Tub huab tais Flovent rov los xav, nws thiaj ua ib siab rov mus cuag Leej Nsthiab Gilles, nws hais tias, kuv yeem muab kuv tej chaws kuv thaj av nyob thaj tsam ntawm no los tsim ib lub Tsev Nteev Ntuj, tiam sis yuav tsum kom koj yog tus Txiv Plig zov lub Tsev Nteev Ntuj mas kuv thiaj pom zoo.

    Ces Leej Ntshiab Gilles thiaj cog lus rau nws yuav los siab xyuas, nkawv ob leeg zoo siab hlo los tuav tes cog lus, txij hnub ntawv tub huab tais lub siab thiaj kaj, hos Leej Ntshiab Gilles thiaj rov tawm los ntsib neeg.

    Thaum Leej Ntshiab Gilles tawm hauv lub qhov tsua yuav nrog tub huab tais los mus, tus maum kauv maj mam yaim Leej Ntshiab Gilles txhais tes thiab saib ntsoov Leej Ntshiab Gilles ob lub ntsiab muag, nws dhiav ceev ceev tuam nws ob txhais taw qhia Leej Ntshiab Gilles tias zaum no nws ncaim Leej Ntshiab Gilles mus lawm yuav tsis rov los.

    Nyob lub tuam Tsev Teev Ntuj Saint-Gilles-du-Gard, yog lub tuam Tsev Teev Ntuj uas Leej Ntshiab Gilles yog tus tsim thiab muab nws lub cev zwm cia rau hauv.





    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Gilles noj maum kauv qus mis

    Post  Maiv Tooj on 13th February 2012, 10:30 am



    Nyob zoo Maiv paj Lug,

    Wow...! Ua tsaug ntau rau nws lub laj lim tuaj sau tau ib zaj kwv huam zoo kawg li. Kuv yeej txeev mus nram Saint Gilles du Gard, tab sis kuv tsis paub txog zaj kv huam no. Zaum no paub lawm, lwm zaus mus no yuav mus teev Ntuj hauv ib zaug.

    Ua tsaug ntau.




      Current date/time is 9th December 2016, 6:19 am