Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Leej Ntshiab Anthony of Padua

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Leej Ntshiab Anthony of Padua

    Post  Mim on 13th June 2011, 4:02 pm

    Nyob zoo sawv daws,

    Nej puas mus koom thaj txi ntuj nruab lis piam thiab os? Yog nej mus mas nej yuav paub tias hnub no lub 6 hli tim 13 yog ua hmoov nco txog leej ntshiab Anthony nyob Padua. Yog li kuv yuav tuaj piav me ntsis txog nws lub neej.


    LEEJ NTSHIAB ANTHONY NYOB PADUA - ANTOINE DE PADOUE


    Leej ntshiab Anthony nyob Padua yug los kwv yees xyoo 1195 nyob Lisbon, Portugal teb chaws. Nws lub npe hu ua Fernando Martins de Bulhões. Nws niam nws txiv yog neeg ua nom ua tswv thiab neeg muaj. Lawv xav kom nws kawm txuj kawm ci siab, tiam sis nws ho cia li txiav txim siab mus nkag rau hauv lub koom haum St. Augustin mus kawm theology thiab Latin kom tau ua ib tug txiv plig augustinian.

    Thaum Fernando twb ua txiv plig lawm, lawv tsa nws ua tus saib nws lub koom haum lub tsev txais qhua. Ces nws thiaj ntsib 5 tug leej tij Franciscans uas tuaj so ntawm nws, lawv tab tom sawv kev yuav mus tshaj ntuj lus rau cov Muslims nyob Morocco, Africa qaum teb. Ib xyoos tom qab xwb, nws twb hnov lawv lub moo tuag ua tim khawv vim lawv txoj kev ntseeg lawm.

    Ces Fernando thiaj muaj lub siab kub lug xav mus tshaj ntuj lus kom tau ua tim khawv ib yam li lawv thiab. Nws thiaj mus thov tawm ntawm nws lub koom haum Augustinian thiab mus nkag rau lub koom haum Franciscan uas yog leej ntshiab Francis of Assisi nyuam qhuav tsa tau tsis ntev. Lub koom haum Franciscan twb yuav luag tsis kam yuav nws vim tias lawv ntsia nws yog ib tug neeg muaj mob taug lub cev tsis muaj zog. Tiam sis lawv kuj lam txais nws thiab lawv tso nws ua hauj lwm hauv tsev ua mov noj. Thaum nws hloov los rau lub koom haum franciscan, nws yuav ib lub npe tshiab hu ua Anthony no.

    Muaj ib zaug, nws lub koom haum muaj ua ib lub cim tiag tes. Cov leej tij Dominicans tuaj coob tuaj nrog lawv koom. Cov Dominicans mas yog ib co uas nto koob meej txawj qhuab qhia piav ntawv Ntshiab (preaching/predication). Zaum ntawd txawm muaj me ntsis teeb meem, vim lawv tsis tau hais cov Dominicans kom npaj tuaj nthuav ntawv Ntshiab li, ces cov Dominicans tsis kam leesv vim lawv tsis tau npaj. Tus thawj tsis pom qab yuav muab leej twg los ua tus nthuav ntawv Ntshiab, ces nws thiaj cia li kom Anthony los hais raws li leej Tswv Yim Ntshiab qhia nws hais xwb. Anthony yig ob peb los, tiam sis nws kuj cam tsis dhau tus thawj. Thaum nws los hais lus kiag lawm, mas nws lub suab los hais tau muaj zog, nws cov lus los muaj kuab muaj ntsiab tob thiab zoo, ua rau cov neeg mloog ntawd cia li nyiam nws thiab qhuas nws kawg. Txij thaum ntawd los ces neeg cia li pheej hu nws kom mus qhuab qhia ntawv Moo Zoo thiab ntuj kev cai lub ntsiab rau lawv. Ces nws cia li pib ib lub neej mus qhuab qhia nthuav ntawv Moo Zoo thiab qhia ntuj kev cai rau ub rau no, nyob Italy, thiab nyob Fab Kis teb, xws li nyob Arles thiab Provence. Leej ntshiab Francis of Assisi kuj tso hauj lwm rau nws ua tus saib xyuas txog txoj kev kawm thiab qhia theology rau cov leej tij uas xav npaj ua txiv plig thiab. Tiam sis leej ntshiab Anthony txoj hauj lwm loj tshaj thiab txoj ua kom neeg paub nws zoo tshaj yog txoj kev qhuab qhia nthuav Ntawv Ntshiab qhia ntuj kev cai lub ntsiab tseeb raws Koom Txoos Kas Tos Liv qhia.

    Xyoo 1231, leej ntshiab Anthony txawm pib mob, ces tim 13 lub 6 hli 1231 ntawd, nws tas sim neej. Nws nyuam qhuav muaj 36 xyoo xwb. Ib xyoos tom qab kiag xwb, lub 5 hlis tim 30, 1232, vaj qhia Gregory IX twb tsa nws ua leej ntshiab lawm. Nws tau lub npe hu ua St. Anthony of Padua, yog los ntawm lub nroog Padua, Italy teb, uas nws tau tuaj nyob.

    Hnub ua hmoov nco txog nws yog tim 13 lub 6 hli, hnub uas nws tuag. Xyoo 1946, vaj qhia Pius XII tsa nws ua ib tug Doctor nyob hauv Koom Txoos Kas Tos Liv.
    Thaum ua neej nyob leej ntshiab Anthony ua ntau yam hwj huam yees ntxwv. Kuv yuav tsis piav tas, kuv tsuas piav ob peb qho xwb:
    • Muaj ib zaug ib tug nees cia li yoo tsis kam noj zaub tau peb hnub mus txog thaum nws tau txhos caug hawm lub Cim Yug uas leej ntshiab Anthony nqa ntawm tes tso.
    • Muaj ib zaug nws mus thej xas nam nyob hauv lub tshav Creux des Arenes nyob Limoges, Fab Kis teb, ntuj los los nag, tiam sis cov neeg tuaj mloog ntawd tsis ntub ib tee nag li.
    • Muaj ib zaug, muaj ib co neeg ntxeev siab mus ntseeg lwm yam (heretics) uas yog neeg Italians, nqa tau ib taig mov zaub rau nws noj, tiam sis lawv xub hliv tshuaj lom neeg rau lawm. Leej ntshiab Anthony ua Ntoo Cuam lub Cim rau saum tais mov, ces nws noj tas tsis ua dab tsi rau nws li.
    • Muaj ib zaug ib tug tub hluas tuaj daws txhaum ntawm nws, tus tub hluas hais tias nws tau ua thaum vim nws muab nws txhais taw ncaws nws niam. Leej ntshiab Anthony txawm cem nws tias txhais taw uas tseem ncaws yus leej niam mas yuav tsum muab txiav pov tseg thiaj yog. Tus tub hluas los txog tsev, nws txawm cia li ntho nkaus riam txiav nws txhais taw tiag. Leej ntshiab Anthony hnov txog li ntawd, nws thiaj mus muab tus tub hluas txhais taw rov txuas rau lawm.
    • Muaj ib zaug, leej ntshiab Anthony mus qhuab qhia cov neeg ntxeev siab uas nyob coob rau lub zos Rimini, Italy teb. Lawv pheej tsis kam mloog nws qhia li, ces nws txawm nqes loo mus nram hav dej. Mus thej rau cov ntses mloog. Cov ntses tuaj nyob coob coob ua tej leej, cov me nyob pem hauv ntej, cov loj zus nyob nram qab zuj zus. Sawv daws tsa taub hau nyob saum nplaim dej mloog nws. Muaj neeg mus hais qhia rau cov neeg, neeg tuaj xyuas coob. Lawv pom tias cas ntses tuaj mloog zoo ua luaj. Cov neeg uas xub thawj tsis kam mloog, zaum no ho tuaj nrhiav leej ntshiab Anthony kom nws qhia kev ntseeg rau lawv. Muaj coob leej cov neeg ntxeev siab tig rov los ntseeg ntuj nyob hauv Koom Txoos Kas Tos Liv.
    • Muaj ib zaug lawv caw nws mus thej xa nam hauv ib tug neeg muaj muaj nyiaj lub ntee pam tuag. Tus neeg ntawd txoj kev nplua nuj yog los ntawm thaum nws qiv nyiaj rau luag mas nws tsuam paj nyhav nyhav kom luag them. Leej nthsiab Anthony txawm siv zaj ntawv moo zoo uas hais txog tias: “Tus neeg thooj nyiaj thooj kub nyob qhov twg, mas nws lub siab kuj nyob ntawd.” Nws txawm hais lo lus tias, “Tus neeg muaj muaj no,hnub no nws tuag lawm, nws raug mus faus nyob rau dab phem teb lawm; tiam sis nej mus saib tom nws lub txhab nyiaj mas nej yuav pom nws lub plawv nyob ntawd.” Tus neeg ntawd cov kwv tij phooj ywg txawm xav tias nim hais npaum li ntawd sim mus xyuas saib. Lawv mus na has cas lawv pom nws lub plawv tseem sov so nyob ntawd tiag.

    Leej ntshiab Anthony tus mlom mas pom nyob ntau lub tsev teev ntuj, nyob ntau lub teb chaws, vim nws yog ib tug leej ntshiab uas neeg nquag vam txog. Nws tus mlom yog tus uas pheej nqa ib tug me nyuam Yes Xus ntawm xub ntiag.Vim muaj ib zaj dab neeg piav tias muaj ib zaug leej ntshiab Anthony mus saib ib tug nom hu ua Chatenauneuf, nws txawm nyob teev ntuj lig lig, ces ua cas cia li pom kev ci ntsa iab hauv nws chav pw. Thaum ntawd yog tus me nyuam Yes Xus tawm tuaj rau nws pom.

    Niaj hnub no peb cov neeg ntseeg Kas Tos Liv tseem niaj hnub vam txog leej ntshiab Anthony thov ntuj pab peb. Qhov kuv paub zoo tshaj yog thaum yus muaj ib yam khoom poob lawm los yog ploj lawm, mas muaj coob leej hais tias lawv thov leej ntshiab Anthony pab nrhiav mas yeej rov nrhiav tau ntau xwb no tiag. Nyob li cov uas ua tus yawm sij luv fais poob lawm kuj rov nrhiav tau; cov ua qhws ntsej kub los diamond poob lawm kuj rov nrhiav tau thiab no tiag.

    Txoj kev uas neeg pheej vam nws pab nrhiav khoom ploj yog vim thaum leej ntshiab Anthony ua neej nyob, nws muaj ib phau ntawv cov zaj nkauj paj nruag (psalms). Thaum lub caij ntawd, nyob hauv nws lub koom haum, muaj ib tug leej tij txawm tsis xav ua tij ntxiv, ces nws khiav mus tsev lawm. Tiam sis thaum nws khiav ntawd nws cia li nqa leej ntshiab Anthony phau nkauj paj nruag mus lawm thiab. Leej ntshiab Anthony thiaj thov ntuj tas zog kom nws rov tau nws phau ntawv. Ua cas tsis ntev tus tij nraug fav ntawd cia li nqa phau nkauj paj nruag rov tuaj, thiab tsis tas li ntawd xwb, nws txiav txim rov tuaj nyob ua leej tij ntxiv. Vim li no cov neeg ntseeg Kas To Liv thiaj pheej nquag nquag thov leej ntshiab Anthony thaum lawv muaj ib yam ploj lawm.

    Thiab kuv yuav piav ib zag txaus luag tsem tsawv rau peb mloog: Muaj ib tug poj niam hluas nkauj, nws niaj hnub mus sawv ntawm tus mlom leej ntshiab Anthony thov kom pab nrhiav ib tug txiv rau nws. Nws thov npaum twg los pheej tsis muaj txiv yuav nws li, ces muaj ib hnub nws npau taws, nws txawm muab niag mlom cuam si rau nraum qhov rai. Tus mlom poob mus ntaub nkaus ib tug txiv neej hla kev taub hau. Tus txiv neej pom ntsoov tias tus mlom poob lub qhov rai twg los. Nws thiaj nqa tus mlom rov mus rau tus tswv. Ces cas tsis ntev tom qab ob niag cia li sib yuav lawm no tiag!!!...

    Yog li peb yuav tau xyaum vam txog leej ntshiab Anthony pab peb nrhiav tej yam ploj lawm thiab nawb... Nej leej twg tau tais txiaj ntsim kev pab no ces thov tuaj hais qhia thiab ov...




    Last edited by Mim on 14th June 2011, 3:25 pm; edited 2 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Anthony of Padua

    Post  Maiv Tooj on 14th June 2011, 9:26 am

    Nyob zoo Mim,

    Zoo kawg nkaus, koj zaj txog LEEJ NTSHIAB ANTHONY no. Nws yog ib qho qauv zoo, txhawb thiab qheb peb lub siab mus rau qhov zoo. Hnub Chiov no kuv yeej mus teev Ntuj thiab, tab sis ntshe yog kuv tsis tau paub txog tus Leej Ntshiab no es Txiv Tswv Qhia Liab Barbarin hais kuv thiaj tsis paub xwb. Kuv nco tau nws hais tias peb nyias muaj nyias kev tshaj Ntuj Lus sib txawv, ib tug tsis zoo li ib tug, tab sis peb nyias ua li nyias tus cwj pwm, tus yam ntxwv ces peb muab los ua ke, peb yuav ua tau zoo heev. Tswv Ntuj tsis muab rau peb zoo ib yam tag nrho...



    Mim,

    Koj hais txog tias cov Txiv Plig Dominicain txawg ntuas thiab nthuav ntawv Ntshiab heev, ua rau kuv nco txog tus Txov Plig Michel-Marie Zanotti-Sorkine, yog ib tug Dominicain tab tom nto moo heev. Neeg mus xyuas, mus mloog nws sis laub sis lug xwb. Tam sim no nws mus tsa luv tsev teev Ntuj Saint Vincent de Paul nyob Marseilles sawv tsees rov los, neeg niaj hnub mus ntsawm nkaus, neeg pib mus daws txhaum ntawm nws txhua hnub (muaj ntsis zoo li Prdre pio lawm thiab, kuj tsis cuag li tiag, tab sis yeej muaj neeg coob heev mus daws Txhaum). Lub tsev teev Ntuj Saint Vincent de Paul ces twb khaub hlab puas tag, nws los kho thiab ua tau neeg tuaj coob heev tssi tau chaw zaum li lawm. Lawv tias yog yus xav kom tau chaw zaum mas yuav tsum mus 1 teev ua ntej Mis Xas pib mas thiaj li tau chaw zaum no...





    Nws lub Website nyob hauv cab sab yog:


    http://www.delamoureneclats.fr/spip/spip.php?article452


    Mloog nws ob peb lo lus, thaum lawv tsa Vaj Qhia Zam paj Lug II tus mlom rau hauv lub tsev teev Ntuj Saint Vincent de Paul...







    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Leej Ntshiab Anthony of Padua

    Post  Mim on 14th June 2011, 11:15 am

    Tais Tooj,

    Yog koj mus teev ntuj hnub Chiv xwb mas txiv tswv qhia los puas txiv plig yuav tsis hais txog leej ntshiab Antoine de Padoue, vim hnub Chiv yog hnub Leej Ntuj Plig nqes los rau saum nws cov thwj tim na, es txiv tswv qhia thiaj hais txog leej Ntuj Plig muab rau peb nyias muaj nyias ib qho kev tshaj ntuj lus sib txawv, los puas nyias muaj nyias ib txoj kev txawj los kev to taub sib txawv. Hnub peb ua hmoov nco txog leej ntshiab Antoine yog hnub Lundi 6 hli tim 13 lawm os, tsis yog hnub Chiv...

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Anthony of Padua

    Post  Maiv Tooj on 30th July 2011, 9:20 am

    THOV NTUJ YUAV THOV LI CAS?

    Yog muaj caij, niaj hnub thaum sawv ntxov uas yus ntxuav muag tas, txhob rawm mus pib hauj lwm, xub xub teev Ntuj tag ua ntej mam mus pib hauj lwm, nrhiav hauj lwm ua. Thaum ntawd yus lub cev, lub tswv yim so ib hmo, nws tsis lim, lub siab thiaj li nyob tag nrho ntawm yus cov lus teev thiab thov. Yog yus twb mus pib ua hauj lwm lawm ces yus lub siab ntxhov lawm, teev Ntuj tsis tshua zoo pes tsawg. tab sis yog ho tsis khoom li no los teev thaum twg los yeej tau, txawm yus lub siab tsis nyob ntawd los tseem zoo tshaj yus twb ho tsis teev Ntuj li.

    Yog thaum yus xav THOV ib qho dab tsi tshwj xeeb mas yus yuav teev Ntuj ib leeg, hais rau Tswv Ntuj hnov ib leeg xwb; qhov ntawd txhais tau tias yog yus nrog Tswv Ntuj tham ib leeg.

    Npaj li cas: Thaum yuav teev Ntuj, taws ib tug tswm ciab rau ntawm ib tug duab Yes Xus los yog Niam Mab Liab, los yog ib tug Ntoo Cuam. Tab sis cov khoom no yuav tsum yog tau foom Hmoov Zoo rau lawm. Ces yus txhos caug thiab teev Ntuj. Thaum teev Ntuj tag, mam li hais tias: "Leej Ntshiab As Tos Nias nyob Pas Dus, koj pab thov Ntuj rau...x... hais tej yam nej xav kom tau rau ib tug neeg los rau nej tus kheej.
    Leej Ntshiab As Tos Nias yog ib tug Leej Ntshiab muaj hwj huam heev, yog leej twg vam txog nws hauv nruab siab tuaj tiag mas yeej "Thov tau txiaj ntsim". Tsis hais tej yam khoom poob nrhia tsis tau, los yog ib tug neeg tsis fij moo li lawm, los yog muaj kev tsis sib haum xeeb ntev los, los yog lwm yam ntxiv. Yog nej vam txog Leej Ntshiab As Tos Nias nyob Pas Dus mas nws yuav pab tau nej yam nej twb ntseeg tsis taus.



    TEEV ZAJ "TSWV NTUJ TXOJ KEV KHUV LEEJ" teev li no:





    Kev teev Tswv Ntuj txoj kev Khuv Leej, teev zoo tib yam nkaus li teev Saw Mab Liab.
    Xuas txoj Saw Mab Liab los teev, tsuas yog thaum hais cov zaj teev Ntuj,
    tsis yog hais zaj "Peb Txiv" thiab zaj "Koj nyob kaj lug Mab Liab xwb (Koj Nyob zoo Mab Liab)" rau txhua yas, tsuas yog hais ib zaug rau thaum pib xwb.

    Txoj saw no yog leej twg nquag niaj hnub hais mas yog ib qho yuav pub txiaj ntsim ntau raws li yus txoj kev thov.


    Yog li thov kom sawv daws to taub zoo tias niaj hnub peb tsuas hais txoj saw xwb los tau.


    Yog ib zaj teev Ntuj tshiab uas muaj txiaj ntsim tib yam nkaus li teev Saw Mab Liab uas peb ib txwm paub los.
    Li no kuv yuav rov muab coj los tso ua ke, kom meej dua rau peb cov uas tseem tsis tau paub teev
    "Tswv Ntuj txoj kev Khuv Leej" no ho to taub zoo thiab tau xyaum mus teev.
    Nws teev yooj yim dua teev Saw Mab Liab, vim cov zaj luv dua ces yus siv sij hawm tsawg dua los teev.






    Tuav txoj Saw Mab Liab ces hais:

    UA NTOO CUAM LUB CIM.


    - 1 zaug zaj Peb txiv

    Peb txiv nyob saum Ntuj
    Koj lub npe ntshiab nto moo lug,
    Koj lub ceeb tsheej los txog,
    Kom muaj raws li koj nyiam nyob ntiaj teb no
    zoo li nyob saum ntuj.
    Thov koj muab mov txaus peb noj hnub no.
    Koj zam txhaum rau peb zoo li peb zam rau luag.
    Koj txhob tso peb raug kev ntxias.
    Koj npo peb dim ntawm kev phem. Ua li.

    -1 zaug ZAJ KOJ NYOB KAJ LUG MAB LIAB.

    Koj nyob kaj lug Mab liab,
    Tus tau txiaj ntsim puv siab.
    Huab Tais Ntuj nrog koj nyob.
    Koj tau koob tau hmoov tshaj ib zej tsoom poj niam tib si,
    thiab koj lub txiv uas koj lub cev txi tau koob tau hmoov.
    Leej Ntshiab mab Liab, Tswv ntuj leej Niad,
    Koj thov Ntuj rau peb cov neeg txhaum,
    Nyem no mus txog thaum peb lub caij dua. Ua li.

    -1 zaug ZAJ NTSEEG

    Kuv ntseeg txog Tswv Ntuj,
    Yog leej txiv muaj hwj huam tas nrho,
    yog tus tsim ntuj tsim teb.
    Kuv ntseeg txog Yes Xus Pleev,
    yog Tswv Ntuj leej Tub twm zeej, yog peb tus huab tais.
    Leej Tswv Yim Ntshiab ua kom nws xeeb los ua neeg.
    Nws yug ntawm Nkauj Ntshiab mab Liab los.
    Lub caij Pis Las Tos ua nom,
    Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj,
    zaum ntawm Leej Txiv muaj hwj huam tas nrho phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej tswv Yim Ntshiab.
    Ntseeg txog Tsoom Leej Ntshiab sib koom Ntuj Lub Txiaj Ntsim.
    Ntseeg txog kev daws txhaum.
    Ntseeg txog neeg lub cov sawv rov los.
    Ntseeg muaj txoj sia nyob mus li. Ua li.

    Yas Ib:

    Tuav thawj lub hlaws loj hais (raws kev cai teev Saw Mab Liab mas yog peb hais zaj "Peb Txiv nyob saum ntuj,
    tiam sis teev Tswv Ntuj txoj kev Khuv Leej Neeg ces peb hais cov lus nram no)
    :


    - Leej Txiv muaj txoj sia nyob mus li,
    kuv muab koj leej Tub, peb tus Huab Tais Yes Xus Pleev uas koj hlub kawg nkaus,
    nws lub Cev, nws cov Ntshav, nws tus Ntsuj Plig, thiab nws sab uas yog Tswv Ntuj
    - los cev rau koj them peb cov txim txhaum
    thiab tas ntiaj teb neeg cov txim txhaum
    .

    Tuav 10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov lus nram no):

    1. - Thov koj saib nws txoj kev raug txom nyem loj tas nrho rau peb,
    - es koj khuv leej peb thiab tas ntiaj teb neeg
    .

    Los yog hais, xaiv ib qho xwb:
    2. - Vim nws txoj kev raug txom nyem loj tas nrho rau peb,
    - thov koj khuv leej peb thiab tas ntiaj teb neeg.



    Yas Ob:
    Tuav thawj lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):


    - Leej Txiv muaj txoj sia nyob mus li, kuv muab koj leej Tub, peb tus Huab Tais Yes Xus Pleev uas koj hlub kawg nkaus, nws lub Cev, nws cov Ntshav, nws tus Ntsuj Plig, thiab nws sab uas yog Tswv Ntuj
    - los cev rau koj them pebcov txim txhaum
    thiab tas ntiaj teb neeg cov txim txhaum
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj
    nyob kaj lug Mab Liab", tiam sis peb hais cov luv nram no) (Xav nug
    sawv daws saib peb yuav nyiam zaj twg dua, yog tib zag xwb, tiam sis
    txhais txawv me ntsis xwb):


    1. - Thov koj saib nws txoj kev raug txom nyem loj tas nrho rau peb,
    - es koj khuv leej peb thiab tas ntiaj teb neeg
    .

    Los:

    2. - Vim nws txoj kev raug txom nyem loj tas nrho rau peb,
    - thov koj khuv leej peb thiab tas ntiaj teb neeg.


    Yas Peb:

    Tuav thawj lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):


    - Leej Txiv muaj txoj sia nyob mus li, kuv muab koj leej Tub,
    peb tus Huab Tais Yes Xus Pleev uas koj hlub kawg nkaus, nws lub Cev, nws cov Ntshav, nws tus Ntsuj Plig, thiab nws sab uas yog Tswv Ntuj
    - los cev rau koj them peb cov txim txhaum
    thiab tas ntiaj teb neeg cov txim txhaum
    .

    Tuav 10 lub hlaws me hais (Hais kaum lwm ib yam li thaum peb hais zaj "Koj
    nyob kaj lug Mab Liab", tiam sis peb hais cov luv nram no) (Xav nug
    sawv daws saib peb yuav nyiam zaj twg dua, yog tib zag xwb, tiam sis
    txhais txawv me ntsis xwb):


    1. - Thov koj saib nws txoj kev raug txom nyem loj tas nrho rau peb,
    - es koj khuv leej peb thiab tas ntiaj teb neeg
    .

    Los:

    2. - Vim nws txoj kev raug txom nyem loj tas nrho rau peb,
    - thov koj khuv leej peb thiab tas ntiaj teb neeg.


    Yas Plaub:
    Tuav thawj lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):


    - Leej Txiv muaj txoj sia nyob mus li, kuv muab koj leej Tub,
    peb tus Huab Tais Yes Xus Pleev uas koj hlub kawg nkaus, nws lub Cev,
    nws cov Ntshav, nws tus Ntsuj Plig, thiab nws sab uas yog Tswv Ntuj
    - los cev rau koj them peb cov txim txhaum
    thiab tas ntiaj teb neeg cov txim txhaum
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj
    nyob kaj lug Mab Liab", tiam sis peb hais cov luv nram no) (Xav nug
    sawv daws saib peb yuav nyiam zaj twg dua, yog tib zag xwb, tiam sis
    txhais txawv me ntsis xwb):


    1. - Thov koj saib nws txoj kev raug txom nyem loj tas nrho rau peb,
    - es koj khuv leej peb thiab tas ntiaj teb neeg
    .

    Los:
    2. - Vim nws txoj kev raug txom nyem loj tas nrho rau peb,
    - thov koj khuv leej peb thiab tas ntiaj teb neeg.


    Yas Tsib:
    Tuav thawj lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):


    - Leej Txiv muaj txoj sia nyob mus li, kuv muab koj leej Tub,
    peb
    tus Huab Tais Yes Xus Pleev uas koj hlub kawg nkaus, nws lub Cev,
    nws
    cov Ntshav, nws tus Ntsuj Plig, thiab nws sab uas yog Tswv Ntuj
    - los cev rau koj them peb cov txim txhaum
    thiab tas ntiaj teb neeg cov txim txhaum
    .
    Tuav
    10 lub hlaws me hais (Hais kaum lwm ib yam li thaum peb hais zaj "Koj
    nyob kaj lug Mab Liab", tiam sis peb hais cov luv nram no) (Xav nug
    sawv daws saib peb yuav nyiam zaj twg dua, yog tib zag xwb, tiam sis
    txhais txawv me ntsis xwb):


    1. - Thov koj saib nws txoj kev raug txom nyem loj tas nrho rau peb,
    - es koj khuv leej peb thiab tas ntiaj teb neeg
    .

    Los:

    2. - Vim nws txoj kev raug txom nyem loj tas nrho rau peb,
    - thov koj khuv leej peb thiab tas ntiaj teb neeg.


    Xaus:

    Hais peb lwm:

    - Tus Ntshiab, Tus Ntshiab muaj hwj huam tas
    nrho, tus Ntshiab muaj txoj sia nyob mus li,
    - thov koj khuv leej peb thiab tas ntiaj teb neeg.


    Hais 3 lwm:
    - Cov kua dej thiab kua ntshav tawm ntawm Yes Xus lub Plawv los zoo tus dej txhawv los pub kev khuv leej rau peb,
    - kuv tso siab rau nej!


    Thaum teev tag li nov ces mam tuav Leej Ntshiab As Tos Nias nyob Pas Dus pab thov Ntuj rau qhov yus xav tau.


    UA NTOO CUAM LUB CIM


    TAS.




    Yog teev Tswv Ntuj txoj kev khuv leej xwb no ces teev li nov xwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Anthony of Padua

    Post  Maiv Tooj on 19th December 2011, 10:51 am


    Irapuato: Saint Antoine de Padoue 1





    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Leej Ntshiab Anthony of Padua

    Post  Mim on 13th June 2013, 4:56 pm

    Hnub no yog hnub ua hmoov nco txog leej ntshiab Anthony of Padua. Nws yog tus leej ntshiab uas neeg nquag thov pab lawv nrhiav lawv tej khoom ploj lawm.  Muaj ntau ntau zaj thov ntuj hais rau leej ntshiab Anthony. Tiam sis kuv tso ib zaj no, uas zoo li kuv nyiam dua cov me ntsis.




    Prayer to Saint Anthony for lost Items
    St. Anthony, perfect imitator of Jesus, who received from God the special power of restoring lost things, grant that I may find (name your lost item) which has been lost. At least restore to me peace and tranquility of mind, the loss of which has afflicted me even more than my material loss. To this favor, I ask another of you: that I may always remain in possession of the true good that is God. Let me rather lose all things than lose God, my supreme good. Let me never suffer the loss of my greatest treasure, eternal life with God. Amen.
     
    Lus Hmoob:

    Leej ntshiab Anthony, tus yoog tau  raws li Yes Xus zoo kawg  nkaus, koj tau txais ntawm Tswv Ntuj lub hwj huam pab nrhiav tau  tej yam khoom ploj lawm, thov koj pab kom kuv nrhiav tau (yus hais yus yam khoom ploj lawm) uas kuv tau ua ploj lawm thiab ua rau kuv muaj kev nyuaj siab ntxhov plawv. Thov koj pab kuv tiag kom kuv rov ntsib kev kaj siab.  Kuv tseem thov koj ib yam ntxiv, yog thov koj pab kom kuv txhob ua yam uas zoo tshaj plaws dua ntais uas yog Tswv Ntuj kiag poob.  Kuv yeem ua txhua yam poob tsuav kuv tau Tswv Ntuj xwb.  Yog li thov koj pab kuv, tsuav  kuv tau qhov muaj nqes tshaj txhua yam, uas yog txoj sia nyob mus li nrog Tswv ntuj.  Ua li.









    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Leej Ntshiab Anthony of Padua

    Post  Mim on 6th January 2015, 5:32 pm

    Zaj movie no yog ib zaj qub qub, ua puag thaum xyoo 1931 lawm, tsis tshua pom zoo, tiam sis lawv kuj ua hais txog ntau yam hwj huam yees ntxwv uas LN Anthony tau ua thiab. Cov uas paub lus Aas Kiv yuav to taub zoo.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Anthony of Padua

    Post  Maiv Tooj on 7th January 2015, 10:30 am



    Nyob zoo Mim,

    Ua tsaug rau koj zaj movie hais txog LN. Antony of Padou.

    Kuv ho nrhiav tau zaj nov, nws sau ntau yam ntawv rau hauv qab, ntshe yuav to taub zoo dua yog cov uas tsis paub lus aas kiv.

    [2002] Saint Antoine de Padou - Sant'Antonio di Padova - Saint Anthony - Multi-subs





    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Leej Ntshiab Anthony of Padua

    Post  Mim on 7th January 2015, 12:41 pm

    Tais Tooj,

    Muab ob peb zaj los haj yam zoo, vim nyias ua muaj nyias tug, thiab tej zaj muaj ntau yam dua tej zaj.

    Sponsored content

    Re: Leej Ntshiab Anthony of Padua

    Post  Sponsored content Today at 8:57 pm


      Current date/time is 10th December 2016, 8:57 pm