Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


    Sau Siab mus ncig xyuas Leej Ntshiab Bernadette

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Sau Siab mus ncig xyuas Leej Ntshiab Bernadette

    Post  Maiv Paj Lug on 28th August 2009, 7:54 am


    Pélerinage mus vacation nyob Nevers " SAINTE BERNADETTE"


    Hauv qab no yog thawj hnub peb mus txog NEVERS lub zos uas lawv muab SAINTE BERNADETTE lub cev cia hauv lub CHAPELLE nrog cov Phauj nyob, Lawv muab nws lub cev cia hauv lub txaj iav kom sawv daws saib pom nws tseeb thiab ntseeg tias TSWV NTUJ lub hwj huam loj npaum cas.


    BASILIQUE DES SOEURS DE CHARITE A NEVERS

    " SAINTE BERNADETTE"


















    SAINTE BERNADETTE LUB CEV TSAUG ZOG TAU MUAJ 150 XYOO NO LAWM DHAU 3 TIAM NEEG NWS LUB CEV TSEEM TSHIAB TSIS TSUAS IB QHO, NTAWM NWS TXAIS TES TUAV TXOJ SAW MAB LIAB NWS COV NTIV TES TSHIAB HEEV....TUS NKAUJ NTSHIAB NO TSWV NTUJ NYOB NROG NWS THIAJ TSIS PUAS.

    THAUM KUV MUS SAIB TAS CES KUV LOS SAU NTAWV THOV NTUJ NTAWM PHAU NTAWV YUS SAU CIA RAU TUS NKAUJ NTSHIAB NYOB ZE NWS LUB CEV....











    THAUM PEB THOV NTUJ TAS CES PEB TAWM LOS NRAUM LUB QHOV TSUA TSIM ZOO LI NRAM LOURDES UAS NIAM MAB LIAB TAWM LOS RAU BERNADETTE POM.....hehehe txhob poob plig nawb vim peb caij luv deb heev 5 xuaj moos thiaj mus txog es sab sab nkees nkees thiaj tsis haib tsis zoo nkauj tsis ntxim nyiam thiab thiaj caib caib muag los nej txhob luag nawb Laughing ......peb tawm los taws tswm ciab tas ces peb mus noj su tom parck lolz! kuv tseem nco nco kuv niam cov ncej puab qaib nws ntim mus qhwv nrog nplooj tsawv tsw qab ntxiag nrog mov nplej nplaum tshiab dub....bellelu nws leej nkawm nrog kuv tus nus tus nyab thiab lawv cov me nyuam tib si.










    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 3rd September 2009, 8:46 am


    Leej Ntshiab Bernadette lub neej






    Niam mab Liab yees tawm nyob lub nroog “Luj” ( Lourdes)

    Nyob Fab Kis Qab teb, hauv ib lub me nyuam zos hu ua “ Luj” ( Lourdes), muaj ib tug ntxhais lub npe hu ua Bes Nas Des (Bernadette Soubirous). Nws yug hnub tim 7 lub 1 hlis xyoo 1844.
    Thaum Bes Nas Des yug tau 2 hnub xwb ces nws niam thiab nws txiv cia li coj nws mus txais lub Cim Ntxuav nyob hauv Tsev Teev Ntuj. Thaum tus Txiv Plig ua lub Cim Ntxuav rau nws, nws niam thiab txiv thiaj tau xaiv lub npe “ Mab Liab Bes Nas Des” rau nws. Npes Nas des yug los nyob hauv ib tse neeg tsis nplua nuj tab sis kuj tsis npluag pes tsawg thiab. Nws iam thiab nws txiv yog ob tug Kws zom hmoov nplej hauv lawv lub zos.
    Muaj ib hnub nws niam raug xwm txheej, ces nws niam thiaj mus thov ib tug poj niam pab tu Bes Nas Des ces Bes Nas Des thiaj nrog nws nyob tau 16 lub hlis.
    Xyoo 1857, muaj ib txoj kev txom nyem rov tuaj raug rau Bes Nas Des tsev neeg. Yam li muaj neeg nyiag ib hnab hmoov nplej tom Bes Nas Des txiv tus qub thawj tswj lub tsev zom hmoov nplej. Ces luag cia li liam txim rau Bes Nas Des txiv ris thiab coj nws mus kaw tau 8 hnub. Ces Bes Nas Des txiv thiaj poob hauj lwm. Nws raug luag saib tsis taus. Txij ntawd los Bes Nas Des tsev neeg pib poob rau hauv txoj kev txom nyem thiab pluag.

    Lub caij Niam mab liab yuav tshwm sim rau Npes Nas Des pom xyeem.

    Thaum Npes nas des muaj 13 xyoos, nws tsis paub ntawv, tsis txawj nyeem, tsis txawj sau li. Vim nws yog i b tug neeg muaj mob thaum yau los thiab nws yog tus hlob ntawm nws niam thiab nws txiv 9 leeg me nyuam; ces nws yuav tsum tau zov cov yau kom nws niam thiab txiv thiaj tau tes mus ua zog tu luag vaj tus luag tsev kom thiaj tau me ntsis nyiaj los koob nws tsev neeg. Npes Nas Des thiaj tau rov mus tom lub nroog Npas Rhev uas yog lub nroog nws nyob hlob. Nyob tod nws xav mus npaj siab yuav txais lub Cim Yug Thawj zaug thiab mus ua zog zov yaj. Tab sis tsis tau raws siab xav vim nyob tod nws niaj hnub mus zov yaj xwb tsis khoom los kawm Kev Ntseeg thiab kawm ntawv ntawm Txiv Plig. Ces ib xyoos tom qab Npes Nas Des thiaj ua ib siab khiav rov los nyob Luj ( Lourdes). Tab txawm txom nyem npaum li cas los nws ua ib siab tiv kev txom nyem tsuav nws tau mus kawm kev Ntseeg thiab kawm ntawv hauv cov Phauj lub tsev qhia ntawv dawb, kom tau mus txais lub Cim Yug Thawj Zaug.

    Niam mab liab Tshwm rau Npes Nas Dev pom xyeem 18 zaus nkaus.


    Xyoo 1858 yog ib xyoo Tshwj Xeeb rau Npes Nas Des.
    Muaj tej yam xwm tshwm sim los rau Npes Nas Des lub neej. Yam xwm nov yog Niam Mab Liab yees rau Npes Nas des pom xyeem ntau zaus thiab kom Npes Nas Des tshaj Tswv ntuj cov lus rau ntiaj teb neeg.






    Pom Niam Mab Liab thawj zaug, hnub tim 11 lub 2 hlis 1858.


    Lub caij ntawd Npes Nas Des muaj 14 xyoos lawm, vim kev txom nyem tsis muaj tsev nyob, lawv thiaj mus nyob hauv ib lub qub tsev Loj Faj ( Prison). Lub tsev Loj Faj nov khaub hlab thiab txias heev, tsis muaj taws rauv ces Npes Nas des thiaj nrog nws tus niam hluas hu ua Tuas Nev ( Toinette) thiab ib tug phooj ywg hu ua Zam ( Jeanne Abadie) mus khaws taws ntawm taw tsua. Thaum lawv tuaj txog ntawm lub pob tsuas yuav tsum hla tus me nyuam dej dej hu ua Gave de Pau thiaj mus txog hauv qab tsuas uas muaj taws qhuav ntau heev.
    Npes Nas des tus niam hluas thiab tus phooj ywg twb ua ntej hla dhau dej sab tid lawm. Npes Nas Des lawv qab tuaj txig, pom muaj kwj deg ces nws thiaj qhe khau thiab qhe vuam txwv ( thom khwm). Thaum Npes Nas Des tab tom hle vuam txwv, nws thiaj pom, nws tham tias:

    “ Kuv hnov nrov ib teg ces kuv ntsia mus nram plag hav, kuv tsis pom ib tug ntoo co li. Ces kuv thiaj rov hle khau dua, kuv rov hnov dua ib teg thiab kuv thiaj li ntsia mus pem lub qhov tsua Massabielle naj ua ciav kuv pom ib tug poj niam hnav dawb. Nws hnav ib daim tiab dawb, sia ib txoj siv xiav, ntoo ib txoj phuam dawb thiab muaj ob lub paj ntshua npaim daj nyob ntawm nws ob txhais ko taw uas yog tib tsos li ntawm nws txoj saw Mab Liab. Ua rau kuv ceeb, kuv thiaj mos tsuag tsuag qhov muag tag rov ntsia dua ua cast seem pom tus poj niam ntawd zoo li qhov qub thiab. Thaum ntawd kuv thiaj cev tes muab kuv txoj saw Mab Liab nyob hauv kuv hnab tshos los hais thiab kuv xav ua Ntoo Cuam Lub Cim. Tab sis kuv nqa tsis taus kuv txhais tev los txog ntawm kuv lub hauv pliaj, nws pheej poob tas zog rov qab xwb. Tus poj niam ntawd thiaj muaj txoj saw Mab liab uas nws tuav ntawm tes os ua Ntoo Cuam lub Cim. Thaum ntawd kuv rov ua Ntoo Cuam lub Cim zaum ob ces kuv thiaj li ua tau lawm. Tom qab kuv ua Ntoo Cuam lub Cim tag, qhov kuv ceeb thiab ntshai cia li ploj lawm. Kuv thiaj txhos caug thiab hais saw mab Liab ntawm tus poj niam zoo nkauj ntawd xub ntiag. Kuv pom tus poj niam zoo nkauj ntawd txhais tes mus dhau ib lub hlaws zuj zus ntawm nws txoj saw Mab Liab; tab sis kuv tsis pom nws de ncauj ua zog li. Thaum kuv hais kuv txoj saw Mab Liab tas, tus poj niam ntawd kom kuv txav mus ze nws. Tab sis kuv tsis muaj peev xwm ua ib yam dab tsi l ices ib sij huam nws cia li ploj ntais lawm”.
    Tag li ntawd kuv thiaj hle kuv nkawm khau thiab hla dej mus tim ob lub qhov tsua uas kuv tus niam hluas thiab phooj ywg tab tom khaws taws. Thaum peb khaws taws tag, peb yuav los tsev kuv thiaj nug nkawd tias nkawd puas pom dab tsi. Nkawd teb rau kuv tias: “Wb tsis pom dab tsi mab.” Kuv thiaj rov nug nkawd dua, nkawd kuj teb li qub.
    Nkawd thiaj tig rov los nuj kuv tias: Koj nev koj pom dab tsi lov?
    Kuv thiaj teb rau nkawd tias: “ Yog neb tsis pom dab tsis, kuv kuj tsis pom dab tsi thiab.” Tab sis nkawd tsis ntseeg kuv ces thaum peb taug kev rov qab los, nkawd pheej taij kuv tas zog, kuv thiaj li tau qhia nkawd. Tab sis nkawd yuav tsum cog lus rau kuv tias nkaws tsis tham qhia leej twg paub. Tab sis peb nyuam qhuav los txog tsev xwb nkawd twb muab tag txhua yam uas kuv tau pom tham qhia rau sawv daws lawm.




    Txuas ntxiv lwm zaus.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 8th September 2009, 8:15 am



    Niam Mab Liab tshwm sim rau Leej Ntshiab Bernadette zaum 2.


    Leej Ntshiab Bernadette hais tias:

    Yog hnub Chiv, tim 14 lub 2 hlis xyoo 1858, kuv rov qab mus tim lub qhov tsua, vim nyob rau hauv kuv nruab siab kuv hnov zoo li muaj ib qho dab tsi rub kom kuv mus. Kuv niam txwv tsis pub kuv mus; tab sis thaum peb mus teev Ntuj, Mis xas tag los ob tug me nyuam ntxhais peb thiaj rov thov kuv niam dua. Kuv niam tsis kam, nws ntshai tsam kuv mus kuv ho lam ntog ntawm tus dej ces rov los tsis ncav teev Ntuj thaum tsaus ntuj. Kuv thiaj cog lus rau kuv niam tias kuv yuav rov los kom ncav xwb ces kuv niam thiaj tso cai rau peb mus. Kuv coj ob tug me nyuam ntxhais nrog kuv mus, vim kuv xav paub seb puas yog kuv nraug zeeg muag xwb los yog tseeb tiag.

    Bernadette hais rau ob tug ntxhais tias:

    " Ua ntej peb yuav mus, kuv mus nqa ib qho dej Foom Hmoov Zoo hauv tsev teev Ntuj tso. Kom tau cuam mus ywg tus poj niam yog nws rov yees tawm tuaj"

    Thaum peb mus txog tom lub qhov tsua, peb txawm txhos caug thiab pib hais txoj Saw Mab liab. Kuv nyuam qhuav hais tag ib yag 10 zaj " koj nyob zoo Mab Liab" xwb, kuv cia li rov pom tus poj niam qub. Kuv thiaj muaj hwj dej Foom Hmoov Zoo uas kuv nqa tuaj cuam mus ywg nws thiab kuv hais rau nws tias:

    " Yog koj tuaj ntawm Huab Tais Ntuj tuaj no koj nyob. Hos tsis yog no koj cia li khiav mus".

    Tab sis kuv yim cuam dej rau nws, nws yim luag ntxhi rau kuv. Ces thaum kuv cuam hwj dej tag tib si rau nws thiab kuv hais saw mab Liab tag, nws cia li yaj ntshis lawm.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 8th September 2009, 8:38 am

    Niam Mab Liab yees tshwm zaum 3.




    Yog hnub tim 18 lub 2 hlis xyoo 1858, zaum no muaj ib tug poj niam laus nrog Bernadette mus tom lub qhov tsua. Muaj ob tug poj niam tau hais rau Bernadette kom nws nqa ntawv thiaj cwj mem nrog nws mus. Raws li Bernadette piav thaum lawv mus txog ntawm chaw:

    " Kuv pib hais saw Mab liab, kuv nyuam qhuav hais thawj yag, 10 zaj "Koj nyob zoo Mab Liab" xwb, kuv rov pom tus poj niam qub. Kuv thiaj thov nws hais tias yog nws muaj dab tsis hais rau kuv mas kuv yuav muab sau tseg rau hauv ntawv nov ces nws thiaj li luag ntxhi thiab hais rau kuv tias:

    " Cov lus kuv yuav hais mas tsis tas yuav muab sau rau hauv ntawv".

    Ces nws txawm hais ntxiv hais tias: " Seb koj puas kam tuaj ntawm thaj chaw no 15 hnub sib law?"

    Kuv thiaj teb rau nws tias: "Kuv kam kawg".

    Tas li ntawd nws rov hais rau kuv ntxiv tias:

    " Kuv tsis cog lus rau koj tias koj yuav tau zoo nyob ntiaj teb no, tab sis nyob lwm lub".


    Txuas ntxiv lwm zaus

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 11th September 2009, 5:58 am





    Ntau hnub tom qab, Niam Mab liab tshwm sim rau Leej Ntshiab Bernadette pom xyeem ntxiv:

    Zaum 4 ( 19 lub 2 hlis), zaum 5 ( 20 lub 2 hlis), zaum 6 ( 21 lub 2hlis), zaum 7 ( 22 lub 2 hlis).


    Txhua zaus Bernadtte nrog tus poj zoo nkauj teev saw Mab Liab ua ke thiab zaum puav bnkaws kuj tham luag ntxhi ua ke. Cov neeg tuaj xyuas ib hnub coob zuj zus.

    Txij hnub Wednesday 24 lub 2 hlis txog ntua tim 1 lub 3 hlis yog Niam Mab Liab tshwm sim zaum 8 mus txog ntuav zaus 12:


    Txij zaum no mus ces tus poj zoo nkauj ntsej muag mluas thiab pheej hais tias: " Them txim, them txim, them txim (Khov kev phem kom zoo)"..." Thov Ntuj rau cov neeg tau ua txhaum"..." Koj puas kam pe hauv av kom tau them txim rau rau cov neeg txhaum?"..."Koj puas kam noj nyom ntawm ko them txim rau cov neeg txhaum?"...Zaum nov yog thawj zaug uas Niam Mab Liab hais lo lus "them txim txhaum".

    Niam Mab liab tshwm sim tuaj zaum 9, yog hnub tim 25 lub 2 hlis.

    Zaum no Niam Mab Liab yees tawm tuaj rau Bernadette pom, nws hais 3 zaug sib law rau Bernadette kom mus noj cov nroj ua nyob ze ntawm qhov tsua thiab kom nws haus cov dej hauv qhov dejthiab muab ntxuav nws.

    Bernadette hais li no:
    " Tus poj niam hais rau kuv tias, kom kuv mus haus dej tom luv qhov dej. Kuv ntsia tsis pom qhov dej nyob qhov twg kuv thiaj mus nram tus me nyuam dej. Tab sis , tus poj niam hais rau kuv tias tsis yog qhov ntawd. Nws thiaj li taw tes qhia lub qhov dej rau kuv...Kuv thiaj mus ze ntawm qhov chaw tus poj niam qhia rau kuv. Kuv mus txog tsis pom muaj dab tsi li, tsuas pom muaj me ntsis dej kua av xwb. Kuv thiaj cev tes mus yawm, tab sis yawm tsis tau. Kuv thiaj xuas tes khawb, ces kuv thiaj yawm tau dej. Kuv yawm 3 zaug mas tsis zoo haus li, yog tib cov dej kua av thiab muaj txo heev. Yawm zaum 4 mas cov dej thiaj mam zoo haus.
    Tsis tas li ntawd xwb, nws tseem hais kom kuv mus noj ib qho nyom ntawm thaj chaw uas kuv haus dej ntawd. Thaum hais li ntawd ces tus poj niam cia li ploj lawm".

    Thaum ntuj tsim teb raug los, qhov chaw uas Bernadette xuas tes khawb ntawd yeej tsis muaj dej txhawv li...Tab sis txij hnub uas Bernadette xuas tes khawb ntawd tag es dej tawm rau nws haus ntawd tag ces cia li txhaw ib tug CAG DEJ luaj nkaus caj npab tawm plaws hauv av los yam txawv kawg nkaus, ntshiab ntshiab thiab tsis tu txog niaj hnub no. zaum no lawv ua iav dhos lub qhov dej txhawv ntawd, pom dej tshwm hauv av los li yus qhev tus ciav dej loj ywg teb.


    Lub qhov dej uas Bernadette khawb es dej txhawv yog zoo li nyob ntawm lub pob zeb ib sab ze ntawm tauv paj dawb.

    Lub qhov dej


    Hnub tim 2 lub 3hlis yog zaum 13 uas Niam Mab Liab tshwm sim rau Bernadette pom xyeem.


    Hnub no Niam Mab Liab tau txib Bernadette ua ib txoj hauj lwm. Bernadette hais li no: " Tus poj niam hais kom kuv mus hais rau cov Leej Choj kom lawv txhim tsa ib lub me nyuam tsev teev Ntuj rau ntawm lub qhov tsua nov".

    Kuv thiaj li mus cuag peb tus Txiv Plig thiab hais rau nws. Nws ntsia kuv ib me pliag ces nws txawm teb rau kuv tias:
    - "Tus poj niam ntawd yog leej twg?"
    Kuv thiaj teb Txiv Plig tias:
    - " Kuv tsis paub".
    Txiv Plig thiaj hais tias:
    - " Koj yuav tsum nug kom tau tus poj niam ntawd lub npe".

    Ces Taig kis tom qab yog zaum 14 uas Niam Mab Liab rov yees rau Bernadette pom.

    Bernadette hais li no:
    "Kuv nug nws lub npe, tab sis nws tsis teb kuv. Nws ua ntsej muag luag ntxhi rau kuv xwb. Ces thaum kuv rov los tsev, kuv thiaj mus tom Txiv Plig tias kuv twb xa nws cov lus rau tus poj niam lawm, tab sis tus poj niam tsis teb dab tsi li".

    Txiv Plig thiaj hais rau kuv tias:

    " Tus poj niam ntawd saib tsis taus koj. Kub txwv tsis pub koj mus tom lub qhov tsua ntawd ib zaug ntxiv lawm".

    Tab sis nyob hauv kuv nruab siab, kuv yeej kawg yuav tsum rov mus xwb thiaj tag.

    Taig kis rov tuaj, yog zaum 15 uas Niam Mab Liab tshwm sim.

    Hnub no yog hnub uas muaj Kav kiab muag txoob xib thiab zaub, mov nqaij nyob rau luv khw Lourdes. Ces hnub ntawd neeg tuaj kav kiab kav khw coob heev thiaj muaj neeg tuaj saib lub qhov tsua txog li 7.000 leej.
    Txij thaum Bernadette pom tus poj niam ntawd los txog tav nov, nws tseem tsis tau paub tias tus poj niam ntawd lub npe hu li cas li. Vim thaum twg Bernadette nug mas nws tsis teb li, nws tsua luag nyav rau Bernadette xwb.

    Niam Mab liab yees tshwm sim rau Bernadette pom zaum 16, Tim 25 lub 3hlis.


    Zaum no yog zaum tom qab uas Niam Mab Liab tshwm sim tuaj rau Bernadette pom 15 zaug sib law. Bernadette mam paub tias nws lub npe hu li cas. Bernadette hais li no:
    " Kuv rov nug nws 3 zaug sib law, nws yeej luag yav rau kuv xwb, kuv thiaj lam nug ib zaug ntxiv ua zaum 4. Tus poj niam thiaj li muab nws ob txhais tes los ua ntaj teg zem zuag rau ntawm nws hauv siab thiab hais tias: "Kuv yog tus xeeb los ntshiab huv". Cov lus nov yog cov lus kawg uas tus poj niam ntawd hais rau kuv.


    Mam txuas ntxiv lwm zaus.


    Last edited by Koojziagkabzaug on 21st September 2009, 5:11 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 20th September 2009, 9:02 am


    Niam Mab liab tshwm sim zaum 17 rau Bernadette
    pom xyeem yog hnub tim 7 lub 4 hlis


    Hnub no Niam Mab Liab yees tuaj rau Bernadette pom yuav luag 1 teev nrog rau ib pab neeg coob txog 200-300 leej. Thaum ntaws Bernadette tau muab txhais tes los thaiv tus cwm ciab nws tuav kom cua txhob tshuab , tus cwm ciab tau kub nws txhais tes ntev li ob peb fiab ( minuites) tab sis tsis pom kub nyhiab qhov twg li.

    Niam Mab Liab yees tshwm zaum kawg rau Bernadette pom.

    yog zaus 18 uas Niam Mab Liab tshwm sim rau Bernadette pom. Yog hnub tim 16 lub 7hli, uas yog lub Hmoov nco txog Niam mab Liab Notre-Dame du Mont Carmel.
    Thaum no muaj neeg tuaj xyuas coob lawm ces cov Nom tswv tsis xav kom neeg mus saib thiab ntseeg Bernadette, lawv tsi peeb zeej mus zov lub qab tsuas uas Bernadette pom Niam Mab Liab.
    Zaum kawg no Niam Mab Liab ci ntsa iab tsi zoo li txhua zaus. Bernadette hais li no:
    " Nws tawm tuaj yob qhov chaw qub uas nws niaj zaus tshwm. Thiab zaum no nws tsis hais dab tsi rau kuv li. Kuv tsis tau pom dua nws zoo nkauj npaum li nov li".




    Bernadette 1858



    Kem tsev Loj Faj uas Bernadette lawv nyob xyoo 1857-58



    Lub tsev zom Hmoov nplej uas yug Bernadette
    thiab nws txiv raug hiam poob hauj lwm ua rau lawv tsev neeg txais kev txom nyem.


    Last edited by Koojziagkabzaug on 21st September 2009, 5:34 am; edited 2 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 21st September 2009, 5:13 am


    Leej Ntshiab Bernadette mus ua Phauj







    Tom qab Bernadette pom Niam mab liab los.

    18 xyoo dhau mus ua Bernadette niaj hnub mus nkag tsev kho mob thiab kawm ntawv. Nws kuj maj mem ntxeem txeeb tau lub caij uas nws qeeb luag tej txog kev kawm. Thaum nws muaj 22 xyoo rau lub 7 hli 1864, Bernadette thiaj xaiv mus kawm ua Phauj hauv lub Koom Haum " Niam twj Cuab Siab Dawb ( les sœurs de la Charité ) nyob rau Nevers". Lawv txoj cai: Ua ntej yuav mus ua Phauj, yuav tsum muab tag nrho yus lub cuab tam teeg tug tso tseg, muab pub rau cov pluag. Bernadette thiaj hais tias: "Kuv yuav muab tag nrho kuv lub cuab tam, tab sis kuv twb tsis muaj dab tsi yuav muab". Thiab yog leej twg nkag mus ua Phauj hauv lawm ces mus nyob tsis tawm sab nraud thiab lawv txoj hauj lwm yog Teev Ntuj rau ntiaj teb neeg txog ntua hnub nws tas sim neej txoj sia.

    Bernadette kev mus cog lus ua Phauj.

    Bernadette hais tias: " Kuv yuav tsum mus kawm ua Phauj, tab sis Niam Mab Liab tsis tau hais rau kuv tias kom kuv mus ua hom Phauj twg".

    Hnub tim 3 lub 7 hli xyoo 1866 yog hnub uas Bernadette yuav ncaim Lourdes mus rau Nervers, nws thiaj rov mus xyuas lub qhov tsua ua zaum kawg.

    Tim 7 lub 7hli 1866, Bernadette Hla Saint-Gildard, Lub Tsev Hauv Paus ntawm Tsoom Phauj Siab Dawb nyob Nevers(Congrégation des Sœurs de la Charité de Nevers). Txog ntua hnub nws tas txoj sia, hnub Wednesday, Tim 16 lub 4hlis 1879. Nws muaj 35xyoo.




    Hnub tim 6 lub 4hlis 1869,
    Leej Ntshiab Bernadette tau hais cov lus no:
    "Kuv thov kom tswv Ntuj thiab Niam Mab Liab nkawd pab kuv tig los yuav lub siab tshiab. Tab sis ntau zaus kuv ua raws li kuv lub siab nyiam xwb. Tej no ua rau kuv txaj muag; vim kuv pheej hloov tsis tau kuv lub siab li thiab".


    " Leej twg ris tas ib puas tsav yam nyuaj uas tuaj raug nws, kuj yog vim nws nyiam thiab hlub Tswv Ntuj. Mas tus neeg ntawd yog tus mloog Tswv Ntuj lus tseeb tiag".






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 21st September 2009, 7:05 am


    Lourdes & Hwj Huam yees ntxwv.

    Txij thaum Niam Mab Liab tshwm sim rau Leej Ntshiab Bernadette pom xyeem los, muaj neeg thoob ntiaj teb niaj hnub tuaj mus Thov Txiaj Ntsim nyob Lourdes. Coob tus muaj mob nyhav uas Kws Tshuaj kho tsis tau, lawv tuaj thov Ntuj kuj tau txiaj ntsim, ua rau lawv tus mob zoo hlo.


    Nyeem Muas Nkaj Tsab tsab ntawv:

    Nyob zoo tsoom phooj ywg ntseeg Tswv Ntuj...

    Hnub tim 2 mus rau hnub tim 6 lub 8 hli ntuj 2008 no, peb tsoom Hmoob Kav Tos Liv nyob ib cheej tsam Paris, tau mus sau siab nyob rau nram Lourdes.

    Peb muaj 7 leej pem no mus ntxiv rau phauj Txiab Neeb thiab nws tus txiv François Leblanc nyob rau nram Castres.
    Muab xam tas nrog cov ntseeg Los Tsuas thiab peb, muaj kwv yees li 100 leej.
    Pom tau tias muaj qab hau kawg.

    Peb mus ua pab pawg raws li Txiv Plig lawv hais.
    Thov hais rau peb phooj ywg Hmoob yog leej twg tsi tau mus no mus xyuas thiaj li paub txog luag pej kum teb saib luag txoj kev ntseeg ho zoo li cas.

    Yog leej twg mus no mus raws li Txiv Plig lawv mus thiaj li zoo vim tias lawm thiaj li muaj chaw so thiab paub lub sij hawm sib sau tseem ceeb yus mus koom tau, vim tias lawv muaj ntau "programmes".
    Thiab yog leej twg yuav mus sib sau ua ib pab li ntawd mas yij meem npaj khau thiab khaub ncaws Sport thiaj zoo ncig mus ub mus no...

    Niaj hmo thaum 9 teev tsaus ntuj sawv daws mus teev ntuj ua ke kwv nNam Mab Liab ncig lub chav "esplanade". Neeg coob ntau txhiab leej ua ke... Pe pab Ntseeg Los Tsuas tau raug kwv Niam Mab Liab ncig luv chav ntawd thiab. Lawv kuj muaj ntsej muag li luag pej kum neeg kawg.

    Tu siab me ntsis tias peb cov Hmoob mus tau tsi coob, tsuas yog ua poov xwb ! Vam tias zaum yuav tuaj no peb Hmoob yuav mus coob thiab yuav coob zuj zus ntxiv lawm yav tom ntej...

    Thov Niam Mab Liab foom koob hmoov pub rau peb ib tsoom ntseeg sawv daws kom tsuas tau ntsib txoj kev thaj yeeb..

    Sib ntsib dua,
    Tus sau : MUAS Nkaj Tsab / Jean Claude MUAS








    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Hwm Tsoom Leej Ntsiab

    Post  Mim on 31st October 2009, 12:30 pm

    Ua cas kuv twb siv sij hawm ntev loo ntaus ntaus tau ib zag txog tag kis tim 1 lub 11 yog hnub peb ua kev hwm tas ib tsoom leej ntshiab thiab hais txig tim 2 yog hnub peb ua thaj txi ntuj thov ntuj rau cov uas tau tas sim neej lawm. Tiam sis zoo li nkag tsi tau rau hauv no li, es yog li cas lawm mas?...Tej zaum zoo li no ces yog nkim yus lub zog thiab lub sij hawm xwb lod?

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 31st October 2009, 1:36 pm

    Mim wrote:Ua cas kuv twb siv sij hawm ntev loo ntaus ntaus tau ib zag txog tag kis tim 1 lub 11 yog hnub peb ua kev hwm tas ib tsoom leej ntshiab thiab hais txig tim 2 yog hnub peb ua thaj txi ntuj thov ntuj rau cov uas tau tas sim neej lawm. Tiam sis zoo li nkag tsi tau rau hauv no li, es yog li cas lawm mas?...Tej zaum zoo li no ces yog nkim yus lub zog thiab lub sij hawm xwb lod?

    Mim,

    Faj seeb, yog thaum koj sau tau, koj yuav Envoyer ( Send or Add Reply) koj yuav tsum copy koj cov lus tseg, koj mam Send. Vim tej zaud yus nyem yuam kev los yog Yog Forum muaj teeb meem thiaj tsis tau rov sau dua. Thiab yus sau tag, tsis nco qab tag ces laj rov sau dua.

    Kuv li mas txog tav nov, nyob hauv Hmoob Catholique no kuv tseem tsis tau raug teeb meem li. Tab sis nyob hauv Hmongza.com mas thaum ub ua rau kuv ploj ntau yam thaum kuv Send.

    Hauv nov nag hmo Nkauj nag kuj hais rau kuv tias nws twb sau ob peb zaug pheej tsis tshwm li no. Tej zaud yog neb tsis saib zoo, neb nyem yuam kev ib qho lawm kuj tsis paub.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Sau Siab mus ncig xyuas Leej Ntshiab Bernadette

    Post  Mim on 1st November 2009, 2:03 pm


    Tais Tooj,
    Kuv xav hais tias kuv yeej tsis yuam kev, tiam sis zoo li nej muaj ob peb chav sib tham nyob hauv nov sub puas yog? Tej zaum yog kuv tsis muaj connection ces thiaj li ploj tas tsis tshwm. Nws yog ib qho rau kuv kawm kom to taub qhov nov.

    Kuv ho xav nug ib qho li no: kuv pom nej muab tau tsheej ob peb phab ntawv lus Mes Lis Kas los ntawv Fab Kis tso rau hauv no, yog nej mam xeem ntaus los yog nej muab copy tso rau xwb? Thaum nej tso duab ned, nej ho tso li cas? Thiab cov suab nkauj uas nej muab lwm qhov los ne? yog kuv maj mam xyaum kuv no nyaj qhov kawg kuv yuav ua tau thiab, tiam sis yog nej piav qhia kuv ntshai kuv yuav paub sai dua. Txawm li cas los ntshai ua li koj hais yauv tsum tau muab copy cia ntshai yauv meej tshaj. Es ua tsaug koj cov lus qhia kuv os.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Hwm Tsoom Leej Ntshiab

    Post  Mim on 1st November 2009, 6:24 pm

    Nag hmo kuv tau sau ib zag, tiam sis nws tsis tawm ces kuv ho rov sau dua, tiam sis ntshai yuav txawv zaj qub lawm, vim kuv tsis tau muab copy cia.

    LUB HMOOV COV LEEJ NTSHIAB


    Hnub no yog tim 1 lub 11 hlis ntuj, nyob thoob ntiaj teb lub Koom Txoos Kas Tos Liv ua kev hwm tag ib tsoom leej ntshiab(All Saints Day/ La Toussaint). Yog vim li ntawd peb thiaj li nyeem cov zaj nyeem uas XH Npuag Tub muab tso rau hauv no peb tau nyeem. Cov leej ntshiab yog cov neeg uas lawv dhau mus nrog Tswv Ntuj nyob lawm. Thaum lawv ua neej lawv tau coj raws nraim li HT Yes Xus cov lus nyob hauv ntawv Moo Zoo hnub no. Lawv yog cov muaj lub siab lub tswv yim ua neeg pluag, txawm lawv muaj nyiaj muaj txiaj los nyiaj txiag tsis yog huab tais rau lawv, lawv siv lawv tej nyiaj txiag los tiam Tswv Ntuj thiab tiam luag kom tau tsob hwb Tswv Ntuj xwb. Lawv yog cov neeg siab zoo hlub thiab zam rau lwm leej lwm tus. Lawv yog cov neeg me tsis khav theeb tsis muab hlob, lawv lees paub lawv yog neeg txaug neeg txhaum, lawv vam Tswv Ntuj los pab lawv cawm lawv. Lawv tsis nrhiav kev txhaum rau leej twg, tsis ua kom muaj kev ntxub ntxaug nrog luag tej. Lawv yog cov neeg siab dawb siab huv, tsis nrhiav kev phem kev qhias nyob hauv ntiaj teb no. Lawv muab Tswv Ntuj saib tseem ceeb dua ntais, lawv ua kom haum li Tswv Ntuj txoj cai; txawm yuav muaj tus thuam lawv saib tsis taus los lawv ua tiag nyiaj kom dhau, tsis yeem ua kom neeg nyiam xwb tiam sis Tswv Ntuj tsis nyiam.

    Hnub no peb hwm tas ib tsoom leej ntshiab. Muaj ib co leej ntshiab uas peb paub npe vim lub Koom Txoos tau tsa lawv ua leej ntshiab lawm. Tiam sis kuj muaj ib co uas peb tsis paub lawv npe vim lub Koom Txoos tsis tsa lawv ua leej ntshiab, tiam sis lawv kuj yog leej ntshiab ib yam nkaus thiab. Ces hnub no peb hwm tas nrho cov uas lawv tau raug tsa ua leej ntshiab thiab cov uas tsis tau tib si, vim lawv sawv daws yog ib co neeg zoo ib yam li peb, uas tau tawm tsam yeej ntiaj teb txoj kev phem thiab txoj kev haub kev ntxias, lawv thiaj tau mus nyob saum ntuj lawm.

    Lub Koom Txoos xaiv tej tus neeg tshwj xeeb coj los tsa ua leej ntshiab, vim lub Koom Txoos pom hais tias cov neeg ntawd lub neej tsim nyog muab coj los ua qauv rau peb cov ntseeg sawv daws xyaum kom peb ua tau ib co neeg ntshiab ib yam li lawv thiab. Vim lub hom phiaj hauv peb lub neej ntiaj teb no yog xyaum ua neeg ntshiab kom thiaj tau mus pom Tswv Ntuj xwb.


    Zoo xws li leej ntshiab Bernadette, uas tais Tooj thiab Maiv Paj Lug nkawd twb muab rau peb nyeem saum toj no. Nws yog ib tug neeg siab dawb siab huv nws thiaj tau pom Niam Mab Liab. Tsis tas li ntawd, thaum nws mus ua phauj lawm, nws ua neeg me tsis muaj koob nto npe dab tsi li. Cov phauj loj saib nws lub koom haum kuj tau ua ntau yam los tsim nws, tiam sis nws kuj tau ua ntsej muag luag ntxhi rau lawv, mloog lawv lus thiab saib lawv ua nws cov thawj. Nws kuj yog ib tug neeg muaj mob taug, tiam sis nws nyiaj tas puas tsav yam kev nyuaj, kev tsim txom, kev mob nkeeg los pab cov neeg txhaum vim nws nyiam HT Yes Xus. Leej ntshiab Bernadette yog ib tug tau ua qauv zoo rau peb xyaum.

    Peb cov neeg ntiaj teb, muaj cov uas kub siab lug nyiam Tswv Ntuj. Thaum lawv tas sim neej lawv yog cov leej ntshiab nyob saum ntuj. Tiam sis peb kuj muaj ib co uas lawv kuj tau siv zog kawg, tiam sis lawv tseem dawb huv tsis tau txaus. Thaum lawv tas sim neej, lawv xub mus nyob rau teb chaws them txim (Purgatory/Purgatoire). Raws li peb to taub me me mas nyob rau teb chaws them txim cov neeg nyob txom nyem kawg, yuav luag npaum nyob hauv dab phem te los yog Ntuj Tawg (Hell/Enfer); yog lawv kev them txim. Tiam sis lawv muaj ib txog kev cia siab hais tias ib hnub tom ntej ub, lawv yuav tau mus nrog Tswv Ntuj nyob. Lawv ua tsis tau dab tsi los pab lawv tus kheej, tiam sis peb cov tseem nyob ntiaj teb, pab tau lawv. Yog peb nqa me me nyiaj mus thov txiv plig ua tej thaj txi ntuj pab lawv, yog peb ua kev yoo mov thiab thov ntuj tsis tseg rau lawv, mas peb yuav pab tau lawv dim sai mus nyob saum ntuj.



    Yog vim li ntawd, tag kis tim 2 lub 11 hlis, peb cov Kas Tos Liv muaj ib hnub tshwj xeeb cia mus ua thaj txi ntuj thov ntuj pab rau cov uas tau tas sim neej lawm (All Souls Day/Jour des Morts). Yog peb muaj neeg tau ncaim mus lawm mas peb yuav tau nqa paj ntoos mus tu lawv lub ntxa thiab mus thov ntuj pab rau lawv. Yog peb muaj neeg tau ncaim lawm mas tsis txhob tos txog tim 2 lub 11 hlis li, yuav tsum tau nquag thov ntuj rau lawv thiab thov thaj txi ntuj pab rau lawv. Nyob hauv peb church ntawm no, hu ua Our Lady of Good Counsel, peb tus txiv plig muab ib phau ntawv los tso rau ntawm hauv ntej, ze ntawm ib sab thaj txi ntuj, kom sawv daws mus sau nyias cov neeg uas tau tas sim neej lawd npe rau hauv phau ntawv. Tas lub 11 hlis, txiv plig ua thaj txi ntuj thaum twg mas nws yuav thov ntuj pab rau sawv daws cov muaj npe nyob hauv.

    Kuv tuaj piav me ntsis li no. Tej zaum nej twb paub tas lawm los muaj, tej zaum tej tus ho tsis paub los muaj. Muaj tej yam kuv ho paub tsis txog, nej paub los nej ho hais ntxiv rau, es peb sawv daws thiaj paub. Tej yam kuv ho hais yuam kev los nej hais qhia thiab.


    Last edited by Mim on 5th November 2009, 1:53 pm; edited 2 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 1st November 2009, 6:26 pm

    Mim wrote:
    Maiv Tooj wrote:
    Mim wrote:Ua cas kuv twb siv sij hawm ntev loo ntaus ntaus tau ib zag txog tag kis tim 1 lub 11 yog hnub peb ua kev hwm tas ib tsoom leej ntshiab thiab hais txig tim 2 yog hnub peb ua thaj txi ntuj thov ntuj rau cov uas tau tas sim neej lawm. Tiam sis zoo li nkag tsi tau rau hauv no li, es yog li cas lawm mas?...Tej zaum zoo li no ces yog nkim yus lub zog thiab lub sij hawm xwb lod?

    Mim,

    Faj seeb, yog thaum koj sau tau, koj yuav Envoyer ( Send or Add Reply) koj yuav tsum copy koj cov lus tseg, koj mam Send. Vim tej zaud yus nyem yuam kev los yog Yog Forum muaj teeb meem thiaj tsis tau rov sau dua. Thiab yus sau tag, tsis nco qab tag ces laj rov sau dua.

    Kuv li mas txog tav nov, nyob hauv Hmoob Catholique no kuv tseem tsis tau raug teeb meem li. Tab sis nyob hauv Hmongza.com mas thaum ub ua rau kuv ploj ntau yam thaum kuv Send.

    Hauv nov nag hmo Nkauj nag kuj hais rau kuv tias nws twb sau ob peb zaug pheej tsis tshwm li no. Tej zaud yog neb tsis saib zoo, neb nyem yuam kev ib qho lawm kuj tsis paub.

    Tais Tooj,
    Kuv xav hais tias kuv yeej tsis yuam kev, tiam sis zoo li nej muaj ob peb chav sib tham nyob hauv nov sub puas yog? Tej zaum yog kuv tsis muaj connection ces thiaj li ploj tas tsis tshwm. Nws yog ib qho rau kuv kawm kom to taub qhov nov.

    Kuv ho xav nug ib qho li no: kuv pom nej muab tau tsheej ob peb phab ntawv lus Mes Lis Kas los ntawv Fab Kis tso rau hauv no, yog nej mam xeem ntaus los yog nej muab copy tso rau xwb? Thaum nej tso duab ned, nej ho tso li cas? Thiab cov suab nkauj uas nej muab lwm qhov los ne? yog kuv maj mam xyaum kuv no nyaj qhov kawg kuv yuav ua tau thiab, tiam sis yog nej piav qhia kuv ntshai kuv yuav paub sai dua. Txawm li cas los ntshai ua li koj hais yauv tsum tau muab copy cia ntshai yauv meej tshaj. Es ua tsaug koj cov lus qhia kuv os.

    Nyob zoo Mim,

    Hais txog cov ntawv Fab Kis los English uas tso rau hauv nov, yog May Paj Lug thiab XH. Npuag Tub nkaws tso xwb, kuv tseem tso lus Hmoob xwb mus tsis tau txog pej kum lus. Kuv kuj tsis tau nug tseeb tab sis kuv xav tias May Paj Lug nws copy- coller xwb. Yog nws pom luag cov Website hais tej yam zoo thiab tseem ceeb ces nws copy-coller tso. Tab sis Maypaj Lug mas nws ntau ntawv nrawm heev ces nws ntau kiag tshiab los nws yuav tsis txom nyem li kuv. Ntawm kuv tus kheej, tej yam yog kuv txua kuv pheev los ces kuv ntau kuv. Yog kuv muab luag li los ces kuv copy coller thiab xwb. Ib yam li Ntawv Ntshiab, cov lus Thoob Tsib hauv Ntawv Faj Lem, kuv muab ntawm Txhiaj Vwj Yaj lub Website " Hmongrpa los. Tab sis ib ntus no nws lub Website pheej tsis muaj connection lawm.

    Thaum koj sau tau ib zaj, koj yuav Send, koj tsis thas yuav copy cia rau Microsof los tau, koj cia li Selectioné thiab copy cia rau ntawm koj tus Mouse xwb los tau. Tsis li ntawd yav thaum ub kuv tsis tshua tau keej, kuv qheb lub Forum ob qho, kuv npaj tau rau ib qho, kuv ho mus qheb dua ib qho tshiab los Poster. Thaum kuv posté tag, saib nws tshwm lawm tiag tiag li, kuv mam tua lub uas kuv npaj ntawd. Kom yog ib qho tsis tshwm los tshua ib qho los faj seeb. Vim lus lub tswv yim ya lawv lis, yus sau ib yam tag rov sau dua tsis zoo li qub lawm. Tej thaum kuv sau lus cuam txwv ( Poeme) ces kuv tsis nco qab hais tias kuv hais li cas lawm...Hahahah...!

    Hais txog tso duab,

    Nws muaj 2 yam tso:
    1/ koj cov duab ntawm koj lub PC los yog CD.
    2/ Duab hauv cab sab.

    1/ Tso duab ntawm koj cov Dossiers los yog CD

    Thaum koj Reply ib qho Post los txog,
    nyob ntawm qhov chaw uas koj sau ntawv saum toj, koj pom ib cov signes carrés.
    Koj click rau qhov signe N° 1 [color=red]===>=green]] 2 lub carrés sib tshooj ntawm kab 2.
    Koj pom tshwj ib qho tableau los,
    Koj click rau Parcourir
    Ces koj mus xaiv daim duab hauv koj qhov Dossier los yog CD.
    Koj click " Ouvrir" ntawm daim tableau hauv qab ( nov ces zoo ib yam li koj xa duab hauv E_mail).
    Tshwm rov los.
    Koj click rau "envoyer".

    Tshwm los ib cov programe los ces koj sélectioner ntawm " Copier" ces koj copy tau, koj rov Click ntawm 2 lub carrés sib tshooj kom qhov programe ploj mus.
    Ces qhov koj copy tau koj coj los tso rau hauv koj daim page uas koj tab tom npaj.
    Ces koj tso tau duab lawm. Tab sis hauv Forum Hmong Catholique no daim page me me ntsis lawm, pheej muab koj daim duab txiav ib tog lawm. Kuv siv ib cov Frame los ua kom daim duab me. Tab sis kuv yuav tsis qhia koj hnub no vim yuav cov rau koj. Ces yog koj tso duab tag, kuv mam tuaj kho rau koj ib yam li kho rau XH. Npuag Tub xwb...

    Li nov xwb es koj mam sim seb puas tau. Yog tsis tau no mam rov qhia dua.

    Kuv yuav mus hauj lwm lawm ces ib tsam mam los tham ntxiv.

    Bisous


    2/ Tso duab cab sab

    Koj pom ib daim duab uas koj nyiam,
    ces koj Cilck droite rau saum daim duab, ib daim tableau tshwm los, koj click rau " Propriétaire"
    Tshwm ib daim Tableau los.
    Ces koj sélectioner thiab copy qhov Adress ntawm Emplacement

    ===>
    Thaum koj coj los txog ntawm koj qhov Post uas koj tab tom sau, koj click rau lub Carré N° 2 Tshwm ib qhov tableau, koj muab qhov koj copy los coj los tso rau hauv lub tableau uas tshwm tuaj. nyem OK ces koj tso tau daim duab hauv koj lub Post lawm.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 2nd November 2009, 6:41 am

    Mim wrote:Nag hmo kuv tau sau ib zag, tiam sis nws tsis tawm ces kuv ho rov sau dua, tiam sis ntshai yuav txawv zaj qub lawm, vim kuv tsis tau muab copy cia.

    LUB HMOOV COV LEEJ NTSHIAB



    Hnub no yog tim 1 lub 11 hlis ntuj, nyob thoob ntiaj teb lub Koom Txoos Kas Tos Liv ua kev hwm tag ib tsoom leej ntshiab(All Saints Day/ La Toussaint). Yog vim li ntawd peb thiaj li nyeem cov zaj nyeem uas XH Npuag Tub muab tso rau hauv no peb tau nyeem. Cov leej ntshiab yog cov neeg uas lawv dhau mus nrog Tswv Ntuj nyob lawm. Thaum lawv ua neej lawv tau coj raws nraim li HT Yes Xus cov lus nyob hauv ntawv Moo Zoo hnub no. Lawv yog cov muaj lub siab lub tswv yim ua neeg pluag, txawm lawv muaj nyiaj muaj txiaj los nyiaj txiag tsis yog huab tais rau lawv, lawv siv lawv tej nyiaj txiag los tiam Tswv Ntuj thiab tiam luag kom tau tsob hwb Tswv Ntuj xwb. Lawv yog cov neeg siab zoo hlub thiab zam rau lwm leej lwm tus. Lawv yog cov neeg me tsis khav theeb tsis muab hlob, lawv lees paub lawv yog neeg txaug neeg txhaum, lawv vam Tswv Ntuj los pab lawv cawm lawv. Lawv tsis nrhiav kev txhaum rau leej twg, tsis ua kom muaj kev ntxub ntxaug nrog luag tej. Lawv yog cov neeg siab dawb siab huv, tsis nrhiav kev phem kev qhias nyob hauv ntiaj teb no. Lawv muab Tswv Ntuj saib tseem ceeb dua ntais, lawv ua kom haum li Tswv Ntuj txoj cai; txawm yuav muaj tus thuam lawv saib tsis taus los lawv ua tiag nyiaj kom dhau, tsis yeem ua kom neeg nyiam xwb tiam sis Tswv Ntuj tsis nyiam.

    Hnub no peb hwm tas ib tsoom leej ntshiab. Muaj ib co leej ntshiab uas peb paub npe vim lub Koom Txoos tau tsa lawv ua leej ntshiab lawm. Tiam sis kuj muaj ib co uas peb tsis paub lawv npe vim lub Koom Txoos tsis tsa lawv ua leej ntshiab, tiam sis lawv kuj yog leej ntshiab ib yam nkaus thiab. Ces hnub no peb hwm tas nrho cov uas lawv tau raug tsa ua leej ntshiab thiab cov uas tsis tau tib si, vim lawv sawv daws yog ib co neeg zoo ib yam li peb, uas tau tawm tsam yeej ntiaj teb txoj kev phem thiab txoj kev haub kev ntxias, lawv thiaj tau mus nyob saum ntuj lawm.

    Lub Koom Txoos xaiv tej tus neeg tshwj xeeb coj los tsa ua leej ntshiab, vim lub Koom Txoos pom hais tias cov neeg ntawd lub neej tsim nyog muab coj los ua qauv rau peb cov ntseeg sawv daws xyaum kom peb ua tau ib co neeg ntshiab ib yam li lawv thiab. Vim lub hom phiaj hauv peb lub neej ntiaj teb no yog xyaum ua neeg ntshiab kom thiaj tau mus pom Tswv Ntuj xwb.



    Zoo xws li leej ntshiab Bernadette, uas tais Tooj thiab Maiv Paj Lug nkawd twb muab rau peb nyeem saum toj no. Nws yog ib tug neeg siab dawb siab huv nws thiaj tau pom Niam Mab Liab. Tsis tas li ntawd, thaum nws mus ua phauj lawm, nws ua neeg me tsis muaj koob nto npe dab tsi li. Cov phauj loj saib nws lub koom haum kuj tau ua ntau yam los tsim nws, tiam sis nws kuj tau ua ntsej muag luag ntxhi rau lawv, mloog lawv lus thiab saib lawv ua nws cov thawj. Nws kuj yog ib tug neeg muaj mob taug, tiam sis nws nyiaj tas puas tsav yam kev nyuaj, kev tsim txom, kev mob nkeeg los pab cov neeg txhaum vim nws nyiam HT Yes Xus. Leej ntshiab Bernadette yog ib tug tau ua qauv zoo rau peb xyaum.

    Peb cov neeg ntiaj teb, muaj cov uas kub siab lug nyiam Tswv Ntuj. Thaum lawv tas sim neej lawv yog cov leej ntshiab nyob saum ntuj. Tiam sis peb kuj muaj ib co uas lawv kuj tau siv zog kawg, tiam sis lawv tseem dawb huv tsis tau txaus. Thaum lawv tas sim neej, lawv xub mus nyob rau teb chaws them txim. Raws li peb tob taub me me mas nyob rau teb chaws them txim cov neeg nyob txom nyem kawg, yuav luag npaum nyob hauv dab phem teb; yog lawv kev them txim. Tiam sis lawv muaj ib txog kev cia siab hais tias ib hnub tom ntej ub, lawv yuav tau mus nrog Tswv Ntuj nyob. Lawv ua tsis tau dab tsi los pab lawv tus kheej, tiam sis peb cov tseem nyob ntiaj teb, pab tau lawv. Yog peb nqa me me nyiaj mus thov txiv plig ua tej thaj txi ntuj pab lawv, yog peb ua kev yoo mov thiab thov ntuj tsis tseg rau lawv, mas peb yuav pab tau lawv dim sai mus nyob saum ntuj.



    Yog vim li ntawd, tag kis tim 2 lub 11 hlis, peb cov Kas Tos Lis muaj ib hnub tshwj xeeb cia mus ua thaj txi ntuj thov ntuj pab rau cov uas tau tas sim neej lawm (All Souls Day/Jour des Morts). Yog peb muaj neeg tau ncaim mus lawm mas peb yuav tau nqa paj ntoos mus tu lawv lub ntxa thiab mus thov ntuj pab rau lawv. Yog peb muaj neeg tau ncaim lawm mas tsis txhob tos txog tim 2 lub 11 hlis li, yuav tsum tau nquag thov ntuj rau lawv thiab thov thaj txi ntuj pab rau lawv. Nyob hauv peb church ntawm no, hu ua Our Lady of Good Counsel, peb tus txiv plig muab ib phau ntawv los tso rau ntawm hauv ntej, ze ntawm ib sab thaj txi ntuj, kom sawv daws mus sau nyias cov neeg uas tau tas sim neej lawd npe rau hauv phau ntawv. Tas lub 11 hlis, txiv plig ua thaj txi ntuj thaum twg mas nws yuav thov ntuj pab rau sawv daws cov muaj npe nyob hauv.

    Kuv tuaj piav me ntsis li no. Tej zaum nej twb paub tas lawm los muaj, tej zaum tej tus ho tsis paub los muaj. Muaj tej yam kuv ho paub tsis txog, nej paub los nej ho hais ntxiv rau, es peb sawv daws thiaj paub. Tej yam kuv ho hais yuam kev los nej hais qhia thiab.


    Nyob zoo Mim,

    Koj yeej sau tau zoo kawg li...Txawm luag tej twb tau sau dua txog cov Leej Ntshiab lawm los nyias sau muaj nyias tug. Ntawm Peb Hmoob ntiag tug, peb yeej tseem tsis tau muaj dab tsi teg nrho...Ntshe yuav yog koj, kuv, PEB tuaj pib sau rau Peb Hmoob xwb lauj.
    Mim, kuv tso ob peb daim duab los quas koj zaj kom nyeem yooj yim dua.






    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Sau Siab mus ncig xyuas Leej Ntshiab Bernadette

    Post  Mim on 2nd November 2009, 3:13 pm



    Ua tsaug os tais Tooj.
    Koj tseem pab kuv tso tau ib co duab phim kawg rau kuv zaj lus no. Kuv tseem tsis tau muaj peev xwm, ntshai ntshai tsam rov ploj tag, ces tsuas ntaus ncaj ncaj ib cov lus rau xwb. Yog muaj duab mas tsis laj nyeem thiab zoo dua. Es ua koj tsaug kawg nkaus.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Sau Siab mus ncig xyuas Leej Ntshiab Bernadette

    Post  Mim on 2nd November 2009, 3:30 pm

    Maiv Tooj wrote:
    Mim wrote:
    Maiv Tooj wrote:
    Mim wrote:Ua cas kuv twb siv sij hawm ntev loo ntaus ntaus tau ib zag txog tag kis tim 1 lub 11 yog hnub peb ua kev hwm tas ib tsoom leej ntshiab thiab hais txig tim 2 yog hnub peb ua thaj txi ntuj thov ntuj rau cov uas tau tas sim neej lawm. Tiam sis zoo li nkag tsi tau rau hauv no li, es yog li cas lawm mas?...Tej zaum zoo li no ces yog nkim yus lub zog thiab lub sij hawm xwb lod?

    Mim,

    Faj seeb, yog thaum koj sau tau, koj yuav Envoyer ( Send or Add Reply) koj yuav tsum copy koj cov lus tseg, koj mam Send. Vim tej zaud yus nyem yuam kev los yog Yog Forum muaj teeb meem thiaj tsis tau rov sau dua. Thiab yus sau tag, tsis nco qab tag ces laj rov sau dua.

    Kuv li mas txog tav nov, nyob hauv Hmoob Catholique no kuv tseem tsis tau raug teeb meem li. Tab sis nyob hauv Hmongza.com mas thaum ub ua rau kuv ploj ntau yam thaum kuv Send.

    Hauv nov nag hmo Nkauj nag kuj hais rau kuv tias nws twb sau ob peb zaug pheej tsis tshwm li no. Tej zaud yog neb tsis saib zoo, neb nyem yuam kev ib qho lawm kuj tsis paub.

    Tais Tooj,
    Kuv xav hais tias kuv yeej tsis yuam kev, tiam sis zoo li nej muaj ob peb chav sib tham nyob hauv nov sub puas yog? Tej zaum yog kuv tsis muaj connection ces thiaj li ploj tas tsis tshwm. Nws yog ib qho rau kuv kawm kom to taub qhov nov.

    Kuv ho xav nug ib qho li no: kuv pom nej muab tau tsheej ob peb phab ntawv lus Mes Lis Kas los ntawv Fab Kis tso rau hauv no, yog nej mam xeem ntaus los yog nej muab copy tso rau xwb? Thaum nej tso duab ned, nej ho tso li cas? Thiab cov suab nkauj uas nej muab lwm qhov los ne? yog kuv maj mam xyaum kuv no nyaj qhov kawg kuv yuav ua tau thiab, tiam sis yog nej piav qhia kuv ntshai kuv yuav paub sai dua. Txawm li cas los ntshai ua li koj hais yauv tsum tau muab copy cia ntshai yauv meej tshaj. Es ua tsaug koj cov lus qhia kuv os.

    Nyob zoo Mim,

    Hais txog cov ntawv Fab Kis los English uas tso rau hauv nov, yog May Paj Lug thiab XH. Npuag Tub nkaws tso xwb, kuv tseem tso lus Hmoob xwb mus tsis tau txog pej kum lus. Kuv kuj tsis tau nug tseeb tab sis kuv xav tias May Paj Lug nws copy- coller xwb. Yog nws pom luag cov Website hais tej yam zoo thiab tseem ceeb ces nws copy-coller tso. Tab sis Maypaj Lug mas nws ntau ntawv nrawm heev ces nws ntau kiag tshiab los nws yuav tsis txom nyem li kuv. Ntawm kuv tus kheej, tej yam yog kuv txua kuv pheev los ces kuv ntau kuv. Yog kuv muab luag li los ces kuv copy coller thiab xwb. Ib yam li Ntawv Ntshiab, cov lus Thoob Tsib hauv Ntawv Faj Lem, kuv muab ntawm Txhiaj Vwj Yaj lub Website " Hmongrpa los. Tab sis ib ntus no nws lub Website pheej tsis muaj connection lawm.

    Thaum koj sau tau ib zaj, koj yuav Send, koj tsis thas yuav copy cia rau Microsof los tau, koj cia li Selectioné thiab copy cia rau ntawm koj tus Mouse xwb los tau. Tsis li ntawd yav thaum ub kuv tsis tshua tau keej, kuv qheb lub Forum ob qho, kuv npaj tau rau ib qho, kuv ho mus qheb dua ib qho tshiab los Poster. Thaum kuv posté tag, saib nws tshwm lawm tiag tiag li, kuv mam tua lub uas kuv npaj ntawd. Kom yog ib qho tsis tshwm los tshua ib qho los faj seeb. Vim lus lub tswv yim ya lawv lis, yus sau ib yam tag rov sau dua tsis zoo li qub lawm. Tej thaum kuv sau lus cuam txwv ( Poeme) ces kuv tsis nco qab hais tias kuv hais li cas lawm...Hahahah...!

    Hais txog tso duab,

    Nws muaj 2 yam tso:
    1/ koj cov duab ntawm koj lub PC los yog CD.
    2/ Duab hauv cab sab.

    1/ Tso duab ntawm koj cov Dossiers los yog CD

    Thaum koj Reply ib qho Post los txog,
    nyob ntawm qhov chaw uas koj sau ntawv saum toj, koj pom ib cov signes carrés.
    Koj click rau qhov signe N° 1 [color=red]===>=green]] 2 lub carrés sib tshooj ntawm kab 2.
    Koj pom tshwj ib qho tableau los,
    Koj click rau Parcourir
    Ces koj mus xaiv daim duab hauv koj qhov Dossier los yog CD.
    Koj click " Ouvrir" ntawm daim tableau hauv qab ( nov ces zoo ib yam li koj xa duab hauv E_mail).
    Tshwm rov los.
    Koj click rau "envoyer".

    Tshwm los ib cov programe los ces koj sélectioner ntawm " Copier" ces koj copy tau, koj rov Click ntawm 2 lub carrés sib tshooj kom qhov programe ploj mus.
    Ces qhov koj copy tau koj coj los tso rau hauv koj daim page uas koj tab tom npaj.
    Ces koj tso tau duab lawm. Tab sis hauv Forum Hmong Catholique no daim page me me ntsis lawm, pheej muab koj daim duab txiav ib tog lawm. Kuv siv ib cov Frame los ua kom daim duab me. Tab sis kuv yuav tsis qhia koj hnub no vim yuav cov rau koj. Ces yog koj tso duab tag, kuv mam tuaj kho rau koj ib yam li kho rau XH. Npuag Tub xwb...

    Li nov xwb es koj mam sim seb puas tau. Yog tsis tau no mam rov qhia dua.

    Kuv yuav mus hauj lwm lawm ces ib tsam mam los tham ntxiv.

    Bisous


    2/ Tso duab cab sab

    Koj pom ib daim duab uas koj nyiam,
    ces koj Cilck droite rau saum daim duab, ib daim tableau tshwm los, koj click rau " Propriétaire"
    Tshwm ib daim Tableau los.
    Ces koj sélectioner thiab copy qhov Adress ntawm Emplacement

    ===>
    Thaum koj coj los txog ntawm koj qhov Post uas koj tab tom sau, koj click rau lub Carré N° 2 Tshwm ib qhov tableau, koj muab qhov koj copy los coj los tso rau hauv lub tableau uas tshwm tuaj. nyem OK ces koj tso tau daim duab hauv koj lub Post lawm.

    Ab yab!... cas zoo li kuv tsis paub lus Fab Kis lawm na... kuv siv ua lus English xwb... Kuv nyeem koj cov lus Fab Kis ces zoo li txuam lus Suav xyaw xwb as... hahaha...Yog XH Npuag Tub kam no thov nws pab muab txhais ua lus Aas Kiv rau kuv saib kuv puas to tau meej dua lau!...

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 3rd November 2009, 5:20 am



    Mim,

    Hahahah...! Kuv hais nws tsis nkag siab lov...! Mas kuv lub PC pom li cas ces kuv hais li ntawd xwb.
    Ua li mas, kuv mam hais kom XH. Npuag Tub tuaj qhia nws. XH. Npuag Tub mas nws tsis tso duab Direct, nws muab Register rau hauv nws lub Album Photobucket tag nws mam coj tuaj tso rau hauv Forum nov xwb. Ua li nws ua mas zoo dua, vim thaum luag tshem nyob tom luag li los yus li tsis ploj li. Hos yog copy Adress URL li kuv ua mas thaum luag tshem tom luag lub Website ces kuv qhov ploj lawm thiab.


    Last edited by Maiv Tooj on 6th March 2013, 1:31 am; edited 1 time in total




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Sau Siab mus ncig xyuas Leej Ntshiab Bernadette

    Post  Npuagtub on 3rd November 2009, 2:26 pm




    Nyob zoo hnub Ntshiab rau nej os, Sister Maiv Tooj, Mim, Maypajlug thiab cov phooj ywg,

    Maiv Tooj thiab maypajlug e...neb yog ob tug qhia kuv siv PC. Forum es cas neb tseem qhia tsis tau kom sister Mim nkag siab siv Forum tso duab li neb thiab lau...! Tseem yuav muab pov los rau luag tus tsis muaj PC. experience no thiab es kuv puas yuav qhia tau os?

    Hahahaha.......! Lam tso dag me ntsis xwb, cia ruam mam li qhia ruam zaj rau sister Mim sain nws puas nyiam siv li ruam siv kam xwb. Yog kawg sister Mim, kuv tsis tso li Maiv Tooj li, kuv tso li Maiv Tooj hais. Kuv pom tej daim duab zoo nkauj kuv nyiam ces kuv copy los tso rau hauv kuv lub tsev Album photobucket tas ces kuv mam li coj mus tso rau hauv Forum los yog qhov kuv sau zaj kuv yuav post. kuv lam qhia saib koj puas nkag siab li kuv siv.

    1. koj yuav tsum register rau hauv Website Photobucket, mas koj thiaj li tso tau koj cov duab rau hauv Photobucket. Tos kuv ho tso duab rau hauv Photobucket los yog vim nws yooj yim thiab save koj cov duab txawm koj lub PC puas lawm los koj cov duab yeej tseem nyob hauv lawv lub website, thiab nws kuj kho tau kom daim duab loj me tau haum koj siab nyiam thiab.

    2. Piv li koj mus nrhiav duab nyob hauv Google no ces koj nkag mus rau hauv Website Google, thaum koj mus tau hauv lawm koj mus Click lub box images nyob saum toj tom sab laug tas ces koj mam los ntaus lub npe ua diam duab koj nrhiav hauv lub box ces koj yuav pom muaj cov duab ntau ntau tswm tuaj ces koj mam li xaiv daim koj nyiam, thaum koj xaiv tau lawm ces koj Click daim duab ntawd ces yuav tawm daim duab thiab lawv qhov website, thaum tsm li ntawd tas ces koj pom daim duab koj xaiv ntawd tswm nyob saum toj sab laug ces koj mus click nws ib teg ces nws yuav hloov loj tuaj li no loj ces koj mam click ib teg ntxiv koj lub pob mouse sab xis ces koj yuav pom lub box copy image-URL ces koj click lub box ntawd ces koj coj tus mouse los  qhib koj lub tsev Photobucket ces thaum koj qhib tau lawm ces koj mus click ntawd lub box Web-URL tas ces nws yuav tswm ib lub box me ntawm ib xab ces koj mus click ntawd lub box past web URL here ib teg tas ces kab ntawv no ploj lawm ces koj rov click ib teg ntxiv hauv lub box ntawd ces yuav pom lub npe daim duab koj copy nyob hauv lawm ces koj rov click ib tiag ntxiv kom txoj kab daj nyob ncig lub box ploj ces koj los click lo lus hauv qab lub box ib xab, Upload ces koj click upload tas ces koj tos kom PC upload daim duab tas ces koj yuav pom daim duab tswm nyob tom koj sab laug ces koj mus click Return to album tas ces daim duab los mus nyob hauv koj lu Album Photobucet lawm.

    Ces koj mam li mam muab tus mouse los taw rau daim duab ces koj ytuav pom ib co box me me tswm tuaj ces koj los click ob teg ua ke ray ntawm HTLM Code  < a href='ht tas ces nws yuav tawm xim xiav tuaj ces koj mam li click tus mouse lub pob sab xis ces koj pom tswm ib co kab ntawv tuaj ces koj click qhov copy tas ces koj coj los rau ntawm qhov koj tab tom sau ces koj
    click lub tus mouse lub po sab laug ces koj pom cov kab ntawv tswm tuaj ces koj click past tas ces daim duab koj copy yuav tswm cov npe ntawv thiab code tas ces yog koj mam li mus click lub box send hauv qab li koj sau ntawv xa tuaj.

    kuv lam piav li no rau koj xwb saib koj puas nkag siab yhog tshuav qhov twg tsis njkag siab no ho hais ntxiv nawv.




    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Sau Siab mus ncig xyuas Leej Ntshiab Bernadette

    Post  Mim on 3rd November 2009, 5:45 pm



    Ua tsaug os tais Tooj thiab XH Npuag Tub. XH, kuv mam muab koj cov lus mus nyeem zoo zoo thiab mam ua raws li koj qhia saib kuv puas txawj nrog nej tso duab los tso lwm yam rau hauv no nawb. Yog ua tsis tau ces yeej yauv rov hais rau nej xwb los mas...

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab mus ncig xyuas Leej Ntshiab Bernadette

    Post  Maiv Paj Lug on 4th November 2009, 4:54 am

    Mim wrote:
    Ua tsaug os tais Tooj thiab XH Npuag Tub. XH, kuv mam muab koj cov lus mus nyeem zoo zoo thiab mam ua raws li koj qhia saib kuv puas txawj nrog nej tso duab los tso lwm yam rau hauv no nawb. Yog ua tsis tau ces yeej yauv rov hais rau nej xwb los mas...

    Nyob zoo niamlaus Mim, ua tsaug ntau rau nws cov ntawv sau txog Hnub ua hmoov rau cov Leej Ntshiab nawb, cas yuav sau tau zoo ua luaj, thov nws rov tuaj sau txhua yam li nws paub rau peb nyeem nawb, peb yeej Ntseeg NTUJ tib yam tab sis nyias muaj nyias Expérience nyias muaj nyias kev thoob tsib ces nyias yeej sau tau zoo nyias li lawm, zoo kawg nkaus rau nws lub siab zoo tuaj sau pub peb nyeem .

    Thov kom Tswv Ntuj pub txiaj ntsim ntxiv rau nws.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 10th March 2010, 10:41 am



    Thawj tug neeg tau txais Txiaj Ntsim ntawm Niam Mab Liab nyob Lourdes yog hnub tim 1lub 3hlis 1858: Catherine Latapie, Bernadette ib tug phooj ywg, nws sab npab tuag lawm. Hnub ntawd nws nrog Bernadette mus tim qhov tsua ua ke, nws muab nws txhais npab rau cov dej ntawm lub pas dej, cas nws sab npab cia li muaj zog thiab zoo kiag lawm.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 27th July 2010, 9:35 am



    Leej Ntshiab Bernadette cov duab.






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Sau Siab mus ncig xyuas Leej Ntshiab Bernadette

    Post  Maiv Paj Lug on 27th July 2010, 10:56 am

    Ua tsaug os Maiv Tooj, koj tseem tuaj tso daim Youtube txog Leej Ntshiab Bernadette cov duab rau kuv saib thiab, Maiv Tooj ntshe koj tuaj tso tej yam zoo hauv no los ntshe tsuas muaj kuv ib leeg thiaj tuaj nyeem tas hnub xwb, ntshe yuav tsis muaj lwm tus uas koj lub txiaj ntsim zoo yuav poob rau luag lub siab lub qhov muag thiab pob ntseg . Txawm tias koj txoj kev thoob tsib thiab koj txoj kev zoo poob rau ib tug me nyuam ntxhais dog dig li kuv xwb los , koj lam ua siab ntev faib koj txoj kev thoob tsib rau kuv khaws cia thiab mog.

    Cas sij hawm yuav mus khiav sai ua luaj, lub ntuj zeeg ,ntuj no , tawm ntuj sov rov los txog, twb tau ib xyoos uas kuv mus saib Leej Ntshiab Bernadette los lawm, kuv tseem nco ntsoov Sainte Bernedette lub me phlu mos nyoos tshiab khiv zoo li tsaug zog, kuv pom koj cov duab thiab lub topic no tawm plaws los ua rau kuv kua muag los vim kuv twb mus pom yam zoo tau muaj ib xyoos dhau los lawm los kuv tseem nco nco lub sij hawm ntawv.

    Xyoo no kuv yuav npaj mus saib lwm qhov chaw Ntshiab ntxiv.



    Mon Dieu, je t'aime , je t'adore , je prie pour ceux qui ne t'aime pas, ceux qui ne t'adore pas , envoie leur la grâce nécessaire pour le salut de ces âmes et ramènes les vers ta Lumière Eternel! Amen.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 28th July 2010, 9:29 am



    Maiv Paj Lug,

    Leej Ntshiab Bernadette yog ib tug neeg me tshaj tab sis nws Leej Ntshiab loj heev. Neeg ntiaj teb paub nws txhua nrho.


    Nws txhob tu siab os mog, txhua yam peb tuaj tso hauv nov yeej muaj neeg tuaj nyeem tsis tseg; tsuas yog lawv tsis tuaj sau xwb. Qhov lawv tsis tuaj sau, tsis txhais hais tias lawv tsis tuaj nyeem. Nws txhob tu siab mog, yog ib lub txiaj ntsim loj heev uas nws muaj rab peev xwm tuaj tsim tau lub Vas Sab Hmoob Catholic nov; nws tsim tau lawm, peb yuav sib koom tes tuav thiab txhawb nws tsis muaj caij kawg. Kom Peb Hmoob muaj chaw tuaj sib nug moo, tuaj sib fim, tuaj nrhiav Tswv Ntuj lub Moo Zoo. Nws yuav tsum ua lub siab loj nteev, yog Tswv Ntuj pom leej twg ntxim Tswv Ntuj siab, NWS yeej yuav coj tuaj pab peb xwb. Yog muaj neeg coob me ntsis tuaj sib pab mas peb yuav tsis khwv heev thiab yuav muaj caij mus sau tej yam zoo ntau dua. Yog tsawg leej ces yuav sau ntau yam ua ke ces lub caij tsis txaus rau yus sau tej yam zoo thiab ntau me ntsis. Li cas los ua siab loj mog, Tswv Ntuj pom hauv yus lub siab, Tswv Ntuj yuav tsis tso cov neeg hwm txog nws pov tseg ib zaug.

    May, peb tsawg ua luaj li no tuaj sau, yog lwm hnub nws mus so lawm thiab no ntshe yuav tos tos nws kho siab khuav xwb lauj...!




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Sau Siab mus ncig xyuas Leej Ntshiab Bernadette

    Post  Maiv Tooj on 4th March 2013, 10:35 am


    Mus xyuas Leej Ntshiab Npev Nas Dev nyob Nevres.




    Hnub tim 03-3hlis 2013, peb pab tub hu nkauj thiab tuav hauj lwm lub Koom Haum Hmoob Catholic nyob Cheeb Tsam Lyon tau ncig mus xyuas Leej Ntshiab Npev Nas Dev lub cev nyob rau Nevers. Peb muaj 12 leeg mus ua ke, peb mus txog Nevers twb lig tsawv lawm ces peb mus yuav mov civ los noj su ntawm lub tshav puam tsis deb ntawd. Peb noj sus tag ces peb mus xyuas Leej Ntshaib Npev Nas Dev lub tsev Phauj uas thaum nws tseem ua neej nyob, nws ua phauj nyob hauv lub Couvent des Soeurs de la Charité. Peb mus txog, peb nyias mus taws nyias ib tug tswm ciab tag ces peb los teev Saw Mab Liab ua ke, peb teev tag peb hu zaj nkauj "Poj Huab Tais" nrov nrov, ua rau cov neeg tuaj ntawd xwv peb heev. Nyob ntawm lub qab tsuas uas lawv ua zoo li lub qab tsua nram Lourdes, lawv txaug ib qho pob tsuas nrad los tso rau ntawm ib daim phiaj zeb, yog leej twg xav thov txiaj ntsim, nws plhws qhov pib zeb ntawd. Neeg plhws plhws ua nws yaig du dais. Peb teev Saw Mab Liab tag, peb nias duab me ntsis tag ces peb thiaj mam li mus saib nws tej qub teeg tug, tej hauj lwm thiab nws keeb kwm me ntsis. Peb saib tag peb thiaj mam li mus saib nws lub cev zoo nkauj kaj lug ua piv txwv rau ntiaj teb neeg xyaum ua neeg ntshiab huv. Nyob hauv Leej Ntshiab qhov chaw, lawv tsis pub nias duab ces nias tsis tau duab, tsuas los tham rau nej mloog xwb. Nyob hauv kem tseev teev Ntuj uas tso Leej Ntshiab Npev Nas Dev muaj peb kem, ib kem yog rau lub xab iav uas Leej Ntshiab Npev Nas Dev nyob, ib kem yog muaj lub Cim Yug, muaj dua ib kem yog lub tsev teev Ntuj tig rau sab nram qab. Muaj ib tug Txiv Plig nyob rawv ntawd, yog leej twg xav nrog tham los Daws Txhaum kuj tau, muaj ib phau ntawd rau cov neeg sau lawv tej lus thov Ntuj, thaum lawv ua Thaj txiv Ntuj lawv mam li thov rau yus. Lawv muaj Mis Xas txhua hnub li. Kuv tau sau kom lawv pab thov Ntuj rau cov Hmoob Cob Tsib.



    1-

    2-

    3-

    4-

    5-

    6-

    7-

    8-

    9-

    10-

    11-

    12-

    13-

    14-

    15-



    16-

    17-


    Last edited by Maiv Tooj on 12th June 2015, 6:28 am; edited 3 times in total




    Sponsored content

    Re: Sau Siab mus ncig xyuas Leej Ntshiab Bernadette

    Post  Sponsored content Today at 12:52 pm


      Current date/time is 3rd December 2016, 12:52 pm