HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


MAIV TOOJ SAU SIAB MUS NCIG XYUAS LEEJ NTSHIAB ODILE Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


3 posters

    MAIV TOOJ SAU SIAB MUS NCIG XYUAS LEEJ NTSHIAB ODILE

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    MAIV TOOJ SAU SIAB MUS NCIG XYUAS LEEJ NTSHIAB ODILE Empty MAIV TOOJ SAU SIAB MUS NCIG XYUAS LEEJ NTSHIAB ODILE

    Post  Maiv Tooj 26th August 2009, 9:13 am


    LEEJ NTSHIAB ODILE



    Mus xyuas Roob Mont Sainte Odile , lub 8 hli xyoo 2009.

    Roob Leej Ntshiab Odile yog cov Phauj ib lub tsev nyob saum ib lub ncov roob siab 764 mètres, nyob rau thaj hav zoo Voges nyob ze lub nroog Strasbourg Fab Kis teb. Yog ib qho chaw uas muaj neeg coob mus teev hawm Leej Ntshiab Odile, tus tim tswv lub xeev Alsace.
    Lub Monastère no tau tsim tshwm rau xyoo 700 tom qab Yes Xus yug.
    Keeb kwm cov Phauj lub tsev no, yog thaum Leej Ntshiab Odile txiv muab lub Vaj Loog ( Château) Hohenbourg rau Leej Ntshiab Odile ces nws muab hloov ua ib lub tsev ( Couvent) rau cov Phauj nyob. Yog ib qho chaw uas muaj neeg coob mus teev hawm, tshwj xeeb cov muaj mob qhov muag thiab muaj peev xwm txais txog 130 leej Phauj.

    Xyoo 1789, lub Tsev no rau muab muag. Koom Txoos Kas Tos Liv tau muas rov qab xyoo 1853 thiab rov muab rau cov Phauj nyob dua ntxiv.

    Leej Ntshiab Odile lub ntxa pob zeb tseem nyob txog niaj hnub no hauv ib kem tsev teev Ntuj me, nrog nws niam thiab nws txiv uas lawv nyuam qhuav khawb tawm thaum Tiam 20 thiab Tiam 21.

    Leej Ntshiab Odile lub neej, yog nws txiv Huab Tais Alsace Adalric xav kom nws yog ib leeg tub, tab sis Odile yog ntxhais thiab tseem dig muagthiab ces yawg Vaj ntawd chim heev thiaj txiav siab ua kom tus me nyuam nov tuag, tsam nws yuav ua rau lawv tsev neeg puas koob puas npe. Tab sis nws niam Bereswinde, yawg Adalric tus poj niam ho muab Odile rau ib tug niam tu kom Odile muaj 12 xyoo tso yuav muab nws coj mus nrog cov Phauj nyob nram Balme (Niaj hnub no hu ua:Baume-les-Dames) .

    Tus me nyuam tseem tsis tau Ntxuav Plig. Ces Leej Ntshiab Erhard, uas yog ib tug Txiv Plig Twj Cuab ( Irish monk) los yog Txiv Tswv Qhia Ardagh nyob Bavière ( Germany Qab teb) tau pom xyeem Tswv Ntuj kom nws tuaj mus rau Baume-les-Dames kom tau ua lub Cim Ntxuav. Tau ob peb hnub tom qab nws thiaj tuaj thiab ua lub Cim Ntxuav rau Odile. Thaum tab tom muab roj Ntshiab los pleev Odile ob lub qhov muag ces nws cia li pom kev tam sim ntawd.

    Qhov hwj huam yees ntxwv no nrov ncha nthw, tab sis yeej cheem tsis tau nws txiv Adalric lub siab chim. Thaum nws nrog Hugues nws tus nus yau rov los xyuas tsev, nws txiv chim heev cia li muab nws tus nus tua tuag kiag lawm. Tom qab nws rov tus siab rau nws cov txhaum ces nws thiaj muab nws lub Vaj Loog Hohenbourg pub rau Odile, Odile thiaj muab hloov ua cov Phauj lub tsev.

    Thaj chaw Hohenbourg nov lawv hu ua Roob Leej Ntshiab Odile, txhua xyoo muaj txog ntau vam leej neeg tuaj teev Ntuj. Lawv nyiam tuaj thov Ntuj rau cov neeg mob qhov muag.

    MayMaypaj thiab XH. NpuagTub,

    Hnub kuv mus ntawd, kuv tau sau Maypaj niam thiab Tubncigntuj npe rau hauv lawv phau ntawv thov Ntuj. Vim kuv paub tias koj, neb muaj teeb meem qhov muag. Kuv vam thiab cia siab tias Sainte Odile yuav hnov txog kuv lub suab hu.

    Odile txhais hais tias: " Tus ntxhais POM KEV"


    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250115842_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250110691_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE 721

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116033_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116075_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116266_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116295_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116337_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116434_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116469_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116509_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116542_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116573_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116612_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE Post-348-1250116746_thumb

    MAIV TOOJ SAU SIAB MUS NCIG XYUAS LEEJ NTSHIAB ODILE B_8_112

    Leej Ntshiab Odile lub ntxa
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    MAIV TOOJ SAU SIAB MUS NCIG XYUAS LEEJ NTSHIAB ODILE Empty Re: MAIV TOOJ SAU SIAB MUS NCIG XYUAS LEEJ NTSHIAB ODILE

    Post  Maiv Paj Lug 26th August 2009, 4:33 pm

    Pom cov duab ntawm thaj chaw Sainte Odile thaum twg mas pheej ua rau kuv siab kaj lug xwb.....cas yuav zoo nkauj ua luaj thiab...ntshe kuv yuav niaj hnub tuaj siab li lau.ua tsuag ntau nawb kzkz tus muaj hmoo tau mus ncig ntau tsav ntau yam hauv koj lub neej, kuv tsis tau pom los thaum koj mus pom koj coj los peb saib ces twb zoo tshaj qhov tsis tau pom duab li thiab.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    MAIV TOOJ SAU SIAB MUS NCIG XYUAS LEEJ NTSHIAB ODILE Empty Re: MAIV TOOJ SAU SIAB MUS NCIG XYUAS LEEJ NTSHIAB ODILE

    Post  Npuagtub 9th September 2009, 12:42 pm



    Kzkz,

    Ua koj tsaug ntau, koj muaj txoj hmoo zoo koj tau mus txog tej tug leej Ntshiab tseem ceeb heev. Kuv tsis tau nrog nej mus txog tiam sis vim koj lub siab khuv leej neeg, koj tau coj kuv tej kev nyuaj siab mus cev rau Leej Ntshiab Odile ua rau kuv lub siab kaj yam tsis txaus ntseeg li.

    Kuv yuav nco koj lub txiaj ntsim mus tas ib txhis. kuv tsis paub yuav ua cas thiaj li yuav pauj tau nws tej txiaj ntsim uas nws tau cawm kuv zaum no? Kuv tsuas hais ua tsaug tas zog rau nws lub siab khuv leej kuv thiab peb sawv daws. Thov kom Tswv Ntuj mloog nws lub suab txhua zaum thaum nws hu txog Tswv Ntuj. Ua li.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    MAIV TOOJ SAU SIAB MUS NCIG XYUAS LEEJ NTSHIAB ODILE Empty Re: MAIV TOOJ SAU SIAB MUS NCIG XYUAS LEEJ NTSHIAB ODILE

    Post  Maiv Tooj 9th September 2009, 5:31 pm



    Nyob zoo XH. Npuag Tub,

    Kuv yog me nyuam neeg xwb, kuv lub siab ntshaw txoj kev Ntshiab huv, tab sis muaj kev yuam & kev ntxias ntau heev ntawm kuv ib ncig, ntau zaus kuv tsis paub kuv twb ua txhaum tag lawm...Yog kuv tseem muaj lub txiaj ntsim pab tau nws me me kuv yuav zoo siab heev...Nws txhob ua kuv tsaug mog, twb tsis yog kuv lub txiaj ntsim tuaj roos nws, yog Tswv Ntuj lub xwb...Yog Tswv Ntuj hnov kuv lub suab hu txog nws zaum puav ces kuv zoo siab tias peb 3 kwv tij txoj kev taug tsis yuam kev...Kuv mus hauj lwm lawm, tsis khoom tham ntau ces hais ob peb los rau nws xwb...
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    MAIV TOOJ SAU SIAB MUS NCIG XYUAS LEEJ NTSHIAB ODILE Empty Re: MAIV TOOJ SAU SIAB MUS NCIG XYUAS LEEJ NTSHIAB ODILE

    Post  Maiv Tooj 10th September 2009, 4:24 am



    XH. Npuag Tub,

    Thaum peb mus xyuas Roob Ste. Odile, peb xub mus ncig sab nraud, yog haus qab tsuas. Lub Couvent rau cov Phauj nyob yog nyob rau saum ncov tsua. Peb ncig hauv taw tsua tag ces peb mam nkag mus saib cov tsev. Nyob hauv muaj ntau kem, ntau kem tsev teev Ntuj ( Chapelle) thiab ib kem tsev teev Ntuj loj tshaj, peb mus zaum ib pliag peb tawm los, muaj ib phau ntawv sau loj loj nrog ib tug cwj mem nyob ntawm ib sab qhov rooj rau sab hauv tsev Teev Ntuj. Neeg twb sau ntau heev lawm, phau ntawv twb sau dua nrab lawm...Kuv txawm ib yuag theem saib ces kuv muab mem los pib sau. Kuv xub pib sau ua lus Fab Kis, tab sis kuv tus ntxhais nkauj ntxawm txawm hais kuv tias: Niam koj sau ua ntawv Hmoob, Tswv Ntuj paub hauv peb lub siab...Ces kuv sau ntawv Hmoob li nws hais. Kuv sau tias: "Ste. Odile, koj thov Ntuj rau Maypaj niam thiav XH. Npuag Tub nkawd. Koj nyob deb deb; nkawd tuaj tsis txog koj, kuv tuaj txog koj...Kuv thov koj pab nkawd muaj teeb meem qhov muag."

    Kuv sau li nov rau phau ntawv xwb ces peb rov ncig ntxiv lawm...Muaj ntau kem heev, peb twb mus tsis txhua. Vim nyob saum hauv tsua, muaj cov kem tsev thiab sab nraud tog tsev zoo nkauj xyuam yaj heev...Ces mus ncig ib hnub twb ncig tsis txhua...

    XH. Npuag Tub, ua ntej kuv yuav mus xyuas Roob Mont Ste. Odile, kuv hnov koj tham tias koj qhov muag pom kev tsis tshua zoo no xwb. Ua li koj puas kam piav yav ua ntej uas koj tau txais txiaj ntsim ntawd, koj lub qhov muag yog mob li cas thiab mob thaum twg los lawm rau peb paub. Thiab koj ho piav txij koj tau txiaj ntsim los ne ho txawv li cas thiab. Yog koj piav tau los peb zoo siab yuav paub txog. Yog koj xav tias tsis piav rau peb, nov yog kev COG SIAB ntawm Huab Tais Ntuj neb xwb los tsis ua cas nawb.



    Yog lub tsev teev Ntuj nov uas kuv tau sau Maypaj niam neb lub npe rau.


    Last edited by Maiv Tooj on 20th October 2016, 10:56 am; edited 1 time in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    MAIV TOOJ SAU SIAB MUS NCIG XYUAS LEEJ NTSHIAB ODILE Empty Re: MAIV TOOJ SAU SIAB MUS NCIG XYUAS LEEJ NTSHIAB ODILE

    Post  Maiv Paj Lug 10th September 2009, 4:34 am




    Nyog zoo Niamlaus thiab XH npuagtub......kuv twb hais hqia kuv niam tias niamlaus kzkz tau thov ntuj ntawm Sainte Odile lub roob pub rau kuv niam thiab XH npuagtub....kuv niam zoo siab tas nrho, tab sis lub caij no tseem sov ces zoo li nws tsis hnov hais txog mob qhov muag, tiam sis tos kom rov txog lub caij no caij cua txias tuaj seb nws puas yuav mob qhov muag los tsis mob no kuv mam ahis rau neb paub, txawm tias nws rov qab mob qhov muag hnub twg los tsis ua cas vim Tswv Ntuj yog tus pub txiaj ntsim rau peb, nws pom zoo pub rau tus twg los peb sawv daws yuav nrog tus ntawv zoo siab.

    Saib cov duab  ntawm Sainte Odile thaj chaw no thaum twg mas zoo li kuv lub siab kaj nrig xwb tiag.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    MAIV TOOJ SAU SIAB MUS NCIG XYUAS LEEJ NTSHIAB ODILE Empty Re: MAIV TOOJ SAU SIAB MUS NCIG XYUAS LEEJ NTSHIAB ODILE

    Post  Npuagtub 10th September 2009, 6:22 am



    Ua tsaug ntau Kzkz thiab May paj Luag,

    Kuv yuav piav me ntsis txog ntawm kuv lub qhov muag rau neb paub.
    Thaum kuv kawm New Wine xyoo 2 yog xyoo 2005. Kuv lub qhov muag txawm cia li ntsia tsis tau ntawv ntev lawm, yog koj saib qhov qub nte li 3/4 mn ces ua rau koj lub qhov muag pib plooj, ces yog koj saib mus ntxiv ces ib pliag koj hnov zoo li koj lub qhov muag tsis muaj kua muag nyob hauv lawm ces txawm muaj ntsis lub tuaj ces koj yuav tau qi muag li 10 mus rau 20 mn tej ces mam li rov qab z saib tau ntxiv mus.

    Yog koj nyeem ntawv mus sai sai xwb no ces kuj tsis ua li cas thiab, tsuav txhob yog koj pheej saib kab ntawv los yog pab ntawv qub ntawd mus mus los los ces ib yam li thaum koj nrhiav tsis tau lub ntsiab lus es koj pheej nrhiav mus nrhiav los mas ib pliag xwb ces koj yeej xav tsaus koj lub qhov muag lawm. thaum zoo li no lawm ces koj yuav tau pw qi qhov muag li 20 feeb tej mas thiaj li zoo.

    Kuv twb mus ntsib cov kws kuaj qhov muag lawm thiab tiam sis lawv kuj hais tias yog kuv ob lub qhov muag muaj dej tsis tshua txaus xwb ces kom kuv los yuav cov dej kua muag rau pab rau xwb los zoo li kuj tsis pab li thiab ces kuv thiaj ua ib siab tsis txhob saib ntawv xwb. yog koj saib PC mas ua rau txob sai heev li.

    Txij thaum Maypaj mus xyuas tus leej Ntshiab Bernadette los nws tau sau kuv lub npe rau thiab ces tom qab koj Kzkz, ho mus xyuas tus Leej Ntshiab Odile, ces kuv kuj tsis paub tias koj yuav mus xyuas nws no, Tus Leej Ntshiab Odile kuv kuj hnov nws lub npe lawm thiab tiam sis  kuv kuj tsis paub txog nws zoo. Thaum Kzkz,koj tau xa ib qho message los rau Maypaj wb nyob hauv lub tsev sib hnug moo. Ces zoo li tau ib hmos tom qab xwb ces kuv pw kuj yog lub caij ntuj sov heev thiab peb kuj tso cua txias thiab tso fan tshuab hmo ntuj thiab ces hmo ntawd thaum yuav kaj ntug kuv hnov kuv ob lub qhov muag txawm los ib co kua muag ntub kuv sab plug.

    Thaum kuv hnov li ntawd kuv txawm rua kiag qhov muag ces kuv hnov cov cua ntawd peb lub fan tshuab tuaj txias zias nkag kiag kuv ob sab qhov muag ob zaug xwb tom qab ntawd kuj tsis txias lawm thiab. ces kuv kuj xav hais tias tej zaum yog kuv ob lub qhov muag muaj ntub ces zoo li ntawd xwb. Txij hnub ntawd los ces kuv cia li tsis hnov qhov niag txhob thiab saib tsis tau PC ntev lawm. Tom qab ntawd kuv mam li hnov Koj, Kzkz hais tias koj tau thov Leej Ntshiab Odile pab rau kuv no. Tiam sis kuv kuj tseem ua xyem xyav tias tej zaum ntshai yog nws yuav zoo nws xwb.

    Ces kuv thiaj li mus laij nyeem thoob plaws hauv hmongza thiab hmoobzoosiab lawv huv si ces kuv thiaj li mus pom K1 lub tsev Nam yao chaw khuam siab. Yav tas los kuv yeej pom K1 lub tsev lawm thiab tiam sis kuv pom tsis tseeb pes tsawg, kuv xav tias yog ( Niam yau chaw khuam siab) no.

    Tom qab peb 3 leeg tau poob kua muag vim kuv mus ua loj leeb ncig ntuj tsis mloog lus tas ces hmog kuv nyuaj siab tshaj, kuv thiaj ua meditation tas ces ib tsam kuv thiaj npau sauv pom 2 tus neeg hnav dawb dawb thiab 2 lub ntsej muag ci heev los sawv ntawd kuv lub txaj ib sab.
    Nkawd tsis hais lus li, tiam sis kuv lub tswv yim paub hais tias yog Leej Ntshiab Bernadette thiab Leej Ntshiab Odile nkawd. Nkawd ob leeg zoo ib yam raws li kuv pom, vim ci heev ces pom tsis tseeb thiab.

    Tham li no xwb, thov ua Kuv ob tug muam siab khuv leej neeg tsaug ib zaug ntxiv. Tsis muaj neb mas xyov kuv yuav nyuaj siab mus txog thaum twg.

    Sponsored content


    MAIV TOOJ SAU SIAB MUS NCIG XYUAS LEEJ NTSHIAB ODILE Empty Re: MAIV TOOJ SAU SIAB MUS NCIG XYUAS LEEJ NTSHIAB ODILE

    Post  Sponsored content


      Current date/time is 28th March 2024, 12:23 pm