Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Leej Ntshiab Thérèse

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Leej Ntshiab Thérèse

    Post  Maiv Tooj on 9th November 2010, 10:19 am


    Dynamic Glitter Text Generator at TextSpace.net

    Leej Ntshiab Thérèse lub neej.

    Leej Ntshiab Thérèse yug xyoo 1873, nyob rau lub nroog Alençon. Nws niam nws txiv yug lawv 9 leeg tab sis 4 leeg tau tag sim neej lawm, nws yog tus ntxhais ntxawm. Nws niam tuag thaum nws muaj 4 xyoos ntau. Yog nws ob tug niam laus Pauline thiab Marie tu nws hlob txog thaum lawb nkag mus nrog cov Phauj Carmelite nyob Lisieux nyob.
    Nws hnov Tswv Ntuj hu nws mus ua lub neej tab seeb ntxov heev, nws ntxeem dhau tej kev nyuaj, nws nkag mus ua Phauj thaum nws muaj 15 xyoos. Nws ua Phauj tau 9 lub xyoo, uas muaj ob xyoos mas nyob hauv txoj kev ntseeg tsaus ntuj nti, nws mob ntsws qhuav tuag hnub tim 30 lub 9 hlis xyoo 1897, uas nws muaj 24 xyoos.
    Neeg cav nws lub txiaj ntsim koob hmoov nto moo lug, yam li liv xwm ib tug ntsuj plig tsis ntev tom qab uas nws tuag, yog ib tug Leej Ntshiab loj tshaj ntawm Tiam
    20 nov. Txiv Vaj Qhia Pie XI hais tias yog lub hnub qub tseem ceeb ntawm lub caij nws ua Vaj kav. Tau tsa nws ua cov neeg siab ntshiab thiab ua Leej Ntshiab tsis ntev tom qab.


    Vim li cas nws thiaj xav coj lub neej qee rau Ntuj zoo li ntawd?


    Kuj yog vim nws xav muab nws lub neej los pab cawm cov neeg nyob txim uas txov luag txoj sia. Xyoo 1887, nws muaj 14 xyoos, nws hnov txog yawg "Prazini" uas tau muab ob tug poj niam thiab ib tug ntxhais hnub nyug 12 xyoos tua nyob rau lub nroog Paris. Lub 7 hli cov kws Lij Choj tau txiav txim Tuag rau nws. Tim 31 lub 8hli, yuav tau muab nws txiav taub hauv. Thérèse hnov tias nws tsis kam lees nws qhov txhaum kiag li, Thérèse saib nws zoo li yog Thérèse ib tug me nyuam. Nws thiaj tau thov Txiv Plig ua thaj Txi Ntuj pab tus neeg ntawd thiab nws yoo mov thiab thov Ntuj tas zog los pab. Thérèse tau sau tseg tias: "Kuv paub tseeb tias Tswv Ntuj siab zoo tas nrho. Nws siv nws lub siab khuv leej neeg los zam luv txim rau "Prazini". Kuv tau hais rau tswv Ntuj tias: "Tab tus neeg ntawd tsis kam txais lub Cim Daws Txhaum, los thov Tswv Ntuj pab tus neeg ntawd kom nws ua ib yam me me zeem tseeb tias nws tu siab rau nws qhov txhaum."

    Hnub 31 lub 8hli, lawv yuav txiav nws taub hau nyob hauv Tsev Loj Faj. Tus tua neeg Pranzini tsis kam lees txhaum, tsis kam txais lub Cim Daws Txhaum li. Tab sis, ib me pliag, ua ntej lawv yuav txiav nws caj dab, mas nws ho thov kom lawv cev Yes Xus tus Ntoo Cuam rau nws nwj. Nws nwj ob zaug. Taig kis kaj ntug, Thérèse Martin mam nyeem ntawv xov xwm "La Croix=Tus Ntoo Cuam" ces nws pom yam uas nws tau thov ntawm tswv Ntuj tuaj tiag. Tswv Ntuj tau ua ib lub Cim los zeem txog qhov ntawd, Pranzini tau nwj tus Ntoo Cuam ob zaug ua ntej luag yuav txiav nws taub hau. Thérèse nyeem zaj ntawd tag nws mus nkaum hauv lub paim( lub txaj), nws quaj (MT 6,6) Vim nws zoo siab tias nws zaj teev Ntuj cawm tau Pranzini.

    Txij li tej xwm ntawd tshwm sim tuaj tag mas Thérèse haj yam nyiam txoj kev ua phauj hauv lub Koom Txoos "Carmel". Thérèse ntseeg tias Pranzini tau tu siab rau nws tej txhaum vim Thérèse zaj thov Ntuj. Zoo ib yam li Thérèse pab tus neeg ntawd rov yug dua tshiab los. Qhov uas Tswv Ntuj tau mloog Thérèse cov lus thov mas yog ib yam piv txwv tias: Yav tom ntej Thérèse yuav muaj tub ki coob. Nws yuav ua ib tug niam hlub sawv daws, mas nws yuav tau mus ua Phauj rau lub Koom Haum "Carmelite", thiab nws yuav tau mus thov txhaum rau coob leej ntau tus.

    Hnub tim 9, lub 4hlis, xyoo 1888 mus txog hnub tim 30 lub 9 hli 1897, , cov Phauj twj cuab (Carmelite)tau txais Thérèse rau hauv lawv lub tsev. Thaum ntawd Thérèse muaj 15 xyoos thiab3 hlis. Nws nrhiav tau ib lub npe tshiab tias: "Thérèse ntawm me nyuam Yes Xus".

    Thérèse kuj tau sau cov zaj txhawb kev ntseeg tshiab. Nws tau sau ib phau ntawv hu ua: "Story of a Soul". Txhais tias: "Zaj kwv huam hais txog ntsuj plig." Yog ib phau ntawv me me tab sis muaj nqes heev.

    Leej Ntshiab Thérèse cov lus:

    "Leej twg txiav txim siab ua ib tug neeg siab ntshiab, mas nws txoj hauv kev taug yog txoj kev nyiam kev hlub.
    Leej twg ntshai Tswv Ntuj, mas tus neeg ntawd thaub qab xwb. Ntawm kuv mas kuv taug txoj kev nyiam Tswv Ntuj thiab txoj kev hlub luag. Kuv tsis tsis thaub qab, kuv mus tom hauv ntej xwb. Kuv hlub tshua Leej Pleev. Nws yog ib puas tsav yam nyob hauv kuv lub neej. Yuav nquag teev Ntuj tas zog, txhob ua neeg tub nkeeg teev Ntuj. Yus txoj kev tso siab rau Tswv Ntuj yuav ua tau hwj huam yees ntxwv tawm tuaj.
    Yus coj ib lub neej ntxim Tswv Ntuj siab kuj tsis nyuaj, yooj yim kawg: Yus txhob xav txog yus tus kheej, yus muab tas yus txoj sia los tshua Yes Xus. Kuv zoo siab thaum kuv ua tau ib yam zeem tseeb tias kuv nyiam Yes Xus. Kuv tso kuv rau hauv Yes Xus txhais tes, kuv paub tias kuv tsis tau ua ib yam tseem ceeb, yog Yes Xus yog tus ua tag nrho xwb."


    Thérèse nyiam Leej Ntshiab Zam lo lus ntawm tus Ntoo Cuam tias: "Tswv Ntuj yim xav pub nws tej txiaj ntsim rau yus, mas NWS yim ua kom yug ntshaw txog tej yam ntawd."

    Kuv tsis ntshaw dab tsi-tsuas yog kev tuag kom yuav tau nyiam koj. Yes Xus! Lub caij twg kuv thiaj li yuav pib ua tsheej ib lub neej? Yog lub caij yus tau tag sim neej. Lub caij ntawd thiaj yog lub caij yus muab yus lub siab los npuab Yes Xus, nyob ti Yes Xus ntag.

    Nyob hauv lub Koom Txoos, yus yuav coj txoj kev nyiam kev hlub ces yus thiaj yuav ua tau tas puas tsav yam. Yog thaum yus muaj txoj kev nyiam kev hlub, mas yus muab tau yus tus kheej los tsob hwb Tswv Ntuj. Yus muab yus txoj kev nyiam kev hlub los pauv Tswv Ntuj txoj kev hlub.

    Yog peb xav ua tsov rog tiv thaiv qhov phem, mas kawg yuav tsum ua neeg me xwb. Kuv txoj kev thaj yeeb, txoj kev nyiam kev hlub, kawh yog koj Huab Tais.
    Yes Xus, kuv muab kuv lub siab lub ntsws, kuv txoj kev hlub cob cog rau koj.



    Last edited by Maiv Tooj on 10th November 2010, 12:31 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Thérèse

    Post  Maiv Tooj on 10th November 2010, 11:23 am


    Neuvaine miraculeuse à Sainte Thérèse de Lisieux





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Leej Ntshiab Thérèse

    Post  Maiv Tooj on 10th November 2010, 11:25 am


    Sainte Thérèse de l'Enfant Jésus, Ta Face est ma seule Patrie





    Sponsored content

    Re: Leej Ntshiab Thérèse

    Post  Sponsored content Today at 8:56 pm


      Current date/time is 10th December 2016, 8:56 pm