Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Mim on 3rd January 2011, 2:56 pm

    Yog vim li cas peb thiaj hais tau tias Mab Liab yog “Tswv Ntuj Niam”?


    Niaj xyoo hnub tim 1 lub 1 hlis ntuj, ntiaj teb sawv daws ua kev lom zem vim yog xyoo tshiab tuaj lawm,yog  hnub pib xyoo tshiab ntag. Tiam sis nyob hauv Koom Toos Kas Tos Liv txoj kev teev ntuj, mas peb lub xyoo teev ntuj tshiab twb pib tau ib lub hlis los lawm, yog pib thawj hnub Chiv hauv lub CaijTos Huab Tais (First Sunday of Advent).  Hnub tim 1 lub 1 hlis no, peb ua kev hwm Niam Mab Liab yog “Tswv Ntuj Niam ,” (Mary, Mother of God/Mere  de Dieu)

    Txheej thaum ub los rau txheej nim no yeej muaj coob leej tsis kam siv lo lus ntawd thiab lawv hais tias Kas Tos Liv mas yuam kev loj vim lawv hu Niam Mab Liab ua “Tswv Ntuj Niam”. Lawv hais tias Mab Liab yog Yes Xus niam xwb, nws tsis yog Tswv Ntuj Niam.

    Tiam sis lub Koom Txoos  teb thiab qhia hais tias peb hais tau li ntawd, peb tsis yuam kev. Vim peb ntseeg hais tias Yes Xus yog Tswv Ntuj. Nws yug los muaj ib lub cev nqaij muaj ib tug ntsuj plig, nws xeeb ntawm Niam Mab Liab lub cev los, nws yog tib neeg ib yam nkaus li peb, tiam sis ib txhij ntwd nws kuj tseem yog Tswv Ntuj tiag tiag, vim tsis yog neeg ua kom nws xeeb los ua neeg, hos yog leej Ntuj plig Ntshiab ua kom nws xeeb los ua neeg.  Nws tsis tau poob nws lub meej mom ua Tswv Ntuj. Nws tau ob yam tib si, nws yog neeg thiab nws yog Tswv Ntuj ua ke, muab txhem tsis tau tawm hais tias ib tug Yes Xus yog neeg, ib tug Yes xus yog Tswv Ntuj, vim tsuas muaj ib tug Yes Xus xwb, nws yog Tswv Ntuj thiab nws yog neeg tib si ua ke. Vim li ntawd peb hais tau tias Niam Mab Liab yog Tswv Ntuj Niam.  Thaum peb siv lo lus ntawd mas peb tsis tau muab Mab Liab los ua  Tswv Ntuj leej Txiv Niam los yog Tswv Ntuj leej Ntuj Plig Niam, peb tsuas hais txog Tswv Ntuj leej Tub HT Yes Xus Niam xwb.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Mim on 4th January 2011, 1:14 pm

    Ib qho rau peb coj los xav


    God creates "out of nothing" ... God spoke, an it was! Everything that is, has been called into existence by him. That is what is wonderful and unique about the biblical belief in creation."

    - Christoph Cardinal Schonborn, OP
    [/center]

    Nyob hauv Ntawv Moo Zoo, Zam 1: 1+ 3 hais li no (Cov lus nram no yog kuv txhais kuv hauv lus Aas Kiv los xwb, tsis tau muab hauv peb phau ntawv Hmoob los):
    1 Thaum chiv lub keeb, Lo Lus yeej nyob lawm; lo Lus nyob ze ntawm Tswv Ntuj, Lo Lus yog Tswv Ntuj…
    3 Tas ib puas tsav yam tshwm sim tau los yog vim muaj nws, yog tsis muaj nws,yuav tsis muaj ib yam tshwm sim tau los.

    Nyob hauv Ntawv hauv Paus 1 hais li no:

    3 Ces Tswv ntuj hais tias: “Kom muaj pom kev,” ces cia li muaj pom kev tuaj…
    6 Ces Tswv ntuj hais tias: “Kom muaj ib lub ruv kem hauv nruab nrab cov dej, cais ib co dej ntawm lwm cov,” ces cia li muaj li ntwd tuaj…

    Peb pom tau hais tias thaum Tswv Ntuj tsim ntuj tsim teb, nws tsis muab ib yam dab tsi los tsim li, nws tsuas hais nws lo lus xwb ces cia li muaj raws nws hais lawm. Tsis zoo li tib neeg, thaum peb xav tsim twj taig, peb yuav tsum muab av muab pob zeb los tooj hlau thiab tseem siv hluav taws siv dej mas peb thiaj tsim tau.

    Ua li, Tswv Ntuj lo lus yog leej twg? Raws li Zam qhia rau peb, nws yog Yes Xus ntag. Yes Xus yog tus tsim tas ib puas tsav yam thiab nws yog tus tsim tib neeg tib si.

    Ib qho uas kuv xav tsis thoob li, tiam sis kuj txaus qhuas kawg: Ua cas Tswv Ntuj Yes Xus yog tus tsim tib neeg, Tswv Ntuj tseem yug tau ntawm tib neeg (Mab Liab) los ua tib neeg thiab? Txawm li cas los kuv to taub qhov hais tias,”Tsis muaj ib yam uas Tswv Ntuj yuav ua tsis tau li,” nws xav ua li cas nws yeej ua tau tag tib si.

    Ib qho ntxiv rau peb xav:


    Thaum ub Tswv Ntuj tsim tib neeg, nws tsis hais nws lo lus, tiam sis nws muab av los tsim tus txiv neej tas, nws mam muab tus txiv neej ib tug tav los tsim tus poj niam ua ib tug khub pab tus txiv neej. Peb ntseeg hais tias Tswv ntuj tsim nkawd los yog neeg dawb huv tsis muaj txhaum. Tswv Ntuj pub txoj kev txiav txim ywj siab rau nkawd, Tswv Ntuj thiaj tso nkawd txiav txim siab saib nkawd puas ntseeg thiab puas mloog Tswv Ntuj hais. Tswv Ntuj tsis tau muab ntau yam sim nkawd, Tswv Ntuj tsuas muab ib yam xwb, yog kom txhob noj lub txiv xwb, nkawd twb tsis mloog Tswv Ntuj lus lawm, ces nkawd thiaj poob rau kev txaug kev txhaum thiab kev tuag. Thaum nkawd poob rau kev txhaum ntawd, yog vim tus poj niam, pog Es Vas, mus mloog dab phem lo lus ntxias, nws thiaj coj tau tus txiv neej, yawg As Das, poob nrog nws thiab. Zaum no Tswv Ntuj thiaj cog lus rau nkawdd tias nws yuav xa ib tug los cawm nkawd tsoom xeeb leej xeeb ntxwv.



    Lub Koom Txoos siv lo lus hais tias Mab Liab yog tus Es Vas tshiab, hos Yes Xus yog tus As Das tshiab. Tswv Ntuj muaj hwj huam loj tas nrho, nws xav ua li cas los tau. Zaum no tus As Das tshiab(Yes Xus) yug tawm ntawm tus Es Vas tshiab(Mab Liab) los. (Thaum ub tus poj niam tawm ntawm tus txiv neejlos). Thaum ub yawg As Das thiab pog Es Vas nkawd yog tib neeg xwb, thiab Tswv Ntuj tsim nkawd los ua txij ua nkawm. Zaum no Niam Mab Liab thiab Yes Xus yog ob niam tub, thiab HT Yes Xus yog tib neeg thiab yog Tswv Ntuj leej Tub, uas nws txoj hauj lwm yog los cawm tib neeg. Niam Mab Liab kuj xeeb los tsis muaj txhaum, tiam sis nws tsis tau ua nws txoj kev dawb huv ploj, vim nws mloog Tswv Ntuj lus, nws ua raws li Tswv Ntuj npaj kom nws ua. HT Yes Xus los kuj tau raug dab phem ntxias nws heev kawg( 40 hnub yoo mov hauv teb chaws suab puam), tiam sis nws kuj tau yeej dab phem tej lus haub lus ntxias lawm, ces nws tau los ua nws tes dej num cawm neeg tiav tag.

    Niaj hnub no, nws kuj tseem tso rau peb ua tus xaiv qees, nws tso ywj peb siab. Nws tsis yog yuav yuam ntiag peb kom cia li caum nws qab xaiv nws txoj kev xwb. HT Yes Xus yeej them peb tej nuj nqes rau peb txhua tus tas nrho lawm, tiam sis peb yog tus yuav tsum tau los lees thiab txiav txim siab siv zog xaiv Yes Xus caum nws qab yoog raws li nws tej lus qhia, mas peb thiaj li yuav tau txais nws tej koob hmoov thiab nws txoj kev cawm. Peb yuav tsum coj yuav tsum ua qhov hais tias peb ntshaw ntshaw nws tiag, thiab ntshai ntshai tsam tsis tau nws mas peb thiaj tau, yog peb ua li peb tsis ntshaw thiab tsis ntshai li, tsis tau los tsis ua cas, ces peb yeej yuav tsis tau li.


    Daim duab muab hauv lub site www.deeptruths.com


    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Mim on 5th October 2011, 4:35 pm

    Hnub no kuv yuav rov qab tuaj tso ib zag rau peb xav tswv yim txog peb txoj kev caum Yes Xus lawv yes Xus qab...

    Nej ntsia daim duab saum no, yog ib daig duab uas peb muab rau me nyuam yaus kos ib txog kev kom mus txog lub ncuav (cake/gateau) uas nyob hauv plawv. Txawm peb yogi b tug laus ib tug me nyuam yaus los peb yeej yuav tsum tau siv me ntsis sij hawm thiaj kos tau ib txog kev mus txog lub ncuav. Kuv tau ua si ntev tsawv nrhiav saib puas muaj ob peb txog kev mus tau tshwm ntawm lub ncuav. Tiam sis kuv nrhiav tas tsuas muaj ib txog kev xwb. Nej sim ho ua si nrhiav saib puas tau tshaj ib txog kev…

    Vim li ntawd kuv thiaj xav tau tias yog peb xav mus txog saum ntuj ceeb tsheej, tsuas muaj ib txog kev rau peb taug mus xwb, tsis muaj ob txog peb txog li. Yes Xus hais rau peb tias, “Kuv yog txoj kev, qhov tseeb, thiab txoj sia; tsis muaj ib tug twg mus tau rau ntawm leej txiv, yog tsis taug ntawm kuv mus.” (Zam 14: 6). Kuv xav nug nej tias yes Xus yuav kom peb “taug ntawm nws mus,” no yog yuav taug li cas ne yuad? Nej sim piav nej qhov kev to taub saib yog li cas tiag? Es thaum sawv daws to taub zoo lawm no ces thov kom sawv daws xyaum coj li ntawd es thiaj li mus txog saum Tswv ntuj os….



    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Paj Lug on 6th October 2011, 7:26 am

    Mim,

    Koj cov zaj zoo heev li os, nyeem tas xav nyeem dua, yog muaj ntxiv no tuaj tso ntxiv nawb, cas yuav zoo nyeem ua luaj, thiab nws luv luv los nws hais tau ntau ntau, kuv nyiam kawg li J:

    Speciale kab lus hauv qab no mas hais tau yog kawg li lawm os, leej twg nkag siab kab lus hauv qab no ces yeej nrhiav tau Tswv Ntuj xwb xwb li :


    Peb yuav tsum coj yuav tsum ua qhov hais tias peb ntshaw ntshaw nws tiag, thiab ntshai ntshai tsam tsis tau nws mas peb thiaj tau, yog peb ua li peb tsis ntshaw thiab tsis ntshai li, tsis tau los tsis ua cas, ces peb yeej yuav tsis tau li.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Tooj on 6th October 2011, 10:11 am

    Mim wrote:Hnub no kuv yuav rov qab tuaj tso ib zag rau peb xav tswv yim txog peb txoj kev caum Yes Xus lawv yes Xus qab...

    Nej ntsia daim duab saum no, yog ib daig duab uas peb muab rau me nyuam yaus kos ib txog kev kom mus txog lub ncuav (cake/gateau) uas nyob hauv plawv. Txawm peb yogi b tug laus ib tug me nyuam yaus los peb yeej yuav tsum tau siv me ntsis sij hawm thiaj kos tau ib txog kev mus txog lub ncuav. Kuv tau ua si ntev tsawv nrhiav saib puas muaj ob peb txog kev mus tau tshwm ntawm lub ncuav. Tiam sis kuv nrhiav tas tsuas muaj ib txog kev xwb. Nej sim ho ua si nrhiav saib puas tau tshaj ib txog kev…

    Vim li ntawd kuv thiaj xav tau tias yog peb xav mus txog saum ntuj ceeb tsheej, tsuas muaj ib txog kev rau peb taug mus xwb, tsis muaj ob txog peb txog li. Yes Xus hais rau peb tias, “Kuv yog txoj kev, qhov tseeb, thiab txoj sia; tsis muaj ib tug twg mus tau rau ntawm leej txiv, yog tsis taug ntawm kuv mus.” (Zam 14: 6). Kuv xav nug nej tias yes Xus yuav kom peb “taug ntawm nws mus,” no yog yuav taug li cas ne yuad? Nej sim piav nej qhov kev to taub saib yog li cas tiag? Es thaum sawv daws to taub zoo lawm no ces thov kom sawv daws xyaum coj li ntawd es thiaj li mus txog saum Tswv ntuj os….



    Nyob zoo Mim,

    Yes Xus muab txoj kev ncaj rau peb taug, tab sis kuj tsis yooj yim rau peb pes tsawg thiab. Yog neeg xav zoo ib yam mas kuj yuav yooj yim dua, tab sis neeg tsis xav ib yam ces tej thaum kuj yuav "Taug ntawm Yes Xus mus rau saum Ntuj" mas kuj nyuaj kawg li.

    Cia kuv lam hais li kuv paub:

    Txoj kev mus saum Ntuj tsuas muaj tib txoj hauv kev, yog "TAUG YES XUS MUS".
    Kev TAUG YES XUS yog txhais tias kom yus ua RAWS LI YES XUS COV LUS QHIA.
    Yog tssi ua li Yes Xus cov LUS qhia ces yuav tsis muaj txoj hauv kev mus txog rau Tswv Ntuj lub Ceeb Tsheej.





    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Npuagtub on 6th October 2011, 11:26 am



    Nyob zoo cov phooj ywg

    Hais txog kev nrhiav mus kom txog Ntuj Ceeb Tsheej mas kuv xav tias tsis muaj leej twg paub, Tswv Ntuj pom zoo leej twg mus tau ces tus ntawd tau mus xwb, peb tsis yog tus paub thiab txiav txim tias peb mus tau los tsis tau, vim peb twb tsis pom txog 3 dag deb ntawm peb hauv ntej. Nyob hauv ntawv Ntshiab muaj ntau nqe hais txog Tswv Ntuj lub Ceeb Tsheej, tiam sis yuav ua cas peb thiaj li mus txog thiab mus pom? Kuv tshuas tso ib nqe li no xwb: Lus Kas ntawv Moozoo 9: 23, Yes Xus hais tias:
    Leej twg xav los raws kuv mas nws yuav tsis txhob nco txog nws, nws yuav niaj hnub kwv nws tus ntoo cuam, ces nws yuav lawv kuv qab.
    Raws li daim duab Mim post no mas kuv nkag siab tias txoj kev ua ib tug neeg ntseeg zoo mas tsis yooj yim thiab txoj kev yuav nkag mus kom txog Ntuj Ceeb Tseeb los kuj yuav tsis yooj yim, yuav tau siv sij hawm, ua siab ntev ua tiag nyiaj ris txhua yam kev nyuaj nyob hauv peb lub neej txoj kev ntseeg, yuav ua thiab coj raws li Huab Tais Yes Xus, thiab ua raws li nws cov lus qhia, mas peb thiaj li yuav mus txog Tswv Ntuj lub Ceeb Tsheej.




    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Mim on 7th October 2011, 12:00 pm

    Nyob zoo Maiv Paj Lug, tais Tooj thiab XH Npuag Tub,

    Kuv los yeej to taub ib yam li tais Tooj thiab XH Npuag Tub nkawd hais thiab … thiab kuv ho ntxiv me me ntxiv. Kuv xav hais tias qhov ib ua ntej peb yuav coj tau raws li HT Yes Xus qhia, yoog raws li nws, mas peb yuav tsum xub ntseeg nws tso, tias nws yog Tswv Ntuj leej Tub tiag, yog tus yug los cawm ntiaj teb neeg tiag. Ib yam li cov neeg Jews, lawv ntseeg Tswv Ntuj thiab pe hawm Tswv Ntuj, tiam sis lawv tsis ntseeg tias HT Yes Xus yog tus Messiah uas lawv pheej tos tseem yuav los cawm lawv. Tsis txhais hais tias lawv yuav tsis tau mus saum ntuj li. Ua li XH Npuag Tub hais, yog Tswv ntuj xwb thiaj paub hais tias leej twg yuav tau mus saum ntuj, leej twg yuav tsis tau . Tiam sis yog peb ntseeg txog HT Yes Xus, thiab peb muaj lub siab kub lug yoog raws li nws qhia tiag, mas peb muaj txoj hmoo tau mus saum ntuj ntau tshaj li yog peb tsis ntseeg. Qhov ob, txawm peb los ua neeg ntseeg ntawm lub npe thiab ntawm lub ncauj lawm , tiam sis lub siab twb tsis ntseeg tiag tiag, ces peb yeej tsis coj tsis yoog raws li HT Yes Xus qhia kom tas li, lam ua neeg ntseeg niag tsis qab tsis tsuag, ib tsam xav hais tias tej zaum yuav muaj li HT Yes Xus hais, ib tsam xav hais tias ab xyov puas muaj npaum li ntawd tiag… Thaum peb ua li no ces peb yeej tsis tuaj zog “kwv ntoo cuam lawv Yes Xus qab” li…

    Yog peb ntseeg Yes Xus tiag, yog peb tso siab rau Yes Xus cov lus tias yuav tau raws li nws hais tiag, ces peb txaus siab thiab tuaj zog muab tas nrho peb lub siab lub tswv yim lub zog los zwm rau Yes Xus, thaum ntawd nws qhia kom peb ua li cas los peb zoo siab hlo ua, vim peb ntshaw thiab xav tau yam nws hais tshaj tej yam uas peb lub siab ntshaw thiab peb lub cev xav tau.

    Ces HT Yes Xus lo lus tias peb yuav tsum “taug ntawm nws mus” mas yog peb yuav tsum ntseeg nws, yuav nws ua peb tus cawm seej thiab peb yuav tsum ua raws nraim li nws qhia. Nws yog txoj kev, vim nws tau yug los ua neej rau peb ntsia rau peb kawm. Lub neej uas yuav coj peb mus tau rau saum ntuj, ces yog yoog raws li nws nkaus xwb, yog peb ua raws li peb lub siab ntshaw thiab peb lub cev xav , ces yog qhov yuam kev lawm. Nws yog qhov tseeb, vim yam Yes Xus qhia rau peb yog qhov tiag tiag, nws tsis yog lam dag los lam kwv yees hais xwb, nws yeej paub tseeb tseeb tias yam uas nws qhia ntawd thiaj yog yam zoo rau peb thiab yog yam yuav coj peb mus tau qhov zoo xwb. Nws yog txoj sia, vim nws yog Tswv Ntuj Lo Lus uas thaum ntuj tsim teb raug, Tswv Ntuj tau hais kom txhua yam tshwm sim los tau. Nws yog tus muab txoj sia rau txhua yam uas muaj sia. Tsis tas li xwb, nws tseem yeej txoj kev tuag lawm. Yog li ntawd yog peb “taug Yes Xus” mus ces peb yeej yuav tsum mus tshwm qhov zoo xwb.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Tooj on 7th October 2011, 7:41 pm



    Nyob zoo Mim,

    Ntawm kuv mas qhov ntseeg Huab Tais Yes Xus, kuv yeej ntseeg, kuv yeej ua li NWS hais. Tab sis qhov nyuaj tshaj rau kuv mas tsis yog kev NTSEEG, yog kev ua zoo rau tej txheeb ze thiab ib ncig ntawm yus. Qhov nov yog qhov nyuaj tshaj plaws ntawm kuv. Yog tsim li cas thiaj li nyuaj...? Qhov nyuaj tshaj yog neeg tsis xav ib yam, tsis pom ib yam...Qhov no yog qhov nyuaj tshaj. LI ntawd yog yuav ua li HT.Yes Xus cov LUS, yuav tsum sib nyiam sib hlub mas kuv ua nyuaj heev. Yog tias kuv tsis nyiam luag mas yog kuv ua tsis yog lawm, tab sis muaj ib cov neeg mas koj nyiam thiab hlub lawv mas lawv tsis nyiam, koj siab dawb koj pub lawv mas lawv hais phem rau koj. Ces koj tsis paub ua zaj twg thiaj li yuav haum neeg, thaum koj ntxeem ntxeem ua tau tej yam zoo rau sawv daws mas zoo li tsis muaj qhov zoo siab rau sawv daws, tseem muaj qhov sib yaum los lauj koj kom koj poob ...Li ntawd ces ntawm kuv tus kheej, kuv ua li kuv ua tau xwb, txawm ib txhia tsis txaus siab rau kuv los kuv saib zoo li lawv twb tsis ua zoo npaum li kuv...Ces kuv hais tias: "kuv ua li kuv ua tau xwb, dua li Tswv Ntuj mam li saib xyuas"





    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Mim on 8th October 2011, 3:10 pm

    Nyob zoo tais Tooj,

    Kuv los yeej zoo ib yam li koj hais thiab. Kuv piav saud mas kuv tsuas piav qhov hais tias HT Yes Xus yog txoj kev rau peb taug mus txog Tswv Ntuj, tsis muaj lwm txoj ntxiv. Thaum As das thiab Es Vas nkawd ua txhaum mas nkawd tau ua tus choj tuam mus txog Tswv Ntuj dam poob qab tsuas tas lawm. Ces Yes Xus los tuag so lub keeb txhaum ntawd pov tseg, nws los ua peb tus choj uas tuam mus txog Tswv Ntuj ntag.

    HT Yes Xus tau so lub keeb txhaum hauv peb pov tseg thaum peb los txais lub Cim Ntxuav, tiam sis nws tsis rhuav peb lub siab uas xav xav paub qhov phem thiab qhov zoo pov tseg. Nws tso rau peb saib peb yuav xaiv qhov zoo los qhov phem. Qhov xaiv qhov phem thiab qhov zoo mas yog ib txoj kev tawm tsam tas mus li hauv yus lub neej thiab yus tus kheej. Qhov kev tawm tsam no mas tsuas yog yus tus kheej thiaj paub thiab Tswv ntuj thiaj paub xwb. Qhov no yog raug rau HT Yes Xus lo lus uas nws hais tias: “Yog leej twg xav lawv kuv qab mas nws yuav tsis txhob nco txog nws tus kheej, nws yuav niaj hnub kwv nws tus ntoo cuam, thiab lawv kuv qab.” (LK 9: 23;MT 16: 24; MK 8: 34 )

    Peb nyias yuav tsum kwv nyias tus ntoo cuam
    Ces qhov koj piav hais tias “kev ua zoo rau tej nyob ze yus” yog qhov nyuaj rau koj, mas yog nyob rau qhov no lawm. Tej kev nyuaj hauv peb lub neej yog peb tus ntoo cuam uas peb yuav tau niaj hnub kwv. Txhais tias thaum peb los ntseeg Yes Xus thiab los txiav txim mob siab coj lub neej li Yes Xus qhia mas tsis yooj yooj yim li. Tsis yog ib txog kev tawg paj paug lom zem xauv npo ua tau ywj yus lub siab ntshaw.

    Txheej thaum ub Mais Xes muab Tswv ntuj 10 lo lus qhia rau cov His Xas Lais coj. Tiam sis nws tsis yog Tswv Ntuj, mas nws tseem muaj tej nqe hauv txoj cai uas lus Mes Kas hu ua “an eye for an eye, a tooth for a tooth” txhais tias “ib sab qhov muag pauj ib sab, ib tug hniav pauj ib tug hniav.” (Kev Tsiv 21: 23-4) (Thov txim nyob hauv peb phau Bible Hmoob tsis tau txhais cov nqe lus no). Txoj cai no yog coj raws tib neeg kev ncaj ncees xwb. Yog koj tshum kuv ib sab qhov muag dig lawm mas kuv yuav tsum tshum koj ib sab qhov muag pauj, thiaj tsis khib kuv; yog koj tsoo kuv ib tug hniav dam lawm, mas kuv yuav tsum tsoo koj ib tug hniav pauj kuv txoj kev khib thiab. Tiam sis Yes Xus los qhia Tswv ntuj txoj kev ncaj ncees rau peb mas tsis yog li ntawd. Nws hais tias: “Yog leej twg ib tawg ncuav koj sab plhu xis, mas koj yuav tig sab tod rau nws thiab.” (MT 5: 39; LK 6:29) Thiab Yes Xus tseem hais tias, “Nej yuav nyiam thiab ua zoo rau cov ntxub nej los tsim txom nej…” (LK 6: 27-28; MT 5: 44) Yog vim li ntawd kuv thiaj xav hais tias yog peb tsis ntseeg tiag tiag thiab tsis tso siab rau Yes Xus lo lus tiag mas peb kawg swb rau peb lub siab phem ntau xwb. Txoj kev ntseeg tiag tiag txhawb peb kom peb tuaj zog tawm tsam yeej peb lus siab phem.

    Zam Paj Lug II zam txhaum rau tus neeg tua nws

    Kuv ho yuav piav ntawm kuv txoj kev nyuaj kev tawm tsam hauv kuv lub neej mas muaj ntau yam sib xyaws daws li. Tiam sis muaj ob yam nyuaj tshaj rau kuv. Yam ib yog zam rau tej tus neeg uas tau ua mob yus heev. Qhov no mas yog ib qho nyuaj tiag tiag. Yeej thov tas zog kom Tswv Ntuj lub txiaj ntsim pab xwb. Yam ob mas yog txoj kev tawm tsam kev phem kev txhaum hauv yus tus neej. Qhov no mas yog txoj kev tswj yus tus kheej, tswj yus lub siab thiab tswj yus lub cev. Thiab yog kiag qhov uas Yes Xus hais tias kom peb tsis txhob nco txog peb tus kheej, es cia li kws ntoo cuam lawv nws qab.

    Kuv yuav tsis piav tej qho personal dhau, tiam sis kuv yuav muab ib qho piv txwv yooj yooj yim los kom peb to taub qhov kuv xav hais xwb. Ib yam li xyov nej puas tau ua li kuv, tiam sis muaj tej zaum mas kuv xyuas tej zaj movie zoo zoo saib rau kuv, tiam sis txog kuv lub caij hais Saw Mab Liab lawm thiab. Ces kuv lub siab ua nuj neb tias txog caij teev ntuj lawm, tiam sis lub siab uas xav xav xyuas kom tas pheej muaj zog tshaj hais tias ab xyuas kiag kom tas tso nad… ces sib rub mus sib rub los ntev ntev ces lub siab hais Saw Mab Liab swb xwb…Hos qhov nram no yog yuav hais piv txwv rau kev tswj yus lub cev. Xws li ib tug neeg nyiam dej nyiam cawv, nyiam luam yeeb, nws yeej paub ntsoov tias tej dej caw, tej luam yeeb tsis zoo rau nws lub cev, nws xav thim kawg, nws mus sim thim, tiam sis thaum nqhis dej nqhis cawv, nqhis luam yeeb tuaj lawm, nws uv tsis dhau li, ces pheej thim tsis tau li. Yuav yog txiav txim siab tiag tiag, nyuaj npaum twg los uv kom dhau mas thiaj yuav thim tau.

    Yog li kuv qhov experience ua kuv lub neej ntseeg Yes Xus, xyaum kwv ntoo cuam caum nws qab, mas yog yus yuav tsum tawm tsam yus tus kheej ntau xwb. Vim peb yog neeg muaj lub siab nyiam kev ua txhaum, ces ntau zaus yus lub siab xav ua qhov zoo yeej swb xwb. Tiam sis HT Yes Xus twb xub paub peb lub siab tas lawm, nws thiaj tsim lub cim daws txhaum rau peb, kom peb tau kev mus thov txhaum thiab thov txiaj ntsim los pab peb ntaus tsam ntxiv mus dua.



    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Tooj on 8th October 2011, 7:37 pm



    Nyob zoo Mim,

    Ua tsaug rau koj cov lus txhawb siab thiab pab tswv yim.
    Kev ua neeg zoo thiab ua raws li Tswv Ntuj nyiam mas kuj yooj yim kawg, yog thaum yus qheb tau lub qhov rooj lawm; tab sis nyuaj kawg nkaus, yog thaum yus nrhiav tsis tau txoj xub ke. Vim kuv pib yuav mus li, nrhiav tau li...Mas muaj ib cov yeej cuaj teg yim taw kom yus rov thim xwb...Yus thim lawm mas sawv daws nyob nqhuab muag plias cia, tsis muaj tus ho yuav nrhiav kev ntxiv lawm...Ces yus tso tseg, luag cov uas hais ncauj hlob ncauj yau ho tsis taum tes lawm thiab ces sawv daws nyob plhws tes, tsis muaj dab tsi, tsis ua dab tsi ntxiv li lawm...Qhov nov, kuv tsis tu siab rau cov uas nyiam lauj luag ko taw, thaum luag ua tau ib yam yuav SAWV, yuav ZOO. Tab sis kuv yeej paub tias yog sawv daws tssi tswj tus kheej zoo ais dab phem los ntxias, los tshoj sawv daws tej siab ntsws kom rhuav tshem tej yam zoo, kom txhob ua tau ib yam ruaj khov li xwb, lawv ua rhuav yam lawv twb tsis paub txog tias lawv ua dab tsi. TEJ YAM ZOO LI NOV MAS KUV TEEV NTUJ, KUV THOV KOM HT.NTUJ TSO LEEJ TSWV YIM NTSHIAB LOS RAU PEB SAWV DAWS KOM MUAJ TXOJ KEV THOOB TSIB, TO NROG...Kuv thov li nov, kuv kuj pom tias zoo li kuj raws lus kawg thiab.

    Dua li Mim, koj hais txog qhov uas txog caij teev Ntuj ais koj muaj ib lub siab pheej tssi xav mus mas kuv li thaum ub kuv mloog kuv lub siab uas tsis xav mus teev Ntuj; tab sis zaum no kuv tsis mloog nws lawm. Vim thaum yus mloog nws tag mas yus chim siab ob peb hnub li...Yus chim siab vim yus tsis mus teev Ntuj, tab sis yus twb ho ua tsis tau dab tsi li. Yog yus lauj zias lub caij mus teev Ntuj tag los yus mam li rau siab hlo ua ub ua no mas yus tseem ua tau ntau dua thiab. Li nov ces kuv cia li tsis tshua mloog kuv lub siab uas kom kuv tsis txhob teev Ntuj lawm. Thiab ib qho, zaum no twb muaj toob xib txaus nkaus siv lawm, yog muaj ib zaj xyam nyob hauv TV, kuv saib zoj, kuv yuav tsis muaj caij txaus saib, los yog tsis nyob tsev lawm ces kuv muab Programmer KAW kiag cia, kuv yuav saib thaum twg los tau ces kuv cia li tsis ntxhov siab li lawm.

    Ua tsaug ntau rau koj tej lus qhia.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Paj Lug on 10th October 2011, 9:18 am

    Mim thiab Maiv Tooj....... o)


    Hnub no es neb yuav tham tau tej yam qhib kuv qhov muag los ua siab loj, kuv xav tias kuv ib leeg thiaj zoo li neb xwb no, cas pom neb sau hauv no, neb kuj nrog lub siab sib ntaus ntau zaus xav hais saw Mab Liab los sis mus Teev Ntuj ib yam li kuv ntag, yav tas los thaum kuv kev ntseeg tseem tsawg, txoj kev teev ntuj yeej swb kuv txoj kev qaug dab ntub tsis xav sawv mus teev ntuj.

    Kuv zoo kiag li Maiv Tooj hais thiab tiag, yog tias hnub Chiv kuv tsis mus teev ntuj vim txoj kev nkees yeej kuv lawm ntag ces dhau kiag xuaj moos teev ntuj tag xwb kuv lub siab pib chim chim chim lawm 2 3 hnub tsis zoo siab li, hauj lwm los yus tsis xav mus ua li lawm vim yus tu siab tias yus tsis tau mus Teev Ntuj ces lub zog tsis sawv. Hos yog hnub Chiv twg yus tsis mloog yus lub siab, txawm nkees npaum twg los yus sawv mus Teev Ntuj tag nrho ntag ses rov los txog tsev, hauj lwm ntau npaum twg los yus lub siab kaj nrig xav tu kom vaj tse huv huv, vim yus Mloog zoo li Tswv Ntuj kaj yus lub siab, yus mloog zoo li yus dawb huv.

    Tham txog kev tu siab, kev tu siab cas yuav loj tag npaum rau yus lub neej ua neeg ntseeg ntuj li os lawv, thaum yus ntseeg ntuj tiag tiag, yus tso siab lug rau Huab Tais Yesxus lawm mas cas zoo li yus yog tus raug luag tsuj tas li, yus yog tus hais lo twg los raug luag tawm tsam yus, yus xav kom sawv daws sib pab los luag tseem cem yus tu siab nrho hais tias luag tsis khoom tsis xav nrog yus koom siab tsis muaj qab hau rau luag. Yus ho tsis hais los zoo li yus siab tsis kheev, yus hais ib los kom sib haum los luag tias yus phem. Cas kwv Huab Tais Yesxus tus ntoo cuam lawv Huab Tais Yesxus qab es yuav raug cem raug tsuj ua luaj, ib txhia saib yus zoo li neeg tsis muaj nqis Sad , ib txhia ho nyiam yus kawg thiab hwm yus kawg, muaj kev phem kev zoo sib txuam pes daws ua rau yus lub siab faib ua ob lub, ib lub siab xav tso tseg, ib lub siab tseem hlub cov neeg hwm yus ces xav ua ntxiv, xav coj ntxiv, cav qhia ntxiv, los ib lub siab ces mob mob ntshoog tag :;(

    Muaj tej thaum yus lub siab tseem rov hais rau yus tias ntshe yog phem phem luag thiaj tsis hwm yus, los yus lub siab ho hais rau yus ntxiv tias kuv tsis phem, vim kuv xav kom zoo kuv thiaj hais ua luaj kom zoo xwb, tus mloog ho tau kawm, tus tsis mloog ho tau muab yus ntxub lawm los ua siab ntev nyiaj tiag mus no xwb tiag.





    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Tooj on 10th October 2011, 10:10 am



    Nyob zoo Maiv Paj Lug,

    Lub Vas sab Hmoob Catholic no pab tau neeg ntau yam:
    Pab txhawb dej siab dej ntsws,
    pab yus thaum yus ntsib kev ntxhov siab lwj plawv,
    pab yus thaum yus kev tws,
    pab yus kom yus txawj ua siab ntev,
    pab yus kom yus txawj coj tus,
    pab yus kom txawj ua neeg thoob tsib to nrog,
    pab yus kom yus txawj zam,
    pab yus kom yus ntse dua,
    pab yus kom yus txawj hais lus, txawj hlub neeg,
    pab yus kom yus tso siab rau yus tus kheej
    (vim pom tej tug Leej Ntshiab tsis yog neeg ntse,
    ces ua rau yus rov tso siab rau yus, ces yus ua tau neeg zoo dua qub) ,
    pab yus muaj chaw vam khom,
    pab yus kom yus paub Ntuj Kev Cai zoo ntxiv,
    pab yus kom yus nco tej txheej txheem kev teev Ntuj,
    pab yus kom yus rov nco txog cov Hnub tseem ceeb ntawm txoj kev Ntseeg,
    pab yus kom yus nquag mus teev Ntuj,
    pab yus kom yus paub cov neeg tseeb thiab cov neeg cuav...
    Hais los ces pab tau yus ntau heev...

    Maiv Paj Lug,

    Thaum yus tsis ua dab tsi tseem ceeb mas yuav tsis muaj ib yam dab tsi los cov nyom yus li...Yus nyob tag ib sim neej tsis ua dab tsi los yeej tsis muaj dab tsi cov nyom li, thaum twg yus tus ntiv tes rwg qab ib nyuag nti xwb mas yeej yuav tsum muaj kev cov nyom xwb. Yog li ntawd, thaum yus pib ua ib yam zoo, yog muaj kev cov nyom, yuav txhob res thiab theem li, yuav tsum tswj yus lub siab nruaj nreb, ntog los txhob zaum, yuav sawv plhws pob tw tsuag tsuag ces mus ntxiv xwb...Thaum txog hnub yus laus, yus tig rov saib qab yus thiaj yuav zoo siab tias kuv ntxeem ntxeem ib sim neej...Kuv ua tau qhov no...XWB! Yog muaj kev cuam tshuam, koj cia li tsum ces dab phem yuav zoo siab dhia luag dhia luag xwb...Tag koj sim neej, koj yuav ua tsis tau ib yam dab tsi...Txoj kev yuav ua ib tug Tswj Kav, nws nco ntsoov tias zoo li

    "tswb ntoo nyob ntawm kev, neeg tuaj dhau kev, tus uas tuaj txog hais ib los khuv leej tsob ntoo tias ua cas tsob ntoo nov yuav nyob ze kev ua luaj li! los muaj, tus ho nqa riam los los ncaj xuas tib riag rau los muaj, tus nqa rab txuas, xua ib roob txuas rau los muaj, tus los txog ho xua tib ncaws taw rau los muaj, tus los txog ho cev tes plhws hais tias: Ua cas lawv yuav siab phem ua luaj li es muab tsob ntoo tsoo tsoo, thais thais ua pob tag los muaj...

    Txhob tu siab mog! Twb yog yus muaj muaj hmoo es thiaj li muaj neeg cem yus. Cov tssi muaj hmoo, nim ntshaw ntshaw kom luag cem los twb tsis muaj neeg ntsia...hahahah...!




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Mim on 10th October 2011, 1:36 pm

    Nyob zoo tais tooj thiab Maiv Paj Lug,

    Zoo siab hais tias neb tuaj nrog kuv tham txog tej kev nyuaj hauv yus txoj kev ntseeg.
    kuv mloog neb tham txog kev teev ntuj mas neb txawj txiav txim tau siab mus rau zaj zoo lawm mas zoo heev. Yog ib qho peb yuav tsum xyaum kom tau thiab. Tiam sis zoo li neb hais txog mus teev ntuj Hnub Chiv los tsis sub. Ntawm kuv li mas mus teev ntuj Hnub Chiv kuj tsis muaj teeb meem ntau. Vim yog ib hnub peb muaj "obligation" yuav tsum tau mus lawm, ces txog caij kuv cia li mus xwb. Qhov kuv hais mas yog lub caij yus teev ntuj hauv vaj hauv tsev uas yog yus tus kheej rov teem caij rau yus teev ntuj xwb. Nyob li no mas tsis muaj obligation los yuam yus li, yus yog tus yuam yus kom ua xwb. Vim li no mas thiaj nyuaj dua mus teev ntuj hnub Chiv. Qhov nyuaj dua mas vim pheej muaj lub suab hais rau yus tias: "Tsis tas yuav teev ntuj heev npaum li koj li os... Ua neeg yuav tsum muaj kev lom zem thiab..." Kuv hais li no mas vim yog tias nyob nyob zoo caij zoo nyoog yus mam hais ib zaug saw Mab Liab xwb mas tsis nyuaj kiag li, tiam sis yog yus yuav xav niaj hnub hais tsis ncua li no mas txawm nyuaj ntag laiv... ces txawm hnov tuaj kub lub suab heev tsawv: "Cas pheej yuav hais zaj qub xwb xwb li...hais npaum koj los koj twb ua tsis tau dab tsi zoo tshaj lwm tus li, ces tsis tas nim yuav ua luaj..." Yog vim li no kuv thiaj hais tias yus pheej yuav tsum tau nrog yus tus kheej tawm tsam tas mus li no naj...

    Hais txog neb qhov uas luag ua nyuaj rau yus, luag cem yus los tsis saib yus mas, kuv xav tias vim neb yog ib tug coj hauv neb pawg ntseeg. Neb yog tus uas los xav tswv yim thiab rhawv kev rau neb sawv daws taug. Tib neeg ces nyias muaj muaj tswv yim, nyias muaj muaj nyias kev to taub, nyias nyiam nyias zaj txawv lwm tus. Ces neb thiaj pheej ntsib ntsib kev nyuaj uas yog raug luag thuam, luag cem. Thaum zoo li no mas yeej ua rau yus qaug zog kawg nkaus li, xav muab tso tseg kiag xwb. Tiam sis neb twb paub txoj kev yuav taug lawm. Neb twb hais tias thaum zoo li no neb thov ntuj thiab tso siab rau Tswv ntuj xwb no ces twb yog qhov zoo uas peb yuav tsum ua lawm os nkawd... Yus muab yus tso rau hauv Tswv ntuj txhais tes cia nws siv yus ywj siab, ces muaj dab tsi los tso plhuav rau nws xwb mas...tsis txhais tias yuav yooj yim li nawb...

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Npuagtub on 10th October 2011, 1:43 pm


    Nyob zoo cov phooj ywg,

    Mp, yog nws tseem ua ib tug Catechist qhia kev ntseeg rau cov neeg laus thiab mas ntshai muaj tej lub sij hawm nws hlwb tshuav tawg xwb os. Tus nyiam koj ces nws mloog koj hais hos tus tsis nyiam koj ces nws tsis yog tuaj kawm kev ntseeg ho yog nws npaj tej yam tuaj nug ua kom koj teb tsis tau nws ces koj poob ntsej muag xwb os Maivpajlug.

    Mt, yog li ces kuv kuj muaj hmoo zoo heev lawm os yom vim muaj neeg cem kuv tas li xwb ua yog los cem ua tsis yog los cem hehehee... Yog lawm thaum luag tseem xav xav cem yus mas yog luag tseem khuv xim yus thiab os nawv thiab tej zaum yus tseem muaj nqis me me rau lawv thiab.





    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Tooj on 10th October 2011, 7:03 pm


    Nyob zoo cov phooj ywg,

    Mim,

    Kev teev Ntuj tus kheej, teev Ntuj Hnub Chiv los nyias muaj nyias teeb meem los cuam tshuam...Cia kuv tham luag tej tag, kuv mam li los tham kuv...

    Piv xam peb nyob teb chaw Hauv Ntuj, Hmoob nyob xyaw mab sua, tsis koom zej koom zos, ntev ntev mam sib sau teev Ntuj ua ke los yog ua Christmas thiab Noj Peb Caug ua ke. Muaj ib txhia neeg muaj qhua hauv nws tsev, nws cov qhua twb yog ib cov neeg ua Ntuj Kev Cai tib yam li nws, nws cov qhua twb yog nws cov me tub me nyuam uas mus ua neej lawd rov tuaj xyuas nws xwb. Nws cia li hais tias "kuv muaj qhua nram tsev, kuv tsis tuaj". Ua cas hos tsi coj kiag cov qhua tuaj nrog sawv daws teev Ntuj thiab koom ib lub koob tsheej ua ke? Ua cas haj tseem cia li nyob nrog cov qhuav? Qhov nov mas kuv xav tssi tag li rau cov kwv tij Hmoob ntawd. Yus yog ib tug neeg Ntseeg, txawm tssi mus teev Ntuj npaum li cas los Hmo Christmas thiab Hnub Christmas mas yuav tsum mus teev Ntuj, yog tim li cas ho muab hnub muab hli mus yog yuav nuj sua plig ais twb ho tsis muab ib teev mus HWM NTUJ uas yog lub ntsiab ntawm qhov yus muab ntau hnub ntau hmo los npaj...????

    Teev Ntuj Hnub Chiv:


    Ntawm kuv tus kheej, teev Ntuj tshwj xeeb thiab Hnub Chiv, txawm kuv muaj qhua los kuv hais rau lawv ua ntej tias hnub no, thaum no peb muaj teev Ntuj ua lub Hmoob, nej npaj siab nrog peb mus, peb yuav mus fim lwm tus uas tuaj deb tuaj...Ces lawv kuj npaj siab nrog yus mus thiab...Yog teev Ntuj ntawm zos xyaw mab sua niaj Hnub Chiv, yog kuv pom tias lawv sawv tau ntxov, lawv tu cev khov kho tag lawd, ces kuv yaum seb lawv puas nrog kuv mus, yog kuv pom tias lawv tsis tau tiav ces kuv hais lawv tias: Nej sawv los lawm, kuv yuav mov ci, lim kas fes tso nov, mis nyuj, txiv nyoj, piam thaj nyob nob...Nej yeej meem noj li nej tsev, kuv mus teev Ntuj li ib teev xwb kuv rov qab los lawm...Yam li yus xub npaj ua ntej ces su los yus twb paub tias yuav ua li cas yooj yim ces yus twb xub npaj txhiam xwm lawm...Mim nyob tim peb, Fab Kis teb no mas qhov nyuaj tshaj ntshe yog teev Ntuj hnub Chiv, vim cov neeg ua tsis tau li qhov kuv hais los no...

    Teev Saw Mab Liab hauv tsev:

    Kev teev Saw Mab Liab ntawm kuv tus kheej hauv tsev, kuv tsis teem ib lub sij hawm ruaj, kuv teev thaum kuv nyob ib leeg, kuv teev thaum kuv ua hauj lwm tag xwb...Qhov kuv nyiam tshaj mas yog thaum kuv nyuam qhuav sawv, kuv noj mov ci thiab haus kas fes tag mas kuv nyiam dua. Thaum ntawd yus tsis tau ua hauj lwm, yus lub tswv yim uas pw es so ib hmo ntawd tseem ntsiab tshiab...(Peb nyob Fab Kis teb, peb tsis noj tshais, noj mov , nqaij, zaub sawv ntxov, peb haus mis nyuj, kas fes, chocolate, kua txiv, noj mov mog, mov ci, pleev roj mis nyuj thiab txiv ntoo qab zib nyoj xwb, peb noj mov thaum tav su thiab tsaus ntuj xwb mas tsis khwv heev, tsis xuam, tsis rog rog...).Dua li, yog muaj caij thaum twg los kuv teev thaum ntawd xwb, tab txawm dhau 12 teev ib tag hmo uas twb yog hnub tshiab lawm los kuv twb tseem tsis tau pw, thiab lub hnub tseem nyob rau lwm lub teb chaws hauv lub ntiaj teb no ces yeej tseem yog hnub qub rau kuv. Li ntawd muaj ib zaug twb yog ze 2teev kaj ntug lawm, kuv tsis tau pw, kuv tseem teev Ntuj, thiaj li ua rau Maiv Paj Lug nyob 1.000km nrug ntawm kuv, hnov kuv lub suab thiab cov lus Thov Ntuj hauv nws nruab dab ntub...Nws tsim los, nws taws teeb saib yog 1h50 nyob ntawm nws lub moo, ntawm kuv thaum kuv teev Ntuj tag, kuv sawv tsees, kuv tig ntsia kuv lub moo yog 1h48...


    LUB SUAB:

    Mim, lub niag SUAB ntawd txhob quav ntej mloog kiag li os nawb...!
    Lub suab ntawd kuv hnov ntau heev thaum peb nyuam qhuav los tsim luv Forum Hmoob Catholique no. Thaum ntawd kuv tsis yog hnov lub suab xwb, kuv tseem pom Niam Mab Liab thiab Huab Tais Yes Xus cov duab yees phem phem, ntsuj ncab ntswj ncua cuag kauj hmab sib lig rawv, dub nyho txho taws li cov av mos hauv tej hav iav...Lub suab hais hauv kuv taub hau, hauv kuv lub paj hlwb tuaj (hais ntawm kuv lub paj hlwb sab xis). Thaum twg kuv pib sau ntawv thiab yuav txhais ib yam dab tsi mas kuv tsaug tsaug zog, looj hlias rau ntawm kuv cov ntawv xwb...Ntau zaud mas zoo li tsaug zog heev tab sis kuv ntxeem dhau lawm...Yog thaum kuv txhais Padre Pio, txog ib qho mas kuv tsaug zog tiag tiag li, ua rau kuv npau taws, kuv nqa kiag ib daim txum zooj los pua kiag ntawm kuv lub PC ib sab (lub pc theem saud, nyob hauv ib kem), kuv tau mus pw 3-4 zaug, kuv mam li txhais tiav qhov ntawv ntawd. Vim kuv twb npaj tau ib lis piam lawm kuv txhais tsis tau li...Npaum li no los kuv yeej peem mus kom dhau...Vim kuv xav tias yog tuaj kub muaj zog tiag, nws yeej yuav tsis los mooj yus, txw yus tag npaum ntawd. Yeej los yog nws swb yus lawm es nws thiaj li muaj muaj plhus los ua tus me muaj muaj zog HEM yus li ntawd xwb. Ces kuv tsis quav ntsej, tab txawm cov duab yees phem phem rau kuv los kuv tsis quav ntsej, ua ntau ces kuv thov HT.Yes Xus los ntiab nws khiav xwb...
    Thaum lub caij uas kuv pom tej duab yees, hnov lub suab, tsaug zog ntawd mas kuv tseem mloog li muaj ib cov av mos dub nyho,txias zias, qias neeg khub kuv lub paj hlwb ua nyhav nyhav kuv lub taub hau thiab...Ces kuv mus Daws Txhaum ntau zaud, kuv hais rau cov Txiv Plig, lawv hais rau kuv li lawv paub, li lawv pab tau, kuv ua li lawv hais los kuj tsis ploj li, kuv mus ntsib kuv niam thiab kuv txiv Fab Kis uas lawv yog ib cov neeg ntseeg zoo, lawv kom kuv yuav tsum mus cuag ib tug Txiv Plig uas kawm txog sab ntsuj plig...Ces kuv lub siab tsis tus...Ib hnub kuv thiaj li qhia kuv qhov kev ntxhais sab "tub sab" zais siab, uas me me tsis muaj nqes, tab sis yog ib qho zais ntshis rau tus uas kuv lub siab tsis kheev ntawd...Kuv qhia nws tag ces kuv THUM tau qhov uas kuv tsis xav ua tab sis tseg tsis taus ntawd lawm." Thaum kuv muaj qhov npog zais ntawd phua plawv kiag thws tawm ces dab phem txaj muag los ntxias kuv lawm...Vim ua ntej nws pheej kom kuv yuav tsum npog cia...Kuv npog cia ces nws muaj zog, vim kuv muaj kev dag, tsis ncaj ncees...

    Thaum kuv qhia kiag rau tus neeg ntawd tag mas kuv hnov cov av mos hauv kuv lub paj hlwb ploj tag lawm, kuv pom ib thaj chaw tshav tshav ntuj, tsis kub kub heev, tab sis tab tom ntxim ntxim nyog xwb, qab ntug ntsuab ntsuab huv si,cua laj ntxiag laim txias, paj tawg nra puv roob puv hav tag ( cov paj txij li tej nroj xwb tsis muaj ntoo)...Kuv pom li nov tau 1-2 hnub xwb, kuv xav tias ntshe yuav nyob mus li no tab sis ploj lawm...Ces cov av mos uas qhwv kuv lub hlwb tau ib ob xyoos no kuj ploj lawm thiab...

    Thaum kuv lub hlwb nyob kaj lug, nrog rau lub ntuj tshiab, lub teb tawg paj mas kuv nco txog cov uas mus Daws Txhaum ntawm Padre Pio tag es tsis xav tawm mus nraum zoo tsam ho ua txhaum ntxiv...Thaum yus ntshiab mas yus tsis xav kom tsuas li lawm...Tab sis peb yog neeg muaj keeb txhaum, peb nyob ib lub ntiaj teb uas Tswv Ntuj lim peb lub siab ces peb TSWJ tsis tau peb txoj kev DAWB HUV tseg li...Khuv xim kawg...

    Mim, lam tham raws li kuv Expérience xwb, txhob ntau nqes nyhav rau. Tej zaud, muaj ntau yam kuj tsis muaj tseeb, yog lub tswv yim xwb. Txawm li cas los xij, peb yuav tsum nrhiav txoj hauv kev ZOO los taug kom peb muaj fwv tsam mus pom Huab Tais Yes Xus lub ntsej muag pem Tswv Ntuj lub tev chaws tshav ntuj nrig xwb.






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Paj Lug on 11th October 2011, 2:41 am

    Nyob zoo Maiv Tooj, Mim thiab XH NpuagTub,

    XH NPuagTub koj hais txhua yam yog tag nrho li os, kuv zoo siab kawg uas peb tau sib qhia me ntsis txog peb tej experience, nws txhawb kuv zog kawg nkaus.

    Maiv Tooj, koj hais yog lawm nawb Vas Sab Hmong Catholique no pab tau peb thoob tsib ntau tsav ntau yam kawg li, vim peb muaj ob peb leeg los koom siab nrog Huab Tais Yesxus cob qhia Hmoob koom siab, ib tug sau ntxiv ib tug ces tau ua tej yam zoo lawm. Li no thiaj hais tau tias peb txhua tus los kooom siab ua ke ces peb nyob hauv Leej Pleev lub ntsej muag. J:

    Mim thiab Maiv Tooj, lub suab pheej hais kom yus tsis txhob teev ntuj heev heev, kuv yeej hnov lawm thiab mas, nws tsis yog lub suab , nws yog ib lub hlwb los txuam rau yus lub hlwb na, yus xav yus ib yam tab sis lub hlwb ntawv kuj los txeem tau rau yus thiab ces ua rau yus xav tau tej yam txawv txawv uas tsis yog qhov yus nyiam, tiam sis yus xav xav ua li lub hlwb ntawv qhia yog tias yus mloog lub hlwb lwm sab qhia yus.




    <3 <3 Pab kuv rov los cuag koj Huab Tais Yesxus <3 <3

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Mim on 11th October 2011, 10:20 am

    Nyob zoo tais Tooj thiab Maiv Paj Lug,

    Kuv zoo siab hais tias peb tuaj tham peb kev ntseeg thiab kev teev ntuj rau hauv no me ntsis saib peb coj puas tau yam puav me me tuaj txhawb thiab pab peb cov ntseeg Hmoob txoj kev ntseeg xwb.

    Tais Tooj, kuv pom tias koj coj tau zoo heev lawm. Koj tus piv txwv uas yus tsis teem caij rau yus yog ib qho zoo kawg, ces yus yuav teev ntuj thaum lub caij twg los tau li. Peb sawv daws ho coj mus kawm thiab xyaum teev ntuj niaj hnub li ntawd.

    Maiv paj Lug, hais txog ntawm lub suab hauv yus mas yeej zoo li koj hais, yog yus lub tswv yim pheej hais rau yus. Tiam sis kuv muab xav mus xav los. Thaum kuv yau mas txiv plig pheej qhia hais tias dab phem ntxias yus kom yus ua yam tsis zoo no mas thaum ntawd kuv xav tias, yuav ua cas thiaj paub tias dab phem ntxias no. Nyem no mas kuv xav tias lub suab uas pheej los cuam tshuam yus qhov zav ua zoo ntawd ces yog dab phem nxias ntag no...

    Hos kuv los xav ib yam li tais Tooj hais thiab. Xyov ua cas peb cov Hmoob pheej muaj qhov koj hais tias tuaj ua ke, tsis sib yaum mus teev ntuj li, cia li muab ua ib lub caij txais qhua rau sawv daws lom zem sib ntsib xwb. Kuv tseem nco ntsoov, muaj ib zaug, twb ntev xyoo los lawm, peb tus thawj tswj HANCA tuaj txog peb lub zos. Tiam sis nws yog tuaj lwm yam hauj lwm, tsis yog tuaj HANCA hsuj lwm. Txawm li ntawd los kuv yeej tos ntsoov hais tias nws yuav tuaj koom peb teev ntuj Hnub Chiv no. Tiam sis ua cas tsis pom nws tshwm ntsej muag li. Mas ua rau kuv xav tsis tag los txog niaj hnub no li. Ces kuv muab xav xav mas, zoo li peb cov Hmoob ntseeg Kas Tos Liv
    tsis muaj lub tswv yim hais tias peb lub neej ua neeg ntseeg mas peb yuav tsum muab Tswv ntuj nrog nraim rau hauv, txawm peb mus txog qhov twg los peb txoj kev teev ntuj yuav tsum tseem ceeb, peb yuav nrhiav kom tau kev mus teev ntuj. Kuv pom mas zoo li cov coob tsis ua qhov no li. Lub caij peb ua neej no mas, peb muaj muaj kev mus ncig ntuj ncig teb, txawm tsis mus deb los yeej mus ze, txawm tsis mus lwm teb chaws los yeej mus lwm lub state los lwm lub xeev. Thaum sawv daws taug kev ntawd mas zoo li txoj kev teev ntuj cia ploj li lawm. Thov txim rau tej tus uas lawv mus txog twg lawv yeej nrhiav kev nraim yuav mus teev ntuj. Qhov kuv hais no mas zoo li kuv pom cov coob tsis nrhiav li. Mus lawm ces yeej tsis paub tsis quav ntsej txog kev teev ntuj li, qee tus mas hais txog zoo li tseem tub qaug thiab... Qhov no mas tej zaum ntshai yog kuv tsis tau nrog coob leej mus ub mus no, ces kuv tsis paub, kuv thiaj xav li no pom li nolos kuj muaj. Xav kom txhob yog li kuv hais xwb. Xav kom peb cov ntseeg mus txog lub zos twg, lub teb chaws twg los peb yuav tau nrhiav saib puas muaj ib lub church kas tos liv, thiab saib lawv lub caij teev ntuj yog thaum twg, es peb thiaj npaj tau mus koom lawv teev ntuj rau Hnub Chiv...


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Tooj on 11th October 2011, 11:29 am



    Nyob zoo Mim thiab Maiv Paj Lug,

    Mim,

    Kuv tsis teem caij teev ntuj niaj hnub, vim kuv xav kom kuv xyeej siab, kuv mam teev Ntuj. Yog kuv maj thiab ntxhov siab ces yus lub tswv yim tsis tus. Ces teev tag los kuv tsis zoo siab...

    Kev teev Ntuj mas thaum yus tsis tau nrhiav tau Tswv Ntuj mas yus kuj tsis xav mus teev Ntuj, mus los yeej mloog tsis tau ib los li, lam mus kom tag xwb. Tab sis yog thaum yus nrhiav tau Tswv Ntuj lawm mas yus xav xav mus Mis Xas thiab teev Ntuj hauv tsev.

    Mim, lub suab uas hais hauv taub hau rau yus ntawd mas kuv mloog li tsis yog kuv li, yog ib qho tsis yog kuv ua rau kuv xwb.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Paj Lug on 12th October 2011, 5:32 am

    Kuv xav hais tias, peb txhua tus tuaj sau ntawv hauv Hmong Catholique yeej paub Yesxus thiab ntseeg yesxus , peb thiaj muaj tej yam tshwm sim zoo tib yam, tsuas yog tej lub caij peb tsis nco qab faj es peb tseem yuam kev, los twb muaj lub cim daws txhaum txhua zaus rau peb rov los thov txim ces Yesxus yuav zam peb cov txhaum thiab nws tseem daws tag nrho peb tej kev txhaum dab phem khi peb, yog peb daws txhaum tiag tiag tuaj nruab siab tuaj Yesxus tseem txhab zog ntxiv rau peb tib si.

    Txhua hnub nyob hauv peb lub neej, muaj txhua yam kev txhaum twv peb tas mus li, peb yuav tau ceev faj thiab coj kom peb lub siab tus tus, yeej meem sib xeem ua lub neej si tw nrog txoj kev phem hauv yus lub siab kom yus yeej los ua neeg siab zoo thiab siab tus. Txhob nsthaw tsuj luag rau yus xib taws, txhob ntshaw pauj luag thaum luag hais phem rau yus, txhob ntshaw ua kom luag swb yus, thaum luag ua heev heev rau yus los yus txav kom deb xwb tsis tas yuav nrhiav ib lub tswv yim mus hais kom luag teb tsis tau yus. Yog peb xyaum tau li no lawm ces peb yuav yeej dab phem txoj kev ntxias .

    Yav tas los, muaj neeg hais lus phem rau kuv ,kuv kuj nrhiav tej lus mus tav kom luag teb tsis taus, tiam sis kuv pom tau tias ntau zaus kuv hais yog lawm mas lawv haj yam chim ua heev tshaj kom kuv swb, nim no kuv paub lawm, yog kuv hais zoo luag mloog ces kuv hais ntxiv, yog luag tsis mloog tseem ua heev heev tuaj ces kuv txav deb xwb, nws txawm yeej los nws tsis tau dab tsi, nws tsuas tau nws lub niag siab khav khav kom nqig es thiaj zoo nws siab xwb, tsis tseem ceeb rau kuv.

    Qhib peb qhov muag peb yuav pom deb dua, tig peb ntsej los mloog peb yuav hnov tob dua, qhib peb lub siab kom loj dua qub peb yuav kaj nrig, qhib peb lub tswv yim mus xav qhov zoo peb yuav thoob tsib.

    Yog thaum peb yoog tau peb tus kheej zoo lawm ces peb pom Yesxus nyob nrawv ntawm peb xub ntiag, dab phem sawv nraim nraum peb nruab qaum.





    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Maiv Tooj on 12th October 2011, 9:16 am



    Nyob zoo Maiv paj Lug,

    Wow...! Nws hais yog kawg lawm, yog luag ua phem rau yus, yus mob siab mas dab phem zoo siab luag ntxhi...Yog yus tsis mob siab tej uas luag txov yus mas dab phem yuav tsis muaj plhus lawm, vim nws lub zog yuav ntaug zuj zus, nws tsis muaj zog dhia lawm. Yog peb mob siab, peb npau taws, peb chim siab, mas dab phem muaj zog heev, vim nws tau peb cov énergie négatif los yug nws. Yog ib lub tswv yim zoo heev, yog peb tuaj sib coj kawm li no mas peb yuav nrhiav tau qhov tseem ceeb hauv lub neej.






    Sponsored content

    Re: Tej zaj luv luv nthuav txog los tham txog tej lub ntsiab hauv peb txoj kev ntseeg Yes Xus

    Post  Sponsored content Today at 8:51 am


      Current date/time is 6th December 2016, 8:51 am