Pab xav txog lub ntsiab hauv tej zaj nyeem

NrhiavTswvNtuj wrote:

Mim,

Kuv muab koj qhov Frame duab hloov lawm, vim nws cov heev. Kuv tso kuv qhov rau koj, yog koj xav siv ces koj tuaj copy mus siv, qhov nov thiaj li yooj yim. Koj copy mus tso ces koj tshem cov code http...hauv nruab nrab ob tug "", ces koj muab qhov adress image uas koj muab hauv cab sab los los yog hauv koj lub pc los tso rau, ces koj hloov cov zauv ntawm width los height xwb ces tau lawm.

Mim, zoo kawg, koj piav tej zaj me me li nov tab sis hais tau ntau yam heev.

Rau kuv mas Rooj Tshooj yog Ntuj Ceeb Tsheej,
Cov txheeb ze uas tau ntawv caw yog cov ib txwm paub Tswv Ntuj,
Cov uas cov tub txib mus nrhiav tom tej kev mas yog cov neeg tssi paub Tswv Ntuj tab sis siab dawb,
Cov tsis hnav cev khaub ncaws noj tshoob mas yog cov neeg uas lawv tsis ua raws li Yes Xus cov lus qhia, lawv tsis npaj lawv lub siab dawb huv rau thaum lawv lub caij kawg hauv ntiaj teb no.

NrhiavTswvNtuj wrote:

Mim, Yog koj xav kom cov ntawv nrug deb ntawm daim duab me ntsis mas koj yuav siv qhov frame nov. Qhov nov mas kuv tsis tshua nyiam siv, vim yus mam tso yus qhov kawv table ces zoo li nyuaj dua. Vim thaum yus Preview mas nws pom txawv thaum yus Send rau hauv Forum. Tab sis yog koj tsis niaj hnub siv ces kuj zoo thiab, yog niaj hnub siv ces nkim caij ntau, thiaj tsis siv qhov Frame nov xwb.

Ua tsaug os NrhiavTswvNtuj,

Kuv rov qab mus xyuas qhov kuv xub ua ntawd, zoo li kuv pom me ntsis qhov kuv ua yuam kev lawm. Cia kuv sim dua zoo li kuj tau lawm thiab. Yog tau li no nyaj yuav kho tau qhov kom cov txwm ntawv txhob los ti nkaus daim duab lawm. Thiab zoo li qhov no los kuj tsis nyuaj heev thiab.

Zaj ntawv Moo Zoo hnub Chiv lub 10 hli tim 16, 2011 no yog hais txog cov thawj coj Yus Das xav tuaj sim Yes Xus kom Yes Xus tws kev, ces lawv tau kev mus liam nws rau pem cov nom tswv Los Mas uas tuaj kav lawv teb chaws. Lub ntsiab ces yog lawv xav nrhiav teeb meem rau yes Xus ntag, lawv thiaj tau kev liam kom luag ntes Yes Xus mus tua pov tseg. Lawv tuaj ua txuj xav paub saib Yes Xus xav li cas, ua li cov Yus Das puas yuav tsum them se rau cov Los Mas tus vaj ntxwv huab tais Xes Ntxas los tsis them. Yes Xus twb paub lawv lub siab phem lawm, nws teb rau lawv raws qhov tseeb, ces ua rau lawv yog cov tws kev, lawv tsis muaj dab tsi yuav coj mus liam li.
Thaum peb nyeem Yes Xus lo lus uas nws hais rau cov thawj coj Yus Das tias, “Nej muab rau Xes Ntxas yam uas yog Xes Ntxas li; nej muab rau Tswv ntuj yam uas yog Tswv ntuj li,” mas kuv kuj to taub tias HT Yes Xus xav kom peb mloog Tswv ntuj lus thiab mloog tej nom tej tswv lus vim yog Tswv ntuj tsa lawv ua nom ua tswv. HT Yes Xus tsis txw tib neeg kom yuav tsum sawv tawm tsam tej nom tej tswv txoj cai. Yog txoj cai ncaj ncees rau tsoom pej xeem lawm, mas peb yog tsoom pej xeem, peb yuav tsum tau mloog thiab ua raws li ntawd. Tej yam uas “yog Xes Ntxas li” txhais tias yog tej yam uas peb yuav ua los pab nom pab tswv, los yog pab teb pab chaw. Muaj ntau yam cai uas ib lub teb chaws coj txawv ib lub. Tiam sis kuv xav tias peb sawv daws yeej paub txog them se. Xws li nyob Fab Kis thiab nyob As Mes Lis Kas, mas niaj xyoo cov neeg ua hauj lwm yuav tsum tau them se rau nom tswv. Cov se ntawd yog cov nyiaj uas nom tswv siv los mus ua dej num kho teb kho chaw, thiab pab cov neeg txom nyem.

Thiab nyob li nyob As Mes Lis Kas mas tseem hwv kuj ua tej txoj cai los kav tej kev nuv ntses los puas kev mus tua nqaij. Tej hom ntses mas luag txoj cai tsuas pub nuv ib zaug mas nuv 4-5 tug xwb; tej hom tsiaj los luag tsuas pub tua ib zaug tua 1 tug los 2 tug nkaus xwb. Kuv paub hais tias peb cov Hmoob thiab muaj ib txhia neeg mas ntau zaus lawv nyiag nuv tshaj 4-5 tug, los puas nyiag tua tshaj 1-2 tug tsiaj. Luag ua txoj cai li ntawd kom tej ntses los tej tsiaj thiaj muaj xwm yeem tsis txhob tu noob. Vim neeg tsis mloog txoj cai, mas tej lub teb chaws cia li pluag tsiaj pluag txhuv tuaj los muaj.
Txheej thaum ub, ob tug hauv paus xa lus Pob Zeb thiab Paj lug yeej qhuab qqhia tsoom neeg ntseeg kom lawv nyob txog twg, lawv yuav tsum tau mloog nom mloog tswv lus. Txawm li ntawd los tej nom tej tswv tseem ntes lawv coj musk aw, coj mus tsim txom thiab tua pov tseg, vim lawv tsis nyiam txoj kev ntseeg yes Xus nkaus xwb. Niaj hnub no los peb cov ntseeg uas nyob cov teb chaws xws li Cob Tsib teb, Nplog teb, thiab Suav teb, yeej tseem raug tej nom tej tswv tsim txom thiab tua ib yam nkaus li thaud thiab. Txawm li ntawd los peb tseem yuav tau ua neeg mloog nom tswv lus thiab. Thov nej mus nyeem Los mas 13: 1-7 thiab nyeem 1Pob Zeb 2: 13-14 ntxiv.

LM 13: 1-7
1 Sawv daws yuav mloog cov nom tswv. Vim txoj kev ua thawj tuaj ntawm Tswv Ntuj tuaj. Yog Tswv Ntuj tsa lawv ua thawj coj. 2 Li ntawd, mas tus twg tiv cov thawj coj nws kuj ntxeev siab rau txoj kev tswj hwm uas Tswv Ntuj tsa. Cov ntxeev siab yeej yuav raug txim. 3 Thaum koj ua zoo mas kojtsis ntshai tej nom tej tswv ; yog koj ua phem mas koj thiaj ntshai. Yog koj tsis xav muaj chaw ntshai cov nom tswv mas koj ua txoj zoo : lawv yuav qhuas koj. 4 Kev nom kev tswv yog ib txog kev uas Tswv Ntuj siv los hwj koj mus taug kev zoo. Tab sis yog koj ua phem, mas phim koj yuav ntshai ; vim tias tsoom nom tswv tuav riam tuav hmuv. Tswv Ntuj siv kev nom kev tswv los txiav txim, thiab muab tus ua phem nplua. 5 Yog vim li ntawd, peb thiaj yuav mloog tsoom nom tswv : yus tsis mloog vim yus ntshai lawv xwb ; yus mloog vim yus lub siab pom tias yog kev zoo. 6 Yog vim qhov ntawd, mas nej thiaj them se. Vim Tswv Ntuj tsa kom muaj cov sau se ua txoj hauj lwm ntawd. 7 Nej yuav them txhua hom se raws li yuav tsum them. Yuav them se nyiaj hli rau tus sau se, them se toob xib rau tus tsob se toob xib. Tus yuav tsum hwm, mas nej yuav hwm. Tus muaj meej mom, mas nej yuav muab nws lub meej mom saib siab.

1PZ 2: 13-14
13 Nej yuav zoo siab mloog kev nom kev tswv, vim Huab Tais. Nej yuav mloog tus Vaj, vim nws yog tus tuam tswj. 14 Nej yuav mloog cov tswj xeev, vim Ntuj xa lawv tuaj muab txim rau cov neeg ua phem, thiab foom lus zoo rau cov ua zoo.

Yog li peb xub mus xyuas hais tias txheej thaum ub, cov yawg suab yawg koob Has Nplas Has, His Xas Has thiab Yas Kos nrog rau lawv tsoom xeeb zeej xeeb ntxwv His Xas Lais, lawv coj li cas. Thaum pib mas muaj tej lub caij uas lawv tau lees paub tias yog TswV ntuj tuaj pab lawv, ces lawv cog lus muab 10 feem pua ntawm lawv tej tsiaj txhu los lawv tej qoob loo los mus txi rau Tswv Ntuj. Tom qab no Mais xes kuj tau ua ib txog cai rau tsoom His Xas Lais kom pub li 10 feem pua ntawm lawv tej tsiaj txhu tej qoob loo uas Tswv ntuj pub kom lawv khwv tau rau Tswv Ntuj, uas yog coj mus hlawv txi ntuj thiab coj mus pub rau cov leej choj thiab cov Les Vis ua hauj lwm txi ntuj pab lawv nyob hauv cov tsev txoos.

Yog vim li no nyob hauv peb txoj kev ntseeg Yes Xus, peb kuj tseem coj raws li cov His Xas Lais txheej thaud me ntsis. Peb thiaj li muaj txoj kev sau nyiaj niaj Hnub Chiv uas peb mus teev ntuj. Cov nyiaj sau tau ntawd yog coj los them txiv plig tus nqe dag zog uas nws ua kev teev ntuj txi ntuj thiab coj peb sawv daws nyob hauv txoj kev ntseeg. Thiab tseem coj mus pab them tej nuj nqes thiab tej kev tu kev kho vaj tse hauv lub church. Tsis tas li ntawd xwb, tseem coj mus khiav tas puas tsav yam dej num uas lub church muaj ua thiab rau cov neeg ua cov dej num ntawd.

Catechism of the Catholic Church

The faithful also have the duty of providing for the material needs of the Church, each according to his own abilities. Txhais tias: Cov ntseeg muaj kev cai yuav tsum pab cuam rau lub koom txoos txoj kev nyob kev noj kev siv, raws li nyias pab tau. (Catechism of the Catholic Church 2043)

Code of Canon Law no 222:

“The Christian faithful are obliged to assist with the needs of the Church so that the Church has what is necessary for divine worship, for apostolic works and works of charity and for the decent sustenance of ministers. They are also obliged to promote social justice and, mindful of the precept of the Lord, to assist the poor from their own resources.” Txhais tias: Tsoom neeg ntseeg Yes Xus yuav tsum tau pab lub Koom Txoos txoj kev nyob kev noj kev siv, kom lub Koom Txoos thiaj muaj txaus los ua txhua yam hauv txoj kev teev hawm Tswv Ntuj, txaus pab txoj kev tshaj lub Moo Zoo, txaus pab cov txom nyem, thiab txaus pab rau cov tub tshaj ntuj lus (cov txiv plig, cov xib hwb…) txoj kev noj kev haus. Lawv yuav tsum txhawb txoj kev ua kom haum pheej rau sawv daws, thiab yuav tsum rho lawv teej tug los pab cov txom nyem, raws li Huab Tais lo lus qhia. (Catechism of the Catholic Church 2043)

Lub Koom Txoos yeej siv qhov 10 feem pua ntawd nyob hauv nws cov guidelines tso nyiaj thiab, tiam sis lawv muab faib raws li no: Tsim nyog kom ib tug neeg ntseeg niaj xyoo yuav tsum tso li

1. 5% ntawm nws lub nyiaj hli rau hauv church,


2. 1% rau CSA ,


3. 1% rau kev tshaj ntuj lus (missions),


4. hos 3% ces nws yuav tsum muab faib pab rau cov txom nyem los puas cov koom haum pab kev txom nyem raws li nws pom zoo.

Ib yam ntxiv uas peb yuav tsum tau muab rau Tswv ntuj mas yog peb lub sij hawm. Ib lub lis piam peb qee puas tau li 1-2 xuab moo rau Tswv ntuj, uas yog lub caij peb siv mus pe hawm Tswv ntuj nrog peb pawg ntseeg nyob hauv tsev teev ntuj Hnub Chiv? Ib hnub peb puas qee li 20-30 nas this los ib xuab moo li rau Tswv Ntuj thiab? Peb yog neeg ntseeg phim peb yuav tsum niaj hnub qee ib lub caij nyoog, txawm luv luv los xij, los teev ntuj, los nrog Tswv ntuj sib tham.

Peb Sawv daws yeej to taub zoo lawm hais tias Tswv ntuj yog tus tswv tsim tas txhia tsav puas yam, nws yog tus tsim peb tib neeg txoj sia. Yog li ntawd tas puas tsav yam yog nws li, peb tus kheej los yog nws li tib si. Tsim nyog peb yuav muab tas puas tsav yam rau Tswv Ntuj. Peb yuav tsum muab peb lub dag zog peb txoj kev koom tes los ua qee yam pab rau Tswv ntuj. Xws li peb yuav tsum tau mus mloog peb pawg ntseeg thaum muaj sab laj. Peb yuav tsum tau volunteer pab khiav tej yam dej num hauv church los hauv peb pawg ntseeg, xws li pab txais qhua ntawm qhov rooj, pab npaj tas puas tsav yam kom tiav rau lub thaj txi ntuj, pab nqa cov dej thiab cov cawv thaum ua thaj txi ntuj, pab nyeem ntawv, pab hu nkauj, pab ntxuav tej khob, ntxhua tej ntaub siv hauv thaj txi Ntuj.

Qhov tseem ceeb tshaj yog peb yuav muab peb txoj kev teev hawm rau Tswv ntuj. Vim nws yog peb tus Tswv Ntuj tiag tiag, peb yuav tsum teev nws hawm nws. Peb kuj yuav cav txog nws: Nws yog tus muaj hwj huam loj tas nrho, nws ua tau tas puas tsav yam, peb yuav qhuas nws cav txog nws mus li. Peb yuav ua nws tsaug vim nws tsim tas puas tsav yam zoo kawg nkaus, thiab txaus qhuas kawg li. Nws tseem pub kom peb tau yug los ua neeg kom paub nws thiab. Peb yuav tau nco nws tshav ntuj, niaj hnub ua nws tsaug. Peb yuav nyiam Tswv ntuj, ntseeg nws, ntshaw tau nws los ua peb tug. Peb yuav tau muab peb lub cev, lub siab, lub neej, txoj sia, tus ntsuj plig, tas nrho los cev rau nws, ua nws tes dej num.

10 hli tim 27, 2011
36 “Xib Hwb, nyob hauv Txoj Cai, lo lus qhia twg loj dua cov ?
37 Yes Xus hais rau nws tias : “Koj yuav muab tas koj lub siab, tas koj tus ntsuj plig, tas koj lub tswv yim los nyiam koj tus Huab Tais Tswv Ntuj .
38 Lo lus qhia no yog lo lus qhia loj tshaj cov, yog thawj lo lus qhia.
39 Lo lus qhia ob kuj zoo ib yam thiab: koj yuav nyiam tus nyob ze koj ib yam nkaus li koj nyiam koj. 40 Tas Txoj Cai thiab cov Yaj Saub puav leej dai ncuv rau ob lo lus qhia no." Mas Tais 22: 36-40.

Peb yuav tau siv peb lub tswv yim los nrhiav kev ua tas puas tsav yam kom raug Tswv Ntuj siab, vim peb tsis xav ua ib yam kom nws chis rau peb li. Yog li peb yuav tau rov nug peb tus kheej tias, “Kuv puas nyiam Tswv Ntuj tiag? Kuv puas nyiam Tswv Ntuj tas kuv lub siab, tas kuv tus ntsuj plig, thiab tas kuv lub tswv yim tiag?” Peb muab xav zoo zoo hais tias yog peb nyiam Tswv Ntuj npaum li HT Yes Xus hais, mas peb yuav ntxub peb tej kev ua txhaum rau Tswv Ntuj, thiab peb yuav ua kom haum nws txoj cai tas mus li. Txhua lub sij hawm peb yuav nco ntsoov txog Tswv Ntuj, peb ua yam twg peb yuav xav tias puas haum Tswv Ntuj siab ned? Ces Tswv Ntuj yuav yog tus loj tshaj tus tseem ceeb tshaj hauv peb lub neej lawm. Qhov no yog peb cov ntseeg lub hom phiaj uas peb xyaum thiab peem tas zog kom mus txog hnub peb txoj sia tu hauv ntiaj teb, peb thiaj yuav tau txais txoj sia nyob mus li saum ntuj.

Thiab HT Yes Xus tseem hais tias kom peb yuav tsum nyiam lwm tus ib yam nkaus li peb nyiam peb. Qhov yuav nyiam lwm tus ib yam li yus nyiam yus mas kuv xav hais tias yog ib qho nyuaj hauj sim. Peb cov coob mas nyob li yog muaj tej yam khoom rau ntawd rau sawv daws xaiv, mas tus twg los yeej xav huas kom tau qhov zoo rau nws ua ntej xwb. Tiam sis kuv yeej pom muaj tej tus neeg uas ua tau thiab coj tau zoo tiag tiag, coj tau raws li HT Yes Xus qhia. Lawv cia luag xaiv yam zoo tag, lawv mam khaws yam seem xwb. Lawv tsis mloog lawv lub siab khib khib hais tias cas yus pheej tau yam phem xwb, lawv tsuas xav luag xwb, tias tsuav lwm tus zoo siab ces lawv zoo siab lawm. Kuv xav tias cov ua tau li no mas lawv yeej hlub taus lwm tus ib yam li lawv hlub lawv tiag.

• Ib, koj yuav teev Tswv ntuj ib leeg xwb
• Ob, koj yuavhwm Tswv Ntuj lub npe
• Peb, koj yuav caiv Tswv Ntuj hnub.
Thiab yog peb xav nyiam luag lwm leej lwm tus ib yam li yus nyiam yus, ces peb yuav coj raws li nqe 4 mus txog nqe 10 hauv 10 Lo Lus Qhia:
• Plaub, koj yuav hwm koj niam thiab koj txiv
• Tsib, koj tsis txhob tua neeg
• Rau, koj tsis txhob zes luag txij luag nkawm
• Xya, koj tsis txhob ua tub sab tub nyiag
• Yim, koj tsis txhiab liam rau luag tej
• Cuaj, koj tsis txhob ntshaw txeeb luag poj luag sev
• Kaum, koj tsis txhob ntshaw txeeb luag teej tug.

Mas Tais, 23: 1-12
1 Yes Xus qhia tsoom sid thiab nws cov thwj tim. Nws hais tias :
2 “Cov Kws Ntawv Ntshiab thiab cov Fas Lis Xais zaum Mais Xes lub theej kiab lawm.
3 Nej ua tas txhua yam lawv qhia nej, thiab nej khaws huv tib si tseg, tab sis nej txhob ua raws li lawv. Vim lawv qhia, tab sis lawv tsis ua raws.
4 Lawv nog tej lub nra hnyav yuam rau tsoom sid xwb pwg, tab sis lawv tsis kam cev ib tug ntivtes los kov.
5 Lawv ua txhua tsav txhua yam kom luag qhuas. Yog li ntawd, lawv thiaj coj tej txws ntim Txoj Cai dav dav, thiab dai tej tw ntxhoo ntev ntev.
6 Thaum lawv mus noj nqaij haus cawv, lawv nyiam zaum thawj lub rooj. Nyob hauv cov tsev txoos, lawv nyiam zaum cov rooj pem hauv ntej.
7 Lawv nyiam kom luag hawm lawv tom tej tshav puam, nyiam hnov sawv daws hu lawv ua “Xib Hwb”.
8 Hos nej, mas nej txhob cia luag hu nej ua “Xib Hwb”, vim nej tsuas muaj tib tug Xib Hwb xwb, thiab nej sawv daws yog ib co kwv tij.
9 Nej txhob hu leej twg nyob ntiaj teb no ua “Txiv”, vim nej tsuas muaj tib leeg Txiv xwb, yog tus nyob saum ntuj.
10 Nej txhob cia luag hu nej ua “Thawj Tswj”, vim nej tsuas muaj tib tug Tswj xwb, yog Leej Pleev.
11 Tus loj dua cov nyob hauv nej, yuav ua nej tus tub txib.
12 Tus twg tsa nws siab, Ntuj yuav txo nws qis. Tus twg txo nws qis, Ntuj yuav tsa nws siab.

Nyob hauv tsab Ntawv Moo Zoo no raws kuv xav mas lub ntsiab tseem ceeb yog nyob kab kawg: “Tus twg tsa nws siab, Ntuj yuav txo nws qis. Tus twg txo nws qis, Ntuj yuav tsa nws siab.” HT Yes Xus hais cov lus no rau cov Kws Ntawv Ntshiab thiab cov Fas Lis Xais, thiab rau nws cov thwj tim mloog. Cov kws Ntawv Ntshiab thiab cov Fas Lis Xais yog cov thawj coj haiv His Xas Lais, hos nws kuj npaj yuav tsa nws cov thwj tim ua thawj coj hauv nws lub Koom Txoos thiab. Muaj ob peb yam uas Yes Xus tib nyob hauv cov Fas Lis Xais thiab Kws Ntawv Nthiab tus cwj pwm. Lawv yog neeg khav theeb thiab muab hlob dhau. Lawv xav hais tias lawv yog cov paub Mais Xes txoj cai, ces lawv qhia txoj cai rau tsoom pej xeem taug. Lawv ua tej txoj cai nyuaj nyuaj rau tsoom pej xeem. Tiam sis ntawm lawv tus kheej mas lawv twb tsi coj tsis ua raws li li, ces lawv kuj tseem yog neeg dag nrog thiab. Lawv ua dab tsi mas lawv tsuas yog ua kom neeg pom lawv zoo sab nraud xwb. Lawv hnav tej cev ris tsho muaj muaj hwj chim kom luag qhuas. Lawv nyiam kom luag hwm lawv thiab hu lawv ua “Xib Hwb,” ua “Thawj Coj,” los ua “Txiv.” HT Yes Xus qhia rau nws cov thwj tim thiab qhia rau peb sawv daws tias kom peb tsis txhob xyaum tus cwj pwm muab hlob ntawd. Tswv Ntuj tsis nyiam cov neeg muab hlob.

Mas Tais 25: 14-30
14 “Yog zoo li ib tug neeg uas yuav mus tawm rooj deb, nws hu nws cov tub txib los, nws muab nws lub cuab tam rau lawv ceev. 15 Nws muab tsib nras nyiaj rau thawj tug, muab ob nras rau tus ob, hos muab ib nras xwb rau tus peb. Nws muab rau lawv raws li lawv lub peev xwm, ces nws mus tawm rooj deb lawm. Tam sis ntawd, 16 tus uas tau txais tsib nras nyiaj, nqa cov nyiaj ntawd mus ntxeev, nws tau paj tsib nras ntxiv. 17 Tus tau txais ob nras kuj ua li ntawd thiab : nws tau paj ob nras ntxiv. 18 Hos tus tau txais ib nras xwb mus khawb ib lub qhov rau hauv av, nws muab tus tswv nras nyiaj coj mus faus rau hauv. 19 Ib lub sij hawm ntev loo tom qab, cov tub txib tus tswv rov los txog. Nws nrog lawv txheeb nws cov nyiaj. 20 Tus uas tau txais tsib nras nyiaj tuaj txog. Nws cev tsib nras ntxiv, nws hais tias : “Huab Tais, tsib nras nyiaj no yog koj muab rau kuv : hos ntawm no yog tsib nras uas kuv coj mus ntxeev tau paj ntxiv.” 21 Tus tswv hais rau nws tias : “Zoo kawg, tub txib siab zoo siab ncaj, thaum koj saib tej yam tsawg, koj ua ncaj. Kuv yuav tsa koj saib ntau yam. Koj los nyob hauv koj tus huab tais txoj kev zoo siab mog.” 22 Ces tus tau txais ob nras tuaj txog, nws hais tias : “Huab Tais, ob nras nyiaj no yog koj muab rau kuv : hos ntawm no yog ob nras uas kuv coj mus ntxeev tau paj ntxiv.” 23 Nws tus tswv hais rau nws tias : “Zoo kawg, tub txib siab zoo siab ncaj. Thaum koj saib tej yam tsawg li no, koj ua ncaj. Kuv yuav tsa koj saib ntau yam. Koj los nyob hauv koj tus huab tais txoj kev zoo siab mog.” 24 Tus tub txib uas tau txais ib nras nyiaj xwb tuaj txog, nws hais tias : “Huab Tais, kuv paub tias koj yog ib tug neeg siab heev. Koj hlais nplej hauv tej teb koj tsis tau tseb, koj sau qoob hauv tej chaw koj tsis tau pov noob rau. 25 Kuv ntshai, kuv thiaj coj koj nras nyiaj mus faus rau hauv av. Saib ntawm no, koj rov tau yam uas yog koj tug.” 26 Ces tus tswv teb rau nws tias : “Tub txib siab phem thiab tub nkeeg, koj twb paub tias kuv hlais nplej hauv tej teb uas kuv tsis tau tseb, thiab kuv sau qoob hauv tej chaw uas kuv tsis tau pov noob rau. 27 Tsim nyog koj yuav nqa kuv cov nyiaj mus rau cov tub ceev nyiaj. Thaum kuv rov los, kuv yuav tau kuv cov nyiaj nrog cov paj. 28 Nej rho nras nyiaj ntawm nws, nej muab rau tus uas muaj kaum nras lawm. 29 Vim tias Ntuj yuav pub rau tus uas twb muaj lawm, ces nws yuav tau ntau ntxiv. Hos tus uas tsis muaj, Ntuj yuav thau qhov me me uas nws muaj. 30 Nej muab tus tub txib tsis tsim txiaj ntawd pov rau nraum zoov hauv qhov tsaus ntuj : nyob ntawd yuav quaj tom hniav nkawv.”

Peb txhua tus yug los ua neeg, mas peb kuj tsis tau txais ib yam nkaus thiab. Peb ib txhia muaj tswv yim txawj xav dua ib txhia; peb ib txhia meej pem dua, ua taus thawj coj dua; peb ib txhia txawj hais lus kom haum neeg siab dua lwm tus; peb ib txhia cim xeeb zoo dua thiab to taub zoo dua lwm tus; peb ib txhia muaj lub suab nkig hu tau nkauj zoo dua; peb ib txhia txawj tu vaj tu tsev kom zoo dua; peb ib txhia txawj ua noj ua haus dua; peb ib txhia muaj sij hawm pab dag zog rau luag dua lwm tus, thc… Yog li tej yam peb muaj los peb txawj, peb yuav tau muab siv los txhawb peb tus kheej txoj kev ntseeg, thiab lwm tus txoj kev ntseeg, thiab txhawb lub Koom Txoos, thiaj yuav zoo li ob tug tub txib uas muab nkawd thooj nyiaj mus ua kom tau ib npaug paj los ntxiv.
Tsis tas li ntawd xwb, peb txhua leej txhua tus yug los, yeej muaj ib lub siab nyiam qhov zoo qhov ncaj qhov dawb huv. Tiam sis vim peb yog neeg txhaum ces peb kuj muaj ib lub siab coj kom peb nkees nkees ua yam zoo, xav ua qhov yooj yim xwb. Ntau zaus qhov yooj yim ces yog kev txhaum kev phem. Txoj kev ntseeg Yes Xus yog txoj kev qhia kom peb yuav tsum mob siab thiab nqug ua qhov zoo, niaj hnub xyaum ua qhov zoo kom tom thawj tas peb lub neej. Yog peb xyaum ua zoo ib nyuag ntu xwb, nyuaj hwv ces tso steg cia ua ywj yus lub siab ntshaw, yog yus coj li ntawd, ntshai thaum kawg yuav tsis tau dab tsi li tus tub txib uas muab nws thooj nyiaj mus faus hauv av cia dawb dawb, thaum kawg tus tswv tseem muab hlo qhov nws muaj mus ntxiv rau lwm tus lawm thiab.
Thaum tus tswv rov los ces yog thaum peb lub caij uas peb mus cuag Tswv Ntuj. Nws yuav los nug txog tias peb puas tau siv tas peb lub tswv yim, lub siab lub dag lub zog los nrhiav Tswv Ntuj thiab los pab lwm tus nrhiav Tswv Ntuj. Qhov uas tus tswv hais tias, vim nws tau ua zoo nyob hauv tej yam me, mas tus tswv yuav tso nws saib tej yam loj, tej yam loj ntawd mas kuv xav tias yog yuav tau Tswv Ntuj txoj sia nyob mus li thiab txoj kev zoo siab mus li xwb.

Mim wrote:Hnub Chiv 33, Nruab Xyoo A, 11 hlis tim 13, 2011
Lub caij no zeze lub Caij Tos Huab Tais lawm, mas lub Koom Txoos muab tej zaj nyeem rau peb kom peb xav txog ntuj Ceeb Tsheej thiab kom peb mob siab nrhiav Ntuj lub Ceeb Tsheej tiag tiag. Nyob hauv zaj no tus tswv uas mus kev deb ntawd yog HT Yes Xus, cov tub txib ces yog peb sawv daws cov uas ntseeg Yes Xus. Cov nras nyiaj mas kuv xav tias yog cov hauj lwm txhawb peb txoj kev ntseeg thiab lub Koom Txoos uas HT yes Xus tso rau peb txhua tus ua. Xws li peb tug tub txib hauv zaj no, lawv tsis yog yuav txais nyiaj sib npaug zos, tiam sis nyias txais muaj nyias tug. Tus uas tau txais ntau kuj yuav tsum siv zog tiag kom tau ib npaug ntxiv qhov nws tau txais, hos tus uas tau txais tsawg nws kuj yuav siv zog kom tau npaum li nws tau txais ib npaug ntxiv thiab. HT Yes Xus tsis hais tias kom tus tau txais tsawg yuav tsum khwv kom tau ntau npaum li tus tau txais ntau. Yog li yog peb paub Ntuj kev cai ntau, peb haj yam yuav coj kom zoo tshaj tus uas paub tsawg. Tus uas paub tsawg nws kuj yuav tsum coj raws li nws paub, tsis txhob xav tias yus paub me me xwb ces, tsis tas ua dab tsi li. Nyob hauv txoj kev ntseeg, peb txawm tsis paub thiab tsis txawj ua dab tsi kiag los, peb yeej ua tau qhov uas mus tshwm ntsej tshwm muag hauv lub txoos teev Ntuj. Yog peb nquag mus tsis tu ncua ces peb twb ua tau ib tug qauv rau lwm tus xyaum lawm, peb twb txhawb tau peb lub koom Txoos lawm. Tus paub ntau, xws li tus XH los tus TP, mas nws haj yam yuav rau siab mob siab rau txoj kev teev ntuj, txoj kev coj zoo ua ncaj, muaj lub siab dawb huv. Thiab nws kuj yuav qhuab qhia nws cov ntseeg kom lawv paub thiab coj tau zoo thiab. Peb yuav tsum nco ntsoov hais tias tus paub ntau dua nws lub txim yuav nyhav dua tus paub tsawg. Tiam sis tus uas nws hais tias nws tsis paub ces nws cia li tsis ua ib nyuag qhov me me li, tus ntawd yuav raug muab thawb pov tseg nraum zoo.
Peb yuav tsum xav hais tias peb sawv daws cov ntseeg yog kwv tij txheeb txheeb tiag, peb lub xeem yog xeem ntseeg. Peb yuav tau sib pab sib txhawb, raus tes ua tej yam uas peb ua tau los pab lub koom txoos, xws li mus koom sab laj txog peb pawg ntseeg lub luag hauj lwm, los yog pab tu rooj tu tog, tu lub Thaj Txi Ntuj. Tej no twb yog txhawb lub Koom txoos.

Peb txhua tus yug los ua neeg, mas peb kuj tsis tau txais ib yam nkaus thiab. Peb ib txhia muaj tswv yim txawj xav dua ib txhia; peb ib txhia meej pem dua, ua taus thawj coj dua; peb ib txhia txawj hais lus kom haum neeg siab dua lwm tus; peb ib txhia cim xeeb zoo dua thiab to taub zoo dua lwm tus; peb ib txhia muaj lub suab nkig hu tau nkauj zoo dua; peb ib txhia txawj tu vaj tu tsev kom zoo dua; peb ib txhia txawj ua noj ua haus dua; peb ib txhia muaj sij hawm pab dag zog rau luag dua lwm tus, thc… Yog li tej yam peb muaj los peb txawj, peb yuav tau muab siv los txhawb peb tus kheej txoj kev ntseeg, thiab lwm tus txoj kev ntseeg, thiab txhawb lub Koom Txoos, thiaj yuav zoo li ob tug tub txib uas muab nkawd thooj nyiaj mus ua kom tau ib npaug paj los ntxiv.
Tsis tas li ntawd xwb, peb txhua leej txhua tus yug los, yeej muaj ib lub siab nyiam qhov zoo qhov ncaj qhov dawb huv. Tiam sis vim peb yog neeg txhaum ces peb kuj muaj ib lub siab coj kom peb nkees nkees ua yam zoo, xav ua qhov yooj yim xwb. Ntau zaus qhov yooj yim ces yog kev txhaum kev phem. Txoj kev ntseeg Yes Xus yog txoj kev qhia kom peb yuav tsum mob siab thiab nqug ua qhov zoo, niaj hnub xyaum ua qhov zoo kom tom thawj tas peb lub neej. Yog peb xyaum ua zoo ib nyuag ntu xwb, nyuaj hwv ces tso steg cia ua ywj yus lub siab ntshaw, yog yus coj li ntawd, ntshai thaum kawg yuav tsis tau dab tsi li tus tub txib uas muab nws thooj nyiaj mus faus hauv av cia dawb dawb, thaum kawg tus tswv tseem muab hlo qhov nws muaj mus ntxiv rau lwm tus lawm thiab.
Thaum tus tswv rov los ces yog thaum peb lub caij uas peb mus cuag Tswv Ntuj. Nws yuav los nug txog tias peb puas tau siv tas peb lub tswv yim, lub siab lub dag lub zog los nrhiav Tswv Ntuj thiab los pab lwm tus nrhiav Tswv Ntuj. Qhov uas tus tswv hais tias, vim nws tau ua zoo nyob hauv tej yam me, mas tus tswv yuav tso nws saib tej yam loj, tej yam loj ntawd mas kuv xav tias yog yuav tau Tswv Ntuj txoj sia nyob mus li thiab txoj kev zoo siab mus li xwb.

Mim,

Ua tsaug koj tuaj qhia Huab Tais Yesxus zaj paj lug suam nod os, kuv nyeem tas kuv tseem xav tsis tshwm hais tias yog txhais li cas, tiam sis koj qhia tag ces kuv nkag siab zoo lawm, yog kiag li peb tam sim no ntag, peb tab tom ntxeev Tswv Ntuj cov nyiaj nyob hauv Hmong Catholic forum no thiab, peb leej twg paub ntau yuav tsum tuaj pab sau kom ntau, tus paub tsawg yuav tsum tuaj pab sau qhov tsawg uas nws paub, peb ib leeg txhawb ib leeg ces peb yuav ua tau tej yam zoo pub rau cov tseem tsis tau paub kom lawv paub txog Tswv Ntuj.

Kev txiav txim lub zim txwv kawg.

31 “Thaum Neeg Leej Tub yuav rov los, nws yuav muaj koob meej. Tas tsoom Tshiab yuav nrog nws los. Nws yuav zaum saum nws lub theej kiab muaj koob meej.
32 Tas ib tsoom haiv neeg yuav sib sau nyob ntawm nws xub ntiag. Nws yuav cais tsoom neeg xws li tus zov yaj cais cov yaj ntawm cov tshis.
33 Nws yuav cia cov yaj rau ntawm nws sab xis, cia cov tshis rau ntawm nws sab laug.
34 Ces tus Vaj yuav hais rau cov nyob sab xis tias : “Nej los mog ! Nej yog cov uas kuv Txiv pub txoj hmoov zoo rau. Nej txais lub Ceeb Tsheej uas Ntuj npaj tseg rau nej txij puag thaum pib tsim lub sim ceeb los ua nej tug.
35 Vim tias kuv tshaib plab, nej pub rau kuv noj ; kuv nqhis dej, nej pub rau kuv haus, kuv yog ib tug pej kum neeg, nej txais kuv ;

36 kuv liab qab, nej muab rau kuv hnav ; kuv mob, nej tuaj xyuas kuv ; kuv nyob hauv tsev loj faj, nej tuaj tsham kuv.”
37 Ces cov neeg ncaj yuav teb tias : “Huab Tais, thaum twg peb tau pom koj tshaib plab ces peb tau pub rau koj noj,
pom koj nqhis dej, ces peb tau muab rau koj haus,
38 pom koj yog ib tug pej kum neeg, ces peb tau txais koj, pom koj liab qab ces tau muab rau koj hnav ?
39 Pom koj mob los nyob hauv tsev loj faj, ces peb tau tuaj xyuas koj ?”
40 Tus Vaj yuav teb rau lawv li no : “Kuv hais tseeb rau nej. Nej tau ua npaum li cas rau cov me tshaj hauv kuv tsoom kwv, mas yog nej ua rau kuv.”

41 Ces tus vaj yuav hais rau cov nyob sab laug tias : “Nej txoj hmoov phem. Nej khiav mus deb kuv, mus nyob hauv cov hluav taws kub tsis txawj tuag, uas Ntuj npaj rau tus dab phem thiab nws cov dab.
42 Vim thaum kuv tshaib plab nej tsis pub rau kuv noj, kuv nqhis dej nej tsis pub rau kuv haus,
43 kuv yog ib tug pej kum neeg nej tsis txais kuv, kuv liab qab nej tsis muab rau kuv hnav, kuv mob thiab kuv nyob hauv tsev loj faj nej tsis tuaj xyuas kuv.”
44 Ces cov ntawd yuav teb rau tus Vaj tias : “Huab Tais, thaum twg peb tau pom koj tshaib plab los nqhis dej, pom koj yog ib tug pej kum neeg, pom koj liab qab, pom koj mob los nyob hauv tsev loj faj, ces peb tsis tau pab koj ?”
45 Ces tus Vaj yuav teb rau lawv tias : “Kuv hais tseeb rau nej, nej tsis tau ua rau cov me tshaj hauv kuv tsoom kwv npaum li cas, mas yog nej tsis tau ua rau kuv.”
46 Ces cov no yuav mus raug txim ib txhiab ib txhis.






Hos cov siab ncaj yuav mus txais txoj sia nyob mus li.

Zaj Ntawv Moo Zoo hnub no yog HT Yes Xus hais txog hnub ntiaj teb kawg. Hnub ntawd nws yuav nqes saum twv huab los muaj hwj chim ci ntsa iab puv lub ntuj. Nws yuav los zaum ua vaj txiav txim. Tas ib tsoom neeg yuav los sawv ntawm nws xub ntiag, ces nws yuav txiv txim rau sawv daws raws li lawv tau ua hauv lawv lub neej nyob ntiaj teb no. Nws yuav xub cais cov ‘yaj’ (cov neeg siab zoo thiab hlub luag) rau nws sab xis, thiab cov ‘tshis’ (cov neeg siab phem tsis hlub luag) rau nws sab laug. Qhov nws hais no yog yuav muaj thaum ntiaj teb kawg, tiam sis qhov yuav ua zoo thiab hlub luag, yog niaj hnub tam sis no peb tseem ua neej nyob. Lo lus tseem ceeb peb yuav kawm thiab muab khaws cia mas yog lo no: “Nej tau ua npaum li cas rau cov me tshaj hauv kuv tsoom kwv, mas yog nej ua rau kuv lawm,” thiab lo no: “Nej tsis tau ua rau cov me tshaj hauv kuv tsoom kwv npaum li cas, mas yog nej tsis tau ua rau kuv.”

Txawm peb twb paub ob lo lus no zoo los thaum yuav raus tes ua kiag mas tsis yooj yim li. Kuv yuav muab tej tus neeg ua qauv rau peb pom tias lawv kawm tau thiab khaws tau ob lo lus ntawd lawm tiag tiag. Xws li Mother Teresa of Calcuta, nws siv nws lub neej los mus pab tu, plhws, puag, hlub cov neeg uas txom txom nyem, qias neeg, tsw ntxhiab uas tsis muaj leej twg kam kov li. Sawv daws kuj qhuas nws kawg, tiam sis xyov peb puas ua tau li nws ua? Txawm tias peb ua tsis tau kiag li nws ua thiab tej zaum kuj tsis tas kom peb yuav tsum ua li ntawd kiag, tiam sismuaj ntau txoj kev ua zoo thiab hlub cov neeg txom nyem. Tej zaum nyob hauv peb lub neej, yeej muaj tej tus neeg uas peb tsis xav ntsib, tsis xav txuas lus nrog li; los muaj tej tus neeg uas peb lub siab tsis ntev rau li vim ua yam twg los hais yam twg mas tsis tau peb lub siab kiag li; los muaj tej tus neeg peb muab saib qis qis, tsis xav mus poo lawv, ntshai tsam yus yuav poob ntsej muag vim lawm; los muaj tej tus neeg mas peb xav muab thuam kom ua nwg tsis muaj ntsej muag kiag xwb… thiab tseem muaj ntau hom neeg ntxiv uas nyias paub paub nyob hauv nyias tus kheej lub siab. Peb yuav tau pib ntawm peb ko taw mus, yuav tau xub kho peb txoj kev nrog cov neeg nyob ze peb txawj sib haum, tsawj sib hais lus, txawj ib leeg saib tau sib leeg tso, ces peb mam yuav ua zoo tau dav mus thiab deb mus ntxiv.

Mas Kos 13:24-37

24 Thaum kev txom nyem nyuam qhuav dua tas, muaj ib ntus, lub hnub yuav tsaus nti, lub hli yuav tsis xa qhov ci tuaj, 25 cov hnub qub yuav poob saum ntuj los, hos txhua yam muaj hwj huam nyob txheej ntuj saud yuav co ua zog koog. 26 Ces sawv daws yuav pom Neeg Leej Tub tawm hauv cov huab los, muaj hwj huam loj thiab muaj koob meej nto moo lug. 27 Nws yuav xa cov Tshiab kom mus sau nws cov xaiv nyob plaub ceg kaum ntuj, txij npoo ntiaj teb mus txog npoo ntuj. 28 Nej kawm zaj paj lug no ntawm tsob txiv ncuav pias. Txij thaum nws cov ceg pib zooj, thiab cov nplooj pib hlav, nej paub tias lub caij sov los txog ze lawm. 29 Ua li mas, thaum nej pom tej xwm ntawd tshwm sim tuaj, nej yuav tsum paub tias Neeg Leej Tub los txog ze lawm, nws twb nyob ntawm qhov rooj lawm. 30 Kuv hais tseeb rau nej, phaj neeg no tsis tau dua, tej xwm ntawd twb yuav tshwm sim tuaj. 31 Lub ntuj lub teb yuav ploj, tab sis kuv cov lus yuav tsis ploj. 32 Hais txog lub hnub nyoog thiab lub sij hawm ntawd, mas tsis muaj leej twg paub, cov Tshiab nyob saum ntuj tsis paub. Neeg Leej Tub kuj tsis paub, kawg yog Leej Txiv thiaj paub xwb. 33 Nej ceev faj, nej zov hmo, vim nej tsis paub tias thaum twg thiaj yog lub sij hawm. 34 Zoo li ib tug neeg tawm rooj mus deb : Nws tso nws vaj tse cia, nws muab cai rau cov tub txib, nws faib ib leeg ib txog hauj lwm. Nws kom tus zov qhov rooj zov hmo. 35 Nej zov hmo mog, vim nej tsis paub thaum twg tus tswv tsev yuav rov los, puas yog thaum tsaus ntuj, los thaum ib tag hmo, thaum qaib qua los thaum kaj ntug. 36 Tsam nws los txog thaum nej tsis nco faj, nws pom nej tsaug zog. 37 Qhov kuv hais rau nej no, kuv kuj hais rau tas sawv daws huv si : "Nej zov hmo mog !"

Thawj Hnub Chiv Tos Huab Tais no (First Sunday of Advent) yog thawj thawj hnub pib peb lub xyoo teev ntuj. Yog xyoo tshiab tawm tuaj lawm. Xyoo no peb pib Xyoo B. Thov kom peb sawv daws txoj kev ntseeg tsuas muaj loj zuj zus khov zuj zus xwb nawb!!

Nyob hauv Ntawv Moo Zoo Mas Kos zaj 13, HT Yes Xus hais txog ntau yam, nws qhia nws cov thwj tim txog tias yuav muaj xwm txheej dab tsi tuaj raug ntiaj teb thaum lub caij HT Yes Xus yuav rov los zaum ob. Nws hais txog yuav muaj coob tus yaj saub cuav yuav sawv los ua kom coob leej ntseeg yuam kev. Nws kuj hais txog yuav muaj tsov muaj rog, yuav muaj kev tsim txom cov neeg ntseeg, yuav muaj kev ntxeev siab, tej kwv tij niam txiv ib plab yug ib leeg yuav mus kom ib leeg rau tej nom tswv, yuav muaj av qeeg, dej nyab, yuav muaj ntau hom mob nkeeg loj, yuav muaj ib qho kev thuam ntuj loj kawg nkaus, lub hnub lub hli yuav tsaus nti … Thaum peb pom tej no lawm mas peb yuav tsum paub hais tias HT Yes Xus yuav los sai sai lawm, ib yam li tsob txiv ncuav pias qhia tias lub caij ntuj sov twb ze ze lawm.

Tiam sis nyob hauv zaj Ntawv Moo Zoo hnub no uas yog qhov kawg ntawm Mas Kos 13, lub ntsiab lus tseem ceeb uas peb yuav nco ntsoov thiab yuav khaws yog qhov tias peb tsis paub lub sij hawm twg HT Yes Xus yuav rov los. Kom oeb ceev faj nraim tas mus li, peb yuav tsum “zov hmo” rawv, peb thiaj tsis tau kev tws. Peb yuav tsum ua peb lub neej zoo li ib tsam los tag kis xwb nws yuav los coj peb lawm, kom thaum nws los peb npaj txhij txhua tiav tag, tsuas tos qhov sawv tsees nrog nws mus xwb.

Peb yuav ceev faj li cas, los yog yuav zov hmo li cas? Yog qhov tias peb yuav tsum nco ntsoov Tswv Ntuj hauv peb lub neej txhua sij hawm. Peb tsis txhob ua ib co neeg ntseeg, lam lub npe neeg ntseeg ntuj, tiam sis ib hnub twb tsis nco txog Tswv Ntuj ib qho me me li, tsuas muaj peb tej kev ntshaw ntau yam, kev ntshaw muaj nyiaj muaj txiaj puv nkaus peb lub siab lub tswv yim tej kev xav xwb. Peb yuav nco ntsoov hais tias, peb txoj kev nplua nuj toob xib puaj yam thiab nyiaj txiag muas tsis tau ib txoj kev dawb huv ncaj ncees thiab nyiam Tswv Ntuj nyiam neeg rau peb tus ntsuj plig li. Tiam sis thaum kawg, yog txoj kev dawb huv ncaj ncees thiab nyiam Tswv Ntuj nyiam neeg thiaj muaj nqes xwb. Xyov yog Tswv Ntuj muab rau rab teev luj rau peb ntsia, puas yuav muab tau ib qho me me rau rab teev? Nej puas tau hnov lo lus tias, “Thaum peb yug los, peb liab qab, thaum peb rov los peb yuav rov liab qab”? Cov neeg siv lo lus ntawd mas lawv xav hais txog tej yam khoom thiab nyiaj txiag nyob ntiaj teb no xwb. Thaum peb yug los, peb yeej coj tsis tau vaj tse los nyiaj txiag nrog peb los li, thaum peb rov los pev yeej nqa tsis tau tej ntawd nrog peb mus li tiag. Tiam sis peb yuav tsum nco ntsoov tias thaum peb rov mas peb tus ntsuj plig yuav nqa tau tej yam zoo uas peb tau ua rau Tswv ntuj thiab rau tib neeg nrog peb mus. Yam zoo ntawd yog yam yuav cawm tau peb thiab yuab nyob mus li.

HT Yes Xus los thawj zaug yog thaum nws yug los ua ib tug mos mos liab ib yam nkaus li peb tib neeg xwb. Lub caij tam sis no yog lub caij uas peb tsoom ntseg npaj siab yuav ua koob tsheej nco txog nws lub hnub nyoog yug saum nqaij tawv. Tiam sis kuj yog ib lub caij uas lub Koom Txoos xav kom peb npaj peb lub siab ntsws kom tsim nyog txais nws los nyob hauv peb lub siab nyob sab ntsuj plig thiab. Yog li txawm yuav yog peb npaj siab tos HT Yes Xus yuav los hnub kawg los yog nws yuav los hnub nws yug nyob hauv peb lub siab, los yeej yog tib txoj kev xwb, yog peb yuav xyaum ua neeg dawb huv ncaj ncees thiab nyiam Ntuj nyiam neeg.

Zaj nyeem 1 : Tsab Ntawv His Xais 63, 16b-17.19b ; 64, 2b-7
Thov kom Tswv Ntuj rov hlub nws haiv neeg.

16 HUAB TAIS, koj yog peb
txiv. Has Nplas Has tsis paub
peb lawm. His Xas Lais zeem tsis tau
peb. HUAB TAIS, tus ua peb txiv yog
koj. Txij txheej thaud los, koj lub npe hu ua "Tus txhiv peb."
17 HUAB TAIS, yog vim li cas koj thiaj
ua kom peb poob zoo nyob deb ntawm
koj txoj kev ? Yog vim li cas koj thiaj ua
kom peb lub siab tawv thiab tsis xav hwm
koj ? Thov koj rov los mas, vim koj cov
tub txib thiab cov xeem neeg ua koj lub cuab tam.
19 Tau ntev los lawm peb yog cov neeg
uas koj tsis tswj, peb yog cov neeg tsis
tuav koj lub npe hu txog koj.
Ab ! Kheev lam koj nqes los, mas cov
roob yuav muaj dej ntws ua ntshua niab.
3 Tsis muaj ib lub pob ntseg tau
hnov, tsis muaj ib lub qhov muag
tau pom lwm tus Tswv Ntuj ua zoo
npaum li koj rau cov neeg tso siab rau
koj. Koj mus cuag cov neeg, mus taug
kev ncaj thiab nco nraim koj tej kev.
Saib, koj tau npau taws, peb tau ua
txhaum. Tau ntev los peb tsis npuab koj.
5 Peb sawv daws tau ua zoo li tus neeg
tsis huv. Peb tej num zoo li ib co khaub
ncaws tsuas. Peb sawv daws ntsws xws li
cov nplooj ziab tshav. Peb cov txhaum
ntsawj peb xws li cua.
6 Tsis muaj leej twg hu txog koj lub npe,
tsis muaj leej twg tsim dheev los nyob
khov kho hauv koj. Vim koj muab koj lub
ntsej muag zais, koj tso peb zwm rau peb cov txhaum.

7 Tsis kav, HUAB TAIS koj yog peb
Txiv. Peb yog av luaj, koj yog tus puab
peb. Yog koj txhais tes puab peb sawv daws.
8 HUAB TAIS, koj txhob npau taws
heev dhau. Koj txhob nco txog peb cov
txhaum mus li. Thov koj ntsia mas ! Peb
sawv daws yog koj haiv neeg.

LK 2 1 Lub zwj ceeb ntawd, vaj ntxwv Xes Ntxas Aus Nkus Tus tshaj lus ceeb toom kom tas ntiaj teb txheeb tsoom mej hwm. 2 Thaum txheeb tsoom mej hwm thawj zaug no, yog lub caij Kis Lis Nyus ua nom tswj Xis Lias teb. 3 Txhua leej txhua tus sawv key mus, nyias mus sau nyias npe hauv nyias lub nroog. 4 Yos Xes kuj sawv key hauv lub nroog Nas Xas Les, xeev Nkas Lis Lais mus pem Das Vis lub nroog hu ua Npes Les Hes, nyob hauv xeev Yus Das, vim Yos Xes yog Das Vis tsev neeg thiab Das Vis caj ces. 5 Yos Xes xav muab Mab Liab lub npe sau nrog nws lub npe, vim Mab Liab yog tus nws qhaib thiab Mab Liab cev hnyav lawm. 6 Thaum nkawd nyob Npes Les Hes, txog lub caij Mab Liab yuav daws cev. 7 Nws yug nws tus tub, nws muab ntaub qhwv, thiab muab tso pw hauy jb lub dab nyuj, vim lub tsev txais qhua tsi§ muaj chaw rau nkawd so.
8 Nyob thaj tsam ntawd, muaj ib co neeg zov yaj. Lawv nyob nruab teb. Hmo ntuj, lawv nyob zov lawv pab yaj. 9 Huab Tais tus Tshiab tawm los rau lawv porn, Huab Tais lub hwj chim ci dawb paug ncig lawv, lawv ntshai kawg. 10 Tus Tshiab hais rau lawv tias : "Nej txhob ntshai, vim kuv tuaj xa ib tsab xov zoo uas yuav ua kom nej zoo siab thiab ib tsoom neeg zoo siab. 11 Hnub no, nyob hauv Das Vis lub nroog, tus Cawm nej yug los lawm, nws yog Leej Pleev, thiab yog Huab Tais. 12 Lub cim yuav ua kom nej paub yog lub cim no : nej yuav porn ib tug me nyuam mos qhwv ntaub pw hauv ib lub dab nyuj."
13 lb sij huam, txawm muaj ib pab Tshiab coob coob tuaj nrog tus Tshiab xa xov cav lus zoo txog Tswv Ntuj tias :
14 "Nyob saum coy txheej ntuj siab, Tswv Ntuj nto meej nto moo, nyob ntiaj teb, tsoom neeg Tswv Ntuj nyiam, nyob thaj yeeb.
15 Thaum coy Tshiab tso coy zov yaj tseg rov mus saum ntuj lawm, coy zov yaj sib yaum tias :
"Peb mus Npes Les Hes, mus xyuas yam xwm uas Huab Tais tuaj qhia peb ntawd saib."
16 Ces lawv maj zeeg tuaj mus. Lawv porn Mab Liab thiab Yos Xes, thiab porn tus me nyuam mos pw hauv dab nyuj.
17 Thaum lawv porn li ntawd, lawv piav lo lus uas tus Tshiab tau qhia rau lawv txog tus me nyuam. 18 Tus twg hnov, tus twg kuj qhuas txog tej lus uas coy zov yaj hais rau lawv. 19 Hos Mab Liab, nws ua tib zoo khaws tej lus no huv si cia rau nruab siab. 20 Cov zov yaj rov mus tsev, lawv foom koob meej thiab cav lus zoo txog Tswv Ntuj vim tas txhua yam lawv tau porn thiab tau hnov raws li Ntuj qhia lawv.

Zaj Nyeem Ob: 1 Kos Lis Nthos 6 : 13c-20

13. Lub cev tsis yog cia ua dev ua npua. Lub cev yog tshwj tseg rau Huab Tais, thiab Huab Tais kuj tshwj zias nws tseg
rau lub cev.
14 Tswv Ntuj uas nws tau tsa Huab Tais sawv rov los, nws lub hwj huam kuj yuav tsa peb sawv rov los thiab.
15 Nej tsis paub tias nej lub cev yog Leej Pleev cov tes taw lod ? Kuv puas yuav muab Leej Pleev cov tes taw los ua niam
ntiav tes taw ? Kuv yeej tsis ua ib zaug li !
16 Nej tsis paub tias tus twg mus nrog ib tug poj ntiav pw, mas nws nrog tus poj ntiav koom ua ib lub cev xwb no lod? Vim muaj lus hais tias : ‘Nkawd ob leeg yuav yog ib lub cev xwb.’
17 Hos tus npuab Huab Tais, nws nrog Huab Tais koom ib lub tswv yim xwb.
18 Nej txav deb ntawm txoj kev ua dev ua npua mog. Tas puas tsav yam txhaum neeg ua, mas yog txhaum nyob sab
nraum neeg lub cev. Hos tus ua dev ua npua, mas nws ua txhaum rau nws lub cev kiag.
19 Nej tsis paub tias nej lub cev yog Leej Ntuj Plig Ntshiab lub tsev nyob no lod , thiab nws nyob hauv nej, nej txais nws ntawm Tswv Ntuj los, thiab nej tsis yog nej tug no lod?
20 Vim muaj tus tau muas nej kim kawg nkaus li! Li ntawd mas nej kav tsij ua kom Tswv Ntuj muaj koob meej nyob hauv nej lub cev!

29 Tam sim ntawd, Yes Xus tawm hauv tsev txoos, nws nrog Yas Kos thiab Zam nkawd mus hauv Xis Moos thiab As Nres nkawd tsev. 30 Xis Moos niam tais mob kub cev, nws pw saum txaj. Tam sim ntawd, lawv tham txog tus niam tais rau Yes Xus paub. 31 Yes Xus txav los tuav niam tais txhais tes, tsa nws sawv. Tus mob kub cev cia li thim hlo. Ces nws tsob hwb lawv.
32 Yav tsaus ntuj, thaum lub hnub poob qho lawm, sawv daws coj tas nrho cov neeg mob thiab cov raug dab huv si tuaj rau Yes Xus. 33 Tas lub nroog sau nthwv tuaj nyob ua ke ntawm nws qhov rooj. 34 Yes Xus kho neeg coob coob, cov uas nyias raug nyias hom mob, thiab nws tseem ntiab ntau tus dab tawm. Nws tsis pub dab hais lus li, vim cov dab paub nws.
35 Thaum sawv ntxov, thaum tseem tsaus ntuj nti, Yes Xus sawv, nws tawm mus rau ib qho chaw tsis muaj neeg, ces nws teev Ntuj nyob ntawd. 36 Xis Moos thiab nws cov npawg raws Yes Xus qab. 37 Thaum lawv nrhiav tau Yes Xus, lawv hais rau nws tias : "Sawv daws nrhiav koj." 38 Yes Xus hais rau lawv tias : "Peb mus lwm qhov chaw, hauv cov zej zog nyob tsis deb ntawm no, kom kuv tau kev tshaj lus nyob ntawd thiab, yog vim li ntawd, kuv thiaj tawm tuaj". 39 Ces Yes Xus mus thoob lub xeev Nkas Lis Lais, nws tshaj lus nyob hauv cov tsev txoos, thiab nws ntiab dab phem.

Tiam sis qhov kuv xav kom peb xav tswv yim txog yog qhov tias, tag kid, tsis tau kaj ntug, Yes Xus twb sawv ntxov ntxov los mus teev ntuj lawm. Nws tsis yog sawv los txhos caug ntawm ib ces kaum tsev teev ntuj, tiam sis nws tawm mus nrhiav ib qho chaw ntsiag to thiab nraim, kom txhob muaj dab tsi los cuam tshuam nws txoj kev teev ntuj li.

Nyob hauv Ntawv Moo Zoo mas lawv tsis tau sau tias HT Yes Xus niaj tag kis sawv ntxov mus teev ntuj, los yog niaj hmo mus teev ntuj. Tiam sis kuv xav hais tias HT Yes Xus yeej niaj tag kis sawv ntxov ntxov mus teev ntuj thiab niaj hmo mus nrhiav chaw teev ntuj. HT Yes Xus yog Tswv ntuj leej Tub, tiam sis nws tseem “need,” “toob kam” teev ntuj tsis tseg.

Yog li ntawd peb yuav tau los ntsuas peb tus kheej saib peb txoj kev teev ntuj ho zoo li cas. Peb twb hais tias peb ntseeg Yes Xus, yog li mas peb yuav tsum tau los xyaum coj li nws yoog raws nws qab thiab. Peb yog tib neeg xwb mas peb haj yam yuav tsum tau teev ntuj tsis tu ncua sawv ntxov tsaus ntuj. Hauv ntawv lawv tsis tau qhia hais tias Yes Xus teev ntuj ntev los luv. Tiam sis qhov ntawd nyob ntawm peb xwb, yog peb muaj sij hawm ntau peb kuj teev ntuj kom ntev me ntsis, yog peb muaj sij hawm tsawg, peb kuj teev ntuj luv me ntsis los tsis ua cas. Qhov tseem ceeb yog qhov tias peb nco txog Tswv Ntuj, peb nrog nws tham, nrog nws nyob ib hnub me ntsis.

Peb yuav tsum saib hais tias txoj kev teev ntuj tsis yog kev nkim sij hawm dag. Yog peb muaj siab thov tiag, peb yeej thov tau txiaj ntsim xwb. Thaum peb thov ntuj mas peb pheej tos kom Tswv Ntuj teb peb raws li peb xav, ces peb tsis nco qab pom tias nws twb teb peb lawm. Vim qhov nws teb mas yuav txawv zog li qhov peb thov. Yog peb muab coj los xav zoo zoo mas qhov nws teb ntawd yeej yog qhov zoo dua qhov uas peb xub thov kom nws ua rau peb.

Nyob nram no kuv tso ib co moo (clocks), tsis muaj cov tes. Peb nyias los xav nyias tus kheej tias ib hnub, nyias siv sij kawm pes tsawg teev, pes tsawg feeb los rau Tswv ntuj, ib lis piam nyias siv pes tsawg teev, pes tsawg feeb los rau Tswv Ntuj. Yog peb siv tsawg dhau, peb yuav tsum tau los qee sij hawm ntau zog rau peb tus Tswv Ntuj thiab.

1 Ob peb hnub tom qab, Yes Xus rov los hauv Kas Fas Naus, sawv daws paub tias Yes Xus nyob hauv tsev. 2 Ces neeg tuaj sib sau coob coob ua ke, tsis tshuav chaw seem ntawm qhov rooj li. Yes Xus qhia Lo Lus rau sawv daws. 3 Muaj plaub leeg nqa ib tug tuag ceg tuaj rau Yes Xus. 4 Lawv tsis tau kev nqa tus tuag ceg los rau Yes Xus vim neeg coob dhau, ces lawv yaws lub ruv tsev ncaj qhov chaw Yes Xus nyob, lawv tho qhov saum ruv tsev, lawv dauv lub txaj uas tus tuag ceg pw nqes los. 5 Yes Xus pom lawv lub siab ntseeg, nws hais rau tus tuag ceg tias : "Me tub, koj cov txhaum daws tas lawm." 6 Muaj ib co kws Ntawv Ntshiab nrog tsoom neeg zaum nyob ntawd, lawv xav hauv nruab siab tias : 7 "Tus neeg ntawd hais dab tsi li ntawd ? Nws thuam Ntuj ! Leej twg thiaj daws txhaum tau ? Tsuas kawg Tswv Ntuj tib leeg xwb." 8 Tab sis Yes Xus lub tswv yim paub tam sis ntawd tias lawv xav li ntawd hauv siab, nws thiaj hais rau lawv tias : "Ua cas nej xav tej zaj zoo li no hauv nej siab ? 9 Lo lus twg yog lo hais yooj yim dua rau tus tuag ceg, lo tias 'Koj cov txhaum daws tas', los lo tias , ‘Koj sawv, nqa koj lub txaj, mus kev’ ? 10 Ua li mas, kom nej paub tias Neeg Leej Tub muaj hwj huam daws txhaum tau nyob ntiaj teb no." Ces Yes Xus hais rau tus tuag ceg tias : 11 "Kuv hais rau koj, koj sawv, nqa koj lub txaj, koj rov mus tsev." 12 Tus tuag ceg sawv tsees. Nws nqa hlo nws lub txaj tam sim ntawd, nws hla sawv daws xub ntiag tawm mus. Cov neeg nyob ntawd yoob tas, lawv cav txog Tswv Ntuj, thiab lawv hais tias : "Peb tsis tau pom dua ib yam zoo li ntawd ib zaug li."