Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 10:30 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    TEJ LUB NTSIAB TSEEM CEEB TXOG TSWV NTUJ

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    TEJ LUB NTSIAB TSEEM CEEB TXOG TSWV NTUJ

    Post  Mim on 20th May 2013, 3:37 pm

    Nyob zoo sawv daws,

    Hnub Chiv nyuam qhuav dhau los no yog hnub peb nco txog Leej Ntuj Plig nqes los (Pentecost). Yog li kuv yuav tuaj tham me me txog Leej Ntuj Plig xya lub txiaj ntsim (7 Gifts of the Holy Spirit) thiab 12 lub txiv zoo. Koom Txoos kas Tos Liv yeej qhia tias Leej Ntuj Plig coj xya lub txiaj ntsim tuaj rau peb. Yog peb qhib siab lug txais cov txiaj ntsim ntawd ces yuav ua tau kom peb txi tau 12 lub txiv zoo nyob hauv peb.




    Leej Ntuj Plig Ntshiab xya lub txiaj ntsim



    Leej Ntuj Plig Ntshiab yog txoj kev sib nyiam sib hlub uas Leej Txiv thiab Leej Tub nkawd muaj ib leeg rau ib leeg. Thaum peb txais lub Cim Txhab Zog, Leej Ntuj Plig Ntshiab uas yog kev sib nyiam sib hlub lub zog tuaj nyob hauv peb, pab kom peb coj tau ib lub neej zoo haum Tswv Ntuj siab. Tiam sis peb yuav tsum tau qhib peb lub siab txais Leej Ntuj Plig Ntshiab cov txiaj ntsim tuaj nyob hauv peb, yog peb tsis qhib peb lub siab txais ces nws yuav ua tsis tau hauj lwm los pab peb. Nws coj xya lub txiaj ntsim tuaj pub rau peb raws li nram no:

    1. Kev thoob tsib: yog lub txiaj ntsim loj tshaj siab tshaj,nws pab kom peb saib Tswv Ntuj yog tus muaj nqes dua txhua yam peb ntshaw nyob hauv peb lub neej thiab kom peb txawj siv tej yam hauv ntiaj teb no los pab peb nyiam Tswv ntuj.

    2. Kev to taub: yog lub txiaj ntsim pab kom peb to taub txog lub ntsiab tseeb hauv peb txoj kev ntseeg, tias peb lub hom phiaj ua neej yog npaj kom tau mus cuag tswv Ntuj. Ces peb thiaj muaj lub siab xav coj thiab mloog raws li Tswv Ntuj txoj cai.

    3. Kev pab tswv yim: yog lub txiaj ntsim pab kom peb xav tawm thiab nrhiav tau qhov zoo taug; xws li thaum peb ntsib kev nyuaj, tsis pom qab yuav ua zaj twg, Leej Tswv Yim Ntshiab yuav ntxhi rau peb lub siab kom peb pom dheev tau hais tias qhov twg yog qhov zoo qhov yog uas peb yuav tsum ua.

    4. Kev ua siab tawv: yog lub txiaj ntsim qhia kom peb muaj peev xwm ua qhov uas peb paub tias yog; txawm luag yuav thuam yuav cem, yuav ntxias, peb tsis qaug.Xws li cov tuag ua tim khawv txog lawv txoj kev ntseeg, lawv muaj lub siab tawv taus yeem tuag dua thim kev ntseeg.

    5. Kev paub Ntuj: yog lub txiaj ntsim qhia kom peb paub txog thiab zeem tau tias tas puas tsav yam tshwm sim rau peb lub neej yog tuaj ntawm Tswv Ntuj tuaj, thiab kom peb txawj nyiaj kev txom nyem txawj ua tas puas tsav yam kom mus raws li Tswv Ntuj nyiam.

    6. Kev nyiam pe hawm Ntuj: yog lub txiaj ntsim qhia kom peb mob siab xav pe hawm thiab tsob hwb Tswb Ntuj ib leeg vim peb nyiam Tswv Ntuj thiab xav ua kom nws zoo siab. Ces peb yuav txaus siab teev ntuj pe hawm Tswv Ntuj niaj hnub thiab Hnub Chiv tsis tu ncua, peb yuav tsis saib tias yog ib qho ua leg rau peb los tab kaum peb.

    7. Kev ntshai Tswv Ntuj: peb Hmoob muaj lo lus hais tias “tsis ntshai niam ntshai txiv,” txhais hais tias tus me nyuam coj zoo li no, nws tsis hwm tsis saib tsis mloog niam mloog txiv, tsis muaj lub siab hlub hais tias tsam niam txiv tu siab li. Ib yam li ntawd, yog peb ntshai Tswv Ntuj mas peb yuav nyiam Tswv Ntuj, yuav mloog Tswv Ntuj lus thiab hwm Tswv Ntuj zoo tsis kam ua ib qho txhaum rau Tswv ntuj li.





    Last edited by Mim on 21st May 2013, 3:37 pm; edited 1 time in total

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: TEJ LUB NTSIAB TSEEM CEEB TXOG TSWV NTUJ

    Post  Mim on 20th May 2013, 5:14 pm

    Leej Ntuj Plig Ntshiab cov Txiv Zoo


    Yog peb cia Leej Ntuj Plig Ntshiab tswj peb lub neej, mas nws yuav txi tau ib lub txiv zoo nyob hauv peb. Lub txiv zoo ntawd yuav ua kom peb coj ib tug yam ntxwv zoo ntau yam xws li no:

    Tus yam ntxwv muaj kev nyiam kev hlub: peb tsuas nrhiav qhov zoo rau lwm tus xwb, tsis muaj lub siab xav kom lawv tau qhov phem li;

    Tus yam ntxwv muaj kev zoo siab tas mus li: txawm peb yuav ntsib kev txom nyem kev nyuaj npaum li cas los peb luag ntxhi tas mus li,
    vim peb txoj kev zoo siab yog nyob hauv Tswv Ntuj tsis yog nyob hauv kev ntiaj teb.

    Tus yam ntxwv tsim kev thaj yeeb: peb yuav zoo siab rau txhua yam peb muaj thiab peb yuav muaj kev sib haum nrog txhua leej txhua tus.

    Tus yam ntxwv muaj lub siab ntev: peb yuav xyaum npau taws qeeb, xyaum tsis txhob maj maj teb ib co lus tsis yog lus rau lwm tus.

    Tus yam ntxwv muaj lub siab zoo siab mos: peb yuav hlub luag zam rau luag.

    Tus yam ntxwv muaj lub siab zoo siab dav: peb yuav pub tau rau luag pab tau luag.

    Tus yam ntxwv muaj lub siab tsis fav xeeb: peb yuav tsis ntxeev siab yuav tsis thim yus txoj kev ntseeg Tswv Ntuj; lwm tus neeg los tso siab tau thiab cia siab tau rau yus.

    Tus yam ntxwv muaj lub siab txo hwj chim: peb yuav ua neeg me, coj tus tus, tsis hais lus siab luag.

    Tus yam ntxwv muaj kev tswj tus kheej: peb cheem tau peb lub siab chis los npau taws; peb cheem tau peb lub cev tsis mus ua kev plees kev yi, kev phem kev qias, tsis mus ua kev quav dej quav cawv quav yeeb quav tshuaj.

    (Ntawm no yog piav raws li nyob hauv Nkas Las Tias 5: 22-23. Tiam sis kuv tsis tau siv cov lus Hmoob nyob hauv Ntawv, kuv tau txhais raws li cov lus Aas Kiv uas kuv siv xwb. Kev txhais cov lus no mas muaj ob peb txoj kev txhais ces tej zaum yuav hais sib txawv me ntsis.)


    Koom Txoos Kas Tos Liv qhia txawv me ntsis. Peb kawm txog tias yog peb qhib siab lug txais Leej Tswv Yim Ntshiab cov txiaj ntsim mas nws yuav pab kom peb txi tau 12 yam Txiv raws li nram no:

    Kev nyiam: nyiam Tswv Ntuj thiab nyiam luag tej

    Kev zoo siab: kev zoo siab uas yog Tswv Ntuj pub rau yus

    Kev thaj yeeb: yus nrog Tswv Ntuj sib raug zoo thiab nrog txhua leej txhua tus sib raug zoo

    Kev siab ntev: npau taws qeeb, maj mam hais lus

    Kev tsis ua nyuaj: ua siab ntev, to taub luag, tsis tsib tas zog rob qes ntawm luag (tsis tsib tas zog kom luag them nuj nqes rau yus).

    Ua siab zoo: muaj lub siab dawb siab dav

    Ua siab mos siab muag: zam tau rau luag, tsis muaj qhov yuav tsis kam zam.

    Ua siab txias txias: tsis coj tshawv tshawv tsis hais lus tshawv tshawv

    Tsis fav xeeb: tsis ntxeev siab rau Tswv Ntuj los rau lwm leej lwm tus, xws li tus txij nkawm

    Tsis ua kom luag ntsia yus: hnav tsoos tsho kom zoo saib, tsis rhiab leej twg qhov muag

    Kev cheem yus lus cev: qhov ntau yog hais rau kev nyiam deev hluas

    Kev tsim txiaj: txuag yus lub cev kom dawb huv tsis ua kev plees kev yi




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: TEJ LUB NTSIAB TSEEM CEEB TXOG TSWV NTUJ

    Post  Mim on 28th May 2013, 5:50 am

    Nyob zoo sawv daws,

    Hnub no kuv yuav coj ib zaj uas peb qhia rau me nyuam yaus tuaj tso rau ntawm no. Tej zaum kuj yuav pab tau peb cov laus thiab.




    Tswv Ntuj Ntshiab Peb Leeg
    The Blessed Trinity/La Tres Sainte Trinite

    Tsuas muaj ib tug Tswv ntuj xwb. Tiam sis muaj peb leeg nyob hauv ib tug Tswv Ntuj ntawd: Tswv Ntuj Leej Txiv, Tswv ntuj Leej Tub thiab Tswv ntuj Leej Tswv Yim Ntshiab (los Leej Ntuj Plig Ntshiab). Leej Txiv yog Tswv Ntuj. Leej Tub yog Tswv Ntuj. Leej Tswv Yim Ntshiab yog Tswv Ntuj. Tiam sis peb leeg no ua ke tsuas yog ib tug Tswv Ntuj xwb.Peb hais tsis tau tias muaj peb tug Tswv Ntuj.

    Peb hu peb leeg koom ua ib tug Tswv Ntuj no hu ua Tswv Ntuj Ntshiab Peb Leeg. Tswv Ntuj Leej Txiv yog thawj tug nyob hauv Tswv Ntuj Ntshiab Peb Leeg. Tswv Ntuj Leej Tub yog tus ob. Nws yog Yes Xus tus tau yug los ua neeg thiab tau tuag cawm peb dim ntwm kev txhaum. Tswv Ntuj Leej Tswv Yim Ntshiab yog tus peb. Nws pab peb kom peb nyiam teev ntuj pe hawm Tswv ntuj thiab kom peb txawj sib nyiam sib hlub.

    Lawv Peb Leeg nyob hauv Tswv Ntuj Ntshiab Peb Leeg no tsis muaj caij pib tsis muaj caij tag li. Lawv yeej ib txwm nyob los thiab lawv yuav nyob tas mus li tsis txawj kawg. Lawv Peb Leeg no loj sib luag zos tsis muaj ib tug loj tshaj ib tug . Leej Txiv tsis loj tshaj Leej Tub. Leej Tub tsis loj tshaj Leej Tswv Yim Ntshiab.

    Thaum peb teev ntuj peb xub xub hu txog Tswv Ntuj Ntshiab Peb leeg. Peb hais tias, “Hu txog Leej txiv thiab Leej Tub thiab Leej Ntuj Plig lub npe.” Tib txhij thaum peb hais cov lus no, peb kuj hom Ntoo Cuam lub cim rau saum peb. Lub cim no ua kom peb nco ntoov tias Huab Tais Yes Xus tau tuag cawm peb nyob saum Ntoo Cuam.
    Yog peb txuag peb tus ntsuj plig kom dawb huv tsis txhob muaj txhaum hnyav, mas peb muaj Tswv Ntuj lub txiaj ntsim nyob hauv peb, ces Tswv Ntshiab Peb Leeg los nyob hauv peb thiab!

    Thaum peb teev ntuj peb nquag xaus hais li no: “Huab Tais Leej Txiv, Huab Tais Leej Tub thiab Huab Tais Leej Ntuj Plig muaj koob meej nto moo lug lub zim txwv no mus txog fab lwm txheej xws li txheej laus thaud los. Ua li.”

    Muab Tswv Ntuj Ntshiab Peb Leeg Piv Rau Ib Tse Neeg

    Tswv Ntuj Ntshiab Peb Leeg yog ib yam uas peb lub tswv yim tib neeg to taub tsis tas. Peb vam hais tias lwm tiam thaum peb nyob saum ntuj lawm, mas peb mam li yuav to taub zoo dua. Tiam sis peb muab piv tau rau ib tsev neeg kom peb to taub me me txog:

    Nyob hauv Tswv Ntuj Ntshiab Peb Leeg, muaj peb tug: Nyob hauv ib tse neeg, muaj peb hom neeg:
    Tswv Ntuj Leej Txiv, leej txiv,
    Tswv Ntuj Leej Tub, leej niam,
    Tswv Ntuj Leej Tswv Yim Ntshiab. cov me nyuam.
    Peb leeg no ua ke yog ib tug Tswv Ntuj xwb. Peb hom neeg no ua ke yog ib tse neeg xwb.






    Last edited by Mim on 28th May 2013, 4:28 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: TEJ LUB NTSIAB TSEEM CEEB TXOG TSWV NTUJ

    Post  Maiv Tooj on 28th May 2013, 9:39 am



    Nyob zoo Mim,

    Ua tsaug ntau rau koj cov zaj hais txog Leej Ntuj Plig ntshiab thiab Tswv Ntuj 3 leeg. Zoo kawg, yog ib yam zoo heev uas peb yuav tau ua tib zoo nyeem thiab coj los xav, coj los xyaum yoog kom tsis tau ntau los tau me me.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: TEJ LUB NTSIAB TSEEM CEEB TXOG TSWV NTUJ

    Post  Mim on 28th May 2013, 4:37 pm

    Tais Tooj,

    Ua tsaug rau koj cov lus zoo os. Tej zaum ib co lus yooj yooj yim li no yuav pab tau peb cov Hmoob to taub zoo dua. Vim kuv nyeem cov lus piav rau me nyuam yaus no mas kuv kawm tau ntau yam kawg li.

    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Re: TEJ LUB NTSIAB TSEEM CEEB TXOG TSWV NTUJ

    Post  Mas Lias on 29th May 2013, 5:05 am


    Nyob zoo Mim,

    Zaj lus uas koj tau muab los rau SD nyeem no tseem meej dua zaj kuv muab, zoo kawg.

    Ua tsaug os.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: TEJ LUB NTSIAB TSEEM CEEB TXOG TSWV NTUJ

    Post  Maiv Tooj on 30th May 2013, 5:34 am


    Nyob zoo Mim thiab Mas Lias,

    Mim,

    Txawm yog cov zaj qhia me nyuam xwb los kuj zoo heev rau peb haiv Hmoob uas tseem paub Tswv Ntuj tsawg heev. Muaj tej thaum mas yuav tsum ua me nyuam yaus yus thiaj paub ntau, yog yus ua neeg ntse, ua neeg loj xwb mas yus tsis nco qab xav txog tej yam tseem ceeb tab sis me me ntawm yus xub ntiag, yus pheej ntsia deb deb puag tim qab ntug xwb ces yus tssi pom qhov tseem ceeb.

    Mas Lias,

    Mim yeej sau tau zoo kawg, tab sis koj cov zaj los yeej zoo kawg li thiab; nyias muaj nyias tus mem tes, nyias sau raws li nyias ntsib Leej Ntuj Plig. Nyob ntawm seb Leej Ntuj Plig xav tshoj dab tsi rau leej twg ces tus ntawd paub li ntawd. Txhob qaug zog, koj cov yeej muaj qhov zoo kawg thiab. Coob leej ntau lub tswv yim, tej thaum tsis tas yuav hais ntau ntau, tshuam ib lo lus xwb twb ua rau neeg ras xeev lawm ntau.

    Ua tsaug rau neb ob leeg lub laj lim.





    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: TEJ LUB NTSIAB TSEEM CEEB TXOG TSWV NTUJ

    Post  Mim on 3rd June 2013, 4:32 am

    Nyob zoo Mas Lias,

    Koj cov zaj yeej zoo kawg. Koj piav mus koj ib sab, kuv piav mus kuv ib sab, muab los ua ke thiaj txhij txhua xwb os.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: TEJ LUB NTSIAB TSEEM CEEB TXOG TSWV NTUJ

    Post  Mim on 3rd June 2013, 4:33 am

    Hnub Hwm Yes Xus lub Cev thiab cov Ntshav Ntshiab

    Niaj xyoo peb ua hmoov nco txog HT Yes Xus tsim lub Cim Yug Hnub Tsib NTshiab, thaum nws noj pluas hmo kawg. Tiam sis lub Koom Txoos kuj tseem xav kom peb muaj ib hnub tshwj xeeb los ua kev hwm lub Cim Yug los yog Yes Xus lub Cev thiab cov Ntshav thiab. Xyoo no thiaj poob rau Hnub Tsib lub 5 hlis tim 30. Hauv USA lawv muab hloov mus ray Hnub Chiv tim 2 lub 6 hli 2013 no.

    Nyob hauv tas nrho cov koom txoos ntseeg ntuj, kuj muaj lub puav koom txoos, xws li cov ntseeg Orthodox, ntseeg tias lub mov thiab cov cawv yog HT Yes Xus lub Cev thiab cov Ntshav tiag. Tiam sis Koom Txoos Kas Tos Liv yog lub niam Koom Txoos uas ib txwm qhia thiab ib txwm ntseeg txij thaum lub hauv paus los. Lub Cim Yug yog “lub hauv pauv thiab lub ntsis ntawm lub neej ua neeg ntseeg.”(CCC,1324) Lub Cim Yug yog zoo li thooj nyiaj thooj kub uas lub Koom Txoos khaws rau peb sawv daws. Thooj nyiaj thooj kub ntawd tsis yog nyiaj yog kub tiam sis yog Huab Tais Yes Xus kiag thiab tseem muaj nqes dua nyiaj dua kub rau peb. Nws yog yam uas los kho thiab yug peb tus ntsuj plig kom peb muaj Tswv Ntuj txoj sia nyob hauv peb, peb thiaj yuav tau txais kev cawm seej.

    Nej sawv daws cov coob yeej tau mus koom lwm pab lwm pawg ntseeg lub txoos teev ntuj lawm. Nej yuav pom hais tias lawv tsis muaj lub thaj txi ntuj. Lawv lub rooj nyeem ntawv thiab “thej xas nam” yog lub tseem ceeb. Vim lawv saib phau Ntawv Ntshiab(Bible) yog qhov tseem ceeb. Nyob hauv ib lub txoos teev ntuj Kas Tos Liv, mas lub rooj tseem ceeb yog lub thaj txi ntuj. Lub rooj nyeem ntawv nyob ib cag. Vim Kas Tos Liv saib phau Ntawv Ntshiab tseem ceeb kawg, tiam sis qhov tseem ceeb tshaj tseem yog lub Cim Yug, yog thaj txi ntuj lawm.

    Tej pab ntseeg uas lawv hais tias lawv ntseeg raws nraim li phau Bible qhia, tiam sis lawv twb ho tsis ntseeg Yes Xus cov lus uas nws hais nyob hauv Bible tias: “Kuv yog cov mov muaj txoj sia nqes saum ntuj los; leej twg noj cov mov no yuav ciaj nyob tas mus li. Cov mov uas kuv yuav muab rau ntiaj teb neeg noj kom muaj sia yog kuv cev nqaij.” (Zam 6: 51)

    Peb yuav hwm Yes Xus nyob hauv lub mov thiab cov cawv. Niaj zaus peb mus koom thaj txi ntuj, peb yuav npaj peb lub siab mus noj mus haus Yes Xus lub Cev thiab cov Ntshav. Peb yuav tsum paub txog Koom Txoos txoj cai qhia kom peb yuav npaj zoo li cas: 1) Peb yuav tsum yog neeg ntseeg Kas Tos Liv txais Cim Ntxuav tas lawm; 2) peb yuav tsum tsis txhob muaj ib qho txhaum hnyav nyob hauv peb; 3) Peb yuav tsum yoo 1 teev ua ntej lub caij txais lub Cim Yug. Thaum peb sawv mus txais Yes Xus lub Cev thiab cov Ntshav tas, peb rov los txhos caug ntawm peb qhov chaw, peb yuav ua Yes Xus tsaug. Yog lub caij uas Yes Xus los nyob hauv peb nruab siab tiag tiag, peb tau kev nrog Yes Xus tham qhib siab lug, thiab peb yuav xav thov dab tsi los yog lub caij thov.

    Xyoo no Txiv Vaj Qhia Francis tau nqua hu kom tas ib tsoom ntseeg Kas Tos Liv nyob thoob ntiaj teb mus koom ua kev pe hawm HT Yes Xus hauv lub Cim Yug nrog Txiv Vaj Qhia hnub Chiv thaum lub caij 5-6 teev(sij hawm nyob Rome). Nws thov kom lub caij ntawd sawv daws nyias nyob nyias lub teb chaws, nyias lub nroog, nyias lub tsev teev ntuj, nrog nws ua kev pe hawm lub Cim Yug thov ntuj rau ob yam loj:
    Yam ib yog thov ntuj rau cov neeg raug luag quab yuam ua qhev thiab raug txom nyem tsim txom vim kev ua tsov ua rog sib ntaus sib tua, kev ua lag luam muag tib neeg, muag yeeb muag tshuaj tej, thiab tseem thov rau cov tsis muaj hauj lwm ua, cov laus, cov neeg nkag teb chaws txhaum cai, cov tsis muaj vaj muaj tsev nyob, cov nyob nkuaj, thiab cov tsis muaj hwj chim uas sawv daws saib tsis taus.
    Yam ob yog thov ntuj rau lub Koom Txoos Kas Tos Liv nyob thoob ntiaj teb thiab ib tsoom neeg ntseeg nyob hauv lub Koom Txoos, kom sawv daws ua tau neeg zoo neeg dawb huv.

    Kuv thov txim tias tsis tau tuaj tshaj tawm qhov no ua ntej rau sawv daws kom paub txog. Nag hmo thaum lub caij ntawd, 5-6 teev nyob Rome, yog li ntawm 11-12 teev nyob ntawm peb no (E.T), tab tom yog peb lub caij ua thaj txi ntuj Hnub Chiv. Peb tus txiv plig kuj tau hais txog Txiv Vaj Qhia lo lus nqua hu, thiab thaum xaus thaj txi ntuj, peb kuj tau nquam lub Cim Yug tawm ntawm peb lub church mus ncig ib nyuag ntu kev hu nkauj cav txog lub Cim Yug. Txiv plig tau coj lub Cim Yug mus txawb rau ib qho chaw thiab coj peb ua kev thov ntuj thiab foom hmoov zoo rau ib thaj tsam ncig ntawm peb nyob. Peb sawv daws hu ib ob zaj nkauj cav txog Yes Xus hauv lub Cim Yug tas ces peb mam rov nkag los hauv tsev teev ntuj los nyias mus nyias tsev lawm.




    Sponsored content

    Re: TEJ LUB NTSIAB TSEEM CEEB TXOG TSWV NTUJ

    Post  Sponsored content Today at 11:31 pm


      Current date/time is 6th December 2016, 11:31 pm