Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    TSEV HMOOB NTSEEG PARIS

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    TSEV HMOOB NTSEEG PARIS

    Post  Maiv Paj Lug on 15th November 2010, 5:07 am




    Samedi 13/11/2010 sawv ntxov peb noj khob poob nyob hauv Niam ntxawm thiab Txiv ntawm Nyiaj Lwm tsev......miam! miam! Ntxawm Nyiaj Lwm cov khob poob mas qab tshaj plaws li ! kuv kam noj tas 2 taig diam nav.....hahaha! Niam tsev siab zoo li ntxawm nyiaj lwm ces ua dab tsi noj los yeej qab, nws ua ntau li ntau peb noj seem tshuav ntau...







    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 15th November 2010, 5:46 am




    Koos haum Hmoob Paris tsev ntseeg koom siab tsim cov calendrier no coj los muag kom tau me ntsis nyiaj xa mus pab rau T.P Tshaj Xwm nyob thaib teb lub tuam tsev kawm ntawv txhawb cov me nyuam Hmoob. Kuv tau pab lawv muag me ntsis nyob tsiab peb caug thiab kuv tau nqa me ntsis los muag rau ntawm kuv lub zos. Yog peb ib leeg ua ib qho huaj lwm pab txhawb rau T.P Tshaj Xwm lub tsev kawm ntawv nyob Thailand , cov me nyuam txom nyem yuav muaj kev kawm ntawv los ntawm nej txhua tus nyob teb chaws vam meej.








    yog tus saib xyuas lub rooj muag ntawv thiab duab yuav txhawb rau T.P Tshaj Xwm lub tsev kawm ntawv.







    --------------------------------------------------------------------------






    Lis Ntsuab Vaj yog ib tub muaj lub peeb xwm siab dawb ua daim DVD T.P Neej Vaj lub cawv xeeb mus muag koom tes pab txhawb T.P Tshaj Xwm lub tsev kawm ntawv. Nws lub Site : nias ntawm no : http://tovtswvyim.over-blog.com/article-cd-tp-neej-vaj-56367783.html




    Last edited by Maiv Paj Lug on 15th November 2010, 5:48 am; edited 1 time in total




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 15th November 2010, 5:46 am

    mam tuaj tso ntxiv......




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 15th November 2010, 5:49 am


    Nyob zoo Xyoo Tshiab Paris rau Maiv paj Lug,

    Wow...! Nws tau mus nrog XH. Nyiaj lwm lawv noj Peb Caug, yam kaj siab lug...Zoo siab nrog nws thiab tsoom kwv tej neej tsa Hmoob Ntseeg Catholique cheeb tsam Paris. Nws tso tau duab zoo nkauj kawg li, ua tsaug mog. Kuv yeej cia siab tas nrho tias nws yuav ua tau tej yam zoo heev, yuav coj ntau yam zoo tuaj qhia peb paub, pom thiab kom peb tau xyaum.

    Yog ib lub txiaj ntsim zoo heev uas nws tau mus koom lawv lub Peb Caug xyoo no.




    Bao
    Tuaj Tshiab
    Tuaj Tshiab

    Messages : 78
    Date d'inscription : 2009-08-16

    Re: TSEV HMOOB NTSEEG PARIS

    Post  Bao on 15th November 2010, 6:03 am

    WOW ! kuv zoo siab hnub no tau tuaj pom koj tso maman nej li duab mus koom tshiab peb caug nrog cov hmong Catholique nyob Paris Smile
    kuv nco nej kawg li....




    DIEU tu es lumière qui éclaire notre vie...
    GOD you're light that illuminates our lives...
    NTSWV NTUJ koj yog lub hnub ci ntsa iab rau peb lub neej...

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 15th November 2010, 9:58 am














    Txiv ntxawm Nyiaj Lwm thiab Niam Ntxawm Nyiaj Lwm, kuv ua neb tsaug ntau ntau rau neb lub siab dawb siab zoo tseem txais tos ib tug me nyuam ntsuag ntsuag nos li kuv tuaj poob rau hauv neb vaj tsev. Neb lub txiaj ntsim kuv yuav nco ntsoov mus li. Neb muaj lub siab zoo, neb hlub kuv, neb txais kuv ,neb muab kuv tsa rau chaw siab, neb nrhiav chaw zoo rau kuv pw, neb pub kuv noj seem noj so, kuv tsis nco txob tsis nco txhawj, kuv tso siab lug rau neb lub siab zoo hnub kuv tuaj txog hauv neb tsev.

    Hnub no kuv tsis muaj dab tsi ua neb tsaug pauj neb txiaj ntsim, kuv tsuas muaj lo lus qhuav ua neb tsaug xwb. Txawm kuv pauj tsis tau neb txiaj ntsim hnub no los kuv thov Huab Tais Ntuj pov hwm neb pub rau kuv, thov kom neb tsuas muaj kev vam meej, kev hlub neeg, kev neej kev tsav puv npo, neb yuav muaj pej xeem coob, neb yuav tau ua tus thawj coj peb tsoom ntseeg kom ntev ntev li neb ua tau. Huab Tais Yesxus yuav pub txiaj ntsim rau neb kom suav tsis txheeb. Ua li.

    Kuv rov los tsev lawm mas kuv tseem nco ntsoov neb txhua hnub li nawb Niam ntxawm thiab Txiv Ntxawm Nyiaj Lwm. Kuv paub tias neb yeej tuaj nyeem kuv cov lus, tiam sis Txiv Ntxawm tseem maj mam xyaum tuaj hauv no xwb ces hnub twg Txiv Ntxawm tuaj tau no ho tuaj xa moo rau kuv thiab nawb. Kuv tos ntsoov Txiv Ntxawm yuav hu xov tooj tuaj kom kuv pab qhia nws ntxiv yog tias yam twg nws tsis nco qab lawm.

    Sau Npe Neb tus mi ntxhais May Paj Lug Vaj.




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 15th November 2010, 10:16 am


    HMONG CATHOLIQUE PARIS LUB TXOOS XYOO TSHIAB 2011 THIAB KEV LOM ZEM



    Kwv Tij Neej tsa Hmoob Catholique tsoom ntseeg nyob Paris, xyoo no nej lub tsiab peb caug lom zem xauv npo, nej ua tau zoo heev, thov kom txhua niaj txhua xyoo nej tsuas muaj kev lom zem li no mus ntxiv. Fab niaj lwm xyoo, nej lub siab dawb siab zoo txais kwv txais tij yam kaj siab lug yuav coj tau peb tsoom Hmoob nyob lwm xeev yuav rov tuaj koom nej kom coob tshaj mus li. Kuv pom nej lub tsiab peb caug no muaj txiaj ntsim heev, nyob rau hauv lub Txoos Teev Ntuj, yog leej twg cuab pob ntseeg mloog cov lus T.P Cwj Vuam Chiv nthuav hnub noj tsiab peb caug mas yuav muaj kev kaj siab. Leej twg tuaj koom lub Txoos hnub no, nws yuav rov los ua lub neej tshav ntuj dua qub. Kev Thaj Yeeb ntawm Huab Tais Yesxus yuav roos nej txhua tus uas tau mloog nws cov lus.

    Peb zoo siab heev rau nej lub tsiab peb caug 2010/2011.


    GOUPE BAND 5 HLI NTUJ TUAJ PAB TXHAWB TSOOM NTSEEG CATHOLIQUE LUB TSIAB PEB CAUG




    LUB TXOOS TEEV NTUJ NYOB RAU LUB TSIAB PEB CAUG PARIS GRIGNY ( T.P CWJ VUAM CHIV )




    AVE NIAM MAB LIAB , zaj nkauj xaus lub txoos ( MAY PAJ LUG TUS HU)




    Kwv txhiaj xyoo tshiab new year Paris Grigny 2010/2011



    COV NTXHAIS SEEV CEV RAU LUB TSIAB PEB CAUG



    Last edited by Maiv Paj Lug on 16th November 2010, 7:57 am; edited 1 time in total




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 15th November 2010, 11:47 am

    Paj Huam Hmoob Lub Tshiab Peb Caug

    Xyoo laus xyaus xyoo tshiab tawm tuaj
    peb hmoob muaj peb caug los noj
    poj yawm coj tuam tshoj los mus
    hmoob txhua tus zoo siab kawg nkaus
    keeb hauv paus 12 hlis ntuj
    peb hmoob kuj npaj txhua lub zos
    los txais tos lub me xyoo tshiab
    los noj tsiab lom zem xauv npo
    lub neej hmoob sawv ua tsheej phiaj
    mloog kwv txhiaj lus taum yas suab
    peb yuav muab los tshaj rau nej
    yav thaum ntej txoj kev lim hiam
    poob 3 tiam peb tsis xav yuav
    thov muab rhuav txhim kho qhov zoo
    ntau ntau xyoo hmoob yeej siab kawg
    hmoob sib tawg mus ua ntau pab
    hmoob siab fab tsis los sib hwm
    cem tia vwm txhua txhia lub xyoo
    txoj kev zoo ceeb laj yuav tshwm
    tseg kev vwm tsis txhob hais lawm
    mus nrog hawm txhawb nqa nej hmoob
    nej lub koob thiaj yuav tsis ploj
    kev cai co j nej yuav tau xyaum
    yug los txhaum ua haiv neeg hmoob
    xam kom thoob hais lub twm xyas
    nej thiaj ras mus pom qhov zoo
    nej txhob nroo thiab txhob khib siab
    neej toj siab xws neej nram tiaj
    nyob saum thiaj li luag thiab mog hmoob

















    Tag kis mam tuaj tso ntxiv......


    Last edited by Maiv Paj Lug on 16th November 2010, 3:42 am; edited 1 time in total




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 15th November 2010, 10:36 pm

    Nyob zoo Maiv paj Lug,

    Ua tsaug rau nws lub siab zoo thiaj laj lim tswv yim. Nws tshaj tau Tsev Hmoob Ntseeg Catholique nyob Paris, Fab Kis teb lub Tsiab Peb Caug 2011 yam lom zem xauv npo, kev zoo siab, kev kaj lug tuaj txog me hlob me yau txhua leej.


    Thov nquag hu rau:
    Txhua leej nyob rau txhua thaj chaw hauv lub qab ntuj khwb nov, thov nej txhua leej uas tuaj nyeem txog peb lub vas sab Hmoob Kas Tos Liv nov, muab Maiv Paj Lug ua ib tug PIV TXWV zoo es thaum muaj tej lub koob tsheej los ib qhov kev zoo siab loj tshwj xeeb nyob ntawm nej cheeb tsam, nej tshaj tawm rau peb paub txog ib yam li Maiv Paj Lug ua hnub nov.

    Nej yuav tsum xav hais tias:
    -Lub koob tsheej uas nej ua ntawd, nej tau muab ntau hnub ntau hli los npaj, yog nej tuaj tham thiab nthuav, yuav khaws tau los cia saib dab muag, ua keeb kwm puav pheej tseg. Yog nej ua tag, nej tsis tuaj piav sau tseg, ces yam nej muaj ntau hnub ntau hli los npaj ntawd yuav ploj ntais mus, yuav tsis tshua ib yam dab tsi los ua dab neeg cia li. Yog nej coj tuaj tshaj thiab nthuav rau hauv nov, txhiab niaj puas xyoo, tej xeeb leej xeeb ntxwv, yuav muab tau los ua keeb kwm...Qhov nov yog peb sib koom tes TUAV PEB HMOOB LUB NPE, TSWJ PEB HMOOB TXUJ, KHAWS PEB HMOOB TEEG TUG UA NTEJ YUAV PLOJ MUS.


    -Kuv thov nej txhua leej tuaj nrog peb koom tes mog.
    Yam Dr. Yaj Tswv Daus zaj nkauj sib pab ciaj vaj hais:
    Ib txhais tes tsis npaum kaum txhais npab, thov nej txhua leej me hlob me yau tuaj nqes tes sib pab. Kom peb ceev tau Peb Hmoob lub npe mus thoob 4 ceg kaum ntuj nawb mog tsoom kwv tij phooj ywg.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 16th November 2010, 7:17 am

    Maiv Tooj wrote:[color=blue]Thov nquag hu rau:
    Txhua leej nyob rau txhua thaj chaw hauv lub qab ntuj khwb nov, thov nej txhua leej uas tuaj nyeem txog peb lub vas sab Hmoob Kas Tos Liv nov, muab Maiv Paj Lug ua ib tug PIV TXWV zoo es thaum muaj tej lub koob tsheej los ib qhov kev zoo siab loj tshwj xeeb nyob ntawm nej cheeb tsam, nej tshaj tawm rau peb paub txog ib yam li Maiv Paj Lug ua hnub nov.


    Maiv Tooj, ua tsaug koj tseem pom kuv ua PIV TXWV zoo...tej laus hais tias noj sib hlub hauv sib cev, no ces yuav tsum zoo li no thiaj muaj kev sib pab thiab sib hlub . Yog leej twg tseem vam txog kuv mus pab txhawb thiab koom tes los kuv yeej mus, kuv yuav zoo siab tuaj koom txhua tus ua neej ua tsav, txawm kuv tsis muaj ib yam dab tsi zoo mus pab tau txhua tus raws siab xav los cia kuv mus koom thov ntuj nrog nej ua ke kom Tswv Ntuj pom peb sib hlub koom siab ua ib ke tuaj ze Tswv Ntuj. Tswv Ntuj tsis xaiv tus muaj los tus pluag, tus zoo nkauj los tus zoo nraug, Tswv Ntuj hlub txhua tus ces tus neeg me me li kuv no tuaj koom nej ua ib ke los Tswv ntuj yuav zoo siab dua kuv tsis tuaj nrog nej nyob ua ke o) .

    Kuv nyiam muab txhua tsav txhua yam txiaj ntsim peb ua tau zoo rau sim ceeb no los tshaj tawm, kom nyob tsis ploj. Lub caij lub nyoog hloov mus, tiam sis kev sib hlub sib nco yuav tsum thxob ploj ( souvenir ). sunny




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 16th November 2010, 7:38 am


    Myspace Neon Flash Comments




    Cas xyoo laus nim tas lawm tuaj lawm sib nrho...ces xyoo tshiab nim twb yuav tawm li plaws tuaj txog hnub no...om

    Cas xyoo laus niam tas lawm tuaj lawm sib tiag...ces xyoo tshiab nim twb yuav tawm li plaws tuaj txog hnub no kiag...om


    Cas xyoo tshiab ces nim twb yuav tawm li plaws tuaj txog hnub no,ces peb ib tsoom ntseeg kwv tij Hmoob mus lawm neej tsa es thiaj li yuav tau los muab tag lub mi paj tsiab mus lawm tuaj lawm peb caug los noj quas xyoo laus es peb yuav tau los noj tas mi mov nplej tshiab ntxuag nqaij qaib mus lawm nqaij npuas...los cia peb nco tib lawm ntsuj ntsoov tias peb twb tau txais txoj mi kev noj qab mus lawm tuaj lawm nyob zoo los dhau xyoo los nim twb yog muaj tas lawm HUAB TAIS NTUJ los ua tus hlub mus lawm tuaj tus saib xyuas...om


    Cas xyoo tshiab ces nim twb yuav tawm li plaws tuaj txog hnub no kiag,ces peb ib tsoom ntseeg kwv tij Hmoob mus lawm neej tsa es thiaj li yuav tau los muab tag lub mi paj tsiab mus lawm tuaj lawm peb caug los noj quas xyoo laus es peb yuav tau los noj tas mi mov nplej tshiab ntxuag nqaij qaib mus lawm nqaij nyuj...los cia peb nco tib lawm ntsuj ntsoov tias peb twb tau txais txoj mi kev noj qab mus lawm tuaj lawm nyob zoo los dhau xyoo los nim twb yog muaj tas lawm HUAB TAIS NTUJ los ua tus saib xyuas lawm tuaj ua tus hlub no...om


    Cas cia peb muab lub mi paj tshiab mus lawm tuaj lawm peb caug los noj rov tag nrho ces cia peb tsis txhob yuav mus qaug rau txoj mi kev khwv noj mus lawm tuaj lawm khwv haus tas niaj mus lawm tuaj rov tag xyoo...uas cia peb nco tib lawm ntsuj ntsoov txog HUAB TAIS NTUJ teg dej num mus lawm tuaj lawm tej num es thiaj yuav mus zoo...om

    Cas cia peb muab lub mi paj tshiab mus lawm tuaj lawm peb caug los noj rov tag nrho ces cia peb tsis txhob yuav mus qaug rau txoj mi kev mus pw ua dab ntub mus lawm qaj qaug...uas cia peb nco tib lawm ntsuj ntsoov txog HUAB TAIS NTUJ teg dej num mus lawm tuaj lawm tej num es thiaj yuav mus zoo rau txhua leej mus lawm tuaj lawm txhua tus tau hnov txog...om


    Cas cia peb muab lub mi paj tshiab mus lawm tuaj lawm peb caug los noj rov tag nrho ces cia peb muab ib puas lawm yam tsav fij rau HUAB TAIS NTUJ thiaj li yuav zoo es peb ib tsoom kwv tij Hmoob mus lawm neej tsa ces thiaj yuav tau txaus HUAB TAS NTUJ txoj koob mus lawm txoj hmoo zoo rov txog lwm xyoo...om

    Cas cia peb muab lub mi paj tshiab mus lawm tuaj lawm peb caug los noj rov tag nrho ces cia peb muab ib puas lawm yam tsav fij rau HUAB TAIS NTUJ thiaj li yuav ruaj... es peb ib tsoom kwv tij Hmoob mus lawm neej tsa ces thiaj yuav tau txaus HUAB TAS NTUJ txoj koob mus lawm txoj hmoo zoo rov txog lwm xyoo rov tawm tuaj...ces nim twb yuav zoo lam xeeb...om



















    mam tuaj txuas ntxiv....


    Last edited by Maiv Paj Lug on 22nd November 2010, 5:25 pm; edited 1 time in total




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 16th November 2010, 10:46 am



    Nyob zoo Maiv paj Lug,

    Maiv, pom nws tso zaj kwv txhiaj, yog nws muaj caij no nws muab seev suab hais kiag rau peb mloog ntshe yuav zoo heev...Vim nws lub suab nkoov zoo heev.


    Hmoob Paris siab zoo coj tau lub neej nto moo
    Hmoob Paris siab ntshiab coj tau lub neej ntxim nyiam

    Nej txawj coj nrog txawj hais
    Thiaj nyob ua npoj koom ua yaig

    Nej txawj qhoob nrog txawj hlub
    Thiaj sib koom nrog Tswv Ntuj

    Nej siab loj nrog siab dav
    Thiaj ua hno puv rooj ntxim qab

    Nej npaj tau cuaj phaj yim ntim
    Noj sib hlub haus sib fim

    Nej npaj tau cuaj taig yim pob
    Noj sib cev haus sib txhob

    Nej coj tau zoo raws tswv Ntuj qhia
    Ua lub neej sib hlub sib nyiam

    Tswv Ntuj yuav luag ntxhis
    Roos nej hauv nws tus duab ci...os Hmoob Paris...cov kwv tij muaj txuj ci tsim nyog nyob Tuam Ceeb Paris...Tiag tiag li...







    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: TSEV HMOOB NTSEEG PARIS

    Post  Mim on 16th November 2010, 5:05 pm

    Maiv Paj Lug,

    koj tso tau nej cov duab noj peb caug nyob Paris zoo kawg li... Nej ua tau ntau yam zoo heev... Kuv pom nej cov zaub mov mas kuv xav tuaj saj kom txhua kawg li vim nej ua tau ntau hom zaub mov ntxim qab kawg li.

    Cas XH Nyiaj Lwm nkawd ob niam txiv tsis txawj pauv li os yod?

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 17th November 2010, 9:19 am

    Mim wrote:Maiv Paj Lug,

    koj tso tau nej cov duab noj peb caug nyob Paris zoo kawg li... Nej ua tau ntau yam zoo heev... Kuv pom nej cov zaub mov mas kuv xav tuaj saj kom txhua kawg li vim nej ua tau ntau hom zaub mov ntxim qab kawg li.

    Cas XH Nyiaj Lwm nkawd ob niam txiv tsis txawj pauv li os yod?

    Niamlaus Mim , xyov ua li cas XH Nyiaj Lwm thiab nws leej nkawm, twb laus tshaj 60 tawm xyoo lawm los nkawv tseem zoo li muaj 40 50 caug xyoo xwb as....nkawv yeej tsis laus li, tseem hluas li qub, nkawv tub ntxhais thiab xeeb ntxwv twb coob li coob lawm los nkawv tsis laus li tiag O:




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 17th November 2010, 9:29 am

    COV LAUS UA SI KEV LOM ZEM, LAWV UA IB TXOJ DAB NEEG NIAM TXIV NYOB PEM ROOB ZOM ZEB TUAV COS.












    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 18th November 2010, 9:37 am



    Nyob zoo Maiv paj Lug,

    Zoo kawg, ua ib yam dab tsi yog cov laus los koom tes nrog mas yeej zoo tshaj li.

    Cov hluas lawv muaj lawv zaj zoo, cov laus lawv muaj lawv txuj coj los ua ke, yuav ua tau ntau yam zoo thiab lom zem rau txhua leej.

    Koj qhov Repoprtage nov ua tau zoo heev.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Hmong Catholique nyob Paris muag Calendrier 2011

    Post  Maiv Paj Lug on 19th November 2010, 11:44 am




    Tsev Hmoob Ntseeg Ntuj Catholique nyob Paris hlub tshua txog cov me nyuam Hmoob kawm ntawv nyob As Xias. Nej txhua tus yeej paub tseeb tias tsoom Hmoob yog ib haiv neeg nyob toj siab tsis muaj kev kawm txuj kawm ntawv, tej txhia kuj tau mus kawm tas hoob nqis nyuaj heev. Tsawg tsawg tus thiaj tau mus kawm ntawv me me nyob hauv lawv lub zos tiam sis tsis muaj nyiaj mus kawm kom siab.

    Zoo li peb txhua tus twb tau paub los lawm txog ntawm T.P Tshaj Xwm nyob Thaib Teb tau tshaj tawm. Nws tuav lub Tsev Hauv Paus rau cov Tub Txuj tuaj so, ib tug me nyuam kawm ib xyoo nrog rau kev noj haus raug siv nyiaj txog ntawm 200€ = $300 .

    Vam thiab cia siab tias nej txhua tus yuav nrog peb koom tes yuav cov calendrier no mus pab txhawb lawv kawm ntawv. Peb txhua tus yuav tau pab lawv zoo li peb pab peb cov me nyuam nyob teb chaws vam meej. Thov txhua tus pab txhawb kom cov me nyuam no tau ib lub neej zoo lawm yav tom ntej, nco ntsoov tias Tswv Ntuj twb pub peb los nyob rau teb chaws tau zoo lawm, peb yuav tsum nrog koom tes mus pab cov txom nyem kom lawv muaj ib hnub li peb thiab.


    Yog li no peb thov nej ib leeg pab yuav ib daim calendrier ntawm no yog 5€ xwb, yog leej twg muaj lub siab dawb, muab tshaj me ntsis los peb muaj lus nqa tes ua tsaug rau nej lub siab dawb.

    Thov kom peb txhua tus nco ntsoo tej laus niaj txi piv txoj lug tias:



    Yog peb tsis sib pab, leej twg tseem yuav los pab peb?
    Yog Hmoob tsis pab Hmoob, leej twg yuav los pab Hmoob?



    Yog peb sawv daws tsis sib pab cawm lub Tsev Hauv Paus Tseej Maim, Ntshe Peb Hmoob yuav tsis nrog luag Pej Kum muaj teeg tug ntxiv lawm. Vim tsis muaj nyiaj los qhov twg los, cov Xib Hwb tsis muaj nyiaj hli, cov Tub Txuj tsis muaj nyiaj kawm, ces lub Tsev yuav raug lws mus rau lwm haiv neeg...


    Thov kom nej txhua tus tau txais kev noj qab nyob zoo.

    Tsev neeg ntseeg nyob Paris Evry, hnub tim 13.11.2010.

    Leej twg xav tau PM rau kuv mam muab chaw nyob ntawm tus Tswv muag cov ntawv no rau nej, los sis nej PM muab nej chaw nyob rau kuv mam li xa tuaj rau nej los tau. Ua tsaug ntau.








    PS: Kuv mam tuaj tso duab lub 1 hli mus txog 12 hlis ntxiv rau nej saib....



    Last edited by Maiv Paj Lug on 19th November 2010, 8:26 pm; edited 1 time in total




    <3 <3 Pab kuv rov los cuag koj Huab Tais Yesxus <3 <3

    va nyia lu

    Messages : 7
    Date d'inscription : 2010-11-13

    Re: TSEV HMOOB NTSEEG PARIS

    Post  va nyia lu on 20th November 2010, 12:52 am

    Peb Tsev Hmoob Catholique cheeb tsam Paris tsa tes ua taus rau nej sawv daws tsaug ntau rau nej sawv daws txoj kev pab thiab txhawb txhim. thov nej cev tes pab thiab peb thiaj yuav mus tau 1 ruam rov tom ntej.

    vam thiab tos ntshis nej sawv daws txoj kev pab.

    XH Nyiaj lwm.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV HMOOB NTSEEG PARIS

    Post  Maiv Paj Lug on 20th November 2010, 10:22 am

    va nyia lu wrote:Peb Tsev Hmoob Catholique cheeb tsam Paris tsa tes ua taus rau nej sawv daws tsaug ntau rau nej sawv daws txoj kev pab thiab txhawb txhim. thov nej cev tes pab thiab peb thiaj yuav mus tau 1 ruam rov tom ntej.

    vam thiab tos ntshis nej sawv daws txoj kev pab.

    XH Nyiaj lwm.

    XH Nyiaj Lwm koj tuaj tau lawm lauj cheers

    Kuv twb hnov koj li message hauv phone tas lawm, kuv sim hu niam ntxawm neb tab sis tsis muaj neeg txais li thiab ces thaum twg khoom mam rov hu nrog koj tham thiab qhia tej yam koj xav paub. Koj twb tuaj tau lawm, muaj caij no tuaj sau tej zaj kev ntseeg pub peb nyeem thiab nawb XH Nyiaj Lwm.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 22nd November 2010, 8:56 am

    Nyob zoo Maiv paj Lug,


    Ua tsaug rau nws lub siab zoo uas tuaj tshaj txog cov kwv tij Hmoob Paris kev muag ntawv xam nyoog xyoo 2011 no mus pab TP. Tshaj Xwm lub Tsev Hauv Paus nyob tseej Maim thiab. Yog ib lub tswv yim zoo heev uas muaj cov neeg siab dawb nyhav siab txog ib lub SUAB Hu. Tsoom Ntseeg nyob Cheeb tsam Paris tswv yim muag Ntawv Xam Nyoog, Tsoom Ntseeg nyob Strasbourg muag kiav cw, ncuav qab zib tom tej tsev kawm ntawv los yog ntawm cov Koom Haum, khaws cov paj ntsig xa rau TP. Tshaj Xwm. Cov nyob Lyon, tseem tssi tau muaj tswv yim yuav nrhiav nyiaj li cas, tab sis lawv lub siab dawb tuaj yeem thau nyiaj hauv lawv hnab tshos los sib koom xa mus. Tam sim nov tseem tssi tau paub yuav pab tau pes tsawg leej, tab sis txawm li cas los yeej yuav tsum pab tau tshaj ib leeg tub txuj.






    Dynamic Glitter Text Generator at TextSpace.net



    Dynamic Glitter Text Generator at TextSpace.net















    TSEV HAUV PAUS TSEEJ MAIM 2010



    COV TXIV PLIG HMOOB



    LOS TSUAS TEB

    Tswv Qhia Txwj Choo Thoj

    FAB KIS TEB

    TP. Cwj Vuam Chiv Yaj



    USA

    TP. Twv Yeek Vaj

    THAIB TEB

    TP.Tshwj Xwm Thoj




    SUAV TEB

    TP.Thoj Chij

    SUAV TEB

    TP.Zom




    SUAV TEB

    TP. Vaj

    SUAV TEB
    TP. Yaj Sawm



    LUB TSEV HAUV PAUS TSEEJ MAIM





    Txiv Plig Tshaj Sawm yog tus tsim Tsev Hauv Paus Hmoob Tseej Maim xyoo 1975 kom yog ib qho chaw tau pab cov hluas Hmoob tuaj mus kawm ntawv nyob hauv roog kom tsoom hwv Thaib thiaj li saib tau peb haiv
    Hmoob thiab txiv plig pom tau tias kev kawm ntawv xwb thiaj li yuav yog txoj hau kev coj kev vam meej thiab lub hwj chim txog rau Hmoob. Txiv plig txuag nyiaj thiab maj mam yuav av ib xyoo me ntsis thaum kawg thiaj li muaj tsev hauv paus rau peb haiv Hmoob.




    Thaum chiv thawj cov hluas tsis tau kawm dua ntawv li ces tuaj pib kawm nyob Tsev Hauv Paus nruab hnub kawm kev ntseeg thiab hmo ntuj mus kawm ntawv Thaib. Tam sim no peb kuj tseem ua raws ib yam li thaum ub, nruab hnub kawm kev ntseeg thiab hmo
    ntuj mus kawm ntawv Thaib thaum kawm tiav lawm ib txhia kawm ntxiv rau txeej siab college, qee leej ua Xib Hwb rov los pab lub Koom Txoos, ib txhia mus ua hauj lwm hauv nroog los rov mus pab niam pab txiv ua tus coj nyob hauv lub zos.




    Cov Tub ntxhais hluas xyoo 2010 no thiab
    Cov Xib Hwb sau siab thiab rov cog lus ua Xib Hwb




    Cov hluas xyoo no uas lawv kawm nyob high school muaj 16 leej thiab cov uas lawv twb kawm tiav nyob tsev Hauv Paus lawm thiab tam sim no lawv tab tom kawm
    txheej siab rau college muaj 10 leej. Tseem muaj ob peb leeg hluas uas tuaj so hauv tsev Hauv Paus thiab mus kawm sab nraud.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 22nd November 2010, 9:02 am



    COV HLUAS TAWM ROOJ SAU SIAB



    Coj cov hluas mus teev ntuj zov hmo hais saw Mab Liab thiab sawv txais hnub tshiab nyob peb roob hav zoov cav txog peb txiv Tswv Ntuj
    yog tus muaj hwj chim tus Tsim ntuj tsim teb tsim tas ib puas tsav yam. Cev peb lub siab lub ntsws lub tswv yim rau Tswv Ntuj.



    Nyob pem ntuj Tswv Ntuj nto meej nto moo
    nyob Yaj Ceeb cov neeg siab dawb siab huv lawv nyob kaj siab lug.

    Cov tub ntxhais hluas Hmoob tuaj kawm kev ntseeg



    Txais lub Cim Ntxuav thiab lub Cim Txhab Zog
    nyob Tsev Hauv Paus Hmoob Tseej Maim Lub 3 hli 2010




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 22nd November 2010, 9:03 am


    Sim Leej Tuaj Pab Christmas 2009



    Sim Leej ib tug hluas Hmoob nyob Sheboygan Wisconsin uas nyiam Tswv Ntuj nws siv nws tus peev xwm los ua tim nkawv txog Huab Tais Yes Xus cov lus qhia thiab tuaj pab kuv mus pem roob ua Christmas rau ob peb lub zos Hmoob. Nws tau coj kev lom zem, kev zoo siab, qab zib, sau Mab Liab, kev ntseeg tuaj mus faib rau peb haiv Hmoob. Nws thoob tsib thiab ntse pom tias yuav ua li cas thiaj li pab tau cov txom nyem, nws tuaj kawm txiv plig Tshaj Sawm kev tshaj ntuj lus.





    Cov Hauj Lwm Uas Nej Pab Txhawb nqa


    - Pab qhia kev Tshaj ntuj lus kho tsev teev ntuj los ua tsev teev ntuj
    - Pab kev mus tshaj ntuj lus, peb muaj 40 tawm lub zos thiab 14 leeg xib hwb
    - Pab cov muaj txom nyem mus kho mob
    - Pab cov hluas kom tau kawm ntawv
    - Pab cov mus kawm ua phauj ua txiv plig
    - Pab Thov ntuj rau peb


    Mloog Tswv Ntuj Lus


    Lub caij tam sim no lub lub ntuj lub teb nws tsis zoo li txheej ntaud lawm, ntuj los nag tsis raws caij nyoog, huab cua hloov, lub caij kub nws kub dhau lub caij no nws no dhau, av qeeg, dej nyab, muaj khaub zig cua, cua daj cua dub. Muaj mob ntau yam, tib neeg lub siab kub ua tsov ua rog sib cav sib ceg, tej niam txiv sib nrauj ua dog ua dig, niam txiv hais tsis tau me tub me nyuam, me tub me nyuam tsis mloog niam thiab txiv lus qhia, tej tub ntxhais tsis txawj ua noj ua hos, haus dej tsis pom hauv dej noj mov tsis tau mus pom tsob nplej, muaj tsev nyob tsis nyob hauv tsev, pw lig sawv lig tej no ces yog peb lub neej tam sim no.
    Tswv Ntuj hlub cov ntseeg uas lawv nyiam ntuj thiab ntshai txog ntuj rau txim. Cov neeg muab hlob khav theeb Tswv Ntuj ua kom lawv tawg. Cov muaj hwj chim muab hlob nws yuav poob hwj chim, cov neeg siab ncaj tsis muab hlob Tswv Ntuj yuav foom hmoov zoo (Lus Kas 1:46-56). Tam sim no tib neeg ua ywj siab lawv tsis ntshai txog ntuj lawv xav tias tsis yog txhaum thaum ub Hmoob ua tsis zoo ces Hmoob hais tias ntshai ntuj yuav rau txim vim muaj lub ntuj nyob saud pom. Txheej tam sim no sawv daws txawj ntse muab hlob khav theeb tsis txawj sib zam yuav tsum ua raws li kuv lub siab nyiam xwb thiaj li yog ces lawv nyob ua ke tsis tau sib tawg, cov ua neeg me mloog lus ces lawv nyob tau ua ib pab ib pawg. Cov ua nws ua loj thiab khav theeb ces tsis ntev nej yuav pom nws poob ntawm nws lub hwj chim sai sai. Peb yuav daws tau thej kev nyuaj kev ntxhov hauv peb lub neej yog tias peb mloog Tswv Ntuj lo lus qhia, nyiam Tswv Ntuj thiab nyiam luag tej ib yam li koj nyiam koj. Koj xav kom luag tej ua zoo rau koj ces koj ua zoo rau luag tej. Yog koj ua phem rau luag ces kuj yuav muaj tus tuaj ua phem rau koj, koj ze luag poj luag sev ces kuj yuav muaj tus tuaj zes koj poj koj sev, niam txiv mloog ntuj lus ces me tub me nyuam mloog niam txiv lus.
    Neeg tsis mloog ntuj lus khav theeb tias lawv ntse dua Tswv Ntuj. Tswv Ntuj tsim xyoob ntoo neeg muab ntov tas, Tswv Ntuj tsim poj qaib kom nteg qe ib hnub ib lub neeg muab tshuaj txhib poj qaib kom ib hnub nteg ob lub qe thiaj txaus noj. Tswv Ntuj tsim huab cua nag los ywg tej txhiam laj txhiam xws, neeg siv suaj los ywg tej txhiam laj txhiam xws kom hlob sai sai thiaj tau noj sai sai. Neeg tsis mloog ntuj lus ces neeg thiaj li muaj mob nyuaj nkeeg vim li no neeg pib xeeb nyob hauv nws niam lub plab xwb ces pib noj tshuaj, yug los yuav tsum noj tshuaj, hlob tuaj mus tsev tshuaj, laus ces pw nyob tsev tshuaj. Tej me nas me noog lawv mloog ntuj lus lawv tsis tas noj tshuaj los lawv tsis muaj mob muaj nkeeg, lawv tsis muaj lub tsev kho mob, tas lawv sim neej lawv laus thiab tuag tsis tau noj ib lub tshuaj. Tej hav zoov nuj txeeg lawv tsis rau tshuaj tsis rau chiv lawv tshuas haus dej nag li ntuj pub xwb tab sis lawv hlob mos nyoos loj thiab khov tshaj. Peb mloog ntuj lus mog.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 22nd November 2010, 9:04 am



    Tsev Hauv Paus Hmoob Puas Tseem Noj Qab Nyob Zoo?


    Tsev Hauv Paus Hmoob txij thaum txiv plig Tshaj Sawm tas sim neej lawm, sawv daws ntau siab me. Pib txom nyeem tsis muaj tus pab txhawb nqa sab nyiaj ntxiag ces txais cov hluas tsawg zuj zus xyoo 2009 tshuas muaj 8 leej hluas xwb xyoo 2010 kuv los txais lub luag hauj lwm thiab peb rov txais cov hluas tshiab thiaj li muaj raws li nej pom hauv cov duab saum no. Missio tsis pab tsev Hauv Paus lawm, tej pawg ntseeg kuj tsis pab lawm, ces peb lub Koom Txoos Tseej Maim Pab tuav sia xwb.

    Vim li cas peb yuav tsum txuag tsev Hauv Paus Hmoob?

    - Yog vim Txiv Plig Tshaj Sawm tsim kom Hmoob muaj chaw so nyob hauv nroog sij hawm tuaj kho mob, kawm ntawv, tuaj tsaus ntuj hauv lub nroog tau chaw so.
    - Yog ib qho chaw pab txhawb nqa peb txoj kev ntseeg, qhia kom muaj ib co xib hwb los tshaj ntuj lus, npaj ib co ntxhais mus kawm ua phauj, npaj ib co tub mus kawm ua txiv plig, qhuab qhia ib co hluas kom lawv txawj ua neeg ntseeg zoo.
    - Raws li kuv hnov ntawm txiv plig Txhiaj Foom nyob Suav teb, Cov Tsib teb, Nplog teb lawv tsis muaj ib qho chaw pab cov hluas thiab qhuab qhia kom muaj ib co xib hwb Hmoob nyuaj uas lawv yuav pib tsim tej qhov chaw zoo li no, ces pom tau tias yav tom ntej lawv yuav xa tej tus tuaj nrog peb nyob kawm ua xib hwb rov mus pab peb haiv Hmoob peb roob.
    - Yog peb tsis txuag ces pom tau tias tom ntej mus ntshai yuav muaj dua lwm haiv neeg toj siab tuaj siv peb tej vaj tse no vim tam sim no tej chaw no yog lub Koom Txoos Npe lawv yuav caum peb khiav thaum twg kuj tau. Yuav Nyuaj uas peb rov los pib dua tshiab, Txhob hais ntau mob siab.

    Nej yuav pab tsev Hauv Paus Hmoob tau zoo li cas?

    - Pab ua txhawb nqa peb cov me nyuam kawm ntawv nej ob peb leeg pab kom peb txais tau ib tug me nyuam tuaj kawm ntawv. Ces nej 100 leej sib pab ces yuav pab tau 10 leej tub hluas lawm yog peb sib tos ces yeej yuav tos must as sij neej peb pib ces yuav muaj tus raws qab. Tam sim no mas tsuas muaj ib tug Philipino uas nws ua hauj lwm nyob Canada pab ib tug me nyuam ib xyoo nws pab 300 $ tom ntej mus nej tseem yuav sib pab kom muaj cov tuaj Suav teb tuaj, Cob Tsib teb, Nplog teb.

    - Yuav xa zoo li cas rau leej twg?


    Fr.Chakrit Saethao
    Hmong Catholic Center
    88 Chotana Road
    Muang Chiangmai 50300
    Thailand
    Email : brochakrit@hotmail.com

    (Xa nyob hauv Western Union, Money Gram,
    yog check xa rau Hmong Catholic Mission)
    Or Account Name Hmong Catholic Mission
    Krung Thai Bank Public Company Limited
    Account No. 547 0 36976 5)




    - Thaum nej so lawm nej yuav tuaj pab peb ua hauj lwm nyob Tsev Hauv Paus Hmoob, thov pab dawb dawb xwb mog, tuaj qhia tej txuj uas nej paub, Tshaj ntuj lus, los tuaj nrog peb nyob.
    - Xa tej cov me tub me nyuam tuaj koom nrog peb cov hluas teev ntuj ua ke kom lawv yuav txawj lus Hmoob, mus pem roob nrog Hmoob nyob thiab pab peb cov Hmoob pem roob kom lawv yuav pom kev txom nyem, kev tshaib nqhis.
    - Tseem yuav vam txog nej pab peb cov hluas kom lawv yuav tau mus pom kev vam neej nyob hauv nej lub teb lub chaw uas twb vam meej lawm. Tos mus nrog nej nyob hauv nej lub tsev ib ntus.
    Thov Tswv Ntuj Foom Hmoov Zoo Rau Nej Sawv Daws

    Tus sau: TP Tshaj Xwm Thoj, C.Ss.R.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 22nd November 2010, 12:06 pm



    TP. Tshaj Xwm tuaj Fab Kis teb lub 6 hli 2010






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: TSEV HMOOB NTSEEG PARIS

    Post  Maiv Tooj on 22nd November 2010, 8:33 pm






    Maiv Paj Lug me ntxhais siab nkiag txawj hais lus
    Maiv Paj me ntxhais txawj hais lus siab ncaj

    Nws lub siab ntshiab coj tus yam ntxwv ntxim nyiam
    Nws lub siab zoo coj raws li Tswv Ntuj tos ntsoov







    Sponsored content

    Re: TSEV HMOOB NTSEEG PARIS

    Post  Sponsored content Today at 3:10 pm


      Current date/time is 10th December 2016, 3:10 pm