Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 10:30 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    TSEV KHO THIAB KAWM HAIS LUS HMOOB

    Share

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    TSEV KHO THIAB KAWM HAIS LUS HMOOB

    Post  Npuagtub on 23rd October 2011, 4:58 pm

    Photobucket

    Nyob zoo cov phooj ywg txhua leej,

    Thov caw nej txhua leej los peb sib coj kawm txog kev hais lus Hmoob nyob rau kem tsev no kom yog raws li peb tej lus Hmoob tiag tsis hais yuav yog lus Hmoob Dawb los Hmoob Lees. Nej tus paub thiab pom tias peb muaj cov lus Hmoob uas peb muab hais tsis yog lawm no los thov caw nej coj tuaj qhia rau peb sawv daws tau paub thiab kawm kom lub neej tom ntej no peb cov me nyuam thiaj li tau kawm thiab peb cov lus Hmoob thiaj li tsis poob los yog thiaj li muaj nuj nqis rau peb haiv Hmoob.


    LO LUS YOG- thiab - LO LUS TSI YOG

    Sib sib ---------- Swb swb, sib swb
    Sib heev ---------- Sib hwv, swb hwv
    Sib kawg ---------- Sib kwg, swb kwg
    Sib ntsib ---------- Swb ntswb
    Sib ---------- Swb
    Ntsws ntsuav ---------- Ntsws ntsov
    Ntsim ntsim ---------- Ntswm ntswm
    Kim kim ---------- Kwm kwm
    Muaj kuab ---------- Muaj kob
    Muaj tsim ---------- Muaj tswm
    Nruab ---------- Ntsuab
    Nruab nrab ---------- Ntsuab ntsab
    Nrov nrov ---------- Ntsov ntsov
    Nrim ---------- Ntswm
    Nrim teb ---------- Ntswm teb
    Nrwb ---------- Ntswb
    Rab ---------- Tsab
    Ruaj ---------- Tsuaj
    Ruam ---------- Tsuam
    Neeg ruam ---------- Neeg tsuam
    Ua ruam kev ---------- Ua tsuam kev
    Ruam heev ---------- Tsuam hwv
    Txhob ruam ruam ---------- Txob tsuam tsuam
    Ris ---------- Tsws, tsis
    Ris tsho ---------- Tsis tsho
    Rab riam ---------- Tsab tsiam
    Rov ---------- Tsov
    Rov qab ---------- Tsov qab
    Rov los ---------- Tsov los
    Rov los hauv tsev ---------- Tsov los hauv tsev
    Roob ---------- Tsoob
    Roos ---------- Tsoos
    Sib roos ---------- Swb tsoos
    Rooj ---------- Tsooj
    Rooj tshoob ---------- Tsooj tshoob
    Lawv roob ---------- Lawv tsoob
    Mus lawv roob ---------- Mus lawv tsoob
    Txiv ---------- Txwv
    Leej txiv ---------- Leej txwv
    Txiv ntoo ---------- Txwv ntoo
    Txiv nyiaj ---------- Txwv nyiaj
    Txij ---------- Txwj
    Txij hnub no ---------- Txwj hnub no
    Ntxiv ---------- Ntxwv
    Muab ntxiv rau ---------- Muab ntxwv tsau



    Last edited by XH. Npuagtub on 24th October 2011, 3:21 am; edited 1 time in total



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV KHO THIAB KAWM HAIS LUS HMOOB

    Post  Maiv Paj Lug on 24th October 2011, 3:10 am

    XH NpuagTub,

    Yog ib lub tswv yim zoo ua koj tuaj tsim lub tsev no rau peb kho peb cov lus Hmoob , ua tsaug ntau......raws li kuv pom koj cov ntawv saud uas nyob sab "tsis yog lus Hmoob" txheej tiam no me tub me nyuam hais lus Hmoob tsis meej pes tsawg lawm es lawv hais tau si si ces lawv sau ntawv Hmoob raws li lawv hnov qhov si si ntawd lawm xwb os.

    Qhov kuv xav kho mas kuv xav kho cov ntawv Hmoob uas kuv tsis pom zoo ib txhia neeg cia li lam tau lam kho ntawm lawv tus kheej ces cia li mus sau lwm yam xws li :

    Nkauj...los tseem muab kho mus ua ...Gao
    ntse ...los tseem muab kho mus ua ... Je
    Hmoob ...los tseem muab kho mus ua ... Mong
    Nplhaib ...los muab kho ua ...Blaib
    Npib ...los muab kho ua ...Bib
    ntxhais ...los muab kho ua ...Nxais

    kab lus muab sau ua ob kab lus nej nyeem tau kab twg?

    1/ Kab tsis yog =Kuv pom ib tug nxais Mong coj ib lub blaib nyiaj bib zoo gao kawg gaos

    2/ Kab yog = Kuv pom ib tug ntxhais Hmoob coj ib lub nphlaib nyiaj npib zoo nkauj kawg nkaus


    Xav kom cov Hmoob uas nyias hloov nyias tus tes ntawv Hmoob, nej nco ntsoov tias peb Hmoob cov lus tsis zoo hais li lwm haiv neeg cov lus, peb Hmoob cov lus yuav tsum muaj siv cov CIM rau nram kawg es thiaj hais lus Hmoob meej xws li cov cim:

    siaB, ntuJ, kuV, neeG, niaM, muS, toD,(UA)tsis tso dab tsi..>(...)

    Peb yuav tsum siv cov cim twj ywm rau nram kawg xwb, txhob lam tau lam siv li nram no:

    Bib, Blaib, Je ,Gao, Nxais...ect...


    Cov CIM nej muab sib tov nrog cov LUS lawm cov ces neeg nyeem tsis to taub li lawm....Yog peb Hmoob siv li no lawm yav tom ntej xwb ntshe yuav ua rau peb Hmoob sau lus Hmoob tsis yog lus tas, vim hais tias, nyuj mus nyuj , nees mus nees, ua tab ua tauv, nyeem tsis tau.




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TSEV KHO THIAB KAWM HAIS LUS HMOOB

    Post  Npuagtub on 24th October 2011, 3:30 am

    Mp,

    Cov sau li koj hais mas yog lawv tsis paub ntawv hmoob es lawv sau li ntawv mes kas thiab ntawv fab kis lawm nas. Muaj ib co mas yog lawv xav muab hloov mus ua yam tshiab xwb, tiam sis nws tsis raug li ntawv hmoob tus khws tsim tiag. Hos cov kuv hais mas yog hais lo lus tsis raug lawm os.



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV KHO THIAB KAWM HAIS LUS HMOOB

    Post  Maiv Paj Lug on 24th October 2011, 3:41 am

    XH. Npuagtub wrote:Mp,

    Cov sau li koj hais mas yog lawv tsis paub ntawv hmoob es lawv sau li ntawv mes kas thiab ntawv fab kis lawm nas. Muaj ib co mas yog lawv xav muab hloov mus ua yam tshiab xwb, tiam sis nws tsis raug li ntawv hmoob tus khws tsim tiag. Hos cov kuv hais mas yog hais lo lus tsis raug lawm os.

    XH NpuagTub,

    Ob qho tib si yuav tsum tau qhia kom tag thiaj meej J: ...ua tsaug ntau rau nws lub tsev xyaum hais lus Hmoob kom meej nod nawb. Cia peb mam li sib pab kho, kuv yog cov génération tom qab no lawm, kuv yuav kawm ntawm nej cov ua Tij.




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TSEV KHO THIAB KAWM HAIS LUS HMOOB

    Post  Npuagtub on 24th October 2011, 8:35 am

    Nyob zoo cov phooj ywg,

    Lub sij hawm tam sis no muaj ntau leej nyias kuj tau muab cov ntawv hmoob no hloov ib co li nyias lub siab nyiam tiam sis nws kuj tsis muaj peev xwn hloov kom tas nrho los yog tsim ib co tshiab tas huv si, nws tsuas xav sau li nws siab xav tias yog xwb, yog li peb yuav kho los yuav hloov ib yam dab tsi mas yuav tsum muaj ntau leej cov kws txawj los nrog cov kws tswv uas tau tsim cov ntawv koom kho ua ke mas thiaj li yuav yog raws txoj cai thiab thiaj yuav siv tau rau sawv daws. Muaj ib txhia tau sau ib co ntawv hmoob tshiab zoo li no:


    LO YOG thiab LO TSIS YOG

    np --------- b
    npua -------- bua
    tus npua -------- tus bua

    nph -------- --bh
    nphoo -------- bhoo
    nphoo av -------- bhoo av

    npl ---------bl
    nplua -------- blua
    txoj kev nplua -------- txoj kev blua

    nplh -------- ---blh
    nplhaib --------blhaib
    lub nplaib -------- lub blhaib

    nk ---------- g
    nkauj -------- gaoj
    zoo nkauj -------- zoo gaoj

    nkh ----------- gh
    nkhaus -------- ghaus
    txoj kev nkhaus -------- txoj kev ghaus

    nts --------- j
    ntse -------- je
    tus neeg ntse -------- tus neeg je

    ntx ----------- dx
    ntxias -------- dxias
    ntxias neeg -------- dxias neeg

    ntsh ----------- jh
    ntshiab -------- jhiab
    dej ntshiab -------- dej jhiab

    ntxh ---------dxh
    ntxhw -------- dxhw
    tus ntxhw -------- tus dxhw

    Lus meskas, JES = Lus Hmoob Ntses.
    Lus Fabkis, JES = Lus Hmoob, ZES.

    Lus meskas, GES = Lus Hmoob, NTSES.
    Lus Fabkis, GES = Lus Hmoob, ZES.

    Suab -------- Shuab

    Phom -------- Pom

    rab phom loj -------- rab pom loj

    lus Meskas P = Lus hmoob PH.
    Lus Fabkis P = Lus Hmoob P.

    Plhom --------Plom

    Ib Plhom = Ib Plom

    Muaj ib co lawv tsis siv tus ( S ) ua lib cim lawm, lawv muab tus ( S ) los siv rau lo lus muaj ntau yam li:

    ib tug nab ---------- 0b tug nab (s)
    ib tug qaib ---------- 0b tug qaib (s)

    Cov lus hloov no feem ntau kuv pom yog cov Hmoob nyob Meskas lawv yog cov muab hloov ntau dua cov Hmoob nyob rau lwm qhov chaw. Tej yam hloov zoo li no yuav ua rau peb cov me nyuam tsis nkag siab kawm txog tus ntawv hmoob no.





    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV KHO THIAB KAWM HAIS LUS HMOOB

    Post  Maiv Paj Lug on 25th October 2011, 4:39 am

    XH NpuagTub,

    Yog kuv mus pom cov ntawv es sau hloov ces kuv yeej nyeem tsis tau, nyeem los yuav ziv sij hawm ntev los txhais dua ib lwm seb nws hais dab tsi, li no mas nkim sij hawm nyeem heev ces kuv yeej tsis nyeem cov neeg sau ntawv hloov cov ntawv li os.

    nej sim nkab niag ntawv Hmoob kuv pom lawv hloov txawv txawv hauv qab no seb ho txhais li cas xwb lau :

    Nub no muaj ib gawm lhua gaoj lhua daog Mong ua dzoob tab tom sib yuav caij ib tus dhxw tuaj txog tao!





    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TSEV KHO THIAB KAWM HAIS LUS HMOOB

    Post  Npuagtub on 25th October 2011, 7:56 am

    Mp,

    Hais txog cov ntawv hmoob sawv daws muab hloov yim cuaj yam sib xyaws li no mas kuj yog ib qho ua rau sawv daws tsis paub nyeem lawm os. Ua li kuv hais feem ntau yog cov neeg nyob tim peb no yog cov hloov xwb, vim lawv xav hais tias lawv nyob teb chaws loj tej chaws nrov teb chaws ywj pheej ces lawv xav ua li cas los ywj lawv siab. raws li kuv nyeem tau koj kab lus hauv qab no mas hais tias:

    Hnub no muaj ib nkawm hluas nkauj hluas nraugHmoob ua tshoob tab tom sib yuav caij ib tus ntxhw tuaj txog tod.

    Nub no muaj ib gawm lhua gaoj lhua daog Mong ua dzoob tab tom sib yuav caij ib tus dhxw tuaj txog tao!

    Nub e peb mws peg tsoob kuv pom ib tug dxhw lawv tsoob ghaos jam taug u mas peb jhai jhai tsag nwg tsaum peb.





    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: TSEV KHO THIAB KAWM HAIS LUS HMOOB

    Post  Maiv Tooj on 25th October 2011, 8:17 am

    XH. Npuagtub wrote:Nyob zoo cov phooj ywg,

    Lub sij hawm tam sis no muaj ntau leej nyias kuj tau muab cov ntawv hmoob no hloov ib co li nyias lub siab nyiam tiam sis nws kuj tsis muaj peev xwn hloov kom tas nrho los yog tsim ib co tshiab tas huv si, nws tsuas xav sau li nws siab xav tias yog xwb, yog li peb yuav kho los yuav hloov ib yam dab tsi mas yuav tsum muaj ntau leej cov kws txawj los nrog cov kws tswv uas tau tsim cov ntawv koom kho ua ke mas thiaj li yuav yog raws txoj cai thiab thiaj yuav siv tau rau sawv daws. Muaj ib txhia tau sau ib co ntawv hmoob tshiab zoo li no:


    LO YOG thiab LO TSIS YOG

    np --------- b
    npua -------- bua
    tus npua -------- tus bua

    nph -------- --bh
    nphoo -------- bhoo
    nphoo av -------- bhoo av

    npl ---------bl
    nplua -------- blua
    txoj kev nplua -------- txoj kev blua

    nplh -------- ---blh
    nplhaib --------blhaib
    lub nplaib -------- lub blhaib

    nk ---------- g
    nkauj -------- gaoj
    zoo nkauj -------- zoo gaoj

    nkh ----------- gh
    nkhaus -------- ghaus
    txoj kev nkhaus -------- txoj kev ghaus

    nts --------- j
    ntse -------- je
    tus neeg ntse -------- tus neeg je

    ntx ----------- dx
    ntxias -------- dxias
    ntxias neeg -------- dxias neeg

    ntsh ----------- jh
    ntshiab -------- jhiab
    dej ntshiab -------- dej jhiab

    ntxh ---------dxh
    ntxhw -------- dxhw
    tus ntxhw -------- tus dxhw

    Lus meskas, JES = Lus Hmoob Ntses.
    Lus Fabkis, JES = Lus Hmoob, ZES.

    Lus meskas, GES = Lus Hmoob, NTSES.
    Lus Fabkis, GES = Lus Hmoob, ZES.

    Suab -------- Shuab

    Phom -------- Pom

    rab phom loj -------- rab pom loj

    lus Meskas P = Lus hmoob PH.
    Lus Fabkis P = Lus Hmoob P.

    Plhom --------Plom

    Ib Plhom = Ib Plom

    Muaj ib co lawv tsis siv tus ( S ) ua lib cim lawm, lawv muab tus ( S ) los siv rau lo lus muaj ntau yam li:

    ib tug nab ---------- 0b tug nab (s)
    ib tug qaib ---------- 0b tug qaib (s)

    Cov lus hloov no feem ntau kuv pom yog cov Hmoob nyob Meskas lawv yog cov muab hloov ntau dua cov Hmoob nyob rau lwm qhov chaw. Tej yam hloov zoo li no yuav ua rau peb cov me nyuam tsis nkag siab kawm txog tus ntawv hmoob no.



    Nyob zoo XH.Npuag Tub,

    Cov neeg uas ntse kuj ntse tsis nto ntsis, tws kuj tsis tws nto qwb mas ua tej yam deev pauv xwb. Nyuam qhuav txawj nyeem ntawv xwb twb mloog tsis tau lub suab, txawm siv hais tias ntse lawm yuav hloov txuj...Yog ntse mas yuav tsum nyias ntsais npaum li nplooj nqeeb thiaj li yuav khawb tau cag txuj qhov tseeb, yog ntse yuav nyias ntsais li nplooj ncaug thiaj li yuav rho tau cag txuj qhov raug...Tej no ces taug kev khaws taws qhuav, lam khav ntawm ntug cub xwb yuav tssi muaj ib tug twg yuav kam muab nws lub caij thiab lub cuab tam los hloov kom siv tau thiab khaws tau Hmoob ntuj li TP.Nyiaj Pov, TP.Tshawj sawm thiab Phauj Xis lawv lawm. Lawv lam muab cov ntawv tshiab lo los hloov cov qub, lawv txuj twb tsis loj txaus, lawv twb mloog tsis tau cov suab, phonetique tias tus B thiab tus NP tsis yog ib lub suab. Hmoob tus NP tsis yog lub suab B, Hmoob tus O tsis yog tus O, Hmoob tus AW tsis yog luag tus E, EU,Hmoob tus NTS tsis yog luag tus J....





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: TSEV KHO THIAB KAWM HAIS LUS HMOOB

    Post  Maiv Tooj on 25th October 2011, 8:19 am

    XH. Npuagtub wrote:Mp,

    Hais txog cov ntawv hmoob sawv daws muab hloov yim cuaj yam sib xyaws li no mas kuj yog ib qho ua rau sawv daws tsis paub nyeem lawm os. Ua li kuv hais feem ntau yog cov neeg nyob tim peb no yog cov hloov xwb, vim lawv xav hais tias lawv nyob teb chaws loj tej chaws nrov teb chaws ywj pheej ces lawv xav ua li cas los ywj lawv siab. raws li kuv nyeem tau koj kab lus hauv qab no mas hais tias:

    Hnub no muaj ib nkawm hluas nkauj hluas nraugHmoob ua tshoob tab tom sib yuav caij ib tus ntxhw tuaj txog tod.

    Nub no muaj ib gawm lhua gaoj lhua daog Mong ua dzoob tab tom sib yuav caij ib tus dhxw tuaj txog tao!

    Nub e peb mws peg tsoob kuv pom ib tug dxhw lawv tsoob ghaos jam taug u mas peb jhai jhai tsag nwg tsaum peb.



    Hahahah...! Cov nov ces yog nyob tsis muaj dab tsis ua es vwm saub tshiab lawm xwb os...!




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: TSEV KHO THIAB KAWM HAIS LUS HMOOB

    Post  Mim on 25th October 2011, 9:12 am

    Hahaha!!! Yog li no ntshai kuv yuav tsum tau mus tsim dua kuv ib co ntawv Hmoob thiab pob lod?...

    Nub e peb mws peg tsoob kuv pom ib tug dxhw lawv tsoob ghaos jam taug u mas peb jhai jhai tsag nwg tsaum peb.

    Saib kab ntawv saum no mas tus sau no yuav tsum yog nyob Mes Kuj xwb laiv yod, vim nws sau "e" nev, hos yuav tsum yog Hmoob ntsuab, vim Hmoob dawb tsis hais "tsoob" thiab "peg" na... Ua cas ob lo lus no nrog rau ntau ntau lo hauv no,ho tsis muab pauv ua lwm yam kom tas thiab ne?... tseem siv cov qub thiab maj?...Thiab ua cas tseem siv peb cov cim thiab?

    Yog peb nyias xev nyias li no mas ntshai yuav muaj ntau pua yam ntawv Hmoob li lau, thiab lam kwv yees rau xwb os...

    Tais Tooj, yog kawg li koj hais, thaum TP Nyiaj Pov lawv tsim cov ntawv Hmoob no mas lawv mloog peb lub suab thiab tsom peb lub qhov ncauj zoo zoo saib peb muab tus nplaig mus lo rau qhov twg hauv yus lub qhov ncauj tib si tas ces lawv mam los hais tias muaj lub suab tus txwm ntawv no nrog, thiab tus no, thiab tus no huv si nyob hauv, vim li no peb thiaj muaj cov ob tug peb tug plaub tug tsiaj ntawv sib dhos xws li np, npl, thiab nplh, lawv tsis yog lam taus lam cia li tso rau raws yus nyiam xwb.

    Muaj coob leej tam sis no (qhov ntau yog cov Protestants) uas lawv muab peb cov lus los sib lo, xws li no: Sawvdaws yuavtsum rausiab kawm txujci, es peb thiajli yuav muaj kev vammeej mus lawm yav tomntej.

    Lawv hais tias sib lo li no mas thiaj thooj li ntawv Mes Kas los ntawv Fab Kis no. Tiam sis kuv ho xav hais tias ntawv Nplog li lawv yeej tsis sau ua ib los zuj zus li, lawv cia li sau tas nrho ua ib kab xwb, kuj nyeem tau thiab, ntawv Hmoob txawm ua ib los ib los xwb los peb yeej nyeem tau kawm tau thiab. Tsis tas kom peb yuav tsum xyaum li luag no...

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: TSEV KHO THIAB KAWM HAIS LUS HMOOB

    Post  Maiv Tooj on 25th October 2011, 9:20 am



    Yog kawg Mim, Hmoob mas nyiam lawv luag qab thuam luag, lauj luag ko taw xwb tssi muaj peev xwm txua tau ib yam los yuav, tsim tau ib yam los coj...Niaj hnub lawv luag kua tham ncauj ua npuas ces tag nws sim neej ces tso tseg xwb...Yog ntse tiag mas yuav tsum ua kom muaj paus ntsis. Hmoob tej txuj tseem tshua ntau li ntau uas tssi tau tau sau ua tej phau ntawv tseg, kom tau khaws tseg tsam ploj lawm kav tsis muaj neeg ua li, tsuas tab caum luag qab hnia luag puas tsw ces qw tav tog tog xwb...Xav los mas tu siab kawg li...




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TSEV KHO THIAB KAWM HAIS LUS HMOOB

    Post  Npuagtub on 25th October 2011, 9:24 am

    Cov Phooj ywg,

    Cov neeg nyiam hloov cov ntawv Hmoob no mas yog cov nyob tim peb no xwb, yog kuv xav tsis yuam kev, vim lawv muab tus ntawv English los siv rau. Mim los lus ( Roob ) no lus hmoob lees los yeej hais ( Roob ) ib yam, tus hais tias ( lub tsoob ) no yog hais tsis meej xwb os. Thiab los lus ( rau ) no los yeej hais ib yam tiam sis muaj ib co hmoob lees hais tsis meej ces lawv thiaj hais ( tsau ).



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: TSEV KHO THIAB KAWM HAIS LUS HMOOB

    Post  Mim on 25th October 2011, 10:41 am

    XH Npuag Tub,

    Qhov koj hais tias lawv hais tsis meej no mas kuv kuj tsis paub tseeb thiab, vim ib txhia yeej hais li ntawd vim lawv tsev neeg los lawv pawg neeg yeej hais li ntawd tas nrho. "Tsoob" thiab "tsau" mas kuv hnov hnov lawm, tiam sis "tsaum" no mas zoo li kuv tseem tsis tau hnov dua li as...

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TSEV KHO THIAB KAWM HAIS LUS HMOOB

    Post  Npuagtub on 25th October 2011, 10:49 am

    Mim wrote:XH Npuag Tub,

    Qhov koj hais tias lawv hais tsis meej no mas kuv kuj tsis paub tseeb thiab, vim ib txhia yeej hais li ntawd vim lawv tsev neeg los lawv pawg neeg yeej hais li ntawd tas nrho. "Tsoob" thiab "tsau" mas kuv hnov hnov lawm, tiam sis "tsaum" no mas zoo li kuv tseem tsis tau hnov dua li as...

    Mim,

    Yeej yog li koj hais los mas, thaum ntej kuv yeej xav li koj hais vim yus tsis yog yam Hmoob hais cov lus ntawd, tiam sis kuv hnov ib tug Xib Fwb yog yam Hmoob hais lawv yam lus thiab nws kuj yog ib tug khws tshawb fawb thiab xav kho peb cov lus hmoob dawb thiab hmoob lees huv si kom hais meej thiaj li muaj nuj nqis, mas nws kuj tau hais tawm nyob TV. Hmoob qhia txog kev hais lus tsis meej ntawm peb cov neeg Hmoob tsis hais nyob teb chaws twg sawv daws muab peb cov lus Hmoob hais tsis yog tas lawm.



    Photobucket

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: TSEV KHO THIAB KAWM HAIS LUS HMOOB

    Post  Bao X Mary on 25th October 2011, 11:23 am

    Cov ntawv ntawd muab hloov tau zoo li tsis muaj kuab li as.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV KHO THIAB KAWM HAIS LUS HMOOB

    Post  Maiv Paj Lug on 26th October 2011, 5:20 am

    Mim wrote:Hahaha!!! Yog li no ntshai kuv yuav tsum tau mus tsim dua kuv ib co ntawv Hmoob thiab pob lod?...

    Nub e peb mws peg tsoob kuv pom ib tug dxhw lawv tsoob ghaos jam taug u mas peb jhai jhai tsag nwg tsaum peb.


    Hehe!...nej mas cas yuav txawj tham tas tus li os, Niamlaus Mim, koj mas ua kuv luag luag twb nyeem tsis tau kab ntawv koj sau es muaj neeg muab hloov txawv txawv saum no li lawm thiab os...ua li es lawv sau li ntawv ho yog txhais li cas lawm thiab no? puas yog lus Hmoob tiag ne?.... <img src=" longdesc="84" />

    Kuv kuj xav tias ua cas lawv txawj ntse kawg es lawv pheej tseem sid cov cim ua dab tsi thiab xwb tiag...twb pom xeeb muaj NP hloov ua B lawm ces kuj txhob siv tus cim siaB li lawm . Nyeem lawv kab lus saum no mas tseem siv tej los lus muaj tus cim tom kawg thiab, pom xeeb hloov ntawv Hmoob haib npaum ntawv ces kuj txhob sid cov cim li lawm las as, sau tsuag tsuag li yus hnov mus xwb las, keej npaum ntawv na, zoo li sau ntawv ruam tsis ruam kom txaus hlub, ntse tsis ntse kom txaus qhuas hos lam tau lam sau ntawv zoo li neeg xiam hlwb, ua rau nyeem tsis taus mas cas yuav xeeb txob ua luaj!

    Kuv xav hais rau cov neeg uas hloov ntawv Hmoob, peb cov ntawv Hmoob tsis yog lam tau lam muaj neeg xev tsim rau peb, nws yog T.P Nyiaj Pov uas yog Tswv Ntuj leej tub txib thoob tsib tau txais lub txiaj ntsim ntawm Tswv Ntuj tuaj pab tsim rau peb, yog Leej Tswv Yim Ntshiab yog tus txhawb T.P Nyiaj Pov kom tuaj qhia peb Hmoob sid , kawm thiab sau ntawv Hmoob, nws yog ib lub tswv yim tuaj ntawm Huab Tais Ntuj tuaj rau peb haiv Hmoob, peb tsis txhob lam tau lam muab kho tsis yog tas.

    Kuv yeej nyiam peb cov ntawv Hmoob T.P tuaj qhia tau meej meej dua cov neeg qhuas txawj ntse tam sim no hloov kho, yog hloov kho es sau tsis paub lub ntsiab li kab ntawv Niam laus Mim sau uaum no xwb ces txhais tias yuav poob txuj ci Hmoob mus yav tom ntej no, T.P Nyiaj Pov twb hais tias yog Hmoob tsis khaws Hmoob txuj ces 60 xyoo tom ntej no Hmoob yuav poob Hmoob txuj tag, cov kws txawj txawj ntse ntse yav tom ntej no yuav rov tshawb fawb dua Hmoob tej txuj 60 lub xyoo dhau mus mas yuav nyuaj kawg nkaus.




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV KHO THIAB KAWM HAIS LUS HMOOB

    Post  Maiv Paj Lug on 26th October 2011, 5:33 am

    Mim wrote:
    Muaj coob leej tam sis no (qhov ntau yog cov Protestants) uas lawv muab peb cov lus los sib lo, xws li no: Sawvdaws yuavtsum rausiab kawm txujci, es peb thiajli yuav muaj kev vammeej mus lawm yav tomntej.

    Lawv hais tias sib lo li no mas thiaj thooj li ntawv Mes Kas los ntawv Fab Kis no. Tiam sis kuv ho xav hais tias ntawv Nplog li lawv yeej tsis sau ua ib los zuj zus li, lawv cia li sau tas nrho ua ib kab xwb, kuj nyeem tau thiab, ntawv Hmoob txawm ua ib los ib los xwb los peb yeej nyeem tau kawm tau thiab. Tsis tas kom peb yuav tsum xyaum li luag no...

    Peb Hmoob yog peb Hmoob, peb tej ntawv twb sau tau ib lo ib lo meej meej thiab zoo zoo sau lawm, cas es tseem pheej muaj tug, muaj cov kho mus mus los los, kho kho twb ua yuam kev tag, kuv yeej tsis nyiam sau ntawv Hmoob sib txuam ob peb lo lus ua ke li thiab os, yog xav muab ntawv sib lo ua ke lamw no ces kuj txhob tso ib lo nyob li kuj muab txhua los lus lo kom tas xwb las cas tseem tseg tej lo lus nyob ib leeg ua rau neeg yuav sau yuam kev tas :

    Sawvdaws yuavtsum rausiab kawm txujci, es peb thiajli yuav muaj kev vammeej mus lawm yav tomntej.

    Sawvdaws yuavtsum rausiab kawmtxujci, espeb thiajli yuavmuaj kevvam meejmus lawmyav tomntej.

    Cov neeg xav hloov dhau lawm no ces hloov li kab liab saum toj no ntshe yuav sau yooj yim dua nes, tiam sis kuv mas yeej tsis nyiam kiag li




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TSEV KHO THIAB KAWM HAIS LUS HMOOB

    Post  Npuagtub on 26th October 2011, 5:48 am

    Maiv Paj Lug wrote:
    Mim wrote:
    Muaj coob leej tam sis no (qhov ntau yog cov Protestants) uas lawv muab peb cov lus los sib lo, xws li no: Sawvdaws yuavtsum rausiab kawm txujci, es peb thiajli yuav muaj kev vammeej mus lawm yav tomntej.

    Lawv hais tias sib lo li no mas thiaj thooj li ntawv Mes Kas los ntawv Fab Kis no. Tiam sis kuv ho xav hais tias ntawv Nplog li lawv yeej tsis sau ua ib los zuj zus li, lawv cia li sau tas nrho ua ib kab xwb, kuj nyeem tau thiab, ntawv Hmoob txawm ua ib los ib los xwb los peb yeej nyeem tau kawm tau thiab. Tsis tas kom peb yuav tsum xyaum li luag no...

    Peb Hmoob yog peb Hmoob, peb tej ntawv twb sau tau ib lo ib lo meej meej thiab zoo zoo sau lawm, cas es tseem pheej muaj tug, muaj cov kho mus mus los los, kho kho twb ua yuam kev tag, kuv yeej tsis nyiam sau ntawv Hmoob sib txuam ob peb lo lus ua ke li thiab os, yog xav muab ntawv sib lo ua ke lamw no ces kuj txhob tso ib lo nyob li kuj muab txhua los lus lo kom tas xwb las cas tseem tseg tej lo lus nyob ib leeg ua rau neeg yuav sau yuam kev tas :

    Sawvdaws yuavtsum rausiab kawm txujci, es peb thiajli yuav muaj kev vammeej mus lawm yav tomntej.

    Sawvdaws yuavtsum rausiab kawmtxujci, espeb thiajli yuavmuaj kevvam meejmus lawmyav tomntej.

    Cov neeg xav hloov dhau lawm no ces hloov li kab liab saum toj no ntshe yuav sau yooj yim dua nes, tiam sis kuv mas yeej tsis nyiam kiag li

    Cov phooj ywg,

    Lub sij hawm no nws yog ib lub caij peb cov Hmoob tab tom zoo li tus me nyuam mos ab nyuam qhuav pib rua muag pom kev zem zuag, tsis tau pom tseeb ces sawv daws thiaj li muaj tej yam tswv yim txawv txawv tshwm tuaj zoo li niaj hnub no.
    Tus yuav hloov cov ntawv hmoob no los muaj, tus yuav muab ntawv Nplog los ua ntawv hmoob los muaj, tus yuav muaj 2-3 yam ntawv los sau ua ntawv hmoob los muaj, kuv pom muaj ntau yam ntawv sawv daws tsim ntawm nyias tus kheej txoj kev xav los sau hais lus Hmoob.

    Cov kev hloov no mas yuav muaj nyob Meskas teb ntau tshaj, vim tam sis no nyob Meskas teb nyob rau tej lub zos muaj hmoob nyob coob mas cov tsev kawm ntawv qib siab ( College & University ) twb muaj kev qhia ntawv Hmoob nyob hauv lawm. qhov no yog cov XH. qhia ntawv hmoob tsis xyuas tseeb mas tom ntej no yuav muaj ntau yam yuam kev nyob hauv lawv txoj kev qhia cov ntawv hmoob no.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: TSEV KHO THIAB KAWM HAIS LUS HMOOB

    Post  Maiv Tooj on 27th October 2011, 9:31 am




    Hmoob tsawg tsawg, kuj muaj ntau txwm ntawv
    Hmoob tsis coob, kuj muaj ntau tus ntawv Hmoob

    Luag pej kum nce tus pej thuam Npas Npis Los tau tshaj 4000 xyoo, luag poob tag, luag twb ri mus thoob ntuj. Hmoob pw ntxov sawv lig, tseem yuav pib puab dua ib tug pej thuam, yuav nce ...Es puas yuav khov tshaj cov Npas Npis Los tus...?


    http://hmoobvwj.com/qauv/ntawv/hmoob/index.php




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: TSEV KHO THIAB KAWM HAIS LUS HMOOB

    Post  Mim on 27th October 2011, 4:08 pm

    Kuv xav hais tias yog peb Hmoob xav kho peb cov ntawv Hmoob, mas peb yuav tsum xa ib pab neeg mus kawm Linguistics kom zoo tas tso, cov ntawd mam los tshawb xyuas saib puas tsim nyog yuav kho. Yog tsim nyog kho mas lawv mam li kho. Tiam sis lawv tseem yuav tsum tau mloog cov uas ib txwm siv cov ntawv ntawd los lawm saib lawv xav li cas thiab tso.

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: TSEV KHO THIAB KAWM HAIS LUS HMOOB

    Post  Tub Kawm on 5th March 2012, 11:05 am

    Nyob zoo XH Npuag Tub thiab Mim mus rau Maiv paj, Niam hlob, thiab Npaub, nej sawv daws huv si. Thov ua tsaug rau nej txhua tus tuaj qhia peb kawm lus hmoob, thiab sau ntawv hmoob kom meej og. Yog ib yam peb hmoob yuav tsum khaws tseg. Peb txhob muab peb lus hais tsi meem thiab tsi tseeb nyob tsam lwm hnub peb cov laus dua tas lawm, ces lawv cov me nyuam tsi paub lawm. Thiab peb tsoom hmoob twb tsi muaj ntaub tsi muaj ntawv los tau ntau tiam lawm es peb thiaj li khaws tsi tau peb tej txuj tseg. Nyem no peb nyuam qhuav muaj ntaub muaj ntawv sib nug moo thiab sib xa xov tau xwb, kuv xav mas tsi tsim nyog peb yuav muab tus ntawv no hloov mus hloov los thiab sau tsi raws li tus kws tsim tus ntawv no. Kuv twm nej cov lus mas ua lub kua muag poob. Vim kuv xav tias: "cas peb hmoob yuav ntse ua luaj, tiam si ua cas tsi pom peb hmoob muaj ib tus los tsim tau ntawv hmoob rau peb siv kom xav xov nug moo, es cas ho siv Txiv Plig Nyiaj pov tus thiab xwb. Tiam sis sawv daws, tseem xav muab cov ntawv uas TP Nyiaj Pov tsim tseg rau peb hmoob hloov thiab. Nyiag tseem xav kom nyiag yog tus loj. Kom luas tej pom tias yus yog tus ntse thiab tus tsim no. Tiam sis qhov tseeb twb tsi yog yus ua tus tsim tau coj los rau sawv daws siv. Yog lwm tus xwb." kuv xav li no kuv thiaj tu siab rau peb tsoom hmoob xwb og. Kwv tij peb twb tsi muaj ntaub muaj ntawv, thov kom peb txhob muab peb tus ntawv hloov mus hloov los. Tsam muaj ib hnub twg peb tus ntawv ploj rov qab ces thaum ntawd peb yuav tu tu siab tsi muaj leej twg rov tuaj tsim ntaub tsim ntawv rau peb siv lawm og. Peb tus ntawv thoob teb no twb yog HT Ntuj hlub hlub peb txhua tus, es Tswv Ntuj thiaj xa Txiv Plig Nyiaj Pov tuaj tsim tseg ca peb tau siv khaw peb li txuj tseg xwb. Nyem no TP Nyiaj Pov Tswv Ntuj twb tos rov qab lawm. Thov kom peb txhua leej txhua tus nyob kom txhob muab tus ntawv hloov mus hloov los raws li yus lub siab nyiam. Thov peb yuav tsum nco ntsoov TP Nyiaj Pov cov lus hais tseg rau tim Mis kas teb tia:"thaum ub hmoob nyob suav teb los mas hmoob tus ntawv yuav tsum yog hais ib lo lus twg mas yog ib npe ntawv xwb, Txhob muab sib txuas ua ke. Piv xam li hu tia: 'lub ntiaj teb' mas txhob muab txuas li no (lubntiajteb) yog tias muab txuas li ntawd mas yuav tsi raug raws li hmoob cov lus lawm. Vim hmoob cov lus zoo xws li suav cov. Mas yuav hai ib lo lus yog ib npes ntawv thiaj yog". Kwv tij peb yuav nco ntsoov TP Nyiaj Pov tej lug hais nawb. Peb txhob muab nws cov lus hloov xws li sau toj ua lawv tau tham tas no. Kawg no kuv thov HT Ntuj lub txiaj ntsim nrog sawv daws nyob, kom nco ntsoov Tswv Ntuj tus tub txib Nyiaj Pov cov lus cog tseg rau peb haiv neeg. Nyob zoo. Tus sau Txawj Tuam.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: TSEV KHO THIAB KAWM HAIS LUS HMOOB

    Post  Yaj Suav Nus on 7th March 2012, 5:32 am

    Nyob zoo cov phooj ywg,
    Zaj kuv tham yuav ncaim ntawm cov lus nej sawv daws tab tom tham, kuv thov nej txhob xav li cas ov !
    Kuv tham saib puas phim li lub topic uas tau sau ntawm chav no, yog tias tsis phim no kuv thov nej cov saib lub Vas Sab muab tshem pov tseg, kuv yuav zoo siab xwb.

    Muaj ib co neeg tau hais raws li hauv qab no:

    Ib niam txiv = tus txiv neej thiab nws tus poj niam
    Ib txiv tub = leej txiv thiab nws tus tub
    Ib txiv ntxhais = leej txiv thiab nws tus ntxhais
    Ib niam tub = leej niam thiab nws tus tub
    Ib niam ntxhais = leej niam thiab nws tus ntxhais
    Ib kwv tij = tus tij thiab tus kwv
    Ib nus muag (ib nus muam) = tus nus thiab tus muam
    Ib viv ncaus = tus viv thiab tus ncaus (viv = tus niam laus = tus hlob) (ncaus = niam hluas = tus yau)

    Lus nug:

    Ib niam txiv = tus txiv neej thiab nws tus poj niam
    Tus txiv thiab nws tus niam hlob nrog rau tus niam yau yuav hais li cas ?

    Ib txiv tub = leej txiv thiab nws tus tub
    Leej txiv thiab nws 2 los 3 tug tub yuav hais li cas ?

    Ib txiv ntxhais = leej txiv thiab nws tus ntxhais
    Leej txiv thiab nws ob los peb tug ntxhais yuav hais li cas ?

    Ib niam tub = leej niam thiab nws tus tub
    Leej niam thiab nws 2 los 3 tug tub yuav hais li cas ?

    Ib niam ntxhais = leej niam thiab nws tus ntxhais
    Leej niam thiab nws 2 los 3 tug ntxhais yuav hais li cas ?

    Ib kwv tij = tus tij thiab tus kwv
    Tus tij thiab nws ob los peb tug kwv yuav hais li cas ?

    Ib nus muag (ib nus muam) = tus nus thiab tus muam (tus nus hlob tus muam)
    Tus nus thiab ob los peb tug muam yuav hais li cas ?

    Ib muag nus (ib muam nus) = tus muam tiab tus nus (tus muam hlob tus nus)
    Tus muam thiab 2 los 3 tug nus yuav hais li cas ?

    Ib viv ncaus = tus viv thiab tus ncaus (viv = tus niam laus = tus hlob) (ncaus = niam hluas = tus yau)
    Tus viv thiab 2 los 3 tug ncaus yuav hais li cas (tus nia laus thiab 2-3 tug niam hluas yuav hais li cas) ?

    Puas muaj leej twg teb tau cov lus nug saum toj no ? Thov teb thiab,

    Raws li kuv xyuas mas cov lus saum toj no xub muaj tshwm los ntawm cov neeg sau cov zaj ua Movie thiab ua yees siv vim yog lawv txhob txwm nrhiav ib co lus los hais ua kev tso daj tso luag thiab lom zem xwb. Qhov tsis zoo mas yog lawv tsis hais ib co lus qhia kom cov tau saib thiab hnov lawv cov lus txhob yuam kev, ces kuv ntaus nqe tias lawv yog cov qhia kom sawv daws yuam kev.

    Lwm zaus mam rov tham txuas ntxiv…

    Y. Suav Nus



    Last edited by Yaj Suav Nus on 8th March 2012, 3:45 pm; edited 1 time in total

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: TSEV KHO THIAB KAWM HAIS LUS HMOOB

    Post  Npuagtub on 7th March 2012, 5:57 am

    Nyob zoo D. Suav Nus,

    Cov lus koj sau nyob saum toj no kuv yeej hnov ib txhia hais li thiab, tiam sis feem ntau yog cov mus ua si pem Suav teb los ces hnov cov hmoob nyob Suav hais ces cia li los tsim ib co lus tshiab hais lawm xwb. Raws li kuv xeev xwm los mas kuv tsuas hnov Hmoob hais (ob txiv tub) thiab (ob niam tub). Txawm yog ib tug tub thiab ib tug txiv= lawv yeej hu = Ob txiv tub. Txawm yog ib tug ntxhais thiab ib leej txiv=lawv yeej hu=Ob txiv tub. raws li kuv ib txawm hnov, yog muaj tshaj 2 leeg lawm ces lawv hu li cov txiv tub lawm xwb, tsis tau hnov dua lawv hu (ob niam ntxhais) los (ob txiv ntxhais) los (ib txiv Tub) los (ib niam Tub).





    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: TSEV KHO THIAB KAWM HAIS LUS HMOOB

    Post  Maiv Tooj on 7th March 2012, 8:48 am



    Nyob zoo txiv Suav nus thiab XH.Npuag Tub,

    Txiv Suav Nus, los lus IB NIAM TXIV no mas zaum no cov neeg uas lawv saib cov Film Hmoob thiab cov Film txhais lus Hmoob, lawv yeej hais li ntawd. Tab sis yog ib qho yuam kev loj heev, tiag mas yog lawv hais tias IB NKAWM NIAM TXIV, ces lawv tsis hais lo NKAWM nrog, lawv cia li hais tias ib niam txiv no xwb. Ces thiaj cia li muab hloo los lus OB NIAM TXIV chaw yam lawv twb tsis faj txog. Ib cov ces saib film, hnov lawv hais ces cia li qog lawv kom ua li yus txawj thiab ntse dua, ces thiaj ua ib qho yuam kev loj rau LUS HMOOB lawm. Yog ua li no, cov me nyuam hlob tuaj, tsis paub qab hau cia li hais ces lwm hnub lawv tsis paub txog qhov tseeb lawm. Tshwj xeeb cov nyob Nplog teb mas kuv hnov lawv hais IB NIAM TXIV no ntau tshaj, vim lawv ntshaw lub neej tshiab, lawv nyiam saib Film Hmoob heev.




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: TSEV KHO THIAB KAWM HAIS LUS HMOOB

    Post  Maiv Paj Lug on 7th March 2012, 9:18 am

    Kuv kuj tsis tau hnov dua IB NIAM TXIV los sis IB TXIV TUB...niaj hnub nim no kuv tshuav kuv niam nrog peb nyob xwb, thaum peb cov ntxhais tuaj ua ke nrog kuv niam peb yeej hais tias PEB YOG IB PAB NIAM TUB xwb peb yeej tsis hais tias IB PAB NIAM NTXHAIS li.

    Tej thaum kuv tus nus thiab kuv niam nkawv mus ua ke, muaj neeg nug tias neb tuaj xwb cov ntxhais tsis tuaj los? no los kuv niam yeej teb tias " tuaj wb OB NIAM TUB xwb"

    Hos thaum twg yog kuv nrog kuv niam mus ua qhua tus nus tsis mus los kuv niam yeej hais tias " tuaj wb OB NIAM TUB xwb" no thiab tiag.

    Ua li kuv kuj xav paub seb kuv niam wb ne ho yuav hu li cas tiag? puas yuav hu tias OB NIAM NTXHAIS? ua li thaum twg yog kuv mus nrog kuv txiv ua ke no yuav hu OB TXIV NTXHAIS?

    Nej leej twg paub tiag no ho tuaj qhia peb cov hluas hais peb thiaj tsis yuam kev.




    <3 <3 Pab kuv rov los cuag koj Huab Tais Yesxus <3 <3

    Sponsored content

    Re: TSEV KHO THIAB KAWM HAIS LUS HMOOB

    Post  Sponsored content Today at 11:35 pm


      Current date/time is 6th December 2016, 11:35 pm