Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO II 2017-2018
by Mim Today at 7:36 am

» Thov Leej Ntshiab YOS XES
by Maiv Tooj 11th December 2017, 6:22 am

» COV ZAJ NYEEM HNUB CHIV Xyoo B 2017-2018
by NrhiavTswvNtuj 7th December 2017, 5:47 am

» XH.Zoov Ntxheb Yaj Nthuav Ntawv Ntshiab.
by Maiv Tooj 7th December 2017, 5:42 am

» XH. Yaj Zoov Ntxheb lub Tsev THOOB TSIB
by Maiv Tooj 7th December 2017, 5:38 am

» COV ZAJ NYEEM NRUAB LIS PIAM XYOO I 2016-2017
by Mim 2nd December 2017, 5:19 pm

» Xib Hwb Thoj Xyooj lub neej
by Maiv Tooj 30th November 2017, 11:16 am

» Txhob poob siab
by Mim 27th November 2017, 2:49 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 24th November 2017, 6:16 am

» Người Công Giáo H, Mông ở Điên Biên Hmoob Kav Tos liv (Catholic) nyob xeev Dien Bien cob tsib teb
by Maiv Tooj 21st November 2017, 6:47 am

» Natuzza Evolo txais Tswv Ntuj txiaj ntsim.
by Maiv Tooj 14th November 2017, 8:53 pm

» TP.Txhiaj Foom
by Maiv Tooj 13th November 2017, 6:22 am

Suav neeg tuaj saib, txij hnub 17/09/2010 los mus.


    MOO QAIJ QAUG

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 28th July 2012, 11:28 pm



    Envoyé le : Samedi 28 juillet 2012 6h21
    Objet : TP Bruno ARENS

    Nyob zoo, hawm txog cov thawj coj thiab ib tsoom ntseeg sawv daws,

    Hnub no, kuv hnov tias Txiv Plig Bruno ARENS, uas yog tus los hloov TP Nyiaj Pov ua hauj lwm nyob Thaib Teb, tau tas sim neej lawm.

    Tej zaum nej ib txhia twb paub lawm thiab.
    Nws tsev neeg yuav npaj nws lub ntees rau hnub 28 no. Yuav muaj teev Ntuj nyob hauv lub tsev teev Ntuj ntawd lub zos "Sankt Vith" nyob Belgique thaum 11 teev.
    Tom qab, mam li coj nws mus zais.

    Lub sij hawm ze dhau lawm, tsis paub saib peb cov Hmoob yuav mus koom puas tau.
    Txawm li cas los, peb nco ntsoov thov peb txiv Tswv Ntuj rau nws thiab.

    Sib ntsib dua.

    Yaj Xaiv Tsom



    Nyob zoo kwv Xaiv Tsom,

    Cas tsis hais ntxov me ntsis, kuv tus ntxhais thiab tus vauv nyob Bruxelles thiab cov nyob Strasbourg yuav mus tau. Khuv xim heev, hnub no twb yog Tim 28, tsam no twb yog 7h30 lawm ces ntshe yuav hais tsis yeej lawv lawm. Khuv xim heev, nws tuaj ua hauj lwm pub Peb Hmoob ais txawm yuav tsis muaj ib tug Hmoob xa nws nce hauv toj li.

    Niam tij Txooj Tub.


    Nyob zoo Niam Tij Txooj Tub,

    Raws li tag kis no kuv sau tsab ntawv tuaj rau sawv daws : yog paub ntxov ces yeej hais ntxov lawm.
    Kuv los xav tsis tas li, vim kuv kuj tau nrog TP Arens ua hauj lwm thiab.
    Kuv nyob Paris, kuv xyuas Train thiab xyuas tsheb tas lawm. Ceev npau cas los yuav mus tsis ncav li !

    Sib ntsib dua.

    Kwv Xaiv Tsom




    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 29th July 2012, 6:07 am

    Nyob N.hlob Xaiv Tsom, cas hnub nos neb yuav tso moo tu siab tuaj xa rau peb paub og. Peb nrog tsev neeg tu siab og. Thov kom Huab Tais Tswv Nuj txais Txiv Plig tus Ntsuj plig mus rau peg ntuj, thiab nplij Nws tsev neeg. Nyob zoo.
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 29th July 2012, 7:07 am

    Maiv Tooj wrote:


    NCAIM MUS IB SID "A Dieu" Père Bruno ARENS





    Chers tous et amis Hmong,

    Nous venons d'apprendre que le Père Bruno ARENS, qui avait repris le travail du Père Yves BERTRAIS au centre "Bon Pasteur" à Lomsak, vient de nous quitter prématurément.

    Ses obsèques ont eu lieu le samedi 28 juillet 2012 à l'église de "Sankt Vith", en Belgique.

    Nous nous unissons dans la prière à sa famille, à la communauté des Oblats et à ses amis.


    __

    Ib tsoom kwv tij Hmoob sawv daws,

    Txiv Plig Bruno ARENS, uas yog tus los tuav hauj lwm hauv "Zoo Tswv Zov Yaj" nyob Lomsak, tau tas sim neej lawm.

    Cov Txiv Plig Oblat thiab nws tsev neeg tau teev Ntuj rau nws, hnub tim 28 lub 7 hli Ntuj, nyob lub zos "Sankt Vith", Belgique teb.

    Lub sij hawm zem thiab luv dhau lawm. Peb cov Hmoob mus koom tsis tau.
    Tiam sis peb sawv daws pab thov Ntuj rau nws thiab tsev xyom cuab.

    Aumônerie Catholique des Hmong de France

    Maiv Tooj, cas saib nws daim duab zoo li nws twb tsis tau laus pes tsawg thiab, es yog mob tuag los yog ua cas rau nws tiag os los? cas sij hawm yuav khiav sai ua luaj, ib sij ib tug ncaim zuj zus lub ntiaj teb no tseg lawm tiag, nsthe tib me pliag xwb twb yuav txog yus lub caij lamw tiag thiab os lawv...peb mam thov ntuj pab rau nws os, vim yeej mus tsis tau raws siab xav li, ua tsaug koj tuaj qhia peb paub os Maiv Tooj.




    <3 <3 Pab kuv rov los cuag koj Huab Tais Yesxus <3 <3
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2005
    Date d'inscription : 2009-10-16

    Re: MOO QAIJ QAUG

    Post  Mim on 30th July 2012, 6:50 am

    Nyob zoo tais Tooj,

    Tau ob hnub no kuv tsis tau tuaj xauj tsev li, nyuam qhuav tuaj tam sis no , ces cia li pom koj xa lub moo tsis zoo no xwb. Tag kis no kuv twb mus Mis Xas thiab tiam sis tsis paub li ces twb tsis tau thov ntuj pab li. Cia mam ho thov hnub no thiab tag kis thaum mus mis xas os nawb. Thov kom Tswv Ntuj hlub nws thiab coj nws tus ntsuj plig mus nyob kaj siab lug saum ntuj os.

    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 7th September 2012, 5:52 am

    TSHAJ MOO QAIJ QAUG

    Xyooj Tsuj Rwg lub ntees nyob ze Orléans :

    Xyooj Tsuj Rwg tau tas sim neej rau hnub chiv tim 2 lub 9 hli 2012 thaum 15h00.
    Tsev xyom cuab yuav npaj nws lub ntees txij li hnub tim 7 mus txog hnub tim 10, rau hauv lub chav tsev :

    Presbytère
    5, place de l'église
    45480 Bazoches les Gallerandes


    Hnub tim 10 lub 9 hli thaum 9 teev :
    Muaj teev Ntuj hauv lub tsev : Eglise de Bazoches les Gallerandes

    Tom qab thaum 11 teev : mam li coj tus qauv mus zais nyob "Cimetière d'Orléans".


    Peb ib tsoom ntseeg sawv daws pab ob tsev xyom cuab tu siab.
    Peb pab thov Tswv Ntuj rau lawv txhua tus thiab.

    Ua tsaug


    Last edited by Maiv Paj Lug on 7th September 2012, 5:53 am; edited 1 time in total




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 7th September 2012, 5:52 am

    TSHAJ MOO QAIJ QAUG

    Vaj Neej Yias lub ntees nyob rau Gien :

    * Vendredi 7/09/2012 :
    - 15h00 : Coj tus qauv los rau hauv lub tsev teev Ntuj ntawm Montbricon
    - 19h00 : TP Cwj Vuam Chiv pab ua kab ke xa plig

    * Samedi 8/09/2012 :
    - 20h00 : Ua kab ke xa plig hmo ob

    * Dimanche 9/09/2012 :
    - 20h00 : Ua kab ke xa plig hmo peb

    * Lundi 10/09/2012 :
    - 10h00 : Teev Ntuj thiab coj mus sam sab

    Chaw nyob yog :
    Centre paroissial de Monbricon
    43 rue le jardinier
    45500 Gien





    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 22nd November 2012, 9:48 am



    Lus tshaj Moo Qaij Qaug nyob xeev 57, Fab Kis teb.


    YAJ Txiaj Hawj, 60 xyoo.

    Yog ib tug xib hwb kub siab lug rau kev tshaj Tswv Ntuj lus, nws tau tso nws cov niam tub sawv daws tseg, nws muaj 3 txwg ntxhais vauv thiab 2 txwg tub nyab thiab ib tug tub ntxawg.

    Mam li teem thiab tshaj txog nws lub paj lub xau tom qab.

    Peb nrog nws tsev xyom cuab muaj kev tu siab, sawv daws pab thov Tswv Ntuj rau nws cov niam tub.

    Aumônerie Hmoob



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 27th November 2012, 8:42 pm


    TXOJ KEV TUAG.

    Txoj kev tuag nyob yaj ceeb yeej tu siab
    Tab sis nyob nruab yeeb yuav tsis hloov tshiab
    Nyob saum yaj yus tus neeg ploj lawm
    Nyob nruab yeeb lawv tseem nrog peb nyob rawv
    Qhov peb nco yeej nco
    Tab sis txhob sem lub caij nyoog rau kua muag nrog
    Yuav muab lub caij nros los thov Ntuj rau lawv mog
    Qhov tu siab yeej tu siab
    Tab sis txhov muab lub sij hawm los quaj los nyiav
    Yuav rau siab thov ntuj pab lawv kom dim mus rau txoj sia
    Yog peb quaj nco
    Tsis ntxiv dab tsi rau lawv hlo
    Yog peb quaj chim
    Tsis pauj dab tsis rau lawv li
    Li ntawd twb yog muaj hmoo
    Ib tug mus lawm los tseem tshuav ib tug nyob thov txiaj ntsim roos
    Li ntawd twb yog muaj vam
    Ib tug mus tseg tug nyob tau thov Ntuj pab.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 29th November 2012, 8:23 am

    Maiv Tooj wrote:

    Lus tshaj Moo Qaij Qaug nyob xeev 57, Fab Kis teb.


    YAJ Txiaj Hawj, 60 xyoo.

    Yog ib tug xib hwb kub siab lug rau kev tshaj Tswv Ntuj lus, nws tau tso nws cov niam tub sawv daws tseg, nws muaj 3 txwg ntxhais vauv thiab 2 txwg tub nyab thiab ib tug tub ntxawg.

    Mam li teem thiab tshaj txog nws lub paj lub xau tom qab.

    Peb nrog nws tsev xyom cuab muaj kev tu siab, sawv daws pab thov Tswv Ntuj rau nws cov niam tub.

    Aumônerie Hmoob



    Lus tshaj Moo Qaij Qaug nyob xeev 57

    YAJ Txiaj Hawj, 60 xyoo, yog ib tug xib hwb kub siab lug rau kev tshaj Tswv Ntuj lus, nws tau tso nws cov niam tub sawv daws tseg, nws muaj 3 txwg ntxhais vauv thiab 2 txwg tub nyab thiab ib tug tub ntxawg.

    Tsev xyom cuab yuav npaj nws lub ntees txij hnub tim 1 lub 12 hlis nyob rau huav lub chav tsev :
    Pompes Funèbre Pascal Leclerc
    rue Fontaine de l'Auge (à côte de Lidl) - 57245 JURY



    Peb nrog nws tsev xyom cuab muaj kev tu siab, sawv daws pab thov Tswv Ntuj rau nws cov niam tub.

    Aumônerie Hmoob



    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 30th November 2012, 10:13 am


    N. hlob, cas nws twb yog ib tus XH nyuam qhuav muaj 60 xwb ntsia Nws daim duab mas tseem hlua, vim li cas?
    Yog muaj mob los li cas? Thiaj tau tso peb tseg lawm. Kuv xav kom nws nrog peb nyob tshaj Tswv Ntuj lub moo ntau xyoo tso og. Tiam sis yog txoj pa tu lawm yeej txuas tsi tau rov los. Peb mam teev ntuj pab Nws thiab cov niam tub. KUV MUAB ZAJ NKAUJ NO RAU PEB NYEEM OG. Nyob rau hauv phau ntawv nkauj lus cob tsib,(431*H.C.Đ 430/248: phab 470)

    TXUJ SIAV TSI POOB TAB YOG SIB HLOOV

    nqais 1, Txoj sia no tsis paub ploj yog sib hloov xwb. Thaum pw ntog txoj sia tu lawm qhov muag qi nkaus pom lub neej tshiab. Tas ib txhis tsi tau pom txoj kev, zoo phem, tab sis kuv ntseeg muaj hnub Tswv Ntuj yuav pub kuv tau zoo siab tshaj plawg.

    (Nqais txais) Txoj sia tsis poob tab yog sis hloov. Twb dhau ntu uas ciaj ua tib neeg, ciaj, tuag, los yuav ntseeg txog hnub qab. Txoj sia tsi poob tab yog sib hloov.

    nqais 2, Txuj sia no zoo li nplooj laus zeeg qhuav qhawv. Ntsawv mos nyoos nplooj tshiab rov tuaj, zoo li uas yog tej huab cua ya. Txoj sia no tsis tau txaus twb yuav rov ploj. Tab sis kuv ntseeg muaj hnub Tswv Ntuj yuav hlub kuv mus tas ib txhi li.

    Nqai 3, Txoj sia no muab kiag lawm los yuav tsis poob, vim Tswv Ntuj nws hlub peb kawg. Tsi pub tib neeg lwj ib txhis li. Txoj sia no yog leej twg ntseeg ntsoov Yes Xus. Yes xus pub nws muaj txoj sia ntev mus ib txhis tsi paub ploj.

    Nqais 4 Txoj sia no muaj ntau yam los sib hloov. Tshuav tib yam nws tsi paub. Txawm (Vim) yog Tswv Yes xus Nws lub siab hlub. Txog hnub ncaim ntiaj teb lawm pw tib (qos) zoo, ua zoo zoo mloog muaj lub suab hu. Leej txiv nthuav tes tos ntsoov (Me nyuam) leej nyuag.

    Xaus li no xwb, lawv cov txhais zaj nkauj no yog hmoob lees, kuv muab sau ua lus hmoob dawb. Muaj tej lo lus tsi paub lus hmoob dawb meej. Sau tsi tshua meej los peb lam nyeem. Nyob zoo.
    avatar
    paris.xa moo

    Messages : 28
    Date d'inscription : 2010-05-06

    Re: MOO QAIJ QAUG

    Post  paris.xa moo on 30th November 2012, 11:04 am

    Xib Hwb Yaj Txiaj Hawj yog ib tug tub hmoob tua tuaj kawm ua Xib Hwb nyob rau pem Xeev Moos Loob , nrog txiv plig Xaiv Vas thiab Txiv plig Zoov Phooj nkawd nyob pem lav 10.

    Yuav hais los ces yeej tsis tua laus kiag. Vim nyuam qhuav 60 xyoo xwb. Thaum peb sib ncaim xyoo 1972 zoo li nkawd nyuam qhuav muaj 1- los 2 tug me nyuam. Ces pe ho rov sib ntsib xyoo 2008 nyob nram rooj sab laj Orléans.

    Zoo li lus moo cua ces yog zoo li lub plawv nres xwb sub no. Ib lo lus tej me tub me nyuam tsis tau hlo li. Tu siab thiab pab hlub txog nws tsev neeg kawg.

    Nej xij tshaj tshaj moo qaij qaug hauv no , kuv cia li xav hais tias : AB ! TSAM IB HNUB TWG KUV NPE LAM TSHWM HAUV NOV THIAB NO....ntshai yuav tu siab los tu siab, tshua los tshua sawv daws li laud ....lawv!

    Nrog leej Txiv txoj kev hlub, nrog leej tub txoj kev nyiam, nrog leej ntuj plig lub txiaj ntsim.

    Paris xamoo
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 1st December 2012, 5:38 am

    paris.xa moo wrote:Xib Hwb Yaj Txiaj Hawj yog ib tug tub hmoob tua tuaj kawm ua Xib Hwb nyob rau pem Xeev Moos Loob , nrog txiv plig Xaiv Vas thiab Txiv plig Zoov Phooj nkawd nyob pem lav 10.

    Yuav hais los ces yeej tsis tua laus kiag. Vim nyuam qhuav 60 xyoo xwb. Thaum peb sib ncaim xyoo 1972 zoo li nkawd nyuam qhuav muaj 1- los 2 tug me nyuam. Ces pe ho rov sib ntsib xyoo 2008 nyob nram rooj sab laj Orléans.

    Zoo li lus moo cua ces yog zoo li lub plawv nres xwb sub no. Ib lo lus tej me tub me nyuam tsis tau hlo li. Tu siab thiab pab hlub txog nws tsev neeg kawg.

    Nej xij tshaj tshaj moo qaij qaug hauv no , kuv cia li xav hais tias : AB ! TSAM IB HNUB TWG KUV NPE LAM TSHWM HAUV NOV THIAB NO....ntshai yuav tu siab los tu siab, tshua los tshua sawv daws li laud ....lawv!

    Nrog leej Txiv txoj kev hlub, nrog leej tub txoj kev nyiam, nrog leej ntuj plig lub txiaj ntsim.

    Paris xamoo

    Paris xamoo cas koj hais tau tu siab ua luaj!...yog lawm mas, ua neeg nyob tsuas muaj laus zuj zus thiab kev laus kev tuag caum yus txhua hnub txhua hmo, sawv daws tuaj sib fim hauv no, hnub no peb tshaj luag moo qaij qaug lwm zaus kuj yuav yog peb moo qaij qaug thiab los txhob tu siab, moo qaij qaug yog ib yam zoo ua rau txhua leej txhua tus pab khuv leej thiab pab thov ntuj rau yus.

    Thaum twg txog yus moo qaij qaug los txhua tus nyob rov tom qab txhob tu siab txhob xav phem, sawv daws yuav tsum muab qhov zoo los xav hais tias : "AB! Tsam no nsthe tus no nws tau mus ntsib HUAB TAIS YESXUS lawm laub? thiab pom HUAB TAIS YESXUS ntsej muag lawm lau!!!" Sawv daws pab thov ntuj kom Yesxus khuv leej thiab za txim rau tus mus cuag YESXUS . Amen!




    <3 <3 Pab kuv rov los cuag koj Huab Tais Yesxus <3 <3
    avatar
    Lajpovyaj
    Phooj Ywg
    Phooj Ywg

    Messages : 171
    Date d'inscription : 2009-12-03
    Age : 57
    Localisation : USA

    Re: MOO QAIJ QAUG

    Post  Lajpovyaj on 1st December 2012, 1:50 pm

    paris.xa moo wrote:Xib Hwb Yaj Txiaj Hawj yog ib tug tub hmoob tua tuaj kawm ua Xib Hwb nyob rau pem Xeev Moos Loob , nrog txiv plig Xaiv Vas thiab Txiv plig Zoov Phooj nkawd nyob pem lav 10.

    Yuav hais los ces yeej tsis tua laus kiag. Vim nyuam qhuav 60 xyoo xwb. Thaum peb sib ncaim xyoo 1972 zoo li nkawd nyuam qhuav muaj 1- los 2 tug me nyuam. Ces pe ho rov sib ntsib xyoo 2008 nyob nram rooj sab laj Orléans.

    Zoo li lus moo cua ces yog zoo li lub plawv nres xwb sub no. Ib lo lus tej me tub me nyuam tsis tau hlo li. Tu siab thiab pab hlub txog nws tsev neeg kawg.

    Nej xij tshaj tshaj moo qaij qaug hauv no , kuv cia li xav hais tias : AB ! TSAM IB HNUB TWG KUV NPE LAM TSHWM HAUV NOV THIAB NO....ntshai yuav tu siab los tu siab, tshua los tshua sawv daws li laud ....lawv!

    Nrog leej Txiv txoj kev hlub, nrog leej tub txoj kev nyiam, nrog leej ntuj plig lub txiaj ntsim.

    Paris xamoo
    Pari.xamoo.
    Txhob tu siab ua neeg nyob yus ua ntej los luag yeej lawv qab xwb tsis muaj leej twg yuav khiav dim yuav hla dhau txoj kev tuag 1 zaug hlo li.thaum ub mas kuv ntshai ntshai tsam kuv lam mob lam tuag tab sis tom qab no kuv tsis ntshai tuag li lawm.
    Koj mas txog hnub tas txoj sia tseem yuav muaj tus paub koj coj tau koj lub moo tuaj tso ntawm no rau sawv daws pom.rau sawv daws hlub saw daws tshua.
    Kuv ces nej cov ntawm no yeej tsis muaj leej twg paub kuv li thaum twg yog kuv tag txoj sia los yeej tsis muaj leej twg coj tau lub moo tuag tuaj tso rau nej pom ntawm no li lau.thaum twg tsis pom kuv tuaj sau ntawv hauv no lawm ces ntshe yog tsis muaj kuv lawm xwb lau.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 17th January 2013, 6:37 am



    Tshaj Moo Qaij Qaug



    Vaj Nom Phaj muaj 87 xyoo nws yug 01/01/1926 nyob lub zos Txiv Kav Laj (Tuam hem sab)
    Nws tau tso peb sawv daws tseg rau hnub tim 15/01/2013 thaum 11h20 sawv ntxov.
    Nws muaj 8 txwg tub nyab thiab 4 txwg ntxhais vauv
    Peb yuav npaj nws lub ntees rau chav tsev:

    Salle La Liberté
    Route de Pont D’ain
    01250 MONTAGNAT
    A40 sortie Bourg en Bresse Sud

    Vendredi 18/01/2013
    20h00 ua kab ke xa plig

    Samedi 19/01/2013
    10h00 Teev ntuj sawv ntxov
    20h00 Teev ntuj ntsaus ntuj

    Dimanche 20/01/2013
    10h00 Teev ntuj sawv ntxov

    Lundi 21/01/2013
    10h00 : Teev Ntuj thiab coj mus sam sab nyob:
    Eglise de CUET à MONTREVEL EN BRESSE 01340

    Renseignement :

    Ntshiab Leej VAJ : 06 62 08 40 07
    Xeev Hwj VAJ : 06 26 75 03 37



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 23rd January 2013, 7:14 pm



    Tshaj Moo Qaij Qaug nyob ib cheeb tsam Paris


    Kwv tij neej,
    Thov tshaj tawm rau nej sawv daws paub hais tias, yawg Xaiv Kum VAJ tau tso ntiaj teb no tseg, rau hnub tim 22/01/2013 thaum 14 teev lawm.

    Nws yug hnub tim 6 lub 6 hli ntuj 1934, nyob rau lub zos Naj Nyoos.

    Nkawd ob niam txiv muaj :
    - 3 leeg tub, 2 txwg tub nyab, tus tub ntxawg tsis tau muaj cuab muaj yig.
    - 4 leeg ntxhais, puas leej muaj cuab muaj yig tas lawm.

    Kab lis kev cai yuav npaj rau hnub tim 8, 9, thiab 10 lub 2 hlis 2013,
    nyob hauv lub chav tsev :
    La Ferme de Champigny - RN 36 - 77390 Crisenoy

    Peb pab thov Ntuj rau nws thiab.





    Last edited by Maiv Tooj on 25th January 2013, 9:47 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 25th January 2013, 9:41 am

    Maiv Tooj wrote:


    Tshaj Moo Qaij Qaug



    Vaj Nom Phaj muaj 87 xyoo nws yug 01/01/1926 nyob lub zos Txiv Kav Laj (Tuam hem sab)
    Nws tau tso peb sawv daws tseg rau hnub tim 15/01/2013 thaum 11h20 sawv ntxov.
    Nws muaj 8 txwg tub nyab thiab 4 txwg ntxhais vauv
    Peb yuav npaj nws lub ntees rau chav tsev:

    Salle La Liberté
    Route de Pont D’ain
    01250 MONTAGNAT
    A40 sortie Bourg en Bresse Sud

    Vendredi 18/01/2013
    20h00 ua kab ke xa plig

    Samedi 19/01/2013
    10h00 Teev ntuj sawv ntxov
    20h00 Teev ntuj ntsaus ntuj

    Dimanche 20/01/2013
    10h00 Teev ntuj sawv ntxov

    Lundi 21/01/2013
    10h00 : Teev Ntuj thiab coj mus sam sab nyob:
    Eglise de CUET à MONTREVEL EN BRESSE 01340

    Renseignement :

    Ntshiab Leej VAJ : 06 62 08 40 07
    Xeev Hwj VAJ : 06 26 75 03 37

    YAWG NOM PHAJ VAJ LUB NTEES.

    Yawg thiab pog Nom Phaj, tau lub neej txom nyem thaumyau thaum hluas, tab sis lub txiaj ntsim los rau nkawd lub neej yav laus thiab cov tub ki. Nkawd lub neej yav laus zoo heev, nkawd yug muaj tub kis xeeb leej xeeb htxwv coob, cov me nyuam txhua leejhlob dhia rhees, muab nyab tau vauv tag nrho, ua neej xws luag, tseem muaj xeeb leej xeeb ntxwv coob ua npoj ntws, ua tau ib tse neeg 120 leej los nyob sib poj sib poog ua ib tug qauv zoo rau tsoom zeej xyaum.

    Yawg Num Phaj lub ntees ua tau tsim nyog kawg rau nws sim neej.
    Tsis nqa koob thaij, xuas xov tooj thaij tau ob peb daig duab xwb lam saib.



    Tiam tub ncig.












    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 19th April 2013, 4:53 am


    Simone Charrier.


    Txiv Plig Neej Vaj tau tshaj xo rau peb tias nws tus muam Simone,
    uas yog ib tug phauj thiab,
    tau tas sim neej rau hnub chiv tim 14 lub 4 hlis ntuj 2013
    Nyob rau Nantes.

    Tas peb tsoom ntseeg Hmoob Kav Tos Liv pab thov Ntuj rau nws thiab.

    Aumônerie Hmong




    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 16th May 2013, 4:28 am

    Nyob zoo sawv daws. Thov sawv daws nrog teev ntuj pab nkawm niam txiv no vim nkawd tau muaj kev tu siab loj heev rau nkawd lub neej. nkawd yug tau 5 tus me nyuam, tiam sis puav leej tso nkawd tseg tag tib si. Yug tau los txog nyob li 1 lub hlis tej xwb twb tau tas si neej lawm, tus me nyuam no twb yog tus 5 lawm. Sawv daws nro teev ntub pab nkawd tsev neeg. Tus tau tas sim neej lub npe hu Toov xeem tees. Txiv Hu ua Txiaj Leej niam hu ua Tsu Xeem yaj. Thov ua tsaug.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 16th May 2013, 8:31 am



    Nyob zoo Tub Kawm,

    Tu siab nrog nkawm niam txiv no.
    Hais kom nkawd ua siab loj mog, ntshe yog tsam yog tus niam lub tsev me nyuam qes es muaj me nyuam, me nyuam nyob qes es me nyuam tsis muaj zog yug tau thiaj li tsis nyob.

    Ua li nkawd cov me nyuam puav puv hli mam yug?

    Tsam yog yug ua ntej me ntsis, tsis muaj chaw ncu es thiaj tssi hlob poj?
    Yuav tau nrhiav vitamine (tshuaj muaj zog rau tus niam noj, vim nws nyuam qhuav yug me nyuam thiab tseem raug kev txom nyem thiab; yuav ua rau nws cov ntshav liab ploj ntau.



    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 16th May 2013, 2:16 pm

    Niam hlob kuj tsi paub yog vim li cas tiag. Nrog nkawd tu siab, xyov yog xws li koj hais los yog li cas tiag.
    Yog tsee coj qub kev cai
    mas, xws li lua tej laus xij hais tias yug tshuav luas nuj tshuav nqi tiam tas los lawm, luas rov sau nqi ntawd yus.
    Tiam sis nyem no twb ntseeg Ntuj lawm kuv xav mas yuav tsi muaj tej ntawd lawm.
    Tab sis tsi paub yog li cas.

    Thaum cov me nyuam ua tau poob tas lawm, kuj coj tus yam ntxwv tus cwj pwm zoo tib yajm, zoo li yog tib tus xwb.
    Nej nyob chaw vam meej sim nrog soj saib, kuv muab piav lawv tus cwj pwm rau sawv daws pab soj.

    Cov me nyuam thaum yug tau los kuj txaus hli mam yug thiab.
    Thaum yug tau los uas tseem tsi tau puv hli mas nws kuj ua zoo xws li tus neeg paub paub tab. Nws kuj tsi nyiam noj mi, yog thaum twg nws noj mi ces nws pheej muab tes tawb niam mi.
    Txawm nws tseem me twb tsi tau puv hli los kuj ua li ntawd.
    Thiab tus me nyuam yog yus kov nws tej nqaij ms pheej tsi ceev nqaij muag muag xwb.
    Tsi zoo xws li cov ua hlob tsi paub yog li cas tiag?.
    Nej leej twg paub pab qhia sob, vim nkawd lub neej tsaug ntuj nti tsi pom qab ua lub nee.
    Nkawd twb yug 7 tus me nyuam lawm.
    Tiam sis tam sim no nyuam qhuav tshuav 2 tus xwb.
    Txij li thaum nkawd yus tau tus hlob tas, ces rov poob ib tus cej tus ntawd, rov tau ib tus me ntxhais tas ces 4 tus ua qab ceg poob tas tiab si.
    Muaj tej tus nyob txog 2 hlis, tej tus nyob txog 3 lub hli.
    Hos thawj tus xub tuag ua ntej mas nyob txog 7 lub hli.

    Cov me nyuam no puav leej tuag rau tib lub caij ua pib tseb noob qoob xwb. Zoo li xav ua rau niam txiv tsi muaj siab khwv.
    Tsim paub yog li cas, sawv daws nrog teev ntuj pab nkawd thiab.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 16th May 2013, 6:39 pm



    Nyob zoo Tub Kawm,

    Raws li kuv xav mas txhob muab tis rau tej yam uas yus paub tsis tau kom tag lus, txhob muab tis rau tej uas tiam tag los yus tshuav me nyuam nqes es me nyuam los tsob. Tej no ces yog lam hais kom siab nqeg xwb. Yeej yog muaj ib tug mob uas nrhiav tsis tau xwb, tshwj xeeb nej nyob lub teb chaws uas twb tsis muaj kev tshuaj txaus, tsuas yog xuas qhov muag ntsia xwb.
    Yog me nyuam nyob txog lub caij yuav cog qoob loo mam tuag mas tej zaud cov me nyuam ntawd tsis haum rau ib cov nroj tsuag hla lub caij ntawd kuj muaj, kom nkawd txhob poob siab tias tsam yog lwm yam.

    Ntawm kuv qhov muag, kuv kuj pom dua 3 zaug los mus zoo li:

    1 tug mas yug tau peb tug me nyuam hlob, tus ntxhais thib ob mas muaj ntsis nrog kuv ib phaum neeg ntag. Dua li cov yau ces yug kiag los nyob ib pliag xwb ces tuag lawm. Thaum ntawd mas peb nyob deb tsev tshuaj, tab sis kuj muaj Kws tshuaj Thaib tuaj nrog peb nyob, tab sis Hmoob pheej hais li nej tus no ces tsis coj mus xyuas Kws tshuaj, tsis coj mus yug hauv tsev tshuaj deb ntawm peb, tab sis yog hais Kws tshuaj Thaib ces lawv hu dav hlau los thauj xwb. Yug tau tuag, yug tau tuag, tej tug ces lawv muab faus, tej tug ces lawv muab khawb qhov ncej tso taub hau tuaj rau hauv, tej tug ces lawv muab hlais ib daig pov ib qhov los yeej tseem ua qees li qub. Tej no mas yog hmoob kev sib hem thiab pom ntawm yus taub ntswg xwb ces txawm siv hais li yus ntse ntse thiaj ua rau cov neeg raug txom nyem poob siab mus ntseeg yam uas tsis tsim nyog ntseeg.

    Tus 2, yog nws tus txiv tus poj niam hlob yog nkauj hmoob Xyooj, tus txiv ua ua hluas ces nkawd sib ceg, nws chim nws noj tshuaj, yuav tuag nws hais tias: "Yog tus txiv tseem mus yuav nkauj hmoob Xyooj ntxiv thiab mas kom yug tau me nyuam dab xwb". No ces nws tuag lawm, tom qab tus txiv kuj mus yuav poj niam hmoob Xyooj li nws thiab, yog yuav tib pawg ntawd thiab, ces yug tau ib cov me nyuam zoo ua ntej, cov nrab ces yug tau zoo li tsiaj kuj tsis xws tsiaj, ib tug uas kuv tus niam laus mus pom lawv muaj khuam ntawm cav cos es tseem tsis tau tuag mas quaj li suab tsiaj, taub hau zuag zuag li kum zaug, lub cev zoo li dev, tes taw zoo li dev tab sis ua nplai li kum zaug. Yug ntau tus tsis xws nee, tsis xws tsiaj, thaum Txiv Plig lawv tuaj peb teb chaws, nws tseem suab ib plab, nws thov kom Txiv Plig muab ntau kom poob, vim yog me nyuamù dab xwb nws ntshai dhau lawm. Txiv Plig teb nws tias tus no tssi yog me nyuam dab lawm, tus no yog me nyuam neeg, koj cia nws yug xwb. Kuv mam thov Ntuj rau koj, yuav tsis zoo li qub lawm. Ces nws yug tau, tsis zoo li qub lawm ces thiaj kom Txiv Plig tis npe, lawv thiaj tis npe hu ua Mab Liab no vim yog tus ntxhais. Niaj hnub no ua neej khov khov.

    Tus 3 yog kuv ib tug niam ntxawm thaum tseem nyob yeej thoj nam Thaib teb, nws nyuam qhuav hlob ces cia li yuav txiv, yug me nyuam. Nws lub cev tsis tuav me nyuam tab sis hmoob tsis paub txog tej no. Nws yug tau thawj tug ces ruam thiab tsis pom kev tsis mluaj zog li, twb tau 3 xyoos tsis txawj mus kev, qhov muag ntxeev lees xwb, ua neeb txhua yam rau los tsis zoo. Yug tus ob, tus peb puav leej yug tau ces tuag tag. Tus 4 ces thaum ntawd lawv twb tsis txais neeg thoj nam rau Fab Kis teb lawm, tab sis kuv leej nkawm thov mus rau cov nom Fab Kis thov lawv tos tuaj, tsos yog tos neeg thoj nam, thov tos cawm ib tug txoj sia xwb. No lawv kuj tos tuaj thiab. Tus 4 ces lawv tuaj txog sawv ntxov, tav su xwb mus yug, yug tau coj tib tug cwj pwm, nkawd ob niam txiv yeej poob siab li, tab sis luag muab coj mus ncu tau ob lub hlias ces hlob zoo nkau li sawv daws lawm, cov tom qab no, tshwj xeeb tus uas yau kiag tus 4 ces muaj rau hli hauv plab xwb lawv tssi pub tus niam nti li, kom mus pw tim tsev kho mob, tso quav tso zis los lawv nqa tib si, tos kom puv hli tso mam sawv xwb. Tus niam pheej ua lim ua lob tsis kam pw, muaj ib hnub lawv hais rau nws tias: "txob taus dhau ces sawv mus da dej es yug me nyuam mas". Nws txawm sawv mus da dej tag naj cas nws cia li yug me nyuam li lawv hais tiag.

    Kuv lam muab ob peb qho piv txwv nov rau koj, kom nkawd ob niam txiv txhob xav rau tej yam yus tsis paub tsis pom kom ua rau nkawd ntau siab yau thiab ntshai. Kuv xav kom 1. Nkawd cuag tau no cuag ib tug Txiv Plig pab foom hmoov zoo rau nkawd. . Nkawd yuav tsum mus cuag kws tshuaj, xyuas tsam nkawd cov ntshav zoo ib yam ces cov me nyuam tsis thev tej yam. Los yog lwm yam. Qhov zoo mas yug tau tus me nyuam, txawm nyob zoo los yuav coj mus kuaj ntshav thiab cuag kws tshuaj seb luag puas pom dab tsi.



    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: MOO QAIJ QAUG

    Post  Yaj Suav Nus on 18th May 2013, 3:42 pm

    Nyob zoo Tub Kawm,
    Hais txog ntawm tus me nyuam tsis kam noj niam mis mas ntshai yog tim tus niam cov kua mis tsis qab thiab tsis muaj tshuaj lawm, muab yuam rau tus me nyuam noj los tsis qab ces tus me nyuam thiaj tsis kam noj, tus me nyuam tshaib dhau lawm ces kuj lam noj me ntsis, vim tus niam cov kua mis tsis qab (tsis muaj tshuaj) thiaj ua rau tus me nyuam tsis puv xws li luag tej, tus me nyuam cov nqaij muag muag; tus me nyuam cov roj ntsha tsis muaj zog ces nws tiv tsis taus khaub thaus, cov me nyuam zoo li no yog cov ib sij mob ib zaug, txog qhov kawg ces kawg tas txoj sia xwb. Tib txog kev yuav pab tau: yog mus cuag kws kho mob. Yog leej niam mis tsis qab li hais ces yuav tau yuav nyuj mis los rau tus me nyuam noj, txhob cia noj niam mis. Yog tias yuav nyuj mis los rau tus me nyuam noj mas yuav tau yuav cov nyuj mis uas luag tsis los rau cov me nyuam mos.
    Kuv tham li no xwb vam tias koj yuav to taub zoo.
    Mam sis tham dua lwm zaus, koj thiab koj tsev neeg sawv daws nyob zoo.

    Y. Suav Nus
    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 19th May 2013, 3:56 am

    Nyob N hlob txiv Ntxawm Num suav, ua tsaug rau neb tuaj qhia kuv og.
    Cia yog thaum twg nkawd rov muaj me nyuam kuv mam li mus tham rau nkawd, kom sim li neb hais og. Sib ntsib dua.
    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 19th May 2013, 3:57 am

    Nyob N hlob txiv Ntxawm Num suav, ua tsaug rau neb tuaj qhia kuv og.
    Cia yog thaum twg nkawd rov muaj me nyuam kuv mam li mus tham rau nkawd, kom sim li neb hais og. Sib ntsib dua.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Re: MOO QAIJ QAUG

    Post  Maiv Tooj on 28th May 2013, 9:18 am



    Ham Yob (Nom Tsheej), hmoob Npam Naj Xees.

    Nyob lub zos Tarare, 69, Fab Kis teb.
    Tau tag sim neej rau hnub tim 27/05/2013 thaum ib tag hmo.

    Tseem tsis tau paub txog lub ntees yuav ua li cas.




    Sponsored content

    Re: MOO QAIJ QAUG

    Post  Sponsored content


      Current date/time is 13th December 2017, 11:20 am