Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Người Công Giáo H, Mông ở Điên Biên Hmoob Kav Tos liv (Catholic) nyob xeev Dien Bien cob tsib teb
by Maiv Tooj Yesterday at 6:47 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 15th November 2017, 9:52 pm

» XH. Yaj Zoov Ntxheb lub Tsev THOOB TSIB
by Maiv Tooj 15th November 2017, 9:41 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 15th November 2017, 9:38 pm

» Natuzza Evolo txais Tswv Ntuj txiaj ntsim.
by Maiv Tooj 14th November 2017, 8:53 pm

» TP.Txhiaj Foom
by Maiv Tooj 13th November 2017, 6:22 am

» Txiv Plig Coj Xeem Yaj, Thaib teb.
by Maiv Tooj 13th November 2017, 6:18 am

» Nkauj teev Ntuj nyob hauv Youtube
by Tub Kawm 11th November 2017, 4:59 pm

» Leej Ntshiab Yos Xes nyob Cupertino, Italie teb.
by Maiv Tooj 11th November 2017, 7:18 am

» THOV TAU TXIAJ NTSIM NYOB ARS
by Maiv Tooj 9th November 2017, 7:49 am

» Txhob poob siab
by Maiv Tooj 9th November 2017, 7:44 am

» COV ZAJ NYEEM NRUAB LIS PIAM XYOO I 2016-2017
by Mim 6th November 2017, 11:45 am

Suav neeg tuaj saib, txij hnub 17/09/2010 los mus.


    MOO QAIJ QAUG

    Share
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    Re: MOO QAIJ QAUG

    Post  Npuagtub on 30th October 2011, 1:28 pm

    XH. Ntxoov Tsab,

    Yog li Maiv Tooj hais lawm, 25 xyoos mas nyuam qhuav tiav neeg xwb, yog nchuav cev xwb mas tej zaum yog nej nyob deb tsev kho mob loj lawm xwb thiaj li pab tsis tau. Hais txog kev kho mob uas qhov muag pom tau mas cov teb chaws vam meej li Fab kis thiab Meskas mas lawv yeej paub zoo heev. Vim lawv muaj kev tshawb fawb ntau dua thiab tsoom fwv txhawb cov tsev kho mob kom muaj kev pab cov pej xeem thiab ces qhov no thiaj hais tau tias cov teb chaws vam meej lawv cov txuj kho mob siab dua.

    Nyob peb teb chaws es tus neeg mob hnyuv tws xwb es tseem tuag taus thiab tiam sis nyob cov teb chaws vam meej mas tej mob hnyuv tws xwb mas tsuas yog ib qho mob me me xwb, tsuav yog mus txog tsev kho mob lawm ces yeej pab tau xwb. Peb nrog Ntxhoo tsev neeg tu siab uas tsis muaj kev pab tau nws zaum no nws thiaj tau tso sawv daws tseg.
    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 11th December 2011, 3:23 am

    Leej, nyob Laj Vij,Cob tsib teb. Tim 7/12/2011

    Nyob zoo ib tsoom phooj ywg,

    Thov tshaj ib lub moo tu siab tuaj rau sawv daws, kom sawv daws nrog thov Ntuj pab. Hnub tim 7 / 12 / 2011 tas los no, peb muaj ib yim neeg nyob rau cheeb tsam "Laj vij" nyuam qhuav los txais kev ntseeg rau xyoo no, Nws tsev neeg muaj 13 leeg, tiam sis tus Txiv cia tas sim neej lawm, tus tas sim neej ntawd nws lub npe hu ua Leej. hnub nyoog kwv yeej muaj 47 xyoo tej, qhov nws tau tas sim neej yog, vim nws tau nrog nws tus yawm cuas hau me ntsis cawv, thaum nws los txog tsev hnov zoo nkaus li mob taub hau no, nws tau muab ob lub tshuaj PARACETAMOL noj tas ces ciam lis mob zuj zug tua ces cas li tas sim neej xwb. Thov sawv dhaws pab teev Ntuj pab nws tsev neeg thiab Nws. Vim tias lawv nyuam qhuav los ntseeg xwb lawv tsi tau paub dab tsi li. Thiab lawv lub zos mas nyob deb cov XH heev mus ntawm peb mus yog caij tsheb yuav mus xav ib tav su thiaj txog rau lawv lub zos. Nyob rau hauv lawv lub zos cov nom tswv tseem ua nruj heev li, tsis pub lawv los ntseeg, cov XH thiaj mus qhia tsi tau kev ntseeg rau lawv. thiab cov nom tswv tseem tsis tau txais lawv ua peej xeem, lawv yeej tsi tau muaj ib tus tswv zos los hau zos li, lawv tej me tub me nyuam tseem tsi tau nrog luas kawm ntaub kawm ntawv xws li lwm qhov. Lawv tsuas noj ib hnub dhau ib hnub xwb, lawv tej liaj teb yog luas li xwb ib xyoo lawv yuav tsum rhu nyiaj yuav ib zaug lawv thiaj tau ua, yog tsi li ntawd ces luas muab muag rau lwm tsev neeg rov ua lawm, yog ib qho txom nyem heev rau cov kwv tij ntawd og. Thov sawv daws thov ntuj pab lawv thiab nawb.

    Kuv tseg tau ob peb hnub tsi pom tuaj lawm yog lawv tau caw peb mus ua lub Txoos xa plig rau tus tau tas sim neej ntawd lawm, nyuam qhuav los txog na hmo xwb. Hnub no ua cas nej twb tham tau ntau yam ua luaj lawm og. Lib no xwb. Thov sawv daws nrog Teev Ntuj pab lawv.

    Ua tsaug.



    Lub zos Laj Vij



    Tej teb toj roob xwb los tseem yuav khais nyiaj thiab thiaj li tau los cog qoob.

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 11th December 2011, 10:33 am


    Nyob zoo tub Txawj Tuam,

    Pab tsev neeg xyom cuab tu siab mog.
    Cas hluas hluas, lub neej nyuam qhuav pib xwb es txawm siv yuav tso lub ntiaj teb tseg. Hlub kwv Leej cov niam tub kawg nkaus. Txoj kev tuag, yog ib yam tshiab rau lub neej pem suab, tab sis yug los ua ib zaug neeg, xav kom nyob ntev ntev laus nkoos hauv lub ntiaj teb no kom tsim nyog los yug ua neeg ib zaug tso mam li hla mus.

    Txawj Tuam, cas zoo li lawv twb nyob yaj sab heev, twb tsis ze nroog, yog tim li cas tej nyuag av khuab roob ua noj xwb es tseem yuav tsum them nyiaj mam li tau los cog thiab?
    Es yog tej thaj chaw coj nruj heev no yus xav txav chaw mus nyob tej qhov uas muaj teb ua noj lo tej nom tswv puas kheev yus mus thiab?
    Cas pom lawv tej vaj tsev es yuav kho siab ua luaj li. Tseem nyob me tsev nqeeb npog luas, me nroj tsuag ntsuab xiab ntawm tej tog vaj tog tsev, ntxim cog ntoo roj hmab kawg nkaus li.

    Kwv tij Hmoob, cas nej yuav nyob tau tej lub zos kho siab ua luaj li os lawv...!!! Cas nej nyob deb li deb los peb tseem sib nug moo tau.
    Yog txawj yaj los txawj txia ntshe yuav txia ntshis ua qab me koob pluaj tooj,
    muab rhaus lis nkaus rau nej tej me nqaws tsho txooj,
    Kaj ntug tsis tau kaj ntshe yuav hnov niam coob miv ncuas kau luj laws tim tej nta roob...Ntshe kho kho siab me txiaj oob kua muag yuav sib tw poob xwb lauj...!

    Tub Txawj Tuam, lub tsheb sib khawm ntawm tog tsev puas yog XH.Ntxoov Tsab neb lub ntag, ntsia neb khiav kev ntxim sab kawg nkaus li. Es lawv lub zos cov tsev sib nrug heev los cas pom ob lub tsev xwb?

    *Kuv pom li tsis muaj kaus mom looj tau hau nrog lub tsheb sib khawm, Tub Txawj Tuam, nej yuav tsum yuav cov kaus mom los ntoo thaum nej caij tsheb sib khawm nawb. Vim nws tseem ceeb heev, txhob tias kim kim li ces tssi yuav, yuav tsum yuav los ntoo faj seeb thiaj nyob kaj siab os nawb.



    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 11th December 2011, 12:36 pm

    Nyob zoo Nim Hlob lawv lub zog tsi tau muaj tswv zog los tswj es lawv ua liaj ua teb nyob qhov tws ces lawv nyob qhov ntawd xwb, thiaj li nyob tsis sib xyaw 1. 2 yim nyob rau ib qho tej xwb og. Hais txog lub tsheb ces twb tsis yog XH Ntxoov tsab wb li og, yog lawv cov dab laus li xwb. Wb twb tseem tsi tau muaj tsheb og, thiab Ntxoov Tsab twb tsi nrog peb mus, vim nws muaj hauj lwm khuam lawm. Hais txog ntawm ua koj hais tias vim li cas ho tsi pom lub kauj mom es peb puas ntoo kauj mom no? Peb yeej ntoo kawg tiam si peb muab khaws cia tso tom hauv lawv tsev lawm. Ua tsaug ua koj tseem txhawj txog peb thiab og Niam Hlob.
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 12th December 2011, 5:25 am

    Txawj Tuam, nej teb chaws lub zos Las Vij cas yuav nyob tau kho siab ua luaj, me toj roob hauv pes pos huab quas niab, kho siab khuav li, yog txhob txom txom nyeem no ntshe nyob toj roob hauv pes yuav kaj siab tshaj nyob nram tej nroog uas hnia pa roj pa av txhua hnub.

    Tus tij koj hais tau muab caws haus es noj sthuaj tuag ntawv cas nws keeb kwm yuav los tag sai kawg kiag, nws kuj tseem tsis tau laus npaum cas thiab, zoo kawg uas nej tseem muaj siab mus ua lub txoos pub rau nws, yog nws nyuam qhuav los ntseeg xwb los yeej zoo tshaj qhov nws tsis paub Tswv Ntuj. Thov Huab Tais Ntuj khuv leej nws tsev neeg thiab thov Tswv ntuj pab kom txhua txhia haiv neeg tau kev teev hawm Tswv Ntuj vim Tswv Ntuj yog tus kav thiab tus tsim. Amen.




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 12th December 2011, 8:52 am



    Nyob zoo Maiv Paj Lug thiab tub Tawj Tuam,

    Tub Tawj Tuam, nws tssi khoom los muaj hauj lwm, kav tsij mus ua es xyeej thaum twg no mam li rov tuaj xyuas )peb dua. Peb twb muaj ob peb leeg ces ib tug tssi khoom los ib tug mam zov tsev xwb. Ua tsaug ntau uas nej siv xov tooj ntau ntawv xwb los nej tseem sau tau tej phab ntawv tuaj nrog peb tham thiab. Tswv Ntuj yuav pov hwm nej txhua lub caij.

    Tub Txawj Tuam, es ib lub tsheb sib khawm (Moto) li lub saud, nyob nej teb chaws yog raug nyiaj Doom pes tsawg?
    Ua li nej kev khwv noj, nrhiav nyiaj yog nej ua li cas, ua dab tsi muag thiaj li tau nyiaj los siv puag xyoo?

    Kuv ntsia daim duab lub tsheb Moto thiab tus txiv neej zaum khooj ywb ntawm ib sab mas ntxim li nws taug kev ib hnub sab sab, tab sis nws kuj nyob kaj siab lug, nws muaj peev xwm kawg yog ib qho zoo heev.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 13th December 2011, 7:25 pm


    Nyob zoo Txawj Tuam,

    Ua tsaug uas koj xa cov duab zoo nkauj txog lawv tej zej zog rau peb saib, zoo kawg, yam peb twb tsios xav thiab paub txog nej lub neej ntuj qub qab. Yog ib yam zoo ua kom peb paub txog nej lub neej kev khwv thiab peb leej twg ho npaj siab xav pab, xav hlub nej los thiaj li paub npaj. Ua tsaug rau koj lub siab zoo thiab lub dag zog.




    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 16th December 2011, 2:18 am

    Nyob zoo Niam hlob thiab Maiv Paj,

    Maiv paj tus neeg ntawd nws tsi yog noj tshuaj tuag, muab xav mas yog nws hau cawv es ntshai nws txoj hlab ntsha tau hau tawg lawm, es nws li muab cov tshuaj PARACETAMOL uas yog tshuaj teb chawg tsim coj los los kho neeg mob plab dhiag hau es tau no ntawd coj los noj xwb, tsi yog noj tshuaj tuag og. Tiam si hmoov tsi muaj es thiaj tau tso sawv daws tseg xwb.

    Niam Hlob tus zaum ntawm lub Tsheb moto ib sab ces yog peb ib tus dab laus ua tau mus ua lub txoo xa plig rau tus tuag ntag, twb yog nws tsav tsheb rau wb caij mus nkaus og. Hais txog ib lub tsheb MOTO ntawd tus nqi mas kuj muaj cov kim thiab tsi kim. Yog cov zoo caij tsawv mas tus nqi yog 17.000.000d, cov xab yeeb mas 10.000.000d tej. Yog cov tsi muaj Nyuj, Twm, coob mas yuav tsis tau caij li. Hais txog kev khwv nyiaj ces peb twb tsis muaj chaw khwv xws li nej teb chaws, thiab hauv tej nroog loj og, peb tsuas yog yug tus puav qaib tus puav npua, los si Twm, nyuj, tej cob mus muag xwb. Yeej tsi pom qab mus khwv nyiaj li og.

    Niam hlob txawm tias peb yuav siv XT sau ntawv xwb los peb yej sib fim tau yam yooj yim kawg eb ib tus paub ib tus og. Tsuas yog nyuaj me ntsi ntawm kev sau ntawv es sau qeeb zog me ntsis xwb, tsi ua cas. Txawm yuav nyuaj npaum twg los peb yuav maj mam sau thiab tsim paj tshiab tseg rau hauv lub forum catholic tseg cia ua puav pheej pub rau txhua leej og. Thov ua tsaug rau nej tau tsim lub forum Catholic no rau peb taus sib tshaj xo ntau yam kom sawv daws paub og.

    Li no xwb nyob zoo.

    100 $USD=2 101 600 Dong Viet

    Nyob Cob Tsib teb:

    Ib tug txiv twm (phaw twm) mas ib tus yog cov uas loj thiab ntug ntug dab mas yog 20 los 21.000.000d tej.
    1 ki nqaij twm mas kuv tsi paub vim peb tsi nyob hauv nroog loj.
    Tiam sis nqaij npua 1 ki yog 1puas 120000d tej.
    Yog ib tus lauv qais sis tej mas peb muag 1ki 100.000d tej saib tus qaib ko muaj peg tsawg kiv mas xam li ntawd mus,
    hais txog nplej mas ib xyoos nws ho txawv me ntsis lawm, tsaib no mas yog cov nplej qab mas muas 1k mas yog 5000d, cov tsi qab mas yog 3000d tiam si xyoo no mas cov qab mas yog 7000d 1ki lawm cov tsis qab mas yog 5000d ib ki.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 16th December 2011, 7:10 pm



    Nyob zoo tub Txawj Tuam,

    Zoo siab tau hnov txog nej lub moo kev khwv noj khwv haus.
    Ib leej nyob ib tsa ntuj, nyias nim muaj lawm nyias txuj,
    Ib leeg nyob ib rab teb, nyias nim muaj lawm nyias ci,
    Ib leeg nim muaj lawm ib lub tswv yim nrhiav noj,
    Ib leeg nim muaj lawm ib txoj cai coj.

    Ua li nej kev tu tsiaj txhu, ua nplej pob kws ywj siab los muaj faib rau lub teb chaws thiab?
    Nyias ua tau nyias yuav nyias los ua tau muab los tso ua ke es mam li rov faib rau sawv daws?

    Tub Txawj Tuam, nyiaj txiag khwv tau lub siab khwv tsis tau, yog yus tseem muaj txoj sia lub zog, lub neej yeej yuav xws luag ib zaug xwb mog. Tso siab lug rau Huab Tais Ntuj, rau siab teev Saw Mab Liab, rau siab thov Leej Ntshiab As Tis Nias nyob Pas Duas pab thov Ntuj rau nej. Tswv Ntuj lub hwj huam loj tas nrho, nws ua tau tej yam loj tshaj qhov yus xav txog. Kuv pom qhov video Niam Mab Liab ua hwj huam yees ntxwv nyob Tas paus mas zoo nkaus li nws nthuav nws lub tsho los roos lub teb chaws mas kuv kuj tso siab kawg li.

    Breaking News: The Virgin Mary Apparition in Vietnam 19 /1/ 2009





    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 20th December 2011, 1:56 am

    Nyob Zoo Niam hlob, peb teb chaws khwv noj ywj siab xwb og, yog leej twg khwv tau ntau ces yeej sau tau ntau xwb. Hais txog qhov Niam Mab Liab ua hwj huam ntawd mas kuv kuj xav ib yam li koj thiab. Kuv vam hais tias yog leej twg thov Niam Mab Liab mas Niam Mab Liab yuav pab thov Ntuj rau tug ntawd og.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 20th December 2011, 8:53 am



    Nyob zoo tub Txawj Tuam,

    Zoo siab hnov txog nej lub moo zoo,
    Tes khwv tes noj, txawj khwv ces tau noj
    Tes khwv tes ua, txawj khwv ces tau noj tsis tu ncua

    Tub Tawj Tuam, kuv rov muab zaj paj huam hais txog tes khwv tes noj rau nej nyeem ua si. Kuv twb tso rau hauv lub tsev thoob tsib ntev los lawm, tab sis lam rov nyeem ua si txhawb siab.

    TXHAIS TES



    Tes khwv tes noj, coj koj mus nyob ua npoj
    Tes noj tes ua, coj koj mus rau kev hlub tshua
    Tes puag tes qaws, coj koj mus ua pab ua pawg
    Tes plhws tes tes tuav, coj koj mus rau kev hlub tshua
    Tes thiab tes hwj, coj koj mus rau kev kaj siab zoo ntsws
    Tes dawb tes ntshiab, yuav coj koj mus muaj txoj sia...
    Tes txom nyem tes quaj ntsuag, yuav cawm koj dim ntawm txoj kev tuag...







    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 20th January 2012, 5:56 am

    kuv muaj ib tug phoojywg fab kis hu ua Natacha tau tag sim neej , nws muaj 33 xyoos thiab ob tug me nyuam, nws tag sim neej vim nws tau ib tug mob phem uas yog mob qog mis cancer, nws tus txiv ua nws lub ntees rau lub vas thiv no thiab muab nws lub cev hlawv vim tus phoojywg ntawv thaum tseem ua neej nyob hais tseg tias yog hnub twg nws ncaim ntiaj teb lawm muab nws lub cev hlawv, ces tus txiv ua raws li nws nyiam.

    Natacha yog tus nkauj nyab nyob ntawm daim duab tau tag sim neej rau hnub tim 14/01/2012


    Nws tus txiv tau xa xov rau peb, tus txiv hais tias tej tsam lub neej kuj nyuaj kawg, vim tau tshem ib txhia neeg uas yus tshua mus ntxov lawm, thov hais rau ib tsoom kwv tij saw daws yog leej twg tseem muaj txij muaj nkawm no ces rau siab hlub nej cov txij nkawm, txawm phem thiab zoo los sib zam thiab sib pab, txhob sib tshom kom ib tug swb ib tug yeej, vim lub neej sai sai li, ib sij huam nws yuav ua kom tus neeg nyob ze yus ploj ntais lawm los muaj, thov kom cov tseem muaj txij muaj nkawm khaws nws cov lus no zoo tseg.

    Natacha, nws nrog Hmoob nyob hlob tiav nkauj, nws muab kuv niam hu ua nws niam li peb Hmoob hu, nws noj mov hmoob thiab hais lus Hmoob nrog peb thaum peb tseem nyob ua ke, nws muab peb ua nws cov viv ncaus vim nws tsis muaj niam, txawm kuv tshaj lub moo qaij qaug ntawm no uas tsis yog Hmoob los nej zam txim rau kuv, vim nws ua rau kuv pom tias kuv tshua txog tus phoojywg no heev, ib txwm nyob ua ke thaum yau yau los, nws tau ncaim peb lawm ua rau kuv nco nws kawg li thiab, kuv hlub nws tus txiv thiab nws ob tug me tub kawg. :(01




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 20th January 2012, 6:46 am



    Maiv paj Lug,

    Pab nws tu siab rau nws tus phooj ywg mog,
    Yog kawg, lub neej luv luv, peb yuav tsum xyaum sib zam sib hlub. Vim txoj kev hlub twb hlub tsis tag, los lus zoo twb hais tsis txhua, peb twb yuav hla mus rau lub neej tshiab lawm. Txoj kev zoo peb yuav rau siab tuav, txoj kev kaj siab peb yuav tswj nrees kom txhob pluam.

    Tu siab uas nws xaiv muab nws lub cev hlawv. Nws xav li ntawd los kuj yog thiab, vim peb nyob teb chaws Fab Kis nov tsis zoo li lwm qhov, txawm muab faus av los tsuas yog faus ib ntus xwb, yuav raug khawb tawm kom ho tau faus tus tshiab rau. Qhov ntau ces lawv yeej tsuas faus li 30 xyoo, yog rov ncua dua ces ntxiv 30 xyoo ntxiv xwb. Mas kuj tu siab kawg, thaum lawv rov khawb tawm ces lawv muab coj mus hlawv ua ke lawm xwb.



    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 20th January 2012, 3:14 pm

    Nyob zoo Mp thiab N HL, MP nro nws tu siab rau nws tus phooj ywg og ua cas txoj si yuav luv ua luaj, nyuam qhuav ib nrab neeg xwb txawm si ncaim peb mus lawm. Txawm nws tsi yog hmoob nws yog fab kis xwb los, peb yog neeg ib yam, yeej muaj kev tu siab ib yam og, peb ua neej nyob leej twg los xav kom nyob puv 120 xyoo thiaj maj li ncaim mus xwb. Tiam sis vim txoj kev tuag yeej tsi muaj leej twg yuav paub tau. Thiaj kom sawv daws tig los ua zoo nyob tsam thaum peb ncaim ntiaj teb no lawm ces yuav lig rau peb og.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1985
    Date d'inscription : 2009-10-16

    Re: MOO QAIJ QAUG

    Post  Mim on 21st January 2012, 4:12 pm

    Maiv Paj Lug,

    Peb sawv daws nrog koj tu siab, thiab peb mam li thov ntuj pab koj tus phooj ywg thiab nws tseb neeg os nawb.
    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 6th May 2012, 12:40 pm

    Nyob zoo cov phooj ywg sawv daws. Tau 2 3 hnub los no xyov yog li cas? Cab sab khiav tsis zoo li lawm, Kuv thiaj tuaj tsi tau sau li lawm. hnub no kuv mam rov sim no cas khiav zoo me ntsis. Kuv thov tshaj ib lub moo tu siab tuaj rau nej sawv daws paub. Tam sim no nyob hauv kuv lub zos, kuv muaj ib tus phooj ywg. Nws txiv tau tas sim neej lawm, tus tas sim neej ntawd lub npe yog hu "Yias" yog xeem hmoob Xyooj. Nws yog ib tus neeg laus, muaj 80 ntau xyoo tej lawm. Thaum nws txoj yuav tu nws tsi zoo tu li, nws ua tau 3 hnub 3 hmo tsi zoo tuag, tsi paub yog li cas?. Yog thov sawv daws pab thov ntuj pab rau nws thiab, ua tsaug.


    Last edited by Txawj Tuam on 7th May 2012, 3:15 am; edited 1 time in total
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 7th May 2012, 2:51 am

    Txawj Tuam wrote:Nyob zoo cov phooj ywg sawv daws. Tau 2 3 hnub los no xyov yog li cas? Cab sab khiav tsis zoo li lawm, Kuv thiaj tuaj tsi tau li lawm. hnub no kuv mam rov sim no cas khiav zoo me ntsis. Kuv thov tshaj ib lub moo tu siab tuaj rau nej sawv daws paub. Tam sim no nyob hauv kuv lub zos, kuv muaj ib tus phooj ywg. Nws txiv tau tas sim neej lawm, tus tas sim neej ntawd yog ib tus neeg laus, muaj 80 xyoo. Yog li thov sawv daws nrov teev ntuj pab thiab, Vim thaum nws yuav tuag mas nws ua peb hnub peb hmo tsi tu siav yam nkaus tsis zoo tuag li, yog li tsi paub yog li cas? Thov sawv daws pab thov ntuj pab thiab, ua tsaug.

    Nyob zoo os Txawj Tuam, thov koj pab qhia tus neeg laus lub npe rau peb es peb thiaj pom qab thov ntuj rau nws os nawd, thaum peb thov ntuj rau nws, peb yuav tuav txog nws lub npe kom Huab Tais Yesxus tig los hlub nws, ua tsaug ntau koj tuaj qhia peb od mog, peb yuav npaj thov ntuj pab rau nws tus ntsuj plig.




    <3 <3 Pab kuv rov los cuag koj Huab Tais Yesxus <3 <3
    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 9th May 2012, 11:46 pm

    Nyob zoo sawv daws. Kuv thov txim uas kuv tsis ncob qab sau, vim hnub ntawd kuv niam los kuj muaj mob thiab es ua rau kuv muaj ntau qhov kev nyuaj, Kuv thiaj tsis nco qab sau lawm. Tus uas tau tas sim neej ntawd yog XH Xyu Tub yawm txiv tshiab, Nws lub npe hu ua Yias Xeem Xyooj, Nws nyuam qhuav los yuav XH Xy Tub niam tais rau xyoo 2004 xwb, es Nws thiaj los nrog peb ntseeg ntuj lawm. Tam sim no Nws muaj 80 ntau xyoo tej lawm. Thov sawv daws teev ntuj pab, Ua tsaug.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 10th May 2012, 6:49 am



    Nyob zoo Txawj Tuam thiab Maiv paj Lug,

    Pab tu siab nawb mog Txawj Tuam.
    Tu siab uas nej nyob deb tsev tshuaj es ntshe yawm txiv twb mob mob los tsis muaj tshuaj rau kom loog es txhob hnov qhov mob, ntshe nws tiv tiv nws tej mob ua tuag kus. Thov kom Tswv Ntuj tsom kwm nws, coj nws tus ntsuj plig mus rau txoj kev thaj yeeb, nyab xeeb tshav ntuj nrig ib txhid.




    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 18th May 2012, 3:59 am

    Vang Xao thiab Tsab Sua nyob Amboise 37 tus ntxhais thiab tus nraug vauv tau ua tsheb sib nraus nag hmo, muaj neeg tsav tsheb qaug cawv los nrau lawv cov niam txiv tub, tus niam tuag ntawm chaw, tus txiv raug mob hnyav, tus me nyuam ntxhais yuav muaj 2 xyoos, tsis raug dab tsi li, tiam sis lub tsheb puas ntsoog tag ...

    Tus ntxhais hu ua Evelyne Vang lub ntees yuav ua rau tag kis nyob Amboise, kwv tij neej tsa, nej pab thov ntuj rau tus ntxhais nod thiab mog, vim nws tseem hluas heev los txoj sia tu lawm tiag txuas tsis tau rov los lawm, lawv kuj yog cov Hmoob ntseeg ntuj nyob Amboise thiab, thov kom Huab Tais Yesxus txais nws tus ntsuj plig thiab pov hwm 2 txiv tub ua ntsuag rov tom qab kom siab tus kom dhau lub sij hawm . :(01




    <3 <3 Pab kuv rov los cuag koj Huab Tais Yesxus <3 <3
    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 18th May 2012, 4:51 am

    Nyob zoo sawv daws, M.Paj nrov lawv Tu siab og, ua cas txoj hmoo tsi muaj, xav ua zoo los vim luas ua ruam kev ces yeej ua li no lawm xwb, txoj sia yog tu lawm yeej txuas tsi tau rov og. Peb mam li teev ntuj pab rau tus ntxhais ntawd, thiab Nws 2 txiv Tub og, nyob zoo.
    avatar
    NrhiavTswvNtuj
    Hmong Catholique
    Hmong Catholique

    Messages : 661
    Date d'inscription : 2009-08-18

    Re: MOO QAIJ QAUG

    Post  NrhiavTswvNtuj on 18th May 2012, 11:34 am



    Maiv Paj Lug,

    Tu siab kawg, lub neej twb tsis tau ua, nyuam qhuav pib xwb cas txawm siv muab tso tseg. Tej tug neeg mas nws ua txhaum tsis yog nws yuav ua rau nws ib leeg ris, nws tsim kev puas ntsoog rau luag tej.

    Pab nkawd tu siab, pab nkawd niam nkawd txiv tu siab, hlub nkawd ob leeg tsis txawj tag.

    Thov Huab tais Ntuj lub hwj huam los tsom kwm nkawd tsev neeg thiab nkawd niam poj txiv yawg, niam tais yawm txiv tsev neeg. Kom lawv ua siab loj nyob hauv Tswv Ntuj lub xub ntiag.





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 21st May 2012, 12:00 pm



    Tshaj Moo qaij qaug Lyon, xeev 69, Fab Kis teb.

    Niam Neej Yis Lauj, yug nyob Samenua, Los Tsuas teb tim 15.01.1941,

    tau tso nws tsev neeg tseg hnub 21.05.2012,

    Nws muaj 3 txwg tub nyab thiab 6 txwm ntxhais vauv.

    Hnub tim 24 lub 5 hlis 2012 : Xa plig nyob "chambre funéraire à Bron (Lyon)"
    Hnub tim 25 : Sam sab.

    Peb sawv daws nrog tsev xyom cuab muaj kev tu siab thiab thov Tswv Ntuj pab rau tsev xyom cuab.



    Last edited by Maiv Tooj on 22nd May 2012, 7:08 pm; edited 1 time in total



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 22nd May 2012, 11:20 am

    Maiv Tooj wrote:

    Tshaj Moo qaij qaug Lyon, xeev 69, Fab Kis teb.

    Niam Neej Yis Lauj, yug nyob Samenua, Los Tsuas teb tim 15.01.1941,

    tau tso nws tsev neeg tseg hnub 21.05.2012,

    Nws muaj 3 txwg tub nyab thiab 6 txwm ntxhais vauv.

    Hnub tim 24 lub 5 hlis 2012 : Xa plig nyob "chambre funéraire à Bron (Lyon)"
    Hnub tim 25 : Sam sab.


    Peb sawv daws nrog tsev xyom cuab muaj kev tu siab thiab thov Tswv Ntuj pab rau tsev xyom cuab.


    Vuag! cas ib sij huam xwb es nyias yuav mus nyias lawm tiag tiag li, thov kom Huab Tais Ntuj txais niam Neej Yis Luaj tus ntsuj plig mus lawm pem ntuj, thov Tswv Ntuj pab txhawb nws tsev neeg rov tom qab kom ua siab loj, tso siab rau Yesxus mog.

    Peb txhua tus mam pab thov ntuj rau Niam Neej Yis Lauj thiab os, ua tsaug ntau koj tuaj tshaj moo qaij qaug rau peb paub nawb Maiv tooj.




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: MOO QAIJ QAUG

    Post  Maiv Tooj on 28th July 2012, 11:26 pm



    NCAIM MUS IB SID "A Dieu" Père Bruno ARENS





    Chers tous et amis Hmong,

    Nous venons d'apprendre que le Père Bruno ARENS, qui avait repris le travail du Père Yves BERTRAIS au centre "Bon Pasteur" à Lomsak, vient de nous quitter prématurément.

    Ses obsèques ont eu lieu le samedi 28 juillet 2012 à l'église de "Sankt Vith", en Belgique.

    Nous nous unissons dans la prière à sa famille, à la communauté des Oblats et à ses amis.


    __

    Ib tsoom kwv tij Hmoob sawv daws,

    Txiv Plig Bruno ARENS, uas yog tus los tuav hauj lwm hauv "Zoo Tswv Zov Yaj" nyob Lomsak, tau tas sim neej lawm.

    Cov Txiv Plig Oblat thiab nws tsev neeg tau teev Ntuj rau nws, hnub tim 28 lub 7 hli Ntuj, nyob lub zos "Sankt Vith", Belgique teb.

    Lub sij hawm zem thiab luv dhau lawm. Peb cov Hmoob mus koom tsis tau.
    Tiam sis peb sawv daws pab thov Ntuj rau nws thiab tsev xyom cuab.

    Aumônerie Catholique des Hmong de France




    Sponsored content

    Re: MOO QAIJ QAUG

    Post  Sponsored content


      Current date/time is 22nd November 2017, 4:33 pm