Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    MOO QAIJ QAUG

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 20th June 2013, 1:02 am






    Lis Vam Yeeb yug tim 18-04-1959
    Nyob 69 Rieux-la-Pape (Lyon)
    Ua Ntuj Kev Cai: xyoo 2002
    Muaj 5 tug me nyuam, 3 tug tub, 2 tug ntxhais
    1 txwg tub nyab
    1 txwg ntxhais vauv
    3 tug xeeb ntxwv

    Tau tag sim neej rau hnub tim 19-06-2013 thaum ib tag hmo.
    Yuav ua nws lub ntees rau hnub Samedi tim 22 mus rau 24-06-2013
    Nyob rau lub tsev pam tuag:

    Pompes Funèbres Limat
    338 rte Gouverneur 01330
    Ambérieux en Dombes

    Xa plig rau hnub 22-06-2013 thaum 19teev tsaus ntuj
    Sam sab rau hnub Lundi 24-06-2013

    Txoos teev Ntuj ntees nyob rau tsev teev Ntuj:
     St.Pierre Chanel
    Avenue de l'Europe
    69140 Rieux-La-Pape
    thaum 9h15 sawv ntxov.

    Teev Ntuj tag, yuav coj mus sam sab rau toj ntxas Rieux La Pape.

    Xov tooj: Lis Neej Zoo 06 59 59 77 22





    avatar
    Lajpovyaj
    Phooj Ywg
    Phooj Ywg

    Messages : 171
    Date d'inscription : 2009-12-03
    Age : 57
    Localisation : USA

    Re: MOO QAIJ QAUG

    Post  Lajpovyaj on 6th August 2013, 11:16 am

    Niam ntxhoo uas yog niam nai phoo vaj pov tau tso sawv daws tseg rau lub 8/5/2013 no lawm.Vim yog tau tus mob cancer los tau ntau lub xyoo.Tseem tsis tau paub tias yuav muab los ua kev cai dab qhuas hnub twg.
    avatar
    paris.xa moo

    Messages : 28
    Date d'inscription : 2010-05-06

    Re: MOO QAIJ QAUG

    Post  paris.xa moo on 9th August 2013, 6:33 am

    Liajpovyaj wrote:Niam ntxhoo uas yog niam nai phoo vaj pov tau tso sawv daws tseg rau lub 8/5/2013 no lawm.Vim yog tau tus mob cancer los tau ntau lub xyoo.Tseem tsis tau paub tias yuav muab los ua kev cai dab qhuas hnub twg.
    nrog txoj kev hlub kev tshua :

    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: MOO QAIJ QAUG

    Post  Maiv Paj Lug on 22nd January 2014, 12:55 pm

    Kuv niam Ly Cheng tau tso peb sawv daws tseg rau hnub tim 16 lub 1 hli ntuj 2014 thaum 3 teev yav noj su tas.

    kuv niam tos kuv mus txog li 1 teev tom qab ces nws siav tu, peb txua tus khuv xim kawg, vim tias lub neej tshuav ntev peb tseem hluas tsis tau paub qab hau dab tsi, txais txoj kev ua ntsuag, vim yog tus mob yuam mus lawm xwb, tiam sis ua Tswv Ntuj tsaug tau pub nws los ua peb niam rau ntiaj teb, Tswv Ntuj yuav saib xyuas nws zoo tshaj peb txhua tus hauv ntiaj teb, mus zoo koj os kuv niam, nco ntsoov thov Tswv Ntuj rov qab los pab peb thiab pov hwm peb cov me nyuam kom ua tau neeg ncaj thiab neeg zoo mus ib txhis thiaj tau los nrog koj nyob pem ntuj ceeb tshej os kuv niam Ly Cheng tus siab dawb siab zoo.
    http://www.youtube.com/watch?v=olUnkJdf9Xc&feature=c4-overview&list=UU3cfDBRfd0taxGnl-pRmX-w


    Hnub yug 03/06/1945

    Ua neej txog 16/01/2014

    Muaj 68 xyoo

    Ua nej sawv daws tsaug cov tau tuaj pab peb hlub thiab pab peb koom thov ntuj rau peb niam .




    <3 <3 Pab kuv rov los cuag koj Huab Tais Yesxus <3 <3
    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 23rd January 2014, 2:16 am

    Nyob zoo sawv daws, Mp kuv tseg tau ntau hnub tsi khoom tuaj xyuas nej, cas koj niam twb tso peb tseg lawm og. Nrog koj tsev neeg tus siab, thov kom peb Txiv Tswv Ntuj txais koj niam tus pli mus pem ntuj..

    Thov Leej Ntuj plig tuaj nplij nej lub siab kom ua siab loj. Nyob zoo.
    avatar
    Tub ntsuag
    Phooj Ywg
    Phooj Ywg

    Messages : 137
    Date d'inscription : 2011-10-06

    vim li cas peb tsi sib hlub lawm os lawv

    Post  Tub ntsuag on 24th January 2014, 5:49 pm

    nyob zoo peb ib tsoom phooj sawv daws xyov tim dab tsi lawm os peb niam txiv kwv tij neej tsa txhua leej zej zos paws ntseeg tsi txawj sib li lawm niaj hnub tsuas pom ua plaub ua ntug zuj zus mus li xwb os twb yog neeg ntseeg lawm tiam sig tseem sib hlub npaum cov neeg tsi tau txais ntuj kev cai lawm og mas yog tej yam txaus tu siab tshaj li og niaj hnub lim piam tsi muaj neeg mus teev ntuj li lawm niam txiv txij nkawm neej tsa kwv tij los tseem sib cav sib ceg .ua rau ib leeg ntxub ib leeg yam ntsej muag dub txig ntsib yas kab yas kev tsi xav hu .. . . Lub caij ze ntawm lub neej txoj sia yuav tu los tsi txawj tig los ua ib tug neeg zoo. Sij hawm yam lub hnub yuav poob qho tsi tos lawm . . ..thaum HUAB TAIS YES yuav mus saum ntuj .cov thwj tim thiaj tsa ncauj nug tias tshuav ntev li cas .yexu teb rau lawv tiar thaum leej neeg tug tub yuav los mas sawv daws noj haus sib laub sis lug kev vam meej puv nkaus ib lub teb chaws yuav sawv ntaus ib lub niam tua nyab nyab tua niam txi tua tub tub tua txiv mas ze zelub caij kawg lawm txawm muaj dab tsi los ua siab loj nawb . .
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 25th January 2014, 8:58 pm



    Nyob zoo Tub Ntsuag,

    Yeej tu siab kawg, yog ntsia ib muag rau sawv daws lub neej khuam siab, yam zoo tsis nrhiav tsis yuav, txom nyem txb txom tsis tag los tseem yuav sib nrhiav teeb meem. Ib nyuag qhov tsis hlob tsis yau los zam tsis tau li, tsis muaj losmuab ua kom muaj, muaj me me los muab ua loj loj kom tsis txawj tag li. Ntsia tej no mas zoo li cov neeg no dig muag tas, qe muag rau dab phem ua tus coj lawv kev mus poob qhov ntuj lawm xwb. Koj tsuas tab qhuas koj cai loj, kuv tsuas txab khav kuv suab nrov, mas tsis nkag kis rau txoj kev ntseeg lawm. Sawv daws yuam kev deb heev li.

    Txhob poob siab, Tswv Ntuj muaj hwj huam tag nrho, Niaj hnub, ua ntej koj yuav teev Ntuj, ua Ntoo Cuam Lub Cim tag, koj hu txog LN.Mis Kas Ntuj tus Tuam Tshiab los pab koj, los tiv thaiv koj pab yaj kom dab phem txhob los haub ntxias tau lawv. Los yog koj muaj caij, koj teev Niam Mab Liab daws pob caus li kuv tau tso rau hauv nov rau lawv xwb ces yeej txawj hloov mus rau qhov zoo xwb. Neeg ua tsis tau tab sis Tswv Ntuj ua tau qhov uas neeg xav tsis txog. Ntawm kuv muaj tej tug kuj tsis sib haum li, kuv twb ua li kuv hais rau koj no, kuv twb tssi tau teev Niam Mab Liab daws pob caus rau, tsuas yog kuv thov txog LN.Mis Kas los pab lawv thiab tiv thaiv lawv, thiab LN.Las Fais kom los pab kho lawv cov mob, tsis hais mob siab mob ntsws, mob kho siab lwj plawv, mob ciaj caub xam txeem, mob ncauj ncab cib nyeej tib si. Kuv thov li nov xwb tab sis kuj khev kawg nkaus. Lawv cov uas muaj feem ceeb tag, hais rau kuv tias muaj ib qho hwj huam yees ntxwv tshwm sim tuaj...! Tso siab rau Tswv Ntuj mog, yus neeg dawb muag thiaj tsis pom tom ntej tom qab xwb, Tswv Ntuj twb xub paub ua ntej tias yuav ua li cas lawm.




    avatar
    xiong_jp

    Messages : 11
    Date d'inscription : 2012-08-08
    Age : 65
    Localisation : FRANCE Orleans

    MOO QAIJ QAUG 14/02/2014.

    Post  xiong_jp on 15th February 2014, 5:44 am

    Nyob zoo maiv paj lug Thiab phauj maiv tooj. Thiab cov kwv tij nkauj muam nej sawv daws txhua tus, Tau ib ntu ntev loo los. Kuv tsis tau tuaj ntsib nej sawv daws nyob hauv vas sab Catholique lawm. Vim kuv tau mus ua loj leeb rau teb chaws nplog lawm, Kuv nyuam qhuav rov los txog tsis ntev no.  Maiv paj lug. Kuv tau pom koj sau nyob hauv vas sab tias, Koj niam tau tso nej tseg lawm no, Kuv kuj pab nej tu siab kawg. Lub caij ntawd kuv tseem nyob nplog teb, Thiaj tuaj koom tsis tau koj niam lub ntees, Thov koj txhob tus siab mog. Kuv yeej ib txwm paub nkoj niam thiab koj txiv lawv zoo, Kuv yuav piav me ntsis dab neeg rau koj mloog zoo li no,

    Ua ntej xyoo  1975  Thaum peb tseem nyob rau teb chaws nplog. Kuv tseem yog tub hluas kuv twb tau tuaj tham hluas nkauj  2  Zaug txog ntawm koj niam thiab koj txiv lawv lub zos, Dhau ntawd los xyoo  1975  Peb sawv daws tawg teb chaws los txog thaib teb, Peb kuj tau los nyob ua ke nrug tsis deb. Kwv yees li  150m tej xwb, Lub caij peb nyob rau thaib teb ntawd. Xyov puas tau yug koj. Kuv tsis paub tias. Koj yug nyob thaib teb los yog. Yug nyob nkws yas. Mas qhia rau koj paub tias. Koj txiv thiab kuv txiv lawv yog kwv tij kwv npawg, Koj thiab kuv yog muam yog nus npaws raws li hmoob kev neej kev tsav sib txheeb,

    Niaj hnub no kuv yeej hu koj txiv lawv ua txiv ntxawm no. Tas sis raws li kuv hnov moo xwb mas, Tau plaub tsib xyoo dhau los no mas. Hnov tias koj niam thiab koj txiv nkawd tsis nyob ua ke lawm, Ces koj niam thiaj tau tsiv mus nyob raus ( cholét ) lawm, Yog li thaum koj niam tso nej tseg no, Koj txiv puas tuaj pab nej cov me nyuam xyuas koj niam ua zaum kawg thiab ?  Txawm li cas los xij txhob tu siab mog. Peb kev yug los ua neej rau tiam no ces. peb lub neej zoo li tsob nroj tawg paj xwb, Thaum tawg paj txi txiv tas ces. Kawg yuav tsum sob thawj mus xwb, Yog ib lub neej luv luv kawg. Yog ib pliag ntshis xwb mog.

    Ntxiv no mus kuv ho yuav piav me ntsis rau nej cov kwv tij nkauj muam paub tias.  Kuv mus pom teb chaws nplog zoo li cas,  Lub kaum ob hlis Le  05/12/2013  Kuv leej nkawm wb tau mus ncig xyuas kwv tij tseej tsa rau teb chaws nplog, Kuv leej nkawm wb kuj tau mus ncig txog ntau qhov chaw xws li, Ib thaj tsam ntawm ( VIENTIANE ) los mus rau  Nas taj nas nyaus Los mus rau ( LUANG PRABANG ) Los mus rau sab qaum teb ( NAMTHOUA ) Ntawd, Kuv tau mus pom cov tub ntxhais hmoob thiab nplog txoj kev ua neej nyob rau niaj hnub no mas, Kuj txaus txhawj kawg thiab pab hlub lawv kawg , Vim li cas thiaj hais li ntawd,

    Vim tias. Suav thiab nyab laj tuaj nyob rau lub teb chaws nplog suav hnub sua hmo tuaj coob zuj zus xwb,
    Suav thiab nyab laj tuaj nyob teb chaws nplog,  Tsis yog tuaj ua hauj lwm rau nplog rau hmoob. Tsis yog tuaj ua tub txib tub khaiv rau nplog rau hmoob, Hos yog tuaj ua nom ua tswv los yog ua los pav rau nplog rau hmoob xwb, Niaj hnub no nyob teb chaws nplog ces, Tsis hais nyob hauv nroog loj los nyob hauv tej zej zos me li. Cov kiab khw loj muag khoom noj khoom haus thiab toob xib puaj yam ces, Yog suav yog nyab laj li tas nrho xwb, Dhaud ntawd mus cov tsev ua hauj lwm loj loj muaj txog  100  Leej  1000  Leej ua hauj lwm nyob hauv los,

    Puav leej yog Suav yog nyab laj tug tag nrho xwb. Nplog hmoob yeej tsis muaj hlo li. Kuv tau nrog ib  cov tub hluas hmoob tham txog kev mus ua hauj lwm rau suav rau nyab laj mas, Lawv hais rau kuv tias. Tus neeg suav neeg nyab laj ua hauj lwm mas, Ib hnub los pav them  60000k los 70000K  Tab sis yog tus neeg nplog neeg hmoob ces. Ib hnub los pav them  40000k  los  50000k  xwb, 50000k  no nws pauv tau  5€  xwb.
    Nej sim xav saib lawv ua hauj lwm ib hnub tau tau  5€  xwb puas yuav txaus lawv noj ?  Niaj hnub no ces cov tub ntxhais hluas nplog hmoob ces. Niaj hnub mus ua suav ua nyab laj qhev  xwb,  Li ntawd kuv thiaj hais rau nej tias. Kuv mus pom lawv lub neej tas. Kuv kuj pab txhawj thiab hlub lawv kawg. Kuv kuj mus thaij tau cov tub ntxhais hluas cov duab mus ua suav ua nyab laj qhev thiab. Tab sis tsis tshua zoo muab tso tawm rau ntiaj teb pom. Kuv pom lawv ua hauj lwm mas hnyav kawg li,  Tsuas piav los tso li noxwb.
                                    SIB NTSIB DUA      SAU  NPE   XIONG  J . P
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 26th February 2014, 9:16 am


    Niam Zoov Tsheej Xyooj (Hmoob Npam Naj Xees)



    Yug tim 23 lub 3 hlis 1920
    Tau tam sim neej rau hnub tim 25-02-2014 thaum 16 teev.

    Nws muaj 3 txwm tub nyab, 3 txwm ntxhais vauv.

    Tsoom ntseeg yuav npaj ua kab ke xa plig rau hnub tim 01/03/2014 thaum 16 teev
    nyob hauv tus tub Xyooj Npuag Dee tsev :

    1018 Rue de la Goutteronne 01480 JASSANS RIOTTIER

    Xov tooj : 06 99 08 22 25

    Peb pab tsev xyom cuab tu siab thiab pab thov Ntuj rau niam Zoov Tsheej tus ntsuj plig.
    Rau hauv Npuag Dee Xyooj tsev.

    1018, rue de la Goutteronne
    01480 Jassans Riottier

    Sam sab hnub tim 03-03-2014.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 2nd June 2014, 7:16 pm


    LHT.Vam Thaiv Lauj tag sim neej.


    Rau Hli tim 2-2014 LTH. Xov Tsheej
     Orange California


    Cov Phooj ywg nyob hauv kev hlub,
               
    Thov kom nej nyob kaj lug cov Phooj ywg sawv daws, thiab Cawv Lauj. Ua koj tsaug txog LTH. Vam Thaiv Lauj lub moo ploj no. LTH. Vam Thaiv nws yog peb ib leej tij los ib leeg kwv, tsis hais nyob hauv lub xeem los nyob rau hauv peb txoj kev ntseeg txog Huab Tais Yes Xus. Yeej tsim nyog Cov LTH. thiab cov XH. sawv daws uas xyeej tsis muaj dej num tau teem tseg tuaj koom rau LTH. Vam Thaiv lub ntees no. Vim raws li peb txoj kev ntseeg thiab tso siab raws li Huab Tais Yes Xus qhia, peb sawv daws yuav rov sib ntsib nyob rau ntawm Lub Ceeb Tsheej uas Huab Tais Yes Xus npaj rau ib tsoom ntseeg sawv daws. Txij no mus ces LTH. Vam Thaiv tus ntsuj Plig yuav txais kev ywj pheej mus nrog Leej Pleev, yuav tsis nyob nrog lub cev lawm qhov no yog peb kev ntseeg kev tso siab.
    LTH. Vam Thaiv tau khwv tas nws sim neej ua Yes Xus ib tug tim khawv. Hnub no kuv yeej ntseeg tias txhua yam nws tau ua tas nws sid yeej tau tsim ib yam paj tshab zoo kawg rau nws ntag.
    Kuv yuav xa ib daim duab pub rau nej tau saib tau xyuas Nco txog LTH. Vam Thaiv lub neej uas nws tau los kawm ua ib tug tub tshaj ntuj lus txij li thaum nws muaj hnub nyoog yau dua 18 xyoo los lawm
    Tas nws sid nws yeej tau ua ntau yam tim khawv zoo heev nyob ntawm Huab Tais Yes Xus xub ntiag.
    LTH. Vam Thaiv nws xub tau tuaj kawm ua XH. nyob Roob Nyuj Qus thaum TP. Nyiaj Pov tseem
    Nyob Roob Nyuj Qus. TP. Nyiaj Pov thiaj tau nrog lawv 5 los 6 leej tuaj kawm ua XH mus rau sab Xas Niam lawm tso Roob Nyuj Qus tseg rau cov TP. is tas lias.
    Daim duab no yog yees thaum 1963 Hmoov tsuj xeeb Yes Xus Yug Los nyob rau Vees Cas Noos Npos ( Nong Bone).



                                       
           Sab laug mus rau sab xis

    1-LTH Nyiaj Kaub Yaj – Sacramento, California
    2-LTH. Vam Thaiv Lauj – St. Paul, Mennisota
    3-LTH. Xov Tsheej Yaj – Orange, California
    4-XH Tswv Nkaub Yaj – Fab Kis Teb



    Kuv yeej pom tau tias lawv  4 tug hluas no yeej ua Tswv Ntuj txoj hauj lwm, ua Huab Tais Yes Xus tim khawv Nrog cov Txiv Plig tas lawv lub neej tsis tau hloov siab ntsws rau Huab Tais Yes Xus.
    Peb yuav nco txog LTH. Nyiaj Kaub thiab LTH. Vam Thaiv tej txiaj ntsim ua tau pab cov Txiv Plig thiab cov Hmoob, Hmoob ntau caum txhiab leej thiaj tau ntsib txoj kev ntseeg. Vim muaj cov tub hluas Hmoob li cov no mus tshaj ntuj lus rau Hmoob nyob rau nram tiaj nrag los pem toj siab, cov Txiv Plig thiaj tau ua tus zov tsev hauv paus nyob rau Vees Cas. Cov mus tshaj ntuj lus rau Hmoob nrog lawv tham nrog lawv hais lus, lawv yog cov raug luag thuam raug luag nhyos raug luag cem tias nej kiav xeem mus ua Fab Kis lawm, tej no yog li Huab Tais Yes Xus tau hais thaum nws nyob saum ntoo cuam nws hais tias: “ Txiv koj zam rau lawv vim lawv tsis paub qhov lawv tau ua” Tswv Ntuj yeej zam tas txhua yam rau peb tsim nyog peb yuav txawj sib zam. Muaj kev sib hlub sib pab raws li Yes Xus Qhia.

    LTH. Vam Thaiv Lauj tau tas sim neej thaum lub  5 Hlis tim 19 - 2014
    Lawv yuav muab nws lub cev los ua kab ke teev ntuj rau yog  thaum
    lub 6 Hli tim 19 - 2014
    Nyob rau Saint Paul.MN.USA.

    Thov koj ho pab ceeb toom rau cov neeg nyob tim Fab Kis Teb ko saib puas muaj tus tuaj koom tau . Ua tsaug.


    LTH. Xov Tsheej



    avatar
    Lajpovyaj
    Phooj Ywg
    Phooj Ywg

    Messages : 171
    Date d'inscription : 2009-12-03
    Age : 57
    Localisation : USA

    Re: MOO QAIJ QAUG

    Post  Lajpovyaj on 21st October 2014, 4:08 am

    Nai phoo vaj pov tus tub hu xwm vaj tau tso peb saw daws tseg rau lub 10/06/14 no lawm yuav muab thau los ua kev cai dab qhuas rau lub tsev txias nram tsev ntxaib hauv nroog saint paul 11/1/14 tom ntej no.Thov caw kwv tij neej tsa tuaj nrog peb saib mog.
    avatar
    Lajpovyaj
    Phooj Ywg
    Phooj Ywg

    Messages : 171
    Date d'inscription : 2009-12-03
    Age : 57
    Localisation : USA

    Re: MOO QAIJ QAUG

    Post  Lajpovyaj on 26th February 2015, 1:58 am

    Chao ophat nachampasak noob nom yav qab teb tau tag sim neej rau lub 2/16/2015 no lawm caw nej los saib tsoom nplog thiab Hmoob tab tom ua nws lub ntees ntawm no tau.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 17th May 2015, 8:29 am



    Maiv Yias Xyooj

    Maiv Yias, niam Tshaj Meej Lauj los Commandant Xyooj Nruag (Vam Meej Xyooj) tus ntxhais
    tau tag sim neeg rau hnub tim 16-05-2015 thaum sawv ntxov nyob rau Strasbourg, Fab Kis teb.

    Yuav ua nws lub ntees rau hnub tim 29-05 rau 01-05-2015 no.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 10th August 2015, 7:01 am

    Tshaj moo qaij qaug nyob rau Saül, Nkws Yas Teb

    Niam Tsuj Xyooj YAJ, uas yog txiv plig Cwj Vuam Chiv thiab Mim niam, tau tas sim neej rau
    hnub tim 04 lub 08 hli 2015 thaum 23 teev nyob rau roob Saül (Nkws Yas Teb).

    Nws yug hnub tim 19 lub 08 hli 1927, nws lub npe hluas Yi Lauj.

    Nws yug tau 13 leeg me nyuam : 5 leeg tub thiab 8 leej ntxhais.
    Suav tas nrho  cov me nyuam thiab cov xeeb ntxwv tib si, yog muaj li 87 leej.

    Peb sawv daws pab thov Ntuj rau nws thiab tsev xyom cuab.

    Muab los ntawm Tsev Hauv Paus Hmoob Fab Kis teb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 10th August 2015, 7:17 am



    Nyob zoo Mim thiab TP.Cwj Vuam Chiv,

    Mim, nws ua siab loj mog,
    Txoj kev ntsuag tsis xav kom raws cuag,
    Txoj kev ntsoj tsis xav kom nphav txog.

    Nws niam txawj ua neej nim nyob laus nkoos muaj xeeb leej xeeb ntxwv 120 leej
    Nws niam txawj ua Tswv Ntuj me nyuam, nim los yug tau ib leej tub ua Tswv Ntuj Tub Txuas

    Peb Tsoom Hmoob ntseeg txhua leej ua nws tsaug.






    avatar
    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: MOO QAIJ QAUG

    Post  Ntxhuav Mom Xyooj on 11th August 2015, 5:50 am

    Tu siab ntau os TP. Cwj Vuam Chiv thiab Mim uas neb niam tau tso neb tseg lawm.

    Kuv yog neb txiv ntxawm,kuv nyob deb lawm yuav tuaj xyuas tsis cuag nawb mog es neb txhob tu siab. Xav mus rau lub ntiaj teb no,tsis yog yus ib leeg xwb thiaj li ntsib txoj kev txom nyem quaj ntsuag li no nawv mog.

    Huab Tais Yesxus thov koj zam txim rau niam tij Tsuj Xyooj Yaj. Thaum nws tseem ua neej nyob nws tau ua tej yam txhaum lawm los koj yog tus pom thiab paub es thov koj zam rau nws os. Huab Tais Yesxus koj tau hais tias nyob pem Leej Txiv Tsev muaj ntau chav  es thov koj coj niam tij Tsuj Xyooj kom mus txog qhov chaw ntawd os.
    avatar
    Tub ntsuag
    Phooj Ywg
    Phooj Ywg

    Messages : 137
    Date d'inscription : 2011-10-06

    Re: MOO QAIJ QAUG

    Post  Tub ntsuag on 12th August 2015, 1:10 pm

    Nrog txiv plig cwj vuam thiab mim tu siab ntau og txawm li cag los huab tais ntuj yuav coj nws mus rau qhov chaw tau zoo xwb os. .mim thiab tp neb niam nyob puv ib puas neeg nkaum xyoo .huab tais ntuj yuav coj nws mus tau zoo nawb..nyob puav 120 nkaum hnub .huab tais yuav coj nws mus cug taub leej tub yes xus .
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1985
    Date d'inscription : 2009-10-16

    Re: MOO QAIJ QAUG

    Post  Mim on 22nd August 2015, 2:50 pm

    Nyob zoo tais Tooj, txiv Ntxhuav Mom thiab Tub Ntsuag,

    Kuv mus tau yuav luag ob lub hlis no lawm tsis tau kev tuaj saib nej li. Hnub no kuv nyuam qhuav rov qab los txog tsev, kuv tuaj pom nej hais txog kuv niam tau tso peb tseg lawm. Ua nej sawv daws tsaug rau nej cov lus thov ntuj rau kuv niam. Kuv yeej tso siab thiab ntseeg tias Tswv Ntuj hlub kuv niam thiab coj nws mus nrog Tswv Ntuj nyob lawm. Thaum kuv niam txoj sia tu lawm mas kuv niam nyob tau ntsej muag luag ntxhi. Kuv to taub tias kuv niam zoo siab lawm. Kuv mus nrog kuv niam nyob tau ib lub hlis nkaus ces nws tso peb tseg vim nws noj tsis taus mov haus tsis taus dej ces nws lub cev tsis pab nws li lawm. Kuv niam yeej nrog kuv tham tsis tau li lawm, tiam sis kuv paub tias nws lub tswv yim tseem zoo, nws tseem paub peb, tseem to taub peb hais dab tsi tib si, yog lub ncauj hais tsis tau xwb.
    Nyem no ces tshuav kuv txiv lawm xwb lau... thiab dab Lug nkawd ob leeg ntsuag ntsuag nos lawm xwb. Kuv txiv laus laus li lawm tsis muaj zog li thaum tseem hluas lawm los tseem niaj hnub peem mus ua teb, luaj teb thiab... Kuv mas yeej txhawj nkawd kawg li. Nej sawv daws twb thov thov Ntuj pab rau kuv niam lawm, es kuv ho thov nej thov Ntuj pab rau kuv txiv nkawd thiab os...
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 24th August 2015, 8:55 am



    Nyob zoo Mim,

    Zoo siab rov ntsib nws os mog.
    Nrog nws tsev neeg tu siab kawg rau nws niam txoj kev ncaim peb zaum no; tab sis lub neej yeej mus li ntawd ces tsis pom qab yuav hais tau los twg li os mog. Ib qho uas peb tseem muaj kev vam, muaj kev tso siab yog hais tias ib hnub twg peb yuav tau mus sib ntsib hauv lub teb chaws tshav ntuj nrig thiab yuav tsis sib ncaim li lawm. Kuv zoo siab uas nws hais tias nws niam tuag tag nrho, nws lub ntsej muag luag ntxhi tshiab khiv, yog txhais hais tias nws tau mus ntsib HT.Yes Xus, nws tau qhov zoo siab uas nws vam thiab nws tos; nws tsis khuv xim lub ntiaj teb toob xib lawm.

    Hnov nws hais txog Lug thiab nws txiv mas kuj hlub nkawd kawg li. Nyob deb deb zos loj, es tshuav ob leeg xwb ntshe yuav nyuaj nkawd heev. Hais rau Lug, kom nws nrhiav lub neej ua es thiaj li muaj chaw cuab zog thiab chaw khom mog. Tej laus luag muaj luag lub neej es yus tej ua me tub me nyuam, yus yuav tsum nrhiav lub neej tej laus thiaj li tso siab no nawb.

    Huab Tais Yes Xus, thov KOJ coj hlob Tsuj Xyooj thiab tub Lug nkawd kev, kom txhua yam nkawd ua yog KOJ txhais tes nrog nkawd ua, txhua yam nkawd ntau tswv yim kom yog KOJ lub tswv yim; KOJ pab qheb txoj hauv kev kaj rau nkawd taug. UA LI.



    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1985
    Date d'inscription : 2009-10-16

    Re: MOO QAIJ QAUG

    Post  Mim on 6th September 2015, 5:23 pm

    Nyob zoo tais Tooj,

    Ua koj tsaug rau koj tej lus zoo os.
    Thaum kuv yuav los, kuv txiv ho pib mob ib co pob zoo li txhab txiag rau ntawm daim qaum di ncauj ze ze ntawm qhov ntswg, ces ho cia li kis mus rau sab qhov muag xis thiab, ces ua rau sab plhu xis ntawd cia li o tas. Twb tau ob lis piam no lawm, tam sis no los pheej tsis tau zoo li no. Nyuam qhuav los kho mob rau nram Cayenne, tseg Lug nyob ib leeg pem tsev no. Ntshai hnub twb rov qab mus tsev lawm los tsis paub. Yog li thov nej sawv daws ho thov ntuj pab rau kuv txiv thiab Lug nkawd ntxiv thiab os. Ua tsaug nawb. Thov txim os, kuv twb los lawm tiam sis tseem tsis tau lauj sij hawm tuaj tso zaj li.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 7th September 2015, 8:37 am



    Nyob zoo Mim,

    Tsis ua cas os mog, txawm nws tsis xyeej tuaj sau los kuv mam maj mam tuav cia es hnub twg nws npaj tau thiab nws xyeej siab nws mam tuaj pab kuv mog. Peb sawv daws puav leej khwv khwv tib yam, tsuas yog huas ua xwb thiaj li yuav ua tau yam puav nyuag.

    Hais txog nws txiv thiab Lug nkawd mas kuj khuv leej nkawd kawg li.
    Nws txiv yog ib tug nyob rawv hauv Huab Tais Yes Xus tus duab ntxoo,
    Tswv Ntuj yeej yuav tsom kwm nws mus rau qhov zoo.

    Taig kis, Tuesday, kuv mus nrog lawv teev Ntuj rau cov neeg mob thiab cov chaw vam txog Tswv Ntuj, kuv mam li thov Ntuj rau nkawd.



    avatar
    Tub Kawm
    Phooj Ywg
    Phooj Ywg

    Messages : 417
    Date d'inscription : 2011-10-13

    Re: MOO QAIJ QAUG

    Post  Tub Kawm on 8th September 2015, 3:23 am

    Nyob zoo Mim

    kuv tseg tau ntev tsi tau tuaj xyuas nej li.
    Cas koj nim twb tso nej tseg los kuv twb tsi paub li.
    Nyem no koj txiv los tseem mob lawm thiab, ntshe koj twb tsi khoom li lawm og.

    Thov ntuj pab koj txiv kom nws tus mob zoo og nawb.

    Mim txawm koj niam ncaim nej mus lawm los ua siab loj nawb, Koj niam mus ua ntej sau qaum ntuj tos peb lawm xwb, ib twg twg peb yuav tau ntsib xwb og. Nyob zoo.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1985
    Date d'inscription : 2009-10-16

    Re: MOO QAIJ QAUG

    Post  Mim on 10th September 2015, 4:18 pm

    Nyob zoo Tub Kawm,

    Ua tsaug rau koj tej lus thov ntuj rau kuv niam thiab kuv txiv, thiab koj tej lus txhawb siab rau kuv os. Yeej yog li koj hais. Vim peb muaj kev ntseeg ces peb thiaj muaj kev cia siab ntsoov tias ib hnub twg yeej yuav rov sib pom xwb.
    avatar
    Lajpovyaj
    Phooj Ywg
    Phooj Ywg

    Messages : 171
    Date d'inscription : 2009-12-03
    Age : 57
    Localisation : USA

    Re: MOO QAIJ QAUG

    Post  Lajpovyaj on 28th October 2015, 1:06 pm

    Hello friends,

    I am the daughter of Xiong Chang, most of you may know who he is. Some of you might not. But over the weekend, on October 17th 2015, we lost our father due to liver cancer. He was in a lot of pain for 12 long hours and he just couldn't take the pain anymore and left us early morning on that Saturday. :q :q :q :q :q :q :q :q I just want to take the time to let all of his friends on here know because he always talk about how much his friends on here miss him when he doesn't come on, and how much he loves talking to you guys and that you guys will wonder what happened to him.

    Sorry I had to write all of this in English, for I do not know how to write or read Hmong. Sorry.

    His funeral information:
    November 7 && 8, 2015
    Saint Paul Funeral Home (new funeral home)
    199 Plato Blvd
    Saint Paul, MN 55107

    Burial:
    Monday November 9, 2015

    Please feel free to come join us on November 7 and 8 for his funeral. Thank you.

    Any questions, please contact my brother Soua Chang: (612)212-2397

    Here is a donation link for his funeral:
    https://www.gofundme.com/926uaqaw
    Back to top
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5369
    Date d'inscription : 2009-08-18

    Re: MOO QAIJ QAUG

    Post  Maiv Tooj on 29th October 2015, 9:38 am

    Nyob zoo tub Liaj Pov,

    Ua tsaug uas nws coj lub moo no tuaj rau kwv tij neej tsa sawv daws paub.

    Pab tsev xyom cuab tu siab.

    Ua li tus tij laug Xyooj Tsab nov yog leej twg, kuv puas paub nws?
    Sawv daws sib ncaim ntev ntev lawm, muaj tej tug yus tsis nco qab npe los yog tsis nco tus neeg lawm.

    Ua tsaug.




    Sponsored content

    Re: MOO QAIJ QAUG

    Post  Sponsored content


      Current date/time is 24th November 2017, 1:10 pm