Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    KEV THOOB TSIB & ZAJ NKAUJ SEEV

    Share

    Nujsisloob1
    Tuaj Tshiab
    Tuaj Tshiab

    Messages : 60
    Date d'inscription : 2010-02-02
    Age : 41
    Localisation : California, USA.

    Re: KEV THOOB TSIB & ZAJ NKAUJ SEEV

    Post  Nujsisloob1 on 4th June 2010, 4:56 am

    MAIV TOOJ,

    YOG KAWG MUS TAU LAWM NTAU HMO THIAJ LI MAM ROV NCIG TUAJ TXOG
    MUS LAWM TAU NTAU HNUB THIAJ LI MAM ROV NCIG TUAJ TXUG.
    VIM LUB SIJ HAWM TSIS MUAJ THIAJ LI TSIS TAU ROV TUAJ
    VIM LUB SIJ HAWM TSIS MUAJ LI THIAJ TSIS TAU TUAJ FIM.

    Txhob xav tias Tswv Ntuj tsis pom txhua peb sawv daws
    Nws yeej saib peb txhua lub sij hawm.
    Nws mloog peb tej lus thov txog nws
    Nws paub tas txhua yam phem yuav tuaj raug peb
    txhob xav tias muaj tej yam kev phem nws tsis pom
    Nws paub thiab pom tiam sis qee zaus nws cia peb raug tej ntawd
    vim nws xav kom peb tau paub thiab tau kawm.
    Txhob xav tias Nws ua tsis ncaj, Nws qhov muag nyob rawv ntawm txoj kev ncaj
    Nws lub ntsej muag ntsia thiab tawm tsam txoj kev phem.
    Muaj ib hnub qhov phem yuav ploj yaj ntshis mus
    thaum txog hnub kawg Nws mam ua tus yeej.

    TSWV NTUJ LUB QHOV MUAG
    NTSIA NTSOOV RAU COV UA NCAJ
    NWS POB NTSEG MLOOG NTSOOV LAWV
    KEV THOV THIAB VAM TXOG NWS.
    1 Peter 3 : 12

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 4th June 2010, 8:03 am



    Wow...Kaj Siab Hawj! Cas nws yuav thoob tsib ua luaj! Zoo kawg nkaus.

    Txawj hais li nov ua rau kuv lub siab sov
    Txawj qhia li ntawd ua rau kuv lub siab tawg

    Hnub no kuv hno koj los lus qhia
    Ua rau kuv muaj kev cia siab
    Hnub no hnov koj hais Tswv Ntuj
    Ua rau kuv pom kev Hlub

    Txawm tsis muaj neeg pom
    Los kuv yuav rau siab ntso
    Txawm tsis muaj neeg saib
    Los kuv yuav tsis ntshai

    Vim Tswv Ntuj twb hnov
    Kuv lo lus thov
    Vim Tswv Ntuj twb pom
    Hauv kuv nruab nrog

    *******************

    Tswv Ntuj, koj ntsia ntsoov tus neeg ua ncaj
    -Thov koj tso Leej tswv Yim Ntshiab los pab

    Nws ntsia ntsoov lawv cov lus quaj thiab thov
    -Thov koj pab txhawb lawv lub zog kom loj

    Kuv zoo siab txi kuv txoj kev txom nyem quaj ntsuag rau KOJ
    Kuv zoo siab txais tej kev tsim txom
    Tsuav yog ib hnub tau nrog KOJ nyob
    Kuv zoo siab tiv kev txom nyem
    Tsuav ib hnub twg tau nrog koj tuav tes.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 10th June 2010, 4:14 am



    Kuv tus Tshiab


    Kuv tus Tshiab yog tus saib xyuas kuv
    Kuv tus Tshiab yog tus txhawj xeeb txog kuv
    Kuv tus Tshiab muaj ob lub qhov muag qab zib
    Kuv tus Tshiab cov plaub hau npws loo
    Kuv tus Tshiab ua kuv luag
    Kuv tus Tshiab ua rau kuv sov siab
    Kuv tus Tshiab yog tus nyob rawv hauv kuv lub siab
    Kuv tus Tshiab yog txoj kev Hlub hauv kuv lub neej
    Kuv tus Tshiab yog kuv txoj npau suav
    Kuv tus Tshiab qhia kuv ua zoo
    Kuv tus Tshiab hwj kuv thaum kuv ntog
    Kuv tus Tshiab luag ntxhi rau kuv thaum luag dub muag
    Kuv tus Tshiab tsis xaiv neeg nyiam
    Kuv tus Tshiab nrog nraim kuv txog hnub kawg
    Nws yog Tswv Ntuj muab rau kuv.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 18th June 2010, 11:03 am


    Txhob tos taig kis lawm...


    Ntshe taig kis tso kuv mam ntseeg
    Ntshe taig kis kuv mam teev
    Ntshe taig kis kuv mam txhob dag
    Ntshe taig kis kuv mam ua siab ncaj...

    Thaum Tswv Ntuj caw koj
    Mus noj Leej Yaj rooj hno
    Tus plig yuav teb hlo:
    "Tos ib pliag" kuv mam los.
    Ntshe txhob tos lawm os!

    Cia li los ceev!
    los ceev ceev!
    Txhob ncua ntev heev!
    Txoj caij lawm yuav tau ras xeev...

    Taig kis,
    Mam zam txim
    Koj hais dab tsi?
    Txoj kev chim muab tsuj nthi

    Npaj lub siab luag ntxhi
    Tos txais Tswv Ntuj lub txiaj ntsim
    Thaum Yes Xus nqes los txiav txim
    Nws yuav xaiv koj ua Thwj Tim.

    Txhob tos taig kis mam zam
    Tsam tsis tau kev ncaj
    Txhob tos taig kis mam rau siab
    Tsam zam tsis dhau nplaim taws txhiab

    Yes Xus hlub peb
    Nws hu koj los ntev
    Yes Xus hlub koj
    Nws xav cawm peb ntawm kev tsim txom

    ...Ua cas ho yuav tos taig kis...Tsam lig lawm ne...!








    Nujsisloob1
    Tuaj Tshiab
    Tuaj Tshiab

    Messages : 60
    Date d'inscription : 2010-02-02
    Age : 41
    Localisation : California, USA.

    Re: KEV THOOB TSIB & ZAJ NKAUJ SEEV

    Post  Nujsisloob1 on 18th June 2010, 1:09 pm

    TXHOB CIA RAU TAG KIS.

    Txhob xav tias cia tag kis tso koj mam li ua
    tsam lub caij nyoog los ncav tsis cuag.
    Txhob tos txog tag kis koj mam li npaj
    nyab tsam lub caij nyoog los tsis ncav.

    * Yes Xus hais tias:
    Nej yuav zov hmo mog,
    vim nej tsis paub hnub twg
    nej tus Huab Tais yuav los.
    Nej yuav to tau tias:
    Yog tus tswv tsev xub paub tias:
    hmo twg, sij hawm twg tub sab yuav tuaj,
    mas nws yuav zov hmo tsis cia tub sab tho qhov tsev.

    * Nej kuj yuav ua li ntawd,
    nej yuav sawb sim kom txhij, vim Neeg leej Tub
    yuav los rau lub sij hawm uas nej tsis nco faj.
    Mt, 24: 42 - 44.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 19th June 2010, 3:06 am



    Kajsiab,

    Ua tsaug rau nws zaj lus thoob tsib, yog kawg Tswv Ntuj yuav tuaj li tus tub sab, nws yuav tsis xaiv tias tsaus ntuj los nruab hnub. Yog kev tuag, txoj sia yuav tso yus thaum twg, lub sij hawm twg tsis paub. Li ntawd yus yuav txhob tos taig kis mam npaj yus lub phij xab, yuav txhob tos lwm hnub mam thob yus txoj kev yuav mus cuag Leej Txiv. Txhua yam txiaj ntsim yus ua zoo nyob ntiaj teb, yog xa ib qho toob xib mus ua yus lub tsev tos yus xwb.

    Ua tsaug rau koj cov lus, yog ib co lus zoo heev qhia kom peb ras xeev.




    Txuag koj lub cev kom ntshiab
    Leej Tswv Yim Ntshiab thiaj tsis khiav
    Txuag koj lub cev kom hu
    Tswv Ntuj thiaj ntoj thiaj thuv
    Txuag koj lub siab kom ncaj
    Tswv Ntuj thiaj pab





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 22nd June 2010, 9:06 am




    Benoîte tus Tshiab Pov Hwm hais rau Benoîte tias:

    “Thaum ib tug neeg zoo siab luag ntxhi,
    mas tas txhia yam nws ua kuj haum Tswv Ntuj siab.
    Thaum ib tug neeg npau taws,
    mas tsis muaj ib yam nws ua yuav ntxim Tswv Ntuj siab li.”


    Last edited by Maiv Tooj on 25th September 2016, 12:14 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 22nd June 2010, 9:36 am



    Benoîte de Laus tus Tshiab qhia rau nws tias:


    “Tej kev txom nyem kev sim siab ntawd yog txoj kev rau yus taug mus saum ntuj xwb…”






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 23rd June 2010, 10:04 am



    Yes Xus hais tias:

    "Thaum nej teev Ntuj, nej txhob ua li
    cov neeg zoo sab nraud : lawv nyiam
    sawv ntsug hauv cov tsev txoos, thiab
    ntawm tej kev tshuam, kom sawv daws
    pom lawv. Kuv hais tseeb rau nej, lawv
    twb txais lawv cov koob haum lawm.
    Hos koj, mas thaum koj teev Ntuj, koj
    mus nyob twj ywm hauv koj kem txaj,
    kaw koj qhov rooj ces koj teev koj Txiv
    uas nws nyob hauv qhov chaw nraim. Koj
    Txiv uas nws pom hauv qhov chaw nraim,
    yuav pauj rau koj.







    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 27th June 2010, 6:44 pm


    COV DEJ MUAJ TXOJ SIA

    DEJ NTWS NTSHIAB SI, NTWS LOS NTXUAV KUV
    OH..., COV DEJ HUV SI, NTWS LOS NTXUAV KUV
    TUS TSWV COV DEJ NTSHIAB, NTWS LOS YUG KUV TXOJ SIA.

    KUV YOG KOJ TUG, KOJ YOG KUV TUS TSWV NTUJ
    TSIS MUAJ LEEJ TWG ZOO TSHAJ LI KOJ YES XUS
    THOV KOJ PUB IB LUB SIAB TAWV LI ZEB LOS COG RAU KUV.

    SIJ HAWM NYOB KAJ SIAB, THAUM KOJ NYOB ZE KUV
    TSIS MUAJ DUA LWM TUS, KEV HLUB ZOO LI KOJ
    THOV KOJ TXHOB TSO KUV RAU TUS PHEM KEV NTXIAS.

    TXOJ KEV HLUB KEV ZAM, YOG NYOB HAUV KOJ
    TUS YUAV CAWM NEEG NTIAJ TEB NTAWM TXOJ KEV TUAG
    KAWG YOG KOJ IB LEEG
    .
    ~ Npuag Tub ~


    Last edited by XH. Npuagtub on 8th October 2010, 4:57 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 28th June 2010, 2:04 am



    Nyob zoo XH. Npuag Tub,

    Tswv Ntuj cov dej ntshiab yuav ntxuav peb lub siab
    Tswv Ntuj cov dej tshuaj yuav ntxuav peb lub qhov muag

    Tswv Ntuj txoj kev hlub tuaj txog peb txhua tus
    Tswv Ntuj txoj kev khuv leej cawm ntiaj teb tib neeg

    Yog koj vam txog Tswv Ntuj yuav tso los
    Yog koj nrhiav Tswv Ntuj yuav muab kiag






    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 28th June 2010, 4:36 am




    HUAB TAIS LEEJ TXIV
    HUAB TAIS LEEJ TUB
    HUAB TAIS LEEJ NTSUJ PLIG NTSHIAB.

    MUAJ KOOB MEEJ NTO MOO LUG MUS LI
    LUB ZIM TXWV NO MUS TAS IB TXHIS
    UA LI.


    Last edited by XH. Npuagtub on 8th October 2010, 5:02 pm; edited 2 times in total

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 28th June 2010, 4:55 am




    Yes Xus tus Plig, koj tuaj ua kuv tus plig dawb huv
    Yes Xus cov ntshav, koj tuaj ua kuv lub siab kaj
    Yes Xus cov dej, koj tuaj ua kom kuv pom kev
    Yes Xus ntoo cuam, koj tuaj ua kuv luag.



    Last edited by XH. Npuagtub on 8th October 2010, 5:10 pm; edited 1 time in total

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 28th June 2010, 5:17 am

    Maiv Tooj wrote:


    Nyob zoo XH. Npuag Tub,

    Tswv Ntuj cov dej ntshiab yuav ntxuav peb lub siab
    Tswv Ntuj cov dej tshuaj yuav ntxuav peb lub qhov muag

    Tswv Ntuj txoj kev hlub tuaj txog peb txhua tus
    Tswv Ntuj txoj kev khuv leej cawm ntiaj teb tib neeg

    Yog koj vam txog Tswv Ntuj yuav tso los
    Yog koj nrhiav Tswv Ntuj yuav muab kiag



    Maiv Tooj,

    Tswv Ntuj cov dej Ntshiab nyob qhov twg tiag ?
    Tswv Ntuj cov dej tshuaj, nyob qhov twg tuaj ?

    Tswv Ntuj cov dej Ntshiab puas nyob saum txheej ntuj siab ?
    Tswv Ntuj cov dej tshauj puas nyob saum txheej ntuj ntsuab ?

    Tswv Ntuj txoj kev hlub puas yog kev tshav ntuj ?
    Tswv Ntuj txoj kev khuv leej puas yog kev cawm seej ?

    Kuv tos ntsoo txhua hnub txhua hmo los zoo li kuv tsis pom
    kuv nrhia rau txhua qhov chaw los zoo li kuv tsis ntsib
    ntshai yog vim kuv tsis tau tsim nyog los yog tim kuv qhov muag dig.





    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 28th June 2010, 9:19 am

    Npuag Tub wrote:
    Maiv Tooj wrote:


    Nyob zoo XH. Npuag Tub,

    Tswv Ntuj cov dej ntshiab yuav ntxuav peb lub siab
    Tswv Ntuj cov dej tshuaj yuav ntxuav peb lub qhov muag

    Tswv Ntuj txoj kev hlub tuaj txog peb txhua tus
    Tswv Ntuj txoj kev khuv leej cawm ntiaj teb tib neeg

    Yog koj vam txog Tswv Ntuj yuav tso los
    Yog koj nrhiav Tswv Ntuj yuav muab kiag






    XH. Npuag Tub,

    Tswv Ntuj cov dej Ntshiab nyob qhov twg tiag ?
    Tswv Ntuj cov dej tshuaj, nyob qhov twg tuaj ?

    Tswv Ntuj cov dej tshuaj yog txhawv hauv yus tuaj
    Tswv Ntuj cov dej ntshiab yog txawm nyob hauv yus lub siab


    Tswv Ntuj cov dej Ntshiab puas nyob saum txheej ntuj siab ?
    Tswv Ntuj cov dej tshuaj puas nyob saum txheej ntuj ntsuab ?

    Tswv Ntuj cov dej ntshiab nyob ntiaj teb txoj kev nyiam
    Tswv Ntuj cov dej tshuaj nyob ntiaj teb txoj kev tshua


    Tswv Ntuj txoj kev hlub puas yog kev tshav ntuj ?
    Tswv Ntuj txoj kev khuv leej puas yog kev cawm seej ?

    Tswv Ntuj txoj kev hlub yog leej neeg kev ntoj kev thuv
    Tswv ntuj txoj kev khuv leej yog leej neeg lub siab ntseeg


    Kuv tos ntsoo txhua hnub txhua hmo los zoo li kuv tsis pom
    kuv nrhia rau txhua qhov chaw los zoo li kuv tsis ntsib
    ntshai yog vim kuv tsis tau tsim nyog los yog tim kuv qhov muag dig.

    Nws twb nyob rawv nrog koj cas koj tsis pom?
    Txhob mus nrhiav deb vim nws nyob ze ze
    Txhob xav tias koj tsis tsim nyog,
    Tswv Ntuj txhais TES roos rawv saum koj yog koj tsis hnov ...xwb!









    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 28th June 2010, 11:17 am


    MaiTooj,

    Nws zaj lus zoo kawg kiag li, yuav muaj coob leej xav nyeem
    nws sau muaj qib nce muaj theem tiag.

    Yog tias Tswv Ntuj cov dej ntshiab tsis txawm nyob txheej Ntuj siab
    nws txawm nyob hauv neeg nruab siab mas kuj tsis nyuaj nrhiav.
    Yog tias Tswv Ntuj cov dej tshuaj tsis txawm nyob txheej ntuj ntsuab
    nws txawm nyob hauv neeg kev tshua mas yuav nrhiav tsis nyuaj.

    Tswv Ntuj cov dej Ntshiab yog dej muaj txoj sia
    Tswv Ntuj cov dej tshuaj yog dej tsis txawj tuag.
    Tswv Ntwj cov dej Ntshiab tsis tau muaj neeg pom kiag
    Tswv Ntuj cov dej tshuaj tsis tau muaj neeg pom dua.

    Tswv Ntuj cov dej ntshiab yog koj tau haus koj yuav nyob mus ib txhiab
    Tswv Ntuj cov dej tshuaj yog koj tau haum koj yuav tsis txawj tuag.
    Tswv Ntuj cov dej ntshiab nyob hauv nws lub theej kiab
    Tswv Ntuj cov dej tshuaj nyob hauv nws lub vaj loog tsua.




    Last edited by XH. Npuagtub on 8th October 2010, 5:36 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 29th June 2010, 5:35 am



    XH. NPuag Tub,


    Nws zaj lus zoo kawg kiag li, yuav muaj coob leej xav nyeem
    nws sau muaj qib nce muaj theem tiag.

    Yog tias Tswv Ntuj cov dej ntshiab tsis txawm nyob txheej Ntuj siab
    nws txawm nyob hauv neeg nruab siab mas kuj tsis nyuaj nrhiav.

    Tswv Ntuj cov dej ntshiab txawm nyob nruab siab,
    Nyob ntawm yus ntiag tab sis ceeb laj ncav los cawm siav.

    Yog tias Tswv Ntuj cov dej tshuaj tsis txawm nyob txheej ntuj ntsuab
    nws txawm nyob hauv neeg kev tshua mas yuav nrhiav tsis nyuaj.

    Tswv Ntuj cov dej tshuaj nyob ntawm neeg kev hlub tshua,
    Nyob ntawm neeg kev hlub tshua tab sis ceeb laj tau los ntxuav yus qhov muag.  


    Tswv Ntuj cov dej Ntshiab yog dej muaj txoj sia
    Tswv Ntuj cov dej tshuaj yog dej tsis txawj tuag.

    Tswv Ntuj cov dej ntshiab yog dej muab txoj sia,
    Leej twg tau haus yuav ntsib lub neej kaj siab.


    Tswv Ntwj cov dej Ntshiab tsis tau muaj neeg pom kiag
    Tswv Ntuj cov dej tshuaj tsis tau muaj neeg pom dua.

    Tswv Ntuj cov dej ntshiab tsis muaj neeg pom kiag,
    Nws txawm li nthwv cua laj ntxiag.
    Tswv Ntuj cov dej tshuaj tsis muaj neeg pom dua,
    Nws txawm li cov sab hnub ci rau tauv huab.

    Tswv Ntuj cov dej ntshiab yog koj tau haus koj yuav nyob mus ib txhiab

    Tswv Ntuj cov dej ntshiab yog koj tau haus koj yuav muaj txoj sia.


    Tswv Ntuj cov dej tshuaj yog koj tau haum koj yuav tsis txawj tuag.

    Tswv Ntuj cov dej tshuaj, koj tau haus koj yuav pom Tswv Ntuj lub ntsej muag.


    Tswv Ntuj cov dej ntshiab nyob hauv nws lub theej kiab

    Tswv Ntuj cov dej ntshiab txhawv hauv ntiaj teb neeg lub siab ntshiab.

    Tswv Ntuj cov dej tshuaj nyob hauv nws lub vaj loog tsua.
    Tswv Ntuj cov dej tshuaj txhawv hauv cov neeg siab zoo tuaj.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 6th July 2010, 5:04 am



    NEEG YOG DAB TSI?


    Koj yog tus loj Huab tais thiab koj muaj hwj chim ntxim luag cav;
    loj yog koj lub zog thiab koj txoj kev zoo tshaj tas ib puas tsav yam.
    Qhov zoo tshaj yog koj tsim tau leej tib neeg. Koj kom lawv tig rov los nrog koj,
    neeg uas lawv muaj lub keeb txhaum, lawv coj txoj kev tuag nrog lawv.
    Nws txoj kev tuag yog tim khawv ntawm txoj kev txhaum thiab ua rau koj tu siab.
    Li ntawd los tseem xav cav txog koj lub koob meej.
    Neeg uas yog ib qho ntawm cov koj tsim,
    koj ua kom nws ntsib txoj kev zoo siab los cav txog koj,
    rau qhov koj ua kom peb tig rov los ntawm koj,
    peb lub siab yuav tsis so li yog thaum twg nws tsis so nyob rau ntawm koj.

    Leej Ntshiab Augustin






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 6th July 2010, 5:40 am



    NWS COV HNEEV TAW


    Thaum tag nws sim neej,
    ib tug yawg rov tig ntsia tom qab pom tias raws txoj kev nws taug los,
    muaj plaub tug hneev taw sib raws saum cov xuab zeb,
    nws li thiab Huab Tais Ntuj cov.

    Tab sis thaum tej lub caij nyuaj, tsuas pom ob tug hneev taw xwb!

    Ceeb tag, thiab ntxhov siab, nws thiaj hais rau Huab Tais Ntuj tias: " Kuv pom tias thaum lub caij uas nyuaj tshaj, koj cia kuv nyob ib leeg..."

    "Tsis yog hos,
    Huab Tais Ntuj teb rau nws,
    thaum lub caij uas nyuaj,
    tsuas muaj kuv cov hneev taw xwb hod,
    twb yog...Kuv nqa koj hauv kuv xub ntiag lawm ne..."

    Adémar de Borras-Brésil






    Kuv cov hneev taw




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 6th July 2010, 6:10 am

    Mt,

    Wow....! zaj koj sau 4 tug hneev taw no zoo kawg,
    kuv xav mas ntshai yuav yog li ntawd tiag.

    Kuv tau nyeem txog ib tug Pastor nws ib zaj lus sau txog ib tug neeg ntseeg nyob hauv nws lub tsev teev ntuj.
    tus neeg ntawd mas nws txhua hnub chiv mas nws yeej tuaj teev ntuj tas li, tiam sis tau ib ntus tsis pom nws tuaj lawm
    ces tus pastor txawm mus ntsib nws ces hais rau nws tias ua cas koj ho tseg tsis tuaj teev ntuj tau ib ntus no lawm,
    ces tus yawg ntawd txawm hais rau tus pastor tias kuv niaj hnub tuaj teev ntuj tas npaum no nyiaj los kuv tso ntau npau
    rau hauv lub tsev teev ntuj tiam sis Tswv Ntuj twb tsis saib xyuas kuv li, nws tseem cia ib lub tsheb los tsoo kuv lub tsheb
    raug kuv sab ua luaj li no, ces zaum no kuv yuav tsis tuaj pe hawm Ntuj ntxiv lawm vim tuaj los tsis tau dab tsi.

    Cea tus Pastor txawm kom tus yawg ntawd coj nws mus xyuas nws lub tsheb saib sib tsoo zoo li cas thiaj li rau nws sab ua luaj li,
    ces thaum nkawd mus xyuas lub tsheb tas ces tus pastor thiaj li hais rau tus yawg ntawd tias, raws li txhua lub tsheb sib tsoo ua puas ntsoog zoo li koj lub no mas tus neeg nyob hauv kawg tuag xwb tiam sis ua cas koj ho tsis tuag, thiab koj twb ho tsis lov ib tug txha qhov twg li thiab tsuas yog ntsawm ua koj sab xwb. kuv xav mas yog Tswv Ntuj nrog koj nyob nawv, mas koj thiaj li tsis tuag.
    tau ib week xwb ces tus yawg ua tsheb ib tsoo ntawd rov qab tuaj teev ntuj li qub thiab kub siab tshaj li qub lawm thiab.
    Tej yam zoo li no yog vim peb yog neeg tswv yim tsis pom kev, ces niag dab phem tos nrw mooj peb thaum peb rau kev txom nyem puas ntsoo ces nws tuaj ntxias peb kom peb mloog nws.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 6th July 2010, 9:26 am



    Nyob zoo XH. Npuag Tub,

    Koj zaj kwv huam los yeej yog kawg li, nyob hauv lub neej tiag thaum muaj teeb meem mas zoo li yus dig muag tas li lawm. Tswv Ntuj twb nqa yus lawm los yus tseem chim tas zog, ces Dab Phem ntxab ntxawm yus ntxov siab ces los haub yus kiag kom yus yuam kev. Zoo li nov, coob leej thiaj yuam kev thaum lawv muaj ke nyuaj siab.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 23rd July 2010, 3:05 am

    KUV TAU TXIAV TXIM SIAB


    Kuv tau txiav txim siab
    1-Koj puas txiav xim siab tias yuav raws Yes Xus?
    Koj puas txiav xim siab tias yuav raws Yes Xus?
    Koj puas txiav xim siab tias yuav raws Yes Xus?
    Tsis tig rov qab, tsis tig rov qab

    2-Kuv tau txiav txim siab cia los raws Yes Xus
    Kuv tau txiav txim siab cia los raws Yes Xus
    Kuv tau txiav txim siab cia los raws Yes Xus
    Tsis tig rov qab, tsis tig rov qab

    3-Lub ntuj ua kev qab, tus Ntoo Cuam ua kuv ntej
    Lub ntuj ua kev qab, tus Ntoo Cuam ua kuv ntej
    Lub ntuj ua kev qab, tus Ntoo Cuam ua kuv ntej
    Tsis tig rov qab, tsis tig rov qab

    4-Txawm tsis muaj twg tuaj kuv yuav raws nws mus
    Txawm tssi muaj twg tuaj kuv yuav raws nws mus
    Txawm tssi muaj twg tuaj kuv yuav raws nws mus
    Tsis tig rov qab, tsis tig rov qab



    Huab Tais Tswv Ntuj koj txhob tso kuv tseg
    Thaum kuv ntsia ntsoov koj li qaib nqhis dej
    Huab Tais Yes Xus koj txhob tso kuv cia
    Thaum kuv vam koj cawm kuv txoj sia
    Huab Tais Leej Ntuj Plig koj txhob tso kuv ntog
    Thaum kuv tos ntsoov koj los txhawb kuv lub zog






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 29th July 2010, 4:18 am


    Tus zoo Tswv Zov yaj

    Tus zoo tswv zov yaj nws saib kuv,
    kuv tsis paub txoj kev tshaib,
    txoj kev nqis txoj kev txhawj.

    Tus zoo tswv zov yaj,
    nws tso kuv nyob hauv tej tsha zaub mos,
    nws coj kuv mus so nyob ze dej,
    kuv haus nws cov dej laj kuv lub siab.

    Tus zoo tswv zov yaj,
    nws pom kuv nyiam nws lub npe,
    nws coj kuv mus kev,
    kuv taug ib lub hav tsaus ntuj qa nti
    kuv tsis nco qab ntshai.

    Tus zoo tswv zov yaj,
    koj rab pas nrig nyob ze kuv ua kuv luag,
    koj xav nplij kuv lub siab,
    koj tsa koj rab pas nrig nyob ze kuv.

    Cov neeg ntxub xav nyhos kuv,
    koj npaj ib roog qav nyob ntawm kuv xub ntiag,
    koj pleev tshuaj tsw qab rau saum kuv taub hau,
    koj hliv cawv puv lub ntim rau kuv haus.

    Tas kuv sim neej niaj hnub Ntuj txiaj ntsim los nres kuv,
    kuv lub tsev yog lub tsev teev kuv tus Huab Tais,
    tas kuv sim neej, kuv xav tuaj xyuas nws lub tsev.

    Tus zoo tswv zov yaj nws saib kuv,
    kuv tsis paub txoj kev tshaib,
    txoj kev nqis txoj kev txhawj.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 30th July 2010, 4:43 am




    Huav Tais Tswv Ntuj hnub no kuv nyob ib leeg,
    koj tuaj nrog kuv nyob mas kuv lub siab yuav loj.
    Koj los txhawb kuv lub zog thaum kuv ntog,
    Koj los tuav kuv tes thaum kuv nres,
    Koj los ua kuv siab loj thaum kuv vam txog koj,
    Koj los nplij kuv thaum kuv tos koj txoj kev hlub
    Kuv yog neeg muag luav koj tsis pab tsam kuv xyuam khuav
    Kuv yog neeg zog me koj tsis pab tsam kuv tsis thev
    Kuv vam txog koj lub siab zoo los ua kaus roos
    Kuv vam txog koj lub siab loj los txhawb kuv lub zog...Nawb Huab tais Tswv Ntuj.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 1st September 2010, 7:53 am

    < loop=true width=450>
    Koj puas hnov kuv lub suab?
    Tswv ntuj siab zoo,
    Hnub no kuv hu txog koj
    Tswv Ntuj siab loj
    Hnub no kuv thov
    Koj lub hwj huam os
    Ua li koj puas kam tig ntsia kuv
    Thaum kuv vam txog koj txoj kev hlub

    Kuv tus Huab Tais siab zoo
    Kuv thov nraim koj tus duab ntxoo
    Kuv tus Huab Tais siab ncaj
    Kuv thov koj tsa tes rub kuv mas

    Hnub no kuv nyob ib leeg
    Koj tuaj nrog kuv nyob mas
    Kuv yuav tsis nyob ib leeg

    Hnub no kuv lub zog ntaug
    Koj tuaj nrog kuv nyob mas
    Kuv yuav rov sawv tau

    Hmo no kuv tag kev cia siab
    Koj hais ib los mas kuv lub siab yuav kaj
    Kuv yuav pom lub ntuj tshiab

    Hmo no kuv siab tu nrho
    Kuv thov koj tuaj txhawb kuv lub zog
    Kuv yuav rov pom txoj kev hlub mog...





    Sponsored content

    Re: KEV THOOB TSIB & ZAJ NKAUJ SEEV

    Post  Sponsored content Today at 8:52 am


      Current date/time is 6th December 2016, 8:52 am