HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


KEV THOOB TSIB & ZAJ NKAUJ SEEV - Page 7 Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


+4
Nujsisloob1
Maivxis
Yaj Suav Nus
Npuagtub
8 posters

    KEV THOOB TSIB & ZAJ NKAUJ SEEV

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 30th March 2015, 7:26 am


    KEV THOV NTUJ.



    TP.Emilien Tardif hais tias thaum yus thov Ntuj rau ib tug neeg mob mas yus tsis txhob ntuas ntev ntev li ntuas dab thiab tsis txhob hais nuj neb tias: "Tswv Ntuj nyob ntawm koj pom zoo...seb koj puas pab..." Txhob hais li nov mas Tswv Ntuj yuav tsis kho tus mob rau yus. Yuav tsum hais khov khov thiab meej kiag tias: " Huab Tais Yes Xus koj pab kho tus mob nov kom zoo hlo". Hais li no xwb mas thiaj li khev.

    KEV THOOB TSIB & ZAJ NKAUJ SEEV - Page 7 Yes_xu10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 8th June 2015, 8:46 am


    Leej Pleev txoj kev txi Ntuj. HES NPLAWS 9: 11-15


    11 Tab sis Leej Pleev tuaj lawm, nws yog tus Tuam Leej Choj kav lub cuab tam tom ntej.  
    Nws tau hla ib lub tsev tsam phooj loj dua thiab zoo dua,
    uas tsis yog neeg txhais tes ua, tsis yog lub sim ceeb no tug,  
    12 nws tau chaws mus hauv thaj chaw Ntshiab ib zaug xwb thiab tau ua kom txhua
    yam tiav log, nws tsis muab ntshav tshis los ntshav heev nyuj,
    tiam sis nws hliv kiag nws roj ntsha los txhiv tau peb dim plaws tas mus li lawm.
    13 Yog tias ntshav tshis thiab ntshav heev nyuj, los tshauv maum nyuj uas luag
    muab tsuag rau saum cov neeg tsis huv, ua tau kom lawv ntshiab tuaj,
    vim kho tau kom  lawv lub cev nqaij rov huv tuaj tiag,
    14 mas Leej Pleev uas nws muaj leej Tswv Yim nyob mus li cob kom nws muab
    nws tus kheej ua ib co txim dawb huv txi rau Tswv Ntuj, mas nws cov ntshav
    haj yam ua tau kom peb lub siab huv tuaj thiab dim ntawm peb cov hauj lwm
    pub kev tuag, kom peb los teev hawm tus Tswv Ntuj muaj txoj sia.
    15 Yog vim li ntawd mas Leej Pleev thiaj yog peb tus sawv cev rov cog dua lus tshiab,
    kom xwv vim twb muaj kev tuag them cov txhaum ua thaum lub caij cog qub lus lawm,
    mas kom cov neeg uas Ntuj hu tau mus txais lub cuab tam nyob mus li raws li kev cog lus.

    KEV THOOB TSIB & ZAJ NKAUJ SEEV - Page 7 Cawv10

    Thaum Cev Mov Cev Cawv, TP.Tsa lub Ntim Cawv:

    Thov kom Yes Xus ntxuab peb tej txim txhaum,
    ntxuab peb tej mob nkeeg, mas tej mob nkeeg yuav zoo.


    KEV THOOB TSIB & ZAJ NKAUJ SEEV - Page 7 Mov_mo11

    Thaum Txiv Plig tsa Mov Mog:
    Thov Ntuj rau ib tug neeg uas yus paub, xav kom Tswv Ntuj pab.


    KEV THOOB TSIB & ZAJ NKAUJ SEEV - Page 7 Img_6410

    Thaum Txiv Plig cev Mov cev Cawv:

    Yog koj muaj kev nyuaj siab dab tsi,
    koj muab cev rau HT.Yes Xus.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 11th August 2015, 9:10 am

    PADRE PIO HAIS TIAS:




    THAUM YUS TEEV NTUJ
    TXAWM YUS LUB SIAB TSIS TUS
    PHEEJ XAV RAU LWM YAM
    LAWM LOS YUAV TXHOB TAG KEV CIA SIAB
    YUAV RAU SIAB TEEV NTUJ NTXIV.
    VIM YUS TSIS YOG IB TUG TSHIAB HU NKAUJ SAUM NTUJ
    YUS YOG IB TUG NEEG TXHAUM XWB
    THIAB YUAV MUAB XAV SEB YOG TIM DAB TSI
    YUS LUB SIAB THIAJ TSIS NYOB NTAWM TSWV NTUJ.



    Last edited by Maiv Tooj on 25th September 2016, 12:05 pm; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 31st August 2015, 8:45 am


    YUAV THOV NTUJ LI CAS.


    KEV THOOB TSIB & ZAJ NKAUJ SEEV - Page 7 Teev_n10

    Padré Pio hais tias:
    THAUM YUS THOV NTUJ RAU IB YAM DAB TSI MAS HAIS KIAG LUB NTSIAB XWB.
    Xws li yog ib tug neeg muaj mob los tsuas hais tias:"Huab Tais KOJ kho tus neeg N... qhov mob kom zoo." Tsuas hais li no xwb txhob piav ntau ntau thiab txhob hais tias: "Txawm zoo me ntsis xwb los kuv zoo siab." Tswv Ntuj lub hwj huam loj tas nrho, yog yus ntshai tsam NWS tsis pub rau yus, yus hais me me ces Tswv Ntuj tsuas ua li yus hais xwb; vim yus tso siab tsis tag rau Tswv Ntuj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 25th September 2015, 6:46 am

    DAWS KEV NTXHOV SIAB.




    THAUM MUAJ KEV SIB COV NYOM,
    SAWV DAWS TSIS MUAJ KEV HAUM XEEB,
    SIB NTXUB, SIB DUB MUAG,
    KOJ THOV NTUJ LI NO:
    "HUAB TAIS YES XUS,
    KOJ MUAB KOJ TXOJ KEV THAJ YEEB
    RAU HAUV...(N)...LUB SIAB.3
    (hais tus neeg lub npe los yog tias yog
    ib pab neeg ces hais tias "sawv daws"
    no xwb los tau)


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 30th April 2016, 10:16 pm

    IB TUG NEEG NTSEEG TIAG YUAV CAIV:




    HAUJ LWM: 15,28-29.
    28 Leej Ntuj Plig Ntshiab thiab peb,
    tau txiav tias yuav tsis yuam tej lub nra
    ceeb laj ris rau nej. Nej tsuas yuav coj ob peb yam no xwb :
    29 Nej yuav caiv cov nqaij txi dab, caiv
    ntshav, caiv cov nqaij pos tuag, caiv
    kev ua plees ua yi. Tej no mas nej
    yuav caiv, thiaj li zoo.
    Nej nyob kaj lug."

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 25th July 2016, 11:14 am

    THOV LEEJ NTUJ PLIG KHO NEEG MOB




    Vaj Qhia Faas Tshes Kus hais hauv Txitter hnub Tim 12-06-2016 tias:

    TSOOM MUAJ MOB HMOV TSHUA,
    NCO NTSOOV TSO SIAB RAU LEEJ NTUJ PLIG NTSHIAB,
    NWS YUAV NPLIJ NEJ TSIS TSEG HAUV NWS QHOV POM KEV.


    Thov Ntuj rau neeg mob,
    yog hu txog Leej Ntuj Plig kom los kho yus tus mob kom zoo
    mas raws lus heev.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 21st August 2016, 11:07 pm

    LUB QHOV ROOJ NQAIM.




    Yes Xus hais rau lawv tias :
    24 "Nej ua tiag mus hauv lub qhov rooj
    nqaim mog. Kuv hais rau nej : coob leej
    yuav nrhiav kev mus lawm hauv, tab sis
    lawv yuav mus tsis txog. (LK.13,24)

    Tsis yog lub qhov rooj nqaim
    Yog lob ntau dua ntais
    Tsis yog lub qhov rooj me
    Yog yus lob ntau ev
    Yuav kom haum qhov rooj
    Yuav tau thau kom xoob
    Thiaj yuav nkag tau mus
    Tswv Ntuj lub teb chaws tshav ntuj.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 25th September 2016, 11:52 am

    NTSEEG YES XUS YUAV TAU KEV CAWM.



    Yes xus hais rau Pob Zeb:
    "Tag txhua yam koj khi nyob ntiaj teb, yuav khi nyob saum Ntuj;
    yam uas koj daws nyob ntiaj teb, yuav daws nyob saum Ntuj". (MT.18,18)


    Lub neej ntiaj teb yog ib vuag dhau
    Lub neej pem suab yog ib txhis tsis muaj xaus

    Lub neej ntiaj teb tsis xav tshwm dag zog
    Lub neej pem suab yuav tsis tau vaj tsev zoo nyob

    Lub neej ntiaj teb tsis xav kwv Ntoo Cuam
    Lub neej pem suab yuav tsis hnov suab luag

    Lub neej ntiaj teb tsis xav ua siab tawv
    Lub neej pem suab yuav tau txhiab hluav taws

    Lub neej ntiaj teb tsis xav nyiaj kev txom nyem
    Lub neej pem suab kua muag iab yuav ntws tsis tseg

    sau:Maiv Tooj. Tim 09-03-2011


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 6th November 2016, 10:31 am



    KEB HLUB.


    KEV THOOB TSIB & ZAJ NKAUJ SEEV - Page 7 Kev_hl11

    Tswv Ntuj yog tus pom deb, nws pom yav dhau los, niaj hnub thiab tom ntej.
    Nws twb yeej hais tias kom neeg sib hlub.
    NWS twb paub tias Kev Hlub muaj zog tshaj puas tsav yam.
    Kev Hlub txhawb yus ua tau tag puas tsav yam.
    Kev Hlub yog lub pov haum zoo tshaj.
    Kev Hlub yog lub zog loj tshaj.

    Yog muaj kev hlub yus muaj siab khwv
    Yus muaj siab khwv ces tau noj
    Yus muaj noj ces vam meej
    Yus vam meej ces muaj kev thaj yeeb
    Yus muaj kev thaj yeeb ces tsis muaj mob
    Yus tsis muaj mob ces noj qab nyob zoo
    Yus noj qab nyob zoo ces kaj siab
    Yus muaj kev kaj siab ces muaj kev sib hlub.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 25th August 2017, 10:25 am



    Huab Tais Yes Xus hais tias:

    Yus yuav ua tus neeg me txo hwj chim hiaj yuav tau ua tus loj nyob hauv NWS lub Ceeb Tsheej.
    Leej twg xav ua tus loj ntawm ntiaj teb qhov muag yuav tsis muaj peev xwm kav tau kuv lub Ceeb Tsheej.
    Ua tus loj yog ua quav nyab rau dab phem tiag pw. Vim kev nto moo ntiaj teb tsis haum Tswv Ntuj txoj cai.



    KEV THOOB TSIB & ZAJ NKAUJ SEEV - Page 7 Servic10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 25th August 2017, 11:07 am



    KEV TEEV NTUJ.



    Kev teev Ntuj yog cov theem ntaiv nce mus rau Tswv Ntuj.

    Teev Ntuj yog qhov pom kev lam rau tus ntsuj plig.

    Li no cov neeg muaj leej Ntuj Plig nrog lawv lub ntsej muag thiaj li ntshiab si, ci lam lam.


    KEV THOOB TSIB & ZAJ NKAUJ SEEV - Page 7 Images11
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 7th October 2017, 7:53 am


    Tus neeg ncaj.

    Raws li Maria Valtorta Huab Tais Yes Xus hais tias:

    "TUS NEEG NCAJ, NWS NWS HAIS QHOV TWG LOS YEEJ NCAJ NCEES.
    YOG NWS TSIS YOG IB TUG NEEG NCAJ, QHOV NWS HAIS YOG THUAM LUAG.
    VIM LEEJ TSWV YIM NTSHIAB MUAB NWS QHOV POM KEV LOS KAJ NEEG LUB TSWV YIM,
    YOG TIAS NWS YOG IB TUG NEEG NCAJ NCEES,
    CES NEEG LUB TSWV YIM YUAV COJ TSWV NTUJ LUB TSWV YIM,
    CES TUQ NEEG NTAWD YUAV MUAJ KEV THOOB TSIB LOJ TSHAJ QHOV NEEG YUAV UA TAU
    NWS YUAV PAUB TAU NEEG LUB SIAB."
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 19th October 2017, 4:32 am




    493> Jes Xus hais tias: "Kuv yog tus Huab Tais koj tus Tswv Ntuj", yog tus Phooj Ywg uas yuav nrog rawv koj, yog tus Qhua uas koj yuav ntiab tsis tau. Nws yuav tsis pub kom cov neeg txhaum ncaim ntawm Tswv Ntuj mus. Qhov yuav ncaim Tswv Ntuj yog qhov yuav txom nyem suab quaj qw tsis muaj kev thaj yeeb mus tag ib txhid. Kuv yog koj tus Tswv Ntuj uas yuav coj koj tawm ntawm Hais Nkws Tos teb, ntawm lub tsev koj poob cev qhev. Lub Hais Nkws Tis teb twg??? Yog lub Hais Nkws Tos teb ntiaj teb no mus rau lub teb chaws Ntuj Xaiv, yog Tswv Ntuj lub teb chaws nyob saum Ntuj uas yuav tsis muaj kev ploj kev tuag, tsis tshaib tsis nqhis, kev thaj yeeb thiab kev hlub ntws lug uas txhua tus ntsuj plig yuav tau nyob thaj yeeb nyab xeeb puv npo.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 30th December 2017, 3:41 am




    Ua Neeg ntseeg.


    KEV THOOB TSIB & ZAJ NKAUJ SEEV - Page 7 Christ10

    Neeg ntseeg = Ntseeg txog Tus Cawm = Ntseeg txog Yes Xus sawv rov los = Ciaj sia nyob hauv Yes Xus = (chrétien = christ =  croire en Jésus réssucité = vie en Jésus ).
    . Ua neeg ntseeg, peb yuav coj lub neej kom txawv cov tsis tau paub Yes Xus, peb yuav muaj tus yam ntxwv kom lawv pom Tswv Ntuj txoj kev HLUB nyob hauv peb.
    . Peb yuav rau siab teev Ntuj kom tsis txhob raug ntxias li thaum Yes Xus yuav raug ntes NWS ua.
    . Peb yuav qheb peb lub siab rau Tswv Ntuj txoj kev HLUB ntws lug nplua mias.
    .Txhob ua ib cov neeg ntseeg ntawm ncauj, lub siab xu das.
    .Yog peb tsis teev Ntuj, peb tsis qheb peb lub siab rau txoj kev HLUB, Tswv Ntuj yuav tsis los nyob hauv peb, vim tsis muaj chaw rau NWS. Tswv Ntuj nyiam nyob hauv tus neeg pluag thiaj muaj chaw rau NWS, tus neeg nplua nuj muaj toob xib ntau tsis seem chaw rau Tswv Ntuj.
    . Kev ncaim deb ntawm Tswv Ntuj yog kev txom nyem, kev sib tawg.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 8th February 2018, 11:42 pm


    TXOJ KEV NTSEEG TSWV NTUJ YOG TXOJ KEV KAJ LUAG.


    KEV THOOB TSIB & ZAJ NKAUJ SEEV - Page 7 94d50a10

    Txoj kev ntseeg Tswv Ntuj, ntseeg Yes Xus yog ib txoj kev dawb huv, kev tau zoo, kev thaj yeeb nyab xeeb. Tsis muaj txhaum, tsis muaj yuam kev, tsis muaj ntshai, tsis muaj yuav niaj hnub muab yus cuab tam los txi, los koob thiaj li yuav zoo. Tswv Ntuj txoj kev yog ib txoj kev HLUB, KEV NYIAM, KEV KHUV LEEJ. koj khwv tau li cas los yog khwv los rau koj siv, koj yuav xwb. Qhov Tswv Ntuj kom koj ua tsuas yog:

    " - koj yuav xyaum ua ib tug neeg txawj hlub luag tej uas muaj kev txom nyem tsis hais siab ntsws los toob xib, tsis yog hlub luag ces koj yuav lauj koj teeg koj tug mus pub rau luag (yog koj ho pub tau los kuj zoo, koj pub tsis tau los koj khuv leej luag, tsis txhob thuam luag thaum luag txom nyem).
    - Koj yuav ua tus neeg ncaj ncees, tsis tsa hwj chim muab hlob, khav theeb.
    - Koj NTSEEG TSWV NTUJ COV LUS QHIA, UA RAWS LI TSWV NTUJ HAIS. UA NEEJ NYOB HAUV TXOJ KEV NYIAM KEV HLUB KEV NCAJ NCEES. TSIS MUS TEEV LWM HOM DAB TEEV LWM TXOJ KEV NTSEEG. KOJ YUAV TEEV HUAB TAIS NTUJ IB LEEG XWB.

    Li nov xwb ces koj yuav ua neej huaj vam, tsis muaj yam twg tsav twg, koj thov Ntuj xwb ces koj yuav tau ( tsis yog yuav poob saum ntuj los rau koj tab sis yog lwm tus yuav muab rau koj thiab koj ua neej ncae tes, khwv me me los tau ntaus ntaus...), koj yuav ua neej tsis txob tsis txhawj, koj yuav tau lub neej hauv ntiaj teb nov zoo li nyob saum Ntuj.

    Koj sim nrauj tag nrho txhua yam kev teev dab, kev ntseeg dab, nyuag khawv koob hwj huaj txhua yam, nyuag khi hlua pauv, hluas khawv koob los yog tej nyuag tshuaj hwj huaj li hmoob hais tias txiav peb riag, ...li ub li no tag nrho, koj ntseeg thiab teev Tswv Ntuj ib leeg xwb mas koj yuav pom Tswv Ntuj lub hwj huam nyob nrog koj tiag.

    Huab Tais Yes Xus hais tias: Yog koj txoj kev ntseeg luaj lub noob zaub mas koj kom lub roob nov rhais mus nyob sab hiav txwv tod, lub roob kuj yuav txav mus." Kuv li vim kuv txoj ntseeg luaj tsis taus lub noob zaub, kuv xav kom luaj li lub noob zaub kawg tab sis ntshe tseem tshuav ntau yam uas kuv tsis tau paub txog ces thiaj li tsis luaj; tab sis kuv txoj kev ntseeg tej zaud yuav luaj li 1/1000 ntawm lub plua tshauv, vim kuv thov tau txiaj ntsim li kuv xav tau.

    Kawg no kuv xav hais rau koj hais tias txhob sem lub caij mus teev tej qub kev cai lawm mog, Peb Hmoob ntseeg Yes Xus tshiab heev, kuv yog thawj pab neeg ntseeg uas TP. Nyiaj Pov xa XH. Xyooj Thoj thiab TP. Vaj Pov nkawd tuaj txiav dab ntag, thaum nkawd tuaj kuv yug lawm tab sis kuv tsis tau xeev xwm, tab sis kuv yeej pom tias Peb Hmoob Npam Naj Xees vam meej ib thawj heev txij li XH. Xyooj Thoj thiab TP. Vaj Pov tuaj txiav dab rau peb. Muaj Tswv Ntuj nrog peb, peb ua neej tsis txob tsis txhawj, khwv tau npaum li cas los tsis muab ua neeb ua yaig, tsis muab ua dab ua qhua li yav dhau los uas tsis kum siv tua ib tug tsiaj noj li, tsuas tshwj nrees cia ua neeb ua yaig ua dab ua qhua xwb...

    Yog muaj Yes Xus lub NPE pab Peb Hmoob, peb thiaj li vam meej ib theem uas tsis tau muaj nyob hauv keeb kwm Hmoob los mus. Yog tsis muaj HT. Yes Xus ua TP. Nyiaj Pov siab kom tsim cov Ntawv Hmoob Thoob Teb nov rau Hmoob siv, Hmoob yuav tsis vam meej thiab nrog luag sib fi txuj thoob ntuj li niaj hnub no. Li nov, koj yuav txhob ua xyem xyav ntxiv lawm, Tswv Ntuj muaj caij, ib txhiab xyoo rau Tswv Ntuj zoo li ib hnub xwb, tab sis yus neeg txha plhaub mag, nqaij ciab zib yus tsuas nyob ib vuag dua xwb, yuav maj nroos tsam Tswv Ntuj muaj caij yus tsis muaj caij mog. Tswv Ntuj lub teb chaws yog ib lub teb chaws tshav ntuj nrig, tsis tshaib tsis nqhis, tsis khwv, yuav nyob luag ntxhi ib sid tsis txob tsis txhawj. Yuav rau siab ua txhua yam kom tau mus mog. Qhov ua txhua yam ntawd twb tsis nyuaj li tsuas yog: "1. koj ntseeg Tswv Ntuj tib leeg xwb, tsis ntxhob ntshai tsam tsis tau mus lob ub lob no ces thaum kawg Tswv Ntuj tsis pab ces twb ho tsis tau dab tsi li lawm. 2. Koj xyaum ua ib tug neeg muaj kev HLUB nyob hauv koj, txhob hais lus phem, txhob ntsia ntsoov luag qhov phem hais, txhob khav theeb ntshaw hwj chim. 3. Koj muaj li cas koj yuav zoo siab yuav li ntawd, txhob ua ib tug neeg siab hlob, muaj tsis muaj los ntshaw ntshaw cuag dab tsi. Kev ntshaw ntawd mas tab koj pluag pluag kob huam kiag los ua tau rau koj lub siab nplua nuj ces yog ib qhov txhaum loj uas Tswv Ntuj nyob tsis tau rau hauv koj, vim koj tsis muaj chaw rau NWS. Tswv Ntuj nyob hauv cov siab ntsws pluag, txhais tias muaj chaw rau NWS nyob xwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 22nd March 2018, 9:58 am


    MK. 15, 37-38.
    37 Ces Yes Xus qw ib suab nrov, nws txoj sia tu.
    38 Thaum ntawd, daim ntaub hauv Kem Ntshiab
    ntuag rhe saud rau hauv, ua ob sab.

    Yes Xus tu siab nrho daim ntaub thaiv lub tsev tsam phooj ntuag rhe thoob plaws nruab nrab txhais hais tias Yes Xus tuag los daws neeg lub keeb txhaum. Yes Xus ua tus choj tuam rau peb hla ncaj qha mus rau Tswv Ntuj, daim ntaub thaiv ntuag ces yog hais tias zaum no tsis muaj dab tsi los kem neeg thiab Tswv Ntuj lawm.

    KEV THOOB TSIB & ZAJ NKAUJ SEEV - Page 7 Arche-10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 15th April 2018, 10:06 pm



    Qhov pom kev



    Huab Tais Tswv Ntuj,
    qhia koj qhov pom kev
    rau cov neeg yuam kev
    kom lawv rov muab tau xub ke,
    qhia rau tag nrho cov uas
    lawv hais tias lawv yog neeg ua Ntuj Kev Cai,
    kom lawv tso tej yam uas
    tsis tsim nyog lub Npe nov tseg,
    es muab tso rau lub sam xeeb.






    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 23rd December 2018, 8:57 pm



    MAB LIAB TSOOM NTSEEG LEEJ NIAM.



    Mab Liab tag nrho tsoom ntseeg leej Niam,
    qhia txoj kev tso siab rau kuv
    thiab qheb kev rau Leej Tswv Yim.

    Thaum kev kub ntxhov mooj kuv,
    thaum ua zog qeeg txoog ua kom kuv tawg,
    los tuav kuv tes thiab coj kuv mus cob rau koj leej Tub.

    Koj yog tau kev nyab xeeb tob tshaj hauv koj nruab siab,
    Muav cov lus hwj huaj ua kom kuv kev ntshai yaj.

    Koj yog tus ntseeg Tswv Ntuj lub hom phiaj hauv
    koj lub neej thiab rau lub ntiaj teb,
    Coj kuv kuv mus rau txoj kev yuav mus lawm pem Ceeb Tsheej.





    Last edited by Maiv Tooj on 16th May 2019, 10:15 pm; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 16th May 2019, 10:10 pm








    LN. Claude la Colombière zaj lus thov Ntuj.





    "Kuv tus Tswv Ntuj,
    kuv pom tias koj tsom kwm cov neeg uas vam txog Koj,
    Peb yuav tsis txom nyem txog txhua yam uas peb tos ntawm Koj,
    Ua rau kuv tso siab lug rau lub neej pem suab tsis txob tsis txhawj,
    Thiab kuv muab tag nrho kuv tej kev txhawj xeeb los fij rau Koj:

    "Kuv pw thiab tsaug zog zoo nyob hauv txoj kev Thaj Yeeb,
    Kuv tso siab lug, Tswv Ntuj,
    vim Koj los nyob hauv kuv."

    ( zaj NQ. 4,9).
    Txawm tej neeg yuav rhuav kuv lub meej mom thiab kuv tej teeg tug,
    Txawm kab mob kev nkeeg yuav rho kuv lub zog
    thiab kuv rab peev xwm uas yuav tiam Koj,
    Txawm kuv yuav poob Koj tej txiaj ntsim tim kuv cov txhaum;
    Los kuv yuav tswj nrees kuv txoj kev Tso Siab,
    Kuv yuav tuav rawv txog ntua thaum kawg ntawm kuv lub neej,
    Thiab txog thaum ntawd tag nrho cov dab phem
    nyob ntuj txias teb tsaus txawm yuav siv
    tag nrho lawv lub zog los rub los yuav rub tsis tau kuv:

    "Kuv yuav pw thiab tsaug zog hauv txoj kev Thaj Yeeb".

    Ib txhia neeg yuav tos ntshis txoj kev tau zoo
    ntawm lawv tej kev nplua nuj
    los yog ntawm lawv tej laj lim peev xwm,

    Lwm tus yuav nias qees rau tej kev tsis muaj txhaum hauv lawv lub neej,
    Los yog ntawm tej kev ua zoo los ntxuav lawv tej txhaum,
    Los yog ntawm lawv txoj kev siab dawb pub rau luag,
    Los yog ntawm lawv tej kev mob siab teev Ntuj zoo.

    Kuv li, Tswv Ntuj, yog kuv txoj kev Tso Siab,
    Kuv txoj kev tso siab nkaus nkaus xwb;

    Txoj kev tso siab no yuav tsis dag leej twg ib zaug li.
    Kuv tso siab lug tias kuv yuav tau kaj siab mus ib txhi,

    Vim kuv vam tag nrho kuv lub siab kom kuv tau,
    Uas yog kuv tso siab rau Koj mas, Kuv tus Tswv Ntuj, uas kuv vam.

    Ua li."


    Saint Claude La Colombière (1641-1682)


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 4th May 2020, 9:15 am



    HOV KUV LUB SIAB.





    Kuv ntshai tsam kuv tsis muaj
    Vim kuv ntshai tsam kuv pluag
    Kuv ntshaw yam kuv tsis tau
    Vim kuv ntshai tsam kuv zoo tsis txaus

    Kuv xav kom kuv zoo
    Tab sis txhua yam ua xu luaj xub ntoos
    Kuv xav ua kom haum luag
    Tab sis txhua yam ua xu deb npaum  maum npua

    Neeg ntsia daim tawv
    Tswv Ntuj ntsia lub plawv
    Neeg saib saum hauv pliaj
    Tswv Ntuj saib nruab siab

    Neeg tsis pom
    Tswv Ntuj nthuav tes tos
    Neeg tsis qheb siab
    Tswv Ntuj pub txiaj ntsim tos ci ntsa iab...




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 19th May 2020, 8:07 am

    UA CAS NEJ NTSIA SAUM NTUJ






    Ua cas ntsia saum ntuj ?
    Ua cas nws tuag ho quaj ?
    Ua cas ho quaj ?
    Kuv paub tias nws tsis tuag.
    Nws ciaj.


    Nws lub ntxa khoob nrhuv,
    Lub ntuj du lug,
    Tab sis peb lub siab muaj nws puv ntoob,
    Tswv Ntuj muaj sia,
    Tab sis peb lub siab muaj nws puv ntoob.

    Peb txhais tes du lug
    Peb qhov muaj qhuav qhawv
    Tab sis txoj kev coj peb mus cuag nws,
    Tswv Ntuj muaj sia,
    Tab sis txoj kev coj peb mus cuag nws.

    Deb yog txoj kev
    Nyuaj yog txoj kev
    Tab sis cov mov mog hais txog NWS,
    Tswv Ntuj muaj sia,
    Tab sis cov mov mog hais txog NWS.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Maiv Tooj 22nd May 2020, 8:15 am


    KEV TSAUS NTUJ.

    istock10.jpg



    3 YAM UAS UA KOM YUS POOB RAU KEV TSAUS NTUJ YOG:

    - Kev muaj yees rau qhov tsis zoo, tsis huv (vices)
    - Kev ntshaw yam tshiab (mondain)
    - Kev khav theeb ( Orgueil)

    Vaj Qhia François


    Sponsored content


    KEV THOOB TSIB & ZAJ NKAUJ SEEV - Page 7 Empty Re: KEV THOOB TSIB & ZAJ NKAUJ SEEV

    Post  Sponsored content


      Current date/time is 19th March 2024, 12:49 am