Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    KEV THOOB TSIB & ZAJ NKAUJ SEEV

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 12th September 2012, 10:08 am



    Leej Ntshiab François d'Assise cov lus thov Ntuj!


    Tswv Ntuj,

    Ua kom kuv yog ib qhov twj kho txoj kev thaj yeeb.

    Ntawm qhov uas muaj txoj kev ntxub ntxaug, kom kuv muab txoj kev hlub.
    Ntawm qhov uas ua siab luag, kom kuv muab txoj kev zam.
    Ntawm qhov uas muaj kev sib tawg, kom kuv muab txoj kev sib koom.
    Ntawm qhov uas muaj kev yuam kev, kom kuv muab qhov tseeb.
    Ntawm qhov uas muaj kev ua xyem xyav, kom kuv muab txoj kev ntseeg.
    Ntawm qhov uas muaj kev tag kev cia siab, kom kuv muab kev vam.
    Ntawm qhov uas tsaus ntuj nti, kom kuv muab qhov pom kev.
    Ntawm qhov uas muaj kev tu siab, kom kuv muab kev xyiv fab.

    Ua kom kuv txhob nrhiav kev nplij, kom kuv yog tus nplij luag,
    kom kuv txhob yog tus luag to taub, tab sis kom kuv to taub luag.
    Kom kuv txhob cia luag nyiam kuv, tab sis kom kuv nyiam luag.

    Vim yog
    Yus muab ces yus thiaj tau txais,
    Yus hnov qab yus mas yus thiaj rov nrhiav tau yus,
    Yus zam rau luag mas yus thiaj tau txais kev zam
    Thaum yus txoj sia yuav tu mas luag thiaj tsa yus rau txoj sia nyob mus li.

    Saint François




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 25th September 2012, 4:21 am


    HNUB NOV LEEJ PLEEV HU PEB.

    Leej Pleev hu peb hnub no,
    Leej Pleev xa peb mus hnub no,
    Huab Tais hlub neeg nyob mus li,
    Tswv Ntuj ua peb xyiv fab ib txhid

    Nws txoj kev coj peb mus rau txoj sia
    Mus kom deb deb dhau qhov muag ntsia
    Nej yuav pom txoj kev hlub
    Nej yuav yog cov txais mom kub

    Nws txoj kev yog qhov tseeb
    Yog lub noob zoo rau tsoom zeej
    Nej yuav pom nws txoj kev cawm seej
    Nej yuav tau lub noob zoo los tseb rau nej lub neej

    Nws txoj kev ua nej qhov muag fam
    Nws qheb hnub tshiab rau nej muaj vam
    Nej yuav tau nws kev pab
    Nej yuav tau nyob kab ntsab





    Last edited by Maiv Tooj on 25th September 2012, 6:50 am; edited 1 time in total




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 25th September 2012, 5:13 am


    YES XUS HU KUV NPE

    Sij hawm nyob laj siab, tahum koj hu kuv npe
    koj tuav kuv mus kev, hla dhau txhua txoj kev
    kuv yuav qhib kuv lub siab txais koj txoj kev hlub.
    Txawm tsis muaj leej twg tuaj los kuv yuav nrog koj mus
    Koj yog txoj kev hlub, cawm neeg ntiaj teb txhua tus
    kom dim ntawm kev tuag mus tau txoj sia nyob mus li.

    Yes Xus puas tsim nyog koj hu txog kuv npe
    vim kuv yog neeg txhaum ua tsis tau ib qho zoo
    thov koj hloov kuv lub siab phem mus ua lub siab zoo.
    Saib kuv puas tsim nyog txais koj lub moo zoo
    coj mus tshaj rau lub ntiaj teb neeg txhua leej
    kom lawv los ntseeg txog koj txoj kev cawm seej.

    Yes Xus kuv puas tsim nyog lawv koj qab taug koj kev
    txawm kuv ua tsis tau koj thwj tim los thov kuv ua tub qhev
    thov koj qhib kuv qhov muag kom kuv rov pom kev
    thov koj hloov kuv lub siab dub los ua lub siab dawb
    kom kuv pom koj txoj kev hlub tseeb kev cawm neeg tiag.


    Written: Npuag Tub Hawj



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 28th September 2012, 8:15 am


    Leej Ntshiab François d'Assise cov lus.



    qhov uas tsis muaj kev tso siab, peb yuav qhia txoj kev ntseeg rau

    qhov uas tsis muaj kev sib haum xeeb, peb yuav qhia txoj kev sib coj sib pab rau

    qhov uas muaj yuam kev, peb yuav qhia qhov tseeb rau

    qhov uas tsis muaj kev vam lawm, peb yuav muab txoj kev tso siab rau


    Sau npe: Txooj Tub.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 6th October 2012, 8:28 am




    lub zog me



    Tswv Ntuj siab dav
    Kuv lub siab nyhav nyhav
    Tswv Ntuj lim xeeb
    Kuv lub siab qeeb qeeb

    Los hais ua tsaug rau koj
    Los hais ib los kom tsim nyog

    Tab sis Huab Tais,
    Koj paub qhov kuv lub siab xav hais

    Kuv me me nyob ntawm koj xub ntiag
    Kuv los ua tsaug rau koj TXOJ KEV NYIAM.










    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 6th October 2012, 8:46 am





    YES XUS KUV HU TXOG KOJ.

    YES XUS HNUB NO KUV HU TXOG KOJ
    KOJ PUAS HNOV KUV LUB SUAB OS?

    YES XUS HNUB NO KUV NRHIAV KOJ TXOJ KAB
    KOJ PUAS PUA KAM QHIA KUV LAWV KOJ QAB?

    YES XUS HNUB NO KUV TUAJ NRHIAV KOJ TXOJ KEV NYIAM
    KOJ PUAS KAM QHIA KUV TXAWJ HLOOV SIAB?

    YES XUS HNUB NO KUV TUAJ NRHIAV TXOJ KEV HLUB
    KOJ PUAS KAM QHIA KUV TXAWJ TSEG KEV NTXUB?

    YES XUS HNUB NO KUV TUAJ NRHIAV TXOJ KEV SIB PAB
    KOJ PUAS KAM QHIA KOM KUV TXAWJ ZAM?






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 12th October 2012, 9:07 am


    Hes Nplaws 4, 12-13



    12 Tswv Ntuj lo lus muaj txoj sia.
    Tswv Ntuj lo lus ua tau hauj lwm. Tswv
    Ntuj lo lus ntse dua ib rab ntaj ob sab
    hniav. Nws txeem mus tau hauv tus plig
    thiab hauv nruab nrab lub tswv yim. Nws
    mus tau rau hauv cov pob qij txha thiab
    cov paj hlwb. Tswv Ntuj lo lus txawj
    txiav txim rau lub siab ntshaw, thiab rau
    tej zaj tswv yim nyob hauv nruab siab.
    13 Tas puas tsav yam Ntuj tsim los, mas
    yeej tsis muaj ib yam uas Tswv Ntuj lo
    lus pom tsis tau. Txhua yam nqha nrig
    thiab du lug nyob ntawm Tswv Ntuj xub
    ntiag. Peb yuav tsum cev peb tej hauj
    lwm huv tib si rau nws pom.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 28th October 2012, 2:05 am



    NEEG CI NTSA(G128)



    Neeg ci ntsa! Peb tuaj ntawm koj.
    Tswv Ntuj Leej Tub! Koj yuav cawm peb.

    Huab Tais, cov uas nrhiav koj,
    Koj yuav coj mus rau qhov pom kev,
    Koj, yog cov neeg yuam kev txoj hauv kev.

    Huab Tais, cov uas ntsib koj,
    Koj yuav muab txoj siab nyob mus li rau lawv,
    Koj yog cov ntxuav plig tus Yaj Hla.

    Huab Tais, cov uas raws koj,
    Koj muab koj cov lus los yug lawv txoj sia,
    Koj yog koj cov qhua cov Mov.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 29th October 2012, 4:20 am




    QHEB KUV QHOV MUAG(G79-7)



    Huab Tais, qheb kuv qhov muag kom kuv pom koj txoj kev hlub.
    Kuv taug kev dig muag ntuv, kho kom kuv zoo, kuv xav pom koj.

    Huab Tais, qheb kuv txhais tes uas kuv nyem rawv tsis pub rau luag.
    Tus neeg pluag tshaib nqhis ntawm kuv qhov rooj, qhia kom kuv txawj faib rau.

    Huab Tais, Ua kom kuv mus taus, txawm txoj kev yuav cov npaum li cas.
    Kuv xav raws koj kom mus txog ntua tus Ntoo Cuam, los rub kuv tes thiab mog.

    Huab Tais, ua kom kuv hnov, kuv cov kwv tij lub suab quaj rau kuv.
    Kom kuv lub siab tawg rau lawv txoj kev txom nyem thiab lawv lub suab hu.

    Huab Tais, ceev kuv txoj kev ntseeg, luag tej nim qw ntsoo qees kom muab koj tua.
    Huab Tais, thaum hnub yuav poob thiab tsaus ntuj lawd, koj nrog kuv nyob mog.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 6th November 2012, 11:07 am



    LEEJ PLEEV KHOB QHOV ROOJ.



    Qheb yav tom ntej: 3, 20 Saib :

    kuv nyob ntawm qhov rooj,
    kuv khob qhov rooj. Tus twg mloog kuv
    lub suab, thiab nws qhib qhov rooj, mas
    kuv yuav chaws mus hauv nws tsev. Kuv
    yuav nrog nws noj mov, nws kuj yuav
    nrog kuv noj mov.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 9th February 2013, 8:57 pm

    His Xais 6, 1-2a.3-8 Tswv Ntuj hu His Xais ua Yaj Saub.

    1 Xyoo tus vaj Os Xias tuag, kuv
    pom Huab Tais zaum saum ib lub
    theej kiab siab siab. Nws tw tsho dauv
    mus puv nkaus lub Tuam Tsev tas huv tib si.
    2 Nyob ntawm nws txheej saud, muaj ib
    co Tshiab Xes Las Fis sawv ntsug. Lawv
    nyias muaj nyias rau txhais tis.

    3 Lawv ib leeg hu nkauj nrov nrov rau ib leeg tias :

    "Tsoom tub rog tus HUAB TAIS ntshiab,
    ntshiab, ntshiab. Nws lub koob meej
    nyob puv lub ntiaj teb."
    4 Lub suab ntawd nrov ua cov taw ncej
    qhov rooj ua zog koog, pa taws ncho puv
    lub tsev. 5 Kuv hais tias :
    "Kuv hmoov phem ! Kuv yuav tuag !
    Kuv yog ib tug neeg di ncauj tsis huv.
    Kuv nyob nruab nrab ib haiv neeg di
    ncauj tsis huv. Kuv qhov muag tau pom
    tus Vaj, tus HUAB TAIS kav tsoom tub rog !"

    6 Ib tug Tshiab Xes Las Fis ya ntxiag los
    txog ntawm kuv, nws txhais tes tuav ib
    lub pob zeb kub lug uas nws xuas ib rab
    ciaj tais ntawm lub thaj txi Ntuj los.
    7 Nws coj lub pob zeb los so kuv di
    ncauj, nws hais tias :
    "Saib ! Qhov no twb chwv koj di ncauj
    lawm, nws tshem koj qhov yuam kev tas
    huv si. Nws them koj cov txhaum tas lawm."

    8 Ces kuv hnov Huab Tais lub suab hais tias :
    "Kuv yuav xa leej twg mus ? Leej twg yuav sawv peb cev mus ?"

    Kuv teb tias : "Kuv nyob ntawm no. Koj xa kuv mus."

    FAJ TIM HUAB TAIS NTSHIAB.



    Faj tim Huab tais Ntshiab,
    Tswv Ntuj kav tsoom hnub qub,
    Koj nto koob meej puv lub ntuj lub teb,
    Koj muaj txoj sia nyob mus li nyob txheej ntuj saud.
    Tus tuaj ntawm koj xub ntiag tuaj nto moo lug,
    Nws muaj txoj sia mus li nyob txheej ntuj saud.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 6th March 2013, 7:26 am



    Muaj txiag nplua nuj & txom nyem pluag
    Tsis yog ib qho teeb meem tau Ntuj
    Nplua nuj lub siab ntsws & pluag siab ntsws
    Yog tus choj ntawm neeg & Tswv Ntuj
    Nyiaj txiag yog ntiaj teb neeg li tug
    Tsis si rau lub teb chaws tshav ntuj
    Toob xib yog ntiaj teb li feem
    Tsis muaj nqes nyob saum Ntuj ceeb tsheej
    Kev nyiam, kev hwm yog kev hlub
    Yog nyiaj thiab kub nyob saum Ntuj





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 7th March 2013, 8:39 am


    Hauv paus Xa Lus Tos Mas:



    Tswj koj lub cev ntshiab huv
    Yog hauv tshuaj qab ntuj
    Kho kom yus tus ntsuj plig
    Kom tawg paj txi txiv.

    Cev nkauj xwb, nraug xwb
    Yog cov Tshiab lub hws,
    Tau txiaj ntsim phwj yaws
    Yeej txhua yam phem siab ntsawv,
    Yog lub yeem kev ntseeg,
    Ntiab tau dab phem pov rhees
    Coj tau kev kaj siab rau Ntuj ceeb tsheej.

    Nplua nuj yug noj luag taub hau,
    Noj luag taub hau xeeb kev qias,
    Kev qias los ntawm kev ua txhaum tsis tsab xeeb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 21st April 2013, 10:26 am







    Mère Térésa hais tias:

    "Lub txiv nyob ntsiag to yog teev Ntuj.
    Lub txiv teev Ntuj yog muaj kev ntseeg.
    Lub txiv kev ntseeg yog sib hlub.
    Lub txiv sib hlub yog sib pab.
    Lub txiv sib pab yog kev thaj yeeb.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 17th May 2013, 11:08 am













    LEEJ NTUJ PLIG KOJ LOS MAS
    -Leej Ntuj Plig koj los mas, los kom peb txhob ntshai Tswv Ntuj.

    -Leej Ntuj Plig koj los mas, los kom peb txoj kev ntseeg hlob.

    -Leej Ntuj Plig koj los mas, los kom peb txawj ntse.

    -Leej Ntuj Plig koj los mas, los kom peb muaj zog.

    -Leej Ntuj Plig koj los mas, los lom peb muaj chaw sab laj.

    --Leej Ntuj Plig koj los mas, los kom peb txawj ntse.

    -Leej Ntuj Plig koj los mas, los kom peb muaj kev thoob tsib.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 25th May 2013, 11:30 pm




    Thaum ib tug neeg ncaj lawm nws
    nrog Tswv Ntuj nyob kaj siab lug.





    Paj Lug sau ntawv rau cov Los Mas 5 : 1 - 11.

    1 Yog vim peb txais kev ncaj ntawm
    kev ntseeg tuaj, mas peb thiaj nrog
    Tswv Ntuj nyob kaj siab lug nyob hauv
    peb tus Huab Tais Yes Xus Pleev. 2 Yes
    Xus Pleev pub kev ntseeg, ces peb tau
    txais txiaj ntsim ; peb tau los nyob hauv
    lub txiaj ntsim ; peb cav lus zoo thiab peb
    tso siab tias peb yuav txais Tswv Ntuj lub
    hwj chim. 3 Tab yog peb raug kev txom
    nyem, peb tseem cav lus zoo thiab, vim
    peb paub tseeb tias txoj kev txom nyem
    rub lub siab kom ntev,
    4 lub siab ntev tsim tus yam ntxwv zoo
    xwm yeem, tus yam ntxwv zoo xwm
    yeem tsim kev tso siab. 5 Kev tso siab
    ua kom peb tsis muaj chaw khuv xim,
    vim Leej Ntuj Plig Ntshiab, uas Ntuj pub
    rau peb, nws hliv Tswv ntuj txoj kev
    nyiam rau hauv peb lub siab.
    6 Vim li ntawd, lub sij hawm peb tsis
    muaj zog, thaum txog lub hnub nyoog
    teem, Leej Pleev thiaj raug luag tua kom
    tau pab cov neeg tsis hwm Ntuj. 7 Yus
    yuav luag tsis kam tuag kom tau pab ib
    tug neeg ncaj ; nyaj tej zaus yus yuav
    muaj peev xwm tuag kom tau pab ib tug
    neeg siab zoo. 8 Yam uas zeem tseeb
    tias Tswv Ntuj nyiam peb yog qhov tias
    thaum peb tseem yog neeg txhaum, Leej
    Pleev tuag kom tau pab peb.
    9 Nyem no peb twb ncaj tuaj nyob hauv
    Leej Pleev cov roj ntsha lawm, mas nws
    haj yam yuav cawm peb ntawm kev npau
    taws. 10 Thaum peb tseem ua yeeb
    ncuab rau Tswv Ntuj, nws Leej Tub kev
    tuag ua kom peb nrog Tswv Ntuj rov sib
    haum xeeb ; nyem no peb nrog Tswv Ntuj
    rov sib haum xeeb lawm, mas Tswv Ntuj
    Leej Tub txoj sia haj yam cawm peb.
    11 Peb qhuas tau tias tam sim no, peb tau
    kev rov sib haum xeeb nyob hauv Tswv
    Ntuj, vim peb tus Huab Tais Yes Xus Pleev.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 13th August 2013, 4:01 pm


    YES XUS KWV NWS TUS NTOO CUAM.



    Hauv lub neej -------------thaum muaj teeb meem
    Yuav tau peem ------------txhob tso tes khiav
    Yuav tau nrhiav------------txoj hauv kev mus
    Vim Yes Xus----------------kwv tus Ntoo Cuam
    Tsis yog luag---------------cab ua nws qab
    Txawm yuav nyhav---------los ntxeem kom dhau
    Tsuav ntxuav tau-----------neeg lub keeb txhaum
    Peb yuav xyaum------------ ua li Yes Xus
    Tsaws hlo yus--------------lub nra los ev
    Teeb meem me-------------yuav sib pawb daws
    Teeb meem tshawv---------yuav sib pab nqa
    Kev kab ntsab--------------thiaj yuav muaj taus...nawb cov phooj ywg!






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 16th August 2013, 11:54 pm

    LTH.Zoov Ntxheb zaj nov phua tau lub ntsiab kev ntseeg zoo heev, kuv lam muab tso rau qhov nov kom hnub tag xav rov nyeem txhawb siab thiaj li nrhiav tai yooj yim.

    NRUAQB XYOO CHIV 20 C tim 18/08/2013.

    Ntawv Yes Les Mias hais tias:(38:4-6+8-10.)
    -Tswv Ntuj cov lus, yog ib co lus uas tsis xis neeg siab! Tab sis Nws yog qhov tseem ceeb.
    -Ib tug neeg vaim kuj teb txawj hlub Tswv Ntuj tus Yaj Saub dua cov Yus Das.
    -Lub ntsiab lus hauv tsab ntawv ib, hnub no, xav qhia peb tias:
    Peb txhob xav tias peb yog cov neeg ntseeg txog Ntuj kev cai, mas peb zoo txaus lawm. Peb yuav ua thiab hais dab tsi los tau. Zoo li peb tsis muaj txhaum.
    -Ntau zaus peb coj li ib tug neeg tsis hwm Ntuj thiab tsis txawj hlub neeg. Cov neeg peb xav tias lawv tsis paub Tswv Ntuj, tej zaum lawv yog cov txawj hwm Ntuj thiab txawj hlub neeg zoo dua peb.

    Ntawv Hes Nplaws hais tias: (12:1-4.)
    -Tas paus tsav yam kev coj peb ua txhaum nyob ncig peb. Peb yuav ntsia ntsoov Yes Xus peb thiaj tsis ntaus siab me.
    -Muaj neeg coob ntsia peb,peb yuav ntiab puas tsav yam uas rub peb lub siab kom ua neeg siab hnyav.
    Thiab ntiab cov kev ua txhaum nyob vij peb mus deb peb,
    -Peb yuav saib tias Yes Xus yog tus qhib txoj kev ntseeg  ua kom peb muaj zog. Li ntawd, mas Yes Xus tsis xaiv txoj kev tau zoo nyob kom muaj koob meej. Nws tsis ntshai poob hwj chim uas raug cov neeg txhaum muab nws hiam. Nyiam no Yes Xus nyob ntawm Tswv Ntuj Leej Txiv sab xis.
    - Ib tug neeg ntseeg nws yuav thau tas txhua yam coj nws mus zwm rau kev ua txhaum pov tseg kom tas; nws thiaj txawj nyiam los txawj hlub tsoom txheeb ze nws,
    -Vim neeg tej kev ua txhaum no, mas Yes Xus thiaj li tau tuag nyob saum ntoo cuam.
    Peb los nyob hauv txoj kev ntseeg vim peb xav thau kev ua txhaum pov tseg.

    Kus Kas ntawv Moo Zoo thiaj hais ntxiv tias:922;19-23.)
    -Yes Xus tsis xav cia ntiaj teb neeg tsaug zog mus li nyob hauv kev ua txhaum. Yes Xus tuaj diaj peb tias tsis zoo tsaug zog twj ywm nyob hauv kev ua txhaum. Yes Xus hais tias:
    Ua li mas kuv yuav tau txais cov kab ke ntxuav. Kuv ntxhov siab kawg, mus txog lub caij txais cov kab ke ntxuav ntawd tiav tas.
    -Kuv tuaj tsis yog tuaj muab txoj kev thaj yeeb li neeg xav.
    -Kuv tuaj muab txoj kev sib ncaim, Txij no mus ib tse neeg muaj 5 leeg yuav sib ncaim, peb tug yuav tiv ob tug, ob tug yuav tiv peb tug.
    -Lo lus Y.X. hais no yog tseeb tiag. Ob leeg nkawd yuav teev hawm tus uas nkawd paub.  Hos peb leeg lawv yuav teev tus uas lawv tsis paub. Lawv lub siab tsis zoo ib yam, lawv lub tswv yim kuj tsis xav ib yam thiab.
    -Qhov kawg lawv txoj sia, thiab lawv cov ntsuj plig nyias mus taug nyias txoj kev. Lawv txoj sia kuj tib yam:
    Ib co lawv txoj sia lawv tau muab cev rau Tswv Ntuj khaws  cia ceev rau qhov zoo chaw tos txog hnub Ntuj yuav muab rov los zwm rau lub cev ua muaj tus  ntsuj duab sawv nrog.
    Hos ib txhia, ces lawv ua lawv txoj sia ploj lawm, lawv txoj sia yuav mus tsiv nraim nyob rau lub teb chaws txom nyem tos lub cev mus raug txim.
    -Yog yam ua tau mas txoj sia thiab tus ntsuj plig yeej xav ua rog rau lub cev thiab lub siab, vim tias lub cev lub siab xav ua yam phem ces tus ntsuj plig nrog txoj sia thiaj li tau ploj mus.

    Yaj Xib Hwb Zoov Ntxheb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 11th October 2013, 9:29 am


    PEB YOG COV NOOB NPLEJ.

    Nyob zoo txog tsoom ntseeg sawv daws,

    Nej xav li cas, cas kuv nyeem zaj paj lug txog tus tseb nplej no mas zoo li pom tau tias peb cov ntseeg yeej zoo nkaus li cov noob nplej tseb no. Lub yuav poob rau qhov av zoo los muaj, lub yuav poob rau chaw do rau nas noog noj los muaj, lub yuav poob rau hav khaub, raug nroj tsuag laum mam maj mam ntxeem hlob los muaj. Qhov ntau mas yus yeej hnov TP. hais, ntuas thaum nyeem cov zaj nyeem tag, tab sis yus tsis hnov tias yog hais dab tsi li...cuag li uas muaj dab tsi ntshaws yus lub pob ntseg li lawm. Ntshe yuav tau nyeem thiab rov nyeem zaj paj lug nov ntau zaus kom zwm rau yus lub siab seb yus puas txhob ua neeg lag ntseg lawm.




    Yes Xus zaum hauv nkoj qhia sawv daws. MT 13 : 1 - 3.

    1 Muaj ib hnub, Yes Xus tawm
    hauv tsev mus zaum ntawm ntug
    dej ntuj. 2 Tej pab neeg coob tuaj ntsauv
    nws, ces nws nce mus zaum hauv ib lub
    nkoj, hos tas tsoom neeg nyob ntawm ntug
    dej. 3 Yes Xus ua paj lug qhia lawv txog
    ntau yam.




    Zaj paj lug txog tus tseb nplej.
    MT 13 : 4 - 9.
    Yes Xus hais li no :
    "Tus tseb nplej tawm mus tseb.
    4 Thaum nws tseb, muaj ib co noob poob
    ntawm ntug kev, noog ya tuaj noj tas huv
    si lawm. 5 Ib co noob poob rau hauv cov
    av pob zeb, nyob ntawd tsis muaj av ntau,
    ces noob tuaj kaus sai, vim av tsis tob.
    6 Thaum hnub tuaj, tshav ziab, cov yub
    nkig, vim tsis muaj cag ces cov yub qhuav
    tas. 7 Tseem muaj ib co noob poob hauv
    cov pos. Pos hlob tuaj laum cov yub. 8
    Hos muaj ib co noob poob rau hauv thaj
    av zoo, cov noob ntawd txhawv hnab, tej
    lub noob txi ib puas lub, tej lub txi rau
    caum lub, tej lub txi peb caug lub.
    9 Leej twg muaj pob ntseg, cia nws mloog."



    Vim li cas Yes Xus ua paj lug hais.MT 13 : 10 - 17.
    10 Cov thwj tim txav los ze Yes Xus,
    lawv hais rau nws tias :
    "Vim li cas koj ua paj lug hais rau lawv ?"

    11 Yes Xus teb rau lawv tias :
    "Vim Ntuj pub kom nej paub tej yam tob
    hauv Ntuj lub Ceeb Tsheej, tab sis Ntuj
    tsis tau pub rau cov ntawd. 12 Tus uas
    twb muaj lawm, mas Ntuj yuav pub rau
    nws kom nws muaj ntau tshaj. Hos
    ntawm tus tsis muaj, ces Ntuj tseem yuav
    thau qhov nws muaj tawm mus. 13 Vim
    li ntawd, kuv thiaj ua paj lug hais rau
    lawv : vim tias lawv ntsia, los lawv tsis
    pom, lawv mloog, los lawv tsis hnov,
    thiab tsis to taub. 14 Li ntawd, thiaj
    muaj raws li cov lus uas Yaj Saub His
    Xais xub hais tseg tias :
    Nej pob ntseg hnov, los nej yuav tsis to
    taub ; nej ntsia, tab sis nej yuav tsis pom.
    15 Yog vim haiv neeg no lub siab qhwv
    lawm : lawv pos pob ntseg, lawv qi qhov muag,
    lawv ntshai tsam lawv qhov muag pom,
    tsam lawv pob ntseg hnov,
    ces lawv lub siab to taub.
    tsam lawv yuav tsum hloov siab,
    thiab kuv yuav kho tau lawv zoo.

    16 Hos nej, mas nej qhov muag tau txoj
    hmoov zoo, vim nej qhov muag pom kev.
    Nej pob ntseg tau txoj hmoov zoo, vim nej
    pob ntseg hnov lus. 17 Kuv hais tseeb
    rau nej, cov yaj saub thiab cov neeg siab
    ncaj thaud coob leej ntshaw pom yam uas
    nej pom, tab sis lawv tsis tau pom, ntshaw
    hnov yam uas nej hnov, tab sis lawv tsis tau hnov !



    Txhais zaj paj lug tseb nplej.
    MT 13 : 18 - 23.

    18 Nej mloog zaj paj lug hais txog tus tseb nplej lub ntsiab.
    19 Tus neeg uas tau hnov Lo Lus qhia
    txog Ntuj lub Ceeb Tsheej, nws tsis to
    taub, tus Phem tuaj txog, nws txeeb yam
    uas Ntuj tseb hauv tus ntawd lub siab : tus
    ntawd yog tus txais cov noob poob ntawm ntug kev.
    20 Cov noob poob rau hauv cov av pob
    zeb, yog tus neeg uas thaum nws hnov
    Ntuj Lo Lus, nws zoo siab txais. 21 Tab
    sis nws tsis muaj cag nyob hauv nws, vim
    nws yog neeg tsis ruaj : thaum muaj kev
    txom nyem, los muaj kev raug luag hiam
    vim Lo Lus, ces nws ntog tam sis ntawd.
    22 Cov noob uas poob rau hauv cov pos,
    yog tus uas hnov Lo Lus, tab sis ntiaj teb
    kev txob xeeb, nyiaj txiag tej kev ntxias
    laum Lo Lus, ces Lo Lus txi tsis taus txiv.
    23 Cov noob uas poob rau hauv cov av
    zoo, yog tus uas hnov Lo Lus, nws to
    taub Lo Lus ntawd, ces nws txi txiv. Ib
    tug txi ib puas lub, ib tug txi rau caum
    lub, hos lwm tus txi peb caug lub.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 15th October 2013, 8:31 am


    Tus tswv tseb plej yog Tswv Ntuj siab zoo tas nrho, hlub peb, tus coj noob nroj tuaj nyiag tseb rau thaj teb uas twb tseb noob nplej zoo tag lawm yog dab phem nyiam tuaj ntxias neeg kom raws nws txoj kev phem..

    Ua neeg nyob, txawm muaj cov phem cov zoo nyob ua ke los yuav tau ua siab loj, zam rau luag, txhob yws thiab ciaj caub. Yuav coj yus lub siab kom tus tus thiab rau siab nrhiav txiaj ntsim rau yus. Tsis txhob this cov neeg phem yoog lawv tus cwj pwm phem. Vim txog hnub kawg, cov uas ua phem rau luag kom nws zoo siab yuav raug txiav txim, yuav raug faib tawm. Li ntawd, yuav rau siab xyaum coj yus lub siab kom zoo thiab ua siab ntev. Nyeem zaj paj lug hauv qab no, qhia rau yus paub tau tias cov neeg phem thiab neeg zoo nyob sib xyaws.



    lub zog me


    Zaj paj lug hais txog nroj.
    MT 13 : 24 - 30
    .
    24 Yes Xus tseem hais dua ib zag paj lug tias :
    "Ntuj lub Ceeb Tsheej zoo li ib tug neeg
    tseb ib co noob zoo rau hauv nws daim
    teb. 25 Thaum sawv daws tsaug zog tas,
    nws tus yeeb ncuab tuaj tseb ib co noob
    nroj rau hauv cov nplej tas ces nws rov
    qab mus. 26 Txij thaum nplej hlob txog
    nplej txhawv, nroj kuj tawm tuaj thiab.
    27 Cov tub txib tuaj hais rau tus tswv qoob tias :
    "Huab Tais, koj tau tseb ib co noob qoob
    zoo rau hauv koj daim teb los tsis sub ?
    Vim li cas thiaj muaj nroj ?" 28 Tus tswv
    qoob teb rau lawv tias : "Yog ib tug yeeb
    ncuab ua qhov ntawd."
    Cov tub txib hais rau tus tswv tias :
    "Koj puas xav kom peb mus sau cov nroj pov tseg ?"
    Tus tswv teb tias :
    29 "Kuv tsis xav ! Tsam thaum nej sau
    nroj, nej rho tau nplej nrog thiab. 30 Nej
    cia nroj nrog nplej hlob ua ke mus txog
    lub caij sau nplej. Thaum txog caij sau
    qoob, kuv mam hais rau cov sau nplej
    tias : Nej xub sau nroj pav ua tej teg cia
    hlawv, hos nej sau cov nplej rau hauv kuv lub txhab."







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 17th October 2013, 9:35 am


    Neeg feem coob, thaum raug kev txom nyem mas thov ntuj thov teb pab; thaum thov tau txiaj ntsim, zoo lawm mas tsis nco qab txog luag lub txiaj ntsim tau pab yus. Lawv zoo lawm ces lawv txawm hais lus nrov, saib tsis tshua taus luag tej. Vim yog lawv xav ua neeg tsa hwj chim, muab hlob kom lawv thiaj yog ib cov neeg muaj hwj chim. Yog tias lawv nco txog luag txiaj ntsig uas tau pab lawv dim ntawm kev txom nyem los yog cawm tau lawv mas lawv mloog li uas lawv yuav poob hwj chim. Li ntawd thiaj li muaj coob leej ntau tus uas noj tsis txhij xav tsis txhua, ua neeg siab hlob tsuas ywj kom yus tau zoo es yuav siab luag npaum li cas los tsuav yus tau xwb.

    HT.Yes Xus twb ua txhij ua txhua hais los neeg tsis mloog, tsis hnov, twb tau tshaj 2000 xyoo lawm los neeg tseem mloog tsis tau Tswv Ntuj cov lus, tseem niaj hnub sib txov, sib ciav, sib cais txog niaj hnub no. Tswv Ntuj pub txoj kev zoo mas neeg tsis nyiam; neeg nrhiav txoj kev phem los taug kom muaj kev sib tu siab, sib tawg. Puas yog tus tswv teb tseb plej tag es tus neeg phem tuaj tseb noob nroj xyaw nws cov noob nplej? Tswv Ntuj tsim neeg zoo tab sis tuaj kub tuaj tshoj neeg siab kom ua phem, kom muaj kev iab kev daw?




    Neeg tsis nco txiaj ntsim.



    Zaj paj lug Kaum tus neeg mob ruas. LK 17 : 11 - 19.

    11 Yes Xus taug kev mus Yes Lus Xas
    Les, nws hla Xas Mas Lias thiab Nkas Lis
    Lais ciam teb. 12 Thaum Yes Xus yuav
    mus hauv ib lub zos, muaj kaum tus mob
    ruas tuaj cuag nws, lawv nres nrug deb.
    13 Lawv tsa suab hais nrov rau nws tias :
    "Xib Hwb Yes Xus, thov koj khuv leej peb."
    14 Yes Xus pom lawv, nws hais rau lawv tias :
    “Nej mus thws nej lub cev rau cov Leej Choj saib."
    Thaum lawv tab tom mus, ces lawv lub
    cev huv. 15 Muaj ib tug hauv pab ntawd
    pom tias nws lub cev zoo lawm, ces nws
    tig hlo rov qab los, nws tsa suab nrov cav
    txog Tswv Ntuj. 16 Nws pe ntsej muag ti
    av rau ntawm Yes Xus ko taw, nws ua
    Yes Xus tsaug. Nws yog ib tug Xas Mas Lias.

    17 Yes Xus thiaj tsa ncauj hais tias : Tsis
    muaj kaum leej rov huv tuaj lod ? Tshuav
    cuaj leeg ne, lawv dua qhov twg lawm?
    18 Ua cas tsuas muaj tus qhua no xwb
    thiaj rov los cav txog Tswv Ntuj ?"
    19 Ces Yes Xus hais rau nws tias :
    "Koj sawv mus, koj lub siab ntseeg cawm koj lawm."


    [/quote]




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 22nd October 2013, 9:12 am

    Maiv Tooj wrote:

    PEB YOG COV NOOB NPLEJ.

    Nyob zoo txog tsoom ntseeg sawv daws,

    Nej xav li cas, cas kuv nyeem zaj paj lug txog tus tseb nplej no mas zoo li pom tau tias peb cov ntseeg yeej zoo nkaus li cov noob nplej tseb no. Lub yuav poob rau qhov av zoo los muaj, lub yuav poob rau chaw do rau nas noog noj los muaj, lub yuav poob rau hav khaub, raug nroj tsuag laum mam maj mam ntxeem hlob los muaj. Qhov ntau mas yus yeej hnov TP. hais, ntuas thaum nyeem cov zaj nyeem tag, tab sis yus tsis hnov tias yog hais dab tsi li...cuag li uas muaj dab tsi ntshaws yus lub pob ntseg li lawm. Ntshe yuav tau nyeem thiab rov nyeem zaj paj lug nov ntau zaus kom zwm rau yus lub siab seb yus puas txhob ua neeg lag ntseg lawm.




    Yes Xus zaum hauv nkoj qhia sawv daws. MT 13 : 1 - 3.

    1 Muaj ib hnub, Yes Xus tawm
    hauv tsev mus zaum ntawm ntug
    dej ntuj. 2 Tej pab neeg coob tuaj ntsauv
    nws, ces nws nce mus zaum hauv ib lub
    nkoj, hos tas tsoom neeg nyob ntawm ntug
    dej. 3 Yes Xus ua paj lug qhia lawv txog
    ntau yam.




    Zaj paj lug txog tus tseb nplej.
    MT 13 : 4 - 9.
    Yes Xus hais li no :
    "Tus tseb nplej tawm mus tseb.
    4 Thaum nws tseb, muaj ib co noob poob
    ntawm ntug kev, noog ya tuaj noj tas huv
    si lawm. 5 Ib co noob poob rau hauv cov
    av pob zeb, nyob ntawd tsis muaj av ntau,
    ces noob tuaj kaus sai, vim av tsis tob.
    6 Thaum hnub tuaj, tshav ziab, cov yub
    nkig, vim tsis muaj cag ces cov yub qhuav
    tas. 7 Tseem muaj ib co noob poob hauv
    cov pos. Pos hlob tuaj laum cov yub. 8
    Hos muaj ib co noob poob rau hauv thaj
    av zoo, cov noob ntawd txhawv hnab, tej
    lub noob txi ib puas lub, tej lub txi rau
    caum lub, tej lub txi peb caug lub.
    9 Leej twg muaj pob ntseg, cia nws mloog."



    Vim li cas Yes Xus ua paj lug hais.MT 13 : 10 - 17.
    10 Cov thwj tim txav los ze Yes Xus,
    lawv hais rau nws tias :
    "Vim li cas koj ua paj lug hais rau lawv ?"

    11 Yes Xus teb rau lawv tias :
    "Vim Ntuj pub kom nej paub tej yam tob
    hauv Ntuj lub Ceeb Tsheej, tab sis Ntuj
    tsis tau pub rau cov ntawd. 12 Tus uas
    twb muaj lawm, mas Ntuj yuav pub rau
    nws kom nws muaj ntau tshaj. Hos
    ntawm tus tsis muaj, ces Ntuj tseem yuav
    thau qhov nws muaj tawm mus. 13 Vim
    li ntawd, kuv thiaj ua paj lug hais rau
    lawv : vim tias lawv ntsia, los lawv tsis
    pom, lawv mloog, los lawv tsis hnov,
    thiab tsis to taub. 14 Li ntawd, thiaj
    muaj raws li cov lus uas Yaj Saub His
    Xais xub hais tseg tias :
    Nej pob ntseg hnov, los nej yuav tsis to
    taub ; nej ntsia, tab sis nej yuav tsis pom.
    15 Yog vim haiv neeg no lub siab qhwv
    lawm : lawv pos pob ntseg, lawv qi qhov muag,
    lawv ntshai tsam lawv qhov muag pom,
    tsam lawv pob ntseg hnov,
    ces lawv lub siab to taub.
    tsam lawv yuav tsum hloov siab,
    thiab kuv yuav kho tau lawv zoo.

    16 Hos nej, mas nej qhov muag tau txoj
    hmoov zoo, vim nej qhov muag pom kev.
    Nej pob ntseg tau txoj hmoov zoo, vim nej
    pob ntseg hnov lus. 17 Kuv hais tseeb
    rau nej, cov yaj saub thiab cov neeg siab
    ncaj thaud coob leej ntshaw pom yam uas
    nej pom, tab sis lawv tsis tau pom, ntshaw
    hnov yam uas nej hnov, tab sis lawv tsis tau hnov !



    Txhais zaj paj lug tseb nplej.
    MT 13 : 18 - 23.

    18 Nej mloog zaj paj lug hais txog tus tseb nplej lub ntsiab.
    19 Tus neeg uas tau hnov Lo Lus qhia
    txog Ntuj lub Ceeb Tsheej, nws tsis to
    taub, tus Phem tuaj txog, nws txeeb yam
    uas Ntuj tseb hauv tus ntawd lub siab : tus
    ntawd yog tus txais cov noob poob ntawm ntug kev.
    20 Cov noob poob rau hauv cov av pob
    zeb, yog tus neeg uas thaum nws hnov
    Ntuj Lo Lus, nws zoo siab txais. 21 Tab
    sis nws tsis muaj cag nyob hauv nws, vim
    nws yog neeg tsis ruaj : thaum muaj kev
    txom nyem, los muaj kev raug luag hiam
    vim Lo Lus, ces nws ntog tam sis ntawd.
    22 Cov noob uas poob rau hauv cov pos,
    yog tus uas hnov Lo Lus, tab sis ntiaj teb
    kev txob xeeb, nyiaj txiag tej kev ntxias
    laum Lo Lus, ces Lo Lus txi tsis taus txiv.
    23 Cov noob uas poob rau hauv cov av
    zoo, yog tus uas hnov Lo Lus, nws to
    taub Lo Lus ntawd, ces nws txi txiv. Ib
    tug txi ib puas lub, ib tug txi rau caum
    lub, hos lwm tus txi peb caug lub.

    Kuv tau tso Mas Tais tsab ntawv hais txog tus tseb plej lawm; kuv ho yuav tso Mas Kos zaj txhais txog tus yawg tseb plej thiab. Yeej hais sib raws tab sis ib tug ho hais tau ib nyuag txawv me ntsis; yam li Mas Kos hais tau yooj yim dua ces kuv lam muab tso, yog leej twg tuaj nyeem txog los thiaj khaws tau mus xyaum ua neej.






    Txhais zaj paj lug tseb nplej.
    MK 4 : 13 - 20.

    13 Yes Xus hais rau lawv tias :
    "Nej tsis to taub zaj paj lug no lod ? Yog
    li, nej yuav ua cas to taub cov paj lug tas
    huv si ? 14 Tus tseb noob, nws tseb Lo
    Lus. 15 Cov uas nyob ntawm ntug kev
    txais Lo Lus, yog cov neeg uas tau hnov
    Lo Lus. Tab sis, Xas Tas tuaj rho Lo Lus
    uas nyuam qhuav tseb rau hauv lawv tam
    sim ntawd lawm. 16 Cov uas txais cov
    noob tseb rau hauv thaj av pob zeb, yog
    cov neeg uas thaum lawv hnov Lo Lus,
    lawv zoo siab txais. 17 Tab sis lawv tsis
    muaj cag nyob nruab siab, thiab lawv yog
    neeg tsis ruaj : thaum muaj kev txom
    nyem los kev raug luag hiam vim Lo Lus,
    mas lawv ntog tam sim ntawd.
    18 Tseem muaj ib co txais cov noob tseb
    rau hauv cov pos : yog cov neeg uas tau
    hnov Lo Lus. 19 Tab sis ntiaj teb kev
    txob xeeb, nyiaj txiag kev ntxias, thiab lub
    siab ntshaw ntau yam txeem mus laum Lo
    Lus, ces Lo Lus txi tsis taus txiv.
    20 Hos cov uas txais cov noob tseb rau
    hauv thaj av zoo yog cov neeg uas hnov
    Lo Lus, lawv txais, thiab lawv txi txiv. Ib
    tug txi peb caug lub, ib tug txi rau caum
    lub, lwm tus txi ib puas lub."






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 15th December 2013, 11:36 am

    IB ZAJ KWV HUAM.



    Ib hnub, ib tug tub hluas mus khob ib tug Tshiab qhov rooj.
    Tus Tshiab txawm nug tias koj xav tau dab tsi?

    Nws xav xav, nws txawm xav tau tswv yim, nws hais tias:
    "Kuv xav kom muaj txoj kev thaj yeeb nyab xeeb rau neeg ntiaj tej,
    kom neeg ntiaj teb txawj sib hlub thiab khwv tai noj tau haus,
    cov tsis muaj hauj lwm los kom nrhiav tau hauj lwm ua".

    Tus tshiab teb nws tias: "Ntawm no peb tsis muag txiv, peb muag noob xwb."

    Yes Xus hais tias MT 13, 2-23: Tswv Ntuj yog tus tseb noob,
    NWS muab nws cov lus (noob) rau neeg siv.
    Yog xav kom yus tau zoo ces yuav tsum muab nws cov noob coj mus cog kom tuaj loj hlob txi txiv.
    Tswv Ntuj tsis muab txiv rau yus noj, NWS tseb noob rau yus mam tu.
    Yuav tsum yog sov mas noob thiaj tuaj taus.
    Li ntawd, yog peb lub siab sov sov, kub lug mas NWS cov lus thiaj li yuav hlob taus hauv peb.
    Yog peb siab ntsws txias to xwb ces NWS cov lus yuav nrhau tsis taus kaus.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 15th December 2013, 1:21 pm





    KEV SIB HLUB TSIS MUAJ NTOO CUAM NYOB QHUAV NRUAS

    NTOO CUAM TSIS MUAJ KEV HLUB NYHAV CI TUB.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 16th December 2013, 10:16 am



    lub tsev nyob mus li



    Maria Simma cov lus ceeb toom kom ras xeev.


    Lub caij ntev tsis yog nyob mus li,
    Tab sis yog nyob mus li ntev.

    Hnub no paj tawg nra yuav tau lov,
    Vim taig kis tsis yog hnub no.

    Txhob pub ib chim sem,
    Vim lub caij khiav tsis tseg.

    Peb txhim tej lub tsev ruaj khov,
    Tab sis peb tsuas yog los ua qhua nyob.

    Lub tsev yuav nyob mus li,
    Peb ho tsis tsis muab lub caij los txhim .







    Sponsored content

    Re: KEV THOOB TSIB & ZAJ NKAUJ SEEV

    Post  Sponsored content Today at 8:52 am


      Current date/time is 6th December 2016, 8:52 am