Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    KEV THOOB TSIB & ZAJ NKAUJ SEEV

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 8th October 2009, 9:24 am

    XH. NPuag Tub,

    Ua tsaug koj tseem qhuas txog kuv ob peb lo lus nov thiab.
    Yog kuv khoom, txhua hnub kuv yuav nrog Tswv Ntuj ua lub koom txoos.
    Yog kuv xyeej, txhua hnub kuv yuav tshaj tswv Ntuj lub koob meej.





    Ntuas kom koom ib lub siab ib lub ntsws.


    Kuv yog tus raug txim hauv
    Huab Tais, kuv thov nej, kom nej
    coj ib lub neej phim txoj kev uas Ntuj hu
    nej los taug. Nej yuav ua neeg tsis
    muab hlob ; nej yuav ua neeg siab mos
    siab zoo. Nej yuav ua siab ntev. Nej
    yuav ua siab ntev ib leeg txhawb ib leeg
    nyob hauv txoj kev nyiam. Nej yuav
    siv zog txuag kev thaj yeeb kom sawv
    daws koom ua ib pab, nyob hauv ib lub
    tswv yim. Tsuas muaj tib lub cev thiab
    tib lub tswv yim xwb, vim Ntuj hu nej los
    taug tib txoj kev tso siab.

    Tsuas muaj tib tug Huab Tais, tib txoj
    kev ntseeg, tib lub cim ntxuav. 6 Tsuas
    muaj tib tug Tswv Ntuj ua sawv daws
    Txiv. Nws nyob siab dua sawv daws,
    nws sau sawv daws, nws nyob hauv sawv
    daws.

    Peb nyias tau txais Ntuj lub txiaj ntsim,
    raws li Yes Xus Pleev pub rau nyias.
    8 Li ntawd luag thiaj hais tias :
    ‘Nws nce mus puag saud. Nws coj tus
    raug txim mus, nws pub paj tshab rau nws
    haiv neeg.’

    Ntawv hais tias : ‘nws nce’, txhais tias
    nws tau xub nqes mus puag hauv yeeb
    ceeb. 10 Tus tau nqes mus puag hauv,
    kuj yog tus nce mus nyob siab dua cov
    txheej ntuj. Nws ua li ntawd, mas nws
    thiaj nyob puv hauv txhua yam.

    Thiab Yes Xus Pleev tseem pub paj
    tshab kom ib txhia ua Hauv Paus Xa Lus,
    ib txhia ua Yaj Saub, ib txhia tshaj lub
    Moo Zoo, ib txhia ua tswv zov yaj, ib
    txhia ua xib hwb. Yes Xus tsa cov
    ntshiab ua ntau txoj kab xwm, kom lawv
    txhim Leej Pleev lub Cev. Thaum
    txhim tau Leej Pleev lub Cev tiav lawm,
    mas peb sawv daws yuav ua ib leeg xwb,
    nyob hauv txoj kev ntseeg, thiab txoj kev
    paub Tswv Ntuj Leej Tub. Ces peb yuav
    yog tus tib neeg zoo txhij zoo txhua : vim
    Yes Xus Pleev lub Cev hlob tiav lawm.

    Peb yuav tsis raug txhua yam txuj cov
    tswv yim muab peb ntsawj rau sab ub sab
    no ; peb yuav tsis mloog cov neeg ntse
    siab nkhaus ntxias kom peb yuam kev.

    Peb yuav ua neej raws qhov tseeb,
    thiab nyob nraim hauv txoj kev nyiam.
    Peb yuav hlob nyob hauv txhua txoj kev
    uas mus tshwm rau Leej Pleev, vim nws
    yog lub Taub Hau.

    Tas lub Cev huv tib si, sib dhos thiab
    sib txuas ua ke hauv Leej Pleev, vim muaj
    ntau txoj leeg yug thiab tuav lub cev, cov
    leeg txhib lub cev kom ua zog, kom nyias
    ua nyias txoj hauj lwm yug lub cev kom
    hlob ; ces lub cev nws maj mam rov
    txhim nws, nyob hauv txoj kev nyiam






    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 8th October 2009, 1:20 pm

    Maiv Tooj,

    Koj zaj lus no muaj lub ntsiab tob thiab zoo heev.
    Yog yus kawm ua tau li ntawd ces yus yeej yuav tsheej neeg.
    yog yus to taub thiab nkag siab tas txhua yam ces yus yeej yuav ua tau lub neej vam meej thiab ciaj vaj.
    Yog yus txawj zam rau luag tej ces yus kuj yuav muaj txoj kev dav thiab muaj phooj ywg coob txheeb ze.
    Yog yus xyaum ua tus neeg me, ces muaj ib hnub yus kuj yuav tau mus ua tus loj.
    Yus xub ua luag tus tub txib tso, yus thiaj li yuav tau ua luag tus coj.




    Huab Tais Yes Xus hais tias:

    Yog lub qab ntuj neeg ntxub nej,
    mas nej twb paub tias lawv twb ntxub kuv ua ntej.
    Yog nej yog lub qab ntuj neeg tug,
    mas lub qab ntuj neeg yuav nyiam yam yog nws tug.

    Tab sis lub qab ntuj neeg ntxub nej,
    vim nej tsis yog lub qab ntuj neeg tug.
    kuv tau xaiv nej thiab thau nej hauv lub qab ntuj neeg los.
    Nej yuav nco ntsoov lo lus kuv hais rau nej tias:
    Tus tub txib tsis loj dua nws tus Tswv.
    Yog lawv hiam kuv, mas lawv kuj yuav hiam nej.

    Yog lawv khaws kuv lo lus,
    mas lawv kuj yuav khaws nej lo lus thiab.
    Tiam sis lawv yuav ua tas puas tsav yam no
    rau nej vim kuv lub npe, rau qhov lawv tsis paub
    tus xa kuv tuaj, hos nej paub tus xa kuv tuaj.





    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 12th October 2009, 7:47 am


    Nyob zoo XH. Npuag Tub,

    Cov lus Thoob Tsib mas leej twg sau tau los yeej zoo sib xws. Yus nyeem ib zaug mas yus lub siab xav lawm ib yam, nyeem ib zaug nws qhia yus paub tab lawm ib ruam. Yog yus khaws tau los siv mas yuav zoo heev rau yus lub neej li nws hais. Vim kev thoob tsib qhia yus zam teeb meem thiab nrhiav txoj kev thaj yeeb rau yus tus kheej thiab ib ncig ntawm yus.






    Ib tug thawj coj

    Yus yog ib tug thawj lawm,
    yus yuav coj zoo tshaj qhov yus yuav coj tau,
    yus siab yuav ntev tshaj qhov luag xav kom yus ntev,
    yus yuav zam ntau tshaj qhov luag xav tau,
    yus yuav ncaj tshaj qhov yuav ncaj tau,
    Yus yuav hwm luag tshaj qhov yus hwm tau,
    Yus yuav mloog luag ntau tshaj qhov yus yuav mloog tau,
    Yus yuav ua tus me tshaj yus yuav me tau,
    Yus yuav thoob tsib tshaj qhov luag xav txog,
    Yus yuav to nrhog tshaj qhov yus to tau...thc...

    Mas thiaj yuav haum tau luag...Koj ua neeg me ua ntej,
    luag yuav hwm koj ua qab...Ces luag tsa koj ciaj vaj...
    Koj qhau hwj chim, luag ntsia koj muaj tsim...
    Ces luag tsa koj ciaj faj tim...








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 12th October 2009, 7:55 am



    Hu nkauj thov kom Tswv Ntuj tuaj txiav txim.

    Tus siab ncaj txoj kev yog txoj kev ua
    ncaj. Koj fawb kev rau tus neeg siab ncaj
    taug.

    Muaj tseeb tiag ! Peb tos koj nyob
    ntawm koj txoj kev txiav txim, peb tus
    plig ntshaw koj lub npe thiab nco txog
    koj.  Hmo ntuj, kuv tus plig nqhis txog
    koj, kuv lub tswv yim nrhiav koj nyob
    hauv kuv nruab siab. Vim thaum koj
    txiav txim rau lub ntiaj teb, mas cov neeg
    nyob hauv lub qab ntuj xyaum taug kev
    ncaj.

    HUAB TAIS, thaum peb txhawj, mas
    peb nrhiav koj. Thaum luag quab yuam,
    thiab thaum koj nplua, mas peb nrhiav
    koj. HUAB TAIS, peb tau nyob
    ntawm koj xub ntiag xws li tus poj niam
    suab me nyuam yuav daws cev, nws ntsaj
    thiab tshee.

    Peb tau xeeb tub, peb daws cev, peb
    tsuas yug tau cua, peb tsis tau coj kev
    cawm rau lub ntiaj teb, tsis muaj neeg yug
    los nyob hauv lub qab ntuj.

    Koj cov neeg tuag yuav ciaj rov los,
    lawv lub cev yuav sawv rov los. Tsoom
    tib neeg nyob hauv plua av, nej kav tsij
    tsim dheev los mas, nej seev suab qw zoo
    siab. HUAB TAIS, koj cov lwg yog lwg
    pom kev nrig, lub ntiaj teb yuav rov pub
    txoj sia rau cov neeg nyob hauv ntuj txias
    teb tsaus.



    Last edited by Maiv Tooj on 25th September 2016, 12:09 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 19th December 2009, 9:59 am



    UA KE

    Ib haiv neeg tsis muaj ntaub ntawv
    Yog ib haiv neeg tsis txawj
    Ib haiv neeg tsis muaj keeb kwm sau tseg
    Yog ib haiv neeg tsis ntse
    Ib haiv neeg tsis muaj kev ntseeg ( Religion)
    Yog ib haiv neeg tsis vam meej
    Ib haiv neeg tsis muaj kev koom tes
    Yog ib haiv neeg tu caj tu ces
    Ib haiv neeg nyob tsis nyab xeeb
    Yog ib haiv neeg tsis muaj kev thaj yeeb


    Ib tug cog nplej, ib tug yug nyuj yug twm
    Peb ua lub neej zoo sib xws, nyias ntsuas nyias lub zog khwv
    Tab sis ntshe peb yuav tau hloov peb lub siab lub ntsws
    Los ntsia luag kev vam meej kev tswj hwm
    Saib luag ntaub ntawv luag kev txawj ntse txog qhov twg
    Ho ntsuas rau peb lub neej seb ua cas hos tsis muaj keeb kwm
    Piv peb rau luag, piv luag rau peb thiaj paub yog tim qhov twg...Nawb cov kwv luag.

    Nyias khwv raws li nyias paub, nyias pab lis nyias pom
    Ib leeg thiab ib txoj sia, ib leej coj ib txoj hmoov tuaj pov
    Ib leeg tuaj pab ib yam, ib leeg tuaj ntxiv ib zag
    Peb sawv daws tuaj koom ua ib pab txhawb nqa
    Kom lub Tsev Hmoob Catholic nov tawg paj
    Kav tsij tuaj kom coob thiaj muaj chaw sab laj...Nawb cov cov luag!

    Ua ke tuaj 1+1+1+koj thiab kuv
    Tuaj koom ua ke 1+1+1+sawv daws thoov qab ntuj.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 31st December 2009, 5:50 am




    Tswv Ntuj Vam Txog :

    Tswv Ntuj vam muaj ib leej ua txiv rau Tswv Ntuj haiv neeg
    Nws xaiv tau Has Nplas Has, ib yawg laus !
    Has Nplas Has sawv los.

    Tswv Ntuj vam muaj ib tug tshaj xo :
    Nws xaiv tau ib niag txaj txaj muag, ib niag nrhiav nrhiav lus !
    Mais Xes sawv los.

    Tswv Ntuj vam muaj ib tug thawj los coj nws haiv neeg,
    Nws xaiv tau tus me dua tej, tus muag luav tshaj cov !
    Das Vis sawv los.

    Tswv Ntuj vam muaj ib tug ruaj nreb li caj zeb txhim nws lub Tsev.
    Nws xaiv tau tus tais caus !
    Pob Zeb sawv los

    Tswv Ntuj vam muaj ib lub ntsej muag zoo nyiam hlub neeg.
    Nws xaiv tau ib niag niam ntiav !
    Mab Liab Mas Ntas Las sawv los

    Tswv Ntuj vam muaj ib tug pov thawj tshaj nws lub Moo
    Nws xaiv tau ib niag siab nyoos !
    Paj Lug sawv los

    Tswv Ntuj vam muaj ib leeg los txoos nws haiv neeg thiab mus fim luag.
    Nws xaiv tau koj,
    txawm ua rau koj txhawj tshee na,
    txawm koj mloog koj zog ntaug zuj zus…
    Koj puas yuav sawv tsees los ?



    Tswv Qhia Liab Zam Ntxuav Plig Pham Minh Man nyob Saigon

    Txhais ntawm Guy Gilbert
    “ Kuv cov zaj thov Ntuj cov zoo tshaj” P136



    Ua li koj ne, zim txwv no ?

    Nws xaiv tau koj :

    -Nws yeej paub ntsoov tias koj tsis tsim nyog,
    tsis kav,
    nws caw koj ua nws tus cev lus thiab piav nws rau luag.

    - Nws vam txog koj, txawm tias koj « yuav tsis txij nws lub siab tos »
    thiab koj
    « yuav ntaus tsis taus nqe »
    los nws tso siab lug rau koj.

    -Nws paub ntsoov tias nws tus dej num loj tshaj koj lub zog,
    tsis kav nws vam thiab tos ntsoov koj. Nws cog lus yuav muab Leej Ntuj Plig Ntshiab thiab nws lub txiaj ntsim tuaj txhawb koj.


    Koj puas yuav kam sawv tsees los ?

    -Koj puas yuav teb rau Huab Tais tias nws nug ntau yam dhau ?
    -Koj puas yuav yig kom dhau nws cov lus thov koj ?
    -Koj yuav ua li tus yaj saub Yos Nas,
    yig tsis kam thiab khiav kom dhau txoj dej num ntawd lod ?
    -Koj puas yuav yig kom dhau Huab Tais ?

    Txhob ntshai kav tsij sawv tsees los :

    -Txawm koj tsis paub taig kis yuav zoo li cas
    -Txawm Tswv Ntuj tsis cev ib tsab ntawv piav yam dej num dab tsi rau koj.
    -Txawm koj tsis paub dab tsi txog koj lub neej ua ntej

    Tso siab lug :

    -Tso siab rau nws kev pheej xeeb :
    Koj yuav tsis muaj tus tsi txhawj txog tag kis
    Tso siab lug, yuav tsis muaj tus tsi txhawj,
    koj yuav ua tau koj txoj dej num khov kho.

    -Cia nws coj koj kev, nrog koj ua ke, ua kom koj muaj zog li nws.
    Cia nws deev koj siab kom koj muaj nws lub siab hlub neev tsis kawg ,li nws.

    -Zoo siab hlo loj npab ntshuas nrog nws leg qav num ua ke
    thiab ua dab tsi, ua kom dawb paug.

    -Nws vam koj pab nws : zoo siab, ua nws tsaug pom nws lub txiaj ntsim.
    -Nws cev txoj dej num zoo dua tej tib si rau koj : zoo siab hlo ua.

    SAWV TSEES LOS ! TXHOB POOB SIAB ! NTAUS THAWJ UA NTEJ….

    TP Txhiaj Foom omi 9.8.2009









    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 31st December 2009, 7:02 am

    Maiv Tooj wrote:


    UA KE

    Ib haiv neeg tsis muaj ntaub ntawv
    Yog ib haiv neeg tsis txawj
    Ib haiv neeg tsis muaj keeb kwm sau tseg
    Yog ib haiv neeg tsis ntse
    Ib haiv neeg tsis muaj kev ntseeg ( Religion)
    Yog ib haiv neeg tsis vam meej
    Ib haiv neeg tsis muaj kev koom tes
    Yog ib haiv neeg tu caj tu ces
    Ib haiv neeg nyob tsis nyab xeeb
    Yog ib haiv neeg tsis muaj kev thaj yeeb


    Ib tug cog nplej, ib tug yug nyuj yug twm
    Peb ua lub neej zoo sib xws, nyias ntsuas nyias lub zog khwv
    Tab sis ntshe peb yuav tau hloov peb lub siab lub ntsws
    Los ntsia luag kev vam meej kev tswj hwm
    Saib luag ntaub ntawv luag kev txawj ntse txog qhov twg
    Ho ntsuas rau peb lub neej seb ua cas hos tsis muaj keeb kwm
    Piv peb rau luag, piv luag rau peb thiaj paub yog tim qhov twg...Nawb cov kwv luag.

    Nyias khwv raws li nyias paub, nyias pab lis nyias pom
    Ib leeg thiab ib txoj sia, ib leej coj ib txoj hmoov tuaj pov
    Ib leeg tuaj pab ib yam, ib leeg tuaj ntxiv ib zag
    Peb sawv daws tuaj koom ua ib pab txhawb nqa
    Kom lub Tsev Hmoob Catholic nov tawg paj
    Kav tsij tuaj kom coob thiaj muaj chaw sab laj...Nawb cov cov luag!

    Ua ke tuaj 1+1+1+koj thiab kuv
    Tuaj koom ua ke 1+1+1+sawv daws thoov qab ntuj.


    Wow.......Zoo heev koj sob lus no os sister MT. koj hais tias;
    Ua ke tuaj 1+1+1+koj thiab kuv. Tuaj koom ua ke 1+1+1+sawv daws thoob qab ntuj.

    Kuv hais tias: peb sawv daws zoo ib yam 1+1+1=1 nyob tas qhov txhia chaw.
    Tsis muaj ib tug muaj nqis dua lwm tus 1+1+1=1 nyob thoob ntiaj teb.


    Nws puas paub npaab lej no ne.? 1+1=1 thiab 1+1=0 thiab 0+0=1 yog nej leej twg paub lub ntsiab no thov qhia kuv vim kuv tsis paub, kuv pom lawv sau xwb xyov yog dab tsis li.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 31st December 2009, 8:01 am

    Npuag Tub wrote:
    Maiv Tooj wrote:


    UA KE

    Ib haiv neeg tsis muaj ntaub ntawv
    Yog ib haiv neeg tsis txawj
    Ib haiv neeg tsis muaj keeb kwm sau tseg
    Yog ib haiv neeg tsis ntse
    Ib haiv neeg tsis muaj kev ntseeg ( Religion)
    Yog ib haiv neeg tsis vam meej
    Ib haiv neeg tsis muaj kev koom tes
    Yog ib haiv neeg tu caj tu ces
    Ib haiv neeg nyob tsis nyab xeeb
    Yog ib haiv neeg tsis muaj kev thaj yeeb


    Ib tug cog nplej, ib tug yug nyuj yug twm
    Peb ua lub neej zoo sib xws, nyias ntsuas nyias lub zog khwv
    Tab sis ntshe peb yuav tau hloov peb lub siab lub ntsws
    Los ntsia luag kev vam meej kev tswj hwm
    Saib luag ntaub ntawv luag kev txawj ntse txog qhov twg
    Ho ntsuas rau peb lub neej seb ua cas hos tsis muaj keeb kwm
    Piv peb rau luag, piv luag rau peb thiaj paub yog tim qhov twg...Nawb cov kwv luag.

    Nyias khwv raws li nyias paub, nyias pab lis nyias pom
    Ib leeg thiab ib txoj sia, ib leej coj ib txoj hmoov tuaj pov
    Ib leeg tuaj pab ib yam, ib leeg tuaj ntxiv ib zag
    Peb sawv daws tuaj koom ua ib pab txhawb nqa
    Kom lub Tsev Hmoob Catholic nov tawg paj
    Kav tsij tuaj kom coob thiaj muaj chaw sab laj...Nawb cov cov luag!

    Ua ke tuaj 1+1+1+koj thiab kuv
    Tuaj koom ua ke 1+1+1+sawv daws thoov qab ntuj.


    Wow.......Zoo heev koj sob lus no os sister MT. koj hais tias;
    Ua ke tuaj 1+1+1+koj thiab kuv. Tuaj koom ua ke 1+1+1+sawv daws thoob qab ntuj.

    Kuv hais tias: peb sawv daws zoo ib yam 1+1+1=1 nyob tas qhov txhia chaw.
    Tsis muaj ib tug muaj nqis dua lwm tus 1+1+1=1 nyob thoob ntiaj teb.


    Nws puas paub npaab lej no ne.? 1+1=1 thiab 1+1=0 thiab 0+0=1 yog nej leej twg paub lub ntsiab no thov qhia kuv vim kuv tsis paub, kuv pom lawv sau xwb xyov yog dab tsis li.

    Nyob zoo Xyoo Tshiab XH. Npuag Tub,

    Hmo no ces kuv yuav nyob hauv Forum Hmoob Catholic zov hmo tos xyoo tshiab. Vim peb tau noj thiab ua ntau lub Hmoov los tau ntau hnub ces hnub no sab sab li...Tsis ua hmoov tos Xyoo Tshiab lawm...Hahahah...

    Kuv tseem tsis tau paub txog koj qhov xam phajkoj hais nov thiab laiv. Ua li seb koj hnov qhov twg los, koj ho mus pab nug kom meej rau peb. Yuav yog ib qho kev kawm rau peb kev thoob tsib.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 31st December 2009, 1:43 pm

    Sister MT,

    Qhov xam phaj 1+1+1=1 kuv pom lawv sau nyob rau ib lub tsheb ua hauj lwm kho tej kais dej thiab hoob dej hauv tej vaj tsev xwb. Hos qhov 1+1=0 thiab qhov 0+0=1 no mas yog kuv pom nyob hauv ib zaj movie dab txaus ntshai heev, ntev lawm kuv tsis nco qab lub npe zaj movie lawm.

    Txawm yog tsis paub lub ntsiab thiaj li nug nej sawv daws cov tshaj lij los mas...
    Saib me sister nkauj ntxawm MP, puas paub xwb lau yog koj ho tsis paub thiab.
    yog kawg kuv li tag kis kuv mam li nyob ib hmos zov hmo vim tim no tseem tsis tau yog vas thi 1. xyoo tshiab 2010.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 1st February 2010, 7:43 am



    XH. Npuag Tub,

    Es

    0+0=1
    1+1=1
    1+1=0

    yog txhais li cas?




    Thaum nyob Nplog teb, ib tug Txiv Plig mus pem Hmoob zos Toj Siab, nws pom ib tug me nyuam ntxais ev ib tug me nyuam.

    Nws txawm hais tias: "Aub! Cas koj yuab ev nra nyhav ua luaj!"
    Tus me nyuam ntxhais txawm teb nws tias: " Tsis yog lub nra, yog kuv tus nus xwb."

    Tus Txiv Plig xav xav, cas zoo li nws twb tsis txawj xav npaum tus me nyuam ntxhais ntawd.






    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: KEV THOOB TSIB & ZAJ NKAUJ SEEV

    Post  Yaj Suav Nus on 1st February 2010, 11:20 am

    Nyob zoo Maiv Tooj nrog rau tus phooj ywg uas koj tab tom nyeem ob peb los lus no.

    Xub hais ib lo lus thov txim ntawm koj os Maiv Tooj kuv thov ntxiv ob peb lo lus txuas ntxiv yom, vim chav no yog kev thoob tsib. Vam tias koj yuav to taub kuv zoo. Ua tsaug.

    Thaud nyob Nplog teb, ib tug Txiv Plig mus pem Hmoob zos Toj Siab, nws pom ib tug me nyuam ntxais ev ib tug me nyuam.

    Nws txawm hais tias: "Aub! Cas koj yuab ev nra nyhav ua luaj!"
    Tus me nyuam ntxhais txawm teb nws tias: " Tsis yog lub nra, yog kuv tus nus xwb."

    Qhia rau koj tus uas yog txiv plig, tus me ntxhais ntawd nws tsis tau teb koj los lus tab sis nws pom tias koj hais lus Hmoob tsis raug ces nws qhia koj hais lus xwb rau qhov tus me nyuam tsis yog lub nra, ib qho los yog ib co toob xib thiaj yog lub nra.
    Y.Suav Nus

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 2nd February 2010, 5:29 am

    Yaj Suav Nus wrote:
    Nyob zoo Maiv Tooj nrog rau tus phooj ywg uas koj tab tom nyeem ob peb los lus no.

    Xub hais ib lo lus thov txim ntawm koj os Maiv Tooj kuv thov ntxiv ob peb lo lus txuas ntxiv yom, vim chav no yog kev thoob tsib. Vam tias koj yuav to taub kuv zoo. Ua tsaug.

    Thaud nyob Nplog teb, ib tug Txiv Plig mus pem Hmoob zos Toj Siab, nws pom ib tug me nyuam ntxais ev ib tug me nyuam.

    Nws txawm hais tias: "Aub! Cas koj yuab ev nra nyhav ua luaj!"
    Tus me nyuam ntxhais txawm teb nws tias: " Tsis yog lub nra, yog kuv tus nus xwb."

    Qhia rau koj tus uas yog txiv plig, tus me ntxhais ntawd nws tsis tau teb koj los lus tab sis nws pom tias koj hais lus Hmoob tsis raug ces nws qhia koj hais lus xwb rau qhov tus me nyuam tsis yog lub nra, ib qho los yog ib co toob xib thiaj yog lub nra.
    Y.Suav Nus

    Nyob zoo txiv Suav Nus,

    Ua tsaug rau koj kev txhab txhais lo lus nov. Yog kawg, yog hais los lus tseeb ces yeej yog li koj hais, leej tib neeg tssi yog ib yam khoom, txawm yus ev raum nraub qaum los tsis yog ib lub nra.

    Tab sis zaj lus nov, yog ua Paj Lug hais xwb.

    Lub ntsiab tus hais nov yog nws xav hais rau cov neeg nyob teb chaws vam meej, tsis txom nyem, muaj txhiam xwm toob xib txhij vog. Ua neeg tsis muaj kev iab kev khwv, tab sis lawv tsis txawj sib hlub, sib zam li cov neeg txom txom nyem. Lawv tuaj pom Hmoob nyob txom txom nyem, tab sis sib sib hlub, sib pab, sib pus. Txawm tsis yog txheeb ze los yog ib tsob Hmoob lawm ces hais tias yog KWV TIJ ib tug tsis ua IB LUB NRA RAU IB TUG li nov xwb. Qhov tus TP. Plig nov xav hais rau peb.




    Last edited by Maiv Tooj on 20th February 2010, 6:27 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 2nd February 2010, 5:32 am


    Hmoob Fresno,

    Ua tsaug rau koj lub siab zoo. Kuv mam maj mam tuaj saib kom kawm tau coj mus siv. Kuv ces tsis txawj, ua tau ib qho ces niaj hnub Copy qhov ntawd mus siv xwb. Zoo kawg, koj tuaj tso ntau hom qauv heev. Kuv yuav muab Copy mus tso ntawm lub Topic "Hmong Fresno" ua ke hauv, thaum twg yuav siv thiaj nrhiav yooj yim.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 1st March 2010, 8:14 am

    Maiv Tooj wrote:
    Yaj Suav Nus wrote:
    Nyob zoo Maiv Tooj nrog rau tus phooj ywg uas koj tab tom nyeem ob peb los lus no.

    Xub hais ib lo lus thov txim ntawm koj os Maiv Tooj kuv thov ntxiv ob peb lo lus txuas ntxiv yom, vim chav no yog kev thoob tsib. Vam tias koj yuav to taub kuv zoo. Ua tsaug.

    Thaud nyob Nplog teb, ib tug Txiv Plig mus pem Hmoob zos Toj Siab, nws pom ib tug me nyuam ntxais ev ib tug me nyuam.

    Nws txawm hais tias: "Aub! Cas koj yuab ev nra nyhav ua luaj!"
    Tus me nyuam ntxhais txawm teb nws tias: " Tsis yog lub nra, yog kuv tus nus xwb."

    Qhia rau koj tus uas yog txiv plig, tus me ntxhais ntawd nws tsis tau teb koj los lus tab sis nws pom tias koj hais lus Hmoob tsis raug ces nws qhia koj hais lus xwb rau qhov tus me nyuam tsis yog lub nra, ib qho los yog ib co toob xib thiaj yog lub nra.
    Y.Suav Nus

    Nyob zoo txiv Suav Nus,

    Ua tsaug rau koj kev txhab txhais lo lus nov. Yog kawg, yog hais los lus tseeb ces yeej yog li koj hais, leej tib neeg tssi yog ib yam khoom, txawm yus ev raum nraub qaum los tsis yog ib lub nra.

    Tab sis zaj lus nov, yog ua Paj Lug hais xwb.

    Lub ntsiab tus hais nov yog nws xav hais rau cov neeg nyob teb chaws vam meej, tsis txom nyem, muaj txhiam xwm toob xib txhij vog. Ua neeg tsis muaj kev iab kev khwv, tab sis lawv tsis txawj sib hlub, sib zam li cov neeg txom txom nyem. Lawv tuaj pom Hmoob nyob txom txom nyem, tab sis sib sib hlub, sib pab, sib pus. Txawm tsis yog txheeb ze los yog ib tsob Hmoob lawm ces hais tias yog KWV TIJ ib tug tsis ua IB LUB NRA RAU IB TUG li nov xwb. Qhov tus TP. Plig nov xav hais rau peb.



    Nyob zoo Mt, D. Suav Nus, thiab cov phooj ywg.

    Wow.....! neb zaj lus no muaj lub ntsiab tob kawg li. Zoo kawg os nawv, yog vim peb tsis muaj kev thoob ntsib ces peb thiaj li tsis muaj kev sib hwm sib hlub sib pab. Yog peb txhua leej muaj kev sib nyiam sib hlub puv npo ces lub ntiaj teb no yeej tsis muaj kev quaj kev ntxhov zoo li niaj hmub no. Hnub no kuv coj ib zaj lus tuaj tso rau hauv no yog qhov twg tsis yog no nej ho pab kho rau thiab...



    Sib hawm nyob kaj siab, thaumm koj nyob ze kuv
    Tsis muaj dua lwm yam uas loj tshaj txoj kev hlub
    Tsis muaj dab tsis zoo tshaj thaum kuv nyob nrog koj

    Kuv hnov koj hu kuv thaum nruab hmob ntuj
    Koj tsis xaiv cov neeg muaj los cov neeg pluag
    Qhov koj xav tau yog saib kuv paus txiav txim siab
    los ua koj thwj tim mus pab cawm cov txom nyem
    kom lawv dim ntawm qhov phem kev tsaus ntuj.

    Yes Xus puas tsim nyog uas koj hu txog kuv?
    Vim kuv yog neeg txhaum, kuv tu siab kuv quaj
    Koj tuav kuv tes, koj so kuv kua muag
    Ua rau kuv muaj zog tuaj thaum koj los tuav kuv.

    Thov koj tuav kuv tes kom kuv paub mus nrhiav
    cov neeg poob zoo, coj lawv rov los cuag koj
    Nyob hauv ntiaj teb no, muaj coob leej sib ntxub
    kuv xav ua thawj tug mus hlub
    saib paus cawm tau sawv daws
    los nyob hauv koj lub tsev.
    Tus sau: Npuag Tub
    California
    USA


    Last edited by XH. Npuagtub on 8th October 2010, 4:41 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 2nd March 2010, 10:36 am



    Nyob zoo XH. NPuag Tub,

    Zoo heev lawm koj zaj paj huam
    Yog lus thoob tsib muaj kuab
    Yog lus qhuab qhia lus ntuas
    Yog lus tuaj ntawm txheej siab tuaj
    Yog lus muaj khawv koob Hwj Huaj
    Yog Tswv Ntuj qev koj ncauj los nthuav
    Qhia kom txawj ua Tswv Ntuj me nyuam




    Last edited by Maiv Tooj on 4th March 2010, 7:29 am; edited 1 time in total




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Kuv Paub Kuv Tus Cawm Seej Muaj Txoj Sia.

    Post  Npuagtub on 4th March 2010, 6:24 am

    Sister Mt,

    Ua tsaug rau nws cov lus txhawb zog yog lus Nom lus Tswv, yog lus Vaj lus Fwv.
    Nws ib lo lus zoo, rub tau coob leej kom rov los sib koom.
    Nws ib lo lus mos, rub tau coob leej kom txawj sib coj.

    KUV PAUB KUV TUS CAWM SEEJ
    Kuv paub tias kuv tus cawm seej tseem muaj txoj sia nyob
    yog tus yuav hu txog kuv lub npe mus so hauv nws tsev
    Kuv yuav pom nws lub ntsej muaj ntawm kuv qhov muag.

    Kuv paub tias muaj ib hnub kuv yuav
    tau ntsib kuv tus Tswv Ntuj
    nws yuav cev tes los so kuv kua muag
    kuv txoj kev quaj yuav yaj ntshis mus.

    Txog hnub kawg kuv yuav sawv rov los
    yuav los txais lub neej tshiab
    kuv tsev yuav nyob ze Tswv Ntuj tsev
    tus uas tau tuag sawv rov los.

    Kuv paub tias kuv tus cawm seej tseem nyob
    ces muaj ib hnub kuv yuav sawv rov los
    los nrog nws nyob yuav tsis muaj kev tuag ntxiv.



    Last edited by XH. Npuagtub on 8th October 2010, 4:50 pm; edited 1 time in total

    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: KEV THOOB TSIB & ZAJ NKAUJ SEEV

    Post  Maivxis on 7th March 2010, 1:08 am

    Npuag Tub wrote:Sister Mt,

    Ua tsaug rau nws cov lus txhawb zog yog lus Nom lus Tswv, yog lus Vaj lus Fwv.
    Nws ib lo lus zoo, rub tau coob leej kom rov los sib koom.
    Nws ib lo lus mos, rub tau coob leej kom txawj sib coj.

    KUV PAUB KUV TUS CAWM SEEJ
    Kuv paub tias kuv tus cawm seej tseem muaj txoj sia nyob
    yog tus yuav hu txog kuv lub npe mus so hauv nws tsev
    Kuv yuav pom nws lub ntsej muaj ntawm kuv qhov muag.

    Kuv paub tias muaj ib hnub kuv yuav
    tau ntsib kuv tus Tswv Ntuj
    nws yuav cev tes los so kuv kua muag
    kuv txoj kev quaj yuav yaj ntshis mus.

    Txog hnub kawg kuv yuav sawv rov los
    yuav los txais lub neej tshiab
    kuv tsev yuav nyob ze Tswv Ntuj tsev
    tus uas tau tuag sawv rov los.

    Kuv paub tias kuv tus cawm seej tseem nyob
    ces muaj ib hnub kuv yuav sawv rov los
    los nrog nws nyob yuav tsis muaj kev tuag ntxiv.

     


    Nyob zoo os XH  NpuagTub .

    XH , Koj zaj paj huam no nws zoo heev li os , Kuv nyeem tag kuv tseem rov nyeem dua thiab kom kuv to taub nws zoo dua Vim kuv nyiam heev li , Ua tsaug nawb rau koj zaj paj huam no os

    Maivxis .

    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: KEV THOOB TSIB & ZAJ NKAUJ SEEV

    Post  Maivxis on 7th March 2010, 1:24 am

    Maiv Tooj wrote:
    Nyob zoo XH. Npuag Tub,

    Cov lus Thoob Tsib mas leej twg sau tau los yeej zoo sib xws. Yus nyeem ib zaug mas yus lub siab xav lawm ib yam, nyeem ib zaug nws qhia yus paub tab lawm ib ruam. Yog yus khaws tau los siv mas yuav zoo heev rau yus lub neej li nws hais. Vim kev thoob tsib qhia yus zam teeb meem thiab nrhiav txoj kev thaj yeeb rau yus tus kheej thiab ib ncig ntawm yus.






    Ib tug thawj coj

    Yus yog ib tug thawj lawm,
    yus yuav coj zoo tshaj qhov yus yuav coj tau,
    yus siab yuav ntev tshaj qhov luag xav kom yus ntev,
    yus yuav zam ntau tshaj qhov luag xav tau,
    yus yuav ncaj tshaj qhov yuav ncaj tau,
    Yus yuav hwm luag tshaj qhov yus hwm tau,
    Yus yuav mloog luag ntau tshaj qhov yus yuav mloog tau,
    Yus yuav ua tus me tshaj yus yuav me tau,
    Yus yuav thoob tsib tshaj qhov luag xav txog,
    Yus yuav to nrhog tshaj qhov yus to tau...thc...

    Mas thiaj yuav haum tau luag...Koj ua neeg me ua ntej,
    luag yuav hwm koj ua qab...Ces luag tsa koj ciaj vaj...
    Koj qhau hwj chim, luag ntsia koj muaj tsim...
    Ces luag tsa koj ciaj faj tim...





    MT , koj sau koj zaj lus qhuab qhia no tau zoo heev li os , Cov lus no nws muaj nqi heev li nyeem tag kuj kaj lub siab lawm hov ntau thiab ho ua tau lub siab xav lawm ntau yam , Vim nws hias qhia tau zoo heev li os

    Tus me neeg muaj lub siab zoo Nws yuav muaj lub koob nto moo
    Tus me neeg muaj txuj tshaj lij Nws yuav muaj lub moo zoo mus ib sim
    Tus neeg muaj lub siab loj li koj Luag Yuav qhua nws ram hav rau pem toj
    Tus muaj lub siab zoo siab dav Luag yuav qhuas koj pem toj rau nram hav
    Tus muaj lub siab zoo dhau Huab tais ntuj lub txiaj tsim nws yeej yuav tau
    Huab tais ntuj yuav nyob ze koj yuav ua kom koj muaj lub zog loj


    Maivxis .

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB & ZAJ NKAUJ SEEV

    Post  Npuagtub on 7th March 2010, 10:51 pm

    Sister Mx,

    Ua tsaug rau koj cov lus txhawb kuv lub zog nawv mog, kuv ces lam tuaj sau li kuv muaj nyob hauv kuv nruab siab xwb yog lo twg tsis zoo no los ho txhob muab coj mus siv nawv mog.



    KUV YOG KOJ TUG

    Koj yuav tuaj thaum lub Ntiaj Teb ntsiag to
    koj yuav tuaj thaum kuv tsis nco txog.
    koj yuav tshem txoj kev ntshai ntawm kuv
    kuv yuav hnov koj hu txog kuv
    vim kuv yog koj tug.

    Koj yog kuv lub zog tsa kuv thaum kuv ntho
    koj yog qhov pom kev rau cov dig muag
    Koj yog tus coj peb kom hla dhau txoj kev tuag
    Koj yog lo lus pub txoj sia rau ntiaj teb neeg
    koj yog peb tus cawm seej ntawm txhua yam
    kev phem xwm txheej kev tsis zoo.

    Thaum kuv txhov siab kuv hu txog koj
    koj hnov kuv lub suab, koj mloog kuv lus thov.
    Txoj kev ntxhov txav mus deb ntawm kuv tej xub ke
    vim koj nyob ze kuv koj tuav kuv tes coj kuv kev
    ib txhiab vam tuaj tsis raug kuv vim koj lub hwj chim
    kuv yuav tsis ntshai ntxiv vim koj tau hu txog kuv npe.

    Txawm tias kuv ib leeg mus hauv tej hav zoo tsaus nti
    txawm dej hiav txwv yuav nphau tuaj npog kuv
    txawm tej toj roob yuav nphau los raug kuv
    los kuv yuav tsis ntshai vim kuv paub koj nrog kuv nraim
    koj yog kuv tus Huab Tais, koj yog kuv txoj sia tus Tswv.
    Ua li


    Written by Npuag Tub Hawj
    fresno, California
    USA


    Last edited by XH. Npuagtub on 8th October 2010, 4:53 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 8th March 2010, 9:44 am

    Maivxis wrote:
    Maiv Tooj wrote:
    Nyob zoo XH. Npuag Tub,

    Cov lus Thoob Tsib mas leej twg sau tau los yeej zoo sib xws. Yus nyeem ib zaug mas yus lub siab xav lawm ib yam, nyeem ib zaug nws qhia yus paub tab lawm ib ruam. Yog yus khaws tau los siv mas yuav zoo heev rau yus lub neej li nws hais. Vim kev thoob tsib qhia yus zam teeb meem thiab nrhiav txoj kev thaj yeeb rau yus tus kheej thiab ib ncig ntawm yus.






    Ib tug thawj coj

    Yus yog ib tug thawj lawm,
    yus yuav coj zoo tshaj qhov yus yuav coj tau,
    yus siab yuav ntev tshaj qhov luag xav kom yus ntev,
    yus yuav zam ntau tshaj qhov luag xav tau,
    yus yuav ncaj tshaj qhov yuav ncaj tau,
    Yus yuav hwm luag tshaj qhov yus hwm tau,
    Yus yuav mloog luag ntau tshaj qhov yus yuav mloog tau,
    Yus yuav ua tus me tshaj yus yuav me tau,
    Yus yuav thoob tsib tshaj qhov luag xav txog,
    Yus yuav to nrhog tshaj qhov yus to tau...thc...

    Mas thiaj yuav haum tau luag...Koj ua neeg me ua ntej,
    luag yuav hwm koj ua qab...Ces luag tsa koj ciaj vaj...
    Koj qhau hwj chim, luag ntsia koj muaj tsim...
    Ces luag tsa koj ciaj faj tim...





    MT , koj sau koj zaj lus qhuab qhia no tau zoo heev li os , Cov lus no nws muaj nqi heev li nyeem tag kuj kaj lub siab lawm hov ntau thiab ho ua tau lub siab xav lawm ntau yam , Vim nws hias qhia tau zoo heev li os

    Tus me neeg muaj lub siab zoo
    Nws yuav muaj lub koob nto moo
    Tus me neeg muaj txuj tshaj lij
    Nws yuav muaj lub moo zoo mus ib sim
    Tus neeg muaj lub siab loj li koj
    Luag Yuav qhua nws ram hav rau pem toj
    Tus muaj lub siab zoo siab dav
    Luag yuav qhuas koj pem toj rau nram hav
    Tus muaj lub siab zoo dhau
    Huab tais ntuj lub txiaj tsim nws yeej yuav tau
    Huab tais ntuj yuav nyob ze koj
    yuav ua kom koj muaj lub zog loj


    Maivxis .


    Nyob zoo Maiv Xis,

    Ua tsaug rau nws cov lus Thoob Tsib hnub no.
    Muaj lawm tus neeg siab zoo, los twb yog muaj cov neeg txawj qhoob
    Muaj lawm tus neeg siab dawb, los twb yog muaj zoo pej xeem txhawb
    Muaj lawm tus neeg siab dav, lov twb yog muaj zoo neeg Ntseeg pab
    Muaj lawm tus neeg ntev, los twb yog muaj zoo neeg taug Tswv Ntuj txoj kev
    Muaj lawm tus neeg rau luag qhuas, los twb yog muaj zoo neeg ua Tswv Ntuj me nyuam...
    Qhov zoo tshaj yog kuv pom txhua tus hom khaj
    Qhov zoo tag nrho, yog pom sawv daws nyob xyiv fab hlo...






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 22nd May 2010, 6:46 pm



    ZAM TSAB NTAWV IB


    Yuav taug txoj kev pom kev, thiab
    tso kev txhaum pov tseg.

    1 : 8 - 10

    8 Yog peb hais tias peb tsis muaj
    txhaum, mas peb rov dag rau peb, qhov
    tseeb tsis nyob hauv peb lawm. 9 Yog
    peb lees peb cov txhaum, mas Tswv Ntuj
    uas yog tus pheej xeeb thiab tus siab ncaj
    yuav daws peb cov txhaum, nws yuav ua
    kom peb huv tuaj thiab ncaj tuaj.
    10 Yog peb hais tias peb tsis tau ua
    txhaum, mas yog zoo li peb hais tias
    Tswv Ntuj yog tus dag. Tswv Ntuj lo lus
    tsis nyob hauv peb.





    Kev Txhaum=Kwj Hav hla kem leej neeg & Tswv Ntuj


    Tswv Ntuj siab ntshiab
    Yuav ua cas thiaj dim kev ntxia?
    Tswv Ntuj siab zoo
    Yuav ua cas thiaj coj tau zoo?

    Kuv ntshai rwg txoj kev ua txhaum
    Tab sis kuv twb maim tsis dhau
    Kuv ntshai rawv txoj kev yuam kev
    Los kuv ua tsis tseg

    Yuav ua cas kuv thiaj ntshiab tau?
    Yuav ua cas kuv thiaj tseg tsis ua txhaum ?
    Yuav ua cas kuv lub siab thiaj tsis xav txhaum?
    Yuav ua cas kuv thiaj tsis qaug kev ntxias lauj?






    NWS tuaj cawm cov raug khi




    Nujsisloob1
    Tuaj Tshiab
    Tuaj Tshiab

    Messages : 60
    Date d'inscription : 2010-02-02
    Age : 41
    Localisation : California, USA.

    Re: KEV THOOB TSIB & ZAJ NKAUJ SEEV

    Post  Nujsisloob1 on 3rd June 2010, 4:20 am

    Maivtooj,
    Koj cov zaj zoo heev thiab muaj ntsiab tob kawg uas peb coob leej tsis paub txog.
    Hnub no kuv lam ncig los txog hauv nej zos ces kuv yuav thov so ib pliag tso mam li mus.
    Kuv lam sau 2-3 los lus no rau ntawm no saib puas phim nrog koj li nyob ua ke, yog tsis phim no ces koj muab tshem tawm mus los yeej tau os nawv..

    Thaum koj pheej txhawj txog tej yam koj tsis muaj
    mas koj yuav tsis txaus siab nrog rau tej uas koj twb muaj lawm.
    kev txhawj yog tej yam yus tsis muaj peev xwm tswj
    kev tso siab yog kev ntseeg tias yuav muaj tshwm tuaj
    tiam sis yus qhov muaj tsis tau pom.
    tsuas yog Tswv Ntuj ib leej thiaj li pom tau thiab
    tswj tau, vim txhua yam ntawd yog nws tug huv si.

    Yes Xus hais tias,
    kuv hais rau nej, tsis txhob txawj txog nej lub neej
    tias yuav muab dab tsis los noj thiab haus. . .
    Mas Tais 6 : 25

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: KEV THOOB TSIB & ZAJ NKAUJ SEEV

    Post  Maiv Paj Lug on 3rd June 2010, 4:52 am

    Nyob zoo Kajsiab Hawj.......wow cas koj 2 sob lus nov yuav zoo ua luaj li :

    Thaum koj pheej txhawj txog tej yam koj tsis muaj
    mas koj yuav tsis txaus siab nrog rau tej uas koj twb muaj lawm.
    kev txhawj yog tej yam yus tsis muaj peev xwm tswj
    kev tso siab yog kev ntseeg tias yuav muaj tshwm tuaj




    <3 <3 Pab kuv rov los cuag koj Huab Tais Yesxus <3 <3

    Nujsisloob1
    Tuaj Tshiab
    Tuaj Tshiab

    Messages : 60
    Date d'inscription : 2010-02-02
    Age : 41
    Localisation : California, USA.

    Re: KEV THOOB TSIB & ZAJ NKAUJ SEEV

    Post  Nujsisloob1 on 3rd June 2010, 11:42 am

    Maypajlug,

    Ua tsaug uas koj tseem tsa kuv tw ntxiab kom kuv muaj siab,
    koj tseem tsa kuv tw tsig kom kuv muaj sim. kuv ces yog pom nej lub tsev no kaj es lam tuaj sau lawv nej qab, kuv yeej tsis paub sau kev ntseeg li os nawv, tsuas yog tuaj rhaub nej qub zaub xwb.

    Tus niam tsev cov txiaj ntsim zoo yuav coj nws mus rau qhov chaw luag hwm.
    Tus niam tsev zoo thiab ncaj ncees rau nws tus txiv
    nws zoo li ib qho chaw muaj nuj nqes tseem ceeb sov siab
    rau nws tus kheej thiab rau ib xej tsoom sawv daws.
    tus niam tsev tsim txiaj nws yog ib yam txiaj ntsim txoj kev hlub
    tuaj ntawm Tswv Ntuj tuaj, nws tseem zoo tshaj nyiaj thiab kub.

    Nws lub zog yog nws lub tswv yim
    nws lub hwj chim yog nws cov tsoos
    thiab nws hluag ntxhi tos yav tom ntej.
    Provers 31 : 25

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: KEV THOOB TSIB & ZAJ NKAUJ SEEV

    Post  Maiv Tooj on 3rd June 2010, 5:10 pm

    Kajsiab Hawj wrote:Maivtooj,
    Koj cov zaj zoo heev thiab muaj ntsiab tob kawg uas peb coob leej tsis paub txog.
    Hnub no kuv lam ncig los txog hauv nej zos ces kuv yuav thov so ib pliag tso mam li mus.
    Kuv lam sau 2-3 los lus no rau ntawm no saib puas phim nrog koj li nyob ua ke, yog tsis phim no ces koj muab tshem tawm mus los yeej tau os nawv..

    Thaum koj pheej txhawj txog tej yam koj tsis muaj
    mas koj yuav tsis txaus siab nrog rau tej uas koj twb muaj lawm.
    kev txhawj yog tej yam yus tsis muaj peev xwm tswj
    kev tso siab yog kev ntseeg tias yuav muaj tshwm tuaj
    tiam sis yus qhov muaj tsis tau pom.
    tsuas yog Tswv Ntuj ib leej thiaj li pom tau thiab
    tswj tau, vim txhua yam ntawd yog nws tug huv si.

    Yes Xus hais tias,
    kuv hais rau nej, tsis txhob txawj txog nej lub neej
    tias yuav muab dab tsis los noj thiab haus. . .
    Mas Tais 6 : 25

    Nyob zoo Kaj Siab Hawj,

    Wow...! Ua cas ntev li ntev, nws tsis tuaj xyuas peb tsev?
    Ua cas tos tos tsis pom nws rov los...Hnub no nws rov tuaj, yuav ua rau peb vaj tsev sov lawm ntau...Ua tsaug nws cov lus thoob tsib, yuav qhia peb lub siab ntau yam ntxiv...

    Kuv ntshai yam kuv tsis muaj
    Vim kuv ntshai tsam kuv xyuam khuav
    Kuv ntshai yam kuv tsis tau
    Vim kuv ntshai tsam kuv zoo tsis txaus

    Kuv xav kom kuv zoo haum txhua leej siab
    Tab sis txhua yam zoo raug luag hiam
    Kuv xav ua kom haum luag mus li
    Tab sis txhua yam raug luag chib

    Neeg ntsia daim tawv
    Tswv Ntuj ntsia lub plawv
    Neeg saib saum hauv pliaj
    Tswv Ntuj saib lub siab

    Neeg tsis pom
    Tswv Ntuj nthuav tes tos
    Neeg tsis qheb siab
    Tswv Ntuj lub txiaj ntsim ci ntsa iab...







    Sponsored content

    Re: KEV THOOB TSIB & ZAJ NKAUJ SEEV

    Post  Sponsored content Today at 8:53 am


      Current date/time is 6th December 2016, 8:53 am