Hmoob Guyane

Maiv Tooj wrote:

Nyob zoo txiv Suav Nus,

Ua tsaug rau koj kev xav xov rau peb. Yog ib qho zoo heev uas peb tau hnov nej moo thiab pom nej sawv daws, cuag li peb nrog rawv nej nyob ua ib ke.

Koj tias peb xav nug dab tsi rau koj, nug tau no. Ua li kuv xav nug koj txog tus Hau Zos uas xav tos Hmoob tuaj mus nyob dua ib lub zod tshiab rau teb chaws Nkws Yas ntxiv rau peb mloog puas tau?

Nyob zoo os tais Tooj thiab cov phooj ywg sawv daws,
Hais txog tus hau zos xav txais ib co Hmoob tuaj nyob hauv nws lub zos mas muaj tseeb tiag los mas.
Tus haus zos (le Maire) tau hais tias xav txais (tsis yog tos) ib co Hmoob mus nrog lawv nyob.
Lub zos los yog lub Commune hu ua Saint-Elie, nyob pem qaum pas dej tauv (petit-saut) qhov chaw tsim hluav taws xob.
Muaj ob txog ncauj ke mus rau lub zos St-Elie:
Thawj txoj mas yog dhau plaws lub zos Sinnamary kwv yees li 1 km. ces ncaim mus rau txoj kev D 21, txij thaum tsim tau lub pas dej tauv lawm mas neeg tsis tshua mus txoj kev no lawm vim dej tuaj nyab tav kev ntau ntu, tsis tag li ntawd xwb yav ua ntej ntawd los kev tsheb kuj mus tsis tau txog.
Txoj kev tim ob mas yog mus ntawm txoj kev pas dej tauv mus (route de petit-saut) txoj ncauj ke no yog nyob nruab nrab ntawm Kourou mus rau Sinnamary kev N 1. Tab sis tsheb mus tau txog ntawm pas dej tauv xwb, dhau ntawd muaj ib lub nkoj xa neeg mus thiab los, lub nkoj no kuj mus tsis txog lub zos St-Elie thiab, kuv tsis nco meej lawm zoo li tseem tshuav ib ncua kev deb li 12 los 17 km uas tsis muaj kev tsheb mus txog.
Twb muaj cov Hmoob nyob Nîmes tuaj xyuas zoo li yog 2 ntsug lawm, kuv tsis tau ntsib cov Hmoob tuaj xyuas no li tsis paub lawv ho xav li cas.
Raws li kuv xav mas ntshai muaj ntsis xws li thaum ub sawv daws cav lub zos Saul thiab, vim twb tsis tau muaj kev tsheb mus txog ne ! Yuav yog thaum twg kev tsheb thiaj li mus txog ? Lub zos St-Elie tsuas tshuav ib co neeg nyob khawb kub xwb. Cov neeg uas pom kev vam meej lawm yuav mus nyob tsis taus.
Yog pab Hmoob twg mus nyob mas lawv yuav tau siv zog tshaj thaum ub xyoo 1977 cov Hmoob Cacao ntau npaug mas thiaj yuav tsheej zej zog Hmoob.

Ib lo lus kuv xav hais rau cov xav mus nyob:

Nej tuaj mus xyuas kom nej pom kiag ntawm nej lub qhov muag tso thiab nej txhob ua li cov neeg uas twb paub paub lawm es tsis vam txog lwm tus lub tswv yim, nej yuav tau nrog cov Hmoob uas twb nyob Guyane tau 30 xyoo lawm tham tej zaum lawv lub tswv yim ua teb yuav haum rau lub teb chaws thiab tej huab cua dua nej tej tus uas twb muaj kev kawm txawj thiab paub txog phab ua teb. Kuv tham li no thov txhob siab nej nawb !

Tais Tooj ntshai kuv tham tsis mus raws koj lo lus nug, yeej tshuav ntau yam uas kuv tsis tau tham, Yog tshuav dab tsis ntxiv los kaj tsij nug kuv ntag, yog yam uas kuv paub mas kuv zoo siab hlo teb.
Cov phooj ywg sawv daws, ntawm kuv mas yeej xav hais cov lus zoo xwb xwb li tab sis kuv tsis yog cov neeg txawj txawj hais lus zoo, lo twg kuv hais tsis haum nej siab los yog saib nej lawm los kuv thov txim ntau ntau nawb !
Hnub no tham los xaus li no es mam li ho rov sib tham dua lwm zaus, thov kom nej txhua tus tsuas ntsib yam zoo mus li xwb.

Y. Suav Nus

Nyob zoo os tais Tooj thiab cov phooj ywg sawv daws,
Ua tsaug koj tau pab muab ib co duab los tso ntxiv rau.
Kuv tham tsuas tham tej yam uas kuv paub tseeb xwb, kuv tsis xav tham tej yam uas yog lus xaiv.
Hnub no kuv nrog nej tham me ntsis lus xaiv nawb !

Hais txog qhov tias tab yog cov Hmoob Nplog los Hmoob Thaib xav tuaj es yawg hau zos yuav ua visa rau huv si mas kuv tsis tau pom nws daim ntawv los yog xov xwm tshaj txog li, kuv tsuas hnov lus xaiv thiab xwb yeej tsis yog ib qho txaus ntseeg. (cov neeg paub tab yuav tsis ntseeg ib zaug) Tab yog tus hau zos tau hais tiag los yuav mus tsis taus, Nom tswv Nplog los nom tswv Thaib puas yuav tso kev dav rau Hmoob ? (txhob npau suav) Tab yog nom Tswv Fab Kis ua qhov tus hau zos hais ntawd los yeej tsis muaj vam thiab.

Yog hais los mus rau cov Hmoob USA mas yuav muaj vam thiab, vam tias Nom Tswv USA yeej yuav tso kev dav ntag. Tab sis cov Hmoob USA mas ntshai muaj tsawg leej thiaj yuav nyob taus. (tsawg leej kawg thiaj kam tso qhov tau zoo es ho mus rau qhov txom nyem thiab khwv)


Tham lus xaiv li no xwb, mam rov sis tham dua lwm zaus.

Y. Suav Nus

Nyob zoo cov phooj ywg txhua tus,
tau yuav luag ob hlis kuv tsis tau tuaj nrog nej txuas lus sib tham vim yog muaj hauj lwm lawm. Hnub no kuv tham me ntsis hais txog peb cov ntseeg teev ntuj hwm Niam Mab Liab nce mus saum ntuj.
Hnub tim 15 lub 8 hli xyoo 2010 no tab tom ncaj rau hnub Chiv.
Thaum yav sawv ntxov cov ntseeg ua lub txoos teev ntuj hwm Niam Mab Liab nce mus lawm saum ntuj.
Yav tsaus ntuj cov ntseeg kwv tus Mlom Mab Liab thiab teev ntuj taug kev hauv lub zos Cacao.
Sawv daws sawv kev hauv lub tsev teev ntuj maj mam mus ncig ib lwm lub zos thiab rov los xaus rau hauv lub tsev teev ntuj.

Hnub no kuv tham me me li no kom nej pom tias cov ntseeg nyob lub zos Cacao kuj muaj kev teev ntuj hwm niam Mab Liam nce mus lawm saum ntuj zoo li cas xwb.

sis ntsib dua lwm zaus.

Y. Suav Nus

Nyob zoo Suav Nus,

Ua tsaug rau koj lub siab zoo, koj tseem qhia txog nej kev teev hawm rau peb cov nyob ib sab ntuj hnob thiab paub txog. Kuv zoo siab kawg. Nej ua tau zoo heev, yog ib tug qauv zoo rau Peb Hmooob yuav xyaum.

Nyob zoo cov phooj ywg txhua tus,
Tsaib no kuv tau hais tias cov hluas tau teem caij rau lub 8 hli xyoo 2010, xyoo no thaum lub 7 hli mas cov hluas tau sib tham thiab teem caij sis ntsib rau hnub tim 16 lub 8 hlis tab sis yog vim kuv tsis muaj caij tuaj tshaj rau nej paub ces nej thiaj tsis xub tau paub ua ntej mas kuv thov txim ov !

Xyoo no cov hluas xaiv tau qhov chaw uas muaj chaw da dej huv si nrog, yog ib qho chaw nyob ze ze ntug zos (Cacao)muaj kev tsheb mus txog, tus tsis xav caij tsheb es mus taw xwb los txog vim qhov chaw no nyob tsis deb ntawm ntug zos; yog ib qho chaw uas yeej yog txbob txwm tu rau sawv daws mus ua si xwb tsis hais cov qhua ntoj ncig uas tuaj deb thiab ze tuaj leej twg xav mus ncig ua si los tau. Cov neeg tau tu qhov chaw no tau muab tis npe hu ua Sainte Valérie

Caw nej saib ib co duab uas thau hnub tim 16 lub 8 hli 2010.


Y.Suav Nus

Wow.....Suav Nus, ua tsuag ntau rau koj cov duab nawb. Kuv zoo siab tag nrho rau peb cov tub ntxhais hluas txoj kev sib hlub sib pab thiab sib txhawb rau lub caij tawm rooj ua si kev lom zem. Nej mas cas yuav muaj kev mus noj Pique-nique li Maiv Tooj lawv cov Hmoob Lyon lamw thiab los. Zoo siab kawg li nawb, kuv thov kom nej cov tub ntxhais hluas muaj txhua txhua xyoo tawm rooj mus noj mov ua si li no es seb puas yuav muaj ib zaug peb cov nyob rau fab kis av loj tuaj koom kom tau nrog lawv nawb. Nej txhob tso lub tswv yim sib koom siab koom ntsws ua ke lom zem li no tseg, thov kom nej tsuas muaj ua tau zoo zuj zus txhua niaj txhua xyoo mus li nawb. Pom teb chaws Cacao tej me hav zoo nstuab xiab thiab tej chaw no ua rau peb kho siab kawg li. Twb vim yog muaj Huab Tais Yesxus ua lawm nej ntej es nej thiaj muaj kev tawm rooj mus noj mov ua si kev lom zem rau tej yas kev, twb yog vim muaj lawm Huab Tais Yesxus ua lawm nej qab es nej thiaj li muaj kev tawm rooj mus noj mov ua si rau tej yas kab.

Nyob zoo txiv Suav Nus,

Ua tsaug rau nws cov duab nawb, zoo heev thiaj muaj nqes heev rau peb txhua leej. Ntuj e! Pom nej ua si lom zem nrog me hav ntoo ntsuab xiab, cas yuav zoo ntxim siab. Cas pom nej nyob tej hav ntoo ntsuab vog, cas yuav ua rau lub siab ya lawv lis tsis so...Nej muaj txoj hmoov zoo, nej thiaj tau Suav mej nom mej tsw lub kaus ntoo. Nej muaj txoj hmoov loj, nej thiaj tau suav mej nom mej tsw lub suab nrov...Yeej tsim nyog kawg nkaus...

Yaj Suav Nus wrote:Nyob zoo cov phooj ywg txhua tus,
Tsaib no kuv tau hais tias cov hluas tau teem caij rau lub 8 hli xyoo 2010, xyoo no thaum lub 7 hli mas cov hluas tau sib tham thiab teem caij sis ntsib rau hnub tim 16 lub 8 hlis tab sis yog vim kuv tsis muaj caij tuaj tshaj rau nej paub ces nej thiaj tsis xub tau paub ua ntej mas kuv thov txim ov !

Xyoo no cov hluas xaiv tau qhov chaw uas muaj chaw da dej huv si nrog, yog ib qho chaw nyob ze ze ntug zos (Cacao)muaj kev tsheb mus txog, tus tsis xav caij tsheb es mus taw xwb los txog vim qhov chaw no nyob tsis deb ntawm ntug zos; yog ib qho chaw uas yeej yog txbob txwm tu rau sawv daws mus ua si xwb tsis hais cov qhua ntoj ncig uas tuaj deb thiab ze tuaj leej twg xav mus ncig ua si los tau. Cov neeg tau tu qhov chaw no tau muab tis npe hu ua Sainte Valérie

Y.Suav Nus

Nyob zoo os SuavNus . Zoo siab tau tuaj pom koj cov duab nej hmoob Guyane , Nej nyob tau lom zem kawg li thiab os yuad !!! Oh ! Nej teb chaws Guyane no zoo nkauj kawg thiab os , Suav nus es tej chaw no nws nyob ze nej tej zej zog thiab los , Los nws nyob deb thiab na lod , Ua li kev mus ua si li no puas muaj tej yam txaus ntshai thiab , Xws li muaj nab tej na lod , Xws li yuav coj me nyuam yaus mus los kuj tsis ntshai thiab ma los ,

Teb chaws Guyane zoo nkauj heev li cia yog muaj caij no yuav tuaj xyuas ib zaug os , Ua tsaug rau koj os uas koj tseem xa duab tuaj rau peb saib nawb mog kuj zoo li peb tau nrog koj pom lawm thiab os .


maivxis .

Nyob zoo Maiv Paj Lug, Maiv tooj thiab Maiv Xis,

Ua tsaug rau nej cov lus txhawb,
Qhov kuv tham ntawd tsuas yog phab kev ntseeg xwb, hais txog cov Hmoob Cacao kev sis yaum mus ua si mas muaj ntau: zoo li cov hluas sib yaum li 10 leej los 20 leej tej mus ci nqaij hauv tej hav zoo los yog ntawm tej ntug dej, tej zaum mas yog ib pab tub xwb; muaj tej zaum cov ntxhais lawv kuj mus lawv tsis yaum cov tub li thiab vim cov ntxhais yeej muaj peev xwm rauv taws thiab ci nqaij ib yam li cov tub thiab; kuj muaj tej zaum cov tub cov ntxais sib yaum mus ua ke. Hais txog cov laus mas txhua xyoo twb muaj sib yaum mus ib hnub los pw ib hmos hav zoov, ntau zaus mas yog caij 3 los 4 lub nkoj mus pw cuab ntses thiab yog hav zoo ob hnub ib hmos tej; lawv thauj tshuab ua hluav taws xob mus kom tau siv hmo ntuj. Thaum lawv mus txog chaw mas cov txiv neej mus cuab ntse thiab yos tua tsiaj, cov poj niam nyob sib tham ua si tos lawv cov txiv thiab cov poj niam mus ntov plawv txoob los plawv txhiav coj los ua salade noj (qab heev).
Tsis tag li ntawd xwb txhua txhua hnub chiv (dimanche) mas yeej muaj ke lom zem, tsis hais cov poj niam los cov txiv neej ( rau kuv mas txhua hnub chiv yog fête ).

Hais txog qhov chaw uas cov hluas tau sib sau ua ke li kuv tau hais los lawm: qhov chaw no nyob ze ze zos kawg mus taw xwb los yeej mus txog,(kwv yees li 200 m ntawm ntug zos, Maiv Tooj paub zoo qhov chaw no nyob ntawm Y. Zoov Ntxheb cov pas cws ib sab) muaj neeg tu du lug tsis muaj ib yam dab tsis txaus ntshai. Hais txog tej hom tsiaj xws li naj los lwm yam kab tom neeg mas tsis muaj vim qhov chaw twb tu huv si thiab tej tsiaj ntawd kuj ntsai neeg thiab ces lawv yeej tsis los nyob ze qhov chaw muaj neeg nyob, me nyuam yaus niaj hnub mus mus chaw du lug, kuv kiag los kuv twb tau caij tsheb mus txog lawm thiab.

Tshaj rau nej paub tias xyoo no peb Hmoob zos Cacao yuav noj 30 rau hnub tim 28 lub 10 hli 2010 no, peb yuav muaj kev lom zem 5 hnub 5 hmos, li ntawd caw nej cov nyob deb tuaj koom peb lub 30 xyoo no. Lub caij peb noj 30 ntawd mas yog lub caij ntuj tshav, nej tuaj lub caij ntuj tshav no mas nej yuav tau zoo mus ua si xyuas kwv tij hmoob thiab mus ncig xyuas hav zoov.

Hnub no kuv nrog nej tham li no xwb, vam tias peb yuav tau sib pom rau lub caij peb noj 30. Nej sawv daws nyob zoo.

Y. Suav Nus

Nyob zoo cov phooj ywgtxhua tus,
Ntshai nej leej puav twb tos tos saib puas pom kuv rov tuaj tham txuas ntxiv txog Hmoob zos Cacao lub tsiab peb caug los yog tso daim puav duab rau nej tau saib.
Ua ntej no kuv xub hais ib lo lus thov txim uas kuv tsis tau tuaj tham raws li kuv tau tham tseg vim yog tau me ntsis khaub thuas lawm. Hnub no kuv tsis muaj lus tham ntau tsuas yog tso ib co dua rau nej saib ua kev sis tham.




Muaj ntsis nkees thiab ces cia lwm zaus tso mam rov tuaj tso ib co duab ntxiv, nyob hauv cov duab nej leej twg xav nug txog daim duab twg los txhob ua siab deb yeej meem nug kuv ntag !
Mam sis ntsib dua.

Y. Suav Nus

Nob zoo cov Phooj ywg,

Dab Laug Suav Nus zoo saib heev thiab thov qhuas nej cov ntseeg nyob Cacao ua hmoov noj 30 tau zoo kawg.
Ua tsaug koj tuaj tso duab rau peb tau pom txog nej sawv daws txhua leej.....

Nyob zoo txiv Suav Nus,

Ua tsaug rau koj kev tshaj moo txog nej Hmoob Cacao lub tsiab peb caug.
Zoo heev, nej nyob txawm teb txawm chaw, ua pab ua pawg, nej ua tau tej yam zoo heev. Kuv txawm tsis tau nrog nej koom los kuv pom nej lom zem xauv npo, cuag li kuv twb tau nrog nej nyob ua ib ke lawm. Kuv tsis muaj dab tsi, kuv tsuas hais ib los lus "Noj qab nyob zoo xyoo tshiab " rau nej txhua leej xwb.

Nyob zoo cov phooj ywg txhua tus,
ua cas lub sij hawm, hnub thiab hmo yuav tas sai ua luaj li ! Zoo li nyuam qhuav yog nag hmo xwb tab sis twb yog peb plaub hnub lawm tiag.
Hnub no kuv rov tuav tso ib co duab ntxiv : yog hnub xiab ib (qhib tshav qaib)


Tseem tshuav duab kev ua si lwm yam es cia tag kis los nag kis mam li rov tuaj tso dua ov !

Y. Suav Nus

Hnub no rov tuaj ntseeg tias nej txhua tus yeej noj qab nyob zoo,
Hais ib lo lus txog lub tsev ua si no: Thaum cov Hmoob nyuam qhua tuaj nyob lub zos Cacao mas yeej tau tsa ib lub tsev uas yog qhov chaw Hmoob sib txoos sab laj, ua si lom zem, noj tshoob, txais qhua nom tswv, noj tsiab peb caug thc... Lub tsev ntawd tsa hnub tim 03/03/ 1979. Kuv kuj yog ib tug ntawm cov neeg tau ua lub tsev ntawd thaum pib txog thaum tiav log. Tom qab no xyoo 2005 lub tsev ntawd raug muab rhuav. Xyoo 2009 thiaj li tau rov tsa dua ib lub tsev tshiab uas yog lub tam sis no nej pom nyob hauv cov duab. Lub tsev no mas tsa rau lub tsev qub uas ruav tas lawd qhov chaw thiab siv lub qub plag tsev kiag. qhov loj, dav, ntev, thiab siab kuj tshaj lub qub tsuas yog daim duab lub tsev thiaj txav lawm xwb. Qhia rau cov uas tau pom dua lub qub ho tsis tau pom lub tshiab no, lub qub mas zoo li qaim los yog luv zog lub tshiab no vim tias lub qub mas tau muab kem ib tog los ua chaw ua hauj lwm rau Hmoob lub Haum Xeeb phab kev ua noj ua haus ntaw Cacao lawm (Bureau Coopérative Agricole de Cacao).

Tham ntev zog me ntsis lawm caw nej rov saib duab.


Kev ua si no mas yog xav kom tus laus txog tus me nyuam yaus muaj kev lom zem txhua tus. Kev ua si no tsis yog ua si kom lom zem xwb lub rooj tswj tsiab peb caug muab paj tshab rau txhua tus tsis hais yeej los swb, qhov txawv zog mas yog tus yeej mas muaj cai xaiv nws qhov paj tshab.
Caw nej saib kev: ncaws pob, ntau qe hlau thc... rau lwm lub sij hawm.

Y.Suav Nus