Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


    Hmoob Guyane

    Share

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hmoob Guyane

    Post  Npuagtub on 12th January 2010, 12:36 pm

    Wow.....! Haib haib tiag li os nkauj Hmoob Guyane, tos thaum i kuv pom nws tus niam laus B daim duab thawj zaug kuv thiaj xav tias yog nws no, yog tsis ua zoo ntsia ces yeej tsis paub tias yog leej twg li...! Yog lawm Mp thiab Mt, tos tej laus ib txwm piv txoj lus hais tias: Yuav xaiv poj xaiv sev yuav tsum ntsia nws leej niam. Yeej muaj tseeb tiag li tej laus ib txwm hais los.

    Mp, ua tsaug rau nws cov duab Naas Ej nawv, txoj kev zoo nkauj zoo nraug thaum hluas cas yuav luv ua luaj nkeev lam muab rub kom tau ntev li txoj kev laus mas ntshai yuav zoo siab heev.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Guyane

    Post  Maiv Tooj on 12th January 2010, 7:16 pm



    Nyob zoo Maypajlug, Suav Nus thiab XH.Npuag Tub,

    Maypaj,

    Tsis ua cas li os, tham ib yam ho mus txuas rau ib yam, thiaj lom zem thiab zoo nawb.
    Ua tsaug nws cov duab, cas yuav ntxim hlub ua luaj li...Thaum me ab naim los ntxim hlub, loj hlob tiav lawm los ntxim hlub. Nim loj tau lub me plhu mos nyoos, zoo nkauj tiag tiag li, koj niam thiab nej cov viv ncaus.

    Ua tsaug nawb mog.




    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 13th January 2010, 5:37 am

    Nyob zoo os Mp thiab tag nrho nej sawv daws uas tuaj ntawm no. Zoo siab ntau Mp koj nrhiav tau tus hluas uas 33 xyoos dhau los nws muaj 17 xyoo, yog li koj hais lawm niaj hnub no nws nrog tus Pierre Panis nyob koom ib lub teb chaws. Yog koj xav mus nrog lawv nyob los yeej tau kawg tsis tas koj yuav tuag tes los tuag taw, tab sis txoj kev yuav mus mas nrhiav nyuaj kawg muaj tsawg leej thiaj li qhia tau rau koj. Koj puas nco tau: kuv tau hais tias kuv tau nyeem ntawv Ntshiab 5 zaug tsis seem ib tug npe ntawv uas tsis tau nyeem li thiab kuv kam siv 10 lub xyoo diam kuv thiaj pom txoj kev mus. Hwb cas zoo li kuv khav theeb zog lawm, thov zam txim.
    Ua tsaug rau koj zaj lus teb thiab cov hauj lwm uas koj tau nrhiav tuaj tso rau hauv no.
    Y. Suav Nus

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 13th January 2010, 9:25 am

    Yaj Suav Nus wrote:
    Nyob zoo os Mp thiab tag nrho nej sawv daws uas tuaj ntawm no. Zoo siab ntau Mp koj nrhiav tau tus hluas uas 33 xyoos dhau los nws muaj 17 xyoo, yog li koj hais lawm niaj hnub no nws nrog tus Pierre Panis nyob koom ib lub teb chaws. Yog koj xav mus nrog lawv nyob los yeej tau kawg tsis tas koj yuav tuag tes los tuag taw, tab sis txoj kev yuav mus mas nrhiav nyuaj kawg muaj tsawg leej thiaj li qhia tau rau koj. Koj puas nco tau: kuv tau hais tias kuv tau nyeem ntawv Ntshiab 5 zaug tsis seem ib tug npe ntawv uas tsis tau nyeem li thiab kuv kam siv 10 lub xyoo diam kuv thiaj pom txoj kev mus. Hwb cas zoo li kuv khav theeb zog lawm, thov zam txim.
    Ua tsaug rau koj zaj lus teb thiab cov hauj lwm uas koj tau nrhiav tuaj tso rau hauv no.
    Y. Suav Nus

    Nyob zoo Suav Nus.....kuv xav tias tsis yog koj khav theeb tab sis koj tham txog koj txoj kev zoo siab lawm, vim tias thaum yus tham tau yus txoj kev zoo siab lawm mas txawm toj yuav pob los yus tsis ntshai dej yuav nphau los yus yeej tsis khiav. Koj yeej tham tau raws nraim li kuv txoj kev ntshaw taug lawm ntag, kuv nrhiav nrhiav los txog niaj hnub no nyuam qhuav nrhiav tau nej cov lus zoo raws nraim li kuv txoj kev npau suav xav hnov. Kuv yeej yuav raws kom tau Pierre Panis neb qab mus nrog Tswv ntuj nyob thiab nawb.

    Txhua yam koj hais yeej yog kawg li lawm, yus tsis tas yuav tuag tes tuag taw thiaj mus txog Tswv Ntuj, yog yus muab yus lub siab tiag tiag rau Tswv Ntuj ces txawm yus yuav zoo li cas los Tswv Ntuj yeej txais yus. Tiam sis qhov nyuaj tshaj rau peb tseem yog peb tej tes taw, peb tej qhov muag, peb tej pob ntseg yuav ua rau peb txhaum ntau yam yog peb tsis ceeb faj.


    Tswv Ntuj hais tias :" nej yuav los tiag tiag kom txog kuv mas, yog nej txhais taw yuam nej mus ua txhaum mas muab nws txiav pov tseg zoo dua, yog nej txhais tes yuam nej ua txhaum mas muab nws txiav pov tseg zoo dua, yog nej lub qhov muag yuam nej ua txhaum mas muab nws dawj pov tseg zoo dua, yog tias nej tus nplaim yuam nej ua txhaum mas muab nws hlais pov tseg zoo dua. Kuv qhia qhov tseeb rau nej, nej xum los kom txog kuv lub ceeb tsheej uas tsis muaj nej sab tes sab taw los sis sab qhov muag los sis sab pob ntseg zoo dua qhov nej muab nej tus kheej pov tag nrho rau hauv dej kub dej npau mus li."

    Kuv nco txog Tswv Ntuj cov lus saum no mas kuv yeej ceev faj nroos tias tsis yog kuv muaj tes muaj taw mus nrog luag khwv tau tau zoo noj thiab tau tau zoo hnav es kuv yuav pw tsaug zog tsis nco qab dab tsi nyuaj siab khuam kuv kiag, qhov kuv muaj tes muaj taw thiab qhov kuv muaj qhov muag pob ntseg hnov lus mas kuv tseem yuav ceev faj nroos tsam kuv tej tes taw los sis qhov muag pob ntseg tseem yuav coj kuv mus ua txhaum. Kuv thov ntuj kom kuv txhob yuam kev nkaus xwb.

    Kuv ces lub neej yav dhau los txom nyeem txaus nkaus li lawm, txawm muaj tes muaj taw los kuv yeej zoo li tus neeg tuag tes tuag taw tos ntsoov Tswv Ntuj coj kuv lub hauv kev lamw xwb os Suav Nus. Vim tias kuv txom nyeem txij nkawm los kuv tseem txom nyeem kwv txom nyeem tij tib si, kuv tsuas tshuav kuv niam lawm xwb, hnub twg kuv niam dua toj lawm thiab ntshe kuv yuav nyob zoo li tus neeg seem uas luag nyiam ces luag tuaj saib, yog luag ntxub ces luag yuav tsis txav ti kuv ntxiv . Kuv txoj kev cia siab yog tos ntsoov Tswv Ntuj yuav roiv los coj kuv mus tsis pub kuv poob kua muag ntxiv lawm, vim Tswv Ntuj yeej cog lus tias nws yuav pub ntuj txiaj ntsim rau peb txhau tus, nws tsis xaiv tus muaj los tus npluag, nws tsis xaiv tus neeg loj los neeg me, nws tsis xaiv tus neeg zoo los neeg phem. Tswv Ntuj yuav pub ntuj txiaj ntsim kev zoo siab rau peb sib npaug zos.

    Eh! kuv tham ntau zog lawm tsam koj laj nyeem thiab ces kuv xaus li no xwb es koj muaj dab tsi tham qhia peb los ho tham pub rau peb kom peb tau nrog koj taug ib txoj kev mus nrog Pierre Panis neb ua ke pem neb lub teb chaws kaj siab nyob ze Yesxus.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Guyane

    Post  Maiv Tooj on 14th January 2010, 10:29 am


    Hnub no cov Hmoob nyob lub zos Cacao, Guyane teb tau ua ib pluag mov ua tsaug rau TP. zam Xyooj tau tuaj nrog lawv nyob tau ob peb xyoos yuav hloov mus rau qhov chaw tshiab. Thiab txaos tos TP. Daniel tuaj hloov.

    Suav Nus, nej muaj hmoo heev uas nej tau ib tug Txiv plig rau nej nkaus xwb. Peb tim no, peb ntau lub zos koom ib tug Txiv Plig xwb. Mas tsis yooj yim pes tsawg.








    Ob tug txiv plig thiab nkias teeb,
    Nkias Teeb sawv nruab nrab,
    tus nyob sab lauj yog tus yog TP zam Xyooj (tus yuav mus),
    tus sab xis yog TP. Daniel tus tuaj tshiab.







    Pab ntxhais hu nkauj ua kev zoo siab (pab choral)











    Ua ntej thaum yuav noj mov tas nrho cov ntseeg sawv daws sawv nyob ntsiag to 30 seconds nco txog cov tau tuag nyob Haiti thiab sawv daws koom siab hais lo lus no (thov nej nrog peb hais lo lus no thiab) "Huab Tais thov koj txhuag lawv cov ntsuj plig kom txhob tau mus nyob hauv lub teb chaws ntuj txiag teb tsaus mus li"
    Nyob hauv cov tau tas sim neej muaj tus Tswv Qhia (Eveque) thiab tus sawv Twv Qhia chaw (Vicaire général) kuj muab ib co phauj raug mob nyav (ciaj tuag sib npaug)


    Last edited by Maiv Tooj on 15th January 2010, 8:18 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Guyane

    Post  Maiv Tooj on 14th January 2010, 10:41 am

    Suav Nus,

    Kuv coj koj cov duab tuaj tso rau nov, yog koj tuaj txog no koj ho tuaj tham nej pluas mov hnub no rau peb paub.

    Ua tsaug.




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hmoob Guyane

    Post  Npuagtub on 14th January 2010, 2:39 pm

    Sister Mt,

    Ua tsaug rau nws cov duab Hmoob Guyane. Zoo kawg li, peb haiv Hmoob mus nyob thoob ntuj peb nyais muaj nyias tej txuj zoo kawg tsis hais kev noj haus los yog kev ntseeg, kev coj noj coj ua los yeej sib txaws me ntsis. Tiam sis tas txhua yam puav leej muaj nuj nqis zoo tas huv sis rau peb txhua leej. Thov kom mauj ib hnub peb sawv daws tau rov los nyob ua ke li yav ntuj thaum ub.



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hmoob Guyane

    Post  Mim on 14th January 2010, 2:42 pm

    Tais Tooj,

    kuv xav xav pom cov neeg hauv cov duab kom tas nrho li na... Kuv tsuas pom ib tug TP... tus nyob sab laug xwb, tsis pom tus tshiab uas nyob sab xis li... cov neeg los zoo li tsuas pom ib co xwb, tsis pom sawv daws li....es koj puas kam muab kho kom pom kom tas mas lod?... Ua tsaug os....

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hmoob Guyane

    Post  Npuagtub on 15th January 2010, 2:18 am

    Mim wrote:Tais Tooj,

    kuv xav xav pom cov neeg hauv cov duab kom tas nrho li na... Kuv tsuas pom ib tug TP... tus nyob sab laug xwb, tsis pom tus tshiab uas nyob sab xis li... cov neeg los zoo li tsuas pom ib co xwb, tsis pom sawv daws li....es koj puas kam muab kho kom pom kom tas mas lod?... Ua tsaug os....

    Sister Mim ,

    Yog ua li cas koj lub PC ho tsis pom tas ? Kuv lub mas ho tas nrho lawv sawv daws huv sis.
    Mt, yog muaj ib txhia cov PC tsis pom tas cov neeg no ces nws tuaj no ho muab kho kom me es sawv daws thiaj li pom tas.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Guyane

    Post  Maiv Tooj on 15th January 2010, 8:20 am

    Mim wrote:Tais Tooj,

    kuv xav xav pom cov neeg hauv cov duab kom tas nrho li na... Kuv tsuas pom ib tug TP... tus nyob sab laug xwb, tsis pom tus tshiab uas nyob sab xis li... cov neeg los zoo li tsuas pom ib co xwb, tsis pom sawv daws li....es koj puas kam muab kho kom pom kom tas mas lod?... Ua tsaug os....

    Nyob zoo Mim, Maypaj, Suav Nus thiab XH. Npuag Tub,

    Kuv kho tau duab lawm os Mim aw...Nws tuaj saib tau lauj.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hmoob Guyane

    Post  Mim on 15th January 2010, 11:38 am

    Tais Tooj,

    Tsam no kuv pom tas dua qub lawm... Cov duab uas kuv paub tseeb tias kuv pom tas mas yog daim pom tais paj thiab daim pom txiv Suav Nus nrog ob tug txiv plig xwb. Dua li cov mas nws yeej nyob puv nkaus kuv qhov page li ces tsis paub tias tas los tsis tas, tiam sis yeej pom ntau dua thaum koj tsis tau kho lawm os. Ua tsaug os nawb!

    XH Npuag Tub,

    Xyov yog vim li cas li kuv lub PC thiaj tsis pom kom tas li nej cov li?... Zoo li thaum kuv nyuam tuaj kuv kuj muaj teeb meem li no thiab, tiam sis twb kho tas twb tsis muaj lawm, nyem no ho rov qab muaj dua tuaj tiag...


    Last edited by Mim on 15th January 2010, 1:05 pm; edited 1 time in total

    Admin
    Admin

    Messages : 221
    Date d'inscription : 2009-08-05

    MISS HMOOB NEW YEAR 2010 JAVOUHEY GUYANE FRANCAISE

    Post  Admin on 15th January 2010, 11:57 am

    Olivia SIONG est la nouvelle Miss HMONG de guyane from mobileric on Vimeo.




    Olivia SIONG est la nouvelle Miss HMONG de guyane from mobileric on Vimeo.






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 19th January 2010, 6:22 am

    HMOOB CACAO GUYANE NOJ TSIAB PEB CAUG 2010



    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Guyane

    Post  Maiv Tooj on 19th January 2010, 10:17 am



    Nyob zoo Maypajlug,

    Ua tsaug rau nws daim Video, zoo heev.
    Ua tsaug rau Maiv Xis Xyooj thiab. Yog muaj nws muab lub caij muaj nqes ua rau peb cov nyob deb tau pom txog lawv kev lom zem thiab lub neej tshiab. Uab...! Tais Xis aw...! Nqhis nqhis nej cov ncuav ntsha ntsw suab thaj li os...! Twb xav noj kiag lawm xwb. Lawv mas txawj tsim heev, tseem xuas ntaub pua lub dab ncuav kom txhob lo dab thiab...Yog ib qho zoo kawg li.

    Ua tsaug nawb...Lwm xyoo yuav tuaj nrog nej nij ncuav...










    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Txoos teev ntuj tsev kawm ntawv st.Paul

    Post  Yaj Suav Nus on 25th January 2010, 2:33 pm

    Nyob zoo cov phooj ywg txhua tus, tau ob peb hnub lawm tsis tau ntsib nej los vam ntsoov tias nej sawv daws yeej noj qab nyob zoo txhua tus. Hnub no qa ob peb daim duab tuaj rau nej tau saib xwb.
    Hnub tim 25/01/2010 yog hnub hwm leej ntshiab Paj Lug (st.Paul). Cov thawj coj tsim lub tsev kawm ntawv nyob Cacao tau muab leej ntshiab Paj Lug lub npe los tis rau lub tsev kawm ntawv, li ntawd txhua nyoo thaum txog hnub hwm leej ntshiab Paj Lug lub tsev kawm ntawm ua lub txoos teev ntuj. Kuv tsis piav kom ntxaws los kuv vam tias nej cov uas nyeem kuv zaj no yuav paub zoo lawm.
    Cov me nyuam nqa tej yam mus tso rau saum lub thaj txi ntuj



    Tswv Qhia txais cov me nyuam












    Cov me nyuam uas nej pom yog cov ntseeg Catholique xwb, tshuav lwm cov tsis los koom.


    Ua tsaug ntau uas nej nrog kuv saib cov duab, lwm hnub muaj lwm yam
    mam ho nqa tuaj tso rau nej tau saib dua, muaj dab tsi xav nug rau kuv mas nug tau kuv yuav teb raws li kuv paub. Kawg no thov kom nej txhua tus tsuas muaj ntsib kev noj qab nyob zoo.
    (Ib lo lus thov nej cov saib lub forum no pab muab ib daim duab saum toj tshem tawm vim tso tau ib daim ob zaug lawm, ua tsaug)
    Y. Suav Nus

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Guyane

    Post  Maiv Tooj on 26th January 2010, 6:06 pm



    Nyob zoo Txiv Suav Nus,

    Ua tsaug rau koj cov duab thiab kev tshaj xo rau peb. Thov txim tsis tau los hais ib los kev zoo siab rau koj, vim tsis khoom li. TP.Cwj Vuam Chiv hais kev zoo siab thiab ua tsaug rau koj uas tuaj xa moo rau hauv nov, rau peb s d paub txog nej lub neej niaj hnub.

    Zoo siab yuav tos txais nej kev lom zem lwm zaus ntxiv.




    dejntwstsirovqab
    Tuaj Tshiab
    Tuaj Tshiab

    Messages : 43
    Date d'inscription : 2009-11-30

    ua tsaug nej cov duab zoo saib kawg

    Post  dejntwstsirovqab on 27th January 2010, 1:30 am

    nyob zoo ib tsoom phooj ywg sawv daws....
    zoo siab hnub no rov tuaj ntsib nej os. vam tias sawv daws yuav ntsib kev noj qab nyob zoo thiab yom.
    tau ntev tsi tau tuaj vim lub caij tsi muaj tab sis siab ntsws nco ntsoov txog sawv daws mas.
    zoo siab uas nej tau tso ib co duab zoo nkauj kawg pub peb pom os nawb. tus tau ncaim tau 30 xyoo los muaj
    cov hluas hluas zoo nkauj zoo nraug los muaj tsi tas li tseem pom tej yam zoo ua peb hmoob tau nyob ua pab pawg thiab. xws li kwv tij hmoob nyob Guyane zoo saib kawg thov kom peb tsuas muaj kev sib fim mus tsi txawj kawg nawb.
    ntsib sawv daws li no xwb thov koj Tswv ntuj coj peb sawv daws mus rau qhov zoo..
    nyob zoo sawv daws
    Nkajtsab MUAS

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hmoob Guyane

    Post  Npuagtub on 27th January 2010, 10:54 am

    D. Suav Nus,

    Ua tsaug ntau rau nws cov duab, nej ua tau zoo kawg li. Vam tias tom ntej no nws yuav coj tej txuj zoo nyob Guyane tuaj tso ntxiv rau rau peb sawv daws tau pom thiab.



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Guyane

    Post  Maiv Paj Lug on 31st January 2010, 9:11 am

    Suav Nus, ua tsaug rau koj cov duab Hmoob Cacao ua hmoov rau hnub Saint Paul ( Leej Ntshiab Paj Lug ) nawb mog. Zoo nkauj kawg nkaus li . Ntxim hlub kawg kiag , cov me nyuam yaus los ntxim hlub tag nrho, kuv rob qab pom cov phauj nyob Guyane ua rau kuv nco nco sij hawm thaum ub kuv tseem kawm ntawv nyob Saint Paul Cacao es cov phauj tuaj pab qhia ntawv thiab kev cai ntseeg rau peb mas zoo siab kawg li. Cov Phauj nyob Cacao mas nyiam me nyuam hmoob kawg nkaus. Zoo siab ntau rau koj cov duab nawb mog, tsis muaj dab tsi pauv tau koj tej ntawv tuaj fim txuj fim xov sib nug moo ntawm no li mog, kuv zoo siab tau pom koj cov duab no heev.

    NrhiavTswvNtuj
    Hmong Catholique
    Hmong Catholique

    Messages : 599
    Date d'inscription : 2009-08-18

    Re: Hmoob Guyane

    Post  NrhiavTswvNtuj on 24th February 2010, 3:05 am

    By: Yaj Suav Nus

    Nyob zoo cov phooj ywg,


    Kuv thov siv chav no los tham me ntsis txog cov ntseeg nyob zos Cacao kev teev ntuj lub caij 40 no, yog tias tsis phim no thov nej cov coj ho pab muab tshem tawm. Ua tsaug.

    Lub caij 40 muaj kev teev ntuj nyob hauv tsev txhua txhua hnub Lundi - Monday, kev teev ntuj no xub muab rau cov tsev neeg uas muaj cov laus, yog yim twg xav kom muaj teev ntuj nyob hauv tsev mas xub hais rau tus Txiv plig los hais rau 2 tug tsob hwb, ces muab tshaj rau sawv daws thiab kev teev ntuj no yog teev rau yav noj hmo tas.



    Lub txoos txais tshauv


    22/2/2010 teev hauv Y.Xaiv Pov tsev

    raws li pom mas neeg tsis coob,
    ib txhia nyob sab nraum zoov



    Y.Suav Nus


    Last edited by NrhiavTswvNtuj on 24th February 2010, 6:23 pm; edited 1 time in total





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hmoob Guyane

    Post  Yaj Suav Nus on 24th February 2010, 6:45 am

    Nyob zoo cov phooj ywg,
    Nrhiav Tswv Ntuj kuv ua koj tsaug uas koj tau pab muab los tso rau chav Hmoob Guyane no ntshai tau tab kaum koj lwb sij hawm lawm.
    XH Npuag Tub kuv lub sij hawm no los hais ua koj tsaug nawb.
    Thaum kuv nyeem tas Mim cov lus qhia txog teev ntuj taug ntoo cuam txoj kev ces kuv cia li muab cov ntseeg Cacao kev teev ntuj lub caij 40 los tso rau lawm, rau qhov kuv xav tias kev teev ntuj kuj yog li teev ntuj taug ntoo cuam txoj kev, thiab kuv kuj tau xav tias phim muab tso rau chav Hmoob Guyane ces kuv thiaj tau hais tias yog tsis phim no thov cov saib pab muab hloov.
    Ua tsaug rau nej ob peb tug tau pab kuv muab hloov, ntawm kuv tus kheej yeej tsis xav li cas li tsuas yog zoo siab xwb os.

    Y.Suav Nus

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hmoob Guyane

    Post  Npuagtub on 24th February 2010, 12:31 pm

    D. Suav Nus,

    Hais txog ntawd qhov koj tso 3 daim nej cov duab ua lub txoos txais tshauv mas yeej phim tso rau ntawm Mim lub topic (Ntoo Cuam txoj kev) kawg. Tiam sis qhov kuv xav kom muab tso ib qho rau hauv Hmoob Guyane lub Topic no mas yog kuv xav kom ua ib qho xyuas tau yooj yim me ntsis xwb, thiab neeg thiab paub tseeb tias yog Hmoob Nkws Yaas xwb os nawv. Yog koj muaj tej yam zoo xav coj tuaj tso ntxiv los yeej meem coj tuaj tso rau nawv, qhov peb xav hnov thiab xav paub ces twb yog tej yam zoo li no tiag es peb thiaj li xav kom koj tuaj sau hais txog nej teb chaws rau hauv no. Lub Tsev hmongcatholique no yog peb sawv daws lub, yog qhov chaw rau peb cov Kas Tos Liv Hmoob nyob thoob qab ntuj tuaj nthuav peb txoj kev ntseeg tej txuj. Ua tsaug rau koj cov duab nawv zoo kawg li.



    Photobucket

    NrhiavTswvNtuj
    Hmong Catholique
    Hmong Catholique

    Messages : 599
    Date d'inscription : 2009-08-18

    Re: Hmoob Guyane

    Post  NrhiavTswvNtuj on 24th February 2010, 6:26 pm

    Yaj Suav Nus wrote:Nyob zoo cov phooj ywg,
    Nrhiav Tswv Ntuj kuv ua koj tsaug uas koj tau pab muab los tso rau chav Hmoob Guyane no ntshai tau tab kaum koj lwb sij hawm lawm.
    XH Npuag Tub kuv lub sij hawm no los hais ua koj tsaug nawb.
    Thaum kuv nyeem tas Mim cov lus qhia txog teev ntuj taug ntoo cuam txoj kev ces kuv cia li muab cov ntseeg Cacao kev teev ntuj lub caij 40 los tso rau lawm, rau qhov kuv xav tias kev teev ntuj kuj yog li teev ntuj taug ntoo cuam txoj kev, thiab kuv kuj tau xav tias phim muab tso rau chav Hmoob Guyane ces kuv thiaj tau hais tias yog tsis phim no thov cov saib pab muab hloov.
    Ua tsaug rau nej ob peb tug tau pab kuv muab hloov, ntawm kuv tus kheej yeej tsis xav li cas li tsuas yog zoo siab xwb os.

    Y.Suav Nus


    Nyob zoo Yaj Suav Nus,

    Nag hmo coj koj qhov post los tso rau qhov nov, tsis khoom, coj los tso xwb. Hnub no muab kho tau zoo nkauj me ntsis lawm.
    Tsis ua tsaug dab tsi, yog muaj dab tsi, peb tuaj hauv nov yog kev sib qhia, sib txhawb xwb, txhob ua siab deb.

    Zoo kawg, nej Hmoob Cacao nyob koom zej koom zos, nej ua tau ntau yam zoo. Rau siab ua pub rau peb thiab lwm tus uas peb tsis muaj fwv tsam ua nawb.





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Hnub Chiv nqaum nplooj

    Post  Yaj Suav Nus on 28th March 2010, 3:20 am

    Nyob zoo cov phooj ywg sawv daws,
    Txij hnub txais tshauv los rau tam sis no hais tau tias yog 40 hnub, hnub no cov ntseeg nyob Cacao ua lub txoos nqaum nplooj. Kuv tsis muaj lus ntau tham qhia sawv daws, caw nej saib ob peb daim duab, kuv cov lus nyob nrog cov duab lawm.


    Ua kab ke foom hmoov rau cov nplooj thiab sawv kev









    Hnub no ntsib nej sawv daws li no xwb, mam rov sib ntsib dua lwm zaus.

    Y.Suav Nus

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Guyane

    Post  Maiv Tooj on 28th March 2010, 10:51 am



    Nyob zoo Txiv Suav Nus,

    Ua tsaug rau nws cov duab Nquam Nplooj hnub no, cas rov pom nej mus teev Ntuj es yuav ua rau kuv kho siab zim xwb. Hnub no kuv mus teev Ntuj thiab, tab sis peb tsis muaj nplooj qhaib zoo nkauj li nej ces peb lov nplooj ntoos li thaum lub caij HT Yes Xus taug kev lawv ua tiag.

    Thaum peb cov nplooj, kuv xav tias yog kuv nqa koob thaij no kuv yuav yees duab tuaj tso thiab no tab sis kuv tsis nqa...Hahah...!




    Sponsored content

    Re: Hmoob Guyane

    Post  Sponsored content Today at 12:48 pm


      Current date/time is 3rd December 2016, 12:48 pm