Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


Latest topics

Suav neeg tuaj saib, txij hnub 17/09/2010 los mus.


    Hmoob Guyane

    Share
    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Lub ntees Hla

    Post  Yaj Suav Nus on 4th April 2010, 2:50 am

    Nyob zoo cov phooj ywg sawv daws,
    Ntseeg tias nej txhua tus yuav tau nyob kaj siab lug hauv peb tus Huab Tais Yes Xus txoj kev sawv rov los, hnub no kuv muaj ob peb lo lus nyob nrog hauv cov duab thuaj nrog nej tham.




    Hnub tsib nsthiab, kab ke ntxuav taw


    Lub cub tawg Hla




    Yes Xus Pleev yog lub sim ceeb lub hauv paus
    Yes Xus Pleev yog lub sim ceen lub hauv ntsis
    Yes Xus Pleev sawv rov los muaj txoj sia nyob mus li
    Yes Xus Pleev yog lub sim ceeb txoj kev kaj



    Nquam tus Tswm Ciab Hla los txog ntawm lub qhov rooj yuav chaws mus hauv lub tsev teev ntuj


    Cov ntseeg lawv tus Tswm ciab Hla qab chaws mus hauv tsev teev ntuj


    As les lus yas Yes xus sawv rov los
    as les lus yas nws yeej txoj kev tuag as les lus yas





    Last edited by Yaj Suav Nus on 7th April 2010, 4:05 pm; edited 1 time in total
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1628
    Date d'inscription : 2009-08-17

    Re: Hmoob Guyane

    Post  Maiv Paj Lug on 4th April 2010, 10:15 am

    Suav Nus, koj cov duab zoo nkauj kawg li, saib koj cov duab ntawm no mas ua rau peb siab kaj lug. Yav thaum ub kuv tseem yau peb nyob teb chaws Guyane kuv pheej tsis paub hais tias yog vim li cas muaj ib xyoos rov los txog kuv niam thiab kuv txiv lawv pheej coj peb mus teev ntuj nraum zoov uas pheej rauv ib lub cub tawg, nim no loj txaus thiab paub tab lawm pom koj cov duab no kuv mam paub tias yog vim li cas peb ho mus teev ntuj rauv taws. Zoo siab kawg nkaus tsis muaj ib yam dab tsi pauv tau Tswv Ntuj txoj kev hlub thiab lub txiaj ntsim pub rau neeg ntiaj teb li niaj hnub nim no. Ua li.
    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Cov hluas tuaj sib sau 5/4/2010

    Post  Yaj Suav Nus on 7th April 2010, 8:53 pm

    Nyob zoo cov phooj ywg,
    Hnub no kuv tuaj tham cov hluas ntseeg Cacao kev tuaj sib sau, zaj kuv tham no mas tsuas yog ib zaj uas thaum nej tsis muaj dab tsis ua es ho tau saib laug lub sij hawm kom txhob ntev ntev.

    Cov hluas muab Z. 3 - 16 los pab lawv kev sib sau.




    Z. 3 - 16
    Vim Tswv Ntuj nyiam lub qab ntuj neeg npaum no :
    nws thiaj muab nws leej tub twm zeej rau.
    Kom xwv tus ntseeg txog Leej Tub txhob tuag.
    Tab sis kom nws muaj txoj sia nyob mus li.


    Chaw cov hluas tuaj sib sau yog hauv lub tsev teev ntuj thiab nyob sab nraud
    Muaj tus TP, cov phauj thiab ib cov niam txiv tuaj txhawb cov hluas
    Lub caij no cov me nyuam paj nyob raws ob sab ntug kev tawg tau zoo nkauj kawg


    Thaum cov hluas teev ntuj tas,
    tus coj ntawm cov hluas piav tus txheej txheem rau sawv daws.
    Thaum piav tus txheej txheem tas mas cov hluas sib faib ua 3 pab loj, ib pab muaj 24 leeg.
    24 X 3 = 72


    Pab 1


    Pab 2


    Pab 3

    Cov hluas sib faib li no kom tau xyaum ib co nkauj ua ke, nkauj teev ntuj los yog nkauj cav txog Huab Tais Ntuj (nkauj hmoob thiab nkauj fab kis)


    Txog sij hawm nyias pab los huv cov nkauj uas xyaum tau





    Thaum 10 teev, so haus dej thiab noj tej yam txom ncauj,
    nyob hauv lub tsev qhia kev ntseeg (Alexandre)
    Lub tsev qhia kev cai no kem ua 3 chav, yog thaum cov ntseeg muaj chaw siv mas muab 3 chav qhib los ua 1 chav lawm xwb,
    Hnub no cov hluas tsuas qhib 2 chav los siv xwb





    Thaum so haus dej thiab noj tej yam txom ncauj tag,
    cov hluas rov sib faib ua 9 pab tsawg tsawg kom tau sib pab muab Z. 3 - 16, 1 pab nrhiav kom tau ib lo lus nug


    Nyob hauv 9 pab no ib pab muaj 8 leej
    (thov txim uas kuv tsis tso kom tag 9 pab)


    Txog sij hawm cov hluas los hais cov lus nug (ib pab twg tso ib tug los hais xwb)

    (Tus txiv neej uas yog neeg dub tawv yog peb tus TP),
    txhua zaus ib pab los hais lawv lo lus nug mas TP yog tus teb cov lus nug


    Cov hluas los noj sus



    Ib co niam tsev tuaj txhawb cov hluas, yam li ua mov rau lawv noj thaum tav su thiab tsaus ntuj


    Noj sus tag cov hluas los ua si,
    Lub tsev no yog nom tswv tuaj ua rau Hmoob siv yam li noj tej pluas mov loj, noj tsoob,
    tej qhua sab nrawd tuaj tau so nkaum tshav nkaum nag,
    thaum muaj teb tus nom tuaj xyuas Hmoob tau txais nom thc...






    Tus tab tom hais lus no yog Yaj Huab Sib, tus coj cov hluas kev sib sau
    Cov hluas ua si txog 17 teev ces lawv los so 2 teev kom tau da dej thiab hloov khaub ncaws,
    vim lawv ua si ntau yam uas rau lawv ntub dej, lo av, ntub hws Thc...


    19 teev cov hluas rov tuaj ntawm tsev teev ntuj,
    teev ntuj thiab hu nkauj cav txog Huab Tais Ntuj
    nyob ntawm lub qhov rooj yuav chaws mus hauv tsev teev ntuj





    Twb ze ntawm 21 teev lawm cov hluas mam los noj hmo
    Lawv siv lub sij hawm tab tom noj hmo lo nkaw lus, hais txog txhua yam uas lawv tau ua
    thiab teem caij rov sib ntsib dua rau thaum lub caij so ntawv,
    lub 8 hli (Août) 2010 (tsis tau hais meej cia txog lub 8 hli tso)

    Cov Phooj ywg, ntshai nyob hauv nej yuav muaj leej puav xav nug tias pom tej tus me nyuam ntxhais los tub thiab ne !
    Muaj tseeb yeej muaj tej tus ntxhais los tub tseem yau tiag, cov ntawd yog lawv cov niam laus los yog lawv cov tij laug tuaj ces lawv nrog tuaj.

    Cov phooj ywg, kuv ua tsaug rau nej cov sij hawm uas tau tuaj saib cov duab thiab nyeem kuv cov lus tham, yog qhov twg kuv hais yuam kev lawm thiab hais tau tsis zoo los kuv thov nej zam lub txim.

    Y.Suav Nus



    Last edited by Yaj Suav Nus on 8th April 2010, 5:36 am; edited 1 time in total
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1163
    Date d'inscription : 2009-08-16
    Age : 53
    Localisation : Fresno, California, USA.

    Re: Hmoob Guyane

    Post  Npuagtub on 8th April 2010, 12:56 am

    D. Suav Nus,

    Wow.......! zoo tiag tiag li os koj cov duab no, tej no tiag yog qhov kuv tau hais rau koj lawm tias kom koj coj tuaj qhia rau peb saib nej kev noj nyob thiab kev ntseeg zoo li cas...? Zoo kawg yog cov tub ntxhais lawv muaj kev sib fim sib cog kawm kev ntseeg zoo li no kuj yog ib yam yuav pab tau lawv txoj kev ntseeg kom loj thiab ruaj khov.

    Kuv lam nug koj es..., puas yog lawv tuaj ua rooj sau siab os? Thiab lawv puas niaj xyoo muaj tuaj sib sau zoo li no..?
    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: Hmoob Guyane

    Post  Yaj Suav Nus on 8th April 2010, 6:16 am

    Npuag Tub wrote:D. Suav Nus,

    Wow.......! zoo tiag tiag li os koj cov duab no, tej no tiag yog qhov kuv tau hais rau koj lawm tias kom koj coj tuaj qhia rau peb saib nej kev noj nyob thiab kev ntseeg zoo li cas...? Zoo kawg yog cov tub ntxhais lawv muaj kev sib fim sib cog kawm kev ntseeg zoo li no kuj yog ib yam yuav pab tau lawv txoj kev ntseeg kom loj thiab ruaj khov.

    Kuv lam nug koj es..., puas yog lawv tuaj ua rooj sau siab os? Thiab lawv puas niaj xyoo muaj tuaj sib sau zoo li no..?
    Nyob zoo Y. Npuag Tub,
    Cov hluas tuaj sib sau zoo li no tsis yog sau siab; muaj ntsis zoo li yog sib fim. Lawv muab ib lo lus kom haum kev ntseeg los saib loj rau hnub ntawd, piv xam li tsaib no mas cov hluas siv lo lus "Sib sau nyob hauv Leej Ntuj Plig" tab sis tsis yog nyob hauv zos, lawv xub mus xyuas tau ib qho chaw (hauv ib daim teb, tom hav zoov thc...) zoo li yog lawv sib yaum mus pique-nique tab sis lawv muaj tus txheej txheem, tus TP los tus XH nrog lawv mus thiab ib co niam txiv mus txhawb lawv.
    Txhua xyoo cov hluas yeej muaj sib sau zoo li no, tej xyoo yog lawv xyeej mas lawv sib sau 2 zaug yam li lub caij so ntawv (7 hli-8 hli) thiab lub caij 40 los yog lub caij Hla. kev sib sau no mas yog cov hluas nrog TP los XH npaj tu tus txheej txheem, thiab TP, cov XH, cov tuav xam ntawm pawg ntseeg Cacao uas cov saib xyuas thiab nres tas txhua yam yog thaum muaj teeb meem.

    Tsis tag li ntawd xwb nyob hauv cov hluas mas lawv yeej rov sib yaum lawv mus ua si (pique-nique) tsis hais lub caij twg yog lawv khoom ces lawv sib yaum mus xwb, kev sib yaum mus li no mas tsis muaj cov laus los nres thiab tsis muaj txheej txheem. Tej zaum lawv kuj mus 2 hnub thiab 1 hmos. Txawm yog lawv mus zoo li no los cov ua niam ua txiv yeej paub thiab nrog pom zoo tso lawv mus.
    Y. Npuag Tub zoo li kuv hais tau tshaj zog lawm, ua siab ntev rau kuv ov ! sis ntsib dua lwm zaus.

    Y.Suav Nus
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5551
    Date d'inscription : 2009-08-18

    Re: Hmoob Guyane

    Post  Maiv Tooj on 8th April 2010, 8:39 am


    Nyob zoo Txiv Suav Nus,

    Nej Hmoob Nkws Yas ua tau zoo kawg nkaus. Nej nyob ua pab ua pawg, nej ua tau ntau yam zoo. Zoo heev.

    Kuv pom nej thooj siab koom ntsws, ua rau kuv lub siab loj thiab tso siab rau nej ntau yam.

    Koj cov lus dhos cov duab, koj hais tau zoo heev, ua tsaug nawb.

    Txiv Suav Nus, yog tej thaum koj xyeej no koj nco ntsoov sau Keeb Kwm Hmoob Nkws Yas nawb.



    avatar
    Maivxis
    Phooj Ywg
    Phooj Ywg

    Messages : 265
    Date d'inscription : 2009-11-05

    Re: Hmoob Guyane

    Post  Maivxis on 8th April 2010, 10:18 am

    Yaj Suav Nus wrote:Nyob zoo cov phooj ywg,
    Hnub no kuv tuaj tham cov hluas ntseeg Cacao kev tuaj sib sau, zaj kuv tham no mas tsuas yog ib zaj uas thaum nej tsis muaj dab tsis ua es ho tau saib laug lub sij hawm kom txhob ntev ntev.

    Nyob zoo os , Y suav nus .

    Tij laug suav nus , Ua tsaug os ua cas koj yuav tso tau cov duab Hmoob ntseeg ntuj nyob rau Guyane rau peb tau saib os nej lom zem kawg tiag li os, , Tij laug Nej hmoob guyane kuj sib hlub thiab sib koom siab kawg li thiab os yuad !!, Tsis tas li ntawd Nej kuj tseem muaj Fabkis tuaj nrog nej koom thiab os , Zoo li nej ua tau lom zem kawg li os , Kuv zoo siab nrog nej hmoob puag tseeg nyob rau guyane os nawb , Thov kom huab tais ntuj xa leej ntshiab los nyob rau hauv peb cov neeg ntseeg lub siab kom peb tsuas muaj haum xeeb thiab vam meej lawm yav tom ntej xwb os mog .

    Maivxis .
    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Ntxuav cov me nyaum plig (CH 2 lub caij Hla)

    Post  Yaj Suav Nus on 12th April 2010, 3:09 pm

    Nyob zoo cov phooj ywg,
    Hnub no kuv rov tuaj nrog rau ob peb daim duab ib co niam txiv coj lawv cov me nyuam tuaj txais lub cim ntxuav, caw nej nrog saib os !













    Cov niam txiv npaj tej yam txom ncauj thiab dej haus ua kev zoo siab
    thaum teev ntuj tas lawv caw tag nrho cov ntseeg tuaj teev ntuj nrog lawv koom ua kev zoo siab






    Cov phooj ywg kuv tsuas tso ob peb daim duab li no rau nej saib xwb, kuv tsis paub yuav hais dab tsi thiaj ua rau kom nej nyiam ces kuv tos saib nej puas muaj tus xav nug txog dab tsis ntxiv (hais txog kev ntxuav plig los lwm yam).

    Dhau lub caij Hla tag mas yuav muaj ib co me nyuam txais lub cim "Yug" thawj zaug, nyob hauv lub caij Leej Ntuj Plig nqes los kuj yuav muaj ib co txais lub cim "Txhab Zog".

    Y.Suav Nus
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1163
    Date d'inscription : 2009-08-16
    Age : 53
    Localisation : Fresno, California, USA.

    Re: Hmoob Guyane

    Post  Npuagtub on 13th April 2010, 1:21 am

    Nyob zoo D. Suav Nus thiab cov phooj ywg,

    D. Suav Nus, nej nyob muaj zej muaj zos, muaj vaj muaj tsev yog nej tug, nej ua yam twg los yeej tau zoo raws li lub siab nyiam siab xav. Peb kuj ntshaw nej lub neej nyob Teb chaws Guyane kawg thiab, pom nej tej zej zog thiab tej kev teev ntuj zoo li no mas kuj rov nco txog peb lub neej yav ntuj qub qab thaum peb tseem nyob ua ke.

    D. Suav Nus, cas zoo li nej lub tsev teev ntuj tej phab ntsa pom kev tshab lug rau nraum zoov puas yog os ? Los yog nej ua lub txoos teev ntuj nyob sab nruad? Ua tsaug rau koj cov duab nawv.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5551
    Date d'inscription : 2009-08-18

    Re: Hmoob Guyane

    Post  Maiv Tooj on 13th April 2010, 5:01 am


    Nyob zoo txiv Suav Nus thiab cov phooj ywg,

    Zoo kawg txiv Suav Nus, koj tshaj moo kev Ntseeg nyob Kas Kaus rau peb paub nej kev coj. Yog ib qho zoo heev. Nej nyob ua ke, muaj kev yooj yim thiab nej kub siab ua Tswv Ntuj txoj hauj lwm. Kuv zoo siab tag nrho rau nej. Ua tsaug ib zaug ntxiv rau koj cov duab thiab xa moo rau peb.



    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: Hmoob Guyane

    Post  Yaj Suav Nus on 13th April 2010, 5:16 am

    Npuag Tub wrote:Nyob zoo D. Suav Nus thiab cov phooj ywg,

    D. Suav Nus, nej nyob muaj zej muaj zos, muaj vaj muaj tsev yog nej tug, nej ua yam twg los yeej tau zoo raws li lub siab nyiam siab xav. Peb kuj ntshaw nej lub neej nyob Teb chaws Guyane kawg thiab, pom nej tej zej zog thiab tej kev teev ntuj zoo li no mas kuj rov nco txog peb lub neej yav ntuj qub qab thaum peb tseem nyob ua ke.

    D. Suav Nus, cas zoo li nej lub tsev teev ntuj tej phab ntsa pom kev tshab lug rau nraum zoov puas yog os ? Los yog nej ua lub txoos teev ntuj nyob sab nruad? Ua tsaug rau koj cov duab nawv.
    Nyob zoo Y.Npuag Tub,

    Cia kuv piav kom ib nyuag ntxaws me ntsis txog lub tsev teev ntuj yom !
    Siv nyiaj los ua lub tsev teev ntuj no yog 1.000.000,00 F (lub caij ntawd tsis tau muaj nyiaj euros) yog xyoo 1990.
    TP Nyiaj Pov sau ntawv mus thov ntawm cov koom haum nyob aas kiv thiab as laws mas tau 600.000,00 F
    Tus Tswv qhia nyob Guyane 200.000,00F
    Cov ntseeg lub zos Cacao 200.000,00 F
    Ntev yog 20 m _ - dav 20 m - siab 17 m
    Cov rooj tog yog Hmoob ua.
    Ob sab phab ntsa yeej xov khoob lug raws li pom nyob hauv cov duab, tej zaum koj xav nug tias ua cas ho tsis xov kom ntom ntom ? qhia koj tias lub teb chaws Guyane yog ib lub teb chaws sov thawm niaj thawm xyoo, yam li lub teb chaws kawg yog tshav ntuj thiab los nag xwb, tsis muaj caij sov tsis muaj caij no, ces yuav tau ua lub tsev teev ntuj kom haum rau tej huab cua. Cua tuaj hliv lug rau hauv tsev. Nruab hnub tsis taws teeb los yeej pom kev lawm.
    Chav hloov khaub ncaws los yog chav rau twj mas xov ntom nti tseg ob lub qhov rooj kom tau mus thiab los, nyob hau chav hloov khaub ncaws kuj muaj chav dej thiab txhua yam rau tej twj. Chav no mas tsuas qhib thaum teev ntuj los yog muaj chaws siv xwb dhau li hais ces muab xauv lawm. Lub tsev teev ntuj mas qhib txhua hnub txij sawv ntxov txog tsaus ntuj, leej twg xav chaws mus hauv kom tau teev ntuj los yog mus saib mus xyuas sab hauv los tau.

    Y.Npuag Tub kuv tham me ntsis li no vam tias koj yuav to taub ntau tshaj lawm yom !
    sis ntsib dua lwm zaus.

    Y.Suav Nus
    avatar
    Nujsisloob1
    Tuaj Tshiab
    Tuaj Tshiab

    Messages : 60
    Date d'inscription : 2010-02-02
    Age : 43
    Localisation : California, USA.

    Re: Hmoob Guyane

    Post  Nujsisloob1 on 7th June 2010, 7:28 am

    ZOS HMOOB NYOB CACAO, GUYANE
    1977 - 1978