Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

Suav neeg tuaj saib, txij hnub 17/09/2010 los mus.


    Hmoob Guyane

    Share
    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: Hmoob Guyane

    Post  Yaj Suav Nus on 20th January 2017, 12:56 pm

    Nyob zoo os tais Tooj, yog tsis muaj tus nug txog kuv yeej yuav tsis tham txog li vim tsis xav dhau mus ua neeg taug xaiv.
    Kuv yuav tsis cia li teb ncaj qha koj lo lus nug ov ! Kuv thov muaj ib co lus los tham ua lus teb rau koj.

    Kuj ho yuav muaj leej puav xav nug tias ua li Txiv Plig Cwj Vuam mus nyob rau qhov twg lawm ? Kuv rov teb kuv los lus no: Txiv Plig Cwj Vuam nws nyob nws lub zos qub uas yav dhau los lawd kuv tau tham ib zaug (Montsinery).
    Txiv Plig Tshaj Tswv thiab Txiv Plig Vam Tuam nkawd yog ob tug uas cov Txiv Plig OMI xa tuaj Guyane, Txiv Plig Tshaj Tswv tuaj rau lub zos Javouhey, Txiv Plig Vam Tuam tuaj rau lub zos Cacao;  lub npe Tshaj Tswv yog pawg ntseeg nyob Javouhey tis, lub npe Vam Tuam yog pawg ntseeg nyob Cacao tis.
    Ua ntej no xub tham me ntsis txog Txiv Plig Tshaj Tswv, nco tsis tau tias yog xyoo twg lawm los yog pes tsawg xyoo uas tuaj Guyane, Txiv Plig Tshaj Tswv mus ib lwm rau Cob Tsib yav qab teb, dhau ntawd los ces ib xyoos twg nws mus ib zaug, 4 lub xyoo ua ntej uas nws yuav mus nyob ruaj rau tim Cob Tsib teb ntawd mas nws nyob Cacao, los txog rau xyoo 2005 thaum lub 7 los 8 hli ces Txiv Plig Tshaj Tswv mus nyob ruaj rau tid thiab ib xyoos twg nws rov los rau Fab Kis teb, yuav luag txhua xyoo uas nws rov los Fab Kis teb mas nws kuj tuaj ib lwm txog Guyane.
    Ntawm Txiv Plig Vam Tuam nws kuj mus ib lwm tim Los Tsuas teb thiab tab sis nws cia li tsis rov mus ntxiv lawm, kuv kuj tsis paub tias puas yog tim lub teb chaws tsis tau qhib los yog li cas li ! cov xyoo uas Txiv Plig Tshaj Tswv nyob Cacao mas Txiv Plig Vam Tuam nyob Javouhey. Txiv Plig Vam Tuam rov los Cacao tau 4 xyoos txwm rau xyoo 2016 yuav luag tas.

    Txiv Plig Vam Tuam thiab Txiv Plig Tshaj Tswv nkawd txais lub cim tiag tes ua Leej Choj txwm 20 xyoo rau xyoo 2016 tas los lawd, xyoo 2017 no nkawd ob leeg puav leej so 1 xyoos nkaus. Xyoo 2016 no thaum lub 8 hli nrab ntawd Txiv Plig Tshaj Tswv tuaj ib lwm txog Guyane, nws kuj los saib peb rau ntawm Cacao no thiab, nws hais tias nws rov los Fab Kis teb ob lis piam ntau xwb nws yuav mus USA. Kuv xav tias nws yuav tsis so ib xyoos li hais, tej zaum nws yuav rov mus ntxov tshaj uas tsis so tos lub caij nws so tas.
    Ntawm Txiv Plig Vam Tuam mas nws kuj yuav so 1 xyoos thiab, kuv tsis tau soj qab taug lwm kom paub tias nws so nyob rau qhov twg tias ! kawg yog so nyob hauv nws tsev neeg los yog nyob nrog cov Txiv Plig OMI. Kuv xav tias tas lub zim txwv nws so lawm ntshai nws yuav tsis rov tuaj Guyane ntxiv. Nej cov nyob ze vam tias nej yuav paub xwb.

    Tais Tooj, cov lus kuv tham los saud vam tias yuav muaj lo puav teb rau koj lo lus nug lawm; yog tshuav dab tsi mam tham dua. Cov lus kuv tau tham txog ob tug Txiv Plig mas muaj pes tsawg lo yuam kev lawm los kuv ua tus ris; yog muaj lo puav siab nej tus twg lawm no thov nej pab zam rau kuv ov ! ! Ua tsaug

    Nej sawv das nyob zoo, sis ntsib dua lwm zaus.

    Y. Suav Nus


    Last edited by Yaj Suav Nus on 11th February 2017, 6:15 am; edited 1 time in total
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5271
    Date d'inscription : 2009-08-18

    Re: Hmoob Guyane

    Post  Maiv Tooj on 21st January 2017, 1:00 am



    Nyob zoo txiv Suav Nus,

    Ua tsaug rau koj cov lus teb kuv, kuv tsis hnov moo rau qhov twg li, qhov kuv hnov ces yog peb kev ncig ntuj sib fim txuj hauv Hmong KTO nov xwb.

    Raws li kuv xav mas TP.Tshaj Tswv mus nyob rau Cob Tsib teb, vim kev ntseeg nyob tid muaj zog heev thiab neeg ntseeg coob heev ces nws muaj hauj lwm ntau ua yam tsis tau kev ywj pheej pes tsawg los yeej muaj hauj lwm ntau ua.

    TP.Vam Tuam nws mus Nplog teb ho tsis npaj siab nyob, vim twb muaj TP.Ky Kèo OMI tim no mus nyob tid lawm; tsoom ntseeg nyob Los Tsuas teb tssi muaj zog thiab tsis qheb dav ces thiaj li ncua ntev rau TP.Vam Tuam.




    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Re: Hmoob Guyane

    Post  Yaj Suav Nus on 21st January 2017, 6:59 am

    Maiv Tooj wrote:

    Nyob zoo txiv Suav Nus,

    Ua tsaug rau koj cov lus teb kuv, kuv tsis hnov moo rau qhov twg li, qhov kuv hnov ces yog peb kev ncig ntuj sib fim txuj hauv Hmong KTO nov xwb.

    Raws li kuv xav mas TP.Tshaj Tswv mus nyob rau Cob Tsib teb, vim kev ntseeg nyob tid muaj zog heev thiab neeg ntseeg coob heev ces nws muaj hauj lwm ntau ua yam tsis tau kev ywj pheej pes tsawg los yeej muaj hauj lwm ntau ua.

    TP.Vam Tuam nws mus Nplog teb ho tsis npaj siab nyob, vim twb muaj TP.Ky Kèo OMI tim no mus nyob tid lawm; tsoom ntseeg nyob Los Tsuas teb tssi muaj zog thiab tsis qheb dav ces thiaj li ncua ntev rau TP.Vam Tuam.

    Raws li kuv paub, cov nom tswv Cob Tsib nqua hu tas nrho lawv cov neeg Cob Tsib uas tawg rog mus nyob rau txhua lub teb chaws kom rov mus tsim kho pab lub teb chaws Cob Tsib; muaj cov Cob Tsib rov mus coob kawg nkaus, hauv peb zos no thaum Hmoob nyuam qhuav tuaj nyob mas muaj 2 tug Phauj uas yog neeg Cob Tsib tuaj nrog peb nyob thiab, 2 tug Phauj ntawd tus hluas zog twb rov mus lawm tau ntau xyoo. Hais txog sab kev ntseeg hauv cov nroog loj yeej qhib dav heev, tsuas tshuav tej zej zos me uas nyob deb nroog xwb vim tej nom me tseem xav ua ywj lawv siab.

    Y. Suav Nus
    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Hmoov nco txiaj ntsim 17 tus tim khawv

    Post  Yaj Suav Nus on 11th May 2017, 7:49 am

    Nyob zoo tsoom phooj ywg txhua tus. Ib lo lus thov caw nej sawv daws.
    Hnub kuv zoo siab tshaj qhia rau nej paub tias: hnub tim 22 lub 5 hlis (Mai) 2017 uas yuav txog sai sai no, lub koom haum cov Txiv Plig OMI thiab peb pawg ntseeg yuav ua lub hmoov nco txiaj ntsim rau 17 leej tim khawv. Lub hmoov ua rau hauv lub zos Cacao Guyane Fab Kis teb, lub tsev teev ntuj Notre Dame de La Paix, rau thaum yav hnub qaij 17 teev.



    Kev tshaj tawm no yeej yog qeeb los yog sai dhau lawm, Vam tias nej cov uas nyob deb lawd yuav muaj coob leej tuaj koom, cov uas ho tuaj tsis tau los txog rau hnub ntawd thov ho nco txog thiab. Ua tsaug.

    Y. Suav Nus
    avatar
    Yaj Suav Nus
    Phooj Ywg
    Phooj Ywg

    Messages : 287
    Date d'inscription : 2009-10-23

    Txoos teev Ntuj nco txiaj ntsim, 17 tus tim khawv

    Post  Yaj Suav Nus on 23rd May 2017, 5:44 pm

    Nyob zoo ib tsoom phooj yag txhua tus, kuv tso ib co duab ua puav pheej khaws tseg, yog ib co duab xwb tab sis thaum nej saib lawd nej kuj yuav pom zoo li yog ib co lus uas kuv tus kheej xav muab los ua lus sis tham. Ua ntej tshaj plaws kuv xub qhia rau nej tias kuv tus neeg thau duab tseem tsis tshua tau txawj siv lub thau duab, nej yuav pom muaj ntau daim duab uas pom tsis meej los yog pom tsis raws li nej siab xav, li ntawd kuv vam tias nej yuav to taub zoo... Muaj tej daim duab kuv yuav sau ib co lus rau hauv qab kom tau pab nej to taub zoo me ntsis.
    Caw nej koom nrog kuv saib ua ke...


    Lub tsev teev ntuj Notre Dame de La Paix - Cacao


    Hnub timm 22/5/2017, noj tshais tas cov niam tsev thiab txiv tsev uas tseem hluas
    tuaj rau ntawm Yaj Nkias Teeb tsev (Tswb Hwb Yaj Nkias Teeb)
    sawv daws txawb cov rooj uas yuav npaj cov hauj lwm ua pluas mov;  
    nyob ntawd nws yeej xub muaj tej chaw zoo ua hauj lwm lawm.








    cov pog laus uas nquag nyob tsis taus ntsia, lawv kuj pab ua tej qho sib.






    Ob peb tug niam tsev thiab tug Phauj coj lub txoos


    Hnub tim 22/5/2017 nyob rau peb teb chaws tsis yog hnub so hauj lwm,
    Peb cov tub nyab mus ua hauj lwm tas lawv tuaj koom tsis tau,
    Peb cov tub ntxhais kawm rau hauv nroog kuj tuaj tsis tau thiab,
    Peb cov me nyuam uas kawm ntawm zos Cacao no,
    yog tus me nyuam twg xav tuaj koom mas hais rau nws tus xib xwb cia li tuaj,
    vim lub tsev kawm tso cai ;
    Lub txoos teev ntuj no yog ib lub tseem ceeb,
    peb cia peb cov me nyuam 2 xyoos ntau mus 7-8 xyoo,
    nyob ib hnub ntawm tsev kawm ntawv mus txog tsaus ntuj.




    Txiv Plig Cwj Vuam Chiv hais cov lus qhib lub txoos,
    Kuv tsis sau kom tas raws li TP.Cwj Vuam cov lus, kuv sau 2 los tseem ceeb xwb,
    Lo 1: Hnub tim 22/5 hlis (Mai) yog hnub tsim tsa lub koom haum OMI (Oblat Marie Immaculée)


    Tswv Qhia Eugène de MAZENOD, ua Tswv Qhia nyob Marseille -Fab Kis teb-
    Yog tus tsim tsa lub koom haum OMI (1782 – 1861)

    Lo 2 : Hnub no peb ua lub txoos qhuas thiab cav lus zoo txog 17 leej
    uas lawv yog cov tim khawv tseem ceeb rau Tswv Ntuj cov Lus;
    rau Yes Xus lub Moo Zoo thiab Yes Xus lub npe.
    Nyob hauv 17 leej tim khaw ntawd muaj 2 tug uas peb tsoom Hmoob paub zoo,
    yog Txiv Plig Txhiaj Tshaj thiab Xib Hwb Thoj Xyooj Paj Lug, Thoj Xyooj kuj yog Hmoob,
    nws tsev neeg txheeb zoo sia hlo tuaj nrog peb ua lub txoos…






    Kuv yuav tsis sau Tswv Qhia cov lus kom tas, kus sau me ntsis xwb,
    vam tias nej cov uas nyeem yuav to taub ;
    Tswv Qhia siv sij hawm hais ntau los lus zoo qhuas txog Xib Hwb Thoj Xyooj Paj Lug
    lub neej nrog rau nws tes hauj lwm tseem ceeb thiab muaj txiaj ntsim ntau tas nrho
    tsim nyog qhuas thiab cav lus zoo…






    Tswv Qhia tau hais txog Thoj Xyoo thiab Txiv Plig Txhiaj Tshaj nkawd kev
    tshaj Yes Xus lub Moo Zoo los txog thaum kawg uas nkawd ob tug ntsuj plig
    ua ke mus cuag Yes Xus, nrog Yes Xus hauv Ntuj lub Cheeb Tsheej ;
    nkawd muaj npe nyob nrog ntau pua txhiab tus uas yog cov tau txoj Hmoov Zoo.


    Tswv Qhia hais 3 lo lus rau koj, kuv uas twb paub lawd kom tau rov ras txog…
    1 - Cov Leej Ntshiab yog cov tau txoj Hmoov Zoo,
    cov ua tau hwj huam loj nyob ntiaj teb no thiab saum ntuj.
    2 - Cov tau txoj Hmoov Zoo yog cov uas lub Koom Txoos zeem thiab lees paub,
    Txij Yes Xus cov hauv pau xa lus thiab cov ntseeg txog Yes Xus los txog
    rau hnub no mas lub Koom Txoos lees tias lawv yog cov tau txoj Hmoov Zoo
    muaj ntau pua txhiab tus,  Xib Hwb Thoj Xyooj Paj Lug thiab Txiv Plig Txhiaj Tshaj
    nkawd muaj npe nyob hauv ntau pua txhiab tus uas yog cov tau txoj Hmoov Zoo.
    3 - Muaj ntau ntau txhiab leej neeg uas lub Koom Txoos tsis paub,
    lawv kuj yog ib co tau txoj Hmoov Zoo, cov no ntseeg tias muaj ntau tshaj
    ntau pua npaug ntawm cov uas lub Koom Txoos zeem thiab lees paub.
    Tas nrho 3 phiaj neeg  uas hais tas los ntawd,
    sawv daws puav leej tau txoj Hmoov Zoo,
    tau nrog Yes Xus nyob ua ke hauv  Ntuj Ceeb Tsheej mus ib txhiab ib txhis














    Thaum xaus lub txoos, Tswv Qhia hais tias :
    nag hmo 21/5/2017 kuv tau txais ib lub moo zoo hais tias Tswv Qhia Ling
    uas nyob Los Tsuas muaj npe nce ua Tswv Qhia Liab (Cardinal)


    Ib cov niam tsev thiab txiv tsev twb tau xub tawm ua ntej mus npaj rau mov,






    Lub txoos qhuas thiab cav txiaj ntsis muaj:
    1 Tug Tswv Qhia, 11 Txiv Plig thiab 3 tug Tsob Hwb






    Npaj noj mov rau ntawm lub tsev qhia kev ntseeg (Alexadre)
    Rau lub rooj mov ncig lub tsev,

    [/url]
    Rau ib lub rooj rau sab hauv lub nrog tsev
    Sov sov ces sawv daws nyob coob rau sab nraud lawm,

    [url=https://servimg.com/view/14707091/1362]

    Kuv hais ib lo lus ntxiv, Peb cov Hmoob nyob Guyane tsis coob, cov ntseeg los kuj tsis coob. Hnub no tsis yog ib hnub so hauj raws li kuv tau hais me ntsis saud los lawm. Raws li nej pom cov duab kuv tso los saud mas peb tsawg kawg kiag; Yog lawm peb yeej tsawg kawg; raws li kuv paub mas yog coob lawm. Hais raws li cov txiv tsev los niam tsev (suav qhov muag tsev) tuaj mas yog 95 feem 100 ntawm peb cov yim neeg ntseeg.
    Paub tias muaj ntau leej xav nug tej lo lus, yog nej leej twg muaj lus xav nug mas kuv caw nej nug kuv tau, kuv yuav teb raws li kuv lub peev xwm.
    Muaj qhov twg kuv ho sau tau yuam kev los yog siab nej tus twg lawm los kuv thov nej zam, yog qhov uas kho tau kuv zoo siab yuav kho. Ua tsaug.
    Sis ntsib dua lwm zaus.

    Y. Suav Nus

    Sponsored content

    Re: Hmoob Guyane

    Post  Sponsored content


      Current date/time is 24th June 2017, 6:17 am