HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


COV ZAJ NYEEM NRUAB LIS PIAM XYOO II 2017-2018 - Page 2 Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO II 2017-2018

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 5th January 2018, 4:19 pm

    TIM 2 LUB 1 HLIS 2018

    Hnub Peb Lis Piam Ob Caij Yes Xus Yug Xyoo B Nruab Lis Piam Xyoo II

    Hwm LN Basil tus Loj thiab LN Gregory Nazianzen, ob tug Tswv Qhia

    Zaj Nyeem Ib: 1 ZAM 2: 22-28


    Zam sau ntawv tias:
    22 Tus neeg dag yog leej twg ? Yog tus uas tsis kam lees tias Yes Xus yog Leej Pleev. Tus ntawd ntag yog tus tiv Leej Pleev, nws tsis lees Leej Txiv thiab Leej Tub. 23 Leej twg tsis lees Leej Tub, mas nws kuj tsis muaj Leej Txiv li thiab, tus lees txais Leej Tub, mas nws kuj muaj Leej Txiv nrog thiab. 24 Ntawm nej, mas nej yuav khaws cov lus qhia uas nej tau hnov txij thaum lub hauv paus los kom nyob ruaj rau hauv nej. Yog cov lus qhia uas nej tau hnov txij lub hauv paus los nyob ruaj hauv nej, mas nej kuj yuav nyob ruaj hauv Leej Tub thiab hauv Leej Txiv thiab. 25 Qhov uas nws tau cog lus yuav pub rau peb yog: txoj sia nyob mus li. 26 Kuv tau sau cov lus no rau nej yog xav hais txog cov neeg uas yuav coj nej mus rau txoj kev yuam kev. 27 Ntawm nej, mas cov roj pleev uas nej tau txais ntawm nws yeej nyob rawv hauv nej , ces tsis tas yuav muaj tus qhia nej, vim cov roj uas nws pleev nej txawj qhia txhua yam rau nej; thiab vim yog qhov tseeb, tsis yog cuav; mas nej yuav nyob ruaj hauv nws raws li nws tau qhia rau nej. 28 Cov me nyuam, nej yuav nyob hauv Leej Pleev mog, kom thaum twg nws tshwm sim tuaj mas peb tso siab lug, peb tsis ntshai tsam nws ua kom peb tau kev txaj muag, lub zim txwv nws rov los ntawd.

    NPN 98: 1, 2-3AB, 3CD-4

    Txais: (3cd) Tas cov npoo ntuj npoo ntiaj teb kawg tau
    pom peb tus Tswv Ntuj txoj kev cawm neeg lawm.

    Nej hu ib zaj nkauj tshiab rau HUAB TAIS
    vim nws tau ua tej yam txaus qhuas;
    nws txhais tes xis tau ua kom nws yeej,
    nws sab npab ntshiab tau ua.

    Txais…

    HUAB TAIS ua kom sawv daws paub txog nws txoj kev cawm neeg,
    nws muab nws txoj kev ncaj tawm rau cov haiv neeg pom.
    Nws rov nco txog nws txoj kev ua zoo rau thiab ua ncaj rau
    tsev neeg His Xas Lais.

    Txais…

    Tas npoo ntuj npoo ntiaj teb kawg tau pom
    peb tus Tswv Ntuj txoj kev cawm neeg.
    Tas txhua teb chaws, nej zoo siab hu nkauj rau HUAB TAIS,
    nej qw suab hu nkauj, nej cav txog nws.

    Txais…

    As Les Lus Yas: HES NPLAWS 1: 1-2

    Txais: As les lus yas, as les lus yas

    Yav tas los Tswv Ntuj hais lus rau peb
    cov yawg koob nyob hauv cov yaj saub;
    niaj hnub no, nws hais lus rau peb nyob hauv nws leej Tub.

    Txais: As les lus yas, as les lus yas

    Ntawv Moo Zoo: ZAM 1: 19-28

    19 Ntawm no yog Zam cov lus pov thawj: Thaum cov Yus Das nyob Yes Lus Xas Les xa ib co leej choj thiab ib co les vis tuaj mus nug Zam hais tias : "Koj yog leej twg ?" 20 Mas Zam lees, nws tsis zais, nws lees tias : "Kuv tsis yog Leej Pleev." 21 Lawv nug Zam tias : "Ua li koj yog leej twg ? Koj puas yog Es Lias ?" Zam hais tias : "Kuv tsis yog." "Koj puas yog tus Yaj Saub ?" Zam teb tias : "Tsis yog." 22 Lawv thiaj hais rau nws tias : "Koj yog leej twg ? Peb yuav tsum coj ib lo lus teb rov mus rau cov xa peb tuaj. Koj hais dab tsi txog koj ?" 23 Zam hais tias : "Kuv yog tus neeg nyob hauv teb chaws suab lub suab qw tias : ‘Nej ua kom Huab Tais txoj kev ncaj tuaj,’ raws li yaj saub His Xais tau hais tseg." 24 Luag kuj xa ib co Fas Lis Xais tuaj thiab. 25 Lawv nug Zam tias : "Koj tsis yog Leej Pleev, tsis yog Es Lias, thiab tsis yog tus Yaj Saub, vim li cas koj thiaj ua kab ke ntxuav ?" 26 Zam teb rau lawv tias : "Kuv ua kab ke ntxuav nyob hauv dej. Hos nyob hauv nej, muaj ib tug uas nej tsis paub, 27 tus ntawd yuav lawv kuv qab tuaj, kuv tsis tsim nyog daws nws txoj hlua khau."
    28 Tej no tshwm sim tuaj nyob Npes Tas Nias, nyob sab dej Yos Las Das tim ub, ntawm thaj chaw uas Zam ua kab ke ntxuav.


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 6th January 2018, 12:06 pm

    TIM 3 LUB 1 HLIS 2018

    Hnub Plaub Lis Piam Ob Caij Yes Xus Yug Xyoo B Nruab Lis Piam Xyoo II

    Hwm Yes Xus lub Npe Ntshiab (Most Holy Name of Jesus)

    Zaj Nyeem Ib: 1 ZAM 2: 29–3:6


    29 Yog nej paub tias Tswv Ntuj siab ncaj, mas nej kuj yuav paub tias yog tus twg ua raws txoj kev ncaj, mas tus ntawd yug ntawm Tswv Ntuj los.
    3 1 Nej saib saib, Leej Txiv txoj kev hlub peb loj npaum li no, nws pub kom peb hu ua Tswv Ntuj cov me nyuam – uas yeej yog tseeb li ntawd tiag ! Tos ntiaj teb neeg tsis paub peb los vim ntiaj teb neeg twb tsis paub nws. 2 Cov zoo nyiad, nyem no peb yog Tswv Ntuj me nyuam lawm. Qhov uas yav tom ntej peb yuav zoo li cas, tseem tsis tau muaj qhov qhia rau peb paub. Qhov peb paub yog qhov tias thaum Leej Pleev rov los, mas peb yuav zoo li Nws, vim nws zoo li cas peb yuav pom Nws zoo li ntawd. 3 Tus twg muaj txoj kev cia siab raws li no, mas nws yuav ua kom nws dawb huv tuaj ib yam li Leej Pleev yog tus dawb huv. 4 Tus twg ua txhaum, mas nws ua tsis haum txoj cai, vim kev txhaum yog kev ua tsis haum txoj cai. 5 Nej paub zoo tias Leej Pleev tau tshwm los, yog los tshem neeg cov txhaum pov tseg, thiab nyob hauv nws tsis muaj ib qho txhaum li. 6 Tus twg nyob rawv hauv Leej Pleev mas nws tsis ua txhaum, tus twg tsis tau pom thiab tsis tau paub Leej Pleev mas nws thiaj ua txhaum.

    NPN 98: 1, 3CD-4, 5-6

    Txais: (3cd) Tas cov npoo ntuj npoo ntiaj teb tau pom
    peb tus Tswv Ntuj txoj kev cawm neeg lawm.

    Nej hu ib zaj nkauj tshiab rau HUAB TAIS
    vim nws tau ua tej yam txaus qhuas;
    nws txhais tes xis tau ua kom nws yeej,
    nws sab npab ntshiab tau ua.

    Txais…

    Tas cov npoo ntuj npoo ntiaj teb tau pom
    peb tus Tswv Ntuj txoj kev cawm neeg.
    Tas txhuam teb chaws, nej zoo siab hu nkauj rau HUAB TAIS,
    nej qw suab hu nkauj, nej cav txog nws.

    Txais…

    Nej ntaus nkauj nog ncas cav txog HUAB TAIS
    nej ntau nkauj nog ncas thiab hu tej zaj nkauj seev.
    Nej tshuab puab tshuab hom nrov nrov,
    nej hu nkauj zoo siab nyob ntawm tus Vaj Ntxwv HUAB TAIS xub ntiag.

    Txais…

    As Les Lus Yas: ZAM 1: 14A, 12A


    Txais: As les lus yas, As les lus yas

    Tswv Ntuj Lo Lus yuav ib lub cev neeg, nws tuaj nrog peb nyob.
    Cov uas txais nws, nws pub kom lawv muaj lub hwj huam
    hloov tau los ua Tswv Ntuj cov me nyuam.

    Txais: As les lus yas, As les lus yas

    Ntawv Moo Zoo: ZAM 1: 29-34

    29 Hnub tom qab, Zam pom Yes Xus tuaj ze ntawm nws, nws hais tias : "Nej ntsia Tswv Ntuj tus Yaj, tus daws qab ntuj neeg cov txhaum. 30 Tus ntawd yog tus uas kuv hais txog nws tias : Muaj ib tug neeg lawv kuv qab, nws yuav tuaj, nws twb ua kuv ntej lawm, vim nws xub nyob dua kuv. 31 Kuv tsis tau paub nws, tab sis kuv tuaj yog tuaj ua kab ke ntxuav nyob hauv dej kom xwv nws tawm los rau His Xas Lais paub nws." 32 Ces Zam ua tim khawv hais tias : "Kuv pom Leej Ntuj Plig nqes saum ntuj los xws li ib tug nquab los nyob rau saum nws. 33 Kuv tseem tsis tau paub nws, tab sis Tus xa kuv tuaj ua kab ke ntxuav hauv dej, nws hais rau kuv tias : ‘Tus uas koj yuav pom Leej Ntuj Plig nqes los nyob saum nws, mas nws yog tus yuav ua kab ke ntxuav nyob hauv Leej Ntuj Plig Ntshiab.’ 34 Kuv tau pom, ces kuv ua tim khawv tias nws yog tus Tswv Ntuj Xaiv."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 6th January 2018, 12:50 pm

    TIM      4      LUB      1      HLIS       2018

    Hnub Tsib Lis Piam Ob Caij Yes Xus Yug Los Xyoo B Nruab Lis Piam Xyoo II

    Hwm LN Elizabeth Ann Seton, ua Leej Phauj

    Zaj Nyeem Ib:       1 Zam  3:   7-10


    7 Cov me nyuad, nej txhob cia luag tej ua kom nej yuam kev. Tus ua raws txoj kev ncaj, mas nws yog neeg ncaj ib yam li Leej Pleev yog tus ncaj. 8 Tus ua txhaum, nws tuaj ntawm dab phem tuaj, vim txij thaum lub hauv paus los, dab phem yog tus ua txhaum. Tswv Ntuj Leej Tub tawm tuaj yog tuaj rhuav dab phem cov hauj lwm. 9 Leej twg yug ntawm Tswv Ntuj los, nws tsis ua txhaum, vim Tswv Ntuj tsob noob cog rau hauv nws. Nws ua txhaum tsis tau, vim nws yug ntawm Tswv Ntuj los. 10 Li ntawd, peb paub tseeb tias cov twg yog Tswv Ntuj cov me nyuam, thiab cov twg yog dab phem cov me nyuam. Tus tsis ua raws txoj kev ncaj, mas nws tsis yog Tswv Ntuj tug; thiab tus tsis nyiam nws tus kwv tij, nws kuj tsis yog Tswv Ntuj tug thiab.

    NPN       98:   1, 7-8, 9


    Txais: (3cd) Tas cov npoo ntuj npoo ntiaj teb tau pom
            peb tus Tswv Ntuj txoj kev cawm neeg lawm.

    Nej hu ib zaj nkauj tshiab rau HUAB TAIS
    vim nws tau ua tej yam txaus qhuas;
    nws txhais tes xis tau ua kom nws yeej,
    nws sab npab ntshiab tau ua.

    Txais: (3cd) Tas cov npoo ntuj npoo ntiaj teb tau pom
            peb tus Tswv Ntuj txoj kev cawm neeg lawm.

    Kom dej hiav txwv thiab cov tsiaj uas nyob hauv ua nrov nroo ntws,
    Kom lub ntiaj teb thiab tsoom neeg ua lom zem ntsuag qees;
    Kom cov niam dej npuaj teg,
    Kom cov roob nrog lawv qw zoo siab,

    Txais: (3cd) Tas cov npoo ntuj npoo ntiaj teb tau pom
            peb tus Tswv Ntuj txoj kev cawm neeg lawm.

    HUAB TAIS tab tom tuaj,
    nws tuaj tswj kav lub ntiaj teb.
    Nws yuav tswj kav qab ntuj neeg raws kev ncaj,
    thiab tswj kav cov haiv neeg raws kev haum pheej.

    Txais: (3cd) Tas cov npoo ntuj npoo ntiaj teb tau pom
            peb tus Tswv Ntuj txoj kev cawm neeg lawm.

    As Les Lus Yas:        HES NPLAWS  1:   1-2


    Txais: As les lus yas, as les lus yas.

    Thaum ub, Tswv Ntuj hais lus rau peb cov yawg koob nyob hauv cov yaj saub.
    Lub zim txwv no, Tswv Ntuj hais nws cov lus rau peb nyob hauv nws Leej Tub.

    Txais: As les lus yas, as les lus yas.

    Ntawv Moo Zoo:       ZAM  1:   35-42

    35 Hnub tom qab, Zam nrog nws ob tug thwj tim rov sawv ntsug nyob ntawd dua. 36 Nws ntsia Yes Xus hla tuaj mus, nws hais tias : "Neb ntsia Tswv Ntuj tus Yaj." 37 Ob tug thwj tim hnov Zam hais li ntawd, nkawd raws Yes Xus qab mus. 38 Yes Xus tig los, nws pom nkawd raws nws, ces nws hais rau nkawd tias : "Neb nrhiav dab tsi ?" Nkawd hais rau Yes Xus tias : "Las Npis, (uas txhais tias Xib Hwb), koj tsev nyob qhov twg ?" 39 Yes Xus hais rau nkawd tias : "Neb tuaj, ces neb yuav pom." Ces nkawd mus, nkawd pom qhov chaw Yes Xus nyob. Hnub ntawd, nkawd nrog Yes Xus nyob ib hnub mus txog thaum kwv yees plaub teev hnub qaij. 40 As Nres, uas yog Xis Moos Pob Zeb tus kwv, nws yog ib tug ntawm ob tug thwj tim uas hnov Zam hais li ntawd thiab tau raws Yes Xus qab mus. 41 Nws xub mus nrhiav nws tus tij laug Xis Moos, nws hais rau Xis Moos tias : "Wb ntsib tus Mes Xias lawm," -lo lus no txhais tias Leej Pleev- 42 Ces As Nres coj Xis Moos mus cuag Yes Xus. Yes Xus ntsia Xis Moos, nws hais tias : "Koj yog Xis Moos, Zam tus tub, koj lub npe yuav hu ua Kes Fas," -lo lus no txhais tias Pob Zeb.



    Last edited by Mim on 7th February 2018, 5:54 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 6th January 2018, 2:48 pm

    TIM 5 LUB 1 HLIS 2018

    Hnub Rau Lis Pia mob Caij Yes Xus Yug Los Xyoo B Nruab Lis Piam Xyoo II

    Hwm LN John Neumann, ua Tswv Qhia

    Zaj Nyeem Ib: 1 Zam 3: 11-21


    11 Lo lus uas txij thaum lub hauv paus los nej tau hnov, yog lo lus no : peb yuav ib leeg hlub ib leeg, 12 tsis txhob yoog raws li Kas Ees, uas nws mloog tus Phem, nws muab nws tus kwv tua. Vim li cas nws thiaj tua nws tus kwv? Yog vim nws ua cov hauj lwm phem, hos nws tus kwv ua cov hauj lwm ncaj. 13 Li ntawd, cov kwv tij, nej tsis txhob poob siab yog lub ntiaj teb neeg ntxub nej. 14 Peb paub tias, peb twb hla ntawm txoj kev tuag los nyob hauv txoj sia lawm, vim peb nyiam peb hlub peb cov kwv tij. Tus tsis nyiam tsis hlub, nws tseem nyob hauv txoj kev tuag. 15 Leej twg ntxub nws tus kwv tij, mas nws yog ib tug tua neeg. Nej twb paub tias, tsis muaj ib tug tua neeg yuav tau txoj sia nyob mus li nyob hauv nws. 16 Peb paub txog txoj kev nyiam kev hlub vim qhov tias Yes Xus tau siv nws txoj sia los pab peb. Li ntawd peb kuj yuav tsum siv peb txoj sia los pab peb cov kwv tij thiab. 17 Tus uas muaj txhua yam hauv lub ntiaj txawm peem, yog nws pom nws ib tug kwv tij nyob hauv txoj kev txom nyem, tab sis nws kaw nti nws lub siab lub ntsws tsis kam hlub nws tus kwv tij, mas txoj kev nyiam kev hlub Tswv Ntuj yuav ua li cas nyob tau hauv nws ?
    18 Cov me nyuam, peb tsis txhob nyiam ntawm peb lo lus thiab peb tus nplaig xwb, peb ua kiag tej yam hauj lwm los nyiam luag thiab peb yuav nyiam kom tseeb tiag ! 19 Peb ua li ntawd, mas peb thiaj paub tias peb nyob hauv txoj kev tseeb. Peb lub siab thiaj yuav nyob tiaj tus nyob ntawm Tswv Ntuj xub ntiag. 20 Tab yog peb lub siab rov muab txim rau peb los, Tswv Ntuj loj tshaj peb lub siab, thiab nws paub tas puas tsav yam. 21 Li ntawd, cov zoo nyiad, yog peb lub siab tsis muab txim rau peb, mas peb muaj kev tso siab lug rau Tswv Ntuj.

    NPN 100: 1B-2, 3, 4, 5

    Txais: (1) Tas lub ntiaj teb, nej qw zoo siab cav txog HUAB TAIS!

    Tas txhua lub teb chaws, nej zoo siab hu nkauj rau HUAB TAIS !
    Nej xyiv fab hlo luag ntxhi tsob hwb HUAB TAIS ;
    nej hu nkauj zoo siab chaws los ntawm nws xub ntiag !

    Txais: (1) Tas lub ntiaj teb, nej qw zoo siab cav txog HUAB TAIS!

    Nej cia li lees tias HUAB TAIS yog Tswv Ntuj.
    Nws tsim peb los, peb yog nws tug,
    peb yog nws haiv neeg, yog pab yaj nws saib.

    Txais: (1) Tas lub ntiaj teb, nej qw zoo siab cav txog HUAB TAIS!

    Nej chaws mus hauv nws cov rooj loog, nej ua nws tsaug,
    Nej mus hauv nws cov tshav loog, nej cav txog nws ;
    nej ua nws tsaug, nej foom lus zoo rau nws lub npe.

    Txais: (1) Tas lub ntiaj teb, nej qw zoo siab cav txog HUAB TAIS!

    HUAB TAIS muaj lub siab zoo :
    HUAB TAIS, nws ua zoo rau peb mus li,
    nws ua ncaj rau peb txheej dhau txheej.

    Txais: (1) Tas lub ntiaj teb, nej qw zoo siab cav txog HUAB TAIS!

    As Les Lus Yas

    Txais: As les lus yas, as les lus yas.

    Ib hnub ntshiab tawm tuaj rau peb lawm.
    Tuaj mas, cov haiv neeg, tuaj pe hawm Huab Tais.
    Hnub no ib qho pom kev loj kawg tawm tuaj kaj lub ntiaj teb.

    Txais: As les lus yas, as les lus yas.

    Ntawv Moo Zoo: Zam 1: 43-51

    43 Hnub tom qab, Yes Xus npaj sawv kev mus Nkas Lis Lais teb, nws txawm ntsib Fis Lis Pos; nws hais rau Fis Lis Pos tias : "Koj los raws kuv." 44 Fis Lis Pos nyob Npes Xais Das, yog As Nres thiab Pob Zeb nkawd lub nroog. Fis Lis Pos ntsib Nas Tas Nais, nws hais rau Nas Tas Nais tias : "Tus uas Mais Xes tau sau txog nyob hauv Txoj Cai, thiab cov Yaj Saub tau hais txog, mas peb ntsib nws lawm. Yog Yes Xus, uas yog Yos Xes nyob Nas Xas Les tus tub." 46 Ces Nas Tas Nais hais rau Fis Lis Pos tias : "Puas yuav muaj ib yam zoo tawm hauv Nas Xas Les tuaj tau ?" Fis Lis Pos hais rau nws tias : "Koj tuaj ces koj yuav pom." 47 Yes Xus pom Nas Tas Nais tuaj, nws hais txog Nas Tas Nais, nws hais tias : "Nej saib, tus ntawd yog ib tug tseem His Xas Lais uas tsis zais siab li." 48 Nas Tas Nais hais rau Yes Xus tias: "Ua cas koj paub kuv ?" Yes Xus teb rau Nas Tas Nais tias : "Thaum Fis Lis Pos tsis tau hu koj, kuv twb pom koj nyob hauv tsob qab ntoo txiv ncuav pias lawm." 49 Nas Tas Nais teb rau Yes Xus tias : "Las Npis, koj yog Tswv Ntuj Leej Tub tiag ! Koj yog His Xas Lais tus Vaj." 50 Yes Xus hais rau nws tias : "Yog vim kuv hais rau koj tias : Kuv pom koj nyob hauv tsob qab ntoo txiv ncuav pias, mas koj thiaj ntseeg. Koj yuav pom tej yam loj dua no." 51 Ces Yes Xus hais ntxiv rau nws tias : "Kuv hais qhov muaj tseeb tiag rau nej: Nej yuav pom ntuj qhib los, thiab pom Tswv Ntuj cov Tshiab nce thiab nqes los saum Neeg Leej Tub."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 7th January 2018, 11:47 am

    TIM 6 LUB 1 HLIS 2018

    Hnub Xya Lis Piam Ob Caij Yes Xus Yug Los Xyoo B Nruab Lis Piam Xyoo II

    Hwm LN Andre Bessette, ua Leej Tij

    Zaj Nyeem Ib: 1 ZAM 5: 5-13


    5 Leej twg thiaj yog tus yeej lub qab ntuj neeg? Yog tus uas ntseeg tias Yes Xus yog Tswv Ntuj Leej Tub. 6 Nws yog tus tau tuaj nyob hauv dej thiab nyob hauv ntshav; Yes Xus Pleev, nws tsis tuaj nyob hauv dej xwb, nws tuaj nyob hauv dej thiab nyob hauv ntshav. Leej Ntuj Plig yog tus ua tim khawv zeem li ntawd, vim Leej Ntuj Plig yog qhov tseeb. 7 Ces muaj peb tug ua tim khawv txog qhov ntawd : 8 muaj Leej Ntuj Plig, muaj dej thiab muaj ntshav. Peb tug no puav leej hais ib yam nkaus xwb. 9 Yog peb twb ntseeg neeg cov lus ua tim khawv, mas Tswv Ntuj lo lus ua tim khawv tseem loj dua. Tswv Ntuj lo lus ua tim khawv yog qhov tias nws tau ua tim khawv zeem tseeb txog nws Leej Tub. 10 Tus twg ntseeg txog Tswv Ntuj Leej Tub, mas nws tau lo lus ua tim khawv zeem tseeb ntawd los nyob hauv nws lub siab lawm. Hos tus tsis ntseeg, mas Tswv Ntuj saib nws yog ib tug neeg dag, vim nws tsis ntseeg lo lus uas Tswv Ntuj ua tim khawv zeem tseeb txog nws Leej Tub. 11 Tswv Ntuj lo lus ua tim khawv zeem tseeb yog li no : Tswv Ntuj pub txoj sia nyob mus li rau peb, txoj sia ntawd nyob hauv nws Leej Tub. 12 Tus twg tau Leej Tub, ces nws tau txoj sia, tus twg tsis tau Tswv Ntuj Leej Tub, nws kuj tsis tau txoj sia thiab.
    13 Kuv sau tej no tuaj rau nej kom nej paub tias nej tau txoj sia nyob mus li, nej cov uas ntseeg txog Tswv Ntuj Leej Tub lub npe.

    NPN 147: 12-13, 14-15, 19-20

    Txais: (12a) Yes Lus Xas Les, koj cav txog Huab Tais.
    Los: As les lus yas

    Yes Lus Xas Les, koj cav txog Huab Tais,
    Xis Yoos, koj qhuas txog koj tus Tswv Ntuj.
    Vim nws tau ua kom koj cov las ntoo ntawm rooj vag khov tuaj.
    Nws tau foom koob hmoov rau koj cov me nyuam uas nyob hauv koj.

    Txais: (12a) Yes Lus Xas Les, koj cav txog Huab Tais.
    Los: As les lus yas

    Nws ua kom muaj kev thaj yeeb nyob hauv koj tus ciam teb.
    Nws ua kom koj muaj cov mov qab dua cov los noj tsau npo.
    Nws xa nws lo lus ceeb toom tuaj rau ntiaj teb,
    nws lo lus khiav ceev nrooj tuaj.

    Txais: (12a) Yes Lus Xas Les, koj cav txog Huab Tais.
    Los: As les lus yas

    Nws qhia nws tej lus rau Yas Kos
    thiab nws tej kev cai tej kev txiav txim rau His Xas Lais.
    Nws tsis tau ua li no dua rau lwm haiv neeg li,
    nws tsis tau qhia nws tej kev cai rau lawv paub. As les lus yas.

    Txais: (12a) Yes Lus Xas Les, koj cav txog Huab Tais.
    Los: As les lus yas

    As Les Lus Yas: MK 9: 7

    Txais: As les lus yas, as les lus yas.

    Lub ntuj qhib plho, Leej Txiv lub suab nthe nrov nroo ntws tias:
    Tus no yog kuv Leej Tub uas kuv hlub. Nej mloog nws hais.

    Txais: As les lus yas, as les lus yas.

    Ntawv Moo Zo: MK 1: 7-11

    7 Zam tshaj rau cov neeg tias : "Ib tug loj dua kuv yuav lawv kuv qab tuaj; kuv twb tsis tsim nyog khoov daws nws txoj hlua khau. 8 Ntawm kuv, kuv tau muab dej los ntxuav nej, hos nws mas nws yuav ntxuav nej nyob hauv Leej Ntuj Plig Ntshiab.”
    9 Lub zim txwv ntawd, Yes Xus tuaj ntawm Nas Xas Les xeev Nkas Lis Lais tuaj mus txais kab ke ntxuav ntawm Zam, nyob hauv tus dej Yos Las Das. 10 Thaum Yes Xus tawm hauv dej los, ib ziag ntawd, nws pom lub ntuj dua rhe, ces Leej Ntuj Plig nqes xws li ib tug nquab los rau saum nws. 11 Thiab muaj ib lub suab nrov saum ntuj tuaj hais tias : "Koj yog kuv leej Tub uas kuv Hlub kawg, koj yog kuv qhov chaw zoo siab."

    Los: Lk 3: 23-38

    23 Thaum Yes Xus pib tshaj Lo Lus, nws muaj hnub nyoog ze peb caug xyoo. Sawv daws xav tias nws yog Yos Xes tub, uas yog Hes Lis tub,
    24 uas yog Mas Thas tub, uas yog Les Vis tub, uas yog Mes Kis tub, uas yog Zas Nas tub, uas yog Yos Xes tub,
    25 uas yog Mas Tas Thias tub, uas yog As Mos tub, uas yog Nas Us tub, uas yog Es Lis tub, uas yog Nas Nkais tub,
    26 uas yog Mas As tub, uas yog Mas Tas Thias tub, uas yog Xes Mes tub, uas yog Yos Xes tub, uas yog Yus Das tub,
    27 uas yog Yuas Nas tub, uas yog Les Xas tub, uas yog Zes Lus Npas Npes tub, uas yog Xas Las Thias tub, uas yog Nes Lis tub,
    28 uas yog Mes Kis tub, uas yog As Dis tub, uas yog Kos Xas tub, uas yog Es Mos Das tub, uas yog Ej tub,
    29 uas yog Yos Suas tub, uas yog Es Lis Xes tub, uas yog Yos Lis tub, uas yog Mas Thas tub, uas yog Les Vis tub,
    30 uas yog Xis Mes Oos tub, uas yog Yus Das tub, uas yog Yos Xes tub, uas yog Zos Nas tub, uas yog Es Lias Kis tub,
    31 uas yog Mes Les As tub, uas yog Mes Nas tub, uas yog Mas Tas Thas tub, uas yog Nas Thas tub, uas yog Das Vis tub,
    32 uas yog Yes Xes tub, uas yog Os Npev tub, uas yog Npos As tub, uas yog Xas Las tub, uas yog Nas Xoos tub,
    33 uas yog As Mis Nas Das tub, uas yog As Mis tub, uas yog As Nis tub, uas yog Hes Loos tub, uas yog Pes Lev tub, uas yog Yus Das tub,
    34 uas yog Yas Kos tub, uas yog His Xas Has tub, uas yog Has Nplas Has tub, uas yog Tes Las tub, uas yog Nas Hos tub,
    35 uas yog Xes Lws tub, uas yog Las Nkaus tub, uas yog Fas Les tub, uas yog Es Npes tub, uas yog Xas Las tub,
    36 uas yog Kais Naas tub, uas yog As Fas Xas tub, As Fas Xas uas yog Xees tub, uas yog Nos Hes tub, uas yog Las Mev tub,
    37 uas yog Mas Thus Xas Las tub, uas yog Es Nov tub, uas yog Yas Les tub, uas yog Mas Les Lees tub, uas yog Kas Nas Has tub,
    38 uas yog Es Nov tub, uas yog Xes Thes tub, uas yog As Das tub, uas yog Tswv Ntuj tub.

    Los: LK 3: 23, 31-34, 36, 38

    23 Thaum Yes Xus pib tshaj Lo Lus, nws muaj hnub nyoog ze peb caug xyoo. Sawv daws xav tias nws yog Yos Xes tub, uas yog Hes Lis tub, ,
    31 uas yog Mes Les As tub, uas yog Mes Nas tub, uas yog Mas Tas Thas tub, uas yog Nas Thas tub, uas yog Das Vis tub,
    32 uas yog Yes Xes tub, uas yog Os Npev tub, uas yog Npos As tub, uas yog Xas Las tub, uas yog Nas Xoos tub,
    33 uas yog As Mis Nas Das tub, uas yog As Mis tub, uas yog As Nis tub, uas yog Hes Loos tub, uas yog Pes Lev tub, uas yog Yus Das tub,
    34 uas yog Yas Kos tub, uas yog His Xas Has tub, uas yog Has Nplas Has tub, uas yog Tes Las tub, uas yog Nas Hos tub,
    36 uas yog Kais Naas tub, uas yog As Fas Xas tub, As Fas Xas uas yog Xees tub, uas yog Nos Hes tub, uas yog Las Mev tub, ,
    38 uas yog Es Nov tub, uas yog Xes Thes tub, uas yog As Das tub, uas yog Tswv Ntuj tub.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 7th January 2018, 7:30 pm

    TIM 8 LUB 1 HLIS 2018

    Hnub Ob Tom Qab Hnub Huab Tais Tawm Tuaj Xyoo B Nruab Lis Piam Xyoo II

    Nco Txog Huab Tais Txais Lub Cim Ntxuav

    Zaj Nyeem Ib: HIS XAIS 42: 1-4, 6-7


    Huab Tais hais tias:
    1 Nej ntsia kuv tus tub txib uas kuv nres, tus kuv xaiv uas kuv nyiam tas siab nrho. Kuv tau muab kuv lub tswv yim los roos nws. Nws yuav coj Txoj Cai mus rau cov kuj cuab. 2 Kuv tus tub txib yuav tsis nthe, tsis hais lus nrov, tsis ua suab ncha nyob ntawm tej kev. 3 Nws yuav tsis lov tus txhiav qaug, nws yuav tsis tshuab tus nplaim teeb cig qauj les, nws yuav qhia Txoj Cai raws nraim li qhov tseeb. 4 Kuv tus tub txib yuav tsis swb los ntaus siab me mus txog hnub nws tsa tau txoj kev ncaj kav ntiaj teb lawm. Cov pov txwv yuav tos ntsoov nws txoj kev qhuab qhia.
    6 Kuv, HUAB TAIS, tau hu koj nyob hauv txoj kev ncaj, kuv tau tuav koj tes, kuv tau puab koj, kuv tau muab koj los ua haiv neeg txoj kev cog lus, los ua lub teeb pom kev kaj cov kuj cuab, 7 kom tau qhib cov dig muag qhov muag, kom tau tso cov neeg kaw hauv tsev loj faj tawm los, thiab rho cov neeg nyob hauv qhov taub kom tawm hauv kev tsaus ntuj los.

    Los: HIS XAIS 55: 1-11

    Huab Tais hais tias:
    1 “Nej sawv daws uas nqhis dej, nej kav tsij tuaj ntawm cov dej mas! Nej cov uas tsis muaj nyiaj tsis muaj txiaj, nej cia li tuaj! Nej cia li muas cia li noj ! Nej tuaj, tsis tas yuav them nyiaj tsis tas yuav tshuav nqi, nej cia li haus tej cawv qab qab thiab tej mis nyuj! 2 Ua cas nej yuav siv nyiaj los muas tej yam tsis yog mov noj, los siv nej cov nqe zog los muas tej yam tsis ua kom nej zoo siab ? Nej mloog kuv, ces nej yuav tau noj qab, thiab nej yuav zoo siab txaus siab npo. 3 Nej tig ntsej los mloog kuv mog ! Nej mloog kuv, ces nej tus plig yuav muaj txoj sia nyob. Kuv yuav nrog nej cog ib lo lus nyob mus ib txhiab ib txhis, raws li cov lus cog kuv hais ruaj tias kuv yuav muab rau Das Vis. 4 Kuv tau tsa Das Vis los ua ib tug tim khawv rau cov haiv neeg, ua ib tug ntaus thawj thiab ua thawj coj rau cov haiv neeg. 5 Ces koj yuav hu ib lub kuj cuab uas koj tsis paub kom tuaj, hos cov kuj cuab uas tsis paub koj yuav khiav nplawg ntia tuaj cuag koj, vim HUAB TAIS koj tus Tswv Ntuj, uas yog His Xas Lais tus Ntshiab, nws ua kom koj nto koob meej.
    6 Nej kav tsij nrhiav HUAB TAIS thaum nej tseem muaj kev nrhiav tau nws; nej kav tsij hu nws thaum nws tseem nyob ze. 7 Kom tus siab phem tso nws txoj kev phem tseg, tus siab nkhaus tso nws lub tswv yim lim hiam tseg. Nws yuav tig los cuag HUAB TAIS, HUAB TAIS yuav khuv leej nws. Kom nws cia li los cuag Tswv Ntuj, vim Tswv Ntuj muaj lub siab dav zam rau neeg.
    8 Huab Tais hais tias: kuv zaj tswv yim tsis yog nej zaj, kuv txoj kev tsis yog nej txoj. 9 Ib yam li lub ntuj nyob siab dua lub ntiaj teb npaum li cas, mas kuv txoj kev nyob siab dua nej txoj, thiab kuv zaj tswv yim nyob siab dua nej zaj tswv yim npaum li ntawd. 10 Ib yam li cov nag thiab cov daus uas poob saum ntuj los, yuav tsis rov qab nce mus saum ntuj ua ntej, lawv yuav tsum tau ywg lub ntiaj teb kom av zoo thiab kom tej qoob hlob taus, txi taus noob rau tus neeg tseb nplej thiab muab tau mov rau neeg tau noj tso lawv mam rov mus lawm saum ntuj. 11 Kuv lo lus uas tawm ntawm kuv lub ncauj mus kuj ib yam li ntawd thiab; nws tsis rov los cuag kuv tes dawb tes do, nws yuav tsum tau ua qhov kuv xav kom nws ua tso, nws yuav tsum ua tiav log yam kuv xa nws mus ua tso."

    Los: HAUJ LWM 10: 34-38

    34 Ces Pob Zeb tsa ncauj hais rau cov neeg tuaj nyob hauv Kos Nes Lis tsev tias : "Nyem no, kuv paub tseeb lawm tias Tswv Ntuj tsis kws leej twg cai. 35 Nyob hauv tas txhua haiv neeg, yog leej twg hwm nws thiab coj txoj kev ncaj, mas tus ntawd yeej ntxim Tswv Ntuj siab. 36 Tswv Ntuj tau xa nws lo lus tuaj rau cov His Xas Lais, uas yog lub moo zoo txog kev thaj yeeb raws li Yes Xus Pleev qhia; Yes Xus uas yog sawv daws tus Huab Tais. 37 Nej twb tau paub txog tej lus uas tshwm sim tuaj nyob hauv tas xeev Yus Das lawm, uas yog pib hauv xeev Nkas Lis Lais tuaj mus, tom qab Zam tshaj txog lub cim ntxuav rau sawv daws. 38 Nej tau hnov txog Yes Xus nyob Naj Xas Les, tias Tswv Ntuj tau pleev nws, tau muab Leej Ntuj Plig Ntshiab thiab muab hwj huam rau nws. Nws mus ncig teb ncig chaw ua zoo rau txhua leej; nws kho cov neeg poob hauv dab phem tes kom lawv zoo hlo, vim Tswv Ntuj nrog nws nyob.”

    Los: 1 ZAM 5: 1-9

    Zam sau ntawv tias:
    1 Leej twg ntseeg tias Yes Xus yog Leej Pleev, mas tus ntawd yug ntawm Tswv Ntuj los. Leej twg nyiam Leej Txiv, mas nws kuj nyiam tus yug ntawm Leej Txiv los thiab. 2 Li ntawd peb paub tias peb nyiam Tswv Ntuj cov me nyuam, yog thaum peb nyiam Tswv Ntuj, thiab peb coj raws nws cov lus qhia. 3 Vim kev nyiam Tswv Ntuj yog li no, kom peb coj nws cov lus qhia, uas yog ib co lus qhia tsis hnyav. 4 Vim leej twg yug ntawm Tswv Ntuj los, mas tus ntawd yeej lub ntiaj teb. Txoj kev yeej lub lub ntiaj teb yog peb txoj kev ntseeg. 5 Leej twg yog tus yeej lub ntiaj teb? Tsuas kawg yog tus ntseeg tias Yes Xus yog Tswv Ntuj Leej Tub xwb.
    6 Tus tuaj nyob hauv dej thiab nyob hauv ntshav, yog Yes Xus Pleev; nws tsis tuaj nyob hauv dej xwb, nws tuaj nyob hauv dej thiab nyob hauv ntshav; yog Leej Ntuj Plig ua tim khawv zeem li ntawd, vim Leej Ntuj Plig yog qhov tseeb. 7 Li ntawd muaj peb tug ua tim khawv zeem txog: 8 muaj Leej Ntuj Plig, muaj dej thiab muaj ntshav. Peb tug no puav leej hais tib los lus xwb. 9 Yog tias peb twb txais tib neeg cov lus zeem tseeb, mas Tswv Ntuj lo lus zeem tseeb haj yam yuav loj dua, vim yog Tswv Ntuj lo lus zeem tseeb uas nws ua tim khawv txog nws Leej Tub.

    NPN 29: 1-2, 3-4, 9-10

    xais: (11b) Huab Tais yuav foom kev thaj yeeb rau nws haiv neeg.

    Nej uas yog Tswv Ntuj cov tub, nej cav txog Huab Tais,
    Nej cav txog Huab Tais lub koob meej, nej cav txog nws;
    Nej cav txog Huab Tais lub npe muaj hwj chim;
    Nej hnav tsoos ntshiab mus pe hawm Huab Tais.

    Txais: (11b) Huab Tais yuav foom kev thaj yeeb rau nws haiv neeg.

    Huab Tais lub suab yuj rau saum cov dej,
    Huab Tais nyob saum cov dej loj dej dav,
    Huab Tais lub suab muaj hwj huam loj,
    Huab Tais lub suab muaj hwj chim.

    Txais: (11b) Huab Tais yuav foom kev thaj yeeb rau nws haiv neeg.

    Tus Huab Tais muaj hwj chim nthe nrov nroo ntws,
    txhua leej nyob hauv nws lub tuam tsev hais tias: “Koj muaj koob meej!”
    Huab Tais zaum saum theej kiab nyob siab dua cov dej nyab;
    Huab Tais zaum saum theej kiab ua vaj mus tas ib txhiab ib txhis.

    Txais: (11b) Huab Tais yuav foom kev thaj yeeb rau nws haiv neeg.

    Los: HIS XAIS 12: 2-3, 4BCD, 5-6

    Txais: (3) Nej yuav zoo siab hlo mus ce dej hauv cov dej txhawv los cawm neeg

    Nej ntsia tus Tswv Ntuj uas cawm kuv.
    Kuv tso siab rau nws, kuv tsis txhawj.
    Kuv lub zog thiab kuv lub siab loj yog HUAB TAIS.
    Nws yog tus tau cawm kuv.
    Nej yuav zoo siab hlo mus ce dej
    hauv tus dej txhawv los cawm neeg

    Txais: (3) Nej yuav zoo siab hlo mus ce dej hauv cov dej txhawv los cawm neeg

    Nej ua HUAB TAIS tsaug, nej cav txog nws lub npe !
    Nej tshaj nws tej hauj lwm loj nyob hauv cov haiv neeg,
    nej tshaj tawm tias nws lub npe zoo tas nrho.

    Txais: (3) Nej yuav zoo siab hlo mus ce dej hauv cov dej txhawv los cawm neeg

    Nej hu nkauj cav txog HUAB TAIS,
    vim nws tau ua tau tej yam muaj hwj chim loj;
    Kom tas ntiaj teb neeg paub txog.
    Lub nroog Xis Yoos, koj qw suab zoo siab,
    vim His Xas Lais tus Ntshiab loj tas nrho nyob hauv koj!

    Txais: (3) Nej yuav zoo siab hlo mus ce dej hauv cov dej txhawv los cawm neeg

    As Les Lus Yas: ZAM 1: 29

    Txais: As les lus yas, as les lus yas.

    Zam pom Yes Xus tuaj ze ntawm nws, nws hais tias :
    "Nej ntsia Tswv Ntuj tus Yaj, tus daws qab ntuj neeg cov txhaum.

    Txais: As les lus yas, as les lus yas.

    Ntawv Moo Zoo: MK 1: 7-11


    7 Zam Ntxuav Plig tshaj tias : "Muaj ib tug loj dua kuv yuav tuaj lawv kuv qab; kuv tsis tsim nyog khoov daws nws txoj hlua khau. 8 Ntawm kuv mas kuv muab dej los ntxuav nej, hos nws mas nws yuav ntxuav nej nyob hauv Leej Ntuj Plig Ntshiab.
    9 Lub zim txwv ntawd, Yes Xus tuaj ntawm Nas Xas Les xeev Nkas Lis Lais tuaj mus txais cov kab ke ntxuav ntawm Zam nyob hauv tus dej Yos Las Das. 10 Thaum Yes Xus tawm hauv dej los, ib ziag ntawd, nws pom lub ntuj dua rhe, ces Leej Ntuj Plig nqes xws li ib tug nquab los rau saum nws. 11 Thiab muaj ib lub suab nrov saum ntuj tuaj hais tias : "Koj yog kuv leej Tub uas kuv nyiam kawg, koj yog kuv qhov chaw zoo siab tas nrho.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 8th January 2018, 10:32 am

    TIM       9      LUB      1      HLIS       2018

    Hnub Peb Lis Piam Ib Nruab Xyoo B Nruab Lis Piam Xyoo II  

    Zaj Nyeem Ib:      1 XM 1:  9-20


    9 Thaum lawv noj tas haus tas nyob Sais Laus, As Nas sawv mus nyob ntawm HUAB TAIS xub ntiag; thaum ntawd tus Leej Choj Es Lis zaum ntawm nws lub rooj zaum uas nyob ze ntawm lub qhov rooj tuam tsev teev HUAB TAIS. 10 As Nas tu siab tas nrho, nws thov HUAB TAIS thiab nws quaj heev kawg. 11 As Nas fiv ib lub yeem zoo li no tias: "HUAB TAIS Xas Npas Os aw!  Thov koj saib koj tus ntxhais txib txoj kev tu siab thiab, thov koj nco txog kuv, tsis txhob hnov qab kuv, koj muab ib tug tub rau kuv, mas kuv yuav muab nws fij rau HUAB TAIS tas nws sid, rab chais yuav tsis chwv nws taub hau li." 12 As Nas teev Ntuj ntev loo nyob ntawm Huab Tais xub ntiag;  Es Lis ntsia ntsoov As Nas qhov ncauj. 13 As Nas hais lus ntxhi xwb, pom nws di ncauj ua zog, tab sis tsis hnov nws lub suab, ces Es Lis xav tias As Nas vwm cawv. 14 Es Lis hais rau As Nas tias : "Koj yuav vwm cawv li ko mus txog thaum twg ? Koj cia li zoo cawv mas!" 15 Tab sis As Nas teb tias : "Tus tswv, tsis yog li ntawd, kuv kawg yog ib tug poj niam ua neej lwj siab ntsuav xwb. Kuv tsis tau haus cawv txiv ntoo los cawv txhuv li. Kuv hais kuv txoj kev lwj siab rau HUAB TAIS xwb. 16 Thov koj tsis txhob xav tias koj tus ntxhais txib yog neeg tsis tsim txiaj dab tsi. Yog vim tu kuv siab dhau thiab mob kuv siab dhau mas kuv thiaj hais lus txog tav no." 17 Ces Es Lis teb tias : "Koj mus, koj ua siab kaj lug. Thov kom His Xas Lais tus Tswv Ntuj pub rau koj raws li koj tau thov." 18 As Nas hais tias : "Thov kom koj tus ntxhais txib tau ua xis koj siab." Ces As Nas mus lawm. Nws mus hauv cov poj niam chav, nws noj mov tas nws lub ntsej muag tsis mluas li lub qub lawm. 19 Tag kid lawv sawv ntxov ntxov los, lawv pe hawm HUAB TAIS tas ces lawv rov qab mus lawv tsev nyob Las Mas lawm. Thaum Es Kas Nas nrog nws poj niam As Nas koom cev, HUAB TAIS nco qab txog As Nas cov lus thov. 20 Ces As Nas cev xeeb tub, thaum txog caij, nws yug tau ib tug tub, nws muab tis npe hu ua Xas Muas,  nws hais tias : "Vim kuv thov nws ntawm HUAB TAIS los."

    NPN:     1 XM  2: 1, 4-5, 6-7, 8ABCD

    Txais:   (1) Kuv lub siab dhia hom khaj nyob hauv HUAB TAIS, tus cawm kuv.

    Kuv lub siab dhia hom khaj nyob hauv HUAB TAIS,
    kuv tau ntsej muag nyob hauv kuv tus Tswv Ntuj.
    Kuv lub ncauj ua kom kuv cov yeeb ncuab ploj mus;
    kuv zoo siab vim koj pab kuv muaj yeej lawm.

    Txais:   (1) Kuv lub siab dhia hom khaj nyob hauv HUAB TAIS, tus cawm kuv.

    Cov neeg muaj zog rab hneev dam dhuav mus,
    hos cov zog sib lub zog loj tuaj lawm.
    Cov uas thaud tau noj tsau npo yuav tsum tau mus ua zog,
    hos cov uas thaud tshaib plab tau noj seem noj so.
    Tus pog khab seeb yug tau xya leej tub,
    hos tus muaj tub coob tsis muaj zog ntxiv.

    Txais:   (1) Kuv lub siab dhia hom khaj nyob hauv HUAB TAIS, tus cawm kuv.

    HUAB TAIS ua kom tuag thiab ua kom ciaj;
    nws muab thawb lawm hauv qhov txias to,
    thiab nws mus coj rov los.
    HUAB TAIS ua kom pluag thiab ua kom muaj;
    nws muab txo kom qis thiab nws tsa kom siab.

    Txais:   (1) Kuv lub siab dhia hom khaj nyob hauv HUAB TAIS, tus cawm kuv.

    Nws tsa cov txom nyem nyob hauv av los mus rau qhov siab;
    nws tshem cov pluag tawm hauv qhov qias los,
    nws coj lawv mus zaum nrog cov tub nom tub tswv
    thiab muab ib qho chaw muaj meej mom rau lawv txais ua lawv tug.

    Txais:   (1) Kuv lub siab dhia hom khaj nyob hauv HUAB TAIS, tus cawm kuv.

    As Les Lus Yas:   1 TES XAS LOS NIS 2: 13

    Txais:    As les lus yas, as les lus yas.

    Nej yuav txais Tswv Ntuj lo lus, tsis txais li yog neeg lo lus,  
    tiam sis raws li qhov tseeb uas yog Tswv ntuj lo lus tiag.    

    Txais:    As les lus yas, as les lus yas.

    Ntawv Moo Zoo:  MK 1: 21-28

    21 Yes Xus thiab nws cov thwj tim lawv mus hauv Kas Fas Naus. Hnub Xas Npas Tos, Yes Xus mus hauv lub tsev txoos, nws qhuab qhia sawv daws. 22 Zeej tsoom qhuas nws cov lus qhia, vim nws qhia lawv xws li ib tug neeg muaj peev xwm, tsis zoo li cov kws Ntawv Ntshiab. 23 Nyob hauv lawv lub tsev txoos, muaj ib tug neeg raug ib tug dab tsis huv, nws nthe nthe tias : 24 "Yes Xus Nas Xas Les, koj xav ua dab tsis rau peb ? Puas yog koj tuaj rhuav peb ? Kuv paub koj yog leej twg : koj yog Tswv Ntuj tus Ntshiab." 25 Yes Xus cem nws tias : "Ua twj ywm! Koj cia li tawm hauv tus neeg no mus."
    26 Dab tsis huv siv zog muab tus neeg ntawd co heev heev, nws nthe ib suab nrov nrov ces nws tawm plaws hauv tus neeg mus. 27 Tas sawv daws ntshai, lawv sib nug zom zaws tias : “qhov ntawd yog dab tsi ? Puas yog ib txog kev qhuab qhia tshiab muaj hwj huam ? Tab yog dab tsis huv, los nws tswj tau lawv, ces lawv mloog nws lus.” 28 Ces ib sij huam, Yes Xus lub moo nto lug rau txhua qhov, mus thoob ib cheeb tsam hauv xeev Nkas Lis Lais.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 9th January 2018, 11:17 am

    TIM 10 LUB 1 HLIS 2018

    Hnub Plaub Lis Piam Ib Caij Nruab Xyoo B Nruab Lis Piam Xyoo II

    Zaj Nyeem Ib: 1 XM 3: 1-10, 19-20


    1 Tus me nyuam Xas Muas tsob hwb HUAB TAIS nyob ntawm Es Lis xub ntiag. Lub zim txwv ntawd, HUAB TAIS tshwm sim tuaj hais lus tsawg tsawg zaus kawg. Nws tsis tawm tuaj rau neeg pom xyeem ntau. 2 Muaj ib hnub, Es Lis pw hauv nws lub paim. Thaum ntawd, nws qhov muag twb pib phem tas ces ua rau nws tsis pom kev lawm. 3 Tswv Ntuj lub teeb tseem tsis tau tuag, Xas Muas pw hauv HUAB TAIS thaj chaw ntshiab, ntawm qhov uas Tswv Ntuj lub Xab Cog Lus nyob. 4 HUAB TAIS hu Xas Muas, ces nws teb tias : "Kuv nyob ntawm no !" 5 Ces nws khiav mus hais rau Es Lis tias : "Kuv nyob ntawm no, vim koj tau hu kuv." Es Lis hais tias : "Kuv tsis tau hu koj, koj rov mus pw." Ces Xas Muas rov mus pw. 6 HUAB TAIS rov hu Xas Muas dua, ces Xas Muas rov mus hais Es Lis tias : "Kuv nyob ntawm no, koj tau hu kuv." Es Lis teb tias : "Tub, kuv tsis tau hu koj, koj rov mus pw." 7 Thaum ntawd Xas Muas tseem tsis tau paub HUAB TAIS, vim Huab Tais tsis tau qhia nws rau Xas Muas thiab Xas Muas tsis tau hnov dua HUAB TAIS lo lus. 8 Ces HUAB TAIS rov hu Xas Muas dua yog zaum peb. Xas Muas sawv mus txog ntawm Es Lis, nws hais tias : "Kuv nyob ntawm no, vim koj tau hu kuv." Ces Es Lis thiaj mam to taub tias yog HUAB TAIS hu tus me nyuam ntawd. 9 Es Lis hais rau Xas Muas tias : "Koj mus pw. Yog muaj tus hu koj mas koj yuav hais tias : ‘HUAB TAIS, koj hais lus mas. Koj tus tub txib mloog koj !’” Ces Xas Muas rov mus pw nws qhov chaw. 10 Ces HUAB TAIS tuaj sawv nyob ntawd, HUAB TAIS hu xws li thawj ob peb zaug tias : "Xas Muas ! Xas Muas !" Xas Muas teb tias : "Koj hais lus mas ! Koj tus tub txib mloog koj !"
    19 Xas Muas hlob tuaj, HUAB TAIS nrog nws nyob nraim thiab ua kom nws tej lus tsis poob mus ua cuav li ! 20 Tas ib tsoom His Xas Lais, uas nyob txij Daas mus txog Npes Xas Npes, puav leej paub tias sawv daws saib Xas Muas yog HUAB TAIS ib tug Yaj Saub.

    NPN 40: 2+5, 7-8A, 8B-9, 10

    Txais: (8a+9a) Kuv nyob ntawm no HUAB TAIS, kuv tuaj ua ywj koj siab.

    Kuv tau tso siab lug tos ntsoov HUAB TAIS,
    nws tau khoov qis qis los saib kuv thiab mloog kuv hu nws.
    Muaj hmoov zoo yog tus neeg uas tso siab rau HUAB TAIS,
    Tsis tig mus tuaj cov tsis hwm Ntuj tog,
    Los tsis mus caum cov neeg ntseeg cuav.

    Txais: (8a+9a) Kuv nyob ntawm no HUAB TAIS, kuv tuaj ua ywj koj siab.

    Koj tsis ntshaw tsiaj los txhiam xws txi rau koj,
    tiam sis koj muab pob ntseg rau kuv kom kuv cuab ntsej mloog lus.
    Koj tsis xav tau tsiaj hlawv txi ntuj los tsiaj hlawv them txim txhaum,
    kuv thiaj hais tias: “Kuv nyob ntawm no, cia kuv tuaj.”

    Txais: (8a+9a) Kuv nyob ntawm no HUAB TAIS, kuv tuaj ua ywj koj siab.

    Nyob hauv kauj ntawv sau muaj lus hais tseg txog kuv tias:
    Ua ywj koj lub siab, kuv tus Tswv Ntuj, yog yam ntxim kuv siab,
    koj txoj cai nyob rawv hauv kuv nruab plaw!”

    Txais: (8a+9a) Kuv nyob ntawm no HUAB TAIS, kuv tuaj ua ywj koj siab.

    Kuv tau tshaj koj txoj kev ncaj nyob hauv lub txoos muaj neeg coob,
    kuv tsis tau kaw kuv lub qhov ncauj, HUAB TAIS, koj yeej paub.

    Txais: (8a+9a) Kuv nyob ntawm no HUAB TAIS, kuv tuaj ua ywj koj siab.

    As Les Lus Yas: ZAM 10: 27

    Txais: As les lus yas, as les lus yas

    Huab Tais hais tias, kuv cov yaj mloog kuv lub suab,
    kuv paub lawv, lawv taug raws kuv qab.

    Txais: As les lus yas, as les lus yas

    Ntawv Moo Zoo: MK 1: 29-39

    29 Tam sim ntawd, Yes Xus tawm hauv tsev txoos mus, nws nrog Yas Kos thiab Zam nkawd mus hauv Xis Moos thiab As Nres nkawd tsev. 30 Xis Moos niam tais mob kub cev, nws pw saum txaj. Tam sim ntawd, lawv tham txog nws rau Yes Xus paub. 31 Yes Xus txav los, nws tuav niam tais txhais tes, tsa nws sawv. Tus mob kub cev cia li thim hlo, ces nws tsob hwb lawv.
    32 Yav tsaus ntuj, thaum lub hnub poob qho lawm, sawv daws coj tas nrho cov neeg mob thiab cov raug dab huv si tuaj rau Yes Xus. 33 Tas lub nroog sau nthwv tuaj nyob ua ke ntawm nws qhov rooj. 34 Yes Xus kho neeg coob coob, cov uas nyias raug nyias hom mob, thiab nws tseem ntiab ntau tus dab tawm. Nws tsis pub dab hais lus li, vim cov dab paub nws. 35 Thaum sawv ntxov ntxov tseem tsis tau kaj ntug, Yes Xus sawv, nws tawm mus rau ib qho chaw tsis muaj neeg, ces nws teev Ntuj nyob ntawd. 36 Xis Moos thiab cov neeg nrog nws lawv raws Yes Xus qab. 37 Thaum lawv nrhiav tau Yes Xus, lawv hais rau nws tias : "Sawv daws nrhiav koj." 38 Yes Xus hais rau lawv tias : "Peb mus lawm lwm qhov chaw, hauv cov zej zog nyob tsis deb ntawm no, kom kuv tau kev tshaj lus nyob ntawd thiab. Yog vim qhov ntawd, kuv thiaj tuaj". 39 Ces Yes Xus mus thoob lub xeev Nkas Lis Lais, nws tshaj lus nyob hauv cov tsev txoos, thiab nws ntiab dab phem.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 10th January 2018, 10:43 am

    TIM 11 LUB 1 HLIS 2018

    Hnub Tsib Lis Piam Ib Caij Nruab Xyoo B Nruab Lis Piam Xyoo II

    Zaj Nyeem Ib: 1 XM 4: 1-11


    1 Thaum ntawd, cov Fis Lis Tis sib sau los ua rog ntaus cov His Xas Lais, cov His Xas Lais thiaj sawv kev mus nrog lawv ua rog; cov His Xas Lais tuaj tsa yeej nyob ze ntawm Es Npes Nis Xes, hos cov Fis Lis Tis tsa yeej nyob As Fev. 2 Cov Fis Lis Tis txav ua leej tuaj ntaus cov His Xas Lais, lawv nias tsam qees tuaj, ces cov His Xas Lais swb cov Fis Lis Tis. Kwv yees muaj plaub txhiab leej tuag nyob ntawm tshav rog. 3 Thaum tsoom tub rog rov los hauv yeej lawm, tsoom kev txwj laus His Xas Lais hais tias : "Ua cas hnub no HUAB TAIS cia peb swb cov Fis Lis Tis ? Peb yuav mus tom Xis Laus mus kwv Huab Tais lub Xab Cog Lus tuaj nyob hauv nruab nrab peb kom nws cawm peb ntawm peb cov yeeb ncuab txhais tes." 4 Ces lawv xa neeg mus tom Xis Laus, lawv mus muab HUAB TAIS Xas Npas Os uas zaum saum cov Tshiab Kes Lus Npis lub Xab Cog Lus kwv tuaj. Es Lis ob tug tub uas hu ua Hos Nis thiab Pis Nes Has, nkawd nrog lub Xab Cog Lus tuaj. 5 Thaum HUAB TAIS lub Xab Cog Lus tuaj txog lub yeej, tas tsoom His Xas Lais qw ib lub suab nrov loj loj ncha ntws, ua rau ntiaj teb qeeg nkaws. 6 Cov Fis Lis Tis hnov lub suab nrov ncha ntws lawv hais tias : "Cas yuav hnov suab nrov loj npaum no hauv cov His Xas Lais lub yeej tuaj, yog txhais li cas tiag?" Ces lawv hnov moo tias HUAB TAIS lub Xab Cog Lus tuaj txog hauv cov His Xas Lais lub yeej lawm. 7 Cov Fis Lis Tis thiaj ntshai, lawv hais tias : "Tswv Ntuj tuaj nyob hauv lawv lub yeej lawm. Peb hmoov phem kawg nkaus! Yav tas tsis tau muaj dua li no li. 8 Peb hmoov phem kawg nkaus ! Leej twg yuav pab peb dim ntawm cov tswv ntuj muaj hwj huam ntawd txhais tes ? Cov tswv ntuj ntawd yog cov tau xa tas puas tsav yam xwv txheej tuaj rau Hais Nkws Tos teb. 9 Tiam sis tsoom Fis Lis Tis aw, nej sawv daws ua siab loj ua siab tawv qhawv li tseem txiv neej yawg, kom nej tsis txhob poob ua cov His Xas Lais qhev xws li lawv tau ua nej qhev los lawm. Nej cia li ua siab tawv qhawv tseem txiv neej yawg mus ntaus tsam!” 10 Ces cov Fis Lis Tis nam qees tuaj nias tsam; cov His Xas Lais thiaj swb, lawv tso tes khiav nyias rov mus nkaum tom nyias lub tsev tsam phooj. Lawv raug kev puas tsuaj loj kawg nkaus. Tog His Xas Lais tuag txog peb caug txhiab leej tub rog. 11 Cov Fis Lis Tis txeeb tau Tswv Ntuj lub Xab Cog Lus thiab Es Lis ob tug tub Hos Nis thiab Pis Nes Has nkawd kuj tuag.

    NPN 44: 10-11, 14-15, 24-25

    Txais: (27b) Thov koj cawm peb, HUAB TAIS, vim koj khuv leej neeg.

    Nyem no, koj tau tso peb pov tseg, rhuav peb ntsej muag.
    Koj tsis nrog peb cov tub rog mus ntaus tsam ntxiv,
    Koj cia peb thaub qab swb rau peb cov yeeb ncuab,
    Cov ntxub peb txeeb peb tej cuab yeej cuab tam nqa ywj siab.

    Txais: (27b) Thov koj cawm peb, HUAB TAIS, vim koj khuv leej neeg.

    Koj cia peb rau cov nyob ze peb ntxub,
    rau cov nyob ib ncig peb cem thiab thuam.
    Koj cia tsoom kuj cuab muab peb ua dab neeg hais,
    Cia lwm haiv neeg luag peb.

    Txais: (27b) Thov koj cawm peb, HUAB TAIS, vim koj khuv leej neeg.

    HUAB TAIS, ua cas koj zais koj lub ntseg muag,
    koj tsis nco qab tias peb txom nyem thiab raug luag tsim txom li ?
    Peb tus ntsuj plig twb khoov mus ti nkaus cov plua tshauv lawm,
    Peb lub cev twb raug muab tsuj mus plia av lawm.

    Txais: (27b) Thov koj cawm peb, HUAB TAIS, vim koj khuv leej neeg.

    As Les Lus Yas: MT 4: 23

    Txais: As les lus yas, as les lus yas.

    Yes Xus tshaj lub Moo Zoo txog Ntuj Ceeb Tsheej
    thiab nws kho txhua yam mob nyob hauv cov neeg.

    Txais: As les lus yas, as les lus yas.

    Ntawv Moo Zoo: MK 1: 40-45

    40 Muaj ib tug neeg mob ruas tuaj cuag Yes Xus, nws thov Yes Xus, nws txhos caug taij tias : "Yog koj xav mas koj yeej ua tau kom kuv rov huv tuaj." 41 Yes Xus hlub tus neeg ntawd, Yes Xus cev tes mus kov nws thiab hais rau nws tias : "Kuv xav. Koj rov huv mas." 42 Tam sim ntawd, tus mob ruas tso tus neeg ntawd tseg, nws cia li huv hlo tuaj. 43 Yes Xus hais lus nchav tsawv rau nws thiab kom nws rov mus tam sis ntawd. 44 Yes Xus hais rau nws tias : "Koj ua twj ywm, txhob qhia dab tsi rau leej twg li. Koj mus thws koj lub cev rau tus leej choj saib, thiab mus cev paj tshab ntxuav koj raws li Mais Xes qhia, ua puav pheej rau luag pom." 45 Tab sis tus neeg ntawd tawm plaws mus xwb, nws twb pib tshaj tej ntawd thiab mus hais rau qhov txhia qhov chaw paub lawm . Ces Yes Xus tsis tau kev tab meeg mus hauv ib lub nroog twg li. Nws nyob sab nroog nraud, ntawm tej qhov chaw tsis muaj neeg xwb. Neeg tseem tuaj tas qhov txhia chaw tuaj cuag nws qees thiab.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 11th January 2018, 5:42 pm

    TIM 12 LUB 1 HLIS 2018

    Hnub Rau Lis Piam Ib Nruab Xyoo B Nruab Lis Piam Xyoo II

    Zaj Nyeem Ib: 1 XM 8: 4-7, 10-22A


    4 Tas tsoom txwj laus His Xas Lais sib sau koom ib lub siab tuaj cuag Xas Muas nyob Las Mas. 5 Lawv hais rau Xas Muas tias : "Koj laus lawm, koj cov tub tsis coj raws koj tus lwj lwm li. Thov koj tsa ib tug vaj rau peb kom nws tswj peb xws li luag lwm haiv neeg." 6 Xas Muas tsis zoo siab rau qhov lawv hais tias : 'Koj muab ib tug vaj rau peb kom nws tswj peb.' Ces Xas Muas mus teev ntuj hu txog HUAB TAIS. 7 HUAB TAIS hais rau Xas Muas tias : "Koj ua tas puas tsav yam raws li tsoom pej xeem thov. Tsis yog lawv xav muab koj tshem tawm, yog lawv xav muab kuv tshem tawm kom kuv txhob kav lawv ntxiv. "
    10 Xas Muas hais tas HUAB TAIS cov lus rau tsoom pej xeem uas lawv thov ib tug vaj ntawm nws. 11 Nws hais tias : "Ntawm tus vaj yuav kav nej mas nws yuav muaj cai ua zoo li no, nws yuav sau nej tej tub mus saib nws cov tsheb rog thiab tu nws cov nees cab tsheb, lawv yuav khiav ua tus vaj cov tsheb ntej. 12 Nws yuav siv nej cov tub los tswj tej pab neeg muaj txhiab leej thiab tej pab muaj tsib caug leej. Nws yuav kom nej cov tub laij nws cov teb, hlais nws cov nplej, ntaus ntaj ntaus hmuv ua rog thiab ntaus tej cuab yeej ua nws cov tsheb rog. 13 Nws kuj yuav coj nej cov ntxhais mus ua cov poj niam pleev tshuaj tsw qab rau nws, ua zaub ua mov ci ncuav rau nws noj. 14 Nws yuav muab nej tej teb tej vaj txiv cawv thiab vaj txiv ntoo roj uas zoo tshaj los pub rau nws cov tub rog. 15 Nws yuav sau se ib feem kaum ntawm nej tej qoob loo thiab ntawm nej cov txiv cawv los pub rau nws cov neeg sam thiab nws cov thawj tub rog. 16 Nej tej ntxhais txib tub txuas nquag dua cov, nej tej nyuj tej nees tej luj, nws yuav coj mus ua hauj lwm rau nws. 17 Nws yuav sau se ib feem kaum ntawm nej tej tsiaj, thiab nej haj tseem yuav ua nws cov qhev thiab. 18 Ces hnub ntawd nej yuav quaj qw vim tus vaj uas nej tau xaiv rau nej, tab sis hnub ntawd Tswv Ntuj yuav tsis teb rau nej!"
    19 Tsoom sid tsis mloog Xas Muas cov lus li. Lawv hais tias : 20 "Peb yuav tsum muaj ib tug vaj xwb, kom xwv peb thooj li luag tej haiv neeg. Peb tus vaj yuav txiav txim rau peb, nws yuav ua peb tus ntaus thawj thiab yuav coj peb mus ntaus tsam rog." 21 Xas Muas hnov cov lus uas tsoom pej xeem hais tas tib si, nws coj mus hais qhia rau HUAB TAIS. 22 Ces HUAB TAIS hais rau Xas Muas tias : "Koj ua raws li lawv hais. Koj tsa ib tug vaj kav lawv."

    NPN 89: 16-17, 18-19

    Txais: (2) Kuv yuav hu nkauj mus li cav txog HUAB TAIS lub siab zoo.

    Cov neeg uas paub txog txoj kev qw zoo siab lawv txoj hmoov zoo;
    Huab Tais, koj lub ntsej muag ci rau lawv pom kev taug kev.
    Lawv zoo siab tas hnub vim koj lub npe,
    koj txoj kev ncaj tsa lawv nyob qhov siab.

    Txais: (2) Kuv yuav hu nkauj mus li cav txog HUAB TAIS lub siab zoo.

    Koj yog lawv lub zog ci ntsa iab,
    koj lub txiaj ntsim tsa peb hauv pliaj kom ntseg.
    Peb daim leem phiaj yog HUAB TAIS li,
    peb tus vaj yog His Xas Lais tus Ntshiab tug.

    Txais: (2) Kuv yuav hu nkauj mus li cav txog HUAB TAIS lub siab zoo.

    As Les Lus Yas: LK 7: 16

    Txais: As les lus yas, as les lus yas

    Ib tug yaj saub loj sawv los nyob hauv peb,
    Tswv Ntuj tau tuaj xyuas nws haiv neeg lawm.

    Txais: As les lus yas, as les lus yas

    Ntawv Moo Zoo: MK 2: 1-12

    1 Ob peb hnub tom qab, Yes Xus rov los hauv Kas Fas Naus, sawv daws paub tias Yes Xus nyob hauv tsev. 2 Ces neeg tuaj sib sau coob coob ua ke, tsis tshuav chaw seem ntawm qhov rooj li. Yes Xus qhia Lo Lus rau sawv daws. 3 Muaj plaub leeg nqa ib tug tuag ceg tuaj rau Yes Xus. 4 Lawv tsis tau kev nqa tus tuag ceg los rau Yes Xus vim neeg coob dhau, ces lawv yaws lub ruv tsev ncaj qhov chaw Yes Xus nyob, lawv tho qhov saum ruv tsev, lawv dauv lub txaj uas tus tuag ceg pw nqes los. 5 Yes Xus pom lawv lub siab ntseeg, nws hais rau tus tuag ceg tias : "Me tub, koj cov txhaum daws tas lawm." 6 Muaj ib co kws Ntawv Ntshiab nrog tsoom neeg zaum nyob ntawd, lawv xav hauv nruab siab tias : 7 "Tus neeg ntawd hais dab tsi li ntawd ? Nws thuam Ntuj ! Leej twg thiaj daws txhaum tau ? Tsuas kawg Tswv Ntuj tib leeg xwb." 8 Tab sis Yes Xus lub tswv yim paub tam sis ntawd tias lawv xav qhov ntawd hauv siab, nws thiaj hais rau lawv tias : "Ua cas nej xav tej zaj zoo li no hauv nej siab ? 9 Lo lus twg yog lo hais yooj yim dua rau tus tuag ceg : Yog lo tias 'Koj cov txhaum daws tas', los yog lo tias : ‘Koj sawv, nqa koj lub txaj, koj mus’ ? 10 Ua li mas, kom nej paub tias Neeg Leej Tub muaj hwj huam daws txhaum tau nyob ntiaj teb no." Ces Yes Xus hais rau tus tuag ceg tias : 11 "Kuv hais rau koj, koj sawv, nqa koj lub txaj, koj rov mus tsev." 12 Tus tuag ceg sawv tsees. Nws nqa hlo nws lub txaj tam sis ntawd, nws hla sawv daws xub ntiag tawm mus. Cov neeg nyob ntawd yoob tas, lawv cav txog Tswv Ntuj, thiab lawv hais tias : "Peb tsis tau pom dua ib yam zoo li ntawd ib zaug li."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 12th January 2018, 9:58 am

    TIM 13 LUB 1 HLIS 2018

    Hnub Xya Lis Piam Ib Nruab Xyoo B Nruab Lis Piam Xyoo II

    Hwm LN Hilary

    Zaj Nyeem Ib: 1 XM 9: 1-4, 17-19; 10: 1


    9 1 Nyob hauv lub xeem Npes Yas Mis, muaj ib tug txiv neej hu ua Kis, uas yog As Npis Es tub, uas yog Ntxes Los tub, uas yog Npes Kos Las tub, uas yog As Fias tub, uas yog ib tug neeg Npes Yas Mis. Kis yog ib tug neeg ncaj muaj peev xwm. 2 Nws muaj ib tug tub hu ua Xas Ws , zoo nraug ntxiag tab tom tiav tiav hluas. Tsis muaj ib tug tub His Xas Lais zoo nraug npaum nws; nws sawv taub hau thiab xub pwg siab dua sawv daws tib si. 3 Muaj ib zaug Xas Ws txiv Kis cov luj ploj lawm. Ces Kis hais rau nws tus tub Xas Ws tias : "Koj coj ib tug tub txib nrog koj, neb sawv kev mus nrhiav cov luj." 4 Nkawd mus hla lub roob Es Fais thiab lub teb chaws Sas Lis Sas, nkawd nrhiav tsis tau; nkawd hla teb chaws Sas Lis los tsis pom, teb chaws Npes Yas Mis los tsis pom cov tsiaj li.
    17 Thaum Xas Muas pom Xas Ws, HUAB TAIS qhia Xas Muas tias : "Tus ntawd, yog tus kuv hais rau koj; nws yuav ua tus tswj kuv haiv neeg." 18 Thaum los txog ntawm rooj vag, Xas Ws txawm los ntsib Xas Muas thiab hais rau nws tias : "Kuv thov koj qhia tus neeg ua saub lub tsev rau kuv saib." 19 Xas Muas teb Xas Ws tias : "Kuv yog tus ua saub ntawd ntag. Koj nce ua kuv ntej mus saum qhov chaw siab; hnub no, koj yuav nrog kuv noj mov. Tag kis sawv ntxov kuv mam tso koj mus thiab kuv yuav qhia koj txog tas puas tsav yam nyob hauv koj lub siab.”
    10 1 Xas Muas muab lub hwj roj uas nws nqa los hliv rau saum Xas Ws taub hau thiab nws puag nkaus Xas Ws, nws hais tias : " HUAB TAIS tau pleev koj los ua tus coj kav nws lub cuab tam. Koj yog tus yuav tswj HUAB TAIS haiv neeg His Xas Lais, thiab yuav cawm lawv ntawm cov yeeb ncuab uas nyob ncig lawv tes. Ntawm no yog lub cim yuav qhia rau koj paub tias HUAB TAIS tau pleev koj ua tus ntaus thawj rau nws lub cuab tam.”

    NPN 21: 2-3, 4-5, 6-7


    Txais: (2a) Huab Tais, tus vaj zoo siab nyob hauv koj lub zog.

    HUAB TAIS, tus vaj zoo siab nyob hauv koj lub zog :
    koj kev yeej ua rau nws zoo siab tas nrho.
    Koj tau pub rau nws raws nraim li nws lub siab ntshaw.
    Koj tau mloog lo lus thov uas tawm ntawm nws di ncauj los.

    Txais: (2a) Huab Tais, tus vaj zoo siab nyob hauv koj lub zog.

    Koj tau foom koob hmoov zoo kawg nkaus rau nws;
    koj muab ib lub mom tseem tseem kub rau nws ntoo.
    Nws thov txoj sia ntawm koj, koj pub rau nws,
    kom nws nyob ntev niaj ntau xyoo tsis muaj caij kawg.

    Txais: (2a) Huab Tais, tus vaj zoo siab nyob hauv koj lub zog.

    Nws lub koob meej nto moo loj nyob hauv koj txoj kev yeej;
    koj muab hwj chim ci ntsa iab rau nws.
    Koj muab nws ua ib txoj hmoov zoo rau txheej dhau txheej;
    Koj lub ntsej muag luag ntxhi ua kom nws zoo siab.

    Txais: (2a) Huab Tais, tus vaj zoo siab nyob hauv koj lub zog.

    As Les Lus Yas: LK 4: 18

    Txais: As les lus yas, as les lus yas.

    Huab Tais xa kuv tuaj kom coj lub moo zoo tuaj rau cov pluag
    thiab tshaj kev twj lij rau cov nyob hauv tsev loj faj.

    Txais: As les lus yas, as les lus yas.

    Ntawv Moo Zoo: MK 2: 13-17

    13 Yes Xus rov tawm mus taug ntug dej ntuj dua; tas tsoom sid tuaj ntsauv nws, ces nws qhia lawv. 14 Thaum nws taug kev, nws pom Les Vis, uas yog As Fas Yos tus tub, zaum ntawm rooj sau se. Yes Xus hais rau Les Vis tias : "Koj los raws kuv." Les Vis cia li sawv thiab raws Yes Xus mus. 15 Thaum Yes Xus noj mov hauv Les Vis tsev, mas muaj ib co sau se thiab ib co neeg txhaum coob coob nrog Yes Xus thiab cov thwj tim noj mov : vim cov sau se thiab cov neeg txhaum muaj coob leej raws Yes Xus. 16 Cov kws Ntawv Ntshiab uas yog ib co Fas Lis Xais pom Yes Xus nrog cov neeg txhaum thiab cov sau se noj mov, lawv hais rau cov thwj tim tias : "Vim li cas nws nrog cov sau se thiab cov neeg txhaum noj mov ?" 17 Yes Xus hnov, nws hais rau lawv tias : "Tsis yog cov neeg noj qab nyob zoo yuav vam txog kws kho mob, hos yog cov neeg muaj mob. Kuv tsis yog tuaj hu cov neeg ncaj, kuv tuaj hu cov neeg txhaum."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 14th January 2018, 6:48 pm

    TIM 15 LUB 1 HLIS 2018

    Hnub Ob Lis piam Ob Caij Nruab Xyoo B Nruab Lis Piam Xyoo II

    Nyob As Mes Lis kas Teb yog Martin Luther King Day

    Zaj Nyeem Ib: 1 XM 15: 16-23


    16 Xas Muas hais rau Xas Ws tias : "Koj nres ! Cia kuv qhia koj txog qhov HUAB TAIS hais rau kuv nag hmo tso." Xas Ws teb tias : "Koj hais mas." 17 Ces Xas Muas hais tias : "Koj rov saib koj yog ib tug neeg tsis muaj nqes, tab sis koj puas yog tus tswj cov xeem His Xas Lais los tsis yog ? HUAB TAIS tau pleev koj ua vaj kav His Xas Lais lawm, 18 thiab nws xa koj mus ua ib qho hauj lwm, nws hais rau koj tias: ‘Mus, koj mus muab cov neeg txhaum As Mas Les Kis rhuav kom puas tsuaj tas, thiab koj yuav mus sawv rog ntaus lawv kom lawv tu noob.’ 19 Vim li cas koj tsis mloog HUAB TAIS lus? Koj tau mus huab lwg lawv tej cuab yeej cuab tam, yog ib qho tsis ntxim HUAB TAIS siab li." 20 Xas Ws teb rau Xas Muas tias : "Kuv twb mloog HUAB TAIS ! Kuv tau mus ntaus rog raws li HUAB TAIS xa kuv mus, kuv coj tau cov As Mas Les tus vaj hu ua As Nkas los lawm, thiab kuv tau ua kom cov As Mas Les poob rau txoj kev puas tsuaj puas ntsoog tas lawm. 21 Nyob hauv tej yam peb tau lwg los, uas raug txwv tsis pub lwg, cov tub rog tau khaws cov yaj thiab cov nyuj zoo tshaj coj los txi rau HUAB TAIS koj tus Tswv Ntuj nyob Zis Nkas xwb." 22 Tab sis Xas Muas teb tias : “HUAB TAIS puas zoo siab dua rau cov thaj tua tsiaj hlawv tsiaj txi Ntuj, los puas zoo siab dua rau txoj kev mloog lus? Tseeb tiag, txoj kev mloog lus zoo tshaj ib thaj txi ntuj; ua li nws hais zoo tshaj cov roj tshis ! 23 Koj qhov txhaum uas koj tau mus nug cov txiv yaig txiv muam yog ib txog kev ntxeev siab; qhov koj lam kwv yees ua yog ib qho kev teev dab teev mlom. Vim koj tau tso HUAB TAIS lo lus tseg, ces HUAB TAIS yuav tso koj tseg, tsis cia koj ua vaj ntxiv !"

    NPN 50: 8-9, 16BC-17, 21 + 23

    Txais: (23b) Kuv yuav muab Tswv Ntuj lub hwj huam cawm neeg rau tus neeg ncaj pom.

    Kuv tsis yog cem nej vim nej cov thaj txi ntuj,
    nej tej tsiaj hlawv txi ntuj yeej nyob ntawm kuv xub ntiag mus li.
    Kuv tsis muab ib tug heev nyuj tawm hauv koj tsev mus,
    los ib tug laug tshis tawm hauv koj pab tsiaj mus.

    Txais: (23b) Kuv yuav muab Tswv Ntuj lub hwj huam cawm neeg rau tus neeg ncaj pom..

    Tim li cas nej lub ncauj thiaj qog kuv cov kev cai lij choj,
    thiab hais kuv cov lus kuv tau nrog nej cog,
    tiam sis nej ntxub kuv tej lus qhia
    thiab muab kuv tej lus ua ntia pov tom nej qab xwb?

    Txais: (23b) Kuv yuav muab Tswv Ntuj lub hwj huam cawm neeg rau tus neeg ncaj pom.

    Thaum nej ua tej yam zoo li no, kuv puas yuav tsum ua ntsej lag muag dig?“
    Nej puas xav tias kuv zoo nkaus li nej thiab?
    Kuv yuav qhuab qhia nej, yuav qhia lub ntsiab tawm plaws rau nej.
    Tus neeg twg tuaj ua kuv tsaug yog nws cav txog kuv lub koob meej;
    kuv yuav muab Tswv Ntuj txoj kev cawm neeg rau tus neeg ncaj pom.

    As Les Lus Yas: HES NPLAWS 4: 12


    Txais: As les lus yas, as les lus yas.

    Tswv Ntuj lo lus muaj sia thiab ua tau hauj lwm,
    nws txawj tsom tau tej yam tswv yim thiab
    tej yam kev xav uas nyob hauv neeg nruab siab.

    Txais: As les lus yas, as les lus yas.

    Ntawv Moo Zoo: MK 2: 18-22

    18 Zam cov thwj tim thiab cov Fas Lis Xais nquag ua kev yoo mov, muaj neeg tuaj hais rau Yes Xus tias : "Vim li cas Zam cov thwj tim thiab cov Fas Lis Xais cov thwj tim yoo mov, hos koj cov thwj tim tsis yoo ?" 19 Yes Xus hais rau lawv tias : "Thaum nraug vauv tseem nrog nws cov kwv luag nyob, lawv puas yoo mov tau ? Tas lub caij uas nraug vauv nrog lawv nyob, lawv yoo mov tsis tau. 20 Tab sis, muaj ib hnub luag yuav coj nraug vauv mus deb lawv, ces hnub ntawd lawv yuav yoo mov. 21 Tsis muaj leej twg ntxiv ib daim ntaub tshiab rau lub khaub tsho tshaj sab, vim daim ntaub ntxiv tshiab yuav rub lub tsho qub, ces haj yam ntuag loj. 22 Kuj tsis muaj leej twg ntim cawv tshiab rau hauv ib co hnab tawv qub ; vim cov cawv yuav ua cov hnab tawv qub tawg, ces cawv yuav txeej tas, hos cov hnab tawv los kuj yuav puas tas. Vim li ntawd luag thiaj muab cawv tshiab ntim rau hauv cov hnab tawv tshiab.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 15th January 2018, 12:05 pm

    TIM 16 LUB 1 HLIS 2018

    Hnub Peb Lis Piam Ob Nruab Xyoo B Nruab Lis Piam Xyoo II

    Zaj Nyeem Ib: 1 XM 16: 1-13


    1 HUAB TAIS hais rau Xas Muas tias : "Koj tseem yuav quaj txog Xas Ws hov ntev ntxiv ? Kuv twb tso nws pov tseg lawm; kuv tsis xav yuav nws ua vaj kav His Xas Lais ntxiv. Koj ntim roj puv koj lub raj kub twg, koj mus. Kuv xa koj mus tom Yes Xes tsev nyob Npes Les Hes, vim nyob hauv nws cov tub kuv tau xaiv ib tug los ua vaj." 2 Xas Muas hais tias : "Kuv yuav ua zoo li cas mus ? Yog Xas Ws hnov, mas nws yuav muab kuv tua." HUAB TAIS teb tias : "Koj yuav cab ib tug thav nyuj nrog koj, koj hais tias: ‘kuv tuaj txi tus nyuj no rau HUAB TAIS.’ 3 Koj yuav caw Yes Xes tuaj txi Ntuj thiab, ces kuv yuav qhia koj tias koj yuav ua zoo li cas. Koj yuav sawv kuv chaw pleev roj rau tus kuv yuav taw rau koj." 4 Xas Muas ua raws li HUAB TAIS qhia. Thaum nws tuaj txog Npes Les Hes, cov txwj laus nyob hauv tsheej sawv daws ntshai tshee na, lawv tuaj ntsib Xas Muas, lawv nug nws tias : "Yaj Saub, koj tuaj li no, puas yog koj tuaj zoo, coj kev thaj yeeb tuaj?" 5 Xas Muas teb tias : "Kuv coj kev thaj yeeb tuaj, kuv tuaj cev ib thaj txi ntuj rau HUAB TAIS xwb. Nej yuav tsum mus ntxuav nej kom dawb huv ces nej tuaj nrog kuv koom kuv pluas mov txi ntuj thiab.” Ces Xas Muas kom Yes Xes thiab nws cov tub mus ntxuav lawv kom dawb huv, thiab nws caw lawv sawv daws huv si tuaj koom lub thaj txi ntuj. 6 Thaum Yes Xes thiab nws cov tub huv tuaj, Xas Muas pom Es Lias Npaws, nws xav tias : "Tus no yog HUAB TAIS tus pleev ntag, nws tuaj nyob ntawm Huab tais xub ntiag lawm." 7 Tab sis HUAB TAIS hais rau Xas Muas tias : "Koj txhob saib nws tus yam ntxwv sab nraud los nws lub cev ntaj ntsug siab ntshuas xwb, vim kuv tsis xaiv nws. Huab Tais tsis pom raws li neeg pom. Neeg saib tus yam ntxwv sab nraud, hos HUAB TAIS saib hauv lub siab lub plawv." 8 Ces Yes Xes hu As Npis Nas Das los nyob ntawm Xas Muas xub ntiag. Tab sis Xas Muas hais tias : "Tsis yog tus uas HUAB TAIS xaiv ." 9 Yes Xes coj Sas Mas los, Xas Muas hais tias : "Tsis yog tus HUAB TAIS xaiv thiab." 10 Yes Xes coj nws xya leej tub ib tug zuj zus los nyob ntawm Xas Muas xub ntiag, tab sis Xas Muas hais tias : "HUAB TAIS tsis xaiv cov no ib tug li." 11 Ces Xas Muas nug Yes Xes tias: "Koj cov tub puas tas li no xwb ?" Yes Xes teb tias : "Tshuav tus tub ntxawg thiab, nws mus zov cov tsiaj noj zaub lawm." Xas Muas hais rau Yes Xes tias : "Koj tso neeg mus hu nws los. Peb yuav tsis noj tsum mov txi ntuj no mus txog thaum nws los txog tso." 12 Ces Yes Xes thiaj tso neeg mus hu tus hluas los. Tus tub ntawd cov plaub hau daj liab, nws lub ntsej muag zoo nraug. Nws sawm txhiaj kawg ! HUAB TAIS hais rau Xas Muas tias : "Koj pleev roj rau nws, yog tus no ." 13 Ces Xas Muas nthos nkaus tus kub ntim roj, nws pleev tus tub ntxawg nyob hauv nruab nrab nws cov tij laug. Txij hnub ntawd los HUAB TAIS Leej Tswv Yim maj nrawm nroos los nyob hauv Das Vis. Ces Xas Muas mam sawv kev rov mus rau Las Mas lawm.

    NPN 89: 20, 21-22, 27-28

    Txais: (21a) Kuv nrhiav tau Das Vis, kuv tus tub txib lawm.

    Yav thaud, koj yees tawm tua rau neeg pom,
    koj hais rau cov neeg ntseeg koj li no :
    "Kuv tau muab lub mom kub rau ib tug neeg tshaj lij ntoo,
    kuv tau tsa ib tug hluas kav kuv haiv neeg.”

    Txais: (21a) Kuv nrhiav tau Das Vis, kuv tus tub txib lawm.

    Kuv nrhiav tau Das Vis kuv tus tub txib lawm,
    kuv muab kuv cov roj ntshiab los pleev nws.
    Kuv txhais tes yuav nyob ze nws mus li,
    kuv sab npab yuav ua kom nws lub zog nchav.

    Txais: (21a) Kuv nrhiav tau Das Vis, kuv tus tub txib lawm.

    Nws yuav hu kuv tias : "Koj yog kuv txiv,
    kuv tus Tswv Ntuj, kuv lub Tsua, tus cawm kuv."
    Hos kuv yuav tsa nws ua tus tub hlob,
    ua tus vaj loj tshaj tsoom vaj hauv ntiaj teb.

    Txais: (21a) Kuv nrhiav tau Das Vis, kuv tus tub txib lawm.

    As Les Lus Yas: EFX 1: 17-18

    Txais: As les lus yas, as les lus yas.

    Thov kom peb tus Huab Tais Yes Xus Pleev leej Txiv
    qhib peb lub qhov muag hauv peb lub siab kom pom kev,
    kom peb thiaj paub txog tias peb txoj kev tso siab yog dab tsi
    thaum Tswv Ntuj hu peb.

    Txais: As les lus yas, as les lus yas.

    Ntawv Moo Zoo: MK 2: 23-28

    23 Muaj ib zaug, yog hnub Xas Npas Tos, Yes Xus hla ib thaj nplej, cov thwj tim taug kev, lawv pib de tej hnab nplej. 24 Cov Fas Lis Xais hais rau Yes Xus tias : "Saib ! Vim li cas lawv ua tej yam txwv tsis pub ua hnub Xas Npas Tos ?" 25 Yes Xus hais rau lawv tias : "Nej tsis tau nyeem txog qhov tias muaj ib zaug Das Vis tau ua li cas thaum nws tsis muaj dab tsi noj, ces nws thiab nws cov kwv luag tshaib plab lod ? 26 Nws mus hauv Tswv Ntuj lub tsev thaum lub caij As Npias Thas ua tuam leej choj, nws noj cov ncuav mov txi Ntuj uas kawg yog cov leej choj thiaj muaj cai noj tau xwb, nws tseem muab rau nws cov kwv luag noj thiab. ". 27 Ces Yes Xus hais rau lawv tias : "Ntuj tsim hnub Xas Npas Tos rau neeg, tsis yog tsim neeg rau hnub Xas Npas Tos, 28 Vim li ntawd Neeg Leej Tub kuj yog tus tswv kav hnub Xas Npas Tos thiab."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 16th January 2018, 8:32 am

    TIM 17 LUB 1 HLIS 2018

    Hnub Plaub Lis Piam Ob Nruab Xyoo B Nruab Lis Piam Xyoo II

    Hwm LN Anthony

    Zaj Nyeeem Ib: 1 XM 17: 32-33, 37, 40-51


    32 Das Vis hais rau (tus vaj) Xas Ws tias : "Yawg hlob, peb tsis txhob muaj leej twg ntaus siab me vim tus Fis Lis Tis ntawd li. Cia koj tus tub txib mus ntaus tus Fis Lis Tis ntawd." 33 Xas Ws teb Das Vis tias : "Koj mus ntaus tsis tau tus Fis Lis Tis ntawd, koj yog ib tug me nyuam tub xwb, hos tus neeg ntawd yeej ua tub rog txij nws yav hluas los lawm."
    37 Das Vis hais ntxiv tias : "HUAB TAIS twb tau npo kuv ntawm tsov thiab dais cov rau tes rau taw lawm, nws yeej yuav npo kuv ntawm tus Fis Lis Tis ntawd txhais tes thiab." Xas Ws teb tias: “Yog li koj cia li mus, HUAB TAIS yeej yuav nrog nraim koj xwb.”
    40 Das Vis nthos nkaus nws rab pas. Nws xaiv tsib lub qe zeb du du nram hav dej los ntim rau hauv lub hnab uas nws ris zov yaj, nws nqa nws txoj hlua hneev roj hmab ntawm tes, nws mus ntsib tus Fis Lis Tis. 41 Tus Fis Lis Tis txav los ze Das Vis zuj zus, muaj ib tug nqa lub vab hlau thaiv nws ua nws ntej. 42 Tus Fis Lis Tis tig los ntsia pom Das Vis, nws pom tias yog ib tug me nyuam hluas xwb, muaj plaub hau daj liab ploog, zoo nraug ntxiag, nws txawm ntxub Das Vis. 43 Nws hais rau Das Vis tias : "Kuv puas yog ib tug dev xwb, ua cas koj nqa ib rab qws tuaj tiv kuv ?" Ces tus Fis Lis Tis tuav txog nws cov dab lub npe los tsawm Das Vis. 44 Nws twv rau Das Vis tias : "Kav tsij txav kiag los kom ze! Kuv yuav muab koj tej nqaij rau cov noog saum ntuj thiab cov tsiaj nruab nrag dua." 45 Das Vis teb rau tus Fis Lis Tis tias : "Koj tuav ntaj tuav hmuv tuav riam tuaj tiv kuv, hos kuv tuav txog HUAB TAIS Xas Npas Os lub npe tuaj tiv koj; HUAB TAIS yog tsoom tub rog His Xas Lais tus Tswv Ntuj uas koj thuam. 46 Hnub no kiag HUAB TAIS yuav muab koj rau hauv kuv txhais xib tes; kuv yuav muab koj tua, kuv yuav txiav koj taub hau. Hnub no kuv yuav muab koj lub cev thiab tsoom tub rog Fis Lis Tis lub cev rau cov noog saum ntuj thiab cov tsiaj nruab nrag dua. Ces tas lub qab ntuj neeg yuav paub tias muaj ib tug Tswv Ntuj nyob hauv haiv His Xas Lais. 47 Tas ib zeej tsoom nyob ntawm no yuav pom tias tsis tas HUAB TAIS yuav siv ntaj siv hmuv los pub txoj kev yeej, vim HUAB TAIS yog tus tswv coj tsam rog no; nws yuav muab nej rau hauv peb xib teg." 48 Tus Fis Lis Tis pib txav los rau Das Vis sab, ces Das Vis thiaj khiav kiag tawm mus ntsib tus Fis Lis Tis rau ntawm qhov chaw sib ntaus. 49 Nws cev tes loo hauv nws lub hnab, thau kiag tau ib lub qe zeb los, nws xuas hlua txawb qe zeb mus ntawb nkaus tus Fis Lis Tis hauv pliaj. Lub pob zeb nkag rau hauv nws hauv pliaj kiag lawm, ces nws cia li vau hlo khwb rwg ntxis rau hauv av. 50 Li no Das Vis xuas hlua thiab pob zeb xwb, nws ntaus yeej tus Fis Lis Tis, nws tua tus Fis Lis Tis tuag, nws tsis tau tuav ntaj ntawm tes li. 51 Ces Das Vis khiav loo mus sawv saib; nws rho loo tus Fis Lis Tis rab ntaj hauv hnab rov los loos ntxiv rau thiab txiav kiag nws taub hau tawm.

    NPN 144: 1B, 2, 9-10

    Txais: (1) Thov kom HUAB TAIS nto koob meej, nws yog kuv lub tsua!

    Thov kom HUAB TAIS nto koob meej, nws yog kuv lub tsua,
    nws qhia kuv ob txhais tes txawj ntaus rog, kuv ntiv tes txawj ntaus tsam.

    Txais: (1) Thov kom HUAB TAIS nto koob meej, nws yog kuv lub tsua!

    Nws yog kuv qhov chaw nkaum, yog kuv lub yeej ntsa zeb,
    Yog kuv lub loog ruaj nreb, yog tus cawm kuv dim,
    Yog kuv daim leem phiaj, kuv tso siab rau nws ;
    nws qhau kuv cov neeg kom los zwm rau kuv.

    Txais: (1) Thov kom HUAB TAIS nto koob meej, nws yog kuv lub tsua!

    Tswv Ntuj, kuv yuav hu ib zag nkauj tshiab rau koj,
    Kuv yuav ntaus lub thaj cheej kaum txoj hlua cav txog koj.
    Koj yog tus pub kev yeej rau cov vaj,
    Yog tus cawm koj tus tub txib Das Vis ntawm rab ntaj tua neeg.

    Txais: (1) Thov kom HUAB TAIS nto koob meej, nws yog kuv lub tsua!

    As Les Lus Yas: MT 4: 23

    Txais: As les lus yas, as les lus yas.

    Yes Xus tshaj lub moo zoo txog Ntuj Ceeb Tsheej
    thiab kho txhua yam mob nyob hauv cov neeg.

    Txais: As les lus yas, as les lus yas.

    Ntawv Moo Zoo: MK 3: 1-6

    1 Yes Xus rov mus hauv ib lub tsev txoos dua. Nyob ntawd, muaj ib tug neeg uas ib sab tes qhuav. 2 Ces lawv nyas ntshis ntsia saib Yes Xus puas yuav kho tus neeg qhuav tes ntawd hnub Xas Npas Tos, kom lawv tau kev liam rau Yes Xus. 3 Yes Xus hais rau tus neeg qhuav tes tias : "Koj los sawv hauv nruab nrab ntawm no." 4 Thiab Yes Xus hais rau cov Fas Lis Xais tias : "Hnub Xas Npas Tos, txoj cai puas kheev kom ua qhov zoo los yuav cia ua qhov phem, puas kheev cawm ib txog sia los yuav cia txo ib txog sia ?" Sawv daws nyob ntsiag to. 5 Yes Xus ntsia lawv ib muag npau taws vog, nws tu siab vim lawv lub siab txhav, ces nws hais rau tus neeg qhuav tes tias : "Koj xyab tes." Ces nws xyab loo tes, nws txhais tes rov zoo hlo lawm. 6 Thaum cov Fas Lis Xais tawm mus, lawv nrog cov hes los dias sab laj saib yuav ua li cas thiaj tau kev muab Yes Xus tua.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 17th January 2018, 9:53 am

    TIM 18 LUB 1 HLIS 2018

    Hnub Tsib Lis Piam Ob Nruab Xyoo B Nruab Lis Piam Xyoo II

    Zaj Nyeem Ib: 1 XM 18: 6-9; 19:1-7


    18 6 Thaum Das Vis mus tua tus Fis Lis Tis rov qab los, mas cov poj niam tuaj txhua lub nroog His Xas Lais tuaj cuag tus vaj Xas Ws. Lawv dhia daj dhia luag hu nkauj, ntaus nruas, ntaus thaj cheej thiab nqua suab lom zem. 7 Cov poj niam ntaus paj nruag hu nkauj tias : "Xas Ws tau tua ntau txhiab leej hos Das Vis tua ntau vam leej." 8 Xas Ws npau taws heev kawg rau tej nkauj ntawd, vim nws xav hais tias : "Lawv muab ntau vam leej neeg rau Das Vis, muab txhiab leej neeg rau kuv xwb. Tsuas tshuav tib qho tias nws tsis tau ua vaj xwb !" 9 Ces txij hnub ntawd los, Xas Ws pib khib Das Vis.
    19 1 Xas Ws hais rau nws tus tub Yos Nas Thas thiab rau cov thawj tub rog tias nws xav muab Das Vis tua pov tseg. Tab sis Xas Ws tus tub Yos Nas Thas nyiam Das Vis. 2 Nws qhia Das Vis tias : "Kuv txiv Xas Ws nrhiav kev tua koj, koj yuav ceev faj zoo tag kis sawv ntxov; koj tsis txhob tawm li, koj khiav mus tsiv nraim. 3 Kuv yuav nrog kuv txiv tawm rooj mus nraum thaj tsam uas koj nyob. Kuv yuav tham txog koj rau nws, ces saib yuav muaj dab tsi kuv mam hais qhia koj paub." 4 Yos Nas Thas hais lus zoo txog Das Vis rau nws txiv Xas Ws. Nws hais tias : "Tus vaj yuav tsis txhob ua phem rau nws tus tub txib Das Vis, vim Das Vis tsis tau ua phem dab tsi rau koj, qhov nws tau ua yog ua tej yam pab koj ntau kawg xwb. 5 Nws tau muab nws txoj sia mus tiv thiab tua tus Fis Lis Tis, ces HUAB TAIS pub kom His Xas Lais yeej loj kawg. Koj pom li ntawd koj twb zoo siab kawg. Vim li cas koj thiaj xav ua txhaum, thiaj yuav ua kom ib tug neeg tsis muaj txhaum tej ntshav ntws, yog koj lam muab Das Vis tua tsis muaj ib lub txim ?" 6 Xas Ws mloog Yos Nas Thas, nws cog lus tias : "Yog HUAB TAIS muaj txoj sia tiag, mas Das Vis yuav tsis tuag." 7 Ces Yos Nas Thas hu Das Vis tuaj, nws hais tej ntawd qhia Das Vis tib si. Ces Yos Nas Thas coj Das Vis mus cuag Xas Ws. Das Vis rov ua nws txoj hauj lwm rau tus vaj li qub.

    NPN 56: 2-3, 9-10A, 10B-12, 13-14

    Txais: (5b) Kuv tso siab rau Tswv Ntuj, kuv yuav tsis ntshai.

    Tswv Ntuj, thov koj hlub kuv, vim neeg ua phem rau kuv :
    lawv tuaj ntaus kuv, tsij kuv tas hnub.
    Kuv cov yeeb ncuab ua phem rau kuv tas hnub,
    Muaj neeg coob tuaj ntaus kuv.

    Txais: (5b) Kuv tso siab rau Tswv Ntuj, kuv yuav tsis ntshai.

    Koj suav kuv tej ruam kev uas mus tsi ncaj ke ;
    koj cug kuv cov kua muag rau hauv koj lub taub.
    Kuv cov yeeb ncuab yuav thim rov qab
    hnub uas kuv tsa suab hu txog koj.

    Txais: (5b) Kuv tso siab rau Tswv Ntuj, kuv yuav tsis ntshai.

    kuv paub tias Tswv Ntuj tuaj kuv tog.
    Kuv tau koob meej yog nyob hauv Tswv Ntuj lo lus nws tau cog;
    Kuv tso siab rau Tswv Ntuj, kuv tsis ntshai;
    Leej twg yuav ua tau dab tsi rau kuv?

    Txais: (5b) Kuv tso siab rau Tswv Ntuj, kuv yuav tsis ntshai.

    Tswv Ntuj, kuv nco ntsoov cov yeem kuv tau fiv rau koj,
    Kuv yuav ua cov thaj cav lus zoo pauj rau koj.
    Vim koj tau cawm kuv dim ntawm lub qhov tuag,
    tau hwj kuv ko taw kom txhob ntog,
    kom kuv tau taug kev ntawm koj xub ntiag
    nyob hauv tsoom neeg ciaj txoj kev kaj.

    Txais: (5b) Kuv tso siab rau Tswv Ntuj, kuv yuav tsis ntshai.

    As Les Lus Yas: 2 TM 1: 10

    Txais: As les lus yas, as les lus yas.

    Peb tus Cawm Seej Yes Xus Pleev twb rhuav txoj kev tuag lawm,
    thiab nws ua kom txoj sia ci tawm tuaj nyob hauv lub Moo Zoo.

    Txais: As les lus yas, as les lus yas.

    Ntawv Moo Zoo: MK 3: 7-12

    7 Yes Xus nrog nws cov thwj tim txav mus rau nram ntug dej ntuj. Muaj tej pab neeg coob kawg nyob xeev Nkas Lis Lais tuaj raws nws, kuj muaj tej pab neeg coob nyob Yus Das teb tuaj , 8 nyob Yes Lus Xas Les, thiab nyob Is Dus Mias, thiab nyob sab dej Yos Las Das tim ub, nyob ib ncig Tws Los thiab Xis Doos tuaj cuag Yes Xus, vim lawv tau hnov txog tas ib puas tsav yam nws ua. 9 Yes Xus hais kom cov thwj tim muab ib lub nkoj dab rau nws, vim muaj neeg coob coob, kom lawv txhob txiv nws. 10 Yog vim nws kho ntau leej zoo, ces tas cov neeg uas muaj txiab muaj nkeeg sawv daws phoom kom tau kov Yes Xus. 11 Thaum twg cov dab tsis huv pom Yes Xus, lawv khoov ti av nyob ntawm nws xub ntiag, lawv qw tias : "Koj yog Tswv Ntuj Leej Tub !" 12 Yes Xus txwv lawv nruj tsis pub lawv ua kom neeg paub txog nws.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 18th January 2018, 7:59 am

    TIM 19 LUB 1 HLIS 2018

    Hnub Rau Lis Piam Ob Nruab Xyoo B Nruab Lis Piam Xyoo II

    Zaj Nyeem Ib: 1 XM 24: 3-21


    3 Xas Ws sau peb txhiab leej neeg nyob hauv tsoom His Xas Lais, nws coj lawv mus nrhiav Das Vis thiab Das Vis pab neeg ntawm cov pob tsuas uas muaj tshis qus nyob. 4 Thaum nws tuaj txog ntawm ib co nkuaj yaj uas nyob ntawm txoj kev, muaj ib lub qhov tsua nyob ntawd, nws txawm mus tso zis nyob hauv. Das Vis thiab nws pab tub rog twb nkaum hauv lub qhov tsua ntawd lawm thiab. 5 Cov tub rog hais rau Das Vis tias : "Txog hnub HUAB TAIS qhia koj tias : 'Kuv tso koj tus yeeb ncuab rau hauv koj xib tes. Koj ua rau nws ywj koj siab mas." Das Vis sawv, nws nyiag mus txiav Xas Ws ib sab tw tsho tshaj sab. 6 Nws ua li ntawd tas, nws lub plawv dhia pig poog, nws rov khuv xim tias cas nws tau txiav Xas Ws ib sab tw tsho lawm. 7 Nws hais rau nws pab tub rog tias : "Thov kom HUAB TAIS txhob cia kuv ua phem rau kuv tus tswv, txhob cia kuv tsa kuv txhais tes rau saum nws, uas yog HUAB TAIS tus pleev." 8 Ces Das Vis ua tawv tawv txwv nws pab tub rog tsis pub kom lawv dhia mus tua Xas Ws. Xas Ws tawm hauv qhov tsua los, nws mus taug nws txoj kev ntxiv. 9 Das Vis thiaj sawv, nws kuj tawm hauv qhov tsua mus, nws hu Xas Ws nrov nrov tias : "Kuv tus tswv huab tais !" Xas Ws tig ntsia rov tom qab. Das Vis khoov ti av thiab pe Xas Ws. 10 Das Vis hais rau Xas Ws tias : "Ua cas koj ntseeg cov neeg uas lawv hais rau koj tias Das Vis nrhiav ua phem rau koj ? 11 Hnub no, koj qhov muag pom lawm tias HUAB TAIS tau muab koj rau hauv kuv xib tes nyob hauv lub qhov tsua, tiam sis kuv tsis kam muab koj tua, kuv cia koj ciaj, kuv tau hais tias kuv txhais tes yuav tsis tua kuv tus huab tais, vim nws yog HUAB TAIS tus pleev. 12 Txiv, koj ntsia koj lub tsho ib daig tw nyob hauv kuv txhais tes no. Kuv tau txiav koj lub tsho ib daig tw, tab sis kuv tsis tau muab koj tua. Yog li koj yuav tsum lees tias kuv tsis muaj lub siab phem xav tua neeg. Kuv tsis tau ua txhaum koj dab tsi, hos koj nrhiav kev ntes kuv thiab txo kuv txoj sia. 13 Kuv thov kom HUAB TAIS txiav saib puas yog kuv los yog koj ua txhaum, kom HUAB TAIS yog tus ua pauj pub rau kuv, tab sis kuv txhais tes yuav tsis kov koj li. 14 Xws li tej laus ib txwm hais tseg: Txoj kev phem txhawv ntawm cov neeg phem los, ua li mas kuv yuav tsis tsa tes ntaus koj. 15 His Xas Lais tus vaj, koj sawv tsam rog tua leej twg ? Koj caum leej twg tiag? Koj caum ib nyuag dev tuag los ib nyuag dev mub xwb sad. 16 Cia HUAB TAIS ua tus txiav txim, nws mam li txiav txim rau wb; kuv thov kom nws ntsuas kuv cai, muab kev ncaj ncees rau kuv thiab npo kuv ntawm koj txhais tes." 17 Thaum Das Vis hais li ntawd tas rau Xas Ws, Xas Ws hais tias : "Kuv me tub Das Vis, puas yog koj lub suab tiag ?" Ces Xas Ws tsa suab quaj nrov nrov. 18 Nws hais rau Das Vis tias : "Koj siab ncaj dua kuv, vim koj ua zoo rau kuv, hos kuv tau ua phem rau koj xwb. 19 Hnub no koj tseem tau ua zoo tshaj rau kuv, vim HUAB TAIS twb muab kuv rau hauv koj xib tes, tab sis koj tsis muab kuv tua. 20 Thaum ib tug neeg ntsib nws tus yeeb ncuab, nws puas yuav cia nws tus yeeb ncuab mus taug nws txoj kev ntxiv ? Kuv thov kom HUAB TAIS pub paj tshab rau koj pauj qhov zoo uas hnub no koj tau ua rau kuv. 21 Nyem no kuv paub tseeb lawm tias koj yuav ua vaj tiag, thiab txoj kev ua vaj tswj His Xas Lais yuav nyob ruaj nreb hauv koj txhais tes."

    NPN 57: 2, 3-4, 6 + 11

    Txais: (2a) Thov koj hlub kuv, Tswv Ntuj, thov koj hlub kuv mas.

    Thov koj hlub kuv, Tswv Ntuj, thov koj hlub kuv mas,
    vim kuv tuaj nkaum nyob hauv koj ;
    kuv khiav los nkaum hauv koj qab tis qhov ntxoov,
    kuv yuav nkaum hauv txog thaum xwv txheej dhau mus.

    Txais: (2a) Thov koj hlub kuv, Tswv Ntuj, thov koj hlub kuv mas.

    Kuv hu txog tus Tswv Ntuj uas Nyob Siab,
    tus Tswv Ntuj uas yuav pab kuv txhua yam.
    Thov kom nws xa kev pab saum ntuj tuaj cawm kuv,
    Kom nws rau txim rau cov uas tsuj kuv.
    Thov kom Tswv Ntuj xa nws kev hlub thiab kev pheej xeeb tuaj.

    Txais: (2a) Thov koj hlub kuv, Tswv Ntuj, thov koj hlub kuv mas.

    Tswv Ntuj, thov kom koj sawv siab nyob saum lub ntuj,
    kom koj lub hwj chim sawv roos tas lub ntiaj teb.
    Vim koj txoj kev hlub loj siab txij ntuj,
    koj txoj kev ua siab ncaj loj siab txij txheej huab saud.

    Txais: (2a) Thov koj hlub kuv, Tswv Ntuj, thov koj hlub kuv mas.

    As Les Lus Yas: 2 KLN 5: 19

    Txais: As les lus yas, as les lus yas.

    Tswv Ntuj nrog lub ntiaj teb rov sib haum nyob hauv leej Pleev,
    nws muab tsab xov nrhiav kev siv haum tso rau peb.

    Txais: As les lus yas, as les lus yas.

    Ntawv Moo Zoo: MK 3: 13-19

    13 Yes Xus nce mus saum lub roob, nws hu cov uas nws xav kom los ntawm nws, ces lawv los nyob ze nws. 14 Nws tsa kaum ob leeg uas ua nws tis npe rau hu ua cov Hauv Paus Xa Lus, kom lawv nrog nraim nws thiab kom nws tau xa lawv mus tshaj lus, 15 thiab kom lawv tau hwj huam ntiab dab phem tawm. 16 Nws thiaj tsa Pab Kaum Ob : muaj Xis Moos uas Yes Xus tis nws npe hu ua Pob Zeb, 17 Yas Kos, Ntxes Npes Dais tus tub, Zam, Yas Kos tus kwv, Yes Xus tis nkawd npe hu ua Npuas Nes Nkes, txhais tias Yawm Xob cov tub, 18 muaj As Nres, Fis Lis Pos, Npas Tos Los Mas Yos, Mas Tais, Tos Mas, Yas Kos uas yog As Fas Yos tub, Thas Daws, Xis Moos tus Xi Los Tes, 19 thiab Yus Das Kas Lis Yaus, tus muab Yes Xus muag.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 19th January 2018, 7:48 am

    TIM 20 LUB 1 HLIS 2018

    Hnub Xya Lis Piam Ob Nruab Xyoo B Nruab Lis Piam Xyoo II

    Hwm LN Fabian; LN Sebastian

    Zaj Nyeem IB: 2 XM 1: 1-4, 11-12, 19, 23-27


    1 Thaum ntawd tshwm sim tuaj zoo li no: lub caij Xas Ws tuag, Das Vis mus tua yeej cov As Mas Les rov los, nws los nyob Xis Las ob hnub. 2 Hnub peb, ib tug neeg khiav ntawm Xas Ws lub yeej los. Nws cov khaub ncaws ntuag tas, nws taub hau paug hmoov av tas. Thaum nws los txog ntawm Das Vis, nws txhos caug ntua hauv av pe Das Vis. 3 Das Vis hais rau nws tias : "Koj tuaj qhov twg tuaj?" Nws teb tias : "Kuv khiav dim ntawm lub yeej His Xas Lais los." 4 Das Vis nug tias : "Ua cas lawm ? Koj qhia rau kuv saib!" Tus khiav los teb tias : "Tsoom neeg khiav tas tso tsam rog tseg. Muaj coob leej kawg tau ntog thiab tuag lawm. Xas Ws thiab nws tus tub Yos Nas Thas kuj tuag huv tib si lawm."
    11 Ces Das Vis dua rhe nws lub tsho. Cov neeg nrog nws lawv kuj dua lawv tej tsho. 12 Sawv daws nyiav, sawv daws quaj thiab yoo mov mus txog tsaus ntuj. Lawv quaj Xas Ws thiab nws tus tub Yos Nas Thas. Lawv quaj txog HUAB TAIS haiv neeg thiab txog cov His Xas Lais uas tau raug hniav ntaj tua:
    19 "His Xas Lais lub hwj chim,
    cas yuav raug tua saum koj cov roob ?
    Cov tub rog muaj peev xwm, cas thiaj vau tas lawm?
    23 Xas Ws thiab Yos Nas Thas, ob tug peb hlub peb tshua,
    nkawd ua neej tsis muaj sib cais, nkawd tuag los tuag ua ke nraim.
    Nkawd nrawm dua dav ya, muaj zog dua tsov.
    24 Cov poj niam His Xas Lais, nej yuav tsum quaj Xas Ws,
    nws yog tus muab ntaub tsuj ntaub npuag rau nej hnav,
    tus dai lias nyiaj lias kub rau nej tej tsoos tsho.
    25 Ua cas cov tub rog thiaj tuag thaum tsam rog tab tom kub tshaj?
    Yos Nas Thas ntog nyob saum koj cov nco roob!
    26 Kuv mob siab vim koj, kuv tus kwv Yos Nas Thas !
    Koj yog tus zoo tshaj plaws rau kuv; koj txoj kev hlub txaus qhuas kawg li,
    tseem zoo tshaj ib tug poj niam kev hlub.
    27 Vim li cas cov tub rog muaj peev xwm thiaj ntog tas ,
    cov ntaj cov hmuv ua rog thiaj puas tas?"

    NPN 80: 2-3, 5-7


    Txais: (4b) Huab Tais, cia peb pom koj lub ntsej muag,
    ces peb yuav tau txais kev cawm.

    Tus tswv zov yaj saib His Xas Lais, thov koj mloog,
    Koj yog tus coj Yos Xes xws li coj ib pab yaj,
    Koj yog tus zaum saum cov Tshiab Kes Lus Npis, cia li ci ntsa iab
    tuaj rau Es Fais, Npes Yas Mis thiab Mas Nas Xes hauv ntej.
    Tsa koj lub peev xwm kom tsim dheev, koj cia li tuaj cawm peb.

    Txais: (4b) Huab Tais, cia peb pom koj lub ntsej muag,
    ces peb yuav tau txais kev cawm.


    HUAB TAIS kav tsoom tshiab, koj yuav npau taws
    hov ntev rau koj haiv neeg uas thov koj?
    Koj tau muab mov rau lawv noj ntxuag kua muag,
    Thiab koj muab kua muag puv ntim rau lawv haus.
    Koj cia cov nyob ze peb sib ceg txog peb,
    Thiab cia peb cov yeeb ncuab tau kev luag peb.

    Txais: (4b) Huab Tais, cia peb pom koj lub ntsej muag,
    ces peb yuav tau txais kev cawm.

    As Les Lus Yas: HAUJ LWM 16: 14B

    Txais: As les lus yas, as les lus yas.

    Huab Tais, thov koj qhib peb lub siab
    kom peb mloog koj leej Tub cov lus.

    Txais: As les lus yas, as les lus yas.

    Ntawv Moo Zoo: MK 3: 20-21


    20 Yes Xus los hauv tsev, ces rov muaj neeg coob coob tuaj sib sau,
    ua rau lawv tsis xyeej noj mov li.
    21 Yes Xus tsev neeg hnov li ntawd, lawv tawm tuaj ntes nws,
    vim lawv hais tias : "Nws tsis meej pem lawm."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 21st January 2018, 8:47 pm

    TIM       22      LUB      1      HLIS       2018

    Hnub Ob Lis Piam Peb Nruab Xyoo B Nruab Lis Piam Xyoo II

    Hnub Thov Ntuj rau cov Nom Tswv kom lawv ua txoj Cai Tsis Pub Rho Me Nyuam

    Zaj Nyeem Ib:       2 XM  5:   1-7, 10


    1 Cov xeem His Xas Lais huv tib si tuaj cuag Das Vis nyob Hes Nploos. Lawv hais rau nws tias : "Peb tuaj ntawm no, vim peb yog koj txha peb yog koj nqaij. 2 Yav thaud, Xas Ws ua peb tus vaj, tiam sis koj yog tus coj cov His Xas Lais mus tawm rooj thiab  coj lawv rov los. HUAB TAIS tau hais rau koj tias : ‘Koj yuav coj kuv tsoom pej xeem His Xas Lais mus nog zaub. Koj yuav ua His Xas Lais tus tswj.’” 3 Thaum tsoom txwj laus His Xas Lais tuaj cuag Das Vis nyob Hes Nploos, tus vaj Das Vis nrog lawv cog lus nyob nyob ntawm Tswv Ntuj xub ntiag. Lawv pleev roj tsa Das Vis ua vaj kav His Xas Lais. 4 Thaum Das Vis nce ua vaj, nws lub hnub nyoog muaj peb caug xyoo. Nws tswj lub teb chaws plaub caug xyoo. 5 Nws ua vaj nyob Hes Nploos kav cov Yus Das xya xyoo thiab rau hli. Nws ua vaj nyob Yes Lus Xas Les kav cov His Xas Lais thiab cov Yus Das huv tib si yog peb caug peb xyoos.
    6 Das Vis nrog nws pab tub rog sawv kev mus pem Yes Lus Xas Les, lawv mus ntaus cov Yes Npws Xis uas ib txwm nyob txawm teb chaws ntawd. Cov Yes Npws Xis hais rau Das Vis tias : "Koj txhob tuaj ntawm no ! Cov dig muag thiab cov ceg tawv yeej yuav ntiab kom koj tawm." Lawv hais li ntawd yog txhais tias: “Das Vis tuaj nkag tsis tau rau hauv peb no.” 7 Tab sis Das Vis mus txeeb tau lub yeej Xis Yoos, uas yog Das Vis lub tsheej.
    10 Das Vis muaj hwj chim loj zuj zus, vim tus Huab Tais kav tsoom tshiab nyob nrog nraim nws.

    NPN       89:   20, 21-22, 25-26

    Txais:   (25a) Kuv txoj kev ua ncaj thiab kev khuv leej yuav nyob nrog nws nraim.

    Yav thaud, koj yees tawm tua rau neeg pom,
    koj hais rau cov neeg ntseeg koj li no :
    "Kuv tau muab lub mom kub rau ib tug neeg tshaj lij ntoo,
    kuv tau tsa ib tug hluas kav kuv haiv neeg.”

    Txais:   (25a) Kuv txoj kev ua ncaj thiab kev khuv leej yuav nyob nrog nws nraim.

    Kuv nrhiav tau Das Vis kuv tus tub txib lawm,
    kuv muab kuv cov roj ntshiab los pleev nws.
    Kuv txhais tes yuav nyob ze nws mus li,
    kuv sab npab yuav ua kom nws lub zog nchav.

    Txais:   (25a) Kuv txoj kev ua ncaj thiab kev khuv leej yuav nyob nrog nws nraim.

    Kuv txoj kev ua ncaj thiab kev khuv leej yuav nyob nrog nws,
    kuv lub npe yuav tsa nws hauv pliaj kom siab.
    Kuv yuav tsa nws txhais tes rau saum cov dej ntuj,
    Tsa nws phab tes xis rau saum cov niam dej.

    Txais:   (25a) Kuv txoj kev ua ncaj thiab kev khuv leej yuav nyob nrog nws nraim.

    As Les Lus Yas: 2 TM 1: 10

    Txais: As les lus yas, as les lus yas.

    Peb tus Cawm Seej Yes Xus Pleev twb rhuav txoj kev tuag lawm,
    thiab nws ua kom txoj sia ci tawm tuaj nyob hauv lub Moo Zoo.

    Txais: As les lus yas, as les lus yas.

    Ntawv Moo Zoo:       MK  3:   22-30

    22 Cov thoob xwm tuaj pem Yes Lus Xas Les tuaj hais txog Yes Xus tias : "Nws raug dab Npes Ntxes Npus lawm," thiab lawv tseem hais tias : "Nws hu txog tus tuam dab los ntiab dab tawm." 23 Yes Xus hu lawv los ntawm nws, ces nws ua paj lug hais rau lawv tias : "Xas Tas yuav ua cas rov ntiab tau Xas Tas ? 24 Yog ib lub teb chaws rov ua kom nws sib tawg, mas lub teb chaws ntawd nyob tsis ruaj. 25 Yog ib tse neeg rov ua kom nws sib tawg, mas lub tsev neeg ntawd yuav nyob ruaj tsis tau. 26 Ua li yog Xas Tas rov sawv tiv Xas Tas, mas nws tawg tas, ces nws yuav nyob ruaj tsis tau, nws kawg yuav piam sij tas. 27 Tsis muaj leej twg nkag tau mus hauv tus neeg muaj zog tsev, mus lwg nws lub cuab tam, yog tsis xub muab tus muaj zog khi tso, cess nws mam mus lwg tau tus muaj zog lub tsev. 28 Kuv hais tseeb rau nej, Ntuj yuav zam ib puas tsav yam txhaum rau cov tib neeg, tsis hais tej kev txhaum los tej lus thuam Ntuj lawv tau hais. 29 Tab sis tus twg thuam Leej Ntuj Plig Ntshiab, mas Ntuj yuav tsis zam rau nws ib zaug li : nws tau ua ib qho txhaum nyob mus li." 30 Yes Xus hais li ntawd vim lawv hais tias : "Nws raug ib tug dab tsis huv."



    Last edited by Mim on 7th February 2018, 6:05 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 22nd January 2018, 6:42 am

    TIM 23 LUB 1 HLIS 2018

    Hnub Peb Lis Piam Peb Nruab Xyoo B Nruab Lis Piam Xyoo II

    Hwm LN Vincent nyob Saragozza; LN Marianne Cope

    Zaj Nyeem Ib: 2 XM 6: 12B-15, 17-19


    12 Das Vis mus coj Tswv Ntuj lub Xab Cog Lus hauv Os Npes Es Dos tsev mus rau saum Das Vis lub tsheej, sawv daws zoo siab ua kev lom zem. 13 Thaum cov nqa HUAB TAIS lub Xab mus rau ruam kev lawm, mas Das Vis txi ib tug nyuj thiab ib tug yaj rog. 14 Das Vis dhia lom zem zoo siab hlo nyob ntawm HUAB TAIS xub ntiag, nws npua ib daig ntaub pag. 15 Thaum Das Vis thiab tas tsoom His Xas Lais nquam HUAB TAIS lub Xab Cog Lus los lawm ped, sawv daws qw suab thiab tshuab hom.
    17 Lawv coj HUAB TAIS lub Xab Cog Lus los, lawv muab txawb rau nws qhov chawv nyob hauv lub Tsev Tsam Phooj uas Das Vis tau npaj txais lub Xab Cog Lus. Ces Das Vis hlawv tsiaj txi Ntuj nyob ntawm HUAB TAIS xub ntiag, thiab nws ua tej thaj txi Ntuj uas sawv daws noj cov txim ua ke. 18 Thaum Das Vis hlawv tsiaj thiab ua thaj txi Ntuj tas, nws tuav txog tus HUAB TAIS kav tsoom tshiab lub npe los foom hmoov zoo rau tas tsoom neeg. 19 Ces nws faib txhiam xws rau tas tsoom neeg, txhua tus txiv neej txhua tus poj niam huv tib si hauv tsoom His Xas Lais, ib leeg tau ib lub mov, ib daig nqaij txhiab thiab ib lub ncuav qab zib. Faib tas ces sawv daws nyias rov mus nyias tsev.

    NPN 24: 7, 8, 9, 10

    Txais: [8] Leej twg yog tus vaj muaj koob meej?
    Tus vaj muaj koob meej yog HUAB TAIS!

    Cov rooj vag, nej tsa nej daim txiag
    puab saum qhov rooj kom siab,
    cov qhov rooj laus, nej tshoom kom siab ntxiv,
    kom tus vaj muaj koob meej tau kev nkag los!

    Txais: [8] Leej twg yog tus vaj muaj koob meej?
    Tus vaj muaj koob meej yog HUAB TAIS!

    Leej twg yog tus vaj muaj koob meej?
    Yog HUAB TAIS, nws muaj zog, muaj peev xwm,
    yog HUAB TAIS, nws muaj peev xwm yeej tsam rog.

    Txais: [8] Leej twg yog tus vaj muaj koob meej?
    Tus vaj muaj koob meej yog HUAB TAIS!

    Cov rooj vag, nej tsa nej daim txiag
    puab saum qhov rooj kom siab,
    cov qhov rooj laus, nej tshoom kom siab ntxiv,
    kom tus vaj muaj koob meej tau kev nkag los!

    Txais: [8] Leej twg yog tus vaj muaj koob meej?
    Tus vaj muaj koob meej yog HUAB TAIS!

    Tus vaj muaj koob meej ntawd yog leej twg?
    Tus HUAB TAIS kav tsoom hnub qub,
    nws yog tus vaj muaj koob meej.

    Txais: [8] Leej twg yog tus vaj muaj koob meej?
    Tus vaj muaj koob meej yog HUAB TAIS!

    As Les Lus yas: MT 11: 25

    Txais: As les lus yas, as les lus yas.

    Kuv cav txog koj, Leej Txiv, Huab Tais kav lub ntuj lub teb,
    koj tau qhia tej yam tob txog Ntuj Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: MK 3: 31-35

    31 Yes Xus niam thiab nws cov kwv tij tuaj txog, lawv nyob nraum zoov, lawv kom neeg mus hu Yes Xus. 32 Muaj ib pab neeg zaum ncig Yes Xus, lawv hais rau nws tias : "Koj niam nrog koj cov kwv tij thiab cov muam tuaj nyob nraud, lawv nrhiav koj." 33 Yes Xus teb rau lawv tias : "Leej twg yog kuv niam ? Leej twg yog kuv kwv tij ?" 34 Yes Xus ntsia cov neeg zaum ncig nws, nws hais tias : "Kuv niam thiab kuv cov kwv tij nyob ntawm no. 35 Vim leej twg ua raws li Tswv Ntuj lub siab, tus ntawd yog kuv tus kwv tij, kuv tus muam thiab kuv niam."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 23rd January 2018, 9:12 am

    TIM 24 LUB 1 HLIS 2018

    Hnub Plaub Lis Piam Peb Nruab Xoo B Nruab Lis Piam II

    Hwm LN Francis de Sales, Tswv Qhia ua Kws Txuj Ntshiab

    Zaj Nyeem Ib: 2 XM 7: 4-17


    4 Hmo ntawd, Huab Tais hais lus rau Nas Taas, nws hais tias: 5 "Koj mus hais rau kuv tus tub txib Das Vis tias ‘HUAB TAIS hais li no : Puas yog koj yuav txhim ib lub tsev rau kuv nyob? 6 Txij hnub kuv tau coj tsoom tub ki His Xas Lais tawm Hais Nkws Tos teb los txog tav no, kuv tsis tau nyob hauv ib lub tsev li, kuv tau tshais chaw mus li nyob hauv ib lub Tsev Tsam Phooj nyob hauv ib qho chaw nkaum xwb. 7 Tas lub caij kuv tau nrog tsoom tub ki His Xas Lais tshais chaw mus mus los los, kuv puas tau hais rau ib tug txwj laus uas kuv tau tsa los coj kuv haiv His Xas Lais tias: ‘Ua cas nej tsis txhim ib lub tsev ntoo ciab rau kuv nyob?' 8 Nyem no koj mus hais rau kuv tus tub txib Das Vis tias : HUAB TAIS Xas Npas Os hais li no : ‘Kuv yog tus tau rho koj hauv cov tshav zaub uas koj lawv pab yaj qab los tsa ua tus tswj kuv haiv His Xas Lais. 9 Kuv tau nrog koj nyob nraim txhua qhov txhia chaw koj tau mus txog. Kuv tau rhuav koj cov yeeb ncuab tib si nyob ntawm koj hauv ntej. Kuv yuav pub kom koj lub npe nto moo loj cuag li cov neeg muaj koob muaj npe nyob hauv ntiaj teb. 10 Kuv yuav muab ib qho chaw rau kuv haiv neeg His Xas Lais nyob; kuv yuav muab lawv cog rau ntawd, kom lawv nyob ruaj tsis muaj neeg yuav thab txog lawv ntxiv. Cov neeg phem kuj yuav tsis hiam lawv li yav tas los ntxiv, 11 xws li thaum lub caij kuv tau tsa ib co txwj laus txiav txim los coj kuv haiv His Xas Lais. Kuv yuav cia koj so tsis tau ntaus nej cov yeeb ncuab ntxiv. HUAB TAIS hais rau koj paub tias, nws yuav tsa ib tsev neeg ua koj tsev neeg. 12 Thaum koj sim neej dua tas thiab koj mus nrog koj cov poj yawm txwv koob sib puag pw lawm, kuv yuav cia koj ib tug xeeb ntxwv tawm ntawm koj roj ntsha los hloov koj chaw; Kuv yuav nres nws txoj kev ua vaj kom nyob ruaj nreb. 13 Nws yog tus yuav tsa ib lub tsev rau kuv lub npe, ces kuv yuav ua kom nws lub rooj zaum ua vaj nyob ruaj mus li. 14 Kuv yuav ua nws txiv, nws yuav yog kuv leej tub. Yog nws ua qhov phem, kuv yuav siv pas los rau txim rau nws xws li tib neeg siv, kuv yuav nplawm nws xws li tib neeg nplawm. 15 Tab sis kuv yuav tsis thau kuv lub txiaj ntsim ntawm nws los xws li kuv tau thau ntawm Xas Ws tus xub ua vaj dua koj los, uas kuv tau muab nws tshem ntawm kuv xub ntiag mus. 16 Koj tsev neeg thiab koj txoj kev ua vaj yuav nyob mus li nyob ntawm kuv xub ntiag. Koj lub theej kiab yuav nyob ruaj nreb mus ib txhis.’"
    17 Nas Taas piav cov lus nws tau hnov thiab txhua yam nws tau pom tib si rau Das Vis mloog.

    NPN 89: 4-5, 27-28, 29-30

    Txais: (29a) Kuv yuav hlub kuv tus tub txib mus li.

    Kuv tau nrog tus kuv xaiv cog ib lo lus cia,
    kuv tau cog lus khov rau kuv tus tub txib Das Vis tias :
    Kuv yuav tsa koj caj ces kom nyob ruaj mus li,
    kuv yuav txhim ib lub theej kiab rau koj zaum tiam dhau tiam.

    Txais: (29a) Kuv yuav hlub kuv tus tub txib mus li.

    Nws yuav hu kuv tias : "Koj yog kuv txiv,
    kuv tus Tswv Ntuj, kuv lub Tsua, tus cawm kuv."
    Hos kuv yuav cia nws ua tub hlob,
    ua tus loj tshaj kav tsoom vaj hauv ntiaj teb.

    Txais: (29a) Kuv yuav hlub kuv tus tub txib mus li.

    Kuv yuav hlub nws mus li,
    Kuv lo lus kuv nrog nws cog yuav nyob ruaj khov.
    Kuv yuav tsa kom nws caj ces nyob ib txhis,
    tsa nws lub theej kiab nyob ntev li lub ntuj saud.

    Txais: (29a) Kuv yuav hlub kuv tus tub txib mus li.

    As Les Lus Yas

    Txais: As les lus yas, as les lus yas.

    Lub noob nplej yog Tswv Ntuj lo lus, leej Pleev yog tus tseb cov noob nplej;
    txhua tus uas tuaj cuag nws yuav ciaj nyob mus li.

    Txais: As les lus yas, as les lus yas.

    Ntawv Moo Zoo: MK 4: 1-20

    1 Yes Xus rov qhuab qhia dua nyob ntawm ntug dej ntuj. Ib pab neeg coob kawg sis sau nyob ze nws, nws thiaj nce mus hauv ib lub nkoj nyob saum nplaim dej ntuj, ces nws zaum hauv, hos tas ib tsoom neeg nyob saum av, tim ntug nqhuab. 2 Yes Xus ua paj lug qhia ntau yam rau lawv ntev loo. Thaum nws qhia lawv, nws hais tias : 3 "Nej mloog saib ! Tus neeg tseb nplej tawm mus tseb nplej. 4 Thaum nws tseb, muaj ib co noob poob rau ntawm ntug kev, ces noog ya tuaj noj lawm. 5 Muaj ib co noob poob rau hauv thaj av pob zeb. Nyob ntawd tsis muaj av ntau, ces noob tuaj kaus sai, vim av tsis tob. 6 Thaum hnub tuaj ziab, cov yub ntsws tas, vim cov yub tsis muaj cag, ces cov yub cia li qhuav. 7 Tseem muaj ib co noob poob rau hauv cov pos. Pos hlob tuaj laum cov yub, ces cov yub ntawd txhawv tsis taus. 8 Hos muaj ib co noob poob rau hauv thaj av zoo. Cov yub nplej ntawd hlob thiab huam, txhawv ua hnab. Tej lub noob txi peb caug lub nplej, tej lub txi rau caum lub, tej lub txi ib puas lub." 9 Ces Yes Xus hais tias : "Leej twg muaj pob ntseg mloog, mas cia nws mloog." 10 Thaum Yes Xus nyob ntawm ib qho xu lawm, cov neeg nrog nws ua ke thiab Pab Kaum Ob nug nws txog cov paj lug ntawd. 11 Yes Xus hais rau lawv tias : "Ntuj pub cov lus tob qhia txog Tswv Ntuj lub Ceeb Tsheej rau nej. Hos cov neeg uas nyob sab nraud, mas ib puas tsav yam yog paj lug rau lawv xwb. 12 Kom xwv ‘Lawv sib zog ntsia, los lawv tsis pom, lawv mloog ntsoov, los lawv tsis to taub, tsam lawv yuav tsum hloov siab, ces Ntuj ho yuav zam rau lawv.’"
    13 Yes Xus hais rau lawv tias : "Nej tsis to taub zaj paj lug no lod ? Yog li, nej yuav ua cas to taub cov paj lug tas huv si? 14 Tus tseb nplej nws tseb Lo Lus. 15 Cov uas nyob ntawm ntug kev thaum lawv tseb Lo Lus, yog cov neeg uas tau hnov Lo Lus, tab sis, Xas Tas tuaj rho Lo Lus uas nyuam qhuav tseb rau hauv lawv tam sim ntawd lawm. 16 Cov uas raug lawv tseb cov noob rau hauv thaj av pob zeb, yog cov neeg uas thaum lawv hnov Lo Lus, lawv zoo siab hlo txais tam sis ntawd. 17 Tab sis lawv tsis muaj cag ruaj nyob hauv lawv, ces kav tsis ntev : thaum muaj kev txom nyem los kev raug luag hiam vim Lo Lus, mas lawv ntog tas. 18 Tseem muaj ib co uas raug lawv tseb cov noob rau hauv cov pos, yog cov neeg uas tau hnov Lo Lus, 19 tab sis lub neej kev txob xeeb, nyiaj txiag kev haub ntxias, thiab lub siab ntshaw ntau yam txeem mus laum Lo Lus, ces Lo Lus txi tsis taus txiv. 20 Hos cov uas raug lawv tseb cov noob rau hauv thaj av zoo yog cov neeg uas hnov Lo Lus, lawv txais Lo Lus thiab lawv tawg paj txi txiv, ib tug txi peb caug lub, ib tug txi rau caum lub, ib tug txi ib puas lub."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 24th January 2018, 5:48 am

    TIM 25 LUB 1 HLIS 2018

    Hnub Tsib Lis Piam Peb Nruab Xyoo B Nruab Lis Piam Xyoo II

    Nco txog Hnub LN Paj Lug Tig Los Ntseeg

    Zaj Nyeem Ib: HAUJ LWM 22: 3-16


    3 Paj Lug hais rau cov neeg li no:
    "Kuv yog ib tug Yus Das. Kuv yug los nyob Tas Xis nyob Xis Lis Xias teb. Tab sis kuv tuaj hlob nyob hauv lub tsheej no. Kuv tau zaum rawv ntawm Nkas Mas Lias ko taw kawm txog tias yuav tsum ua raws nraim peb cov yawg koob Txoj Cai. Mas kuv yeej kub siab lug rau Tswv Ntuj ib yam li nej nyem no thiab. 4 Kuv tau hiam Txoj Kev no kom txog qhov tuag, kuv tau muab saw hlau los khi poj niam txiv neej huv tib si, thiab coj lawv mus pov rau hauv tsev loj faj. 5 Tus thawj leej choj thiab pab txwj laus tib si puav leej ua tau tim khawv tias kuv tau ua li ntawd tiag. Kuv tseem tau txais lawv ib co ntawv hais txog cov kwv tij nyob Das Mas, ces kuv thiaj sawv kev mus lawm tid, yuav tsum mus khi lawv cov ntawd coj los rau txim nyob Yes Lus Xas Les. 6 Kuv tseem tab tom mus kev, tshuav tsis deb yuav txog Das Mas, thaum ntawd twb yuav tav su, cia li muaj ib qho pom kev loj loj ci dawb paug tuaj saum ntuj tuaj vij kuv. 7 Kuv poob nthav pem teb, kuv hnov ib lub suab hais rau kuv tias : 'Xauv, Xauv, vim li cas koj hiam kuv ?' 8 Kuv teb tias : 'Huab Tais, koj yog leej twg ?' Ces nws teb kuv tias : 'Kuv yog tus Yes Xus Nas Xas Les uas koj hiam.' 9 Cov neeg nrog kuv kuj pom qhov pom kev ci dawb loj loj thiab, tab sis lawv tsis hnov lub suab hais lus rau kuv. 10 Kuv hais ntxiv tias : 'Huab Tais, kuv yuav tsum ua dab tsi ?' Huab Tais thiaj hais rau kuv tias : 'Koj sawv, koj mus Das Mas. Mus txog tod, mas lawv mam qhia rau koj txog tas puas tsav yam uas yeej npaj tseg rau koj lawm uas kom koj yuav tsum ua.' 11 Thaum ntawd kuv tsis pom kev kiag li, vim qhov pom kev ci loj ntawd fam kuv qhov muag lawm. Cov neeg nrog kuv thiaj tuav kuv tes, coj kuv mus txog Das Mas.
    12 As Nas Nias, uas yog ib tug neeg hwm Ntuj raws li Txoj Cai, raug cov Yus Das nyob hauv lub tsheej ntawd sawv daws hais lus zoo txog nws; 13 nws tuaj xyuas kuv, nws sawv ze ntawm kuv, nws hais rau kuv tias : 'Xauv, kuv tus kwv, koj cia li rov pom kev tuaj.' Ces kuv cia li pom nws tam sim ntawd. 14 Nws hais ntxiv tias : 'Peb cov yawg koob tus Tswv Ntuj yeej ib txwm xaiv koj lawm, kom koj paub nws lub siab, kom koj pom tus Siab Ncaj, thiab kom koj hnov lub suab tawm hauv nws lub ncauj los. 15 Vim tias koj yuav tsum ua nws tim khawv nyob ntawm zeej tsoom xub ntiag txog tej yam koj tau pom thiab tau hnov. 16 Ua li mas koj tseem yuav tos dab tsi ntxiv ? Koj kav tsij sawv, koj txais lub cim ntxuav thiab koj hu txog nws lub npe kom nws ntxuav koj cov txhaum pov tseg.' ”

    Los: HAUJ LWM 9: 1-22

    1 Xauv, mas nws tsuas xav ntsoov txog qhov hiam thiab tua Huab Tais cov thwj tim nkaus xwb, ces nws mus cuag tus thawj leej choj. 2 Nws thov kom tus thawj leej choj ua ntawv rau nws mus xyuas hauv cov tsev txoos nyob Das Mas saib puas muaj cov neeg npuab Txoj Kev. Yog muaj, mas tsis hais poj niam los txiv neej, nws yuav muab lawv khi cab mus pem Yes Lus Xas Les. 3 Thaum nws tab tom taug kev, yuav txog Das Mas, ces ib sij huam, muaj ib qho pom kev ci dawb vog tuaj saum ntuj tuaj ncig nws. 4 Nws ntog rau pem teb, nws hnov ib lub suab hais rau nws tias : "Xauv, Xauv, tim li cas koj hiam kuv?" 5 Xauv teb tias: "Huab Tais, koj yog leej twg ?" Tus ntawd hais tias : "Kuv yog Yes Xus, tus uas koj hiam. 6 Koj sawv, koj mus hauv lub nroog. Yuav muaj neeg qhia koj tias koj yuav ua dab tsi." 7 Cov neeg nrog Xauv ua ke mus, sawv daws nres, lawv yoob tas hais tsis taus ib lo lus li: lawv kuj hnov lub suab thiab, tab sis lawv tsis pom dab tsi li. 8 Xauv sawv hauv av los, nws qhov muag rua pliav, tab sis nws tsis pom kev li. Lawv tuav nws tes coj nws mus hauv lub nroog Das Mas. 9 Nws nyob tau peb hnub, tsis pom kev tsis noj tsis haus dab tsi li.
    10 Nyob Das Mas, muaj ib tug thwj tim hu ua As Nas Nias. Huab Tais yees tawm los hais rau nws tias : "As Nas Nias." As Nas Nias teb tias : "Huab Tais, kuv nyob ntawm no." 11 Huab Tais hais ntxiv tias : "Koj sawv, koj mus tom txoj kev uas hu ua Kev Ncaj, koj mus hauv Yus Das tsev, koj nrhiav ib tug neeg hu ua Xauv nyob Tas Xis tuaj. Nws tab tom teev Ntuj, 12 nws yees pom ib tug txiv neej hu ua As Nas Nias chaws los tsa tes rau saum nws kom nws rov pom kev tuaj." 13 As Nas Nias teb tias : "Huab Tais, kuv tau hnov ntau leej hais tias tus neeg ntawd ua phem kawg rau koj cov Ntshiab nyob Yes Lus Xas Les. 14 Nws tuaj ntawm no, vim nws tau cai ntawm cov tuam leej choj tuaj khi cov neeg uas hu txog koj lub npe tas huv tib si." 15 Tab sis Huab Tais hais rau As Nas Nias tias : "Koj mus, vim tus neeg ntawd yog ib lub zoo twj uas kuv xaiv los coj kuv lub Npe mus rau cov neeg teev dab qhuas, rau cov vaj, thiab rau cov His Xas Lais. 16 Kuv yuav qhia nws tias nws yuav tsum raug tsim txom npaum li cas vim kuv lub Npe."
    17 As Nas Nias thiaj mus. Nws chaws mus hauv lub tsev ntawd. Nws tsa tes rau saum Xauv, nws hais tias : "Xauv, kuv tus kwv, yog Huab Tais xa kuv tuaj, yog tus Yes Xus uas tau tawm los rau koj pom tom txoj kev uas koj tuaj, nws xa kuv tuaj kom koj rov qab pom kev, thiab kom koj tau txais Leej Ntuj Plig Ntshiab puv hauv koj.” 18 Tam sim ntawd muaj tej daim zoo li tej daim nplai poob ntawm Xauv qhov muag los, ces nws rov qab pom kev. Ces nws sawv thiab txais lub cim ntxuav tam sim ntawd. 19 Ces nws noj mov, nws rov qab muaj zog tuaj. Xauv nrog cov thwj tim nyob ob peb hnub hauv Das Mas. 20 Ces tsis ntev xwb nws cia li pib mus hauv cov tsev txoos, pib qhuab qhia txog Yes Xus tias nws yog Tswv Ntuj Leej Tub. 21 Tas tsoom neeg uas tau hnov nws, mas lawv poob siab loj, lawv hais zom zaws tias : "Tus no tsis yog tus uas nyob Yes Lus Xas Les, nws hiam cov neeg hu txog lub Npe ntawd lod ? Tsis yog nws twb txhob txwm tuaj ntawm no kom tau ntes lawv, muab lawv khi, thiab cab lawv mus rau cov Thawj Leej Choj xwb lod?" 22 Hos Xauv, mas nws yim muaj zog zuj zus tuaj xwb, nws ua rau cov Yus Das nyob Das Mas xav tsis thoob li, vim nws ua pov thawj hais tias Yes Xus yog Leej Pleev tiag.

    NPN 117: 1BC, 2

    Txais: (Mas Kos 16:15) Nej mus thoob qab ntuj, nej tshaj
    lub Moo Zoo rau txhua leej txhua tus.
    los: As les lus yas.

    Tas ib tsoom kuj cuab, nej cav lus zoo txog HUAB TAIS.
    Tas ib tsoom haiv neeg, nej cav txog nws lub hwj chim.

    Txais: (Mas Kos 16:15) Nej mus thoob qab ntuj, nej tshaj
    lub Moo Zoo rau txhua leej txhua tus.
    los: As les lus yas.

    Vim nws lub siab ua zoo rau peb nyob ruaj nreb,
    HUAB TAIS lub siab pheej xeeb mus ib txhiab ib txhis.

    Txais: (Mas Kos 16:15) Nej mus thoob qab ntuj, nej tshaj
    lub Moo Zoo rau txhua leej txhua tus.
    los: As les lus yas.

    As Les Lus Yas: ZAM 15: 16

    Txais: As les lus yas, as les lus yas.

    Huab Tais hais tias: Kuv yog tus xaiv nej hauv lub ntiaj teb los
    thiab xa nej mus kom nej txi ib co txiv uas yuav nyob mus li.

    Txais: As les lus yas, as les lus yas.

    Ntawv Moo Zoo: MK 16: 15-18

    15 Yes Xus yees tawm tuaj, nws hais rau pab kaum ib leeg thwj tim tias : "Nej mus thoob qab ntuj, nej tshaj lub Moo Zoo rau txhua leej txhua tus. 16 Tus twg ntseeg thiab txais lub cim ntxuav, mas nws yuav txais kev cawm, hos tus tsis ntseeg yuav raug txim. 17 Cov cim zoo li no yuav nrog nraim cov uas ntseeg : lawv hu txog kuv lub npe ces lawv yuav ntiab dab tau, lawv yuav hais tej hom lus tshiab, 18 lawv yuav tuav tau nab hauv lawv txhais tes, thiab yog lawv haus tshuaj lom neeg, tshuaj yuav tsis ua xwv txheej rau lawv; thaum lawv tsa tes rau saum cov neeg mob, mas lawv yuav rov zoo tuaj."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 25th January 2018, 6:07 am

    TIM 26 LUB 1 HLIS 2018

    Hnub Rau Lis Piam Peb Nruab Xyoo B Nruab Lis Piam Xyoo II

    Hwm LN Tis Mos Tes thiab LN Tis Tos, ua Tswv Qhia

    Zaj Nyeem Ib: 2 TMT 1: 1-8


    1 Kuv, Paj Lug, uas yog Yes Xus Pleev ib tug Hauv Paus Xa Lus, vim Tswv Ntuj pom zoo, kom tau ua raws txoj kev cog lus yuav tau txais txoj sia uas nyob hauv Yes Xus Pleev, 2 hais rau Tis Mos Tes, kuv tus tub zoo nyiam; thov kom koj tau txais txiaj ntsim, kev khuv leej thiab kev thaj yeeb tuaj ntawm Leej Txiv Tswv Ntuj, thiab Yes Xus Pleev peb tus Huab Tais tuaj. 3 Kuv ua Tswv Ntuj tsaug, tus Tswv Ntuj uas kuv muaj ib lub siab dawb paug tsob hwb raws li kuv cov poj yawm txoj kev; kuv nco txog koj tsis tseg thaum lub caij kuv teev ntuj, nruab hnub los hmo ntuj. 4 Thaum kuv nco txog koj cov kua muag, mas kuv lub siab xav pom koj kawg nkaus, kom kuv rov zoo siab. 5 Kuv nco ntsoov txoj kev ntseeg ncaj ncees uas nyob hauv koj, yog txoj kev ntseeg uas tau xub nyob hauv koj pog Laus Is, thiab nyob hauv koj niam Aws Nis lawm, mas kuv tso siab lug tias txoj kev ntseeg ntawd yeej nyob hauv koj thiab. 6 Yog vim li ntawd, kuv thiaj rov hais rau koj kom koj nco ntsoov tshuab nraim lub txiaj ntsim uas Tswv Ntuj tso rau hauv koj hnub uas kuv tiag tes rau koj kom cig loj tuaj. 7 Lub tswv yim uas Tswv Ntuj pub rau peb tsis yog ib lub tswv yim muaj kev ntshai, yog ib lub tswv yim muaj peev xwm, muaj kev nyiam, muaj kev pab yus tswj yus tus kheej. 8 Li ntawd koj yuav tsis txhob txaj muag ua tim khawv txog peb tus Huab Tais, los txaj muag vim kuv uas yog Yes Xus tus neeg raug txim. Tiam sis koj yuav tsum zoo siab nrog kuv raug txom nyem vim lub Moo Zoo; Tswv Ntuj lub hwj huam yeej yuav pab nres.

    Los: TIS TOS 1: 1-5

    1 Kuv, Paj Lug, yog Tswv Ntuj ib tug tub txib, thiab Yes Xus Pleev ib tug Hauv Paus Xa Lus, kom tau pab cov neeg Tswv Ntuj xaiv los txais kev ntseeg thiab txais txoj kev paub qhov tseeb uas qhia kev hwm Ntuj, 2 thiab pab kom lawv muaj txoj kev tso siab tias yuav tau txoj sia nyob mus li raws li tus Tswv Ntuj tsis txawj dag tau cog lus puag thaum ntxov ub lawm. 3 Thaum txog lub caij teem, nws tau tshaj tawm nws lo lus nyob hauv txoj kev qhuab qhia uas nws tau tso rau kuv tuav, raws li Tswv Ntuj tus cawm peb tau hais kom ua. 4 Hais rau Tis Tos, kuv ib tug tseem tub nyob hauv peb txoj kev ntseeg, thov kom Leej Txiv Tswv Ntuj, thiab Yes Xus Pleev, tus cawm peb, pub txiaj ntsim thiab kev thaj yeeb rau koj. 5 Tos kuv tau tso koj tseg nyob Khes Tas, yog vim xav kom koj npaj tej yam tsis muaj kom muaj txhij, thiab xav kom koj tsa ib co leej choj nyob hauv txhua lub nroog, raws li kuv tau qhia koj.

    NPN 96: 1-2A, 2B-3, 7-8A, 10

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    Nej hu ib zaj nkauj tshiab rau HUAB TAIS,
    tas txhua teb chaws, nej hu nkauj rau HUAB TAIS.
    Nej hu nkauj rau HUAB TAIS, nej cav txog nws lub npe.

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    Hnub dhau hnub nej tshaj txog nws txoj kev cawm neeg.
    Nej cav txog nws lub koob meej rau cov haiv neeg paub,
    nej cav txog nws cov hauj lwm loj rau txhua xeem neeg hnov.

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    Cov yim neeg hauv cov haiv neeg, nej muab rau HUAB TAIS,
    nej muab lub koob meej thiab lo lus qhuas lus cav rau HUAB TAIS
    nej muab rau HUAB TAIS lub koob meej uas phim nws lub npe!

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    Nej hais rau cov naiv neeg tias: HUAB TAIS ua vaj.
    Nws tau tsim lub ntiaj teb kom nyob ruaj, muab tshem tsis tau,
    nws tswj cov haiv neeg raws txoj kev ncaj.

    Txais: (3) Nej tshaj tswv Ntuj cov hauj lwm loj rau txhua haiv neeg paub.

    As Les Lus Yas: MT 11: 25

    Txais: As les lus yas, as les lus yas.

    Kuv cav txog koj, Leej Txiv, Huab Tais kav lub ntuj lub teb,
    koj tau qhia tej yam tob txog Ntuj Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: MK 4: 26-34

    26 Yes Xus hais tias : “Tswv Ntuj lub Ceeb Tsheej yog zoo xws li ib tug neeg pov ib co noob rau nruab a : 27 Thaum nws pw thiab nws sawv, hmo ntuj nruab hnub, lub noob tuaj kaus thiab hlob, nws tsis paub tias hlob zoo li cas li. 28 Av xwb tim txawj txi txiv nws tus kheej : xub ua yub tas, ua plab nab, ces nplej txhawv puv hnab. 29 Thaum nplej siav, nws xuas liag hlais tam sis ntawd, vim qoob siav lawm."
    30 Yes Xus hais tias : "Peb yuav muab Tswv Ntuj lub Ceeb Tsheej piv rau dab tsi ? Los peb yuav ua paj lug qhia txog Tswv Ntuj lub Ceeb Tsheej zoo li cas ? 31 Nws yog zoo li ib lub noob zaub roj, uas thaum luag muab tseb rau hauv av, mas lub noob ntawd me tshaj lwm cov noob nyob ntiaj teb no. 32 Tab sis thaum tseb tas lawd, lub noob hlob tuaj, nws loj dua lwm cov zaub huv si ; nws ncau ceg deb, ces tej noog ya saum ntuj tau kev los nkaum hauv nws qhov ntxoov."
    33 Yes Xus siv ntau hom paj lug zoo li no los hais Lo Lus rau lawv, raws li lawv mloog tau. 34 Tsis muaj ib yam uas nws tsis ua paj lug hais. Thaum tshuav cov thwj tim nrog nws nyob xwb, nws txhais txhua yam huv tib si rau lawv.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 26th January 2018, 1:41 pm

    TIM 27 LUB 1 HLIS 2018

    Hnub Xya Lis Piam Peb Nruab Xyoo B Nruab Lis Piam Xyoo II

    Hwm LN Angela Merici

    Zaj Nyeem Ib: 2 XM 12: 1-7A, 10-17


    1 HUAB TAIS xa tus yaj saub Nas Taas tuaj cuag Das Vis. Nws mus hauv Das Vis tsev, nws hais rau Das Vis tias : "Muaj ob tug txiv neej nyob hauv ib lub nroog, ib tug yog neeg nplua nuj, ib tug yog neeg pluag. 2 Tus nplua nuj muaj qaib muaj yaj coob kawg. 3 Hos tus pluag tsis muaj dab tsi li, nws kawg muaj ib tug me nyuam maum yaj nkaus xwb uas nws muas los. Nws tu tus maum yaj ntawd, cia tus maum yaj hlob nrog nws thiab nws cov me nyuam, cia nrog nws noj ib lub mov, nrog nws haus ib khob dej, cia nws puag tsaug zog ntawm nws xub ntiag, zoo cuag li yog nws tus ntxhais. 4 Muaj ib tug qhua tuaj hauv tus nplua nuj tsev. Tus nplua nuj tsis xav muab nws ib tug tsiaj me los tsiaj loj los tua rau tus qhua noj li, ces nws mus ntes tus pluag tus yaj los tua txais tus qhua ntawd." 5 Das Vis npau taws heev rau tus nplua nuj, nws hais tias : "Yog HUAB TAIS muaj txoj sia tiag mas tus neeg ua li ntawd tsim nyog tuag ! 6 Vim nws tau ua ib qho phem heev, nws tsis hlub neeg li, nws yuav tsum them plaub npaug tus yaj ntawd tus nqi." 7 Ces Nas Taas hais rau Das Vis tias : "Tus neeg ntawd yog koj ntag! HUAB TAIS , His Xas Lais tus Tswv Ntuj hais li no :
    10 ‘Txij no mus, hniav ntaj yuav tsis zam koj tsev neeg ib zaug ntxiv li lawm, vim koj tau ua phem tsis saib kuv, koj tau coj Us Lis tus neeg His Tis poj niam los ua koj poj niam.’ 11 HUAB TAIS hais li no : ‘Kuv yuav ua kom muaj xwv txheej phem tawm hauv koj tsev neeg kiag tuaj raug koj. Kuv yuav tab meeg muab koj cov poj niam mus rau ib tug txiv neej nyob ze koj yuav; nws yuav tab meeg nrog lawv pw thaum nruab hnub nrig. 12 Koj mas koj nyiag zais ntshis ua txhaum, tab sis kuv yuav tab meeg ua tej ntawd kom tawm los rau tsoom His Xas Lais pom thaum nruab hnub nrig.’" 13 Ces Das Vis hais rau Nas Taas tias : "Kuv tau ua txhaum rau HUAB TAIS lawm !" Nas Taas hais rau Das Vis tias : "HUAB TAIS zam koj qhov txhaum rau koj, koj yuav tsis tuag. 14 Tab sis vim koj tau ua txhaum rau HUAB TAIS, mas tus me nyuam uas xeeb los rau koj yuav tuag xwb."
    15 Hais li ntawd tas Nas Taas rov mus lawm. HUAB TAIS ua kom Das Vis tus me nyuam uas yug ntawm Us Lis tus poj niam los muaj mob, ces nws pib mob heev. 16 Das Vis thov Ntuj rau tus me nyuam. Nws yoo tsis noj ib lub mov, nws mus tsev, hmo ntawd nws pw tshiav av ib hmos tsis pua dab tsi li. 17 Cov txwj laus nyob hauv nws tsev sawv daws tuaj sawv ntsug ncig nws, tsa kom nws sawv hauv av los, tab sis nws tsis kam; nws kuj tsis nrog lawv noj mov li thiab.

    NPN 51: 12-13, 14-15 , 16-17

    Txais: (12a) Tswv Ntuj, thov koj tsim ib lub siab huv lis si rau kuv.
    Tswv Ntuj, thov koj tsim ib lub siab huv rau kuv ;
    koj cog dua ib lub tswv yim nyob ruaj rau hauv kuv.
    Koj txhob ntiab kuv mus deb ntawm koj lub ntsej muag,
    txhob thau koj Lwwj Tswv Yim ntshiab ntawm kuv mus.

    Txais: (12a) Tswv Ntuj, thov koj tsim ib lub siab huv lis si rau kuv.

    Koj ua kom kuv rov zoo siab nyob hauv koj txoj kev cawm,
    koj pub ib lub tswv yim xav ua zoo kom nyob ruaj hauv kuv.
    Kuv yuav qhia koj txoj kev rau cov neeg yuam kev,
    cov neeg txhaum yuav rov los cuag koj.

    Txais: (12a) Tswv Ntuj, thov koj tsim ib lub siab huv lis si rau kuv.

    Thov koj cawm kuv ntawm txoj kev txhaum tua neeg,
    Tswv Ntuj, kuv tus Twv Ntuj tus cawm kuv;
    kuv tus nplaig yuav zoo siab hlo cav txog koj txoj kev ncaj !
    HUAB TAIS, thov koj qhib kuv di ncauj,
    ces kuv lub ncauj yuav tshaj lus zoo txog koj.

    Txais: (12a) Tswv Ntuj, thov koj tsim ib lub siab huv lis si rau kuv.

    As Les Lus Yas: ZAM 3: 16

    Txais: As les lus yas, as les lus yas.

    Tswv Ntuj hlub lub ntiaj teb npaum li ntawd, nws thiaj tso nws tib leeg Tub los
    kom leej twg ntseeg nws, tus ntawd yuav tau txoj siab nyob mus li.

    Txais: As les lus yas, as les lus yas.

    Ntawv Moo Zoo: MK 4: 35-41

    35 Hnub ntawd, thaum yuav tsaus ntuj, Yes Xus hais rau nws cov thwj tim tias : "Peb hla mus sab ntug dej tid." 36 Ces lawv tso tsoom sid tseg. Lawv coj Yes Xus mus, nws cia li mus zoo li ntawd rau hauv nkoj. Muaj ib co nkoj nrog nws mus thiab. 37 Muaj ib nthwv khaub zeeg cua loj kawg sawv tuaj. Dej sawv nphau nphwv los rau hauv nkoj, ces lub nkoj twb puv dej lawm. 38 Yes Xus nyob tom tw nkoj, nws tsaug zog saum ib lub hauv ncoo. Lawv tsa Yes Xus, lawv hais rau nws tias : "Xib Hwb, koj tsis quav ntsej tias peb twb yuav tuag los ?" 39 Yes Xus tsim dheev, nws txwv cua, thiab nws hais rau dej ntuj tias : "Tswm seeb ! Koj nyob twj ywm !" Ces cua tu nrho, dej ntuj rov tus yees tuaj. 40 Yes Xus hais rau lawv tias : "Ua cas nej ntshai ua luaj ? Nej tseem tsis tau ntseeg lod ?" 41 Lawv ntshai kawg, lawv sib tham hais tias : "Tus ntawd yog leej twg ? Txawm tias yog cua thiab dej ntuj los yeej mloog nws lus tib si?"

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 29th January 2018, 5:23 am

    TIM 29 LUB 1 HLIS 2018

    Hnub Ob Lis Piam Plaub Nruab Xyoo B Nruab Lis Piam Xyoo II

    Zaj Nyeem Ib: 2 XM 15: 13-14, 30; 16:5-13


    15 13 Muaj ib tug neeg tuaj xa xov rau Das Vis tias : "Cov His Xas Lais hloov siab mus npuab As Xas Los lawm." 14 Ces Das Vis hais rau nws cov tub txib uas nrog nws nyob Yes Lus Xas Les tias : "Peb sawv kev, peb cia li khiav ! Vim peb yuav tsis dim ntawm As Xas Los tes li. Nej tsuag tsuag peb khiav, tsam As Xas Los tuaj sai, ces nws caum tau peb, peb yuav raug xwv txheej loj thiab nws yuav xuas ntaj tua tas lub nroog huv tib si."
    30 Das Vis nce phab toj mus pem lub Roob Txiv Ntoo Roj, nws ke nce ke quaj, nws khwb taub hau thiab mus ko taw liab xwb. Tas cov neeg nrog nws sawv daws txhua leej kuj khwb taub hau thaum lawv nce mus, thiab lawv kuj quaj thaum lawv taug kev nce toj.
    16 5 Thaum Das Vis tuaj txog lub zos Npas Hus Lis, muaj ib tug txiv neej tawm hauv lub zos tuaj, nws hu ua Xis Mes, nws yog Zes Las tub, thiab yog ib lub xeem li Xas Ws tsev neeg, nws hais ib co lus phem kawg cem Davis. 6 Nws txawb pob zeb rau vaj Das Vis thiab rau Das Vis cov tub txib tib si; cov neeg nrog cov tub txib thiab cov tub rog sawv daws nyob ntawm Das Vis sab xis thiab sab laug. 7 Xis Mes cem Das Vis tias : "Khiav mus ! khiav mus, niag tua neeg, niag neeg siab phem! 8 Yog HUAB TAIS ua pauj rau Xas Ws tsev neeg cov roj ntsha uas koj tau hliv, thaum koj txeeb nws tus vaj ua. Nyem no HUAB TAIS thiaj cia koj tus tub As Xas Los ua vaj. Koj yuav raug puas tsuaj vim yog koj tua neeg." 9 As Npis Sais, uas yog Xes Lus Yas tub, hais rau tus vaj tias : "Ua cas thiaj cia niag dev tuag aws no tsawm kuv tus vaj ntxwv huab tais li no ? Thov koj cia kuv mus txiav nws taub hau kiag saib!" 10 Tab sis tus vaj teb tias : "Xes Lus Yas cov tub, txawm nws tsawm los tsis ua cas rau kuv thiab tsis ua cas rau nej. Ntshai twb yog HUAB TAIS hais rau nws kom nws tsawm Das Vis xwb. Yog li leej twg thiaj muaj cuab kav hais tau rau nws tias: 'Ua cas koj ua li ntawd ?" 11 Ces Das Vis hais rau As Npis Sais thiab tas nws cov tub txib tias : "Nej xav saib yog kuv tus tub kuv yug kiag twb xav muab kuv tua, mas tus Npes Yas Mis ntawd haj yam muaj cai ua li ntawd rau kuv. Nej cia nws tsawm nws, vim ntshai yog HUAB TAIS kom nws tsawm. 12 Nyaj tej zaud HUAB TAIS yuav pom kuv txoj kev txom nyem ces nws yuav muab ib yam zoo rau kuv los pauj cov lus tsawm uas raug kuv hnub no." 13 Ces Das Vis thiab nws cov neeg taug kev mus ntxiv, hos Xis Mes kuj taug kev ib sab raws roob caum Das Vis, nws ke mus kev ke foom lus phem, ke txaw pob zeb thiab txawb av tuaj rau nws.

    NPN 3: 2-3, 4-5, 6-7

    Txais: (8a) Huab Tais, thov koj sawv tsees los cawm kuv.

    HUAB TAIS, kuv cov yeeb ncuab coob tas nrho !
    Cov sawv los ntxeev siab rau kuv coob kawg !
    Coob leej hais txog kuv tias :
    “Yuav tsis muaj kev cawm rau nws nyob hauv Tswv Ntuj.”

    Txais: (8a) Huab Tais, thov koj sawv tsees los cawm kuv.

    Tab sis, HUAB TAIS, koj yog daim leem phiaj thaiv kuv,
    koj yog kuv lub koob meej, yog tus tsa kuv taub hau.
    Thaum kuv tsa suab nrov hu HUAB TAIS,
    nws nyob saum nws lub roob ntshiab teb tuaj rau kuv.

    Txais: (8a) Huab Tais, thov koj sawv tsees los cawm kuv.

    Thaum kuv mus pw tsaug zog,
    kuv tsim rov los vim HUAB TAIS nres kuv.
    Kuv tsis ntshai cov neeg coob coob
    uas sawv vij vog ib ncig kuv thoob plaws.

    Txais: (8a) Huab Tais, thov koj sawv tsees los cawm kuv.

    As Les Lus Yas: LK 7: 16

    Txais: As les lus yas, as les lus yas.

    Ib tug yaj saub loj sawv los nyob hauv peb,
    Tswv Ntuj tau tuaj xyuas nws haiv neeg lawm.

    Txais: As les lus yas, as les lus yas.

    Ntawv Moo Zoo: MK 5: 1-20


    1 Yes Xus thiab nws cov thwj tim tuaj txog sab ntug dej ntuj tim ub, yog sab cov neeg Nkes Las Xes teb chaws. 2 Thaum Yes Xus nqes plhuav nkoj, tam sis ntawd, muaj ib tug neeg raug ib tug dab tsis huv tawm hauv cov toj ntxas tuaj cuag Yes Xus : 3 Nws yeej nyob hauv cov toj ntxas, tsis muaj leej twg khi tau nws cia li, tab yog xuas saw hlau los yeej tsis tau li. 4 Vim lawv twb muab xauv tes thiab saw hlau xauv nws tib si los nws ua saw hlau tu tas, ua xauv tes lov tas, yeej tsis muaj leej twg muaj zog txaus tswj tau nws li. 5 Niaj hnub niaj hmo nws nyob hauv cov toj ntxas thiab nyob pem tej roob, nws qw tas mus li, thiab nws muab pob zeb los tsoo nws kom mob. 6 Thaum nws pom Yes Xus tseem nyob deb, nws khiav loo tuaj, nws txhos caug ntua ntawm Yes Xus xub ntiag, 7 ces nws qw nrov nrov tias : “Yes Xus, Tswv Ntuj Nyob Siab Leej Tub, koj xav ua dab tsi rau kuv ? Kuv hu txog Tswv Ntuj thov koj, koj txhob tsim txom kuv,” 8 vim Yes Xus tau hais rau nws tias : "Dab tsis huv, koj tawm ntawm tus neeg no mus !" 9 Yes Xus nug nws tias : "Koj lub npe hu ua li cas ?" Nws teb tias : "Kuv lub npe hu ua Npoj, vim peb coob leej kawg." 10 Nws thov Yes Xus heev kawg kom txhob ntiab nws tawm ntawm thaj chaw ntawd mus. 11 Thaum ntawd, muaj ib pab npua coob coob tab tom noj zaub saum lub roob. 12 Cov dab tsis huv thov Yes Xus tias : "Koj xa peb mus lawm hauv cov npua ntawd, cia peb nkag mus nyob hauv." 13 Yes Xus tso lus rau lawv, ces cov dab tsis huv tawm mus, lawv nkag mus hauv cov npua. Ces tas pab npua dhia puag saum lub tsag mus rau hauv dej ntuj, pab npua ntawd kwv yees muaj ob txhiab tus, cia li poob deg tuag tas rau hauv dej ntuj. 14 Cov zov npua tso tes khiav, lawv mus qhia lub moo ntawd rau hauv nroog thiab hauv cov zos. Ces neeg tuaj mus xyuas saib muaj xwm zeej dab tsi. 15 Thaum lawv tuaj txog ze ntawm Yes Xus, lawv pom tus neeg raug dab zaum ntawd hnav ris tsho tib si, thiab nws meej pem lawm, ces lawv ntshai vim tus neeg ntawd yeej yog tus tau raug tus dab Npoj tiag. 16 Cov uas tau pom, lawv piav txog qhov uas tshwm sim rau tus neeg raug dab, thiab rau pab npua. 17 Ces lawv thov kom Yes Xus txav mus deb ntawm lawv teb chaws. 18 Thaum Yes Xus nce mus hauv nkoj, tus neeg raug dab thov kom Yes Xus cia nws nrog Yes Xus mus. 19 Tab sis Yes Xus tsis kheev, nws hais rau tus raug dab tias : "Koj rov mus tsev, rov mus nrog koj tsev neeg nyob, koj qhia lawv txog tas txhua yam uas Huab Tais tau ua rau koj thiab txog nws tau khuv leej koj li cas." 20 Ces tus raug dab rov mus, nws tshaj txhua yam uas Yes Xus tau ua rau nws nyob hauv thaj tsam Des Kas Pos Lis. Cov uas tau hnov, lawv sawv daws qhuas kawg.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Mim 29th January 2018, 7:52 am

    TIM       30      LUB      1      HLIS       2018

    Hnub Peb Lis Piam Plaub Nruab Xyoo B Nruab Lis Piam Xyoo II

    Zaj Nyeem Ib:       2 XM  18:   9-10, 14B, 24-25A, 30–19:3


    9 As Xas Los txawm cia li mus ntsib Das Vis ib co tub rog; nws caij ib tug luj, tus luj cia li chaws mus hauv ib tsob qab ntoo qhib loj loj, ces nws cov plaub hau mus daig saum cov ceg ntoo. Nws dai viav vias nyob ib nta ntuj, hos tus luj dhia mus lawm. 10 Muaj ib tug neeg pom, nws mus hais qhia Yos As tias : "Kuv nyuam qhuav pom As Xas Los dai viav vias saum ib tsob ntoo qhib."
    14 Ces Yos As nqa peb rab hmuv ntawm tes mus, nws nkaug loo As Xas Los hauv siab thaum As Xas Los tseem ciaj dai saum tsob ntoo qhib.
    24 Das Vis zaum nyob ntawm kis nruab nrab ob lub qhov rooj vag. Tus peeb zov yeej nce mus tuaj saum ru tsev ncaj saum lub rooj vag saum lub ntsa zeb thaiv lub nroog ntsia, nws pom ib tug neeg khiav khiav los ib leeg. 25 Tus peeb qw hais qhia rau tus vaj, tus vaj hais tias : "Yog nws ib leeg xwb mas yog nws coj ib lub moo zoo los xwb."
    30 Tus vaj hais rau As His Mas tias: “Koj txav mus sawv nyob twj ywm ntawm no.” Ces nws txav mus sawv nyob rau ntawd.  31 Ces tus Kus Xis los txog, nws hais tias : "Kuv tus tswv kuv tus vaj ntxwv, koj mloog lub moo zoo no. Hnub no HUAB TAIS ua pauj rau koj lawm, nws cawm koj ntawm cov neeg sawv ntxeev siab rau koj lawm." 32 Tus vaj nug tus Kus Xis tias : "Tus hluas As Xas Los puas nyob zoo ?" Tus Kus Xis teb tias : "Xav kom kuv tus tswv kuv tus vaj ntxwv cov yeeb ncuab thiab cov neeg xav ntxeev siab ua phem rau koj tau tuag xws li tus hluas ntawd !"
    19   1 Ces vaj Das Vis ib ce tsaug tas. Nws nce mus saum kem tsev siab ncaj saum lub rooj vag, ces nws quaj. Nws quaj hu quaj hu tias : "Kuv me tub As Xas Los ! Kuv me tub ! Kheev lam yog kuv tuag tsis yog koj tuag mas ! As Xas Los ! Kuv tus me tub, kuv me tub !" 2 Lawv mus hais qhia Yos As tias : "Tus vaj quaj quaj txog As Xas Los." 3  Ces hnub ntawd lawv yeej, tab sis tas cov tub rog sawv daws tu siab tas tus, vim lawv hnov tias tus vaj quaj quaj txog nws tus tub.

    NPN       86:   1-2, 3-4, 5-6

    Txais:   (1a) Huab Tais, thov koj mloog kuv thiab teb kuv.  

    Thov koj khoov cuab pob ntseg mloog kuv, HUAB TAIS, thov teb kuv,
    vim kuv txom nyem thiab kuv pluag.
    Thov koj txuag kuv tus ntsuj plig, vim kuv npuab koj;
    thov koj cawm koj tus tub txib uas tso siab rau koj,
    Koj yog kuv tus Tswv Ntuj.

    Txais:   (1a) Huab Tais, thov koj mloog kuv thiab teb kuv.

    Thov koj khuv leej kuv, Huab Tais,
    vim kuv hu koj tas hnub.
    Thov koj pub kev zoo siab rau koj tus tub txib tus ntsuj plig,
    vim kuv tsa kuv tus ntsuj plig yuj plaws tuaj rau koj, Huab Tais.

    Txais:   (1a) Huab Tais, thov koj mloog kuv thiab teb kuv.

    Huab Tais, koj muaj lub siab zoo thiab txawj zam txhaum,
    koj txoj kev ua siab zoo rau cov uas hu txog koj loj tas nrho.
    HUAB TAIS, thov koj mloog kuv zaj thov ntuj
    thiab cuab pob ntseg rau kuv lub suab thov.

    Txais:   (1a) Huab Tais, thov koj mloog kuv thiab teb kuv.

    As Les Lus yas:       MT 8:17

    Txais: As les lus yas, as les lus yas.

    Leej Pleev tshem peb tej kev ceg tawv mus
    thiab nws cug nrob qaum ris peb tej kev mob kev ntsaj.

    Txais: As les lus yas, as les lus yas.

    Ntawv Moo Zoo:       MK  5:   21-43

    21 Thaum Yes Xus caij nkoj rov los txog sab ntug dej tim no, ib pab neeg coob tuaj sib sau ntsauv nws. Thaum ntawd, Yes Xus tseem nyob ntawm ntug dej ntuj. 22 Muaj ib tug hauv cov tswj tsev txoos hu ua Yais Los tuaj txog. Thaum nws pom dheev Yes Xus, nws txhos caug ntua ntawm Yes Xus ko taw. 23 Nws thov Yes Xus tias :  "Kuv tus me ntxhais txoj sia tab tom yuav tu, thov koj tuaj tsa tes cawm nws kom nws ciaj." 24 Yes Xus nrog Yais Los mus. Ib pab neeg coob coob raws Yes Xus mus thiab, lawv sawv daws txiv Yes Xus. 25 Muaj ib tug poj niam tsob ntshav tau kaum ob xyoos los lawm;  26 nws tau raug txom nyem vim muaj ntau tus kws tshuaj ces nws siv tas nws lub cuab tam los kho nws, tiam sis kho tsis zoo li, nws tseem mob heev zuj zus ntxiv xwb. 27 Nws hnov luag hais txog Yes Xus, ces nws mus nrog tsoom sid sib txiv tom Yes Xus nraub qaum. Nws kov Yes Xus lub tsho. 28 Vim nws xav hauv siab tias : "Tsuav yog kuv tau kov nws lub tsho xwb, mas kuv yeej yuav dim." 29 Ces tam sis ntawd, nws qhov tsob ntshav tu nrho, nws hnov nws lub cev zoo hlo ntawm tus mob lawm. 30 Tam sim ntawd, Yes Xus kuj hnov ib lub zog tawm hauv nws mus ; ces Yes Xus tig los nug pab neeg ntawd tias : "Leej twg kov kuv lub tsho ?" 31 Cov thwj tim hais rau nws tias : "Koj ntsia saib, tas tsoom sid txiv koj txhua sab tuaj, koj tseem hais tias : "Leej twg kov kuv ?" 32 Yes Xus ntsia ib ncig kom pom tus neeg uas tau kov nws. 33 Ces tus poj niam ntshai, nws ib ce tshee tas, vim nws paub qhov uas tshwm sim rau hauv nws. Nws los txhos caug ntawm Yes Xus ko taw thiab qhia qhov tseeb rau Yes Xus. 34 Yes Xus hais rau tus poj niam tias : “Me ntxhais, koj lub siab ntseeg cawm koj lawm. Koj rov mus kaj siab lug, koj twb dim ntawm koj tus mob lawm mog."
    35 Thaum Yes Xus tseem tab tom hais lus, ib co neeg tuaj ntawm tus tswj tsev txoos lub tsev tuaj hais tias : “Koj tus ntxhais twb tuag lawm, koj tseem yuav txob Xib Hwb ua dab tsi ?” 36 Tab sis Yes Xus twb hnov lo lus lawv nyuam qhuav hais lawm, nws hais rau tus tswj tsev txoos tias : "Koj txhob ntshai, tsuav koj ntseeg xwb." 37 Yes Xus tsis kheev leej twg nrog nws mus li, nws tsuas cia Pob Zeb, Yas Kos thiab Yas Kos tus kwv Zam nrog nws mus xwb. 38 Thaum lawv tuaj txog tus tswj tsev txoos lub tsev, Yes Xus pom sawv daws ua ntxhov hnyo, ib txhia quaj, ib txhia nyiav nrov nrov. 39 Yes Xus los hauv tsev, nws hais rau lawv tias : "Ua cas nej sawv daws ua ntxhov hnyo thiab quaj zom zaws ? Tus me ntxhais tsis tuag, nws tsaug zog xwb." 40 Ces lawv luag Yes Xus. Yes Xus ntiab sawv daws kom tawm mus nraum zoov kom tas, nws tsuas tseg tus me nyuam niam thiab txiv, thiab cov nrog nws tuaj xwb. Nws chaws mus hauv kem uas tus me nyuam nyob, 41 nws tuav nkaus tus me nyuam txhais tes, nws hais rau tus me nyuam tias : "Tas lis tas kus," txhais tias : "Me ntxhais, kuv hais rau koj, koj sawv los!" 42 Tus me ntxhais sawv tsees tam sis ntawd, nws mus kev, vim nws twb muaj kaum ob xyoos lawm. Tam sim ntawd, sawv daws ntshai loj kawg nkaus. 43 Yes Xus txwv lawv heev kawg kom txhob qhia rau leej twg paub. Ces nws kom lawv muab mov rau tus me ntxhais noj.

    Sponsored content


    COV ZAJ NYEEM NRUAB LIS PIAM XYOO II 2017-2018 - Page 2 Empty Re: COV ZAJ NYEEM NRUAB LIS PIAM XYOO II 2017-2018

    Post  Sponsored content


      Current date/time is 18th March 2024, 10:36 pm