Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    DAB PHEM TEB MUAJ TSEEB , muaj tim khawv mus pom los.

    Share
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 25th September 2010, 4:06 am

    DAB PHEM TEB MUAJ TSEEB





    MARY KATHRYN BAXTER PHAU NTAWV SAU TXOG DAB PHEM TEB.

    Kathryn yug los nyob Tennessee USA.
    Nws yuav txiv muaj tshaj lawm 30 xyoo nrog Bill BAXTER. Kathryn yog ib leej niam ntawm 4 leej me nyuam thiab nws tseem ua pog rau coob leej ntau tus xeeb ntxwv. Nws yog ib tug ntxhais txib muab tag nrho nws lub caij lub nyoog los tsham Tswv Ntuj , nws tseem ua Tswv Ntuj txoj num 7 xyoo nkaus.Lub caij Tswv Ntuj qhia dab phem teb rau Kathryn yog xyoo 1976 thiab tseem muaj lub sij hawm ntev xyoo rau Kathryn los tsim phau ntawv nthuav txog dab phem teb. Li no phau ntawv thiaj tshwm sim los xaus rau xyoo 1983.

    YESXUS niaj hmo tshwm sim rau Kathryn pom , yog 40 hmo sib lawd. Txhua txhua hmo Yesxus los coj Kathryn mus xyuas dab phem teb ( Hell, Enfer), nws coj Kathryn mus qhia txhua yam kev txhaum ntawm cov ntsuj plig nyob dab phem teb thiab txhua yam kev tsim txom uas dab phem hiam cov ntsuj plig nyob dab phem teb. Dab phem teb yog nyob puag nruab tiv txwv yaj ceeb ntiaj teb cov qhov ntuj ( Abîme) . Hmo ntuj Kathryn nrog YESXUS mus hauv dab phem teb, nruab hnub Kathryn yuav tsum nrhiav kom tau cov lus yog yog coj los sau raws li nws pom. Vim Yesxus txib thiab xaiv nws los uas tus qhia rau ntiaj teb qab ntuj khwb kom sawv daws paub. Yog leej twg tsis ntseeg lwm hnub txhob tias Tswv Ntuj tsis tau tso neeg los qhia kom sawv daws paub thiab pom qhov tseeb ,txhob liam rau Tswv Ntuj tias Tswv Ntuj yog tus tso nej mus rau dab phem teb.


    MLOOG TAU KATHRYN PIAV :




    Xyoo 1976, muaj ib hmos nyob hauv kuv tsev , kuv tab tom thov ntuj, kuv tau txais Huab Tais YESXUS PLEEV lub txiaj ntsim uas nws tuaj xyuas kuv. Kuv thov ntuj nyob hauv Leej Tswv yim Ntshiab tau ob peb hnub dhau los, ua li cas hmo no , kuv cia li hnov TSWV NTUJ lub hwj huam loj kawg nkaus tuaj vij kuv , thiab kuv hnov TSWV NTUJ nyob ze ze kuv .TSWV NTUJ lub hwj huam thiab lub hwj chim puv nkaus kuv lub tsev. Muaj ib qho pom kev ci ci , muaj muaj zog puv kiag kem kuv nyob, kuv hnov ib lub zog hwj huam los vij kuv , ua rau kuv nyob kaj siab lug. Cov nplaim ci ci tuaj ntawm kuv, kuv pom zoo li cov nplaim dej ntas ywb yees ci ntsa iab, ib kab ci dhau ib kab, los nkag puag hauv kuv nruab siab tshwm rau kuv nruab cev. kuv txawm hnov Tswv Ntuj lub suab hais rau kuv tias :

    << Kuv yog YESXUS PLEEV, koj tus Huab Tais . Kuv xav kom koj paub yam kuv yuav qhia rau koj , kuv yuav xa koj mus npaj kom tau kuv cov neeg Ntshiab rau thaum lub caj kuv yuav rov los thiab koj yuav tsum coj kom tau coob leej ntau tus neeg los rau txoj kev ncaj ncees. Lub zog hauv dab phem kev tsaus ntuj yog ib yam muaj tseeb tiag tiag li. Me ntxhais kuv yuav coj koj nrog kuv mus xyuas dab phem teb, wb yuav mus nrog kuv tus Ntsuj Plig, thiab kuv tseem yuav coj koj mus qhia txog ntau tsav ntau yam uas kuv xav kom neeg ntiaj teb paub. Kuv tseem yuav los ntau ntau hmo ntxiv, kuv yuav los coj koj tawm hauv koj lub cev mus thiab yuav coj koj mus pom dab phem teb tiag tiag li. Kuv xav kom koj sau ib phau ntawv qhia txog txhua yam uas koj mus pom . Koj yuav sau txhua txhua yam tseem tseem uas muaj tseeb tseeb thiab yam yuav tshwm sim rau txhua tus yog lawv tsis tig los ntawm kuv ua ntej yuav lig rau lawv. Kuv LO LUS yog qhov tseeb thiab tsim nyog nej yuav tso siab tshaj txhua yam. Kuv yog tus yuav yog thiab yuav tsis muaj ib tug zoo li kuv >>.


    Kuv lub cev thoob plaws xav qw rau YESXUS , kuv xav ua nws tsaug rau lub txiaj ntsim nws los xyuas kuv , nyob ze kuv. Kuv xav qhia yam zoo tshaj plaws kuv txais yog txoj kev hlub ntawm Tswv Ntuj poob los rau kuv , txoj kev hlub no loj tshaj txhua yam. Kev hlub dawb huv, kev hlub ntshiab, kev hlub kaj, kev hlub thoob tsib. Kuv yeej tsis tau mloog ib yam kev hlub hauv kuv lub neej yuav loj tshaj Tswv Ntuj txoj kev hlub hauv kuv lub neej yav dhau los li. Kuv yeej paub tias yog tseem tseem HUAB TAIS YESXUS PLEEV, vim yog TSWV NTUJ tus NTSUJ PLIG qhia kuv, nws yog TSWV NTUJ LEEJ TUB, nws nyob hauv kem kuv nyob nrog kuv ua ke .
    << Me Ntxhais, ( Yexus hais lus rau kuv dua ), kuv yuav coj koj mus hauv nruab nrab dab phem teb nrog kuv tus Ntsuj Plig kom koj paub los sau ntawv qhia txhua yam koj pom , koj yuav los hais qhia rau neeg thoob ntiaj teb tias dab phem teb muaj tseeb , kom txhua tus neeg poob zoo yuav nkag mus hauv dab phem teb tawm tau rov qab los rau sab hnub ci ntsa iab uas muaj sau tseg nyob hauv kuv tej lus Ntawv Ntshiab.>>

    Tam sim ntawv kuv tus ntsuj plig thawm hauv kuv lub cev mus, kuv ya siab zuj zus nyob hauv kuv chav pw , kuv mus rau saum ntuj. Kuv yeej nco ntsoov thiab paub tseeb tias vim li cas kuv mus li ntawv. Kuv pom kuv tus txiv thiab kuv cov me nyuam nyob hauv kuv lub tsev uas nyob hauv qab YESXUS wb. Lawv tseem tsaug zog. Zoo li kuv cia li tuag , kuv lub cev nyob saum kuv lub txaj pw tsis nti, tiam sis kuv tus ntsuj plig nrog YESXUS mus siab zuj zus rau saum ru tsev, kuv pom kuv tsev neeg txhua leej txhua tus tseeb tseeb tseem pw tsaug zog, zoo li lub ru tsev txawj kauv mus los rau kuv pom lawv.


    Wb mus siab heev rau saum ntuj. Kuv tig mus ntsia YESXUS, nws nto moo lug thiab nws muaj hwj huam loj tshaj txhua yam. Kev thaj yeeb nrog nraim YESXUS, Nws tuav kuv tes thiab hais rau kuv tias : " Tsis txhob ntshai, kuv hlub koj, kuv nrog nraim koj ". Wb tseem haj yam nce siab zuj zus ntxiv rau saum ntuj. Tam sim no kuv pom tau lub ntiaj teb nyob hauv wb . Muaj ib co qhov dub nciab kiv ncig lub ntiaj teb , cov qhov ntawv tawm hauv av tuaj, muaj tej kab dub kiv txaus ntshai los mus zwm rau hauv plawv ntiaj teb. Kuv nug YESXUS tias tej ntawv yog dab tsi. Nws teb kuv tias : " yog cov qhov nkag mus rau hauv qab phem teb. Wb yuav tau nkag mus hauv cov qhov ntawv kom mus txog rau hauv plawv dab phem teb".

    Ces wb thiaj mus raws nraim YESXUS hais. Wb mus rau hauv cov qhov dub , zoo li cov qhov txawj kiv tig ob sab ua ke, zoo li lub tuj lub kiv tig mus ob sab. Kev tsaus ntuj vij wb thiab qhov tsaus ntuj ntawv tsw phem tshaj plaws ua rau kuv npo pa ceev. Saib ntawm tej ntug qhov ntuj uas wb tab tom nkag mus rau hauv mas pom ib co duab neeg ua zem zuag ciaj sia lo txhua txhia qhov chaw ntawm tej phab. Cov duab ntawv txawj nti thiab qw qw rau wb thaum wb hla los mus. Cov duab txawj nti tau tab sis lawv nplaum ntawm cov phab mus tsis tau qhov twg. Lawv cov ntxhiab tsw phem kawg nkaus thiab lawv cov suab qw wb mas txias zias. Kuv mloog tau ib lub zog loj , kuv tsis pom tab sis kuv hnov khiav txhua txhia cov qhov tsaus ntuj. Nyob hauv cov qhov tsaus ntuj ,kuv pom zem zuag tej tug tsiaj txawv txawv nyob ntawm tej ntsa pos huab zem zuag qias qias neeg ncig mus los . Kuv thiaj nug HUAB TAIS tias tej ntawv yog dab tsi? Nws teb rau kuv tias : " yog cov ntsuj plig phem uas npaj nyob ze npoo qhov ntiaj teb tos ntsoov dab ntxwj nyoog txib lawv mus ntuav kev phem rau neeg ntiaj teb". HUAB TAIS wb nkag mus tob zus ntxiv rau hauv cov qhov tsaus ntuj, cov niag tsiaj ntawv thuam wb, sim muab wb, tab sis lawv muab tsis tau wb thiab kov tsis tau wb vim lub HWJ HUAM LOJ ntawm Huab Tais YESXUS. Tsuas tshuav YESXUS tus kheej nyob nrog nraim kuv, kuv thiaj tsis qw thaum kuv pom tej cov niag dab phem qias neeg . Kuv cov ntxhiab yog kiag li kuv lub cev ntiaj teb hnov, kuv hnov tau li thaum kuv yog neeg muaj lub cev hnov, kuv mloog tau , kuv hnov tau, tseem paub mloog tau qhov phem tib si li yog lub cev mloog. Tus ntxhiab tsw phem qias neeg ua rau kuv mloog zoo li yuav luag mob li thaum kuv lub cev ntiaj teb yuav luag mob.

    Wb yim nqis mus tob mas yim huab hnov cov suab qw thoob plaws tej chaw hauv. Cov suab qw nce ntsia ntsees tuaj rau wb saum lub qhov uas wb tab tom nkag. Kuv mloog tau kuv txoj kev ntshai, txoj kev tuag, txoj kev txhaum. Tus ntxhiab qias neeg tshaj plaws kuv hnov nyob hauv no mas yog tus ntxhiab neeg tuag lwj lwj. Nyob ntiaj teb kuv twb tsis tau hnov tej yam tsw phem qias neeg npaum no, kuv tsis tau hnov dua ib co suab yuav khuv xim npaum no. Kuv paub tseeb tias yog cov suab tuag. Dab phem teb puv nkaus cov suab tuag.

    << Wb yuav nkag mus sab ceg xis hawv dab phem teb( YESXUS hais li no rau kuv ) . Dab phem teb zoo nkaus li neeg lub cev pw hauv av. Koj nco ntsoov qhia rau neeg ntiaj teb tias dab phem teb muaj tseeb. Txhiab pua leej neeg ntiaj teb tus ntsuj nplig nyob rau hauv no, ib hnub poob coob zuj zus ntxiv. Hnub kawg kuv yuav muab dab phem teb thiab txoj kev tuag pov rau hauv hav hluav taws mus ib txhis. Tom ntej wb yuav mus ntxiv, koj yuav pom neeg txoj kev raug hiam, txoj kev mob, txoj kev tu siab, tej no yuav ua rau koj mus ceeb toom rau sawv daws. Phau ntawv koj yuav sau nws yuav cawm tau coob leej ntau tus ntsuj plig dim ntawm dab phem teb. Txhua yam koj pom hauv no muaj tseeb. Tab sis txhob ntshai vim kuv nrog koj >>.YESXUS thiab kuv mus txog puag hauv qab lub qhov tsaus ntuj. Wb nkag kiag rau hauv plawv dab phem teb.


    Ntawm wb hauv ntej, kuv pom tej yam khoom ya puv nkaus mus mus los los. Hnov cov suab ntsaj suab qw ntshawb tej cua nyob hauv. Deb tom ntej pom ib qho chaw pom kev zem zuag, wb mus rau qhov chaw pom kev zem zuag ntawv. Tus ntxhiab tsw phem xeev siab puv nkaus hauv.<< Nyob sab ceg lauj hauv dab phem teb ( YESXUS hais rau kuv ) , muaj ntau lub qhov. Lub qhov wb los nov nws qhia rau txhua txhia qhov chaw dab phem teb paub tias zoo li cas. Tiam sis wb yuav mus ncig me ntsis hauv xav ceg lauj. Txhua yam koj mus pom yuav nyob mus li hauv koj lub tswv yim. Yuav tsum kom ntiaj teb paub qhov tseeb hauv dab phem teb. Coob leej ntau tus neeg txhaum, thiab ib txhia neeg nyob hauv kuv pawg twb tsis ntseeg tias dab phem teb muaj tseeb. Kuv thiaj xaiv koj los mus qhia tej no rau lawv txhua tus. Txhua yam kuv yuav qhia koj yog qhov tseeb hauv dab phem teb, kuv yuav coj koj mus kom pom qhov tseem tseem dab phem teb >>.


    Thaum wb mus kev, cov ntsuj plig phem khiav zom zaws txav kev vim muaj Huab Tais YESXUS . Wb taug mus rau hauv ib kem hoob pom ib co qhov kaw mus kaw los saum wb tau haub. Muaj ib co suab qw hla saum wb tau haub thaum cov dab phem ya hla wb. YESXUS wb maj mam mus txog ntawm kem hoob tsaus ntuj zem zuag . Muaj tej thooj av ua pob daws nyob ntawm tej ntug , pom tej lub qhov taub muaj dej kub dej npau , muaj nplaim taws txaws mus txaws los.<< Muaj tej lub qhov taub dej kub dej npau zoo li no nyob sab taw lauj hauv dab phem teb( YESXUS hais li no rau kuv) >>.Kuv sawv ntawm YESXUS ib sab, kuv saib hauv lub qhov taub dej kub dej npau, kuv hnov tsw hiav hauv lub qhov taub tawm tuaj, nyob hauv lub qhov taub pom zoo li ib co hluav ncaig liab ploog. Kuv saib hauv plawv ntawm lub qhov taub, kuv pom ib tus ntsuj plig nti ciaj nti tuag tawm tsis tau mus qhov twg, nws los nyob hauv lub qhov dej kub dej npau no txij puag thaum nws tuag lub cev nyob ntiaj teb. Pom dej kub dej npau muab nws kauv puag hauv lub qhov. Kuv tsa muag saib zoo ,pom tus ntsuj plig nyob hauv ib lub cev neeg zoo li pob txha , nws muaj sia ,nws raug hluav taws txhiab , kub , yaim , tsis paub tsum. Nws ntsaj tej suab qhoob laws, vim nws raug kev tsim txom .


    Kuv saib tom ntej hauv ib lub qhov dej kub dej npau, kuv pom ib tus ntsuj plig qw qw HUAB TAIS YESXUS lub npe, nws hu tias : " YESXUS, khuv leej kuv os!". Yog ib lub suab poj niam. Thaum kuv pom nws zoo li no, kuv hlub nws kawg nkaus, kuv xav pab rub nws kom tawm tau hauv cov hluav taws los. Kuv lub siab dua rhe, mob tseej zag. Lub cev nqaij pob txha ntawm tus pojniam ncho pa tsis tseg, tus pob txha dub nciab thiab qias neeg, yog tus pojniam tus ntsuj plig hu YESXUS. Kuv yoob tag, kuv xav tsis thoob, kuv ceeb loj, thiab kuv mloog nws hu YESXUS tsis tseg li ntawv .


    Kuv pom nws cov nqaij ua hluav ncuav , nws tej qaij lwj lwj kub nyhiab dub nciab nyob hauv lub qhov dej kub dej npau. Ntawm nws ob lub qhov muag tsis pom muaj dab tsi, tsuas yog ob lub qhov dub nciab, nws tsis muaj plaub hau, hluav taws pib kub nws ob txhais ko taw , maj mam kub mus rau nws lub cev. Hluav taws hlawv nws tas mus li tsis txawj tuag. Hnov nws lub suab ntsaj quaj thiab qw ntsaj tsheej zag hu ntxiv tias : " HUAB TAIS , HUAB TAIS! kuv xav tawm hauv no mus". Kuv saib ntsoov tus poj niam, kuv pom kas , pom cab tawm tsis tseg hauv nws cov pob txha tuaj. Hluav taws tua tsis tau tej cab thiab kas ntawm tus pojniam.<< Nws yeej paub zoo tias nws muaj kas thiab cab thoob nws ib ce ( YESXUS hais li no ), nws yeej hnov ntsoov, mloog ntsoov >>. Tus poj niam tus ntsuj plig yeej paub tias nws txawm quaj npaum cas thiab ntsaj npaum cas los nws tawm tsis tau. << Los wb mus lwm qhov ( YESXUS hais li no rau kuv) >>.

    Wb mus txog rau ib qho chaw zoo li muaj ob peb kem kev sib qhaib nce toj thiab nqes hav pom dej kub dej npau ntws zom zaws zoo li tsis paub kawg qhov twg. Hnov ib co suab quaj , suab qw , suab ntsaj , ntawm cov neeg tuag ciaj, xyaw suab dab phem hem tuaj rau kuv pob ntseg txhua txhia qhov chaw hauv . Tsw ntxhiab neeg tuag, tsw ntxhiab lwj, tsw tsw nyhav kawg, kuv xeev siab xav ntuav los ntuav tsis tawm. Haub hoob no kub muaj zoo li hoob wb pom tas los thiab, pom plaub tus ntsuj plig pob txha nti hauv cov hluav taws dej kub dej npau tuaj, muaj ib tug yog suab txiv neej hu YESXUS nrov nrov (thaum lawv qw thiab hais lus thiaj paub tias lawv yog poj niam los txiv neej ,thaum lawv ntsaj xwb ces yeej tsis paub tias tus twg yog poj niam tus twg yog txiv neej ) : " HUAB TAIS, khuv leej kuv ma! ( hnov tus txiv neej quaj heev thiab khuv xim ). : Kuv tu siab heev os YESXUS, kuv thov koj zam txim rau kuv , thov koj hlub kuv ! pab kuv tawm hauv no! Kuv nyob hauv no ntev heev los lawm, kuv thov koj, pab rub kuv tawm. Thov os YESXUS! thov ruv kuv tes tawm (Nws thov tsis tseg) , HUAB TAIS YESXUS, kuv tseem raug tsim tsis tau txaus rau kuv cov txim txhaum los? twb muaj plaub caug xyoo kuv nyob nov, txij kiag hnub kuv tuag kuv twb nyob nov, tseem tsis tau txaus?.

    YESXUS teb tias : << Muaj ntawv sau tseg tias : tus neeg ncaj thiab muaj kev ntseeg yuav ciaj rov los nyob hauv nws txoj kev ntseeg. Tus neeg phem, thiab thuam txoj kev ntseeg yuav tuag ploj mus nyob hauv hav dej kub dej npau mus ib txhis. Koj twb tsis kam ntseeg qhov tseeb. Kuv twb xa coob leej ntau tus neeg hauv kuv pawg ntseeg tuaj cuag koj , tuaj qhia qhov tseeb rau koj los koj yeej tsis kam mloog. Koj tseem luag thiab koj tseem thuam kuv cov ntawv Ntshiab. Txawm kuv tuag nyob saum tus ntoo khaub lig rau koj , los koj tseem thuam kuv, thiab koj yeej tsis kam lees koj tej kev txhaum. Kuv txiv twb muab ntau lub caij, ntau lub sij hawm rau koj kom koj dim los koj yeej tsis mloog. Kheev lam koj mloog thiab yuav mas >>. ( YESXUS quaj thaum nws hais li no ). Tus ntsuj plig txiv neej rov teb tias : " Kuv paub mas HUAB TAIS, tam sim no kuv ntseeg thiab mloog koj lus , kuv rov los ua koj tug yuav koj hais". << Lig dhau ( YESXUS teb li no ). Kev txiav txim twb poob >>


    KEV TXIAV TXIM TWB POOB !


    " HUAB TAIS! (tus txiv neej hais ntxiv) kuv tsev neeg ib txhia kawg yuav los rau hauv no, vim lawv twb tsis kam ntseeg. Kuv thov koj, HUAB TAIS, koj tso kuv rov qab mus qhia kom kuv tsev neeg yuav tsum tig los ntseeg thiab mloog koj lus , daws lawv cov txhaum thaum tseem tsis tau lig rau lawv nyob saum ntiaj teb. Kuv tsis xav kom lawv los rau hauv no". << Lawv yeej muaj neeg mus qhia lawv lawm. ( YESXUS teb li no ) Muaj neeg qhia txog yav thaum ub, muaj neeg mus qhia ntawv Ntshiab, yeej yuav muaj tus tham txog kuv rau lawv. Nim no lawv twb muaj ntau tsav ntau yam kev sib nug xov nrog huab nrog cua, lawv muaj txhij thoob puas yam qhia paub kuv. Kuv twb xa coob leej ntau tus neeg mus sau qoob loo txog lawv kom lawv ntseeg thiab dim ntawm txoj kev tuag. Yog lawv tsis ntseeg thaum lawv hnov ntawv Ntshiab thiab ces txawm ib tus tuag sawv kiag mus qhia lawv los lawv yeej tsis mloog >>. YESXUS hais li no tas rau tus txiv neej ces tus txiv neej npau taws ua lwj ua liam. Tus txiv neej hais lus phem thiab cem YESXUS tsis tseg. Kuv saib tus txiv neej cov nqaij lwj dai ntawm nws cov pob txha cig hluav taws hlob hlobb muab nws kub kub ua rau nws ua hluav ncuav tas, pom kiag cov pob txha dub nciab nyob hauv lub khauj khaum qias qias neeg ,tsw phem, quaj qw tseej zag.


    Wb mus rau lwm lub qhov dej kub dej npau, pom ib tug pojniam lub khauj khaum pob txha zoo li nws muaj 84 xyoos. Kuv tsis paub nws lub hnub yug, tab sis xyov ua cas kuv ho paub tias nws muaj li ntawv. Nw daim tawv nqaij ntuag khis dai ntawm nws tus pob txha, hluab taws cig tsis tseg rau nws tus pob txha, muaj ib tug ntsuj plig nyob hauv nws tus pob txha. Kuv saib hluab taws muab nws kub kub nqaij yuav yaj tas, pom kas coob coob nyob hauv nws cov pob txha, hluab taws tsis kub cov kas ntawv , tiam sis muab nws tus txha hlawv tas li. " HUAB TAIS, txaus ntshai heev lawm os! xyov kuv puas yuav mus taus ntxiv lawm ( kuv hais li no rau Huab Tais YESXUS ) ". Tej Kuv pom txaus ntshai heev, tseem heev tshaj qhov kuv xav tau lawm thiab! Kuv pom neeg cov ntsuj plig kub nyiab thoob plaws hauv lub qhov ntuj dab phem teb npau xi tsis pom tom ntej tsis pom tom qab, tsuas paub tias neeg tuag tus ntsuj plig mus nyob hauv coob li coob suav tsis txheeb. Raug hlawv, raug tsim txom tsis paub tag. << Los wb mus ntxiv, wb yuav tsum mus ntxiv >>. Kuv tig rov mus saib tus poj niam laus uas kuv pom nws tus ntsuj plig , nws cov kua muag ntws sis, nws chim , nws tu siab, ciaj hluab taws. Kuv pom nws muab nws ob sab tes los ua ke ntawm hauv siab thov ntuj, ua rau kuv tu siab kuv mob siab kuv quaj, kuv txawm yog ntsuj plig xwb los kuv quaj tau tib yam. Kuv paub tias cov neeg nyob dab phem teb paub hnov thiab mloog tau tej yam no tib si. YESXUS paub kuv txoj kev xav , YESXUS hais rau kuv tias : << Yog mas me ntxhais, tej no yeej muaj tseeb. Thaum cov neeg los rau hauv no, lawv yeej hnov thiab mloog tau txha yam , lawv yeej nco ntsoob thiab muaj kev xav tib yam thaum lawv tseem nyob saum ntiaj teb. Lawv yeej nco ntsoov lawv tsev neeg , lawv tej phoojywg, lawv tseem nco tau txhua zaus uas lawv muaj lub sij hawm yuav paub qhov tseeb es lawv tsis kam mloog los sis lub sij hawm lawv tawm tsam los yog thuam qhov tseeb thiab lawv luag lawv tsis kam mloog. Lawv nco txhij nco txhua, lawv muaj lawv lub hlwb nrog lawv ua ke los hauv no. Kheev lam lawv mloog es tig los ntseeg thiab mloog ua ntej lawv yuav los hauv no...>>

    YESXUS hais ntxiv rau kuv tias : << Me ntxhais, thaum tus poj niam no nyob ntiaj teb, nws mob khas xes ( Cancer ). Nws chim heev, Tej kws tshuaj loj pab txhij pab txhua kom cawm tau nws, lawv siv txuj ci nphais nws kom zoo. Tiam sis nws tsis zoo tu qab , ntev niaj ntau xyoo nws ua ib tug neeg iab siab. Kuv cov neeg ntseeg mus thov ntuj coob leej ntau tus rau nws thiab qhia nws tias kuv yog tus yuav cawm tau nws. Tiam sis nws teb tias : " Yog TSWV NTUJ tso tej kev mob no rau kuv ". Nws tsis kam mloog leej twg qhia nws, nws tsis kam ntseeg Ntawv moo zoo. Nws paub tau kuv ib ntus, tab sis nws pib ntxub kuv. Nws hais tias nws tsis vam txog HUAB TAIS NTUJ thiab nws tsis kam yuav kuv txoj kev cawm thiab pab nws. Kuv yeej qhia tag los qhia ntxiv, kuv thov nws pes tsawg zaus kom los ntawm kuv, kuv yuav foom hmoov zoo rau nws los nws tseem tig nruab qaum rau kuv, kuv twb tso kuv tus NTSUJ PLIG mus pab kom nws tig los ntawm kuv los nws yeej tsis quav ntsej. Li no nws thiaj tuag ncaj qha los rau hauv no . Nim no nws khuv xim thiab paub qhov tseeb tias kuv yog tus cawm tau nws. Tiam sis lig dhau lawm, kev txiav txim twb poob rau nws tag. >>.


    Last edited by Maiv Paj Lug on 25th September 2010, 4:33 am; edited 2 times in total




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 25th September 2010, 4:23 am

    DAB PHEM TEB TXUAS NTXIV :


    LIG DHAU ,KEV TXIAV TXIM TWB POOB !



    Wb taug mus hauv cov kwj hoob muaj nplaim taws, muaj ib co tes tsa tuaj kom YESXUS pab thiab lawv quaj qw kom pab lawv cov suab ntsaj tsis paub tus, mloog zoo li lawv raug tsim txom heev , lawv quaj thov kom YESXUS khuv leej lawv. Kuv hlub cov ntsuj plig heev, ua rau kuv lub zog ntaug zuj zus, txawm yog kuv tus ntsuj plig xwb los kuv txawj mloog kuv tsis muaj zog, kuv pom txoj kev tuag tsw phem thiab tsw lwj , hluav taws puv qhov txhia chaw vaum ua rau kuv tsis xav mus ntxiv. Kuv sawv tsis taus mus ntxiv, kuv lub kua muag poob thiab ntws sis laub sis lug. Nyob tsis deb ntawm kem hoob kuv mus tsis taus ntawv hnov ib tug poj niam lub suab hu YESXUS , nws lub cev ciaj hluav taws loj kawg, nws tej pob txha kas tawm zom zaws, nws tsa tes tuaj rau YESXUS :[color=red] " YESXUS Pab kuv tawm , kuv yuav muab kuv lub siab rau koj txij no mus. Kuv yuav qhia rau txhua tus txog koj txoj kev zam txhaum. Kuv yuav ua tim khawv rau koj, kuv thov koj pab kuv tawm hauv no, thov koj khuv leej kuv, thov los mas YESXUS" .XUS teb nrog lub suab mos mos : << Pojniam, muaj ntau zaus kuv twb cia koj paub qhov tseeb kom koj ntseeg kuv, kom koj tau kev cawm los ntawm kuv. Tiam sis koj tso koj lub siab tawv. Koj twb hnov kuv cov lus qhia tias tus neeg twg tsis kam mloog ,tseem ua phem yuav tau mus nyob hauv hav hluav taws. Koj thuam kuv tej lus, koj nyhos tsis tseg, koj luag thiab koj khiav kuv.>>

    YESXUS tig los hais rau kuv tias : << Tus pojniam ntawv coj coob leej ntau tus txiv neej los rau hauv kev txhaum. Coob leej ntau tus niam txiv lub neej puam sij, piam thiab tu siab tas, lawv lub neej puas tas, tawg tas. Txawm li ntawv los kuv tseem hlub nws, kuv yeej tsis tso tseg kuv txoj kev hlub nws, kuv tso coob leej ntau tus tib neeg mus tshaj ntuj lus rau nws, kuv xav coob leej ntau tus neeg mus pab kom nws tig rov los rau kuv, kuv mus cuag nws, xav kom nws dim tsis yog yuav rau txim rau nws. Tiam sis kuv uas tas puas tsav yam rau nws los nws tsis kam yuav. Thaum nws tseem hluas kuv hu nws, tiam sis nws tseem mus teev dab ,nws tau ua tej yam kev phem kev qias. Kuv xav cawm nws heev yog nws tig los rau kuv, tiam sis dab ntxwj nyoog txam los rau nws ces nws cia li mloog dab ntxwj nyoog haub thiab ntxias, nws tig los ntxub kuv, nws tias txawm dab ntxwj nyoog yuav coj nws mus los nws yeem mus nyob dab phem teb nws tsis kam lees kuv ua nws tug. Nyob ib nrab hauv nws mas nws tseem ntshaw los rau kuv kawg, tiam sis ib tug neeg coj tsis tau ob sab, nws yuav tsum xaiv, neeg coj tsis tau TSWV NTUJ thiab ntxwj nyoog ua ke. Ib tus neeg nws yuav tsum xaiv nws kev taug, tus pojniam ntawv xaiv ntxwj nyoog mus coj!>>


    Yesxus hais rau kuv tias: << Los wb mus ntxiv, ( YESXUS tuav kuv tes ces kuv thiaj sawv tau nrog nws mus dua) >>. Lub qhov tom ntej, muaj ib tug ntsuj plig ntawm ib tus tub hluas nyob hauv nws cov pob txha quaj qw rau YESXUs tias : " HUAB TAIS ! pab kuv, ua li cas kuv thiaj los nyob hauv no! pab kuv! " . YESXUS tig los hais rau kuv tias : << Tus tub hluas ntawv muaj 23 xyoos thaum nws los rau hauv no. Nws tsis kam mloog ntawv moo zoo. Nws hnov ntau zaus txog ntawv moo zoo thiab txog kuv cov lus, nws tuaj zaum puav hauv kuv cov tuam tsev teev ntuj. Kuv caw nws nrog kuv tus Ntsuj Plig, kom nws tau txoj sia mus li, tiam sis nws nyiam neeg ntiaj teb txoj kev lom zem. Nws nyiam haus cawv, nws tsis xav los tshuam txog kuv hu nws. Nws yug los nyob rau tsev neeg ntseeg, nws hlob hauv tsev teev ntuj, tiam sis nws tsis kam muab nws txoj kev cia siab cog rau kuv, nws yeem muab mus cog rau kev lom zem. Muaj ib hnub nws hais rau kuv tias : " Huab Tais, kuv yuav muab kuv txoj sia rau koj " Tiam sis hnub ntawv tsis txawj los txog kuv, muaj ib hmos, nws mus ua si kev lom zem, nws mus haus cawv ntau, nws ua tsheb sib tsoo , nws tuag kiag ntawm thaj chaw . Dab ntxwj nyoog haub ntxias tau nws txog ntua thaum kawg, nws tsis kam mloog kuv, muaj ob peb tus neeg kuj nrog nws tuag hauv nws lub tsheb thiab. Dab ntxwj nyoog txoj kev ntshaw yog xav tua nws kom tuag sai ua ntej nws tau los cuag kuv, dab ntxwj nyoog ntxias nws rau kev lom zem, kev dig muag thiab haub ntxias nws mus haus cawv ntau tua nws tuag raws li dab ntxwj nyoog ntshaw, thaum nws tuag dab ntxwj nyoog cab nws los hauv no. Ib xyoos mas coob leej ntau tsev neeg, niam txiv puam sij , tim txoj kev haus cawv >>.


    Kuv saib tus ntsuj plig ntawm tus tub hluas, ua rau kuv nco txog kuv tus tub tib yam. Kuv tus tub tseem yuav muaj 23 xyoos tsis ntev saum no. kuv hais rau YESXUS tias : " HUAB TAIS aw! cas lawv yuav raug tsim txom phem ua luaj no, koj puas kam hu kuv tus me tub mus ua koj txoj hauj lwm, vim tias dab phem teb txaus ntshai tiag tiag li, leej twg poob hauv no lawm tawm tsis tau li mas mob kuv siab dhau lawm. " Kuv pom YESXUS kua muag poob, nws ntsej muag ntshau tsis luag, nws tu siab heev vim nws tsis yog tus xaiv rau peb, peb yog tus xaiv seb peb nyiam dab ntxwj nyoog los peb nyiam YESXUS. YESXUS hlub peb vim nws yog tus los tuag kom peb dim. Yog peb tsis mloog thiab tsis nyiam nws peb xaiv dab ntxwj nyoog ces peb tuag tsis muaj leej twg pab tau peb, peb yuav los ciaj ncaig ciaj hluav taws nyob rau kas yaim mus ib txhiab ib txhis.YESXUS wb taug mus lwm qhov, kuv pom YESXUS kua muag ntws tsis tseg, tej tus nab loj loj nkag ntawm wb tej hauv ntej,tsw phem heev, tsw kua lwj nrog hiav sib xyaws, tsw nqaij kub nyhiab, vaum qhov txhia chaw, kuv thev tsis taus, kuv quaj vim kuv tu siab. YESXUS hais tias: << Wb los txog hauv dab phem plab, hauv no ntev li 27 km, thiab kheej li 5 km >>. YESXUS qhia tseeb li no rau kuv.


    Pem wb hauv ntej, kuv tau ib co suab quaj qw tsis tseg, kuv nsthai heev. Cov suab quaj qw hauv dab phem teb, nej yeej tsis paub txog tias txaus ntshai npaum li cas, vim nws heev tshaj txhua yam suab nej hnov saum ntiaj teb. Kuv hnov ib lub suab nstuj plig tab tom raug kev tsim txom qw nrov quaj rov tuaj rau kuv pob ntseg. Yog lub suab txiv neej. YESXUS wb maj mam taug mus txog thaj chaw ntawv pom ib co duab tsaus tsaus khiav rau ub rau no, lawv los khiav ncig ib lub thawv. Kuv saib zoo zoo, kuv pom lub thawv ntawv cas yog ib lub hleb, cov me nyuam duab khiav ncig lub hleb ntawv yog cov démon ( poj ntxoog ) tab tom khiav ncig lub hleb. Lawv khiav thuam thiab tsauj ntsuag qees rau lub hleb, kuv pom lawv muab ib co hmuv nkaug ms rau hauv lub hleb, lawv tho ib co qhov rau hauv lub hleb ces lawv pheej nkaug luag nkaug thuam tsheej zag. Kuv hnov txias zias ua rau kuv ntshai, kuv cia li tshee . YESXUS thiaj hais li no rau kuv : << Me ntxhais, muaj coob tus ntsuj plig raug los tsim txom thiab hiam hauv qhov chaw no, txhua tus ntsuj plig raug tsim txom nyias txawv nyias lawm ib yam. Cov uas rau kev tsim txom sab tshaj yog cov tau hnov ntawv moo zoo thiab rov tig mus ua txhaum >>.

    Kuv hnov ib lub suab hu nrov tias : " tsis muaj kev cia siab lawm! tsis muaj kev cia siab lawm! " Lub suab quaj hauv lub hleb tuaj, thiab nws lub suab quaj tsis muaj kev cia siab, nws ntshaj thiab qw tas zog. " Txaus ntshai ua luaj ! " kuv hais li no. << Los wb mus kom ze ( YESXUS teb li no >>. YESXUS txav mus ze lub hleb, YESXUS xauj saum toj mus rau hauv lub hleb, kuv txav los ze YESXUS kuv kuj xauj tib yam. Cov poj ntxoog ntawv tsis pom wb, vim YESXUS lub hwj huam roos wb tsis pub lawv pom wb. Tus ntsuj plig quaj qw hauv lub hleb xiav lus dub nciab, yog tus ntsuj plig kuv hnov lub suab ntag, thaum wb tseem xauj xauj tus ntsuj plig, cov poj ntxoog, tshum pas thiab tshum hmuv tsij tas zog rov qab rau tus ntsuj plig hauv lub hleb. Tus ntsuj plig hnov mob thiab txaus ntshai kawg nkaus. Nws raug tsim txom li no tas zog mus tag nws ib txhiab ib txhis. YESXUS pub tus ntsuj plig raug tsim txom pom wb, ces tus ntsuj plig thiaj thov YESXUS: [color:4d13=red}" HUAB TAIS, HUAB TAIS , pab kuv tawm os! khuv leej kuv ma ! "
    . Nyob hauv lub hleb tsuas pom kua lwj thiab kua ntshav dub nciab, tiam sis tus ntsuj plig pw huav yog ib tug txiv neeg tus ntsuj plig, nws nyob li ntawv hauv mus li, nws muaj lub siab neeg, tiam sis nws lub cev yog pob txha dub nciab. Kuv pom ntshav txuas lug hauv tus txiv neej ntawv lub hauv siab tuaj. Kuv pom cov poj ntxoog xuas hmuv nkaug tsis tseg rau tus neeg lub siab, txuas nsthav phwj ntshav ib txwm. Kuv mloog tau tus ntsuj plig ntawv nws yeej hnov ntsoov cov hmuv ntawv nkaug nws mus li. YESXUS hais tias : << Nws yuav nyob raug kev hiam li no mus li, dab ntxwj nyoog muab nws tus ntsuj plig tso rau hauv no txij li puag thaum nws tuag los txog tav no. Dab ntxwj nyoob txhib kom lawv muab nws tsim txom li no mus li. >>. Tus txiv neeg rov hu YESXUS dua : " HUAB TAIS, txij no lawm tov kuv mam li qhia ntawv moo zoo kom tseeb kuv yuav qhia txog dab phem teb kom tseeb rau txhua tus. Kuv thov koj khuv leej kuv! pab kuv tawm os HUAB TAIS. "

    YESXUS wb mus tom ntej ntxiv, pom ib tug pojniam zaum tsaws, nws pheej de cov kas tawm hauv nws cov pob txha los, ces nws qw nrov rau YESXUS thaum nws pom wb hla los mus, nws qw tias :[/color=red] " Pab kuv os HUAB TAIS, kuv yuav coj kom zoo, pab kuv tawm ntawm no mus, thov koj khuv leej kuv! " . Nws sawv tsees los tuav kiag cov kav hlau uas muab nws kaw rau hauv ib lub qhov, nws qw tas zog. Nws quaj heev ces nws lub cev tshee. Nws hais ntxiv tias : HUAB TAIS! thaum kuv tseem nyob saum ntiaj teb, kuv tau nyiam thiab hawm cov mlom hindou ntau heev, Kuv tsis ntseeg cov ntawv moo zoo uas koj cov tub txib tuaj qhia kuv, kuv yeej hnov coob leej ntau tus qhia txog koj cov ntawv moo zoo, tiam sis kuv nyiam mloog thiab teev mloog , thaum kuv tuag cov nom mlom twb pab tsis tau kuv, tseev kuv hu los lawv twb tsis tuaj pab kuv, kuv txawm huv kuv cov huab tais npaum li cas los lawv tsis pab kuv. Tam sim no kuv paub qhov tseeb lawm, kuv xav tig rov qab los rau koj, kuv mam li mloog koj tej ntawv moo zoo, thov koj khuv leej kuv ! ". << Lig dhau lawm! >> YESXUS teb li no.






    <3 <3 Pab kuv rov los cuag koj Huab Tais Yesxus <3 <3
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 25th September 2010, 4:30 am

    Chers frères, chers amis et vous tous qui me lisez, permettez-moi de vous faire une confidence: C’est un privilège spécial que vous et moi avons, de découvrir ce que c’est que l’Enfer, pendant que nous sommes encore en vie, et pendant que nous pouvons le fuir. A cet effet je voudrais dire toute ma reconnaissance au Seigneur Jésus-Christ!

    Comme vous l’avez lu dans ce témoignage, l’Enfer existe, l’Enfer est réel. La sœur Mary Baxter l’a visité pour nous. Le Seigneur lui a donné une description assez détaillée de l’Enfer. Bien qu’en lisant ce témoignage j’avais déjà la conviction qu’il était vrai, le Seigneur a encore choisi de me bénir avec une révélation qui a davantage renforcé ma joie et ma louange à Dieu. Je ne garderai pas cette révélation pour moi seul.

    Beloved brethren, dear friends and all of you reading this testimony, permit me to confide this to you: It is a special privilege that you and I have, to discover what Hell really is, while we are still alive, and while we can still escape from it. For this reason I will like to express my profound gratitude to the Lord Jesus Christ!

    Just as you’ve read in this testimony, Hell exists and it is real. Sister Mary Baxter visited it on our behalf. The Lord gave her a detailed description of Hell. Even though I had the conviction that this testimony was true as I read through, the Lord chose once more to bless me with a revelation that strengthened my joy and my praise to Him. I will not keep this revelation to myself.


    SAIB DAIM VIDEO FICTION LAWV UA RAWS LI TEMOIGNGE MUS POM HAUB DAB PHEM TEB:


    Vezi mai multe din Faze tari pe 220.ro




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 5th October 2010, 10:11 am

    Tub coj lus:
    Tswv Ntuj ib leeg thiaj paub hais tias lawv pom dab tsi sab nraud.
    Cov uas mus txog npoo ntuj kawg rov qab los txog lawv tham qhov lawv ntshai, lawv kev txom nyem thiab lub qhov txos hluav taws.
    Lawv hais txog cov ntsuj plig uas raug txim lub suab quaj thiab cov ntsuj plig uas yuam kev lub suab ntsaj.
    Charles marcann yog ib tug ntawm cov neeg ntawd hais li no:

    -Txaus ntshai tshaj plaws thiab tsis txaus ntseeg li:
    Tub Kho Mob hais rau kuv tias kuv cov plaub hau mas ncaj cuag xub, kuv ob lub ntsiab muag loj qhaws hlo, kuv ntshai heev, kuv ntshai tshee na xwb...Tag nrho cov neeg nyob ntawd yeej pom tias kuv ntshai heev...

    Tub coj lus:
    Charles marcann thiab lwm tus tim khawv ua rau kom Kws kho mob Laurent thiab cov Kws txuj nyob lub Tuam Tsev Kawm ntawv txheej siab sau ib phau ntawv. Txawm ib hnub txawv txawv hauv lub 1 hli 1977, lawv tsis paub yuav ntseeg txog Ntuj los ntseeg txog dab...

    Kws Tshuaj hais:
    Kuv paub tseeb tias yog ib qho kev sim kuv mus rau Dab phem teb, kuv pom Yes Xus Pleev, ib tug ntsuj plig ntshiab nyob hauv kem kuv nyob.

    Tub coj lus:
    Qhov nov tau hloov Kws Tshuaj Laurance lub siab xav thiab ua rau nws paub txog lub neej tom qab lub neej. Cov neeg feem coob yog tuag nyob saum lub rooj phais neeg uas lawv rov cawm tau los hais. Nyob USA hais tias muaj 11.000.000 tau pom lub QHOV TUAG, lub qhov thoob tsaus tsaus thiab qhov ci pom kev. Nyuam qhuav tsis ntev no muaj tus puav thiaj muab lawv zaj dab neeg piav tawm los.
    Raws li Kws Tshuaj Laurence mas muaj coob leej tsis kam tham txog Dab phem teb uas lawv tau mus pom los, vim lawv tau ua neeg tsis nyob nyob rau ntiaj teb lawm.

    Kws Tshuaj hais:
    Leej twg yuav kam lees tias nws yog ib tug neeg tsis zoo, piam cuab? Ua tsis ncaj rau nws tsev neeg thiab nws tej phooj ywg. Muaj tus puav lawv kuj xav hloov lawv lub siab kom ua neeg zoo mus ntxiv. Cov neeg uas twb paub txog tej xwm txheej nov, xyov lawv muab lawv lub hlub, lub cim xeeb coj mus zais qhov twg es kom txhob nco txog teg no lawm.

    Tub coj lus:
    Laurence hais tias nws mam paub tseeb txij thaum hnub uas Charles tuag ob peb tsig thaum nws tab tom nyob saum lub rooj phais neeg. Nws hnov cov suab quaj, nws pom cov neeg raug tsim txom thiab piav tias Dab phem teb zoo li cas thaum nws tab tom huaj cheej, peem kom rov ciaj rov los.

    Kws Tshuaj hais:
    Nws hais tsis tseg tias: " Kuv mus rau Dab Phem teb lawm, kuv mus rau Dab Phem teb lawm!"

    Tub coj lus:
    Charles marcann tsis hais npe li, thaum nug coob leej uas tuag thiab xeev rov los, lawv tham txog tej uas lawv mus pom mas txaus ntshai heev, zoo nkaus li cov duab kos uas cov kws kos duab tau kos txog ntuj txias teb tsaus, kos txog dab phem txoj kev tsim neeg...Pom Dab Phem 4 tug dej kub zoo nkaus lis tau hais tseg thaum 1300 tawm ntawd. Lawv pom zoo li cov neeg dai qha, ntab yuj yees txhiab saum hluav taws. Pom cov ntsuj plig raug txim liab qab tsuas sib ncooj ua tej pwb pawg. Tej lus lawv hais nov ua rau tus Kws Tshuaj Laurence rov muab piv rau cov duab uas Bosh kos txog Teb Chaws Them Txim thaum 1400 tawm uas lawv hais txog lub QHOV TUAG, pom ib lub qhov thoob tshaj, muaj ib qhov pom kev ci, pom ib cov neeg ya dawb dawb tsis paub tias tshwm qhov twg los nyob rau ntawm rooj qho thoob tshaj.
    Txij thaum Charles marcann tuag thiab rov ciaj los thiaj ua rau Dr. Laurence paub txog lub neej nruab yeeb(Yeeb Ceeb,tom qab kev tuag). Thaum lub 1hlis 1977, Charles marcann mob duav thiaj mus rau Tsev tshuaj soj ntsuam .

    Charles marcann hais:
    Kuv mus tom lub Tsev Soj Ntsuam, vim kuv xav tias yog kuv mob plawv, ces kws tshuaj xav kom kuv sib zog tawm zog ua ntej nws yuav xa kuv rov qab mus tsev. Thaum kuv sib zog cuab zog, kuv ntsias lub tshuab ntsuas, kuv pom tias txoj kab tsis nce nqes li, tus yees xwb ces kuv xav tias ntshe tsis zoo lawm lauj...No xwb ces kuv cia li ntog kiag lawm.

    Kws tshuaj hais:
    Ib tug tub kho mob muab lub rau pa rau, muaj ib tug nqus qhov ncauj thaum kuv tab tom nias nws hauv siab ua kom lub plawv khiav...Tab sis nws lub plawv tsis dhia lawm, nws nqes ntau feeb...

    Charles marcann hais:
    Thaum lawv tab tom cawm kuv, kuv ntshai heev, kuv pom tej yam ua rau kuv ntshai heev tab sis kuv twb tsis paub hais tias yog dab tsi.Tus Kws Tshuaj nuig kuv hais tias: Yog ua cas? Kuv teb nws tias: "Kuv rov hauv Dab Phem teb los."

    Charles marcann hais:
    Nws qw hais tias: "Kws tshuaj, txhob tso tseg!" Ib txwm mas nws yeej tsuas hais tias: "tsum! nej yuav ua kuv cov tav lov tag lawm os!" Thiab nws rov hais ntxiv hais tias: " Txhua zaus uas nej tsum tsis zuaj kuv, kuv rov tsis nco qab lawm ces kuv rov mus rau Dab Phem teb xwb. Laurence thiab nws pab neeg ua hauj lwm kuj ceeb tag rau qhov pom Charles marcann ntshai ntshai. POm tias nws tshai tshaj lwm tus neeg mob uas tau tuag rov qab los ntawd. Nws nti ua lim ua lob thiab hais tsis tseg tias nws pom cov hluav taws hauv Dab Phem teb, cov Dab Phem, thiab ib cov phem phem caum nws...Nws sib sij hais tsis tseg tias: "Kuv nyob hauv Dab Phem teb, nej thov Ntuj rau kuv." Kuv zuaj rawv nws hauv siab thiab kuv tuav rawv lub tshuab ntsuas, thaum twg kuv tseg tsis zuaj ces nws qhov muag nruj nreem li nws rov tuag lawm.

    Tub coj lus hais:
    Taig kis tom qab, Laurence rov nug txog tab sis Charles marcann tsis nco qab tag nrog li lawm.

    Charles marcann hais:
    Kuv tsis nco qab tej uas kuv tau mus pom hauv Dab Phem teb kiag li lawm, tab sis kuv yeej tsis xav rov mus dua ib zaug ntxiv li. Qhov kuv nco tau zem zuag mas ho txawv, kuv pom kuv niam uas tuag thaum kuv muaj 10-12 hlis tej. Nws nrog kuv poj niam niam uas tuag tau li 10 lub xyoo los lawm nyob ua ke. Kuv tsis hnov nkaws kov kuv, tab sis kuv pom nkawd cev tes li tos kuv rau kuv.

    Tub coj lus hais:
    Qhov nov ua kom Charles marcann tsis nco qab tag nrho tej uas nws mus pom hauv Dab Phem teb. Zoo li ntawd coob tus neeg mob uas tau mus pom Dab Phem teb thiaj tsis piav dab tsi kiag li.

    Kws Tshuaj hais:
    Yog lawv tau ua dab tsi tsis zoo es thiaj tsim nyog mus rau Dab Phem teb?

    Tub Coj lus:
    Muaj ib tug txiv neej,Ran Reagan Tham txog qhov nws mus pom Dab Phem teb thiab hais tias yog tim li cas nws thiaj tau kev phem txaus poob rau Dab Phem teb.


    Ran Reagan Hais:
    Thaum kuv muaj hnub nyug 9 xyoos, peb nyob pem Toj siab, Roob Tes Nes Xis, peb txom nyem heev, kuv txiv niaj hnub haus cawv qaug zuj zis. Nws niaj hnub qw cem thiab muab peb ntau ib tug dhau ib tug. Yuav mus kawm ntawv mas kuv yuav tsum mus to taw mus caij lub tsheb sau me nyuam kawm ntawv deb ntawm peb tsev msu 5km. Muaj ib hnub kub txawm ntsib ib tug pog laus hais rau kuv tias: "Kuv muaj ib qho phaj tshab rau koj". Ces nws txawm muab tau ib tug me nyuam yaj pub rau kuv.

    Mam txuas ntxiv rau daim II



    Last edited by Maiv Tooj on 7th October 2010, 3:42 am; edited 3 times in total



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 5th October 2010, 10:24 am

    Wow...Maiv Tooj....ua li cas TSWV NTUJ nim qhia txhua tsav txhua yam kev rau neeg kom muaj tim khawv qhia rau txhua tus kom ceev faj los zoo li neeg tsis nyiam thiab tsis xav tig ntsej mloog tsis xav tig muag ntsia tej no kiag li os. Kuv nsthai tsam lawm hnub xav txog lig ces mam tias paub li paub li, ntshe yuav lig lig heev li lau.

    Kav liam mas tus twg muaj pob ntseg ho cuab mloog, tus twg muaj qhov muag ho tig los saib ces tus ntawv nyaj yuav dim ntawm dej kub dej npau.





    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 7th October 2010, 6:04 am



    Nyob zoo Maiv Paj lug,

    Hnub no kuv txhais tau ib daim lawm, tshuav ib daim mam rov txhais ntxiv seb hmo nov txhais puas tag...Hahhaah...Tsis khoom ces ib hnub txhais ib qho xwb lauj...!

    Yog kawg os Maiv, Tswv Ntuj ua txhij ua txhua qhia neeg, ua ciaj qhua, ua tuag qhia, ua looj sim qhia, ua yog toog qhia, ua npau suav qhia, ua Saub qhia, ua neeg Ntshiab qhia los neeg tsis xav mloog, tsuas xia plias rau kev txhoj kev txhaum nkaus xwb. Yog neeg tib zoo xav, txawm mloog hiab ua li tswv Ntuj hais los yeej tsis nyuaj tshaj mloog Tuaj Kub hais. Yog Mloog Tswv Ntuj hais, tseem tau lub neej nyab xeeb thaj yeeb tshaj uas mloog Dab Phem ntxias. Yog mloog Dab Phem ntxias mas tseem muaj kev kub ntxhov, sib cav sib ceg, kev quaj ntsuag tu siab...Phem npaum ntawd tab sis ua cas neeg uas NTSHAW QHOV ZOO XAV TAU QHOV ZOO HO UA PHEM TAS LI XWB...LAWV UA LI NTAWD TSIS MLOOG TSWV NTUJ HAIS IB HNUB TWG LUB NTIAJ TEB KAWG HO MUS POOB RAU DAB TEB CES YUAV TSIS MUAJ LEEJ TWG PAB TAU...THAUM NTAWD MAM QUAJ HU RAU NTIAJ TEB NEEG KOM MLOOG TSWV NTUJ LOS YUAV TSIS MUAJ NEEG HNOV LAWM...



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 7th October 2010, 6:56 am



    Txuas ntxiv ntawm daim 1

    DAB PHEM TEB MUAJ TIAG, NTUJ CEEB TSHEEJ MUAJ TSEEB - NDE Négatives UA TIM KHAWV[2/2]




    Ran Reagan Hais:

    Tus me nyuam yaj ncawg kuv heev, niaj hnub thaum sawv ntxov nws nrog kuv mus ua ib ntxaig mus tos tsheb me nyuam kawm ntawv, thaum tsaus ntuj, nws nyob tom chaw tos tsheb tos kuv...Ces muaj ib hnub kuv tsis pom nws tuaj tos kuv lawm...Kuv los txog tsev cas pom kuv txiv tab tom hloov lub log tsheb yws daws dom, kuv ntsia naj cas pom kuv tus me nyuam yaj ntsav liab vog nrom ncee ntawm nws ib sab...Yog kuv txiv muab tus txheem tsheb nkaug kuv tus me nyuam yaj tuag lawm. Thaum ntawd kuv muaj 9xyoos, kuv cia li qw nrov nrov, kuv tso sas ntws khiav mus rau tom tsev kawm ntawv thiab qw tias: Nws muab kuv tus me nyuam yaj tua tuag lawm!" Kuv chim thiab npau taws heev, kuv tsis paub yuav ua li cas hauv lub neej kiag li lawm. Kuv cia li ua ib tug neeg tsiv neeg nyaum siab tawv (muaj kev ntxub ntxaug), kuv muaj 12 xyoos xwb kuv fav xeeb, kuv yeej khiav tsis tseg ces kuv twb muaj ntau ntawv nyob tom Tub Ceev Xwm lawm. 15 xyoos kuv rau ntes mus nyob tsev loj faj, vim kuv nyiag ib lub tsheb ces Tub Ceev Xwm raws kuv, kuv mus ua tsheb sib tsoo, ua rau neeg tuag. Ces lawv muab kuv kaw txog 18 xyoo. Ntev npaum ntawd los kuv lub siab yeej tsis nqeg li, kev chim thiab khib xeeb tseem phwj yaws. Ces tsis muaj neeg nyiam kuv li vim kuv yog ib tug neeg lim hiam, siab phem, ces kuv thiaj ntsib ib tug hluas nkauj hu ua Hélène nws ho hlub kuv ces wb thiaj sib yuav xyoo 1974, nws muaj 15 xyoos hos kuv muaj 17 xyoo. Wb tsis muaj nyiaj, tsis muaj hauj lwm, tsis muaj chaw nyob ces wb ywj mus tsis muaj chaw txawb chaw rau. Wb nyiag tej chaw muag dej tom tej kev, wb nyiag cov chaw muag roj.
    Tsis ntev tom qab ces kuv ho quav cawv thiab quav tshuaj quav yeeb. Ces kuv ua phem rau kuv poj niam, kuv ntau thiab muab nws yuam phem heev, nws tiv tsis taus ces nws thiaj khiav. Ces kuv laij tau 8 lub xyoo nkaus rau cov kev ntawm Atlanta nyob georgia. Kuv nrog ib pab Motard, kuv nyiam lub neej ua laib no heev. Muaj ib taig kis kuv tsim los naj cas kub nyob hauv Tsev loj faj, lawv hais rau kuv tias: Thaum twg mam tsis tau ntes kuv kaw ntxiv rau koj txoj kev ntau luag thiab siv phom tsis muaj ntaub ntawv thiab tua neeg nyob ntawm Atlanta no?" Tab sis kuv twb tsis paub tias kuv txhaum qhov twg li. Kuv yeej tsis nco qab dab tsi li, vim kuv haus tshuaj ntau dhau lawm.

    Tub coj lus hais:
    Taig kis tom qab lawv coj nws los rau ntawm Tsev Haiv Plaub ces nws cia li khias dim mus caij tshab Bus, ces nws rov mus nrog nws tus qub poj niam thiab nws tus tub 6 xyoo nyob. Ob peb hnub tom qab, nws qaug qaug tshuaj, nws coj nws tus tub mus tom khw, nws cia li muab ib tug yawg ntaus ntawm nws tus tub xub ntiag.


    Ran Reagan Hais:

    Kuv npau taws heev heev ces kuv cia li muab tus yawg uas taug kev txog ntawd ntau. Nws vau kiag ces nws sawv tsees, nws tuav ib lub lam hwj tawg qab, nws muab hlais kuv ces kuv muab kuv txhais npab thaiv kuv ntsej muag naj hlais kiag kuv txhais caj npab, raug txoj leeg loj tu kiag. Kuv vau hlo ces nws rov hlais kiag kus txoj leeg ntawm sab ceg ua tu nrho thiab. Ces tus Los pav tub luam hais tias kom kuv yuav tsum mus tom tsev Khob Mob sai sai, tsis li ces kuv yuav tuag xwb vim los ntshav hlob dhau lawm. Kuv tus tub nyob ntawd ntsia ntsoov, nws nyuam qhuav muaj 5-6 xyoo xwb, nws ntshai heev, nws xyoob tag li.

    Tub coj lus hais:
    Ob peb feeb tom qab, Ran Reagan nkag rau hauv lub Tsheb thauj mob ces nws mus rau ntawm Rooj <
    Ran Reagan Hais:

    Tub Thauj Mob ntsia kuv thiab hais rau kuv tias: " Koj puas Ntseeg Ntuj thiab?"
    Tab sis kuv twb tsis paub hais tias nws hais ta dab tsi (tsis ntseeg txog Ntuj, twb xav tsis txog tias muaj kev Ntseeg). Tib pliag tom qab xwb ua cas zoo li kuv nyob saum nplaim taws zoo nkaus li uas lub tsheb thauj neeg mob tawg kub nyhiab tag lawm. Kuv hnov tsw tsw kub nyhiab, zoo li tsw loj faj kub nyhiab thiab pa taws sib xyaws.Kuv hnov ib cov suab quaj qw, ib me ntsis tom qab ces zoo li kuv ya saum cov nplaim taws thiab zoo li kuv nyob saum ib lub paj dej loj, muaj pob tsuas nyob rau ntawm ob sab. Lub pas dej muaj qhuav taws cig lam lug thiab pom ib pawg neeg coob coob kub nyhiab nyob hauv. Hluas taws kub lawv, hlawv lawv thiab lawv quaj qw. Cas ib me ntsis lawv cov ntsej muag txav los ze kuv zuj zus, cas muaj tej tug yog cov neeg kuv paub, tej tug yog haus tshuaj ntau qaug ces tsab tsheb mus sib tsoo tuag, tej tug yog sib ntau tuag, lawv puav leej qw rau kuv tias: "Ran txhob tuaj os, yog koj tuaj txog lawm mas koj yuav rov tsis tau li lawm." Kuv hnov lawv hais, kuv nqus cov pa tswv ntxhiab kub nyhiab ntawd, tab sis kuv tsis to taub lawv tab tom hais dab tsi. Kuv tseem tssi tau paub txog kev ntshai, kuv lub neej tsuas yog muaj kev chim npau taws thiab caub nkaus xwb. Kuv yeej tsis muaj qhov ntshai ib zaug li, txawm luag twb tau muab riam nkaug kuv thiab muab phom tua kuv los lawm los kuv yeej tsis ntshai li. Tau ntau hnub tom qab, kuv yeej cim ntsoov txog qhov kuv tau pom tsis tseg li. Thaum kuv tawm Tsev Kho mob, kuv cia li haus cawv thiab rov haus tshuaj kom qaug qaug seb puas nploj mus no tab sis yeej tsis ploj li. Thaum twg yog kuv tua teeb kiag mas kuv rov pom qhov ntawd tas li xwb. Hnub tom qab nws tus poj niam thiaj yuam coj nws mus tom Tses Teev Ntuj. Ib tug txiv neej hais lus rau kuv, kuv twb tsis paub txog kev Ntseeg ib qho li. Tab sis nws cia li muab Ntawv Moo Zoo los nyeem, nws nyeem Zam Ntawv Moo Zoo zaj1, nqe 29."Nov yog Tswv Ntuj tus Yaj, tus daws qab ntuj neeg cov txhaum." Cas nws ho nyeem nqe nov, yog nws nyeem klwm qhov mas kuv yeej tsis to taub kiag li. Tab sis thaum nws hais li nov, kuv cia li nco txog kuv tus me nyuam yaj. Nws hais tias: Yes Xus yog Tswv Ntuj tus yaj, nws tuag kom tau daws neeg lub txim txhaum. Ces nws txawm piav txog Dab phem teb,ces kuv thiaj xav hais tias kuv twb pom lawm, txog tav nov mam muaj ib tug tham txog qhov kuv pom. Tsis muaj neeg qhia kuv teev Ntuj li ces kuv tsis paub teev Ntuj, kuv thiaj hais li no: "Kuv tus Tswv Ntuj yog tias muaj koj tiag, thiab Yes Xus yog muaj koj tiag es neb xav hais qhia kuv no ces thov khuv leej kuv thiab, neb muab kuv tuas los tau tab sis thov neb cawm kuv tus ntsuj plig." Kuv tsis tsim nyob nyob lawm, kuv yog ib tug txiv tssi zoo, yog ib leej txiv phem, kuv twb tsis muaj peev xwm yuav tuav tau ib txoj hauj lwm, khuv leej kuv thiab os neb muab kuv tua los neb peb cawm kuv tus ntsuj plig xwb, taig kis ntawd kuv quaj. Ua rau lub phab ntsa laj kab tawg plho, ua kuv cov kua muag uas tauv kuv cov kev chim, kuv lub siab tawv, txij thaum kuv muab 9 xyoos los txog tav novtxuas ntsos yaj tawm los mus tag nrho.
    Ces kuv cia li xav tham kuv zaj kwv huam nov rau s d cov uas xav mloog. Kuv twb piav tau 22 xyoos lawm...





    Last edited by Maiv Tooj on 9th October 2010, 3:55 am; edited 2 times in total



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 8th October 2010, 8:38 am

    Wow....Maiv Tooj aw! cas txaus ntshai ua luaj li los neeg nim tsis muaj kev ntseeg tej no kiag li, cas yuav ua rau kuv ib ce ntshee na thaum kuv xav txog txhua tus tib neeg hnub kawg uas nyob ntiaj teb no ua luaj li lau. Tam sim no mas txhua tus tsis faj, ntshe lawv tuaj pom tej ntawv peb sau hauv no los ib txhia tseem tias tsis muaj tseeb thiab tsis xav nyeem, lawv tseem xum khiav mus rau lwm qhov chaw sau ntawv uas muaj neeg mus ua npoj ntws rau kev plees kev yig lawm xwb lau. Ntshe dab phem yuav zoo siab heev, vim coob leej ntau tus ntsuj plig yuav plam mus ib txhis ntawm TSWV NTUJ.




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 3rd September 2011, 6:42 am


    DAB PHEM TEB RAWS LI JEAN TURPIN HAIS.


    nias ntawm daim duab mus saib




    Nws hais ua lus Fab Kis xwb,
    Yog nrhiav tau daim ua lus Mes Kas no mam coj tuaj tso ntxiv.
    Yog muaj caij no mam lis tuaj txhais ua lus Hmoob me ntsis raws lub ntsiab yog hais txog Dab Phem teb zoo li cas.

    Ib txwm kev tshaj Ntuj Lus, qhia Ntuj Kev Cai, peb tsuas qhia txog Ntuj Ceeb Tsheej, qhia txog TXOJ SIA NYOB MUS LI SAUM NTUJ, qhia txog kev ua zoo tau Ntuj txiaj ntsim xwb. Ib txwm puag thaum chiv keeb puam kwm xeeb muaj txoj kev Ntseeg uas Huab tais Ntuj los tshoj ntiaj teb neeg siab...Kom Npaj Siab pheej roob pheej hav txais tos TUS CAWM SEEJ YUAV NQES LOS. Huab Tais Ntuj yeej ib txwm hais txog Ntuj Ceeb Tsheej, txog tus Huab tais Cawm Seej...Yib vim yog muaj qhov YUAV POOB thiaj li HAIS QHOV YUAV CAWM, yog tsis muaj kev pob caus, tsis muaj qhov saus yeej tsis HAIS TXOG PHEEJ KOM TIAJ, YEEJ TSIS HAIS TXOG KEV UA ZOO KOM TXHOB POOB RAU QHOV PHEM.

    PEB TXHUA LEEJ YUAV LIM XEEB TIG LOS UA ZOO LOS NRHIAV KOOB HMOOV, KOM PEB TXHUA LEEJ TAU LUB NEEJ THAJ YEEB NYAB XEEB RAU HAUV LUB SIM CEEB. PEB MUAB PEB LUB NEEJ NTIAJ TEB LI 70 XYOO LOS NRHIAV TXIAJ NTSIM RAU RAU LUB NEEJ TAU ZOO TSHAV NTUJ NRIG IB TXHIAB IB TXHIS; NEJ HAIS PUAS TSIM NYOG THIAB? YOG PEB TSIS MUAB PEB LUB NEEJ NTIAJ TEB QHOV NTEV THAJ TSZM LI 70 XYOO LOS UA TXIAJ NTSIM ME ME; LWM HNUB PEB YUAV TXOM NYEM IB TXHIAB IB TXHID NTSHE YUAV TXAUS TU SIAB HEEV.


    Nej saib tham tsam li 21 feeb(munuites) rau li 40 feeb ntawd mas nej yuav pom lawv ua txog Dab Phem teb zoo li cas tseem tsawv. Tham tsam 21' mas yog hais txog cov Scientifics Russias khawb lub qhov mus soj ntsuam plawv ntiaj teb uas peb twb tau tham los saud...Dua li nej pom cov duab mas yog muaj 3 tug tim khawv sib txawv tau mus dab phem teb los tham. Lawv puav leej tham tib yam nkaus...

    LUB KOOM TXOOS KEV NTSEEG TIV THAIV KOM TXHOB POOB RAU DAB PHEM TEB


    MT:16,18

    18 Ua li mas kuv hais rau koj : "Koj yog Pob Zeb, kuv yuav
    txhim kuv lub Koom Txoos rau saum lub
    pob zeb no. Dab phem teb cov qhov rooj
    yuav tiv tsis taus lub pob zeb no.
    19 Kuv
    yuav muab Ntuj lub Ceeb Tsheej cov
    yawm sij rau koj. Koj khi yam twg nyob
    ntiaj teb no, Ntuj yuav saib yam ntawd
    yog khi nyob saum ntuj. Koj daws yam
    twg nyob ntiaj teb no, Ntuj yuav saib yam
    ntawd yog daws nyob saum ntuj."



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 6th September 2011, 10:40 am


    Libor Halik: mus 23 feeb hauv dab phem teb.

    Libor Halik: 23 minutes en enfer avec Bill Wiese




    Khoom mam li tuaj txhais ua lus Hmoob.



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 18th September 2011, 12:30 am

    Mloog cov tim khawv Ntshiab piav txog dab phem teb mas txaus ntshai thiab txaus xav kawg, ua rau yus yeej tu siab nrho rau yus tus kheej ua ntej, yuav tau thim kom sai li sai tau txhua txoj hauv kev txhaum yuav coj yus mus poob dab teb, vim hnub poob lawm yuav tag ib sim thim tsis tau os lawd... Sad





    <3 <3 Pab kuv rov los cuag koj Huab Tais Yesxus <3 <3
    avatar
    Tub Kawm
    Phooj Ywg
    Phooj Ywg

    Messages : 412
    Date d'inscription : 2011-10-13

    Re: DAB PHEM TEB MUAJ TSEEB , muaj tim khawv mus pom los.

    Post  Tub Kawm on 24th October 2011, 6:26 pm

    Nyob zoo og cov me phooj ywg txhua leej txhua tus, tsi hais tus hlob mus rau tus yau, tus uas los ntseeg ntuj, los tsi tau los ntseeg. yog hais tias nej leej twg tau tuaj pom thiab nyeem tau HT Yes Xus rab ntawv no lawm. Thov koj cia li yuav lub siab tshiab, Yog tias koj twb yog ib tus neeg ntseeg lawm, ces kav tsij ua zoo nawb mog, txhob tso koj lub siab ntshaw ua phem, thiaj li yuav tsi poob rau "dab phem teb" xws li cov lus hais saum toj no og. Yog hais tias koj tseem tsis tau los ntseeg, ces kav tsij los hloov lub siab tshiab thiab txais keev ntseeg og nawb. Hnub no HT Tswv Ntuj tseem qhib rooj ntug dav fo tog koj og mog, peb tsi txhob tos txog thaum peb txoj sia yuav tu, ib pas nqus tsi tuaj, es peb mam li tig los yuav lub siab tshiab, ces thaum ntawd yuav tsi muaj sij hawm los pub rau peb lawm og. Peb ua neej nyob hauv lub ntiaj teb no tsuas yog ib vuag xwb twb yuav dua, tus nyob ntev tshaj ce tsua yog 80 los 90 xyoo te xwb twb yuav rov qab mus lawm, tus tsi ntev ces yeej twb tsi txog npaud ces twb yuav rov qab lawm. Txoj kev tuag yeej tsi teem caij rau koj los rau kuv, nyem no tseem tsis tau lig, kav tsij tig los hlov lub siab tshiab og mog.
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 25th October 2011, 4:57 am

    Txawj Tuam wrote: Nyob zoo og cov me phooj ywg txhua leej txhua tus, tsi hais tus hlob mus rau tus yau, tus uas los ntseeg ntuj, los tsi tau los ntseeg. yog hais tias nej leej twg tau tuaj pom thiab nyeem tau HT Yes Xus rab ntawv no lawm. Thov koj cia li yuav lub siab tshiab, Yog tias koj twb yog ib tus neeg ntseeg lawm, ces kav tsij ua zoo nawb mog, txhob tso koj lub siab ntshaw ua phem, thiaj li yuav tsi poob rau "dab phem teb" xws li cov lus hais saum toj no og. Yog hais tias koj tseem tsis tau los ntseeg, ces kav tsij los hloov lub siab tshiab thiab txais keev ntseeg og nawb. Hnub no HT Tswv Ntuj tseem qhib rooj ntug dav fo tog koj og mog, peb tsi txhob tos txog thaum peb txoj sia yuav tu, ib pas nqus tsi tuaj, es peb mam li tig los yuav lub siab tshiab, ces thaum ntawd yuav tsi muaj sij hawm los pub rau peb lawm og. Peb ua neej nyob hauv lub ntiaj teb no tsuas yog ib vuag xwb twb yuav dua, tus nyob ntev tshaj ce tsua yog 80 los 90 xyoo te xwb twb yuav rov qab mus lawm, tus tsi ntev ces yeej twb tsi txog npaud ces twb yuav rov qab lawm. Txoj kev tuag yeej tsi teem caij rau koj los rau kuv, nyem no tseem tsis tau lig, kav tsij tig los hlov lub siab tshiab og mog.

    Txawj Tuam, koj cov lus hais tau zoo heev,

    Thov kom txhua tus tau nyeem koj cov lus, hloov siab sai li sai tau, yus nyob sab teb chaws twg lawm, yeej meem zoo siab , txhob cem Tswv ntuj tias Tswv Ntuj tsis hlub , nim cia ib txhia neeg nyob poob qab rau sab teb chaws txom txom nyeem, kuv hais qhov tseeb, yog Tswv Ntuj xav ua kom txhua tus Hmoob tuaj nyob teb chaws vam meej kuj tau! tab sis Tswv Ntuj yeej txhob txwm cia ib txhia nyob rau sab teb chaws txom txom nyeem, kom cov tau mus nyob sab teb chaws vam meej lamw los ho txawj tig rov qab los pab cov txom nyeem, cov txom nyeem los ho txawj hwm cov los pab, li no thiaj qhib sawv daws qhov muag tias, yus txom nyeem los muaj tus pab, tus pab los zoo siab tias vim muaj cov txom nyeem kuv thiaj zoo siab hlo mus pab, peb sawv daws ua ke ces muaj kev hlub tuaj ntawm Tswv Ntuj, yog li no peb txhua tus yeej tau Tswv Ntuj lub txiaj ntsim ib yam, tsis hais tus muaj tus pluag, yog txawj sib hlub, txawj sib hwm ces tus pluag tus txom nyeem los yeej muaj nqis tib yam li tus muaj tus ntse.

    Hloov siab hloov ntsws kho yus kom yus ua tau neeg siab ncaj siab zoo thiaj tau mus ntuj ceeb tsheej, vim dab phem teb hav dej kub dej npau peb hnov xwb muag tsis tau pom, yog hnub muag pom thiab tus ntsuj tawm tsis tau lawm ces yuav lig thiab yuav khuv xim heev. Muaj ib tug yawg nyob hauv dab phem teb ntev los lawm, nws hais rau mama sirma hais tias : kheev lam kuv rov tau mus hauv ntiaj teb ib nas this xwb ntshe kuv yuav mus muab tag nrho ib nas this ntawv los ua qhov zoo, nim no lig dhau kuv tawm tsis tau hauv hav hluav taws.




    <3 <3 Pab kuv rov los cuag koj Huab Tais Yesxus <3 <3
    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: DAB PHEM TEB MUAJ TSEEB , muaj tim khawv mus pom los.

    Post  Bao X Mary on 25th October 2011, 6:25 am

    Dab ntxwj nyoog lub siab tsis ncaj nws haub ntxias neeg thiaj li poob rau kev txhaum thiab txoj kev tuag. Peb cov uas twb los ntseeg lawm peb rau siab teev Ntuj tiag txhua sij hawm rau peb tus kheej rau lub koos txoos, peb tus Txiv Vaj qhia, cov Tswv qhia, cov txiv plig, cov xwb hwb, cov coj txhua tus, nrog rau peb tsev neeg. Peb pab thov Ntuj rau cov tsis tau paub Tswv Ntuj uas lawv niag hnub thuam Ntuj tsis tseg kom lawm pom qhov tseeb, muaj ib hnub lawv yuav paub qhov tseeb. Thov kom Huab Tais Ntuj zam txhaum rau peb txhua tus kom xwv txog hnub kawg peb tau txais yam paj tshab uas peb tos thiab ntshaw, yog TXOJ SIA NYOB MUS LI NYOB NTAWM PEB TUS HUAB NTUJ XUB NTIAG.
    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: DAB PHEM TEB MUAJ TSEEB , muaj tim khawv mus pom los.

    Post  Bao X Mary on 27th October 2011, 3:15 am

    Mai Tooj thiab Maiv Paj Lug, kuv ho hais me ntsis txhawm mim qhov ntawd los neb txhob xav li cas os mog. Hais txog tim khawv mas yog neb pom tias tej zaj zoo thiab tsim nyob mas yeej tso rau hauv haj yam zoo tab sis qhov kuv hais me ntsis txhawm Mim qhov no vim kuv pom tej daim videa li yog lawv ua dag xwb. Hos cov tim khawv uav neb tso rau hauv mas kuv twb nyeem lawm yeej zoo.
    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 27th October 2011, 5:22 am

    CEEV FAJ !!! Muaj ib zaug kuv mus nyeem 7 leej me nyuam mus pom hauv dab phem teb, thaum ntej lawv hais zoo kawg piav txhij piav txhua txog dab phem teb li cov Leej Ntshiab pom ntag ,tiam sis tom kawg uas yuav luag tag lawv cov ntawv dab phem teb ces lawv hais tias leej twg teev Niam Mab Liabmas yuav raug dab phem cab mus tsim txom li lawv pom los ntawd, ua rau kuv ceeb ib plhaw , kuv tua kiag cov ntawv tsis nyeem ntxiv, kuv tshee tag ib ce, kuv mus thov txim ntawm Niam Mab Liab vim kuv tau mus nyeem tej zaj niag dag dag .


    Phoojywg txhua tus,

    Dab phem nyiam siv cov neeg ntseeg , xws li Protestant , Evangéliste los lwm yam ntseeg coj los qhia qhov tseeb txog ntawm dab phem tus kheej, tiam sis thaum nej nyeem cov ntawv uas cov neeg ntseeg nyob hauv txhua lub koos txoos sau, nej yuav pom tau tias pab ntseeg twg dab phem txim tau rau hauv lawv lub siab.

    Ua ntej yuav paub tias lub koos txoos twg thiab pawg ntseeg twg tseem tseem yog Tswv Ntuj lub Koos Txoos, nws yuav muaj Niam Mab Liab nyob rau hauv.

    Lub koos txoos ntseeg ntuj cuav, lawv tsuas hais qhuas Tswv Ntuj xwb tiam sis lawv nsthai Niam Mab Liab, lub koos txoos no yog dab ntxwj nyoog txeem rau hauv.

    Vim li cas peb ho hais tau tias dab ntxwj nyoog txeem tau rau hauv cov koos txoos cuav? vim tias dab ntxwj nyoog siv lub koos txoos ntawv qhia qhov tseeb txog Tswv Ntuj, tiam sis dab ntxwj nyoog kuj dag lub koos txoos ntawv tias Niam Mab Liab tsis tseem ceeb, vim : DAB NTXWJ NYOOG YOG THAWJ TUG TAWM TSAM LUB KOOS TXOOS KAS TOS LIV, DAB NTXWJ NYOOG YOG THAWJ TUG TAWM TSAM TSWV NTUJ LEEJ NIAM,VIM TSWV NTUJ YUAV TSIM IB TUG POJNIAM LOJ TSHAJ DAB NTXWJ NYOOG, YOG VIM TUS POJNIAM NTAWV DAB NTXWJ NYOOG THIAJ YUAV TAU PE HAWM, DAB NTXWJ NYOOG TAWM TSAM TSWV NTUJ TXOG QHAUB NO DAB NTXWJ NYOOG THIAJ POOB RAU NTUJ TXIAS TEB TSAUS KEV NTSAJ TOM HNIAV NKAWV HAV DEJ KUB DEJ NPAU.

    Yog li no peb pom tau tias, dab ntxwj nyoog ntxub Niam Mab Liab tshaj plaws txhua tus Tshiab nyob Saum Ntuj, tiam sis dab ntxwj nyoog hwm Huab Tais Yesxus lub npe, yog li no thaum dab ntxwj nyoog txim tau rau hauv lwm tus neeg ntiaj teb lus koos txoos ,neeg ntiaj teb kuj tsis muaj kev hwm Tswv Ntuj Leej Niam tib yam.

    Nej sim saib mus , lub koos txoos twg cov tim khawv txawm txawj ntse npaum cas, coj ncaj npaum cas, qhia zoo npaum cas, ntseeg zoo npaum cas, thaum kawg nej sim lawv siab, nej hais txog Niam Mab Liab uas yog Tswv Ntuj Leej Niam rau lawv ma? lawv txoj kev thoob tsib hloov ua kev khib iab nkhaus nki tawm tsam kom yeej kiag , vim nej hwm Tswv Ntuj Leej Niam rau lub chaw siab ces khib lawv ciaj khib lawv tuag li dab ntxwj nyoog.

    Nej puas tau pom dua thiab hnov dua tias dab ntxwj nyoog nyiam TSWV NTUJ LEEJ NIAM? yog nej tsis tau hnov dua thiab pom dua ces lub koos txoos twg NYIAM TSWV NTUJ LEEJ NIAM yog lub tseem tseem muaj HUAB TAIS YESXUS COG LUS. Lub koos txoos twg tsis hwm Niam Mab Liab txawm yuav zoo npaum twg los yeej mus tsis tau vim dab ntxwj nyoog txeem tau rau hauv lub koos txoos coj lawv yuam kev mus thuam TSWV NTUJ LEEJ NIAM.

    Ua ntej Huab Tais Yesxus tsis tau yug los ,lub koos txoos yeej hais tias HWM TSWV NTUj TIB LEEG XWB, txhob mus hwm lwm tus, tiam sis txij li Huab Tais Yesxus yug los lawm, YESXUS muaj Niam tib yam li nej thiab peb, yog vim li cas thaum luag cem yus niam yus twb txawj tu siab, ua li cas thaum luag cem Yesxus Niam, Yesxus ho tsis txawj tu siab?

    Yog li thaum nej yug los ua neeg, nej hwm nej txiv xwb, nej tsis hwm nej niam los? YESXUS lub tswv yim tsis zoo li neeg lub, Yesxus hwm nws niam tsa nws Niam rau lub chaw siab, Yesxus nce mus pem ntuj nrog nws tus Ntsuj Plig thiab lub cev tib si, Yesxus Niam yog tus ua Yesxus hwm tshaj plaws, nws tso nws cov Tshiab tuaj nqa Yesxus Niam lub cev nrog tus ntsuj plig mus pem ntuj, niaj hnub nim no Nkauj Tsim Txiaj Mab Liab tsis muaj nquas ntxa li nws Leej Tub Yesxus, vim Niam Mab Liab yog Tswv ntuj leej Niam tiag tiag uas tag nrho ib tsoom Tshiab nyob saum ntuj , cov Leej Ntshiab, Cov Dab Ntuj thiab tsoom neeg ntiaj teb yuav kem caum thaum Tswv Ntuj Leej Niam tuaj xyuas nej. Amen.




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 29th July 2012, 6:22 pm



    MUAJ IB YAM XAV TSIS TAG.

    Hnub Xya tim 28/07/2012 dhau los no, lawv muaj ib pluag mov khi tes me nyuam yug tshiab ces kuv tus kwv thiab niam ntxawm txawm nqe pem Orléans los (Orléans rau Lyon, deb thaj tsam 450km). Noj mov khi tes tag ces tsaus ntuj, nkawd txawm los so ntawm kuv leej nkawm wb tsev.

    Peb noj hmo lig tsawv, noj hmo tag tham me ntsis ces kuv txawm muab lub kaw lus los rau kuv tus kwv kaw nws kev khiav teb chaws thaum teb chaws Nplog tawg 1975 (lawv khiav txom nyem heev, vim lawv khiav 1980, lub teb chaws coj kev Koom Tsha nruj heev). Kaw lus tag ces peb txawm tham kam teb kam chaw lub sij hawm dhau los, los txuas rau sov sawv saub tshiab, cov Niam Ntawv, cov ua neeb saub, neeb vwm...Tham txuas ntxiv rau nws nyuam qhuav mus Lourdes qhov chaw Ntshiab uas cov neeg muaj mob txeev mus thov hwj huam ntawm Niam Mab Liab nyob rau Fab Kis teb.

    Hnub ntawm nyob ntawm peb los ob peb lub nyuag nag ces ua rau vaum heev, peb txawm kaw cov txiag ntawv thaiv qhov rais xwb, peb tsis kaw iav sab hauv, peb cov qhov rais mas loj zog lub qhov rooj thiab qheb ti nkaus av li qhov rooj ntag.

    Ces tham mus tham los, kuv txawm tham tias:

    "Nyob nyob, yog nej lam pom ib qho pom kev ci lam lug, ci ci poob saum ntuj los rau nej los yog poob rau ntawm nej xub ntiag thiab nej cia li txawj thoob tsib, hais tej luv thoob thoob tsib, paub luag lub siab xav, paub luag lub tswv yim, txawj kho mob thiab teev Ntuj ntau heev, tab sis tsis kam mus koom lub Txoos Mis xas, tsuas teev ib leeg xwb, tsis kam mus poo luag lawm, mas txhob rawm maj zoo siab tias yog NTUJ XAIV, YOG TAU TXIAJ NTSIM. Qhov ntau yog dab phem los ua xwb, tsis yog tuaj ntawm Ntuj tuaj. Thaum nej pom qhov pom kev ces nej yuam kev rau lo lus tias "Tswv Ntuj lub Ceeb Tsheej tshav ntuj nrig, Yes Xus ci ntsa iab". Yog dab phem los ntxias dag nej, vim tus thawj dab phem lub npe yog

    LUCIFER = NQA QHOV POM KE,
    Lus Las Tees: LUX=pom kev, FERO=nqa

    Kuv nyuam qhuav tham txog li no xwb ces cia li hnov XUAV TIB SUAB kiag ntawm qhov rais uas khaw daim ntoo lawm, xuav tau nrov nkoov heev thiab laus tsawv (kuv laus neej li no tsis tau hnov dua leej twg txawj xuav tau ib lub suab nkoov npaum li ntawd, tsuas ntshe tshuab ntau nkauj mas thiaj ua tau xwb). Ua rau peb plaub leeg tig ntsia qhov rais tag nrho, kuv leej nkawm sawv tsees nqa lub teeb nyem ntawm tes, taws teeb sab nraum qzoov tag nrho, tawm plaws mus saib tsis pom dab tsi, tsis hnov dab tsi ua suab sab li, nws mus yos thoov plaws qab vaj tsib taug, qhov txhua lub qhov rooj, qhov rais tsis pom dab tsi li. Kuv lub vaj mas peb cov tsev nyob sib ze tsawv ces peb xov laj kab pob zeb siab tshaj taub hau thob plaws vij, tsis muaj chaw nkag tau.



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 31st July 2012, 9:26 am

    Maiv Tooj, koj zaj saum no mas txawv kawg nkaus li yom, zoo kawg uas koj leej nkawm neb yog neeg ntseeg ntuj, hem tau nej li ntawv xwb, tsis mus phov lauj kaub tais diav kom ua zog koog, vim nej lub zog thiab lub siab loj tshaj tus hem nej ntawv lawm.

    Niag hem neeg cov lus nws hais tias: " Leej twg yog Tswv Ntuj cov me nyuam mas kuv zoo li cov yoov ya tsauv nws rau ub rau no, thaum zoo sij hawm kuv tsaws ntawm nws sab xwb pwg, nws xuas tes lawv kuv , kuv yeej ua tsis tau dab tsi rau nws kiag, tsuas yog ntsauv nws rau txhua txoj kev." " Tiam sis leej twg yog kuv cov mas kuv zoo li tus tsov ntxhuav, thaum twg kuv xav tom nws, kuv yeej ua kom nws ntshai kuv thiab txhua yam nws yuav tsum ua kom kuv tau, tsis li kuv muab nws tsim txom kom txaus".




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 2nd August 2012, 2:59 am



    Nyob zoo Maiv Paj Lug,

    Tsis ua cas, ua rau peb plaug leeg ceeb tag nrho, tib txhij tig mus ntsia lub qhov rais uas nyob ze peb tshaj, kuv leej nkawm qheb kiag txee nthos nkaus teeb qheb tag nrho ob lub qhov rais sab nram qab khawv mus xauj, taws teeb nraum zoov tib si thiab tseem qheb kiag qhov rooj nkag mus rau tom tsev rau tsheb tib si. Kuv tus kwv thiaj hais tias:"Tiag tiag mas peb txhob tham tej no hmo ntuj, vim luag sawv nrhiav noj." Kuv tus niam ntxawm mas nws ntshai heev ntag, tab sis yog nws tsis muaj txoj kev ntseeg zoo, lawv ua Ntuj Kev Cai thaum ub, tab sis nws los yuav txiv ces nws tus txiv tsis ua Ntuj Kev Cai ces nws rov mus coj dab lawm. Tab sis kuv kuj xav tias ntshe yog nkawd yeej muaj qhov ntseeg Ntuj thiab nkawd thiaj tau mus thov txiaj ntsim nram Lourdes; yeej yog li ntawd ais tuaj kub thiaj ua kom nkawd siab yau txhob nrhiav Tswv Ntuj txoj hauv kev ntxiv.

    Tej yam nov ua rau kuv nco txog Leej Ntshiab Txiv Plig Ars (Jean-Marie Vianney), thaum cov hluas tsis tuaj teev Ntuj, lawv muab lawv lub caij mus dhia ua si, ua plees ua yi ntawm tshav puam tsev teev Ntuj, ua rau muaj me nyuam tsaub coob leej ntau tus, nws thiaj teev Ntuj rau lawv thiab ua tau kom lawv muab lub tsev haus dej haus cawv ntawm tsev teev Ntuj ib sab kaw. Hos muab qhov uas cov hluas rau taws hmo ntuj, seev cev lom zem ntawd hloov ua ib qho taws tsau teev Ntuj. Thaum nws ua tau li no lawm, pw hmo ntuj pheej muaj neeg txawb pob zeb rau saum nws tsev, pov tej lub pob zeb zov zo rau hauv nws tsev. Muaj ib hmo, nws txawm kom ib tug yawg nqa ib rab phom tsis ntim muas txwv tuaj nrog nws pw zov, thaum txog ib tag hmo txawm txawb pob zeb saum tsev, hauv tsev. Tus yawg ntawd nqa phom tawm mus saib nraum zoov naj cas daus dawb vog, twb tsis muaj ib tug hneev taw li. Ces nws cia li hais rau yawg tias: "tau lawm, koj mus pw, yog tuaj kub khib kuv heev, vim kuv muab lub tsev haus dej haus cawv kaw lawm, tsis muaj neeg ua txhaum ntxiv lawm, nws tsis tau cov ntsuj plig ces nws ua li rau kuv xwb." Ces txij ntawd los, TP.Leej Ntshiab tsis quab ntsej, tuaj kub niaj hmo los tsim nws kom nws txhob tau zoo pw los nws tsis quav ntsej li.



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Paj Lug on 2nd August 2012, 8:57 am

    Maiv Tooj, kuj yog ib qho zoo kawg uas tshwm sim rau nej thaum neb tus kwv tuaj xyuas neb os, cov neeg siab me ces yeej hais tias txhob tham tham tsis zoo tsam muaj dab hem, tiam sis qhov tseeb yeej meem tham mus ntag, vim yus yim tham ces yim muab tuaj kub lub qe nrhuav kom sawv daws paub es ceev faj tuaj kub rooj ntxiab, koj puas nco thaum wb nyuam qhuav qhib lub vas sab no mas tuaj kub khib kawg li, tsuas pom mus tshoj neeg tuaj nrhiav teeb meem rau wb tas li, zoo li wb tsis quav ntsej wb rau siab ntso sau ntawv, cia li ua kom wb tsaug zog heev, muaj tej hmo tseem ua npau suav hem wb thiab, ua ua zaum no wb tsis nim khes li lamw ces cia li tsis ua cas lawm, tiam sis wb yuav tau ceev faj tsam nws nrhiav lwm yam teeb meem tuaj tawm tsam wb ntxiv, vim peb ua tau tej yam zoo, yuav khib tuaj kub heev...





    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 3rd August 2014, 4:15 am


    Dab phem teb



    Rau cov ntseeg uas mus hauv tsev teev Ntuj yog lam mus xwb tsis muab lub siab ntseeg tiag.

    Mt. 10, 28
    28 "Nej txhob ntshai cov neeg tua nej lub
    cev, tab sis lawv tua tsis tau nej tus plig.
    Nej yuav ntshai tus muaj peev xwm rhuav
    nej lub cev thiab tus plig hauv hav hluav taws.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 4th August 2014, 10:49 am


    YES XUS COJ IB TUG KAUS LIM MUS POM DAB PHEM TEB.
    Jesus montre l'enfer à un coreen



    Cov lus haus qab no yog kuv txhais raws li cov ntawv hauv daim video, kuv tsis muab duab los dhos, ntshe thaum saib thiab nyeem yuav tsis tshua to taub zoo; tab sis nej nyeem cov ntawv ua ntej, mam rov saib daim video dua mas thiaj to taub zoo.

    Pom tej tim khawv no mas txaus ntshai kawg, xyov yuav ua li cas yus thiaj li yuav nyiam tau Tswv Ntuj tas siab tas ntsws thiab tag nrho yus tus ntsuj plig tib si. Ntshe yuav tau thov Tswv Ntuj pab ib txhia vim yus ev lub keeb txhaum lawm ces yuav ntseeg tsis tau tas siab tas ntsws yog Tswv Ntuj tsis pab yus.



    Ib tug kws nraj duab kaus lim Qab teb, nco tau qhov nws mus pom dab phem teb.

    Nws nrog peb pab teev Ntuj ua ke tau muaj ib xyoos ntau no lawm.

    Thaum kuv teev Ntuj ib hmos kaj ntug kiag, kuv hnov tias kuv muaj peev xwm nyiam Yes Xus tag nrho kuv lub siab ntsws, nyiam tshaj puas tsav yam.
    Muaj ib hnub Yes Xus hais hauv kuv lub siab tuaj tias: "Kuv yuav coj koj mus xyuas ntuj tej yam hauv qhov tob tob."
    Ces kuv txawm xav tias ntshe kuv yuav mus pom qaum ntuj no naj cas yog kuv mus rau dab teb lawm.

    Thaum Yes Xus hais rau kuv tag kiag ces wb txawm mus rau ib lub ntiaj teb li yog tswv yim lawm. Ces Yes Xus xub qhia dab phem teb rau kuv. Thaum kuv lawv Yes Xus qab mus, kuv quaj tag thoob plaws qhov wb mus ntawd. Kuv xub hnov tej suab ntsaj tag ces hnov suab nyiav suab quaj tag ces hnov suab qw... "uaj! uaj!!!!"
    Feem ntau sawv daws xav yuam kev rau dab phem teb ces lawv txawm coj li lawv xav ntawd. Ib txhia xav tias tsuav yog ntseeg Yes Xus xwb ces cia li yuav tau mus saum Ntuj. Ib txhia tseem xav tias yog tuag ces tag lawm tsis muaj dab tsi tag nrho li lawm. Coob leej xav li no ces thaum ua neej nyob, lawv ua li lawv nyiam.

    Yes Xus tseem hais rau kuv tias thaum ib tug tib neeg tab tom saib ib zaj film sib tua sib ntau, tso dag tso luag ua his ua hos, hauv TV mas dab phem twb tsim txom nws tus ntsuj plig yam nws twb tsis paub txog. Thaum tus neeg saib tej zaj film tsis zoo hauv TV mas nws tus ntsuj plig raug txom nyem, mob los yog raug mob. Thaum yus saib txhua yam uas lawv tso tshwm TV thoob ntiaj teb mas yuav tsis pab kom yus ua ib tug neeg ntseeg zoo, yuav tsis pab kom yus muaj txoj hauv kev mus cuag Yes Xus. Mloog xov xwm tej me ntsis xwb mas zoo dua.

    Yes Xus quaj rau neeg cov txhaum. Dab phem thiab nws cov tub taw muab sawv hlau los khi cov neeg txhaum ruaj ruaj, khov khov, thiab kav kom lawv mus hauv qhov txhaum tob tshaj ntxiv. Kuv thov nej tiag tiag li; thov txhob ua txhaum ntxiv lawm, nyob hauv dab phem teb mas yus tej mob mob tshaj saum yaj no, kev txom nyem mas sab tshaj tiag li.

    Tseeb tiag NYOB HAUV COV LUAM YEEB, YAJ YEEB, CAWV thiab tshuaj,  Kuv pom muaj nab lub tswv yim ncho cov cawv thiab hauv cov pa luam yeeb ncho uas neeg haus.
    Yes Xus coj coob leejn mus xyuas dab phem teb kom lawv pom tej uas nyob qhov chaw ntawd.

    Yes Xus hais: Niaj hnub, kuv pom ntau leej ntau tus suav tsis txheeb poob rau hauv lub pas dej kub...Kuv thov koj pab hais qhov koj tuaj pom dab phem teb nov rau sawv daws paub. Koj yuav tsum qhia rau lawv tias dab phem teb txom nyem npaum li cazs, txaus ntshai npaum li cas. Koj yuav tsum nraj rau daim duab zoo nkaus li uas koj tau nkag rau hauv kuv lub siab. Kos cov duab li kuv lub siab mob lwj dhi rau qhov uas LAWV TAB TOM POOB RAU CUB TAWG NYOB DAB PHEM TEB.

    Tus kws nraj duab hais: Ces kuv nraj cov duab li kuv pom hauv dab phem teb; dab phem tawm tsam kuv heev...tab sis kuv xav nrog Yes Xus lub siab txom nyem hais rau ntiaj teb neeg tag nrho, kuv thiaj li kos cov duab nov ua tim khawv...Kuv xav kom sawv daws paub txog Yes Xus lub siab tu npaum li cas qhov uas neeg poob tas zaj tas zog rau dab phem teb txhua hnub. Cov neeg raug txom nyem ntxhov nyho; vim lawv tsis tau noj cov mov muaj txoj sia...(Tswv Ntuj cov Lus).

    Cov neeg uas tsis tau nug Yes Xus qhia lawv lub neej, lawv coj lawv lub neej li lawv nyiam li lawv xav ua. Cov neeg uas quav dej quav cawv, haus yeev haus tshuaj, tej yam uas txwv.

    Yes Xus hais: Thov koj pab hais rau cov neeg uas hais lus chib luag tej, hais rau luag mob siab tu siab, kom txhob ua ntxiv lawm. Lawv yuav tsis txhob hais raug lawv cov kwv tij nkauj muam viv ncaus hauv Leej Pleev. Txawm me me xwb los txhob hais lus phem.

    Hais lus tsis saib luag, yog kev ntxub qhov nqe tes, dag yog kev dag qhov nqe tes. (yog daim duab uas pom dab phem muab ib cov hluav ncaig ciaj liab ploog ntim rau hauv qhov ncauj).

    Tub sab nyiag nyiaj thiab noj nyiaj... lawv muab hmuv, koob chob, chob thoob plaws ib ce...

    Thawj cov duab yog qhia txog dab phem ntxias neeg ua phem thiab txwv cov tim khawv tseeb uas tshaj ntawv moo zoo.

    Cov neeg uas ntes me nyuam, txhom me nyuam thiab yuam me nyuam deev ua dev ua npua yuav raug tsim txom loj.

    Nyob hauv dab phem teb muaj ib qho chaw mas muaj kab coob coob, cov kab hauv dab phem teb mas loj dua cov saum yaj ceeb; yog rau cov neeg uas lawv lub siab xav phem, xav txhaum thiab txhob txwm xav yam phem rau lawv lub tswv yim, lawv lub siab. Cov neeg no mas kas puab lawv laim ntoom. Kab luag kab laij lij lias lawv lub cev. Cov kab hauv dab phem teb mas loj dua cov saum ntiaj teb, kab lij lias lawv, kab nkag thiab tawm ntawm tej qhov ncauj, tej pob ntseg, tej taub hau los. KAB NKAG THOOB PLAWS IB CE.

    Ntu nov yog rau cov neeg uas ruam taub haus tawv rau lawv txoj kev ntseeg, neeg txawj tso siab rau luag. Yam li
    "Uas cas Yes Xus thiaj ho yuav pab kuv los yog pab kuv lub neej?"
    Kuv ho yog leej twg? Es nws thiaj ho yuav nyiam kuv, hlub kuv?
    Kuv yog neeg phem, kuv tsis xav tias nws yuav nyiam ib tug neeg zoo li kuv.
    Cov neeg zoo li no uas lawv tsis kam muab lawv txoj kev xav los nrog rau Tswv Ntuj txoj mas lawv mus dab phem teb. Li ntawd peb yuav tsum xav txog peb lub tswv yim thiab peb txoj kev txawj ntse me ntsis.

    Muaj ib cov neeg tsis hwm Tswv Ntuj txoj cai, tsis mloog Tswv Ntuj cov lus qhia, lawv yuav poob rau dab phem teb, yuav raug kib hauv lub yias thawj tsheb liab ploog hauv lub cub tawg.

    Ntu nov yog rau cov neeg uas tsis tshaj los qhia ntawv moo zoo rau luag. Lawv tsis qhia ntawv moo zoo rau cov ntsuj plig uas yuam kev lawd.

    Qhov nov yog kev tsim txom rau cov neeg uas lawv tsis paub Tswv Ntuj tej Lus, lawv niaj hnub ua txhaum ntxiv thiab lawv tseem ua txhaum ntawm Tswv Ntuj xub ntiag thiab. (lawv raug dab phem muab riam hno thiab muaj lawv laws tawv ib tog zuj zus...)

    Qhov nov yog rau cov neeg uas yws daws dom thiab tsis zoo siab li.

    Qhov nov yog rau cov neeg uas twb muaj cuab muaj yim lawm los tseem mus deev hluas dab nraud, los yog txiv neej deev txiv neej los yog poj niam deev poj niam los yog yus muaj poj niam muaj txiv los tseem mus deev ib tug li yus thiab. Lawv yuav muab ntaj los muab hmuv nkaug. Cov neeg uas lawv muab txoj kev plees kev yi saib hlob luag yuav nkaug lawv qhov chaw mos txhua fiab.

    Ntu nov yog rau cov neeg uas mus teev dab hawm mlom cuav thiab lawv xav tej yam tsis zoo rau hauv lawv lub taub haus thiab tseem tawv qhawv rau qhov lawv ua yuam kev.

    DAB PHEM TEB TSIS MUAJ XAUS.
    TXOJ KEV TSIM TXOM YUAV NYOB MUS IB TXHIAB IB TXHI TSIS TXAWJ KAWG...

    YOG KOJ TSIS HLOOV SIAB...

    Ob niam tub ntawm daim duab no yog thaum nkawd nyob dab phem teb tsis zoo li tseem ua neeg nyob saum yaj ceeb. Vim txoj kev raug tsim txom tsis muaj kev sib hlub, ib tug thiaj li tsuj hla ib tug tsuav kom tau dim xwb tsis sib hwm sib zam li lawm.  

    YES XUS HAIS TIAS: "Xav ntsoov txog KUV, KOJ YUAV NCO NTSOOV XAV TXOG KUV."

    YES XUS HAIS TIAS: "Xav ntsoov txog KUV, KOJ YUAV NCO NTSOOV XAV TXOG KUV."

    KOJ YUAV TSUM TUA KOJ DAIM NQAIJ LOS YOG DAB PHEM THIAB TUS DAB UAS NYOB NTAWM KOJ...

    KOJ YUAV TSUM TUA KOJ DAIM NQAIJ LOS YOG DAB PHEM THIAB TUS DAB UAS NYOB NTAWM KOJ...

    Qhov nov qhia tau tias thaum peb teev Ntuj ntawm Tswv Ntuj xub ntiag, Ntuj cov tshiab nqa ntaj tuaj tua cov dab phem.


    TXHOB MUS DAB PHEM TEB MOG!!!




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 6th August 2014, 11:14 am

    Rov kho kom nrog duab.

    YES XUS COJ IB TUG NTXHAIS KAUS LIM QAB TEB MUS XYUAS DAB PHEM TEB.

    Cov lus no yog ib qho tim khawv txog kev ntseeg Yes Xus hnub tim 08-01-2014 rau TV, l’émission Paramystère., Fab Kis teb.
    Xyoo 2009,  ib tug ntxhais hluas nraj duab Kaus Lim Qab teb koom nrog ib pab ntseeg teev Ntuj ua ke ib hmos, ces pom Yes Xus tuaj xyuas nws thiab coj nws mus xyuas dab phem teb. Yes Xus kom nws nraj cov duab li nws tau mus pom, kom ntiaj teb neeg paub txog.
    Tus ntxhais nraj duab hais :
    Thaum kuv muab ib hmos los teev Ntuj, kuv hnov tias kuv muaj peev xwm nyiam Yes Xus tag nrho kuv lub siab lub ntsws, nyiam tshaj puas tsav yam.
    Muaj ib hnub Yes Xus hais hauv kuv lub siab tuaj tias:
    "Kuv yuav coj koj mus xyuas tej yam hauv qhov tob tob ntawm ntuj."

    Ces kuv txawm xav tias ntshe kuv yuav mus pom qaum ntuj no naj cas yog kuv mus rau dab teb lawm...





    http://i39.servimg.com/u/f39/14/29/94/83/210.jpgThaum kuv lawv Yes Xus qab mas kuv quaj thoob plaws qhov wb mus ntawd. Kuv xub hnov tej suab ntsaj tag ces hnov suab nyiav suab quaj tag ces hnov suab qw...
    Feem ntau sawv daws xav yuam kev rau dab phem teb ces lawv txawm coj li lawv xav ntawd. Ib txhia xav tias tsuav yog ntseeg Yes Xus xwb ces cia li yuav tau mus saum Ntuj. Ib txhia tseem xav tias yog tuag ces tag lawm tsis muaj dab tsi tag nrho li lawm. Coob leej xav li no ces thaum ua neej nyob, lawv ua li lawv nyiam.






    Yes Xus tseem hais rau kuv tias thaum ib tug tib neeg tab tom saib ib zaj film sib tua sib ntau, tso dag tso luag ua his ua hos,  hauv TV mas dab phem twb tsim txom nws tus ntsuj plig yam nws twb tsis paub txog. Thaum tus neeg saib tej zaj film tsis zoo hauv TV mas nws tus ntsuj plig raug txom nyem, mob los yog raug mob. Thaum yus saib txhua yam uas lawv tso tshwm TV thoob ntiaj teb mas yuav tsis pab kom yus ua ib tug neeg ntseeg zoo, yuav tsis pab kom yus muaj txoj hauv kev mus cuag Yes Xus. Mloog xov xwm tej me ntsis xwb mas zoo dua.

    Yes Xus quaj rau neeg cov txhaum. Dab phem thiab nws cov tub taw muab sawv hlau los khi cov neeg txhaum ruaj ruaj, khov khov, thiab kav kom lawv mus hauv qhov txhaum tob tshaj ntxiv. Kuv thov nej tiag tiag li; thov txhob ua txhaum ntxiv lawm, nyob hauv dab phem teb mas yus tej mob mob tshaj saum yaj no, kev txom nyem mas sab tshaj tiag li.






    Tseeb tiag NYOB HAUV COV LUAM YEEB, YAJ YEEB, CAWV thiab tshuaj,  Kuv pom muaj nab lub tswv yim ncho ntawm cov cawv thiab hauv cov pa luam yeeb ncho uas neeg haus.
    Yes Xus coj coob leej mus xyuas dab phem teb kom lawv pom tej uas nyob qhov chaw ntawd.










    Yes Xus qhia kom sawv daws paub thiab pom cov neeg poob rau dab phem teb zoo li cas.

    http://i39.servimg.com/u/f39/14/29/94/83/610.jpgYes Xus hais: Niaj hnub, kuv pom ntau leej ntau tus suav tsis txheeb poob rau hauv lub pas dej kub...Kuv thov koj pab hais qhov koj tuaj pom dab phem teb nov rau sawv daws paub. Koj yuav tsum qhia rau lawv tias dab phem teb txom nyem npaum li cas, txaus ntshai npaum li cas. Koj yuav tsum nraj rau daim duab zoo nkaus li uas koj tau nkag rau hauv kuv lub siab. Kos cov duab li KUV lub siab mob lwj dhi rau qhov uas LAWV TAB TOM POOB RAU CUB TAWG NYOB DAB PHEM TEB.
    NWS khuv leej cov neeg uas poob rau dab phem teb txhua hnub ! Yes Xus quaj rau neeg tej kev txhaum.

    Tus kws nraj duab hais: Ces kuv nraj cov duab li kuv pom hauv dab phem teb; dab phem tawm tsam kuv heev...tab sis kuv xav koom nrog Yes Xus lub siab txom nyem hais rau ntiaj teb neeg tag nrho, kuv thiaj li kos cov duab nov ua tim khawv...Kuv xav kom sawv daws paub txog Yes Xus lub siab mob npaum li cas qhov uas neeg poob tas zaj tas zog rau dab phem teb txhua hnub. Cov neeg raug txom nyem ntxhov nyho; vim lawv tsis tau noj cov mov muaj txoj sia...(Tswv Ntuj cov Lus).







    Kuv pom ib cov neeg raug tsim txom saum ntoo cuam.



    Kuv pom cov neeg uas tsis kam noj cov mov yug txoj sia…(Tswv Ntuj cov LUS).



    Cov neeg uas tsis tau nug Yes Xus qhia lawv lub neej, lawv coj lawv lub neej li lawv nyiam li lawv xav ua. Cov neeg uas quav dej quav cawv, haus yeeb haus tshuaj, tej yam uas txwv.




    Cov neeg uas noj tej yam luag txwv, xws li quav yeeb quav tshuaj (quav yeeb quav tshuaj).



    Yes Xus hais: Thov koj pab hais rau cov neeg uas hais lus chib luag tej, hais rau luag mob siab tu siab, kom txhob ua ntxiv lawm. Lawv yuav tsis txhob hais raug lawv cov kwv tij nkauj muam viv ncaus hauv Leej Pleev. Txawm me me xwb los txhob hais lus phem.



    Cov neeg uas ntes me nyuam, txhom me nyuam thiab yuam me nyuam deev ua dev ua npua yuav raug tsim txom loj.



    Tus poj niam nov xav sim khiav kom dim tab sis khiav tsis dhau kev tsim txom.

    Cov neeg dag yuav raug txim li no:




    http://i39.servimg.com/u/f39/14/29/94/83/1410.jpgNtu nov yog rau cov neeg uas ruam taub haus tawv rau lawv txoj kev ntseeg, neeg txawj tso siab rau luag. Yam li
    "Uas cas Yes Xus thiaj ho yuav pab kuv los yog pab kuv lub neej?"
    Kuv ho yog leej twg? Es nws thiaj ho yuav nyiam kuv, hlub kuv?
    Kuv yog neeg phem, kuv tsis xav tias nws yuav nyiam ib tug neeg zoo li kuv.
    Cov neeg zoo li no uas lawv tsis kam muab lawv txoj kev xav los nrog rau Tswv Ntuj txoj mas lawv mus dab phem teb. Li ntawd peb yuav tsum xav txog peb lub tswv yim thiab peb txoj kev txawj ntse me ntsis.
    Muaj ib cov neeg tsis hwm Tswv Ntuj txoj cai, tsis mloog Tswv Ntuj cov lus qhia, lawv yuav poob rau dab phem teb, yuav raug kib hauv lub yias thawj tsheb liab ploog hauv lub cub tawg.





    Cov ua tub sab nyiag nyiaj thiab noj nyiaj... lawv muab hmuv,los yog  koob chob, chob thoob plaws ib ce...





    Nyob hauv dab phem teb, kuv pom ob niam tub tuag mus. Nyob hauv dab phem teb mas nkawd tsis muaj sib hlub li. Yog tim txoj kev tsim txom uas nyiaj tsis taus li ua kom tus twg los xav kom dim ces sib txeeb, sib tsuj tsuav kom tau dim txoj kev txom nyem.



    Nyob hauv dab phem teb muaj ib qho chaw mas muaj kab coob coob, cov kab hauv dab phem teb mas loj dua cov saum yaj ceeb; yog rau cov neeg uas lawv lub siab xav phem, xav txhaum thiab txhob txwm xav yam phem rau lawv lub tswv yim, lawv lub siab.



    Cov neeg no mas kas puab lawv laim ntoom. Kab luag kab laij lij lias lawv lub cev. Cov kab hauv dab phem teb mas loj dua cov saum ntiaj teb, kab lij lias lawv, kab nkag thiab tawm ntawm tej qhov ncauj, tej pob ntseg, tej taub hau los. KAB NKAG THOOB PLAWS IB CE.





    RAUG TSIM TXOM VIM NTAWV MOO ZOO.
    Cov duab hauv nov qhia tias dab phem ntxias kom neeg muaj siab, zoo siab tsim txom thiab zes cov neeg tshaj ntawv moo zoo.






    Qhov txom nyem  nov yog rau cov neeg uas tsis tshaj los qhia ntawv moo zoo rau luag. Lawv tsis qhia ntawv moo zoo rau cov ntsuj plig uas yuam kev lawd.



    Qhov nov yog kev tsim txom rau cov neeg uas lawv tsis paub Tswv Ntuj tej Lus, lawv niaj hnub ua txhaum ntxiv thiab lawv tseem ua txhaum ntawm Tswv Ntuj xub ntiag thiab. (lawv raug dab phem muab riam hno thiab muaj lawv laws tawv ib tog zuj zus...)



    Ntu nov yog rau cov neeg uas mus teev dab hawm mlom cuav thiab lawv xav tej yam tsis zoo rau hauv lawv lub taub haus thiab tseem tawv qhawv rau qhov lawv ua yuam kev.



    Qhov nov yog rau cov neeg uas yws taus thiab tsis zoo siab li, lawv kuj mus dab teb thiab.
    1KLT 10,10 « 0 Nej tsis txhob yws taus xws li tej laus thaud : Ntuj tus Tshiab thiaj muab lawv tua. »



    Cov neeg yws daws dom thiab tsis zoo siab li hauv nruab siab.



    Qhov nov yog rau cov neeg uas twb muaj cuab muaj yim lawm los tseem mus deev hluas sab nraud, los yog txiv neej deev txiv neej los yog poj niam deev poj niam los yog yus muaj poj niam muaj txiv los tseem mus deev ib tug li yus thiab. Lawv yuav muab ntaj los muab hmuv nkaug.



    Cov neeg uas lawv muab txoj kev plees kev yi saib hlob luag yuav nkaug lawv qhov chaw mos txhua fiab.



    Qhov twg los muaj hlua taws kub ntiav hwv, tsis muaj ib qho chaw twg yuav khiav dhau li.



    DAB PHEM TEB TSIS MUAJ XAUS.
    TXOJ KEV TSIM TXOM YUAV NYOB MUS IB TXHIAB IB TXHI TSIS TXAWJ KAWG...
    Cov neeg uas tsis kam hloov siab los ntseeg yuav raug tsim txom.






    KOJ YUAV TSUM TUA TUS DAB PHEM UAS NYOB NTAWM KOJ.



    Thaum cov neeg tig los ntseeg, lawv yuav tawm ntawm qhov tuag los rau qhov muaj sia nyob mus li ; Yes Xus nyob sab tod tos nej.
    NWS yuav ua kom cov txhaum uas ua nej lub nra nyhav poob thiab nrhiav txoj hauv kev tshiab rau nej mus. Yuav txav deb txoj kev nqaim uas mus dab phem teb.





    Qhov nov qhia tau tias thaum peb teev Ntuj ntawm Tswv Ntuj xub ntiag, Ntuj cov tshiab nqa ntaj tuaj tua cov dab phem.



    YES XUS HAIS TIAS: "Xav ntsoov txog KUV, KOJ YUAV NCO NTSOOV XAV TXOG KUV."



    Yog peb tig los ntseeg, Yes Xus zam peb tej txim txhaum.



    Tig los ntseeg mog ! Nej yuav ntseeg txog Yes Xus ! Yog nej ua li, qaum ntuj yuav tos nej txhiaj khoov dab phem teb. Nyob qaum ntuj nej yuav nyob kaj siab lug, yuav nyob thaj yeeb mus ib txhiab ib txhid.






    Txhais los ntawm lub website Paramystère
    http://paramystere.123.fr/une-artiste-de-coree-du-sud-emmenee-en-enfer/

    Maiv Tooj.
    Tim 06-08-2014


    Last edited by Maiv Tooj on 14th August 2014, 9:54 am; edited 1 time in total



    avatar
    Tub Kawm
    Phooj Ywg
    Phooj Ywg

    Messages : 412
    Date d'inscription : 2011-10-13

    Re: DAB PHEM TEB MUAJ TSEEB , muaj tim khawv mus pom los.

    Post  Tub Kawm on 10th August 2014, 11:37 pm

    Ib tsoom ntseeg txhua leej tej yam uas peb tau pom thiab tau hnog.
    Muaj qee zaug peb xav tias tsi muaj tseeb, peb yuav xav tias yog cov neeg txawj neeg ntse tsim xwb.
    Tiam sis ntuj tawg thiab qaum ntuj (ceeb tsheej yeej muaj tseeb tiag, tsi dag ib zaug li.
    Yog peb muab cov lug nyob rau hauv phau ntawv ntshiab saib kom meej mas peb yeej yuav pom thiab paub xwb.
    Kwv tij muaj tej zaum koj yuav xav tias HT Yes Xus twb yug los rau hauv ntiaj teb no thiab rov mus sau ntuj tau 2000 tawm xyoo lawm, txhua yam uas Yes Xus hais txog Nws txoj kev yuav rov los sawv daws mus nrog Nws nyob sau Qaum Ntuj.
    Ntshe tsi muaj tseeb!
    Tiam sis thov hais rau koj tias kav tsij npaj koj tus kheej thiab txoj kev ntseeg kom ruaj khov, tsam ib hnub yuav lig rau koj.
    Thaum uas koj poob mus rau hauv lub pas hluav tawg lwm, koj yuav ciaj los tsi tau, yuav tuag los tuag tsi tau.
    Thaum ntawd ces yuav lig rau koj heev lawm og.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5347
    Date d'inscription : 2009-08-18

    Re: DAB PHEM TEB MUAJ TSEEB , muaj tim khawv mus pom los.

    Post  Maiv Tooj on 12th February 2015, 10:52 am



    Cov duab tus ntxhais kaus lim kos nov kuv twb tso rau saud lawm; tab sis zoo li tsis txhij npaum daim video no. Kuv rov tso, txawm tias tsis tau txhais cov lus ib nqes zuj zus los kom pom tias dab phem teb zoo li cas; txawm tsis paub tias qhov tsim txom li cas yog kev txhaum dab tsi los yeej pom tias txoj kev ua txhaum yuav muaj kev plhom sij rau yus tus ntsuj plig.

    Peb yuav tsum xyaum ua neeg coj ncaj, coj zoo npaum li peb yuav ua tau. Tsis txhob ntsia luag qhov twb zoo tsis npaum yus, txawm yus coj tau zoo dua luag los yus yuav tsum nrhiav qhov zoo tshaj ntxiv kom dim ntawm kev tsim txom yus tus ntsuj plig.




    Un voyage en enfer en images - L'enfer est bien réel





    Sponsored content

    Re: DAB PHEM TEB MUAJ TSEEB , muaj tim khawv mus pom los.

    Post  Sponsored content


      Current date/time is 22nd October 2017, 1:00 am