Ntuj Ceeb Tsheej muaj tseeb tiag

http://video.foxnews.com/v/4419243/heaven-is-for-real

Ua cas kuv muab tsis tau zaj video no los tso hauv no li? Nej taum qhov link saum no mus xyuas os nawb... Saib tais Tooj puas tuaj pab kuv tso rau? Kuv twb sim ua li koj hais los kuv yeej tso tsis tau li as...

Yog ib zag qhia tau meej tias muaj Tswv Ntuj tiag thiab muaj Ntuj Ceeb Tsheej tiag. Nws piav txog ib tug me nyuam tub, thaum nws muaj 4 xyoos xwb, nws mob hnyuv tws,tiam sis kws tshuaj xav hais tias yog mob plab dias hau tej raws kev cai xwb lawv tsis ua dab tsi rau nws. Thaum tus me nyuam heev heev lawm, lawv mam tshawb tau tias yog nws txoj hnyuv tws twb tawg hauv nws nrog cev lawm, ces lawv thiaj coj nws mus phais emergency sai sai. Ob niam txiv nyuaj siab kawg vim tus me nyuam sab heev dhau lawm xyov nws puas yuav ciaj li.

Hmoov zoo, phais tag tus me nyuam kuj zoo rov los. Thaum los tsev lawm, nyob nyob nws txawm pib tham pib piav tej yam uas nws niam thiab txiv tsis to taub tias yog ua cas nws ho paub txog tej yam zoo li ntawd. Nws thiaj hais rau lawv tias nws twb pom, los yog nws twb tau nrog cov neeg ntawd tham.

Xws li nws piav tias, thaum cov kws tshuaj tab tom phais nws, mas nws nyob saud ntsia pom nws txiv thov ntuj nyob hauv ib chav me me, hos nws niam mus tham xov tooj nyob hauv ib chav. Nws kuj hais tias nws tau nrog nws tus yawg koob "Pop" uas twb tuag tau ntev los lawm tham, nkawd ob niam txiv nug tias ua cas nws thiaj paub tias yog nws tus yawg koob, nws hais tias tus yawg koob qhia nws. Nws tseem hais rau nws niam tias nws muaj ib tug muam uas tuag nyob hauv nws niam plab lawm (vim nws niam yeej tau nchuav ib tug me nyuam lawm tiag). Tej lus no ua rau nkawd ob niam txiv ntseeg tias nkawd tus tub uas muaj 4 xyoos xwb yeej tau mus pom saum ntuj los lawm tiag.

Nws tseem hais tias Tswv Ntuj yog ib tug loj kawg nkaus, uas tuav tau lub ntiaj teb tag nrho rau hauv nws xib tes. HT Yes Xus yog ib tug uas muaj lub ntsej muag hlub neeg kawg li, thaum nws luag mas ua rau lub ntuj kaj nrig tuaj. Cov neeg nyob saum ntuj tsis muaj ib tug neeg uas yuav laus laus li, txhua leej txhua tus yog ib co hluas tag nrho xwb. Nws kuj tseem hais tias nws tau ntsib leej Ntshiab Zam Ntxuav Plig tib si thiab no.

Tus me tub no npe hu ua Colton. Nws niam thiab txiv muab nws zaj dab neeg no sau ua ib phau ntawv hu ua "Heaven Is for Real." (Ntuj Ceeb Tsheej Muaj Tseeb)

Watch the latest video at video.foxnews.com

Mim,

Zaum nov kuv muab tsis tau lawm, kuv muab ib qho Embed, tab sis rho tsis tau daim video los. Tsis ua cas, mam nias mub saib hauv xwb.

Wow...! Mim, cas koj tham zaj nov zoo nkaus li Maiv paj Lug hais nws npau suav mus pom cov neeg hluas hluas zoo tib yam nkaus thiab pom nws cov nus muag uas tau tam sim neej thaum me nyuam yaus lawm...Cas tham zoo li Ntuj Ceeb tsheej mas yuav kaj siab ua luaj li...Yog s d tsis txawj laus, zoo nkauj zoo nraug tib yam xwb no ntshe yuav zoo heev...

Maiv Tooj thiab Niamlaus Mim, cov laus neeg li peb no piav neeg ntseeg tsis tas tias xyov hais dag los hais tiag, cia cov me nyuam yaus me me 4 xyoos ntawv piav, yog neeg tseem tsis ntseeg thiab ces tas li xwb, vim hais tias tej me nyuam yaus ntawv tsis txawj zab tej lus thoob tsib, tsuas yog Tswv Ntuj qhib nws lub qhov ncauj thiab lub hlwb, nws thiaj piav tau xwb.

Mim, ua tsaug koj zaj "Ntuj Ceeb Tsheej Muab Tseeb no nawb. Tiam sis kuv mus saib qhov link tsis pom li sub nas, pom lawv qhauj new xwb, neb ho saib qhov twg? kuv xav saib kawg li thiab.

Hahhaah...! Talok ua luaj, qhov Link nov mus tsis rov pom zoo li qub lawm...Daim video hloov lawm...Thiab kuv rov nrhiav tsis tau daim video lawm. Mim koj tuaj no koj ho rov nrhiav los rau peb saib thiab.

kuv mus nrhiav tau témoignage nyob nov ua lus meskas ....

Tais Tooj thiab Maiv Paj Lug,

Xyov ua cas nws cia hloov lawm, rau qhov yog lawv nyuam qhuav ua tawm news hnub tim 15 lub 11 hlis no xwb na...

Nej sim mus sim qhov no saib puas pom(Kuv twb kho saud lawm thiab os):

http://video.foxnews.com/v/4419243/heaven-is-for-real