Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    COV ZAJ NYEEM xyoo B 2009 )

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    COV ZAJ NYEEM xyoo B 2009 )

    Post  Maiv Paj Lug on 2nd September 2009, 11:59 am


    COV ZAJ NYEEM RAU HNUB CHIV 30/08/2009 ( Hnub chiv 22 - xyoo B )


    • Zaj Nyeem 1 : Cov lus nyob hauv ntawv Phau Tsib (Dt 4, 1-2.6-Cool
    1 "Tsoom His Xais Lais, zaum no nej mloog txoj cai lij choj uas kuv qhia rau nej hnub no, kom nej ua raws txoj cai lij choj ntawd. Ces nej yuav muaj txoj sia, nej yuav mus nyob hauv lub teb chaws uas nej cov yawg koob tus Huab Tais Tswv Ntuj muab rau nej, kom nej tau txais los ua nej tug."
    2 Nej yuav tsis txhob ntxiv tej lo lus rau qhov kuv qhia nej ua, tsis
    txhob txiav ib lo lus pov tseg.Nej yuav coj nej tus Huab Tais Tswv Ntuj
    cov lus qhia zoo ib yam li kuv tau ceeb toom rau nej.

    6 Nej yuav mloog yuav coj cov lus qhia ntawd, ces pej kum haiv neeg yuav pom nej yog neeg thoob tsib thiab neeg xyuam xim. Thaum lawv paub txoj cai lij choj ntawd lawm, lawv yuav tsa suab hlo tias : "Haiv neeg loj ntawd lawv kawg yuav yog ib haiv neeg thoob tsib thiab xyuam xim xwb!".
    7
    Haib neeg twg es thiaj muaj ib co Huab Tais nyob ze ze lawv zoo li peb
    tus Huab Tais Tswv Ntuj nyob ze peb, thaum peb hu txog nws ?
    Haiv neeg twg thiaj muaj ib co cai lij choj ncaj xws li txoj cai lij choj kuv cev rau nej hnub no ?


    • Zaj nyeem 2 : Cov lus Yas Kos sau tuaj rau tsoom ntseeg (Jc 1, 17-18.21b-22.27)
    17 Kuv cov kwv tij zoo nyiam, nej txhob yuam kev : cov txiaj ntsim zoo thiab cov paj tshab tsis muaj chaw xyeej, yog tuaj saum ntuj tuaj tas huv si, yog Leej Txiv, uas nws ua kom txhua yam pom kev, tso nqes los tas huv tib si. Nyob
    hauv nws, tsis muaj ib yam txawj hloov, los txawj puas.
    18 Leej Txiv pom zoo hais ib lo lus tseeb yug peb, kom peb ua thawj cov txiv txi hauv txhua yam uas nws tsim los.
    21 Nej yuav nrauj txhua yam tsis huv, nrauj txoj kev ua phem rau luag. Nej qhib ib lub siab zoo txais Tswv Ntuj Lo Lus uas nws muab cog rau hauv nej. Lo Lus ntawd yuav cawm nej tus plig.
    22 Nej coj Lo Lus mus ua neej. Nej txhob cia li mloog Lo Lus xwb, nej txhob rov dag nej.
    23 Tus neeg uas mloog Lo
    Lus tab sis tsis ua raws, mas nws zoo li ib tug neeg ntsia lub ntsej muag uas Ntuj tsim rau nws, hauv ib daim tsom iav,
    24 nws ntsia ib muag, nws cia li mus, tsis nco qab tias nws lub ntsej muag zoo li cas.
    25 Tiam sis tus muab siab rau kawm
    ib txog cai kom nto ntsis, mas txoj cai pub kev ywj pheej rau nws, ces nws nyob nraim hauv txoj cai ntawd, nws tsis ua ib tug neeg mloog tas nrho xwb, twb hnov qab lawm : nws yog ib tug neeg tuav txoj cai, mas nws tau nyob kaj siab, vim nws
    ua raws txoj cai.
    26 Yog muaj ib tug xav tias nws hwm Ntuj, tiam sis nws tsis cheem nws lub ncauj, mas nws rov dag rau nws xwb : nws txoj kev hwm Ntuj tsis tsim ib qho dab tsi zoo.
    27 Txoj kev hwm Ntuj huv
    tsis lo ib yam qias, uas nyob ze ntawm peb Txiv Tswv Ntuj yog txoj no : yog mus xyuas cov me nyuam ntsuag thiab cov poj ntsuam uas raug kev tu siab, yog txuag yus lub siab kom txhob tsuas ib teev qias, yog nyob deb lub qab ntuj neeg.


    • Cov lus nyob hauv Mas Kos Ntawv Moo Zoo (Mc 7, 1-8.14-15.21-23)
    1 Cov Fas Lis Xais thiab tus puav Kws Ntawv Ntshiab tuaj Yes Lus Xas Les tuaj, lawv sib sau ntsauv Yes Xus.
    2 Lawv pom tus puav thwj tim
    xuas tes tsis huv noj mov, yam li lawv tsis xub ntxuav tes,
    3 vim tias cov Fas Lis
    Xais, thiab tas cov Yus Das huv tib si, mas lawv tsis noj mov yog lawv tsis xub ntxuav tes zoo zoo tso.
    4 Thaum lawv
    mus kav kiab kav khw rov los, yog lawv tsis tau xub pov dej rau tso, mas lawv tsis noj mov. Tseem muaj ntau yam uas cov Yus Das ua raws li tej laus qhia kom ua : ntxuav khob, ntxuav hub, thiab ntxuav tais tooj dag.
    5 Vim li ntawd, cov Fas Lis Xais thiab cov kws Ntawv Ntshiab thiaj nug Yes Xus tias :
    "Ua cas koj cov thwj tim tsis ua raws li tej laus kev cai ib txwm qhia kom ua, lawv cia li xuas tes tsis huv noj mov ?"
    6 Yes Xus hais rau lawv tias :
    "Neeg zoo sab nraud, His Xais hais raug nej kawg, Ntawv thiaj sau tseg tias : Haiv neeg no tsuas hwm kuv saum di ncauj, lawv lub siab nyob deb kuv.
    7 Lawv lam teev kuv dag, lawv muab neeg tej kab ke los nthuav xws li yog Ntuj lus qhia !
    8 "Nej tso Tswv Ntuj lo lus qhia tseg, nej muab nej khi rau neeg tej kev cai."
    14 Yes Xus rov hu tsoom sid los ntawm nws, ces nws hais rau lawv tias : "Tas nej sawv daws, nej mloog kuv kom nej to taub mog !
    15 Tsis muaj dab tsi
    nyob sab nraum neeg lub cev, uas nkag rau hauv neeg, yuav ua kom neeg tsis huv. Yam ua kom neeg tsis huv yog yam tawm hauv neeg los.
    21 Vim tej yam phem uas txhawv hauv neeg nruab siab los yog : kev ua dev ua npua, ua tub sab, tua neeg, 22 deev luag txij nkawm, cuaj khaum, lim hiam, ua cuav, ntxias luag ua plees ua yi, khib, xyav luag moo, muab hlob, ywj fab ywj fwj.
    23 Txhua hom kev phem no
    tawm sab hauv los, mas thiaj ua kom neeg tsis huv."


    Admin
    Admin

    Messages : 221
    Date d'inscription : 2009-08-05

    HNUB CHIV 04/10/2009 ( Hnub chiv 27- xyoo B )

    Post  Admin on 3rd October 2009, 9:24 pm


    • Zaj nyeem 1 : Cov lus nyob hauv ntawv Hauv Paus (Gn 2, 18-24)



    18 Thaum
    chiv lub keeb, Huab Tais Tswv Ntuj tsim lub ntuj lub teb, nws hais tias
    : "Tsis zoo cia txiv neej nyob ib leeg kheej. Kuv yuav ua ib tug pab
    nws kom phim nws."

    19 Huab
    Tais Tswv Ntuj muab av los puab tas tej tsiaj nkag pem teb thiab tej
    noog ya saum ntuj. Nws coj lawv los rau tus txiv neej saib nws yuav tis
    lawv npe li cas. Lawv puav leej muaj sia, tus txiv neej thiaj muab lawv
    ib leeg ib lub npe.

    20 Tus
    txiv neej muab npe tas rau tej tsiaj txhu, rau cov noog ya saum ntuj
    thiab rau tas tej tsiaj nkag pem teb. Tiam sis nws tsis ntsib ib tug
    pab tau nws thiab phim nws.

    21 Huab
    Tais Tswv Ntuj tso ib tug dab ntub txawv txawv laum tus txiv neej, ces
    nws txawm looj lawm. Huab Tais Tswv Ntuj rho ib qho nqaij ntawm nws tav
    thiab rov muab foob rau.

    22 Yam nws tau rho ntawm tus txiv neej los, nws txawm muab puab ua ib tug poj niam thiab coj los rau tus txiv neej.
    23 Tus txiv neej hais tias : "Zaum no, nqaij yog kuv nqaij, txha yog kuv txha ! luag yuav hu nws ua : “Poj niam”.
    24 Yog
    vim li ntawd, tus txiv neej yuav tso nws niam nws txiv tseg, nws yuav
    mus npuab nws tus poj niam, nkawd ob leeg yuav los ua ib ke.




    • Zaj nyeem 2 : Hes Nplaws (He 2, 9-11)


    9 Yes Xus tau txo nws qis dua cov Tshiab ib me ntu, ces peb pom nws tau lub hwj chim thiab lub koob meej roos nws, vim nws tau txais txoj kev tuag. Nws yuav tsum saj txoj kev tuag, nws thiaj pab tau txhua tus neeg. Tswv Ntuj lub txiaj ntsim mus li ntawd.
    10 Vim tias, tus tsim tas puas tsav yam los kom puas tsav yam ntawd tsob hwb nws, mas nws xav coj neeg tej tub ki coob coob mus txais koob meej thiab txais kev cawm. Phim nws yuav cia tus Ntaus Thawj raug txom nyem kom nws ntshiab tuaj.
    11 Vim tus ua tau kom luag ntshiab,
    thiab cov txais kev ntshiab, lawv puav leej tawm ntawm ib lub hauv paus los. Vim li ntawd, tus ua tau kom luag ntshiab, thiaj tsis txaj muag hu cov txais kev ntshiab ua nws cov kwv.


    • Mas Kos Ntawv Moo Zoo (Mc 10, 2-16)


    1 Tawm
    thaj chaw ntawd mus, nws tuaj txog lub xeev ntuj Yus Das, thiab sab pem
    tus dej Yos Las das sab ped, txawm rov muaj dua tej pab neeg sib sau
    tuaj mus ntsauv nws raws li niaj zaus thiab nws rov qhuab qhia lawv dua.

    2 Ib pab Fas Lis Xais xav sim Yes Xus, lawv txav los nug nws tias : "Tus txiv neej puas muaj cai xa nws poj niam rov qab ?"
    3 Yes Xus teb tias : "Mais Xes kom nej ua dab tsi ?"
    4 Lawv teb nws tias : "Mais Xes pub kom nws xa nws poj niam yog nws teev muaj daim ntawv sib nrauj."
    5 Yes Xus teb tias : “Yog vim nej lub siab dub twm xeeb nws thiaj teev txoj cai li ntawd.
    6 Tiam sis, thaum chiv lub keeb tsim teb raug, nws tsim muaj txiv neej thiab poj niam.
    7 Yog vim li ntawd, tus txiv neej yuav tso nws niam nws txiv tseg
    8 Nws yuav mus npuab nws tus poj niam, nkawd ob leeg yuav los ua ib ke. Nkawd tsis yog ob tug lawm, nkawd yuav ua tib tug xwb.
    9 Yog li, yam Tswv Ntuj muab sau los ua ke, kom neeg tsis txhob muab sib cais.”
    10 Thaum lawv rov los txog tsev, cov thwj tim nug nws txog qhov ntawd.
    11 Nws teb lawv tias : “Tus twg xa nws poj niam kom tau yuav dua lwm tus, nws yog deev hluas ua tub qaug nws poj niam.
    12 Yog tus poj niam twg xa nws tus txiv kom tau yuav lwm tus, yog nws deev hluas ua tub qaug nws tus txiv.”
    13 Luag coj ib co me nyuam tuaj rau Yes Xus plws lawv, tab sis cov thwj tim muab lawv thawb ntiag rau ib cag.
    14 Pom
    li ntawd, ua Yes Xus npau taws, nws hais lawv tias : "Nej cia cov me
    nyuam tuaj lawv ntawm kuv. Nej txhob txwv lawv, vim cov neeg tau Tswv
    Ntuj lub Ceeb Tsheej yog cov zoo li lawv.

    15 Kuv qhia ncaj rau nej : leej twg tsis txais Tswv Ntuj lub Ceeb Tsheej zoo li ib tug me nyuam, yuav mus tsis tau rau hauv.
    16 Nws puag lawv, nws foom hmoov zoo rau lawv thiab tsa tes plws lawv.

    NTHUAV NTAWV NTSHIAB :



    Nruab Xyoo 27 Tim 04.10.2009

    Ib tsoom niam txiv kwv tij neej tsa sawv daws,

    Twb
    rov txog hnub peb tuaj sib sau teev hawm peb tus Huab Tais Tswv Ntuj
    tuaj ua nws tsaug rau tej txiaj ntsim nws tau muab pub rau peb thiab
    thov nws pab peb daws peb tej kev txhawj xeeb, kev nyuaj siab ntxhov
    plawv, kho peb lub cev muaj mob dias hau kom zoo hlo, kom muaj dag muaj
    zog tuaj. Tsis tas li ntawd xwb, lub mob hnyav thiab loj tiag peb yuav
    vam khom Huab Tais Yes Xus pab peb, tsis yog kho lub mob hauv peb nrog
    cev xwb. Lub tseem mob loj thiab hnyav yog peb lub txhoj lub txhaum peb
    ua tub qaug Tswv Ntuj thiab tub qaug leej tib neeg, peb ua Tswv Ntuj tu
    siab thiab ua tib neeg tu siab rau peb. Vim li ntawd, peb thiaj li yuav
    pe thov Tswv Ntuj tsis tseg ua siab ntev rau peb zam peb tej txhaum.
    Yog lub mob loj thiab hnyav hauv peb. Thov nws pab kom peb txawj sib
    zam rau peb thiab. Yog vim li ntawd, hnub no, peb mloog Leej Txiv Tswv
    Ntuj lo lus : Hais txog kev ua txij ua nkawm, kev tsa lub neej nyob
    ntiaj teb no. Peb xub mloog phau ntawv Hauv Paus ua ntej tas peb ho
    mloog Mas Kos ntawv Moo Zoo.


    “Tsis
    zoo cia txiv neej nyob ib leeg kheej. Kuv yuav ua ib tug pab nws kom
    phim nws… Huab Tais Tswv Ntuj rho ib qho nqaij ntawm tus txiv neej tav
    los puab ua ib tug poj niam…”


    Tus
    txiv neej nyob niam ib leeg tsis pom qab ua neej, nyob ntuj teb ntsiag
    to, tsis muaj suab poj niam nqee, tsis muaj me nyuam suab luag, ua nws
    lub neej txias qas to hauv lub vaj lub tse khoob vus. Tawm rooj plaws,
    tsa suab hlo cuab tsiaj, qaib npua dev khiav dug dam los ib puag ncig,
    quaj zom zaws, ntxuaj tis thawv tho yom tw tej sis niab. Tsa muag zoj
    los saib, tsiaj txhu nyob muaj txig. Tus txiv neej qha qhuav nyob tsis
    muaj nkawm. Xav zaj twg los chim siab. Tsav tsiaj tsis paub tab yuav
    nrog tau txiv neej txuas tsheej ib lo lus sov nws siab. Ua rau tus txiv
    neej hnub thiab hmo ntev niaj puag xyoo, pw kaj ntug qaib qua tsa tsis
    xav sawv los tab cuab pub qaib npua tshais, vim qaib npua deev tsis tau
    nws siab. Tus txiv neej qaug dab ntub puav tam mob txiab mob nkeeg qaug
    txaj, pw looj dab ntub lawm tsis xav ciaj ua neeg nyob. Tus txiv neej
    kev tws siab ntsws xav tau ib zaj los tsis paub taij hais qhia leej twg
    ib suab. Huab Tais Tswv Ntuj twb xub pom nws lub siab ntshaw. Peb yuav
    nco ntsoov peb Leej Txiv Tswv Ntuj saib xyuas txhawj xeeb peb tib neeg
    puav tam peb leej niam leej txi sawv maub ntuj tag hmo pub mis peb noj
    thaum mos tu peb hlob tiav neeg. Tus txiv neej chim siab pw los tuag
    tsis taus, tos nws tsim dheev nruab dab ntub los, Tswv Ntuj twb tsim
    muaj poj niam nyob ntawm nws ib sab los deev nws siab. Pom dheev li
    ntawd, tus txiv neej thawj lo lus yog lus ciaj ua neeg nyob : "Zaum no,
    nqaij yog kuv nqaij, txha yog kuv txha ! luag yuav hu nws ua : “Poj
    niam”. Lo lus no txhais suaj kaum tus txiv neej kev zoo siab tsis txawj
    tag, ua nws lub mob chim siab ploj ntais mus rau lub ntuj tshiab ntuj
    kag, zoo siab hlo ua neej nyob.


    Peb
    yuav nco ntsoov, ua ib sim neej hauv lub qab ntuj, tsis hais xeem neeg
    dab tsi, tsis hais poj niam los txiv neej, tsis zoo rau nws nyob ib
    leeg kheej. Tsis muaj txij nkawm ua lub neej tsis tsheej ib cuab ib
    yig. Yog nws nyob ib leeg, cuaj hnub yim hmo nws yuav seev yees txoj
    niag kev tuag. Hmoob thiaj li hais kam zaj kwv txhiaj : “tub ntxhais
    los sib tau, vim nkawd daim ntawv nyiaj keeb puaj txwm los sib raug,
    nkawd los sib yua vim nkawd daim ntawv nyiaj keeb puaj txwm coj tau los
    sib sua…koj tuav kuv tes kuv qaim koj npab los ciaj lawm kuv sev ua
    lawm kuv nyab…” Tus txiv neej yuav tso nws niam thiab nws txiv tseg,
    mus npuab nws poj niam, nkawd ob leeg yuav ua ib ke. Hmoob hais tias :
    “Ua cav lwj sis ib nyob” mus txog hnub av luaj quas thiaj tseg.


    Peb
    leej tib neeg lub txhoj lub txhaum ua tub qaug Tswv Ntuj thiab ib leeg
    ua tub qaug ib leeg yog peb kev mom txheej tsis nco txiaj nco ntsig.
    Piv txwv, peb ua neej nyob hauv cov teb chaws vam meej. Lub zim txwv
    no, tib neeg huam vam, muaj kev kawm txuj siab ntau tsav, muaj kev
    txawj ntse ntuav dav ntau yam, muaj ntau hom txhooj cai kav teb kav
    chaw, tswj hwm pej xeem neeg los sib cov nyom…tus yuav coj li cas ywj
    nws, tus yuav nyiam ua zaj twg tseev nws. Thaum no, ob tug txiv neej
    yuav nyob ua ke daj dee ywj nkawd; ob tug poj niam rov sib qawg sib
    yuav tseev nkawd. Hmoob hais tias ntuj fav teb lam. Yog tib neeg kev
    coj ua tub qaug Tswv Ntuj, ua tub qaug neeg, kev tsis leem cai, ua tsis
    raws cai. Tib neeg tsis muaj hwm Ntuj thiab hwm neeg, ua tus ntsej lag
    muag dig, tsis hnov tsis mloog Tswv Ntuj hais dab tsi, ces tib neeg
    yuam kev. Thaum tib neeg tsis ntshai tub qaug Tswv Ntuj lawm. Thaum
    ntawd, nws rov rhuav nws ntsej muag, poob tsim. Hmoob hais tias : “liam
    txwv.”


    Huab Tais
    Yes Xus qhuab qhia cov Fas Lis Xais tib yam nkaus kom lawv nco ntsoov
    Tswv Ntuj lub txiaj ntsim thaum nws tsim txiv neej thiab poj niam los
    nyob ua ke : “tus txiv neej yuav tso nws niam nws txiv tseg…mus npuab
    nws tus poj niam, nkawd ob leeg yuav los ua ib ke. Nkawd tsis yog ob
    tug lawm, nkawd yuav ua tib tug xwb…yam Tswv Ntuj muab sau los ua ke,
    kom neeg tsis txhob muab sib cais”


    Raws
    li cov Fas Lis Xais siab xav, yog thaum tus txiv neej mus ua tau daim
    ntawv sib nrauj lawm, tus txiv neej muaj cai xa nws poj niam. Vim Mai
    Xes twb tso cai, ces tus txiv neej tau cai nrauj nws poj niam. Nyob
    hauv cov teb chaws vam meej, lawv kuj coj nkaus li cov Fas Lis Xais
    siab xav. Tsuav yog nkawd muaj ntawv sib nrauj lawv ces, yooj yim cuag
    ua si. Sib nrauj tsuag tsuag pov tseg, mam mus yuav dua tug tshiab. Los
    txog tsis zoo, mam ho mus yuav dua lwm tus. Peb kwv tij Hmoob tuaj poob
    teb poob chaw, peb Hmoob yoog tau nkaus li luag tus hneev taw. Peb
    thiaj pom muaj tej nkauj feb nraug fav ua npoj ntws tsis muaj tsw. Xav
    kom sawv daws ho xav thiab, peb tib neeg tsis yog tsiaj. Vim li ntawd,
    Huab Tais Yes Xus thiaj qhia tias : “Tus twg xa nws poj niam los nws
    tus txiv mus yuav dua lwm tus, yog nws deev hluas, nws ua tub qaug nws
    poj niam los tus txiv.”


    Peb
    yog neeg teev Yes Xus, tej lus no tsis yog ua si, hais pov tseg. Ntawm
    txoj cai, kev to tog dav fo rau peb sib nrauj kom nqig siab. Los tshuav
    tej me nyuam, siab ntsws ua mob ua ntsaj tos ntshi tsis muaj hnub kaj
    hnub zoo. Ntawm tej neej tej tsa los tus choj tshoob choj kos yeej lov
    yeej dam lawm. Ntawm yus tus kheej los ib hnub tshav los kaum hnub ntuj
    yeej tsaus. Hmoob hais tias: “lub neej niam tog txiv nta yeej tsis piv
    lub neej niam nkauj txhav qaib nraug txhav noog.” Ntawm Huab Tais Tswv
    Ntuj los yus kuj tau rhuav nws lub txiaj ntsim tsis mloog nws lo lus
    qhia, tam ntua tus choj tshoob choj kos lov thiab. Yus twb rhuav yus
    nkawm niam txiv lub cuab lub yig piam tas, ua rau yus me tub me nyuam
    siab ntsws mob lwj dhi, yus ho muab xav saib puas yuav tsis tub qaug
    Huab Tais Tswv Ntuj, tsis tub qaug leej twg ?


    Vim
    li ntawd, ib tsoom tub ntxhais, ib tsoom niam txiv sawv daws, peb pom
    tias, lub ntuj fav teb lam, kis mob kis ntsaj ua tib neeg tej siab
    ntsws tsis yog siab neeg. Nyias yuav tau kho nyias tej siab ntsws kom
    zoo mob. Thov kom Huab Tais Tswv Ntuj tsis txhob tso peb tib neeg
    txhaum pov tseg. Peb yim huab yuav puas tsuaj thiab liam txwv tshaj no.
    Thov Huab Tais Tswv Ntuj pab cov niam txiv poob hauv txoj kev lwj siab
    no thiab pab lawv rhawv txoj kev sib haum xeeb.


    Cwj Vuam Chiv 01.10.2009

    "Ua tsaug ntau rau TP Cwjvuamchiv zaj nthuav Ntawv Ntshiab"




    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    COV ZAJ NYEEM HNUB CHIV 08/11/2009. XYOO B.

    Post  Npuagtub on 6th November 2009, 1:07 pm

    Zaj Nyeem 1: Phau Ntawv Vaj Ib (17,10-16)



    10 Es Lis thiaj sawv kev mus rau Xas Les Tas.
    Thaum nws mus txog ntawm ncauj ke ntug zos,
    muaj ib tug poj ntsuam tseem khaws khaub tawg,
    nws thiaj hu thiab nug tias :
    « Koj puas kam muab koj lub tshob nqa ib qho dej tuaj kuv haus »
    11 Nws txawm tig zoj mus nqa dej,
    Es Lis rov hais nws tias :
    « Koj nqa ib thooj mov hauv koj tes tuaj thiab ».
    12 Nws teb tias :
    « Kuv tsa tes tau rau koj tus Huab Tais Tswv Ntuj ciaj sia !
    Kuv tsis muaj mov siav ;
    kuv tsuas tshuav kiag ib teg hmoov nplej hauv qab hub
    thiab me me roj hauv qab taig.
    Kuv tuaj khaws ob tug taws coj mus khee ua rau kuv tus tub wb noj.
    Thaum wb noj tas wb mam tuag. »
    13 Es Lis teb nws tias :
    « Tsis txhob txhawj, mus ua li koj hais.
    Tiam sis, koj xub npaj puab ib lub ncuav siav rau kuv tso :
    Koj mam li ua rau koj thiab koj tub.
    14 Saib, Huab Tais, His Xais Lais tus Tswv Ntuj hais tias :
    Hub hmoov nplej tsis txawj tag,
    tais roj tsis txawj nqhuab
    mus txog thaum Huab Tais tso nag los ywg daim av.
    15 Tus poj niam mus ua raws li Es Lis tau nug,
    tus saub thiab tus poj niam
    thiab nws tus tub tau mov noj ntev loo.
    16 Hub hmoov nplej tsis txawj tag,
    tais roj tsis txawj nqhuab xws li
    Huab Tais tau hais tawm ntawm Es Lis lub ncauj.


    Zaj nyeem 2 : Hes Nplaws (He 9, 24-28)

    24 Leej Pleev chaws mus hauv ib lub tsev Ntshiab
    uas tsis yog neeg txhais tes txhim,
    thiab tsis yog ib lub tsev ua piv txwv txog lub saum ntuj :
    Leej Pleev mus saum ntuj lawm tiag.
    Leej Pleev thiaj tawm los nyob ntawm
    Tswv Ntuj xub ntiag, nws cev lus pab peb.
    25 Tsis tas Leej Pleev yuav rov cev nws
    rau Tswv Ntuj ob peb zaug,
    xws li tus tuam leej choj uas niaj xyoo
    nws yuav tsum rov mus cev ib co ntshav
    uas tsis yog nws cov ntshav nyob hauv Kem Ntshiab.
    26 Yog Leej Pleev tsuas ua leej choj
    xws li lwm cov leej choj xwb, mas txij ntuj
    tsim teb raug los nws yuav tsum raug txom nyem ntau zaus.
    Tab sis thaum txog lub zwj ceeb kawg,
    nws tawm los ib zaug xwb,
    nws los ua nws thaj txi Ntuj rhuav kev txhaum pov tseg.
    27 Leej tib neeg tsuas tuag ib zaug xwb,
    dhau qhov tuag lawm, yog lub caij txiav txim.
    28 Leej Pleev rov muab nws txi Ntuj ib zaug xwb,
    kom nws tau ris ib zeej tsoom cov txhaum.
    Nws yuav tawm rov los zaum ob :
    zaum ntawd, nws yuav tsis ris kev txhaum,
    nws yuav tawm los rau cov neeg tos nws,
    nws yuav cawm lawv.



    Mas Kos Ntawv Moo Zoo (12,38-44)

    38 Thaum Yes Xus qhuab qhia sawv daws,
    nws hais tias : "Nej ceev faj rau cov kws ntawv,
    lawv nyiam hnav ua zam sees thiab lawv nyiam
    kom luag hawm lawv tom tej tshav puam,
    39 Lawv nyiam zaum tej chaw tuaj pem thawj hauv tej tsev txoos
    thiab cov zoo chaw hauv tej pluas noj.
    40 Lawv sib huas tej poj ntsuam cuab tam
    thiab ua hom txawj teev ntuj tas zaj tas zog.
    Lawv yog cov yuav raug txiav txim hnyav ncawv."
    41 Yes Xus zaum hauv lub Tuam Tsev teev ntuj ncaj kem tsev tso nyiaj.
    Nws ntsia zeej tsoom tuaj ntsaws nyiaj rau hauv lub hub.
    Muaj cov nplua nuj coob leej tso nyiaj ntau heev hauv hub.
    42 Muaj ib tug poj ntsuam pluag txav zoj mus tso tau ob lub nyuam txiaj.
    43 Yes Xus hais rau nws cov thwj tim :
    "Kuv hais tseeb rau nej,
    tus poj ntsuam pluag no tso rau hauv hub ntau tshaj tag sawv daws.
    44 Vim tas sawv daws, lawv rho lawv tej nyuag seem,
    hos nws li, nws rho tag nws txoj kev pluag :
    nws pub tag nrho, tag raws li nws muaj taus ua neej."

    Nruab Xyoo 32 Tim 08.11.2009

    Ib tsoom niam txiv kwv tij neej tsa phooj ywg kub siab mloog Tswv Ntuj lus,

    Peb yug los ua neeg, peb muaj niam muaj txi, muaj ib tse neeg hlub, peb thiaj ciaj ua neeg nyob. Thaum tseem yau, sawv daws noj nyob, pw haus ua ke. Loj hlob tiav neeg, nyias mus ua nyias neej. Sawv daws puav leej yug tau los muaj qhov muag pom kev, muab lub ncauj hais lus, muaj tes muaj taw. Nyias tej siab ntsws txawj xav txawj ntshaw. Nyias lub cev yuav noj yuav hnav. Nyias lub plab txawj qhia nyias mus ua, mus khwv rau nyias noj. Ib tug tsis tos ib tug. Hmoob hais tias : nyob, tug tsis ua rau tug noj. Tuag tsis faus ib ntxas. Hmoob nco Hmoob tej niam tej txi lub txiaj ntsim kev iab kev khwv tu da quav da zis…Thaum qua tub qua ntxhais, Hmoob thiaj sau nqe mis nqe hno. Yog yus Hmoob kab lis kev cai poj rhawv kab yawm rhawv kev. Ntawm neeg ntiaj teb kuj tib yam. Ib leeg, tsis txawv ntau ib leeg. Tus tib neeg twg, twb yuav tau khwv thiaj muaj noj muaj hnav saib xyuas daim av ntuj muab rau yus kav mus txog hnub kawg.

    Yug los ciaj neeg hauv lub ntiaj teb, tus paub Tswv Ntuj thiab tus tsis paub, tag sawv daws puav leej txais lub sim ceeb los ua yus tug. Vim daim av, tsis yog peb leej tib neeg twg tsim tawm los. Lub sim ceeb, lub ntiaj teb thiab tib neeg puav leej yog Tswv Ntuj tsim. Tswv Ntuj nyiam tag ib puas tsav yam Tswv Ntuj tsim tau los. Tiam sis neeg, yog yam Tswv Ntuj hlub dua tas puas tsav yam nws txhais tes tsim los. Tswv Ntuj thiaj muab tag lub sim ceeb kib rau tib neeg ua tus kav saib xyuas nrog Tswv Ntuj, tso tag Tswv Ntuj tes qav num rau tib neeg txhais xib teg :
    “Tus txawj ploj tuag, ua cas koj tseem yuav tshua, As Das tub ki koj tseem thuv txog,
    Koj tsim nws yau zog ntuj, koj muab meej mom thiab sawm txhiaj rau nws ntoo,
    Kom nws kav koj tes qav tes num…NPN8,5-7 »
    Yuav kom peb tib neeg to taub Tswv Ntuj thiab kom peb swm Huab Tais. Peb yuav muab Tswv Ntuj los piv rau yus niam yus txiv. Peb sim xav saib, yus niam yus txiv hlub yus npaum li cas thiab yus hlub yus tej me tub me nyuam npaum li cas. Tswv Ntuj tseem txawj hlub yus tshaj yus hlub yus tej me nyuam. Yog hnub peb swm Tswv Ntuj, peb pom Tswv Ntuj hlub peb loj dua tej tib si. Hnub ntawd, peb yuav zoo siab hlo ua Tswv Ntuj tej tub ki.
    Peb leej tib neeg, tej txhia tsis txawj hlub lawv tej me nyuam tiag, lam yug tau, muab me nyuam tso pov tseg, tsis kov tsis tu lawv, tsis cob tsis qhia lawv ua noj ua haus, tsis qhia kawm txuj kawm ci. Kav chawj tej me nyuam lawv mam peem lawv. Muaj tej niam txiv tsis txawj hlub lawv tej tub ki. Tswv Ntuj tsis zoo li ntawd. Tus tib neeg tsis zoo hlub, los Tswv Ntuj muab tes plws, muab tes khawm lias puag zoj hauv nws xub ntiag. Tsis hais tus zoo, tus phem, tus muaj tus pluag, tus zoo neej, los tus mob hnyav qaug txaj qaug lav…Vim li ntawd, Tswv Ntuj hlub tib neeg tag tus thiab hlub kawg siab hlo. Tswv Ntuj tsis xub ntsia saib peb yog neeg ntse los neeg ruam, yog neeg Kav Tos Liv los neeg coj dab qhuas, yog neeg muaj mob pw nrom ca los neeg nquag zoo neej…Peb zoo thiab phem Tswv Ntuj pom tag, paub tag. Tswv Ntuj hlub peb kawg siab kawg ntsws tshaj peb tib neeg siab ntsws ua kam thiab tshaj peb lub siab xav tau.
    Ua neej nyob, tib neeg twg los puav leej ntshaw muaj txwg muaj nkawm, ntshaw ib leeg txhawb ib leeg, ib tug hlub ib tug thiaj tsheej cuab tsheej yig, ua lub neej thiaj sov siab. Vim li no, txoj kev ntsoj kev ntsuag, yog ib txoj kev tu siab loj nyob hauv tib neeg lub neej saum daim av. Hmoob thiaj muab khaub dab ntsoj ntsuag lub neej ua kwv txhiaj lus taum los hais ua tshuaj kho tej siab ntsws txom nyem kom zoo, hais nplij tub ntsoj ntxhais ntsuag ib los teev lawv lub kua muag.
    Zoo li tus poj ntsuam nyob lub zos Xas Les Tas. Nws raug txom nyem, quaj ntsuag, tshaib thiab nqhis tiv lub ntuj kub lub teb nkig yog peb leej tib neeg lub neej nyob ntiaj teb no. Tswv Ntuj pom tus poj ntsuam thiab nws tus tub lub neej pluag, tshaib thiab nqhis tshuav txoj sia ua nruj nriaj nyob. Ua rau Tswv Ntuj hlub nkawd tsis paub kawg, pes tsawg Tswv Ntuj yuav cawv kom tau nkawd. Tus poj ntsuam tsis yog ib tug neeg His Xais Lais, tsis yog Tswv Ntuj haiv neeg. Tsis yog zoo li peb leej tib neeg lub siab thiab lub tswv yim xav tau. Tswv Ntuj xaiv tau His Xais Lais ntawm tas txhia haiv neeg hauv ntiaj teb los ua Tswv Ntuj haiv neeg, ces Tswv Ntuj tsis hlub, tsis tshua txog lwm haiv neeg. Tsis yog Tswv Ntuj thiaj hlub His Xais Lais tseg lwm haiv neeg, pab His Xais Lais tsawm thiab hnyos lwm haiv neeg raug txom nyem. Tswv Ntuj tsis xav nqaim li tib neeg lub siab ti siab nqaim. Tswv Ntuj hlub tib neeg sawv daws tag nrho. Yog Tswv Ntuj txawj hlub txog tus poj ntsuam thiab nws tus tub txog txij xa tau Es Lis, Tswv Ntuj tus tub txib tuaj cawm nkawd ob niam tub. Peb yuav ua neeg thoob tsib, pom kev deb, txawj xav qhov ncaj ncees qhov yog. Nws yog ib lub cim Tswv Ntuj qhia rau peb pom, vim tas lub sim ceeb, tas ntiaj teb tib neeg yog Tswv Ntuj tug Tswv Ntuj tsim. Peb txawm yuav nyob rooj teb twg saum daim npoo av, yog peb leej twg muaj kev txom nyem, raug kev tsaus ntuj loj npaum cas, Tswv Ntuj pom tag nrho. Tus poj ntsuam no lub neej, yog peb tib neeg lub neej nyob ntiaj teb no. Tswv Ntuj tsis tso tus poj ntsuam no tuag tshaib tuag nqhis. Peb yog neeg ncaj ncees, peb ib suab hu, Tswv Ntuj yuav npo peb dim peb kev txhawj xeeb kev tsaus ntuj tib yam nkaus. Vim li no, peb Hmoob ib txwm tsis paub Tswv Ntuj, tsis paub teev ntuj. Tiam sis, peb Hmoob ntseeg tias muaj ntuj nyob saud, ntuj pom. Hnub Hmoob tau kev tws, Hmoob hu ntuj pab. Hmoob lub yeem loj Hmoob fim ntuj tuaj pab, tuaj pov hwm Hmoob. Hais tau tias Hmoob kuj hwm ntuj tib yam li tus poj ntsuam nyob lub zos Xas Les Tas, neeg pluag, tiam sis siab loj, siab dav, siab ncaj, siab zoo, hlub neeg…
    Piv txwv li yus ob niam txiv thaum nyuam qhuav sib tau thaum tshiab ib leeg tseg tsis taus ib leeg. Zoo tam ntua yuav tsis muaj hnub tsaus. Xav tsis txog ib zaug tias lub ntuj yuav txawj rov, lub teb yuav txawj nphau ib hnub twg. Ua lub neej ntev xyoo ua ke, ib leeg paub ib leeg, hais lo ntxhib taj lo mos, hais qhov luv taj qhov ntev, ua pliaj plhu hiav taj lub ntsej muag luag…tawm rooj plaws tsis xav rov los nkag hauv lub vaj lub tse hnov tej lus tshawj lus chim…ntev thiab ntev muaj qhov zais thiab qhov dag tshwm los lwv yeej ua ntuj liab teb ntsuab…Thaum zoo li no lawd, peb lam ua neej ua ke xwb, peb zoo li poj ntsuam thiab yawg ntsuag ntsaub yus tej tub ki nyob. Tsis muaj leej twg pab yus ntxiv ntxhua, hlub yus, txhawb yus. Zoo li tshuav yus tus kheej ua neej nyob tiv lub ntuj kub lub ntuj nkig hauv ntiaj teb no. Lub neej txawm zoo li lub ntuj qhuav lub teb nkig los yuav tau ua lub siab loj, ua siab dav, siab ncaj, siab zoo, hlub neeg…yus txawm ua ntsuag, los Tswv Ntuj tsis tso yus pov tseg. Tswv Ntuj yuav xa neeg tuaj pab yus.
    Vim li ntawd, txij hnub peb los txais lub cim ntxuav hauv lub Koom Txoos Kav Tos Liv. Peb los ua lub Koom Txoos Kav Tos Liv tsoom tub ki. Tswv Ntuj xaiv peb los ua Tswv Ntuj haiv neeg, ua Tswv Ntuj tes qav num, ua Tswv Ntuj cov tub txib tshaj Tswv Ntuj lo lus kom mus thoob qab ntuj neeg. Peb mloog lub Koom Txoos lus, yog mloog Yes Xus lus qhuab qhia. Kev mloog Yes Xus lus yog xyaum coj ib lub neej tshiab. Peb coj peb lub neej kom mus raws li Yes Xus qhia peb coj thiab peb xyaum ua li Yes Xus qhia peb ua. Yog peb txoj kev nrauj dab phem, txiav siab tsis ua neeg phem, tsis txhob pauj rau luag, yuav ntev yuav zam rau tu ua tub qaug yus. Yog lub neej tshiab Yes Xus qhia rau peb kom peb ua, vim peb ntseeg Yes Xus, vim peb zoo siab ua Yes Xus cov thwj tim, peb zoo siab lawv Yes Xus qab, Yes Xus mus ua peb ntej tho kev rau peb taug…
    Ib tsoom kwv tij neej tsa Hmoob, txoj kev sib zam, tsis txhob pauj cov neeg saib tsis taus yus, ua tub qaug yus, zam rau tus neeg txhob txwm nrhiav plaub nrhiav ntug, coj yus mus ncej rooj txwj laus…Peb pom tias tsis yooj yim npaum li ntawd. Tsis tas li ntawd xwb, Yes Xus tseem hais ntxiv rau peb sawv daws cov neeg ntseeg tib si : « Kuv hais rau nej, nej cov mloog kuv lus : Nej hlub nej cov yeeb ncuab, nej ua zoo rau cov neeg ntxub nej… LK6,27 » Peb lub luag dej luag num Yes Xus tso rau peb ua nyob hauv peb yim neeg, hauv peb tsoom kwv tij neej tsa, hauv peb lub zej zog thiab hauv peb lub teb chaws yog xyaum coj lub neej tshiab raws li Yes Xus qhia. Yog peb tus kheej xwb, peb yuav tsis muaj zog zam tau rau yus tus poj niam los yus tus txiv ua tub qaug yus, los yus tus kwv tij saib tsis taus yus, los yus cov neej tsa ua txhaum yus…Yus puas yuav hlub taus yus tus yeeb ncuab li Yes Xus qhia ? Yog peb vam txog peb tus kheej xwb, peb yuav zam tsis tau rau leej twg. Tiam sis, peb twb pom peb tsis muaj zog, peb pom peb txawj ua txhaum rau luag, peb pom peb txawj dag luag…peb yuav thov Tswv Ntuj zam rau peb. Yus tus kheej tsis txawj mloog Yes Xus lus, yus tsis txawj ua xis Yes Xus siab nyiam. Yus thov kom Yes Xus zam yus tej txhaum rau yus, thov kom Yes Xus hlub yus, txhob tso yus rau hauv txoj kev txhaum. Yus yuav tsis txhob coj li cov kws ntawv thiab cov neeg loj, neeg nplua nuj. Yus yuav xyaum coj li cov pluag thiab coj li tus poj tsuam tuaj tso nyiaj hauv tsev teev ntuj. Nws ob lub txiaj muaj nuj nqes tshaj tag cov npluaj nuj cov nyiaj tib si.
    Vim cov kws ntawv thiab cov nplua nuj lawv ua dab tsi, lawv ua qhov kom tau ntsej muag, ua qhov kom neeg qhuas thiab neeg hwm lawv. Peb tsis txhob xav tias cov kws ntawv thiab cov nplua nuj thiaj ntshaw muaj hwj chim, ntshaw muaj koob meej xwb. Yog Yes Xus qhia cov lus no rau peb hnub no, vim Yes Xus paub, nyob hauv leej tib neeg tas sawv daws puav leej ntshaw muaj koob meej. Tib neeg kev nrhiav koob meej ua rau tib neeg sib tawg tsis sib haum. Ib tug khib rau tug, ib tug saib tsis taus tug, ua rau ib tug ntxub ib tug. Thaum kawg, tseem txw neeg sib tua tuag kom puas tsuaj. Vim tus muaj nyiaj tau lub koob meej neeg nplua nuj, muaj vaj tse zoo, tau daim zoo hnav, muaj noj tsis tshaib haus tsis nqhis. Tus kws ntawv tau lub koob meej neeg muaj txuj ci, neeg txawj ntse, ua nom, ua tswv…Leej tib neeg xav li ntawd, muab nyiaj muab kub, muab kev txawj ntse los sib lwv, los khav. Yes Xus xav txawv neeg xav. Tus muaj koob meej thiab muaj hwj chim tsis yog tus nplua nuj thiab tus txawj ntse, yog tus neeg siab dawb, siab ncaj hlub neeg. Tus poj ntsuam pluag, siv zog pab tag raws li nws kev pluag los pab neeg. Zoo li nws tseem yoo tej pluas mov kom tseg tau ob lub txiaj coj los tso rau hauv tsev teev ntuj ua txiaj ntsim. Hos cov nplua nuj tso tej tes txiaj rau lub hub nyiaj, tiam sis yog lawv cov nyiaj seem xwb. Lawv muab tsis tag lawv lub zog los hlub neeg. Yes Xus thiaj hais rau nws cov thwj tim tias : "Kuv hais tseeb rau nej, tus poj ntsuam pluag no tso rau hauv hub ntau tshaj tag sawv daws.
    44 Vim tas sawv daws, lawv rho lawv tej nyuag seem, hos nws li, nws rho tag nws txoj kev pluag : nws pub tag nrho, tag raws li nws muaj taus ua neej”
    Yog muab hais los mus, tus poj ntsuam pluag siv zog hlub neeg tag nws lub siab. Cov nplua nuj tuaj tso nyiaj kom tas kev cai. Lawv hlub neeg tsis cuag tus poj ntsuam pluag.

    Ib tsoom phooj ywg sawv daws, xav kom peb mloog Huab Tais Yes Xus lus qhuab qhia zoo cuag tus poj ntsuam thiab muab tag peb lub siab los nrog Yes Xus hlub peb tej tib neeg tsis zoo nyiam thiab tsis zoo hlub. Yog txoj hauj lwm Yes Xus xa nws cov thwj tim mus ua, yog txoj hauj lwm Tswv Ntuj xa Tswv Ntuj tus tub txib Es Lis mus cawm neeg. Kuj yog peb txoj dej num peb yuav tau nrog Huab Tais Yes Xus rau tes ua pab ntiaj teb tib neeg.

    Cwj Vuam Chiv 4.11.2009



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: COV ZAJ NYEEM xyoo B 2009 )

    Post  Mim on 10th November 2009, 6:06 pm

    Kuv twb xav hais yuav sau ob los txog cov zaj nyeem hnub chiv tas no no, tiam sis pheej sawv tsis tau kev los sau li. Hmo no kuv mam los sau ob peb los, lig li ob peb hnub lawm los thov txim nawb.


    Nyob hauv zaj nyeem ib, uas yog Vaj Ib 17: 10-16, thiab hauv zaj Ntawv Moo Zoo uas yog Mas Kos 12: 38-44, yog hais txog ob tug poj ntsuam raug kev txom nyem, tiam sis nkawd tseem muaj lub siab zoo siab dav pab luag thiab. Thawj tug poj ntsuam nws tshuav ib nphoov tes hmoov nplej thiab ib dia roj lawm xwb, tiam sis nws tseem muab khee hlo los ua rau tus yaj saub Es Lis noj. Tus poj ntsuam nyob hauv Ntawv Moo Zoo nws qee zias hauv nws tej nyiaj muas noj muas haus tuaj tso rau hauv tuam tsev teev ntuj. Cov nom tswv uas muaj muaj nyiaj mas lawv tsa taub hau siab siab, cev tej pob nyiaj loj nteev, tseem txhob txwm ua kom sawv daws pom thiab sawv daws qhuas. Hos tus poj ntsuam pluag ces nws txaj txaj muag rau nws ob lub nyuag npib, nws nyas ua tub sab pov rau kom txhob muaj neeg pom txhob muaj neeg paub. Tiam sis Tswv Ntuj pom. HT Yes Xus yog Tswv Ntuj nws paub, nws thiaj qhia rau nws cov thwj tim thiab qhuas txog tus poj ntsuam rau lawv.

    Ob zaj no qhia tau rau peb ob yam. Yam ib, yog qhia kom peb txawj ua neeg siab dawb siab dav, pab nyiaj txiag pab dag zog rau yus lub church, los yus pawg ntseeg. Peb yuav tsum tau saib yus pawg ntseeg zoo li yus tsev neeg. Sawv daws txoj hauj lwm yog sib koom tes thiab sib koom nyiaj txiag los txhawb yus lub tsev pe hawm Tswv Ntuj thiab yus pawg ntseeg kom nyob taus noj taus thiab kom vam meej tuaj. Tej nqe dej nqe taws, nqe vaj nqe tsev yog sawv daws cov nyiaj sib sau los mus them rau. Cov tub khiav hauj lwm rau hauv church lub nyiaj hli los yog sawv daws cov nyiaj los mus them rau. Peb muaj ntau los peb tso ntau peb muaj tsawg los peb tso tsawg, nyias tso muaj nyias tug. Peb yuav tsis txhob xav hais tias,"Kuv pluag pluag ces cia lawv mam tso xwb." Txawm peb pluag los peb tso raws peb txoj kev pluag li tus poj ntsuam uas Yes Xus qhuas txog.

    Yam ob yog qhia rau peb tias peb yuav tsum ntseeg Ntuj thiab tso siab plhuav rau Tswv Ntuj tiag tiag. Yog peb ua tej yam nyuaj rau peb, tiam sis peb ua vim peb ntseeg thiab tso siab rau Tswv Ntuj, fim nws yeej yuav pub tej yam zoo rau peb xwb. Xws li thawj tug poj ntsuam, nws ntseeg Tswv Ntuj lo lus uas tus yaj saub hais, ces nws xub kib ib lub ncuav mov rau tus yaj saub noj ua ntej nws kibb rau nkawd ob naim tub noj. Vim nws txoj kev ntseeg thiab txoj kev tso siab rau Tswv Ntuj ces nws cov hmoov nplej tsis tag, nws cov roj los tsis nqhuab, nws yim ua noj yim tshuav ntxiv xwb. Hos tus poj ntsuam hauv Ntawv Moo Zoo los nws tau HT Yes Xus los lus qhuas nws. Thiab peb ntseeg tau hais tias txawm nws txom nyem me ntsis hauv ntiaj teb no los nws yuav tau zoo nyob saum ntuj xwb.

    Ob tug poj ntsuam hauv ob zaj no nkawd ua raws li zaj nyeem ob uas yog Hes Nplaws 9: 24-28 qhia rau peb. Lub ntsiab tseem ceeb hauv zaj Hes Nplaws no yog qhov tias HT Yes Xus tsuas yug los ua neeg ib zaug thiab tsuas los tuag ib zaug them peb cov txhaum xwb. Nws tseem yuav los zaum ob thiab, tiam sis tsis yog los them txhaum lawm. Zaum ob nws los yog los cawm cov neeg uas ntseeg txog nws, tos ntsoov nws, los coj lawv nrog nws mus nyob saum ntuj. Peb tsis paub hais tias lub ntiaj teb yuav kawg hnub twg, tiam sis peb yeej paub zoo tias peb nyias lub ntiaj teb yuav kawg rau nyias ib hnub xwb.

    Ob tug poj ntsuam qhia rau peb hais tias peb ua neej nyob, peb yuav tsum ntseeg Tswv Ntuj, mloog nws tej lus qhia, thiab muab peb lub neej tej kev nyuaj tej kev txom nyem tso plhuav rau Tswv Ntuj, ib hnub twg peb thiaj yuav tau nrog Tswv Ntuj nyob. Txawm peb yog neeg ntseeg, tiam sis lam ntseeg ntawm lub ncauj, twb tsis mob siab teev ntuj, tsis ua raws Tswv Ntuj tej lus qhia, muaj mob tseem mus saib neeb saib yaig li qub tsis thov ntuj pab, tsis tso siab rau ntuj. Yog peb coj li ntawd, thaum txog yus lub ntiaj teb kawg, Yes Xus puas yuav kam tos yus nrog nws mus mas lod?... Tej zaum muaj ib txhia yuav tsis ntseeg tej no... Tiam sis kuv xav hais tias muaj tseeb tiag.

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV ZAJ NYEEM xyoo B 2009 )

    Post  Npuagtub on 11th November 2009, 3:31 am

    Mim wrote:Kuv twb xav hais yuav sau ob los txog cov zaj nyeem hnub chiv tas no no, tiam sis pheej sawv tsis tau kev los sau li. Hmo no kuv mam los sau ob peb los, lig li ob peb hnub lawm los thov txim nawb.

                                 
    Nyob hauv zaj nyeem ib, uas yog Vaj Ib 17: 10-16, thiab hauv zaj Ntawv Moo Zoo uas yog Mas Kos 12: 38-44, yog hais txog ob tug poj ntsuam raug kev txom nyem, tiam sis nkawd tseem muaj lub siab zoo siab dav pab luag thiab. Thawj tug poj ntsuam nws tshuav ib nphoov tes hmoov nplej thiab ib dia roj lawm xwb, tiam sis nws tseem muab khee hlo los ua rau tus yaj saub Es Lis noj. Tus poj ntsuam nyob hauv Ntawv Moo Zoo nws qee zias hauv nws tej nyiaj muas noj muas haus tuaj tso rau hauv tuam tsev teev ntuj. Cov nom tswv uas muaj muaj nyiaj mas lawv tsa taub hau siab siab, cev tej pob nyiaj loj nteev, tseem txhob txwm ua kom sawv daws pom thiab sawv daws qhuas. Hos tus poj ntsuam pluag ces nws txaj txaj muag rau nws ob lub nyuag npib, nws nyas ua tub sab pov rau kom txhob muaj neeg pom txhob muaj neeg paub. Tiam sis Tswv Ntuj pom. HT Yes Xus yog Tswv Ntuj nws paub, nws thiaj qhia rau nws cov thwj tim thiab qhuas txog tus poj ntsuam rau lawv.
                           
    Ob zaj no qhia tau rau peb ob yam. Yam ib, yog qhia kom peb txawj ua neeg siab dawb siab dav, pab nyiaj txiag pab dag zog rau yus lub church, los yus pawg ntseeg. Peb yuav tsum tau saib yus pawg ntseeg zoo li yus tsev neeg. Sawv daws txoj hauj lwm yog sib koom tes thiab sib koom nyiaj txiag los txhawb yus lub tsev pe hawm Tswv Ntuj thiab yus pawg ntseeg kom nyob taus noj taus thiab kom vam meej tuaj. Tej nqe dej nqe taws, nqe vaj nqe tsev yog sawv daws cov nyiaj sib sau los mus them rau. Cov tub khiav hauj lwm rau hauv church lub nyiaj hli los yog sawv daws cov nyiaj los mus them rau. Peb muaj ntau los peb tso ntau peb muaj tsawg los peb tso tsawg, nyias tso muaj nyias tug. Peb yuav tsis txhob xav hais tias,"Kuv pluag pluag ces cia lawv mam tso xwb." Txawm peb pluag los peb tso raws peb txoj kev pluag li tus poj ntsuam uas Yes Xus qhuas txog.

    Yam ob yog qhia rau peb tias peb yuav tsum ntseeg Ntuj thiab tso siab plhuav rau Tswv Ntuj tiag tiag. Yog peb ua tej yam nyuaj rau peb, tiam sis peb ua vim peb ntseeg thiab tso siab rau Tswv Ntuj, fim nws yeej yuav pub tej yam zoo rau peb xwb. Xws li thawj tug poj ntsuam, nws ntseeg Tswv Ntuj lo lus uas tus yaj saub hais, ces nws xub kib ib lub ncuav mov rau tus yaj saub noj ua ntej nws kibb rau nkawd ob naim tub noj. Vim nws txoj kev ntseeg thiab txoj kev tso siab rau Tswv Ntuj ces nws cov hmoov nplej tsis tag, nws cov roj los tsis nqhuab, nws yim ua noj yim tshuav ntxiv xwb. Hos tus poj ntsuam hauv Ntawv Moo Zoo los nws tau HT Yes Xus los lus qhuas nws. Thiab peb ntseeg tau hais tias txawm nws txom nyem me ntsis hauv ntiaj teb no los nws yuav tau zoo nyob saum ntuj xwb.
                         
    Ob tug poj ntsuam hauv ob zaj no nkawd ua raws li zaj nyeem ob uas yog Hes Nplaws 9: 24-28 qhia rau peb. Lub ntsiab tseem ceeb hauv zaj Hes Nplaws no yog qhov tias HT Yes Xus tsuas yug los ua neeg ib zaug thiab tsuas los tuag ib zaug them peb cov txhaum xwb. Nws tseem yuav los zaum ob thiab, tiam sis tsis yog los them txhaum lawm. Zaum ob nws los yog los cawm cov neeg uas ntseeg txog nws, tos ntsoov nws, los coj lawv nrog nws mus nyob saum ntuj. Peb tsis paub hais tias lub ntiaj teb yuav kawg hnub twg, tiam sis peb yeej paub zoo tias peb nyias lub ntiaj teb yuav kawg rau nyias ib hnub xwb.

    Ob tug poj ntsuam qhia rau peb hais tias peb ua neej nyob, peb yuav tsum ntseeg Tswv Ntuj, mloog nws tej lus qhia, thiab muab peb lub neej tej kev nyuaj tej kev txom nyem tso plhuav rau Tswv Ntuj, ib hnub twg peb thiaj yuav tau nrog Tswv Ntuj nyob. Txawm peb yog neeg ntseeg, tiam sis lam ntseeg ntawm lub ncauj, twb tsis mob siab teev ntuj, tsis ua raws Tswv Ntuj tej lus qhia, muaj mob tseem mus saib neeb saib yaig li qub tsis thov ntuj pab, tsis tso siab rau ntuj. Yog peb coj li ntawd, thaum txog yus lub ntiaj teb kawg, Yes Xus puas yuav kam tos yus nrog nws mus mas lod?... Tej zaum muaj ib txhia yuav tsis ntseeg tej no... Tiam sis kuv xav hais tias muaj tseeb tiag.

    Nyob zoo Hnub Ntshiab rau koj os Sister Mim,

    Wow.....! koj tshaj lij kawg li, koj sau tau muaj ntsiab tseem ceeb zoo kawg li rau peb sawv daws kawm.
    Ua tsaug rau koj qhov post hnub no nawv, kav tsij tuaj nrog peb sib koom sau Ntawv Ntshiab ua ke es peb thiaj tuaj zog nawv.





    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: COV ZAJ NYEEM xyoo B 2009 )

    Post  Mim on 11th November 2009, 6:13 am

    Npuag Tub wrote:
    Mim wrote:Kuv twb xav hais yuav sau ob los txog cov zaj nyeem hnub chiv tas no no, tiam sis pheej sawv tsis tau kev los sau li. Hmo no kuv mam los sau ob peb los, lig li ob peb hnub lawm los thov txim nawb.


    Nyob hauv zaj nyeem ib, uas yog Vaj Ib 17: 10-16, thiab hauv zaj Ntawv Moo Zoo uas yog Mas Kos 12: 38-44, yog hais txog ob tug poj ntsuam raug kev txom nyem, tiam sis nkawd tseem muaj lub siab zoo siab dav pab luag thiab. Thawj tug poj ntsuam nws tshuav ib nphoov tes hmoov nplej thiab ib dia roj lawm xwb, tiam sis nws tseem muab khee hlo los ua rau tus yaj saub Es Lis noj. Tus poj ntsuam nyob hauv Ntawv Moo Zoo nws qee zias hauv nws tej nyiaj muas noj muas haus tuaj tso rau hauv tuam tsev teev ntuj. Cov nom tswv uas muaj muaj nyiaj mas lawv tsa taub hau siab siab, cev tej pob nyiaj loj nteev, tseem txhob txwm ua kom sawv daws pom thiab sawv daws qhuas. Hos tus poj ntsuam pluag ces nws txaj txaj muag rau nws ob lub nyuag npib, nws nyas ua tub sab pov rau kom txhob muaj neeg pom txhob muaj neeg paub. Tiam sis Tswv Ntuj pom. HT Yes Xus yog Tswv Ntuj nws paub, nws thiaj qhia rau nws cov thwj tim thiab qhuas txog tus poj ntsuam rau lawv.

    Ob zaj no qhia tau rau peb ob yam. Yam ib, yog qhia kom peb txawj ua neeg siab dawb siab dav, pab nyiaj txiag pab dag zog rau yus lub church, los yus pawg ntseeg. Peb yuav tsum tau saib yus pawg ntseeg zoo li yus tsev neeg. Sawv daws txoj hauj lwm yog sib koom tes thiab sib koom nyiaj txiag los txhawb yus lub tsev pe hawm Tswv Ntuj thiab yus pawg ntseeg kom nyob taus noj taus thiab kom vam meej tuaj. Tej nqe dej nqe taws, nqe vaj nqe tsev yog sawv daws cov nyiaj sib sau los mus them rau. Cov tub khiav hauj lwm rau hauv church lub nyiaj hli los yog sawv daws cov nyiaj los mus them rau. Peb muaj ntau los peb tso ntau peb muaj tsawg los peb tso tsawg, nyias tso muaj nyias tug. Peb yuav tsis txhob xav hais tias,"Kuv pluag pluag ces cia lawv mam tso xwb." Txawm peb pluag los peb tso raws peb txoj kev pluag li tus poj ntsuam uas Yes Xus qhuas txog.

    Yam ob yog qhia rau peb tias peb yuav tsum ntseeg Ntuj thiab tso siab plhuav rau Tswv Ntuj tiag tiag. Yog peb ua tej yam nyuaj rau peb, tiam sis peb ua vim peb ntseeg thiab tso siab rau Tswv Ntuj, fim nws yeej yuav pub tej yam zoo rau peb xwb. Xws li thawj tug poj ntsuam, nws ntseeg Tswv Ntuj lo lus uas tus yaj saub hais, ces nws xub kib ib lub ncuav mov rau tus yaj saub noj ua ntej nws kibb rau nkawd ob naim tub noj. Vim nws txoj kev ntseeg thiab txoj kev tso siab rau Tswv Ntuj ces nws cov hmoov nplej tsis tag, nws cov roj los tsis nqhuab, nws yim ua noj yim tshuav ntxiv xwb. Hos tus poj ntsuam hauv Ntawv Moo Zoo los nws tau HT Yes Xus los lus qhuas nws. Thiab peb ntseeg tau hais tias txawm nws txom nyem me ntsis hauv ntiaj teb no los nws yuav tau zoo nyob saum ntuj xwb.

    Ob tug poj ntsuam hauv ob zaj no nkawd ua raws li zaj nyeem ob uas yog Hes Nplaws 9: 24-28 qhia rau peb. Lub ntsiab tseem ceeb hauv zaj Hes Nplaws no yog qhov tias HT Yes Xus tsuas yug los ua neeg ib zaug thiab tsuas los tuag ib zaug them peb cov txhaum xwb. Nws tseem yuav los zaum ob thiab, tiam sis tsis yog los them txhaum lawm. Zaum ob nws los yog los cawm cov neeg uas ntseeg txog nws, tos ntsoov nws, los coj lawv nrog nws mus nyob saum ntuj. Peb tsis paub hais tias lub ntiaj teb yuav kawg hnub twg, tiam sis peb yeej paub zoo tias peb nyias lub ntiaj teb yuav kawg rau nyias ib hnub xwb.

    Ob tug poj ntsuam qhia rau peb hais tias peb ua neej nyob, peb yuav tsum ntseeg Tswv Ntuj, mloog nws tej lus qhia, thiab muab peb lub neej tej kev nyuaj tej kev txom nyem tso plhuav rau Tswv Ntuj, ib hnub twg peb thiaj yuav tau nrog Tswv Ntuj nyob. Txawm peb yog neeg ntseeg, tiam sis lam ntseeg ntawm lub ncauj, twb tsis mob siab teev ntuj, tsis ua raws Tswv Ntuj tej lus qhia, muaj mob tseem mus saib neeb saib yaig li qub tsis thov ntuj pab, tsis tso siab rau ntuj. Yog peb coj li ntawd, thaum txog yus lub ntiaj teb kawg, Yes Xus puas yuav kam tos yus nrog nws mus mas lod?... Tej zaum muaj ib txhia yuav tsis ntseeg tej no... Tiam sis kuv xav hais tias muaj tseeb tiag.

    Nyob zoo Hnub Ntshiab rau koj os Sister Mim,

    Wow.....! koj tshaj lij kawg li, koj sau tau muaj ntsiab tseem ceeb zoo kawg li rau peb sawv daws kawm.
    Ua tsaug rau koj qhov post hnub no nawv, kav tsij tuaj nrog peb sib koom sau Ntawv Ntshiab ua ke es peb thiaj tuaj zog nawv.



    Ua tsaug XH Npuag Tub e... Kuv txawj raws li kuv yam thiab kuv kev to taub, nej txhua leej los yeej txawj raws li nej yam thiab os nawb....Peb sawv daws tuaj sib pab nthuav peb cov tswv yim es kom peb txoj kev ntseeg thiaj li hlav taus cag tob tuaj xwb os nawb.
    (Kuv pheej tsis tau keej tso cov duaab li ces tso tau li cas los nej lam nrog kuv saib... Yog nej leej twg ho pab kuv kho los haj yam zoo os nawb... Ua tsaug)

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: COV ZAJ NYEEM xyoo B 2009 )

    Post  Npuagtub on 11th November 2009, 8:03 am

    Npuag Tub wrote:
    Mim wrote:Kuv twb xav hais yuav sau ob los txog cov zaj nyeem hnub chiv tas no no, tiam sis pheej sawv tsis tau kev los sau li. Hmo no kuv mam los sau ob peb los, lig li ob peb hnub lawm los thov txim nawb.


    Nyob hauv zaj nyeem ib, uas yog Vaj Ib 17: 10-16, thiab hauv zaj Ntawv Moo Zoo uas yog Mas Kos 12: 38-44, yog hais txog ob tug poj ntsuam raug kev txom nyem, tiam sis nkawd tseem muaj lub siab zoo siab dav pab luag thiab. Thawj tug poj ntsuam nws tshuav ib nphoov tes hmoov nplej thiab ib dia roj lawm xwb, tiam sis nws tseem muab khee hlo los ua rau tus yaj saub Es Lis noj. Tus poj ntsuam nyob hauv Ntawv Moo Zoo nws qee zias hauv nws tej nyiaj muas noj muas haus tuaj tso rau hauv tuam tsev teev ntuj. Cov nom tswv uas muaj muaj nyiaj mas lawv tsa taub hau siab siab, cev tej pob nyiaj loj nteev, tseem txhob txwm ua kom sawv daws pom thiab sawv daws qhuas. Hos tus poj ntsuam pluag ces nws txaj txaj muag rau nws ob lub nyuag npib, nws nyas ua tub sab pov rau kom txhob muaj neeg pom txhob muaj neeg paub. Tiam sis Tswv Ntuj pom. HT Yes Xus yog Tswv Ntuj nws paub, nws thiaj qhia rau nws cov thwj tim thiab qhuas txog tus poj ntsuam rau lawv.


    Ob zaj no qhia tau rau peb ob yam. Yam ib, yog qhia kom peb txawj ua neeg siab dawb siab dav, pab nyiaj txiag pab dag zog rau yus lub church, los yus pawg ntseeg. Peb yuav tsum tau saib yus pawg ntseeg zoo li yus tsev neeg. Sawv daws txoj hauj lwm yog sib koom tes thiab sib koom nyiaj txiag los txhawb yus lub tsev pe hawm Tswv Ntuj thiab yus pawg ntseeg kom nyob taus noj taus thiab kom vam meej tuaj. Tej nqe dej nqe taws, nqe vaj nqe tsev yog sawv daws cov nyiaj sib sau los mus them rau. Cov tub khiav hauj lwm rau hauv church lub nyiaj hli los yog sawv daws cov nyiaj los mus them rau. Peb muaj ntau los peb tso ntau peb muaj tsawg los peb tso tsawg, nyias tso muaj nyias tug. Peb yuav tsis txhob xav hais tias,"Kuv pluag pluag ces cia lawv mam tso xwb." Txawm peb pluag los peb tso raws peb txoj kev pluag li tus poj ntsuam uas Yes Xus qhuas txog.

    Yam ob yog qhia rau peb tias peb yuav tsum ntseeg Ntuj thiab tso siab plhuav rau Tswv Ntuj tiag tiag. Yog peb ua tej yam nyuaj rau peb, tiam sis peb ua vim peb ntseeg thiab tso siab rau Tswv Ntuj, fim nws yeej yuav pub tej yam zoo rau peb xwb. Xws li thawj tug poj ntsuam, nws ntseeg Tswv Ntuj lo lus uas tus yaj saub hais, ces nws xub kib ib lub ncuav mov rau tus yaj saub noj ua ntej nws kibb rau nkawd ob naim tub noj. Vim nws txoj kev ntseeg thiab txoj kev tso siab rau Tswv Ntuj ces nws cov hmoov nplej tsis tag, nws cov roj los tsis nqhuab, nws yim ua noj yim tshuav ntxiv xwb. Hos tus poj ntsuam hauv Ntawv Moo Zoo los nws tau HT Yes Xus los lus qhuas nws. Thiab peb ntseeg tau hais tias txawm nws txom nyem me ntsis hauv ntiaj teb no los nws yuav tau zoo nyob saum ntuj xwb.


    Ob tug poj ntsuam hauv ob zaj no nkawd ua raws li zaj nyeem ob uas yog Hes Nplaws 9: 24-28 qhia rau peb. Lub ntsiab tseem ceeb hauv zaj Hes Nplaws no yog qhov tias HT Yes Xus tsuas yug los ua neeg ib zaug thiab tsuas los tuag ib zaug them peb cov txhaum xwb. Nws tseem yuav los zaum ob thiab, tiam sis tsis yog los them txhaum lawm. Zaum ob nws los yog los cawm cov neeg uas ntseeg txog nws, tos ntsoov nws, los coj lawv nrog nws mus nyob saum ntuj. Peb tsis paub hais tias lub ntiaj teb yuav kawg hnub twg, tiam sis peb yeej paub zoo tias peb nyias lub ntiaj teb yuav kawg rau nyias ib hnub xwb.

    Ob tug poj ntsuam qhia rau peb hais tias peb ua neej nyob, peb yuav tsum ntseeg Tswv Ntuj, mloog nws tej lus qhia, thiab muab peb lub neej tej kev nyuaj tej kev txom nyem tso plhuav rau Tswv Ntuj, ib hnub twg peb thiaj yuav tau nrog Tswv Ntuj nyob. Txawm peb yog neeg ntseeg, tiam sis lam ntseeg ntawm lub ncauj, twb tsis mob siab teev ntuj, tsis ua raws Tswv Ntuj tej lus qhia, muaj mob tseem mus saib neeb saib yaig li qub tsis thov ntuj pab, tsis tso siab rau ntuj. Yog peb coj li ntawd, thaum txog yus lub ntiaj teb kawg, Yes Xus puas yuav kam tos yus nrog nws mus mas lod?... Tej zaum muaj ib txhia yuav tsis ntseeg tej no... Tiam sis kuv xav hais tias muaj tseeb tiag.

    Nyob zoo Hnub Ntshiab rau koj os Sister Mim,

    Wow.....! koj tshaj lij kawg li, koj sau tau muaj ntsiab tseem ceeb zoo kawg li rau peb sawv daws kawm.
    Ua tsaug rau koj qhov post hnub no nawv, kav tsij tuaj nrog peb sib koom sau Ntawv Ntshiab ua ke es peb thiaj tuaj zog nawv.


    Ua tsaug XH Npuag Tub e... Kuv txawj raws li kuv yam thiab kuv kev to taub, nej txhua leej los yeej txawj raws li nej yam thiab os nawb....Peb sawv daws tuaj sib pab nthuav peb cov tswv yim es kom peb txoj kev ntseeg thiaj li hlav taus cag tob tuaj xwb os nawb.
    (Kuv pheej tsis tau keej tso cov duaab li ces tso tau li cas los nej lam nrog kuv saib... Yog nej leej twg ho pab kuv kho los haj yam zoo os nawb... Ua tsaug)


    Sister Mim,

    Koj keej heev thiab koj kawm tau sai kawg li, koj twb tso tau zoo kawg li lawm.
    Yeej yog li koj hais, peb txhua leej nyias muaj nyias kev thoob tsib tsis sib luag thiab tsis sib xws, tiam sis yog peb coj tuaj ua ke ces yeej yuav ua tau ib txoj zoo kab xwm thiab yuav pab koj kuv peb lub neej, lub siab lub tswv yim kom coj tau raws li Huab Tais Yes Xus tus lw,
    ces muaj ib hnub peb thiaj li yuav tau nyob luag ntxhwb ntxhi nrog peb tus zoo tseem Tswv.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: COV ZAJ NYEEM xyoo B 2009 )

    Post  Maiv Tooj on 11th November 2009, 10:13 am



    Nyob zoo Mim thiab XH. Npuag Tub,

    Ua tsaug rau neb cov zaj nyeem thiab lus thoob tsib. Neb sau tau ntau yam zoo heev rau peb lub neej kev ntseeg niaj hnub. Nws muaj ntau yam zoo txhawb siab txhawb zog rau lub neej niaj hnub thiab lub neej tom qab lub neej.

    Mim,

    Koj twb tso tau duab zoo kawg lawm.

    koj tau hais ib los txog cov neeg uas lawv tsis muaj kev tso siab tag nrho rau Tswv Ntuj, thaum lawv muaj mob mas lawv nyiam mus mloog luag tej lus hem lus haub. Lawv mus teev dab thiab fiv dab, ua neeb kho ntsuj kho plig kom zoo. Qhov nov kuv xav hais rau lawv paub hais tias txoj kev mus fiv dab kom yus tus mob zoo, yuav tau ceev faj thiab. Tsis yog lawv mus teev dab, fiv dab lawm es HT Yes Xus yuav tsis pab lawv, tsis zam rau lawv. Tab sis yog lawv rov caws ntxiab rau lawv yam lawv twb paub tsis txog hais tias lawv ua dab tsi.
    Kuv thov hais rau lawv tias: " Lawv muaj mob, tsis mus xyuas Kws Tshuaj kho kom tag lawv lub peev xwm. Tsis rau siab thov Ntuj pab xwb. Lawv mus fiv dab, ua dab kom zoo. Lawv puas paub tias thaum luag fiv dab kom lawv tus mob zoo, luag twb muab lawv tus plig mus pub rau Dab lawm. Dab ua lawv tus mob zoo tab sis hnub twg lawv tag sim neej ces Dab yuav lawv tus plig. Li nov HTN thiaj pab tsis tau lawv. Tsis yog li coob tus to taub tias yog HTN tsis kam txais lawv.






    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    COV ZAJ NYEEM RAU HNUB CHIV 15/11/2009 ( Hnub chiv 33- xyoo B )

    Post  Npuagtub on 12th November 2009, 1:18 pm



     Zaj Nyeem 1 : Tsab Ntawv Das Nias (12,1-3)

    1 Kuv yog Das Nias, kuv hnov lo lus no ntawm Haub Tais : Thaum lub caij nyoog ntawd, ntuj cov tshiab tus thawj, Miv Ka, tus saib xyuas koj haiv neeg, nws yuav sawv tsees los. Yog ib lub caij txhawj xeeb loj tsis tau pom dua ib zaug txij thaum xeeb muaj tej teb chaws los. Tiam sis lub caij ntawd, kuj yog kev cawm yuav tuaj rau koj haiv neeg thiab tag rau cov muaj npe hauv Tswv Ntuj phau ntawv.
    2 Muaj neeg coob tsaug zog hauv ntiaj teb cov plua av yuav tsim dheev los : tej txhia yuav muaj sia nyob mus li, tej txhia yuav poob ntsej muag thiab poob qab mus ib txhis.
    3 Cov thoob tsib yuav nra paug npaum nkaus txheej ntuj saud thiab cov thawj neeg ncaj ncees rau ib zeej tsoom yuav ntsa iab npaum cov hnub qub mus txhiab niag tim puas xyoo.

    Zaj nyeem 2 : Hes Nplaws (He 10, 11-14.18)

    11 Cov leej choj niaj hnub sawv ntsug leg lawv txoj kab xwm, lawv rov cev cov thaj txi Ntuj ntau zaus, tab sis cov thaj txi Ntuj tsis muaj hwj huam daws txhaum tau.
    12 Hos Leej Pleev, mas nws tsuas cev thaj txi Ntuj daws txhaum ib zaug xwb, ces nws zaum ntawm Tswv Ntuj phab xis mus li.
    13 Nws tos kom Ntuj muab nws cov yeeb ncuab los ua rooj rau nws tiag taw lawm xwb.
    14 Leej Pleev tsuas cev paj tshab ib zaug xwb, ces nws ua tau kom cov uas nws tau ntxuav lawv huv lawd zoo tiav nto ntsis.
    18 Thaum Ntuj zam txhaum tas, mas tsis tas yuav rov ua thaj txi Ntuj them txhaum ntxiv.


    Mas Kos Ntawv Moo Zoo (13,24-32)

    24 Yes Xus piav txog nws yuav tuaj rau nws cov thwj tim : “Thaum lub caij ntawd, kev txhawj xeeb loj dua tag, lub hnub yuav tsaus ntais, lub hli yuav qauj les.
    25 Cov hnub qub yuav poob saum ntuj los, cov hwj huam txheej ntuj saud yuav nphau tag.
    26 Luag yuav pom neeg Leej Tub tuaj saum iab oo tuaj, muaj hwj huam loj thiab muaj hwj chim.
    27 Nws yuav xa cov Tshiab mus sau tag cov muaj npe nyob plaub ceg kaum ntuj, txij npoo ntiaj teb mus txog tim npoo ntuj.
    28 Kom zaj piv txoj lus txog tsob txiv ncuav pias qhia nej paub : Txij thaum nws cov ceg pib zooj thiab nplooj pib nthaw, nej paub ntsoov lub caij sov tuaj txog ze lawm.
    29 Nej thiab, kuj zoo tib yam nkaus, thaum nej pom tej yam xwm ntawd tshwm, nej paub ntsoov neeg Leej Tub tuaj txog ze, ntawm nej qhov rooj.
    30 Kuv hais tseeb rau nej : tej ntawd twb yuav tshwm sim ua ntej phaj neeg no twb tsis tau dua tas.
    31 Lub ntuj lub teb yuav dua mus, kuv cov lus yuav tsis txawj dua taw.
    32 Hnub nyoog thiab sij hawm twg, tsis muaj tus paub tau, tsis hais cov Tshiab nyob saum ntuj, tsis hais neeg Leej Tub, kawg Leej Txiv tus kheej xwb”.



    Photobucket

    NTHUAV TSAB NTAWV:

    Nruab Xyoo 33 Tim 15.11.2009

    Ib tsoom niam txiv kwv tij neej tsa mloog Tswv Ntuj lus qhuab qhia,

    Lub caij lub nyoog dua ntais, tsis muaj pes tsawg hnub twb tag ib lis piam. Twb rov txog lub caij lub nyoog peb tuaj sib sau, tuaj mloog Tswv Ntuj lo lus ntuas peb.

    Raws li cov lus peb hnov hauv zaj nyeem ib thiab hauv Mas Kos tsab ntawv Moo Zoo hnub no, puav leej hais txog tib lub ntsiab lus : hais txog hnub ntiaj teb kawg. Txawm yog lub ntiaj teb daim av, tej roob zeb roob tsuas, tej kwj ha nyuam dej me, niam dej loj, dej hiav txwv; tej xyoob ntoo, tsiaj txhu thiab peb leej tib neeg… Muaj ib hnub twg yuav yog hnub xaus, ib hmo twg yuav yog hmo kawg rau tas puas tsav puas yam. Tsis muaj hnub tshiab yuav tawm tuaj, tsis tshuav lwm hmo yuav tawm los : “lub hnub yuav tsaus ntais, lub hli yuav qauj les. Cov hnub qub yuav poob saum ntuj los, cov hwj huam txheej ntuj saud yuav nphau tag.” Tsis yog thawj zaug peb hnov hais cov lus no. Yog li ntawd, peb txhua tus puav leej paub tias ntuj yuav kawg ib hnub twg, muaj ib hmos teb yuav xaus. Tsis yog Tswv Ntuj yuav hais cov lus no hem kom peb txhawj los kom peb ntshai. Vim tab peb txawm txhawj tab peb txawm ntshai, los peb yuav ua tsis tau dab tsi los cheem hnub kawg hmo xaus tsis pub muaj. Tswv Ntuj hais cov lus no txib cov neeg mloog lus, Tswv Ntuj tsuas qhia cov neeg ncaj zoo siab ua Tswv Ntuj cov tub txib kom qhuab qhia rau tib neeg paub kom ua siab loj, ua siab ntev, ua neeg ncaj ua neeg zoo hauv ntiaj teb no. Tib neeg txoj sia yeej yuav ploj yuav tu ib hnub twg hauv ntiaj teb no, vim lub neej mus li ntawd. Tiam sis neeg txoj sia yuav piam tseem ib hnuib twg vim yuav muaj ntau yam xwv txheej tuaj raug tib neeg thiab lub sim ceeb. Tsis yog vim li ntawd, sawv daws yuav txhawj, yuav ntshai. Tiam sis vim yus paub ua ntej yuav muaj tej yam xwv txheej loj, nyias thiaj li yuav npaj nyias tej siab ntsws kom ruaj txhob txhawj.

    Tib neeg txoj sia txawm piam sij tas hauv ntiaj teb no, nqaij ciab zib, txha ua txha plhaub mag. Txawm nqaij thiab txha yaj ua av luaj dag lawm. Rau peb tib neeg tsis muaj hwj huam ces cuag li yog yaj ntshis. Tib neeg twg siav tu ces cuag li yuav ploj mus lawm niaj txhiab ib txhis. Tiam sis rau Huab Tais Tswv Ntuj muaj hwj huam, leej tib neeg zoo, tus tib neeg ncaj ncees cev nqaij thiab txha txawm yuav yaj tag ua plua tshauv, sawv ncho ua plua av tiam dhau tiam lawm. Los tus neeg lub txiaj ntsim siab loj siab dav, neeg ncaj neeg zoo yuav nyob nraim tsis ploj hauv Tswv Ntuj nplooj siab nplooj ntsws : “Tiam sis lub caij ntawd, kuj yog kev cawm yuav tuaj rau koj haiv neeg thiab tag rau cov muaj npe hauv Tswv Ntuj phau ntawv”. Thaum chiv lub keeb Tswv Ntuj muab av luaj los puab ua neeg thiab tshuab pa tis siav rau neeg ciaj saib daim av. Thaum hnub kawg, kuj tib yam, Tswv Ntuj yuav muab tib neeg zoo tej plua av plua tshauv tsa kom ciaj sia mus nyob ntawm Tswv Ntuj xub ntiag. Thaum chiv lub keeb Tswv Ntuj tsim neeg nyob saib daim av. Thaum hnub ntiaj teb kawg, Tswv Ntuj sau tej plua av neeg nqaij thiab txha txia los ua kom sawv muaj txoj sia tshiab mus lawm saum ntuj nyob txhiab niag tim puas xyoo : “Muaj neeg coob tsaug zog hauv ntiaj teb cov plua av yuav tsim dheev los : tej txhia yuav muaj sia nyob mus li, tej txhia yuav poob ntsej muag thiab poob qab mus ib txhis” Tib neeg lub neej nyob ntiaj teb yuav hloov, yuav plhis lis plho muaj hwj huam, muaj hwj chim. Ntiaj teb tib neeg lub neej tsis kawg tsis suaj kaum rau daim av peb qhov muag pom thiab raws li peb zaj tswv yim neeg xav tau xwb. Peb tsis yog nroj tsuag thiab tsiaj txhu kab kooj kab ntsaum, nas kos nas kauv, nab raj nab rawm los tsov txaij nrob nraum…Rau tej tsiaj txhu ntuj kawg xub zeb teb kawg xub ntoos. Rau tib neeg, lub ntuj tshiab tseem yuav tuaj, tseem yuav tshwm los hloov lub ntiaj teb qub no. Yog lub ntiaj teb no tsis kawg, lub sim ceeb tshiab yuav tsis sawv tsis tshwm los.

    Thaum chiv lub keeb, Tswv Ntuj tsim lub sim ceeb qhov muag pom thiab lub sim ceeb qhov muag pom tsis tau. Zoo li Tswv Ntuj tsim peb cev nqaij thiab ntsuj plig (neej sab thiab dab sab). Tswv Ntuj tsim muab ntuj cov tshiab muaj hwj chim qhuas Tswv Ntuj lub koob meej, ua Tswv Ntuj cov tub txib cev Tswv Ntuj lus. Muaj peb leeg thawj ntawm Tswv Ntuj tsoom tshiab Tswv Ntuj qhia npe rau tib neeg paub : Lam Faiv (Raphaël), Nkas Nplias (Gabriel) thiab Miv Ka (Michel). Lam Faiv, yog tus tshiab qhib yawg Tos Npis dig muag rov pom kev thiab coj ke rau nws tus tub mus yuav nyab. Peb nquag nyeem Yes Xus lub Moo Zoo, phim peb yuav nco thiab yuav paub Nkas Nplias, yog tus tshiab Tswv Ntuj xa tuaj cev lus rau nkauj Xwb Mab Liab : koj cev yuav xeeb tub, koj yuav tis nws npe hu ua Yes Xus, yog tus nyob siab Leej Tub. Miv Ka, yog tus Tswv Ntuj yuav xa mus tshawb nrhiav ntiaj teb tib neeg tej npe. Hnub peb txais lub Cim Ntxuav, peb tau hu cov leej ntshiab thiab ntuj cov tshiab tuaj vij tuaj pov hwm peb tiv dab Xas Tas. Peb tau sau peb cov npe cia rau lub Koom Txoos phau ntawv ntxuav plig : “Thaum lub caij nyoog ntawd, ntuj cov tshiab tus thawj, Miv Ka, tus saib xyuas koj haiv neeg, nws yuav sawv tsees los” Miv Ka kuj yog tus yuav sawv tiv dab phem Xas Tas nyob saum ntuj. Xas Tas yuav txia ua Zaj Laug nqos thawj tug me nyuam tub yug ntawm ib tug poj niam los. Miv Ka yog tus yuav mus sau tej plua av neeg nqaij thiab txha txia ua kom tas mus saum ntuj : “Luag yuav pom neeg Leej Tub tuaj saum iab oo tuaj, muaj hwj huam loj thiab muaj hwj chim. Nws yuav xa cov Tshiab mus sau tag cov muaj npe nyob plaub ceg kaum ntuj, txij npoo ntiaj teb mus txog tim npoo ntuj” Tus yuav sawv los tiv Neeg Leej Tub yog Xas Tas, tus ntxias neeg kom yuam kev. Miv Ka yuav nrog Xas Tas thiab nws cov dab sib ntsuas zog.

    Hnub kawg yuav muaj xwv txheej loj, tej hnub qub yuav poob saum ntuj los, tej hwj huam txheej ntuj saum yuav nphau tag…tej yam peb pom thiab peb lub siab xav tau no txawm ua yus ntshai, ua yus txhawj loj npaum twg, twb tsis cuag qhov yus yuav txhawj thiab ntshai tiag : yog yus tej txhaum. Qhov txaus txhawj txaus ntshai tiag, yus tej txhaum ua rau Miv Ka pab tsis tau yus kom sawv los nrog tsoom neeg zoo neeg ncaj mus saum ntiaj teb tshiab cuag Tswv Ntuj. Tam zoj yus sawv tuaj Xas Tas tog tiv Miv Ka, ciaj dab Xas Tas. Yus txawm xav thiab tsis xav, los mus li ntawd, Miv Ka pab tsis tau yus. Neeg Leej Tub sawv saum iab oo ntsia yus khuv xim yus poob rau hnub tsaus ntais, hmo hli qauj les mus ib txhis. Puas yog yus khaum ? Tsis yog khaum li Hmoob hais, tsis yog ntuj nplua yus los ntuj muab yus tso pov tseg. Hnub kawg hnub xaus yuav muaj raws li yus pom yus xav thiab yuav muaj tej yam tshiab tshwm tuaj sim neej neeg lub siab thiab lub tswv yim xav tsis txog. Peb tsis txhob xav tias hnub xaus hnub kawg tseem tshuav ntev pes tsawg niaj pes tsawg tiam. Hnub xaus hnub kawg twb pib sawv yog tsis tau txog caij txog nyoog xaus xwb : “Kuv hais tseeb rau nej : tej ntawd twb yuav tshwm sim ua ntej phaj neeg no twb tsis tau dua tas”.

    Yog li ntawd, hnub kawg twb pib lawm. Peb txoj hauj lwm yog mloog Yes Xus lus qhia npaj tos hnub kawg. Hais txog cov muaj npe sawv mus saum lub ntuj tshiab thiab cov tuaj dab Xas Tas tog tiv tus tshiab Miv Ka, peb yuav to taub li cas ? Yog peb ntsia tej yam xwm tshwm hauv neeg lub neej, tej xwm ntawd yuav qhia peb to taub txog hnub ntiaj teb kawg vim li cas tej txhia muaj npe mus saum lub ntuj tshiab, tej txhia ho yuav poob ntsej muag poob qab mus ib txhis. Yes Xus kom peb ntsia tej nroj tsuag, saib tsob txiv ncuav pias. Ces yus paub lub ntuj so yuav tuaj. Los puas muab ua piv txwv zoo li nyob hauv ib yig neeg : Niam thiab txiv yug tau ib tse me nyuam. Hmoob hais tias yug tau cev, yug tsis tau siab. Cov me nyuam yus yug, muaj cov mloog lus ces ua neeg tsim txiaj, ua lub neej ntsiag to. Tus tsis mloog lus ces ua teeb meem ib hnub loj zuj zus. Koj hlub los nws hais tias koj hlub tsis txaus. Koj qhuab los nws tsis yuav, koj hais los ntsej tsis to qhov tsis mloog yus ua niam ua txiv lus. Nws yuav nws zaj. Koj qhia qhov zoo, nws mus ua qhov rhuav plhu, haus dej haus cawv, quav yeeb quav tshuaj, tub sab tub nyiag, huab noj huab haus, tua neeg…Ua rau yus kev tws tag. Yus hlub yus tus me nyuam npaum twg los zoo li yus hlub pov tseg tsis muaj ib qho txiaj ntsim.

    Peb tej txhaum rau Tswv Ntuj zoo tib yam nkaus li ntawd. Hnub txiam txim ntiaj teb kawg, tsis yog Tswv Ntuj tsis hlub peb, tsis pab peb, tso peb pov tseg…Tswv Ntuj xav pab peb kawg li thiaj tso tej saub tuaj qhuab tuaj qhia peb los peb sij ua tsis tau zoom nyiam, peb tsis mloog, tsis khaws Tswv Ntuj tej lus ib los ua tshuaj kho peb lub mob. Tswv Ntuj xa ib tug saub tuaj ua ntej tas tsis txaus. Ho xa dua lwm tus saub tuaj lawv qab los tib neeg tsis hloov neeg lub siab phem. Tseem niaj hnub sib cav sib ceg, tug tsis zam tug, ib leeg pauj rau ib leeg, sib ntxub sib ntaus sib tua…Tswv Ntuj thiaj ua ib siab xa nws Leej Tub Huab Tais Yes Xus yug ua leej tib neeg kom neej muag pom xyeem, ntsej hnov Tswv Ntuj ncauj lus hais. Los tib neeg tseem tsis lees paub Yes Xus yog Tswv Ntuj Leej Tub. Muab Yes Xus ntes tua tuag dai qas ncuv saum ntoo cuam ris lub nra neeg phem, tau lub npe thiab ev lub ntsej muag tub sab. Tswv Ntuj kev hlub tib neeg zoo li pov tseg dawb tam zoj yus hlub yus tus me nyuam tawv ncauj tsis muaj nuj nqes. Vim li no, hnub kawg, peb tej txhaum ua rau Tswv Ntuj kev kuj tws pab tsis tau peb. Yog vim li ntawd, tsis yog Tswv Ntuj xwb tim tsis xav pab peb. Tsis yog Tswv Ntuj nplua peb, tso peb pov tseg. Peb cov tsis muaj npe mus saum lub ntuj tshiab, hnub txiav txim hnub kawg, neeg Leej Tub nrog Miv Ka thiab tsoom tshiab tuaj sau ntiaj teb neeg cov npe, peb yuav nyob peb, nyob twj ywm hauv peb tej txhaum. Yog kev ciaj dab Xas Tas tub ki. Vim ib txwm Xas Tas yeej tiv Tswv Ntuj tsis mloog ntuj lus ib yam li tus me nyuam tawv ncauj tsis mloog niam mloog txiv lus.

    Cov muaj npe mus saum ntuj yuav ci ntsa iab npaum cov hnub qub. Vim lawv muaj neeg Leej Tub lub hwj chim ua tsoos tsho rau lawv hnav. Thaum hnub ntiaj teb kawg, ntuj yuav tsaus thiab hli yuav qauj mus li. Cov neeg thoob tsib neeg ncaj ncees yuav ci ntsa iab los taj lub hnub thiab lub hli mus ib txhis phim Neeg Leej Tub lub hwj chim : “Cov thoob tsib yuav nra paug npaum nkaus txheej ntuj saud thiab cov thawj neeg ncaj ncees rau ib zeej tsoom yuav ntsa iab npaum cov hnub qub mus txhiab niag tim puas xyoo”

    Tsoom phooj ywg Hmoob ntseeg Yes Xus, Huab Tais cov lus qhia hnub no, tsis yog lus hem peb leej twg. Yog ib co lus ceeb toom, lus qhuab qhia kom sawv daws ua siab loj siv zog nrauj peb lub siab phem pov tseg. Peb yuav xyiv fab tas mus li ua qhov zoo tsis tseg. Hnub kawg, peb thiaj tsis poob ntsej muag. Peb yuav muaj Tswv Ntuj txoj sia ua peb tug.


    Cwj Vuam Chiv 9.11.2009



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: COV ZAJ NYEEM xyoo B 2009 )

    Post  Mim on 18th November 2009, 2:33 pm

    Kuv twb xub sau tau ob peb lo lus yuav muab tso nrog cov zaj nyeem hnub Chiv 11 hlis 15 saum no, tiam sis txawm cia li tsis tau tso li, twb dhau lawm los kuv lam muab tso rau hauv no os...



    Niaj xyoo ib xyoos ncig lees rov los txog lub caij tam sis no, uas yog li ib ob lub lis piam ua ntej lub caij Tos Huab Tais (Advent), lub Koom Txoos muab tej zaj rau peb mloog uas yog hais txog thaum ntiaj teb kawg yuav zoo li cas. Lub Koom Txoos yeej qhia hais tias, raws li Yes Xus hais, nws yuav rov los ib hnub tiag. Tiam sis Yes Xus twb hais lo hais tias "tsis muaj leej twg paub, tsuas yog leej Txiv ib leeg xwb thiaj paub lub sij hawm."





    Yog li lub Koom Txoos tsis xav kom peb pheej yuav nyuaj siab txog tias Yes Xus yuav los lub sij hawm twg, xyoo twg. Lub Koom Txoos xav kom peb npaj siab rawv tos peb tus Huab Tais Yes Xus yuav los txhua lub sij hawm. Txawm nws yuav los ib tsam, tag kis, los ib txhiab xyoo tom ntej los ib plhom xyoo tom ntej, nws tsis txawv dab tsi rau peb. Qhov tseem ceeb rau peb yog kom peb nyias yuav tsum npaj nyias kom tiav log tos ntsoov nws yuav los txhua lub caij kom nws los thaum twg peb sawv tsees nrog nws mus xwb. Tsis muaj qhov hais tias, tseem tshuav qhov no tsis tau npaj, tshuav qhov ub tsis tau txhij.


    Peb ua neej nyob tsis ntev niaj pes tsawg xyoo, xya yim caum mus rau ib puas tawm xyoo, ces peb lub neej nyob ntiaj teb xaus, lub neej yav pem suab pib. Qhov hais tias yuav pib zoo los pib phem yog los ntawm saib thaum peb nyob ntiaj teb peb xaiv li cas. Peb lub neej nyob ntiaj teb tsuas yog ib nyuag ntu rau peb tau kev xaiv, saib peb yuav xaiv leej twg xwb. Qhov peb yuav tau zoo
    yog yuav tsum xaiv Tswv Ntuj, xaiv ua lub neej raws Tswv Ntuj txoj cai, pe hawm Tswv Ntuj, vim nws yog peb tus tswv, yog tus tsim peb. Tiam sis
    muaj ib txhia kuj tsis xav lees Tswv Ntuj ua yus tus tswv, tsis xav pe hawm
    Tswv Ntuj los mloog nws txoj cai ua neej. Cov uas coj li ntawd yuav
    tsis tau qhov zoo. Qhov nov yog lub hom phiaj ntawm peb sawv daws lub neej nyob ntiaj teb xwb.



    Muaj ib qho hais txog, tias "kev cawm yuav tuaj rau cov uas muaj npe hauv Tswv Ntuj phau ntawv." Thaum peb txais lub Cim Ntxuav, lawv yeej tau sau peb lub npe rau hauv phau ntawv nxtuav plig lawm tiag, tiam sis qhov ntawd puas txaus ua kom peb cia li automatic muaj npe nyob hauv Tswv ntuj phau ntawv thiab? Raws kuv xav mas ntshai yuav tsis txaus. Thaum peb txais lub Cim Ntxuav, peb sawv daws tau cog lus tias yuav nrauj dab phem thiab yuav ntseeg txog Tswv Ntuj ib leeg xwb. Yog peb tsis coj lub neej haum li peb qhov kev cog lus ces ntshai Tswv Ntuj yuav muab peb lub npe rho tawm hauv phau ntawv xwb.


    Huab Tais Yes Xus tau hais tias Ntuj lub Ceeb Tsheej yog zoo li ib tug neeg uas nws mus pom ib yam muaj nuj nqes nyob hauv ib daim teb uas tsis yog nws li, nws xav tau yam ntawd tshaj plaws, ces nws muag nws lub cuab tam tas nrho, tsuav yog yuav tau daim teb xwb. Ntawm peb ne, peb puas muaj siab rau Tswv Ntuj ib yam li tus neeg ntawd thiab?

    Sponsored content

    Re: COV ZAJ NYEEM xyoo B 2009 )

    Post  Sponsored content Today at 9:01 pm


      Current date/time is 10th December 2016, 9:01 pm