SAINTE BARBE " Leej Ntshiab npasnpaslas"

La
sainte patronne des mineurs,
des pompiers et des métiers en lien avec le feu
Sainte-Barbe yug los nyob hauv ib tsev neeg Païen uas nyiam teev hawm mlom nyiaj mlom kub. Xyoo 235 nyob rau Nicomédie ( hauv Turquie teb chaws) thaum lub caij ntawv muaj cov neeg cav txog qhov tseeb yog Huab Tais Yesxus lub neej thiab nws tej lus qhia, tej ntawv nyeem sau cav nroo ntws tuaj txog Turquie teb chaws.

sainte-Barbe yeej ua txhua yam kom txhob tau mus yuav txiv. Dioscore, uas yog Sainte Barbe txiv yug nws yog ib tug neeg siab nyaum thiab nkhaus, nyiam tsim txog neeg, tsuas pom nrhiav neeg tua li tsiaj. Ntev zus tuaj nws pom tias nws tus ntxhais Barbe hlob tiav me nyuam hluas nkauj thiab tseem zoo nkauj kawg nkaus ua rau nws muaj lub tswv yim phem xav qhuab yuam tus me nyuam mus yuav txiv kom tau nyiaj ntau, ces tau muab tus me nyuam kaw rau saum lub tuam tsev siab tshaj plaws kom tus me nyuam txhob khiav dim nws thiaj tau nrhiav neeg muaj nyiaj nplua nuj tuaj yuav tus me nyuam.

Lub tuam tsev Barbe raug kaw ntawv zoo nkauj kawg nkaus tiam sis Barbe kuj nyob yam li yog ib hoob rau neeg raug txim, nws txiv muab nws kaw tsaus ntuj nti tsis pom kev. Muaj ib hnub Barbe txiv tsis nyob lawm ces Barbe thiaj li nrhiav kev tho lub tuam tsev ntawv kom pom kev, nws tho ua ib tug ntoo cuam.

Thaum nws txiv rov los txog nws txiv pom tus ntoo cuam ua Barbe tho ntawm lub tuam tsev ua rau nws txiv npau taws thiab chim kawg nkaus, nws txiv nug nws tias qhov nws tho ntawv txhais li cas. Barbe thiaj hais tias yog nws tho tus ntoo cuam ntawv cav txog Tswv Ntuj uas 3 leeg yog ib tug xwb thiab Tswv Ntuj Leej Tub tseem tau tuag saum tus ntoo cuam.

Dioscore haj yam npau taws ntxiv vim nws pom nws tus ntxhais tseem hnia cov neeg ntseeg Chrétiens txoj kev npau suav ces thiaj muab Barbe nplawm thiab tsim , Barbe khiav dim los nws txiv tseem caum tau nws muab nws nplawm sab kawg nkaus tseem muab Barbe rub plaub hau cab los tsev rov qab coj los kaw rau saum lub tuam tsev thiab muab nws tsim txom zoo nkaus li tus poj qhev.

Dioscore coj nws tus ntxhais mus rau Marcien nyob lub tsev txiav txim , kom nrog nws txiav txim rau nws tus ntxhais vim tus ntxais tau nyiag kev nyiam ntseeg cov Chrétiens, nws xav kom Marcien txiav txim rau Barbe thiab muab tsim txom yog nkaus li cov neeg raug txim tau ntseeg Chrétiens .( Barbe tab tom muaj hnub nyug li 16 xyoo).

Marcien thiaj hais lus zoo lus muag ntxias kom Barbe hloov siab tso txoj kev ntseeg cov Chrétiens los Barbe tsis kam mloog lawv hais. Ces Marcien tau hloov lub suab mos los ua lub suab phem muab Barbe dai khi nplawm tas thiab coj Barbe mus kaw rau hauv tsev loj faj yuav los nrhiav dua ib lub tswv yim muab Barbe tsim txom dua.

Hmo ntawv , Tswv Ntuj tau tshwm sim rau Barbe pom hauv nws hoob chav raug txim ua ci ntsa iab, Tswv Ntuj tau hais lus txhawb zog rau Barbe thiab tseem hais rau Barbe tias kom txhob ntshai Tswv Ntuj yuav nrog nraim Barbe nyob txhua txoj kev lawv tsim txom Barbe yuav tiv thaiv txhua yam kev phem, Tswv Ntuj hais kom Barbe ua siab tawv qhaws vim Tswv Ntuj tseem yuav npaj Barbe lub npe nto moo lug yav pem suab vim nws lub NPE.


Tswv Ntuj kuj ua kom Barbe siab loj ,Tswv Ntuj ua rau Barbe cov kiav txhab ,cov nqaij raug nplawm ntuag rov zoo tib si hmoo ntawv nqawm du lug li qub.

Nag kis ntawv Marcien kom lawv coj Barbe rov los hauv rooj txiav txim, thiab tseem pom tias Barbe tej kiav txhab hluas nplawm zoo du lug. Marcien hais tias qhov miracle ntawv yog cov huab tais mlom nyiaj mlom kub kho Barbe zoo xwb tseem yuav kom ua thaj txi dab pauj yeem. Tiam sis Barbe hais tias Yog Yesxus Pleev Huab Tais tus ciaj sia pab thiab kho Barbe zoo.

Ces Marcien kom cov tub txib muab Barbe cov ris tsho txiav thiab dua kom ntuag muab hluav taws hlawv, tseem muab Barbe lub tob hau ntaus tseej qws nrog cov rauj loj. Thaum lawv tsim txom Barbe li ntawv Barbe ob lub ntsiab muag ntsia ntsoov rau saum ntuj , Barbe thov ntuj tsis tseg, lawv tsim txom Barbe tsis txaus lawv tseem muab Barbe 2 lub mis hlais tib si , Barbe txoj kev hlub nyob ntawm Tswv Ntuj loj ua rau Barbe xum nyiaj tej kev mob kev ntsaj kev raug tsim txom tib si pub rau Tswv Ntuj.

Marcien pom tias Barbe yeej tuaj yeem nyiaj tej kev mob kev ntsaj ntawv tsis nroo kiag , Marcien khib siab heev nws nrhiav tau ib lub tswv yim ua kom ib tug nkauj xwb nyiaj tsis taus , Marcien hais rau cov tub txib tias muab Barbe hle liab qab dai plawm taug kev rau pej xeem saib ntawm tej kev taug nyob hauv plawv zos.

Barbe tsa muag ntsia rau saum ntuj, nws thov Tswv Ntuj tias: " Ô kuv tus Tswv Ntuj thiab kuv tus Huab Tais, thov koj npog kuv lub cev thaum koj pom zoo tias yuav tsis pub cov huab dub tsaus nti los raug kuv thiab koj thaiv kuv lub cev nkawj xwb liab qab kom cov neeg tsis dawb huv txhob pom txhob luag koj tus ntxhais txib lub cev nkauj xwb."

Tswv Ntuj txais Barbe lub suab thov ntuj ces Tswv Ntuj tshwm rau Barbe pom, ua rau Barbe siab kaj lug, ua rau Barbe hnav ib cev ris tsho ci ntsa iab ua rau cov neeg nyiam mlom nyiam thuam thiab tsis dawb huv cov qhov muag tsis pom Barbe lub cev.

Marcien pom tau tias tej yam tshwm sim rau Barbe twv Marcien nyuaj siab , Marcien nyiaj tsis taus Barbe txoj kev ncaj ncees ces Marcien tau txiav txim siab kom lawv muab Barbe taub hau txiav pov tseg.

Dioscore uas yog Barbe txiv tuaj pom tej yam lawv tsim txom Barbe ntawv tas nyob hauv nroog los tsis txaus nws siab li thiab ces nws txoj kev chim siab tseem tsis tau txaus ,nws hais rau Marcien tias cia nws yog tus tua kiag nws tus ntxhais vim tias nws xav kom yog nws ob txhais tes tuag kiag Barbe vim yog nws roj ntshav , Barbe tsis mloog nws hais ces cia Barbe tuag rau Barbe txiv tes.

Marcien thiaj kam tso Barbe rau Dioscore coj nws tus ntxhais mus tua pov tseg, Barbe txiv muab Barbe khi cab mus rau saum ib lub ncov roob siab, mus txog ntua xwb ces Barbe txhos caug ntua ua Tswv Ntuj kom Tswv Ntuj pub txiaj ntsim rau Barbe ua ib tug Martyre hawm Tswv Ntuj. Thiab kom tso cov neeg phem txoj kev xav tau raws li lawv siab nyiam uas yuav muab nws tua pov tseg.

Tam sim ntawv Barbe hnov ib lub suab nto moo lug hais rau Barbe hais tias txhua yam Barbe thov yuav muaj nraws nraim li nws thov thiab kom nws npaj nws yuav tau txais lub mom kub nyob saum ntuj uas tab tom npaj rau nws.

barbe txiv lub siab nyoos siab tsis yog neeg twb tsis cia nws tus ntxhais thov ntuj tas , twb xa tib ntaj rau nws tus txhais caj dab tu nro hnub tim 4 lub 12 hli ntuj lub caij Maximien ua vaj kav. Barbe txiv zoo siab thiab tseem khav coj Barbe lub tob hau los txi rau cov mlom nyob rau tsev txiav txim ces thaum los txog ntua hauv tsev txiav txim , xob quaj saum ntuj nroo ntws tua kiag Dioscore tuag kiag ua hmoov tshauv tam sim ntawv.

Tom qab ntawv lawv thiaj mus muab tau Barbe lub cev coj los zeem cia, Barbe txoj keeb kwm thiab Barbe lub Npe Ntshiab hu ua SAINTE BARBE thiaj li muaj thov txhua tiam pab rau neeg ntiaj teb kom pab nres dim ntawm hluav taws. Sainte Barbe yog Leej Nshiab tus muaj koob npe ntawm Hluav Taws.

Sainte-Barbe hnub ua hmoov yog hnub Sainte-Barbara pab rau cov Pompiers( Fireman).