Home
Yog koj tso siab rau Yesxus lub siab ntshiab, nws yuav ua koj siab kaj lug 
Tus yawg nov tau mob tsis nco qab lawm, nws tsim rov los vim lawv kev teev Ntuj. Nws ua ntuj tsaug.
Sauvé du Coma par la prière
- Les grands événements de la vie de famille en vidéo.
Maixis,
Zoo siab ntsib nws os,
Yog kawg, yog leej twg tau txais txiaj ntsim los mas thiaj yuav paub txog tias yus zoo siab npaum li cas. Tej yam tuaj ntawm tswv Ntuj tuaj mas txawj ua rau yus lub siab kaj lug. Kaj lug tiag tiag li, xav kom Tswv Ntuj lub txiaj ntsim tuaj rau peb tas mus li, peb thiaj yuav paub txoj kev kaj siab, thaj yeeb, nyab xeeb. Thaum Tswv Ntuj lub hwj huam los nrog yus nyob, cas yus lub siab tsis ntxhov...Cas Tswv Ntuj tso yus nyob me ntsis xwb mas yus lub siab ntxhov nyho tuaj lawm...
Tim khawv hais:
Thaum kuv muaj 36 xyoo, kuv tau ua tsheb sib tsoo, kuv rau mob nyhav, tsoo kuv taub hau tawg, ntshav paim los nyab kuv cov hlwb, ua rau hlwb o thiab ntsis nco qab tau 1 hlis. Mob nyhav heev, cov Kws tshuaj tau nug kuv niam thiab kuv txiv tias: Neb tus tub tsoo nws taub hau piam tag, tab sis nws tej plab nyhuv, siab ntsws tej puav leej zoo log, ua li neb puas tau xav txog kev PUB Organes thiab? ( Kam muab tus tuag cov siab ntsws, plawv, raum tej pub rau lawv hloov rau cov neeg uas muaj mob). Nej sim xav seb kuv niam yuav xav li cas, nws muaj kuv tib leeg yog tub xwb, peb tug yog ntxhais. Tab sis lawv kuj yeej xav li ntawd thiab, thiaj li caw cov txheeb ze thiab kuv cov phooj ywg tuaj sib sau ua ke hmo ntawd. Kuv niam thiab kuv txiv tau piav tias kuv zoo li cas lawm qhia rau lawv. Lawv xav txog qhov tsis zoo xwb ces tsis pom qab ua ua cas, thiaj li ua ke teev Ntuj ib hmos rau kuv. Teev Ntuj kom kuv zoo, lawv muab lawv lub siab tag nrho los Thov Ntuj (Thaum ntawd kuv tsis pom tab sis lawv piav rau kuv). Thaum lub caij ntawd yog lub caij uas kuv mus ze ze ntawm Theem 4. Raws li cov Kws Tshuaj thiab cov Scientifics hais mas yog theem siab tshaj ntawm cov neeg mob uas tsis nco qab lawm. Cov neeg uas mus txog theem 4 mas yeej tsis muaj neeg rov los ua neej tau li lawm, kawg mus lawm xwb. Xyov yog ua cas, taig kis tomù qab hmo uas lawv teev Ntuj rau kuv, kuv cia li XEEV los. Zoo li kuv tau tsis nco qab ntev heev ces cov Kws Tshuaj yuav muab kuv xa mus xyaum mus kev nyob rau Garches.
Ua ntej kuv yuav mus, tus ntxhais kho mob los muab txoj kab qhia txog kuv qhov Tsis Nco Qab rau kuv saib. Qhoc Cama nws zoo li ntsuas kub txias thiab, nws muaj 0 nqes mus txog 4. 0=xeev rov los, 4=tsis nco qab nyhav= zoo tsis taus. Nws nqes ntawm yaj ntshis (0), nqes zuj zus mus txog 3, 3,50, hla rau 4,1. Ces hmo uas kuv niam lawv teev Ntuj tag rau kuv, nws cia li nce nram 4 ncaj qha mus rau 0, txog rau qhov uas kuv xeev kiag rov los. Zoo li txoj kab uas kuv nce ntawd mas yeej muaj tsis taus li, vim cia li nce ncaj qha rau qhov Tsim rov los. Kuv saib txoj kab, ua rau kuv ceeb tag, tias txoj kab nce, yog kiag hnub tom qab uas lawv Teev Ntuj. Thaum kuv nyob nram Garches, cov Kws Tshuaj tsis xav los hauv kuv kem txaj, vim kuv pheej nug lawv tias: " Ua cas txoj kab ntawd ho cia li nce kiag tom qab hmo ntawd?" Ces Kws Tshuaj teb nws tias: Peb los tsis paub tib yam, yog li ntawd peb thiaj tab tom soj ntsuam nrog koj nov ntag.
Kuv muaj puav pheej sau ntawm daim ntawv tias: Yog vim kuv niam, kuv txiv thiab kuv cov phooj ywg txoj kev HLUB tso kuv dim ntawm qhov phem. Zoo li muaj ib qho xov xwm hais txog tias cov Tshawb Fawb kws tshuaj kuj ceeb tag rau qhov kuv rov ciaj tau rov los. Tej no ces leej twg yuav hais li cas los nyob ntawm nws, tab sis ntawm kuv tus kheej, kuv paub tseeb tias Tswv Ntuj tau kos ib daim duab cia. Kuv xav txog tej ntawd, kuv thiaj mloog tau tias yog muaj ib txoj kev Hlub, ib txoj kev hlub nyob hauv kuv lub neej.
Thaum kuv tawm tom Tsev Kho Mob los, yog ib xyoos tau txais paj tshab. Kuv tau ntau xov tooj mus nug ib qho kev qhia, thaum tham xov tooj tag, kuv hais "UA TSAUG". Ces tus pog teb xov tooj ceeb tag, nws thiaj hais tias: Monsieur! Tsis tau muaj dua ib tug hais UA TSAUG rau kuv li! Cia kuv rov hais ua tsaug rau koj qhov UA TSAUG. Txij thaum ntawd los, tom qab kuv raug mob los, kuv thiaj hais tias: "Jean Renault,txhua txhua hnub ntawm koj lub neej zaum no mus txog ntua thaum koj tuag, koj yuav tau txhob txwm ua ib yam zoo tshwm hauv koj lub siab hlub tuaj. Tsis yog lam ua, tab sis yuav tsum ua hauv siab tuaj tiag tiag li. Xws li tej nyuag Ua Tsaug, thov txim, hauv lub neej niaj hnub. Ua li nov, ces ib tug ua rau ib tug, kom txoj kev Hlub ri mus deb. Nov yog ib txoj kev Nrog Tswv Ntuj ua ke, mus ntawm lwm tus mus. Zoo li txoj kev Hluub tuaj ntawm kuv niam, kuv txiv thiab kuv cov phooj ywg. Yam kuv tau txais, kuv thiaj pom tias Huab Tais Ntuj muab txiaj ntsim raws cov neeg ib ncig ntawm yus. Niaj hnub no kuv ceev faj dua, kuv niaj hnub nrhiav Tswv Ntuj ntawm cov neeg nyob ze kuv ( Yes Xus hais tias: Yog koj hlub cov neeg ib ncig ntawm koj ces yog koj hlub kuv lawm". Kuv zoo siab tag nrho tau ntsib ib tug Tswv Ntuj ua to taub kuv, mus los sib cuag tau, thiab kuv nyiam Tswv Ntuj zoo li nov.
Ua cas ho yog kuv!
Qhov nov kuv tsis paub teb.
Yog ib qhov kev hlub pub dawb.
Kuv muaj 36 xyoo, kuv twb nrhiav poj niam los ntev lawm tsis tau. Tab sis tom qab kuv raug mob tag, cas kuv nrhiav tau ib tug poj niam phim kuv heev, los nyob ntawm kuv ib sab. Ntshe yuav yog li ntawd, wb thiaj tau los nyob ua ke. Wb ob leeg los ua lub neej raws li qhov txiaj ntsim kuv tau txais ntawm kev hlub los. Wb muaj ib cov me nyuam ntxim hlub heev, vam tias ib hnub twg wb ib tug me nyuam yuav txaus siab muab nws txi rau Tswv Ntuj.
Last edited by Maiv Tooj on 27th January 2021, 8:44 am; edited 2 times in total
, hehehe....kav tsij nrhiav kom ntau me ntsis ntxiv peb thiaj tau siab nawb.
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
