Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Hmoob kev teev dab teev qhua piv rau kev ntseeg Ntuj

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Hmoob kev teev dab teev qhua piv rau kev ntseeg Ntuj

    Post  Mim on 1st July 2010, 5:31 pm

    Hmoob txoj kev ntseeg dab piv rau kev ntseeg Ntuj


    Nyob zoo nej sawv daws,

    Peb tau tuaj tham ntau zaj txog dab thiab dab phem lawm. Hnub no kuv xav tuaj hais ob peb los txog Hmoob txoj kev ntseeg dab thiab peb txoj kev ntseeg Ntuj.

    Ua ntej yuav piav qhov ntawd , kuv xav xub hais ob peb los tias, ntawm kuv tus kheej, kuv ntseeg tias muaj dab thiab muaj dab phem. Ntawm no kuv piav raws li kuv to taub. Tej zaum lwm tus yuav to taub txawv kuv... Hais txog dab mas, raws kuv xav, nws muaj ib co yog cov tseem tseem dab, uas ib txwm yeej tsis muaj lub cev nqaij ua neeg li peb, thiab nws muaj ib co yog ntsuj plig, uas yog cov neeg tau tas sim neej lawm. Kuv ntseeg tias cov tseem dab ntawd, nws muaj ib co zoo ib co phem; cov
    ntsuj plig los nws kuj muaj ib co zoo ib co phem thiab.

    Cov ntsuj plig mas kuv tsis paub tias lawv puas muaj qhov yuav rov los ua phem tau rau tib neeg lawm. Tiam sis Hmoob ntseeg hais tias lawv ua tau. Hmoob txoj kev teev hawm yog txawb rau lub tswv yim no tas nrho xwb. Hmoob txoj kev teev dab teev qhua, ua neeb ua yaig yog ntseeg tias tej niam tej txiv uas dua toj lawm, thaum lawv xav ntaim noj ntaim haus, ces lawv los ua mob ua nkeeg, los yog ua kev nyuaj lwm yam rau tsev neeg. Ces thiaj yuav tsum hu txiv neeb txiv yaig mus nrog lawv tham. Txiv neeb yog tus uas mus cuag tau dab, nrog tau dab tham. Saib dab yuav noj tsiaj noj txhuv los yog yuav xav kom tsev neeg ua dab tsi, txiv neeb yog tus los hais qhia rau lawv. Vim li ntawd Hmoob txoj kev teev hawm thiaj yog ib txog kev tiam dab niam dab txiv dab poj koob yawm txwv kom cov tseem ua neej nyob tau kev noj qab nyob zoo xwb. Hmoob yuav noj yuav haus los Hmoob thiaj yuav tsum hu lawv los noj los haus, Hmoob thiaj muaj laig dab. Hmoob paub muaj Ntuj, tiam sis zoo li Ntuj tsis los ntaim noj ntaim haus ces Hmoob tsis teev Ntuj, tsis tiam Ntuj.

    Hmoob poob lub tswv yim tias Tswv Ntuj yog tus tsim ntuj tsim teb tsim neeg ces neeg yuav tsum tau teev Ntuj hwm Ntuj thiaj yog. Hmoob tsis paub qhov no lawm. Thiab Hmoob poob lub tswv yim tias thaum tas sim neej, tus ntsuj plig yuav mus cuag tus tswv uas tsim nws los, yog tus Tswv Ntuj. Hmoob tsuas hais tias, tuag ces yuav mus cuag poj cuag yawm xwb, thiab Hmoob
    kuj tseem ntseeg qhov tias yuav mus thov dua ntawv rov los thawj dua thiab no. Hauv kev ntseeg Ntuj, peb tsis muaj yuav rov los thawj dua thiab lawm, peb tsuas mus nrog Tswv ntuj nyob los mus poob dab phem tas ib txhiab ib txhis xwb. Thiab Hmoob ntseeg qhov tias cov ntsuj plig tseem yuav noj yuas haus ib yam li thaum tseem ua neej nyob. Yog vim li ntawd, Hmoob thiaj muaj hlawv ntawv nyiaj ntawv kub ntau ntau rau ib tug tuag, nws thiaj tau nyiaj muas noj. Hmoob kuj tseem tua tsiaj tua txhuv ntau ntau rau, thiaj tau cab mus noj mus haus tsis ntshaw luag. Thiab Hmoob tseem nqa zaub nqa mov mus tso tom ntxa hu nws los noj.

    Hais txog tej tseem dab, mas zoo li Hmoob tsis tshua muaj ib lub tswv yim meej txog cov ntawd. Hmoob hais txog poj ntxoog uas yog tej cov dab txaus ntshai thiab hem neeg. Hmoob hais txog ntxwj nyoog, mas yog cov dab phem phem dab noj neeg. Ib txwm zoo li Hmoob tsis hais txog cov dab zoo uas peb tis npe rau hu ua cov tshiab li.

    Txoj kev ntseeg Ntuj txawv kev teev dab teev qhua. Peb ntseeg Ntuj yog ntseeg hais tias tus Tswv Ntuj uas tsim lub ntuj lub teb thiab tsim neeg yog tus uas peb yuav tsum teev yuav tsum hawm. Txoj kev teev hawm Tswv Ntuj, tsis yog yuav tsum tua tsiaj los tua txhuv rau nws li peb Hmoob ua lawm. Txoj kev teev hawm Tswv Ntuj yog hwm Tswv Ntuj ua peb tus Tswv, peb tus Huab Tais, mloog nws tej lus qhuab lus qhia ua neej dawb huv neej ncaj ncees hlub luag xwb. Thiab yog ntseeg txog HT Yes Xus yog Tswv Ntuj leej Tub, yog tus los txhiv pev ntawm kev txaug kev txhaum. Peb lub hom phiaj ua neej, tsis yog
    tias nrhiav kev noj qab nyob zoo kev nplua nuj nyob ntiaj teb xwb, thiab tuag yuav mus cuag poj cuag yawm lawm, peb lub hom phiaj yog ua lub neej kom haum li Tswv Ntuj tej lus qhuab lus qhia uas yog teev hawm Tswv Ntuj ib leeg, nyiam Tswv Ntuj thiab nyiam luag, kom thaum tuag thiaj tsim nyog mus cuag Tswv Ntuj saum ntuj ceeb tsheej.

    Txoj kev ntseeg Ntuj qhia tias muaj dab phem dab zoo. Cov dab phem yog ib co dab poob tsag. Thaum ntuj tsim teb raug, Tswv Ntuj tsim lawv zoo kawg, muaj hwj chim txawj ntse heev. Tiam sis vim lawv pom lawv zoo heev ces txoj kev muab hlob nkag tau rau hauv lawv, lawv cia li tsa taw tuam Ntuj, lawv tsis xav los hwm Ntuj, muab Ntuj ua lawv tus tswv. Lawv xav yog Ntuj tus tswv. Vim li no Tswv Ntuj thiaj ntiab lawv poob los rau lub qhov ntuj dub nciab uas muaj lub hiav txwv hluav taws leej faj uas tsis txawj tuag. Lawv txoj kev zoo nkauj zoo nraug ploj ntais, rais mus ua ib co dab tuaj kub tuaj kaug tsis zoo saib tsis ntxim nyiam lawm. Lawv raug hluav taws kub lawv tsis muaj lub caij yuav ib nyuag laj los ib nyuag dim pa me me li. Lawv yim raug hlawv zoo li lawv txoj kev muab hlob yim loj ntxiv xwb, lawv yim ntxub Tswv ntuj ntxiv xwb. Lawv muaj txoj kev khib khib tib neeg, tias tib neeg muaj kev yuav mus nrog tau Tswv ntuj nyob. Tus thawj dab phem poob tsag yog Xas Tas (Satan). Thaum Ntuj tsism tau neeg, nws thiaj tuaj ntxias neeg kom neeg poob mus raug kev txom nyem ib yam li nws thiab nws cov dab phem. Neeg thiaj li poob rau kev txhaum.
    Cov dab zoo yog cov tshiab saum ntuj. Lawv yog cov pab peb cov neeg ntiaj teb. Lawv yog Tswv Ntuj cov tub xa xov. Lawv tuaj pab kom peb mus tau rau saum Ntuj. Txoj kev ntseeg qhia hais tias txhua tus tib neeg yug los, ib leeg muaj ib tug tshiab pov hwm nrog nraim nws, thiab thov Tswv ntuj rau nws. Yog muaj li ntawd tiag ua cas zoo li tus dab zoo ntawd nyob deb deb yus li, hos tus dab phem nyob ze yus tshaj?

    Ib tug tib neeg nws muaj ntsis zoo li ib tug hluas nkauj uas muaj ob tug hluas nraug. Muaj ib tug mas yog neeg ncaj ncees, nws ua qhov twg ua qhov ncaj ncaj xwb, thiab cia tus hluas nkauj xaiv ywj siab, nws tsim yuam. Tej zaum tseem yuav cheem tias, “Yam koj ua ko tsis tshua yog lawm…” Muaj ib tug mas muaj muaj tswv yim thiab khib khib li, ua zaj ua ntxeev haub ua zaj ua
    ntxeev ntxias, ua txuj nyob ze ze txav ti ti tas mus li xwb. Xav yuav dab tsi los yuav rau, xav noj dab tsi los muab rau, xav ua li cas los txhob ntxiv kom kav tsij ua xwb. Ces tus hluas nkauj txawm cia li qaug quav rau tias, “Tus no thiaj nyiam yus thiaj hlub yus tiag...” Neeg lub siab thiaj li qaug lais mus rau dab phem sab heev tshaj.

    Nyob hauv kev ntseeg Ntuj mas peb tsis ntseeg qhov tias cov ntsuj plig los yog dab niam dab txiv txawj los ntaim noj ntaim haus lawm, thiab tsis ntseeg qhov yuav hlawv xyab hlawv ntawv tua tsiaj tua txhuv ntau ntau rau lawv lawm. Tiam sis peb ntseeg qhov tias lawv yeej xav tau kev pab ntawm peb, tshwj xeeb yog cov uas poob rau teb chaws them txim. Peb tsis yuav tua tsiaj rau lawv los hlawv xyab hlawv ntawv rau lawv, tiam sis peb yuav tsum tau thov ntuj pab rau lawv, ua tej yam them txim txhaum pab rau lawv, kom lawv dim sai ntawm lawv txoj kev them txim. Cov ntsuj plig uas dawb huv thiab tau nrog Tswv ntuj nyob lawm, mas peb tsis pab lawv dab tsi lawm, tiam sis yog lawv yuav pab peb xwb. Peb tsis teev lawv li peb teev Tswv ntuj, tiam sis peb muaj cai hwm lawv thiab thov lawv pab peb. Peb txoj kev hwm thiab vam khom cov leej ntshiab txawv peb Hmoob txoj kev teev dab niam dab txiv, dab poj koob yawm txwv. Peb tsuas yog thov lawv kom lawv nrog peb thov Ntuj pab rau peb xwb, thiab peb muab lawv los ua ib tug qauv rau peb xyaum ua neej xwb. Cov ntsuj plig dawb huv ntawd peb hu lawv ua cov leej ntshiab no... Peb kuj tseem ntseeg tias cov neeg uas ua lub neej tsis hwm ntuj, thiab ua neej siab phem lim hiam, tsis ncaj ncees tsis hlub luag, mas lawv tus ntsuj plig yuav mus cuag dab phem, yuav poob rau dab pheb teb, raug kev txom nyem mus li. Yog li peb ua neej peb thiaj yuav ua tas puas tsav yam kom peb txhob poob rau dab phem teb.

    (Zaj kuv hais no kuv tsis yog muab qhov twg los, kuv hais raws li kuv pom thiab kuv ntseeg xwb ov… ntau yam peb sawv daws twb muab tham tas lawm, tiam sis kuv tsuas yog muab rov qab los sib piv tias Hmoob txoj kev ntseeg thiab kev ntseeg Ntuj txawv li cas no xwb. Yog qhov twg yuam kev no ces nej hais qhia rau kuv paub thiab… vim kuv
    tsis tshua paub Hmoob kev cai zoo.)

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob kev teev dab teev qhua piv rau kev ntseeg Ntuj

    Post  Maiv Paj Lug on 2nd July 2010, 2:03 am

    Amen!

    Tus neeg muaj kev thoob tsib mas txhua yam lus zoo yeej txawj txhawv hauv nws nruab siab tuaj....Mim, koj cov lus zoo heev, kuv xav muab koj cov lus mus nplaum txhua txhia tus qhov muag kom sawv daws nyeem. Tiam sis , feem coob tej tub tej ntxhais thiab cov niam cov txiv nrab neej txawj tuaj internet ces yog nrhiav kev lom zem kev plees kev yig xwb, feem tsawg thiaj tshawb fawb kev kawm txuj.

    Ua tsaug ntau os niamlaus Mim.
    o)




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hmoob kev teev dab teev qhua piv rau kev ntseeg Ntuj

    Post  Npuagtub on 3rd July 2010, 11:24 am

    Nyob zoo Mp, thiab Mim,

    Mim koj cov lus no yeej muaj tseeb tiag raws li koj sau, peb hmoob yeej ntseeg thiab coj li koj hais tsis txawv kiag li.
    Maypajlug..., cov lus mim sau no mas yog koj tsis tau hais dua es koj thiaj li xav muab qhia sawv daws xwb os. Mim zaj lus no mas thaum i kuv hais ib zaug me me nyob hauv ib lub ntees tuag,uas yog peb cov ntseeg mas ib tsam kuv los tsev muaj coob leej hu xov tooj tuaj cem kuv heev tas tas li.
    txawm yog li no es thaum kuv kawm XH. tas es Txiv Tswv Qhia thiaj hais tias, nej yog cov ntsev las lub ntiaj teb, nej mus tshaj tswv ntuj lub moo zoo mas yog yim twg los tus twg txais nej mas nej ua lub cim ntxuav rau hos tus tsis txais nej mas thaumnej tawm ntawm lawv mus mas nej nchos nej tej plua av huv si pov tseg rau thaj chaw ntawd.

    Yog li no kev ntseeg peb hais lawv hnov lawv cem peb vim lawv tsis ntseeg los peb txhob cav lawv cia ywj lawv siab, raws li lawv nyiam, cia Huab tais ntuj mam li qhia lawv xwb mas lawv thiajli ntshai. Tus paub kev ntseeg tsis cuag li tus muaj muaj kev ntseeg.



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Hmoob kev teev dab teev qhua piv rau kev ntseeg Ntuj

    Post  Mim on 4th July 2010, 1:58 pm

    Maiv Paj Lug thiab XH Npuag Tub,

    Ua neb tsaug uas neb tuaj qhia tias cov lus kuv hais tsis yuam kev,,, Kuv yeej ntshai tsam hais tsis yog, vim kuv kuj paub Hmoob kev cai tsis meej thiab. Tiam sis yog neb xav tias kuv hais yog lawm no ces kuv zoo siab xwb...

    MP thiab XH Npuag Tub, kuv to taub neb cov lus uas neb hais... Kuv xav hais tias thaum peb muaj kev to taub lub ntsiab tseeb hauv lub neej thiab txoj kev ntseeg lawm, thiab thaum peb yog neeg kub siab lawm, ces peb xav kom txhua leej txhua tus to taub thiab kub siab ib yam li peb thiab, vim qhov ntawd yog qhov yuav ua kom lawv ntsib kev zoo, tiam sis pheej pom cov coob tsuas muaj kev kub siab rau lawv txoj kev lom zem thiab tau zoo rau lub cev nqaij daim tawv xwb ces, ua rau yus mob siab thiab xav npau taws rau lawv... Tiam sis kuv hais li no, peb yuav tau ua siab ntev. Lawv tseem yog neeg dig muag, tsis tau pom qhov tseeb... Yus rov xav txog yus yav tas los lawd yus yeej coj nkaus li lawv thiab.... Tiam sis Tswv Ntuj pub txiaj ntsim kom yus qhov muag qhib tuaj, yus thiaj mam txawj kub siab... Tej zaum muaj tus thov thov Ntuj pab yus yav dhau los lawm, Tswv ntuj thiaj qhib yus qhov muag...

    Peb kuj tsis yog yuav kaw qhov ncauj txhob hais txog li tsam mag cem los mag thuam... Peb yeej yuav tsum tau hais tag zog... Tswv Ntuj cov lus tseem ceeb mas zoo nkaus li tej lwg dej uas poob rau saum daim nplooj es ntog lam lawm xwb, yeej tsis ntub sab hauv qab li.... Los yog zoo li cov dej uas koj ywg rau ib thaj av qhuav qhuav... Koj pom zoo li twb ntub ntub lawm, koj fawb kiag na has ua cas txheej hauv qab qhuav qhawv xwb... Peb yuav tau thov Ntuj tiag pab peb cov ntseeg kom Tswv Ntuj lub txiaj ntsim los qhib lawv lub siab, ces lub lwg poob nthav los ntaus kiag daim nlooj los nplooj yuav ib nyuag to me me es kom dej thiaj ntub tau mus rau sab qab nplooj thiab...los yog kom cov dej peb ywg rau thaj av qhuav txawj ntxaum mus kom tob os... Muaj qee zaum mas peb xav pom kom hloov kiag tam sid, tiam sis Tswv Ntuj tsis ua hauj lwm li yus hais... nws mam ua kom hloov thaum txog nws sij hawm xwb...

    Sponsored content

    Re: Hmoob kev teev dab teev qhua piv rau kev ntseeg Ntuj

    Post  Sponsored content Today at 8:49 am


      Current date/time is 6th December 2016, 8:49 am