HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Hnub Txais Tshauv thiab Caij 40 - Page 3 Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


+6
Tub Kawm
Yaj Suav Nus
Maiv Paj Lug
Maiv Tooj
Npuagtub
Mim
10 posters

    Hnub Txais Tshauv thiab Caij 40

    Mas Lias
    Mas Lias
    Tuaj Tshiab
    Tuaj Tshiab


    Messages : 57
    Date d'inscription : 2012-03-09

    Hnub Txais Tshauv thiab Caij 40 - Page 3 Empty XYAUM UA RAWS LI HUABTAIS YESXUS COV LUS

    Post  Mas Lias 6th February 2013, 5:42 am

    Nyob zoo tsoom phooj ywg,

    Peb yuav pib mus rau hauv lub caij 40. Peb yuav xyaum ua li cas, peb thiaj yuav ua tau raws li HuabTais YesXus cov lus? Yeej nyuaj kawg nkaus rau peb.

    Peb yuav tsum nco ntsoov tias, HuabTais YesXus ua ib tug qauv tseg cia rau peb, kom peb kawm tseg thiab ho muab qhia rau peb cov xeeb leej xeeb ntxwv.
    Yam li HuabTais YesXus cov lus yog ib lauj kaub zaub uas nws tau hau tseg tau 2013 xyoo los lawm. Nws tau qhia peb tias yuav hau zaub li cas. Mas peb tsis txhob muab nws cov zaub coj los rhaub rhaub rov rau peb noj, thiab rau lwm tus, los puas peb cov me nyuam noj.
    Peb yuav tsum mloog seb nws tus qauv qhia peb hau zaub zoo li cas. Ces peb yuav tau mus xyaum hau peb ib lauj kaub zaub, uas hais tais yog peb kawm ntawm HuabTais YesXus los, es peb ua tau lawm. Tab txawm tsis qab npaum li HuabTais YesXus lauj kaub zaub, los peb twb tau ua ib yam li ntawd.

    Cov lus kuv tau hais los no, qhia tias yuav txog lub cai 40, peb yuav xyaum ua zoo, zam txim rau luag. Tsis hais tus hauv tsev los tus sab nraud.
    Tab txawm yog nej tus txijnkawm tau ua hluas es dua nej nplooj siab nthuag rhe; los puas nej me tub me nyuam tau ua tsis haum rau nej; los puas ib tug neeg sab nraud tau ua phem rau nej. Nej tsis txhob xav hais tais nej tsis yog ntuj, es nej yeej yuav zam tsis tau. Tab txawm nej tsis yog ntuj los nej thov ntuj kom nej zam kom tau xwb. Tab txawm yog lub txim txhaum txog kev tuag lawm los, thov ntuj kom zam kom tau xwb.
    Nej nco ntsoov txog HuabTais YesXus, es nej xyaum zam txim mas. HuabTais YesXus, nws yeej hnov nej cov lus thov. Thaum nej nyuam qhuav xyaum pib mas nyuaj kawg. Tab sis, thaum nej ua tau raws li ntuj los lu lawm. Nej yuav tau txais TswvNtuj lub txiaj ntsim. Ces nej lub siab yuav kaj tuaj, thiab nej yuav xav txawv lawm.


    Thov HuabTais Ntuj nrog nej nyob ua nej siab kajlug.





    avatar
    Npuag Tub


    Messages : 2
    Date d'inscription : 2013-02-06

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Npuag Tub 6th February 2013, 6:54 am

    Nyob zoo cov Phooj ywg hmov tshua,

    Tau ntsev neev kev tsis khoom tuaj fim nej vim muaj hauj lwm ntau yam khi tes lawm. Vam tias yav no kev yuav tuaj nrog nej sib fim li yav dhau los.

    Mas Lias, koj sau tau ib co lus zoo heev, Xab kom peb sawv daws ua tau li cov lus koj hais kawg. Txawm tias peb ua tsis tau los thov kom peb ntseeg thiab lees txais Huab Tais Yes Xus los ua peb tus cawm seej mog cov Phooj ywg.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Npuagtub 13th February 2013, 10:06 am

    Hnub Txais Tshauv thiab Caij 40 - Page 3 Ash_we10

    Nej puas nco qab hnub ua hmoov txais tshauv ( Ash Wednesday ) yog hnub no ? Nco qab ntsoo txhob noj yam muaj ntshav mog, thiab yoog noj yoo haus ntau li koj ua tau es los xav txog Huab Tais Yes Xus txoj kev txom nyem hlub peb ntiaj teb neeg.....

    Xyoo no lub caij 40 (Lent) pib hnub tim 13/02/2013 no mus txog hnub tim 29/03/2013. Ua yog hnub Friday hmo Huab Tais Yes Xus rau txom nyem.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Mim 23rd February 2013, 2:32 pm

    Lub Caij 40 yog ib lub caij uas peb yuav xyaum yoog raws li HT yes Xus txoj kev zoo kev ntshiab.
    Kuv tuaj tso leej ntshiab John Baptist de la Salle ob peb lo lus no txhawb peb:



    Hnub Txais Tshauv thiab Caij 40 - Page 3 See_no_evilHnub Txais Tshauv thiab Caij 40 - Page 3 Hear_no_evilHnub Txais Tshauv thiab Caij 40 - Page 3 Speak_no_evil
    "Txuag koj qhov muag kom tsis txhob saib tej yam tsis zoo rau txoj kev tsim txiaj dawb huv; txuag koj pob ntseg kom tsis txhob mloog cov lus sib tham phem; txuag koj lub tswv yim, thaum twg koj xav txog tej yam tsis zoo, yuav tsum muab tso plhuav tseg; txuag koj lub siab, yog koj lub siab pib xav txog tej yam phem tsis huv , koj yuav muab tshem kiag tawm tam sid."




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Maiv Tooj 24th February 2013, 1:42 am



    Mim,

    Ua tsaug uas nws tseem tuaj ceeb toom kom peb ras xeev los npaj siab hloov rau lub Caij Plaub Caug. Yeej paub tseeb tab sis ua tsis tau li, vim nyob nrog kev txhaum sib xyaws daws. Yuav tau hais tag los rov hais dua kom peb yoog kom tau qhov zoo li yuav yoog tau.
    Yog peb xyaum tau li Huab tais Yes Xus hais mas peb lub neej ntiaj teb yuav nyob thaj yeeb lug li nyob saum Ntuj.

    Hnub Txais Tshauv thiab Caij 40 - Page 3 20031010
    Mas Lias
    Mas Lias
    Tuaj Tshiab
    Tuaj Tshiab


    Messages : 57
    Date d'inscription : 2012-03-09

    Hnub Txais Tshauv thiab Caij 40 - Page 3 Empty UA HAUJ LWM PUB RAU NTUJ

    Post  Mas Lias 24th February 2013, 3:28 am



    Nyob Inde teb, muaj ib tug kws kho mob tau piav
    tias: nws nug Mère Térèsa tias: kuv yuav ua li cas, kuv thiaj yuav ua tau hauj lwm pub rau ntuj?
    Mère Térèsa teb tias : yog koj yuav ua hauj lwm pub rau ntuj, koj xwb ua hauj lwm pab rau neeg, ces koj ua rau ntuj lawm.

    Txij thaum ntawd, nws thiaj kho cov neg mob pub dawb xwb, tsis yuav nyiaj; nws yuav me ntsis nqe ntshuaj kom nws ho muaj nyiaj rov mus yuav tshuaj dua ntxiv los kho neeg. Tag nrho neeg nyob qhov txhia chaw tuaj rau nws kho; nyob Nyab Laj teb los tuaj, nyob Dub teb los tuaj.

    Nws tseem muab ib lub tswv yim rau cov neeg tawv dawb kom lawv thiaj paub mus phais neeg mob.

    Tus Dr no mas ua ntej thaum nws mus ua huaj lwm, nws xwb txhos caug thov ntuj thiab nwj Mère Térèsa daim duab tas nws mam mus.



    Last edited by Mas Lias on 26th February 2013, 7:06 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Mim 24th February 2013, 8:47 am

    Cov lus nram no yog muab hauv Tos Npis 12: 7-10 los. Tsis tau txhais rau hauv peb phau ntawv Hmoob. Yog li kuv tuaj txhais ob peb nqe no rau peb. Yog hais txog kev yoo thiab kev pub rau luag. Hauv no nws hais tias kev pub rau luag zoo dua no, tiam sis peb kuj yuav tsum tau yoo thiab. Kev yoo yog kev tswj peb lub cev tej kev nqhis kev xav kev ntshaw. Kev pub rau luag yog kev tswj peb lub siab qia dub xav huas ntau xav tau ntau.


    Tos Npis 12: 7c-10
    Tus tshiab Las Fais hais lus rau Tos Npias thiab nws txiv:

    7c Ua qhov zoo ces qhov phem yuav nrhiav tsis tau kev los raug koj.
    8 Kev teev ntuj thiab kev yoo mov yeej zoo kawg, tiam sis kev pub rau luag ncaj ncees tseem zoo tshaj ob yam ntawd. Koj pub me me tiam sis muaj kev ncaj ncees nrog zoo dua li koj pub ntau ntau tiam sis muaj kev nkhaus kev phem nrog. Koj pub rau luag zoo tshaj koj khaws tej niag txhab kub cia,
    9 vim kev pub rau luag cawm yus ntawm txoj kev tuag thiab ntxuav txhua yam txhaum pov tseg. Cov uas nquag pub rau luag yuav tau txais ib lub neej puv npo.
    10 Tiam sis cov neeg swm kev ua txhaum yog lawv tus kheej tus yeeb ncuab loj tshaj cov.


    Hnub Txais Tshauv thiab Caij 40 - Page 3 Tobit-Chapter-6-Tobias-and-the-Angel





    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Tub Kawm 4th March 2014, 5:05 am

    Nyob zoo sawv daws, zoo li twb tsi ntev li. twb dhau ib xyoo lawm, tas kis peb twb yuav ro mus ua thaj txi ntuj txais tshauv tshauv dua.
    Xyoo no yog thawj xyoo ntawm 3 xyoos teev ntuj. Yog xyoo 2014. Li ntawd tas kis sawv daws yuav nco qab ntsoov mus
    ua thaj txiv ntuj.
    Thiab thiab txais tshauv.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Mim 6th March 2014, 5:36 am

    Nyob zoo rau sawv daws,

    Tau ntev heev li kuv tsis tau tuaj sau zaj lawm. Hnub no kuv muab ob peb lo lus tham txog lub Caij Plaub Caug thiab txoj cai yoo mov caiv nqaij rau peb sawv daws nyeem kom peb rov nco txog tias lub caij no rov txog lub caij rau peb ua kev them txim txhaum dua lawm.



    Hnub Txais Tshauv thiab Caij 40 - Page 3 Adam-eve-and-the-snakeLub lis piam no Hnub Plaub yog hnub peb txais tshauv (Ash Wednesday/Mercredi des Cendres) pib lub caij Plaub Caug (Lent/le Carême), uas peb tseem hu ua lub Caij Yoo no thiab. Ob lo lus ntawd yog piav txog thaum ub HT Yes Xus tau mus yoo mov tau plaub caug hnub plaub caug hmo nyob teb chaws suab puam npaj lub caij nws yuav mus pib tshaj lub Moo Zoo. Lub caij niam no, peb ua kev cai yoo plaub caug hnub yog npaj rau lub caij uas Yes Xus yuav raug txom nyem tsim txom dai saum ntoo cuam, tuag thiab sawv rov qab los peb hnub tom qab.  Hnub Chiv no yog hnub Chiv Ib hauv lub Caij Plaub Caug. Peb nyeem ob zaj piav txog dab phem kev ntxias neeg. Thawj zaj yog thaum ub dab phem txia ua tus nab tuaj ntxias pog Es Vas nyob hauv lub vaj Es Dees. Pog Es Vas swb tus nab, nws noj lub txiv raws li tus nab hais, thiaj coj neeg mus poob kev txhaum uas muaj kev phem kev qias, kev ntxub ntxaug, kev nyuaj siab nyuaj ntsws, kev txom nyem, kev mob kev nkeeg, kev ploj kev tuag, thiab qhov loj tshaj yog kev ncaim ntawm Tswv Ntuj, tsis tau Tswv Ntuj lub txiaj ntsim nyob hauv peb lawm.  Zaj ob yog piav txog thaum Yes Xus mus yoo mov tau 40 hnub 40 hmo nyob teb chaws qhuav teb chaws suab puam, nws kuj raug dab phem tuaj ntxias nws thiab. Hmoov zoo rau peb tib neeg, Yes Xus kov yeej dab phem txoj kev ntxias, ces nws thiaj tau ua nws txoj hauj lwm cawm ntiaj teb neeg kom tiav. Nws xub mus ncig teb ncig chaw, tshaj txog Tswv Ntuj lub Moo Zoo tau 3 lub xyoo, ces nws raug ntes, raug tsim txom, thiab tuag los cawm ntiaj teb neeg. Tsis tas li xwb, nws yeej txoj kev tuag, nws tau sawv rov qab los muaj txoj sia. Nws lub cev sawv rov los yog ib lub cev uas tseem zoo li neeg, tiam sis kuj ho txawv neeg thiab, vim yog ib lub cev dawb huv, muaj hwj chim ci ntsa iab, txawj ploj txawj tshwm, hla tau phab ntsa. Yes Xus tau raug txom nyem li ntawd yog nws zoo siab raug los them peb tib neeg lub txim txhaum.

    Hnub Txais Tshauv thiab Caij 40 - Page 3 C_temptation_picNyob hauv txoj kev cai Kas Tos Liv, thaum txog lub Caij Plaub Caug no, yog ib lub caij uas peb yuav tau rov tig los xav txog peb lub neej, saib peb yuav tau hloov qhov twg fab twg kom zoo dua, haum Tswv Ntuj lub siab dua, haum peb txoj kev ntseeg dua.  Peb yuav tsum tau xyaum kiag hloov peb lub neej, kho peb lub siab.  Thaum hais mas hais tau yooj yim, tiam sis thaum yuav ua kiag mas yog ib qho nyuaj. Peb yog ib tug neeg ntseeg, yog peb paub tias peb tsis coj lub neej kom phim kev ntseeg, mas peb yuav tau kho peb, kom peb xyaum coj kom phim ib tug neeg ntseeg. Tej zaum yuav tau nquag mus tshwm ntsej muag tom tsev teev ntuj ntau dua qub. Yog li peb yuav tau yeej peb txoj kev nkees. Yuav muab siab tiag thiaj yeej.  Tej zaum yuav tsum tau xyaum nquag niaj hnub nco txog Tswv Ntuj, teev ntuj hauv vaj hauv tsev ntau dua qub, coj yus tsev neeg xyaum teev ntuj ua ke. Yog peb ua tsis kam mas yeej xyaum nyuaj tsawv. Txoj cai kuj qhia kom yoo mov caiv nqaij. Peb yuav tau los xyaum ua kom raws txoj cai, peb thiaj yog ib tug ntseeg Kas Tos Liv.

    Txoj cai yoo mov caiv nqaij yog zoo li no:
    Niaj Hnub Rau hauv lub lis piam yog ib hnub peb ua kev them txim txhaum thawm niaj thawm xyoo, xws li caiv nqaij, tiam sis noj tau nqaij ntses. Ib tug neeg muaj 14 xyoos mus rau 60 xyoo yuav tsum caiv nqaij niaj Hnub Rau (every Friday/chaque Vendredi) mus tas yus lub neej ua kev them txim txhaum. Tiam sis nyob Mes Lis Kas teb, cov Tswv Qhia tau tso cai pub rau peb cov ntseeg, yog leej twg ho xav tias caiv nqaij tsis yog ib txog kev them txim txhaum rau nws, nws xav ua lwm yam nyuaj dua los them txim txhaum los tau.  Tiam sis yog peb tsis muaj lwm yam, ces peb yuav tsum caiv nqaij. Hos lub Caij Plaub Caug, mas txoj cai yuav tseev (obligatory/obligatoire) kom sawv daws caiv nqaij niaj Hnub Rau. Hnub Plaub Txais Tshauv thiab Hnub Rau Ntshiab, yog ob hnub yoo mov thiab caiv nqaij tib si. Ib tug neeg muaj 18 xyoos mus rau 60 xyoo yuav tsum caiv nqaij thiab yoo mov (obligatory) rau ob hnub ntawd. Yuav yoo mov yog yoo li no: tsuas noj ib pluag mov loj hnub ntawd thiab noj ob pluag txom ncauj me ntsis xwb, nco ntsoov tsis noj nqaij li.  Yog nej noj txom ncauj ntau tshaj ntawd, ces tsis yog kev yoo lawm.

    Txoj kev yoo no yog ib txog kev xyaum tswj yus lub cev kom txhob coj yus mus ua qhov phem, thiab yus kuj xyaum tswj yus lub siab lub tswv yim thiab.  Yog peb xyaum tsis tau ntau yam los xyaum ib ob yam uas yuav ua kom peb yog ib tug neeg ntseeg zoo. Txoj kev yoo no kuj zoo li yog ib txog kev peb muab peb tus kheej rau txim me ntsis kom peb to taub txog Yes Xus txoj kev raug txom nyem tsim txom pub rau peb.


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Mim 17th February 2015, 3:35 pm

    Nyob zoo sawv daws,

    Ua cas lub ntuj tig sai ua luaj li, zoo li tsis ntev xwb, twb rov txog Hnub Plaub Txais Tshauv lawm.

    Rau nej ib txhia ces twb yog Hnub Plaub lawm. Hos ntawm kuv no mas tseem yuav yog tag kis.

    Kuv lam tuaj hais ib los ntawm no. Tej zaum sawv daws yeej nco ntsoov tias txog Hnub Plaub Txais Tshauv lawm. Tiam sis tsam lam ho muaj tus puav uas tsis nco txog, ces xav kom sawv daws ho ras dheev tias yog Hnub Plaub Txais Tshauv, yog hnub uas peb yuav tsum tau yoo mov caiv nqaij tib si, vim peb pib npaj yuav ua kev nco txog lub caij peb tus HT Yes Xus tau raug txom nyem, tau tuag thiab tau sawv rov los.

    Thov peb sd rov qab nco txog lub Caij Plaub Caug dua:

    Hnub Txais Tshauv thiab Caij 40 - Page 3 Images?q=tbn:ANd9GcRMuMP7Lb97su6A0mjGYkRSJ7xbfv3TPJbbjdKSnZz0LixloyDR0g

    Nyob hauv Caij Plaub Caug, muaj 4 yam rau peb xyaum ua :
    1. Yoo mov caiv nqaij raws li lub Koom Txoos txoj cai:  Hnub Plaub Txais Tshauv thiab Hnub Rau Ntshiab yog ob hnub peb yoo mov. Ob hnub ntawd peb noj tau ib pluag mov xwb, peb tsis noj nqaij. Yog tshaib dhau, peb noj tau me ntsiskhoom txom ncauj kom nyob taus. Niaj Hnub Rau hauv Caij Plaub Caug, peb yuav tau caiv nqaij, noj tau nqaij ntses xwb.
    2. Peb npaj peb lub siab kom tsim nyog txais Yes Xus txoj kev cawm neeg,
    xws li peb yuav tau mus daws txhaum ua ntej hnub Yes Xus tuag thiab sawv rov los.
    3. Peb yuav tau qee peb lub sij hawm ntau dua los teev ntuj, xws li niaj hnub teev Saw Mab Liab los Tswv Ntuj txoj kev Khuv Leej;  mus koom thaj txi ntuj nruab lis piam li ib ob zaug; niaj hmo coj yus tsev neeg teev ntuj mam mus pw; xyaum niaj hnub nyeem ib ob phab ntawv Moo Zoo.
    4. Xyaum nco txog luag tej ntau dua: muab me ntsis nyiaj txiag pab rau cov neeg txom nyem; los puas muab zaub mov, muab ris tsho mus pub rau lawv kuj tau; mus saib xyuas cov neeg muaj mob muaj nkeeg, mus thov ntuj rau lawv; mus siv dag siv zog pab lwm tus. thc...


    Tub ntsuag
    Tub ntsuag
    Phooj Ywg
    Phooj Ywg


    Messages : 111
    Date d'inscription : 2011-10-06

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Tub ntsuag 18th February 2015, 2:01 am

    nyob zoo mim ua tsaus koj twb tuaj qhia txog hnub txais tshauv lawm ntawm txhua leej los kujnco ntsoov tias hnub /o yog hnub yoo mov tiam ntawm peb thaj tsam lawv cov coj ho tsi yoo li mas ua rau kuv poob siab tas li lawm xyov xyoo no lawv kuj coj tau tej yam txawv mawg li tiam si ntawm kuv tug kheej mas kuv yeej nco ntsoov mas ku v yeej yoo li txhua txhua xyoo .lawv hais mas yuav txog hmoob hli xab cuaj lawv mam yoo no mas kuv saib
    mas tej yam txawv kawg ua rau kuv poob siab tas li os.nyob zoo
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Maiv Tooj 18th February 2015, 6:29 am



    Nyob zoo Tub Kawm thiab Mim,

    Mim,

    Ua tsaug ntau uas koj tseem muab lub caij muaj nqes tuaj qhia txog Hnub tais Tshauv thiab. Kuv twb xav txog tab sis kuv tsis xyeej ikiag li es kuv thiaj tsis tau sau dab tsi li xwb.

    Tub Kawm,

    Yog yus tsis paub ces yuav ua li tus coj ua, yog yus twb paub lub hauv paus hauv ntsis lawm ces txawm tus coj ho ua tsis tau li lub Koom Txoos hais los yus yuav yoog lub Koom Txoos kev Ntseeg nawb mog. Yeej muab tus coj saib hlob rau lub sam xeeb tab sis nco ntsoov tias tus coj los yog neeg tib yam, yeej txawj yuam kev thiab tuaj kub kuj txawj ua kom nws yuam kev yog nws tsis ceev faj. Thaum yus yog tus loj mas yus txhob siv hwj chim thiab yus lubtswv yim txiav, yus yuav tsum taug Koom Txoos txoj lw lwm mas thiaj li yuav tsis yuam kev. Vim yus yog me nyuam neeg ntseeg xwb, yus tsis paub Ntuj Lus, lub Koom Txoos luag tsis hais tawm; tab sis luag yog lub hauv paus, luag tau Ntuj Lus, luag yeej tsis muaj qhov yuam kev li. Luag paub tom ntej tom qab tib si, luag thiaj kom tsoom ntseeg ua yam luag hais.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Mim 18th February 2015, 1:55 pm

    Tub ntsuag wrote:nyob zoo mim ua tsaus koj twb tuaj qhia txog hnub txais tshauv lawm ntawm txhua leej los kujnco ntsoov tias hnub /o yog hnub yoo mov tiam ntawm peb thaj tsam lawv cov coj ho tsi yoo li mas ua rau kuv poob siab tas li lawm xyov xyoo no lawv kuj coj tau tej yam txawv mawg li tiam si ntawm kuv tug kheej mas kuv  yeej nco ntsoov mas ku v yeej yoo li txhua txhua xyoo .lawv hais mas yuav txog hmoob hli xab cuaj lawv mam yoo no mas kuv saib
    mas tej yam txawv kawg ua rau kuv poob siab tas li os.nyob zoo

    Nyob zoo Tub Ntsuag,

    Kuv xav nug koj tias, thaum koj hais txog Hmoob hli xiab cuaj ntawd ho yog dab tsi? Puas yog tias nej yuav ua xyoo tshiab, ces nej cov coj yuav tos kom txog xiab cuaj mam li pib yoo? Raws li kuv to taub mas Suav lub xyoo tshiab yog pib rau hnub tim 19 lu ob hlis, ces yog tag kis. Hnub Plaub Txais Tshauv yog hnub no, yog hnub ua ntej nej lub xyoo tshiab pib, yog li phim nej yuav ua cov kab ke txais tshauv thiab yoo mov rau hnub no, ces tag kis nej mam ua xyoo tshiab, nej yuav noj nqaij los tau lawm. Tiam sis yog nej cov coj ho txiav txim ua txawv lawm ces nej cov ntseeg leej twg xav coj raws li peb txoj kev ntseeg ces nej yoo nej. Tswv Ntuj yuav pom thiab yuav pub koob hmoov ntau rau nej mog.



    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Mim 18th February 2015, 3:44 pm

    Nyob zoo Tub Ntsuag,

    Kuv xub teb koj tas saud lawm ces kuv mam mus pom lawv hais xov xwm txog tias xyoo no vim Suav lub xyoo tshiab poob ncaj rau Hnub Plaub Txais Tshauv ces muaj coob tus tswv qhia nyob sab As Xias teb tau tshaj tawm tias, cov uas xav yoo mov hnub ntawd los lawv yoo tau, tiam sis yog lawv tsis yoo no los lub Koom Txoos yuav zam rau lawv hnub ntawd no os. Tiam sis lawv kuj tau hais tias yog lawv tsis yoo hnub ntawd no ces lawv mam xaiv ib hnub uas lawv ua kab ke yoo no. Tiam sis lawv tsis hais txog xiab cuaj li koj hais, lawv tsuas hais txog Hnub Plaub Txais Tshauv xwb. Thaum koj hais tias koj poob siab vim cov coj ua txawv txawv no kuv kuj xav tsis thoob li thiab, tiam sis kuv mus pom lawv cov xov xwm no ces kuv kuj to taub lawm os. Yog thaum Tswv Qhia tso cai lawm ces txawm yus tsis yoo los yus tsis muaj kev txhaum thiab tsis tau hla txoj cai os. Es koj ho ua siab loj thiab os.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Tub Kawm 18th February 2015, 9:56 pm

    [quote="Maiv Tooj"]

    Nyob zoo Tub Kawm thiab Mim,

    Mim,

    Ua tsaug ntau uas koj tseem muab lub caij muaj nqes tuaj qhia txog Hnub tais Tshauv thiab. Kuv twb xav txog tab sis kuv tsis xyeej ikiag li es kuv thiaj tsis tau sau dab tsi li xwb.

    Tub Kawm,

    Yog yus tsis paub ces yuav ua li tus coj ua, yog yus twb paub lub hauv paus hauv ntsis lawm ces txawm tus coj ho ua tsis tau li lub Koom Txoos hais los yus yuav yoog lub Koom Txoos kev Ntseeg nawb mog. Yeej muab tus coj saib hlob rau lub sam xeeb tab sis nco ntsoov tias tus coj los yog neeg tib yam, yeej txawj yuam kev thiab tuaj kub kuj txawj ua kom nws yuam kev yog nws tsis ceev faj. Thaum yus yog tus loj mas yus txhob siv hwj chim thiab yus lubtswv yim txiav, yus yuav tsum taug Koom Txoos txoj lw lwm mas thiaj li yuav tsis yuam kev. Vim yus yog me nyuam neeg ntseeg xwb, yus tsis paub Ntuj Lus, lub Koom Txoos luag tsis hais tawm; tab sis luag yog lub hauv paus, luag tau Ntuj Lus, luag yeej tsis muaj qhov yuam kev li. Luag paub tom ntej tom qab tib si, luag thiaj kom tsoom ntseeg ua yam luag hais.


    Nyob zoo N hlob, koj sau ntawv sai sai es, koj teb rau Tub Ntsuag, tiam sis yog kuv lub npe og.
    Hehehe tej zaum ntshe kuv nrog Nws tham ntau ntau es, nws nco ntsoov kuv xwb og.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Tub Kawm 19th February 2015, 7:02 am

    Nyob Mim, Tub ntsuag, thiab N hlob.

    Hais txog xyoo 2015 no vim li cas nyob rau sab teb chaws vietnam no ho tsi ua kab ke yoo mov rau hnub plaub uas yog hnub tim 18 lub 2 hli lawm?

    Thov teb tias: Vim yog nyob rau cob tsib teb no, lawv noj tsiab peb caug ncaj rau hnub ntawd lawm.
    Li ntawd cov Tswv Qhia lawv thiaj li kom muab hloov rau hnub tim 27 lawm.

    Mim

    yeej yog li ko hais og, vim nyob rau sab As xias no muaj ntau lub teb chaws noj tsiab 30 lig heev, thiaj li noj ncaj rau lub sij hawm no lawm.

    Thov kom peb txhob nkag siab yuam kev rau cov lus hais saum toj no.
    Vim peb cov Catholic yeej coj zoo tib yam thoob ntiaj teb.
    Tub ntsuag
    Tub ntsuag
    Phooj Ywg
    Phooj Ywg


    Messages : 111
    Date d'inscription : 2011-10-06

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Tub ntsuag 19th February 2015, 12:14 pm

    Mim wrote:Nyob zoo Tub Ntsuag,

    Kuv xub teb koj tas saud lawm ces kuv mam mus pom lawv hais xov xwm txog tias xyoo no vim Suav lub xyoo tshiab poob ncaj rau Hnub Plaub Txais Tshauv ces muaj coob tus tswv qhia nyob sab As Xias teb tau tshaj tawm tias, cov uas xav yoo mov hnub ntawd los lawv yoo tau, tiam sis yog lawv tsis yoo no los lub Koom Txoos yuav zam rau lawv hnub ntawd no os. Tiam sis lawv kuj tau hais tias yog lawv tsis yoo hnub ntawd no ces lawv mam xaiv ib hnub uas lawv ua kab ke yoo no. Tiam sis lawv tsis hais txog xiab cuaj li koj hais, lawv tsuas hais txog Hnub Plaub Txais Tshauv xwb. Thaum koj hais tias koj poob siab vim cov coj ua txawv txawv no kuv kuj xav tsis thoob li thiab, tiam sis kuv mus pom lawv cov xov xwm no ces kuv kuj to taub lawm os. Yog thaum Tswv Qhia tso cai lawm ces txawm yus tsis yoo los yus tsis muaj kev txhaum thiab tsis tau hla txoj cai os. Es koj ho ua siab loj thiab os.
    . . . nyob zoo mim thiab tub kawm tej zaum yog li neb hais lawm og kuv nug tp pob zeb nws hais tias hloov mus txog hnub 27li tub kawm hais lawm kuv tsi muaj kev poob siab os tiam yog t xog hnub ntawd mam yoo mov mas yuav tsi txaus li plaub caug hnub lAWM tiam sig kuv vam tias nyaj tsi muaj dab tsi os nyob zoo
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Maiv Paj Lug 26th February 2015, 9:16 am

    Tag kis yuav yog hnub friday 1 uas tau yoo nqaij yoo mov zoo siab lau.... o)

    Kuv ua Huab Tais Yesxus tsaug tau pub txiaj ntsim rau kuv xyoo 2007, thawj zaug kuv tau ua hmoov hla, vim yav dhau los yeej tsis xav tias tej ntawv muaj nqis rau kuv li, sij hawm kuv ua hmoov hla 40 hnub tas kuv tau ntsib Huab Tais Yesxus hauv dab ntub npau suav...nws qhia kuv paub tias nws zoo siab kawg li, kuv mas yuav nco ntsoov txog hnub ncaim ntiaj teb tias tej yam kuv ua me me xwb Yesxus kuj pub txiaj ntsim rau kuv, yam kuv ua me me xwb los muaj nqi rau kuv thiab cawm kuv hnub kawg hauv kuv txoj sia, yus yuav mus kom txog Tswv Ntuj yuav tsum yog yus ua yus thiab yus nrhiav yus kom kawg siab kawg ntsws, Yesxus yeej tsis hloov, nws yeej nyob tos txhua leej txhua tus thiab Yesxus txhais tes npaj ntsoov qhib tos yus xwb tiag phoojywg txhua tus. o)

    Hnub Friday no caw nej sawv daws los peb noj qos nawb... <img src=" longdesc="58" />

    Hnub Txais Tshauv thiab Caij 40 - Page 3 Accras10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Maiv Tooj 26th February 2015, 10:42 am



    Xyoo no Mim muab tswv yim rau kuv uas ntev heev lawm tsis nco qab txog ces Hnuib txais tshauv thiab thawj Hnub Rau Caij Plaub Caug kuv noj mov ntse kua taum tsuag; kuj qab kawg li.

    Peb yuav sib zog tswj kom peb txhob ua neeg siab hlob, tseg kom tau kev nplua nuj, yuav xyaum pluag, xyaum noj tsuag, noj nyuag thiab teev Ntuj kom ntau dua. Yog peb ua tau Plaub Caug Hnub no lawm mas peb kuj yog ib qho yooj yim rau peb coj li no mus li kuj haj yam zoo.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Maiv Paj Lug 27th February 2015, 10:38 am

    Peb mob siab Teev Ntuj rau lub caij plaub caug 2015 no thiab peb sib pab txhawb zog kom ua tau yam zoo rau peb txoj kev yoo tshaib kaj siab lug.

    Hnub no nej noj dab tsi?

    Hnub no tav su kuv noj salade xwb, hos tsaus ntuj kuv hau zaub qhwv tsuag noj ntsw kua txob ntxuag mov qab kawg....kuv xav tias txawm peb yeej muaj nyiaj mus yuav nqaij ntse qab qab hauv kiab khw (market) los noj los cia peb txhob mus yuav es peb ua tej yam yooj yooj yim noj xwb yom?...tej nyuag nqaij ntses ntawv kuj kim kawg li thiab lau...lam noj qe xwb seb Very Happy

    Muaj tej yig lub caij 40 ua hmoov hla mas lawv mus yuav nqaij ntses kim li kim ( saumon) los ua qab qab noj, noj txhij noj txhua lom zem xauv npo xwb puas yog ua hmoov tiag ne, cas kuv pom li ntawv ua kuv xav tsis tas li, kuv mas tshaib tshaib plab twb tsis xav noj ib yam qab li, cas pom luag tej noj nqaij ntses qab qab xauv npo, noj cws, noj phiab deg xwb ua yus cav xav tsis tas rau yus tias cas yus yuav muab noj zaub tsuag xwb, puas yog yus ua hmoov hla ne cas yus tsis lom zem li luag tej li, los yus kuj zoo zoo siab twj ywm rau nruab siab tias , txawm yus tsis muaj kev lom zem los yus kuj ua tau ib hnub zoo tsis kov nqaij.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Mim 28th February 2017, 10:38 am

    Nyob zoo sawv daws,

    Tau ntev heev lawm tsis tau tuaj tham hauv chav yoo mov Caij Plaub Caug no li lawm.

    Hnub no kuv tuaj hais ob peb lo lus rau peb sawv daws hais tias tag kis twb rov txog Hnub Plaub Txais Tshauv lawm ov. Nco ntsoov hais tias yog ib hnub yoo mov caiv nqaij huv tib si no nawb.

    Hais txog ntawm kev yoo ntawd ces nej rov mus nyeem peb cov lus nyob saum toj no uas peb tau sau tas los lawd, ces nej thiaj paub tias kev cai yoo mov no yog yuav yoo li cas. Thov kom Tswv Ntuj lub txiaj ntsim pab peb xyaum yoo tau hauv peb lub cev thiab hauv peb lub siab luv tswv yim huv si thiab, kom peb txiav tau peb tej kev xav tswv yim tsis zoo thiab txiav tau peb lub siab tej kev ntshaw ntshaw ntau yam dhau. Nrawm kuv mas zoo li yog kuv lub siab ntshaw ntau ntau yam ces tsis muaj chaw rau kuv ntshaw Tswv ntuj ntxiv lawm, Tswv Ntuj Ntuj tsis yog thawj yam kuv ntshaw hos yog yam niag nyob puag tom qab lawm xwb. Yog zoo li no xwb no xyov thaum txog kuv hnub kawg kuv puas yuav tau Tswv Ntuj?

    Hnub Txais Tshauv thiab Caij 40 - Page 3 Images?q=tbn:ANd9GcT8rlG97qIdkOXXpJg0D8wjoqD-nrPb1U8-OrY1xlC6Guj4cnJq



    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Mim 13th February 2018, 3:34 pm

    Nyob zoo ib tsoom niam txiv kwv tij phooj ywg sawv daws,

    Ua cas zoo li tsis tau ntev, tiam sis twb rov txog caij peb mus txais tshauv lawm!! Tag kis nej leej twg tsis muaj hauj lwm khuam tes khuam taw no ces kav tsij npaj siab mus teev ntuj thiab txais tshauv nawb... Thiab nco ntsoov tias yog ib hnub peb yuav tsum yoo mov caiv nqaij ov....
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Maiv Tooj 13th February 2018, 5:15 pm



    Huab Tais Yes Xus,
    lub caij 40 nov, thov koj pab coj peb mus rau hauv suab puam ntawm peb lub neej, kom peb txawj tshem tej yam uas tsis muaj laj thawj khuam peb thiab kom peb txawj hloov peb lub siab ntsws mus rau txoj kev nyiam kev hlub, kev khuv leej, kev dawb huv. Ua li.

    Hnub Txais Tshauv thiab Caij 40 - Page 3 Img_0910

    Hnub Txais Tshauv thiab Caij 40 - Page 3 Cendre10

    Hnub Txais Tshauv thiab Caij 40 - Page 3 Ob_fe210

    Sponsored content


    Hnub Txais Tshauv thiab Caij 40 - Page 3 Empty Re: Hnub Txais Tshauv thiab Caij 40

    Post  Sponsored content


      Current date/time is 18th March 2024, 11:34 pm