Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


    Hnub Txais Tshauv thiab Caij 40

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Hnub Txais Tshauv thiab Caij 40

    Post  Mim on 16th February 2010, 12:41 pm

    Tag kis yog hnub peb hu ua Hnub Plaub Txais Tshauv (Ash Wednesday/Mercredi des Cendres). Nws yog thawj hnub ntawm lub Caij 40(Lent/Careme), uas yog 40 hnub ua ntej lub caij Hla (HT Yes Xus raug txom nyem thiab tuag thiab sawv rov los) (Easter/Paques).


    Tag kis nej leej twg puas npaj mus koom Thaj Txi Ntuj pib Caij 40 thiab os? Yog hais tias yus tsis ua hauj lwm no, thiab txawm yus ua los yog yus muaj sij hawm mus no, mus koom Thaj Txi Ntuj thiab mus txais tshauv tag kis. Tiam sis yog tsis khoom rau tag kis los hnub Chiv tuaj no thaum mus teev ntuj yeej muaj txais tshauv.

    Txais tshauv yog txais li cas? Niaj xyoo thaum txog Hnub Txais Tshauv, uas yeej yuav tsum poob rau hnub plaub (Wednesday/Mercredi) tas mus li xwb, peb cov ntseeg Kas Tos Liv muaj mus teev ntuj ua thaj txi ntuj. TP muab cov nplooj uas tsaib no peb tau siv rau Hnub Chiv Nqaum Nplooj, uas tam sis no qhuav qhuav lawm, los hlawv ua ib co tshauv. TP muab cov tshauv ntawd los ntaus cim ua Ntoo Cuam rau saum peb cov neeg ntseeg hauv pliaj. Hnub ntawd mas peb yeej coj rawv tus ntoo cuam dub dub ntawd saum peb hauv pliaj tas ib hnub li.


    Thaum TP pleev peb hauv pliaj, nws hais cov lus zoo li no rau peb, "Koj nco ntsoov tias koj yog av, thiab koj yuav rov mus ua av."

    Lub ntsiab ntawm cov tshauv thiab lub cim ntawd nyob saum peb hauv pliaj yog dab tsi? Lub cim ntoo cuam qhia kom peb nco ntsoov tias, peb yog Tswv Ntuj cov me nyuam thiab HT Yes Xus tau tuag los txhiv peb lawm.

    Cov tshauv qhia rau peb kom peb yuav tsum muaj kev tu siab rau yus cov txhaum, kom yus yuav tsum tau txiav txim siab hloov yus lub siab phem uas nyiam ua txhaum los xyaum ua zoo raws li HT Yes Xus nyiam. Cov tshauv kuj qhia peb hais tias kom peb nco ntsoov tias peb lub neej nyob ntiaj teb no tsis ntev pes tsawg xyoo, peb yog av ces muaj ib hnub peb yeej yuav rov mus ua av xwb.


    Hnub Plaub Txais Tshauv ntawd cov ntseeg muaj 14 xyoos txog 60 xyoo yuav tsum ua kev yoo mov caiv nqaij. Nws yog ib qho obligatory. Thawj hnub ntawd mas cov muaj hnub nyoog raws li hais tsuas noj tau ib pluag mov kom tsau nyob nyog, tiam sis tsis noj nqaij, noj tau nqaij ntses xwb, thiab noj tau ob pluag mov me me tuav plab tshaib xwb, xws li noj ib qhov mov ntse dej los yog noj bread thiab haus dej lawv kom txhob tshaib dhau xwb. Hnub Rau Ntshiab(Good Friday/Vendredi Saint) lawv kuj yuav tsum yoo thiab caiv ib yam nkaus li ntawd. Dua li ntawd nyob hauv tas lub Caij 40, txhua hnub Rau(Friday), peb cov ntseeg yuav caiv nqaij.


    Tsis tas li ntawd xwb, peb nyias kuj yuav tau caiv thiab yoo tej yam raws li nyias xaiv thiab raws li nyias yeem. Xws li yog kuv nyiam nyiam noj chocolate, mas kuv yuav txiav txim siab tias lub caij 40 no kuv yuav caiv tsis txhob noj chocolate kiag li los ua ib qho kev them txim txhaum no los tau. Tej zaum kuv noj mov mas kuv yuav tsum tau noj peb taig mov, tiam sis lub caij 40 no kuv yuav noj ob taig xwb. Tej yam kev caiv zoo li no, txawm tsis loj nyuag me me xwb los kuj muaj txiaj ntsim rau peb kawg li.

    Qhov kev caiv kev yoo uas kuv hais tas no yog hais txog zaub mov los tej yam khoom noj xwb. Tiam sis nws tseem muaj lwm yam kev yoo uas muaj nuj nqes rau peb. Xws li yog yus nyiam nyiam saib TV heev thiab saib tas mus li, mas yus txiav txim tias yuav tsis saib TV li ib ntus los yog saib ib xuab moo ib hnub xwb. Los yog yus tsis nyiam teev ntuj hauv vaj hauv tsev li, yus yuav qee sij hawm los teev ntuj kom ntau dua qub. Los yog yus tsis nyiam pab neeg kiag li, ces lub caij no yus yuav xyaum pab luag kom ntau dua. Los tej zaum yus yog ib neeg nyiam hais lus xaiv, los yog npau taws sai, ces yus ho xyaum kaw qhov ncauj ntau los yog xyaum ua siab ntev tshaj qub. Lub Caij 40 no yog ib lub caij uas peb xyaum hloov peb tus kheej kom peb ua tau ib tug neeg zoo tuaj, txawj nyiam Tswv Ntuj thiab txawj nyiam luag tshaj qub tuaj. Peb hu tau tias nws yog ib lub caij rau yus rov txhim kho yus tus kheej, npaj yuav nrog HT Yes Xus sawv rov los ua ib tug neeg tshiab thaum lub caij Hla (Easter).


    Lub Caij 40 kuj yog ib lub caij uas peb nco txog HT Yes Xus tau mus yoo mov tau 40 hnub 40 hmo nyob teb chaws suab puam. Nws tshaib plab, dab ntxwj nyoog kuj tau tuaj ntxias nws. Tiam sis nws yeej ntxwj nyoog tej lus haub lus ntxias. Peb yuav thov HT Yes Xus pab peb peb thiaj yuav kho tau peb tus kheej thiaj yeej peb tej kev tsis zoo. Vim tej yam li kuv piav saud, yeej tsis yooj yim ua li. Yog Tswv Ntuj lub txiaj ntsim pab peb kom peb txiav tau siab tawv qhawv mas peb thiaj yuav ua tau xwb.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hnub Txais Tshauv thiab Caij 40

    Post  Mim on 19th February 2010, 3:08 pm

    Cov phooj ywg sawv daws,

    Peb twb pib lub Caij 40 tau ob peb hnub no lawm. Hnub Plaub Txais Tshauv ntawd peb kuj tau yoo mov caiv nqaij tej. Hnub no los yog Hnub Rau (Friday), kev cai peb kuj caiv nqaij thiab... nyaj sawv daws nco ntsoov caiv lawm thiab lau...

    Kuv lam tuaj tham pem me ntsis... Kuv xav nug nej tias ua li nej yoo mov los nej caiv nqaij puas nyuaj thiab os?... Kuv hais qhia rau nej tias cas kuv li mas kuv yoo los caiv nyuaj nyuaj kawg li tiag. Hnub tsis yog caiv mas txawm nyob ib tav su tsis noj dab tsi los tsis nco qab txog zaub mov li thiab tsis nco tshaib li. Tiam sis hnub twg yus hais tias hnub no kuv yuav yoo mov me ntsis no xwb mas sawv los ib pliag xwb ces plab twb quaj zom zaws hos twb xav xav mus noj mov rau li lawm tiag... Ntxwj nyoog mas nyas ntshis yuav thawb yus yuav ua kom yus ntog xwb tiag....

    Nyem no twb yog tsis muaj kev yoo ntau li yav thaud lawm. Ua ntej lub Rooj Ncauj Lus Vatican II mas Koom Txoos Kas Tos Liv txoj cai yeej kom peb cov ntseeg yuav tsum caiv nqaij niaj Hnub Rau (every friday) tas mus li thawm niaj thawm xyoo. Tiam sis txij Vatican II los mas zoo li lub Koom Txoos cia rau cov Tswv Qhia (Bishop Conference) ua tus txiav cai rau lawv lub teb chaws coj. Nyob Mes Lis Kas, the US Conference of Catholic Bishops tau thov cai tim Vaj Qhia kom pub cov ntseeg nyias txiav txim nyias, saib nyias yuav caiv los yuav yoo zoo li cas. Vim li ntawd nyob Mes Lis Kas tsis muaj caiv nqaij Hnub Rau nyob nruab xyoo lawm, tsuas yog caiv thaum lub Caij 40 no xwb.

    Tiam sis txoj kev yoo mov thiab caiv nqaij los caiv lwm yam yog ib txoj kev muaj txiaj ntsim ntau rau yus tus kheej thiab rau ntiaj teb neeg. Nram no mus kuv yuav muab ib co messages uas yog Niam Mab Liab tuaj hais nyob Medjugorje, nws hais txog txoj kev yoo mov. Nws tsis yog kom yoo mov los caiv nqaij Hnub Rau xwb, nws tseem hais kom yoo mov caiv nqaij rau Hnub Plaub (Wednesday/Mercredi) thiab. Ib lis piam nws nyiam kom peb yoo mov ob hnub. Nws hais tias kom noj bread thiab haus dej xwb no. Qhov kev yoo no, tsis yog lub Koom Txoos txoj cai. Yog li ntawd leej twg tuaj yeem yoo nws mam yoo xwb, cov tsis ntseeg thiab tsis xav yoo, peb kuj yuav muab txim tsis tau rau lawv. Txoj kev yoo uas Niam Mab Liab hais no, yog nyob ntawm nyias xaiv nyias xwb.

    Kuv thov txim vim kuv tsis tau muab cov messages nram no los txhais ua lus Hmoob, kuv tso ua lus Aas Kiv thiab lus Fab Kis ua ntej tso.



    END OF AUGUST 1981:
    "Which is the best fasting?"
    A fasting on bread and water
    I am the Queen of Peace. (L.1, 98 and 187; MM6).

    TUESDAY, DECEMBER 8TH 1981

    (Feast of the Immaculate Conception).
    Responding to a question from the seers with respect to their future:
    I would like for all of you to become priests and religious, but only if you desire it. You are free. It is up to you to choose. (L1, 136).
    If you are experiencing difficulties or if you need something, come to me. (K.72).
    If you do not have the strength to fast on bread and water, you can give up a number of things. It would be a good thing to give up television, because after seeing some programs, you are
    distracted and unable to pray. You can give up alcohol, cigarettes and other pleasures. You yourselves know what you have to do.
    (T. 55).
    On this day of the Feast of the Immaculate Conception,
    the Gospa was serious; she knelt down with arms extended while praying:

    My beloved Son, I beseech you to be willing to forgive the world its great sin through which it offends you. (C 53).

    AUGUST 14, 1984:
    This apparition was unexpected. Ivan was praying in his house and then
    started getting ready to go to church for the evening service, when Our
    Lady appeared to him and asked him to relate this message to the
    people:
    "I ask the people to pray with me these days. Pray all the
    more. Fast strictly on Wednesday and Friday. Say every day at least one
    Rosary: Joyful, sorrowful and glorious mysteries." Our Lady asked the
    people to accept this message with a firm will.
    She especially requested this of the parishioners and the faithful of the surrounding places.



    SEPTEMBER 4, 1986:
    "Dear children; Today, again, I am calling you to prayer and fasting.
    You know, dear children, that with your help I can do everything and
    force Satan not to seduce people to evil and to remove him from this
    place. Satan, dear children, watches for every individual. He
    particularly wants to bring confusion to every one of you. Therefore,
    dear children, I ask that your every day becomes prayer and complete
    surrender to God. Thank you for your response to my call."

    DECEMBER 4, 1986:
    "Dear children; Today also, I invite you to prepare your hearts for
    these days when the lord is about to purify you in a special way from
    all the sins of your past life. Dear children, you cannot do it by
    yourselves; and, for that reason, I am here to help you. Pray, dear
    children! That's the only way you will be able to recognize all the
    evil that dwells in you and abandon it to the Lord so that He may
    purify your hearts completely. So, dear children, pray without ceasing
    and prepare your hearts in penance and fasting. Thank you for your
    response to my call."



    APRIL 25, 1992:
    "Dear children, today also I invite you to prayer. Only by prayer and fasting
    can war be stopped. Therefore, my dear little children, pray; and by
    your life give witness that you belong to me, because Satan wishes, in
    these turbulent days, to seduce as many souls as possible. Therefore, I
    invite you to decide for God and He will protect you and show you what
    you should do and which path to take. I invite all of those who have
    said "yes" to me to renew their consecration to my Son, Jesus, and to
    His Heart and to me, so we can take you more intensely as instruments
    of Peace in this unpeaceful world. Medjugorje is a sign to all of you
    and a call to pray and live the Days of Grace that God is giving you.
    Therefore, dear children, accept the call to prayer with seriousness. I
    am with you and your suffering is also mine. Thank you for having
    responded to my call."

    MARCH 25,1998:
    "Dear children! Also today I call you to fasting and renunciation. Little
    children, renounce that which hinders you from being closer to Jesus.
    In a special way I call you: Pray, because only through prayer will you
    be able to overcome your will and discover the will of God even in the
    smallest things. By your daily life, little children, you will become
    an example and witness that you live for Jesus or against Him and His
    will. Little children, I desire that you become apostles of love. By
    loving, little children, it will be recognized that you are mine. Thank
    you for having responded to my call."

    ============================================



    Message, 14. août 1984
    Cette apparition est inattendue. Ivan prie chez lui, puis il se prépare
    à aller à l'église pour l'office du soir. La Gospa lui apparaît alors
    de façon imprévue et elle demande qu'il transmette ce message au monde:
    «Je
    voudrais qu'en ces jours le monde prie à mes côtés le plus possible.
    Que les gens jeűnent sévèrement mercredi et vendredi. Enfin que tous
    prient chaque jour au moins le Rosaire: les mystères joyeux, douloureux
    et glorieux.
    »

    La Gospa a demandé que nous acceptions ce message avec une volonté
    ferme. Elle demande cela particulièrement aux paroissiens et aux
    fidèles des environs.

    Message, 4. septembre 1986
    «Chers enfants, aujourd'hui encore, je vous appelle à la prière et au jeűne.
    Sachez, chers enfants, qu'avec votre aide, je peux tout faire, et
    empêcher Satan de vous attirer au mal et l'éloigner de cet endroit.
    Satan, chers enfants, guette chacun d'entre vous. C'est en particulier
    dans les choses de tous les jours qu'il veut semer le trouble en
    chacun. C'est pourquoi, chers enfants, je demande que votre journée
    soit uniquement prière et abandon total à Dieu. Merci d'avoir répondu à
    mon appel.
    »

    Message, 4. décembre 1986
    «Chers enfants, aujourd'hui encore, je vous demande de préparer vos cours pour
    ces jours durant lesquels le Seigneur veut particulièrement vous
    purifier de tous les péchés de votre passé. Chers enfants, vous ne
    pouvez pas y arriver seuls. Je suis donc là pour vous aider à prier,
    chers enfants; seulement ainsi pourrez-vous reconnaître tout le mal qui
    est en vous et le donner au Seigneur pour qu'il purifie entièrement vos
    cours. C'est pourquoi, chers enfants, priez sans arrêt et préparez vos
    cours par le sacrifice et le jeűne. Merci d'avoir répondu à mon appel.
    »

    Message, 25. avril 1992



    «Chers enfants, aujourd'hui encore je vous invite à la prière. C'est seulement
    par la prière et le jeűne que la guerre peut être arrêtée. C'est
    pourquoi, mes chers petits enfants, priez et témoignez par votre vie
    que vous êtes miens et que vous m'appartenez. Car Satan, dans ces jours
    agités, désire séduire le plus d'âmes possible. C'est pourquoi je vous
    invite à vous décider pour Dieu, il vous protégera et vous montrera ce
    que vous devez faire, et quel chemin emprunter. J'invite tous ceux qui
    m'ont dit "oui" à renouveler leur consécration à mon Fils Jésus et à
    son cour, et à moi-même, de telle sorte que nous puissions vous prendre
    plus intensément comme instruments de paix dans ce monde sans paix.
    Medjugorje est un signe pour vous tous, et une invitation pour vous à
    prier et à vivre les jours de grâce que Dieu vous donne. C'est
    pourquoi, chers enfants, saisissez cet appel à la prière avec sérieux.
    Je suis avec vous et votre souffrance est aussi la mienne. Merci
    d'avoir répondu à mon appel.
    »

    Message, 25. mars 1998
    «Chers enfants, aujourd'hui encore je vous appelle au jeűne et au renoncement.
    Petits enfants, renoncez à ce qui vous empêche d'être plus proches de
    Jésus. Je vous appelle d'une manière toute particulière: priez, car ce
    n'est que par la prière que vous pourrez vaincre votre volonté et
    découvrir la volonté de Dieu jusque dans les plus petites choses. Par
    votre vie quotidienne, petits enfants, vous deviendrez un exemple et
    vous témoignerez que vous vivez pour Jésus, ou contre Lui et sa
    volonté. Petits enfants, je désire que vous deveniez apôtres de
    l'amour. A votre amour, petits enfants, on reconnaîtra que vous êtes à
    moi. Merci d'avoir répondu à mon appel.
    »

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hnub Txais Tshauv thiab Caij 40

    Post  Npuagtub on 20th February 2010, 2:44 am

    Sister Mim,

    Ua tsaug ntau, koj tso tau ib co lus zoo heev tuaj rau peb tau kawm, kuv xav tias peb tseem muaj coob leej tsis paub txoj tej lus koj tso no.

    Hais txog kev cai caiv nqaij nyob hauv lub caij 40 no mas ntawm kuv mas ho tsis muaj teeb meem dab tsi vim kuv tsuas caiv cov qaij muaj ntshav tsis noj xwb, kuv ho noj lwm yam qaij xws li qaij ntses thiab cws tej ntawd los hloov ces kuv kuj tsis muaj dab tsi nyuaj.

    Sister, kuv lam nug koj es nws tus xub tau txais kev ntseeg los ntev lawm ua li nws xav li cas rau cov neeg muaj txoj kev ntseeg zoo, ua tej kab ke caiv zoo heev raws li txoj cai tiag tiam sis ho tsis muaj lub siab nyiam thiab hlub luag tej lawv tsuas hlub txij li lawv tus kheej xwb no es txoj kev lawv ntseeg thiab caiv ntawd puas yuav muaj txiaj ntsim pab tau lawv thiab..?



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hnub Txais Tshauv thiab Caij 40

    Post  Maiv Tooj on 20th February 2010, 6:12 am



    Nyob zoo Mim thiab XH. Npuag Tub,

    Mim,

    Ua tsaug ntau rau nws cov lus tshaj xo no.

    Ib txwm Niam Mab Liab yeej hais tsis tseg tias kom rau siab Teev Ntuj, rau siab Teev Ntuj.
    Tab sis tus Tuaj kub ntxias tas zaj tas zog, ces leej neeg lub zog muag zuj zus, yuav tsum rov ywg Tswv ntuj cov tshuaj tsis tseg mas neeg thiaj yuav mauj zog tib thaiv kev ntxias, kev tshoj siab.

    Mim aw...! Cas nws hais li kuv thiab. Ua cas thaum tsis yog lub Caij 40 nov, yoo nqaij, yoo mov ib hnub lo kuj tsis tshaib plab li thiab. Cas nag hmo es kuv yuav tshaib plab ua luaj li tiag...! Hahahah...! Kuv tshaib plab ua rau kuv tus ntxhais ntxawm cia li ceeb kuv li lawm. Vim kuv tsis noj ntau, ib txwm kuv tsis hais tias kuv tshaib plab no ib zaug li. Nag hmo thaum tsaus ntuj noj hmo mas kuv tshaib tshaib plab uas kuv noj sam lav, kib Frenh Frite, ntse kib thiab tseem ib lub Feuilleté au fromage thiab tiag...hahahaha...Tsis tau noj dua ib zaug mov ntau npaum no li...Taig kis no sawv los naj tseem pom koj hais li nov thiab...Tab sis teb koj tsis yeej ces mus hauj lwm lawm...Ntshe yog ua li koj hais, Dab Phem los ntxias kom yus txhob yoo xwb tiag lauj. Tej no yog tsis muaj kev sib fim, sib qhia mas ntshe yuav xav tsis txog thiab kuj txaj muag tham thiab ces yeej tsis paub qhov tseeb li.





    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hnub Txais Tshauv thiab Caij 40

    Post  Mim on 20th February 2010, 7:00 am

    XH Npuag Tub, thiab tais Tooj,

    XH Npuag Tub, yog kuv caiv li lub Koom Txoos qhia xwb mas yeej tsis nyuaj li thiab tiag, tsuas txhob noj nqaij es muab nqaij ntses pauv xwb mas zoo li tsis yog caiv li. Tiam sis tos kuv hais tias nyuaj rau kuv yog vim kuv xav xyaum yoo raws li Niam Mab Liab qhia es noj bread thiab haus dej xwb. Ua li ntawd mas nyuaj tiag tiag li hos. Ntshai tsis nyuaj rau lwm tus tiam sis nyuaj rau kuv heev, vim noj bread mas niag hnov qaub qaub xwb yeej tsis xav noj li. Kuv twb sim noj mov ntse dej lawm, nojh li no los yus Hmoob noj kam kuj tsis nyuaj pes tsawg thiab. Qhov nyuaj tshaj rau kuv yog noj bread thiab haus dej xwb tiag. Tej zaum cov nyob Fab Kis, lawv muaj bread bagutte qab qab, yuav tsis nyuaj heev rau lawv... Hahaha!...

    Hais txog ntawm qhov koj nug tias cov neeg uas ua tej kab ke caiv zoo heev tiam sis ho tsis muaj kev hlub luag no, lawv txoj kev caiv ntawd puas muaj txiaj ntsim dab tsi rau lawv, mas kuv hais rau koj tias kuv yuav tsis txawj txiav txim tias muaj los tsis muaj txiaj ntsim rau lawv, vim kuv twb tsis pom tsis paub hauv lawv lub siab. Tej zaum lawv muaj ib qho excuse ua rau lawv thiaj coj tus cwj pwm li lawv coj ntawd. Tej zaum lawv twb xyaum kawg nkaus los lawv tseem pauv tsis tau tau lawv tus cwj pwm. Tej zaum lawv twb tsis ras txog los tsis paub txog tias lawv coj ib tug cwj pwm zoo li ntawd li los muaj. Yog li ntawd mas tej zaum yeej muaj nqes kawg rau lawv los kuv tsis paub li. Kuv xav hais tias yog Tswv ntuj thiaj li yuav txiav txim tau rau lawv xwb.

    Tiam sis ntawm peb mas peb yog ib tug neeg ntseeg, yog peb pom ib tug twg coj li ntawd, peb muaj feem cuam yuav tsum pab lawv. Yog peb paub lawv zoo ces peb ntxhi me ntsis rau lawv pob ntseg saib lawv puas kam pauv. Yog peb xav pab lawv tiag tiag, qhov zoo tshaj yog qhov yuav tsum thov ntuj rau lawv tsis tseg. Tej zaum tseem yuav tsum ua kev yoo mov tib si ua ke thiaj pab tau lawv. Yog xav mus daws txhaum txais Yes Xus lub Cev tib si los pab lawv los haj yam zoo xwb. Ua ob yam peb yam yuav muaj zog dua ua ib yam xwb.

    Ntawm no yog ib qhov hais "general" txog ntawm kev ua zoo tiam sis tsi muaj kev hlub nrog. Yog leej Ntshiab Paj Lug hais nyob hauv nws tsab ntawv 1Kos Lis Nthos 13: 1-3:

    1 Yog kuv txawj hais ntau haiv neeg cov lus thiab txawj hais Ntuj cov tshiab cov lus tib si, tab sis kuv tsis muaj ib lub siab nyiam, mas kuv tsuas yog ib lub nruas tooj nrov dag, thiab ib lub nruas npuaj ncha ncha xwb.
    2. Yog kuv txawj ua yaj saub, los kuv paub tas ib puas tsav yam lus tob, ib puas tsav yam txuj ci, thiab kuv lub siab ntseeg loj heev, txawm kuv lub siab ntseeg tshem tau tej lub roob rau lwm qhov, tab sis yog kuv tsis muaj ib lub siab nyiam mas kuv tsis muaj nqis dab tsi.
    3. Yog kuv muab kuv lub cuab tam huv tib si los faib rau cov neeg pluag, thiab muab kuv lub cev hlawv, yog kuv tsis muaj ib lub siab nyiam, mas txhua yam ntawd tsis nqa ib qho dab tsi zoo los rau kuv.



    Tais Tooj ai,

    Tos kuv hais li ntawd los kuv yeej ua li ntau xwb os... thaum tsis yog hnub mas kuj tsis luaj twg, thaum yog hnub mas cuag li nim tshaib tshaib nqhis nqhis kawg li... Kuv hais rau koj hais tias peb yuav tsum tsis txhob yoo kom ho tshaib dhau tsis muaj zog kiag lawm thiab. Raws li kuv mas yav sawv ntxov kuv tsis nyuaj dab tsi li. Tiam sis thaum tav su yuav tsum noj ib pluag kom tsau nyob nyog. Hnub qaij thiab tsaus ntuj, yus kaws me ntsis bread los noj ib qho mov ntse dej rau kom yus txhob mus txog qhov tshee xwb os. Ua li no no raws kuv ua mas yus kuj nyob taus nyog thiab. Thaum i kuv ua li koj hais yoo ib hnub mov mas tsaus ntuj mas tshee yuav thiab tshaib plab tiag tiag li noj mas dhuas mov xwb os. Kuv xav hais tias Tswv Ntuj tsis xav kom peb ua li ntawd. Peb yuav tsum ntsuas peb lub zog ua thiab.


    Last edited by Mim on 20th February 2010, 1:00 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hnub Txais Tshauv thiab Caij 40

    Post  Maiv Tooj on 20th February 2010, 7:13 am



    Hnub 4 Txais Tshauv & Lub Caij plaub Caug (kev yoo thiab caiv nqaij mov)





    Ua ntej yuav noj mov nej hais zaj thov ntuj yooj yooj yim nov:

    "Huab Tais, thov koj foom Hmoov zoo rau peb, thov koj foom hmoov zoo rau cov txhiam laj txhiam xwm peb txais ntawm koj txhais tes los. Ua li."

    Keev Yoo thiab caiv:



    Yoo:

    Yog noj ib hnub ib pluag mov tseem ceeb. Thiab noj me ntsis thaum sawv ntxov thiab tsaus ntuj.

    Caiv:

    Caiv nqaij thiab kua nqaij hau xyaw zaub ( nqaij ntses, roob ris, cw los piag deg noj tau).

    Hnub yoo thiab caiv:

    Yuav tsum caiv ( hnub nyug 21-60 xyoo), tsis cai, kuj yog ib qho txhaum loj heev:

    - Hnub 4 Txais Tshauv
    - Hnub 6 Ntshiab
    - Hnub ua ntej Hmoov Leej Ntshiab Mab Liab Dawb Huv ( Tim 7 lub 12 hlis)
    - Hnub ua ntej Hmoov Yes Xus Yug Los (24 lub 12 hlis).

    - Dua li 4 hnub uas lub Koom Txoos xav kom cov ua tau ua raws cov kev cog lus qub:

    Yoo mov txhua hnub txij ntua Hnub 4 Txais Tshau txog ntua rau Hnub 7 Ntshiab, tseg kiag cov Hnub Chiv), thiab cov Hnub 4-lub caij, xws li ua ntej Hnub Leej Ntuj Plig Nqes los thiab ua ntej hnub Hmoov cov Leej Ntshiab.

    Hnub caiv:

    - Txij ntua hnub nyug 7 xyoo, yuav tsum caiv. Yog tsis cai, yog ib qho txhaum loj.

    Caiv txhua Hnub 6 hauv nruab xyoo.

    - Tshaj ntawm cov Hnub 6, Lub Koom Txoos xav kom cov ua tau caiv:
    Hnub 7 Lub Caij 40, cov Hnub 4-Lub Caij, cuv Hnub ua ntej Hmoov Leej Ntuj Plig nqes los thiab Hmoov cov Leej Ntshiab.



    Yoo ua ntej yuav txais lub Cim Yug ( Yes Xus lub cev), yog tsis caiv, ua txhaum loj heev:

    - Ua ntej 3teev, tej yam zaub mov tawv thiab dej haus muaj cawv,
    - Ua ntej 1teev, Tag nrho tej dej qab zib tsis muaj cawv.
    - Dej thiab tshuaj noj tsis muaj ciam.

    Yog vim txoj kev Hwm lub Cim Yug Ntshiab, lub Koom Txoov xav kom cov ua tau, raws kev cog lus qub:
    Txhob noj thiab haus dab tsi kiag li txij ib tag hmo los mam txais lub Cim Yug.


    Yes Xus hais tias:

    "Yog nej nyiam kuv, mas nej yuav coj
    rawv kuv cov lus qhia."
    : Zam Ntawv Moo Zoo, XIV,15






    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hnub Txais Tshauv thiab Caij 40

    Post  Npuagtub on 20th February 2010, 11:13 am

    Sister Mim thiab Mt,

    Wow....! Neb mas thiab li yog zoo li lo lus tej laus ib txwm hais tias tus noj ntau diav mov yeej paub ntau qhov no tiag. Zoo kawg thiab muaj nqis heev rau peb cov ntseeg yuav tsum tau paub. Kuv los tseem muaj tej yam neb sau kuv twb tsis tau hnov dua thiab os nkawd.

    Hais txog kev yoo mov mas kuv tsis yoo li neb hais ces thiaj li yooj yim heev rau kuv, vim kuv tsuas yoo li kuv txoj kev ntseeg xwb, txawm tsis tsim nyog rau kuv los xij vim kuv tsis muaj peev xwm ua tau tshaj. Kuv ua hauj lwm ntau xuaj moos dhau, yog yus tsis noj tej yam ua kom yus lub cev muaj zog mas yuav muaj teeb meem rau yus lub cev.
    Yog li no lub koom txoos thiaj li tso cai xoob rau cov ntseeg sawv daws. Kuv txaus siab rau neb cov zaj lus hnub no heev, kuv nyiam kom peb tuaj tham txog tej yam nyob hauv kev ntseeg zoo li no ntau xwb es peb thiaj li tsis muaj kev ntxhov siab.

    Yog peb tsis tham txog kev ntseeg tej cai los yog tej txuj ces peb lub siab yuav ua ywj fab ywj fwj mus qaug luag lwm tus tej lus hau peb lub hlwb mus rau lawv tej txuj dag kom peb lub siab khiav deb ntawm peb txoj kev ntseeg.



    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hnub Txais Tshauv thiab Caij 40

    Post  Maiv Paj Lug on 21st February 2010, 12:51 am

    Nyob zoo Mim, Maiv Tooj, XH Npuagtub, ua tsaug ntau nej tau txhais hnub 40 yoo mov.

    Nej tuaj qhia tau zoo kawg nkaus li, kuv ces kuv nyuam qhuav kawm tau yoo nqaij yoo mov hnub caiv 40 tau 3 xyoos los no xwb, ua ntej kuv twb tsis paub tias yoo mov hnub 40 yuav tseem ceeb npaum cas rau kuv.

    Txij thaum kuv tau pom Tswv Ntuj lub txiaj ntsim tas, kuv mam li txiav txim siab mus Teev Ntuj txhua hnub Chiv, kuv kawm tau ntau yam ntawm Tsev Teev Ntuj, dua li ces kuv kuj los tshawb fawb kam hauv cab sab pab kuv thiab, 3 xyoos dhau los kuv tau yoo thawj zaug hnub 40 thiab txhua txhua hnub friday kuv yeej tsis noj mov. Txog hnub Friday Ntshiab tsaus ntuj kuv pw kuv tau ua Passion Of Christ li 2 nas this. Thaum kuv muaj Pässion Of Christ mas kuv thiaj paub tias lub caij 40 tseem ceeb npaum cas rau kuv.

    Txij li ntawv los niaj xyoo kuv yeej nco ntsoov yoo lub caij 40. Hnub 4 caij 40 kuv tau mus txais lub cim tshauv kuv tau noj ib pluag mov me me nrog zaub kib thiab mov nkaus xwb tsaus ntuj kuv tsis tshaib plab li lawm, lub week tag los no ces kuv yeej noj ib hnub ib pluag mov nkaus xwb. Lub week tuaj no yog kuv tsis tshaib plab li lub week tag los no ces kuv yuav noj ib pluag mov nkaus thiab xwb, nws tsis yog kuv txhob txwm tab sis kuv lub cev yeej tsis tshaib plab, yeej tsis ua rau kuv nqhis mov los nqhis dej. Hnub no kuv tsis tau noj dab tsi kuv tsis tshaib plab li thiab, kuv txawm tsis tshaib plab los kuv noj ib qho mov me me thaum tav su ces kuv lub cev yeej nyob tau tsis tshaib txog rov tag kis.

    Kuv yeej niaj xyoo muaj li no tau 3 xyoos los lawm, kuj tsis paub tias xyov ua li cas txog lub caij 40 kuv yeej tsis tshaib plab, dua li ces dhau caij 40 thiab tsis tau txog mas kuv kuj tshaib plab npaum li Maiv Tooj hais. Yog tias kuv txhob work mas tej zaum kuv yuav tsis noj mov 40 hnub los yeej tau vim tias kuv yeej tsis hnov tshaib plab tiag tiag li os cov phoojywg.
    Muaj ib zaug kuv tsis tshaib plab tau 4 hnub nkaus, dej los tsis haus ua rau kuv tsev neeg ntshai thiab cem kuv heev tab sis kuv lub zog yeej tsis ntaug thiab kuv yeej tsis hnov sab tsis hnov tsaus muag, lawv ntshai kuv heev lawv coj kuv mus rau tim Hopital Psychiatrique, 1 hnub ib hmos kuv tsis xiam hlwb thiab kuv normal ntshav khiav zoo lawv kuj coj kuv rov los tsev, kuv xav xav thiaj tau noj mov me me kom lawv txhob ua ntsus ntshai kuv hwv lawm xwb tiag.

    Caij 40 2010 nov thov kom Tswv Ntuj nrog nej nyob ua nej siab kaj lug.

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hnub Txais Tshauv thiab Caij 40

    Post  Npuagtub on 21st February 2010, 2:24 am

    Sister Mp,

    Hais txog lub caij 40 mas nws yeej muaj ntau yam zoo thiab tseem ceeb rau peb sawv daws, yog ib lub sij hawm luv luv sim peb txhua leej lub siab kom peb rov paub peb tus kheej tias niaj hnub no peb txoj kev ntseeg zoo li cas? peb kev nrog Huab Tais Yes Xus tau phooj ywg ze npaum li cas?

    Mp. cas nws kev yoo mov ho zoo txawv peb li. Kuv mas ho muaj ntsi zoo li Mim thiab Mt. nkawd hais. Nyob hauv lub caij 40 mas kuv qab qab los noj mov li, noj npaum li cas los zoo li pheej tseem xav noj tas zog. Ib hnub mas xav noj 3/4 pluag mov. Txawm li cas los xij, peb nyias muaj nyias lub cev thiab roj ntsha tsis sib xws, Tej zaum nws tseem hluas ces nws lub cev tej roj ntsha tseem muaj zog ces nws tsis need mov zaub ntau los nws yeej nyob taus.

    Kuv lam piav ib qho story rau nej, 3 xyoos dhau los muaj ib xyoos thaum txog hnub ua hmoov txais tshauv, kuv leej nkawm thiab wb cov me nyuam peb sawv daws mus txais tshauv rau lub txoos teev ntuj thaum yav 6:30pm. tom qab peb txais tshauv tas los txog tsev ces kuv hais rau kuv cov me nyuam tias kom cia lawv lub cim ntoo cuam tshauv nyob ib hmos mus txog tag kis tso mam li ntxuav, ces peb sawv daws txawm pw ntxov hauj sim thaum peb pwb txog ib tag hmo ces kuv txawm hnov kuv leej nkawm nti nti thiab maj mam qw qw ces ib pliag xwb nws tsim ces nws sawv zaum kiag,nws txawm tsav kuv tan sis nws hais tias muaj dab tsi lo saum nws hauv pliaj lawm hnov ua daim tawv hauv pliaj tshee ib laim ib laim mas nws ntshai heev ces nws mus muab ntxuav kiag tas na cia li tsis hnov qhov niag ua laim tawv nqaij tshee tshee ntawd lawm. Txij li ntawd ces nws tsis kam peb mus txais tshauv rau yav lub txoos 6:30 pm lawm. Mp. nej sim nrog kuv xav saib yog tim li cas ho ua zoo li ntawd rau kuv leej nkawm? Kuv hais rau kuv leej nkawm tias tej zaum yog Huab Tais Yes Xus xav qhia kom nws paub tias nws yeej nrog peb nyob txhua lub sij hawm xwb.



    Photobucket

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Hnub Txais Tshauv thiab Caij 40

    Post  Yaj Suav Nus on 21st February 2010, 2:47 am

    Nyob zoocov phooj ywg txhua tus,
    Hais txog txoj kev caiv los yoo no mas yog lub koom txoos Cathlique qhia, raws li kuv tus kheej mas tus cai caiv los yoo no yog ib txog kev rau cov neeg ntseeg taug los yog ua raws kom tau pab tig los ua neeg zoo, daws txhaum, them txim thc... Hos ntawm kuv mas tsis yog lub caij 40 no xwb thiaj li yuav tsum caiv, txhua hnub los yog txhua hli peb yeej muaj txoj kev caiv, kev caiv no mas Mim twb hais meej kawg lawm. Kuv nyiam Yes Xus lo lus tias "tsis yog tej yam nkag hauv neeg lub ncauj ua kom neeg tsis huv, yog yam tawm hauv neeg lub ncauj los ua kom neeg tsis huv" MT 11. Yuav tau caiv thiab tab sis tsis txhob rau txim rau lub cev ntau dhau tsam lub cev ua mob cev ho poob mus rau qhov yuam kev tias "ua npaum no ntuj tseem tsis pab thiab".
    Sis ntsib dua lwm zaus.

    Y.Suav Nus

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hnub Txais Tshauv thiab Caij 40

    Post  Maiv Paj Lug on 21st February 2010, 7:22 am

    Npuag Tub wrote:Sister Mp,

    Hais txog lub caij 40 mas nws yeej muaj ntau yam zoo thiab tseem ceeb rau peb sawv daws, yog ib lub sij hawm luv luv sim peb txhua leej lub siab kom peb rov paub peb tus kheej tias niaj hnub no peb txoj kev ntseeg zoo li cas? peb kev nrog Huab Tais Yes Xus tau phooj ywg ze npaum li cas?

    Mp. cas nws kev yoo mov ho zoo txawv peb li. Kuv mas ho muaj ntsi zoo li Mim thiab Mt. nkawd hais. Nyob hauv lub caij 40 mas kuv qab qab los noj mov li, noj npaum li cas los zoo li pheej tseem xav noj tas zog. Ib hnub mas xav noj 3/4 pluag mov. Txawm li cas los xij, peb nyias muaj nyias lub cev thiab roj ntsha tsis sib xws, Tej zaum nws tseem hluas ces nws lub cev tej roj ntsha tseem muaj zog ces nws tsis need mov zaub ntau los nws yeej nyob taus.

    Kuv lam piav ib qho story rau nej, 3 xyoos dhau los muaj ib xyoos thaum txog hnub ua hmoov txais tshauv, kuv leej nkawm thiab wb cov me nyuam peb sawv daws mus txais tshauv rau lub txoos teev ntuj thaum yav 6:30pm. tom qab peb txais tshauv tas los txog tsev ces kuv hais rau kuv cov me nyuam tias kom cia lawv lub cim ntoo cuam tshauv nyob ib hmos mus txog tag kis tso mam li ntxuav, ces peb sawv daws txawm pw ntxov hauj sim thaum peb pwb txog ib tag hmo ces kuv txawm hnov kuv leej nkawm nti nti thiab maj mam qw qw ces ib pliag xwb nws tsim ces nws sawv zaum kiag,nws txawm tsav kuv tan sis nws hais tias muaj dab tsi lo saum nws hauv pliaj lawm hnov ua daim tawv hauv pliaj tshee ib laim ib laim mas nws ntshai heev ces nws mus muab ntxuav kiag tas na cia li tsis hnov qhov niag ua laim tawv nqaij tshee tshee ntawd lawm. Txij li ntawd ces nws tsis kam peb mus txais tshauv rau yav lub txoos 6:30 pm lawm. Mp. nej sim nrog kuv xav saib yog tim li cas ho ua zoo li ntawd rau kuv leej nkawm? Kuv hais rau kuv leej nkawm tias tej zaum yog Huab Tais Yes Xus xav qhia kom nws paub tias nws yeej nrog peb nyob txhua lub sij hawm xwb.

    XH NpuagTub, ntawm kuv tus kheej kuj tsis paub tias xyov ua cas kuv ho tsis hnov tshaib plab luaj twg, zoo li kuv zoo siab hlo ua hmoov hla lawm ces kuv yeej tsis muaj qhov tshaib plab los sis yuav nkees, kev cai caiv nws yuav tsum yog yus ua kev cai zoo siab thiab kaj siab lug, yus txhob muaj kev chim los nsthai tias tsam nyuaj heev rau yus.

    Ntawm koj leej nkawm mas nws nsthai heev tias qhov pleev tshauv tshee tshee laim laim ua rau nws poob siab thiab nsthai heev nws tau sawv mus muab ntxuav, qhov no tej zaum yog dab tuaj kub ua kom nws nsthai, Tswv Ntuj yeej tsis ua kom yus nsthai thiab muab tej yam tseem ceeb tshem ntawm yus mus. Qhia koj leej nkawm tias kom txhob ntshai, yog muaj tej yam txawv li ntawv ua rau nws lawm yeej meem ua siab loj, thaum nws sawv los zaum hu koj ntawv yog neb lam teev ntuj tam sim ntawv mas koj leej nkawm yuav tau txiaj ntsim ntawm Tswv Ntuj vim Tswv ntuj yuav los nplij nws. Kuv twb muaj ntau zaus dab tuaj kub ua phem rau kuv ntshai li koj leej nkawm thiab, thaum ub kuv tseem yoog tsis tau mas kuv nsthai heev li koj leej nkawm, tom qab no kuv yoog tau lawm kuv thov ntuj pab ntxiv kuv yog tej lub caij dab tuaj kub los zes kuv ,kuv ntiab dab tuaj kub kom txav deb lawm kuv ces nws kuj tsum lawm thiab. Li no neb txhob ntshai nawb mog! yeej meem ua siab tawv qhawv rau txhua xyoo rov mus ua cim txais tshauv vim Tswv Ntuj yeej nrog nraim neb nyob.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hnub Txais Tshauv thiab Caij 40

    Post  Mim on 21st February 2010, 8:23 am

    Maiv Paj Lug,

    Koj tau ib lub txiai ntsim pab kom koj yoo taus li koj tuaj piav, peb nrog koj zoo siab thiab qhuas koj xwb, thiab peb nrog koj ua Tswv Ntuj tsaug xwb. Hos peb cov ua tsis tau ces tsuav yog peb xyaum yoo tau kom raws lub Koom Txoos txoj cai xwb twb zoo kawg lawm. Vim yog peb tsis caiv tsis yoo kiag los kuj yog peb hla txoj cai lawm thiab peb ua txhaum rau txoj cai lawm. Tus uas nws muaj peev xwm thiab nws muaj lub zog thiab muaj lub siab txiav txim tau yoo ntau tshaj qhov txoj cai txiav rau peb los haj yam zoo kawg nkaus thiab txaus qhuas xwb os nawb. Nyob hauv Koom Txoos Kas Tos Liv, peb ntseeg txog Tswv Ntuj cov me nyuam ua ke faib Ntuj txiaj ntsim. Nej puas tau xav txog tias yog dab tsi? Raws kuv xav mas yog hais tias, nyob li Maiv Pasj Lug nws txawj yoo tau zoo heev, Tswv Ntuj pub txiaj ntsim koob hmoov ntau rau nws, tiam sis nws muaj cai faib pub tau rau peb sawv daws tib si thiab no. Ces peb kuj nrog nws koom faib Tswv Ntuj txiaj ntsim ntag.

    XH Npuag Tub,
    Kuv kuj xav mus raws li Maiv Paj Lug hais me ntsi txog ntawm koj leej nkawm thiab. Thiab kuv kuj ho xav hais tias puas yog koj leej nkawm nws yeej muaj ib lub siab ua xyem xyav txog qhov kev cai txais tshauv ntawd li cas? Qhov no yog lam piav ua piv txwv xwb ov... vim yog yus lam mus txais tshauv tiam sis lub siab tsis tuag nthi kaj lug hos pheej muaj ib lub siab xav tau txawv txawv li cas txog qhov txais tshauv tej zaum kuj ua li ntawd rau yus thiab los muaj... Txawm li cas los yog thaum ntawd neb ob niam txiv sawv los thov ntuj ua ke kiag saib puas pab li cas no kuj yuav zoo dua. Yog nws cia li tsis kam mus txais tshauv li lawm no, tej zaum nws yeej muaj ib lub siab xav li cas txog kev txais tshauv. Yog nws kam no kom nws rov mus txais dua saib puas ua li lawm mas... Yog nws ntshai los thov ntuj tag mam mus pw, thiab tseem niaj hnub thov ntuj kom yus muaj lub siab loj. Thiab ib qho possibility ntxiv mas puas yog tsam nws ho muaj alergy li cas rau tshauv ne? Mus sim ntxiv hos yog tseem pheej ua li qub mas yuav tau mus kuaj kws tshuaj saib puas yog muaj alergy... Yog thaum paub qhov tseeb lawm ces mus txais tshauv tas xwb yuav tsum muab ntxuav sai sai xwb.

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hnub Txais Tshauv thiab Caij 40

    Post  Npuagtub on 21st February 2010, 2:41 pm

    Sister M & Mp,

    Ua tsaug rau neb cov lus txhawb siab nawv, txhua yam neb sau rau hauv no yeej yog ib co lus zoo muaj txiaj ntsim tuaj pab peb txhua leej.

    Hais txog ntawm kuv leej nkawm mas tsis yog nws tsis kam mus txais tshauv ntxiv lawm, tej zaum yog kuv sau tsis meej xwb, nws yeej tseem mus txais tshauv txhua xyoo, tsuas yog nws tsis kam mus txais rau yav 6:30pm lawm xwb vim yav ntawd ces tsaus ntuj lawm ces txais tas los ces cia li los pw lawm. zaum no peb mus txais rau yav sawv ntxov 10:00am no ces ho tsis muaj dab tsi lawm. kuj tsis tau rov mus sim txais rau yav 6:30pm dua saib ho yuav zoo li cas? Nws kuj tsis muaj qhov lub siab ua xyem xyav txog kev txais tshauv thiab.

    Hnub no peb nyuam qhuav mus teev Ntuj los txog, hnub no peb muaj 7 khub niam txiv twb yog li ib nrab neej lawm, lawv tsis tau ua lub Cim cog lus sib yuav hauv tsev teev Ntuj, ces xyoo no thaum lub 6 hli lawv yuav los txais lub Cim Txhab Zog ces lawv yuav tau ua Ib qho (Marry blessing) ua ntej lawv yuav txais lub Cim Txhab Zog. kuv lam tso ib daim rau hauv no xwb. kuv yuav tso ib ob peb daim rau lub topic Hmoob Catholic nyob Fresno.





    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hnub Txais Tshauv thiab Caij 40

    Post  Maiv Paj Lug on 25th February 2010, 10:09 am

    XH Npuagtub, cov khub niam txiv no lawv ntxim hlub kawg nkaus li, ua tsaug koj tuaj tso lawv daim duab rau peb saib thaum lawv ua lub cim cog lus nawb, saib lawv txawj sib hlub li no mas pom tias Tswv Ntuj nyiam tag siab nrho Tswv Ntuj yuav foom koob hmoov rau lawv kom lawv ua lub neej kom nto ntsis.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hnub Txais Tshauv thiab Caij 40

    Post  Mim on 8th March 2011, 5:28 pm

    Nyb zoo sawv daws!!

    Nej puas nco lawm nab? tias tag kis yog hnub peb txais tshauv no na? Tag kis yog nej muaj sij hawm, mus koom thaj txi ntuj txais tshauv os nawb... Yog Ash Wednesday/Mercredi des Cendres lawm hos... Thiab yog hnub peb yuav tsum yoo mov caiv nqaij, noj tau ib pluag loj, noj ob pluag me txom ncauj kom txhob tshaib tshaib xwb...noj tau nqaij ntses ...


    Last edited by Mim on 9th March 2011, 10:16 am; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hnub Txais Tshauv thiab Caij 40

    Post  Maiv Tooj on 9th March 2011, 10:03 am

    Nyob zoo Mim,

    Ua tsaug koj coj lub Topic nov rov los.

    Hnub no yog hnub pib mus rau 40 hnub uas yuav yuam yus lub siab lov nrhiav txoj kev sib haum xeeb, sib hlub, sib nyiam.

    Yog peb ua tiag, ua tiag pib kiag hnub no mus txog rau hnub 40, mas zoo li tus yees yeeb yees tshuaj uas yus yuav thum tau lawm. Thawj ib ob hnub mas yuav nyuaj heev, ua rau yus nco dawv deev xwb...Tab sis ua tiag nyiaj dhau kiag ntawd ces yuav yoog tau lawm. Lub Caij Plaub Caug nov, yog lub caij uas peb yuav xaiv ib yam ntawm peb los ua kev them txim. Tsis hais kev noj haus,kev lom zem, kev rub siab kom ntev, zam rau luag, kev teev Ntuj kom ntau dua,...Lub caij no yog ib lub caij nyuaj me ntsis, tab sis thov Leej Tswv Yim Ntshiab los pab txhua leej uas lawv xav thum ib yam kom tau raws li lawv tau raws li lub siab xav...





    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hnub Txais Tshauv thiab Caij 40

    Post  Maiv Paj Lug on 9th March 2011, 10:42 am

    Mim wrote:Nyb zoo sawv daws!!

    Nej puas nco lawm nab? tias tag kis yog hnub peb txais tshauv no na? Tag kis yog nej muaj sij hawm, mus koom thaj txi ntuj txais tshauv os nawb... Yog Ash Wednesday/Mercredi des Cendres lawm hos... Thiab yog hnub peb yuav tsum yoo mov caiv nqaij, noj tau ib pluag loj, noj ob pluag me txom ncauj kom txhob tshaib tshaib xwb...noj tau nqaij ntses ...

    Oyoooo.....cas xyoo no es kuv yuav tsis faj li, kuv cia li tsis nco qab mus koom thaj txi ntuj li lawm, thiab hnub no es kuv tseem ci nqaij nyuj noj lawm thiab lauj :;(

    Twb vim yog kuv muaj ntau yam tab kaum kuv dhau li lawm es kuv nov qab li lawm os Maiv Tooj thiab niamlaus Mim aw! :;( , kuv lawb work los ces kuv tseem los tu vaj tu tsev khwv khwv sab sab sab, tas ces kuv muab ntau yam tsav khoom mus hlawv nraum zoov, sov sov thiab ces kuv txawm muab nqaij nyuj los ci noj lawm :;( , tag kis no kuv twb tsis noj nqaij li hos, tiam sis yav tsaus ntuj no ces kuv noj nqaij lawm os :;( :;( :;( .


    Cas lub caij lub nyoog yus khiav sai ua luaj, tib pliag xwb twb rov los txog lub caij ua hmoov hla plaub caug lawm. Kav liam lauj, vim xyoo no kuv muaj ntau yam tab kaum kuv dhau lawm es tsis nco qab faj li lawm, hnub chiv kuv mus teev ntuj, lawv twb hais thiab los tab sis kuv tsis mloog tseeb tseeb li thiab ces thiaj tsis nco qab txog lawm os. Dhau no lawm tov kuv mam li yoo nqaij txhua hnub friday lauj...Thov Tswv Ntuj zam lub txheej rau kuv :!! <3




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hnub Txais Tshauv thiab Caij 40

    Post  Maiv Paj Lug on 9th March 2011, 10:55 am

    Maiv Tooj wrote:Lub Caij Plaub Caug nov, yog lub caij uas peb yuav xaiv ib yam ntawm peb los ua kev them txim. Tsis hais kev noj haus,kev lom zem, kev rub siab kom ntev, zam rau luag, kev teev Ntuj kom ntau dua,...Lub caij no yog ib lub caij nyuaj me ntsis, tab sis thov Leej Tswv Yim Ntshiab los pab txhua leej uas lawv xav thum ib yam kom tau raws li lawv tau raws li lub siab xav...


    Maiv Tooj,

    Twb tsis hais lub caij no li os, cas kuv mloog es xyoo no kiag xwb kuv cia li them txim tsis paub tas li lawm, kev lom zem los tsis khoom mus li, kev ua noj ua haus los tsis khoom ua ib pluas qab noj, lub siab los zoo li cia li ntev ntev ntev tso phluav rau luag tej cem yus es yus ntsais muag tuj toom xwb...li cas los kav liam lauj, yus twb yog ib tug neeg ntse thiab mad, cas xyoo no kiag es yus cia li ruam heev lawm sub mm

    Puas tseem tshuav dab tsi rau kuv them txim ntxiv .... <3




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hnub Txais Tshauv thiab Caij 40

    Post  Npuagtub on 9th March 2011, 1:48 pm

    Nyob Zoo Mp,

    Hahahaaaa......!!!!! Ua cas nws yuav hais tau ntxim hlub thiab tuaj me me neej ros os Mp. Kuv xav tias tseem tshuav ib yam nws tsis tau ua yog li no: Xav kom nws txhob tshaj nws txoj kev them txim rau ntiaj tog qaum pes sawv paws paub tias nws ua.

    Thaum nws them txim txhaum nws yuav ua ib tug neeg zoo siab thiab muaj zog cus plaws ib yam li luag tej, kom xwv luag tej thiaj li tsis paub tias nws them txim txhaum, Huab Tais Yes Xus tau hais tias: Thaum koj yoo mov, txhob pub luag tej paub, koj yuav sia sib khov kho, txhob ua zoo li tus neeg mluas mluas tsis muaj zog. koj yuav ua hauj lwm thiab hom khaj zoo siab pab luag tej, koj yuav cia rau Tswv Ntuj ua tus pom thiab paub txog koj txoj kev them koj cov txim xwb....
    Thov txim yog kuv hais siab koj lawm los thov zam lub txheej nawv tus me muam ntxawm...
    .


    Hlub Caij 40 pib txij Hnub ( Ash Wednesday ) ua hmoov txais Tshauv mus mas muaj 2-3 yam tseem ceeb peb yuav tsum ua:

    1. TEEV NTUJ NTAU LI NTAU TAU.
    2. MUS DAWS TXAUM.
    3. THEM TXIM. YOO NOJ YOO HAUS KOM TSAWG LI TSAWG TAU.
    4. HLOOV PEB TUS KHEEJ UA KOM TXIM TSWV NTUJ SIAB.







    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hnub Txais Tshauv thiab Caij 40

    Post  Mim on 9th March 2011, 7:03 pm

    Maiv Paj Lug wrote:
    Mim wrote:Nyb zoo sawv daws!!

    Nej puas nco lawm nab? tias tag kis yog hnub peb txais tshauv no na? Tag kis yog nej muaj sij hawm, mus koom thaj txi ntuj txais tshauv os nawb... Yog Ash Wednesday/Mercredi des Cendres lawm hos... Thiab yog hnub peb yuav tsum yoo mov caiv nqaij, noj tau ib pluag loj, noj ob pluag me txom ncauj kom txhob tshaib tshaib xwb...noj tau nqaij ntses ...

    Oyoooo.....cas xyoo no es kuv yuav tsis faj li, kuv cia li tsis nco qab mus koom thaj txi ntuj li lawm, thiab hnub no es kuv tseem ci nqaij nyuj noj lawm thiab lauj :;(

    Twb vim yog kuv muaj ntau yam tab kaum kuv dhau li lawm es kuv nov qab li lawm os Maiv Tooj thiab niamlaus Mim aw! :;( , kuv lawb work los ces kuv tseem los tu vaj tu tsev khwv khwv sab sab sab, tas ces kuv muab ntau yam tsav khoom mus hlawv nraum zoov, sov sov thiab ces kuv txawm muab nqaij nyuj los ci noj lawm :;( , tag kis no kuv twb tsis noj nqaij li hos, tiam sis yav tsaus ntuj no ces kuv noj nqaij lawm os :;( :;( :;( .


    Cas lub caij lub nyoog yus khiav sai ua luaj, tib pliag xwb twb rov los txog lub caij ua hmoov hla plaub caug lawm. Kav liam lauj, vim xyoo no kuv muaj ntau yam tab kaum kuv dhau lawm es tsis nco qab faj li lawm, hnub chiv kuv mus teev ntuj, lawv twb hais thiab los tab sis kuv tsis mloog tseeb tseeb li thiab ces thiaj tsis nco qab txog lawm os. Dhau no lawm tov kuv mam li yoo nqaij txhua hnub friday lauj...Thov Tswv Ntuj zam lub txheej rau kuv :!! <3


    Maiv Paj Lug,

    Muaj qee zaum yus yeej cia li looj hlias tsis nco qab li lawm. Tej zaum yog vim yus tsis tshua kub siab txog qhov ntawd ces yus thiaj tsis nco txog. Thaum zoo li no ces yus kawg thov kom Tswv Ntuj zam rau yus xwb. Yog hais tias yus lub siab tsis kaj li no ces yus yuav tau mus daws txhaum kom Tswv ntuj zam rau yus xwb.
    Es txawm ua tau li no lawm los nws mam li yoo nqaij rau txhua hnub Friday hauv lub Caij 40 no mas nawb...

    Qhov tseem ceeb tshaj yog qhov tias yus yuav tsum yoo tsis txhob ua tej yam phem yam tsis zoo uas yus nyiam ua xwb.,

    Thov kom HT Yes Xus pab peb txhua tus kom peb pauv tau peb lub siab phem thiabyoog tau raws li nws lub siab xav....

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hnub Txais Tshauv thiab Caij 40

    Post  Maiv Tooj on 10th March 2011, 3:58 am

    Thaum lub Caij 40 no uas yus xav thum tej yam, tseg tsis ua tej yam kom tau them txim me ntsis. Muaj tej yam mas yus ua tej qhov yooj yooj yim xwb ces yus txiav siab ua li cas los ua tau li ntawd, muaj tej yam uas yus caiv thiab txiav siab nyuaj heev los ua kom tau mas yuav tau thov HT.Yes Xus pab yus thiab yus thiaj yuav muaj peev xwm ua tau tej yam uas luag saib tsis muaj nqes, tab sis yus tso tsis tai tseg. Kuv mloog li Tuaj Kub pheej yuj kom yus ua txhob tau, kom yus poob rau kev txhaum xwb...Li ntawd muaj yam puav mas yus ua yus tus kheej tau, yam puav yus yuav tau kub siab teev Ntuj pab yus thiaj yuav tseg tau. Yog thaum yus txiav tau kiag lawm mas ho zoo li yooj yooj yim xwb.



    Lub caij plaub caug, Yes Xus yoo mov nyob hauv suab puam

    HT.Yes Xus yoo mov nyob hauv Suab Puam, Dab Phem muab pob zeb ntxia ua mov los ntxias HT.Yes Xus noj, zoo ib yam li peb lub neej niaj hnub no, muaj tej yam txhaum uas peb tsi xav ua, tsis xav kom tshwm sim, tab sis peb cheem tsis tau peb lub siab ces peb pheej ua lawm. Thaum zoo li nov mas tej zaud kuj yog los ntawm peb lub siab ua kam, tej zaud kuj yog dab phem yuj peb kom peb pôob rau kev txhaum. Li ntawd yuav tau thov ntuj peb, thov tiag tiag li mas peb yuav ua tau txoj kev ntshiab huv li peb lub siab ntshaw.






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hnub Txais Tshauv thiab Caij 40

    Post  Maiv Paj Lug on 10th March 2011, 7:20 am

    Niamlaus Mim, lub caij no kuv ntsaig vaj ntsaig tsev, khiav ua ntaub ua ntawv thiab muaj ntau yam khuam ua rau kuv ntxov siab qa to ces kuv cia li tsis faj li lawm. Txhua xyoo kuv yeej tos ntsoov lub caij plaub caug nkaus los ua kuv kev them txhaum rau ntawm Tswv Ntuj xwb, tiam sis xyoo no ces yog xyoo ntxhov siab tshaj txhua xyoo lawm ces thiaj li tsis nco qab hnub mercredi de cendre lawm. Cia kuv mam mus daws txhaum thiaj yuav kaj siab, thiab mam los pauj rau cov hnub yuav tuaj tom ntej no. Ua nej txhua tus tsaug ntau rov tuaj qhib lub caij hmoov plaub caug kom txhua tus faj.o)



    XH NpuagTub....ua tsaug nws rov tuaj muab nws me muam luag kom khis tawv me ntsis seb puas hnov mob lauj :D18

    XH NpuagTub zoo siab ntau nws tuaj qhia kuv, kuv hais tias zoo li kuv twb muaj tej yam zoo li ntawv xwb es puas tseem yog them txim lawm los tsis tau yog no xwb od....hahaha, hos yog yuav kom kuv qhia kiag yam kuv ua kiag mus them txhaum mas kuv yuav tsis qhia rau leej twg li lauj, txawm yog kiag ib tug Txiv Plig los kuv yeej tsis mus qhia, vim yam no nws yog ntawm kuv mus rau Tswv Ntuj xwb, hos yog mus daws txhaum lawm no mas mam li qhia yam kuv ua muaj tiag tiag rau Txiv Plig.

    Ntawm kuv ces txawm tau noj qab noj tsuag los kuv yeej tsis paub tias yuav mluas mlob los sis zoo zoo siab li lauj, vim tsis nco qab yuav qhuas tej yam khoom qab qab los sis yuav xaiv tej yam tsuag tsuag ua mluas mlob , kuv ces zoo li khiav rau ub rau no xwb tsis paub muaj caij li ces txawm noj qab noj tsuag los tsuav txhob qaug lub zog rov sawv taus ces yuav khiav ua lwm yam dua xwb. Tiam sis lub caij plaub caug no mas thaum yus caiv yuav nco ntsoov txog Yesxus hnub ntawv. Tsis yog lam yoo kom tas kev cai, tab sis yog yoo txuas kiag rau Yesxus lub cev thiab Yesxus tus Ntsuj Plig: Thov foom koob hmoov rov qab rau Huab Tais Yesxus, Ô kuv tus ntsuj plig. Thov foom koob hmoov rau nws lub npe Ntshiab , Ô kuv lub cev tag nrho. Ua lio) <3

    XH. Npuagtub wrote:Nyob Zoo Mp,

    Hahahaaaa......!!!!! Ua cas nws yuav hais tau ntxim hlub thiab tuaj me me neej ros os Mp. Kuv xav tias tseem tshuav ib yam nws tsis tau ua yog li no: Xav kom nws txhob tshaj nws txoj kev them txim rau ntiaj tog qaum pes sawv paws paub tias nws ua.

    Thaum nws them txim txhaum nws yuav ua ib tug neeg zoo siab thiab muaj zog cus plaws ib yam li luag tej, kom xwv luag tej thiaj li tsis paub tias nws them txim txhaum, Huab Tais Yes Xus tau hais tias: Thaum koj yoo mov, txhob pub luag tej paub, koj yuav sia sib khov kho, txhob ua zoo li tus neeg mluas mluas tsis muaj zog. koj yuav ua hauj lwm thiab hom khaj zoo siab pab luag tej, koj yuav cia rau Tswv Ntuj ua tus pom thiab paub txog koj txoj kev them koj cov txim xwb....
    Thov txim yog kuv hais siab koj lawm los thov zam lub txheej nawv tus me muam ntxawm...
    .







    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Hnub Txais Tshauv thiab Caij 40

    Post  Npuagtub on 10th March 2011, 9:37 am

    Nyob zoo os Maivpajlug,

    Thov txim os nawv tej zaum kuv sau tau ib co lus mob nws me ntsis lawm vim kuv yeej hais kam li rau cov ntseeg tias thaum txog lub caij 40 ( Lent ) no peb yuav coj peb tus cwj pwm zoo li cas luag tej thiaj li tsis paub tias peb yoo noj yoo haus kom xws phim Huab Tais Yes Xuss me me xwb. Vim muaj ntau leej mas leej pheej hais tias lub caij 40 no mas lawv them txim txhaum zoo li ub li no lawv yoo mov tau npaum ub npaum no ces kuv thiaj li yuav tau muab Huab Tais Yes Xus cov lus los nthuav tawm kom sawv daws paub qhov tseeb tias Tswv Ntuj xav kom peb ua li cas rau li cas xwb
    .


    NYOB HAU MAS TAIS, Zaj 6 : 16 - 18

    16 Thaum nej yoo mov, mas nej txhob ua ntsej muag ntshaus xws li cov neeg zoo sab nraud.
    Lawv ua ntsej muag mluas kom luag pom meej tias lawv yoo mov. kuv hais tseeb rau nej tias cov neeg ntawd, lawv twb txais lawv cov koob haum tas lawm.

    17 Hos nej mas thaum nej yoo mov mas nej yuav pleev tshuaj tsw qab, nej tu cev ntxuav muag huv si.

    18 Kom txhob muaj neeg paub tias nej yoo mov, tsuas kawg yog nej Txiv tswv Ntuj ib leeg paub xwb, thiab nws yuav pauj rau nej.







    Last edited by XH. Npuagtub on 10th March 2011, 10:57 am; edited 1 time in total



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hnub Txais Tshauv thiab Caij 40

    Post  Mim on 10th March 2011, 10:56 am

    Maiv Tooj wrote:Thaum lub Caij 40 no uas yus xav thum tej yam, tseg tsis ua tej yam kom tau them txim me ntsis. Muaj tej yam mas yus ua tej qhov yooj yooj yim xwb ces yus txiav siab ua li cas los ua tau li ntawd, muaj tej yam uas yus caiv thiab txiav siab nyuaj heev los ua kom tau mas yuav tau thov HT.Yes Xus pab yus thiab yus thiaj yuav muaj peev xwm ua tau tej yam uas luag saib tsis muaj nqes, tab sis yus tso tsis tai tseg. Kuv mloog li Tuaj Kub pheej yuj kom yus ua txhob tau, kom yus poob rau kev txhaum xwb...Li ntawd muaj yam puav mas yus ua yus tus kheej tau, yam puav yus yuav tau kub siab teev Ntuj pab yus thiaj yuav tseg tau. Yog thaum yus txiav tau kiag lawm mas ho zoo li yooj yooj yim xwb.



    Lub caij plaub caug, Yes Xus yoo mov nyob hauv suab puam

    HT.Yes Xus yoo mov nyob hauv Suab Puam, Dab Phem muab pob zeb ntxia ua mov los ntxias HT.Yes Xus noj, zoo ib yam li peb lub neej niaj hnub no, muaj tej yam txhaum uas peb tsi xav ua, tsis xav kom tshwm sim, tab sis peb cheem tsis tau peb lub siab ces peb pheej ua lawm. Thaum zoo li nov mas tej zaud kuj yog los ntawm peb lub siab ua kam, tej zaud kuj yog dab phem yuj peb kom peb pôob rau kev txhaum. Li ntawd yuav tau thov ntuj peb, thov tiag tiag li mas peb yuav ua tau txoj kev ntshiab huv li peb lub siab ntshaw.



    Tais Tooj,

    Kuv xav hais tias koj hais tau yog kawg li lawm, kuv yeej pom li koj hais thiab. Muaj tej yam uas yus ua kam (habit/habitude)lawm ces zoo li cia li yog yus lawm, yus pheej ncaim tsis tau li, zoo nkaus li tej quav yeeb quav tshuaj, muaj yees lawm, los zoo nkaus li ob tug hluas nkauj hluas nraug uas niaj hnub nyob ua ke es sib tseg tsis taus lawm. Yus xav hloov kawg los hloov nyuaj nyuaj li, yus xav tias yuav tsum no los tsum tsis taus li. Yog thaum zoo li no lawm mas peb yuav tau thov ntuj pab peb tiag thiab peb yuav tau ua nchav rau yus tus kheej, txiav txim siab tiag tiag, peb thiaj yuav hloov tau, los tseg tau. Muaj ntau ntau zaus uas yus xav ua ib yam tiam sis yus ua yus lwm yam lawm. Kuv xav txog lo lus Hmoob hais tias, "Xav luaj nyuj xu luaj ntuj."

    Tag kis no kuv ua ib zaj npau suav mus raws nkaus lub tswv yim no ua rau kuv tsim dheev los. Yus npaj yuav ua ib yam, tiam sis xyov ua cas pheej muaj tej yam los ua rau yus cia li plam ua tsis tau los mus tsis txog qhov yus xav mus los xav ua li tiag...

    Vim hnub Chiv yuav tuaj no yog hnub uas peb yuav ua church Hmoob, ces kuv hais tias kom niam Tsab Muas(peb ib tug niam tsev) tuaj coj nkauj no. Lub lis piam tas no peb twb xyaum cov nkauj ntawd ib lwm lawm. Ces niam Tsab hais tias kom hnub Chiv mas peb yuav tsum tuaj kom ntxov tso yuav tuaj xyaum me ntsis nkauj ua ntej. Ces nyob hauv kuv zaj npau suav yog hais txog qhov kuv npaj yuav mus nrog lawv xyaum nkauj.

    Kuv tseem nrog kuv niam kuv txiv nkawd nyob. Tiam sis peb cov tsev mas yog zoo li cov tsev pheeb suab thaum peb tawg rog tuaj nyob tim soun xwb. Muaj ib leej tsev nyob ua ib ntxaig. Peb lub nyob pem toj. Zoo li kuv tseem tab tom hnav ris tsho, ua cas twb pom lawv tuaj nyob nplawg ntia rau lub tsev uas puab peb ntawd lawm, vim yeej tsis muaj qhov rooj, yus ntsia yeej pom tshab plhawv rau hauv lawv tsev. Ua cas pheej yuav nrhiav khaub ncaws mas nrhiav nyuaj ua luaj li nrhiav tsis tau yam yus yuav hnav li. Kov ntev ntev, thaum tau khaub ncaws lawm, aub! ua cas tsis pom kuv lub tsom iav lawm thiab lau! Nrhiav nrhiav-iav, aub! lub tsom iav lo ib txheej roj lawm, ntshai yog me nyuam yaus muab coj mus ua li ntawd lawm. Ces ho mus nrhiav xab npum los ntxuav, mus nrhiav nrhiav tau nyob puag nram lawv lub tsev hauv qhov tiaj hauv. Muab tsom iav ntxuav thiab yaug dej. Thaum ntawd hnov lawv xyaum hu nkauj tau zoo thiab nrov kawg li. Ntxuav iav tas, zaum no yuav tsum tau nce ib plag toj thiaj rov los tau saum tsev. Nce plas toj mas nce nyuaj tsis nyuaj li lau!... tsis muaj zog tshoom yus tus kheej kom nce tau toj li, hnov hnyav hnyav thiab zoo li yus ob txhais ceg tsis muaj zog kiag li. Thiaj mam pom ib co ntoo, mam cev tes mus tuav cov ntoo ces mam cuab tau zog nce tau. Thaum los txog pem tsev, ua cas lawv txawm siv los noj mov hauv peb tsev tag tab tom tso diav nplawg ntia. Aub! cas tsis tau nrog lawv xyaum nkauj li ne!! Ces cia li tsim dheev los lawm...

    Ab! txoj kev mus cuag Tswv Ntuj ntshai pheej muaj ntau ntau yam los thaiv yus kev li no thiab ho... Thov kom thaum kawg, kuv txhob plam es kuv tau nrog lawv xyaum nkauj xwb os...


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hnub Txais Tshauv thiab Caij 40

    Post  Maiv Tooj on 10th March 2011, 11:38 am



    Nyob zoo Mim,

    Nws zaj npau suav mas zoo li yus lub neej, tej yam twb yooj yooj yim los nim muaj teeb meem los cuam tshuam, los khuam kom qeeb yus. Yug yuav tsum sib zog peem thiaj peem dhau tej qhov nyuag twb tsis tsim nyog li...Nws peem dhau lawm, lawv xyaum nkauj tag lawm los nws twb peem los txog, lawv ho noj mov tag lawm los haj yam zoo. Vim nws los txog qeeb, ncauj lus luag twb hais tag, nws yuav tsis nrog luag hais lus xaiv lus ntxhov siab.

    Thaum lub Caij 40 no, yog yus tsis xav muab tso rau lub sam xeeb, yus lam hais ntawm yus qhov ncauj tsis tseg tias yog lub Caij Yoo, Caij them txim mas kuj tsis nyuaj dab tsi. Tab sis yog yus xav kho ib yam nyob ntawm yus tus kheej, yus lub siab tiag tiag mas kuj yog ib qho nyuaj hauj sim. Muaj tej yam mas tsis hlob tsis yau, tab sis yeej ua tsis tau, ua yuav luag tsis dhau li, kawg yuav tsum thov Ntuj pab mas yus thiaj peem dhau xwb. Yog yus ua siab tawv qhawv peem kom dhau tej yam niag tsis muaj qab hau tab sis pheej tseg tsis tau es mus ua txhaum tag zog mas kuj ua rau yus lub siab kaj lug, kaj lug tiag tiag li...





    Sponsored content

    Re: Hnub Txais Tshauv thiab Caij 40

    Post  Sponsored content Today at 12:47 pm


      Current date/time is 3rd December 2016, 12:47 pm