Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

Txhais Lus Hmoon Zaj Peb Txiv Nyob Saum Ntuj

Share

Mim
Tswv Cuab Hmong Catholique
Tswv Cuab Hmong Catholique

Messages : 1649
Date d'inscription : 2009-10-16

Txhais Lus Hmoon Zaj Peb Txiv Nyob Saum Ntuj

Post  Mim on 22nd November 2015, 6:56 pm

Nyob zoo rau nej txhua leej txhua tus uas tuaj nrog peb nyeem peb cov zaj lus hauv no. Kuv kuj ncua tau ntev heev lawm uas tsis tau tuaj hais dab tsi li. Kuv twb xav tau ntev los lawm tiam sis hnub no kuv nyuam qhuav npaj tau ob peb los no tuaj nrog sawv daws tham. Xyov puas muaj qab hau dab tsi tiam sis yog ib qho uas kuv niaj hnub xav txog. Kuv lam coj tuaj saib nej leej twg ho puas muaj tswv yim li cas thiab.

Hais Txog Zaj ‘Peb Txiv Nyob Saum Ntuj’

Zaj ‘Peb Txiv nyob saum ntuj’ yog zaj teev ntuj zoo tshaj cov, vim yog Huab Tais Yes qhia rau nws cov thwj tim. HT Yes Xus yog tus paub tas ib puas tsav yam, nws paub hais tias yam tseem ceeb uas peb yuav tsum thov ntawm Tswv Ntuj yog dab tsi. HT Yes Xus muab xya nqe rau peb thov ntawm Tswv Ntuj.  Thawj peb nqes mas yog peb thov kom Tswv Ntuj ua rau nws, plaub nqes tom qab yog peb thov kom Tswv Ntuj ua rau peb.

Zaj ‘Peb Txiv’ raws li TP Nyiaj Pov tau txhais rau peb hais:
Peb Txiv nyob saum ntuj
Koj lub npe ntshiab nto moo lug
Koj lub ceeb tsheej los txog
Kom muaj raws koj nyiam nyob ntiaj teb no li nyob saum ntuj
Thov koj pub mov txaus peb noj hnub no
Koj zam txhaum rau peb zoo li peb zam rau luag
Koj txhob tso peb raug kev ntxias
Koj npo peb dim ntawm kev phem.
Ua li.

Zaj ‘Peb Txiv nyob saum ntuj’ ua lus Fab Kis:
Notre Père qui es aux cieux,
que ton nom soit sanctifié,
que ton règne vienne,
que ta volonté soit faite sur la terre comme au ciel.
Donne-nous aujourd’hui notre pain de ce jour.
Pardonne-nous nos offenses, comme nous pardonnons aussi à ceux qui nous ont offensés.
Et ne nous soumets pas à la tentation,
mais délivre-nous du Mal.
Amen

Lus Aas Kiv:
Our Father, who art in heaven,
hallowed be thy name;
thy kingdom come,
thy will be done on earth as it is in heaven.
Give us this day, our daily bread,
and forgive us our trespasses as we forgive those who trespass against us.
And lead us not into temptation,
but deliver us from evil.
Amen.

Nram no kuv yuav txhais cov lus kom raws li kuv to taub lub ntsiab:
Peb Txiv nyob saum ntuj
Thov (koj ua) kom tib neeg saib koj lub npe yog ntshiab
Thov kom koj tuaj ua vaj kav txog peb
Thov kom txhua tus ua raws koj nyiam nyob ntiaj teb no li luag ua nyob saum ntuj
Thov koj pub mov txaus rau peb noj hnub no
Thov koj zam txhaum rau peb zoo li peb zam rau luag
Thov koj txhob tso peb raug kev ntxias
Thov koj cawm peb dim ntawm tus(los kev) phem
Ua li.

Kuv muab txhais raws li no vim hais tias yog peb saib cov lus Fab Kis thiab lus Aas Kiv  mas lawv cov lus lub ntsiab muaj qhov “Thov kom…” los puas “Thov…” Lus Fab Kis lawv hais tias “que ton nom soit sanctifie… que ton regne vienne… que ta volonte soit faite…” lawv tsis hais tias “Ton nom est sanctifie… ton regne vient… ta volonte est faite…”  Lus Aas Kiv los ib yam, lawv hais tias “hallowed be thy name… thy kingdom come… thy will be done…” lawv tsis hais tias “hallowed is thy name… thy kingdom comes… thy will is done…” Lus Fab Kis thiab lus Aas Kiv siv cov temps/tense subjonctif/ subjunctive, vim lub ntsiab yog xav kom muaj li ntawd los xav thov kom ua tau raws li ntawd, nws tsis yog hais tias twb muaj li ntawd lawm. Raws li cov lus uas TP Nyiaj Pov txhais rau peb hais mas kuv mloog zoo li peb hais rau Tswv Ntuj tias twb muaj li ntawd tas lawm, ces zoo li cov lus Hmoob pheej tsis raug lub ntsiab pes tsawg. Tej zaum nej ho xav tias raug lub ntsiab lawm, tiam sis kuv pheej mloog zoo li tsis raug lub ntsiab zoo li. Ntshai yog kuv tsis to taub lus Hmoob zoo los ua cas?

Xws li nyob hauv cov nqe thov kom Tswv Ntuj ua pub rau peb los cov lus Fab Kis thiab lus As Kiv lawv kuj siv cov lus tias “donne-nous... pardonne-nous… ne nous soumets pas… delivre-nous” lus Aas Kiv yog “Give us… forgive us…lead us not…deliver us…” mas lawv siv temp imperatif los thov kom Tswv Ntuj zam txhaum rau yus los cawm yus lawv tsis tau hais tias “tu nous donnes… tu nous pardonnes… tu ne nous soumets pas… tu nous delivres” lus Aas Kiv kuj tsis hais tias “you give us… you forgive us.. you do not lead us… you deliver us…”

Ntawm no kuv piav raws li kuv to taub xwb. Kuv kuj xav paub saib nej ho to taub li cas thiab.  Puas tsim nyog hais tias yav tom ntej peb yuav tsum kho peb cov lus Hmoob rau los peb yuav li qub xwb yeej zoo lawm?

Ib lo lus uas kuv xav nug rau nej sawv daws ntxiv thiab, yog lo lus “ceeb tsheej.” Kuv kuj tsis yog ib tug uas paub lus Hmoob zoo zoo.  Thaum ub TP Nyiaj Pov tau nrog peb cov neeg laus tham ces nws tau siv lo lus  “ceeb tsheej” los txhais lo lus “Heaven” los “Royaume des Cieux”, ces peb pheej siv “Ntuj Ceeb Tsheej” los txog niaj hnub no. Tiam sis thaum kuv nyuam qhuav mus xyuas kuv niam mob mob no, kuv tau ntsib TP Cwj Vuam Chiv. Kuv kuj tau nrog nws sib cav txog ntau yam. Tiam sis ib lo lus ua rau kuv xav hais tias yog li peb yuav hloov zoo li cas, yog lo lus “Ntuj Ceeb Tsheej.” TP Cwj Vuam hais rau kuv tias nws mus txog Nyab Laj teb, nws nug cov Hmoob Nyab Laj tias: lo lus ‘ceeb tsheej’ yog dab tsi rau nej? Lawv sawv daws hais tias lo lus ‘ceeb tsheej’ yog tom toj ntxas xwb. Nws hais tias raws li lawv hais mas lawv tsis nyiam siv lo lus ntawd. Kuv txiv los nws yeej tau hais li ntawd rau kuv ib zaug thaum i lawm thiab tias lo lus ‘ceeb tsheej’ mas Hmoob siv rau roob toj ntxas xwb.

Hais txog cov Hmoob Nyab Laj mas TP Chiv hais ntxiv tias lawv kuj tsis nyiam siv ‘Mab Liab’ rau Niam Mab Liab lub npe li thiab, vim lub npe ntawd ua rau lawv xav txog tej mab thiab tej liab tom hav zoov xwb no.

Kuv kuj tsis paub hais tias peb yuav kho zoo li cas lawm yav tom ntej los yuav kav liam. Tiam sis kuv coj ob lo lus no tuaj hais rau peb kom peb ho muab coj los xav. Tej zaum ntau lub tswv yim xav, peb kuj yuav nrhiav tau ib txog kev zoo dua qub taug thiab.


Last edited by Mim on 25th November 2015, 7:53 am; edited 1 time in total

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Txhais Lus Hmoon Zaj Peb Txiv Nyob Saum Ntuj

Post  Maiv Tooj on 23rd November 2015, 9:53 am

Zaj ‘Peb Txiv’ raws li TP Nyiaj Pov tau txhais rau peb hais:
Peb Txiv nyob saum ntuj
Koj lub npe ntshiab nto moo lug
Koj lub ceeb tsheej los txog
Kom muaj raws koj nyiam nyob ntiaj teb no li nyob saum ntuj
Thov koj pub mov txaus peb noj hnub no
Koj zam txhaum rau peb zoo li peb zam rau luag
Koj txhob tso peb raug kev ntxias
Koj npo peb dim ntawm kev phem.
Ua li.

Zaj ‘Peb Txiv nyob saum ntuj’ ua lus Fab Kis:
Notre Père qui es aux cieux,
que ton nom soit sanctifié,
que ton règne vienne,
que ta volonté soit faite sur la terre comme au ciel.
Donne-nous aujourd’hui notre pain de ce jour.
Pardonne-nous nos offenses, comme nous pardonnons aussi à ceux qui nous ont offensés.
Et ne nous soumets pas à la tentation,
mais délivre-nous du Mal.
Amen

Nram no kuv yuav txhais cov lus kom raws li kuv to taub lub ntsiab:
Peb Txiv nyob saum ntuj
Thov (koj ua) kom tib neeg saib koj lub npe yog ntshiab
Thov kom koj tuaj ua vaj kav txog peb
Thov kom txhua tus ua raws koj nyiam nyob ntiaj teb no li luag ua nyob saum ntuj
Thov koj pub mov txaus rau peb noj hnub no
Thov koj zam txhaum rau peb zoo li peb zam rau luag
Thov koj txhob tso peb raug kev ntxias
Thov koj cawm peb dim ntawm tus(los kev) phem
Ua li.

Nyob zoo Mim,

Ua tsaug rau koj txhais zaj Peb txiv ntxiv, yog ib qho uas peb tsoom ntseeg sawv daws yuav tau los sib tuav xam txhais kom meej thiab raws lu ntsiab. Ib qho mas yog peb paub lus hmoob tsis tshua zoo lawm, qhov ob yog peb ho tsis tau kawm Ntawv Ntshiab thiab ho tsis paub lus latin, Hes Nplaws los yog grec qub ces thiaj li muab tsis tau lub ntsiab zoo los txhais. Lwm hom lus mas tseem yuav nyuaj dua rau peb, tsuav yog peb paub cov ntsiab lus hmoob zoo zoo xwb mas peb yeej ua tau hauj lwm zoo heev lawm; vim kuv pom tias peb txheej no peb twb piav tsis tau ib zaj lus ua tseem ntsiab lus hmoob li; peb tham ces peb cia li lam puav lus los hais kom sib to taub xwb peb twb hais tsis tau lo lus tseem rau lub ntsiab.

Kuv tsis paub lus aas kiv, kuv tsuas paub lus fab kis xwb ces kuv txhais li kuv to taub. Kuv tsis hais lo "thov" vim lus fab kis "que" zoo ib yam li hmoob cov lus ntuas tsis hais paj lug los khawv koob yees siv, lawv hais "kom" ua raws li lawv hais, lo lus "kom" no mas tsis muaj qhov "thov" nyob hauv. Tab sis yog kom ua kiag li ntawd. Yam li Tswv Qhia Barbarin tsab ntawv zeeg 3 lo lus thov Ntuj hais tias: "Tswv Ntuj, thov koj ua kom cov neeg uas mus hais koj los lus, hais tau lo lus muaj hwj xyeej (hwj chim)." = kom ua li ntawd kiag.
Kuv lam txhais li kuv pom xwb, ho txhob xav li cas.

Peb Txiv nyob saum Ntuj,
Kom hwm koj lub npe ntshiab,
Kom koj lub hwj huam los txog
Kom tau raws li koj nyiam nyob ntiaj teb no li nyob saum ntuj.
Muab peb qhov mov leem hnub rau peb.
Zam txhaum rau tej peb ua rau luag, zoo li peb zam rau luag cov uas tau ua peb tu siab.
Thiab txhob cia peb rau kev ntxias,
Tab sis tso peb dim ntawm tus Phem.

Ua li.



Lo lus "Ntuj ceeb tsheej" mas raws li kuv pom mas yeej raug lawm thiab. Tab sis peb ntshai tsam ho siab tsis txaus ces peb tseem ntxiv lo lus "Ntuj" no ntxiv rau. Tseeb tiag, "ceeb" los ntawm lus suav los twb yog "ntuj" lawm.
"Tsheej" mas ntxhais hais tias yog ib lub nroog loj thiab vam meej thaj yeeb nyab xeeb heev.

Li nov mas nyob rau Tswv Ntuj lub Ceeb Tsheej yog lub teb chaws uas nyob kaj siab lug tsis muaj kev tu siab, kev cov nyom thiab mob nkeeg mas yeej yog "Ceeb Tsheej" lawm.

Qhov uas cov hmoob Cob Tsib hais mas tsis yog qhov tseeb, lawv hais li cov neeg tsis tau ua Ntuj Kev Cai hais tias: "tus neeg tuag lawm ces tsis muaj kev iab kev khwv" ces lawv yog nyob ceeb tsheej; li ntawd lawv thiaj li muab lo rau toj ntxas tias tau zoo heev lawm. Yam lawv tsis xav txog tias toj ntxas ces yog lwj mus ua av lawm xwb tsis yog tib neeg lawm, yog tus ntsuj plig thiaj li yuav mus nyob lub teb chaws tshav ntuj nrig.

Lo lus "Mab Liab" no mas kuj txhob muab ntau nqe rau yus cov lus ib txwm, yog tias tsiv mloog me ntsis los kuv mas kuv xav kom hu ua "Mas Lias" no li los ntawm lus las tees lo mas yuav zoo mloog dua.




Mim
Tswv Cuab Hmong Catholique
Tswv Cuab Hmong Catholique

Messages : 1649
Date d'inscription : 2009-10-16

Re: Txhais Lus Hmoon Zaj Peb Txiv Nyob Saum Ntuj

Post  Mim on 25th November 2015, 8:55 am

Nyob zoo tais Tooj,

Ua koj tsaug uas koj tuaj nrog kuv tham pem xav tswv yim txog cov lus hauv zaj Peb Txiv Nyob Saum Ntuj.

Thaum koj hais tias "Kom hwm koj lub npe ntshiab" no xwb mas zoo li tsis meej zoo, vim kuv xav kiag tau tam sid hais tias "kom leej twg hwm?" no lawm. Kuv xav tias yuav tsum hais tias
"kom neeg(los txhua leej...) hwm koj lub npe ntshiab" no ntshai meej dua. Tiam sis lo lus "hwm" kuj txhais tsis tau lub ntsiab ntawm lo lus "sanctifie" zoo pes tsawg li thiab. Yog yuav li qub, mas kuv nyiam muab hais li no:
Peb Txiv nyob saum ntuj,
ua kom koj lub npe ntshiab nto moo lug
koj lub ceeb tsheej kom los txog (los: koj txoj kev ua vaj kav kom txog peb)
kom tau(los muaj) raws li koj nyiam nyob ntiaj teb no li nyob saum ntuj.


Lo lus koj siv hais tias "mov leem hnub" no kuv tsis tau hnov dua thiab laiv. Saib hais li ntawd no peb cov Hmoob ho puas to taub lub ntsiab? Yog kuv tsis paub cov lus Aas Kiv los lus Fab Kis mas kuv tseem yuav hais kom koj qhia lub ntsiab ntawm lo lus ntawd rau kuv, vim kuv tsis tau hnov dua li tiag tiag.
Ib qho ntxiv, yog koj hais tias "Muab peb qhov mov leem hnub rau peb" no mas kuv mloog zoo li tshawv tshawv, thiab zoo li yog peb 'xaas' kom Tswv Ntuj yuav tsum ua li ntawd xwb xwb. Ntawm no lub ntsiab yog peb thov kom Tswv Ntuj ua qhov ntawd rau peb, ces kuv thiaj nyiam hais tias:
Thov koj muab mov rau peb noj hnub no
Yog peb tsis xav hais lo 'thov' ntawd ntau ntau zaus los peb hais thawj zaug thov tas ces cia li hais ntxiv li qub xwb puas to taub thiab?
Thov koj muab mov rau peb noj hnub no
koj zam txhaum rau peb zoo li peb zam rau tus ua txhaum peb
koj txhob cia peb raug kev ntxias
koj tso peb dim ntawm tus Phem.


Los yuav hais li no puas zoo dua? Txhob hais lo lus 'koj' li:
Thov muab mov rau peb noj hnub no
thov zam txhaum rau peb zoo li peb zam rau tus ua txhaum peb
thov txhob cia peb raug kev ntxias
tiam sis tso peb dim ntawm tus Phem. Ua li.



Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Txhais Lus Hmoon Zaj Peb Txiv Nyob Saum Ntuj

Post  Maiv Tooj on 25th November 2015, 11:01 am



Mim,

los lus "leem hnub"= kav ib hnub= quotidien=
=Donnes ne nous notre pain quotidien

Piv xam ua zog leem hnub ces yog ua them nyiaj raws hnub tsis xam caij ntau tsawg li.




Tub Kawm
Phooj Ywg
Phooj Ywg

Messages : 404
Date d'inscription : 2011-10-13

Re: Txhais Lus Hmoon Zaj Peb Txiv Nyob Saum Ntuj

Post  Tub Kawm on 25th November 2015, 6:40 pm

Nyob N Hl thiab mim

ua tsaug rau neb tuaj sib pauv tswv yim, hais txog peb hmoob K T L cov lus los cov zaj teev ntuj, mas kuv tseem pom tau hais tias tseem tsi tau yoog raws tib yam li.
Vim nyiag tseem hais raws li nyiag tus kheej xav xwb.
Li ntawd kuv thiaj xav tias xav kom nej cov tub tuav kev ruaj ntseg ntawm 3 lub koom haum loj xws Mes kas, Fab kis, Thaib. Kom nej yuav tsum teem ib caij nyoog, kom muaj kev sib ntsib sib tham txog cov lus, los cov zaj teev ntuj ntawd kom sawv dawg yoog raws tib yam.
Txhob yoog raws li yus lub teb chaw, los yus cheeb tsam, los yus tus kheej.

Ho hais txog peb hmoob suav teb, cob tsib teb, mas tej zaum tsi paub lus hmoob meej lawm, thiab ib qho mas tseem tsi tau muaj cov neeg kawm ntawv mus txheej siab, mas tej zaum txawm hais thiab kho cov lus los lawv cov TP cob tsib yuav tsi txais yuav. Hog ntawm suav teb mas, tej zaum cov hmoob suav lawv hais lawv cov lus tsi thoob teb, mas ntshe sawv daws tsi paub.

Tam sim qhov kuv nyuaj tshaj plawg mas, vim peb tau kawm ntuj kev cais tuaj ntau qhov chaw tuaj mas, ib tus hais txawv ib tus, mas ceeb laj kawg.





Ua tsaug ntau rau koj  tuaj saib peb lub Tsev Forum hmong Catholic  no.
Thov Leej Ntuj Plig Ntshiab tuaj tshoj koj lub siab kom koj to taub Tswv Ntuj cov lus.

Mim
Tswv Cuab Hmong Catholique
Tswv Cuab Hmong Catholique

Messages : 1649
Date d'inscription : 2009-10-16

Re: Txhais Lus Hmoon Zaj Peb Txiv Nyob Saum Ntuj

Post  Mim on 26th November 2015, 9:11 am

Maiv Tooj wrote:

Mim,

los lus "leem hnub"= kav ib hnub= quotidien=
=Donnes ne nous notre pain quotidien

Piv xam ua zog leem hnub ces yog ua them nyiaj raws hnub tsis xam caij ntau tsawg li.

Nyob zoo tais Tooj,

Ua tsaug rau koj tuaj piav lub ntsiab ntawm lo lus 'leem hnub' rau kuv os. Nyaj yog kuv hnov ces kuv yuav to tau lawm thiab. Yav tas los kuv tsuas paub lub ntsiab uas peb siv hais txog 'leem kev' pua kev tej xwb, los yog leem nyiaj leem kub mas yog muab nyiaj muab kub plooj rau xwb.

Hmoob kuj tseem siv lo lus tias 'neeg tsis leem cai' no thiab. Lo lus no mas raws kuv to taub yog hais txog ib tug neeg uas nws lam taus lam hais lus los lam taus lam ua tej yam tsis saib lwm tus thiab ua tsis yog kev yog cai. Tiam sis zoo li kuj tsis meej pes tsawg rau kuv li thiab, xyov puas yog li no thiab ho puas tseem muaj lwm lub ntsiab lawm?



Mim
Tswv Cuab Hmong Catholique
Tswv Cuab Hmong Catholique

Messages : 1649
Date d'inscription : 2009-10-16

Re: Txhais Lus Hmoon Zaj Peb Txiv Nyob Saum Ntuj

Post  Mim on 26th November 2015, 10:11 am

Tub Kawm wrote:Nyob N Hl thiab mim

ua tsaug rau neb tuaj sib pauv tswv yim, hais txog peb hmoob K T L cov lus los cov zaj teev ntuj, mas kuv tseem pom tau hais tias tseem tsi tau yoog raws tib yam li.
Vim nyiag tseem hais raws li nyiag tus kheej xav xwb.
Li ntawd kuv thiaj xav tias xav kom nej cov tub tuav kev ruaj ntseg ntawm 3 lub koom haum loj xws Mes kas, Fab kis, Thaib. Kom nej yuav tsum teem ib caij nyoog, kom muaj kev sib ntsib sib tham txog cov lus, los cov zaj teev ntuj ntawd kom sawv dawg yoog raws tib yam.
Txhob yoog raws li yus lub teb chaw, los yus cheeb tsam, los yus tus kheej.

Ho hais txog peb hmoob suav teb, cob tsib teb, mas tej zaum tsi paub lus hmoob meej lawm, thiab ib qho mas tseem tsi tau muaj cov neeg kawm ntawv mus txheej siab, mas tej zaum txawm hais thiab kho cov lus los lawv cov TP cob tsib yuav tsi txais yuav. Hog ntawm suav teb mas, tej zaum cov hmoob suav lawv hais lawv cov lus tsi thoob teb, mas ntshe sawv daws tsi paub.

Tam sim qhov kuv nyuaj tshaj plawg mas, vim peb tau kawm ntuj kev cais tuaj ntau qhov chaw tuaj mas, ib tus hais txawv ib tus, mas ceeb laj kawg.

Nyob zoo Tub Kawm,

Qhov koj hais peb sawv daws yeej xav kom ua tau li ntawd. tiam sis tsis yog yooj yim kiag li. Kuv tus kheej kiag xwb, hnub no kuv txhais tau ob peb kab lus cia, lwm lub lis piam kuv rov los nyeem mas kuv twb rov muab kho tas los puas muab rov txhais dua tshiab tas lawm. Yog li tais Tooj hais lawm, peb yog ib co uas tsis paub peb cov lus Hmoob zoo li ces thiaj li nyuaj nyuaj li no. Txawm li cas los kawg yuav tsum tau maj mam sib tham sib pab xav tswv yim mus xwb.

Tub Kawm, hais txog kev ntseeg Yes Xus mas lub ntsiab nws tsis hloov tsis pauv li, tiam sis yog peb yuav tsum tau xyaum kho thiab siv peb cov lus kom yog lus Hmoob xwb. Thiab qhov ob tuaj peb xav kom peb cov lus raug lub ntsiab hauv cov Ntawv Ntshiab thiab. Qhov no yog qhov nyuaj tshaj. Vim li no kuv thiaj tau hais tias yog peb muaj ib pab neeg los sib pab xav tswv yim thiab kho peb cov lus hauv Ntawv Ntshiab mas yuav zoo dua.

Thaum peb nyuam qhuav tuaj txog tau tsis ntev rau Mes Lis Kas teb no, kuv tau hais rau XH Vam Thaiv Lauj ib zaug hais tias cas peb cov XH Kas Tos Liv tsis xyaum siv peb cov lus Hmoob los qhia kev ntseeg hos lawv mus xyaum hais lus li peb cov txiv plig uas tsis yog Hmoob. Ces XH Vam Thaiv kuj mam pom qhov kuv hais thiab.


Tub Kawm
Phooj Ywg
Phooj Ywg

Messages : 404
Date d'inscription : 2011-10-13

Re: Txhais Lus Hmoon Zaj Peb Txiv Nyob Saum Ntuj

Post  Tub Kawm on 27th November 2015, 10:28 pm

Nyob zoo Mim, yeej yog li koj hais lawm, tiam si kuv xav kom nej kho cov zaj teev ntuj tseem ceeb xws li.
Zaj peb txiv, Zaj kuv ntseeg, Zaj tu siab, Zaj nyiam, Zaj poj huab, Zaj Koj nyob kaj lug Mab Liab, Zaj huab tais leej txiv, Zaj ntseeg, Zaj Teev Saw Mab Liab. Tseem tshuav ntau zaj kuv nco tsi tas.
Thiab kho lub txoos teev ntuj.
Kho cov npe teb chaws, cov npe Leej Ntshiab, kom yuav tib lo lus.

Dua li yog cov zaj nkauj hu qua hnub chiv thaum TP ua Mis Xas, xws li zaj chiv txoos, zaj cev mov cev cawv, zaj txais Yes Xus lub cev, zaj xaus lub txoos, ces nyiag siv nyiag ib zaj los kuj tau, vim cov nkauj ntawd muaj ntau hauj sim, ib lub teb chaws nws siv lwm zaj, ib qho chaw, muaj ntau tus sau ntau zaj nkauj, ces tsi tas kho los kuj tau. Tiam sis tsuav yog lub ntshiab lus haum raws li hauv ntawv ntshiab.

Hog hais txog cov zaj teev ntuj xws kuv hais ua ntej saud mas kuv xav kom kho kom haum raws tib lo lus, kom sawv daws yoog raws tib yam, mas thiaj li yuav ua tau raws li luas lwm haiv neeg.

Ib qho mas mas tam sim no TP CVC tab tom kho phau ntawv Ntshiab mas nej yuav tsum nrog nws sib kho kom haum lus hmoob tiag tiag, saib yuav lu twg mas thiaj li yuav meej tshaj.
Xaws li 2 lo lus los ua piv txwv hais. Dej Ntuj, Dej Hiav Txwv.
Ntuj Lub Ceeb Tsheej, Ntuj Lub Qaum Ntuj.
Saib yuav los lus twg thiaj raug dua.





Ua tsaug ntau rau koj  tuaj saib peb lub Tsev Forum hmong Catholic  no.
Thov Leej Ntuj Plig Ntshiab tuaj tshoj koj lub siab kom koj to taub Tswv Ntuj cov lus.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Txhais Lus Hmoon Zaj Peb Txiv Nyob Saum Ntuj

Post  Maiv Tooj on 28th November 2015, 5:40 pm

Mim wrote:Nyob zoo tais Tooj,

Ua koj tsaug uas koj tuaj nrog kuv tham pem xav tswv yim txog cov lus hauv zaj Peb Txiv Nyob Saum Ntuj.

Thaum koj hais tias "Kom hwm koj lub npe ntshiab" no xwb mas zoo li tsis meej zoo, vim kuv xav kiag tau tam sid hais tias "kom leej twg hwm?" no lawm.  Kuv xav tias yuav tsum hais tias
"kom neeg(los txhua leej...) hwm koj lub npe ntshiab" no ntshai meej dua. Tiam sis lo lus "hwm" kuj txhais tsis tau lub ntsiab ntawm lo lus "sanctifie" zoo pes tsawg li thiab.  Yog yuav li qub, mas kuv nyiam muab hais li no:
Peb Txiv nyob saum ntuj,
ua kom koj lub npe ntshiab nto moo lug
koj lub ceeb tsheej kom los txog (los: koj txoj kev ua vaj kav kom txog peb)
kom tau(los muaj) raws li koj nyiam nyob ntiaj teb no li nyob saum ntuj.


Lo lus koj siv hais tias "mov leem hnub" no kuv tsis tau hnov dua thiab laiv.  Saib hais li ntawd no peb cov Hmoob ho puas to taub lub ntsiab? Yog kuv tsis paub cov lus Aas Kiv los lus Fab Kis mas kuv tseem yuav hais kom koj qhia lub ntsiab ntawm lo lus ntawd rau kuv, vim kuv tsis tau hnov dua li tiag tiag.
Ib qho ntxiv, yog koj hais tias "Muab peb qhov mov leem hnub rau peb" no mas kuv mloog zoo li tshawv tshawv, thiab zoo li yog peb 'xaas' kom Tswv Ntuj yuav tsum ua li ntawd xwb xwb. Ntawm no lub ntsiab yog peb thov kom Tswv Ntuj ua qhov ntawd rau peb, ces kuv thiaj nyiam hais tias:
Thov koj muab mov rau peb noj hnub no
Yog peb tsis xav hais lo 'thov' ntawd ntau ntau zaus los peb hais thawj zaug thov tas ces cia li hais ntxiv li qub xwb puas to taub thiab?
Thov koj muab mov rau peb noj hnub no
          koj zam txhaum rau peb zoo li peb zam rau tus ua txhaum peb
          koj txhob cia peb raug kev ntxias
          koj tso peb dim ntawm tus Phem.


Los yuav hais li no puas zoo dua? Txhob hais lo lus 'koj' li:
Thov muab mov rau peb noj hnub no
thov zam txhaum rau peb zoo li peb zam rau tus ua txhaum peb
thov txhob cia peb raug kev ntxias
tiam sis tso peb dim ntawm tus Phem.  Ua li.



Nyob zoo Mim,

Raws kev cai hmoob, cov neeg laus neeg noj ntsev hais lus khev, txhais hais tias hais los twg yog lo twg, hais lus muaj kuab muaj hwj xyeej mas lawv tsis hais los lus "thov" lawv tsuas hais los tias: "kom" no xwb. Yam li ntawm lus fab kis los lawv twb tsis hais los tias: "nous vous prions"

Hais li koj hais yeej zoo lawm, ntawm kuv mas tsuas tshuav qhov tias txhob rau los lus "thov" thiab kab 3 tsis txhob hais 'koj lub ceeb tsheej los txog' yog "lub hwj huam"= règne yog nws lub hwj huam tswj kav, lub ceeb tsheej mas yog lub teb chaws=royaume.

Rau kuv mas kuv yuav hais li no, saum toj saud mas kuv txhais raws nkaus li lus fab kis hais xwb kuj tsis raws li lub ntsiab tiag:

Peb Txiv nyob saum Ntuj
Koj lub npe Ntshiab nto moo lug
Koj lub hwj huam los txog
Kom muaj raws li koj nyiam nyob ntiaj teb nws zoo li nyob saum Ntuj
Thov koj muab mov txaus peb noj hnub no
Koj zam txhaum rau peb zoo li peb zam rau cov ua rau peb mob siab ("zam rau luag" li zaj qub kuj haj yam zoo)
Koj txhob tso peb rau (rau es tsis yog raug) kev ntxias
Koj npo kom peb dim ntawm qhov phem.
Ua li.




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Txhais Lus Hmoon Zaj Peb Txiv Nyob Saum Ntuj

Post  Maiv Tooj on 28th November 2015, 5:49 pm

Tub Kawm wrote:Nyob zoo Mim, yeej yog li koj hais lawm, tiam si kuv xav kom nej kho cov zaj teev ntuj tseem ceeb xws li.
Zaj peb txiv, Zaj kuv ntseeg, Zaj tu siab, Zaj nyiam, Zaj poj huab, Zaj Koj nyob kaj lug Mab Liab, Zaj huab tais leej txiv, Zaj ntseeg, Zaj Teev Saw Mab Liab. Tseem tshuav ntau zaj kuv nco tsi tas.
Thiab kho lub txoos teev ntuj.
Kho cov npe teb chaws, cov npe Leej Ntshiab, kom yuav tib lo lus.

Dua li yog cov zaj nkauj hu qua hnub chiv thaum TP ua Mis Xas, xws li zaj chiv txoos, zaj cev mov cev cawv, zaj txais Yes Xus lub cev, zaj xaus lub txoos, ces nyiag siv nyiag ib zaj los kuj tau, vim cov nkauj ntawd muaj ntau hauj sim, ib lub teb chaws nws siv lwm zaj, ib qho chaw, muaj ntau tus sau ntau zaj nkauj, ces tsi tas kho los kuj tau. Tiam sis tsuav yog lub ntshiab lus haum raws li hauv ntawv ntshiab.

Hog hais txog cov zaj teev ntuj xws kuv hais ua ntej saud mas kuv xav kom kho kom haum raws tib lo lus, kom sawv daws yoog raws tib yam, mas thiaj li yuav ua tau raws li luas lwm haiv neeg.  

Ib qho mas mas tam sim no TP CVC tab tom kho phau ntawv Ntshiab mas nej yuav tsum nrog nws sib kho kom haum lus hmoob tiag tiag, saib yuav lu twg mas thiaj li yuav meej tshaj.
Xaws li 2 lo lus los ua piv txwv hais. Dej Ntuj, Dej Hiav Txwv.
Ntuj Lub Ceeb Tsheej, Ntuj Lub Qaum Ntuj.
Saib yuav los lus twg thiaj raug dua.  

Tub Kawm,

Los lus dej ntuj thiab hiav txwv mas yeej ua ob los hais li cov haiv neeg loj.

Xws li:

- Dej hiav txwv mas yog ib ceg dej ntuj los rau hauv plawv teb chaws
- Dej ntuj mas yog qhov hiav txwv loj mus ib phab teb chaws rau ib phab, xws li nyob ntiaj teb no muaj 4 lub dej ntuj: Dej Ntuj India, Océanie, Pacific thiab Atlantique.

Ntuj ceeb tsheej mas yog ib lo tseem lub hmoob puaj tiam mas ntshe peb yuav hloov tsis tau rau ib cov lus txua tshiab. Vim nws yuav tsis muaj lub muaj log, yuav tsis to taub txog hais tias yog hais dab tsi.

Cov npe leej ntshiab mas nyias hais raws nyias lub teb chaws uas nws nyob, tsuas kom sawv daws yuav tsum paub hais tias tus kuv hais no mas lus aas kiv yog hais li cas kom thaum yuav nrhiav tuaj mus thiaj li muab tau hauv paus los nrhiav keeb kwm tej.




Sponsored content

Re: Txhais Lus Hmoon Zaj Peb Txiv Nyob Saum Ntuj

Post  Sponsored content Today at 6:22 am

  • Post new topic

Current date/time is 9th December 2016, 6:22 am