Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


TXHAIS TSWV NTUJ LUB NPE. Empty

Suav neeg tuaj saib, txij hnub 17/09/2010 los mus.


    TXHAIS TSWV NTUJ LUB NPE.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5643
    Date d'inscription : 2009-08-18

    TXHAIS TSWV NTUJ LUB NPE. Empty TXHAIS TSWV NTUJ LUB NPE.

    Post  Maiv Tooj on 15th April 2019, 7:48 am


    Zaj 398- TXHAIS TSWV NTUJ LUB NPE.


    TXHAIS TSWV NTUJ LUB NPE. 10241910

    Raws li Tswv Ntuj lo lus uas Tswv Ntuj tau qhia rau Mais Xes tias:  Kuv yog tus uas kuv yuav yog!
    Peb los ntsuam saib xyuas txog Yes Xus lub npe, Yes Xus muaj ntau lub npe:
    1.Hu ua Yes Xus.
    Yog thawj lub npe Tswv Ntuj kom hu li ntawd.

    2. Yog Tswv Ntuj Leej Tub.  Thiab Tswv Ntuj lo lus.
    Tswv Ntuj rov qee Tswv Ntuj ib sab los ua neeg, kom tau ua Tswv Ntuj lo lus thiab yog Tswv Ntuj Leej Tub. Tus uas Tswv Ntuj nyiam dua cov. Tswv Ntuj hais tias:
    Tus no yog kuv Leej Tub.

    3. Yes Xus Pleev. Los yog Tus Pleev = txhais los ntawm lo lus Las Tees los hais tias, Jesu Christo = Lus Hmoob yog Vaj Yes Xus, los Yes Xus Pleev.  lo lus pleev mas yog thaum lawv tsa ib tug neeg ua Vaj mas lawv muab roj los pleev nws.  Ces lawv hu tus Vaj ua tus Pleev no.  
    Cia li hu ua tus Pleev no los txhais tau hais tias, yog tus Vaj lawm.  Lwm tus nws tsis raug pleev, lo lus Hmoob hu hais tias, Yes Xus khe Tos= yog hias tias, Yes Xus Vaj Pleev, los yog Vaj Yes Xus Pleev no.
    Christo= txhais tias: Vaj.

    4. Tus zoo Tswv Zov Yaj.
    Txhais hais tias, yog tus Tswv saib neeg ntiaj teb sawv daws Nws yog tus Tswv.  Tsoom neeg yog Nws pab Yaj…

    5. Tus me nyuam Yaj.
    Txhais hais tias, Yes Xus yog tus me nyuam Yaj dawb huv, Nws muab Nws los txi rau Tswv Ntuj. Ua cov txim dawb huv Ntxim Tswv Ntuj siab, kom cawm tau ntiaj teb neeg txhua tus muaj lub siab ntseeg dim txim ntawm dab kev ntxias ua txhaum.

    6. Tus Cawm Seej.
    Txhais tau ntau yam nyob hauv lo lus tus Cawm Seej no:   Thxhais hais tias, cawm kom muaj txoj sia, cawm kom dim ntawm dab phem, kev haub kev ntxias.
    Cawm cov neeg mob nkeeg, cawm cov neeg dig muag, neeg ceg tawv, tuag tes tuag taw. Ntawm sab cev nqaij thiab sab Ntsuj Plig tib si, kom dim tau rov los muaj txoj sia nyob.
    Tsuav yog ntseeg tiag thiab tso siab  tias, muaj tseeb raws li Tswv Ntuj hais, ces nws yuav raug cawm dim mus.
    Huab Tais Ntuj lub npe kuj txhais tau tias, Nyiam, yam li Leej Txiv thiab Leej Tub nkawd sib nyiam heev.  Ces cia li xeeb muaj Leej Ntuj Plig nyob ntawm Leej Txiv thiab Leej Tub nkawd kis nruab nrab los ua Leej Ntuj Plig.
    Ces nyob hauv Huab Tais lub npe muaj peb leeg loj sib luag zos. Lub npe ntawm Leej Txiv, yog lub hwj Chim tsim ntuj tsim teb tsim kom muaj tas puas tsav yam tuaj nyob.
    Lub npe ntawm Leej Tub, yog Tswv Ntuj Lo lus tuaj cawm lub ntiaj teb neeg, kom dim ntawm kev mloog dab Xas Tas tej lus haub ntsias thiab ua txhaum.
    Lub npe ntawm Leej Ntuj Plig, yog Tswv Ntuj lub hwj chim txoj kev tuaj nrog neeg nyob ua ke. Coj kom neeg cov Ntsuj Plig paub Tswv Ntuj, los koom ua ib cuab ib yig muaj txoj sia nyob nrog Tswv Ntuj
    Yuav muab Hmoob ib lo lus nyob hauv Hmoob lub neej los txhais:  
    Hais Hmoob lub Kos, uas muaj peb tug ceg!

    Nyob hauv peb tug ces Kos ntawd, muaj peb lub ntshiab los txhab txhais, kom haum raug raws li kev muaj tseeb ntawm neeg lub meej mom:

    1.Kev noj qab nyob zoo.
    Yus ua yus tus kws tshuaj kho yus, kom muaj kev ntseeg, los kev teev hawm, kom muaj kev ncaj ncee. Zoo li Haiv Hmoob yuav tsum muaj dab qhuas pov hwm lub vaj vaj tse.  
    Nyob nrog tsev neeg txhua tus, kom ua neeg tsim txiaj.  Muaj suab npe thiab muaj koob meej hwj chim tsim nyog, ua ib tug neeg thoob tsib.  To nrog paub kev paub cai, rau luag hwm.

    2. Kev muaj txiag nplua nuj.
    Nquag ua noj ua haus, muaj hauj lwm tseem ceeb ua, kom muaj noj muaj haus, muaj hnav xws luag. Kom luag saib taus thiab muaj chaw vam khom yus.

    3. Paub txuj paub ci.
    Kev paub txuj ci, muaj ob sab:  Yuav tsum paub sab Yaj thiab paub sab yeeb.  Saj Yaj muaj niam txiv, muaj kwv tij neej tsa nrog kev sib raug zoo.  
    Ua phooj ywg rau txhua pab txhua pawg, kom tsis muaj yeeb ncuab. Tsis muaj kev xam khib, cib Nyeej rau leej twg.  Txawj hwm neeg thiab saib taus tsoom txheeb ze…
    Sab Yeeb yog sab Ntsuj Plig, nrhiav txoj kev teev hawm tseem ceeb.  Uas tsim nyog yuav teev hawm kom muaj cov lus thoob tsib pub txoj sia.  Rau tus Ntsuj Plig kom muaj txoj sia ua neej nyob thaj yeeb.
    Ces cuag li koj muaj ib lub teeb, taws pom kev lam lug rau sab Ntsuj Plig.  Kom muaj txuj ci thiab muaj zog xws li, ib tug tub kawm txuj tiav los.  Muaj hmoo koj raug Tswv Ntuj txib koj ua Ntuj tus Tub Yaj Saub tshaj Ntuj zaj txuj ci tseem ceeb kom mus nto ntsis.

    Sacramento tim 26/3/2019.
    Yaj Zoov Ntxheb Xib Hwb.




      Current date/time is 20th April 2019, 6:11 am