Tsev qhia Ntuj Kev Cai "PEB TXIV NYOB SAUM NTUJ"

**Maiv Tooj** 20th September 2020, 5:25 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°1

Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 5:25 am

QHIA NTUJ KEV CAI
Sau Tim 12/5HLIS/2010

tu sau

Maiv Tooj

Zaj 1:

Tswv Ntuj yog leej twg?

Tswv Ntuj yog ib tug ntsuj plig, nyob ib txhiab ib ntxhid, zoo tshaj puas tsav yam, tus tsim ntuj tsim teb, tsim tas puas tsav yam thiab txhua yam tus tswv.

Tswv Ntuj nyob qhov twg?

Tswv Ntuj nyob tag qhov txhua chaw: saum ntuj, saum npoo av thiab txhua qhov chaw.

Tswv Ntuj puas pom txhua qhov?

Tswv Ntuj pom tag txhua yam: Yav dhau los, niaj hnub no, yav tom ntej, tag nrho tej kuv ua thiab kuv xav hauv siab.

Tsev qhia Ntuj Kev Cai "PEB TXIV NYOB SAUM NTUJ" TerreWorldWind

**Maiv Tooj** 20th September 2020, 5:26 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°2

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 5:26 am

Zaj 2:

Tswv Ntuj yog tus tsim ntuj, tsim teb, tsim ib puas tsav yam.

Thawj zag piav txog Tswv Ntuj tsim ntuj tsim teb.

1 : 1 - 31 + 2 : 1 - 4.
1 Thaum chiv lub keeb, Tswv Ntuj
tsim lub ntuj thiab lub ntiaj teb,
2 mas lub ntiaj teb tseem tsis tau tsheej
ntiaj teb thiab tsis muaj dab tsi nyob hauv
li. Qhov tsaus ntuj nti npog lub qhov ntuj
dub nciab. Tswv Ntuj nthwv cua kiv
nplawm ntws saum nplaim dej. 3 Tswv Ntuj hais tias :
"Kom muaj qhov pom kev." Ces txawm muaj qhov pom kev tuaj.
4 Tswv Ntuj pom tias qhov pom kev
ntawd zoo. Tswv Ntuj cais qhov pom kev
ntawm qhov tsaus ntuj. 5 Tswv Ntuj hu
qhov pom kev ua "nruab hnub" thiab hu
qhov tsaus ntuj ua "hmo ntuj." Txawm
muaj tsaus ntuj thiab muaj kaj ntug : yog
thawj hnub. 6 Tswv Ntuj hais tias :
"Kom muaj ib lub ntuj ntsuab nyob hauv
nruab nrab cov dej thiab kom nws quas
cov dej ntawm cov dej". Ces txawm muaj li ntawd tuaj.
7 Tswv Ntuj ua lub ntuj ntsuab los quas
cov dej nyob hauv qab ntuj ntsuab ntawm
cov dej nyob saum qaum ntuj ntsuab.
8 Tswv Ntuj hu lub ntuj ntsuab ua "ntuj."
Txawm muaj tsaus ntuj thiab muaj kaj ntug : yog hnub ob.
9 Tswv Ntuj hais tias :
"Kom cov dej uas nyob hauv qab lub ntuj
ntsuab sib sau los ua ib pawg xwb, thiab
kom av qhuav tshwm los." Ces txawm muaj li ntawd tuaj.
10 Tswv Ntuj hu cov av qhuav ua "ntiaj
teb" thiab hu cov dej ua "hiav txwv."
Tswv Ntuj pom tias qhov ntawd zoo. 11 Tswv Ntuj hais tias :
"Kom lub ntiaj teb tuaj nroj tsuag ntsuab
xiab : kom muaj nroj tsuag txawj muaj
noob, thiab kom muaj ntoo txi txiv nyias
txi nyias hom txiv, nyias muaj nyias hom
noob." Ces txawm muaj li ntawd tuaj.
12 Ntiaj teb tuaj nroj tsuag ntsuab xiab :
tej nroj tsuag nyias txawj txi nyias hom
noob thiab tej ntoo nyias txawj txi nyias
hom txiv, nyias muaj nyias hom noob.
Tswv Ntuj pom hais tias qhov ntawd zoo.
13 Txawm muaj tsaus ntuj thiab muaj kaj ntug : yog hnub peb.
14 Tswv Ntuj hais tias :
"Kom muaj tej lub ci ci nyob saum lub
ntuj ntsuab saud, cais nruab hnub thiab
hmo ntuj, thiab cia ua tej lub cim xam
hnub xam nyoog thiab suav hnub suav
xyoo, 15 kom tej lub ci ci nyob saum lub
ntuj ntsuab ua kom ntiaj teb pom kev."
Ces txawm muaj li ntawd tuaj. 16 Tswv
Ntuj ua ob lub ci ci loj dua cov, lub ci ci
loj yog lub kav nruab hnub, lub ci ci me
yog lub kav hmo ntuj, thiab cov hnub qub.
17 Tswv Ntuj muab lawv txawb rau saum
lub ntuj ntsuab saud kom ntiaj teb pom
kev, 18 cia kav nruab hnub thiab hmo
ntuj, thiab cia cais qhov pom kev ntawm
qhov tsaus ntuj. Tswv Ntuj pom tias qhov
ntawd zoo. 19 Txawm muaj tsaus ntuj
thiab muaj kaj ntug : yog hnub plaub.
20 Tswv Ntuj hais tias :
"Kom muaj tej tsiaj muaj sia npau xi nyob
hauv cov dej, thiab kom muaj noog ya
saum npoo ntiaj teb, saum ib nta ntuj
ntsuab." Ces txawm muaj li ntawd tuaj.
21 Tswv Ntuj tsim cov nab hiav txwv loj
loj thiab tas puas tsav yam tsiaj muaj sia
uas txawj ntab hauv dej, coob coob npau
xi nyias muaj raws nyias hom, thiab tsim
cov noog muaj tis, nyias muaj raws nyias
hom. Tswv Ntuj pom tias qhov ntawd
zoo. 22 Tswv Ntuj foom lus zoo rau lawv tias :
"Nej yeej meem tsim noob, yeej meem
huam vam mus nyob puv cov dej hauv
hiav txwv, kom cov noog yeej meem
huam vam mus puv ntiaj teb."
23 Txawm muaj tsaus ntuj thiab muaj kaj
ntug : yog hnub tsib.
24 Tswv Ntuj hais tias :
"Kom lub ntiaj teb txawj muaj tej yam
tsiaj muaj sia, nyias muaj raws nyias hom
: tsiaj nyeg, kab ntsaum, tsiaj qus, nyias
muaj raws nyias hom." Ces txawm muaj
li ntawd tuaj.
25 Tswv Ntuj ua tej tsiaj qus kom nyias
muaj nyias hom, tej tsiaj nyeg kom nyias
muaj nyias hom, thiab tas txhua yam kab
ntsaum kom nyias muaj nyias hom. Tswv
Ntuj pom tias qhov ntawd zoo.
26 Tswv Ntuj hais tias :
"Peb yuav ua tib neeg raws li peb tus
duab, kom zoo li peb me ntsis. Kom lawv
ua tswv kav cov ntses nyob hauv hiav
txwv, cov noog ya saum ntuj, cov tsiaj
nyeg, tas txhua yam tsiaj qus thiab txhua
yam kab ntsaum nkag hauv av.
27 Ces Tswv Ntuj tsim tib neeg raws li
nws tus duab. Yog raws li Tswv Ntuj tus
duab, mas nws thiaj tau tsim tib neeg.
Nws tsim nkawd ua txiv neej thiab ua poj
niam. 28 Tswv Ntuj foom lus zoo rau
nkawd thiab hais rau nkawd tias :
"Neb yeej meem tsim noob, yeej meem
huam vam mus puv ntiaj teb thiab tswj
ntiaj teb. Neb kav cov ntses nyob hauv
hiav txwv, cov noog ya saum ntuj thiab
tas puas tsav yam tsiaj uas nkag hauv av."
29 Tswv Ntuj hais tias :
"Kuv muab tas puas tsav yam nroj tsuag
muaj noob uas tuaj nyob saum npoo av,
kuv muab tas puas tsav yam ntoo txi txiv
thiab muaj noob rau neb : tej ntawd yuav
yog neb tej txhiam laj txhiam xws.
30 Kuv muab tas txhua yam nroj ntsuab
rau cov tsiaj qus, cov noog ya saum ntuj,
tas txhua yam nkag hauv av thiab ciaj sia,
kuv muab rau lawv ua txhiam xws noj."
Ces txawm muaj li ntawd tuaj.
31 Tswv Ntuj ntsia tas txhua yam nws
tau ua : txhua yam ntawd zoo kawg.
Txawm muaj tsaus ntuj thiab muaj kaj
ntug : yog hnub rau.
1 Lub ntuj thiab lub ntiaj teb yog
tsim los zoo li no, thiab tas txhua
yam nyob rau hauv. 2 Tswv Ntuj ua nws
txoj num tiav tas rau hnub xya. Ces hnub
xya nws thiaj so, vim nws ua nws txoj
num tiav tas. 3 Tswv Ntuj foom lus zoo
rau hnub xya thiab muab hnub xya ua
hnub ntshiab, vim nws ua nws txoj num
tsim ntuj tsim teb tiav tas ces hnub ntawd nws so.
4a Zaj kwv huam piav txog lub ntuj thiab
lub ntiaj teb, thaum ntuj tsim teb raug,
mas yog zoo li saum no.

Tsev qhia Ntuj Kev Cai "PEB TXIV NYOB SAUM NTUJ" Ntseeg10

Tag txhua yam Tswv Ntuj tsim tau zoo heev,
UA TSAUG RAU TXHUA YAM KUV TUS TSWV NTUJ.

- Leej twg yog tus tsim ntuj tsim teb?
-Tsim lub hnub, lub hli cov hnub qub?
- Leej twg yog tus tsim tej xyoob ntoo?
- Tej tsiaj?
- Yog nws ua li cas thiaj tau?
- Puas yog Tswv Ntuj tsim tag nrhog?
- Tswv Ntuj ua tau tas puas tsav yam, nws muaj hwj huam.

ZAJ NTSEEG

TP. Nyiaj Pov kho tshiab.

Kuv ntseeg txog Tswv Ntuj,
Yog leej txiv muaj hwj huam tas nrho,
yog tus tsim ntuj tsim teb.
Kuv ntseeg txog Yes Xus Pleev,
yog Tswv Ntuj leej Tub twm zeej, yog peb tus huab tais.
Leej Tswv Yim Ntshiab ua kom nws xeeb los ua neeg.
Nws yug ntawm Nkauj Ntshiab mab Liab los.
Lub caij Pis Las Tos ua nom,
Yes Xus raug luag hiam thiab ntsia saum ntoo cuam.
Nws tuag mus zwm av, mus txog ntuj txias teb tsaus.
Hnub peb, Yes Xus sawv hauv cov tub tuag rov los.
Nws nce mus lawm saum ntuj,
zaum ntawm Leej Txiv muaj hwj huam tas nrho phab xis.
Nws yuav rov los txiav txim rau cov neeg ciaj neeg tuag.
Kuv ntseeg txog Leej tswv Yim Ntshiab.
Ntseeg txog Tsoom Leej Ntshiab sib koom Ntuj Lub Txiaj Ntsim.
Ntseeg txog kev daws txhaum.
Ntseeg txog neeg lub cov sawv rov los.
Ntseeg muaj txoj sia nyob mus li. Ua li.

Tsev qhia Ntuj Kev Cai "PEB TXIV NYOB SAUM NTUJ" The-kingdom-of-God-small

Tsev qhia Ntuj Kev Cai "PEB TXIV NYOB SAUM NTUJ" The-kingdom-of-God-small

**Maiv Tooj** 20th September 2020, 5:26 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°3

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 5:26 am

Zaj 3

Tswv Ntuj tsim cov Tshiab

Tswv Ntuj hais tias:
Kuv xav kom muaj ib cov Tshiab los hlub kuv thiab rau kuv txib.

Tam sim ntawd txawm muaj cov tshiab tshwm sim los, muaj coob heev ya puv ntuj tag.

Koj puas tau pom dua ib tug Tshiab li?

Kuv yuav tsis pom, vim cov Tshiab tsis muaj lub cev ntaj ntsug.
Lawv yog ib co NTSUJ PLIG.
Yus tsis pom thiab kov tsis tau, tab sis peb yuav mus ntsib lawv nyob saum Ntuj Ceeb Tsheej.

Ntawm cov duab, lawv ua cov Tshiab muaj tis. Yog xav ua kom peb paub tias cov Tshiab yog ib cov swm zeej mloog lus heev, tau Tswv Ntuj lub siab kawg li.

Cov Tshiab paub ntau yam tshaj peb,
thiab lawv pom Tswv Ntuj.

Thaum Tswv Ntuj muab cov Tshiab tso rau saum Ntuj, lawv puav leej yog cov Tshiab siab zoo thiab ntxim nyiam heev, lawv nyiam thiab hwm Tswv Ntuj heev.

Tsev qhia Ntuj Kev Cai "PEB TXIV NYOB SAUM NTUJ" 17

Cov Tshiab poob tsim

Muaj ib hnub, txawm muaj ib cov Tshiab ntau ncauj; lawv tus Thawj Ntxwj Nyug thiaj hais tias: "Kuv tsis xav muaj Tus Tswj, kuv tsis xav mloog Tswv Ntuj".

Ces Ntxwg Nyuj thiab cov Tshiab tsis zoo lawv thiaj tawm ntawm Ntuj Ceeb Tsheej poob mus rau Dab Phem teb( Ntuj txias teb tsau)!

Nej pom nyob ntawm cov qhov rais tsev teev Ntuj, lawv ua tus duab li nab los yog dab los muab tej lub tswv yim phem ntxias yus.

Tag nrho cov Tshiab puav leej zoo, tab sis cov uas tsis mloog Tswv Ntuj lus cia li hloov ua cov Tshiab phem lawm. Lawv hu ua cov Tshiab phem los yog Dab Phem.

Thaum ub lawv nyiam Tswv Ntuj, zaum no lawv ntxub Tswv Ntuj heev.
Lawv ua txhua yam ntxias kom peb nrug deb ntawm Tswv Ntuj, kom raws lawv mus lawm Dab teb.

Lawv yeej ntxias peb txhua tus: Lawv ntxias peb tus ntsuj plig.
" Nej yuav tau txhob mloog, txhob qaug rau txoj kev ntxias, kev kub ntxhov, chim siab thiab ciaj caub, kev plees kev yi, kev fuab luag tug, kev ncauj ntau,...thc...

Tab sis Tswv Ntuj muaj hwj huam tas nrhog, thiab peb yuav txhob ntshai Dab Phem.

Cov Tshiab zoo, lawv tus Tswj yog Michel. Lawv tseem niaj hnub mloog Tswv Ntuj lus, lawv nrog Tswv Ntuj nyob saum Ntuj.

Tsev qhia Ntuj Kev Cai "PEB TXIV NYOB SAUM NTUJ" 20

Tsev qhia Ntuj Kev Cai "PEB TXIV NYOB SAUM NTUJ" 21

**Maiv Tooj** 20th September 2020, 5:29 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°4

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 5:29 am

Zaj 4.

Tus Tshiab Pov Hwm (Ange Gardien)

Tswv Ntuj siab zoo tas nrho thiab nws hlub cov me nyuam heev thiaj muaj ib leej niam, ib leej txiv los hlub lawv. Thiab Nws muab ib tug Tshiab los tsom kwm tus me nyuam yog: tus "Tshiab Pov Hwm".

Peb ib leeg muaj ib tug Tshiab Pov Hwm uas nws tsis ncaim peb li tsis hais nruab hnub los hmo ntuj yeej nrog nraim peb. Thaum peb ua hauj lwm, peb ua si, peb chim siab los peb lom zem, nws nrog nraim peb, nws teev Ntuj rau peb. Nws pab peb txuag kom peb tug plig dawb hu, txhob ua txhaum.

Peb tus Tshiab Pov Hwm muab tej lub tswv yim zoo rau yus yam li:

Pab luag tej, ua neeg nquag, ua neeg siab zoo siab ncaj, hais lus zoo, siab ntev ...thc...Tab sis ntau zaus mas peb pheej tsis mloog nws hais.

Tej thaum yus lub siab xav tias:

Luag tsis pom yus ces yus nyiag kiag ib qho khoom
====> Qhov nov yog Dab Phem dag ntxias yus kom yus yuam kev.

Tsis muaj neeg pom yus tab sis Tswv Ntuj thiab yus tus Tshiab Pov Hwm pom yus.

Cov Tshiab zoo ua dab tsis rau peb?

-Cov Tshiab zoo saib xyuas yus, tiv thaiv thiab qhia kom peb xyaum ua zoo.
-Peb ib leeg muaj ib tug Tshiab Pov Hwm.

Dab Phem ua dab tsi rau peb?

-Dab Phem nrhiav kev phem los ntxias kom peb yuam kev rau kev txhaum.

Tsev qhia Ntuj Kev Cai "PEB TXIV NYOB SAUM NTUJ" Tus_ts10

**Maiv Tooj** 20th September 2020, 5:42 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°5

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 5:42 am

ZAJ 5

Lub vaj Es Dees.

Hauv Paus 2 : 5 - 25.

4b Thaum lub caij HUAB TAIS Tswv
Ntuj tsim lub ntiaj teb thiab lub ntuj,
5 tseem tsis tau muaj ib tug me yub ntoo,
ib tug nroj tsuag tuaj li, vim HUAB TAIS
Tswv Ntuj tseem tsis tau ua kom los nag
rau ntiaj teb, thiab tseem tsis tau muaj tib
neeg los cog tej av. 6 Tab sis muaj dej
txhawv hauv av los ywg tas nrho daim
npoo av.

7 HUAB TAIS Tswv Ntuj muab ib thooj
av nplaum los puab ua tib neeg. HUAB
TAIS Tswv Ntuj tshuab pa rau hauv tib
neeg qhov ntswg, ces tib neeg ciaj ua ib
tug muaj sia.

Tsev qhia Ntuj Kev Cai "PEB TXIV NYOB SAUM NTUJ" Dieu-p10

8 HUAB TAIS Tswv Ntuj cog tau ib lub
vaj nyob Es Dees, nyob sab hnub tuaj.
Nws muab tus txiv neej uas nws tau puab
tso rau hauv lub vaj. 9 HUAB TAIS
Tswv Ntuj ua kom txhua yam ntoo uas
zoo saib thiab zoo noj tuaj hauv lub vaj
thaj av. Tus ntoo muaj txoj sia tuaj nyob
hauv nruab nrab lub vaj, thiab tus ntoo
uas paub qhov zoo qhov phem. 10 Ib tug
dej txhawv hauv Es Dees ntws mus ywg
lub vaj. Tus dej ntawd ncau ua plaub ceg.
11 Thawj tus dej, hu ua Dej Pis Soos.
Nws chev hla thoob lub teb chaws Has
Vis Las uas muaj kub. 12 Hom kub teb
chaws ntawd yog tseem kub. Kuj muaj
ib hom txab ntoo zoo thiab muaj hom pob
zeb dub muaj nqis nyob ntawd.

13 Tus dej ob hu ua Dej Ntsis Hoos.
Nws chev ncig lub teb chaws Kus Saws.
14 Tus dej peb hu ua Dej Tis Nkis : nws
ntws nyob As Xws teb sab hnub tuaj. Tus
dej plaub yog tus Dej Aws Fas Tes.

15 HUAB TAIS Tswv Ntuj coj tus txiv
neej mus nyob hauv lub vaj Es Dees kom
nws cog lub vaj thiab saib lub vaj.

16 HUAB TAIS Tswv Ntuj qhia tus txiv
neej li no :
"Koj noj tau cov txiv txi ntawm tas txhua
tsob ntoo hauv lub vaj no tib si. 17 Tiam
sis cov txiv txi ntawm tus ntoo paub qhov
zoo thiab qhov phem, mas koj txhob noj.
Yog koj noj hnub twg, mas hnub ntawd
koj yuav tuag."
18 HUAB TAIS Tswv Ntuj hais tias :
"Cia txiv neej nyob ib leeg mas tsis zoo.
Kuv yuav ua ib tug pab nws kom phim
nws."

Tsev qhia Ntuj Kev Cai "PEB TXIV NYOB SAUM NTUJ" Tsim_n11

19 HUAB TAIS Tswv Ntuj thiaj muab
av los puab tas puas tsav yam tsiaj qus
thiab tas puas tsav yam noog ya saum
ntuj. Nws coj los rau tus txiv neej xyuas
saib nws yuav tis npe li cas rau. Txhua
yam tsiaj yuav muaj lub npe raws li tus
txiv neej tis rau. 20 Tus txiv neej tis npe
rau tas txhua hom tsiaj nyeg, rau cov
noog ya saum ntuj, thiab rau tas txhua
hom tsiaj qus, tiam sis nws nrhiav tsis tau
ib tug pab nws thiab phim nws.

Tsev qhia Ntuj Kev Cai "PEB TXIV NYOB SAUM NTUJ" Unname14

21 HUAB TAIS Tswv Ntuj tso ib tug
dab ntub hlob laum tus txiv neej, ces nws
tsaug zog lawm. Tswv Ntuj rho nws ib
tug tav tawm los, nws rov kaw lub qhov
zoo li qub. 22 HUAB TAIS Tswv Ntuj
muab tus tav uas nws rho ntawm tus txiv
neej los puab ua ib tug poj niam. Tswv
Ntuj coj los rau tus txiv neej saib. 23 Tus
txiv neej nqua suab hlo tias :

"Zaum no, tus no yog tseem txha ntawm
kuv txha thiab tseem nqaij ntawm kuv
nqaij tiag ! Tus no yuav hu ua 'poj niam,'
vim tus no tawm ntawm txiv neej los !"
24 Vim li no txiv neej thiaj tso niam tso
txiv tseg, mus npuab nws tus poj niam,
ces nkawd ua ib lub cev nqaij xwb.

25 Thaum ntawd, tus txiv neej thiab tus
poj niam nkawd ob leeg nyob liab qab,
tiam sis nkawd ib leeg tsis txaj muag rau
ib leeg.

Thawj tus neeg yog leej twg?

- Thawj tus txiv neej uas Tswv Ntuj xub tsim hu ua: As das
- Thawj tug poj niam yog Es Vas

Yog peb thawj thawj tug poj koob yawm txwv.

Yog tim li cas tswv Ntuj thiaj tsim tib neeg?

-Tswv Ntuj tsim peb ua neeg kom peb paub NWS li ib leej txiv, kom tsob zeem ( nyiam) NWS thiab rau nws txib. Kom peb tau txais txoj kev zoo saum ntuj.

Tswv Ntuj tsim tib neeg, nws tsim ib lub cev thiab tus plig.

Tswv Ntuj tsim tib neeg, nws tsim muaj ib lub cev thiab ib tug plig. Tus plig nws nyob mus li, tsis txawj tuag, peb neeg yaj ceeb tsis pom thiab kov tsis tau nws.

Thaum Tswv Ntuj tsim Adas, nws tsim muaj lub cev thiab tus ntsuj plig.
Lub cev peb pom thiab tes kov tau.

Tab sis cov tsiaj ntxhu mas muaj lub cev xwb, tsis muaj ntsuj plig.

Leej neeg thaum nws teev Ntuj nws tsis pom Tswv Ntuj, tab sis Tswv Ntuj pom nws thiab hais lus rau nws.
Tej tsiaj ntxhu tsis paub Tswv Ntuj, lawv tsis txawj teev Ntuj, vim lawv tsis muaj ntsuj plig.

Zaj teev Ntuj: Kuv ua koj tsaug Tswv Ntuj, uas koj muab ib lub cev thiab ib tug ntsuj plig rau kuv.

Tsev qhia Ntuj Kev Cai "PEB TXIV NYOB SAUM NTUJ" 15

Tsev qhia Ntuj Kev Cai "PEB TXIV NYOB SAUM NTUJ" 15

**Maiv Tooj** 20th September 2020, 5:49 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°6

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 5:49 am

ZAJ 6

Neeg poob rau kev txhaum (lub keeb txhaum).

Tsev qhia Ntuj Kev Cai "PEB TXIV NYOB SAUM NTUJ" Peche10

Hauv Paus 3 : 1 - 24.

1 Tus nab yog tus ntse tshaj tas
txhua hom tsiaj HUAB TAIS Tswv
Ntuj tau tsim los nyob nruab nrag. Nab
hais rau tus poj niam tias :
"Li ntawd, Tswv Ntuj hais tias : Neb
yuav tsis txhob noj txhua yam txiv ntoo
hauv lub vaj no puas yog ?"

2 Tus poj niam teb rau tus nab tias :
"Wb noj tau cov txiv txi saum cov ntoo
hauv lub vaj no tib si. 3 Tsuas tshwj cov
txiv txi saum tsob ntoo nyob hauv nruab
nrab lub vaj, mas Tswv Ntuj hais tias :
“Neb tsis txhob noj, tsis txhob kov, yog
neb noj neb kov, mas neb yuav tuag."

Tsev qhia Ntuj Kev Cai "PEB TXIV NYOB SAUM NTUJ" A764610

4 Tus nab teb ntua tus poj niam tias :
"Tsis muaj li ntawd ib zaug ! Neb yuav
tsis tuag. 5 Vim Tswv Ntuj paub tias,
hnub twg neb noj ces neb qhov muag
yuav qhib, neb yuav zoo li tej tus tswv
ntuj uas paub qhov zoo thiab qhov phem."
6 Tus poj niam pom hais tias tus ntoo
ntawd yeej zoo noj thiab zoo saib kawg,
thiab yog tus ntoo uas yus ntshaw noj
kom yus paub qhov zoo thiab qhov phem.
Nws de zoj lub txiv ntawm tus ntoo los
noj. Nws kuj cev rau nws tus txiv uas
nrog nws nyob, ces tus txiv kuj noj thiab.
7 Ces nkawd ob leeg qhov muag qhib
plho, nkawd paub hais tias nkawd liab
qab. Nkawd thiaj muab nplooj ncuav pias
los ua tiab npua.

Tsev qhia Ntuj Kev Cai "PEB TXIV NYOB SAUM NTUJ" Unname15

8 Thaum cua tuaj ntxiag, nkawd hnov
HUAB TAIS Tswv Ntuj rhais ruam ncig
lub vaj. Tus txiv neej thiab nws tus poj
niam khiav tsiv nraim HUAB TAIS Tswv
Ntuj hauv cov ntoo nyob hauv lub vaj.
9 HUAB TAIS Tswv Ntuj hu tus txiv
neej hais tias :

"Koj nyob qhov twg ?"
10 Tus txiv neej teb tias :
"Kuv hnov koj rhais ruam hauv lub vaj.
Kuv ntshai vim kuv liab qab, kuv thiaj
khiav tsiv nraim."

11 Tswv Ntuj rov hais ntxiv tias :
"Leej twg qhia koj tias koj liab qab ?
Yog koj noj lub txiv uas kuv txwv tsis
pub noj lawm puas yog ?"
12 Tus txiv neej teb tias :

"Yog tus poj niam uas koj tso nyob ze
kuv, muab lub txiv rau kuv, ces kuv thiaj noj !"

13 HUAB TAIS Tswv Ntuj hais rau tus
poj niam tias :

"Koj ua dab tsi li ntawd ?"
Tus poj niam teb tias :
"Yog niag nab ntxias kuv, kuv thiaj noj."

As Das thiab Es Vas puas mloog Tswv Ntuj lus?

-As Das thiab Es Vas tsis mloog Tswv Ntuj lus, nkawd raug Dab Phem ntxias, nkawd thiaj noj lub TXIV PAUB TAB uas Tswv Ntuj txwv.

Thawj qhov txhaum uas neeg ua hu li cas?

- Thawj qhov txhaum uas As Das thiab Es Vas ua hu ua Lub Keeb Txhaum.

Last edited by Maiv Tooj on 20th September 2020, 5:51 am; edited 1 time in total

**Maiv Tooj** 20th September 2020, 5:51 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°7

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 5:51 am

ZAJ 7

Huab Tais Ntuj rau txim rau As Das thiab Es Vas.

Tsev qhia Ntuj Kev Cai "PEB TXIV NYOB SAUM NTUJ" Garden_of_eden

14 Ces HUAB TAIS Tswv Ntuj hais rau
tus nab hais tias :

"Vim koj tau ua li ntawd, koj txoj hmoov
yuav phem tshaj ib tsoom tsiaj nyeg thiab
tsiaj qus. Koj yuav xuas koj lub plab mus
kev, thiab koj yuav niaj hnub noj av tas
koj sim neej. 15 Kuv yuav ua kom muaj
kev ciaj caub ntawm koj thiab tus poj
niam, ntawm koj caj ces thiab nws caj
ces. Nws yuav tsuj koj taub hau, koj yuav
tom nws luj taws."
16 Tswv Ntuj hais rau tus poj niam hais
tias :

"Kuv yuav ua kom koj muaj mob ntau
thaum koj xeeb tub xeeb ki. Koj yuav tau
mob tau ntsaj, koj thiaj yug tau me tub me
nyuam. Tsis kav, koj tseem yuav ntshaw
koj tus txiv, tiam sis nws yuav tswj koj."
17 Tswv Ntuj hais rau tus txiv neej hais
tias :

"Vim koj tau mloog koj tus poj niam lus,
koj thiaj noj lub txiv kuv txwv tsis kheev
noj, av thiaj raug foom phem vim koj !
Koj yuav siv zog khwv tas koj lub neej
koj thiaj tau noj. 18 Av yuav tuaj pos
tuaj nrhab rau koj, thiab koj yuav noj tej
nroj tsuag uas tuaj hauv nruab teb.
19 Koj ntsej muag yuav tawm hws lug
koj thiaj tau noj, mus txog hnub koj rov
mus ua av, vim koj yog av puab. Koj yog
av luaj ces koj yuav rov mus ua av luaj."
20 Tus txiv neej tis npe rau nws poj niam
hu ua Es Vas, vim nws yog ib tsoom neeg
muaj txoj sia leej niam.

21 HUAB TAIS Tswv Ntuj muab tawv
los ua tsoos rau tus txiv neej thiab nws
poj niam hnav. 22 Thiab HUAB TAIS
Tswv Ntuj hais tias :

"Zaum no tib neeg zoo li peb lawm, nws
paub qhov phem thiab qhov zoo. Yuav
tsis pub kom nws cev tes mus de tau tsob
txiv muaj txoj sia los noj ntxiv, tsam nws
muaj txoj sia nyob mus li."
23 HUAB TAIS Tswv Ntuj thiaj tshem
neeg tawm hauv lub vaj Es Dees, kom
neeg mus cog cov av uas muab los puab
nws. 24 Tswv Ntuj ntiab tib neeg tawm,
nws tso ib co Tshiab Kes Lus Npis zov
lub vaj Es Dees.
Tswv Ntuj tsa ib rab ntaj nplaim taws
thaiv txoj kev mus txog tus ntoo muaj txoj sia.[/size]

Tsev qhia Ntuj Kev Cai "PEB TXIV NYOB SAUM NTUJ" 31

Tsev qhia Ntuj Kev Cai "PEB TXIV NYOB SAUM NTUJ" 31

-Tom qab lub keeb txhaum uas Sa Das thiab Es Vas nkawd ua tag, Tswv Ntuj puas tso neeg tseg tsis hlub lawm?

Tom qab lub keeb Txhaum tag, Tswv Ntuj tsis tso neeg tseg, NWS cog lus tias yuav xa ib tug Cawm Seej los.

-Neeg tus Cawm Seej uas Tswv Ntuj yuav tso puas tau los?

Neeg tus Cawm Seej uas Tswv Ntuj tau cog lus cia twb los lawm,
yog Tswv Ntuj Leej Tub yug ua neeg.

-Tswv Ntuj Leej Tub yug ua neeg lub npe hu li cas?
Tswv Ntuj Leej Tub yug ua neeg lub npe hu ua Yes Xus Pleev.

-Yes Xus Niam lub npe hu li cas?
Yes Xus Niam hu ua Mab Liab.
Peb hu ua Nkauj tsim txiaj Mab Liab.

Tsev qhia Ntuj Kev Cai "PEB TXIV NYOB SAUM NTUJ" 38369610

**Maiv Tooj** 20th September 2020, 6:00 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°8

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 6:00 am

Zaj 8

Kas Ees thiab As Npes.

Tsev qhia Ntuj Kev Cai "PEB TXIV NYOB SAUM NTUJ" Schnor10

4 : 1 - 16.

1 As Das paub nws poj niam. Ces
tus poj niam xeeb tub thiab yug tau
Kas Ees. Nws hais tias :
"Kuv tau ib tug tub ntawm HUAB TAIS los."

2 Nws kuj yug tau As Npes, yog Kas Ees
tus kwv. As Npes hlob, nws ua ib tug tub
yug tsiaj hos Kas Ees ua liaj ua teb.
3 Ntev tom qab, Kas Ees txawm muab
nws cov qoob los txi rau HUAB TAIS.
4 Hos As Npes, nws kuj muab thawj tus
me nyuam uas nws cov tsiaj yug tau, los
txi Ntuj. Nws tseem muab lawv cov roj
los txi huv tib si. HUAB TAIS zoo siab
rau As Npes, ces nws txais As Npes cov
txim. 5 Tab sis HUAB TAIS tsis zoo
siab rau Kas Ees thiab tsis txais Kas Ees
cov txim, ces Kas Ees npau taws thiab ua
ntsej muag dub nciab.

6 HUAB TAIS hais rau Kas Ees tias:
"Vim li cas koj thiaj npau taws thiab ua
ntsej muag dub nciab li ko ? 7 Yog koj
txiav siab ua zoo mas koj yuav rov tsa
taus koj lub ntsej muag. Hos yog koj tsis
txiav siab ua zoo ces kev txhaum nyob
rawv ntawm koj qhov rooj, xws li tus tsiaj
nyas nrhw yuav tom koj. Yog koj xav
yeej, mas koj tseem yuav yeej tau txoj kev txhaum."

8 Tab sis muaj ib zaug, Kas Ees hais rau
nws tus kwv As Npes tias : "Wb mus yos."

Thaum nkawd mus nrug deb ntawm zos
lawm, Kas Ees txawm dhia rhees mos
ntiag nws tus kwv, muab tus kwv tua.
9 HUAB TAIS nug Kas Ees hais tias :
"Koj tus kwv As Npes nyob qhov twg ?"
Kas Ees teb tias :
"Kuv tsis paub. Kuv puas yog tus zov
rawv kuv tus kwv ?"

Tsev qhia Ntuj Kev Cai "PEB TXIV NYOB SAUM NTUJ" Cain-e10

10 HUAB TAIS rov hais tias :
"Koj tau ua dab tsi ? Koj sim mloog saib,
koj tus kwv cov ntshav quaj qw hauv av
tuaj rau kuv ! 11 Zaum no koj yuav tau
hmoov phem thiab koj yuav raug ntiab
tawm hauv thaj av zoo uas tau rua ncauj
cug koj tus kwv cov ntshav. 12 Yog koj
ua teb, av yuav tsis txi qoob rau koj
lawm. Koj yuav ua neeg loj leeb ncig ntiaj teb."

13 Kas Ees hais rau HUAB TAIS tias :
"Kuv lub txim hnyav dhau, kuv ris tsis
taus. 14 Ntsia saib, hnub no koj muab
kuv ntiab tawm hauv thaj av zoo no mus,
kuv yuav tsum mus tsiv nraim deb ntawm
koj lub ntsej muag, thiab kuv yuav ua
neeg loj leeb ncig ntiaj teb. Ntshai thawj
tus neeg tuaj ntsib kuv yuav muab kuv tua xwb !"

15 HUAB TAIS teb tias :
"Yog leej twg tua Kas Ees mas yuav muaj
tus ua pauj rau nws xya zaus."
Ces HUAB TAIS ntaus ib lub cim rau
Kas Ees kom thawj tug neeg ntsib nws
txhob muab nws tua. 16 Kas Ees thiaj
txav mus deb ntawm HUAB TAIS xub
ntiag. Nws mus nyob lub teb chaws Nos
Daws, nyob ntawm lub vaj Es Dees, sab hnub tuaj.

Tsev qhia Ntuj Kev Cai "PEB TXIV NYOB SAUM NTUJ" Unname16

Neeg paub txoj kev tuag thawj zaug.

**Maiv Tooj** 20th September 2020, 6:04 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°9

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 6:04 am

Zaj9

Dej nyab ntiaj teb

Ntiaj teb neeg ua phem.
6 : 1 - 12.
1 Thaum tib neeg pib coob tuaj
nyob hauv ntiaj teb lawm, thiab tib
neeg yug tau ntxhais coob lawm, 2 mas
Tswv Ntuj cov tub pom hais tias tib neeg
cov ntxhais zoo ntxim lawv siab, ces lawv
mus yuav tas nrho cov uas lawv nyiam coj los ua poj niam.
3 HUAB TAIS hais tias :
"Kuv lub tswv yim yuav tsis nyob hauv
tib neeg, yog vim tib neeg yog ib lub cev
nqaij. Vim nws yog ib lub cev nqaij, mas
nws lub neej yuav ntev ib puas nees nkaum xyoo xwb."
4 Thaum ntawd, cov neeg Nes Fis Lis
twb nyob lawm, (lawv kuj tseem nyob
yav tom qab ntxiv thiab), yog lub sij
hawm uas Tswv Ntuj cov tub yuav tib
neeg cov ntxhais coj los yug me nyuam
rau lawv, ces thiaj tau cov neeg muaj
peev xwm thiab muaj koob meej nto lug
txheej thaud. 5 HUAB TAIS pom hais
tias nyob ntiaj teb, neeg siab phem tas
nrho, thiab neeg lub siab tsuas xav qhov
phem tas hnub xwb. 6 HUAB TAIS
khuv xim hais tias nws tau tsim neeg los
nyob ntiaj teb. HUAB TAIS tu siab.
7 Ces HUAB TAIS hais tias :
"Kuv yuav muab cov neeg uas kuv tau
tsim ntawd rhuav kom ploj tas saum daim
npoo av, tsis hais neeg, los tsiaj nyeg, kab
ntsaum los noog ya saum ntuj huv tib si,
vim kuv khuv xim tias kuv tau tsim lawv los."
8 Tiam sis Nos Hes yog ib tug neeg zoo
xis HUAB TAIS siab. 9 Ntawm no Nos Hes zaj kwv huam : Nos Hes yog ib
tug neeg ncaj dua tas tsoom neeg ua neej
nyob lub sij hawm ntawd, thiab nws nrog
Tswv Ntuj sib raug zoo.
10 Nos Hes yug tau peb tug tub, Xees,
Has thiab Zas Fes. 11 Lub ntiaj teb ua
phem zuj zus rau Tswv Ntuj thiab muaj
kev ua nruj ua tsiv ntau zuj zus.
12 Tswv Ntuj pom tias ntiaj teb phem
thiab qias kawg nkaus, vim txhua tus neeg
uas muaj lub cev nqaij coj tus yeeb yam
phem nyob ntiaj teb.

Tsev qhia Ntuj Kev Cai "PEB TXIV NYOB SAUM NTUJ" 1_4_le10

Daim txiag zeb sau txog Dej Nyab ntiaj teb.
Raws li lawv sau rau ntawm daim phiaj zeb nov,
Dej nyab ntiaj teb yog thaj tsam xyoo – 3 500 thiab – 3300 Ua ntej Yes Xus yug los.

Dej nyab ntiaj teb.
6 : 13 - 22 + 7 : 1 - 24.
13 Tswv Ntuj hais rau Nos Hes tias :
"Lub caij uas txhua tus muaj lub cev
nqaij yuav ploj mus los txog lawm. Kuv
tau txiav li ntawd, vim lub ntiaj teb muaj
kev phem ntau dhau los ntawm neeg los,
ces kuv yuav muab lawv rhuav kom ploj
ntais hauv ntiaj teb mus. 14 Koj yuav
xuas ntoo xwb cob txua ib lub nkoj.
Koj yuav muab tauj los xov thiab muab
roj hmab los leem sab hauv sab nraud rau.
15 Koj yuav txua raws li no : qhov ntev
yog peb puas tshim, qhov dav yog tsib
caug tshim, qhov siab yog peb caug
tshim. 16 Koj yuav ua ib lub ruv rau lub
nkoj kom siab li ib tshim tshaj saud. Koj
yuav ua lub qhov rooj rau ntawm ib sab,
thiab koj yuav ua kom muaj txheej ib,
txheej ob thiab txheej peb. 17 Ntawm
kuv mas kuv yuav ua kom dej loj loj los
nyab lub ntiaj teb, kom txhua yam muaj
txoj sia hauv lub qab ntuj ploj tas mus :
tas puas tsav yam nyob hauv ntiaj teb
yuav tsum tuag kom tas mus. 18 Tiam
sis kuv yuav nrog koj cog lus. Koj yuav
nkag mus lawm hauv lub nkoj, koj thiab
koj cov tub, koj poj niam thiab koj cov
tub cov poj niam nrog koj. 19 Tas puas
tsav yam muaj txoj sia, tas puas tsav yam
muaj lub cev nqaij, koj yuav muab kom
tau ib hom ob tug nrog koj mus lawm
hauv lub nkoj kom txuag lawv txoj sia :
yuav tsum yog ib tug maum thiab ib tug
txiv. 20 Ib hom ib nkawg ntawm cov
noog, ib hom ib nkawg ntawm cov tsiaj
nyeg, ib hom ib nkawg ntawm tej kab
ntsaum nkag hauv av yuav nrog koj nkag
mus kom txuag lawv txoj sia. 21 Ntawm
koj, mas koj yuav tsum nrhiav tas puas
tsav yam zoo noj coj los khaws cia kom
ntau, ces thiaj li yuav muaj txhiam xws
noj rau koj thiab rau lawv."
22 Nos Hes ua raws li ntawd : tas puas
tsav yam uas Tswv Ntuj kom ua, mas nws cia li ua.

Tsev qhia Ntuj Kev Cai "PEB TXIV NYOB SAUM NTUJ" 47236110

Tsev qhia Ntuj Kev Cai "PEB TXIV NYOB SAUM NTUJ" Arche-11

Tsev qhia Ntuj Kev Cai "PEB TXIV NYOB SAUM NTUJ" 1213

Tsev qhia Ntuj Kev Cai "PEB TXIV NYOB SAUM NTUJ" 13788610

Tsev qhia Ntuj Kev Cai "PEB TXIV NYOB SAUM NTUJ" Maxres10

Lawv nrhiav tau Nom Hes luv Nkoj poob tau 4800 xyoo rau saum lub Roob Ararat siab 4000 metre attitude, nyob Turquie teb.

**Maiv Tooj** 20th September 2020, 6:21 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°10

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 6:21 am

ZAJ 10

HAS NPLAS HAS

Tsev qhia Ntuj Kev Cai "PEB TXIV NYOB SAUM NTUJ" Ur_abr11

Lawv rov mus tshawb Has Nplas Has tej qub hneev taw,
nov yog lub nroog Uj thaum ub Has Nplas Has nyob.

Ntev tom qab dej nyab ntiaj teb tag, thaj tsam 2000 xyoo ua ntej Yes Xus yug los,neeg coob zuj zus, neeg coob heev hauv ntiaj teb, ces neeg tsis nco qab txog Tswv Ntuj lawm.
Lawv txawm mus teev tej Saub cuav, teev mlom neeg, mlom tsiaj uas lawv hu cov neeg ntawd hu ua cov neeg teev dab.

Nyog hauv lub nroog Uj, muaj ib tug neeg zoo thiab ncaj ncees: Has Nplas Has.
Faj Tim Huab Tais (Tswv Ntuj) xaiv nws ua tus Hauv Paus ntawm ib haiv neeg, YOG TSWV NTUJ HAIV NEEG, uas tus Cawm Seej yuav yug los, uas Tswv Ntuj tau cog lus tseg thaum Neeg lub Keeb Txhaum.

Tswv Ntuj hais rau Has Nplas Has hais tias:
"Tawm hauv lub teb chaws cov neeg teev dab no mus, tso tag nrho puas tsav yam tseg, es los rau lub teb chaws uas kuv qhia koj".

Tswv Ntuj hais ib qho nyuaj heev rau Has Nplas Has, kom tso nws tej phooj ywg txheeb ze thiab vaj tsev tseg tib si...

Has Nplas Has ntseeg tswv Ntuj,
Nws mloog thiab cia li sawv kev mus.

Has Nplas Has mus deb heev thiaj li los txog rau lub teb chaws Kas Nas Has.

Tswv Ntuj rov tawm tuaj rau nws pom xyeem thiab hais rau Has Nplas Has tias:
"Kuv muab lub teb chaws nov rau koj, rau koj cov me nyuam thiab cov xeeb leej xeeb ntxwv yuav coob npaum cov hnub qub saum ntuj.

Tswv Ntuj cov lus no leej tshaj plaws,
-Vim Has Nplas Has thiab nws poj niam twb laus laus lawm los tseem xeeb tau ib tug tub thiab.
-Vim Has Nplas Has NTSEEG TSWV NTUJ thiab nws yeej paub tias Huab Tais Ntuj ua tau tas puas tsav yam.
-Ces twb laus laus lawm los tseem yug tau tus tub Is Xas Has.

Has Nplas Has hlub nws tus tub twm zeej heev, tab sis Tswv Ntuj hais li no rau nws:
"Has Nplas Has, coj koj tus tub twm zeej mus txi rau kuv".

Has Nplas Has tsis yig, tsis yws li, nws cia li coj tus me nyuam mus.

Thaum mus txog saum roob, Has Nplas Has twb yuav muab nws tus me nyuam tua txi Ntuj.
Ces Tswv Ntuj thiaj xa ib tug Tshiab tuaj hais rau nws tias:
"Tsis txhob ua phem rau me nyuam, koj yuav muab nws tua txi kuv, vim koj mloog kuv lus,
zaum no kuv yuav foom Hmoov Zoo rau koj.

Has Nplas Has thiaj tig mus saib tom qab naj cas muaj ib tug laug tshis kub khuam hauv hav pos, thiaj muab tus laug tshis los taj tus tub chaw txi Ntuj.

HAS NPLAS HAS YOG IB TUG QAUV ZOO RAU COV UAS NTSEEG TXOG TSWV NTUJ.

Tswv Ntuj puas rov los tis nws cov lus cog rau leej neeg?

Yog, thaj tsam 2000 xyoo ua ntej Yes Xus Pleev,
Tswv Ntuj tau xaiv ib tug neeg hu ua Has Nplas Has,
coj los ua nws haiv neeg leej txiv thiab tus Cawm Seej tus yawg koob.
Tswv Ntuj coj Has Nplas Has mus nyob rau lub lub teb chaws Kas Nas Has.

Tsev qhia Ntuj Kev Cai "PEB TXIV NYOB SAUM NTUJ" Itinzo10

Has Nplas Has txoj kev tsiv...

Tsev qhia Ntuj Kev Cai "PEB TXIV NYOB SAUM NTUJ" Uj11

**Maiv Tooj** 20th September 2020, 6:25 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°11

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 6:25 am

ZAJ 11

MAIS XES THIAB 10 LO LUS QHIA.

Tsev qhia Ntuj Kev Cai "PEB TXIV NYOB SAUM NTUJ" 55669010

Zoo li peb tau pom los,
Tswv Ntuj tau xaiv ib tse neeg rau nws, uas tus txiv yog tus tswj hwm, yog Has Nplas Has.

Ntau xyoo tom qab, tsev neeg Has Nplas Has tau txia ua ib haiv neeg coob heev, thiab tau poob cev qhev rau tus vaj Hais Nkws Tos.

Thaj tsam 1200 xyoo ua ntej Yes Xus yug los,
Tswv Ntuj tau xaiv Mas Xes
Kom tau coj nws haiv neeg tawm ntawm Hais Nkws Tos teb
thiab coj mus rau lub teb chaws uas NWS tau cog lus cia.

Tswv Ntuj haiv neeg hla Hiav Txwv Liab, los txog rau teb chaws suab puam thiab los so rau ntawm ib lub roob loj:

Lub roob Xis Nais.

Nyob qhov ntawd, Tswv Ntuj hu Mais Xes thiab hais lus rau nws, thiab Mais Xes nce mus saum roob ces Tswv Ntuj hais tias: "Yog koj ceev kuv cov lus cog tseg,
KUV yuav yog koj tus Huab Tais thiab nrj yuav yog kuv haiv neeg,
Qhov kuv thov koj,
Yog khaws kuv cov lus qhia.
CES TSWV NTUJ THIAB MUAB 10 LO LUS QHIA RAU NWS
sau rau saum ib daim phiaj zeb uas lawv hu ua:
COV PHIAJ LIJ CHOJ.

Tswv Ntuj kom nws muab tshaj qhia txhua txhia leej thiab kom hais tias:
Kawm kom tau
Khaw rawv cia rau nruab siab,
KUV YOG KOJ TUS HUAB TAIS

Li ntawd txij thaum Mais Xes los, txhais tias tau ntau txhiab xyoo los, tag nrho cov neeg nyiam Tswv Ntuj
paub nws cov los lus qhia.

Txij tam sim no mus, muaj Tswv Ntuj ntau los lus qhia uas nej yeej yuav to taub zoo.

Lo IB:
Koj yuav teev Huab Tais Ntuj ib leeg xwb, thiab koj yuav nyiam NWS tshaj puas tsav yam.

Yog mloog Tswv Ntuj lo lus no peb thiaj teev Ntuj.
Teev Ntuj, yog hais lus rau Tswv Ntuj; peb yuav tsum hais tsis tseg tias:
TSWV NTUJ, kuv hwm koj, kuv nyiam koj.

Lo lus PLAUB:
KOJ YUAV HWM KOJ NIAM KOJ TXIV.
Qhov nov txhais tias: Koj yuav ua zoo thiab saib koj niam koj txiv.
Tab txawm me nyuam yaus xwb los yuav tsum xyaum qhia me nyuam.

Qhov nov ces yog lwm cov los lus qhia:
-Koj tsis txhob tua neeg
-Koj tsis txhob ua tub sab tub nyiag.
-Koj tsis txhob dag rau luag tej.
-Koj yuav tswj koj lub siab dawb huv.

Koj yuav tswj koj lub siab dawb huv, qhov nov txhais tias tsis txhob lam tau lam hais tej lo lus loj loj, los yog saib tsis taus luag ua kom tsuas yus lub siab tsis huv.

Saib cov los lus Qhia ntawd ces paub tias Tswv Ntuj xav qhia kom peb yuav nyiam thiab hlub luag tej zoo li cas.
Cov LUS QHIA no lawv tseem hu ua "Txoj Cai lij choj", uas Tswv Ntuj muab rau Mais Xes zoo li ntawd tsis tau hloov dua lo thiab yuav nyob txog thaum ntiaj teb kawg.

UA KOM NTXIM TSWV NTUJ SIAB THIAJ TAU MUS SAUM NTUJ,
YUAV NYIAM TSWV NTUJ COV LUS QHIA.

Yuas TSWV NTUJ COV LUS QHIA:

-Koj yuav teev Huab Tais Ntuj ib leeg xwb, thiab koj yuav nyiam NWS tshaj puas tsav yam.
-Koj yuav hwm Huab Tais Ntuj lub npe.
-Koj yuav hwm Huab Tais Ntuj hnub.
-Koj yuav hwm koj niam koj txiv.
-Koj tsis txhob tua neeg.
-Koj tsis txhob ua phem (tswj koj lub siab kom huv).
-Koj tsis txhob ua tub sab tub nyiag.
-Koj tsis txhob dag.
-Koj tsis txhob tso koj lub siab xav tej yam phem (ntshaw tej yam tsis huv).
-Koj tsis txhob ntshaw luag tug yam tsis ncaj ncees.

**Maiv Tooj** 20th September 2020, 6:30 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°12

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 6:30 am

ZAJ 12

Tus Tshiab Nkas Nplias xa xov tuaj rau Mab Liab.

Tsev qhia Ntuj Kev Cai "PEB TXIV NYOB SAUM NTUJ" Ciric_10

Thaum As Das thiab Es Vas nkawd ua txhaum, Tswv Ntuj chim rau nkawd heev, tab sis Tswv Ntuj tseem muaj lub siab dawb yuav tso ib tug Cawm Seej los Daws leej neeg lub txim txhaum. NWS thiaj los tshoj coob tus Yaj Saub siab, kom pheej xeeb rau leej neeg, kom leej neeg npaj sab tos tus Huab Tais yuav nqes los.

Lub rau hli, Tswv Ntuj xa tus Tshiab Nkas Nplias mus cuag ib tug ntxhais hauv ib lub zos nyob Nkas Lis Lais. Lub zos ntawd hu ua Nas Xas Les. 27 Tus ntxhais ntawd, lawv muab qhaib rau ib tug txiv neej hu ua Yos Xes, xeem Das Vis. Hos tus ntxhais lub npe hu ua Mab
Liab. 28 Tus Tshiab chaws mus hauv Mab Liab tsev, nws hais rau Mab Liab tias :
"Koj nyob kaj lug, tus tau txiaj ntsim puv siab! "
Qhov nov txhais tau tias:
Koj tus ntsuj plig zoo thiab ntshiab huv, tau Ntuj txiaj ntsim puv npo.
Thaum Mab Liab teb tias:
"Kub yog Huab Tais ntxhais txib".
Qhov nov txhais tias:
Kuv zoo siab yuav ua raws li Tswv Ntuj nyiam.

Nej puas pom tias Nkauj Ntshiab Mab Liab mloog lus heev, nws hais AWJ tsis tawv kiag li.
Peb yuav tau nyiam nws, vim nws yog tus yug Yes Xus rau peb.
Thaum yus nyiam Tswv Ntuj tiag, yus yuav tau teb AWJ rau NWs ib txwd. Teb AWJ...Yog mloog lus!

Yog xav kom nej ua tau neeg mloog lus mas yuav tau thov Leej Ntshiab Mab Liab pab thov Ntuj pab nej.

Yuav nquag hais tus Tshiab Kas Nplias zaj teev Ntuj:

Koj nyob kaj lug Mab Liab,
Txiaj ntsim puv koj lub siab,
Huab Tais Ntuj nrog koj nyob,
Koj tau koob tau hmoov tshaj poj niam sawv daws tib si.

Peb hu Leej Ntshiab Mab Liab ua Tswv Ntuj Niam, vim nws yog Tswv Ntuj Leej Tub niam.

**Maiv Tooj** 20th September 2020, 6:35 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°13

Re: Tsev qhia Ntuj Kev Cai "PEB TXIV NYOB SAUM NTUJ"

Post Maiv Tooj 20th September 2020, 6:35 am

ZAJ 13

Tswv Ntuj Leej Tub Yug los

Tsev qhia Ntuj Kev Cai "PEB TXIV NYOB SAUM NTUJ" Mythe-10

Tom qab tus Tshiab Nkas Nplias tuaj xyuas Mab Liab tag. Mab Liab thiab Yos Xes nkawd yuav tsum mus sau npe rau lub kuj cuab Npes Les Hes.

Mus txog Mab Liab thiab Yos Xes nrhiav tsis tau tsev so, nkawd thiaj li mus so hauv ib lub qhov tsua uas lawv siv ua nkuaj nyug. Thaum ib tag hmo, YES XUS YUG LOS.

Hmo ntawd nyob Npes Les Hes, cov tub zov yaj zov lawv cov yaj. Lawv pom ib qho ci ci, cas yog Leej Txiv xa ib tug Tshiab tuaj cuag lawv. Lawv ntshai heev tab ss tus Tshiab hais rau lawv tias:

TXHOB NTSHAI, kuv tuaj tshaj ib lub Moo Zoo rau nej:
TUS CAWM SEEJ YUG LOS LAWM.
Yuav kom nej nrhiav tau mas nej mus xyuas tus me nyuam uas qhwv hauv ib daim khaub ncaws thiab pw hauv lub dab nyuj.

Ces tam sim ntawd muaj Tshiab coob coob tuaj txog, lawv hu nkauj suab ntas yeev: Tswv Ntuj nto koob meej!

Ces cov tub zov yaj sawv tsees mus.
Lawv tuaj txog ntawm lub nkuaj yug, lawv pom Yes Xus.
Lawv txhos caug hawm Yes Xus.
Vim Yes Xus yog Tswv Ntuj leej Tub.

Thaum tus Tshiab hais, cov tub zov yaj mloog thiab ua kiag li nws hais, lawv sawv kev kiag mus. Lawv zoo siab hlo mus xyuas tus Cawm Seej.
Tej zaud lawv yuav zoo siab hlo nqa tej yam tseem ceeb uas lawv muaj coj mus pub.

Thaum lawv tuaj txog, lawv txhos caug hawm Yes Xus thiab cev paj tshab rau.

Es koj ne, koj yuav muab paj tshab dab tsis rau Yes Xus?

Yog kawg, nej yuav muab tssi tau ib tug yaj li cov zov yaj muab rau Yes Xus, tab sis nej yuav qee nej lub siab me me rau nws. Xws li ua neeg mloog lus, hlub tej ib ncig ntawm nej, hais lus zoo thiab txhob thuam neeg. Tej yam no yuav ua rau Yes Xus zoo siab.

-Leej twg zov yaj ze ntawm thaj chaw Yes Xus yug?
-Hmo no muaj dab tsi tshwm sim?
-Yog tim li cas Yes Xus yug los ho yog ib lub Moo Zoo?
-Tim li cas cov tub zov yaj ho txhos caug hawm Yes Xus?
-Koj yuav muab paj tshab dab tsi los pub rau Yes Xus?

Yes Xus yug nyob qhov twg?

Yes Xus yug nyob Npes Les Hes,
ntawm lub kuj cuab Yos Las Das,
hauv ib lub nkuaj nyug txom nyem ntsuav.

Yog hnub twg uas peb ua Hmoov Yes Xus yug los?
Peb ua Hmoov rau Yes Xus Pleev Yug los rau hnub:

Tim 25 lub 12 hli xyoo 0.