Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Thaum Yes Xus Pleev yug los ua neeg muaj dab tsi tshwm sim.

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5252
    Date d'inscription : 2009-08-18

    Thaum Yes Xus Pleev yug los ua neeg muaj dab tsi tshwm sim.

    Post  Maiv Tooj on 1st October 2013, 9:45 am



    Thaum Yes Xus Pleev yug los ua neeg muaj dab tsi tshwm sim.




    Peb tus Huab Tais kev yug los ua neeg  yeej tau teev txij puag thaum Adas los, ib txhia tias tau 5228 xyoo los txog hnub Nws yug, ib txhia tias tau 6000 xyoo txij thaum Adas los txog rau Nws Yug. Hauv keeb kwm sau tseg los txog rau vaj txheeb Octavier mas yog 5199 xyoo.
    Yos Xes yog Das Vis caj ces, yuav mus Naj Xas Les rau Npes Les Hes, yam li Mab Liab twb txog txog caij yuav daws cev lawm; nws tsis paub tias mus thaum twg mam los ces nws thiaj coj Mab Liab nrog nws mus Npes Les Hes, nws tsis xav pub Tswv Ntuj qhov khoom tseem ceeb uas muab cob rau nws poob rau cov neeg nws uas tsis paub tes, lawv khib khib ces nws thiaj li saib xyuas nws ib leeg tsis pub leej twg kov. Yam li nws mus ze Npes Les Hes  (Raws li Tij Barthélémi  tau sau tseg hauv phau ntawv “Livre de l’Enfant” li nws hnov), Niam Mab Liab pom tsoom neeg ib txhia hom khaj zoo siab, ib txhia yuav muaj suab ntsaj: Ntuj ib tug Tshiab piav li no: “Cov neeg uas zoo siab hom khaj yog cov uas ib txwm tos rawv Tswv Ntuj uas Tswv Ntuj yuav foom hmoov zoo rau raws li Has Nplas Has cov roj ntsha; hos cov uas nyob hauv cov suab ntsaj, yog haiv Yus Das uas tsis lees paub tias Yes Xus yog tus uas Ntuj xav tuaj cawm ntiaj teb neeg, cov nov yuav tau txais li qhov ntxim nws .
    Mus txog Npes Les Hes,  vim nws pluag, thiab sawv daws los mus li nws mus thiab ces lawv pw cov tsev ntiav tag lawm, tsis muaj chaw rau nws; nws thiaj li lam so ntawm ib txoj kev neeg hla mus los, raws li ntawv sau tseg mas yog ntawm ib kis tsev, nruab nrab ob lub tsev uas lawv vov saud. Yog ib qho chaw uas neeg tuaj zaum tham ua si los yog nyob lam cua, nyob nkaum nag thaum ntuj tsis zoo. Ntshe yog Yos Xes ua lub dab zaub rau nws tus nyuj thiab tus luj, los yog raws li ib txhia hais mas yog cov neeg yaj sab tuaj kav kiab es lawv ua lub dab zaub rau lawv cov tsiaj, yog li no uas thiaj li hais tias yog lub nkuaj nyug. Hmo uas yog Tswv Ntuj Hnub, tus nkauj tsim txiaj muaj hmoo yug nws tus tub muab pw saum cov quav nyab hauv lub dab zaub; raws li keeb kwm sau tseg tias cov quav nyab ntawd Leej Ntshiab Es Les Nas (sainte Hélène) muab nqa los rau nroog Los Mas (Rome) lawm; vim tus nyuj thiab tus luj tsis kam noj.
    Muaj Hwj Huam yees ntxwv loj rau Yes Xus Pleev yug los zoo li rau tus uas xeeb Yes Xus, tus uas ua kom Yes Xus xeeb los ua neeg,  thiab lub caij cov tiam neeg thaum pib los txog hnub ntawd.
    I.Tus xeeb Yes Xus yog nkauj ntshiab ua ntej thiab ua qab xeeb tub; sawv daws nrhiav tau 5 yam pov thawj tias nws tseem yog nkauj xwb tab sis xeeb tub ua niam:
    1- Raws li cov yaj saub His Xas Lais (VII): « Nov yog ib tug nkauj xwb xeeb me nyuam yuav yug tau ib tug tub”.
    2- Raws li cov lus paj lug: “As Loos tus noov tawg paj yam neeg tsis tau kho thiab Es Xes Kias lub qho rooj ib txwm kaw”.
    3- Raws li tus uas zov (tu) Nkauj Ntshiab yog Yos Xes, tus uas ib txwm tu nws, ua taus tim khawv tias nws lub cev nkauj xwb tsis puas.
    4- Raws li tsam thawj. Tes Les Mis cov ntawv sau tseg thiab hauv phau ntawv haiv txog tus Cawm Seej lub neeg tseem ya, pom tias, thaum nws suab me nyuam, Yos Xes, yeej tsis muaj qhov tsis ntseeg tias Tswv Ntuj yuav yug tau hauv ib tug nkauj xwb, raws li kev cai nyob lub teb chaws ntawd, tau hu ob tug poj niam tuaj pab daws cev, ib tug npe hu ua Xes Npes (Zébel), ib tug hu ua Xas Los Mes (Salomé).  Xes Npes yeej tib zoo xyuas tag nrho, nws pom tau tias yeej tseem yog ib tug nkauj xwb tiag tiag li, nws qw tias : « Ib tug nkauj xwb yug tau me nyuam ! » Xas Los Mes tsis ntseeg kiag li, nws xav pom qhov pov thawj tseeb, li Xes Npes, nws cev tes mus saib, naj nws txhais tes cia li qhuav kiag tam sim ntawd. Thaum ntawd muaj ib tug tshiab, tshwm rau nws pom, kom nws kov tus me nyuam, ces nws txhais tes cia li rov qab zoo hlo tam sim ntawd.
    5- Raws li cov hwj huam tshwm sim uas Vaj Qhia Innocent III tau ua tim khawv tias, Nroog Los Mas tau nyob thaj yeeb tau 12 lub xyoo. Cov Los Mas uas hlob lub caij muaj kev thaj yeeb nyab xeeb tsa ib lub tsev teev hawm zoo nkauj heev rau ntawm taw mlom Romulus. Lawv nug Apollon seb kev thaj yeeb yuav nyob thaum twg thiaj teb lawv tias : « Txog thaum uas nkauj xwb xeeb tub. » Thaum hnov li ntawd, sawv daws thiaj hais zom zaws tias : « Ua li ces yuav nyob thaj yeeb mus li. » Lawv xav tias ntshe yuav muaj tsis tau li. Ces lawv thiaj li sau rau saum daim phiaj qhov rooj tias : « Tsev teev hawm thaj yeeb ib txhis. » Tab sis kiag hmo uas nkauj xwb yug me nyuam, lub tuam tsev teev hawm cia li vau, pob ti nkaus av, yog qhov chaw uas tam sim niaj hnub no lub tsev teev Ntuj Sainte-Marie-la-Nouvelle nyob.

    II.Yes Xus yug los ua hwj huam yees ntxwv loj rau tus xeeb nws.
    LN.Npes Naj hais li lawv hais tias tus nyob ib txhiab ib txhid, tus thaum ub thiab tus tshiab los nyob ua ke rau hauv tib tug neeg : Tus ib txhiab ib txhid yog lub hwj huam, tus thaum ub yog muab roj ntsha cev nqaij los ntawm As Das, qhov tshiab yog ib tug ntsuj plig tsim tshiab. Tus leej ntshiab no tseem hais ntxiv lwm yam ntxiv tias : « Tswv Ntuj ua muaj 3 qho sib xyaws thiab ua 3 qho hauj lwm, ua tau zoo tshaj plaws yam tsis tau ua dua los thiab yuav tsis muaj ib zaug ntxiv zoo li ntawd. Vim zaum no neeg thiab Tswv Ntuj sib cuag tau, ntawm ib leej niam thiab ib tug nkauj xwb, ntawm txoj kev ntseeg thiab neeg tus ntsuj plig. Thawj qhov kev sib cuag mas zoo tshaj plaws, vim dab phem thiab Tswv Ntuj, lub hwj chim thiab qaug qeb los sib ntsib ua ke. Qhov qes tshaj thiab siab tshaj ! Tsis muaj dab tsi yuav siab tshaj Tswv Ntuj, tsis muaj yam dab tsi yuav qes tshaj neeg.  Qhov ob mas kuj tsis yog tsis tshua zoo heev, vim yuav tsis muaj ib zaug hauv ntiaj teb no hnov hais tias ib tug poj niam yug me nyuam es yuav yog nkauj xwb, ib tug niam tsis yog nkauj xwb. Qhov kev sib cuag peb no mas yuav qes dua qhov ib thiab qhov ob; tab sis nws tsis yog tsis muaj nqes. Qhov zoo yog neeg tus ntsuj plig ntxiv txoj kev ntseeg rau ob yam, ua kom ntseeg tau tias Tswv Ntuj yug ua neeg thiab tus uas xeeb nws yog ib tug nkauj xwb . » (St.Bernard).

    III.Yes Xus Pleev yug los tau hwj huam yees ntxwv loj heev rau tus uas xeeb nws.
    Yam li kev xeeb tub no siab tshaj tej yam ntuj tsim hauv ntiaj teb, ua kom ib tug nkauj xwb xeeb tub; yog nyob qaum txoj cai, yog ua kom xeeb ib tug Tswv Ntuj; yog nyob qhov uas neeg ua tsis tau, vim tsis yog ua raws li tej niaj hnub ua, nws tsis mob plab yug me nyuam, vim Leej Ntuj Plig los xeeb: tus nkauj xwb tsis yog muaj roj ntsha los xeeb ua neeg, tab sis yog Leej Tswv Yim ntshiab tshuab pa uas yam neeg paub tsis txog. Leej Tswv Yim Ntshiab muab qhov ntshiab huv tshaj thiab qhov zoo tshaj hauv nkauj ntshiab cov roj ntsha coj los ua ib lub cev; ces Tswv Ntuj thiaj tshwm sim li no los raws li plaub hom uas Tswv Ntuj tsim neeg. Lub ntsiab lus uas LN.Anselme hais : « Tswv Ntuj tsim neeg plaub hom raws li nram no:
    1-tsis muaj poj niam los txiv neej li, zoo li nws tsim Adas thiab Es Vas ;
    2-ib tug txiv neej tsis muaj poj niam xws li tsim Es Vas ;
    3-poj niam thiab txiv neej xws li niaj hnub pom  no;
    4-ib tug poj niam tsis muaj txiv neej, zoo li tshwm sim los zaum no uas zoo tas nrho. »

    1-Thaum Yes Xus yug los, muaj ntau tus pej thuam Los Mas nyob ntau qhov chaw cia li vau tag.
    Nej nyeem ib qho ntawv hauv keeb kwm scholastique (ch. III, Tobie) : Thaum Nkaus Lias tuag, Yaj Saub Yes Les Mias los Hais Nkws Tos teb los, hais rau cov vaj ntxwv hauv lub teb chaws tias yog thaum twg tus nkauj xwb xeeb tub mas lawv cov mlom cuav vau tag. Yog tim li ntawd cov Leej Choj thiaj li teev daim duab ib tug mlom poj niam nkauj xwb puag ib tug me nyuam saum hauv caug  zais ntshis hauv tsev teev hawm. Tus vaj Pes Tos Les Mes (Ptolémée) nug lawv tias yog txhais li cas: Lawv teb tias yog ib qho kev cai poj yawm txwv koob, uas ib tug yaj saub ntshiab tau qhia rau lawv, thiab hais tias ib hnub twg mas yuav muaj li ntawd. » Zoo li hmo uas Tswv Ntuj yug los, hmo ntuj hmo teb nti cia li hloov ci ntsa cuag nruab hnub. Nyob hauv nroog Los Mas (Orose, liv.VI, ch. XX, et Innocent III, IIe sermon de Noël, l’attestent), muaj ib tug ciav dej, cov dej ntws ntawm ciav dej cia li hloov ua roj ntws laub lug mus tshuam tus dej Tij Nplawm (Tibre), qhov chaw uas roj txhawv  yog qhov zaum no yog lub tseev teev Ntuj Sainte-Marie au delà du Tibre. Tus Poj Saub tau hais tseg tias thaum twg roj txhawv, tus Cawm Seej yuav yug los. Cov Kws Hnub Qub, tab tom teev Ntuj saum ib lub roob, muaj ib lub hnub qub tawm rau ntawm lawv xub ntiag, zoo nkaus li ib tug me nyuam pham pham, nyob saum taub hau, muaj ib tug ntoo cuam ci ntsa iab. Lub hnub qub hais rau cov kws Hnub Qub, kom lawv mus rau Yus Das teb, ces lawv yuav pom tus me nyuam uas nyuam qhuav yug los. Hnub ntawd cov Kws Hnub Qub pom 3 lub hnub tuaj rau sab teb chaws uas Yes Xus yug los, tshwm 3 lub hnub, cov hnub txav los ua tib lub lawm xwb. Yog ib lub cim tias 3 tug Tswv Ntuj 3 leeg koom ua ib tug Huab Tais yuav nto moo rau lub ntiaj teb, los ho yog txhais tias tus nyuam qhuav yug los muaj 3 yam rau nws tib leeg xws li ntsuj plig, cev nqaij thiab hwj huam. Tab txawm nyeem hauv keeb kwm scholastique (ch. XVI, Machab.), tias tsis yog hnub uas tus Cawm Seej yug los xwb uas muaj 3 lub hnub tawm, nws twb muaj tau ib nyuag ntu ua ntej, yog yuav paub mas yog tom qab vaj txheeb Zus Laws Xes Ntxas (Jules César). Tswv Qhia Eusèbe (xyoo 265 rau 30 /05/ 339) hais tseeb hauv nws cov ntawv sau tseg (Vaj Qhia Innocent III) hais tias Vaj txheeb Octave, ua vaj txheeb Los Mas kav tag tag ib ceg ntiaj teb, muaj hwj huam heev, tseem hwv hauv Sénat nyiam nws heev, lawv xav muab nws teev ua ib tug tswv ntuj. Tab sis Aus Nkwv (Auguste), yog ib tug neeg xyuam xim, nws thoob tsib li ib tug txiv neej yawg tiag, nws tsis kam lawv teev ib tug txawj tuag ua tswv ntuj. Thaum lawv sab laj tag hauv tsev tswj hwm, nws thiaj li mus nug ib tug poj saub kom qhia nws paub, seb nyob hauv lub ntiaj teb uas neeg txawj tuag no puas muaj ib hnub tom ntej yuav muaj ib tug loj tshaj nws yug los. Hnub ntawd ces txawm yog hnub uas Yes Xus Pleev yug los es tej xwm ntawd thiaj tshwm,  poj saub thiab vaj txheeb ob leeg nyob ua ke hauv nws lub paim (kem txaj) hauv lub vaj loog huab tais, poj saub thiaj hais rau vaj txheeb tib leeg tias : « Hnub no thaum tav su, ib lub yeem kub ncig lub hnub, nyob hauv lub yeem tshwm ib tug nkauj xwb zoo nkauj tas nrho, puag ib tug me nyuam ntawm nws hauv caug. » Poj saub ua mem mog qus lawm, nws hais cov lus no rau vaj txheeb Xes Ntxas; nws hnov ib lub suab hais rau nw stias : « Tus nov yog lub thaj txiv ntuj saum ntuj. » thiab poj saub hais rau nws tias : « Tus me nyuam no loj tshaj koj, koj yuav tau hawm nws.» Ces thiaj muab lub vaj loog nov muab txi rau Niam Mab Liab, thiab zaum no yog thaj chaw lub tsev teev Ntuj Niam mab Liab thaj txi ntuj (Sainte-Marie de l’ara coeli.) Vaj txheeb to taub tias tus me nyuam no loj tshaj nws, nws hlawv xyab hawm thiab nws thiaj tseg qhov uas kom lawv hu nws ua tswv ntuj.
    Qhov nov yog raws li Orose tham txog zaj no : « Thaum lub sij hawm Octave ua vaj, thaj tsam li 3 teev tav su dua, tshav ntuj nrig, lub ntuj ntsuab xiab, muaj ib lub yeem zoo li zaj sawv ncig lub hnub, zoo li yog tus uas tsim thiab nws tib leeg yog tus kav lub hnub thiab lub qab ntuj khwb tag nrho.» Eutrope kuj hais tib yam. Timothée, ib tug kws Liv Xwm, sau tias nws pom nyob hauv Ntawv Liv Xwm Los Mas tias thaum Octave ua vaj xyoo XXXV,  Octave nce mus ntawm lawv qhov chaw teev dab, Capitole, nws nug cov dab lawv teev tias leej twg yuav yog tus kav lub teb chaws yog dua tas nws, ces nws cia li hnov ib lub suab hais rau nws tias : « Yog tus me nyuam nyob saum ntuj, Tswv Ntuj Leej Tub nyob mus li, tsis ntev saum no nws yuav yug ntawm ib tug nkauj xwb dawb huv, yog Tswv Ntuj thiab neeg tsis los txhaum. » Hnov li ntawd, Octave thiaj li tsa ib lub thaj txiv ntuj rau qhov chaw ntawd, nws sau ntawv lo rau tias : « Tswv Ntuj tus tub nyob mus li lub thaj txi ntuj. »

    2-Tsim tau Yes Xus los no zoo li yam ntuj tsim muaj sia ib yam li cov xyoob ntoo Barthélemi, hais sau tseg tias hmo ntawd cov vaj txiv cawv nyob thaj tsam Aas Nkas Dis (Engadi), muaj ib cov pa tsw tsw qab,  cia li tawg paj thiab txi txiv, thiab lawv muab de ua tau ib co cawv qab heev.

    3-  Tsim tau Yes Xus ua ib tug neeg, muaj sia thiab muaj siab muaj ntsws txawj xav li ib tug tsiaj. Yog Xes coj Mab Liab nrog nws mus Npes Les Hes, nws cab ib tug nyuj ntshe yog coj mus muag kom tau nyiaj them se rau nws poj niam yuav daws cev thiab tau siv taug kev, cab ib tug luj ntshe yog cab rau Nkauj Ntshiab caij. Yog ib qho hwj huam yees ntxwv uas tus nyuj thiab tus luj paub Tswv Ntuj yug los, thiaj li kem caug hawm. Raws li Aws Xes sau tseg hauv nws phau ntawv Liv Xwm, ob peb hnub ua ntej Yes Xus Pleev yuav yug los, cov nyuj cab khais laij teb hais rau cov tswv teb tias : « neeg yuav tsawg, cov qoob loo yuav tau zoo kav xyeem. »

    4- Tsim tau Yes Xus raws li ntuj tsim ib tug neeg ciaj, muaj  sia, txawj xav, ncaj ncees zoo li ib tug neeg, li tus tswv zov yaj. Yam li thaum lub caij no, cov zov yaj zov lawv cov yaj hmo ntuj raws li txoj cai ua ib xyoos ua ob zaug, zoo li yog hmo uas luv tshaj thiab hmo ua ntev tshaj. Txheej thaum ub, txhua zaus uas lub hnub luv tshaj thiab lub hnub ntev tshaj xws li thaum hnub ntev tshaj yog hnub hmoov LN.Zam Ntxhuav Plig (24 lub 6 hli), thiab hmo ntev tshaj yog hmo ua Leej Pleev Yug los, yog ib txoj kev cai uas cov neeg teev dab los yog cov uas tsis yog neeg His Xas Lais mas lawv nyob zov hmo ib hmos kaj ntug hawm txog lub hnub, txoj kev cai no cov Yus Das kuj ua thiab, ntshe yog cov neeg pej kum mus nrog lawv nyob es ua. Tswv Ntuj tus tshiab tshwm los tshaj tus Cawm Seej lub moo yug los thiab qhia ib lub cim kom lawv mus nrhiav tau. Muaj ntau leej pom tus tshiab no thiab hais tias nws hais li no : « Nyob pem Ntuj Tswv Ntuj nto meej nto moo, thc. » Ces cov zov yaj mus saib thiaj pom li tus tshiab hais tiag. Orose tau ua tim khawv hais tias Tswv Ntuj tus tshiab tau tshwm sim rau vaj txheeb Xes Ntxaws-Aus Nkws (César-Auguste), txwv tsis pub kom ib tug neeg hu nws ua tswv ntuj. Ntshe yog thaum nws pom zaj sawv ncig lub hnub, ua rau kom nws rov nco txog lub tuam tsev teev Ntuj vau ntsoog tas ti nkaus av, tus ciav dej txhawv roj ntws lug ua rau nws paub tias tus loj tshaj nws uas yuav tau lub npe nto koob meej yug los ua neeg hauv ntiaj teb no lawm, nws thiaj tsis kheev lawv thiab nws tus kheej rov hu nws ua tswv ntuj los yog huab tais lawm.  Tseem muaj tej qhov ntawv sau tseg tias thaum ze ze lub caij Tswv Ntuj yuav yug, Octave kho cov kev loj thoob plaws cov teb chaws uas Los Mas kav thiab muab cov nqe uas cov pej xeem tshuav Los Mas nqe xuam tag nrho tseg tsis kom lawv them. Tseem hais ntxiv tias tib hmos ntawd, tus tshiab tau tshwm sim rau cov txiv neej uas ua plees ua yi tsis huv xws li txiv neej deev txiv neej, muab lawv rhuav tag nrho hmo ntawd. Yam li LN. Zes Los (Jérome) hais tias : Ib qho pom kev ci ntsa iab tawm tuaj, nws loj tshaj plaws ua rau cov neeg lwj liam tsis ua raws li ntuj tsim tuag tag nrho; yog Leej Plees ua tus muab lawv rho kom nkoj cag, kom tsis txhob seem ib yam tsis huv rau tib neeg rau hnub uas nws yug los ua neeg hnub no. Vim LN.Aus Nkws Xes Tees (Augustin) hais tias Tswv Ntuj twb tsis npaj tias thaum nws yug los ua neeg ntshe yuav pom neeg ua tej yam qias thiab liam, tsis raws li ntuj tsim.

    5-Tsim tau Yes Xus ciaj, muaj sia, txawj xav, ncaj ncees thiab txawj ntse, zoo li ib tug tshiab. Yam li cov tshiab tau tuaj tshaj Yes Xus Pleev lub moo yug rau cov zov yaj li tau hais los saud.  Thiab nws kev yug los no yeej tib zoo nthuav qhov tseem ceeb raws li :

    1° Yes Xus Pleev yug los ua rau dab phem ntxhov siab ; vim txij no mus tus yeeb ncuab puaj txwm yuav siv peb tsis tau li qub lawm. Nyeem hauv LN.Wj Nkaws (Hugues, abbé de Cluny), hais tias muaj ib zaug ua ntej hmo uas yuav ua Hmoov Tswv Ntuj yuav Yug los, pom nkauj ntshiab puag nws tus tub ntawm nws xub ntiag : « Nws hais tias, hnub no ntag uas yog cov yaj saub cov lus thaum ub. Zaum no tus yeeb ncuab uas thaum ub yog tus tswj neeg dua twg lawm ? »  Thaum hnov cov lus no, dab phem tawm hauv av los chib nkauj tsim txiaj cov lus, tab sis tus poob siab nws rov dag nws tus kheej, vim nws khiav nkag thoob cov kwv tij txhua kem tsev, tus neeg ntseeg Ntuj muab nws thawb poob lub sam thiaj hais lus, muab cov ntawv nyeem tsem hauv tsev noj mov, muab daim pam nqe pheej yig tshem hauv chav pw, thiab muab lub siab ntev tshem hauv kem tsev sab laj. LN.Pob Zeb uas yog tus Txiv Plig nyob Cluny tseem sau ntxiv tias, ib zaug ua ntej hmo Hmoov Yes Xus Yug los, nkauj ntshiab puag nws tus tub thiab tab tom tawb me nyuam tshwm rau nws pom thiab hais tias : «Niam, koj puas paub tias zoo siab tshaj, hnub no Koom Ntxoos Kev Ntseeg ua Hmoov nco txog kuv hnub yug, ua li zaum no dab phem lub zog yuav nyob qhov twg ? Nws yuav hais thiab ua tau li cas? » Ces zoo nkaus li tus dab txawm tawm hauv av los thiab hais tias : « Yog  kuv nkag tsis tau rau hauv tsev teev Ntuj uas lawv tab tom cav txog koj lub koob meej, ces kuv nkag mus hauv kem tsev sab laj, hauv chav pw thiab hauv chav noj mov. » Ces nws txawm siv mus nkag lub qhov rooj chav sab laj me me tsis txaus nws tug niag loj loj nkag, lub qhov rooj chav pw qes qes tsis txaus nws tus niag siab siab nkag, lub qhov rooj chav noj mov muaj cov neeg siab dawb txoj kev zoo ua laj kab thaiv, qhov xav xav mloog nyeem ntawv, qhov ntshaw noj ntshaw haus, ces nws cia li vau hlo ua nwg feeb tsis meej.

    2° Yes Xus Pleev yug los zam txhaum.
    Nyeem ib qho piv txwv nyob hauv ib phau ntawv tias ib tug poj niam phem rov ua neeg zoo, txhawj rau qhov luag yuav zam rau nws ; vim nws xav txog thaum lub caij txiav txim, nws pom tias nws txhaum, xav txog dab phem teb, nws xav tias tsim nyog nws mus them txim lawm, xav txog saum ntuj mas nws xav tias ntshe nws tsis yog neeg lawm, ntsia txoj kev them txim, nws ntsia li nws tsis huv; tab sis yog xav txog Yes Xus thaum me nyuam yaus thiab txog qhov uas ntxias tau me nyuam kaj siab yooj yim, nws nyiam Leej Pleev thaum me nyuam yaus, ces tsim nyog hnov nws lub suab plij nws txoj kev zam txhaum.

    3° Yes Xus Pleev yug los kho cov neeg tuag tes tuag taw.
    Zoo li LN.Npev Naj (St.Bernard) hais : « Leej neeg muaj 3 tug mob, thaum pib, thaum nruab nrab thiab thaum kawg : xws li, yug los, lub neej thiab kev tuag. Yug los tsis huv, lub neej siab hlob ua rau luag txom nyem thiab txoj kev tuag plhom sij. Yes Xus Pleev nqa hauv tshuaj kho 3 tug mob no los. Nws yug, ua neej thiab tuag. Nws kev yug los daws peb lub txim txhaum, ntxuav peb kom dawb huv, nws lub neej ua ib rab twj rau peb, thiab nws txoj kev tuag tshem peb txoj kev tuag.”’St.Bernard).

    4° Yes Xus Pleev yug los kho peb txoj kev khav theeb.
    Tus hais kom LN.Aus Nkws (Saint Auguste) hais tias Tswv Ntuj Leej Tub yug los qhia kom neeg sib hlub, nws ua qauv rau peb, yog ib lub cim thiab ib hauv tshuaj: yog ib qho piv txwv yuav tsum xyaum, yog ib lub cim uas txiav txoj xov khi ntawm peb lub txim txhaum tu, thiab yog ib hau tshuaj kho peb lub rwj khav theeb ncus nco (Saint Auguste). Yog Yes Xus Pleev txoj kev hlub neeg kho thawj tug neeg qhov kev khav theeb. Tseem niaj hnub pom tias tus Cawm Seej txoj kev hlub neeg dhos rau tus neeg ntxeev siab qhov kev khav theeb, vim kev khav theeb ntawm thawj tus neeg yog  ua rau Tswv Ntuj, ua txog ntua Tswv Ntuj thiab dhau plaws Tswv Ntuj.  Nws ua rau Tswv Ntuj, vim nws nam qees mus noj tsob ntoo paub tab qhov zoo thiab qhov phem; nws ua txog ntua Tswv Ntuj, vim nws ntshaw kom mus txog ntua lub hwj huam, uas ntseeg li dab phem hais: “Neb yuav zoo li cov tswv ntuj;” nws tseem siab tshaj Tswv Ntuj, raws li LN. Anselme hais, nkawd xav tau qhov uas Tswv Ntuj tsis xav kom neeg tau; nws muab nws txoj kev ntshaw tso siab tshaj qhov uas Tswv Ntuj xav tau, raws li LN. Jean Damascène hais, tab sis Tswv Ntuj Leej Tub txoj kev hlub kev nyiam neeg, tsis yog tawm tsam neeg, mus txog ntua neeg, siab tshaj neeg:

    Rau tib neeg, yog ib qho muaj nqes rau lawv siv thiab lub txiaj ntsim pab lawv; mus txog ntua rau neeg, thiaj yug los zoo nkaus li lawv; tshaj saum yog yug los tsis zoo li lawv. Vim nws yug los muaj qhov zoo li peb; yam li nws yug ntawm ib tug poj niam los raws li txhua yam tshwm sim, qhov txawv peb mas yog nws xeeb ntawm tug nkauj xwb Mab Liab thiab Leej Ntuj Plig los.

    Txhais los ntawm phau ntawv "dab neeg nyiaj kub"

    "LA LÉGENDE DORÉE "
    NATIVITÉ DE N.-S. JÉSUS-CHRIST








      Current date/time is 28th May 2017, 9:23 am